Святое Евангелие (эрзянь)/В/Лукань/00

←

Маркань сёрмадовт Евангелія.

Святое Евангеліе (1910)

Лукань сёрмадовт Евангелія, весе глават.

Іоаннонь сёрмадовт Евангелія.

→

162346Святое Евангеліе — Лукань сёрмадовт Евангелія, весе глават.1910

[ 137 ]

Лукань сёрмадовт Евангелія.

Глава 1.

¹Кода ламо ломать кармасть сёрмадомо не тевтнеде, конатнень минек ютксто эрьва-ки содасынзе, ²кода сынст ёвтнизь миненек эсь сельмесэст неицятне, да Валстень служицятне, ³сестэ монь-гак превезэнь сась сёрмадомс тенть, шнамо ломанем Ѳеофил, весемень рядс, мезе мондень икеле ульнесь, сень-гак парьсте содазь. ⁴Сёрмадан тенть секс, штобу тон парьсте содавлек, мезес васня тонавтозь ульнить.

⁵Іудеянь Ирод инязоронь пиҥгстэ Авіянь черётсо ульнесь Захарія лемсэ поп, сонзэ низэ ульнесь Аарононь родсто, лемзэ сонзэ Елизаветаль. ⁶Сынь кавонест ульнесть Паз икеле видеть ломать, эрясть Пазонь закононь кувалт, да Сонзэ заповетьнень кулсонозь. ⁷Сынст арасельть эйкакшост, Елизавета ульнесь ашачниця, а сыньсь кавонест уш сыретельть. ⁸Весть, кода Захарія служась эсь рядсонзо Паз икеле, ⁹попнень койсэ сатотсь тензэ совамс Пазонь церькува потс кадямо. ¹⁰Сонзэ кадямо шкастонть ламо ломать озность ушосо. ¹¹Сестэ неявсь [ 138 ]тензэ Пазонь ангел, кона аштесь кадямо жертвенниксть вить пеле. ¹²Сонзэ неезь, Захарія тандадозевсь, да срасть сонзэ саизе. ¹³Ангелсь мерьсь тензэ: иля пельть, Захарія: марявсь тонть осксот: тонть нить Елизавета шачты тенть цёра, лем тензэ путат Іоанн. ¹⁴Ули тенть эргелима да весёлгалима: ліят-как ламо сонзэ шачмозонзо эргедить. ¹⁵Ведь сон ули покш Паз икеле, а карми симме а винадо, а сикерадо, аванзо потсо оштё пешкеди Святой Духто. ¹⁶Сон ломанень цёратнень ютксто ламотьнень эсь Нишке Пазост ёнов мурдавцынзе. ¹⁷Сы сон Сонзэ икеле Иліянь оймесэ, да війсэ, штобу Пазосьтень анокстамс парт ломать, тетятьнень седеест велявтсынзе эйкакшост ёнов, акулсоныцятненень максы паро ломанень превть. ¹⁸Захарія мерьсь ангелстень: мезень кувалт мон тень содаса? Ведь монсь сыреян, нинь-гак ламо іензэ. ¹⁹Ангелсь мерьсь каршонзо: мон Пазонть икеле аштиця Гавріилан, кучозян тонть маро кортамо, тонеть те паро кулянть ёвтамо. ²⁰Вана тон секс, мейс эзить кемть монь эсь шкастост топодиця валтнэнень, кармат чатьменьме, а кармат кортавмо се шкастень, знярдо весе те топоди. ²¹А народсь учось Захаріянь эснэ, да дивась, мейс сон куватьс майси церькувасонть. ²²А сон, тосто лисезь, эзь кортавт уш ломатьне маро. Сынь чаркотсть, што сонензэ церькувасонть неявмо ульнесь. Сон, невтлезь, кортась марост да ліятьсь истяк акортавицякс. ²³Кода прядовсть сонзэ служамо чинзэ, сон мурдась эсь кудозонзо.

²⁴Не читьнеде мейле пекіясь сонзэ низэ [ 139 ]Елизавета, да вете ковт салава кирьдсь да кортась: ²⁵неть читьнестэ Пазось истя тейсь монень, конатьнестэ вачтась лаҥгозон, штобу саемс лаҥгстон ломанень пеедьматьнень.

²⁶Котоце ковсто Ангел Гавріил кучозь ульнесь Пазонь пельде Назарет лемсэ Галилеень ошос, ²⁷тейтерьнень, коната чіязель Давидэнь родонь Іосиф лемсэ ломаньнень. Тейтерьсть лемзэ Марія. ²⁸Тензэ совазь, Ангелсь мерьсь: эрьгеть Благодатной, тонть маро Паз! Тон весе аватьнень ютксто баславазят. ²⁹Марія, сонзэ неезь, тандадозевсь валдонзо да арцесь: мезе ули те шумбракшнимась? ³⁰Ангелсь мерьсь тензэ: иля пельть, Марія: тон муить благодать Пазоньть пельде. ³¹Вана тон пекіят да шачтат цёра, лем Тензэ путат Іисус. ³²Сон ули покш. Вере Пазонь Цёра кармить Тензэ мерьме. Нишке Пазось макссазо Тензэ тетянзо престолонзо. ³³Сон Іаковонь кудонзо лаҥгсо пиҥгень пиҥгс инязорокс ули; Сонзэ инязорокс чинзэ пезэ а ули. ³⁴Марія мерьсь Ангелстень: кода те истя ули, кода мон мирьде а содан? ³⁵Ангелсь мерьсь каршозонзо: Святой Духсь валги лаҥгозот, да весемеде Вереценть віезэ вельтятанзат. Секс пельдеть шачозесь-как Святой ули. Кармить Тензэ Пазонь Цёра мерьме. ³⁶Вана, тонть раськеть Елизавета-як, кона васьня а шачниця ульнесь, ней котоце ков, кода сон-гак сыре чисэнзэ пекіясь. ³⁷Ведь Пазонь кодамо-як валзо апак топоть а ліядкшны. ³⁸Сестэ Марія мерьсь: мон Пазонь кулсоныцяян, улезэ тень тонть валот кувалма. Теде мейле Ангел тусь вакстонзо.

[ 140 ] ³⁹Сеть читьнестэ стясь Марія да капшазь тусь пандо лаҥгонь масторс, Іудань ошос. ⁴⁰Совась Захаріянь кудос да шумбракшнось Елизавета маро. ⁴¹Кодак Елизавета маризе Маріянь шумбракшнуманть, кармась налкамо потсонзо эйкакшозо: Елизаветась пешкедсь Святой Духто ⁴²да, покш вайгельсэ, мерьсь: тон весе аватьнень ютксто баславазят, тонть пеке потсо кандумат-как баславазь. ⁴³Косто истя те монень ульсь: сась тень монсинь Пазонть Авазо? ⁴⁴Кодак пачкодсь монь пилезэнь тонть шумбракшнума вайгелеть, пеке потсон эйкакшом, эрьгедезь, кармась налкамо. ⁴⁵Таланов кемицясь: Ведь Пазонь пельде тензэ ёвтазесь топоди. ⁴⁶Марія мерьсь: оймем Пазонть эснэ шны, ⁴⁷седеем-гак моньсинь Идиця Пазонть кис эрьгедсь. ⁴⁸Ведь Сон вачтась эсь ломанензэ сэтьме чинзэ лаҥгс. Ведь теде мейле кармить монь шнамон весе ломатьне. ⁴⁹Ведь Віевсь монень покш чи тейсь, Сонзэ лемзэ — Святой. ⁵⁰Сонзэ милостезэ Эстэдензэ пелицятненень племадо племас моли. ⁵¹Сон эсь инязорокс чинзэ эсь кедь війзэнзэ теизе; Эсь пачкаст пряст покшокс теиця седейтьнень стравлинзе. ⁵²Віевтьнень престолост лаҥгсто каинзе; сэтьметьнень — кепединзе. ⁵³Вачотьнень, народо пештинзе, а пряст сюпавкс теицятнень амезефтеме нолдынзе. ⁵⁴Милостеньть, ⁵⁵конадо Сон кортакшнось минек тетятненень: Авраамнэнь, да весе сондензэ шачозетьненень пиҥгень—пиҥгс ульме, (ней) мелезэнзэ ледьстизе да эсь Израилень эйкакшонзо эстензэ мекев примизе. ⁵⁶Марія эрясь маронзо колмо ковшка да мурдась эсь кудозонзо. ⁵⁷Елизаветань сась шачтамо шказо да [ 141 ]шачтась цёра. ⁵⁸Кода марясть раськензэ да перьканзо эрицятне, кода Пазось покшолгавтызе тензэ милостезэ, радувакшность маронзо. ⁵⁹Кавксоце чистэ састь эйкакшонть керявтомонзо да арсекшнэсть тензэ тетянзо лементь, Захарія, путомс. ⁶⁰Авазо тень каршо мерьсь: арась; сонзэ лемзэ улезэ Іоанн. ⁶¹Сонензэ мерьсть: тонть раськесэть-как кіяк арась, конань бу истямо лемезэ улевель. ⁶²Невтлезь, кевстизь тетянзо, сон кодамо лем максоволь бу тензэ. ⁶³Сон вейш лазнэ да сёрмадсь: сонзэ лемзэ Іоанн. Весе дивасть. ⁶⁴Сеске панжтотсь сонзэ кургозо, келезэ да, Пазоньть шназь, кармась кортамо. ⁶⁵Весе перькаст эрицятнень саинзе срасть да ёвтлесть теде весе Іудеянь пандо лаҥгонь масторсть келес. ⁶⁶Весе марицятьне, тень седеезэст путозь, кортасть: мезе ули те эйкакшось? Пазонть кедезэ-як ульнесь маронзо. ⁶⁷Сонзэ тетязо Захарія пешкедсь Святой Духто да пророчась, мерезь: ⁶⁸Израилень Нишке Пазось баславась, — Сон вачиньзе Эсь ломанензэ да тейсь тенст идямо. ⁶⁹Давид цёранзо кудос идимань сюровт^[1] стявсь, ⁷⁰кода Соньсь ёвтась икеле улезь Святойть Пророкнэнь вельде, ⁷¹што Сон идисамизь минек душмандонок да весе анеицянок кедьстэ. ⁷²Теи милость минек тетятьненень, мелезэнзэ ледьстясазо сонсинзэ святой кортамонзо, ⁷³да божамонзо, конайсэ Авраам тетянок туртов божась: максомс миненек, ⁷⁴душмандонок кедьстэ идимадонок мейле, апак пельть ⁷⁵весе эрямонок перьк служамо Тензэ видьстэ да парьсте. ⁷⁶Тон-гак, [ 142 ]эйкакшось, весемеде Вереценть пророк улят: ведь сат тон Пазость шачонзо икеле, Сонензэ кинь анокстамо, ⁷⁷да ломатьненень чаркодьмань максомо, што сынь пежетест кадозь идевить. ⁷⁸Минек Пазость паро потмонзо да милостливой седеензэ кувалт сась тенек верьде валдо ⁷⁹чопуда таркасо да куломонь сулейсэ аштицятьнень валдомтомо, да минекь пильгенекь сэтьме ки лаҥкс ававтомо. ⁸⁰Эйкакшось кайсь да оймсэнзэ кемекстась. Израиль юткс лисьме чизэнзэ эрясь Сон чаво паксясо.

↑ рога.

Глава 2.

¹Сеть читьнестэ кесарь Август мерьсь весе мастор лаҥгсо эрицятнэнь сёрмадстомодо. ²Те сёрмадстумась ульнесь первой, кода Квиринія кармась Сиріянь кирьдеме. ³Сестэ весе мольсть сёрмадстомо, эрьва ки эсь ошозонзо. ⁴Мольсь истяжо сёрмадстомо Іосиф-как Галилеясто, Назарет ошсто, Іудеяс, Виѳлеем лемсэ Давидэнь ошос, — сон шачмодо ульнесь Давидэнь кудонь, родонь; ⁵(сон мольсь) тензэ чіязь Марія нинзэ марто, кона се шкане ульнесь пешксесэ. ⁶Сынст тосо ульме шкане топодсьть сонзэ шачтамо чинзэ, ⁷да шачтызе васень Эйкакшонзо; тапаризе сонзэ тетькеме потс да лувс путызе: сынст ведь кудос совамо таркаст арасель. ⁸Секе ёно паксясо ульнесть пастухт, конат стадаст вакснэ веньберк апак удок ванцть. ⁹Друк появась икелест Пазонь Ангел да Пазонть славазо валдомтынзе сынст. Сынь пек тандадсьть. ¹⁰Ангелсь мерьсь тенст: илядо пель: мон ёвтан теҥк покш [ 143 ]эрьгедьма,^[1] коната ули весе ломатьненень: ¹¹шечо Давидэнь ошнэ шачьсь теҥк Идиця, кона ули Христос Пазось. ¹²Вана кода содасыҥк Сонзэ: тынь муйдядо тетькеме потсо лувсо мадезь аштиця Эйкакш. ¹³Друк се Ангелсть маро неявсть ламо менелень воинстват, конатне шнасть Пазонть эйсэ да моравсть: ¹⁴шнамо вере Пазостень, мастор лаҥгсонть сэтьме чи, ломатьнень эйсэ паро мельзэ! ¹⁵Кода Ангелтнэ тусьть вакстост менельс, пастух ломатьне мерьсть вейкест-вейкест туртов: мольдянок Виѳлеемс — вансынекь, мезе тосо теевсь, мезьде тенекь ёвтась Пазось. ¹⁶Сынь капшазь мольсть тозо да муизь Маріянь, Іосифень да лувсо мадезь аштиця Эйкакшонть. ¹⁷Неезь, сынь ёвтлизь тенст, мезе тенст ёвтазь ульнесь те Эйкакшодонть. ¹⁸Весе марицятьне дивасть пастухнэнь ёвтлиматьненень. ¹⁹А Марія весе не валтнэнь, седеезэнзэ саезь, мельсэнзэ кирьдсь.

²⁰Пастухнэ мекев мурдасьть, весемень кис Пазонть шназь, мезе нейсть да мезе марясть, кода тенст ёвтазь ульнесь. ²¹Кавксо чинь ютазь, кода сась Сонзэ керявтума шказо, путьсть Тензэ лем Іисус, конань максызе Тензэ Ангел пеке потсо ульмадонзо икеле оштё.

²²Кода топодьсть Моисеень законсо путозь ванськадмань читьне, кандызь Сонзэ Іерусалимс Пазонть икелев путомс, ²³кода Пазонь законсонть сёрмадозель: эрьва васень шачицясь, улиньдеряй сон цёра эйкакш, Пазонь лемс алтазь улезэ. [ 144 ] ²⁴Эйкакшонть кис кандомс эрявиль озксокс кавто вирь гулькат^[2] или кавто гулька левкст, кода сёрмадозель Пазонь законсонть.

²⁵Се шкане Іерусалимсэ ульнесь Симеон лемсэ ломань. Сон ульнесь ломансь виде да паро. Сон учось Израилень эрьгедьманть. Сонзэ эснэ Святой Дух-как ульнесь. ²⁶Сонензэ Святой Духонь пельде ульнесь ёвтазь, што сон а неи куломодо се шкас, знярдо нейсазо Пазонь Христозонть. ²⁷Кода Эйкакшонть тетязо, авазо, закононь кувалт теймань кис, кандызь церькувас, сон-гак Святой Духонь ёвтамонь кувалт сась тозо. ²⁸Саизе Сонзэ кедензэ лаҥгс да, Пазоньть шназь, мерьсь: ²⁹Пазом! Тон ней эсь валот кувалт сэтьстэ монь нолдасамак. ³⁰Ведь монь сельмень неизь Тонть (ломатьнень) идиманть, ³¹конань Тон анокстык весе ломатьнень сельмест икеле. ³²(Неія) язычникень валдомтыця валдонть, да Израиль народоньть славазо. ³³Іосиф да Сонзэ авазо дивасть Эстэдензэ ёвтазенть лаҥгс. ³⁴Баславинзе сынст Симеон да Эйкакшонть аванстэнь, Маріянень, мерьсь: Вана Те ашти мадезь ламотненень Израильсэ стямо да прамо таркакс, да пелькстамо таркакс. ³⁵Тонсить-как ойметь пачк юты сабля, штобу ламо ломанень седейсэ арсимаст содавольть тенть. ³⁶Сесэ ульнесь истяжо Анна пророчица, Асирэнь буень^[3] Фануилэнь тейтерь, кона вельть сырель уж, сон тейтерькс чидензэ мейле мирьде марто сисем іеть эрясь, ³⁷мейле довакс кавксоньгемень [ 145 ]ниле іеть, эрясь церькувасто апак лисьнек, чинек-венек постонь кирдезь да Пазнэнь ознозь. ³⁸Се шкане сон-гак мольсь ваксозост да, Пазоньть шназь, весе Іерусалимсэ Идицянть учицятнэнень Сондензэ кортась. ³⁹Кода прядовсть весе Пазонь закононь кувалт тейматьне, сынь мурдасть Галилеяс, эсь Назарет ошозост. ⁴⁰Эйкакшось кайсь да, паро превс совазь, кемекстась оймсэнзэ. Пазоньть благодатьсэ-як ульнесь лаҥгсонзо. ⁴¹Тетязо-авазо эрьва іестэ якасть Іерусалимев инечинь праздникс. ⁴²Кода Сонзэ ульнесть кемьгавтово іензэ, эсь койсэст састь сынь Іерусалимев праздникс. ⁴³Кода сынь праздниксть ютамодо мейле сыргасть кудов, Іисус эйкакшось кадовсь Іерусалимс. Іосиф маро авазо тень эзизь редяк. ⁴⁴Сынь арсесть — сон моли лія маро. Кода сынь ютасть ве чинь ки, кармасть Эснэнзэ вешнеме эсь раськест да содавиксэст юткова. ⁴⁵Сонзэ апак муйть, вешнезь, мурдасть Іерусалимев. ⁴⁶(Тосо) колмо чинь трокс муизь Сонзэ церькувасто, тонавтыцятьнень ютксо озадо аштемстэ, конатьнесэ Сон кулсонесь да (Соньсь как) кевстнесь. ⁴⁷Весе Сонзэ кулсоницятнэ дивасть превезэнзэ да каршозост кортамозонзо. ⁴⁸Сонзэ неезь, сынь дивасть да Авазо мерьсь Тензэ: Эйдем! мезе Тон теить минек марто? Вана, Тонть тетят, да мон, пек мелявтозь, вешнинек Эйсэть. ⁴⁹Сон мерьсь Тенст: мейсь-бу теҥк вешнемс Эснэнь? или эзиде сода: Монень сесэ улемс эряви, мезесь Монь Тетянь. ⁵⁰Сынь эзизь чаркотть тенст ёвтазь валтнэнь. ⁵¹Сон тусь марост, сась Назаретс да, эснэст кулсонезь, эрясь. Авазо весе не валтнэнь эсь седейсэнзэ кирьдсь. ⁵²Іисус парьсте [ 146 ]кайсь сэрьсэ да паро превсэ. Пазнэнь-гак Сон да ломаннень-гак вечкима ульнесь.

↑ радость.
↑ тур гулькат.
↑ родонь.

Глава 3.

¹Тиверій Кесарень инязорокс кеветееце іень ульместэ, кода Понтійской Пилат прявтокс ульнесь Іудеясо, Иродъ нилетькс прявтокс ульнесь Галилеясо, а братсо Филипп нилетькс прявтокс ульнесь Итуреясо да Трахонитэнь масторсо, Лисаній нилетькс прявтокс ульнесь Авилинеясо, ²архіерейтьнень прявтокс Анна марто Каиафань ульме шкане, — Захаріянь цёранстэнь, Іоаннанень, чаво паксясо Пазонь пельде ульнесь вал. ³Теде мейле сон якась весе Іорданонь перька мастортнэнь лаҥга, весемень, пежетте ванськавтомонь кис, пежетте яҥксезь, лемдеме тонавтозь, ⁴кода сёрмадозь пророк Исаіянь валонь книгасо, кона корты: чаво паксясо сеерицянь вайгель: анокстадо Пазнэнь ки, видьстэ теиҥк якамо тарканзо. ⁵Эрьва лужмо — пешкедезэ, эрьва пандо да губра — алкиньгадост, кичкеркстнэ — видемест, ки-лаҥгонь аваланя таркатьне — валакадост. ⁶Сестэ эрьва ломаньсь нейсязо Пазонь идиманть. ⁷Тензэ пряст лемдевтеме сыцят ломатьненень Іоанн кортась: гуень левкст! ки тыҥк чаркодьстидизь сыця кежденть оргодьме? ⁸тееде ино пежетень кадмошка аштицят парт тевть да илядо арьсек эсь пачкаҥк, минек тетянок Авраам мерезь; мерян теҥк: Пазостень неть кевтьнестэ теевить Авраамнэнь эйкакшт. ⁹Узересь-как уж чувто юрсо ашти; эрьва чувтось, кона а касты парт умарьть, керязэ ули да толс каязь. ¹⁰Ломатьне кевстлесть эснэнзь, [ 147 ]мерезь: мезть ино тенек тейнемс? ¹¹Сон каршозост мерьсь: кинь улить кавонст одижанзо, веенстнэнь максынзе, кинь арасть. Кинь ули ярсамксозо, — истяжо теезэ. ¹²Састь тензэ каявксонь пурныцят-как пряст лемдевтеме, да мерьсть тензэ: тонавтыця! миненек мезе теймекс? ¹³Сон мерьсь тенст: мезе теҥк путозь саймекс, седе ламо илядо вешть. ¹⁴Кевстлесть истяжо эснэнзэ салдат-как: а миненек мезть тейнемс? Сон мерьсь тенст: кинь-гак илядо обижа, ломань лаҥкс илядо кеҥгелек, мезе теҥк путозь, секе сатозо. ¹⁵Весе Христозонть учицятнэнень, конат эсь пачкаст арьсесть Іоандо: аволь сон ли Христозось? ¹⁶сон кортась: мон лемдян эснэҥк ведьсэ, сы моньдень віев, мон Сонзэ пильксэнзэ карьксэнь укстицякс-как а маштуван; Сон карми эснэҥк лемдеме Святой Духсо да толсо. ¹⁷Сонзэ коймезэ кедьсэнзэ, Сон ваньскавтсазо тиҥгезэ да пурнасазо товзюрозо утомозонзо, а олкнэнь пултасынзе амадиця толсо. ¹⁸Ламо Сон, эснэст тонавтозь, ліят-как ёвтлесь ломатьненень.

¹⁹Нилетькс прявт Ирод, конанень Іоанн кортась апарт тевдензэ да эсь братонзо Филиппень нинзэ Иродіада маро эрямодонзо, ²⁰икелень берять тевензэ юткс тень-гак човоргавтызе, — пекстызе Іоаннань тюрьмас. ²¹Ломатьнень лемдеме шкане Іисус-как лемдсь прянзо да ознось. Се шкане панжтодьсь менельсь, ²²да Святой Духсь, киськень саезь, гулькакс валгсь лаҥгозонзо, менельстэнть ульнесь вальгей, кона кортась: Тон Монь вечкезь Цёрамат, Тонть Эйсэть Монь паро олям.

[ 148 ] ²³Кода кармась Іисус эсь тевензэ тейме, Сон ульнесь колоньгеменьшка іесэ, да арсимань коряс, ульнесь Іосифень цёра, Иліянь, ²⁴Матѳатонь, Левіянь, Мелхіянь, Іаннаень, Іосифень, ²⁵Маттафіянь, Амосонь, Наумонь, Еслимонь, Наггеень, ²⁶Мааѳонь, Маттаѳіень, Семеіянь, Іосифень, Іудань, ²⁷Іоаннанонь, Рисаень, Зоровавелень, Салаѳіилень, Ниріень, ²⁸Мелхіень, Аддіень, Косамонь, Елмодамонь, Иронь, ²⁹Іосіень, Еліезеронь, Іоримонь, Матѳатонь, Левіень, Семеононь, ³⁰Іудань, Іосифень, Іонанонь, Еліакимень, ³¹Мелеаень, Маинанонь, Маттаѳеянь, Наѳанонь, Давидэнь, ³²Іессеень, Овидэнь, Воозонь, Салмононь, Наассононь, ³³Аминадавонь, Арамонь, Есромонь, Фаресэнь, Іудань, ³⁴Іаковонь, Исааконь, Авраамонь, Фарань, Нахоронь, ³⁵Серухонь, Рагавонь, Фалеконь, Еверонь, Саланонь, ³⁶Каинанонь, Арфаксадонь, Симень, Ноень, Ламехень, ³⁷Маѳусалонь, Енохонь, Іаредонь, Малелеилонь, Каинанонь, ³⁸Еносень, Сиѳень, Адамонь, Пазонь.

Глава 4.

¹Іисус, Святой Духто пешкедезь, мурдась Іордан лаҥгсто, да Духсь саизе Сонзэ чаво паксяс. ²Тосо ниленьгемень чи снартлесь Эснэнзэ амазысь; не читьнестэ мезде-як Сон эзь ярсак, а меельсь пелев, не читьнень ютазь, вачсь Сонзэ пекезь. ³Амазысь мерьсь Тензэ: улиньдерят Тон Пазонь Цёра, мерьть те кевстень кшекс теевмеде. ⁴Іисус мерьсь каршозонзо: сёрмадозь ули: ломань аволь аньсяк ве кшесэ эри, а эрьва Паз валсо. ⁵Мейле амазысь кустизе Сонзэ сэрей пандо пряс, [ 149 ]нацяс невтинзе Тензэ весе мастор лаҥгонь инязорокс читьнень, ⁶да мерьсь Тензэ амазысь: максса Тенть сынст лаҥгсо олясть да сынст славаст, ведь лаҥгсост олясь монень максозь, мон, кинень мелем, максса сонзэ. ⁷Вана Тон сюкунятдеряй тень, весе улить Тонть. ⁸Іисус мерьсь каршозонзо: азё вакстон, сатана: сёрмадозь: Эсь Нишке Пазотень сюкунякшнок, да ве Сонензэ служак. ⁹Мейле саизе Сонзэ Іерусалимс, аравтызе церькува пряньть чирес да мерьсь Тензэ: улиньндерят Тон Пазонь Цёра, ёртовт тестэ алов. ¹⁰Ведь сёрмадозь: эсь Ангелэнзэ туртов кармавты Тонть ванмо: ¹¹сынь кедь лаҥгсост канттадызь Тонть, штобу пильгеть кевс илязо пупорьдявт. ¹²Каршонзо Іисус мерьсь: мерезь, эсь Нишке Пазот эснэ иля снартле. ¹³Кода весе снартлиматьне прядовсть, амазысь шказонзо тусь вакстонзо. ¹⁴Іисус духонть війсэ кемекстазь, мурдась Галилейс. Эстэдензэ срадьсть валт весе перька мастортнэнь келес. ¹⁵Сон тонавтсь эснэст синагогасост да весемень пельде шназь ульнесь.

¹⁶Сась Сон Назаретс, косто трязель-ванозель. Субута чине совась эсь койсэнзэ синагогас, да стясь ловномо. ¹⁷Максть Тензэ Исаія пророконь книга. Сон книгасть панжозь, муизе се тарканть, косо сёрмадозель: ¹⁸Пазонть Духсо Мон лаҥгсон, Сон ведь Монь ваднимем ништёйтьненень паро кулянь ёвтлеме, да кучимем седейень каладозетьнень пичкавтомо, полонс поҥгозетьненень нолдамодо ёвтлеме, сокортнэнень неймань максомо, пиштевтицятнень оляс нолдамо, ¹⁹Пазоньть паро шкадонзо ёвтлеме. ²⁰Мейле, книгасть пекстазь, максызе сторожнэнь да [ 150 ]озась. Синагогасонть весемень сельмест Сонзэ лаҥгс каязь ульнесть. ²¹Сон кармась тенст кортамо: ней топодсь те сёрмадовксось, конань тынь мариҥк. ²²Сынь весе Сонзэ валтнэнь видекс путызь да дивасть куркстонзо лисезь парт валтнэде, да кортасть: аволь Іосифень-ли те цёрась? ²³Сон мерьсь тенст: знама тынь Монень васнят-как мерьдядо: лекарь, шумбралгавтык эсь прят; тейть тесэ-як эсь шачмо масторсот сень, мезе, минь маринек, ульнесь Капернаумсо. ²⁴Сон мерьсь: видестэ мерян теҥк: кодамо-як пророк эсь шачмо масторсонзо примазь а эри. ²⁵Видестэ мерян теҥк: ламо доват ульнесть Израильсэ Иліянь эрямо пиҥгстэ, кода менельсь пекстазь ульнесь колмо іеть да кото ковт, да весе мастор лаҥгсонть теевкшнэсть вачо іеть, ²⁶аньсяк вейкенень-гак эстэдест Илія эзь ульне кучозь, аньсяк дова аванень Сидонской Сарептас. ²⁷Ламо истяжо ульнесть прокаженнойть-как пророк Елисеень пиҥгстэ, да вейке-як эстэдест Сиріянь Неемандо башка эзь ванськат. ²⁸Тень марязь, синагогасонть весемень кеж саиньзе ²⁹да стязь панизь Сонзэ ошостонть ушов да кустизь пандо прястень, кона лаҥгсо строязель ошост, штобу каямс Сонзэ тосто. ³⁰А Сон, ютковаст ютазь, тусь вакстост.

³¹Сась Капернаумс, Галлилеень ошос, да субута чине тонавтсь эснэст. ³²Дивасть Сонзэ тонавтуманзо лаҥгс, ведь Сонзэ валонзо вій марто ульнесть. ³³Синагогасонть ульнесь ломань, конайсэ ульнесь амазынь аванькс дух. Сон серьгедьсь покш вальгейсэ: ³⁴кадымизь! мезе Тенть минек пельде [ 151 ]эряви, Назаретэнь Іисус? Тон сыть минек ёмавтомонок. Содатан кіят Тон, Тон Пазонть Святоезэ. ³⁵Іисус кардызе сонзэ, мерезь: лоткак, да листь эйстэнзэ. Амазысь, ломаньсть синагоганть кунчкас тувтозь лись эйстэнзэ, мень-гак тензэ берянень апак тейть. ³⁶Весемень срасть саинзе, да кортасть эсь ютковаст: мезе те истя ули: Сон эсь покш чисэнзэ да війсэнзэ амазытненень кармавты, да сынь лисить?

³⁷Весе перька мастортнэнь келес срадсть Эстэдензэ кулят. ³⁸Синагогасто лисезь, Сон совась Симононь кудос. Симононь тёштязо сэредсь віев эсь ормасо. Сонзэ кис инялдсть Тензэ. ³⁹Ваксозонзо молезь, Сон лоткавтызе эсь орманть; (эсь ормась) кадызе сонзэ, сон сеск стясь да мельгаст якась^[1]. ⁴⁰Чинь валгума шкане, весе, кинь ульнесть эрьва мень ормасо сэредицяст вецесьть эснэст Сонензэ. Сон, эрьва конань лаҥгс кедензэ путозь, шумбралгавтсь эснэст. ⁴¹Ламонь эйстэ лиснесть истяжо амазыть-как, пижнезь да кортазь: Тон Пазоньть Цёразо Христозат. Сон кардась эснэст ёвтлемеде, што сынь содасызь, што Сон Христос. ⁴²Кода чизэ валдомсь, Сон тосто лисезь, тусь чаво таркас. Народсь вешнесь Эснэнзэ да, ваксозонзо сазь, кирьдьсть Эснэнзэ, аволь туйть бу вакстост. ⁴³Сон мерьсь тенст: Монень ліят ошнэнень-гак эряви Пазонь Инязорокс чиденть ёвтлемс, Мон ведь секс кучозян. ⁴⁴Мейле тонавтсь Галилеень синагогатьнесэ-як.

↑ служась тенст, каванясь эснэст.

[ 152 ]

Глава 5.

¹Весть Іисус Христознэнь Пазонь валонь марямонь кис ламо ломать эцесть. Сон аштесь Генисаредэнь эрьке чиресэ. ²Нейсь эрькенть лаҥгсо аштицят кавто веньчть; а калонь кунсицятне, эйстэст лисезь, шлясть сетсэст. ³Ве веньчестень совазь, кона ульнесь Симононь, Сон мерьсь тензэ берёкетонть аламодо уймеде, мейле, озазь, веньчестэнть тонавтсь ломатнень эснэ. ⁴Кода тонавтомодо лоткась, мерьсь Симоннэнь: уйть сэрей таркас да каиҥк сетеҥк кунтлеме. ⁵Симон мерьсь каршозонзо: Тонавтыця! минь вень-веньберьк пиштевтинек да мезе-як эзинек кунда. Аньсяк Тонть валот кувалт каяса сетьсть. ⁶Истя теезь, сынь кундасть пек ламо калт: сетест-как мик кармасть сезневме. ⁷Максть сынь содамс ялгаст туртов, конат ульнесть лія веньчне, савольть-бу сынь тенст пособлямо. Састь сынь да кавнеск веньчнень пештизь, веньчне-як кармасть натой ваямо. ⁸Тень неезь, Симон Петр прась Іисусонь кумажазонзо да мерьсь: тук монь вакстон, Пазом, мон ломансь пежетеван. ⁹Сонзэ да весе маронзо улицятнень-гак срасть саинзе те ламо калонь кундамодонть. ¹⁰Истя-жо Симононь ялганзо-як Іаков маро Іоаннань Зеведеень цёратьнень-гак Іисус мерьсь Симоннэнь: иля пельть — теде мейле кармат ломанень кунсеме. ¹¹Кавнеск веньчнень берёк лаҥгс таргазь, кадызь весемень да тусть Сонзэ мельга.

¹²Кода Іисус ульнесь ве ошнэ, сась Тензэ проказа потсо ломань, да Іисусонь неезь, прась [ 153 ]комадо да, Тензэ инялдозь, кортась: Пазом, мелеть улиньдеряй, мон Тонеть ванськавтуван. ¹³Сон кедензэ венстезь, токадьсь эзэзэнзэ, да мерьсь: ули мелем — ваньскат. Сеск проказась ютась лаҥгстонзо. ¹⁴Іисус эзь мерьть тензэ кинень-гак ёвтлемеде, аньсяк мерьсь попнэнь мольме прянь невтеме да ваньськавтумань кис жертвань кандомо, кода мерьсь Моисей сынст неймань кис. ¹⁵Аньсяк седіяк пек Сондензэ срадсьть валт, да пек ламо ломать сакшность Сонзэ кулсономо, да эсь ормадост шумбралгадмо. ¹⁶А Сон тукшныль чаво таркас да озныль.

¹⁷Ве чистэ, кода Сон тонавтсь, да сесэ аштесть озадо Фарисейтьне да законс тонавтыцятне, конат састь Галилеень да Іудеень эрьва таркасто да Іерусалимстэ, да Пазонь війсь-как неявозь ульнесь сэредицятнень пичкавтомсто, ¹⁸каньдсьть ломать тарка лаҥгсо разслабленной ломань, да вешнесть сонзэ совавтомс кудостень да Іисусонь икелев путомс, ¹⁹аньсяк ламо народонь кувалт эсть муйть сынь совамо тарка: куйсть кудо прястень да кудо прянть пачк нолдызь сэредицянть тарканек мезьнек кудо кунчкастень Іисусонь икелев. ²⁰Сон, сынст кемимаст неезь, мерьсь ломаньстень: простявить тонть пежететь. ²¹Книжникне да фарисейтьне кармасть эсь пачкаст арсеме, мерезь: те ки истя, Пазонть лаҥга а парьсте корты? Ве Паздо башка кинень пежеть простявить? ²²сынст арсимадост содазь, Іисус мерьсь каршост: мезть тынь арситядо седееҥк пачк? ²³мезесь седе шождыне меремс: простявить тенть пежететь, или меремс: стяк да якак? ²⁴Аньсяк тыҥк содамоҥк кисэ, што Ломанень Цёранть [ 154 ]мастор лаҥгсо пежетень нолдамс-как війзэ ули, Сон мерьсь сэредицястень: тонеть мерян: стяк, саик таркат да азё эсь кудозот. ²⁵Сон сеск, икелест, стязь, саизе тарказо, кона лаҥгсо мадезель да, Пазоньть шназь, тусь эсь кудозонзо. ²⁶Весемень срасть саинзе, да Пазоньть эснэ шнасть да тандадмост марто кортасть: шечо минь дивамонь тевть неинек.

²⁷Теде мейле лись Іисус да нейсь Левій лемсэ каявксонь пурныця, кона аштесь озадо каявксонь пурнамо таркасо, да мерьсь тензэ: мольть Монь мельга. ²⁸Сон весемень кадозь, стясь да тусь мельганзо. ²⁹Тейсь Левій эсь кудосонзо Іисусонь кис покшт каванямот^[1]. Сесэ ульнесть ламо мытарть, да ліят-как, конат Сонзэ марто ярсасть, симсть. ³⁰Книжникне да фарисейтне, пеняцязь, кортлесть Сонзэ тонавтницянстэнь: мейс тынь ярстадо, симдядо мытарь маро да пежетев ломань маро? ³¹Іисус каршост мерьсь: аволь шумбра ломатьненень эряви лекарьсь — сэредицятнэнень; ³²Мон сынь аволь виде^[2] ломатьнень пежетень кадмо тонавтомо — а пежетев ломатьнень.

³³Сынь мерьсть Тензэ: мейс Іоаннань Тонавтницянзо сеедстэ пост кирьдить да озныть; истяжо фарисееньзетьне-як, а Тонтьсетьне ярсыть да симить. ³⁴Сон мерьсь тенст: Ара кармавтовить постонь кирьдеме свадьбань кудонь ломатьне, знярс сынст мартост содамост? ³⁵Сыть чить, кода содамось нельгезь ули кедьстэст, сестэ сынь-гак сеть [ 155 ]читьнестэ кармить постонь кирьдеме. ³⁶Ёвтась тенст притча-як: кі-як ведь ташто одижас а педявты од одижасо сезезь паҥкс: истя теиньдеряй, од одижасть-как сейсазо, ташто одижастень-гак од паҥгсось а лади. ³⁷Од вина-як кі-як а пешти ташто кедень мешокс, истя теиньдеряй од винась сейсазо ташто кедьсть, да сонсь-как чудезь туи да кедсь-как ёми. ³⁸Од вина пешлить од кедень мешокс, сестэ сынь кавонест ванцтовить. ³⁹Истя жо, кі-як симиньдеряй ташто (винадо), сеск одто симмекс мельзэ а ули: сон мери: таштось седе паро.

↑ симмат ярсамот.
↑ праведной.

Глава 6.

¹Инечинь омбоце чиде мейле васенце субутастонь савсь Іисуснэнь ютамс видезь паксянь пачк: тонавтницянзо сезнесть сюро прят, да, кедьсэст човсезь, ярсасть. ²Конат-конат фарисейтьнень эйстэ мерьсть тенст: мейсь тынь тейдядо, мезе субута-чине а эряви теемс? ³Іисус каршост мерьсь: ара тынь эзьде ловно, мезе тейсь Давид, кода сонзэ сонсинзэ пекезэ вачнось да мартонзо улезьтьнень-гак? ⁴Кода сон совась Пазонь церькувастень, да, тосо путозь кшетьнень саезь, сонсь ярсась да максь мартонзо улезтьненень-гак, а сетьнеде попто башка кинень-гак ярсамс а маштовиль? ⁵Мейле мерьсь тенст: Ломанень Цёрась субутаньть лаҥгсо-як покш. ⁶Савсь Тензэ омбоце субутасто-як синагогас совамс да тонавтомс. Тосо ульнесь ломань, конань вить кедьзэ коскель. ⁷Книжникне да фарисейтне ваность мельганзо, а пичкавтсазо-ли Сон сонзэ субута чине; кода-як бу чумо муемс [ 156 ]лаҥгозонзо. ⁸Сон, сынст арсимадост содазь, мерьсь ломаньстень, конань коськель кедьзэ: стяк да арак кунчка таркась. Сон стясь да арась. ⁹Сестэ Іисус мерьсь тенст: кевсттядызь тыҥк: мезе эряви теймекс субута чине, паро или берянь? ваномс оймесь или ёмавтомс? Сынь чатьменьсть. ¹⁰Мейле, весемест лаҥгс вачтазь, мерьсь се ломаньстень: венстик кедеть. Сон тейсь истя да кедьзэ омбоцень кондямо шумбракс теевсь. ¹¹Сынь, кежіявтозь, азаргатьсть прок да кортасть эсь ютковаст, мезе бу тенст теймекс Іисус маро.

¹²Сеть читьнестэ Сон куйсь пандо пряс озномо да весе венть Пазнэнь ознозь печтизе. ¹³Кода чизэ ашолгатсь, тердинзе эсь тонавтницянзо, кочксесь юткстост кемгавтово ломань да Апостол лемть тенст путсь. ¹⁴Сон кочксизе Симононь, конатанень лем путсь Петр, да сонзэ братонзо Андреень, Іаковонь да Іоаннань, Филиппень да Варѳоломеень, ¹⁵Матѳеень да Ѳомань, Алфеень Іаковонь да Симононь, конадо мерить Зилот, ¹⁶Іаковонь Іудань да Іудань Іскаріотскоень, коната мейле теевсь максыцякс.

¹⁷Сынст марто (пандо прястонть) валгозь, арась вейкеть таркас. Маронзо арасть ламо тонавтницянзо да ліят-как ламо ломать, ¹⁸конат састь Іудеясто Іерусалимстэ, да моря чирень Тирской да Сидонской таркасто, Сонзэ кулсономо да ормадост шумбралгадмо. Истяжо амазыде пиштевтицят как да весе віемкшнесть. ¹⁹Іисусонь эйстэ лисиль вій, да весемень пичкавтылензе, секс ломатьне бажасть Сонзэ эйс токадевмекс. ²⁰Сон вачтась тонавтницянзо [ 157 ]лаҥгс да мерьсь: талановттадо оймсэҥк ништёйтьне: ведь тыҥк ули Пазонь инязорокс-чись. ²¹Талановттадо ней вачо аштицятьне, тынь пешкедтядо. Талановттадо ней аварьдицятне, тынь карматадо пеедьме. ²²Талановт ульдядо, знярдо Ломанень Цёранть кис кармить а вечкемеҥк ломать, явдадызь юткстост, да кармить эстэдеҥк апарьсте кортамо, лемеҥк лаҥга нолдыть берять валт, ²³— эрьгедеде се чистэнть да весёлгадодо: ведь покш наградась ули теҥк менель лаҥгсо. Пророкнэ марто-як ведь истя тейнесть сынст тетяст.

²⁴Сё-тыки апаро теҥк сюпавтнэ: тынь уж саиҥк эсь пароҥк. ²⁵Апаро теҥк ней пешкедезтьне: тынь вачомдадо. Апаро теҥк ней пеедезь аштицятне: тынь карматадо аварьдеме да раҥгамо. ²⁶Апаро теҥк, знярдо весе ломатьне кармить эстэдеҥк парьсте кортамо, ведь истя тейнесть сынст тетяст аволь виде пророкнэ маро. ²⁷А тынеҥк мерян, кулсоницятне: вечкеде душманоҥк эснэ; паро тееде анеицяҥк^[1] туртов; ²⁸баславадо сюдыцяҥк эснэ да ознодо обедицяҥк кис. ²⁹Ки вачкодтянзат штёка лаҥга — аравтык тензэ омбоцень-гак; ки сайсыньзе суманеть — иляк кирдть тензэ панарот-как. ³⁰Эрьва кедьстэть вешницястень — макст; да мезе кедьстэть саи — мекев иля вешть.

³¹Кода тынстеҥк вечкеви мартоҥк ломанень теймась, тынсь-как марост истя тееде. ³²Вечкиньдерятадо аньсяк тынсиҥк вечкицятьнень, мезень кис шнамстадо? Ведь пежетевтьне-як эсь [ 158 ]вечкицясост вечкить. ³³Теиньдерятадо паро аньсяк тынстеҥк паронь теицятьненень, мезень кис шнамстадо? Ведь пежетевтьне-як истя жо теить. ³⁴Макстадодеряй заём аньсяк сетненень, конатнень пельде кемдядо мекев саймекс, мезень кис шнамстадо? Ведь пежетевтне-як макслить заём пежетевтненень, штобу мекев саймекс зняро-жо. ³⁵А тынь вечкеде эсь душманоҥк: паро тееде да заём-гак максодо, мезенк-гак апак учок; сестэ ули теҥк покш награда да ульдядо Вереценть цёрат, — ведь Сон паро Тензэ пасибань аёвтыцятьненень-гак да кежевтненень-гак. ³⁶Уледе истят паро седейть^[2], кодамо менельсэ тетяҥк паро седей.

³⁷Илядо судя, тынсь-как судязь а ульдядо; илядо чумонт, тынсь-как чумондозь а ульдядо; простядо, тынсь-как простязь ульдядо. ³⁸Максодо, тынстеҥк-как максозь ули: паро оҥгснэ, сорновтнезь, матразь, да пряс пештязь каясызь потмозоҥк. Кодамо оҥгснэ оҥгстатадо, истямосо онгстазь ули теҥк. ³⁹Ёвтась истяжо тенст притча-як: вецеви-ли сокорнэнь сокорсь? апрыть-ли сынь кавтнест латкс? ⁴⁰Тонавтниця тонавтыцядонзо покш а эри; тонадыньдеряй сон парьстэ, тонавтыцянзо кондямо ули. ⁴¹Мейс тон ванат братот сельмсэ тарадсть лаҥгс, — а тонсить сельмсэть шочконть ёжот а мари. ⁴²Или, кода мериват братотень: братом, тука таргаса сельмстэть тарадсть, а шочконть эсь сельмстэть ёжот а марясазо. Лицемер, таргик васня эсь сельмстэть шочконть, сестэ нейсак, кода таргамс [ 159 ]братот сельмстэ тарадсть. ⁴³Арась истяжо паро чувто, кона кастоволь-бу берять умарьть; истяжо берянь чувто, кона кастоволь-бу парт умарьть. ⁴⁴Эрьва чувтось эсь умарензэ кувалт содави: кормалавсто ведь а пурныть смокват, виноград-как стяконь чувсто а кочксить. ⁴⁵Паро ломань паро седейстэнзэ ливти эрьва мень паро; а берянь ломань берянь седейстэнзэ ливти берянь: пешксе седейстэ ведь корты сонзэ кургозо.

⁴⁶Мейс Монень пшкалитядо: Господи, Господи, а тыньсь а тейдядо, мезть Мон мерян. ⁴⁷Эрьва Монень сыцясь да Монь валон кулсоныцясь да сынст кувалма теицясь — ёвтаса Мон ки ёнов моли — ⁴⁸Сон моли кудонь теиця ломань ёнов, коната чувсь латко, сэрейгавтызе сонзэ да кудонть алксозо путызе кев лаҥгс. Секс, кода тусь чады ведь да ведсь вачкодсь се кудоньть лаҥгс, сон кев лаҥгс путоманзо кувалт, эзь сыргавтовт тензэ. ⁴⁹Марицясь да сынст кувалт а теицясь моли истямо ломань ёнов, кона тейсь кудо мода лаҥгс, алкстомо, — кодак ведсь вачкодсь лаҥгозонзо, сон сеск каладсь да каладмозо вельть покш ульнесь.

↑ а вечкицяҥк.
↑ жалицят.

Глава 7.

¹Кода прядынзе кулсоныця ломатненень весе валонзо, Сон совась Капернаумс.

²Вейке сотникень вечкима урезэ^[1] куломо лаҥгсо сэредсь. ³Іисусто марязь, сон кучсь Тензэ Іудеень атят, инялдозь тердемензэ, сонзэ урензэ [ 160 ]шумбралгавтомо. ⁴Сынь Іисуснэнь сазь, пек инялдозь, тердсть Эснэнзэ, мерезь: сон ашти тень теймешка. ⁵Сон вечксазо минек народсть: тейсь тенек синагога. ⁶Іисус тусь марост. Кода Сон уж кудодонзо аволь васоло ульнесь, сотниксь, кучинзе ялганзо Іисуснэнь мерьме: Тонавтыця, иля майсекь: мон а аштян монь кудозон Тонть совамошканть. ⁷Секс мон эсь прян-гак Тонеть мольме аштицякс эзія путт, — Тон ёвтак аньсяк вал — монь урем пички. ⁸Ведь мон моньс-как ломаньсь хоть начальник ало аштицяян, а моньсинь кедь ало-як улить салдат; да мерян сенень: мольть — моли; омбоценень: сак — сы; урень туртов-гак: теик тень — сон тейсазо. ⁹Тень марязь, Іисус дивась лаҥгозонзо да, мельганзо молицят ломатьнень ёнов велявтозь, мерьсь: ёвтлян теҥк, Израильстэ-як истямо вера эзинь мук. ¹⁰Кучозетьне, кудов мурдазь, муизь серэдиця уренть пичказь.

¹¹Теде мейле мольсь Іисус Наин лемсэ ошос; мартонзо мольсть ламо тонавтницянзо да ліят-как ламо ломать. ¹²Кода Сон пачкодьсь ошонь ортанть вакс, тосто кандсть кулозь эйкакш, кона ульнесь аванзо вейкине цёра; авась-как ульнесь дова. Маронзо ошостонть мольсть ламо ломать. ¹³Сонзэ неезь, Пазось жализе да мерьсь тензэ: иля аварьдть. ¹⁴Мейле, малав молезь, токадьсь одратьненень: кандыцятне лоткасть. Сон мерьсь: цёрыне, тонеть мерян, стяк. ¹⁵Кулозесь озась да кармась кортамо. Сон максызе сонзэ аванстэнь. ¹⁶Весемень саизе срасть да, Пазоньть шназь, кортасть: минек юткс лись покш пророк. Пазось вачтась эсь ломанензэ лаҥгс.

[ 161 ] ¹⁷Истя кортамось срадьсь Эстэдензэ весе Іудеяньть да весе перька мастортнэнь келес. ¹⁸Весемеде неде Іоаннэнь-гак ёвтасть тонавтницянзо. ¹⁹Іоанн терьдсь эсь тонавтницянзо ютксто кавто да кучинзе Іисуснэнь кевстеме: Тон ли севатесь, конанень эряви самс или ліянь тенек учомс? ²⁰Сынь, Іисуснэнь сазь, мерьсть Тензэ: Іоанн Креститель минек кучимизь Тонть кевстеме: Тон-ли севатесь, конанень эряви самс, или ліянь тенек учомс? ²¹Се шкане Іисус ламо ломать сэредьмеде, ормадо да амазынь колавтто віемтсь; ламо сокортнэнень сельть максь. ²²Іисус карчозост мерьсь: азёдо, ёвтадо Іоаннэнь, мезе неиде да мезе мариде: сокортнэ неить, пильгевтеметьне якить, аванькс ормавтнэ ванцькалить, пилевтмеметьне марить, кулозетьне вельмсить, ништёйтьне парт кулят ёвтнить. ²³Таланов, — ки а маняви Монь кувалман. ²⁴Іоаннань тонавтницятнень туймеде мейле Сон кармась ломатьненень Іоанндо кортамо: мезень ванмо тынь якиде чаво паксястень? вармасо нуриця нудеень? ²⁵Мезень ванмо ино якиде? Чевте одижас оршазь ломанень? ведь паро одижас оршазетьне да парьсте эрицятне инязоронь кудова эрить. ²⁶Мезень ванмо ино якиде? аволь пророконь ли? Да, мерян теҥк, пророкто-як покшонть. ²⁷Сон ведь севате, конатадо сёрмадозь: вана Мон кучса Тоньдеть икеле Эсь Ангелэм, кона анокстасазо Тоньть икеле кить. ²⁸Мерян теҥк: авасто шачозетнень ютксо вейке-як Іоанн Крестительде покш пророк арась, а Пазонь инязорокс чисэнть весемеде вишкинесь соньдензэ покш. ²⁹Весе Сонзэ кулсоныцят ломатьне да [ 162 ]мытартьне-як, Іоаннань лемдимасонть пряст лемдевтезь, Пазонть Эснэ шнасть; ³⁰а фарисейтьне да законникне Пазонть мелензэ кувалт эсть тейть пряст эзизь лемдевть Іоаннань пельде.

³¹Сестэ Пазось мерьсь: ки вакс ладясынь те пиҥгень ломатьнень? Ки ёнов сынь молить? ³²Сынь молить эйкакшт ёнов, конататьне аштить озадо ульцясо да вейкест-вейкест туртов, сеерезь, кортыть: минь теҥк вешкимасо вешкинек, а тынь эзиде кищть; минь теҥк морынек аварьдимань морот, а тынь эзиде аварьдть. ³³Сась Іоанн Креститель, а кшеде ярсы, а винадо сими; тынь кортатадо: сонзэ эснэ амазы. ³⁴Сась Ломанень Цёрась и ярсы и сими: тынь кортатадо: те ломаньсь ярсамо да винадо симме вечки, Сон мытарень да пежетев ломанень ялга. ³⁵Истя весе Сонзэ покш чизэ эсь эйкакшонзо видьстэ ливтизь.

³⁶Вейке фарисейтьнень ютксто терьдизе Сонзэ эсь маронзо ярсамо: Сон, фарисеень кудостень совазь, озась стольэкшес. ³⁷Вана се ошонть ава, кона ульнесь пежетев, Іисусонь фарисеень кудосо ульмадонзо содазь, кандсь алавастрань шашксо питнев ой ³⁸да Іисусонь удалов пильгензэ вакс аразь, аварьдезь, кармась сельведьсэнзэ Сонзэ пильгензэ начтамо, да прячерьсэнзэ эснэст нартнеме, палцесь пильгесэнзэ да питнев ойсэнть ваднесь. ³⁹Тень неезь, Іисусонь тердиця фарисейсь арсесь эсь пачканзо: улевель-гак сон пророк, содавлессе-бу, ки да кодамо те авась Эзэзэнзэ токшеви; ведь сон пежетев. ⁴⁰Ёнонзо велявтозь, Іисус мерьсь: Симон! Монь ули тенть ёвтамом. Сон мерьсь: ёвтак, [ 163 ]Тонавтыця. ⁴¹Іисус мерьсь: вейке заём макслицянь ульнесть кавто пандыцянзо:^[2] вейкень ульнесть пандомс вете сятт динарійть, омбоцень ведьгемень. ⁴²Кода сыненст пандомс а месне ульнесь, сон кавтонест туртов простинзе. Ёвтак, коната эстэдест седе пек вечксазо сонзэ? ⁴³Симон мерьсь каршонзо: мон арсян се, конатанень седе ламо простясь. Сон мерьсь тензэ: видьстэ тон арсикь. ⁴⁴Мейле, аванть ёнов велявтозь, мерьсь Симоннэнь: нейсак те аваньть? Совинь тонть кудозот, тон пильгень лаҥгс ведь Монень эзить макст, а сон сельведьсэнзэ начтынзе Монь пильгень да эсь прячерьсэнзэ нартнинзе. ⁴⁵Тон Монь эзимек пала, а сон, кода сынь, а лоткси Монь пильгень палцемеде. ⁴⁶Тон Монь прям ойсэ эзик вадть, а сон пильгень питьнев ойсэ ваднинзе. ⁴⁷Секс, мерян тенть: сонзэ пек вечкиманзо кис простявить тензэ ламо пежетензэ. А конанень аламо простявить, се аламо вечки-як. ⁴⁸Авастень мерьсь: простявить тонть пежететь. ⁴⁹Маронзо стольэкшнэ аштицятьне кармасть эсь пачкаст арсеме: ки те, — пежеть-как простьли? ⁵⁰Сон мерьсь авастень: тоньть кемимат ванынзеть, азё сэтьме чи маро.

↑ кудонь тевень теиця работьникезэ.
↑ должникензэ.

Глава 8.

¹Теде мейле Іисус, менелень инязорокс чиде тонавтозь да паро кулянь ёвтлезь, якась ошка да велева; кемгавтовотьне-як маронзольть ²да конат-конат аватне-як, конатнень сон ваньськавтынзе [ 164 ]амазыде да ормадо: Марія Магдалина, конань эйстэ листь сисем шайтят, ³Іоанна, Иродонь кудонь ваныця Хузань низэ, Сусанна да ламо ліят-как, конат пособлясть Тензэ эсь ули-паросост. ⁴Кода пурнавсть ламо ломать, да весе ошнэстэ эрицятьне кармасть Тензэ проммо, Сон кармась тенст притчасо кортамо:

⁵Лись видиця эсь видсьтензэ видеме: сонзэ видьместэ кона (видьстесь) прась ки лаҥгс, се чалксезь ульнесь да менелень нармуть-как сонзэ кочксизь. ⁶Кона прась кев лаҥгс, се лись да летькень аразьде коськсь. ⁷Кона прась кормарав пулос, кайсть кормаравтнэ да ёмавтызь сонзэ. ⁸Кона прась паро мода лаҥгс, сон, лисезь, сядонь кырда видьсть кандсь. Тен мерезь, серьгедсь: кинь улить марямс пилензэ, — марязо. ⁹Тонавтницянзо кевстизь Сонзэ, мерезь: мезе ули те притчась? ¹⁰Сон мерьсь: Тынеҥк Пазонь инязорокс чиньть содамотнеде содамс максозь, а ліятненень притчасо: сынь ванозь-гак а неить, марязь-гак а чаркодить. ¹¹Вана мезе те притчась: видстесь Пазоньть валзо. ¹²А ки лаҥгс празесь, те истят кулсоныцятнэ, конатненень кулсономодо мейле сы амазысь да сайсазо седейстэст валсть, авольть кемть-бу сынь да авольть идевть. ¹³А кев лаҥгс празесь — истят ломатьне, конатат знярдо марясызь валсть, эрьгедезь примасызь, аньсяк сынст корёност арась: сынь шкасто кемить, а стака шкасто манявить. ¹⁴Кона прась кормарав юткс, не сетьне марицятне, конатьне кодак туить ве ёнов, мелявксось, сюпавчись да паро эрямось лепштясызь валтнэнь да видсть а теить. [ 165 ] ¹⁵Кона прась паро мода лаҥгс, не улить истят, конатьне валсть, марязь, кирдить эснэнзэ ванькс, паро седейсэст да кирьдезь теить видсть. Тень, мерезь, Сон сергедсь: кинь улить марямс пилензэ — марязо.

¹⁶Свечаньть, курвастезь, кі-як а вельтясазо кедьгесэ или а путсазо тарка алов, путсазо сонзэ шанталс, штобу совицятьне неест валдо. ¹⁷Ведь арась истямо салава, конась-бу аволь содавт; кекшезь-гак мезе-як арась, кона-бу аволь ульть муезь да содазь. ¹⁸Тень кувалма, мезе мариде — мельсэҥк кирьдиҥк: ведь кинь ули, сенень максозь ули, а кинь арась, сень мезезэ, арсиманьзо кувалт ули, се-як нельгезь ули. ¹⁹Састь Тензэ авазо да братонзо да ламо ломанень ульмань кувалт, эсть молевть ваксозонзо; ²⁰максть Тензэ содамс, мерезь: ават да братот ушосо аштить, Тонть неевледезь. ²¹Сон каршост мерьсь: Монь авам да братон сетне, конат кулсоныть Паз валт, да сынст кувалт теить.

²²Ве чистэ Сон тонавтницянзо маро совась венчес да мерьсь тенст: печктянок эрькесть омбоце пелев; да тусьть. ²³Сынст уйме шкане Сон матедевсь. Кепететсь эркесть лаҥгсо віев варма; да венчестень кармась совамо ведь, сынь ёмамо лаҥгсольть. ²⁴Ваксозонзо молезь, пултызь^[1] Сонзэ, да мерьсть: Тонавтыця! Тонавтыця! ёматанок? Сон, стязь, варманьть да ведсть-как кардынзе; сынь лоткасьть да теевсь сэтьме. ²⁵Сон мерьсь тенст: косо тыҥк кемимаҥк? А сынь тандадмост да [ 166 ]дивамост пачк, кортасть вейкест-вейкест туртов: те ки истя, варманень да веднень-гак кармавты да сынь кулсоныть Эснэнзэ?

²⁶Уезь састь сынь Гадаринской масторс, кона ульнесь Галилеень омбоце пеле. ²⁷Кода Сон лись берёк лаҥгс, вастызе Сонзэ вейке ошонь ломань, конань потсо ламо іеть уж ульнесть амазыть. Сон одижат а орчлиль, кудосо-як а эриль, а калмонь латксо. ²⁸Сон, Іисусонь неезь, пижакадсь, да икелензэ празь, покш вейгельсэ мерьсь: Вере Пазонь Цёра, Іисус! Мезень Тонть теветь монь эйсэ? Инялдан Тенть, илямак пиштевть монь. ²⁹Іисус мерьсь амазыстень се ломансть эйстэ лисьмеде; сон ведь ламо іеть пиштевтсь эснэнзэ. Ёмамодонзо пелезь, путылизь сонзэ кшнис, керчилизь, а сон керчавкснэнь сезнилинзе да амазынть паневтсэ туиль чаво паксяс. ³⁰Іисус кевстизе, сонзэ, мерезь: кода тонть леметь? Сон мерьсь: легіон.^[2] Сонзэ потсо амазытьнеде ламо совазельть. ³¹Амазытьне инялдсть Іисуснэнь, аволь мерьть-бу тенст мастор алов туймеде. ³²Сеске пандо лаҥгсонть покш тувонь стада ванозь ульнесь, амазытьне инялдсьть Тензэ, меревель-бу тенст не тувотнень потс совамодо. Сон мерьсь тенст. ³³Амазытьне, ломансть потсто лисезь, совасть тувотненень. Стадась берёк лаҥгстонть ёртлевсь эрькестень да ваясь. ³⁴Тень неезь, ваныцятьне тусть чіезь да ёвтлесть ошнэнть да велетнева-як. ³⁵Листь ванмо, мезе тосо теевсь. Іисусонь вакс сазь, сынь муизь се ломансьть, конань эйстэ листь амазытьне, сон [ 167 ]аштесь озадо Іисусонь пильге вакснэ, орчазь да паро превсэ да тандадсть. ³⁶Неицятьне ёвтлизь тенст, кода віемсь азарсь ломансь. ³⁷Инялдсь Тензэ весе Гадаринской масторонь народсь, туевель-бу Сон вакстост: сынст вельть уж покш срасть саекшнынзе. Сон озась венчестень да мекев мурдась. ³⁸Ломаньсь, конань эйстэ листь амазытьне, инялдсь Тензэ, саевлессе-бу сонзэ-як маронзо. Іисус кучизе сонзэ вакстонзо, мерезь: ³⁹Мурдак эсь кудозот да ёвтлик, мезе тенть тейсь Пазось. Сон тусь, да ошоньть келес ёвтлесь, мезе тензэ тейсь Іисус.

⁴⁰Кода Іисус мурдась, Сонзэ вастызе народ: сынь ведь весе учость Эснэнзэ. ⁴¹Вана сась Тензэ Іаир лемсэ ломань, кона синагогань начальникель, да Іисусонь пильгс празь, инялдсь Тензэ кудозонзо совамо. ⁴²Сонзэ ульнесь кемгавтово іешкасо вейкине тейтерьзэ да се-як куломо лаҥгсоль. Сонзэ тов мольместэ народсь пек эцесь Эзэзэнзэ. ⁴³Ве ава, кона верень чудьмесэ сэредсь кемгавтово іеть, весе ули парозо явшизе лекарьнень да вейкенень-гак эзь пичкавтовт, ⁴⁴удалдо молезь, токадевсь Сонзэ одижа крайс да верьзэ сеск лоткась чудьмеде. ⁴⁵Іисус пшкатсь: ки токадсь Монь эйс? Кода весе сёпсть, Петр да маронзо улезетьне мерсьть: Тонавтыця! весе народсь перькат эци Эзэзэть, а Тон мерят: ки Монь эйс токадсь? ⁴⁶Іисус мерьсь: та ки токадсь Эзэзэнь: Мон маринь Эстэдень лисиця вій. ⁴⁷Авась, нейсазо а сёпови, сорнозь мольсь, прась икелензэ да весе ломатьнень икеле ёвтлизе Тензэ, мезень кувалма токадсь Эзэзэнзэ да кода сеск пичкась. ⁴⁸Сон мерьсь тензэ: иля пельть, [ 168 ]тейтерем! тоньть кемимат идиньзеть, азё сэтьме-чи маро. ⁴⁹Сонзэ нень кортлима шкане, сась синагогань начальниксть кудосто ве ломань да мери тензэ: тейтереть кулось, иляк майсевте Тонавтыцянть. ⁵⁰Тень марязь, Іисус мерьсь тензэ: иля пельть, аньсяк кемть: тейтереть идезь ули. ⁵¹Кудосьтень сазь, Сон киньгак эзь мерьть тозо совавтомодо Петрадо, Іаковдо, да тейтерсть тетядонзо, авадонзо башка. ⁵²Весе аварьдсть да лайшесть тейтерсэнть. А Сон мерьсь тенст: илядо авардьть, сон ведь эзь кулок — уды. ⁵³Сынь содасть, што тейтерьсь кулось, секс пеедсьть лаҥгсонзо. ⁵⁴Сон весемень ушов панезь, саизе тейтерсть кедьте, да, сергедезь, мерьсь: тейтерьне, стяк; ⁵⁵сонзэ велявсь мекев оймезэ да сеск стясь. Іисус мерьсь тензэ ярсамс максмодо. ⁵⁶Тетянзо, аванзо дивасть. Сон эзь мерьть тенст теде кинень-гак ёвтлемеде.

↑ стявтызь, пувтызь.
↑ легіонсонть кото тыстят.

Глава 9.

¹Кемгавтотьнень тердезь, максь тенст вій да покш чи весе амазытнень лаҥгс да ормань пичкавтлемс-как. ²Кучинзе сынст Пазонь инязорокс чиденть ёвтлеме да сэредицятьнень шумбралгавтомо. ³Сон мерьсь тенст: ки лаҥгс мезе-як илядо сайть, а палка, а котума, а кше, а сія; кавонст одижаҥк-как иляст ульть. ⁴Кодамо кудос соватадо, тоск кадоводо, тосто уж кис-как лиседе. ⁵А косо а приматадызьдеряй, се ошостонть лисьместэ лангозост нефтимань кис пильгезэҥк педязь пульсть-как чукиҥк. ⁶Сынь, туезь, якасьть велева, эрьва косо паро кулянь ёвтлезь да сэредицянь пичкавтлезь.

[ 169 ] ⁷Сонзэ тевтнеде марясь нилетькс частень Инязоро Ирод-гак да эзь сода, мезьть арсемс-как: веенцт кортасть: Іоанн кулозьде вельмесь, ⁸омбонст — Илія сась, а ліят — кодамо-як кезэрень пророкнень эйстэ вельмесь. ⁹Ирод мерьсь: Іоаннань мон прязо керія; ки ино тевате, конатадо мон истят марян. Да бажась Сонзэ нейме. ¹⁰Апостолтнэ, мурдазь ёвтлесть Тензэ, мезе сынь тейсть. Сон, сынст саезь, тусь марост ве Вифсаида лемсэ ош маласо чаво таркас. ¹¹А народсь, теде содазь, мольтсь мельганзо; Сон, сынст примазь, кортась марост Пазонь Инязорокс чиденть, а кинень эрявсь ормадо віеммекс — віемтинзе.

¹²Кода чизэ кармась чокшнэ ёнов велявтомо, састь ваксозонзо кемгавтовотьне да мерьсть Тензэ: ведь минь тесэ чаво таркасотанок, нолды ломатьнень, молест перька велетненень удомо, да ярсамонь вачамо. ¹³А Сон мерьсь тенст: тынь максодо тенст ярсамс. А сынь мерьсть: минек вете кшеде, да кавто калдо башка мезенек-как арась; ара мольмекс тенек да весе не ломатьненень ярсамс рамамс? ¹⁴Ведь ломатнеде ульнесть вете тыстяшка. Сон мерьсь тонавтницянстэнь: озавтниҥк сынст рядс ветгеменень—ветгеменень. ¹⁵Сынь тейсть истя, весемень озавтнизь. ¹⁶Сон вете кшетнень да кавто калтнэнь саезь, вачтась менельсть лаҥгс, баславинзе сынст да, синтрезь, максынзе тонавтницянстэнь ломатьненень явшемс. ¹⁷Весе ярсасть да пешкедсьть да сындест мейле кадовозь сускомотьнеде пурнасть кемгавтово кептереть.

¹⁸Весть Сон ськамонзо таркасо ознось, [ 170 ]тонавтницянзо-як маронзольть. Сон кевстинзе сынст, мерезь: кикс ловсамизь Монь ломатьне? ¹⁹Сынь мерьсть каршонзо: Іоанн Крестителькс, а конат — Иліякс, конат мерить, — кодамо-як кезэрень пророкнэнь эйстэ вельмесь. ²⁰Сон мерьсь тенст: а тынь кикс Монь ловсамизь? Петр мерьсь каршонзо: Пазонь Христозокс. ²¹Сон кеместэ кардынзе сынст, штобу кинень-гак теде иляк ёвтлек, ²²мерезь: Ломанень Цёрастень ламо пиштевтемс сави, атятнень, архіерейтьнень да книжникнень пельде апримазь ульма Тензэ, маштозь ульма да колмоце чистэ мекев вельмима.

²³Мейле весеменень мерьсь: кинь мельзэ ули Монь мельган молемс, се эсь прянзо стувтоссо саессэ эсь крёстонзо да Монь мельга молезэ. ²⁴Ведь кинь мельзэ эсь оймензэ ванстомс, се ёмавцазо сонзэ. А ки ёмавцазо Монь кис оймензэ, се вансцазо сонзэ. ²⁵Кодамо лезэсь ломанстень, сайсазодеряй сон весе мастор лаҥгсоть эстензэ, а эсь прянзо ёмавцазо, или коласазо? ²⁶Ведь ки виздилгады Моньдень, да Монь валдон, седе Ломанень Цёрась-как виздилгады, кода Сон сы эсь покш чисэнзэ, Тетянзо да святойть Ангелтнэнь-гак покш чисэст. ²⁷Видьстэ кортан теҥк: улить конат-конат тесэ аштицятнень ютксо, конат а неить куломодо Пазонь инязорокс чиньть неймезэст.

²⁸Не валтнэде мейле, кавксошка чинь ютазь, саинзе Сон Петрань, Іоаннань, Іаковонь да куйсь пандо пряс озномо. ²⁹Озномстонзо Сонзэ шачозо ліякс велявтсь, одижанзо теевсть ашокс, вандолдыцякс. ³⁰Маронзо кортлесть кавт ломать, конат ульнесть: [ 171 ]Моисей, да Илія. ³¹Сынь, покш чисэст неявозь, кортасть маронзо Сонзэ Іерусалимсэ куломодонзо. ³²Петрань да мартонзо улезьтнень сайнинзе удомо. Кода сынь сыргойсть, неизь Сонзэ покш чинзэ да мартонзо аштицят кавт ломатьнень. ³³Кода кармасть сынь вакстонзо туйме, Петр мерьсь Іисуснэнь: Тонавтыця! паро тесэ тенек аштемс. Тейдянок колмо шалагат: вейкень Тонеть, вейкень Моисейнень, вейкень Иліянень. Сонсь-как эзь содак сон месть кортась. ³⁴Сонзэ тень кортамсто коначинзе сынст пиземе пель. Сынь пельсть потс совазь, тандадсть. ³⁵Пельсть потсто марявсь вайгель, кона кортась: Те Монь вечкезь Цёрам; Сонзэ кулсонодо. ³⁶Те вайгельсть марявмо шкане, Іисус кадовсь ськамонзо. Теде сынь чатьменьсть, мезе нейсть сеть читнестэ, кинень-гак эзть ёвтлек.

³⁷Пандо прястонть валгомодо мейле омбоце чистэнть вастызь Сонзэ ламо ломать. ³⁸Друк ломатьнень ютксто вейке, сергедезь, мерьсь: Тонавтыця! инялдан Тенть, вачтак монь цёран лаҥгс, — сон монь вейкине. ³⁹Сонзэ кунцисазо дух, да сон друк пижакали, кургстонзо човт чудить. Аньсяк парьсте муцямодо мейле каднусазо сонзэ. ⁴⁰Мон инялдокшнынь тонавтницят туртов сонзэ паньмекс да эзь паневть тенст. ⁴¹Іисус каршонзо мерьсь: эх, акемиця да колезь плема! Знярс Мон карман ульме мароҥк да кирьдеме эстэдеҥк! Ветик цёрат тезэ. ⁴²Ветямстонзо амазысь тувтызе сонзэ да кармась рестеемензэ. Іисус кардызе аванькс духсть, да эйкакшонть віемтезь, максызе тетянстэнь.

[ 172 ] ⁴³Дивасть весе Пазонть покш чизэнзэ. Весемень Сонзэ лаҥгс дивамо шкастонть Сон мерьсь эсь тонавтницянстэнь: ⁴⁴путыҥк тынь не валтнэнь пилезэҥк: Ломанень Цёрась максозь ули ломатьнень кедьс. ⁴⁵А сынь эзизь чаркодть те валсть: сон сынст эйстэ вельтязь ульнесь, секс эзизь чяркодть, а Сонзэ кевстемс те валдонть пельсть. ⁴⁶Сась превезэст: ки юткстост весемеде покш. ⁴⁷Іисус, седейсэ арсимаст содазь, сайсь эйкакш, аравтызе икелензэ, ⁴⁸да мерьсь тенст: ки те эйкакшонть Монь лемень кис примасазо, се Монь примасамам; а ки Монь примасамам, се Монь кучицянть примасазо. Ки ютксоҥк весемеде вишкене — се ули покш.

⁴⁹Іоанн каршонзо мерьсь: Тонавтыця! Минь неинек Тонть лемсэ амазынь пансиця ломань да кардынек сонзэ, мейс сон минек марто а яки. ⁵⁰Іисус мерьс тензэ: илядо картле: ведь ки аволь каршонк, се тынк кис ашти. ⁵¹Кода кармасьть пачкодме Сонзэ те чистэ сайме чинзэ, Сон мелензэ сайсь Іерусалимев мольме. ⁵²Кучсь эсь икелензэ валонь пачтицят. Сынь тусть да Самарянонь велес совасть Сонензэ анокстамо. ⁵³Тосо содасть Сонзэ Іерусалимев мольмедензэ да эзизь примак. ⁵⁴Тень неезь, тонавтницянзо Іаков да Іоанн мерьсть: Тонавтыця! ули мелеть, минь мердянок менельстэ тол валгозо да сынст маштыньзе, кода тейсь Илія? ⁵⁵Сон, ёност велявтозь, кардынзе сынст да мерьсь: Тынь тынсь как асодатадо, кодамо превсэтядо. ⁵⁶Ведь Ломанень Цёрась сась аволь ломань ойметьнень ёмавтомо, а ванцтомо. Мейле тусть сынь лія велес.

[ 173 ] ⁵⁷Кіява мольместэст ве ломань мерьсь Тензэ: Господи! ков Тон иля мольть, мон мельгат молян. ⁵⁸Іисус мерьсь тензэ: ривезтьнень улить варяст^[1], менелень нармутьнень-гак улить пизэст, а Ломанень Цёраньть арась прянь путомс тарказо-як. ⁵⁹А омбоценень мерьсь: мольть Монь мельган. Се мерьсь: Господи! мерьть тень васня тетянь калмамо мольме. ⁶⁰А Іисус мерьсь тензэ: кадыть кулозтнень эсь кулозест калмамо, а тон мольть да Пазонь Инязорокс чиденть ёвтлек. ⁶¹Истяжо мерьсь омбоцесь-как: Господи! Тонть мельга молян, мерьть аньсяк тень васня монсинь кудосотнень марто простямо мольме. ⁶²Іисус мерьсь тензэ: Эрьва ки, конась путсынзе кедензэ сока лаҥгс да сонсь удалов ваны, се Пазонь Инязорокс чисэнть аволь кемма ломань.

↑ нораст, пизэст.

Глава 10.

¹Теде мейле Іисус кочксесь ліятат сисьгемень тонавтницят да кавтонь-кавтонь кучинзе Эсьстедензэ икелев эрьва ошос да эрьва таркас, козо Сонсинзэ мельзэль мольмекс. ²Сон мерьсь тенст: нуйматне ламо, а нуицятнеде а ламо. Инялдодо нуйматьнень азоростень, кучоволь-бу сон эсь нуйманзо лаҥгс нуицят. ³Азёдо, Мон тыҥк кучтадызь, кода реветь вергиз юткс. ⁴Мароҥк илядо сай а котума, а кандст, а кемть, да ки лаҥгсонть кі-як маро илядо шумбракшне. ⁵Кодамо кудос соватадо, васнят-как мереде: сэтьме чи улезэ те кудосьтень. [ 174 ] ⁶Улиньдеряй тосо сэтьме чинь цёра, сонзэ лаҥгс сэтьме чись ойми, а аулиньдеряй, мекев эстеҥк велявты. ⁷Секе кудостень кадоводо, да мезест ули, ярсадо, симеде. Ведь эрьва тевень теись, ашти тевензэ кис андумашка. Кудодо-кудос илядо яка. ⁸Кодамо ошос соватадо, да приматадызьдеряй, — ярсадо, мезе тенк путыть. ⁹Шумбралгавтыҥк, кодат улить эснэнзэ сэредицят, да кортадо тенст, (мерезь): малав пачкодсь теҥк Пазонь Инязорокс чись. ¹⁰Сатадодеряй кодамо-як ошос да а приматадызьдеряй, ульцяс лисезь, мереде: ¹¹вана, тыҥк ошосто пильгезэнек педязь пульсть-как сорновтлесынек теҥк. Содадо аньсяк: малазоҥк пачкодсь Пазонь Инязорокс чись. ¹²Мерян теҥк: судонь чистэнть Содомонь эрицятненень се оштонть шождыне ули. ¹³Апаро тенть Хоразин, апаро тенть Виѳсаида. Улевельтяк тыҥк эйсэ теезь чудатне Тирсэ да Сидонсо теезь, умок-бу сынь берянь одижань орчазь да пряст куловсо почодозь, озавольть да яҥгсевельть эсь пежетест кис. ¹⁴Ней-гак Тир маро Сидоннэнь судсть икеле тыньдеҥк шождыне ули. ¹⁵Тон-гак менельс кепедьтезь Капернаум, адс валтазь улят.

¹⁶Тыҥк кулсоныцясь, Монь кулсоны. Тыҥк эйстэ безарьдицясь, Монь эйстэ безарьди, а ки Монь эйстэ безарьди, се безарьди Монь кучицянть эйстэ. ¹⁷Сисьгемень тонавтницятне, эрьгедезь мурдасть да кортасть: Пазонок, Тонть леметь кувалт амазытьне-як эснэнек кулсоныть. ¹⁸Сон мерьсь тенст: Мон неія сатананть, кода сон ёндол ладсо менельстэнть прась. ¹⁹Вана Мон максан теҥк вій [ 175 ]чалгамс гуй лангс, скорпіон лаҥгс да весе душматнэнь віест лаҥгс-как да мезесь-как теҥк берянь а тееви. ²⁰Аньсяк илядо эрьгелек сенень, што амазытьне эснэҥк кулсоныть, эрьгеледе сень кис, што лемеҥк менельсэ сёрмадозь. ²¹Се шкастонть Іисус радувась оймсэнзэ да мерьсь: Тонть эснэ шнан, Тетяй, менель да масторонь Пазось: Тон превейтнеде да ламонь содыцятнеде тень кекшик, а эйкакшнэнень содавтык. Да, Тетяй! Тонть истямоль паро мелеть.

²²(Мейле) тонавтницянзо ёнов велявтозь, мерьсь: весе Монень максозь тетянь пельде; ки Цёрась — Тетядонть башка кі-як а содасозо да Тетясь-как ки — содасазо аньсяк Цёрась да се, кинень Цёранть мельзэ ёвтамс. ²³Таго тонавтницянзо ёнов велявтозь, ськамост туртов мерьсь: талановт сельтне, конатне неить сень, мезе тынь нейдядо. ²⁴Кортан теҥк: ламо пророкнэнь да инязоротнень ульнесь мелест неемс, мезе тынь нейдядо да эзть нейть; марямс, — мезе тынь марятадо, да эзть маряк.

²⁵Вана ве законник стясь да сонзэ снартомонь кис мерьсь: Тонавтыця! мезе тень теемс, штобу пиҥгевтеме эрямостень совамс? ²⁶Сон мерьсь тензэ: законсонть мезе сёрмадозь? кода ловнат? ²⁷Сон мерьсь каршонзо: вечкик эсь Пазот весе седейсэть, весе оймесэть, весе війсэть, да весе арсимасот, а малавиксэть, кода эсь прят (вечкат). ²⁸Іисус мерьсь тензэ: тон видьстэ кортыть, — тейть истя, — эрямо кармат. ²⁹Сон, эсь прянзо видекс таргамонь кис, мерьсь Іисуснэнь: а ки монь малавиксэм? ³⁰Тень каршо Іисус мерьсь: Ве ломань ютась [ 176 ]Іерусалимстэ Іерихонс, да поҥгсь разбойникнень, конатне одижанзо лаҥгстонзо нельгизь, сонсинзэ рань потсо теизь да куломо лаҥгсо кадозь, тусть. ³¹Савсь се кіяваньть ютамс ве попнэнь. Сон сонзэ, неезь, ютась ваксканзо. ³²Истяжо левит-как се таркасонть улезь, мольсь ваксозонзо, ванызе да тусь ваксканзо. ³³Ютамсто молевсь лаҥгозонзо ве самарянин, да сонзэ неизь, жализе. ³⁴Сон, ваксозонзо молезь, ранензэ, вина маро ойсэ ваднезь, тапаринзе да, осёлонзо лангс озавтозь, гостинницас ускизе, да тосо-як якась мельганзо. ³⁵Омбоце чистэ, туйместэнзэ, таргась кавто динарійть, максынзе гостинницянть кирьдицястень да мерьсь: якак мельганзо: ютавтатдеряй седе ламо, мекев ютамсто пантсынь тенть. ³⁶Конась, арсимат кувалт не колмотнень ютксто разбойникнень поҥгозестень ульнесь малавикс? ³⁷Сон мерьсь: конась тензэ паро тейсь. Іисус мерьсь тензэ: азё, тон-гак истя тейть.

³⁸Якамстост совасть Сон ве велес. Тесэ ве Марфа лемсэ ава совавтызе Сонзэ эсь кудозонзо. ³⁹Сонзэ ульнесь Марія лемсэ сазорозо, кона озась Іисусонь пильгензэ вакс да кулсонось Сонзэ валонзо, ⁴⁰а Марфась майсесь Сонзэ покш каванямонь кис. Сон ваксозонзо молезь, мерьсь: Тонавтыця, или Тонть мельсэть-как арась, монь сазором ськамон кадымем Тонеть анокстамо? Мерьть тензэ, — пособляволь-бу тень. ⁴¹Іисус мерьсь каршонзо: Марфа! Марфа! Тон ламонь кис мелявтат да майсят. ⁴²Вейке яньсякъ эряви. Марія кочксизе паро частеньть, кона сонзэ пельде а нельгеви.

[ 177 ]

Глава 11.

¹Весть, кода Сон ве таркасо ознось да лоткась, тонавтницянзо ютксто вейке мерьсь Тензэ: Тонавтыця, тонавтымизь минек озномо, кода Іоанн тонавтынзе эсь тонавтницянзо. ²Сон мерьсь тенст: озномсто тынь мереде: Менельсэ тетянок! Тонть леметь шнавозь аштезэ. Тонть Инязорокс чить сазо. Мастор лаҥгсо-як Тонть олят менельсэ ладсо улезэ. ³Макст тенек эрьва чинень эрявиця кше. ⁴Простить минек пежетенек, ведь миньсь-как тенек пежетень теицятьнень простятанок. Манявмо оля тенек иля макст. Душмандо-як идимизь. ⁵Мейле мерьсь тенст: кинь-гак тыҥк ютксто улиньдеряй ялгазо, да сыньдеряй сон тензэ пелеве шкане да мери тензэ: ялгай, тука монень заём колмо кшеть: ⁶совась тень ялгам ки лаҥгсто да а мезе тензэ путомс. ⁷А се потсто мери каршонзо: илямак майсевть: кеҥкшень уж тулодозь, да эйкакшон-гак марон тарка лаҥгсот: а стяван да а максуван тенть. ⁸Мерян теҥк, сон а стиньдеряй да а максыньдеряй тензэ ялгань кувалма, стязь, максы тензэ, зняро веши, сонзэ пек педямонь кувалма.

⁹Мон-гак мерян теҥк: вешеде — максозь ули теҥк, вешнеде — муйдядо, стукадо — панжить теҥк. ¹⁰Ведь эрьва вешицясь — саи, вешницясь — муи, стукицянень панжить. ¹¹Кодамо тыҥк юткстоҥк тетя, вешиньдеряй кедьстэнзэ цёразо кше, максы тензэ кев? или вешиньдеряй кал, максы тензэ калонь таркас гуй?^[1] ¹²или вешиньдеряй ал, максы [ 178 ]тензэ скорпіон. ¹³Истя, тынсь апарт улезь-гак, машттадодеряй эйкакшоҥк туртов паронь максмо, менельсэ Тетяҥк седе-як макссазо кедьстэнзэ вешицятненень Святой Духсть.

¹⁴Весть Сон немоень эйстэ пансь амазы, да кода амазысь лись, немойсь кармась кортамо; народсь дивась. ¹⁵Конат-конат сынст ютксто кортасть: Сон амазытьнесэ панси амазытнень покшост, вельзевулонь війсэ. ¹⁶А ліятне, Сонзэ снартлезь, вейшть кедьстэнзэ менельстэ чуда. ¹⁷Сон, сынст арсимаст содазь, мерьсь тенст: эрьва инязорокс чись, явшевиньдеряй эсь юткованзо — чами. Кудо-як, башка туиньдеряй — машты. ¹⁸Шайтянсь-как туиньдеряй вейкень-вейкень лаҥгс, кода карми аштеме сонзэ инязорокс чизэ? А тынь кортатадо: Мон вельзевулонь війсэ пансян амазыть. ¹⁹Мон паньсиньдерян амазытьнесэ вельзевулонь війсэ, сестэ цёраҥк кинь війсэ пансить эснэст? Тень кувалма сынь улить теҥк судіякс. ²⁰Паньсиньдерян Мон амазытьнесэ Пазонь війсэ, сестэ пачкодсь теҥк Пазонь Инязорокс чись. ²¹Знярдо віев ломань эсь кудосонзо ружія маро вансты, сонзэ ули-парозо апак пельть ашти. ²²А знярдо сы лаҥгозонзо сондензэ віев, изнясазо сонзэ да сайсынзе сонзэ весе кедь-ёнксонзо, конатьне лаҥгс сон кемкшнесь да явшисазо сонзэ кедьстэ салазенть.

²³Ки аволь Монь маро, се Монь каршо. Ки а пурны Монь маро, се ёмавтли. ²⁴Знярдо аванькс духсь лиси ломаньсть эйстэ, сон, оймамо таркань вешнезь, яки ведьтеме таркава, да, апак муйть, мери: мурдан эсь кудозон, косто лисинь. ²⁵Сазь, сон [ 179 ]муйсазо сонзэ теньсезь да урядазь. ²⁶Сестэ сон моли да саи маронзо ліят сисем духт, эсьтедензэ-як благойть да, совазь, кармить эрямо тосо. Сестэ се ломанстень те меельцесь васенцеденть-как а паро эри. ²⁷Сонзэ нень кортамсто, народсть ютксто ве ава верьде вайгельть мерьсь Тензэ: Таланов потмось, кона Тонть кандтлинзеть, да потетне-як, конатьне Тонть потсевтидизь! ²⁸А Сон мерьсь: седе-як талановт Пазонь валонь марицятьне да мельсэст сонзэ кирдицятьне.

²⁹Кода кармась проммо ламо народ, Сон кармась кортамо: те родсь а-паро; сон чуда вешни, аньсяк пророк Іонань чудадо башка лія чуда тензэ максозь а ули. ³⁰Кода Іона Ниневіянь эрицятненень чудакс ульнесь, истя Ломанень Цёрась-как те родстень ули. ³¹Обед ёнксонь Инязоро авась сти судс те родонь ломатьне маро, да чумонцыньзе сынст: ведь сон масторонь ве пестэ сакшнось Соломононь превензэ кулсономо, а тесэ вана Соломондо-як покш. ³²Ниневіянь эрицятьне стить судс те родсть маро да чумонтсызь сонзэ: ведь сынь Іонань проповедьте кадызь пежетест. А вана тесэ Іонадо-як покш. ³³Ведь кі-як курвастезь свеча а путы кекшезь таркас или кедьге алов, а шанталс, штобу весе кудос совицятне валдо неест.

³⁴Киськень валдомтыцязо — сельме. Тень кувалма, улиньдеряй тоньть сельметь ванькс, весе киськеть-как ули валдо. А улиньдеряй сон берянь, — киськеть-как ули чопуда. ³⁵Ванок, эснэть валдось аволь чопуда-ли. ³⁶Улиньдеряй весе киськеть валдо, а улиньдеряй эснэнзэ ве тарка-як чопуда, сестэ [ 180 ]весе валдосо валдомтозень кондямо улят валдо. ³⁷Сонзэ нень кортамсто ве фарисей терьдизе эстензэ ярсамо. Сон совась тензэ да озась стольэкшес. ³⁸Фарисейсь дивась, кода неизе Сонзэ кедень авак шляк ярсамо озамодо. ³⁹Іисус мерьсь тензэ: ней, тынь фарисейтьне, ваканонь да блидянь ушо ёнкснэнь ванськавтлитядо, а тынсиҥк потмоҥк пешксеть саламодо да апародо. ⁴⁰Превтеметь! аволь секе-ли теизе потмо-ёнксонть-как, кона теизе ушо-ёнксоньть. ⁴¹Макследе лучи, мезеҥк ули, милостинат, сестэ тыҥк весе ванькс ули.

⁴²А паро теҥк, фарисейтьне, тынь кеменце часть макстадо метасто да рутасто^[2] да эрьва мень пире эмежде-як, а Пазонь вечкеманть, да судсть кадносыҥк; неть-как теймекс эрявольть да сетне-як а кадомксольть. ⁴³А паро теҥк фарисейтьне, тынь вечктядо синагогасо икеле озадо аштиманть; да ульця кунчкасо мартоҥк шумбракшнуманть. ⁴⁴А паро теҥк, книжникть да фарисейть, лицемерт, тынь кекшезь кандолаз ёнов мольдядо, конатьнень лаҥга якить ломать, да а содыть эстэдест. ⁴⁵Тень карчо законникнень ютксто вейкесь мерьсь Тензэ: Тонавтыця, нень кортазь, Тон минек эснэ-як досадят. ⁴⁶Сон мерьсь: Тынеҥк-как а паро, законникть: тынь ломань лаҥгс путлитядо а кандовишка кандумат, а тынсь ве сурсоҥк-как а токшитядо эзэзэст.

⁴⁷А паро теҥк, тынь тейнитядо парт калмо лаҥкт сетьне пророкнэнень, конатьнень кевсэ [ 181 ]маштлизь тетяҥк. ⁴⁸Истя тынь тетяҥк тевдест невтлитядо да марост ве лаҥгс мольдядо: сынь пророкнэнь машнизь, а тынь калмолаҥкт тенст тейнитядо. ⁴⁹Тень кувалт Пазоньть Премудростезэ-як мерьсь: кучан тенст пророкт да апостолт: сынь веенцнэнь эстэдест машцызь, омбонцнэнь паньсызь. ⁵⁰Ино улезэ вешнезь те родсть пельде весе пророкнэнь верест, коната валозь масторонть тейме шкасто саезь, ⁵¹Авелень верьстэнть Захаріянь верьс пачкодьмес, коната маштозь жертвенник маро церькува ютксо. Да! мерян теҥк, вешнезь ули те родсть пельде. ⁵²А паро теҥк, законниктьне: тынь саиҥк чаркодьмань панжумантьнень да тынсь-как эзиде совак, да совицятнень-гак эзиҥк нолда. ⁵³Нень сынест кортамо шкане книжникне да фарисейтьне кежевстэ кармасть лаҥгозонзо мольме да ламонь кувалма пельдензэ ответэнь вешеме. ⁵⁴Сынь снартлесть Эснэнзэ да стараясть, кода-як валсо кундамс Сонзэ да чумондомс.

↑ ёзнэ, кьюв, куй, ку.
↑ рута — менть тикше, ваднильть эснэнзэ пирес. Ямс-как пицильть эснэнзэ.

Глава 12.

¹Кода промсь пек ламо народ, натой вейкест-вейкест лаҥгс эцесть, Сон кармась кортамо, васнят эсь тонавтницянстэнь: ванстодо пряҥк эснэ фарисеень чапавтумадонть: сон ломанень манчима. ²Ведь мезе-як истя кекшезь а эри, конась-бу аволь муевть; истяжо салава тев-гак, конадо-бу авольть содак. ³Тень кувалма, мезе тынь ёвтыде чопуда таркасо, се марязь ули валдо таркасо: мезе кортыде пилес, кудо потсо, седе кармить кортамо кудо прясто. ⁴Кортан теҥк, эсь ялган [ 182 ]туртов: илядо пельть сетнеде, конатненень ёмавтови аньсяк киськесь, а лія мезе-як тенст а тееви. ⁵Ёвтан теҥк киде пелемс: пеледе седе, конань куловтомодоҥк мейле ули олязо каямс тыҥк амадиця толс. Да, мерян теҥк, седе пеледе. ⁶Аволь вете нармуннеть ли микшневкшныть кавто ассаріядо, а вейке-як эстэдест Пазонть икеле апак стувт. ⁷А тыҥк весе пря-череҥк-как ловнозь. Тень кувалма, илядо пельть: тынь ламо нармутьнеде питневттядо.

⁸Мерян теҥк: ки Монь ломань икеле содавцамам, сень Ломанень Цёрась-как Пазонь Ангелтнэнь икеле содавцазо. ⁹А ки Моньдень ломань икеле сёпи, седе Пазонь Ангелтнэнь икеле-як сёпозь ули. ¹⁰Эрьва ки, ёвтыньдеряй вал Ломанень Цёранть лаҥгс, простязь ули, а ки ёвтыньдеряй берянь вал Святой Духоньть лаҥгс, се простязь а ули. ¹¹Знярдо ветятадызь промксос, начальникненень, да прявтнэнень, илядо мелявт, кода или мезть теҥк отвечамс, или мезть кортамс: ¹²Святой Духсь тонавттадызь се частонть, мезе эряви кортамс.

¹³Народ ютксто вейке мерьсь Тензэ: Тонавтыця, мерьть братон туртов, явовлессе-бу марон тенекь кадовозь ули-паронть. ¹⁴Сон мерьсь ломаньстень: ки Монь путымем тыҥк лаҥгс судіякс, или явшицякс? ¹⁵Се пиҥгть мерьсь тенст: ванодо, ванстодо пряҥк сюпав чис правтомодо, — ведь ломанень эрямось а ваны сюпав чи лаҥгс.

¹⁶Ёвтась тенст притча: ве сюпав ломанень парьсте шачсь паксясо сюрозо. ¹⁷Сон эсь пачканзо арьсесь: мезть теян? Монь арась сюронь пурнамо таркам; ¹⁸мейле мерьсь: вана, мезе теян: яжасынь [ 183 ]утомон да седе покшт теян, да тозо пурнасынь весе сюрон да ули-паром, ¹⁹да мерян оймень туртов: оймем, ламо тонть ули парот ашти, ламо іес саты, — васькак ней, симть, ярсак, да весёлгалек. ²⁰А Пазось мерьсь тензэ: превтеме, те вестэнть-как ойметь сайсызь эйстэть, кинень кадови, мезе тон анокстыть? ²¹Истя эри, ки эсь кисэнзэ паро пурны, а аволь Пазонь кис сюпалгали. ²²Мейле мерьсь эсь тонавтницянстэнь: тень кувалма, мерян тенк: илядо мелявт оймеҥк кис, мезьде теҥк ярцамс; киськеҥк-как кис — мезес орчамс. ²³Оймесь ярсамодонть покш, а киськесь — одижадонть. ²⁴Ванодо варакатьнень лаҥгс: сынь а видить, а нуить; арасть сынст а ули-паронь путмо таркаст, а утомост, а Пазось три эснэст; а тынь зняро раст нармутьнеде парттадо? ²⁵Ки тыҥк ютксто, пек пиштевтезь, эсь сэрезэнзэ лездави хоть ве кенере? ²⁶Аламось-как теҥк а теевиньдеряй, месть ламоньть мельга правттадо? ²⁷Ванодо балягатнень^[1] лаҥгс, кода сынь касыть: а пиштевтить, а штердить; мерян теҥк, Соломон-гак, кодамо славазо ульнесь, а истя эзь орчакшнок, кода вейкесь сынст эйстэ. ²⁸Пазось истя орчавтыньдеряй паксянь тикшеньть, кона чече касы, а ванды каштоц^[2] каязь ули, а седе-як-ли парьсте орчатадызь тыҥк, аламо-кемицят. ²⁹Ино илядо вешне, мезьде теҥк ярсамс или мезьде симемс да илядо мелявт-как. ³⁰Ведь весемень нень вешнить аньсяк те пиҥгень ломатьне: тыҥк Тетяҥк соды, што неть теҥк эрявить. ³¹Тынь весемеде пек [ 184 ]вешнеде Пазонь инязорокс чинть, сестэ весе неть-как максозь улить теҥк.

³²Иля пельть, вишкине стада, ведь Тетяҥк паро мель сайсь тынеҥк максомс инязорокс-чисть. ³³Микшниҥк эсь ули-пароҥк да милостинат явшеде. Анокстадо эстеҥк менель лаҥгс путма таркат а таштомицят; ули-паро знярды-як а маштыця, козо салыця малав а молеви, косо кі-як а калги: ³⁴ведь косо пароҥк, тосо ули седееҥк-как. ³⁵Карксамоҥк улест карксазь, светильникеҥк-как курвастезь. ³⁶Уледе тынь истямо ломанень коньдят, конатьне учить азорост эснэ свадьбасто мурдамонзо, штобу кодак азорось, сазь, стукади, сест панжомс тензэ: ³⁷Талановт сеть уретьне,^[3] конатнень азорось сазь муйсыньзе апак удок; видьстэ мерян теҥк, сон озавтнесынзе, сынст, а сонсь, карксазь да икелест молезь, карми эснэст каванямо. ³⁸Сыньдеряй сон вень омбоце караулонь полавтума шкане, да колмоцестэнть-как, да муйсыньзедеряй истя, сеть уретьне талановт. ³⁹Тень содасыҥк ведь, — содаволь-гак кудазорось, кона шкане сы тензэ салыця, сон аволь удок-бу, да авольсе нолдак-бу кудо алгсонзо чувмо; ⁴⁰тынь-гак анокт уледе: ведь кона частонть а арситядо, сы Ломанень Цёрась. ⁴¹Петр мерьсь: Тонавтыця, миненек те притчанть ёвтлят, или весеменень?

⁴²Іисус мерьсь: конась виде да превей кудонь ваныцясь, конатань азорозо путызе весе важонзо^[4] лаҥгс покшокс да шкастонзо тенст оҥкстазь кшень максмо? ⁴³Таланов се важось, конатань азорозо [ 185 ]мурдамодо мейле муйсазо истя тейместэ. ⁴⁴Видестэ кортан теҥк: сонзэ весе ули-паронзо лаҥгс покшокс путсазо. ⁴⁵Мериньдеряй се уресь эсь пачканзо, азором курок а сы, да карми важотнень да важо аватнень чавмо, симме да ярсамо, да иредеме. ⁴⁶Сы се важонть азорозо се чистэнть, конайстэ сон а учи, се частосонть, конайстэ сон а арси; (сазь) сон шачк керясазо сонзэ да каясазо аволь виде ломатьнень марто ве таркас. ⁴⁷Ведь се важось, кона содыльце азоронзо мелензэ, да эзь анокста, эзь тей сонзэ мелензэ кувалт, пек чавозь ули. ⁴⁸А кона апак сода теи чавмошка чумо, се пек чавозь а ули.

Кинень ламо максозь, сень пельде ламо кевстнить-как. Ки лаҥгс ламо кемить, сень пельде ламо вешнить-как. ⁴⁹Мон сынь мастор лаҥгс толонь валтамо. Да мелем, седе курок курвазевель-бу сон. ⁵⁰Монень эряви лемдимасо лемдевмекс, кода Мон майсян тень теевмезэнзэ. ⁵¹Арситядо-ли тынь, што Мон сынь мастор лаҥгс оймамонь максмо? Арась, мерян теҥк, — (Мон сынь) явшеме. ⁵²Ведь-те шкадонть мейле вете ломать ве кудосо кармить явмо, — колмотне кавтотнень каршо туить, а кавтотне — колмотнень каршо. ⁵³Тетясь карми мольме цёранзо каршо; цёрась — тетянзо каршо, авась — тейтерензэ каршо; тейтерьсь — аванзо каршо; ававтось — урьванзо каршо; урьвась — ававтонзо каршо. ⁵⁴Народстень-гак мерьсь: знярдо тынь нейдядо чинь валгома ёндо пелень кепеттемеде, сеск мерьдядо: пиземе ули да истя эри; ⁵⁵знярдо обед ёндо вармась (пуви), — мерьдядо пси ули, да эри. ⁵⁶Лицемерт, масторонь да менелень шачонть явмо [ 186 ]машттадо; кода ино те шкась тенк а содави? ⁵⁷Мейсь тынь эсь кувалмаҥк а содатадо, мезнень улемс эряви? ⁵⁸Знярдо тенть душманот марто мольмекс сави начальникнень, ки лаҥгсо-як правт эстэдензэ меньмекс, аволезенть макст-бу судіянень; а судіясь аволензеть макст важонстэнь; а важось озавтанзат тюрьмас. ⁵⁹Мерян тенть: а лисиват тосто остатка ярмакот максомс.

↑ светкатьнень.
↑ пецькас.
↑ работьникне.
↑ работникензэ.

Глава 13.

¹Се шкастонть састь та-кить да ёвтасть Тензэ Галилеень ломатьнеде, конатьнень верест Пилат човоризе жертваст верь маро. ²Тень карчо Іисус мерьсь тенст: арситядо-ли тынь, што неть Галилейтне весе Галилейтнеде пежетевть ульнесть, секс сынь истя кулость? ³Арась, мерян теҥк; пежетеҥк а кадсыҥкдеряй, весе истя ёматадо. ⁴Или, арситядо-ли, што сеть кемьгавксово ломатьне, конатьнень лаҥгс саворьсь Силоамонь башнясь да маштынзе, весе Іерусалимсэ эрицятьнеде пежетевть ульнесть? ⁵Арась, мерян теҥк: пежетеҥк а кадсыҥкдеряй, весе истя ёматадо. ⁶Мейле ёвтызе те притчанть: Ве ломанень виноградниксэнзэ ульнесь озавтось смокомницязо. Сась сон лаҥгстонзо умарень вешнеме; да эзь муйть. ⁷Да мерьсь виноградникень ваныцястень: вана мон колмоце іе сакшнан те смоковницянть лаҥгсто умарень вешнеме, да а мукшнан; керикь сонзэ; мезень кис сон стяко мода кирьди. ⁸А се мерьсь каршонзо: азором! кадык сонзо те іестень-гак; мон чувса сонзэ юрзо да навоснэ валяса. ⁹А канды ли умарьть; сестэ-як а кандыньдеряй, сы іестэ керясак сонзэ.

[ 187 ] ¹⁰Субута чине Сон тонавтсь ве синагогатьнень эснэ. ¹¹Тосо ульнесь ава, кона кемьгавксово іе амазынь колавцо сэредсь, сон ульнесь кичкерьгадозь, да видьстэ-як а аштевиль. ¹²Іисус, сонзэ неезь терьдизе, да мерьсь тензэ: ава, тон меньстезят ормадот, ¹³да путынзе лаҥгозонзо кедензэ: авась сеск видемсь, да кармась Пазонть шнамо. ¹⁴Синагогань прявтось, кежіявтозь, мейсь Іисус субута чине (ломаньсть) віемтизе, мерьсь народстень: улить тевень теемс кото чить, сетьнестэ пряҥк віемтлеме-як сакшнодо, а аволь субута чине. ¹⁵Іисус каршонзо мерьсь: Эх лицемер! эрьва ки тыҥк ютксто ара а укстьсазо субута чине очксто буканзо, или осёлонзо да а ветясазо симдеме? ¹⁶А те Авраамонь тейтерьсть, конань вана кемгавксово іе уж, кода сюлмсизе амазысь, ава аволь эрявт субута чине нолдамс не сюлмсевкснэде? ¹⁷Нень кортамсто весе каршонзо молицятьне визделгатьсьть, а весе народсь радувакшнось Сонзэ весе паро тевенстэнь.

¹⁸Мерьсь Сон: мезе ёнов моли Пазонь Инязорокс чись? Мезе вакс сонзэ ладяса? ¹⁹Сон моли горчицянь видсьть ёнов, конатань саизе ломань да видизе эсь садозонзо. Сон кайсь да теевсь покш чувтокс, менелень нармутьне-як кекшневсть тарад потмозонзо. ²⁰Таго мерьсь: Мезе ёнов ладяса Пазонь Инязорокс чинть? ²¹Сон моли чапавтума ёнов, конань саизе ве ава, да каизе колмо оҥкст почт юткс, весемест чапаськадмозост. ²²Сон тонавтозь ютась ошнэва да велетьнева, кинзэ Іерусалим ёнов кирьдезь. ²³Ве ломань мерьсь [ 188 ]Тензэ: Господи! ара аламо идевицятнеде? Сон мерьсь тенст: ²⁴Правтодо теине ортаванть совамс; мерян теҥк: ламо вешнить совамс да а совавить. ²⁵Знярдо куд-азорось сти да кеҥкшензэ пекстасынзе, тынь карматадо ушосо аштеме да, кеҥкшентень зэрьказь, кортамо: Господи, Господи! панчт тенек; а сон мери каршозоҥк: а содатадызь костоньдядо. ²⁶Сестэ карматадо кортамо: минь тонть икеле ярслинек да симнинек, минек ульця ютксоно-как Тон тонавтыть. ²⁷А сон мери: мерян теҥк, а содатадызь костоньдядо, туеде вакстон, весе а паронь теицятне. ²⁸Ули тосо авардима да пейень чикордома, кода нейсыҥк Пазонь Инязорокс чистэнть Авраамонь, Исааконь, Іаковонь, да весе пророкнэнь, а тыньсиҥк ушов паньманть. ²⁹Сыть чинь лисьма ёндо, чинь валгума ёндо, пеле ве ёндо да обед ёндо, да Пазонь Инязорокс чистень совить. ³⁰Вана, конат ульнесть меелькст, сетне улить васеньцекст, а конат ульнесть васенькст, сетне улить меельксэст.

³¹Се чистэнть састь конат конат фарисейтьне да мерьсть Тензэ: листь да тук тестэ, ведь Ирод Тонть маштомот арьси. ³²Сон мерьсь тенст: азьдо, ёвтадо се ривеськестень: вана чече да ванды (аньсяк) амазытьнесэ паньсян да орматьнесэ пичкавтлян, а колмоце чистэ прятсынь. ³³Истя улезь-гак Монень эряви чече-як, да ванды-як да вандыде мейле чистэнть-как якамс: ведь а эри, штобу пророк косо-як Іерусалимде башка куловоль. ³⁴Іерусалим! Іерусалим! пророкнэнь машлиця да тенть кучозетнень кевсэ чавныця! зняро раст Монь [ 189 ]мелем ульнесь пурнамс тонть эйкакшот, кода клукницька пурнакшносынзе эсь левксэнзэ сёлнонзо алов да мелеҥк арасель. ³⁵Вана кадови теҥк кудоҥк чавосто. Мерян теҥк: а нейсамизь Монь се шкастень, знярдо серьгедтядо: баславазь Пазонь лемс сыцясь!

Глава 14.

¹Савсь Тензэ субута чине совамс ве фарисеень покшостнэнь кудос кшеде ярсамо. Фарисейтьне ваньсть мельганзо. ²Вана арась икелензэ ведь ормасо сэредиця ломань. ³Тень кувалма Іисус кевстинзе законниктнень да фарисейтнень: маштови-ли субута чине сэредицянь шумбралгавтомс? ⁴Сынь чатьменсть. Сон сэредицястень токавозь, шумбралгавтызе да нолдызе. ⁵Мейле мерьсь тенст: кинь-гак тыҥк эстэдеҥк прыньдеряй лисьмас осёлзо, или буказо, ара а таргасазо сонзэ сеске, субута чине? ⁶Не валтнэнь каршо сынь мезе-як эсть меревть Тензэ. ⁷Кода неизе, кода госькс тердезетне кочксесть эстест парт таркатьнень, Сон ёвтась тенсь притча: ⁸Знярдо тонть кі-як тердтянзатдеряй свадьбас, иля оза икелев таркас, кода-бу тердезетнень ютксо тондеть паро аволь ульть. ⁹Сестэ тонть да сонзэ тердицясь, икелеть молезь, аволь мерьть-бу теньть: максык сонензэ таркасть. Сестэ визькс маро сави тенть саемс меельць тарка. ¹⁰А знярдо тердезь улят, сазь, озак меельць таркас, штобу тердицят, икелеть молезь, мерезэ тенть: ялгай, озак седе икелев; сестэ мартот аштицятьнень икеле ули тенть мельс паро. ¹¹Ведь [ 190 ]эрьва ки, кона эсь прянзо покшокс теи, вишкиньгавтозь ули, а ки эсь прянзо вишкиньгавты, покшокс теезь ули.

¹²Мерьсь Сонсинзэ тердицястень-гак: знярдо тон теят обед или ужин, иля терьдть а эсь ялгант, а братот, а раськеть, а сюпав шабрат. Сыньгак-бу тонть истяжо аволедезь терьдть да аволезь пант тенть. ¹³А знярдо тон теят симмат-ярсамот, терьдть ништёйть, ормань колавт, хромойть да сокорт. ¹⁴Таланов улят, што сынест а мейсэ тенть пандомс: се пандозь ули тенть праведникнень вельмима шкастонть. ¹⁵Тень марязь, вейке Сонзэ маро стольэкшне озадотьнень ютксто мерьсь Тензэ: таланов, ки Пазонь Инязорокс чисэ кшеде суски.

¹⁶А Сон мерьсь тензэ: ве ломань тейсь покшт симмат ярцамот да терьдсь ламо ломать. ¹⁷Кода сась симма-ярцамо шкась, сон кучизе эсь важонзо тердезетненень ёвтамо: моледе, весе уж анок. ¹⁸Кармасть терьдезетне весе, вейсэ кортазь ладсо, тувталонь кайсеме: вейкесь мерьсь тензэ: мон мода раминь, эряви тень ванмонзо молемс: инялдан тенть, иля пеняця лаҥгозон. ¹⁹Омбоцесь мерьсь: мон вете парат букат раминь; молян, сынст кильдезь вачамост, инялдан тенть: иля пеняца лаҥгозон. ²⁰Колмоцесь мерьсь: мон урьвакстынь, секс а моливан. ²¹Мурдазь, се важось ёвтлесь теде азоронстэнь. Сестэ кудазорось, кежіявтозь, мерьсь важонстэнь: азё седе курок ошоньть ульцянь кувалт да пролутка юткова да совавтыть тезэ ништёйтьнень, ормань колавтнэнь, хромойтьнень да сокортнэнь. ²²Важесь (сазь) мерьсь: азором, мон теинь, [ 191 ]кода мерить, да оштё тарка ули. ²³Азорось мерьсь важостень: азё китьнень лаҥгс да пирявкснэнь кувалт да инялдозь терьдть, штобу пешкедезэ монь кудом. ²⁴Мерян теҥк: кі-як васень тердезетьнень эйстэ а суски монь ярцамодон: ведь ламо терьдезетнеде да аламо кочксезетнеде.

²⁵Маронзо ламо мольсть ломать. Сон ёност велявтозь, мерьсь тенст: ²⁶Ки сыньдеряй Монень, а соньсь а кармидеряй авечкеме: нинзэ, эйкакшонзо, братонзо, патянзо-сазоронзо, да эсь оймензэ-як, се Монень тонавтницякс а тееви. ²⁷Ки эсь крёстонзо эснэ а кантли да Монь мельган а яки, Монень тонавтницякс а тееви. ²⁸Кі-як юткстоҥк арсиньдеряй башнянь тейме, ара сон васнят, озазь, а ловнусазо, саты а саты ули-парозо сонзэ прядмокс? ²⁹А то, ушодозь, апрядовиньдеряй тензэ, авольть карма-бу весе неицятьне лаҥгсонзо пеедьме, ³⁰мерезь: вана те ломансь ушотсь тейме, да эзь прядовт тензэ. ³¹Или кодамо инязоро, лія инязоронь карчо турьме мольместэ, васнят, озазь, а арси: саты-ли сонзэ кемень тыстянь війзэ, лаҥгозонзо сыцянть комсь тыстянь віень каршо. ³²А сатышка улиньдеряй, сон сонзэ васоло ульместэ-як оштё кучи тензэ мирямонь инялдомо. ³³Истяжо, эрьва ки тыҥк ютксто, конась а катсазо весе ули-парозо, Монень тонавтницякс а тееви. ³⁴Сал паро; а ёмавтсазодеряй війзэ, месьне сон витьмекс? ³⁵сестэ сон а маштови а модас, а навозос да каясызь сонзэ ушов. Кинь улить марямс пилензэ — марязо.

[ 192 ]

Глава 15.

¹Сонзэ кулсономо сакшность Тензэ весе мытартьне да пежетевтьне-як; ²а фарисейтьне да книжникне, пеняцазь, кортасть: Сон пежетевтнень примси да ярсы мартост. ³А Сон тенст ёвтызе те притчаньть: ⁴ки тыҥк ютксто, конань сядо ревензэ да вейкень эстэдест ёмавтцазо, а кадсыньзе вейксэньгемень вейксэтнень чаво паксяс да а туи ёмазенть мельга, да муймезэнзэ а вешни эснэнзэ? ⁵А кода муйсазо, эрьгедезь, сайсазо сонзэ эсь лавтомонзо лаҥгс ⁶да, кудов сазь, терьдьсынзе ялганзо да шабранзо да мери тенст: эргеледе монь маро, мон муія ёмазь ревем. ⁷Мерян теҥк: менельсэ-як вейке пежетень кадыця ломаньсть кис вейксэньгемень вейксэ пежеттеме ломатьнеде-як пек эргедить эзэзэнзэ. ⁸Или кодамо-як авань улитьдеряй кемень драхманзо, да вейкень ёмавтсазодеряй, ара сон а пуви тол, да а карми кіяксонзо теньсеме, да драхмасть муевмес парьсте вешнеме? ⁹Муйсазодеряй, терьдсынзе весе ялганзо, шабранзо да мери тенст: эргеледе монь маро: мон муія ёмазь драхмам. ¹⁰Кортан теҥк: Пазонь Ангелтнэ истяжо эрьгелить вейке пежетень кадыця ломаньсть кис.

¹¹Таго мерьсь: ве ломанень ульнесть кавто цёранзо; ¹²вишкинесь мерьсь тетянстэнь: тетяй, туик монень, мезе тень саты ули-паростонть. Тетязо явизе тенст ули-парозо. ¹³Аламо шкань ютазь, вишкине цёрась пурнызе весе ули-парозо да тусь лія масторов эрямо. Тосо, апарьсте эрязь, весе ули-парозо ёмавтлизе. ¹⁴Кода сон весе ули-паронть [ 193 ]ютавтызе, ульсь се масторсонть вачо іе; сон кармась пиштевтеме. ¹⁵Сестэ, молезь, педясь сон се масторсонть ве эриця ломаннень, се кучизе сонзэ эсь паксязонзо тувонь ванмо. ¹⁶Сон рад ульнесь тувонь ярсамо килькштьнеде пекензэ пештямс да сетнеде-як кіяк эзь максне тензэ. ¹⁷Мейле, эсь пачканзо арсезевезь, мерьсь: зняро сиведезь ломать монь тетянь кудосо пешкедьмезэст кшеде ярсыть, а мон тесэ вачодо кулан. ¹⁸Стян да, тетянень молезь, мерян: тетяй, мон пежетс совинь менелень карчо да тонть икеле. ¹⁹Ней мон а аштян тонть цёрат мерьмекс, саимак монь сиведезь ломанень таркас. ²⁰Теде мейле стясь да тусь тетянстэнь. Кода сон васоло оштё ульнесь, неизе сонзэ тетязо, да жаль тензэ марявсь: чійсь сон карчозонзо, поводевсь кирьгазонзо да палызе. ²¹Цёрась мерьсь тензэ: тетяй, мон пежетс совинь менелень карчо да тонть икеле. Ней мон тонть цёрат мерьмекс а аштян. ²²Тетязо мерьсь эсинзэ важотьненень: туеде эҥг паро одижат да орчиҥк сонзэ, кедезэнзэ максодо суркс, пильгезэнзэ кемть. ²³Ветядо андозь ваз да печкиҥк: карматанок ярсамо да эрьгелеме. ²⁴Те монь цёрам кулокшнось да вельмесь; ёмакшнось да муевсь. Мейле кармасть эрьгелеме. ²⁵Покш цёразо се шкане паксясоль. Тосто мурдамсто, кода сон пачкотсь кудонть малав да маринзе морамотнень да эрьгелиматнень, ²⁶тердсь ве важо да кевстизе: те мезе истя? ²⁷Сон мерьсь тензэ: тонть братот сась, сонзэ шумбрасто самонь кисэ, тетят печксь андозь ваз. ²⁸Сон кежіявтозь кудос-как а совиксэль. Тетязо лись да кармась тердемензэ. ²⁹Сон мерьсь тетянзо карчо: [ 194 ]зняро іеть мон тонеть важадян; тонть кармавтумат знярдо-як апак тейть эзинь кадно, а тон монень знярдо-як сея^[1] левкске-як эзить макснек ялган маро ярсамс. ³⁰А кода сась те ускурявиця ава маро ули-парот ёмавтлиця цёрат, тон печкить тензэ андонь ваз. ³¹Тетязо мерьсь тензэ: Цёрам, тон яла монь марон. Весе, мезем монь ули, се — тоньть. ³²А те братот кулокшнось — да вельмесь, ёмакшнось — да муевсь, тень кис эряви радувакшномс да весёлгалемс.

↑ кацяга.

Глава 16.

¹Мерьсь эсь тонавтницянстэнь: ульнесь вейке сюпав ломань, сонзэ ульнесь юртонь ваныцязо, кона лаҥгс тензэ ёвтакшность, што сон сонзэ ули-паросонзо ёмавтли. ²Сон тердизе сонзэ да мерьсь тензэ: мезть мон маринь тоньдеть? Тука монень кудонь ванумат кувалт отчет: тон а маштуват монень кудонь ваныцякс. ³Сестэ кудонь ваныцясь арсесь эсь пачканзо: мезть теймекс тень? азором сайсазо кедьстэнь кудонь вануманть; чувмо а маштан, вешеме виздян. ⁴Чаркодинь мезе теемс, штобу, кода мон кудонь ванмонсто панезь улян, примавлемизь-бу эсь кудозост. ⁵Тердинзе азоронзо должникнень, эрь вейкень башка да мерьсь васеньцестень: тонть зняро монь азоростень пандумат? ⁶Сон мерьсь: сядо оҥкст ой. Сон мерьсь тензэ: саик сёрмат да седе курок, озазь, сёрмат: ведьгемень. ⁷Мейле мерьсь омбоценень: а [ 195 ]тонть зняро пандумат? се мерьсь: сядо оҥкст товзюро. Сенень-гак мерьсь: саик сёрмат да сёрмат: кавксоньгемень. ⁸Азорось шнызе аволь виде кудонь ваныцянзо истя ёжовсто теймензэ кис, ведь те пиҥгень цёратне эсь родсост валдонь цёратьнеде ёжовт. ⁹Мон-гак мерян теҥк: пурнадо эстеҥк ялгат аволь виде сюпав чисэҥк, штобу мейле, кода тынсь арась таркас аратадо, примавледезь-бу пиҥгевтеме эрямо таркас.

¹⁰Аламосо видесь, ламосо-як виде; а аламосо аволь видесь, ламосо-як аволь виде. ¹¹Истя ино, эзьде ульдеряй кеммат аволь виде сюпав чисэнть, ки кемдясазо теҥк виденть? ¹²Эзьде ульдеряй видеть, ломаненьзесэнть, ки теҥк макссазо тынсиҥксенть? ¹³Кодамо-як важо кавто азоро мельга а якави: сон или вейкень карми вечкеме, а омбоценть анейме, или вейкень кис карми стараямо, а омбоценть кис а карми стараямо. (Тынь-гак) а служавдадо Пазнэнь да сюпав чинень. ¹⁴Весемень нень маризь ярмаконь вечкицят фарисейтне-як да пеедсть лаҥгсонзо.

¹⁵Сон мерьсь тенст: тынь эсь пряҥк ломань икеле праведнойкс невтнитядо, а Пазось содасынзе тыҥк седееҥк: ведь мезе ломань икеле паро, се Пазонть икеле аванькс. ¹⁶Законсь да пророкнэ Іоаннань самс ульнесть; а се шкадонть мейле Пазонь инязорокс чиденть парт кулят молить, да эрьва ки, правтозь, сови эзэзэнзэ. ¹⁷Седе курок менельсь да масторсь маштыть, а законсто ве кикс-как а ёми. ¹⁸Эрьва ки, кона яви эсь нинзэ маро да лія саи, ускуряви, истя-жо, ки урьваксты мирьдензэ маро явозенть лаҥгс, се-як ускуряви.

[ 196 ] ¹⁹Ульнесь ве сюпав ломань; сон порфирасо да виссонсо^[1] орчазь якась да эрьва чистэ парьсте симсь, ярсась. ²⁰Ульнесь истяжо вейке Лазарь лемсэ ништёй, коната сый потсо аштесь мадезь сюпавсть ортанзо лаҥгсо: ²¹сонзэ ульнесь мельзэ сюпавсть столаҥгсто певерицят паморькснэде пекензэ пештямс. Кискатьне-як, ваксозонзо молезь, нолцесьть сыявксонзо эснэ. ²²Кулось ништёйсь; Ангелтнэ кандызь сонзэ Авраам ваксс^[2]. Кулось сюпавсь-как, сонзэ калмизь. ²³Адсо пиштевтемстэ сон кепединзе сельмензэ верев да васолдо-як неизе Авраамонь, да вакстонзо Лазарень-гак. ²⁴Сон, серьгедезь, мерьсь: Авраам тетяй, жалямак монь: кучик Лазарень, начтавлессе бу сон сур-пензэ ведьсэ да кельмевтевлессе монь келем: ведь мон те толсонть піян-палан. ²⁵Авраам мерьсь: эйдем, ледьстик мелезэть: ведь тон эрямо пиҥгстэть паронть саик, а Лазарь апаронть; ней вана сон тесэ васьки, а тон пиштевтят; ²⁶да теде башка оштё, тыҥк маро минек юткс теезь покш, потмакстомо тарка, тень кувалма, улевель-гак кинь-гак мельзэ минек ваксто тыҥк вакс туймекс — а туеви, истяжо тосто-як минек юткс а сакшныть. ²⁷Сестэ сон мерьсь: ино инялдан тенть, тетяй, кучик сонзэ монь тетянь кудос; ²⁸ведь монь вете братон, ёвтлевель-бу тенст, сынь-гак авольть сак-бу те пиштевтима таркастень. ²⁹Авраам мерьсь тензэ: сынст ули Моисеест да пророкост: сынст кулсоност. ³⁰Сон мерьсь: арась, Авраам тетяй, кі-як [ 197 ]кулозьтнень эйстэ сыньдеряй тенст, кадсызь пежетест. ³¹Сестэ Авраам мерьсь тензэ: Моисеень да пророкнэнь а кулсонытьдеряй, кулозьде вельмезестень-гак а кемить.

↑ питнев одижасо.
↑ менелень инязорокс чистень; царства небеснойс.

Глава 17.

¹Мерьсь эсь тонавтницянстэнь: манявмотьне апак сак а улить, а паро аньсяк сенень, кинь кувалма сынь сакшныть. ²Не вишкинетнень эйстэ вейкень манямодо, седе паро улевель-бу тензэ, содовольть-как кирьгазонзо ведьгев кев да каявлезь-гак моряс.

³Ванодо эсь мельгаҥк. Совиньдеряй каршот пежетс братот, кардык сонзэ; видькстыньдеряй, простик сонзэ. ⁴Чизэнзэ сисемь разт совиньдеряй каршот пежетс да сисемь разт мериньдеряй тенть: чумоян, простик тензэ. ⁵Тонавтницянзо мерьсть Пазостень: кастык минек веранок. ⁶Пазось мерьсь: улевель-гак тыҥк вераҥк горчицянь видьстешка, да меревельде-як те смоковницястень: таргавт да моря лаҥгс озак, кулсоновледезь-бу тыҥк. ⁷Ки тыҥк ютксо, конань ули стадань ваныця или сокиця важозо, да сонзэ паксясто самодо мейле мери тензэ: азё, седе курок озак стольэкшес? ⁸А мери-ли сон тензэ: анокстак тень ярсамс да карксазь, монь ярсавмо, симевме шказон икелень аштек; а мейле тоньсь ярсак да симть. ⁹Мейле ёвты-ли сон важостень пасиба сонзэ кармавтозенть теймень кис? а арсян. ¹⁰Тынь-гак истя, знярдо тейсыҥкдеряй весе теҥк кармавтозенть, мереде: минь мезе-як а аштицят важот: теинек аньсяк сень, мезе тенек [ 198 ]теемс эряволь. ¹¹Іерусалимев мольместэ, Сон ютась Самарія марто Галилеень юткова.

¹²Ве велес совамсто карчо вастызь Сонзэ кемень прокаженной ломать, конат лоткасть ве ёнов ¹³да покш вайгельсэ кортасть: Тонавтыця Іисус! ванымизь минек. ¹⁴Сынст неезь, мерьсь тенст: азьдо невтиҥк пряҥк попнэнень. Мольместэ сынь ванськадсьть (проказадост). ¹⁵Вейке эстэдест, ванськадмонзо неезь, покш вайгельсэ Пазонть шназь, мурдась мекев ¹⁶да, Іисусонь пильгс комадо празь, ёвтлесь Тензэ пасибат. Се ульнесь Самарянин. ¹⁷Іисус карчонзо мерьсь: аволь кемень-ли ванськатьсть? вейксэтьне косот? ¹⁸Кода сынь, те, лія племань ломанденть башка, эсть велявт Пазоньть шнамонзо? ¹⁹Сенень мерьсь: стяк да азё, тонть кемимат ваныньзеть.

²⁰Кода фарисейтьне кевстизь: знярдо сы Пазонь Инязорокс чись, Сон мерьсь карчост: Пазонь Инязорокс чись а сы неямга, ²¹а мерить: вана тесэ Сон или тосо: Пазонь Инязорокс чись тынсиҥк потмосоҥк. ²²Мерьсь Эсь тонавтницянстэнь: сыть чить, конатьнестэ Ломанень Цёраньть ве чинть аньсяк неевлеҥк да а нейсыҥк. ²³Сестэ мерить теҥк: вана тесэ, или тосо, илядо якак, да илядо чійне-как. ²⁴Ведь кода ёндол менелень ве песэ верьгеди да менелень омбоце песэ валдолды, Ломанень Цёрась-как истя ули Эсь чистэнзэ. ²⁵Аньсяк васня эряви Тензэ ламо пиштевтемс да те родстень Эстэдензэ безарьдемс.

²⁶Кода ульнесь Ноень читьнестэ, истя ули Ломанень Цёранть читьнестэ-як: ²⁷ярсасть, симсть, [ 199 ]урьвакстнесть, мирденень тукшность се чисть самс, кода Ной совась ковчекс да сась потоп да весемень ёмавтынзе. ²⁸Истяжо, кода ульнесь Лотонь читьнестэ-як: ярсасть, симсть, рамсесть, микшнесть, чувт озавтлесть, строясть, ²⁹а се чистэнть, конайстэ Лот лись Содомсто, менельстэнть валовсь толонь да палы кандалонь пиземе, да весе ёмавтынзе. ³⁰Истя ули се чистэньть-как, знярдо сы Ломанень Цёрась. ³¹Се чистэнть, ки ули кудо прясо, а парозо кудосо, — илязо валг саймензэ; ки ули паксясо, илязо мурда мекев. ³²Мельсэҥк кирьдиҥк Лотонь нинзэ. ³³Ки карми оймесэнзэ ванстомо, се ёмавцазо сонзэ, а ки ёмавцазо, се вельмевцазо сонзэ. ³⁴Ёвтлян теҥк: се вестэнть улить кавто ломать тарка лаҥгсо; вейкесь саезь ули, омбоцесь кадови. ³⁵Кавто вейсэ яжавтыця ават улить, вейкесь саезь ули, а омбоцесь кадови. ³⁶Кавто улить паксясо; вейкесь саезь ули, омбоцесь кадови. ³⁷Тень лаҥгс мерьсть Тензэ: Тонавтыця, косо те? Сон мерьсь тенст: косо кулозень киське, сезэ промить орёлт-как.

Глава 18.

¹Ёвтась истя-жо притча-як тенст, кода эряви яла озномс да а мелявтомс: ²Ве ошнэ ульнесь судія, кона Паздо-як а пелиль, ломанде-як а визьдиль. ³Секе ошнэнть ульнесь ве дова-ава; сон сакшнось тензэ да инялдсь, идимак монь марон пелькстыцяньть эйстэ. ⁴Судіясь куватьс эзь тейть сонзэ инялдомонзо кувалт. Мейле мерьсь эсь пачканзо: коть мон Паздо-як а пелян, ломаньде-як а виздян, ⁵а те довась монень оймамо-як а максы, идиса мон сонзэ, лотказо монень сакшномодо да нерьнемеде. [ 200 ] ⁶Мейле Іисус мерьсь: марятадо, мезть корты аволь виде судіясь? ⁷А идясынзе-ли Пазось эсь кочксезь ломанензэ, конат чинек-венек инялдыть Тензэ, коть Сон а эряскады идямост? ⁸Мерян теҥк: Сон курок идясынзе; аньсяк Ломанень Цёрась, сазь, муи-ли мастор лаҥгсонть кемима? ⁹Ёвтась истяжо притча-як эсь пряст праведнойкс ловныцятнэнень да лія ломатьнень мезекс-как апутыцятнэнень:

¹⁰Кавто ломать совасть церькувас озномо: вейкесь фарисей, омбоцесь мытарь. ¹¹Фарисейсь, стязь, эсь пачканзо озность истя: пасиба Теньть Пазом, мон аволь истямоян, кодат ліят ломатьне: ломанень паронь нельгсицят, аволь видеть, ускурявицят; или вана кодамо те мытарсь. ¹²Недлязонзо кавсть пост кирьдян, мезе добуван, — кеменьтсе часть максан аразь ломаннень. ¹³А мытарьсь ве ёно аштесь, сон сельмензэ-як менельс кепедмест визьдсь, аньсяк, мештензэ лаҥга чавозь, кортась: Пазом, ульть милостливой монень, пежетевстень. ¹⁴Мерян теҥк, те тусь эсь кудозонзо тонадо пек пежеттензэ ваньскадозь: эрьва конась, ки эсь прянзо покшокс тейни, се вишкиньгавтозь ули, а эсь прянзо вишкиньгавтыцясь, покшокс теезь ули.

¹⁵Кантлесть Тензэ эйкакшкеть-как Сонзэ эзэзэст токадимань кис. Тонавтницянзо, тень неезь, кардасть эснэст. ¹⁶Іисус, сынст тердезь, мерьсь: нолдынк эйкакштнэнь Монень сакшномо да илиҥк кирьдть сынст; ведь истятнэнь ули Пазонь Инязорокс чись. ¹⁷Видестэ мерян теҥк: ки эйкакш ладсо Пазонь Инязорокс чинть а примасазо, се а сови эзэзэнзэ.

[ 201 ] ¹⁸Кевстизе Сонзэ ве прявт ломань, мерезь: Паро Тонавтыця! Мезть монень теемс, штобу пиҥгень пиҥгс эрямостень совамс? ¹⁹Іисус мерьсь тензэ: мейс мерят Тень паро? Ве Паздо башка кі-як аволь паро. ²⁰Заповетнень содасыть: иля ускурявт, иля машт, иля салак, ломань лаҥгс стяко иля невть, тетять, авать мель ванок. ²¹Сон мерьсь: нень весемень мон вишка пиҥгстэнь теян. ²²Тень марязь, Іисус мерьсь тензэ: Тонеть оштё вейке аньсяк а саты: весе, мезеть ули, міить да ништёйнень явшить, сестэ ули-парот карми ульме менель лаҥгсо, а тонсь Монь мельга мольть. ²³Тень марязь, сон нусмангатсь, — сон вельть уж сюпав ульнесь. ²⁴Іисус, сонзэ нусмангадмонзо неезь, мерьсь: кодамо стака сюпавтнэнень Пазонь Инязорокс чистень совамось! ²⁵Сюпавонь Пазонь Инязорокс чистень совамодонть шождыне верблюднэнь салмукс варянь пачк лисемс. ²⁶Тень марицятьне мерьсть: кинь ино прязо ванови? ²⁷Сон мерьсь: мезе ломаннень а теевмашка, Пазостень тееви. ²⁸Петр мерьсь: вана, минь весе кадынек да Тонть мельга туинек. ²⁹Сон мерьсь тенст: видестэ мерян теҥк: арась кі-як, конась Пазонь Инязорокс чинть кис кадовольце-бу кудонзо, или тетянзо-аванзо, или патянзо-сазоронзо, или нинзэ или эйкакшонзо, ³⁰да аволь сайть-бу седе ламо те шкастоньть, да сыця пиҥгевтеме эрямо чисэнть-как.

³¹Кемгавтово тонавтницянзо тердезь, мерьсь тенст: вана, минь кузезь мольдянок Іерусалимс, да топодить весе, мезть Ломанень Цёранть кувалт пророкнэнь вельде сёрмадозь. ³²Ведь макссызь Сонзэ язычникненень, нарьгасызь Сонзэ, [ 202 ]покордасызь да сельгенесызь ³³да, чавозь, маштсызь Сонзэ, да колмотькс чистэ вельми. ³⁴А сынь тень эйстэ мезе-як эзть чаркодть: ведь не валтнэ сынст эйстэ вельтязь ульнесьть, секс сынь эзизь чаркодть ёвтазенть.

³⁵Кода Сон кармась пачкодьме Іерихон малас, ки чересэ ве сокор, милостынянь пурназь, аштесь озадо. ³⁶Ваксканзо народсть ютамодо марязь, сон кевсьтсь: те мезе истя? ³⁷Тензэ ёвтасть: Назаретэнь Іисус юты. ³⁸Сестэ сон, серьгедезь, мерьсь: Іисус, Давидэнь Цёра! жалямак монь. ³⁹Икелев ютыцятне кардасть эйсэнзэ, лоткаволь-бу, а сон седе-як пек пижнесь: Давидэнь Цёра! жалямак монь. ⁴⁰Іисус, лотказь, мерьсь сонзэ эсь ваксозонзо ветямодо; кода се мольсь ваксозонзо, кевстизе сонзэ: ⁴¹Мезе мелеть, Мон теевлень-бу тенть? Сон мерьсь: Господи, монь сельмень неевельть бу! ⁴²Іисус тензэ мерьсь: неест: тонть кемимат ванынзеть. ⁴³Эрь сон сеск нейме кармась да, Пазоньть шназь, тусь Мельганзо. Весе народсь-как, тень неезь, шнась Пазоньть эйсэ.

Глава 19.

¹Іерихонс совазь, Іисус ютась пачканзо. ²Вана вейке Закхей лемсэ сюпав ломань, кона ульнесь мытарьтьнень прявтост, ³правсь Іисусонь нейме, кодамо Сон ломансь; аньсяк Сон народсть экште эзь неявт тензэ: Закхеень сэрьзэ аволь покш ульнесь. ⁴Сон неймень кис чійсь икелев да куйсь смоковниця пряс, кона вакска Іисуснэнь ютамс эряволь. ⁵Кода Іисус пачкодсь се таркастень, вачтась верев, неизе сонзэ, да мерьсь тензэ: Закхей, валг седе курок: [ 203 ]чече Монень эряви улемс тонть кудосот. ⁶Закхей эряскадозь валгсь да, эрьгедезь, Сонзэ примизе. ⁷Тень неезь, весе кармасть пеняцамо да кортамо, мейсь Сон совась пежетев ломаннень. ⁸Закхей, стязь, мерьсь Іисуснэнь: Господи! ули-паром пелезэ явшиса мон ништёйнень, а кинь месне-як обедіядеряй, сенень нилень кирда пантса. ⁹Іисус мерьсь тензэ: чече сась те кудоньть идимазо: ведь сон-гак Авраамонь цёра. ¹⁰Ведь Ломанень Цёрась сась ёмазетнень вешнемест да ванмост. ¹¹Нень кулсономо шкане ёвтась тенст притча-як: ведь Сон ульнесь Іерусалимде аволь васоло, секс сынь арсесть, што Пазонь Инязорокс чись курок ней панчты. Сон мерьсь:

¹²Ве паро родонь ломань тусь васоло масторов эстензэ инязорокс чинь сайме да мейле мекев мурдамо. ¹³Тердинзе сон кемень важонзо, максь тенст кемень минат^[1] да мерьсь тенст: монь мурдамозон торгувадо эснэст. ¹⁴А се ошоньть эрицятне а вечкилизь сонзэ: сынь кучть мельганзо ломать ёвтамо: минек арась мельнек, штобу сон улевель лаҥгсонок инязорокс. ¹⁵Кода сон, инязорокс чинь саезь, мурдась мекев, мерьсь тердемеде сеть важотьнень, конатьненень максь ярмак, штобу содамс, ки зняро мусь лаҥгозост. ¹⁶Сась васенцесь да мерьсь: азором, тонть минат кандсь кемень минат. ¹⁷Сон мерьсь тензэ: паро, вадря важом: аламосо виде ульмат кис, сайть эстеть кирдемс кемень ошт. ¹⁸Сась омбоцесь да мерьсь: азором, тонть [ 204 ]минат кандсь вете минат. ¹⁹Сенень-гак мерьсь: тон-гак вете ош лаҥгсо ульть покшокс. ²⁰Сась колмоцесь да мерьсь: азором, вана тонть минат, мон сонзэ паця потсо кирдія: ²¹мон пелинь эстэдеть: ведь тон ломансь калгодоят: саят, мезе эзить путлек; нуят, мезе эзить виднек. ²²(Азорось) мерьсь тензэ: апаро важо, эсь валот кувалт судятан: тон содыть, мон ломаньсь калгодоян: саян, мезе а путан, нуян, мезе а видян; ²³мейс ино тон эзик макст монь ярмаком торговицятьненень, мурдазь мон саевлея-бу сонзэ лезкс марто? ²⁴Мейле мерьсь икелензэ аштицятьненень: саиҥк кедьстэнзэ минанть да максыҥк сенень, конань кемень минанзо. ²⁵Сонензэ мерьсть: азоронок, сонзэ кемень минанзо. ²⁶Сон мерьсь: мерян теҥк: эрь ломаньстень, конань ули, сенень максозь ули, конань арась, сень, мезезэ ули, се-як нельгезь ули кедьстэнзэ. ²⁷Сетьне душматнэнь, конатнень арасель мелест монь сынст лаҥгсо инязорокс ульмам, туиҥк тезэ да монсинь икелень маштыҥк. ²⁸Тень мерезь, Іисус тусь икелев, Іерусалим ёнов кузезь.

²⁹Кода пачкодсь Сон Виѳсфагія маро Виѳанія малас, Елеон лемсэ пандо вакс, кучинзе кавто тонавтницянзо, ³⁰мерезь: азёдо карчо аштиця велестень, эзэзэнзэ совазь, муйдядо содозь (осёлонь) парнэ, конань лаҥгс кі-як, знярдо-як ломатьнень эйстэ ласте эзь ойсек; укстезь ветиҥк сонзэ. ³¹Кі-як кевстядызьдеряй: мейс укстлесыҥк, истя мереде тензэ: сон эряви Тонавтыцянок туртов. ³²Кучозетьне тусть да мусть, кода тенст мерьсь. ³³Парнэнть укстемстэ, азоронзо мерьсть тенст: мейс укстнесыҥк [ 205 ]парнэнть? ³⁴Сынь мерьсть: сон эряви Тонавтыцянок туртов. ³⁵Ветизь сонзэ Іисуснэнь, да одижаст лаҥгозонзо каязь, озавтызь лаҥгозонзо. ³⁶Сонзэ ютамстонзо (ломатьне) ацлесть кинть лаҥга эсь одижасост.

³⁷Кода Сон пачкодсь Елеонской пандо прястонть валгума таркастень, весе, месть ульнесть тонавтницянзо, эрьгедезь, кармасть покш вальгейсэ Пазонть шнамо, весе чудатьнень кис, конатьнень сынь неизь, ³⁸мерезь: Баславазь Пазонь лемсэ сыця Инязорось, менель лаҥгсо сэтьме-чи да вере-як шнамо. ³⁹Конат-конат фарисейтне народсть ютксто мерьсть Тензэ: Тонавтыця! кардыть эсь тонавтницят. ⁴⁰Сон карчост мерьсь: мерян теҥк, лоткитьдеряй сынь, кевтне серьгедить. ⁴¹Кода Сон пачкодсь малав да неизе ошонть, кармась кисэнзэ аварьдеме, ⁴²мерезь: эх, коть те чистэнть содавлеть-как тон, мезе тенть эряви сэтьстэ эрямот кис! аньсяк ней те тонть сельместэть кекшезь. ⁴³Вана сыть тенть чить, кода душманот чувдадызь кругом да, перькат аразь, кармить эснэть эрьва ёндо теснямо. ⁴⁴Порксатадызь тоньть, да эйсэть эйкакшот-как чавсызь; а кадыть эстэдеть кев лаҥгс кев, секс, мейс эзить сода тонть эйс само шкадонть.

⁴⁵Церькувастень совазь, кармась паньцеме эснэнзэ микшницятнень да рамсицятьнень, ⁴⁶мерезь тенст: сёрмадозь: Монь кудом — ознума кудо; а тынь теиҥк разбойникень аштима таркакс. ⁴⁷Мейле эрьва чистэ тонавтсь церькувасо. Архіерейтне, книжникне да народонь атятьне вешнесть Сонзэ маштуманзо, ⁴⁸да эзьть муй, мезе маронзо теемс: [ 206 ]весе народсь вакстонзо апак тукшно, кулцонось Эснэнзэ.

↑ минасонть сядоведьгеменьшка целковой.

Глава 20.

¹Ве сеть читьнестэ, кода Сон ломатьнень тонавтсь церькувасо да парт кулят ёвтнесь, састь архіерейтьне да книжникне прявт атятьне маро ²да мерьсть Тензэ: ёвтак тенек, кодамо покш чисэ Тон тень теят? или ки Тенть максызе те покш чинть? ³Сон мерьсь каршост: Мон-гак кевстян кедьстэҥк ве вал, ёвтадо: ⁴Іоаннань лемдимась менельстэ ульнесь, или ломанень пельде? ⁵Сынь арсесть эсь пачкаст: мердянокдеряй менельстэ, Сон мери: мейс ино эзиде кемть тензэ? ⁶Мерьдянокдеряй: ломанень пельде, — весе ломатьне кевсэ чавсамизь, ведь сынь кемить, што Іоанн пророк. ⁷Сынь мерьсть: а содатанок косто. ⁸Іисус мерьсь тенст: Мон-гак а ёвтан теҥк, кодамо покш чисэ тень теян.

⁹Кармась народстень те притчанть ёвтлеме: ве ломань озавтлесь виноградник да максызе сонзэ виноград мельга якицянень, а соньсь тусь кувать шкас. ¹⁰Кода сась шкась, сон кучизе важонзо ваныцятненень виноградонь кис; а ваныцятьне сонзэ чавизь да кучизь истяк. ¹¹Азорось кучизе омбоце важонзо, сынь сень-гак, сёвнозь да чавозь, кучизь истяк. ¹²Кучизе сон колмоцень, сынь сень-гак, порксазь, панизь. ¹³Сестэ мерьсь виноградонь азорось: мезьть тень теймекс? кучса эсь вечкима цёрам, сонзэ неезь, паряк виздилгадыть. ¹⁴А виноградонь ваныцятне, сонзэ неезь эсь ютковаст арсезь, [ 207 ]кортасть: те тетянзо таркас кадовицясь, адядо машцынек сонзэ, сестэ тензэ кадовиця ули-парось минек ули. ¹⁵Да сонзэ виноградникстэнть ушов ливтезь, маштызь. Мезе теи тенст виноградникень азорось? ¹⁶Сон сы да маштлесынзе сеть виноградонь ваныцятнэнь, а виноградниксть макссазо ліянень. Тень марицятьне мерьсть: истя илязо ульть. ¹⁷А Сон, лаҥгозост вачтазь, мерьсь: мезе те сёрмадозесь: кевсь, конань каизь теицятьне, уголонь прякс теевсь? ¹⁸Эрьва ки, кона пры се кевсть лаҥгс, порксави, а ки лаҥгс сонсь пры, сень лепштясазо.

¹⁹Се шкастонть архіерейтьне да книжникне вешнесть Сонзэ кундамс да пельсть народтонть: сынь чаркодьсть, што те притчанть сынст ланга ёвтызе. ²⁰Сынь, мельганзо вандстозь, кучть Тензэ ёжов ломать, конатьне пряст парокс теезь, кода-як кундаволезь бу Сонзэ валсо, да максоволезь прявтостень да начальникстень. ²¹Сетне кевстизь Сонзэ: Тонавтыця! минь содатанок, Тон видьстэ кортат да тонавтат, ломань лаҥгс а ванат, а видьстэ Пазонь кистень тонавтат. ²²Эряви-ли тенек Кесарьнень каявкс пандомс или а эряви? ²³Іисус, сынст маньчимадост чаркодезь, мерьсь тенст: мейсь тынь Монь эснэ снартлитядо? ²⁴Невтиҥк Тень динарійсьть; кинь лаҥгсонзо шачось да сёрмадовксось? Сынь мерьсть: Кесарень. ²⁵Сон мерьсь тенст: максодо Кесареньзенть Кесарьнень, а Пазоньзенть Пазнэнь. ²⁶Истя эзь кундавт тенст ломань икельде валсо; да, ответэнзэ лаҥгс дивазь, чатменьсть.

²⁷Састь конат-конат саддукейтьнень эйстэ, конат кулозьтьнень вельмимас а кемильть, да кевстизь [ 208 ]Сонзэ: ²⁸Тонавтыця! Моисей сёрмадсь тенек: кинь кулыньдеряй урьвакстозь братозо да кулы эйкакшонь апак кадт, нинзэ саемс эряви братонстэнь, штобу тензэ плема нолдамс. ²⁹Ульнесть сисем братт; васенцесь, нинь саезь, эйкакштомо кулось. ³⁰Нинзэ саизе омбоцесь да се-як эйкакштомо кулось. Нинзэ саизе омбоцесь да се-як эйкакштомо кулось. ³¹Саизе сонзэ колмоцесь, истяжо весе сисемнеск, да кулость эйкакшонь апак кад. ³²Весемедест мейле кулось нись-как. ³³Кулозтьнень вельмемеде мейле конатанень сынст эстэдест сон никс ули? Ведь сонзэ сисемнест никс сайнизь. ³⁴Іисус мерьсь карчост: те пиҥгень ломатьне урьвакслить да мирденень тукшныть, ³⁵а конатьне совавить тона пиҥгестень да куломодо мейле вельмевить, сетьне а урьвакслить да мирденень-гак а лиснить, ³⁶да а куловить-как, ведь сынь, куломодо мейле вельмезь, Ангелтнэ маро вейкеть улить, Пазонь цёрат улить. ³⁷А кулозтьнень вельмимадост Моисей-гак купина вакснэ кортась, кода сон Пазостень мерьсь: Авраамонь Паз, Исааконь Паз, Іаковонь Паз! ³⁸Пазось ведь аволь кулозь ломатьнень Паз, а эрицятьнень: ведь Сонзэ икеле весе живойть. ³⁹Тень карчо конат-конат книжниктьнень эйстэ мерьсть: Тонавтыця! Тон парьсте мерить; ⁴⁰да теде мейле сынь эсть смеяк уж мезень кувалт-как Сонзэ кевстемензэ. А Сон мерьсь тенст: ⁴¹Кода кортыть, што Христозось Давидэнь Цёра, ⁴²а Сонсь Давид псаломонь книгасонзо мери: мерьсь Пазось Пазостень: озак Монь вить пелень се шкас, ⁴³знярдо Мон душманот путсынь пильгеть чалгамо таркакс. ⁴⁴Ведь Давид Сонензэ Паз мери, кода ино Сон цёра тензэ?

[ 209 ] ⁴⁵Весе ломатьнень кулсономо шкане Сон мерьсь эсь тонавтницянстэнь: ⁴⁶ванцтодо пряҥк книжникнень эйстэ, конат вечксызь кувака одижасо якамонть, вечксызь народонь пурнавмо таркасо шумбракшниманть, синагогасо икеле озадо аштиманть, симме-ярцамо таркасо весемеде икеле таркас озамонть, ⁴⁷конат дова авань кудотнесэ сэвнить да пряст невтимань кис куватьс ознокшныть. Сынь пек чумондозь улить.

Глава 21.

¹Вачтазь, Сон неинзе сюпавтнэнь, конат каясть ярмакт церькувань крушкас. ²Неизе истяжо бѣдной дованть-как, кона каясь тозо кавто лептат^[1], ³да мерьсь: видестэ мерян теҥк: те бедной довась весемеде ламо каясь: ⁴ведь весе неть каясть Пазостень ламо чидест, а те довась араздензэ каиньзе весе, месне ульнесь тензэ эрямс.

⁵Кода конат-конат кортлесть церькувадонть, кода сон мазылгавтлезь паро кевсэ да ломатьнень тензэ максумасонть, Сон мерьсь: ⁶вана сыть чить, конатьнестэ весемеде, мезе тесэ нейдядо, а кадови кев лаҥгс кев; весе ули яжазь. ⁷Кевстизь Сонзэ, мерезь: Тонавтыця! Знярдо те истя ули? да мезень кувалт содави тень ульма шкась?

⁸Сон мерьсь: ванодо пряҥк, аволедезь маняк-бу, — ведь ламо сыть Монь лемсэ да мерить, што те Мон. Те шкась маласо уж. Тынь илядо яка мельгаст. ⁹Знярдо марятадо войнадо, да сёвнумадо, [ 210 ]илядо тандат; ведь ненень икелев ульмекс эряви, аньсяк аволь сеск оштё песь. ¹⁰Сестэ мерьсь тенст: кепети народ народ лаҥгс, инязорокс чи инязорокс чи лаҥгс. ¹¹Таркат-таркат улить покшт масторонь сорнумат, вачо іеть, морт, эрьва мень а парот; менельсть лаҥгсо-як эрьва кодат неявмот.

¹²Нень весемень ульмадост икеле Монь лемень кис лаҥгозоҥк кепетьсызь кедест да кармить эснэҥк пансеме, промксос тарксеме да тюрьмас пекснеме, ветятадызь инязоротьнень да прявтнэнь икелев. ¹³Истя теить мароҥк Моньдедень кортамонь кис. ¹⁴Путыҥк тынь седеезэҥк а арсемс икелев, мезть теҥк кортамс: ¹⁵Мон максан теҥк кель да превть, конатьнень карчо а аштевить да а кортавить-как весе каршоҥк молицятне. ¹⁶Истяжо тынь максозь ульдядо эсь тетяҥк-аваҥк, братоҥк, раськеҥк да ялгаҥк пельде да конань-конань эстэдеҥк машцызь; ¹⁷Монь лемень кисэ весеменень анеймат ульдядо. ¹⁸Аньсяк (ве) черь-гак прястоҥк а ёми. ¹⁹Цидярдозь ванстодо эсь оймесэҥк. ²⁰Знярдо нейсыҥк Іерусалимень солдатсо кружазь, сестэ содадо: сась сонзэ чаммо шказо. ²¹Сестэ, конат улить Іудеясо — чіест пандо пряв, конать улить ошнэ — лисест эйстэнзэ, конат улить ве ёно — иляст сова эзэзэнзэ. ²²Не читне пандума чить улить; штобу топодезэ весе сёрмадозесь. ²³А паро неть читнестэ ули пешксесэтьненень да эйкакшонь потявтыцятнэнень, ведь масторсть лаҥгсо ули вельть а-паро, да те народсть лаҥгс-как кеж. ²⁴Прыть сынь пшти саблядо, да весе наротнэнь юткс полонс саезь улить. Іерусалим лаҥгсо кармить язычниктьне эсь [ 211 ]шкаст маштомозонзо чалгсеме. ²⁵Ульме кармить неявмот чисэнть, ковсонть да тештнесэ-як, а мастор лаҥгсонть ломатьненень ули мелявкс; сынь а кармить содамо, мезьть тенст тейнемс; морясь-как карми лажномо да мутналгады. ²⁶Ломатьне, мастор лаҥгостень апаротнэнь самост учозь да пелезь, кармить кулцеме: ведь меленень війтне-як сыргстыть. ²⁷Эрь сестэ нейсызь Ломанень Цёраньть пель лаҥгсо покш вій да слава маро самодо.

²⁸Кода карми те топодьме, тынь віемеде да пряҥк кепедиҥк; ведь тыҥк идимаҥк малав пачколи. ²⁹Ёвтась тенст притча: ванодо смоковниця лаҥгс да весе чувтнэ лаҥгс-как. ³⁰Кода кармить сынь лопань нолдамо, тень неезь, ведь тыньсь-как содасыҥк, маласо кизэсь. ³¹Истяжо тынь-гак, знярдо нейсыҥк весемень нень топодьмест — содадо — маласо Пазонь Инязорокс чись. ³²Видестэ мерян теҥк: те родсь-как маштомо а кенери, кода весе неть топодить. ³³Менельсть маро масторсь маштыть, а Монь валон апак топодть а кадовить. ³⁴Ванодо ино эсь мельгаҥк, седееҥк авольть сталгадт ламо ярсамосо, симмасо, эрямонь мелявкснэ, се чись апак учок аволь сак-бу лаҥгозоҥк. ³⁵Ведь се чись сеть ладсо весе мастор лаҥгсо эрицятьнень копачасынзе. ³⁶Тень кувалма эрьва шкане пряҥк ванстодо да ознодо, меньмекс-бу теҥк не сыцят апаротнеде да арамс Ломанень Цёранть икелев.

³⁷Іисус чить тонавтыль церькувасо, а ветьнень, лисезь, ютавтлинзе Елеон лемсэ пандо прясо. ³⁸Валцькестэнть весе народсь промиль Тензэ церькувас кулсономонзо.

↑ полушкат.

[ 212 ]

Глава 22.

¹Кармась малав само ламбамо кшень прадзниксь, конадо мерить Инечи. ²Архіерейтьне да книжникне вешнесьть, кода-бу Сонзэ ёмавтомс, истяк (маштомс) — пельсть ломатнеде. ³Совась амазы кемгавтовотьнень ютксто вейкес, конадо мерить Іуда Іскаріотской. ⁴Сон молезь, кортась архіерейтнень да прявтнэнь маро, кода Сонзэ максомс тенст. ⁵Сетьне радувасть да алтасть тензэ ярмак максомс. ⁶Сон тенст вал максь да кармась паро шкань вешнеме, кода Сонзэ максомс тенст ломаньтеме таркасо. ⁷Сась ламбамо кшень чи, конайстэ эрявиль печкемс инечинь ревелевкс. ⁸Іисус кучинзе Петра марто Іоаннань, мерезь: азёдо анокстадо миненек ярсамс инечинь ревелевкс. ⁹Сынь мерьсть Тензэ: козо мерят тенек анокстамодо? ¹⁰Сон мерьсь тенст: вана, ошостень совамстоҥк, карчозоҥк поҥги кувшинсэ ведень кандыця ломань, моледе мельганзо се кудостень, козо сон сови, ¹¹да мереде кудазоростень: Тонавтыцясь мери тенть: косо се кудось, конайсэ бу ярсамс Тень тонавницян маро инечинь ревелевкстэ? ¹²Сон невти теҥк покш, ацазь горниця; тозо анокстадо. ¹³Сынь тусть да муйсть, кода тенст мерьсь; да анокстасть инечинь ревелевкс. ¹⁴Кода пачкодсь шкась, Сон озась стольэкшес, кемгавтово тонавтницятьне-як маронзо. ¹⁵Сон мерьсь тенст: Монь пек мелемель пиштевтимадон икеле ярсамс мартоҥк те инечинь ревелевкстэнть. ¹⁶Мерян теҥк: теде мейле а карман эстэдензэ ярсамо се шкастень, знярдо сон тееви Пазонь [ 213 ]Инязорокс чисэнть. ¹⁷Мейле сайсь вакан да, (Пазоньть) шназь, мерьсь: саиҥк тень да явшиҥк эсь ютковаҥк. ¹⁸Мерян теҥк, а карман симме виноград умарень винадо Пазонь Инязорокс чинть самозонзо. ¹⁹Мейле сайсь кше да, (Пазоньть) шназь, синдизе да максызе тенст, мерезь: те Монь киськем, коната тыҥк кис максозь ули. Монь мелезэҥк ледстнимань кис тейнеде тень эйсэ. ²⁰Истяжо ярсамодонть мейле вакансть-как (саезь), мерьсь: те вакансь Монь тыҥк кис валозь верьсть маро од закон ули. ²¹Вана, Монь максыцянть кедьсэ Монь марто стольэкшнэ. ²²Коть Ломанень Цёрась моли икелев ёвтазенть кувалт, сё таки апаро се ломаньстень, конань пельде Сон максозь ули. ²³Сынь кармасть эсь ютковаст вейкень-вейкень кевстлеме, кинь сынст ютксто истя теймекс мельзэ. ²⁴Ульнесь истяжо ютковаст пелькстамо-як: кинень эстэдест весемеде покшокс улемс. ²⁵Сон мерьсь тенст: Инязоротьне ломатьнень эснэ кирьдить; не кирдицятнэде паронь теицят мерить. ²⁶А тынь аволь истя: ки юткстоҥк покш, улезэ вишкинень коньдямо, а прявтось — важонь кондямо улезэ. ²⁷Конатась седе покш: стольэкшнэ аштицясь, или мельганзо якицясь? аволь стольэкшнэ аштицясь-ли? Мон тыҥк ютксо важонь кондямоян. ²⁸Аньсяк тынь Монь стака шкастонть ульниде вейсэ Монь маро. ²⁹Мон теҥк алтан, кода Монень Тетям алтась, инязорокс чи: ³⁰тынь-гак Монь Инязорокс чисэнть стольэкшнэ ярсавледе да симевледе да озавледе престол лаҥгс Израилень кемгавтово колинатнень судямо. ³¹Мейле Пазось мерьсь: Симон! Симон! Вана сатанась вейшь [ 214 ]эснэҥк тов-зюро ладсо сувтлемс. ³²Мон ознынь кисэть, аволь лавчомт-бу кемимат; тон-гак, знярды-як мекев велявтозь, кемекставтыть эсь братот. ³³Сон мерьсь Тензэ: Господи, Тонть маро мон анокан молемс коть тюрьмас, коть куломо. ³⁴А Сон мерьсь: мерян тенть Петр: атякш-как шечо а моразеви, кода тон колмо разт Мондень, а содаса мерезь, сёпат. ³⁵Мейле мерьсь тенст: кода тыҥк кучлидизь кандстомо, да котумавтомо, да кемтеме, ара неиде меньдяк а сатмо? Сынь мерьсть: мень-гак. ³⁶Сестэ мерьсь тенст: а ней, кинь ули кандстозо, саессэ, истяжо котуманть-как; а кинь арась, се одижанзо міессэ да рамазо сабля. ³⁷Мерян теҥк: Монь лаҥгсо эряви топодмекс те сёрмадовксонтень-гак: берянь ломань маро вейс ловозь ули. Ведь мезе Моньдедень сёрмадозь, ней прядовмо кармась. ³⁸Сынь мерьсть: Пазонок, вана тесэ кавто пеельть. Сон мерьсь тенст: сатыть.

³⁹Тосто лисезь, эсь койсэнзэ тусь Елеонской пандо пряс. Мельганзо мольсть тонавтницянзо-як. ⁴⁰Кода таркастень пачкодсть, мерьсь тенст: ознодо, авольде поҥг-бу манявмос. ⁴¹А Сонсь тусь вакстост кевень ёртовма таркашка да, кумажа лаҥгс пульзязь, ознось, ⁴²мерезь: Тетяй! улевель-гак мелеть те чашанть Монь вакска ютавтомс, аньсяк аволь кода Монь мелем, а кода Тонть, истя улезэ. ⁴³Сась Тензэ менельстэ Ангел, да кемекставтлесь эйсэнзэ. ⁴⁴Пиштевтима шкастонзо, Сон седе-як пек ознось: Сонзэ ливезезэ верь петьнявкс ладсо масторов петьнясь. ⁴⁵Озномсто стязь, сась Сон тонавтницянзо вакс да муиньзе сынст, ри____ пачк, [ 215 ]матедевезь. ⁴⁶Сон мерьсь тенст: мейсь удутадо? стядо да ознодо, авольде поҥг-бу манявмос. ⁴⁷Сонзэ тень кортамсто-як сась народ: икелензэ мольсь кемгавтотьнень эйстэ вейкесь, конань лемзэ Іуда. Сон мольсь Іисус икелев Сонзэ паламо: ведь сон сынст маро истя валдо путсь: конань мон паласа, се Сон. ⁴⁸Іисус мерьсь тензэ: Іуда, паламосот нать максат Ломанень Цёрасонть? ⁴⁹Мартонзо улезьтьне, кода неизь, ков моли тевсь, мерьсть Тензэ: Тонавтыця! а вачкодемс ли тенек саблясо? ⁵⁰Да вейкесь эстэдест вачкодизе архіереень уренть^[1] да керизе сонзэ вить пилезэ. ⁵¹Іисус мерьсь тенст: кадыҥк, саты, да пилезэнзэ токадевезь, пичкавтызе сонзэ. ⁵²Каршозонзо пурнавозь архіерейтьненень, церькувань начальникненень да атятненень мерьсь Іисус: Монь саймень лисиде тынь разбойник лаҥгс прок сабля маро да колія маро. ⁵³Эрьва чистэ Мон мароҥк ульнинь церькувасо, лаҥгозон кедеҥк эзиҥк кепеле, а ней тыҥк шкаҥк да чопуданть олясь. ⁵⁴Сонзэ саизь да ветязь туизь архіерейсть кардайс. Петр мольсь мельгаст ве ёно. ⁵⁵Кода сынь кардаз кунчкастень вачкасть тол да ойсесть ве таркас, Петр-гак озась юткозост. ⁵⁶Ве уре-ава,^[2] сонзэ тол вакснэ аштемстэ неезь, да лаҥгозонзо парьсте ванозь, мерьсь: те-як маронзо ульнесь. ⁵⁷Сон, Эстэдензэ сёпозь, мерьсь авастень: мон а содаса Сонзэ. ⁵⁸Аламо шкань ютазь, омбоце неизе сонзэ да мерьсь: тон-гак сынст эстэдест. Петр мерьсь се ломанстень: арась. ⁵⁹Ве часошкань [ 216 ]ютазь, таго ве ломань, кеместэ педязь, мерьсь: алкукс, те-як Сонзэ маро ульнесь: ведь сон Галилеень ломаньсь. ⁶⁰Петр мерьсь се ломанстень: мон аздан, мезть тон кортат. Сеск, сонзэ кортамо шкасто-як, морась атякш. ⁶¹Сестэ Іисус, Петра ёнов велявтозь, вачтась лаҥгозонзо. Эрь ледсь Петрань мелезэнзэ Іисусонь ёвтазь валзо: атякш-как а моразеви, кода тон колмо раст сёпат Эстэдень. ⁶²Лись сон ушов да кармась раҥгазь аварьдеме. ⁶³Іисусонь ванстыцят ломатьне пеелесть лаҥгсонзо да чавсть Эснэнзэ. ⁶⁴Сельмензэ вельтязь, вачколесть Эснэнзэ чама лаҥга да кевстлесть Эснэнзэ: содык, ки вачкодинзеть? ⁶⁵Ламо ліят-как пеелимат тейнесть лангсонзо. ⁶⁶Кода чизэ ашолгатсь, народонь атятьне, архіерейтьне да книжниктне ветизь Сонзэ судямо тарказост. ⁶⁷Тосо кевстизь: Тон-ли Христозось? ёвтак тенек. Сон мерьсь тенст: ёвтандеряй-гак теҥк, тынь акемдядо, ⁶⁸кевстядызьдеряй-гак, а карматадо Монень отвечамо да а нолдасамизь-гак. ⁶⁹Те шкадонть мейле Ломанень Цёрась озы Пазость віензэ вить пелев. ⁷⁰Сестэ весе мерьсть: ино Тон Пазоньть Цёразоят? Сон мерьсь тенст: тынь кортатадо, што Мон. ⁷¹Сынь мерьсть: кодамо оштё тенек эряви лаҥгозонзо невтима? ведь минь миньсь маринек (ней) Эсь кургстонзо.

↑ слуганть.
↑ служанка.

Глава 23.

¹Стясть весе, мезть ульсь эстэдест да ветизь Сонзэ Пилатнэнь, ²да кармасть Эснэнзэ чумондомо, мерезь: минь рединек, Сон колы минек народсонок, а мери Кесярьнень каявксонь пандомодо; Эсь [ 217 ]прянзо Инязорокс, Христозокс путли. ³Пилат кевстизе Сонзэ: Тон Іудеень инязороят? Сон мерьсь каршонзо: тон видьстэ кортат. ⁴Пилатсь мерьсь архіерейтьненень да народстень: мон те ломаньстэнть мень-гак чумо а мукшнан. ⁵А сынь эсь валсост аштезь, кортасть: Сон Галилеясто саезь, тезэ пачкодьмес, Іудеень келес тонавтозь, мути народсьть эснэ. ⁶Пилат, Галилеядо марязь, кевстиньзе: ара те ломаньсь Галилеень? ⁷Кода марясь, што Сон Иродонь масторонь, кучизе Сонзэ Ироднэнь, кона неть читьнестэ истяжо ульнесь Іерусалимсэ. ⁸Кода Ирод неизе Іисусонь, пек радувась, — сонзэ умок мельзэль Сонзэ неймекс: сон ламо марсесь Эздэнзэ, — сон кемсь, што кодамо-як чуда неи пельдензэ. ⁹Сон ламодо кевстлесь Эснэнзэ. А Сон мезть-как каршонзо эзь отвечак. ¹⁰Архіерейтьне да книжникне (сесэ жо) аштесть да пек чумондсьть Эснэнзэ, ¹¹а Ирод эсь салдатонзо маро лаҥгсонзо пеелезь да нарьгазь пешкедезь, орчавтьсь лаҥгозонзо валдо одижат да кучизе мекев Пилатнэнь. ¹²Те чистэнть Ирод маро Пилат ялгакс теевсть, икеле сынь вейкест вейкест лаҥгс кеж кирдсьть. ¹³Пилат, архіерейтьнень, начальникнень да народсть терьдезь, ¹⁴мерьсь тенст: тынь ветиҥк монень те Ломансть, народ мути, мерезь, вана, мон тынсиҥк икеле кевстлія те Ломаньсть да мень-гак чумо лаҥгстонзо эзинь муйть, месне тынь Эснэнзэ чумондтадо. ¹⁵Ирод-гак истяжо: ведь мон кучлія Сонзэ тензэ; да сон-гак мезе-як эзь муйть эйстэнзэ, мезень кис-бу Сон эряволь маштомс. ¹⁶Ино, наказазь, нолдаса Сонзэ. ¹⁷А сонензэ праздникнень эряволь нолдамс тенст вейке [ 218 ]пекстазь ломань. ¹⁸А весе народсь кармась сеереме: саик Сонзэ, а миненек Вараввань нолдык, ¹⁹кона тюрьмас пекстазель ошнэ ломанень мутямонь да маштумань кис. ²⁰Пилат таго пшкадсь Іисусонь нолдамонь кис. ²¹А сынь сеересть, мерезь: крёст лаҥгс чавик Сонзэ! крёст лаҥгс чавик! ²²Пилат колмоцеде мерьсь тенст: мезень беряньсть Сон тейсь? Мон мень-гак чумо эзинь муйть лаҥгстонзо, мезень кис-бу Сон куловтомс эряволь. Ино, наказазь, нолдаса Сонзэ. ²³А сынь, седе-як пек сеерезь, вейшть Сонзэ маштомонзо. Эрь сынст да первосвященникнень пижнимаст верькс сайсь. ²⁴Пилат сынст вешимаст кувалт арьсесь тейме: ²⁵сон нолдызе тенст ломанень мутямонь да маштомонь кис тюрьмас пекстазенть, конань эснэ вейшть, а Іисусонь максызе сынст оляс. ²⁶Сонзэ ветямсто лоткавсть вейке паксясто ютыця Киринеянь эриця Симон лемсэ ломань да путызь крёстонть лаҥгозонзо Іисусонь мельга кандомо. ²⁷Іисусонь мельга мольсть знярыя ломать да ават-как, конатьне авардьсть да рангасть кисэнзэ. ²⁸Іисус, сынст ёнов велявтозь, мерьсь: Іерусалимень тейтерть! илядо авардьть Монь кис, аварьдеде эсь кисэҥк да эсь эйкакшоҥк кис. ²⁹Вана, сыть чить, конатьнестэ мерить: талановт а шачлицятьне да потмотьне, конат эзьть шачлек, потетьне-як, конат эзьть потявтлек. ³⁰Сестэ кармить мерьме пандотьненень: прадо минек лаҥгс; губратненень-гак: вельтямизь минек. ³¹Ведь пиже чувтонть маро истя теитьдеряй, мезе ули коськенть маро?

³²Ведясть маронзо куломо кавто [ 219 ]разбойникть-как. ³³Кода пачкодсть се таркастень, конадо мерить лобной тарка, тосо Іисусонь чавизь крёст лаҥгс; разбойникнень-гак, вейкень видть пелензэ, омбоцень керч пелензэ. ³⁴Іисус кортась: Тетяй, простить сынст: ведь сынь а содыть, мезть теить. Одижанзо-як явшизь, жеребеень каязь. ³⁵Народсь-как аштесь да ванось. Пеелесть лаҥгсонзо сынст маро вейсэ начальникне-як, мерезь: ліятьнень идьсесь, кадык ней, улиньдеряй Пазонь кочксевть Христос, Эсь прянзо идисазо. ³⁶Истяжо салдатнэ-як уксузонь максмосто, ваксозонзо молезь, пеелесть Лаҥгсонзо, ³⁷мерезь: улиньдерят Тон Іудеень Инязоро, идик эсь прят. ³⁸Ульнесь пря велькснэнзэ сёрма-як, конасо сёрмадозель грекень, римень, да евреень кельсэ: те Іудеень Инязоро. ³⁹Вейке эсксэ чавозь разбойникнень эйстэ-як пеелесь Лангсонзо да кортась: улиньдерят Тон Христос, идик эсь прят да мине-как. ⁴⁰А омбоцесь кардась эснэнзэ, мерезь: или тон Паздо а пелят, — тонсь-как ведь сезэ-жо судязат. ⁴¹Минь ино видьстэ (судязьдянок): эсь тевнек коряс приматанок, а Сон мень-гак берянь эзь тейть. ⁴²Мейле мерьсь Іисуснэнь: Господи, знярдо сат эсь Инязорокс чизэть, ледьстимак монь-гак мелезэть. ⁴³Іисус мерьсь тензэ: видестэ мерян тенть: чече-як Монь маро райсэ улят. ⁴⁴Ульнесьть чинть котошка част. Теевсь вейксэ часонь топодьмес весе масторонть келес чопуда. ⁴⁵Чись-как чопулгадсь, церькувань занавесась-как сезевсь кунчкава. ⁴⁶Іисус, покш вайгельсэ серьгедезь, мерьсь: Тетяй, Тонть кедезэть максса оймем! Тень мерезь, нолдызе оймензэ. ⁴⁷Тень неезь, [ 220 ]сотниксь, Пазонь шназь, мерьсь: алкукс те ломансь праведной ульнесь. ⁴⁸Весе народсь, кона промкшнось те лаҥгс ванмо, нень неезь, мештезэст чавозь мурдасть мекев. ⁴⁹Весе Сонзэ содыцятне, да мельганзо Галилеясто сазь аватне-як, аштесть ве ёно да те лаҥгс ваность. ⁵⁰Сестэ вейке, Іосиф лемсэ, судіятьнень эйстэ, ломаньсь паро, да виде, ⁵¹кона те тевсть эснэ ліятне маро эзь судяк, сон ульнесь Іудеень Аримафей лемсэ ошосто, да учось истяжо Пазонь инязорокс чисэнть, ⁵²сась сон Пилатнэнь да вешизе Іисусонь киськензэ. ⁵³Валтазь, тапаризе сонзэ ашо коцнэ, да одс теезь калмозонзо путызе, конань эснэ кі-як оштё путозь арасель. ⁵⁴Се чись ульнесь пеця; пачколиль субута-як. ⁵⁵Мольцть истяжо аватьне-як, конат Іисусонь мельга Галилеясто састь да ваность калмостень, кода путсызь Іисусонь киськензэ. ⁵⁶Тосто мурдазь, сынь анокстасть мира да тантей чине мартонь ваднимат. Субота чиньть сынь ютавтызь заповедень кувалт, оймазь.

Глава 24.

¹Недлянь васенце чистэнть рана-як састь калмонть лаҥгс тантей чинень вадьниматьнень кандомо сетьне аватьне, конат сынст анокстызь; марост састь ліят-как ават. ²Сынь муизь калмонть лаҥгсто кевенть сявордозь. ³А калмостень совазь, эзизь муйть Іисус Пазонть киськензэ. ⁴Кода сынь эсть сода, мезть теде арсемс-как, икелест появасть кавто цицерьдиця одижасо ломать, ⁵да сынст тандадозь да сельмест масторов комавтозь аштемстэ, [ 221 ]мерьсть тенст: месть тынь живоеньть кулозь юткова вешнитядо? ⁶Сон арась тесэ: вельмесь. Ледьстиҥк мелезэҥк, кода кортась теҥк, знярдо оштё Галилейсэ ульнесь, ⁷мерезь, што Ломанень Цёрастень эряви пежетев ломанень кедс максозь ульмекс, крёст лаҥгс чавозь ульма Тензэ, да колмоце чистэ вельмима. ⁸Сестэ ледсть мелезэст Сонзэ валонзо. ⁹Калмонть ваксто мурдазь, весемень нень ёвтлизь кевійкетьненень да ліятненень-гак весеменень. ¹⁰Не аватьне ульнесть: Марія Магдалина, Іоанна, Іаковонь (авазо) Марія, да ліятне-як марост, конат теде ёвтлесть апостолтнэнень. ¹¹Сынст валост апостолтнэнень неявсть стяконь валкс, да эзть кемть тенст.

¹²Петр стясь да калмонть вакс чіезь тусь, тозо комазь, неинзе аньсяк тапарямо коцтнэнь да, эсь пачканзо те лаҥгс дивазь, тусь мекев. ¹³Секе чистэнть кавто эстэдест ютасьть Эммаус лемсэ велес, конань эйс Іерусалимстэ ульнесь кемгавтошка вайгельбе, ¹⁴да эсь ютковаст кортлесть весе не теевсь тевтнеде. ¹⁵Сынст кортамо да вейкест-вейкест кевстлима шкане Сонсь Іисусось мольсь малазост да кармась марост ютамо. ¹⁶А сынст сельмест кирьдезь ульнесть, сынь эзизь содак Сонзэ. ¹⁷Сон мерьсь тенст: мезде тынь истя ютамсто эсь ютковаҥк кортатадо, да мейсь вельть нусманятадо? ¹⁸Вейке эстэдест, конань лемзэль Клеопа, мерьсь карчонзо: Ара тон ськамот Іерусалимс сакшнозетьнень эйстэ а содат, мезе тосо неть читьнестэ теевсь? ¹⁹Сон мерьсь тенст: мезе? Сынь мерьсть Тензэ: мезе ульнесь Іисус Назореень [ 222 ]маро, кона ульнесь пророк, віев тевсэнзэ, валсонзо, Пазонть икеле, да весе народсть икеле-як. ²⁰Кода Сонзэ максызь минек архіерейтне, да прявтнэ куловтомс судямо, да крёст лаҥгс чавизь, ²¹а минь кемкшнынек лаҥгозонзо, минь меринек Сон севате, коната Израильтнень идесынзе. Вана ней уж колмоце чи, кода те теевсь. ²²Аньсяк конат-конат минсинек юткстонь аватьне дивавтымизь минек: сынь валске рана-як ульнесть калмонть вакснэ ²³да эзизь муйть Сонзэ киськензэ, мекев сазь, сынь ёвтлесть, што Ангелт нейсть, конат тенст, мерьсть, што Сон жив. ²⁴Минсинек ютксто-як конат-конат якасть калмонть лаҥгс, да истяжо муйсть, кода аватне ёвтлесть, а Сонсинзэ эзизь нейть. ²⁵Сестэ Сон мерьсь тенст: эх, а чаркодицят да кеме седейть, мейсь-бу теҥк а кеммекс весеменень, мезе пророкнэ икелев ёвтасть. ²⁶Аволь истя-ли эряволь Христозостень пиштевтемс да эсь славазонзо совамс? ²⁷Мейле кармась тенст ёвтлеме, кода весе пророкнэ, Моисейстэ саезь, кортасть Эстэдензэ весе писаніясонть. ²⁸Пачкодсть сынь се велентень, козо молильть. Сон тейсь пря седе васов моликс. ²⁹Сынь кирьдсть Эснэнзэ, мерезь: кадовт минек маро, чизэ-як уж чопотьме ёнов велявтсь. Сон совась да кадовсь марост. ³⁰Кода Сон стольэкшнэ марост озадо аштемстэ сайсь кше, баславизе да синьдезь максызе тенст, ³¹сестэ панжовсть сынст сельмест да содызь Сонзэ, а Сон теевсь тенст анеявицякс. ³²Сынь мерьсть вейкест-вейкест туртов: эсть палт-ли эйсэнек седейнек, кода Сон ки лаҥгсо кортась маронок да Писаніясонть [ 223 ]ёвтлесь тенек? ³³да стязь секе часостоньть мурдасть Іерусалимев. Тосо муизь ве таркасто кевійкенест да марост улезетьнень-гак, ³⁴конат кортасть, што Іисус алкукс вельмесь да Симоннэнь прянзо невтсь. ³⁵Сынь-гак ёвтлизь, мезе мартост ки лаҥгсо ульнесь да кода Сон содавсь тенст кшень синьдемстэ.

³⁶Сынст нень кортамо шкане Сонсь Іисусось арась юткозост да мерьсь: сэтьме чи теҥк! ³⁷Сынь талакадозь да тандадозь арсесть, што дух неить. ³⁸А Сон мерьсь тенст: мейс тандадыде да мейс истят арсимат седеезэҥк сакшныть? ³⁹Ваныҥк кедень да пильгень, — те Мон Монсь. Штюпимизь Монь да ванымизь, ведь духонь киськезэ да ловажанзо арасть, А Монь — нейсыҥк — улить. ⁴⁰Тень мерезь, невтинзе тенст кедензэ да пильгензэ. ⁴¹Кода сынь оштё эрьгедьмаст пачк эзьть кемть да дивазь аштесть. Сон мерьсь тенст: ули тесэ тыҥк мень-гак ярсамоҥк? ⁴²Сынь максть Тензэ аламо пидень кал да сота медь. ⁴³Сон саезь, ярсась икелест. ⁴⁴Мейле мерьсь тенст: вана (ней топодсь) те, мезьде Мон теҥк кортынь, кода оштё мартоҥк ульнинь, што весеменень топодьмекс эряви, мезе Мондедень сёрмадозь Моисеень законсо, пророкнэнь эйсэ да псаломтнесэ. ⁴⁵Сестэ панжинзе сынст превест Писаніянь чаркодьмекс ⁴⁶да мерьсь тенст: истя сёрмадозель, истя эряволь пиштевтемс-как Христозостень да колмоце чистэ мекев вельмемс. ⁴⁷Сонзэ лемсэ тонавтомс эряви весе народсьть, Іерусалимстэ саезь, пежетест кис яҥксеме да пежетест кадмо. ⁴⁸Тынь тень неицят ульдядо. ⁴⁹Вана Мон кучса теҥк Тетянь пельде алтазенть; тынь аштеде Іерусалим ошнэ семс, знярдо [ 224 ]верьде війсэ пештязь ульдядо. ⁵⁰Мейле ливтинзе сынст ушов, Вифанія вакс, да кедензэ кепедезь, баславинзе сынст. ⁵¹Сынст баславамо шкастонть кармась явмо эстэдест да менельс кепедьтеме. ⁵²Сынь сюкунясть Тензэ да покш радость маро мурдасть Іерусалимс. ⁵³Мейле, Пазонь шназь да баславазь, ульнесть яла церькувасо. Аминь.

[1] рога.

[2] радость.

[3] тур гулькат.

[4] родонь.

[5] служась тенст, каванясь эснэст.

[6] симмат ярсамот.

[7] праведной.

[8] а вечкицяҥк.

[9] жалицят.

[10] кудонь тевень теиця работьникезэ.

[11] должникензэ.

[12] стявтызь, пувтызь.

[13] легіонсонть кото тыстят.

[14] нораст, пизэст.

[15] ёзнэ, кьюв, куй, ку.

[16] рута — менть тикше, ваднильть эснэнзэ пирес. Ямс-как пицильть эснэнзэ.

[17] светкатьнень.

[18] пецькас.

[19] работьникне.

[20] работникензэ.

[1]

[1]

[2]

[3]

[1]

[1]

[2]

[1]

[2]

[1]

[2]

[1]

[2]

[1]

[1]

[2]

[1]

[2]

[3]

[4]

[1]

[1]

[2]

[1]

[1]

[1]

[2]