Святое Евангелие (эрзянь)/В/Маркань/00
| ←Матѳеень сёрмадовт Евангелія. | Святое Евангеліе (1910) Маркань сёрмадовт Евангелія, весе глават. |
Лукань сёрмадовт Евангелія.→ |
Маркань сёрмадовт Евангелія.
Глава 1.
1Пазонь Цёранть, Іисус Христозонь Евангеліянь ушодмозо. 2Кода сёрмадозь пророкнэнь вельде: Вана Мон Тондеть икеле кучса Монсинь Ангелэм, сон анокстасазо Тонть икеле кить. 3Чаво паксясо сеерицянь вальгей: анокстадо Пазостень ки, видьстэ теиҥк Сонзэ якамо тарканзо. 4Истя ульсь чаво паксясо лемдиця Іоанн. Сон пежетте ваньскафтумань кис, пежетень кис яҥксезь, лемдеме тонавць. 5Сокшность тензэ весе Іудеень масторсть лаҥгсо да Іерусалимсэ эрицятне да пежетест ёвтлезь лемдевсть сонзэ пельде пряст Іордан лейсэ. 6Орчазь ульнесь Іоанн верблюдонь понань (одижас), перьканзо карксазель кшнань каркс. Ярцлесь сон акридадо да дикой мекшэнь медьте. 7Сон тонавць, кортазь: Мон мельган сы моньдень віев, мон а аштян, комазь, Сонзэ карьцесь карьксэнзэ укстицякс-как. 8Мон тыҥк лемдидизь ведьсэ, а Сон лемттядызь Святой Духсо.
9Неть читнестэ сась Іисус Галилеень [ 87 ]Назаретстэ да лемць прянзо Іоаннань кедьстэ Іордансо. 10Іисусонь ведьстэ лисьместэ Іоанн сеск неизе, кода менельсь кавтов явовсь да Святой Духсь гулька лацо валгсь лаҥгозонзо. 11Менельстэнть вальгей марявсь: Тон Монь вечкима Цёрамат, Тонть Эйсэ Монь олям. 12Теде мейле сеск Духсь саизе Іисусонь чаво паксяс. 13Чаво паксясонть сон дикой зверь ютксо ниленьгемень чи ульнесь. Тосо Сонзэ Эснэ душмансь снартлесь, а Ангелтнэ служасть Тензэ. 14Іоаннань кундазь максмодо мейле, Іисус Галилеяс сась, да Пазонь Инязорокс чиденть парт кулят ёвтнесь. 15Сон кортась: шкась топотьсь, Пазонь инязорокс чись малав пачкодсь, — видькстадо пежеттеҥк да кемеде Евангеліястень.
16Галилеень моря вакска ютамсто Іисус неизе Симононь, да се Симонсть братонзо Андреень, сынь моряс сеть кайсильть, сынь калонь кунцицятольть. 17Іисус мерьсь тенст: Моледе Монь мельган, Мон тыҥк ломанень кунцицякс тейдядызь. 18Сынь сеск, сетест кадозь, тусть мельганзо. 19Тосто аламонь ютазь, неизе Сон Зеведеень Іаковонь да братонзо Іоаннань; сынь венчне сеть пантлильть. 20Сеск сынст-как тердинзе. Сынь-гак, эсь тетяст Зеведеень важотнень марто венчестень кадозь, тусть мельганзо. 21Совасть сынь Капернаумс. Тосо Сон субута чине синагогас совась да тонавць. 22Дивасть Сонзэ тонавтумазонзо. Сон ведь тонавць покш вій марто, аволь кода книжникне. 23Сынст синагогасост ульнесь амазынь колавт ломань, сон сергедезь мерьсь: 24Кадымизь минек, Назаретэнь Іисус, Тонеть мень тев минек эйсэ, Тон [ 88 ]сыть минек маштомо, содатан кіят Тон: Тон Пазонть Святоезат. 25Іисус, сонзэ кардазь, мерьсь тензэ: чатьменть да листь эйстэнзэ. 26Апаро духсь, ломансть сорновтозь, пижакадсь покш вальгейсэ да лись эйстэнзэ. 27Весе пек тандадозь, вейкест-вейкест кевстнесть: мезе те истя? да мезе те од тонавтумась? Сон апаро духтнэнь-гак Эсь олясонзо кармавтлесынзе, сыньдяк кулцоныть Эснэнзэ. 28Теде мейле куроксто весе Галилеень масторсть лаҥга тусь слава лаҥганзо.
29Синагогастонть лисезь, Іисус сеск сась Іаков да Іоанн марто Симононь да Андреень кудос. 30Симононь нинзэ авазо[1], эсь ормасо середезь, мадезель. Іисуснэнь сеск ёвтасть эстэдензэ. 31Сон, ваксозонзо молезь, кундызе сонзэ кедьте да стявтызе. Эсь ормась сеск кадызе сонзэ да сон кармась мельгаст якамо. 32Кода чизэ чипотець, чинь валгума шкане, кантлесть Тензэ эрьва кодат сэредицят, да амазынь колавт. 33Весе ошонь эрицятне промсть кеҥкш лаҥгостень. 34Сон эрьва кодамо ормасо пек пиштевтицят ламо віемць. Ламо амазыть-как паньць. Амазытненень Сон эзь мерьть ёвтлемеде, што сынь содасызь, што Сон Христос.
35Валске пек рана стязь, лись Сон да тусь чаво таркас да тосо ознось. 36Мельганзо чійсь Симон-гак маронзо улицятнень марто. 37Сонзэ муезь, сынь мерьсть Тензэ: весе Тонть Эйсэ вешнить. 38Сон мерьсь тенст: адядо маласо велетьненень да ошнэнень: Монень тосо-як тонавтомс эряви, — [ 89 ]тень-кис Мон сынь-дяк ведь. 39Сон весе Галилеянь синагогатнесэ тонавць, да амазытнесэ, панцезь, ливтнесь. 40Сась ваксозонзо вейке прокаженной да, икелензэ пульзязь, инялдсь Тензэ, мерезь: Мелеть улиньдеряй, мон Тонеть ванцькавтуван. 41Іисус, сонзэ жалязь, вентизе кедезэ, токадевсь эзэзэнзэ да мерьсь: ули мелем, ваньцкат. 42Кодак Сон истя мерьсь, сеск кадызе сэредицянть проказась да сон ванцькаць. 43Іисус сэредицянть вакстонзо паньместэ кардызе сонзэ 44да мерьсь тензэ: Ванок, кинень-гак мезть-как иля ёвтнек. Азё аньсяк невтик прят попнэнень, да ваньскавтумат кис кандт (жертва), кодамо мерьсь Моисей сынст сельмест неймань кис. 45А сон, кодак тосто лись, кармась весемеде ёвтнеме да валонь нолтлеме. Теде мейле Іисуснэнь ошостень-гак натой видьстэ совамс эзь маштовт. Сон ошонть ушосо, чаво таркасо аштесь. Тезэ сакшность Тензэ ломать эрьва ёндо.
- ↑ тёщазо.
Глава 2.
1Та зняро чинь ютазь, (Іисус) таго совась Капернаумс. Тосо марясть Сонзэ ве кудосо ульмадонзо 2да сеск промсть ламо ломать, сынь кеҥкш, лангостень пешкедезь-гак натой эзть кельк. Сон тонавтсь эснэст. 3Кандсть Тензэ ниле ломать ве разслабленной. 4Ламо ломанень ульмань кувалт сынь Іисусонь малав эсть молевть, секс сынь штавтызь се кудонть, конайсэ ульнесь Іисус, да сэредицянть тарканек мезьнек нолдызь (Сонзэ икелев). 5Іисус сынст кемимаст неезь, сэредицястень мерьсь: эйдем, простявить тонть пежететь. 6Сесэ [ 90 ]ульнесть конат-конат книжникнень эйстэ. Сынь арсесть эсь седейсэст: 7мейс Сон истя Пазонть эснэ сялды? Паздо башка кинень пежеть простявить? 8Іисус сеск, эсь духсонзо сынст истя эсь пачкаст арсимадост содазь, мерьсь тенст: мейс тынь истя арситядо эсь пачкаҥк? 9Мезесь седе шождыне: меремс сэредицястень, — простявить тонть пежететь или меремс: стяк, саик таркат да якак? 10Истя меринь тыҥк содамоҥк кисэ ансяк, што Ломанень Цёранть мастор лаҥгсо пежетень нолдамс-как війзэ ули. Теде мейле разслабленнойстень мерьсь: 11тонеть мерян: стяк, саик таркат, да азё эсь кудозот. 12Сон сеск стязь, да тарканзо саезь, тусь весемень икеле. Весе дивасть да, Пазонть шназь, кортасть: минь знярдо-як истямо эзьнек некшне.
13Іисус лись таго моря чирес. Весе народсь сась ваксозонзо. Сон тонавтсь эснэст. 14Вакска ютамсто сон неизе каявксонь пурнамо таркасо аштемстэ Алфеень Левіень да мерьсь тензэ: мольть Монь мельган. Севате стясь, да тусь мельганзо. 15Іисусонь сонзэ кудосонзо столь экшнэ озадо аштемстэ, аштесть маронзо озадо ламо тонавтницянзо-як, мытарть-как да пежетев ломать-как. Сынь ламонест ульнесть да мельганзо якасть. 16Книжникне да фарисейтне, Сонзэ мытарь маро да пежетев ломань маро ярсамсто неезь, мерьсть тонавтницянстэнь: кода Сон истя мытарь маро да пежетев ломань маро ярсы, сими. 17Тень марязь, Іисус мерьсь тенст: аволь шумбра ломатьненень лекарьсь эряви, — а сэредицятненень. Мон сынь аволь [ 91 ]праведнойтьнень, а пежетевтьнень пежетест кадмонь терьдеме.
18Іоаннань тонавтницятьне да фарисееньзетьне-як пост кирдсть. Сынь састь Іисуснэнь да мерьсть: Мейс Іоаннань да фарисейтнень тонавтницятне пост кирьдить, а Тонть тонавтницят а кирдить? 19Іисус мерьсь тенст: кирьдевить ли пост свадьбань кудонь ломатьне, знярс содамост марост? знярдо марост содамост, сынь пост а кирдевить. 20Сыть чить, кода содамось кедьстэст нельгезь ули, сестэ сынь-гак кармить постонь кирдеме. 21Кі-як ведь ташто одюжас апедявты апак беляк кодстонь паҥкс, — ато одс пандозесь сейсазо таштонть, да седе-як покш варя тееви. 22Од вина-як кі-як а кайси ташто кедень мешокс, ато од винась сейсазо кедсть, да винась-как валови, кедьсь-как ёми. Од винась эряви пештямс од кедень мешокс.
23Ладс сась Іисуснэнь субута чине видезь паксянь трокс ютамс. Сонзэ тонавтницянзо ки лаҥга молемстэ сюро прят сезьнесть. 24Фарисейтне мерьсть Тензэ: ванок, мейс сынь субута чине, мезе амаштови, теить? 25Сон мерьсь тенст: тынь ара знярдо-як эзьде ловнок, мезе тейсь Давид, кода сонсинзэ пекезэ вачокшнось да мартонзо улезтнень гак, да вепе тензэ сакшнось? 26Кода сон Авіафар архіереень пиҥгстэ совась Пазонь церькувастень да ярцась тосо путозь кшетнеде, да макссь маронзо улезтненень-гак, а эстэдест попто башка кинень-гак амаштовиль ярцамс? 27Мейле мерьсь тенст: Субутась ломанень кис, аволь ломансь субутань кис. [ 92 ] 28Тень кувалма Ломанень Цёрась субута лаҥгсо-як покш.
Глава 3.
1Іисус таго синагогас совась. Тосо ульнесь коське кедь ломань. 2Вандсть мельганзо, а віемтьсазо-ли сонзэ субута чине, кода-як бу Сонзэ чумондомс. 3Сон мерьсь коське кедь ломанстень: арак кунчкас. 4Мейле сетненень мерьсь: субута чине паро эряви теймекс, — или берянь? оймесь вандстомс или ёмавтомс? Сынь чатьменсть. 5Сон вачтась лаҥгозост кежевстэ да, седеест калгодксомань кис ризнэзь, мерьсь се ломанстень: вентик кедеть. Сон вентизе, эрь кедсэ шумбралгадсь да теевсь омбоцень кондямокс.
6Тосто лисезь, фарисейтне сеск иродонь ломатьнень марто вейсэ кортасть, кода бу Сонзэ ёмавтомс. 7Іисус тусь эсь тонавтницянзо маро моря чирес. Ламо ломать мольсть мельганзо Галилеясто, Іудеясто, 8Іерусалимстэ, Идумеясто да Іорданонь омбоце пельде-як. Тир маро Сидононь перькатне-як, кода марясть, мезть Сон тейнесь, пек ламонест састь Тензэ. 9Сон мерьсь тонавтницянстэнь венчень анокстомодо, штобу ваксозонзо пек авольть эцек. 10Сон ламотнень шумбракс теинзе, секс раневтьне Сонзэ эйс токадевмань кис, лаҥгозонзо мик кайсевтнесть. 11Аванькс духнэ-як, Сонзэ неезь, прыльть икелензэ, да серьгедезь мерильть: Тон Пазоньть Цёразо-ят. 12Сон эснэст ламо кардась, штобу ломаннень содавицякс аволезь тейть бу Сонзэ.
13Куйсь Сон пандо лаҥгс, да терьдинзе, [ 93 ]конатнень мельзэ ульнесь. Сынь састь ваксозонзо. 14Сон пурнась эстэдест кемгавтово, конат маронзо улевельть-бу, да тонавтомо кучлевлензе-бу. 15Улевель-бу сынст віест ормань пичкавтомс да амазынь панцемс. 16Сон кочксинзе Симононь, конанень Петр лем путсь; 17Зеведеень Іаковонь да братонзо Іоаннань, — сыненст лем путсь Воанергес, ліякс меремс: Пургинень цёрат. 18Андреень, Филиппень, Варфоломеень, Матфеень, Ѳомань, Алфеень Іаковонь, Фаддеень, Кананитэнь Симононь, 19да Іуда Искаріотскоень-гак, коната (мейле) Сонзэ максызе.
20Састь сынь ве кудос. Тозо таго промсть ломать, — сынь кшеде-як натой эзьть ярцавт. 21Іисусто кортасть, што сон превстэ лись. Малавиксэнзэ, теде марязь, састь Сонзэ саймензэ, 22а Іерусалимстэ сазь книжникне кортасть: Сонзэ эснэ Веельзевул, Сон амазытьнень покшост війсэ паньси амазытьнесэ. 23Сон сынст терьдинзе да притчасо кортась тенст: кода шайтяннэнь шайтянсь паневи? 24Царствась-как эсь юткованзо явшевидеряй, а аштеви. 25Кудо-як эсь юктованзо явшевидеряй а аштеви. 26Шайтян-гак (истяжо) сонсь эсь лаҥгозонзо стясьдеряй да башка тусьдеряй, а аштеви, сестэ сонзэ маштумазо сась. 27Кинень-гак, віев ломанень кудос совазь, а салави сонзэ ули парозо, васня віевсть а сюлмсисазодеряй; мейле уж саласазо сонзэ кудозо.
28Видьстэ кортан теҥк: ломанень цёратнень эрьва кодат пежетест, да сялдумаст-как, кода-бу сынь авольть сялт, простязь улить; 29А кі-як терганьдеряй берянь вал Святой Духонть [ 94 ]лаҥгс, се пиҥгезэнзэ простязь а ули. 30Сон секс истя мерьсь тенст, мейс сынь, Сонзэ потсонзо амазы мерезь, кортасть Эстэдензэ. 31Састь авазо, да братонзо, да ушос лотказь, кучть Сонзэ терьдеме. 32Сонзэ перька озадо аштесть ломать, сынь мерьсть Тензэ: вана Тонть ават, братот, да сазорот ушосо вешнить Эснэть. 33Сон мерьсь каршост: ки Монь авам, да кить Монь братон? 34Мейле, перьканзо аштицятнень лаҥгс вачтазь, мерьсь: вана Монь авам да братон. 35Ки Пазонть мелензэ кувалт теи, се Монь братом, сазором да авам.
Глава 4.
1Таго кармась тонавтомо моря чиресэ. Ваксозонзо промсть ламо ломать. Сон, венчес совазь, морянть лаҥгсо аштесь, а весе ломатне морянть чиресэ мастор лаҥгсо аштесть. 2Сон эснэст тонавтсь ламо притчасо. Тонавтомсто Сон кортась тенст: 3кулцонеде: вана лись видиця видьме. 4Сонзэ видьместэ кона (видьстесь) прась ки чирес. Ливтясть нармуть да кочксизь сонзэ. 5Ліятась прась кев пулос, косо модась аламоль. Моданть аволь сэреень коряс, сон курок лись. 6Чинзэ лисезь, сон пуйшь, да коренэнь анолдамонь кувалт коськсь. 7Ліятась прась кормалав пулос, кода кайсть кормалавтнэ, сонзэ ёмавтызь, секс видьсть сон эзь теевть. 8Ліятась прась паро модас, се, лисезь, кайсь да максь видьсть: кона колоньгемень кырда, кона сядонь кырда. 9Теде мейле мерьсь: кинь улить марямс пилензэ — марязо.
10Кода Сон ськамонзоль, перьканзо улезь [ 95 ]ломатне тонавтницянзо маро кевстизь Сонзэ те притчадонть. 11Сон мерьсь тенст: тынеҥк менелень инязорокс чинь а содамотнеде содамс максозь, а не ушосотьненень притчасо весе ёвтлимат: 12Сынь, пежетест а простявмонь кис да Пазостень а мольмань-кис, ванозь ваныть да а неить, марязь-гак марить да а чаркодить. 13Мейле мерьсь тенст: ара а чаркодьсыҥк те притчасьть? Кода ино чаркодьсыҥк весе притчатнень? 14Видицясь — вал види. 15Ки чирес празетне истят ломатьне, конатнень эйс видеви валсь, ансяк марямодо мейле куроксто сы тенст сатанась да саласазо седеезэст видезь валсть. 16Истяжо кев пулос видезетне-як улить сетне, конатне, валсть марязь, сеск эрьгедезь сайсызь сонзэ, 17ансяк сонзэ корензэ а эри, да ве шкань эри: сыньдеряй тензэ се валонть кувалт мендяк мелявкс, или панцевск, сеск манявить. 18Кормалав юткс видезетне истят улить, конат марясызь валсть, 19ансяк те пиҥгень мелявкснэ, сюпав чис манявмось, да ліят арсиматьне, сынст потмозост совазь, лепштясызь валсть, да сон видьсть а кандови. 20Паро модас видезетьне неть улить, конатне валсть марязь, примасызь да видсть теить, — кона колоньгемень кырда, кона сядонь кырда. 21Мерьсь тенст: ара свечанть курваслесызь кедьге алов или тарка алов путмань кис? Аволь шанталс путмонзо кис ли? 22Ведь мезе-як арась истямо салава, конась ушов аволь листь-бу. Арась истя-жо кекшима-як, конась-бу аволь муевть. 23Кинь улить марямс пилензэ — марязо.
24Таго мерьсь тенст: мезе марятадо — кирьдиҥк [ 96 ]мельсэҥк. Кодамо оҥкснэ оҥкстатадо, истямосо тынстеҥк-как оҥкстазь ули, а тынеҥк, кулцоныцятне, лездазь ули. 25Кинь ули, сенень максозь ули, а кинь арась, сень пельде се-як нельгезь ули, мезезэ ули. 26Мерьсь таго: Пазонь инязорокс чись моли се ёнов, кода ломань каи модас видсть, 27да сонсь уды да чить-как, веть-как стякшны, видьстесь сонсь лиси да касы, — сон азды-як эстэдензэ. 28Модась эсь пельдензэ васня теи тикше, мейле пря каи, а прясть видьсте пештясазо. 29А кода сюрось кенери, да сы нуйма лаҥго, сон сеск кучи тарваз. 30Таго мерьсь: мезе вакс ладясынек Пазонь инязорокс чинть? или кодамо притчасо сонзэ ёвтнесынек? 31Сон горшицянь видьстень кондямо, коната модас видьместэнзэ, весе мастор лаҥгонь видьстнеде вишкине, 32а кода сон видезь ули да касы, весе тикшетнеде покш эри, нолды покшт тарадт, сулеезэнзэ кармить натой кекшевме менелень нармуть. 33Истямо ламо притчасо, зняро тенст чаркодевсь, Сон тонавтсь эснэст, 34притчавтомо эзь ёвтлекшнэ тенст валт, а тонавтницянстэнь ськамост пиҥгстэ весе ёвтлилензе.
35Сон чинть чокшнэстэ мерьсь тенст: печктянок омбоце пелев. 36Сынь ломатнень нолдазь, саизь Сонзэ, кода ульнесь венчненть. Марост ульнесть ліят-как венчть. 37Эрь кепететьсь покш буря, ведсь кармась совамо венчестень, да сон кармась натой ваямо. 38А Іисус венченть пулосо, прялкс лаҥгсо, удось. Пувтызь Сонзэ да мерить Тензэ: Тонавтыця, или Тон амелявтат-как, минь ёматанок? 39Сон, стязь, вармасть кардызе, да морястень мерьсь: оймак, да лоткак. [ 97 ]Вармась оймась да пек сэтьміясь. 40Мейле мерьсь тенст: мейс тынь истят пелицят? Кода арась кемимаҥк? 41Сынь, пек тандадозь, вейкест-вейкест туртов кортасть: те ки (истя)? вармась-как, да морясь-как кулцоныть Эснэнзэ?
Глава 5.
1Састь сынь морянть омбоце пелев, Гадаринской масторс. 2Венчестэнть лисезь, сеск вастызе Сонзэ калмо ютксто лисезь ломань, конань эйсэ ульнесь амазы. 3Сон эрясь калмо латксо, да кшнинь терьтсэ-як кинень-гак а соцевиль. 4Ламо раз кшнис путозь ульнесь да кшнинь терьтьс, сон тертьнень сезнилиньзе, кшнитнень-гак порксылезне да кинень-гак а оймавтовиль. 5Яла, чинек, венек пандо ютксо да калмо латксо пижнекшнесь, да кевс прянзо чавокшнось. 6Сон васолдо-як Іисусонь неезь, чійсь да сюкунясь Тензэ. 7Мейле, покш вальгейсэ пижакадозь, мерьсь: Вере Пазонь Цёра, Іисус! мезень Тонть теветь монь эйсэ? Паз лаҥга божазь, инялдан Тенть, — иля муця эснэнь. 8Іисус мерьсь тензэ: аванькс дух! листь те ломансть эйстэ. 9Мейле кевстизе сонзэ: кода тонть леметь? Сон каршозонзо мерьсь: монь лемем легіон, ведь минь ламонек. 10Сынь пек инялдсть Тензэ, аволензе панть-бу сынст се масторстонть. 11Сеске, пандо чиресэ, тувонь покш стада ульнесь. 12Весе амазытне инялдсть Тензэ, мерезь: кучимизь минек тувотненень, минь соватанок эзэзэст. 13Іисус сеск мерьсь тенст. Амазытьне лисезь, совасть тувотьнень эйс. Стадась берёксть лаҥгсто киртьнявтнесь морястень, да [ 98 ]ваясть эзэзэнзэ, а эстэдест ульнесть кавто тыстяшка. 14Тувонь ваныцятне чійсть да ёвтлесть ошнэнть да велетнева-як. Ломатьне листь ванмо, мезе теевсь. 15Састь сынь Іисус вакс, да неизь азаргадозь ломансть, конань эйсэ ульнесь легіон, сон ащи озадо, орчазь да паро превсэ да пелезевсть. 16Конат неизь, ёвтлесть тенст, мезе теевсь азаргадозенть маро, да тувотнень маро-як. 17Сынь кармасть инялдомо Тензэ, туевель-бу Сон сынст масторстост. 18Кода Сон венчестень озась, азаргадозь ломансь инялдсь Тензэ, сонзэ-як саевлессе-бу маронзо. 19Іисус сонзэ эзизе сайть. Сон мерьсь тензэ: азё эсь кудозот, тонситьсетьнень вакс, да ёвтлик тенст, мезе теньть тейсь Пазось, да кода ваныньзеть. 20Сон тусь да кармась ёвтлеме кемень ошонь таркаванть, мезе тензэ тейсь Іисус. Весе дивасть.
21Кода Іисус таго печксь венчне омбоце пелев, ваксозонзо промсь ламо народ. Сон аштесь моря чиресэнть. 22Вана, сась Тензэ вейке Іаір лемсэ синагогань прявтнэнь эйстэ, да Сонзэ неезь, прась пильгезэнзэ 23да пек инялдсь Тензэ, мерезь: монь тейтерем куломо лаҥгсо, мольть да путыть лаҥгозонзо кедеть, пичкаволь-бу сон да живстэ кадоволь. 24Іисус тусь маронзо.
Мельганзо мольсь ламо народ да пек эцесьть ваксозонзо. 25Ульнесь ве ава, кона кемгавтово іе верень мольмасо сэредсь, 26ламо яксесь лекарь лаҥга, прядынзе весе, мезезэ ульнесь, а лезэ кодамо-як эзь мук, ансяк седе-як берянь тензэ теевсь. 27Сон, Іисусто марязь, мольсь народсть юткова удалдо да токадевсь Сонзэ одижазонзо. 28Сон кортась: [ 99 ]токадивандеряй Сонзэ одижазонзо, мон пичкан. 29Эрь сеск лоткась сонзэ верень мольмазо, марясь ёжозо ормадонзо пичкамодонть. 30Іисус сеск маризе Эстэдензэ віень лисьманть да, народсть пелев велявтозь, мерьсь: ки токадсь Монь одижазон? 31Тонавтницянзо мерьсть Тензэ: несак, кода народсь эйи Эзэзэть, а Тон мерят: ки токадсь Эзэзэть? 32Іисус Эзэзэнзэ токадевицянть неймань кис, кармась ве ёнга ванномо. 33Авась, кода содась, мезе тензэ теевсь, пелезь, сорнозь, сась да прась икелензэ, да весемеде видьстэ ёвтась Тензэ. 34Сон мерьсь тензэ: тейтерем! тонть кемимат ваныньзеть, азё сэтьме чи маро, да ульть шумбра ормадот. 35Сонзэ нень кортамсто, састь синагогань прявтоньть пельде да мерить: тейтереть кулось, мезекс сыргавтлисак Тонавтыцянть? 36Іисус сеск, не валтнэнь марязь, мери синагогань прявтостень: иля пель, ансяк кемть. 37Да Петрадо, Іаковдо, да Іаковонь братонзо Іоаннадо башка кинень-гак эзь мерьть мельганзо мольмеде. 38Сась Сон синагогань прявтонь кудостень да неинзе лужакадозь ащицятнень да авардицятнень. 39(Кудостень) совазь, мерьсь тенст: мейс лужакадыде да аварьттядо? Тейтерсь ведь эзь кулок — уды. 40Сынь пеедьсть лаҥгсонзо. Сон кудостонть весемень панезь, саинзе маронзо тейтерсть тетянзо, аванзо да кить ульнесть маронзо, да совась косо мадезель тейтерсь. 41Саизе тейтерсть кедьте да мерьсь тензэ: талифа̀ ку̀ми, теде меремс: тейтерем, тонеть мерян, стяк!. 42Тейтерсь сеск стясь да кармась якамо. Сон ульнесь кемгавтово іесэ. Весе дивасть покш дивамосо. [ 100 ] 43Сон сынст кеместэ кардынзе, штобу кі-як теде илязо содак. Мейле мерьсь: максодо тензэ ярцамс.
Глава 6.
1Лись тосто да сась эсь шачмо масторозонзо. Мельганзо мольсть тонавтницянзо. 2Субутань сазь, кармась Сон синагогасо тонавтомо. Ламо марицятне, дивазь, кортасть: Косто те истя Сонензэ? Кодат покш превть Тензэ максозь да кода истят чудатне тейневить Тензэ? 3Аволь Сон-ли плотник, Маріянь цёра, брат Іаковнэнь, Іосіянень, Іуданень да Симоннэнь? аволь сазоронзо-як-ли тесэть, минек ютксо? Истя манчевсть сынь Сонзэ кувалма. 4Іисус кортась тенст: пророк косо-як честтеме а эри, ансяк эсь шачмо масторсонзо, раскесэнзэ[1] да эсь кудосонзо. 5Да ве чуда-як эзь тейть тосо, аньсяк кедензэ лаҥгозост путозь, шумбралгавтсь аламо сэредицят. 6Сон дивась сынст акемимаст лаҥгс. Мейле тонавтозь якась перька велетнева.
7Тердинзе кемгавтово тонавтницянзо, да кармась эснэст кавтонь-кавтонь кучмо; максь тенст вій амазытьнень лаҥгс. 8Ки лаҥгс, палкадо башка, мезень-гак сайме эзь мерьть тенст: а котумань, а кшень, а ярмак каркс алост. 9Карцеме мерьсь ансяк сандаліят, кавонст одижат-как эзь мерьть орчамодо. 10Сон мерьсь тенст: косо-як соватадодеряй кудос, туймезэҥк кадоводо тоск. 11Кить [ 101 ]тыҥк а нолдатадызьдеряй да а кулцонотадызьдеряй, тосто лисемстэ, сынст лаҥгс невтимань кис, пильгстэҥк челькенть-как чукиҥк. Видестэ кортан теҥк: судонь чистэнть Содом маро Гоморрнэнь се оштонть шождыне ули. 12Сынь тусьть да пежетень кадмо тонавтозь якасть. 13Панцесть ламо амазыть, ламо сэредицят-как ойсэ ваднесть да шумбралгавсть.
14Іисусто ламо кармасть содамо. Марясь Соньдензэ Ирод инязорось-как, да мерьсь: те Лемдиця Іоанн кулозь таркасто вельмесь; сеск истят чудат тейни. 15Ліятне кортасть: те Илія, а конат-конат кортасть: те пророк, или вейкешка пророкнэнь эйстэ. 16Ирод, тень марязь, мерьсь: те Іоанн, конань мон прязо керія, сон кулозьтэ вельмесь. 17Те Иродсь эсь братонзо Филиппень нинзэ Иродіадань кисэ, конань сон эстензэ никс саекшнызе, кучозь саизе Іоаннань да сюлмсезь тюрьмас пекстызе. 18Секс, мейс Іоанн кортась Ироднэнь: амаштови теньть эсь братот ни маро эрямс. 19Иродіадась, Іоанн лаҥгс кежіявтозь, сайсь мель сонзэ маштомс, аньсяк а кодаль тензэ: 20Иродсь пельсь Іоанндо: сон содась, што Іоанн ломансь виде да святой, секс вандсь эснэнзэ. Сон ламо тевть тейсь Іоаннань кульцонозь, да вечкезь эснэнзэ кулцонось. 21Вана сась истямо чи, — Ирод эсь шачмо чистэнзэ тейсь эсь бояронстэнь, начальникенстэнь да Галилеень атятненень симмат-ярцамот. 22Совась тозо Иродіадань тейтерезэ, да, киштезь, тусь мельс Ироднэнь да мартонзо симицят-ярцыцятненень-гак. Инязорось мерьсь тейтерьстень: вешть кедьстэнь, [ 102 ]мезе мелеть, — максан тенть. 23Да божась тензэ: мезе а вешат кедьстэнь, максан тенть, эсь инязорокс чинть пелезэнзэ мик. 24Тейтерьсь лись да кевстизе аванзо: мезе вешан? Се мерьсь: Іоанн Крестителень прянзо. 25Сон сеск, капшазь, тусь инязоростень да вейш, мерезь: монь мелем, максык тень нейке, блидя лаҥгсо, Іоанн Крестителень прянзо. 26Инязорось нусмакадсь, ансяк божамонзо кувалт да гостнень икеле визьксэс а совамонь кис, эссе отказак тензэ. 27Сеск, салдатонь кучозь, инязорось мерьсь Іоаннань прянзо кандомодо. 28Се молезь, керизе тюрьмасонть сонзэ прянзо, кандызе прянть блидя лаҥгсо да максызе тейтерьстень, а тейтерьсь максызе аванцтэнь. 29Теде марязь, састь сонзэ тонавтницянзо, саизь киськензэ да путызь калмс.
30Промсть Іисуснэнь апостолтнэ да весемень ёвтлизь Тензэ, мезе тейсть да мезес тонавсть. 31Сон мерьсь тенст: Азёдо ськамоҥк чаво паксяс да оймседе аламос. Вельть ламоль уж сыцясь да туицясь: ярцамс-как мик а кона шкаль тенст. 32Сынь ськамост веньчне тусть чаво паксяс. 33Народсь неизе сынст туймеде да ламотне сынст содызь. Чійсть тозо ялго весе ошнэстэ, икельцтизь сынст да промсть Іисус вакс. 34Іисус, лисезь, неинзе ламо ломатьнень да жалинзе сынст: сынь ульнесть пастухтомо ревень кондят да кармась эснэст ламо тонавтомо. 35Кода шкась уж ламоль, тонавтницянзо, ваксозонзо молезь, мерьсть: таркась чаво, а шкась уж ламо: 36нолды сынст, кады молест перька ошнэнень, велетненень да рамаст эстест кше: сыненст ведь амезде ярцамс. 37Сон каршост мерьсь: тынь [ 103 ]максодо тенст ярцамс. Сынь мерьсть Тензэ: ара тенек молемс кавт сядт динаріянь питьне кше рамамс да сыненст ярцамс максомс? 38Сон мерьсь тенст: зняро тыҥк кшеҥк? азёдо ваныҥк. Сынь, ванмодо мейле, мерьсть: вете кшенек да кавто калнок. 39Сестэ мерьсь тенст весемень пиже луга лаҥгс куцят-куцят озавтлемеде. 40Сынь ойсесть рядсо сядонь-сядонь да ведьгеменень-ведьгеменень. 41Сон вете кшетьнень да кавто калтнэнь саезь, да менельс вачтазь, баславинзе, ситринзе кшетьнень, да максыньзе тонавтницянстэнь ломатьнень икельга путлемс. Кавто калтнэнь-гак явшиньзе весеменень. 42Весе ярцасть да пешкедсть. 43Кадовозь кше сускомотьнеде да калтнэстэ-як кемьгавтово кептереть пешксеть пурнасть. 44Ярсыцятнеде цёрат аньсяк ульнесть вете тыстяшка.
45Теде мейле сеск кармавтынзе тонавтницянзо венчес озамо да икелев. Сонзэ народсть нолдамозонзо, омбоце пелев Виѳсаида ёнов уеме. 46Сынст нолдамодо мейле, тусь пандо лаҥгс озномо. 47Чокшнэстэнть веньчесь ульнесь моря кунчкасо, а Сон ськамонзо мастор лаҥгсоль. 48Неинзе Сон сынст уйместэ майсимаст: вармась ульнесь тенст каршо: да вень нилеце караулонь шкане, морянть лаҥга ютазь, мольсь ваксозост, да вакскаст ютыкскель. 49Сынь, Сонзэ морянть лаҥга ютамсто неезь, арсесть, што те виденія да пижакадсть. 50Сынь ведь весе неизь Сонзэ да тандадсть. Сон сеск кармась мартост кортамо да мерьсь тенст: те Мон, кемекстадо да илядо пельть. 51Мейле совась ваксозост венчестень, да вармась лоткась. Сынь, пек тандадозь, дивасть-майшть эсь [ 104 ]пачкасть. 52Сынь ведь кшетнень маро мезе ульнесь, сень неезь-гак эзть чаркодть: сынст седеест кеведнязь ульнесьть. 53Печкезь, састь сынь Геннисаретэнь масторс да тозо лоткасть.
54Кодак сынь венчестэнть листь, (тосонь ломатьне) сеск содызь Сонзэ 55да чийнизь весе перька таркатнень да косо Сон, марямонь кувалт, ульнесь, сезэ кармасть ацамост лаҥгсо сэредицяньтнень кантлеме. 56Козо Сон а сыль: велес-ли, ошос-ли, вишка велинес-ли, ливтлилизь сэредицяст ушов да инялдыльть Тензэ, коть одижа чирезэнзэ токадевмекс. Конатне токадевильть Эзэзэнзэ — пичкильть.
- ↑ роднясонзо.
Глава 7.
1Промсть Тензэ фарисейтне, да конат-конат Іерусалимстэ сазь книжникнень эйстэ. 2Сынь неизь, кода конат-конат Сонзэ тонавтницятнень ютксто аванькс кедьсэ, ліякс меремс, апак шляк кедьсэ, кшеде ярцасьть да сялгавтнесть эснэст. 3Фарисейтне ведь да весе іудейтьне, атятнень коень кирдезь, кедест парынестэ апак шляк а ярцлить. 4Торгувамсто-як сазь, апак шляк а ярцлить. Ліят-как ламо койть сынь кирьдтлесть: ваканонь шлямот, стопкань, котёлонь да скамейкань.
5Мейле фарисейтне да книжникне кевстизь Сонзэ: мейсь Тонть тонавтницатьне атятнень койтнесэ а кирдить, кедень апак шляк кшеде ярцыть? 6Сон мерьсь каршост: Парьсте тыҥк лаҥга, лицемерт, пророк Исаія ёвтнесь, кода сёрмадозь: Неть ломатне курксост шныть Эснэнь, а седеест васоло аштить Монь эйстэ. 7Сынь стяко Монь эснэ шныть, [ 105 ]ломань превень заповетьнень да тонавтуматьнень тонавтозь. 8Ведь тынь, Пазонь заповетьнень кадозь, кирдтядо ломанень койтнесэ: ваканонь шлякшнумат, стопкань да ліят-как ламо тень кондят тейнитядо. 9Таго мерьсь тенст: паро-ли, койтнень кирдимань кис тынь Пазонь заповетьнень кадносыҥк? 10Ведь Моисей мерьсь: тонсить тетять, авать мелест ванок, таго: ки тетянстэнь или аванстэнь терьги берянь вал, се маштозь улезэ. 11А тынь кортатадо: ки мериньдеряй тетянстэнь или аванстэнь, корван, ліякс, — мезе тонеть максумаль — Пазнэнь максомс алтыя. 12Теде мейле, тынь мерьдядо, тетястень, авастень мезе-як уш можна а теемс. 13Тынь тынсиҥк коеҥк кирдимань кувалма Пазонть валзо кадносыҥк да ліят-как ламо тень кондят тейнитядо.
14Мейле, весе народсть терьдезь, кортась тенст: кулцонеде Монь эйсэ весе, да чаркодеде. 15Мезе-як истямо арась, мезесь ломанстень ушосто сови потмозонзо да гадясазо сонзэ, а мезесь лиси эйстэнзэ, се ломансть гадясазо. 16Кинь улить марямс пилензэ, — марязо. 17Кода Сон народсть ваксто совась кудос, тонавтницянзо кевстизь Сонзэ те притчадонть. 18Сон мерьсь тенст: тынь-гак ара истят а чаркодицят? Ара а чаркодтядо: весе, мезе ушосто сови ломань потс, сенень сон а гадяви? 19Се ведь аволь седеезэнзэ сови, а пекезэнзэ, мейле мекевь лиси, кода весе ярцавксось ванськады. 20Таго мерьсь: мезе ломаньсть потсо лиси, се гади ломаньсэнть. 21Ведь потсто, ломанень седейстэ, лисить: апаронь арсимат, ломань ава мельга чійнимат, ава ломанень вечкимат, ломанень маштумат, 22саламот, [ 106 ]ламос правтумат, обижамот, кежть, маньчимат, визкс тевть, сельмень сіядмот, Пазонь сялдумат, эсь прянь мезексыя неймат, пеляскадмот. 23Весе не берятьне потсто лисить, да ломаньсть эснэ гадить.
24Тосто туезь, сась Тир маро Сидононь масторс; тосо, ве кудос совазь, мельзэ ульнесь, штобу кі-як аволь содак Эстэдензэ, ансяк апак содавт эзь кадовт: 25Эстэдензэ марясь ве ава, конань тейтерензэ эйсэ амазы ульнесь, сон сазь, прась пильгезэнзэ, — 26се авась ульнесь грекень, Сирофиникіянь родонь, — да инялдсь Тензэ, штобу тейтерензэ эйстэ амазыньть паневельце. 27Іисус мерьсь тензэ: кадык васня пешкедить эйкакшнэ, — ведь аволь вадря нельгемс кшесь эйкакшонь кедьстэ да кисканень каямс. 28Авась каршозонзо мерьсь: Истя, Господи, да ведь кискатне-як ярцыть столь ало эйкакшонь паморькснэде. 29Сон мерьсь тензэ: те валсть кисэ азё: амазысь лись тейтереть эйстэ. 30Эсь кудозонзо сазь, сон муизе амазынть лисезь, а тейтерензэ тарка лаҥгсо мадезь.
31Тир маро Сидононь масторсто лисезь, тусь Сон таго Галилеень моря ёнов, кемень ошонь масторонь трокс. 32Ветясть Тензэ глухой да келень кунтлевиця ломань да инялдсть Тензэ, путовлессе бу лаҥгозонзо кедезэ. 33Іисус сонзэ народтонть ве ёнов саезь, тоҥгизе эсь сурозо пилезэнзэ, сельгсь да токадизе келезэ. 34Мейле вачтась менельс, да укстазь, мерьсь: еффаѳа̀, ліякс меремс: панжовт. 35Эрь сеск панжтоцть сонзэ пилензэ да меньць келень кундавксозо да кармась ванькстэ кортамо. 36Іисус кардынзе сынст, кинень-гак бу теде авольть ёвтне. [ 107 ]Аньсяк, кода Сон а кардыль, сынь седе-як пек ёвтлильть. 37Сынь пек дивасть да кортасть: весемень парьсте теи, глухойтьнень-гак теи марицякс, немойтьнень-гак кортыцякс.
Глава 8.
1Сеть читьнестэ, кода промсьть Тензэ вельть ламо ломать, да ярцамс тенст амездель, терьдиньзе Сон эсь тонавтницянзо да мерьсь тенст: 2Жальть Тень ломатьне; сынь колмо чить уш, кода яла Монь вакснэ аштить, а ярцамс тенст амезьде. 3Нолдасыньдеряй апак ярцак эсь кудозост, лавчомить ки лаҥгсо, ведь конат-конат эстэдест васолдо састь. 4Тонавтницянзо мерьсть каршонзо: ки тесэ чаво таркасо сынст андомс кшеть муи? 5Сон кевстинзе сынст: зняро тыҥк кшеҥк? Сынь мерсьть: сисемь. 6Мерьсь народстень масторов ойсеме; да сисемь кшетьнень саезь да Пазоньть шназь, синтринзе да максынзе эсь тонавтницянстэнь явшемс. Сынь явшизь (народстень). 7Ульнесть сынст аламо калост-как. Баславазь, Сон сынст-как мерьсь явшемеде. 8Ярцасть (весе) да пешкедсть да кадовозь сускомотнеде сисемь кептереть пурнасть. 9Ярцыцятьнеде ульнесть ниле тыстяшка. Мейле нолдынзе сынст. 10Сонсь сеск эсь тонавтницянзо маро венчес совась да сась Далмануѳань масторс.
11Листь фарисейтне да кармасть мартонзо пелькстамо да, Сонзэ снартумань кис, вейшть пельдензэ менельстэ чуда. 12Сон, кувакасто укстазь, мерьсь: мезень кис те родсь веши чуда? Видестэ мерян теҥк, те родстень чуда максозь а ули. 13 [ 108 ]Мейле, сынст кадозь, таго венчес совась да тусь омбоце пелев. 14Тонавтницянзо стувсть марост кшень сайме, сынст ве кшеде башка, лія кшест арасель венчнесть. 15Іисус кармавць тенст, мерезь: ванодо, вандстодо пряҥк эснэ фарисеень чапавтумадонть да Иродонь чапавтумадонть. 16А сынь эсь ютковаст арьсезь, кортасть: кшенек арась, седе чарьтни тенек. 17Іисус, теде содазь, мерьсь тенст: мейс тынь арситядо кшень араздеҥк? Ней-гак ара ощо а чаркодтядо, да а содатадо? ара кевендязь ощо седееҥк? 18Или сельмень улезь, а нейдядо? пилень улезь, а марятадо? да мельсэҥк-как ара а ашти, 19кода Мон вете кшеть синтринь вете тыстянень, зняро пешксе кептереть тынь сускомот пурныде? Мерьсть Тензэ: кемгавтово. 20А кода сисем (кшеть) ниле тыстянень, зняро кептереть тынь пурныде кадовозь сускомотнеде? Мерьсть: сисемь. 21Мерьсь тенст: кода ино а чаркотьтядо?
22Сась Виѳсаидас; ветясть Тензэ сокор да инялдсьть, токадевель-бу эзэзэнзэ. 23Сон, сокорсть кедьте саезь, ливтизе сонзэ велестэнть ушов да сельмезэнзэ сельгезь, путынзе лаҥгозонзо кедензэ, да кевстизе сонзэ: неи-ли мезе-як? 24Сон, вачтазь, мерьс: якиця ломатьне, неявить тень чувтот ровна. 25Мейле таго путынзе кедензэ сельмензэ лаҥгс да мерьсь тензэ вачтамодо. Сон пичкас да кармась весемень ванькстэ нейме. 26Мейле кучизе сонзэ кудов, мерезь: те велестень иля сова, да кинень-гак велесэнть иля ёвтне.
27Тусь Іисус тонавтницянзо маро Кесарія Филиппень велетненень. Ки лаҥгсо Сон кевстинзе [ 109 ]эсь тонавтницянзо: кикс ловныть Монь эснэ ломатне? 28Сынь мерьсьть каршонзо: Іоанн Крестителькс, ліятне Иліакс, а конатне вейкекс пророкнэнь эйстэ. 29Сон кевстинзе сынст: а тынь кикс Монь путнисамизь? Петр мерьсь каршозонзо: Тон Христозось. 30Сон кардынзе сынст, — кинень-гак-бу Эстэдензэ авольть ёвтнек. 31Мейле кармась тонавтомо эснэст, кода Ломанень Цёрастень ламо сави пиштевтемс, кода атятне, архіерейтне, да книжникне Сонзэ а примасызь, кода маштозь ульма Тензэ да колмоце чистэ мекев вельмима. 32Теде Сон видьстэ кортась. Петр, Сонзэ ве ёнов терьдезь, кармась каршонзо кортамо. 33А Сон, велявтозь да тонавтницятьнень лаҥгс вачтазь, Петрань кардазь, мерьсь: оргодть Монь вакстон, сатана, — тон а арсят Пазонь тевтнень кувалма, а ломаненьзетнень кувалма.
34Мейле терьдизе народсть эсь тонавтницянзо маро да мерьсь тенст: Кинь мельзэ ули Монь мельга молемс, се эсь прянзо стувтоссо, саессэ эсь крёстонзо да Монь мельга молезэ. 35Ведь кинь мельзэ ули эсь оймензэ ванцтомс, се ёмавтсазо сонзэ, а ки ёмавтсазо оймензэ Монь кис, да Евангеліяньть кис, се ванцтсазо сонзэ. 36Кодамо лезэсь ули ломаньстень, сайсазодеряй сон весе светэсть эстензэ, а оймензэ коласазо? 37Или кодамо питьне максови ломаньсь эсь оймензэ идимань кис? 38Ки виздилгадыньдеряй Монь эстэдень да Монь валтнэде те ускурявксов да пежетев родсть икеле, с де виздилгады Ломанень Цёрась-как, знярдо сы эсь Тетянзо славасо да святойть ангелтнэ маро.
[ 110 ]Глава 9.
1Мерьсь тенст: видестэ кортан теҥк: улить конат-конат тесэ аштицятьнень эйстэ, конат куломодо а неить, Пазонь инязорокс чинть вій маро самонть неймезэст.
2Кото чинь ютазь, саинзе Іисус Петранень, Іаковонь да Іоаннань да кустинзе ськамост сэрей пандо лаҥгс. Тосо сынст икеле Сон ліякс велявць: 3Одижанзо теевсть куфдотолдыцят, ловонь кондят пек ашот, кода мастор лаҥгсо кодамо-як ашолгафтыцянень а ашолгафтовить. 4Появасть тенст Илія марто Моисей, да кортасть Іисус марто. 5Сестэ Петр мерьсь Іисуснэнь: Тонавтыця! паро тесэ тенек; тейдянок колмо шалагат: вейкень Тонень, вейкень Моисейнень, вейкень Иліянень. 6Сон соньсь как эзь содак, мезть кортамс, сынь ведь пек тандадозельть. 7Лись пиземе пель да вельтинзе сынст да пельсть потсто марявсь вальгей: Те Монь вечкима Цёрам, Сонзэ Эснэ кулцонодо. 8Сеск, сынь вачтазь, ве Іисусто башка кинь-гак вакстост эзть нейть. 9Пандонть лаҥгсто валгомсто Сон кардынзе сынст, штобу Ломанень Цёранть кулозьстэ вельмемезэнзэ кинень-гак авольть ёвтлек, мезе нейсть.
10Сынь те валсть потмозост саезь, вейкест-вейкест кевснесть: мезе ули те — кулозьстэ вельмимась. 11Мейле кевстизь Сонзэ: кода книжникне кортыть, Иліянень васня самс эряви? 12Сон мерьсь каршост: те истя, Иліянень васня самс эряви да весемень анокстамс, да Ломанень Цёрастень-гак, кода Эстэдензэ сёрмадозь, ламо пиштевтемс сави да [ 111 ]безарьдить Эстэдензэ. 13Ансяк кортан теҥк: Иліясь-уш сась да, кода эстэдензэ сёрмадозь, тейсть маронзо, кода мелестэль. 14Мейле тонавтницянзо вакс сазь, нейсь вакстост ламо народ, да книжникнень-гак, мартост пелькстамсто. 15Сонзэ неезь, весе народсь дивась, да капшазь ваксозонзо молезь шумбракшнесьть маронзо. 16Сон кевстинзе книжникнень: мезень кувалма пелькстатадо марост?
17Ломатьнень ютксто вейке мерьсь каршонзо: Тонавтыця, мон ветія Тенть цёрам, сонзэ эснэ немой дух кирьди. 18Косо а кундасазо сонзэ, тувцазо масторов, да сон карми човонь нолдамо, да пейсэнзэ чикордомо, весе калготксоми-мик. Мон кортынь Тонть тонавницятненень, паневлезь бу сонзэ, да эзь паневть тенст. 19Сон мерьсь каршонзо: эх, акемиця плема: знярс Мон эрян мароҥк да знярс кирьдян корозоҥк? ветиҥк сонзэ Монень. 20Ветизь сонзэ Тензэ. Амазысь, кодак Сонзэ неизе, сеск кармась сэредицянть рестееме, масторов празь, кеверькшнесь, да човт нолдась. 21Сон кевстизе тетянзо: зняро іеть, кода истя теевсь маронзо? Сон мерьсь: эйкакш пиҥкстэ. 22Сонзэ ёмафтумань кис (амазысь) ламо разт кайсизе толс, да ведьс. Мезе-як теевиньдеряй Тенть, жалямизь, тейть тенек. 23Іисус мерьсь тензэ: зняро-як кеминьдерят, кемицянень весе тееви. 24Сеск эйкакшонть тетязо сельведь маро серьгедсь: Кеман, Господи! Мезе акемимасть топавтик! 25Іисус, народсьть проммодо неезь, кардызе амазы духонть, мерезь: немой да глухой дух! Мон мерян тенть, листь эйстэнзэ, да икеле пелев иля совсек эзэзэнзэ. 26Сон сергедезь, да пек цёрыненть [ 112 ]рестедезь, лись. Цёрынесь кулозь лацо теевсь, ламо мик кортасть, што сон кулось. 27Іисус, кедьте саезь, кепедизе сонзэ; сон стясь. 28Кудос совазь, тонавтницянзо кевстизь Сонзэ ськамонзо: кода миненек сон эзь паневть. 29Сон мерьсь тенст: те родсь паневи аньсяк ознумасо да постонь кирьдимасо. 30Тосто лисезь, сынь ютасть Галилеень пачк. Сонзэ эсь прянзо кинень-гак содавтомс мельзэ арасель. 31Сон тонавць эсь тонавтницясонзо да мерьсь тенст: Ломанень Цёрась максозь ули ломанень кедьс, машцызь Сонзэ, маштумадо мейле колмоце чистэ Сон (мекев) вельми. 32Аньсяк сынь эзизь чаркодть не валтнэнь, а кевстемензэ пельсть.
33Сась Капернаумс, да ве кудосо ульместэ, кевстинзе сынст: мезень кувалма тынь ки лаҥгсо эсь ютковаҥк кортыде? 34Сынь чатьменсть: ки лаҥгсо сынь эсь ютковаст пелькстасть — ки седе покш. 35Кода озась, терьдинзе кемгавтовонест да мерьсь тенст: кинь мельзэ покшокс ульмекс, се улезэ весемеде вишкине да весеменень урекс.[1] 36Мейле сайсь эйкакш, аравтызе кунчказост да сонзэ кутмордазь, мерьсь тенст: 37Ки прими Монь лемс вейке истят эйкакшнэнь эйстэ, се Монь прими, а ки Монь примасамам, се аволь Монь примасамам, а Монь кучицянть. 38Сестэ Іоанн каршонзо мерьсь: Тонавтыця! минь неинек ломань, кона Тонть лемсэ амазыть панси, а сонсь мельганок а яки. Мельганок а якамонь кувалт минь кардынек [ 113 ]сонзэ. 39Іисус мерьсь: илиҥк кардтле сонзэ: ки Монь лемсэ чуда теи, се ведь куроксто Моньдень берянстэ а кортави. 40Ки аволь тыҥк каршо, се тыҥк кисэ. 41Ки Монь лемень кис, тынь Христозонь мерезь, симттядызь кечесэ ведьте, видестэ кортан теҥк, наградафтомо кадозь а ули.
42Ки неть, Монень кемицятнень, вишкинетнень эйстэ вейкешка маниньдеряй пежетс, сенень седе паро улевель-бу, поводевельть-как кирьгазонзо ведьгев кев да каявлезь-гак моряс. 43Маньчиньдеряй эснэть эсь кедеть, керик сонзэ: кедьтеме эрямостень совамось кавто кедь маро адс да амадиця толстень совамодонть паро ули, 44косо сынст суксост-как а кулыть, толост-как а мади. 45Маньчиньдеряй эснэть пильгеть, керик сонзэ: хромойстэ эрямостень совамось кавто пильге маро адс да амадиця толстень каямодонть паро ули тенть, 46косо суксост-как а кулыть, толост-как а мади. 47Маньчиньдеряй эснэть тонсить сельметь, — таргик сонзэ: ве сельме маро Пазонь инязорокс чистень совамось кавто сельме маро адонь толстень каямодонть паро ули тенть, 48косо суксост-как а кулыть, толост-как а мади, 49ведь эрьва ки толсо салыи, эрьва жертвась-как салсо салыи. 50Сал паро, а улиньдеряй салсь аволь салов, месне сонзэ витьсыҥк? Эсиҥк эснэ салсь улезэ да сэтьме чи-як эсь ютксоҥк улезэ.
- ↑ рабакс.
Глава 10.
1Тосто туезь, Іорданонь омбоце нельга сась Іисус Іудеень масторс. Таго промсь Тензэ [ 114 ]народ. Сон эсь койсэнзэ таго эснэст тонавць.
2Мольсть ваксозонзо фарисейть да, Сонзэ снартлезь, кевстизь: маштови-ли мирьденень нинзэ марто явомс? 3Сон каршост мерьсь: кода теҥк мерьсь Моисей? 4Сынь мерьсть: Моисей мерьсь явмань сёрмань сёрмадмодо да явмодо. 5Іисус мерьсь каршост: калгодо седееҥк кувалма сон сёрмадызе теҥк те заповедьсть. 6А Пазось васнят тейместэ-як мирьденть да нинть теинзе. 7Секс ломаньсь кадсазо эсь тетянзо, аванзо, 8да педи эсь нинцтэнь, да теевить кавонест ве киськекс, мейле уж сынь улить аволь кавто, а ве киське. 9Тень кувалма, мезе Пазось вейс педявць, сень ломань иляссо явт. 10Кудосо улемстэ тонавтницянзо таго кевстизь Сонзэ тень кувалма.
11Сон мерьсь тенст: ки яви эсь нинзэ маро да лія лаҥгс урьваксты, се ускуряви маронзо. 12Истяжо нись-как, явиньдеряй эсь мирьдензэ маро да ліянень лиси, ускуряви.
13Кантлесть Тензэ эйкакшт, Сонзэ эзэзэст токадевмань кис. Тонавтницянзо эсть нолда кантлицятьнень эснэ. 14Тень неезь, Іисус кежіявтсь да мерьсь тенст, нолдыҥк эйкакшнэнь Монень сакшномо, да илядо кирьдтле эснэст: истятнэнь ведь ули Пазонь инязорокс чись. 15Видестэ кортан теҥк: ки Пазонь инязорокс чинть эйкакш лацо а примасазодеряй, се эзэзэнзэ а совави. 16Мейле сынст кутмордазь, путыньзе лаҥгозост кедензэ да баславинзе сынст. 17Сонзэ кис лисьместэ чійсь ваксозонзо ве ломань, пульзясь икелензэ кумажа лаҥгс да кевстизе Сонзэ: Паро Тонавтыця! мезть тень теемс, [ 115 ]штобу пиньгень пиҥкс эрямостень совамс? 18Іисус мерьсь тензэ: Мейс тон Монень паро мерят? ве Паздо башка кі-як паро арась. 19Заповетнень содасыть: иля ускурявт, иля машт, иля сала, ломань лаҥгс стяко иля невть, иля обижак, тетять, авать мель ванок. 20Сон мерьсь каршонзо: Тонавтыця! Мон вишка пинкстэнь оштё нень весемень теинь. 21Іисус, лаҥгозонзо вачтазь, вечкизе сонзэ да мерьсь тензэ: тонеть вейке аньсяк а саты: азё, мезеть ули — микшник, да ништёйнень явшик, сестэ тонть ули парот карми ульме менель лаҥгсо, а тонсь, крёстот саезь, сак да Монь мельга мольть. 22Сон те валдонть нусмангадсь да мелявтозь тусь ве ёнов: вельть ламоль уж ули-парозо. 23Мейле эсь перьканзо вачтазь, Іисус тонавтницянстэнь мерьсь: кодамо стака сюпавтнэнень Пазонь инязорокс чистень совамось. 24Тонавтницянзо талакадсть Сонзэ валтнэде. А Іисус таго мерьсь каршост: Эйдень! кодамо стака сюпав чи лаҥгс кемицятненень Пазонь инязорокс чистень совамось. 25Сюпав ломанень Пазонь инязорокс чистень совамодонть шождыне верблюднэнь салмукс пилень пачк ютамс. 26Сынь седе-як пек дивасть да кортасть эсь ютковаст: истя улиньдеряй, кинь прязо ванови? 27Іисус, лаҥгозост вачтазь, мери тенст: те ломаннень а теевмашка, а аволь Пазостень: Пазостень ведь весе тееви. 28Мейле Петр кармась Тензэ кортамо: вана минь весе кадынек да Тонть мельга туинек. 29Іисус каршонзо мерьсь: видестэ кортан теҥк: кі-як арась, ки кадовлессе-бу кудонзо, или братонзо, или сазоронзо, или тетянзо, или аванзо, или нинзэ, или [ 116 ]эйкакшонзо, или моданзо Монь кис да Евангеліянь кис 30да сядон кырда аволь сайть бу ней, те пансима шкастонть, кудот, братт, сазорт, тетят, ават, эйкакшт, модат, а сыця пиҥгстэнть певтеме эрямо. 31Ламо васеньцетнеде теевить меельксэкс, а меельцетнеде васеньцекс.
32Ульнесть сынь, Іерусалимев кузьместэ, ки лаҥгсо Іисус мольсь сынст икеле, а тонавтницянзо, тандалесьть да мельганзо молемстэ пелезь аштесть. Сон таго, кемгавтовонест терьдезь, кармась тенст кортамо, мезе Тензэ улемс эряви: 33Вана, минь кузьдянок Іерусалимс да Ломанень Цёрась максозь ули архіеретненень да книжникненень, судясызь Сонзэ куломо, макссызь Сонзэ язычникненень, 34пеелесызь Сонзэ, чавсызь, сельгенесызь, маштсызь, да колмоце чистэ Сон мекев вельми. 35Састь икелензэ Іаков марто Іоанн, Зеведеень цёранзо да мерьсть: Тонавтыця! Минек мельнек ули, мезе кедьстэть вештянок, Тон тейть тенек. 36Сон мерьсь тенст: мезе мелеҥк, Мон теевлень-бу теҥк? 37Сынь мерьсть Тензэ: Эсь славасот мерьть вейкенень эстэденек вить пелезэть озамо, омбоценень керчь пелезэть. 38Іисус мерьсь тенст: аздатадо, мезе вештядо. Симеви-ли теҥк се кечесь, конань Мон симан да лемдивдядо-ли се лемдимасонть, конань эйсэ Мон лемдян? 39Сынь мерьсть: неть теевить тенек. Іисус мерьсь тенст: кеченть, конань Мон симан, карматадо симеме, лемдимасонть-как, конайсэ Мон прян лемдян, карматадо лемдеме, 40а Монь вить пелев да керчь пелев озамонь максумась аволь Монь олясо, а кинень сон анокстазь. 41Кементьне, теде марязь, кармасть [ 117 ]кежіявтлеме Іаков марто Іоаннань лаҥгс. 42Іисус, сынст терьдезь, мерьсь тенст: содатадо: народ лаҥгсо инязорокс пряст кирьдицятне, народсть лаҥгсо покшт, сынст вельде путозь прявтнэ-як кирдить народсть эснэ. 43Тыҥк ютксо истя илязо ульть, а кинь мельзэ ули тыҥк ютксо покшокс улемс, се улезэ теҥк урекс. 44Кинь мельзэ ули тыҥк ютксо прявтокс улемс, се улезэ теҥк важокс. 45Ведь Ломанень Цёрась аволь Тензэ служамонь кис, а Сонсь служамо сась, да ламотнень идимань кис эсь оймензэ максомо.
46Састь Іерихонс. Сонзэ эсь тонавтницянзо да ламо народ марто Іерихонсто лисьме шкане Тимеень цёра, сокор Вартимей, ки чиресэ (милостинань) вешезь аштесь озадо. 47Іисус Назорейде марязь, сон кармась пижнеме да кортамо: Давидэнь Цёра Іисус! ванумак монь! 48Ламо ломатьнень эйстэ кардасть эснэнзэ пижнемеде, а сон седе-як пек кармась пижнеме: Давидэнь Цёра! ванумак монь! 49Іисус лоткась да мерьсь сонзэ терьдемендзэ. Терьдизь сокорсть да мерить тензэ: иля пельть, стяк, терьди эснэть. 50Сон каизе лаҥгстонзо лаҥга орчамозо, стясь да мольсь Іисуснэнь. 51Іисус, каршозонзо кортазь, кевстизе: мезе мелеть, — Мон тенть теевлень? Сокорсь мерьсь Тензэ: Тонавтыця! панжост монь сельмень. 52Іисус мерьсь тензэ: азё, тонть кемимат идиньзеть. Сон сеске кармась нейме да тусь Іисус мельга кіява.
Глава 11.
1Кода пачкодьсть Іерусалим малас, Вифсфагія марто Виѳаніяс, Елеононь пандонть вакс, [ 118 ]кучинзе эсь тонавницянзо ютксто кавтотнень 2да мери тенст: азёдо велестень, кона видьстэ тыҥк каршоҥк, сеск, эзэзэнзэ совамсто, муйдядо сюлмазь осёлонь парнэ, конань лаҥгс кі-як оштё ломатьнень эйстэ эзь ойсек, укстезь, ветиҥк сонзэ. 3Кі-як теҥк мериньдеряй: мейсь истя тейдядо? Мереде: сон эряви Пазостень; сон сеск кучсазо сонзэ тезэ. 5Сынь тусть да муизь орта ушосо, ульцясо содозь парнэнть да укстизь сонзэ. Конат-конат сесэ ащицятнеде мерьсть тенст, — мезть тейнитядо, мейс парнэсть укснесыҥк? 6Сынь мерьсть, кода кармавтынзе Іисус. Сетне кадызь сынст. 7Ветизь парнэсть Іисуснэнь да ацызь лаҥгозонзо эсь одижаст. Іисус озась лаҥгозонзо. 8Ламо ацлесть эсь одижасост кинть лаҥга, а конат-конат керцесть чувтосто тарадт, да ацлесть кинть лаҥга. 9Икелест молицятне да удалост ютыцятне сеересть: осанна! баславазь Пазонь лемс сыцясь. 10Баславазь Пазонь лемс сыця минек Давид тетянок Инязорокс чись: Вере-як осанна. 11Совась Іисус Іерусалимс да церькувастень-гак, тосо весемень ванозь, чинзэ чоподьмань шкане, тусь кемгавтотьнень марто Виѳаніяс. 12Омбоце чистэнть, Виѳаніясто лисезь, вачсь Сонзэ пекезэ. 13Нейсь ве ёндо лопав смоковниця, да тусь ёнонзо, амуи-ли мезе-як лаҥгстонзо. Ваксозонзо сазь, лопадо башка мезе-як эзь мук: шкась оштё аволь умаренель. 14Іисус мерьсь смоковницястень: те шкастонть пиҥгезэть кі-як илязо ярца умарьдеть. Тень маризь тонавтницянзо-як. 15Састь таго Іерусалимев. Іисус, церькувастень совазь, кармась церькувасонть микшницятьнень да рамсицятьнень [ 119 ]паньме. Ярмаконь полавтлицятьнень столест, да гулькань микшницятьнень-гак скамикаст сявортлинзе, 16да эзь мерьть, штобу кі-як, мезе-як церькуванть пачк аволь кандт. 17Сон тонавтсь эснэст, мерезь: ара апак сёрмат: Монь кудодон весе ломатьненень ознума кудо мерьме кармить, а тынь теиҥк сонзэ разбойникень аштима таркакс. 18Тень маризь книжникне да архіерейтьне да вешнесть, кода-бу Сонзэ маштомс, сынь пельсть Эстэдензэ: ведь весе народсь Сонзэ тонавтуманзо лаҥгс дивазь аштесь. 19Кода чизэ чопотетьсь, Сон лись ошостонть ушов. 20Валцке, вакска ютамсто, неизь, смоковницясь коськсь юрозонзо пачкодьмес. 21Мелезэнзэ ледезь, Петр мерьсь Тензэ: Тонавтыця, ванок, смоковницясь, конань Тон сюдык, коськсь. 22Іисус каршо мерьсь тенст:
23Улезэ вераҥк Пазостень. Видестэ теҥк кортан: ки мериньдеряй те пандостень: кепедевть да ёртовт морястень, да эсь потмованзо а кармидеряй кафтолдомо, — кеминьдеряй, што тееви сонзэ валонзо кувалт, — ули тензэ, мезе а мери. 24Тень кувалма мерян теҥк: весе, мезе ознозь а вештядо, — кемеде, што максыть теҥк да ули тенк. 25Знярдо ознутадо да кі-як лаҥгс мезе-як кирдьтядодеряй, простиҥк, штобу менельсэ тетяҥк-как простявленьзе теҥк пежетеҥк; 26а простятадодеряй, менельсэ Тетяҥк-как а простясынзе тынсиҥк пежетеҥк.
27Састь таго Іерусалимс. Сонзэ церькуваванть якамсто, мольсть ваксозонзо архіерейтне, книжникне да атятне да мерьсть Тензэ: 28кодамо покш [ 120 ]чисэ Тон тень теят? да ки максызе Тенть олясть истя теемс? 29Іисус каршост мерьсь: Мон-гак кевстян пельдеҥк ве вал, ёвтадо Тень, сестэ Мон-гак ёвтан теҥк, кодамо покш чисэ тень теян. 30Іоаннань лемдимась менельстэ ульнесь или ломанень пельде? ёвтадо Тень. 31Сынь арсесть эсь пачкаст: мерьдянокдеряй: менельстэ, Сон мери: мейс ино эзьде кемь тензэ? 32Меремс: ломанень пельде, — пельсть народтоньть: ведь Іоаннань эснэ весе виде прорококс ловсть. 33Мейле мерьсть Іисусонь каршо: а содатанок. Іисус-как сынст каршо мерьсь: Мон-гак а ёвтан теҥк, кодамо покш чисэ тень теян.
Глава 12.
1Кармась тенст притчасо кортамо: ве ломань озавтсь виноградник, пиризе пирявтсо, чувсь умарень чемерямо латко, тейсь ванцтума тарка, да максызе сонзэ виноградонь мельга якицянень, а сонсь тусь. 2Умарень шкань сазь, кучизе сон виноград мельга якицятьненень важонзо, кедьстэст виноград умарень саеме. 3Сынь, сонзэ кундазь, чавизь да кучизь истяк. 4Таго кучсь тенст лія важо, сынь сень-гак, кевсэ чавозь, прязо порксызь, да нарьгазь нолдызь. 5Сон таго ліята кучсь, сень-гак маштызь, ліятнень-гак ламотьнень, конань чавизь, конань маштызь. 6Ульнесь сонзэ оштё вейкине, вечкима цёразо, меельсь пелев сонзэ-як кучизе тенст, мерезь: виздилгадыть цёрадон. 7А виноградонь мельга якицятьне мерьсть вейкест-вейкест туртов: те наследникезэ, адядо машцынек сонзэ, да тензэ [ 121 ]кадовиця парось минек ули. 8Сонзэ, кундазь, маштызь, да виноградникстэнть ушов ёртызь. 9Мезе теи тенст виноградникень азорось? Сон сы да машлесыньзе виноградонь мельга якицятьнень, а виноградниксть макссазо ліянень. 10Тынь ара эзиде ловно тень Писаніясо: кевсь, конань каизь строицятьне, уголонь прякс теевсь. 11Те ульсь Пазонь пельде, минек сельме икеле сон дивакс неяви. 12Сынь чаркодьсть, што те притчанть сынст лаҥга ёвтызе да вешнесть Сонзэ кундамс, аньсяк пельсть народтонть. Мейле кадызь Сонзэ да тусть.
13Сынь кучизь Тензэ конат-конат фарисейтнень да Иродонь кис пшкадицятнень Сонзэ валсо кундамонь кис. 14Сынь, сазь, мерить Тензэ: Тонавтыця, минь содасынек, Тон видеят, кинень-гак мельс туймеде а арсят, кодамо-як ломань лаҥгс-как а ванат, видестэ Пазонь кистень тонавтат. Эряви-ли Кесарьнень каявкс максомс, или а эряви? Максомс тенек или а максомс? 15Сон, сынст маньчимадост содазь, мерьсь тенст: мезть снартлитядо Эснэнь? Кандодо Тень динарій, Мон ванса. 16Сынь кандсть. Сон мери тенст: Те кинь шачось да сёрмадовксось? Сынь мерьсть Тензэ: Кесарень. 17Іисус каршост мерьсь: максодо Кесареньзенть — Кесарьнень, а Пазоньзенть — Пазостень. (Весе) дивасть лаҥгозонзо.
18Састь Тензэ саддукейть, конатьне кулозтьнень мекев вельмимазост а кемильть, да кевстизь Сонзэ, мерезь: 19Тонавтыця! Моисей сёрматьсь тенек: Кинь кулыньдеряй братозо, да кады ни, а эйкакшт а кады, (сень) нинзэ саессэ братозо да нолдазо тензэ [ 122 ]эйкакшт. 20Ульнесть сисем братт; васеньцесь сайсь ни да, эйкакшонь апак кадт, кулось. 21Нинть саизе омбоцесь, сон гак эйкакшонь апак кадт кулось; истяжо кольмоцесь-как. 22Сайнизь сонзэ сисемнест да эйкакшт эзть кадт. Весемедест мейле кулось нись-как. 23Кода сынь кулозтьнень вельмимасто вельмить — конанень эстэдест ули сон никс? ведь сисемнест сонзэ сайнизь никс. 24Іисус каршост мерьсь: тень кувалма ара тынь манчивдядо, писаніянь да Пазонь війсть апак содак? 25Ведь знярдо кулозтьне вельмить, а кармить, а урьвакснеме, а мирьденень тукшномо, сынь улить менельсэ ангелтнэнь кондят. 26А кулозтьнень вельмимадо ара эзьде ловнок тынь Моисеень книгатьнесэ, кода Пазось каль куракш вакснэ мерьсь тензэ: Мон Авраамонь Пазан, Исааконь Пазан, да Іаковонь Пазан. 27Пазось ведь аволь кулозтьнень Паз, а живойтьнень Паз. Истя ино тынь пек маньчивдядо.
28Вейке книжникнень эйстэ, сынст пелькстамост марязь да Іисусонь каршост парьстэ отвечамонть неезь, мольсь ваксозонзо да кевстизе Сонзэ: конатась весе заповетьнень эйстэ васеньцесь? 29Іисус мерьсь каршонзо: весе заповетьнень эйстэ васеньцесь: кулцонок, Израиль! Минек Нишке Пазось — ве Паз. 30Эсь Нишке Пазот эснэ вечк весе седейсэть, да весе оймесэть, весе содавксосот, весе війсэть: вана васеньце заповетьсь. 31Омбоцесь сонзэ коньдямо: эсь малавиксэть эснэ вечк, кода эсь прят (вечкат). Неде покш, лія заповедь арась. 32Книжниксь мерьсь Тензэ: Паро, Тонавтыця! Тон видьстэ мерить: Пазось вейке, лія Соньдензэ башка [ 123 ]арась. 33Сонзэ вечкемс весе седейсэ, весе превсэ, весе оймесэ, да весе війсэ, а малавиксэньть вечкемс, кода эсь прят, теватесь весе жертватьнеде да пултамотьнеде-як покш. 34Іисус, сонзэ превейстэ каршонзо отвечамонть неезь, мерьсь тензэ: Тон Пазонь инязорокс чиденть аволь васоло-ят. Теде мейле кі-як уж эзь смеяк Сонзэ кевстлемензэ. 35Церькувасонть тонавтомсто, Іисус мерьсь: кода кортыть книжникне, што Христозось Давидэнь цёра? 36ведь сонсь Давидсь Святой Духонь війсэ мерьсь: Пазось мерьсь монь Пазостень: озак Монь видьть пелезэнь, се шкастень, знярдо душманот пильгень чалгавтксот алов путсынь. 37Истя сонсь Давид мери Тензэ Паз, кода ино Сон Тензэ цёра? Ламо народ мельс паросо кулсонось Эснэнзэ.
38Эсь тонавтумасонзо Іисус кортась тенст: ванодо пряҥк книжникнеде, конатьне вечксызь кувака одижасо якамонть да народонь проммо таркасо марост шумбракшнуманть, 39синагогасо — икеле озадо аштиманть, симма-ярцамо таркасо — васень таркас озамонть. 40Не довань кудонь сэвицятьне, да пряст невтимань кис куватьс озныцятьне, саить эсь лаҥгозост вельть стака чумо. 41Мейле Іисус ярмаконь кирьдима кружканьть каршо озась, да ванось, кода ломатьне каясть кружкастень ярмакт. Ламо сюпавт ламонь-ламонь кайсесть. 42Сазь, ве бедной дова авине каясь кавто лептать, конатьнесэ ве кодрантоль[1]. 43Іисус, эсь тонавтницянзо терьдезь, мерьсь тенст: видестэ мерян теҥк: [ 124 ]те бедной довась весе путыцятнэде ламо путсь кружкастень. 44Ведь весе путсьть ламо чидест, а те арась чидензэ весемензэ путызе, месьне тензэ ульнесь эрямс.
- ↑ Кодрантсь — пель копика.
Глава 13.
1Церькувастонть лисьместэ тонавтницянзо ютксто вейкесь мерьсь Тензэ: Тонавтыця, ванока кодат кевтне, кодат кудотьне. 2Іисус каршозонзо мерьсь: нейсыть не покш кудотьнень! весе неть яжазь улить, а кадови тезэ кев лаҥгс кев. 3Сонзэ Елеононь пандонть лаҥгсо, церкуваньть каршо озадо аштемстэ, кевстизь ськамонзо таркасо Петр, Іаков, Іоанн да Андрей: 4ёвтак тенек — знярдо те ули, да мезень кувалма содави весе тень ульмась? 5Іисус каршозост кармась кортамо: ванодо, кі-як аволедезь маня. 6Ведь ламо сыть Монь лемсэ, мерезь: те Мон, да ламотьнень манясызь. 7Знярдо марятадо войнадо, да войнадо кортамодо, илядо тандалек, — тенень ульмекс эряви; аньсяк те оштё аволь песь. 8Кепети народ лаҥгс народ, инязорокс чи лаҥгс инязорокс чи; таркань-таркань улить масторонь сорнумат, улить вачо іеть, бунт. Те ули апаротьнень ушодксось.
9Тынь ванодо эсь мельгаҥк, — ведь тыҥк таргатадызь промксос, да синагогатнесэ чавдадызь, Монь кис ветятадызь тыҥк начальникнень да инязоротьнень икелев, штобу тынь сынст икеле Монь лаҥгс невтевледе. 10Аньсяк васня весе народтнэнь лаҥга Евангеліястень ёвтнезь ульма. 11Тыҥк кундазь ветямстоҥк илядо мелявт икелев, да илядо [ 125 ]арсе-як, мезть теҥк кортамс; мезе теҥк се часостонть максозь ули, — сень кортадо: ведь аволь тынь ульдядо кортыцятьне, а Святой Духсь. 12Макссазо куломс брат братонзо, тетя — цёранзо, эйкакшнэ стить тетяст-аваст лаҥгс да маштсызь сынст. 13Монь лемень кис весеменень ульдядо анеймат; ки пезэнзэ цидярды, се ванозь ули. 14Знярдо нейсыҥк чамозь таркастонть аваньксэнть, конадо икелев ёвтась пророк Даніил, да конанень сесэ аволь эрявт ульмекс (ловныцясь чаркодезэ), сестэ, конат улить Іудеясо, чіест пандо лаҥгов, 15ки — кудо прясо, се илязо валгк кудостень, да илязо совак эсь кудозонзо мезень-гак сайме. 16Ки — паксясо, илязо велявт мекев эсь одижанзо сайме. 17Сеть читьнестэ апаро ули пешксесэтьненень да потесэ потявтыцятьненень. 18Ознодо, илязо савт оргодьмаҥк теле чине. 19Ведь сеть читьнестэ ули истямо покш апаро, кодамо арасель пиҥгеньть тейместэ саезь, конань Пазось теизе, те шкастень пачкодьмес, да а ули-як. 20Не читьнень Пазось аволензе нирькиньгавтдеряй, ве ломань-гак аволь вановтбу. Аньсяк кочксезетьнень кис, конатьнень Сон кочксинзе, нирькиньгавтыньзе сетьне читьнень. 21Сестэ кі-як мериньдеряй теҥк: вана тесэ Христозось, или: вана, тосо, — илядо кемть. 22Лисить ведь маньчиця Христост, маньчиця пророкт, да манямонь кис, а ладс сыньдеряй кочксезетьнень-гак (манямонь кис) теить чудат да тамашат. 23Ванцтодо прясоҥк. Вана Мон икелев весе ёвтнинь теҥк. 24Сеть читьнестэ, се апародонть мейле, чись чопулгады, ковсь-как а невтьсазо валдонзо, 25тештьне-як прыть менельстэнть, да менелень війтьне-як [ 126 ]чараземить. 26Сестэ нейсызь Ломанень Цёранть покш вій да слава маро пель лаҥгсо самодо. 27Сестэ Сон кучсынзе эсь ангелэнзэ да пурнасыньзе Сонсинзэ кочксезетьнень ниле варма ёндо, масторонь чирестэ — менелень чирес. 28Смоковниця лаҥга арцезь, чаркодеде: знярдо сонзэ тарадонзо чевтемгадыть да нолдыть лопат, сестэ, — содатадо, што кизэсь маласо. 29Истяжо, знярдо тынь нейсыҥк нень топодьмаст — содадо — маласо, кеҥкш лаҥгсо. 30Видестэ кортан теҥк: те родсь-как маштомо а кенери, кода весе те топоди. 31Менельсь да масторсь маштыть, а Монь валон апак топодть а кадовить.
32Се чиденть или частоньть кі-як а соды: а менелень ангелтнэ, а Цёрась, (соды) аньсяк Тетясь. 33Ванодо, ванцтозь аштеде да ознодо: ведь а содатадо знярдо сы те шкась. 34Се шкась моли истямо ломань ёнов, кона кис туйместэ да кудонзо кадмосто кадсь эсь важонцтэнь оля да эрьва конанень эсьтензэ тев; орта лаҥгсо аштицястень-гак мерьсь ванцтомодо. 35Истя ино ванцтозь аштеде, ведь а содатадо, знярдо сы кудазорось: чокшнэ лаҥга или пелеве шкане, или атякш морамо шкане, или валцке лаҥга, 36штобу друк сазь, авольдезь муйть тыҥк удомсто. 37Месть теҥк кортынь — весеменень кортан: удозь илядо аште.
Глава 14.
1Кавто чинь трокс ульмаль Инечи да ламбамо сюкоронь праздник. Архіерейтне да книжникне вешнесть, кода-бу Сонзэ манязь саемс да маштомс. 2Сынь кортасть, аньсяк аволь праздник [ 127 ]шкане, народсь аволь кепететь-бу.
3Кода Сон ульнесь Виѳаніясо, прокаженной Симононь кудосо столь экшнэ озадо, сась ве ава алавастрань кедьге маро, конайсэ ульнесь нарда чувтонь ванькс да пек питнев ой; сон кедьгенть порксазь, валызе ойсть Сонзэ прянзо лаҥгс. 4Конань-конань саизе мельс апаро да кортасть эсь ютковаст: мезекс истя ёмавтомс ойсьть? 5Сонзэ можналь-бу міемс колмо сядт динаріядо питневстэ да явшемс ништёйнень да пеняцясть авасть лаҥгс. 6Іисус мерьсь: кадыҥк сонзэ, мейс мелезэ калавтнесыҥк? сон Монень паро тев тейсь. 7Ведь ништёйтне яла мароҥк, знярдо мелеҥк ули, теевдядо тенст паро, а Мон аволь яла мароҥк. 8Сон тейсь мезе тензэ теевсь: сон Монь киськем, икелев ваднезь, калмамс анокстызе. 9Видестэ мерян теҥк: косо те евангеліясь ёвтнезь а ули, весе масторсть лаҥгсо, сонзэ лемензэ кундамонь кис, ёвтазь ули седе-як, мезе сон тейсь.
10Кемгавтотьнень ютксто вейкесь Іуда Искаріот, мольсь архіерейтьненень Сонзэ максомонзо. 11Сынь, теде марязь, эрьгедсьть да алтасть тензэ сіянь ярмак максомс. Сон теде мейле вешнесь паро шка Сонзэ максомс. 12Ламбамо сюкоронь праздниксть васенце чистэнть, знярдо печксильть инечинь реве левкс, Тонавтницянзо мерить Тензэ: косо мелеть инечинь реве левкстэнть ярсамс? Минь мольдянок, да анокстатанок. 13Сон кучинзе Тонавтницянзо ютксто кавтотьнень да мери тенст: азёдо ошостень, тосо каршоҥк поҥги кувшинсэ ведень кандыця ломань, моледе мельганзо. 14Козо сон сови, [ 128 ]мереде се кудонть азоростень: Тонавтыцянок мери: косо кудось, конайсэ Тень тонавтницян маро ярцамс инечинь реве левкстэ? 15Сон невти теҥк горниця, покш, ацазь, анокстазь, — тосо анокстадо тенек. 16Тонавтницянзо тусть, да ошостень сазь, муйсть, кода тенст ёвтась, да анокстасть инечинь реве левкс. 17Чокшнэнь сазь, Сон сась кемгавтотьнень маро. 18Сынст столь экшнэ озадо ярцамо шкане Іисус мерьсь: видестэ мерян теҥк: вейке тыҥк юткстоҥк Монь марто ярцыцясь Монь макссамам. 19Сынь кармасть ризнэме да вейкест-вейкест мельга Тензэ кортамо: аволь мон-ли? омбоцесь-как: аволь мон-ли? 20Сон мерьсь каршост: кемгавтостоҥк вейкесь, Монь маро ваканс навсицясь. 21Коть Ломанень Цёрась моли, кода Эстэдензэ сёрмадозь, сё таки апаро се ломансьтень, конань вельде Ломанень Цёрась максозь ули: седе паро улевель бу се ломаньстень а шачомс-как. 22Сынст ярцамсто Іисус сайсь кше, баславизе да синьдезь максызе тенст да мерьсь: саиҥк, ярцадо, те Монь киськем. 23Мейле сайсь вакан да, Пазонть шназь, максызе тенст. Сынь весе симсть эйстэнзэ. 24Мейле мерьсь тенст: те Монь од закононь верем, кона ламонь кисэ валови. 25Видестэ мерян теҥк: Мон а карман симме виноградонь винадо се чисть самс, знярдо карман симме од винадо Пазонь инязорокс чисэнть. 26Мейле моравтсьть да тусть Елеононь пандонть лаҥгс. 27Тесэ Іисус мери тенст: те вестэнть весе тынь Монь кувалмован манявдадо, сёрмадозь ведь: машця ваныцянть да срадыть реветьне. 28Вельмемедень мейле Мон васттадызь тыҥк Галилеясо. [ 129 ] 29Петр мерьсь Тензэ: весе манявитьдеряй-гак, мон а маняван. 30Іисус мерьсь тензэ: видестэ мерян тенть: Тон шечо, те вестэньть, атякш-как омбоцеде а моры, кода тон колмксть Монь эйстэнь сёпат. 31Петр седе-як кемекстазь кортась: хоть куломс тень Тонть маро савозо, а сёпан. Истяжо весе кортасть. 32Састь Геѳсиманія лемсэ велес, сон мерьсь эсь тонавтницянстэнь: аштеде тесэ, знярс Мон, молезь, ознан. 33Саинзе маронзо Петрань, Іаковонь да Іоаннань да кармась тандалеме да ризнэме. 34Сон мерьсь тенст: оймем куломс ризны, аштеде тынь тесэ да илядо удо. 35А ламодо ве ёнов туезь, прась Сон масторов да ознось: можна улиньдеряй, ютаволь-бу те часось Сонзэ вакска. 36Сон кортась: Авва, Тетяй! Тонеть весе тееви, ютавтык Монь вакска те кеченть, аньсяк аволь кода Монь мелем, а кода Тоньть. 37Мурдазь, муинзе сынст удомсто да мери Петранень: Симон! тон удат? ве час эзить кирьдть тон апак удок? 38Илядо удок, ознодо, авольде маняв бу. Ведь оймесь кеме, а киськесь лавчо. 39Таго туезь, ознось, секе валсть кортазь. 40Мурдазь, таго муинзе сынст удозь: сынст сельмест сталгадозельть, эзть сода-як мезть каршонзо кортамс. 41Сась колмоцеде да мери тенст: тынь яла оштё удутадо да оймазь аштитядо? Сась пе, пачкодьсь часось: вана Ломанень Цёрась максозь ули пежетевень кедьс. 42Стядо, туйдянок: вана малав пачкодьсь Монь максыцясь. 43Сеск, Сонзэ кортамсто-як, сась Іуда, кемгавтотьнень эйстэ вейкесь, маронзо састь архіерейтнень, книжникнень да атятнень пельде кучозь ламо [ 130 ]ломать пеель да колія маро. 44Сонзэ максыцясь марост валдо путьсь, мерезь: конань мон паласа, се Сон — саиҥк Сонзэ да ванцтозь ветиҥк. 45Сазь, сон сеск мольсь ваксозонзо да мерьсь: Тонавтыця! Тонавтыця! да палызе Сонзэ. 46Сетьне кундызь Сонзэ да саизь. 47Вейке сесэ аштицятнень ютксто, таргась пеель да вачкодьсь архіереень важо да керизе сонзэ пилезэ. 48Іисус мерьсь тенст: Монь саймень тынь разбойник лаҥгс прок лисиде, пеель да колія маро. 49Эрьва чистэ Мон мартоҥк ульнинь церькувасо да тонавтынь, тынь Монь эзимизь сайть. Истя ино топодест сёрмадозетьне. 50Сестэ сонзэ кадозь, (тонавницятне) весе оргодьсть. 51Ве од ломань, штапо киське лаҥгс вельксэнзэ тапардазь, мольсь мельганзо. Салдатне кундызь се ломаньсть, 52а сон, вельксэнть кадозь, штапо оргодьсь эстэдест. 53Ветизь Іисусонь прявт архіерейстень. Промсть сенень весе архіерейтне, атятнэ да книжникне. 54Петр ве ёно мольсь мельганзо прявт архіерейсть кардаз потмостень пачкодьмес мик; тосо уретне маро аштесь озадо да тол вакснэ эжнесь. 55Архіерейтьне да весе синедріонсь Іисусонь маштумань кис вешнесть лаҥгозонзо чумонь ёвтыцят, да эзь мукшнок. 56Сонзэ лаҥгс ламо, кенгелезь, ёвтнесть, да сетьне ёвтниматьне а сатыльть. 57Конат-конат, стязь да кенгелезь, кортасть лаҥгозонзо, мерезь: 58Минь маринек, кода Сон кортась: Мон яжаса те кедьсэ теезь церькувасть, да колмо чинь трокс стявтан ліята, аволь кедьсэ теезь. 59Аньсяк истямо кенгелезь ёвтамось-как а сатыль. 60Сестэ стясь (прявт) архіерейсь кунчка [ 131 ]таркас да кевстизе Іисусонь: Мейс Тон мезть-как а отвечат? Мезть сынь Тонть лаҥгс невтить? 61А Сон чатьменьсь, мезть-как эзь отвеча. Архіерейсь таго кевстизе Сонзэ, да мерьсь Тензэ: Тон-ли Христозось, Баславазенть Цёразо? 62Іисус мерьсь: Мон; да тынь-гак нейсыҥк Ломанень Цёранть війтнень видьть пеле ёно озадо аштемстэ, да менелень пельтнень лаҥгсо самсто. 63Сестэ архіерейсь, одижанзо раздезь, мерьсь: мезекс тенек оштё ёвтыцятне эрявить? 64Мариҥк Сонзэ Пазонь сялдуманзо? Кода теҥк маряви? Сынь весе чумондызь Сонзэ куломо. 65Сестэ конат-конат кармасть сельгенеме лаҥгозонзо да, чаманзо вельтязь, вачколесть Эснэнзэ да кортасть: содык (ки вачкодиньзеть)? Уретьне-як чавсть Эснэнзэ чама пелькска. 66Петрань ало кардайсэнть ульместэ, сась вейке, архіерейсть уре-аватьнень эйстэ, 67да Петрань эжнемстэ неезь, да лаҥгозонзо парьсте ванозь, мерьсь: тоҥгак Назорей Іисус марто ульнить. 68Сон сёпсь, мерезь: аздан, да ачаркодян-гак, мезть тон кортат. Мейле лись икельць кардазостень. Сестэ морась атякш. 69Се уре-авась, таго сонзэ неезь, кармась сесэ аштицятненень кортамо: те ведь сынст эйстэ. 70Сон таго сёпсь. Аламо шкань ютазь, сесэ аштицятне таго кармасть кортамо Петранень: тон алкукс сынст эйстэнь, ведь тон Галилеень эрицяят, келеть-как сынст ёнов моли. 71Сон кармась божамо да сёпомо: а содаса те ломаньсть, конадо тынь кортатадо. 72Сестэ атякшось морась омбоцеде: Эрь ледсь Петрань мельс Іисусонь ёвтазь валсь: атякш [ 132 ]кавсть аморы, кода тон колмсть Монь эйстэнь сёпат, да кармась аварьдеме.
Глава 15.
1Валске сеск архіерейтьне, атятьне, книжникне да весе синедріонсь-как вейс промозь, арсесть да Іисусонь сюлмсезь ветизь да максызь Пилатнэнь. 2Пилат кевстизе Сонзэ: Тон-ли Іудеень Инязорось? Сон каршонзо мерьсь: тон (видестэ) кортат. 3Архіерейтьне ламонь кувалма Сонзэ Эснэ чумоньсть. 4Пилатьсь таго кевстизе Сонзэ: мезе-як ара а отвечат? несак зняро чумот Тонть лаҥгс невтить. 5Іисус тень каршо-як эзь кортак, — Пилатьсь натой дивась. 6Эрьва празникнень нолдыль сон ве кшнис путозь ломань, кинь вешилизь. 7Сестэ кшнис путозь ульнесь ялганзо мара Варавва лемсэ ломань, — сынь вейсэ бунтувамсто ломань машсть. 8Народсь кармась пижнеме да Пилатонь кедьстэ сень вешеме, мезе сон яла тенст тейниль. 9Сон мерьсь каршост: ули мелеҥк, нолдаса теҥк Іудеень Инязорость? 10Сон секс истя мерьсь, содась, што архіерейтне максызь Сонзэ сельмест сіядмань кувалма. 11А архіерейтне народсть эснэ кортасть, лучи Варравань вешест. 12Пилат каршост таго мерьсь: мезе мелеҥк монень се марто теемс, конадо тынь мерьдядо Іудеень Инязоро? 13Сынь таго серьгедьсть: эсксэ чавик Сонзэ! 14Пилат мерьсь тенст: кодамо беряньсть Сон тейсь? А сынь седе-як пек серьгедьсть: эсксэ чавик Сонзэ! 15Сестэ Пилат народсть мелензэ ванмонь кис, нолдызе тенст Варравань, а Іисусонь, чавозь, максызе тенст эсксэ чавомс.
[ 133 ] 16Салдатне совавтызь Сонзэ кардаз потмостень, конадо мерить преторія, да пурнызь весе полксть. 17Лаҥгозонзо орчавсть якстереть одижат, прязонзо путсть пупиця чувтонь тарадсто теезь венець 18да кармасть маронзо шумбракшнеме, мерезь: эрьгелек Іудеень Инязоро! 19Чавсть Эснэнзэ пря лаҥга палкасо, да сельгенесть лаҥгозонзо, да, икелензэ пульзязь, сюкунякшность Тензэ. 20Кода лаҥгсонзо пеелезь пешкедсьть, каизь лангстонзо якстере одижанть да орчавтызь Сонсинзэ одижас. Мейле ливтизь Сонзэ крёст лаҥгс эсксэ чавмо. 21Крёстонть кандомо кармавтызь вейке паксясто мурдыця Киринеянь Симон лемсэ ломанень, кона Александра марто Руфонь тетястоль.
22Ветизь Сонзэ Голгофа лемсэ таркас, конадо ліякс меремс „Коня тарка“. 23Максть Тензэ симемс смирна марто човорязь вина. Сон эзь симть эстэдензэ. 24Эсксэ чавицятьне, Сонзэ одижанзо, кинень мезе саты, жеребеень каязь, явшизь. 25Колмоце часоль, Сонзэ крёст лаҥгс чавизь эсксэ. 26(Велькснэнзэ) сёрмадозель Сонзэ чумозо: Іудеень Инязоро. 27Маронзо чавсть эсксэ кавто разбойникть, вейкень вить пелензэ, омбоцень керч пелензэ. 28Истя топодсь писаніясь, конасо сёрмадозь: пежетев юткс-как човоргавтсызь. 29Вакска ютыцятнэ, пряст чаравтозь, пеелесть лаҥгсонзо да кортасть: Э! церькувань калавтыця да колмо чис мекев теиця! 30Идик эсь прят, да валг крёстонть лаҥгсто. 31Истяжо архіерейтьне-як книжникнень маро, пеелезь, кортасть вейкест-вейкест маро: ліятнень идекшнесь, а эсь прязо а идеви. 32Кадык ней Израилень Инязоро [ 134 ]Христозось валги крёстонть лаҥгсто, штобу минь неевленек да кемевленек Тензэ. Маронзо крёст лаҥгс чавозетьне-як пеелесть лаҥгсонзо. 33Котоце часостонть весе масторонть келес теевсь чопуда да вейксэце часос аштесь. 34Вейксэце часостонть Іисус, покш вальгейсэ пижакадозь, мерьсь: Элоѝ! Элоѝ! ламма̀ савахѳанѝ! тевате ули: Пазом! Пазом! мейс Тон Монь кадымек? 35Конат-конат сесэ аштицятьнень ютксто, тень марязь, кортасть: вана, Иліянь терьди. 36А вейке, чіезь, пештясь уксусто губка да палка лаҥгс путозь, максь Тензэ симемс, мерезь: аштеде, вансынек, сы-ли Илія валтомонзо. 37Іисусось, пек серьгедезь, нолдызе оймензэ. 38Церькувань занавесэсь, верьде саезь, алов кавтов сезевсь. 39Сотниксь, кона аштесь каршонзо, кода неизе Сонзэ истя серьгедезь оймень нолдамонть, мерьсь: алкукс те ломаньсь Пазонь Цёра ульнесь. 40Сесэ ульнесть ве ёно ваныцят ават-как; сынст ютксо ульнесь Марія Магдалина, веженьсь Іаков марто Іосіянь аваст — Марія да Соломія. 41Сынь Іисусонь Галилеясо ульместэ-як якасть мельганзо да пособлясть Тензэ. Ульнесть сесэ ліят-как ламо ават, конат састь маронзо Іерусалимс. 42Кода чизэ чопотетьсь, (чись субутань каршо, пеця чи ульнесь), 43Аримафейстэ сась Іосиф. Сон ульнесь пек паро советник да соньсь-как учось Пазонь инязорокс чисэнть. Сон апак пельть совась Пилатнэнь да вейш Іисусонь киськесэнзэ. 44Пилат дивась Іисусонь курок куломодонзо, да сотниксть терьдезь, кевстизе сонзэ: умок-ли кулось? 45да кода сотниксь пельде содась, максызе киськеньть [ 135 ]Іосифнень. 46(Іосиф) рамась ашо кодст, да Сонзэ крёстонть лаҥгсто саезь, тапаризе ашо кодснэнть да путызе калмос, кона кев пандос чувозель. Калмостень совамо таркастень кеверьдясь кев. 47Магдалинань Марія марто Іосіянь Марія ваннсть, козо Сонзэ путсызь.
Глава 16.
1Субутань ютазь, Магдалинань Марія, Іаковонь Марія да Соломія рамасть тантей чинень ваднимат Іисусонь киськензэ ваднемс. 2Недля ютконь васенце чистэнть рана-як, чинь лисьме шкане, састь сынь калмонть лаҥгс 3да кортыть эсь ютковаст: ки сявордасо тенек калмостень совамо таркастоньть кевсть? 4Кода вачтасть, неизь — кевсь сявордазь, а сон пек покшоль. 5Калмостень совазь, нейсть сынь вить пель ёно ашо одижас орчась озадо аштиця од ломань, да тандацьть. 6Сон мерьсь тенст: илядо пельть, тынь крёст лаҥгс чавозь Назарянинэнь Іисусонь вешнитядо. Сон арась тесэ, — вельмесь. Вана тарказо, козо Сон путозель. 7Азёдо, ёвтадо тонавтницянстэнь да Петранень, што Сон васттадызь тыҥк Галилеясо: тосо Сонзэ нейсыҥк, кода теҥк кортась. 8Сынь, лисезь, чіезь тусть калмонть ваксто; сынст пелькс саинзе да сорнума. Секс сынь кинень-гак мезе-як эзть ёвта, — пек пельсть.
9Недлянь васеньце чистэнть рана-як вельмезь, Іисус васнят-как прянзо невтьсь Марія Магдалинанень, конайстэ Сон панць сисем амазыть. 10Марія мольсь да ёвтнесь сетьненень, конат Іисус [ 136 ]марто яксесть (а ней) Сонзэ кисэ раҥгазь да аварьдезь аштесьть. 11А сынь, марязь, што Сон жив да Сонзэ неизе Марія, эсть кемть. 12Теде мейле Сон лія шачосо прянзо невтсь сынст эйстэ кавтотьненень ки лаҥгсо, велес ютамсто. 13Сетьне-як, мекев мурдазь, ёвтлесть ліятненень, аньсяк сынест-как эзть кемть. 14Меельсь пелев Сон прянзо невтсь кевійкетьненень, сынст ярцамо шкане, да сялгавтнинзе сынст акеммаст да калгодо седеест кис, мейс сынь эзьть кемть Сонзэ вельмемеде мейле неицятьненень. 15Мейле мерьсь тенст: азёдо весе мастороньть келес, яказь, эрьва ойменень евангеліядонть ёвтледе. 16Ки кеми, да прянзо лемди, се ванозь ули, а ки а кеми, — чумондозь ули. 17Кемицятненень истят содавкст улить: Монь лемсэнь кармить амазынь панцеме, кармить од кельсэ кортамо; 18кармить кедезэст гуень сайнеме, да меньдяк кулума пельде-як симитьдеряй, — берянь тенст а ули, сэредиця лаҥгс путсызь кедест да сынь шумбралгадыть. 19Истя мартост кортамодо мейле Іисус кепетьсь менельс да озась Пазонть видть пелев. 20А сынь тусть да эрьва таркава евангеліянть ёвтнесть. Пазось тенст пособлясь, валост эснэ-як чудасо кемекстась. Аминь.