Святое Евангелие (эрзянь)/В/Матфеень/00

From Wikisource
Jump to navigation Jump to search
←Святое Евангеліе. Святое Евангеліе  (1910) 
Матѳеень сёрмадовт Евангелія, весе глават. 		Маркань сёрмадовт Евангелія.→
[ 1 ]

Матѳеень сёрмадовт евангелія.

 
 

Глава 1.

1Авраамонь Цёрань, Давидэнь Цёрань Іисус Христозонь родозо: 2Авраамонь пельде шачсь Исаак. Исааконь пельде шачсь Іаков. Іаковонь пельде шачсь Іуда братонзо марто. 3Іудань пельде, Фамарань эйстэ шачсь Фарес да Зара. Фаресэнь пельде шачсь Эсром. Эсромонь пельде шачсь Арам. 4Арамонь пельде шачсь Аминадав. Аминадавонь пельде шачсь Наассон. Наассононь пельде шачсь Салмон. 5Салмононь пельде, Рахавонь эйстэ, шачсь Вооз. Воозонь пельде, Руфань эйстэ, шачсь Овид. Овидэнь пельде шачсь Іессей. 6Іессеень пельде шачсь Давид Инязоро. Давид Инязоронь пельде се нинть эйстэ, кона васнят ульнесь Уріянь, шачсь Соломон. 7Соломононь пельде шачсь Ровоам. Ровоамонь пельде шачсь Авія. Авіянь пельде шачсь Аса. 8Асань пельде шачсь Іосафат. Іосафатонь пельде шачсь Іорам. Іорамонь пельде шачсь Озія. 9Озіянь пельде шачсь Іоафам. Іоафамонь пельде шачсь Ахаз. Ахазонь пельде шачсь Езекія. 10Езекіянь пельде шачсь Манассія. Манассіянь пельде [ 2 ]шачсь Амон. Амононь пельде шачсь Іоссія. 11Іоссіянь пельде шачсь Іоаким. Іоакимень пельде Вавилонс саймеде икеле, шачсь Іехонія братонзо марто. 12Вавилонс саймедест мейле Іехоніянь пельде шачсь Салафіиль. Салафіилень пельде шачсь Зоровавель. 13Зоровавелень пельде шачсь Авіуд. Авіудонь пельде шачсь Еліаким. Еліакимень пельде шачсь Азор. 14Азоронь пельде шачсь Садок. Садоконь пельде шачсь Ахим. Ахимень пельде шачсь Еліуд. 15Еліудонь пельде шачсь Елеазар. Елеазаронь пельде шачсь Матѳан. Матѳанонь пельде шачсь Іаков. 16Іаковонь пельде шачсь Іосиф, Маріянь мирдезэ, Маріянь эйстэ шачсь Іисус, конадо мерить Христос. 17Истя весемест колинатнеде Авраамсто Давидс пачкодемс ульнесть кемнилее, Давидстэ саезь Вавилонс саймезэст-как ульнесть кемнилее жо. Вавилонс саймеде мейле Христозостень пачкодемс-как кемнилее колинат ульнесть.

18Іисус Христозонть шачомазо истя ульнесь: Сонзэ Авазо, Марія, Іосифнень чіямодо мейле, сынст вейсэ эрямо кармамодо икеле, Святой Духонь війсэ пекіясь. 19Сонзэ мирьдезэ, Іосиф, ломансь праведной ульнесь. Сон, ломанень теде а содамонь кис, арсесь Маріянь салава нолдамонзо. 20Кода сон истя арсесь, лись онозонзо Пазонь Ангел да мерьсь тензэ: Давидэнь цёра, Іосиф! иля пельть эсь нить, Маріянь, эстеть саймедензэ: сонзэ эйстэ шачозесь Святой Духонь пельде ули. 21Сон шачты Цёра, лем Тензэ путат Іисус. Сон эсь ломанензэ пежеттест идесынзе. 22Те весе истя теевсь пророконь [ 3 ]вельде ёвтазь Пазонь валтнэнь топодьмань кис, коната кортась: 23Вана тейтерь пекіи да шачты Цёра, лем Тензэ путыть Еммануил, конадо ліякс меремс: минек маро Паз. 24Удомсто стязь, Іосиф тейсь, кода тензэ мерьсь Пазонь ангелсь: саизе нинзэ эстензэ, 25да эссе содакшнок сонзэ. Марія шачтызе васенце Цёранзо. Іосиф лем тензэ путьсь Іисус.

 

Глава 2.

1Кода Іисус, Ирод инязоронь пиҥгстэ, шачсь Іудеянь Вифлеем лемсэ ошнэ, састь Іерусалимс чинь стямо ёндо волхват да мерить: 2косо Іудеень шачозь Инязорось? Минь чинь стямо ёно неинек сонзэ тештезэ да сынек Тензэ сюкунямо. 3Тень марязь, Ирод инязорось, да весе Іерусалимсь-как маронзо, тандадьсть. 4Весе первосвященникнень да народонь книжникнень пурназь, кевстнинзе: косо эряви Христозостень шачомс? 5Сынь мерьсть тензэ: Іудеянь Вифлеемсэ. Истя сёрмадозь пророконь вельде: 6Тон-гак Вифлеем, Іудань мастор, мезде-як авишкинят ліят Іудань ошнеде: тонть эйстэ лиси Прявт, кона вансазо монь Израиль народом. 7Сестэ Ирод терьдиньзе салава волхватьнень да тештень неявмо шкадонть кевстнинзе. 8Мейле сынст Вифлеемс кучомсто мерьсь: азёдо, эйкакшодонть парынестэ содадо; а знярдо муйсыҥк, монень-гак куля пачтядо: мон-гак молезь сюкунявлень Тензэ. 9Сынь, инязоронть кулцонозь, тусть. Вана, се тештесь, конань сынь неизь чинь [ 4 ]стямо ёно, мольсь сынст икеле. Кода сон пачкодьсь Эйкакшонть аштима таркасть вельксэс, лоткась. 10Тештенть неезь, сынь покш эрьгедьмасо эрьгедьсть. 11Кудостень совазь, сынь неизь Эйкакшонть Марія-аванзо марто, да празь сюкунясть Тензэ. Мейле, кедьгест панжозь, кайсть Тензэ: сырьне, ладонь да смирна. 12Онснэст Ироднэнь амольмань кулянь марязь, лія кіява тусть эсь масторозост. 13Сынст туймеде мейле, Іосифень онозонзо лись Пазонь Ангел да мери: стяк, саик Эйкакшонть да аванзо, да оргодь Египетс, да ульть тосо монь тенть ёфтамозон: Ирод арси эйкакшонть маштомонзо кис вешнемензэ. 14Сон, стязь, веть саизе Эйкакшонть аванзо марто да тусь Египетс, 15да ульнесь тосо Иродонь куломозонзо. Истя топодезэ пророконь вельде Пазонь эйстэ ёфтазесь, кона кортась: Египетстэ терьдія Эсь Цёрам. 16Сестэ Ирод, кода неизе волхватнень лаҥгсонзо пеедьмаст, пек кежіявтсь да кучсь Вифлеемсэ да весе перьканзо таркатьнева-як, волхватнень пельде содазь шканть кувалма, кавто іень да седе вишкинеть эйкакшнэнь машлемс. 17Сестэ топодьсь Іеремія пророконь кортамозо, кона мерьсь: 18Рама ошнэ маряви авардима, раҥгамо, да ламо лайшима вальгей. Рахиль аварьди эсь эйкакшонзо кис да сынст аразень кувалма арожоми-як. 19Иродонь куломодо мейле Египетсэ лись Іосифень онозонзо Пазонь Ангел, 20да мерьсь: Стяк, саик Эйкакшонть да аванзо, да азё Израилень масторс: Эйкакшонть оймензэ вешницятьне кулость (ней). 21Сон стясь, саизе Эйкакшонть да аванзо, да сась Израилень [ 5 ]масторс. 22Кода марясь, што Ирод тетянзо таркас Іудеяс инязорокс озась Архелай, пелезевсь тозо мольмедензэ. Онснэнзэ кулянь саезь, тусь Галилеень масторс. 23Тозо сазь, кармась Назарет лемсэ ошнэ эрямо. Истя топодезэ пророкнэнь вельде ёфтазесь: Соньдензэ Назорей мерьме кармить.

 

Глава 3.

1Сеть читьнестэ сась Іоанн Креститель да Іудеянь чаво паксясо 2истя кортазь кармась тонафтомо: Яҥгседе пежетеҥк кис: менелень инязорокс чись малав пачкодьсь. 3Сон[1] се ули, конадо мерьсь Исаія пророк: чаво паксясо сеерицянь вальгей (маряви): анокстадо Пазостень ки, видьстэ теиҥк Сонзэ якамо тарканзо. 4Сонсинзэ Іоаннонь одижазо ульнесь верблюдонь понань, перьканзо карксазь ульнесь кшнань каркс. Ярцамозо сонзэ ульнесь акридат[2] да дикой мекшень-медь. 5Сестэ лисьнесть тензэ Іерусалимстэнть, весе Іудеястонь да весе Іорданонь перька таркатьнестэ-як, 6да пежетест ёвтлезь, лемдевсть сонзэ кедьстэ пряст Іордансо. 7Кода неизе Іоанн ламо фарисейтьнень да саддукейтьнень сонензэ пряст лемдеме самонть, мерьсь тенст: гуень левкст, ки теҥк ёвтась сыця кежденть оргодьмеде? 8Тееде ино пежетеҥк кис яҥгксемеде мейле парт тевть, 9да эсь пачкаҥк илядо арсе, минек тетянок Авраам. Мерян теҥк: Пазостень не кевтьнестэ Авраамнэнь эйкакшт [ 6 ]теевить. 10Узересь-как уж чувто юрсо ашти: эрьва чувтось, кона а канды парт умарьть, керязь, да толс каязь ули. 11Мон эснэҥк пежеттеҥк яҥксевтезь ведьсэ лемдян, а мельган сыцясь, моньдень віев: мон амаштуван Сонзэ кемень кандыцякс-как. Сон тыҥк лемттядызь Святой Духсо да толсо. 12Сонзэ коймезэ кедьсэнзэ. Сон ваньськавцазо эсь тиҥге-пирезэ, та товзюрозо пурнасазо утомозонзо, а сюватьнень пултасынзе амадиця толсо.

13Сестэ сась Іоаннэнь Іордан чирес Галилеясто Іисус сонзэ кедьстэ прянзо лемдефтеме. 14Іоанн кардась эснэнзэ, мерезь: монень эряви тонть кедьстэ прям лемдефтемс, тонеть-ли монень самс? 15Іисус каршозонзо мерьсь: кадык ней: истя миненек эряви топавтемс эрьва виденть. Сестэ Іоанн нолдызе Сонзэ. 16Лемдевезь, Іисусось сеск лись ведьстэнть. Вана панжовсь Тензэ менельсь да (Іоанн) неизе Святой Духсьть, кона гулькакс валксь Іисусонь лаҥгс. 17Менельстэнть марявсь кортыця вальгей: Те Монь вечкима Цёрам, Сонзэ эснэ Монь паро олям.

  1. ↑ Іоаннсь.
  2. ↑ Паксянь цирькут.
 

Глава 4.

1Теде мейле Духсь саизе Іисусонь чаво паксяс діаволонь пельде снартлемень кис. 2Тосо Сон ниленьгемень чи, да ниленьгемень ве пост кирдьсь[1], а меельсь пелев пекезэ вачсь. 3Снартлицясь, ваксозонзо сазь, мерьсь: улиньдерят Тон Пазонь Цёра, мерьть, не кевтне кшекс велявтост. 4Сон мерьсь [ 7 ]каршозонзо: сёрмадозь, — ломань аволь ве кшесэ ансяк эри, а Пазонь курксто лисиця эрьва кодамо валсо. 5Сестэ саизе Сонзэ душмансь святой ошостень, аравтызе церькува прянть чирес 6да мери Тензэ: Улиньдерят Тон Пазонь Цёра, ёртовт алов, ведь сёрмадозь: Эсь Ангелэнстэнь Тонть ванмот кармавты: пильгеть кевс а эшкивмань кис, сынь кедь лаҥгсост Тонть канттадызь. 7Іисусь мерьсь тензэ: истя жо ули сёрмадозь: эсь Пазот эснэ иля снартле. 8Таго саизе Сонзэ душмансь пек сэрей пандо пряс, невтинзе Тензэ весе мастор лаҥгонь инязорокс читнень славаст маро 9да мери Тензэ: Празь сюкунятдеряй монень, весе нень Тонеть макссынь. 10Сестэ мерьсь тензэ Іисусось: орготь вакстон, сатана, ведь сёрмадозь: Эсь Пазот туртов анся сюкунякшнок, да ве Сонензэ ансяк служак. 11Сестэ кадызе Сонзэ душмансь, састь Ангелт да служасть Тензэ.

12Іоаннань (тюрьмас) пекстамодонзо марязь, тусь Іисус Галилеяс. 13Назаретэнь кадозь, Сон сась Завулон марто Неффалимень масторс да кармась эрямо моря чирень Капернаумсо. 14Истя топодезэ Исаія пророконь вельде ёвтазесь, коната кортась: 15Завулононь мастор, да Неффалимень мастор! морянь ки лаҥгонь, Іорданонь томбальксэнь, язычникень Галилея. 16Чопуда таркасо аштицят ломатьне покш валдо нейсть; кулума масторсо, да кулумань чопудасо аштицятненень валдо валдомсь. 17Се шкастонть кармась Іисус тонавтомо да кортамо: яҥгседе пежетеҥк кис; менелень инязорокс чись малав сась.

[ 8 ] 18Галилейской моря чирева якамсто нейсь Сон кавто братт: Симононь, конадо мерить Петр да братонзо Андреень: сынь ульнесть калонь кунцицят, моряс сеть кайсильть, 19да мерьсь тенст: моледе Монь мельган, — Мон тыҥк тейдядызь ломанень кунцицякс. 20Сынь сеск, сетест кадозь, тусть мельганзо. 21Тосто туезь, нейсь ліят кавто братт: Зеведеень Іаковонь да сонзэ братонзо Іоаннань. Сынь Зеведей тетяст марто веньчне сетест эснэ пантлильть. Сон сынст-как тердиньзе. 22Сынь-гак сеск, веньчест да тетяст кадозь, тусть мельганзо. 23Синагогава тонавтозь да менелень инязорокс чиденть паро кулянь ёвтлезь, ломанень эрьва ормань віемтлезь, да эрь тарвонь пичкавтлезь, якизе Іисус весе Галилеянть. 24Тусть Эстэдензэ валт весе Сиріянь келес да вецизь Тензэ весе сэредицятнень, да эрьва кодамо ормасо да сэредьмасо колавтнэнь, кулцицятнень, лунатикнень да разслабленнойтнень, Сон сынст віемтинзе.

25Сонзэ мельга мольсть ламо ломать Галилеясто як, кемень ошонь масторсто-як, Іудеясто-як да Іорданонь томбальде як.

  1. ↑ Эзь ярсак.
 

Глава 5.

1Народонть неезь, куйсь пандо пряс, а кода Сон озась, ваксозонзо мольсть тонавтлицянзо. 2Кургонзо панжозь, Сон тонавтсь эснэст, мерезь: 3Талановт оймсэст ништейтьне: сынст ули менелень инязорокс чись. 4Талановт аварьдицятьне: сынь рожомить. 5Талановт сэтьметьне: сынест мастор саты. 6Талановт, конат симме-ярцамо лацо вешнить [ 9 ]виде-чинть эснэ: сынь пешкедить. 7Талановт милостивойтьне, — сынь ванозь[1] улить. 8Талановт ванькс седейтьне, — сынь Пазонть нейсызь. 9Талановт (ломанень) мирицятьне, — сындест Пазонь цёрат мерьме кармить. 10Талановт, виде-чинь кис панезетьне, — менелень инязорокс чись сынст ули. 11Талановт ульдядо, знярдо Монь кисэнь кармить эснэҥк пеелеме, да пансеме да кеҥгелезь эрьва кодамо апаро вал ёвтыть лаҥгозоҥк; 12Эрьгеледе да весёлгаледе, — менельсэ тыҥк покш наградаҥк. Истя паньцекшнызь пророкнэнь-гак, конат ульнесть тыньдеҥк икеле. 13Тынь моданть салозо. Салсь війзэ ёмавтсазодеряй, месне сон саловгады? Сон мезекс-как маштово а карми, ансяк ёртомс ушов да ломаньнень чалксемс. 14Тынь масторонть валдозо. Пандо лаҥгсо аштиця ошось а кекшеви. 15Свечань-гак курвастезь кедьге алов апутнесызь, сонзэ путнесызь шанталс, да сон валдомты весеменень, кить кудосонть. 16Истя жо тыҥк-как валдоҥк ломатьнень икеле валдомозо, неевлезь-бу сынь тыҥк парт тевеҥк да шнавольть бу менелень Тетяҥк эснэ. 17Илядо арсек, што Мон сынь закононь эли пророконь валтнэнь коламо, аволь коламо сынь, а сынст топавтемест. 18Видестэ кортан теҥк: знярс аштить менельсь да масторсь, законсто ве кикске-як, эли чешкске-як а ёми, — весе тарказост сыть. 19Ки не вишкат заповетнень эйстэ вейкешка сонсь колыньдеряй да ломать-как истя тонавтыньдеряй, се менелень инязорокс чисэнть вишкинекс ловозь ули, [ 10 ]а ки сонсь кирди да ломать-как тонавты, се менелень инязорокс чисэнть покшокс ловозь ули.

20Кортан теҥк: тыҥк виде чиҥк книжникнень да фарисейтьнень виде чиде покш а улиньдеряй, Пазонь Инязорокс чистень а соватадо. 21Мариҥк, кода ёвтазь икелень ломатьненень: Ломань иля машт; а ки машты, се судс максма. 22А мон мерян теҥк: эрьва ки, конась стяко кежіявтли братонзо лаҥгс, судс максма. А ки мери братонстэнь: тон мезде-як айаштиця ломанят, се таргамо промксос; а ки мери: превтемеят, се каямо амадиця толс. 23Тень кувалма, — кандыньдерят тон жертвенник лаҥгс жертва, да лединдеряй мелезэть братоть лаҥгозот кежень кирьдимась, 24кадык жертват жертвенниксть икелев да молезь васнят миряк братот марто, мейле сак да кандык жертват. 25Миряк седе курок ки лаҥгсо оштё душманот марто, аволензеть макст душмансь судіянень, а судіяс аволензеть макст важонстэнь да аволедезь каяк тюрьмас. 26Видестэ мерян тенть: алисиват тосто остатка ярмакот максомс.

27Мариде, кода ёвтазь икелень ломатьненень: иля ускурявт. 28Мон мерян теҥк: эрьва ки, конась вачты ава лаҥгс берянь мель марто, се уж седейсэнзэ ускурявсь маронзо. 29Маниньдеряй эснэть беряньс вить сельметь, таргик сонзэ да ёртык эйстэть, кадык ёмазо ве сельметь, аволь весе киськеть каязь улезэ адс. 30Маниньдеряй эснэть беряньс вить кедеть, керик сонзэ да ёртык эйстэть, кадык ёмазо ве кедеть, аволь весе киськеть каязь улезэ адс. 31Ёвтазь истя жо: ки нинзэ марто [ 11 ]явиньдеряй, максозо тензэ явмань сёрма.[2] 32Мон мерян теҥк: ки яви эсь нинзэ марто аволь ускурявмонь кувалт, се сонзэ ускурявицякс тейсазо. Ки урьваксты явозь ава лаҥгс, се-як ускуряви.

33Таго мариде, кода мерезь икелень ломатьненень: кеҥгелезь иля божа, а мезе Паз икеле божат теемс, сень теик. 34А мон теҥк мерян: кода-як иля божа: а менель лаҥга, — сон Пазонть престолозо, 35а мастор лаҥга, — сон Пазонть пильге алксозо: а Іерусалим лаҥга, — сон покш Инязоронть ошозо. 36Иля божа эсь прят лаҥга-як, — ведь ве череть-как тенть а тееви ашокс, эли равужокс. 37Улезэ тынк валоҥк: да, да; арась, арась; теде ламось душманонь пельде ули. 38Мариде, кода ёвтазь: сельмень кис — сельме, пеень кис — пей. 39А мон мерян теҥк: кежень каршо иля мольть, ки вачкоттянзатдеряй вить чама пелькска, велявтык тензэ омбоцень-гак. 40Кинь-гак улиньдеряй мельзэ марот судямс, да тонть панарот саемс, максыть тензэ лаҥгсо одижат-как. 41Кіяк кармавтанзатдеряй маронзо ве вальгейбень мольме, мольть маронзо кавто.

42Кедьстэть вешицястень макст. Кинь мельзэ улиньдеряй кедьстэть учомга вешемс, велявтозь эстэдензэ иля тук. 43Мариде, кода ёвтазь: малавиксэть эснэ вечк, а душманот эснэ иля нейть. 44А Мон мерян теҥк: вечкеде душманоҥк эйсэ, паро арседе сюдыцяҥк туртов; тееде паро авечкицяҥк туртов, ознодо теҥк берянень теицятнень да эснэҥк [ 12 ]панцицятнень кис. 45Уледе менельсэ тетяҥк цёрат: Ведь Сон Эсь чисэнзэ валдомты апартнэнень-гак, да партнэнень-гак, пиземе-як пизевти праведнойтьненень-гак да неправеднойтьненень-гак. 46Вечктядодеряй ансяк тыньсиҥк вечкицятьнень, кодамо теҥк наградась ули? аволь истя-ли тейнить мытарьтне-як? 47Эли шумбракшнитядо-деряй ансяк малавиксэҥк марто, — мезень ламонть тейдядо? Язычникне-як аволь истя-ли тейнить? 48Кода менельсэ Тетяҥк пародо пешксе, тынь-гак истя пешксеть уледе.

  1. ↑ Простязь
  2. ↑ разводнойть.
 

Глава 6.

1Ванодо, илядо максле милостина ломань икеле, сынст неймаст кис; истя тейдядодеряй, а ули теҥк награда менельсэ Тетяҥк пельде. 2Знярдо тон максат милостина, иля сееревть (трубасо) икелеть, кода тейнить лицемертнэ, синагогасо да ульцясо, ломанень пельде пряст шнавтумань кис. Видестэ мерян теҥк: сынь сайсызь эсь наградаст. 3Знярдо тон максат милостина, керш кедеть илязо сода, мезе теи витесь. 4Улезэ тонть милостинат салава. Салаванть неиця Тетят максы тенть неям-га. 5(Истяжо) знярдо ознат, иля ульть лицемертнэнь кондямо, конат, ломаньнень пряст невтимань кис, вечкить озномо синагогасо да ульця куншкасо. Видестэ кортан теҥк: сынь сайсызь эсь наградаст. 6А тон знярдо ознат, совак эсь утомозот, да кеҥкшенть сёлгозь, ознок анеявиця Тетястень, салаванть неиця Тетясь максы тенть неямга. 7Озномсто язычникне лацо ламо илядо корта: сынь [ 13 ]арсить, ламонь кортазь марязь улить. 8Сынст кондят илядо ульть: ведь Тетяҥк кедьстэнзэ вешемеде икеле содасазо, мезе теҥк эряви. 9Тынь истя ознодо: Менельсэ Тетянок! Тонть леметь шнавозь аштезэ; 10Тонть Инязорокс чить сазо; мастор лаҥгсо-як Тонть олят менельсэ лацо улезэ. 11Чечонень эрявиця кшенть тенекь максык; 12кода минсь миненек апаронь теицятнень простятанок, Тон-гак истя минек Тонеть теезь апаротьнень прости; 13манявмо оля тенек иля макст, душмандо-як идимизь: ведь Тонть инязорокс чись, війсь да славась пиҥгень пиҥгс. Аминь.

14Простясыҥкдеряй ломатьненень пежетест, тынстеҥк-как простясынзе менелень Тетяҥк. 15А простясыҥкдеряй ломатьненень пежетест, тынсиҥк-как а простясынзе Тетяҥк пежетеҥк. 16Истя жо знярдо пост кирьдтядо, илядо ульть лицемертнэнь кондят мелявтыцят, сынь ломаньнень постонь кирьдимаст невтимань кис, чамаст нусмангавтлесызь. Видеста кортан теҥк: сынь сайсызь эсь наградаст. 17А тон постонь кирдемстэ прят вадник, чамат-как шлик. 18Сестэ постонь кирдиця улят аволь ломань икеле, а тонсить Тетять икеле, коната анеявиця. Тонть Тетят, салаванть неезь, максы тенть неямга. 19Илядо пурна эстеҥк паро-чи мастор лаҥгсо, косо кись-как калги, чеменсь-как кери, косо вортнэ-як чувозь-совазь салсить; 20Пурнадо эстеҥк паро-чи менель лаҥгс, косо кись-как а калги, чеменсь-как а кери, косо вортнэ-як а чувныть, а салсить, 21ведь косо ули паро-чиҥк, тосо ульме карми седееҥк-как.

[ 14 ] 22Киськень валдомтыцясь сельме. Тень кувалма, улиньдеряй сельметь ванькс, киськеть-как ули весе валдо. 23Улиньдеряй сельметь берянь, весе киськеть-как ули чопуда. Истя, улиньдеряй эйсэть валдось чопуда, сестэ чопудась кодамо ули? 24Кі-як кавто азоронень а важодеви, эли сон вейкень карми вечкеме, а омбоценть анейме, эли вейкень кис карми правтомо, а омбоцень кис нузялдомо. Тынь-гак а служавдадо Пазнэнь да сюпав чинень. 25Тень кувалма кортан теҥк: илядо мелявт оймеҥк кис, мезьде ярцтадо эли мезьде симдядо: киськеҥк кис-как, мезес орчатадо. Аволь оймесь-ли ярцамодонть покш, а киськесь одижадонть? 26Вачтадо менелень нармутьнень лаҥкс: сынь а видить, а нуить, утомс-как а пурныть. Менелень Тетяҥк сынст трясынзе. Тынь аволь сыньдест-ли седе парттадо? 27Ки тыҥк ютксто, пек пиштевтезь, лездави эсь сэрезэнзэ ве кенере? 28Орчамонь кис-как мейсь мелявттадо? Ванодо паксянь балягатьнень лаҥкс, кода сынь касыть? а пиштевить, а штердить. 29Мерян теҥк: Соломон-гак, кодамо славазо ульнесь, ито истя эзь орчакшнок, кода вейкесь сынст эйстэ. 30Пазось истя орчавтыньдеряй тикшенть, кона чечо паксясо, а ванды каштоц[1] каязь ули, а седе-як-ли парьсте тыҥк орчатадызь, аламо кемицят?

31Ино илядо мелявт, мерезь: мезде ярцтанок эли мезде симдянок, эли мезес орчатанок. 32Весемень нень вешнить язычниктьне. Ведь менельсэ [ 15 ]Тетяҥк соды весе нень теҥк эрявмодонть. 33Весемеде икеле вешнеде тынь Пазонь Инязорокс чинть, да Сонзэ виде чинть весе неть-как максозь улить теҥк. 34Истя ино тынь вандынь чинть кис-как илядо мелявт. Вандынь чись сонсь эсь кисэнзэ мелявты. Эрьва чинть саты эсь кисэнзэ мелявксозо.

  1. ↑ Пецькас.
 

Глава 7.

1Илядо судя, тынсь как судязь а ульдядо. 2Кодамо судсо ведь судятадо, тынсь-как истямосо судязь ульдядо. Кодамо оҥкснэ оҥкстатадо, тынстеҥк-как истямосо оҥкстыть. 3Мейсь тон нейсак братоть сельмстэ тарадкенть, а эсь сельмстэть шочконть а марясак? 4Или кода мерят братотень: тука таргаса сельмстэть тарадкенть, а тонсить сельмсэ шочко? 5Лицемер! таргик васня эсь сельмстэть шочконть, сестэ нейсак, кода таргамс братоть сельмстэ тарадкенть. 6Ваньксэнть илядо максо пиненень, питнев кевть-как илядо кайсе туво икелев: сынь аволезь шешк сынст пильгест алов, а мейле лаҥгозоҥк велявтозь, тыньсиҥк как аволедезь сезне-бу. 7Вешеде, — максозь ули теҥк; вешнеде — муйдядо; стукадо — панжить теҥк. 8Ведь эрь вешицясь — саи, вешницясь — муи, стукицястень — панжить. 9Ули-ли тыҥк ютксо истямо ломань, конань кедьстэ вешиньдеряй цёразо кше, сон максы тензэ кев? 10Или вешиньдеряй кедьстэнзэ кал, ара максы тензэ гуй? 11Истя, тыньсь апарт улезь, эсь эйкакшоҥк туртов паронь максомо машттадодеряй, менельсэ Тетяҥк кедьстэнзэ вешицятьненень седе-як максы паронть.

[ 16 ] 12Эрьва мезесэнть, кода мелеҥк ломатьнень тынсиҥк марто теевтемс, тынсь-как истя тенст тееде: законсь-как, да пророкнэ-як истя мерить. 13Теине ортава совадо: келей ортась, да покш кись ёмамо ветить да ламо эзгаст молицятьнеде. 14Теине ортась, да вишка кись эрямос ветить, ансяк аламотьне мукшносызь сынст.

15Ванодо пряҥк кеҥгелиця пророкнэде, сынь тыҥк юткс сакшныть ревень кедьс орчазь, а потмост салыця вергизэнь кондят. 16Тевест кувалт тынь содасыҥк сынст: офто умарь нетькстэ ара кочксекшныть виноградт, или кормалавсто смокват? 17Истя, эрьва паро чувтось умарьть-как парт касты, а берянь чувтось умарьть-как берять касты. 18Паро чувтостень берять умарьть а кастовить, берянь чувтостень-гак парт умарьть а кастовить. 19Эрьва чувтость, кона парт умарьть а касты, керясызь да толс каясызь. 20Истя тевест кувалт содасыҥк сынст.

21Аволь эрьва конась, Монень Господи, Господи, мерицясь, менелень инязорокс чистень сови, ансяк се, кона Монь менельсэ Тетянь мелензэ теи. 22Се чистэнть ламотьне Монень мерить: Господи, Господи, аволь Тонть лемсэ-ли минь икелев ульмадонть ёвтлинек[1], аволь Тонть лемсэ-ли амазытьнень паньсинек, аволь Тонть лемсэ-ли ламо чудат тейнинек? 23Сестэ Мон ёвтан тенст: Мон тыҥк знярдо-як эзидизь содакшно, орьгодеде Монь ваксто апаронь тейницят.

[ 17 ] 24Эрьва кинь, кона кулцоны Монь не валтнэсэ да сынст кувалт теи, ладяса превей ломанькс, кона путызе кудонзо кев лаҥгс. 25Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть, да сон, кев лаҥгс путоманзо кувалт, эзь сяворть. 26Эрьва ки, кона кулцоны Монь не валтнэсэ, да сынст кувалт а теи, се моли превтеме ломань ёнов, кона кудонзо путызе песок лаҥгс. 27Тусь пиземе, лейтне-як тусть лаҥга, варматне-як пувасть да весе се кудость лаҥгс вачкодевсть; да сон каладьсь, да каладмозо ульнесь покш. 28Кода Іисус прядынзе не валтнэнь, народьсь дивась Сонзэ тонавтуманзо лаҥгс. 29Сон ведь тонавтсь эснэст покш вій маро, аволь кода книжникне (да фарисейтне).

  1. ↑ пророчинек.
 

Глава 8.

1Кода Іисус валксь пандо прястонть, мельганзо мольсть ламо ломать. 2Вана, мольсь ваксозонзо прокаженной да, сюкунякшнозь, мерьсь Тензэ: Господи, мелеть улиньдеряй, Тонеть мон ваньськавтуван. 3Іисус кедензэ вентезь, токадевсь эзэзэнзэ, да мерьсь: ули мелем, ваньськадт. Сон сеске ваньськадсь проказастонзо. 4Іисус мерьсь тензэ: ванок, кинень-гак иля ёвтле, азё ансяк невтик прят попнэнь да сынст сельмест неймань кис канд жертва, кодамо кармавсь Моисей законсо.

5Кода Сон совась Капернаумс, мольсь ваксозонзо сотник, да Тензэ инялдозь, мерьсь: 6Господи! кудосо монь важом параличнэ токазь, мадезь ашти, да вельть пек пиштевти. 7Іисус мерьсь тензэ: Мон, [ 18 ]молезь, віемтьса сонзэ. 8Сотниксь каршонзо мерьсь: Господи, мон айаштян Тонть монь кудозон совамошканть; ёвтак Тон ансяк вал, — важом пички. 9Мон ломансь хоть начальник ало аштицяян, а моньсинь кедь ало-як улить салдат: мерян вейкенень: мольть, — моли, омбоценень: сак, — сы; важом туртов-гак мерян: теик сень, сон тейсазо. 10Тень марязь, Іисус пек дивась, да мерьсь мельганзо молицятненень: видьстэ мерян теҥк: Израильсэ-як истямо кемима эзинь мук. 11Мерян теҥк: ламо сыть чинь стямо ёндо да чинь валгомо ёндо да озыть менелень инязорокс чисэнть Авраамонь, Исааконь да Іаковонь марто, 12а инязорокс чинь ломатьне панезь улить ушов, чопуда таркас. Тосо ули аварьдема да пеень чикордыма. 13Мейле Іисус мерьсь сотникстень: азё, кода кемить, истя тенть улезэ. Важозо секе частонть пичкась.

14Кода Іисус сась Петрань кудос, неизе сонзэ тёщазо эсь ормасо мадезь ашти. 15Іисус токадизе сонзэ кедьс да эсь ормась кадызе сонзэ. Сон стясь да кармась мельганзо якамо. 16Кода чизэ чоподсь, ветясть Іисуснэнь ламо амазынь колавт.[1] Сон амазытнень валсонзо панинзе, да весе сэредицятнень віемтинзе. 17Истя топодсьть Исаія пророконь икелев ёвтазь валонзо, коната мерьсь: Сон минек моцень аразенек эсь лаҥгозонзо саинзе, ормано-как кепединзе. 18Кода неинзе Іисус перьканзо промозь ламо ломатьнень, мерьсь [ 19 ]Эсь тонавтлицянстэнь омбоце пелев уймеде. 19Сестэ мольсь ваксозонзо ве книжник да мерьсь Тензэ: Тонавтыця! Ков Тон а молят, мон мельгат молян. 20Іисус мерьсь тензэ: ривезтьнень улить сынцист варяст[2], менелень нармутнень-гак улить пизэст, а Ломанень Цёранть арась, козо прязо путомс. 21Ліята вейке тонавтлицянзо ютксто мерьсь Тензэ: Господи! мерьть васня тень тетянь калмамо мольме. 22Іисус мерьсь тензэ: мольть Монь мельган; кадыть кулозтнень эсь кулозест калмамо.

23Кода Сон совась венчестень, мельганзо совасть тонавтницянзо-як. 24Вана кепедьс морянть лаҥгсо пек віев буря. Венчесь кармась ведьсэ вельтявмо, а Сон удось. 25Сестэ тонавтницятне, ваксозонзо молезь, стявтызь Сонзэ да мерьсть: Господи! ванымизь минек, — ёматанок. 26Сон мерьсь тенст: аламонь кемицят! мейсь тынь истят пелицят? Мейле Сон, стязь, лоткавтынзе варматнень-гак да морясть-как, да весе сэтьміясть. 27Ломатьне, дивазь, кортасть: ки те, вармат-как, да морят-как кулсоныть Эйсэнзэ?

28Кода Сон сась омбоце пелев, Гергесинской масторс, вастызь Сонзэ кавто амазынь колавт ломать, сынь лисьть калмо латксто, да вельть благойтельть, — се таркаванть кі-як а якавиль-гак-мик. 29Вана, сынь сергедезь мерьсть: Іисус Пазонь Цёра, мезень Тонть теветь минек эйсэ? шкадо икеле Тон сыть тезэ минек муцямонок. 30Сынст эстэдест васоло тувонь покш стада ванозь ульнесь. [ 20 ] 31Амазытьне инялдсть Тензэ: минек панцамизьдеряй, мерьть тенек тувонь стадастень мольме. 32Сон мерьсь тенст: моледе. Сынь, лисезь, тусть тувонь стадастень. Сеск весе тувонь стадась берёк лангстонть кирнявтнесь моряс, да ваясь ведьстень. 33А стада ванытне чіезь тусьть да ошостень сазь, ёвтнизь весемень, мезе ульнесь, ёвтнизь амазынь колавтнэнь марто-як мезе ульнесь. 34Вана весе ошось Іисусонь каршо лись да, Сонзэ неезь, инялдсть Тензэ, туевель-бу сынст масторсто.

  1. ↑ бѣсноватойть.
  2. ↑ нораст.
 

Глава 9.

1Теде мейле, венчес озазь, печксь мекев да сась эсь ошозонзо. 2Вана каньсть Тензэ тарка лаҥгсо санонь лавчоммасо сэредиця ломань. Іисус сынст кемимаст неезь, мерьсь сэредицястень: эйдем, иля пельть, простявить тонть пежететь. 3Сестэ конат-конат книжникне арсесть эсь пачкаст: Сон Пазонть эснэ сялды. 4Іисус, сынст арсимадост содазь, мерьсь: мейсь тынь седейсэҥк берянь арситядо? 5Кода седе шождыне меремс: простявить тонть пежететь, или меремс: стяк да якак? 6(Мон истя меринь) ансяк тыҥк содамоҥк кис, што Ломанень Цёранть мастор лаҥгсо пежетень нолдамс-как війзэ ули. Мейле мерьсь сэредицястень: стяк, саик таркат да азё эсь кудозот. 7Сон стясь, саизе тарказо, да тусь эсь кудозонзо. 8Тень неезь, ломатьне дивасть да Пазонть эснэ, ломатьненень истямо віень максомонь кисэ, шнасть.

9Тосто ютамсто Іисус нейсь каявксонь пурнамо таркасо озадо аштиця Матѳей лемсэ ломань [ 21 ]да мерьсь тензэ: мольть Монь мельган. Сон стясь, да тусь мельганзо. 10Кода Іисус ульнесь ве кудосо столь экшнэ, ламо мытарьть да пежетевть ломать (гостекс) сасьть да Сонзэ марто тонавтницянзо вакс озасть. 11Тень неезь, фарисейтьне мерьсть тонавтницянстэнь: мейсь тыҥк тонавтыцяҥк мытарьтьнень да пежетевтьнень марто вейсэ ярсы-сими? 12Тень марязь, Іисус мерьсь тенст: аволь шумбра ломаннень доктор эряви, а сэредицянень. 13Азёдо тонадо, мезть не валтнэ: милость Монень эряви, аволь жертва. Мон сынь аволь праведнойтьнень, а пежетевтьнень пежетест кадмонь терьдемс.

14Сестэ састь Тензэ Іоаннань тонавтницянзо да мерьсть: мейсь минь да фарисейтьне-як ламо пост кирьдтянок, а Тонть тонавтницят а кирьдить? 15Іисус мерьсь тенст: ара свадьбань кудонь ломать мелявтозь аштевить, знярс содамось марост? Сыть чить, кода содамось кедьстэст нельгезь ули, сестэ сынь-гак кармить постонь кирьдеме. 16Кі-як ведь ташто одижас а педявты апак беляк кодстонь паҥкс, ато од паҥксось сейсазо ташто (одижанть), да седеяк покш варя тееви. 17Од вина-як истяжо ташто кедень мешокс а кайсить; ато кедьсь-как сезеви да винась-как чуди. А од вина кайсить од кедень мешокс, сестэ сынь кавонест ванцтовить.

18Сонзэ тень сынест кортамсто сась вейке начальник, да сюкунякшнозь, мерьсь Тензэ: монь тейтерем куломо лаҥгсо, молезь путык кедеть лаҥгозонзо, сон вельми. 19Іисус, стязь, тусь мельганзо. Тонавтницянзо-як маронзо. 20Вана, ве ава, кона кемгавтово іе верень мольмасо [ 22 ]пиштевць, удалдо мольсь ваксозонзо да токадинзе Сонзэ одижа краензэ. 21Сон эсь пачканзо арсесь: ансяк одижа краезэнзэ токадеван, пичкан. 22Іисус велявсь да, сонзэ неезь, мерьсь: тейтерем, иля пельть! Тонть кемимат ваныньзеть. Авась секе частонть пичкась. 23Кода сась Іисус начальниксть кудозонзо, да неинзе вешкимасо седицятьнень да ломатьнень талакадозь якамост, 24мерьсь тенст: лиседе тестэ, тейтерьсь ведь эзь кулок, сон уды. Сынь пеедсть лаҥгсонзо. 25Кода ломатьне панезь ульнесть, совась да саизе тейтерьсть кедьте. Тейтерьсь стясь. 26Теде се мастороньть келес тусьть валт.

27Іисусонь тосто ютамсто, мольсть мельганзо кавто сокорт да сеересть: Іисус Давидэнь Цёра, ванымизь минек! 28Кода Сон совась кудос, сокортнэ мольсть ваксозонзо. Іисус мерьсь тенст: кемдядо-ли, што те Монень тееви? Сынь мерьсть Тензэ: ино, Господи! 29Сестэ сон токадевсь сельмезэст да мерьсь: улезэ ино теҥк кемимаҥк кувалма. 30Сынст сельмест панжовсть. Іисус кардазь мерьсь тенст: ванодо, кі-як илязо сода теде. 31А сынь, тосо лисезь, ёвтлесть Эстэдензэ весе се мастороньть келес. 32Сынст лисьместэ ветясть Тензэ амазынь колавт немой ломань. 33Амазынть эйстэнзэ паньмеде мейле немойсь кармась кортамо. Народсь дивазь кортась: истямо тев знярдо-як Израильсэ арасель. 34А фарисейтне кортасть: Сон амазытьнесэ панци амазытьнень покшост війсэ.

35Якась Іисус эрьва ошка, эрьва велева, да тосонь синагонатьнесэ ломатьнень тонавтозь, менелень [ 23 ]инязорокс чиденть парт кулят ёвтнесь да ломатьнень эрьва кодамо ормадост да сэредьмадост віемтлесь.

36Ломатьнень куцят-куцят пурнавозь неезь, жалинзе сынст: сынь пастухтомо реве лацо сравтневезельть да муцявозельть. 37Сестэ Сон мерьсь эсь тонавтницянстэнь: нуйматьне ламо, а нуицятьнеде аламо. 38Инялдодо нуйматьнень азоростень, кучоволь-бу нуицят эсь нуйманзо лаҥгс.

 

Глава 10.

1Тердинзе кемгавтово тонавтницянзо, да максь тенст вій амазытьнень панцеме да эрьва ормань да сэредьксэнь пичкавтомо. 2Кемгавтово тонавтницятьнень лемест истят: Васенцесь Симон, конадо ліякс мерить Петр, да Андрей сонзэ братозо. Зеведеень Іаков да братозо Іоанн. 3Филипп да Варѳоломей; Ѳома да каявксонь пурныця Матѳей; Алфеень (цёразо) Іаков, да Леввей, конанень лем путьсть Ѳаддей. 4Кананитэнь Симон, да Іуда Искаріотской, конатась Сонзэ максызе. 5Не кемгавтовотьнень кучиньзе Іисус да кармавтозь мерьсь тенст: язычникнень кіява илядо яка, Самарянской ошос-как илядо сова. 6Азёдо седе курок Израиль кудонь ёмазь реветьненень. 7Якамсто тонавтодо, што менелень инязорокс чись малав пачкодьсь. 8Сэредицятьнень віемтледе, проказавтнэнь ваньскавтледе, кулозьтнень вельмевтьнеде, амазытьнень паньцеде. Стяко саиде, стяко макследе-як.

9Илядо сайть а сырне каркс алоҥк, а сія, а пиже, 10а котума ки лаҥгс, а кавонест одижат, а [ 24 ]кавонст кемть, а палка: ведь тевень теиця ашти андумашканзо. 11Кодамо ошос или велес соватадо, васнят-как содадо, ки эснэнзэ паро (ломаньсь) да туймезэҥк тосо аштеде. 12Кудос совамсто шумбракшнеде, мерезь: те кудостень сэтьме чи улезэ. 13Улиньдеряй кудось тень аштиця, тыҥк сэтьме чинь арсимась сы тензэ, а улиньдеряй тень аштиця, тыҥк сэтьмень арсимаҥк мекев эстеҥк велявты. 14Ки тыҥк а приматадызьдеряй, валоҥк-как а кулсоносынзедеряй, се кудостонть, эли ошостонть лисемстэ пильгстэҥк пульсть-как чукиҥк. 15Видестэ мерян теҥк: страшной судонь чистэнть Содомонь марто Гоморронь масторстень се оштонть шождыне ули.

16Вана Мон кучтадызь тыҥк вергиз юткс реве лацо. Тень кувалма уледе гуень кондят ёжовт, да гулькань кондят сэтьсть. 17Ванодо пряҥк ломатьнеде: сынь кармить эснэҥк промксос тарксеме, да синагогасост-как кармить эснэҥк чавмо. 18Монь кис ветятадызь начальникнень да инязоротнень икелев, сыненст да язычникненень Монь лаҥгс невтимань кис. 19Кода тыҥк кундатадызь, илядо мелявт: кода или мезть теҥк ёвтамс: се шкастонть максозь ули теҥк, месть ёвтамс. 20Ведь аволь тынь ульдядо кортыцятьне, а Тетяҥк Духсь потсоҥк карми кортамо. 21Брат братонзо, тетя цёранзо куловтомо макссазо; эйкакшнэ тетяст-аваст каршо стить да машлесызь сынст. 22Монь лемень кисэ весеменень анеймат ульдядо: кона пезэнзэ кирди, се ванозь ули. 23Знярдо кармить паньмеҥк ве ошсто, чіеде омбоцес. Видестэ мерян теҥгк: [ 25 ]а прядовить теҥк яказь израилень ошнэ, кода сы Ломанень Цёрась. 24Тонавтницясь тонавтыцядонзо аволь покш; важо-як азородонзо аволь покш. 25Саты тонавтницясьтень, улиньдеряй сон эсь тонавтыцяшканзо, а важось эсь азорошканзо. Мериньдеряйть кудазоростень веельзевул, ара и кармить истя мерьме сонзэ кудосотьненень-гак? 26Тень кувалма илядо пельть эстэдест: мезе-як арась истя кекшезь, коната-бу аволь неявт, истя жо салава теезь гак, кона аволь содавт-бу. 27Мезе кортан теҥк чопуда таркасо, сень ёвтледе валдо таркасо, мезе кортазь пилезэҥк, седе кудо прясо кортадо. 28Илядо пельть сетьнеде, конатьненень ансяк киськесь куловтови, а оймесь а куловтови; а седе пеледе пек, конанень ёмавтови адс киськесь-как да оймесь-как. 29Аволь кавто нармушкат-ли ассаріядо[1] микшневкшныть? а Тетяҥк мельтеме вейке-як эстэдест а пры мастор лаҥгс. 30А тыҥк пря череҥк-как весе ловнозь. 31Тень кувалма тынь илядо пельть: тынь ламо нармушкатьнеде питьневттядо.

32Эрьва кинь, ки Монь, ломань икеле кортазь, содавцамам, Монсь-как содавца менельсэ Тетянь икеле; 33ки Монь эстэдень ломань икеле сёпи, седе Мон-гак сёпан менельсэ Тетянь икеле. 34Илядо арсек, што Мон сынь мастор лаҥгс сэтьме-чинь туеме. Аволь сэтьме-чинь туеме сынь, — пеелень. 35Мон сынь ломаньсть тетястонзо явмо, тейтерьсть — авастонзо, урьвасть — ававтостонзо. 36 [ 26 ]Душманкс теевить ломаньстень соньсинзэ кудосотне.

37Ки Моньдедень пек вечксазо эсь тетянзо, эли аванзо, се Монень а маштовиця. Истя жо ки Моньдедень пек вечксазо цёранзо эли тейтерензэ, се-як Монень амаштовиця. 38Ки эсь крёстонзо саезь, Монь мельга а моли, се-як Монень амаштовиця. 39Ки оймензэ ванцтсазо, се ёмавтцазо сонзэ, а ки Монь кис сонзэ ёмавтцазо, се муйсазо. 40Ки тыҥк приматадызь, се Монь примасамам, а ки Монь примасамам, се Монь кучицянть примасазо. 41Ки прими пророк пророконь таркас, се пророконь награда саи, ки прими праведник праведникень таркас, се праведникень награда саи. 42Ки вейкенень, неть вишкинетьнень ютксо тонавтниця лемс симди кече кельме ведь, се, видестэ мерян теҥк, а ёмавтцазо эсь награданзо.

  1. ↑ Ассарія — кавто копейкат.
 

Глава 11.

1Кода Іисус прядызе кемгавтово тонавтницянзо тонавтумавть, тусь тосто сынст ошнэва тонавтомо.

2Іоанн тюрьмасо аштемстэ марясь Христозонь тевтьнеде да кучсь кавто эсь тонавтницянзо ютксто 3да мерьсь Тензэ: Тон-ли севатесь, конанень эряви самс или ліянь тенек учомс? 4Іисус каршост мерьсь: азёдо ёвтадо Іоаннэнь, мезе мариде, да мезе неиде: 5сокортнэ неить, хромойтьне якить, прокаженнойтьне ваньскалить, глухойтьне марить, кулозтьне вельмсить, нищейтьне парт кулят ёвтнить. 6Таланов, ки Монь кувалма а маняви. 7Сынст туезь, кармась Іисус ломатьненень Іоанндо кортамо: [ 27 ]мезень ванмо тынь якиде чаво паксяс? вармасо чарыца нудеень ара? 8мезень ванмо ино якиде? чевте одижас орчазь ломанень? Чевте одижань кантлицятне инязоронь кудова эрить. 9Мезень ванмо ино якиде? Пророконь? Да, мерян теҥк, пророкто-як покшонть. 10Сон ведь севате, конадо сёрмадозь: Вана Мон кучса Тоньдеть икеле Эсь Ангелэм, кона анокстасазо Тоньть икеле кить. 11Видестэ мерян теҥк: аватьнень эйстэ шачозетьнень ютксо Іоанн Крестительде покш арасель, а менелень инязорокс чисэнть вишкинесь соньдензэ покш. 12Іоанн Крестителень эрямо шкастонть саезь, те шкастень, менелень инязорокс чисэнть пек бажазь саить да пек бажицятьне муйсызь сонзэ. 13Весе пророкнэ-як да законсь-как Іоанндо икеле ёвтасть. 14Мелеҥк улиньдеряй кемемс, сон се Иліясь, конанень эряви самс. 15Кинь улить марямс пилензэ — марязо.

16Кикс ладяса те родсть? Сон моли эйкакшт ёнов, конат озадо аштить ульцясо да ялгаст ёнов велявтозь, 17мерить тенст: Минь теҥк вешкинек вешкимасо, — тынь эзиде кишть; минь морынек теҥк аварьдима морот, тынь эзиде аварьдть. 18Сась Іоанн, а ярцы, а сими, мерить — сонзэ эснэ амазы. 19Сась Ломанень Цёрась, ярцы да сими, мерить: вана ломансь, кона ярсамо да винадо симма вечки, мытарень да пежетев ломанень ялга. Истя Сонзэ покш чизэ Эсь эйкакшонзо видьстэ ливтизь.

20Теде мейле кармась Іисус покорямо сеть ошнэсэ, конатьнесэ ламо чудат тейнесь, а сынь [ 28 ]пежетест эзизь кадт. 21Апаро тенть, Хоразин, апаро тенть, Виѳсаида, ведь улевельть-как тыҥк эснэ теезь чудатьне Тирсэ да Сидонсо теезь, сынь умок-бу берянь одижань орчазь, да пряст куловсо почодозь, яҥксевельть эсь пежетест кис. 22Ансяк мерян теҥк: Тир марто Сидоннэнь страшной судонь чистэнть, тыньдедеҥк шождыне ули. 23Тон-гак, менельс кепедьтезь Капернаум, адс валтазь улят: ведь тонть эснэ теезь чудатне улевельть-как теезь Содомсо, сон те шкас бу аштевель. 24Ансяк мерян теҥк: Содомонь масторстень страшной судонь чистэнть тоньдеть шождыне ули. 25Се шкастонть Іисус, валонзо апак прядт, мерьсь: Тетяй! менелень да масторонь Пазось! Тонть эснэ Мон шнан: Тон превейтьнеде да ламонь содыцятьнеде Монь кекшезь, эйкакшнэнень содавтымек. 26Да, Тетяй истямо ульнесь Тонсить мелеть!

27Монень Тетянь пельде весе максозь. Цёранть Тетядо башка кі-як аздасазо, Тетянть-как ансяк Цёрась содасазо, да се, конанень Цёранть мельзэ ули ёвтамс. 28Садо Монень весе пиштевтицятьне да стакасто эрицятьне. Мон тыҥк оймавтадызь. 29Саиҥк Монь канцтом эсь лаҥгозоҥк, да тонадодо Монь эйстэнь: ведь Мон сэтьмеян, да чевте седеян, — муйдядо оймеҥк туртов оймавкс. 30Ведь Монь канцтом паро, кандумам-гак шождыне.

 

Глава 12.

1Се шкане ютась Іисус суббота чине видезь паксява. Сонзэ тонавтлицянзо пекест вачть, да кармасть сюро прянь сезнеме да ярцамо. 2 [ 29 ]Фарисейтьне, тень неезь, мерьсть Тензэ: вана Тонть тонавтницят суббота чине теить, мезе а эряви теемс. 3Сон мерьсь тенст: ара тынь эзьде ловнок, мезе тейсь Давид, кода сонзэ сонсинзэ пекезэ вачнось да мартонзо улезтьнень-гак? 4Кода сон совась Пазонь церькувасьтень да тосо путозь кшетьнеде ярсась, конатьнеде ярцамс амаштовиль а соньстензэ, а мартонзо улезтьненень, ансяк маштовиль попнэнэнь. 5Или эзьде ловнок-ли законсо, кода попнэ суббота чине церькувасо суббота чинть колыть, да аволь чумот? 6Мерян теҥк: тесэ церькувадонть-как покшось. 7Содавледе-як тынь, мезе те ёвтазесь: милость Монень эряви, аволь жертва, — сестэ авольде судяк-бу чумовтомотьнень. 8Ведь Ломанень Цёрась суббота лаҥгсо-як покш.

9Тосто туезь, совась Сон сынст синагогазост. 10Вана, тосо ве коське кедь ломань ульнесь. Іисусонь, лаҥгозонзо чумонь муймень кис, кевстизь: маштови-ли суббота чине віемтемс?[1] 11Сон мерьсь тенст: Ки юткстоҥк ули истямо ломань, конань ули вейкине ревезэ, да прыньдеряй (се ревесь) суббута чине латкс, ара а таргасазо сонзэ да а сайсазо? 12Зняродо ломансь реведе паро? Истя суббота чине маштови теемс паро. 13Сестэ мерьсь се ломаньстень: венстик кедеть! сон венстизе; да кедьзэ віемезь (теевсь) омбоценьть кондямокс.

14Фарисейтьне, тосто лисезь, вейсэ арсесть, кода Сонзэ маштомс. Іисус, теде содазь, тусь [ 30 ]тосто. 15Мельганзо мольсть ламо ломать. Сон весемень віемтинзе 16да кардыньзе сынст Эстэдензэ ёвтлемеде. 17Истя топодезэ пророк Исаіянь вельде ёвтазесь, кона кортась: 18Вана Монь кочксезь эйдем, Сон Монь вечкимам, Сонзэ эйс бажи Монь оймем. Путса лаҥгозонзо Моньсинь Духом да Сон ломатьненень суд ёвты. 19Сон каршо вал а ёвты, а пижакады-як. Сонзэ вальгеензэ кі-як ульцясто а марясазо. 20Виде-чинть лаҥгс лифтевмезэнзэ, Сон синьдевезь нудейсть а синьцазо, чеҥгиця ліяназонь а мацтясазо. 21Сонзэ лемензэ лаҥгс кармить кемеме ломатьне. 22Сестэ ветясьть Тензэ амазынь колавт сокор да немой. Сон віемтизе сонзэ; сокорсь да немойсь кармась кортамо да нейме. 23Весе ломатьне дивазь кортасть: аволь те-ли Давидэнь цёразо Христозось? 24Фарисейтьне, тень марязь, мерьсть: Сон амазытьнесэ панси аволь истяк, а амазытьнень покшост веельзевулонь війсэ. 25Іисус, сынст арсимадост содазь, мерьсь тенст: эрьва инязорокс чись, явшевиньндеряй эсь юткованзо, — машты, истя жо эрьва ош-как, эли кудо-як, явовиньдеряй эсь юткованзо, айаштеви. 26Амазысь-как, паниньдеряй амазысэ, сон явшевезь ули эсь юткованзо, кода карми сестэ аштеме сонзэ инязорокс чизэ? 27Паниньдерян Мон амазытьнесэ веельзевулонь війсэ, сестэ тыньсиҥк цёраҥк кинь війсэ пансить эснэст? Тень кувалма сынь судіякс улить теҥк. 28Пансиньдерян Мон амазытьнесэ Пазонь Духсо, сестэ пачкодьсь теҥк Пазонь инязорокс чись. 29Или ки віев ломанень кудос совави да сонзэ парозо салави тензэ, васня віевсть а [ 31 ]сюлмсисазодеряй? Мейле уш сон салсисазо сонзэ кудозо.

30Ки аволь Монь маро, се Монь каршо. Ки а пурны Монь маро, се ёмавтли. 31Тень кувалма мерян теҥк: Эрьва кодамо пежеть, да берянь вал простяви ломатьненень, а Духонть лаҥгс берянь валсь простязь а ули ломатьненень. 32Ёвтыньдеряй кі-як вал Ломанень Цёрасть лаҥгс, — простязь ули тензэ; а ёвтыньдеряй Святой Духсть лаҥгс, простязь а ули тензэ, а те пиҥгстэнть а тона пиҥгстэнть. 33Путсыҥкдеряй чувтонть парокс, умарензэ-як путыҥк парокс, или путсыҥкдеряй чувтонть берянькс, умарензэ-як — берянькс. Ведь чувто умарензэ кувалт содави. 34Гуень левкст! апарт улезь, кода тынь кортавдадо пародо? Ведь курго корты пешксе седейстэ. 35Паро ломань паро мельстэнзэ ливти паро, а берянь ломань берянь мельстэнзэ ливти берянь. 36Мерян теҥк: эрьва стяконь валонть кисэ, конань ёвтасызь ломатьне, страшной судонь чистэ максыть ответ. 37Ведь эсь валот кувалт видекс лисят, эсь валот кувалт чумокс-как кадуват. 38Сестэ конат-конат книжникнень да фарисейтьнень ютксто мерьсть: Тонавтыця! Минек Тонть пельде чудань неемс мельнек ули. 39Сон мерьсь каршост: апаро да ускурявкс родсь чуда вешни, ансяк Пророк Іонань чудадо башка, лія чуда тензэ максозь а ули. 40Кода Іона китэнь потсо ульнесь колмо чить, да колмо веть, истя Ломанень Цёрась-как моданть седейсэ ули колмо чить да колмо веть. 41Ниневіянь ломатьне стить судс те [ 32 ]родсть марто да чумондсызь сонзэ: ведь сынь Іонань проповедьте кадызь пежетест, а тесэ вана Іонадо-як покш. 42Обед ёнксонь инязоро-авась сти судс те родсть марто, да чумондсазо сонзэ; ведь сон масторонь пестэ сакшнось Соломононь превензэ кулсономо, а тесэ вана Соломондо покш. 43Кода апаро духсь лиси ломаньстэ, да яки ведьтеме таркава эсьтензэ оймамо таркань вешнезь, да а муи, 44сестэ мери: мурдан монсинь кудостень, косто лисинь. Сазь, сон муйсазо сонзэ чавосто, теньцезь, пурназь. 45Сестэ моли сон да саи мартонзо ліят сисемь духт, эстедензэ-як благойть, да совазь, кармить эрямо тосо. Се ломаньстень теде мейле васеньцеденть-как берянь ули. Истя ули те апаро родсть маро-як.

46Сонзэ ломатьненень кортамо шкастонть авазо да братонзо аштесть ушосо: сынст мелест ульнесь Сонзэ маро кортамс. 47Та ки мерьсь Тензэ: вана Тонть ават да братот ушосо аштить, Тонть маро кортлевельть. 48Сон кортыцянть каршо мерьсь: ки Монь авам, да кить Монь братон? 49Мейле тонавтницянзо лаҥгс кедьсэнзэ невтезь, мерьсь: вана Монь авам, да Монь братон. 50Ки теи Монь менельсэ Тетянь мелензэ кувалт, се Монь братом, сазором да авам.

  1. ↑ ломань шумбралгавтомс.
 

Глава 13.

1Се чистэнть Іисус, кудосто лисезь, озась моря чирес. 2Ваксозонзо промсть ламо ломать. Сонензэ савсь венчес совамс да озамс, а весе ломатьне аштесть берёксть лаҥгсо.

[ 33 ] 3Сон притчань ёвтнезь, ламо тонавтсь эснэст, мерезь: Вана лись видиця видьме. 4Сонзэ видьместэ конат-конат видьстьне прасть ки черес; ливтясть нармуть да кочксизь сынст. 5Ліят прасть кевев таркас, косо модась аламоль, да моданть аволь сэреень коряс, сынь сеск листь. 6Кода лись чизэ, сынь пуйшть да, коренэнь аразень кувалт, коськсть. 7Ліят прасть кормалав пулос; кайсть кормалавтнэ да сынст ёмавтызь. 8Ліят прасть паро модас, да каньдьсть видьсть: кона сядо, кона кодгемень, кона колоньгемень. 9Кинь улить марямс пилензэ, — марязо!

10Тонавтницянзо, ваксозонзо молезь, мерьсть Тензэ: мейсь притчасо[1] кортат тенст? 11Сон мерьсь каршост: тынеҥк менелень инязорокс чинть асодамотнеде содамс максозь, а сыненст апак макст. 12Ведь кинь ули, сенень максозь ули, да пек ламолгавтови тензэ, а кинь арась, сень, мезезэ ули, се-як саезь ули. 13Секс притчасо кортан тенст: сынь ванозь анеить, кулцонозь а марить, да а чаркодить-как. 14Сынст лаҥксо топодить Исаія пророконь ёвтазь валтнэ, кона кортась: марязь марятадо, да а чаркоттядо, ванозь-гак вандадо, да а нейдядо. 15Калгодкстомсть, ведь не ломатьнень седеест, сынь пилесэст-как стакасто марить, сельмест-как конизь: сельмесэст-как сынь авольть нейть, пилесэст-как авольть маря, седейсэст-как авольть чаркодть, штобу Монь ёнов авольть велявт, да аволень [ 34 ]віемть сынст. 16Талановт тыҥк сельмеҥк: сынь неить, пилеҥк-как, — марить. 17Видестэ мерян теҥк: ламо пророкнэнь да праведникень тыҥк найматьнень неемс мелест ульнесь, да эсть нейть, тыҥк марямотьнень-гак марямс, да эсть маряк. 18Кулцоныҥк ино тынь — мезе ули видицядо ёвтазь притчась. 19Эрьва кулцоныцястень Пазонь инязорокс чиденть да а чаркодицястень, сы душманць да таргасазо седейстэнзэ видезенть: те ули ки лаҥгс видезесь. 20Кевев модас видезесь се, ки марясазо валонть, да сеск эрьгедезь примасазо, 21ансяк сон коренэнь апак нолдак кеме а эри: сыньдеряй тензэ се валонть кис меньдяк мелявкс, или панцевма, сон сеск маняви. 22Кормалав юткс видезесь се, ки марясазо валонть, ансяк те пиҥгень мелявксось, да сюпав чис манявмось изнясазо валонть да сон видьстеме эри. 23Паро модас видезесь се, ки марясазо валонть да чаркодьсазо, да канды видьсть, кона сядонь кирда, кона кодгемень, кона колоньгемень кирда.

24Лія притча ёвтась тенст, мерезь: менелень инязорокс чись моли истямо ломань ёнов, кона видьсь эсь паксязонзо парт видьсть. 25Ломатьнень удомо шкасто сась сонзэ душманзо, видьсь товзюронть юткова берянь тикшеть да тусь. 26Кода лись товзюрось да кармась прянь каямо, листь сестэ тикшетьне як. 27Азоронть важонзо, сазь, мерьсть Тензэ: азоронок: Тон аволь парт-ли витдьсть эсь паксязот видекшныть? Косто саевсть сонзэ эйс тикшетьне? 28Сон мерьсь тенст: душман ломань тень теизе; важотьне мерьсть тензэ: ули мелеть, [ 35 ]минь, молезь, кочкасынек сынст? 29Сон мерьсь тенст: арась: тикшетьнень тарксемстэ товзюротьнень-гак аволеҥк таргсек-бу. 30Кадыҥк нуймань самс кавонест вейсэ касыть: нуйместэ мон мерян нуицятьненень: васня пурныҥк тикшетьнень, да пултамс сюлмсиҥк сынст пултс, а товзюронть монь утомозон.

31Лія притча ёвтась тенст, мерезь: менелень инязорокс чись моли горчицянь видьсть ёнов, конань саизе ломань да видизе эсь паксязонзо. 32Сон весе видьстьнеде вишкине, а знярдо касы, весе тикшетьнеде покщ эри, чувтокс тееви, сонзэ тарад потс менелень нармуть натой ливтнить да кекшнить. 33Лія притча ёвтась тенст: менелень инязорокс чись моли чапавтума ёнов, конатань саизе ава, да каизе колмо малинкат почт юткс весемест чапаськадмозост. 34Весемень нень Іисус ёвтлинзе ломатьненень притчасо, притчавтомо мезе-як эзь кортак тенст. 35Истя топодест пророконь вельде ёвтазь валтнэ, кона мерьсь: притчасо панчса кургом да ёвтнесынь, мезть масторонть тейме шкасто кекшезь ульнесть. 36Сестэ Іисус нолдынзе ломатьнень да совась кудос.

Тонавтницянзо, ваксозонзо молезь, мерьсть Тензэ: ёвтык тенек, мезе ули паксянь тикшеде притчась? 37Сон мерьсь каршост: паро видьстень видицясь — Ломанень Цёрась; 38паксясь — мастор лаҥгось[2]; паро видьстесь, — менелень инязорокс чинь цёратне, а тикшетьне, — апарт цёратьне. 39Сынст [ 36 ]видиця душмансь, — шайтянсь; нуйма шкась, — пиҥгенть маштумась; нуицятне — ангелтнэ. 40Кода тикшетьнень пурнасызь да толсо пултасызь, истя ули те пиҥгенть маштомсто-як. 41Кучсынзе Ломанень Цёрась Эсь ангелэнзэ, да пурнасызь Сонзэ инязорокс чистэнзэ весе маньчицятьнень да пежетень теицятьнень, 42да каясызь сынст гайни каштомос;[3] тосо ули аварьдема да пеень чикордома. 43Сестэ видеть ломатьне тетяст инязорокс чисэ чи лацо валдомить. Кинь улить марямс пилензэ — марязо.

44Таго менелень инязорокс чись моли паксяс кекшезь ули-паронь ёнов, конань муизе ве ломань да сёпизе. Эзэзэнзэ эрьгедезь, сон моли, да мійсазо, мезезэ ули, да рамасазо се паксянть. 45Таго менелень инязорокс чись моли паро човалянь вешниця купецень ёнов, 46коната, ве питьнев човалянь муезь, тусь, весе микшнинзе, мезезэ ульнесь, да рамизе сонзэ. 47Таго менелень инязорокс чись моли моряс каязь невод ёнов, конатанень совасть эрьва кодат калт. 48Кода сон пешкедсь, таргизь сонзэ берёк лаҥгс, да озазь, партнэнь пурнызь кедьгева, а берятьнень ёртызь ве ёнов. 49Истя ули те пиҥгенть маштомсто-як: лисить ангелтнэ да явсызь апартнэнь праведнойтнень ютксто, 50да каясызь сынст гайни каштомс. Тосо ули аварьдема да пеень чикордома. 51Іисус кевстинзе сынст: чаркодиҥк-ли тынь нень весемень? Сынь мерьсть Тензэ: Ино, [ 37 ]Господи! 52Сон мерьсь тенст: тень кувалма эрьва книжниксь, кона тонавтозь менелень инязорокс чистень, моли истямо куд-азоро ёнов, кона ули-паронь путма таркастонзо ливти ташто-як, од-гак.

53Кода Іисус не притчатнень ёвтнезь прядынзе, тусь тосто, 54да сась Эсь шачмо масторозонзо, да тонавтсь эснэст синагогасост. Сынь, дивазь, кортасть: косто Сонзэ истят превензэ да віезэ? 55Аволь те-ли плотникень Цёрась? аволь Сонзэ-ли аванзо лемзэ Марія да братонзо: Іаков, Іосій, Симон да Іуда? 56Аволь весе-ли патянзо-як минек ютксот? косто ино Сонзэ весе неть? 57Истя сынь маньчевсть Сонзэ кувалма. Іисус мерьсь тенст: пророк эсь шачмо мастордонзо да эсь кудодонзо башка косо-як честьтеме а эри, 58да а кеммаст кувалт эзь тейть тосо ламо чудат.

  1. ↑ вал-велявкснэ.
  2. ↑ свѣтэсь.
  3. ↑ пецькас.
 

Глава 14.

1Се шкане марясь Іисусто нилетькс частенть инязорось Ирод, 2да мерьсь мельганзо якицят ломатьненень: те Іоанн Креститель! Сон кулозьстэ вельмесь, секс истят чудат тейневить пельдензэ. 3Ирод, Филипп братонзо нинзэ Иродіадань кис Іоаннань кундазь, сюлмсизе да тюрьмас озавтызе, 4мейсь Іоанн кортась тензэ: тонеть а маштови сонзэ маро эрямс. 5Сон маштыксэльце сонзэ да пельсь ломатьнеде, ведь весе сонзэ пророкс ловилизь. 6Иродонь шачмо чистэнзэ Иродіадань тейтерьзэ киштьсь гость икеле, да тусь Иродонь мельс, 7секс сон божазь алтась тензэ максомс, мезе а веши. 8Сон, аванзо эйстэ тонавтозь, мерьсь: туик монень [ 38 ]тезэ, блидя лаҥгсо, Іоанн Крестителень прянзо. 9Инязорось нусмакадсь, ансяк божамонзо кис да гостьнень ульмань кувалт,[1] мерьсь максмо тензэ. 10Кучозь, керявтызе тюрьмасонть Іоаннань прянзо. 11Кандызь сонзэ прянзо блидя лаҥгсо да максызь тейтерьстень, а се кандызь аванстэнь. 12Тонавтницянзо, сазь, саизь сонзэ телазо, да калмизь: мейле, сазь, ёвтасть Іисуснэнь. 13Теде марязь, Іисус тусь тосто венчне ськамонзо чаво таркас. Ломатьне, Сонзэ туймеде марязь, ошнэстэ тусть мельганзо ялго.

14(Венчестэнть) лисезь, Іисус неинзе ламо ломатьнень, да, сынст жалязь, шумбралгавтынзе сэредицяст. 15Чокшнэнь сазь, тонавтницянзо мольсть ваксозонзо да мерьсть: таркась тесэ чаво, а чизэ уж чопотетсь, — нолдыть ломатьнень, молест велес да рамаст эсьтест ярцамс. 16Іисус мерьсь тенст: сыненст туймекс а эряви, тынь максодо тенст ярцамс. 17Сынь мерить Тензэ: минек тесэ улить ансяк вете кшенек, да кавто калнок. 18Сон мерьсь тенст: кандыҥк сынст тезэ Монень. 19Мейле мерьсь ломатьненень луга лаҥгс ойсемеде, а (Сонсь) вете кшетьнень да кавто калтнэнь саезь, вачтась менельсть лаҥгс, баславинзе кшетьнень, да синьдезь, максыньзе тонавтницятьненень, а тонавтницятьне — ломатьненень. 20Ярцасть весе да пешкедсть. Мейле кадовозь сускомотнеде пурнасть кемгавтово кептереть пешксеть. 21Ярцыцятьнеде тейтерь-аватьнеде да эйкакшнэде башка, вете тыстяшка ульнесть.

[ 39 ] 22Сеск, ломатьнень нолдамодо икеле, кармавтынзе Іисус Эсь тонавтницянзо венчес озамо, да эсьтедензэ икеле омбоце пелев печкеме. 23Ломатьнень нолдазь, куйсь пандо лаҥгс ськамонзо озномо. Сон чокшнэ-як ськамонзо тосо ульнесь. 24Кода венчесь морянть кунчкасоль, кепететсь каршо варма, да кармась веньченть эснэ чавмо. 25Веньть нилеце караулонь полавтума шкастонть Іисус морянть лаҥга тусь сынст ёнов. 26Тонавтницятьне, Сонзэ ведь лаҥга ютамодо неезь, пелезевсть да кортасть: те неявкс[2] тенек, да тандадозь пижакадьсть. 27Іисус сеск кармась кортамо марост, мерезь: кемекстадо: те Мон! илядо пельть. 28Петр мерьсь каршозонзо: Господи! улиньдерят Тон, мерьть монень Тоньть вакс ведь лаҥга мольмеде. 29Сон мерьсь тензэ: Сак! Венчестэнть лисезь, Петр тусь ведьсть лаҥга Іисус ёнов. 30Віев варманть неезь, тандатсь, да кармась ваямо да серьгедезь мерьсь: Господи, ванумак монь! 31Іисус сеск, кедензэ вентезь, кирьдизе сонзэ да мери тензэ: аламо-кемиця, мейсь арсезевить? 32Кода сынь венчестень совасть, вармась лоткась. 33Веньчненть улицятьне, ваксозонзо молезь, сюкунясть Тензэ да мерьсть: алкукс Тон Пазонть Цёразо-ят. 34Омбоце пелев печкезь, састь сынь Геннисаретской масторс.

35Се масторонть эрицятьне, Іисусонь содазь, кучсть кулят се масторонть келес, да кандызь Тензэ весе сэредицяст, 36да инялдсть Тензэ, [ 40 ]меревель бу тенст одижа краезэнзэ ансяк токадевмеде. Конат токадевильть, — сетьне пичкильть.

  1. ↑ Гостнень икеле визьксэс а совамонь кис.
  2. ↑ виденіе.
 

Глава 15.

1Сестэ Іисус вакс састь Іерусалимень книжникне да фарисейтьне да мерьсть: 2Мейсь Тонть тонавтницят а кирьдить атятьнень койтьнесэ: сынь кшеде ярцамодо икеле кедест а шлякшносызь? 3Сон каршост мерьсь: мейсь тынь-гак атятьнень коест кирьдимань кис а тейтядо Пазонь заповедьтьнень коряс? 4Пазось мерьсь: тетять, авать мелест ванок: кона тетянстэнь эли аванстэнь терьги берянь вал, се кулозо. 5А тынь кортатадо: ки мериньдеряй тетянстэнь, эли аванстэнь: мезе тонеть максумаль, сень мон Пазостень алтыя, 6се мейле тетянзо, аванзо мель-гак а ваныдеряй паро ули. Истя теезь, тынь атятьнень коест кирьдимань кис Пазонь заповедьтьнень колатадо. 7Эсь пряҥк парокс тейницят! парьсте кортась тыҥк кувалма Исаія пророк: 8не ломатьне кургсост Монь малав сакшныть, кельсэст-как Монь Эснэ шныть, а седеест Монь эйстэ васоло ашти. 9Стяко сынь шныть Монь эснэ, ломанень заповедьтьнень да тонавтуматьненень тонавтозь. 10Мейле народсть тердезь, мерьсь тенст: кулцонодо да чарькодеде: 11Аволь се, мезе кургс сови, ломаньсть эснэ гади, а мезе кургсто лиси, се ломаньсть эснэ гади.

12Сестэ тонавтницянзо, ваксозонзо молезь, мерьсть Тензэ: содат-ли, фарисейтьне, Тонть валот марязь, пежетс совасть? 13Сон каршост мерьсь: эрь чувтось, конань аволь Монь менельсэ Тетям озавтызе — ёми. 14 [ 41 ]Кадыҥк сынст: сынь сокоронь вецицят сокорт; ветиньдеряй ведь сокорсо сокор, сынь кавонест латкс прыть. 15Петр каршонзо мерьсь: чарькодевтик тенек те притчанть. 16Іисус мерьсь: тыҥк-как ара те шкас превезэҥк а саеви? 17Ара ачарькодтядо, — весе, мезе кургова сови, пекс моли, венелев молезь, ушов лиси. 18А кургсто лисицятьне — седейстэ лисить, сетьне ломаньсть эснэ гадить. 19Ведь седейстэ лисить апарт арсимат, ломанень маштумат, ломань ава мельга чійнимат, ава ломанень вечкимат, саламот, ломань лаҥгс кеҥгелезь невтимат, сялдумат. 20Весе неватеть ломаньсть эснэ гадить, а кедень апак шляк ярцамось ломаньсть эснэ а гади.

21Тосто лисезь, Іисус Тир маро Сидононь масторс сась. 22Тесэ ве хананеень ава, сеть ёнкснэстэ лисезь, сеересь Тензэ: Давидэнь Цёра, Тонавтыця, ванумак монь! Монь тейтерем, амазысэ колазь, пек майси. 23Іисус каршонзо ве вал-гак эзь пшкать: Тонавтницянзо, ваксозонзо молезь, инялдсть Тензэ: нолдык сонзэ, сон пижни мельганок. 24Сон каршост мерьсь: Мон ансяк Израилень кудонь ёмазь реветьненень кучозян. 25Авась, ваксозонзо молезь, сюкунякшнось Тензэ да кортась: Тонавтыця, тейть тень лезэ! 26Сон каршонзо мерьсь: аволь паро кшенть эйкакшонь кедьстэ саемс да кисканень каямс. 27Авась мерьсь: (те) истя, Тонавтыця! Ансяк кискатьне-як ведь ярсыть азорост столаҥсто певериця паморькснэде. 28Сестэ Іисус мерьсь каршонзо: вай, ава, Тонть кемимат покш. Улезэ тенть мелеть коряс. Секе частонть пичкась сонзэ тейтерзэ.

[ 42 ] 29Тосто туезь, Іисус мольсь Галилейской моря чирес, да, пандо пряс кузезь озась тозо. 30Ваксозонзо мольсть ламо ломать, сынь марост туизь хромойтьнень, сокортнэнь, немойтьнень, убогойтьнень, да ліят-как ламо сэредицятьнень, да путызь сынст Іисусонь пильгензэ вакс. Сон сынст віемтинзе. 31Ломатьне, немойтьнень кортамост, сэредицятьнень віеммест, хромойтьнень якамост, сокоротнэнь неймаст неезь, дивасть да шнасть израилень Пазонть эснэ.

32Іисус, тонавтницянзо терьдезь, мерьсь тенст: жаль маряви Монень народсь, — сынь уж колмо чить аштить Монь вакснэ, а ярцамс тенст а мезьде, вачо нолдамс мелем арась, ки лаҥгсо авольть лавчомт-бу. 33Тонавтницянзо мерьсть Тензэ: косто сайдянок минь чаво таркасо зняро народонь андомс кшеть? 34Іисус мерьсь тенст: зняро тыҥк кшеҥк: Сынь мерьсть: сисемь, да аламошка калнэть улить. 35Сон мерьсь ломатьненень масторов ойсемеде. 36Сонсь, сисемь кшетьнень да калтнэнь саезь, шнызе Пазонть, мейле синтринзе да максынзе тонавтницянстэнь, а тонавтницятьне — ломатьненень. 37Весе ярцасть да пешкедьсть, да кадовозь сускомотьнеде пурнасть сисемь кептереть пешксеть. 38Ярсыцятнеде ульнесть, аватьнеде да экакшнэде башка, ниле тыстят ломань. 39Ломатьнень нолдамодо мейле Іисус совась венчес да тусь Магдалинской масторс.

 

Глава 16.

1Састь Тензэ фарисейть да саддукейть, да Сонзэ снартумань кис вейшть менельстэ чуда [ 43 ]невтемс тенст. 2Сон мерьсь каршост: чокшне тынь мерьдядо: маней ули, — менельсь якстере. 3Валске: шечо пиземе ули: менельсь чопулгадозь сыреждеме кармась. Эсь пряҥк парокс тейницят! менелень чаманть явмо машттадо, а кодамо те шкась, — а содави теҥк? 4Апаро да ускурявкс родсь чуда вешни, ансяк пророк Іонань чудадо башка, лія чуда тензэ максозь а ули. Мейле, сынст кадозь, тусь тосто. 5Омбоце пелев печкезь, тонавтницянзо стувцть кшень сайме.

6Іисус мерьсь тенст: ванодо пряҥк фарисеень да саддукеень чапавтумадонть. 7А сынь эсь пачкаст арсесть: Сон истя минек кшень асаймеденть чартни эснэнек. 8Теде содазь, Іисус мерьсь тенст: аламонь-кемицят! мейсь эсь пачкаҥк арситядо кшень асаймедеҥк? 9Или тынь нейгак оштё ачаркодьтядо, да мельсэҥк-как айашти, кода вете кшесэ вете тыстят пешкедьсть, зняро кептереть сускомотьнеде пурныде? 10Или, кода сисемь кшесэ ниле тыстят пешкедьсть, зняро кептереть пурныде? 11Кода а чаркодтядо, — Мон пряҥк фарисеень да саддукеень чапавтумадо ванцтомодо мерезь, аволь кшень кувалма меринь теҥк? 12Сестэ сынь чаркодьсть, што Сон мерьсь тенст пряст ванстомо аволь кшень чапавтумадонть, а фарисеень да саддукеень тонавтумадонть.

13Кесарія Филиппень масторс сазь, Іисус кевстинзе тонавтницянзо: ломатьне кикс путнисамизь Монь, Ломанень Цёранть? 14Сынь мерьсть: веенцт Іоанн Крестителькс, омбонцт Иліякс, а ліят Іереміякс, или кодамокс-как пророкнэнь эйстэ. 15Сон мери тенст: а тынь кикс Монь ловсамизь? 16Симон, [ 44 ]конатадо ліякс Петр мерить, мерьсь каршонзо: Тон Христозат, живой Пазонть Цёразо! 17Сестэ Іисус мерьсь тензэ: талановат тон, Іонань цёразо, Симон: тонеть аволь киське да верь тень содавтызе, а Монь менельсэ Тетям. 18Мон-гак тенть мерян: тон Петраят[1], те кевсть лаҥгс Мон тейса эсь церькувам, сон адонь ортатьненень-гак[2] а изняви. 19Тонеть макссынь менелень инязорокс чинь панжуматьнень, мезенть сюлмсисак мастор лаҥгсо, се сюлмсезь ули менель лаҥгсо-як, мезенть укснисак мастор лаҥгсо, се укснезь ули менель лаҥгсо-як.

20Сестэ Іисус кардыньзе тонавтницянзо, кинень-гак иляст ёвтлек, што сон Іисус Христос. 21Теде мейле кармась Іисус эсь тонавтницянстэнь ёвтлеме, кода Сонензэ молемс эряви Іерусалимс, да тосо атятьнень, да архіерейтьнень, да книжникнень пельде ламо Тензэ апаро кирьдемс сави, маштозь улема Тензэ да колмоце чистэ мекев вельмима. 22Петр терьдизе Сонзэ ве ёнов, да кармась каршонзо кортамо: Паз аштезэ, истя илязо ульть марот. 23Сон, Петр ёнов велявтозь, мерьсь тензэ: ва Монь вакстон, сатана, тон Монь эснэнь маньчат; тон арсят аволь сень кувалма, мезесь Пазонь, а мезесь ломанень.

24Сестэ Іисус мерьсь эсь тонавтницянстэнь: кинь мельзэ ули Монь мельга молемс, се эсь прянзо стувтоссо, саессэ эсь крёстозо[3], да Монь [ 45 ]мельга молезэ. 25Кинь мельзэ эсь оймензэ ванстомс, се сонзэ ёмавтсазо, а ки ёмавтсазо оймезэ Монь кис, се муйсазо сонзэ. 26Кодамо лезэсь ули ломаньстень, сайсазодеряй сон весе светэсть эстензэ, а оймезэ коласазо? Или кодамо питьне максови ломань эсь оймензэ идимань кис? 27Сы Ломанень Цёрась эсь тетянзо славасо, да эсь ангелэнзэ марто, сестэ эрьва конанень максы тевензэ коряс. 28Видестэ мерян теҥк: улить конат-конат тесэ аштицятьнень ютксо, конат а кулыть Ломанень Цёранть эсь инязорокс чисэнзэ самонть неймезэст.

  1. ↑ кеват: Петр-валсь эрьзякс — кев.
  2. ↑ амазытьнень війстень.
  3. ↑ эрямо-чинь апаронзо.
 

Глава 17.

1Кото чинь ютазь, саинзе Іисус Петрань, Іаковонь да сонзэ братонзо Іоаннань да кусьтинзе сынст ськамост сэрей пандо лаҥгс. 2Тосо Сон сынст икеле ліякс теевсь: чамазо валдомсь чи лацо, одижанзо теевсть валдонь кондят ашот. 3Вана, неизь Моисеень да Иліянь, Іисус марто кортамсто. 4Сестэ Петр мерьсь Іисуснэнь: Тонавтыця! паро тесэ тенек аштемс: улиньдеряй мелеть, тейдянок колмо шалагат:[1] вейкень тонеть, вейкень Моисейнень, вейкень Иліянень. 5Сонзэ нень кортамстонть, валдо пель копачинзе сынст, да пельсть потсто кортыця вайгель (марявсь): Те Монь вечкима Цёрам, Сонзэ эснэ Монь паро мелем. Сонзэ эснэ кулцонодо. 6Тень марязь, тонавтницятьне прасть чамаст лаҥгс, да пек тандадьсть. 7Іисус, ваксозост молезь, токадинзе сынст да мерьсь: стядо [ 46 ]да илядо пельть. 8Сынь, сельмест кепедезь, Іисусто башка кинь-гак эзьть нейть. 9Пандонть лаҥгсто валгомсто Іисус кардынзе сынст, мерезь: мезть неиде, Ломанень Цёранть кулмосто вельмимазонзо кинень-гак илядо ёвтнек.

10Тонавтницянзо кевстизь Сонзэ, мерезь: кода книжникне кортыть, што васня Иліянень самс эряви? 11Іисус мерьсь каршост: истя, васня Иліянень самс эряви, да весемень анокстамс. 12Анся мерян теҥк: Иліясь уж сась, да эризь содак сонзэ, тейсть маронзо, кода мелестэль. Истяжо Ломанень Цёрась-как сынст пельде пиштевтима неи. 13Сестэ тонавтницянзо чарькодьсть, што Сон Іоанн Крестительде кортась тенст.

14Кода сынь састь народсть вакс, мольсь ваксозонзо ве ломань, да Тензэ сюкунякшнозь 15мерьсь: Тонавтыця! ванык[2] монь цёрам: сон од ков шкане азаргали да пек пиштевти: сеедстэ кайси прянзо толс да ведьс. 16Мон тукшныя сонзэ Тонть тонавтницятьненень, да эзь віемтевть тенст. 17Іисус каршонзо мерьсь: Эх, акемиця да ускурявиця род! Знярс Мон тыҥк маро улян? Знярс карман кирьдеме эстэдеҥк? Туиҥк сонзэ Монень тезэ. 18Іисус амазынть кардызе, да сон лись (эйкакшонть) потсто. Эйкакшось секе частонть пичкась. 19Сестэ тонавтницятьне мольсть Іисус вакс ськамонзо таркасо да мерьсть: мейсь миненек сон эзь паневть? 20Іисус мерьсь тенст: тыҥк акемимаҥк кувалт; видестэ мерян теҥк: улиньдеряй тыҥк вераҥк горчицянь видьстешка, да [ 47 ]мерьдядодеряй те пандостень: айг тестэ тов, — сон айги; сестэ теҥк а теевмашка мезе-яка ули. 21А те (амазынь) родсь паневи ансяк ознумасо да постонь кирьдимасо. 22Сынст Галилеясо эрямсто Іисус мерьсь тенст: Ломанень Цёрась максозь ули ломанень кедьс, 23машцызь Сонзэ да колмоце чистэ Сон мекев вельми. (Тень кувалма) сынь пек мелявтомо кармасть.

24Кода састь сынь Капернаумс, Петр вакс мольсь дидрахмань[3] пурныця да мерьсь: амаксы-ли тынк Тонавтыцяҥк дидрахма? 25Сон мерьсь: да, (максы). Кода (Петр) совась кудостень, Іисус сонзэ ёвтамодо икеле мерьсь: кода тенть маряви, Симон? Мастор лаҥгонь инязоротьне кинь пельде каявкст да пошлинат саить: эсь цёраст пельде, или лія ломанень пельде? 26Петр мерьсь: лія ломанень пельде. Іисус мерьсь тензэ: эсь цёраст а пантлить эно? 27Ансяк сынст минек лаҥгс ванозь аманявмонь кис, азё моря чирес, да каяк ульма[4], васеньце поҥгозь калсть саик, да кургонзо панжозь, муят статир[5], саик сонзэ, да максык тенст Монь кис да эсить кис.

  1. ↑ палаткат.
  2. ↑ жалик.
  3. ↑ ярмак — 43 коп.
  4. ↑ удочка.
  5. ↑ кавто драхмат = 86 коп.
 

Глава 18.

1Се шкане тонавтницятьне мольсть Іисус вакс да кевстизь: менелень инязорокс чисэнть ки покшось? 2Іисус тердсь эйкакш, аравтызе кунчказост, 3да мерьсь: видестэ мерян теҥк: а ліякстомдадодеряй да а ульдядодеряй вишка эйкакшонь [ 48 ]кондят, менелень инязорокс чистень а соватадо. 4Ки эсь прянзо те эйкакшонть кондямокс вишкинекс путсазо, се менелень инязорокс чисэнть покш ули. 5Ки прими Монь лемс истямо эйкакш, се Монь прими, 6а ки неть Монень кемицятьнень, вишкинетьнень ютксто, вейкешка пежетс совавты, сенень седе паро улевель, поводевельть-как кирьгазонзо ведьгев кев, да ваязтовлезь-гак морянь сэрей таркас. 7Апаро масторостень маньчиматьнеде, а сыненст улемс эряви, апаро ансяк се ломаньстень, конань кувалт маньчимась сы. 8Маниньдеряй эснэть кедеть или пильгеть, керик сонзэ да ёртык вакстот: седе паро ули теньть, совиньдерят ве пильгевтеме или ве кедьтеме пиҥгень пиҥкс эрямостень, а аволь кавто кедь марто или кавто пильге марто каязь улят амадиця толстень. 9Маниньдеряй эснэть сельметь, таргик сонзэ да ёртык вакстот: седе паро ули тенть, совиньдерят ве сельме маро пиҥгень пиҥгс эрямостень, а аволь кавто сельме маро каязь улят амадиця толстень.

10Ванодо, вейкеде-як не вишкинетьнень эйстэ илядо безарьть. Мерян теҥк: сынст ангелэст менельсть лаҥгсо яла неезь аштить Монь менелень тетянь чаманзо эснэ. 11Ведь Ломанень Цёрась сась мастор лаҥгс ёмазетьнень вешнеме да ваномо. 12Кода тынь арситядо: улевельть-тяк ве ломанень сядо ревензэ да вейкесь эстэдест ёмаволь-гак, ара сон аволеньзе кад вейксэньгемень вейксэтьнень пандо юткс, да аволь туи ёмазенть вешнеме? 13Муйсазодеряй сонзэ, видестэ мерян теҥк: сонзэ кис вейксэньгмень вейксэ апак ёмак реветьнень эздэ-як пек [ 49 ]карми эргелеме. 14Истя менельсэ Тетяҥк-как арась мельзэ, штобу не вишкинетьнень эйстэ вейкешка ёмаволь. 15Теиньдеряй тонть каршо пежеть братот, мольть тензэ да визьдилгавтник сонзэ эсь ютковаҥк. Кулцонитянзатдеряй, тон муик эсь братот. 16А кулцонутанзатдеряй, сайть мартот оштё вейке эли кавто (ломать), штобу кавто эли колмо неицянь кортамосо эрьва валось видекс лисевельбу. 17Сынст-как акулцоносынзедеряй, церькувас[1] ёвтак. Церькуванть-как акулцонусазодеряй, сестэ сон улезэ тенть язычникень да мытарень кондямо.

18Видестэ мерян теҥк: мезе тынь сюлмситядо мастор лаҥгсо, се сюлмсезь ули менель лаҥгсо-як; мезе укснитядо мастор лаҥгсо, се укснезь ули менель лаҥгсо-як. 19Таго видестэ мерян теҥк: арсиньдеряйть тыҥк ютксто кавто ломать ве мельсэ мастор лаҥгсо эрьва мезень тевде вешеме, мезе сынь а вешить, максозь ули тенст менельсэ Тетянь пельде. 20Косо пурнавозь кавто эли колмо (ломать) Монь лемс — Мон-гак сынст ютксост. 21Сестэ Петр, ваксозонзо молезь, мерьсь Тензэ: Тонавтыця! зняро разт простямс монь каршо пежетень теиця братонть? сисемь разт-ли? 22Іисус мери тензэ: а мерян тенть: сисемь разт, а сисемь сизьгементь раз.

23Тень кувалма менелень инязорокс чись моли инязоро ломань ёнов, кона арсесь эсь важонзо ловмо.[2] 24Кода сон кармась ловмо, ульнесь тензэ [ 50 ]ветязь ве ломань, конань ульнесть тензэ пандомс кемень тыстят талант.[3] 25Кода тензэ пандомс а месне ульнесь, инязорось мерьсь міймеде: сонзэ сонсинзэ, нинзэ-як, эйкакшонзо-як, да весемень, мезезэ ульнесь, да пандомс тензэ. 26Сестэ важось прась да инялдозь тензэ кортась: Инязоро: кирьдть лаҥгсон аламос, весе теньть пандсынь. 27Инязорось, се важонть жалязь, нолдызе сонзэ, да долконзо-як простизе. 28Се важось, лисезь, муизе сонсинзэ ялганзо, конань ульнесть пандомс тензэ сядо динаріят[4] да сонзэ кундазь, кармась эснэнзэ пувамо, мерезь: максык монень, мезе пандумат. 29Ялгазо, пильгезэнзэ празь, инялдсь тензэ, мерезь: кирьдть лаҥгсон, весе тенть пандсынь. 30А сон эзь учок, мольсь да долконть пандомозонзо озавтызе тюрьмас. 31Тень неезь, сонзэ ялганзо пек мельс апаро саинзе, да молезь, сынь ёвтлизь инязоростень весемень, мезе ульнесь. 32Сестэ инязорозо терьдизе сонзэ да мери тензэ: апаро важо! Тонть инялдомат кис мон весе долкот простія. 33Аволь эрявт-ли тонеть-как истя жо жалямс эсь ялгат, кода мон тонть жалитень. 34Да лаҥгозонзо кежіявтозь, долконзо пандомс максызе сонзэ инязорось муцицятненень. 35Истя Монь менельсэ Тетям-гак теи мартоҥк, эрьва ки юткстоҥк а простясыньзедеряй седейсэнзэ эсь братонзо пежетензэ.

  1. ↑ промксос.
  2. ↑ Отчетонь сайме.
  3. ↑ Ве талантсонть 2400 цѣлковойть.
  4. ↑ Динарій — комсь копійкань ярмак.
 
[ 51 ]

Глава 19.

1Кода Іисус не валтнэнь ёвтнезь прядынзе, тусь Галилеясто да сась Іорданонь омбоце пелев, Іудеень масторс. 2Мельганзо мольсть ламо ломать. Сон сынст віемтинзе[1] тосо.

3Састь ваксозонзо фарисейть, да Сонзэ снартлезь, мерьсть Тензэ: маштови-ли ломаннень эрьва кодамо чумонь кис нинзэ марто явмокс? 4Сон мерьсь каршост: ара эзьде ловнок: васня мирьденть да нинть теицясь аволь вейс-ли сынст теинзе? 5Мейле мерьсь: тень кувалма ломаньсь кадсазо тетянзо, аванзо, да педи нинзэ эйс, да теевить сынь кавонест ве киськекс. 6Истя сынь улить уш аволь кавто, а ве киське. Мезе Паз вейс тейсь, сень ломань иляссо явт. 7Сынь мерьсть Тензэ: кода ино Моисей мерьсь явмань сёрмань максмодо да явмо маронзо. 8Сон мерьсь тенст: Моисей мерьсь теҥк ниҥк маро явмодо тыҥк калгодо седееҥк кувалма, а васня аволь истяль. 9А Мон мерян теҥк: ки яви нинзэ марто аволь ускурявмонзо кувалма да урьваксты лія лаҥгс, се ускуряви; явозь ни лаҥгс урьвакстыцясь-как ускуряви. 10Тонавтницянзо мерить Тензэ: ломаньнень нинзэ маро истя эрямс эрявиньдеряй, лучи а урьвакстомс-как. 11Сон мерьсь тенст: весеменень те валсь а кирьдеви, ансяк кинень максозь. 12Улить ломать, конат аваст пекстэ шачить ава ломань марто эрямо а маштовицякс, улить истят-как, конатнень ава марто эрямо [ 52 ]амаштовицякс тейсызь ломать, улить истят-как ломать, конат менелень инязорокс чинть кисэ сынсь теизь пряст ава маро эрямо амаштовицякс. Кинь війзэ саты кирьдемс, — кирьдезэ. 13Сестэ ветясть Тензэ эйкакшт, штобу Сон путовлензе лаҥгозост кедензэ да озноволь кисэст. А тонавтницянзо эсть нолда эснэст. 14Іисус мерьсь тенст: нолдыҥк эйкакштнэнь, да илядо кирьдть эснэст Монень сакшномодо: ведь истятнень менелень инязорокс чись. 15Мейле путыньзе эйкакшнэнь лаҥгс кедензэ да тусь тосто.

16Вана ве ломань, ваксозонзо молезь, мерьсь Тензэ: Паро Тонавтыця! кодамо паро тень теемс, штобу пиҥгевтеме эрямостень совамс? 17Сон мерьсь тензэ: Мейсь Монень мерят паро? Ве Паздо башка кі-як паро арась. Мелеть улиньдеряй пиҥгевтеме эрямос совамс, тейть заповетьнень кувалт. 18Сон мери Тензэ: кодат? Іисус мерьсь: (ломань) иля машт, иля ускурявт, иля салак, ломань лаҥгс кеҥгелезь иля невть. 19Тетять, авать мель ванок, малавиксэть эснэ вечк, кода эсь прят вечкат. 20Од ломансь мери Тензэ: весемень нень мон од пиҥгстэнь кирьдян, мезе оштё тень а саты? 21Іисус мерьсь тензэ: мелеть улиньдеряй весемень прядмокс: азё міик весе ули-парот, да явшик нищёйнень: сестэ ули-парот карми ульме менель лаҥгсо, а тонсь Монь мельга мольть. 22(Те) валсть марязь, од ломансь нусмакадозь тусь ве ёнов: сонзэ ламоль ули-парозо. 23Іисус мерьсь тонавтницянстэнь: видестэ мерян теҥк: кодамо стака сюпав ломаннень менелень инязорокс чистень совамс! 24Таго мерян теҥк: сюпавнэнь Пазонь инязорокс чистень совамодонть [ 53 ]шождыне верблюднэнь салмукс варянь пачк лисемс. 25Тень марязь тонавтницянзо пек дивасть да мерьсть: кинь ино прязо ванови? 26Лаҥгозост вачтазь, Іисус мерьсь тенст: ломаннень те а теевмешка, а Пазнэнь весе теевмешкат. 27Сестэ Петр мерьсь каршозонзо: вана минь кадынек весе, да Тонть мельга туинек: мезе тенек ули? 28Іисус мерьсь тенст: видестэ мерян теҥк: кода Ломанень Цёрась озы эсь славанзо престол лаҥгс, сесте тынь-гак, Монь мельга молицятьне, озатадо кемгавтово престол лаҥга Израилень кемгавтово колинатьнень судямо. 29Эрьва ки, кона кадсазо Монь кис кудонзо, или братонзо, или сазоронзо, или тетянзо, или аванзо, или нинзэ, или эйкакшонзо, или моданзо, севате сядонь кирда саи, да пиҥгевтеме эрямос сови. 30Ламо васеньцетьне теевить меельксэкс, а меельцетьне — васеньцекс.

  1. ↑ Шумбралгавтынзе.
 

Глава 20.

1Менелень инязорокс чись моли куд-азоро ёнов, кона валське рана лись эсь виноградникезэнзэ важонь сиведьме. 2Важотьне маро динаріядо чизэнзэ ладязь, кучинзе эсь виноградникезэнзэ. 3Колмо часонь шкане лисезь, сон нейсь ліят ульцясо стяко аштицят, 4да мерьсь сетьненень-гак: азёдо тынь-гак монь виноградникезэнь, зняро теҥк савмо карми — максан теҥк. Сынь мольсть. 5Таго лисезь, котоце, да вейксэце часонь шкане истя жо тейсь. 6Меельсь пелев, кевійкес часонь шкане лисезь, сон муйсь ліят стяко аштицят, да мери тенст: мейс тынь чинь-чоп стяко аштитядо тесэ? 7Сынь мерьсть тензэ: минек кі-як [ 54 ]эзимизь сиведть. Сон мери тенст: азёдо тынь-гак монь виноградникезэнь, мезе теҥк савмо карма, сень сайсыҥк. 8Чокшнень сазь, виноградникень азорось мери кудонь ваныцянстэнь: тердить важотьнень, да меельць пелев сазетьнень эйстэ саезь васеньцетненень пачкодемс, макст тенст питьне. 9Састь кевійкее часто сиведезетьне, да сайсть вейте-вейте динарія. 10Васень сазетьне арсесть, што сынь седе ламо саить; аньсяк сынь-гак сайсть вейте-вейте динарія. 11(Питьненть) саезь, сынь кармасть азорость лаҥгс пеняцямо, 12кортазь: не меельцетьне ве час ансяк важодьсть, а минь чинь псиньть да стаканьть кирьдинек, а тон сынст минек маро вейкетстэ теить. 13Сон сынст каршо мерьсь вейкенень: ялгай! Мон а обижан эснэть: аволь динаріядо-ли тон ладить монь маро? 14Саик тоньситьсенть да азё. Монь мелем те меельцестень-гак максомс зняро жо, зняро тонеть. 15Ара моньсинь тевсэ а теиван кода мелем? Или тонть сельметь сіяды монь парокс ульманть лаҥгс? 16Истя, меельцетьне улить васеньцекс, а васеньцетьне меельксэкс. Ламо тердезетнеде, да аламо кочксезетнеде.

17Іерусалимев кузьместэ, Іисус ки лаҥгсо терьдинзе ве ёнов кемгавтово тонавтницянзо ськамост, да мерьсь тенст: 18Вана минь кузьдянок Іерусалимс, да Ломанень Цёрась максозь ули архіерейтьненень да книжникненень, да Сонзэ куломо судясызь. 19Макссызь Сонзэ язычникненень пеелемс, чавомс да крёст лаҥгс эсксэ вачкодемс. Колмоце чистэ Сон мекев вельми. 20Сестэ мольсь ваксозонзо Зеведеень цёратьнень аваст кавто цёранзо маро да [ 55 ]сюкунякшнозь инялдсь Тензэ таго мезень кис. 21Іисус мерьсь тензэ: мезе тенть эряви? Сон мерьсь Тензэ: мерьть, не монь кавто цёратьне озавольтьбу инязорокс чисэть вейке Тонть видьть кедь пелеть, омбоце керш кедь пелеть. 22Іисус мерьсь каршонзо: тынсь-как аздатадо, мезе вештядо. Симеви-ли тынеҥк се кечесь, кона эряви Монень симемс, да кирьдеви-ли теҥк се пиштевтимась, кона Монень сави кирьдемс? Сынь мерьсть Тензэ: Кирьдсынек. 23Сон мери тенст: Монь кеченть тынь симсыҥк, Монь пиштевтиманть-как пиштевцыҥк, аньсяк, видьть кедь пелев или керш кедь пелев озамонь максомась аволь Монь олясо, а кинень сон анокстазь Монь менельсэ Тетянь пельде. 24Тень марязь, ліят кемень тонавтницятьне кежіявсть кавто братнэнь лаҥгс. 25Іисус, сынст тердезь, мерьсь: тынь содасыҥк, — народонь инязоротьне покшокс тейнить сынст лаҥгсост, прявтнэ-як кирьдить эснэст. 26Тыҥк ютксо истя илязо ульть; а кинь мельзэ ули тыҥк ютксо покшокс улемс, се улезэ теҥк важокс: 27кинь мельзэ ули тыҥк ютксо васеньцекс улемс, се улезэ теҥк важокс. 28Ломанень Цёрась сась аволь Сонензэ служамонть кис, а Соньс сась служамо да ліятьнень идимань кис оймензэ максомо.

29Сонзэ Іерихонсто лисемстэ, мельганзо мольсть ламо ломать. 30Вана кавто ки чиресэ озадо ашицят сокорт Іисусонь вакскаст ютамодо марязь, кармасть пижнеме: Давидэнь Цёра, Тонавтыця, жалимизь минек!ломать. 31Народсь кардась эснэст, лоткавольть-бу сееремеде, а сынь седе-як пек кармасть [ 56 ]пижнеме, мерезь: Давидэнь Цёра, Тонавтыця, жалимизь минек. 32Іисус, лотказь, терьдинзе сынст да мерьсь: мезе теҥк Монь пельде эряви? 33Сынь мерить Тензэ: Господи, панжовольть бу минек сельменек. 34Іисус, сынст жалязь, токадевсь сынст сельмезэст да сеск кармасть нейме сынст сельмест да тусть Сонзэ мельга.

 

Глава 21.

1Когда сынь пачкодьсть Іерусалим малав да састь Елеонской пандо чиресэ Виѳсфагія лемсэ велес, Іисус кучиньзе кавто тонавтницянзо 2да мерьсть тенст: азёдо велестень, кона видьстэ тыҥк икеле, тосо тынь сеск муйдядо содозь осёл да од вашине маронзо; укстезь туиҥк (сынст) Монень. 3Кі-як мезе-як мериньдеряй теҥк, мереде: сынь Тонавтыцястень эрявить, — сон сеск сынст нолдасыньзе. 4Весе те истя ульсь пророконь трокс ёвтазеньть топодьмань кис, кона кортась: 5ёвтадо Сіононь тейтерьстень, вана сы тенть Тонть Инязорот: сэтьме, кильтлима осёлонь вашо лаҥгсо ласте озазь. 6Тонавтницятьне, молезь, тейсть, кода тенст мерьсь Іисус. 7Ветясть осёл да осёлонь вашо, вельтизь лангост эсь одижасост. Сон озась сынст лангозост. 8Ламо ломать ацлесьть эсь одижасост ки лаҥга, а конат, конат чувтосто керцесть тарадт да ацлесть кинть лаҥга. 9Икелензэ да мельганзо молицят ломатьне, сеерезь кортасть: Осанна Давидэнь Цёранцтэнь, Пазонь лемс сыцясь баславазь, верецестень осанна. 10Кода Сон совась Іерусалимстень, [ 57 ]весе ошось кепететьсь да кортасьть: те ки? 11Ломатьне кортасьть: те Іисус, Галилеень Назаретстэ пророк. 12Совась Іисус Пазонь церкувастень да паниньзе весе церкувасонть микшницятьнень да рамсицятьнень; ярмаконь полавтницятьнень-гак столест, да гулькань микшницятьнень-гак скамикаст сявортлинзе. 13Сон кортась тенст: сёрмадозь: Монь кудоньть лемзэ ознума кудо, а тынь теиҥк сонзэ разбойникень аштима таркакс. 14Мольсть ваксозонзо сокорт, да хромойть, Сон сынст віемтиньзе. 15Первосвященникне да книжникне, кода неизь Сонзэ теевть чудатьнень да эйкакшнэнь-гак, конат церкувасонть сеересть: Осанна Давидэнь Цёранцтэнь, пек кежіявсть 16да мерьсть Тензэ: марясыть мезть сынь кортыть? Іисус мерьсь тенст: да! ара тынь знярдо-як эзьде ловно: вишка да потиця эйкакшонь курксто Тон теить эсьтеть шнамо? 17Теде мейле, сынст кадозь, лись ошостоньть да тусь Виѳаніяс, да тосо печтизе венть.

18Валське, ошостень мурдамсто, вачсь Сонзэ пекезэ. 19Ки чиресэ ве смоковницянь неезь, мольсь ваксозонзо, да, лопадо башка мезе-як эйстэнзэ апак муить, мери тензэ: икеле пелев-гак знярдо-як иляст ульть тонть эйсэ умарьть. Смоковницясь сеске коськсь. 20Тень неезь, тонавницятьне дивасть да кортасть: кода истя сеск коськсь смоковницясь? 21Іисус каршост мерьсь: видестэ мерян теҥк: карминдеряй ульме вѣраҥк, да а карматадодеряй кавтолдомо, аволь ансяк смоковницясть марто теезь тевтьнень кондят карматадо тейме, а мерьдядодеряй те пандостень: кепетть да морястень ёртовт, — [ 58 ]ули истя 22да весе, мезе озномсто кемезь а вештядо, максозь ули теҥк.

23Кода Сон сась церькувасьтень да тонавтсь, мольсть ваксозонзо первосвященникне да народонь атятьне да мерьсть: кодамо покш чисэ Тон тень теят? да ки максызе тенть те покш чинть? 24Іисус мерьсь каршост: Мон-гак кевстян кедьстэҥк ве вал: ёвтатадодеряй Монень, Мон-гак ёвтаса теҥк, — кодамо покш чисэ Мон нень теян. 25Іоаннань лемдимась косто ульнесь: менельстэ, или ломанень пельде? Сынь арсесть эсь пачкаст: мердянокдеряй менельстэ, Сон мери тенек: Мейс ино эзьде кемть тензэ. 26Мерьдянокдеряй ломанень пельде, пельдянок ломатнеде: ведь Іоаннань весе прорококс ловныть. 27Сынь Іисусонь каршо мерьсть: а содатанок. Сон-гак мерьсь тенст: Мон-гак теҥк а ёвтаса, кодамо покш чисэ нень теян.

28Кода теҥк маряви? ве ломанень ульнесть кавто цёранзо. Сон васенценть вакс молезь, мерьсь: цёрам, азё шечо роботак монь виноградниксэнь. 29А сон каршозонзо мерьсь: а молян, а мейле, яҥксевезь, мольсь. 30Омбоцень вакс-как молезь, истяжо мерьсь: се каршонзо мерьсь: молян, тетяй, да эзь мольть. 31Кона кавтост ютксто тетяст мелензэ коряс тейсь? Сынь мерьсть тензэ: васенцесь. Іисус мерьсь тенст: видестэ мерян теҥк: мытарьтьне, да ускурявицят тейтерь-аватьне тындеҥк икеле молить Пазонь инязорокс чистень. 32Ведь сась теҥк Іоанн виде чинь кіява, тынь эзьде кемть тензэ; а мытарьтне да ускурявицят [ 59 ]тейтерь-аватне кемсть тензэ: тынь тень неймеде мейле-як, эзьде яҥксек да эзиде кемть:

33Кулцоныҥк лія притчанть: ульнесь ве азоро; кона озавтсь виноградник, пиризе сонзэ, эзэзэнзэ чувсь виноградонь чемеряма латко, тейсь ванцтума тарка да максызе сонзэ виноград мельга якицянень, а сонсь тусь. 34Кода сась умарень шкась, сон кучинзе эсь важонзо виноградонь ваныцятьнень кедьстэ эсь умарензэ сайме. 35Виноградонь ваныцятьне, сонзэ важотьнень кундазь, конань чавизь, конань маштызь, а конань кевсэ чавизь. 36Сон таго кучсь ліят важот, васеньцетьнеде-як ламо. Сынст маро-як тейсть истяжо. 37Меельсь пелев сон кучизе сонсинзэ цёранзо, мерезь: виздилгадыть монь цёрадон. 38Виноградонь ваныцятьне, цёранть неезь, мерьсть вейкест-вейкест туртов: те наследникезэ: адядо маштсынек сонзэ, да сонензэ кадовикс паронть эстенек сайсынек. 39Сонзэ кундазь виноградниксть ушов ливтизь, да маштызь. 40Виноградникень азорось, сазь, мезе теи сеть виноградонь ваныцятьне маро? 41Сынь мерьсть Тензэ: не злодейтьнень сон апаро куломасо куловтсынзе, а виноградниксть макссазо лія ваныцянень, конат шкастонзо кармить тензэ максмо умарть. 42Мерьсь тенст Іисус: ара тынь знярдо-як эзьде ловно писаніясо: кевсь, конань каизь строицятьне, уголонь прякс теевсь. Те Пазонь пельде истя ульсь, минек сельме икеле сон дивакс неяви.

43Секс мерян теҥк: нельгезь ули эйстэҥк Пазонь инязорокс чись, да максозь ули се народстень, кона карми сонзэ умарензэ максомо. 44 [ 60 ]Прыцясь те кевсть лаҥкс — порксави, а ки лаҥгс сонсь пры, сень лепштясазо. 45Сонзэ притчатьнень марязь, первосвященникне да фарисетьне чаркодсьть, што сынст кувалма корты, 46да бажасть Сонзэ кундамо, аньсяк ломатьнеде пельсть. Ведь весе Сонзэ прорококс ловилизь.

 

Глава 22.

1Іисус, притчань ёвтнезь, таго тенст мерьсь: 2Менелень инязорокс чись моли инязоро ёнов, кона эсь цёранзо кис тейсь свадьбань симмат-ярсамот, 3да кучинзе важонзо свадьбас терьдезетнень терьдеме, а сетнень мольмекс мелест арасель. 4Таго кучсь ліят важот, мерезь: ёвтадо тердезетьненень: вана мон анокстынь ярцамот: вазон да ліятьне-як, мезть андозь ульнесть, печкезь, весе анок, садо свадьбань симме-ярсамос. 5А сынь сонзэ терьдиманзо лаҥгс эзть вано: кона тусь паксязонзо, кона эсь торгувамозонзо. 6А ліятне, сонзэ важотнень кундазь, покордызь сынст да маштызь. 7Теде марязь, инязорось кежіявсь, да эсь солдатонзо кучозь, маштниньзе чавицятьнень, да ошост-как пултызе. 8Сестэ сон мери важотьненень: свадьбань симметьне-ярцамотьне анок, а терьдезетьне теде эзть аштек, 9азёдо ки рашкос, да, кинь муйдядо, терьдинк свадьбас. 10Ки рашкос лисезь, сеть важотьне, кинь мусть, партнэнь да апартнэнь-гак, весе пурнызь, да свадьбась пешкедьсь гостеде. 11Инязорось, гостьнень ванмо совазь, нейсь тосто аволь свадьбань одижас орчазь ломань 12да мерьсь тензэ: [ 61 ]ялгай, тон кода совить тезэ аволь свадьбань одижасо? Сон чатьменьсь. 13Сестэ инязорось мерьсь важотьненень: кедензэ, пильгензэ сюлмсезь, саиҥк сонзэ да каиҥк ушонь чопуда таркас. Тосо ули аварьдима да пеень чикордыма. 14Ламо тердезетьнеде да аламо кочксезетьнеде.

15Сестэ фарисейтьне тусьть, да вейсэ арсесьть, кодабу Сонзэ вал лангсо кундамс. 16Сынь кучизь Сонензэ эсь тонавтницяст Иродонь ломатьнень марто истя мерьме: Тонавтыця, минь содасынек Тонть виде-чить, Тон видестэ Пазонь кистень тонавтат, кинень-гак мельс туймеде а арсят, да кодамо-як ломань лаҥкс а ванат. 17Ёвтан тенек: кода Тенть неяви, — эряви кесарнень каявкс пандомс? или а эряви? 18Іисус сынст манчимадост содазь, мерьсь тенст: мейс снартлитядо, эйсэнь пряҥк парокс тейницят? 19Невтиҥк тень ярмаксть, конайсэ тынь каявкс пандтадо. Сынь кандсьть Тензэ динарій. 20Сон мерьсь тенст: Кинь тесэ тусось да сёрмадовксось? 21Сынь мерьсть Тензэ: Кесарень. Сестэ мерьсь тенст: максодо кесарензенть — Кесарьнень, а Пазонзенть — Пазостень. 22Тень марязь, сынь дивасть, да, Сонзэ кадозь, тусть.

23Се чистэнть састь Тензэ саддукейть, конат кулозтьнень мекев вельмимас а кемильть да кевстизь Сонзэ, мерезь: 24Тонавтыця! Моисей мерьсь: Ки кулыньдеряй эйкакшонь апак кад, сень нинзэ братсо саессэ да род тензэ нолдазо. 25Ульнесть минек сисем братт. Васеньцесь, урьвакстозь, кулось, да нинзэ эйкакштомо кадызе братонцтэнь. 26Истяжо омбоцесь-как, колмоцесь-как, сисемецестень [ 62 ]пачкодьмес натой. 27Весемеде мейле кулось нись-как. 28Кулозтьнень вельмемеде мейле сисемтнень ютксто конанень сон никс ули? ведь сон весеменень никс ульнесь. 29Іисус каршозост мерьсь: тынь писаніяньть да Пазонь війсть апак сода манчивдядо. 30Кулозтьнень вельмемеде мейле а урьвакснить, мирьденень-гак а тукшныть, сынь менельсэ Пазонь ангелтнэнь лацо эрить. 31А кулозтьнень вельмиманть кувалма ара эзьде ловнок Пазонть кортамодонть? 32Сон мерьсь: Мон Авраамонь Пазось, Исааконь Пазось, а Іаковонь Пазось. Пазось ведь аволь кулозтьнень Паз, а эрицятнень Паз. 33Тень марязь, ломатьне дивасть Сонзэ тонавтумазонзо.

34А фарисейтьне кода марясть Сонзэ саддукейтьнень кортамодо лоткафтумадонть, промсть ве таркас. 35Юткстост вейке законс тонавтыця, снартлезь, кевстизе Сонзэ, мерезь: 36Тонафтыця! Законсо кодамо весемеде покш заповедьсь? 37Іисус мерьсь тензэ: эсь нишке Пазот эснэ вечк весе седейсэть, весе оймесэть, да весе превсэть. 38Те васенцесь да весемеде покш заповедьсь. 39Омбоце тень кондямо: малавиксэть вечкик, кода эсь прят вечкат. 40Не кавто заповедьнень лаҥгсо ащить весе законсь да пророкнэ-як. 41Кода промсть фарисейтьне, Іисус кевстинзе сынст: 42кода тынь арситядо Христоздонть? Кинь Сон Цёра? Сынь мерьсть Тензэ: Давидэнь. 43Сон мерьсь: кода ино Давид, Святой Духонь ёвтамонь кувалт, мери Тензэ — Паз. (Давид) мерьсь: 44Монь Пазом мерьсь Пазостень: озак монь вить пелезэнь се шкас, знярдо мон тонть душманот пильгеть алов путсынь. 45Истя ино, [ 63 ]мериньдеряй Давид Тензэ Паз, кода сон Тензэ цёра ули? 46Каршонзо кі-як ве вал-гак эзь ёфтафт, да те чиденть мейле кі-як уж эзь смеяк Сонзэ кевстлемензэ.

 

Глава 23.

1Сестэ Іисус кармась кортамо ломатненень да эсь тонавтницянстэнь, 2мерезь: Моисеень таркастень озасть книжникне да фарисейтьне. 3Тень кувалма весемень, мезе мерить теҥк кирьдеме — кирьдеде да тееде; аньсяк сынст тевест кувалт илядо тейть: сынь ведь, кортыть, а сынсь а теить. 4Сюлмсить стакат да а кандовмашкат кандст да путлесызь ломатьнень лавтомо лаҥгс, а сынсь сурсост-как аволезь сыргавт сынст. 5Весе тевсэст сынь теить ломанень неймень кис; покшто тейнесызь закононь валонь кирдиматьнень,[1] келейстэ тейнесызь одижа краест[2]. 6Вечксызь истяжо симма-ярсамо таркасо эзем пряс озамонть, синагогасо весемеде икеле озадо аштиманть. 7Ульцясо — марост шумбракшнуманть, да ломатьнень тенст тонавтыця! тонавтыця! мериманть. 8А тынь илядо мерь эсьтедеҥк тонавтыця: Тыҥк вейке аньсяк Тонавтыцяҥк, Христозось, а тынь весе браттадо. 9Тетяй-гак мастор лаҥгсо кинень-гак илядо мерьть: тыҥк вейке аньсяк тетяҥк, кона менель лаҥгсо. 10Илядо [ 64 ]мерь эсьтедеҥк наставник-как: тыҥк вейке аньсяк наставникеҥк, Христозось. 11Юткстоҥк покшось — важокс улезэ теҥк. 12Ведь ки эсь прянзо покшокс теи, се вишкиньгавтозь ули, а ки эсь прянзо вишкинекс кирьди, се покшокс теезь ули.

13Апаро теҥк книжникть да фарисейть, эсь пряҥк парокс тейницят: тынь пекснитядо ломатьнеде менелень инязорокс чинть, тынсь-как а соватадо, да совицятьнень-гак анолдатадо. 14Апаро теҥк книжникть да фарисейть, эсь пряҥк парокс тейницят: тынь довань кудотнень сэвнитядо, да пряҥк невтимань кис куватьс ознокшнутадо. Тень кис тынь стакасто судязь ульдядо. 15Апаро теҥк книжникть да фарисейть, эсь пряҥк парокс тейницят: тынь эсь веразоҥк ве ломанень совавтумань кис якасыҥк морянть да масторонть-как. Совавтовиньдеряй, тейсыҥк сонзэ адонь цёракс, кавсть тыньстедеҥк берянькс. 16Апаро теҥк, сокорт вецицят, тынь кортатадо: ки божиньдеряй церькува лаҥга, — мезе-як а ули, а ки божиньдеряй церькуваньть сырьне лаҥга — се чумо ули. 17Эх превтеметь да сокорт! Мезесь седе покш? сырьнесь, или сырьнень светиця церькувась? 18Истя-жо, ки божиньдеряй жертвенник лаҥга — мезе-як а ули, а ки божиньдеряй жертвенниксть лаҥгсо жертванть ланга — се чумо ули. 19Эх превтеметь да сокорт! Мезесь седе покш: жертвась или жертвань светиця жертвенниксь? 20Ведь ки божи жертвенник лаҥга, се божи сонзэ лаҥга, да се лаҥга-як, мезе лаҥгсонзо. 21Ки божи церькува лаҥга, се божи [ 65 ]сонзэ лаҥга, да эснэнзэ эрицянть лаҥга-як. 22Ки божи менель лаҥга, се божи Пазость престолонзо лаҥга да лаҥгсонзо озадонть лаҥга-як.

23Апаро теҥк книжникть да фарисейть, эсь пряҥк парокс тейницят: тынь кеменце часть макстадо метасто, анизьстэ да тминстэ, а закононь седе эрявикснэнь: виде чинть, милостеньть да кемиманть кадыҥк: нень-гак эряволь теймекс да сетьнень-гак акадмоксольть. 24Сокорт вецицят! сеськентьнень пецицят, а верблютнэнь нильницят! 25Апаро теҥк книжникть да фарисейть, эсь пряҥк парокс тейницят! тынь ваньцькавтлитядо ваканонь да блидянь ушо ёҥкснэнь, а потмост пешксеть саламодо, да аволь виде чиде. 26Сокор фарисей! ваньцькавтык васня ваканонь да блидянь потмонть, штобу ушо ёнксост-как ванькс улезэ. 27Апаро теҥк книжникть да фарисейть, эсь пряҥк парокс тейницят, — тынь мольдядо красязь кандолаз ёнов, конат ушо ёндо мазыть неявить, а потмост пешксеть кулозень ловажадо, да эрьва мень аванькстэ. 28Тынь-гак истя жо ушо ёндо ломаннень неявдадо видекс, а потмова пешксетядо эсь пряҥк парокс тейнимадо, да апаро тевде.

29Апаро теҥк книжникть, да фарисейть, эсь пряҥк парокс тейницят: тынь пророкнэнень тейнитядо калмо лаҥкт, праведникненень мазылгавтнитядо паметникть 30да кортатадо: улевленекак минь тетятнень эрямо шкасто, авольнек уль-бу тенст ялгакс пророкнэнь верест валмосто. 31Истя тынь тынсь эсь пряҥк пророкнэнь маштыцятнень цёракс нефттядо. 32Ино топавтиҥк тетяҥк оҥксонть. [ 66 ] 33Ехиднань[3] шачовт гуйть! кода тынь оргодивдядо амадиця толс судямодоҥк? 34Тень кувалма, Мон кучан теҥк пророкт, ламонь содыцят, да книжникть, а тынь конань эйстэст машцыҥк, конань крёст лаҥгс чавсыҥк, а конатнень эсь синагогасоҥк карматадо чавмо да ошсто ошос панцеме. 35Сазо ино лаҥгозоҥк весе праведнойтнень мастор лаҥгс валозь верест, праведной Авелень верьстэ саезь Варахіянь цёранзо Захаріянь верьс пачкодемс, конань тынь маштыҥк церькува марто жертвенник ютксо. 36Видестэ мерян теҥк: весе неть те родсть лаҥгс сыть. 37Эх Іерусалим, Іерусалим, пророкнэнь машлиця, да тенть кучозетнень кевсэ чавныця! Зняро разт Монь ульнесь мелем пурнамс тонть эйкакшот, кода клукныцька пурнакшносыньзе эсь левксэнзэ сёлнонзо[4] алов, да тыҥк мелеҥк арасель. 38Вана ней кадови тыҥк кудоҥк чавосто. 39Мерян теҥк: Те шкадонть мейле а нейсамизь Монь се шкастень, знярдо серьгеттядо: Пазонь лемс сыцясь баславазь.

  1. ↑ Еврейть тейнить кавто вишкат ящиккеть, тозо путнить конёвнэть, конатьнень эйсэ сёрмадозь Моисеень закононь валт. Не ящиккетьнень озномсто сюлмсесызь вейкень конязост, омбоцень керч кедезэст, седеест коряс. Неть ящикнедо мерить, — хранилищат — закононь валонь кирдимат.
  2. ↑ Одижа краезэст еврейть педявтлить ниле цёкинеть. Неть цёкинетьнень-гак фарисейтьне тейнилизь покшто.
  3. ↑ Ехидна — пек благой ёзнэ, гуй.
  4. ↑ крыланзо, лапанзо.
 

Глава 24.

1Лисезь, Іисус кармась туйме церькуванть ваксто. Ваксозонзо мольсть тонавтницянзо Сонензэ церкувань строеніятьнень невтеме. 2Іисус мерьсь тенст: нейсыҥк-ли нень весемень? Видестэ мерян теҥк: а кадови тезэ кевь лаҥгс кевь, весе калавтозь улить.

[ 67 ] 3Кода Сон аштесь озадо Елеонской пандо лаҥгсо, мольсть ваксозонзо тонавтницянзо ськамост да мерьсть: ёвтык тенек, знярдо те ули да мезень кувалма содави Тонть омбоцеде самот да пиҥгенть маштумазо? 4Іисус мерьсь каршост: ванодо, кіяк авольдезь маняк-бу. 5Ламо сыть Монь лемсэнь да мерить: Мон Христозось, да ламотьнень манясызь. 6Истя-жо марятадо войнадо, да войнадо кортамот. Ванодо, илядо тандалек: ненень весеменень улемс эряви, ансяк те оштё аволь песь. 7Кепети народ — народ лаҥгс; инязорокс-чи — инязорокс-чи лаҥгс; улить вачо іеть, морт, да таркань-таркань масторонь сорнумат. 8Весе неть (улить) майсиматьнень ушодмаст. 9Сестэ макстадызь тыҥк муцямо да машттадызь; Монь лемень кис весе ломатненень ульдядо а вечкимат. 10Сестэ ламотьне манявить, да вейкест-вейкест кармить максомо, вейкест-вейкест а нейме. 11Сыть ламо аволь виде пророкт, да ламотьнень манясызь. 12Пежетнень ламолгадынь кувалт ламотнень вечкемс мелест а карми ульме.

13Весемень цидярдыцясь ванозь ули. 14Весе ломатьненень содавтумань кис те (Пазонь) инязорокс чинь евангеліясь весе масторонть келес ёвтлезь ули. Сестэ сы (пиҥгень) песь. 15Знярдо нейсыҥк, Даніил пророконь ёвтамонть коряс, чамозь ванькс таркасонть аванькснэнь аштемеде (ловныцясь чаркодезэ), 16сестэ конат улить Іудеясо, чіест пандо лаҥгов, 17а ки ули кудо прясо, — илязо валг эсь кудостонзо мезень-гак сайме; 18ки ули паксясо, [ 68 ]илязо велявт мекев эсь одюжанзо сайме. 19Апаро сеть читьнестэ пешксесэтьненень да потесэ потявтыцятнэнень. 20Ознодо, илязо са оргодьмаҥк теле шкане или суббота чине. 21Ведь сестэ ули истямо покш ризкс, кодамо арасель васень пиҥгстэнть саезь, те шкасьтень, да а ули-як. 22Сеть читьне авольть машт-как, ве ломань-гак аволь ванстовт. Кочксезетнень кис ансяк сеть читне маштыть. 23Сестэ ки мериньдеряй теҥк: вана тесэ Христозось, или тосо, — илядо кемть: 24сыть маньчиця христост да маньчиця пророкт, да ломатьнень манямонь кис, а ладс сыньдеряй, кочксезетнень-гак (манямонь кис) невтить покшт чудат, тамашат. 25Вана Мон икелев ёвтынь теҥк. 26Ино, мериньдеряйть теҥк: вана Сон чаво паксясо — илядо листь; вана Сон салава таркасо — илядо кемть.

27Кода ёндолсь лиси чинь стямо ёндо да неяви чинь валгума ёно мик, истя ули Ломанень Цёранть самозо-як. 28Косо каязь ули кулозень киське, сезэ промить орёлт. 29Не ризнэме читьнеде мейле сеск чись чопулгады, ковсь-как а невтьсазо эсь валдонзо, тештне-як прыть менельстэ, менелень війтьне-як чаразевить. 30Сестэ Ломанень Цёрасьть содавксозо неявмо карми менель лаҥгсо: се шкане весе мастор лаҥгсо эрицятне аварьгадыть, да нейсызь менелень пель лаҥгсо покш вій да покш слава марто сыця Ломанень Цёранть. 31Сон кучсыньзе эсь ангелэнзэ трубань покш вайгель марто, да пурнасызь Сонзэ кочксезетьнень вармань ниле ёндо, менелень ве пестэ (саезь) омбоце пес. 32Смоковниця лаҥгс ванозь чаркодеде ёвтамостень: [ 69 ]знярдо сонзэ тарад пензэ чефтемить да кармить лопань нолдамо, содадо — маласо кизэсь. 33Истя тынь-гак, знярдо нень весемень нейсыҥк, содадо, — маласо (шкась), кеҥкш вакснэ.

34Видестэ кортан теҥк: те родсь-как маштомо а кенери, кода весе неть топодить. 35Менельсь да масторось маштыть, а Монь валон апак топодть а кадовить.

36Се чиденть да частонть кі-як а соды, менелень ангелтнэ-як, ансяк Монь Тетям ськамонзо. 37Кода ульнесь Ноень пиҥгстэ, истя ули Ломанень Цёранть самсто-як. 38Кода масторсть ведьсэ саймеде икеле, Ноень ковчегс совамо чистень пачкодьмес, ярцасть, симсть, урьвакслесть да мирьденень тукшность, 39эсть арсекшнэ се шкас, знярдо сась ведьсь да весемень ёмавтынзе. Истя ули Ломанень Цёранть самсто-як. 40Сестэ улиньдеряйть кавто (ломать) паксясо, вейкесь саезь ули, а омбоцесь кадозь, 41кевсэ яжавтыцят кавто аватьнень эйстэ вейкесь саезь ули, омбоцесь кадозь.

42Тень кувалма ванстозь аштеде: а содасыҥк, кона частонть сы Пазоҥк. 43Тень ведь содасыҥк, содаволь-гак кудо азорось, кона шкане сы тензэ салыця, аволь удок-бу, да авольсе нолдак-бу кудо-алксонзо чувмо. 44Тень кувалма, тынь-гак уледе анокт: кона шкане а арситядо, — Ломанень Цёрась сы. 45Кона важось виде да превей, конатань азорозо путызе весе урензэ[1] лаҥгс покшокс, шкастонзо тенст кшень максомо? 46Таланов се важось, [ 70 ]конатань азорозо, мурдазь, муйсазо истя тейместэ. 47Видестэ кортан теҥк: сонзэ весе ули паронзо лаҥгс покшокс путсазо. 48Мериньдеряй, апаро улезь, важось эсь пачканзо азором курок а сы, 49да карми важотнень чавмо, да симиця ломань маро симме, ярцамо. 50Сы се важонть азорозо се чистэнть, конасто а учи, се частонть, конасто а арси, 51да керясазо сонзэ шачк да каясазо аволь видеть ломатьне марто ве таркас. Тосо ули (тензэ) аварьдема да пеень чикордомо.

  1. ↑ работникензэ.
 

Глава 25.

1Сестэ менелень инязорокс чись кемень тейтерь ёнов, мольме карми, конатне саизь эсь светильникест да листь содамонь каршо. 2Сынст ютксто вететьне ульнесть превейть, а вететьне превтеметь. 3Превтеметьне, светильникест саезь, эзть сайть марост ой. 4А превейтьне светильникест маро сайсть кедьгесэст ой-гак. 5Содамосьть куроксто апак савт, сынь весе нувазевсть да матедевсть. 6Пеле ве шкане вальгей марявсь: вана содамось сы, лиседе каршозонзо. 7Сестэ стясть весе сеть тейтертьне да витизь эсь светильникест. 8Превтеметьне превейтьненень мерьсть: максодо миненек эсь ойдеҥк, — минек светильникенек мадить. 9Превейтьне мерьсть каршост: кода-бу минене-как, да тынеҥ-как асатмо аволь уль, азьдо лучи микшницянень да рамадо эстеҥк. 10Кода сынь тусть рамамо, сась содамось; анокнэ совасть маронзо свадьбастень да кеҥкшнэ пекставсть. 11Мейле састь ліят тейтертьне-як да мерить: Господи, Господи! панжт тенек: [ 71 ] 12А Сон мерьсь каршост: видестэ мерян теҥк: асодатадызь тыҥк. 13Ино ванцтозь аштеде, — ведь а содасыҥк а чинть, а часонть, конайстэ сы Ломанень Цёрась.

14Ведь сон истя теи, кода ве ломань лія масторов туйместэнзэ терьдинзе эсь важонзо, да максызе тенст эсь ули парозо. 15Конанень максь вете талант, конанень кавто, конанень вейке, эрь вейкенень віензэ коряс, да сеск тусь. 16Кона сайсь вете талант, молезь, нолдынзе сынст тевс, да ліят вете талант, молезь, нолдынзе сынст тевс, да ліят вете талант лаҥгозост мусь. 17Истя жо кавтонь саицясь-как мусь ліят кавто. 18А кона сайсь вейке, молезь, калмизе сонзэ модас, да кекшизе азоронзо сіязо. 19Ламо шкань ютазь, сась сеть важотьнень азорост, да кармась кедьстэст отчётонь кевстлеме. 20Вете талантонь саицясь, сазь, кандьсь ліят вете талант да мери: азором, тон монень вете талант максыть, вана мон ліят вете талант муинь лаҥгозост. 21Азорозо мерьсь тензэ: моли, паро да виде важом: аламо лаҥгсо виде улить, ламо лаҥгс путтан; эрьгелек азорот марто вейсэ. 22Мольсь истяжо кавто талантонь саицясь-как да мерьсь: азором, тон монень кавто талант максыть, вана мон ліят кавто талант муинь лаҥгозост. 23Азорось мерьсь тензэ: моли, паро да виде важом: аламо лаҥгсо виде улить, ламо лаҥгс путтан; эрьгелек азорот маро вейсэ. 24Мольсь ве талантонь саицясь-как да мерьсь: азором, мон содылія тонть калгодо чить: тон нуят, — козо эзить видть, пурнат, — козо эзить певерть, 25тень кувалма мон пелезевинь да, туезь, кекшія модас тонть талантот. Вана, саик [ 72 ]тонситьсенть. 26Азорозо мерьсь каршозонзо: эх апаро да нузякс важо, тон содыть, — мон нуян — козо эзинь видть, пурнан — козо эзинь певерть; 27тень кувалма эряволь бу тенть максомс монь сіям торговицятьненень. Сазь, мон саевлія бу монсиньзенть лездавкс маро. 28Саиҥк кедьстэнзэ талансть да максыҥк сенень, конань кемень талантонзо. 29Ведь кинь ули, сенень максозь ули да ламолгавтозь; а кинь арась, сень кедьстэ мезезэ, арсимань коряс, ули, се-як нельгезь ули. 30А те а маштовиця важонть каиҥк ушонь чопуда таркас. Тосо ули аварьдима да пеень чикордома. Нень ёвтазь, серьгедсь: кинь улить марямс пилензэ — марязо.

31Знярдо сы Ломанень Цёрась эсь славасонзо да весе святойть ангелтнэ-як маронзо, сестэ озы Сон эсь славанзо престол лаҥгс. 32Сонзэ икелев пурнавить весе ломатьне. Сон явсынзе сынст вейкест-вейкест эйстэ, кода пастух явны реветь сеятьнень[1] эздэ. 33Да аравсыньзе реветьненьвить кедь пелензэ, а сеятьнень керч пелензэ. 34Сестэ мери инязорось вить кедь пелетьнень: садо Тетянь баславазетне да совадо масторонть тейме шкастонть теҥк анокстазь инязорокс чистень: 35Мон вачо ульнинь, тынь максыде тень ярцамс; Мон симем сакшнось, тынь Монь симдимизь; ят масторга якинь, тынь Монь совавтлимизь; 36штапо ульнинь, тынь Монь оршимизь; сэрединь, тынь Монь вачлимизь; тюрьмасо ульнинь, тынь Монень сакшныде. 37Сестэ праведнойтьне мерить каршонзо: Господи, знярдо [ 73 ]Тонть неидизь вачосто, да андыдизь? или симень самсто, да симдидизь? 38Знярдо Тонть неидизь ят масторга якамсто, да совавтыдизь, или штапосто, да оршидизь? 39Знярдо Тонть неидизь сэредьместэ или тюрьмасто, да сакшнынек тенть? 40Инязорось мери каршост: видестэ мерян теҥк: мезе тынь теиде вейкенень Монь не вишка братнэнь эйстэ, сень Монень теиҥк. 41Сестэ мери керч пельцетненень-гак: туеде Мон вакстон, сюдовтнэ, амадиця толстень, кона анокстазь діаволстень да сонзэ ангелтнэнень. 42Мон вачо ульнинь, тынь Монень ярцамс эзьде макст; симем сакшнось, тынь Монь эзимизь симть; 43ят масторга якинь, Монь эзимизь совавт; штапо ульнинь, Монь эзимизь оршак; сэрединь, да тюрьмасо аштинь, Монь эзимизь вачак. 44Сестэ мерить каршонзо сетьне-як: Господи, знярдо Тонть неидизь пекень вачозь, или симень сазь, или ят масторга якамсто, или штапосто, или сэредьместэ, или тюрьмасо аштемстэ, да мельгат эзинек яка? 45Сестэ мери каршост: видестэ мерян теҥк: тынь вейкенень-гак Монь не вишкинетьнень эйстэ истя эзиде тейть, секе Монень-гак эзиде тейть. 46Туить мейле неть пиҥгень-пиҥгс майсимастень, а праведнойтьне пиҥгень-пиҥгс эрямостень.

  1. ↑ кацягатьнень.
 

Глава 26.

1Кода прядынзе Іисус весе не валтнэнь, мерьсь эсь тонавтлицянстэнь: 2Содатадо, кавто чинь трокс инечи ули да Ломанень Цёрась максозь ули крёст лаҥгс чавмокс. 3Сестэ пурнавсть архіерейтьне, [ 74 ]книжникне да атя ломатьне Каіафа лемсэ архіереень кардайс, 4да арсесть Іисусонь манязь саймензэ да маштомонзо. 5Сынь кортасьть: аньсяк аволь празднек чине: народст аволь кепететь-бу.

6Кода Іисус ульнесь Вифаніясо, прокаженной Симононь кудосо, 7мольсь ваксозонзо ве ава, да кандсь алавастрань кедьгесэ питьнев ой, да Іисусонь ярцамо шкане, валнось ойсэнть Сонзэ прянзо лаҥгс. 8Тень неезь, тонавтлицянзо мельс апаро саинзе, да кортасть: мезекс те ёмавтумась? 9Те оесь маштоволь міемс покш питьнеде, да (ярмакнэ) явшемс нищейнень. 10Теде содазь, Іисус мерьсь тенст: мейсь тынь аванть мелензэ эснэ синтритядо? Сон паро тев тейсь Монень: 11нищейтне яла тыҥк маро, а Мон аволь яла. 12Те оенть Монь киськем лаҥгс валозь, сон Монь калмамс анокстымем. 13Видестэ мерян теҥк: косо ёвтнезь а ули те евангеліясь, весе мастортнэнь лаҥгсо, те (аванть) лемензэ кундамонь кис, ёвтазь ули, мезе сон тейсь. 14Сестэ кемгавтотьнень ютксто вейкесь, конадо мерильть Іуда Искаріот, мольсь архіерейтьненень, 15да мерьсь: зняро мелеҥк монень максомс, — мон Сонзэ максса теҥк? Сынь тензэ путсть колонькемень сребренникть. 16Теде мейле сон кармась вешнеме паро шка, кода бу Сонзэ максомс. 17Ламбамо кшень (праздниксть) васенце чистэньть мольсть Іисусонь вакс тонавтницянзо да мерьсть Тензэ: козо мерят, — минь анокстатанок Тенть ярцамс Пасха? 18Сон мерьсь: моледе сенень, ошос, да мереде тензэ: Тонавтыцясь корты: шкам Монь малав сась, тонть кедьсэ тонавтницян маро теян Пасха. 19 [ 75 ]Тонавтницятне тейсть, кода тенст мерьсь Іисус, да анокстасть Пасха. 20Чокшнэнь сазь, Сон озась столь экшес кемгавтово тонавтницянзо маро. 21Ярцамстост мерьсь тенст: видестэ мерян теҥк: вейкесь тыҥк ютксто Монь макссамам. 22Тонавтницянзо покш ризксэс празь, кармасть вейкест-вейкест мельга кортамо: аволь мон-ли, Господи? 23Сон мерьсь каршост: кона кедезэ Монь маро вейсэ ваканс павизе, се Монь макссамам. 24Хоть Ломанень Цёрась моли, кода эстэдензэ сёрмадозь, апаро ансяк се ломаньстень, конань пельде Ломанень Цёрась максозь ули. Седе паро улевель а шачомс-как се ломаньстень. 25Сонзэ максыця Іудась-как мерьсь каршонзо: аволь мон-ли Тонавтыця? Іисус мерьсь тензэ: тон ёвтыть. 26Сынст ярцамо шкане сайсь Іисус кше, баславизе, синтризе да, тонавтницянзо лаҥга явшемстэ, мерьсь: саиҥк да ярцадо: те Монь киськем. 27Мейле, ваканонь саезь, да Пазостень пасибань ёвтазь, максызе тенст да мерьсь: весе теде симеде: 28те Монь од закононь верем, кона пежетень кадмонь кис, ламонь кис валозь ули. 29Мерян теҥк: те шкадонть мейле а карман симме те виноградонь винадонть се чисть самс, знярдо карман мартоҥк симме од винадо Тетянь инязорокс чисэ. 30Мейле моравтсть да тусть Елеонской пандо лаҥгс. 31Сестэ мерьсь тенст Іисус: тынь весе те вестэнть Монь кувалма манявдадо: ведь сёрмадозь: машца ваныцянть да срадыть стадань реветьне. 32Вельмемедень мейле Мон тыҥк васттадызь Галилеясо. 33Каршонзо Петр мерьсь: хоть весе манявить кувалмат, мон [ 76 ]знярдо-як а маняван. 34Іисус мерьсь тензэ: видестэ мерян тенть: те вестэнть, атякш морамо-як а кенери, (кода) тон колмсть Моньдедень сёпат. 35Мери Тензэ Петр: хоть куломс тень савозо Тонть марто, а сёпан эстэдэть. Истя-жо кортасть весе тонавтницятне-як. 36Сестэ Іисус сась марост Геѳсиманія лемсэ таркас, да мери тонавтницянстэнь: аштеде тесэ, знярс Мон молян да ознан тосо. 37Мартонзо саинзе Петрань да кавонест Зеведеень цёратнень да кармась ризнэме да мелявтомо. 38Сестэ мерьсь тенст Іисус: куломозон оймем ризны: аштеде тесэ Монь марто, илядо удо. 39Сонсь аламодо ве ёнов туезь, прась чаманзо лаҥгс, да ознозь кортась: Тетяй, можна улиндеряй, ютазо те чашась[1] Монь вакска; аньсяк улезэ, аволь кода Монь мелем, кода Тонть. 40Тонавтлицянзо вакс сазь, муинзе сынст удомсто, да мери Петранень: истя-ли тынь Монь марто ве час-как апак удок эзьде аштевть? 41Илядо удо, ознодо, — аволеде маняв-бу: ведь оймесь кеме, а киськесь лавчо. 42Таго, омбоцеде туезь, ознось, мерезь: Тетяй, апак симть те чашась Монь вакска ютавтомс а маштови-деряй, улезэ Тоньсить олясь. 43Сазь, муинзе сынст таго удомсто: сынст сельмест ведь сталгадозь ульнесть. 44Сынст кадозь, таго тусь, да секе валтнэнь ёвтазь, колмоцеде ознось. 45Сестэ сась тонавтлицянзо вакс да мери тенст: тынь ощо яла удутадо да оймситядо; вана малав пачкодьсь часось, и Ломанень Цёрась максозь ули пежетевень кедьс. 46Стядо, туйдянок: [ 77 ]вана малав пачкодьсь Монь максыцясь. 47Сонзэ кортамо шкастонть-как сась вана, Іуда, кемгавтовотнень ютксто вейкесь да маронзо (састь) архіерейтьнень да атятьнень пельде ламо ломать сабля да колія маро. 48Сонзэ максыцясь марост валдо путьсь, мерезь: конань мон паласа, се Сон, саиҥк Сонзэ. 49Да сеск, Іисус вакс молезь, мерьсь: Эрьгедть, Тонавтыця! да палызе Сонзэ. 50Іисус мерьсь тензэ: ялгай, секс-ли тон тезэ сыть? Се шканеньть (ліятьне), Іисус вакс молезь, путызь лаҥгозонзо кедест да саизь Сонзэ. 51Вана Іисус маро улезетьнень ютксто, вейкесь, кедезэ вентезь, таргизе пеельзэ да, архіереень важонть вачкодезь, керизе сонзэ пилезэ. 52Сестэ Іисус мерьсь тензэ: путык пеелеть тарказонзо: весе пеелень саицятьне пеельде ёмить. 53Или тон арсят, Монь Тетям ней а инялдови Тень, да Сон а кучи Тень кемгавтово легеондо[2] ламо ангелт? 54Кода ино топодить Писаніясо истя ульмадонть сёрмадозетьне. 55Се частонть Іисус мерьсь ломатьненень: Монь саймень тынь разбойник лаҥгс прок лисиде сабля да колія маро; эрьва чистэ Мон мартоҥк озадо аштинь церькувасо эснэҥк тонавтозь, а тынь Монь эзимизь сайть. 56Те весе истя ульсь пророкнэнь сёрмадовксость топодьмань кис. Сестэ весе тонавтницянзо, Сонзэ кадозь, оргодсть.

57Салдатнэ, Іисусонь саезь, ветизь Каіафа архіерейнень, козо пурнавсть книжникне да атятьне. 58Петр ве ёно мольсь мельганзо архіереень [ 78 ]кардазостень пачкодьмес, да пенть неймань кис совась (кардаз) потмостень да озась важотьне маро. 59Архіерейтьне, атятьне, да весе промксось-как Іисусонь маштомонзо кис вешнесть лаҥгозонзо кенгелезь ёвтыцят,[3] 60да эсть мукшно. Хоть ламо сакшность кенгелезь ёвтыцят да (чумо) эсть муйть. Меельсь пелев састь кавто кенгелезь ёвтыцят 61да мерьсть: Сон кортась: Монень Пазонь церкувась калавтови, да колмо чис мекев тееви. 62(Теде мейле) Архіерейсь, стязь, мерьсь Тензэ: мейсь мезе-як каршост а мерят, мезть сынь Тонть лаҥгс невтить? 63Іисус чатьменсь. Архіерейсь мерьсь Тензэ: Эри Пазонть лемензэ кундазь, кевсттян: ёвтак тенек: Тон-ли Пазонь Цёра Христозось? 64Іисус мерьсь тензэ: тон (видестэ) мерить; Мон оштё теҥгк мерян: те шкадонть мейле тынь нейсыҥк Ломанень Цёранть (менелень) війтнень вить пеле озадо аштемеде, да менелень пельтне лаҥгсо самодо. 65Сестэ архіерейсь сезьниньзе эсь (лаҥгсонзо) одижанзо да мерьсь: Сон Пазонть эснэ сялды[4], мезекс тенек оштё невтицят ломатьне? вана тынсь ней мариҥк Сонзэ Пазонть сялдумазо. 66Кода теҥк маряви? Сынь мерьсть каршонзо: Сон ашти куловтомс. 67Сестэ сельгенесть чамазонзо, да эшкенесть эснэнзэ пря лаҥга, а ліятне вачколесть щёка лаҥга, 68да кортасть: ёвтык тенек, Христос, ки Тонть эшкиньзеть? 69Петр аштесь ушосо, кардайсэ; мольсь ваксозонзо ве важо-ава, да мерьсь: тон-гак [ 79 ]ульнить Галилейской Іисус марто. 70Сон весемень икеле сёпсь, мерезь: аздан, мезть тон кортат. 71Орта[5] ушов лисьместэ неизе сонзэ ліята, да мерьсь тосо аштицятьненень: те-як ульнесь Назореень Іисус марто. 72Сон таго, божазь, сёпсь, што а содасазо те ломансть. 73Аламо шкань ютазь, мольсть малазонзо тосо аштицятьне да мерьсть Петранень: алкукс тон-гак сынст эйстэ: кортавтот невти эснэть. 74Сестэ кармась сон божамо да сёпомо; мон аздаса те ломансть. Сеск кармась морамо атякш. 75Ледьсь Петрань мельс Іисусонь ёвтазь валсь: атякш морамо-як а кенери, тон колмсть Моньдедень сёпат, да ушов лисезь, кармась раҥгазь аварьдеме.

  1. ↑ Майсиматьне; пищевтиматьне.
  2. ↑ Легеонсонть 10 тыстят.
  3. ↑ Свидѣтельть.
  4. ↑ Пазонть лаҥгсо пееди.
  5. ↑ кеҥкш.
 

Глава 27.

1Валскень сазь, весе архіерейтьне да народонь атятьне, вейс пурнавозь, арсесть Іисус лаҥга, кода Сонзэ маштомс. 2Сюлмсезь ветизь Сонзэ да максызь Понтійской Пилат прявтостень.

3Сестэ Сонзэ максыця Іудась, кода Сонзэ судямонть неизе, яҥксезь кандынзе архіерейтьненень да атятьненень колоньгемень сребренникнень 4да мерьсь: мон, чумовтомо веренть максозь, совинь пежетс. Сынь мерьсть: миненек мезе — тонсь ванок. 5Сребренникнень церкувастень каязь, сон лись, да, молезь, прянзо повизе. 6Архіерейтьне, сребренникнень саезь, мерьсть: а маштови сынст церькувань ярмак юткс путомс, — сынь верень питне. 7Вейсэ арсезь, рамасть сынст лаҥгс шакшонь тейницянь [ 80 ]кедьстэ ят ломанень калмсемс мода. 8Тень кувалма се модастень те чис мерить: верень мода. 9Сестэ топодьсь Іеремія пророконь трокс ёвтазесь, кона кортась: сайсть колоньгемень сребренник, путозь питьне, конань путызь Израилень Цёратне 10да максызь сынст шакшонь тейницянь модань кис, кода мерьсь монень Пазось. 11Іисус арась прявтонть икелев; прявтось кевстизе Сонзэ, мерезь: Тон-ли Іудейтьнень Инязорост? Іисус мерьсь тензэ: тон (видестэ) кортат. 12Кода Эснэнзэ чумондсть архіерейтьне да атятне, Сон мезсть-как каршост эзь корта. 13Сестэ мерьсь Тензэ Пилат: а марят ара, зняро лаҥгозот невтить? 14Іисус ве валонзо лаҥгс-как эзь отвечак, прявтось пек дивась натой. 15Прявтонть ульнесь коезэ: эрьва инечинень пекстазетьнень ютксто вейкень оляс нолдылизе, конань народсьть мельзэль. 16Се шкане ульнесь кшнис путозь Варавва лемсэ (ломань), конань весе содылизь. 17Кода сынь весе пурнавсть, Пилат мерьсь тенст: кинь мелеҥк, мон нолдаса теҥк? Вараввань или Іисусонь, конадо мерить Христос? 18Сон ведь содась, што Сонзэ максызь тензэ анеймань кувалма. 19Сонзэ судямо таркасо озадо аштемстэ, кучсь тензэ низэ ёвтамо, мерезь: мезе-як иля тей те чумовтомо ломаньстень: мон течи онснэнь ламо майсинь Сонзэ кис. 20Архіерейтьне да атятьне кортызь народсть Вараввань вешемс, а Іисусонь маштомс. 21Сестэ прявтось кевстинзе сынст: кавтост ютксто конань мерьдядо нолдамс теҥк? Сынь мерьсть Вараввань. 22Пилатсь мери тенст: мезе ино теемс тень Іисусостень, конадо мерить Христос? Сынь весе мерьсть [ 81 ]тензэ: эсксэ чавозь улезэ. 23Прявтось мерьсь: мезень берянсть Сон тейсь? А сынь седе-як пек сеересть: эсксэ чавозь улезэ. 24Ваны Пилат, мезе-як а тееви, ансяк седе-як ломатьне трававить, сайсь ведь, да народсть икеле шлинзе кедензэ, мерезь: мон а чумоян те чумовтомо ломансть верьсэнзэ, тынсь ванодо. 25Каршонзо весе народсь мерьсь: Сонзэ верьзэ минек да минек эйкакшонок лаҥгсо (улезэ). 26Сестэ нолдызе тенст Вараввань, а Іисусонь, чавозь, максызе тенст эсксэ чавомс.

27Сестэ прявтонть салдатнэ саизь Іисусонь судямо таркастень да пурнызь ваксозонзо весе салдатнэнь. 28Одижанзо каязь, оршавсть лаҥгозонзо якстере одижат, 29прязонзо путьсть пупиця чувто тарадсто теезь венець, вить кедезэнзэ максть палка, да икелензэ кумажа лаҥгс пульзязь, пеелесть лаҥгсонзо, мерезь: эрьгелек, Іудеень Инязоро. 30Лангозонзо сельгезь сайнизь (кедьстэнзэ) палканть да чавсть Эснэнзэ пря лаҥга. 31Кода лаҥгсонзо пеелезь пешкедьсть, каизь лаҥгстонзо якстере одижанть, да оршавтызь эсь одижанзо, да саизь крёст лаҥгс чавмо. 32Лисьместэ сынь каршо вастасть Симон лемсэ Киринеянь ломань, да кармавтызь сонзэ Іисусонь крёстонть кандомо.

33Голгоѳа лемсэ таркас сазь, конадо ліякс мерить Коня тарка, 34максть Тензэ симемс сэпе маро човорязь уксус; Сон вачизе, да эзь симть эстэдензэ. 35Крёст лаҥгс чавицянзо, жеребейсэ каязь, явшизь Сонзэ одижанзо, 36да озадо аштезь, вансть Эснэнзэ тосо. 37Прянзо вельксэс путсьсть сёрма, [ 82 ]конайсэ сёрмадозель Сонзэ чумозо: те Іисус, Іудеень Инязоро. 38Сестэ крёст лаҥгс чавсть мартонзо кавто разбойникть: вейкень вить пелензэ, омбоцень — керч пелензэ. 39Вакска ютыцятнэ, пряст чаравтозь, пеелесть лаҥгсонзо, 40мерезь: Пазонь церькуванть калавтыця да колмо чис мекев теиця, идик эсь прят. Улиньдерят Пазонь Цёра, валг крёстонть лаҥгсто. 41Истя жо архіерейтне-як, книжникнень да атятьнень маро (пеелезь) кортасть: 42ліятнень идекшнэсь, а Эсь прянзо Тензэ а идеви. Улиньдеряй Израилень инязоро, кадык ней валги крёстонть лаҥгсто, (сестэ) минь кемдянок Тензэ. 43Паз лаҥгс кемсь; улиньдеряй Тензэ мельс туезь, кадык ней идисазо. Сон ведь кортакшнось: Мон Пазонь Цёраян. 44Истя жо маронзо крёст лаҥгс чавозь разбойникне-як пеедсть лаҥгсонзо. 45Котоце частто вейксэце часос весе масторонть лаҥгсо чопуда теевкшнэсь. 46Вейксэшка часонь шкастонть серьгедсь Іисус покш вайгельсэ: Илѝ, Илѝ, лима̀ савахѳанѝ? Кона ули: Пазом, Пазом, мейсь Монь кадымек? 47Конат-конат сесэ аштицятьнень ютксто, тень марязь, кортасть: Сон Иліянь эснэ терьди. 48Вейкесь эстэдест сеск чійсь да сайсь губка, пештизе сонзэ уксуздо, да палкас пезнавтозь, максь Тензэ симмекс. 49А ліятне кортасть: кадык вансынек, сы ли Илія идемензэ. 50А Іисус таго покш вальгейсэ пижакадозь, нолдызе оймензэ. 51Вана церькуванть занавесэсь, верьде саезь алов, кавтов сезевсь, масторсь-как соракадсь, кевтне-як лазновсть, 52калмотне-як панжовсть, да ламо святой ломанень кулозь телатне вельместь. 53Сынь, [ 83 ]калмотнестэ лисезь, Сонзэ вельмимадонзо мейле, совасть святой ошостень, да ламонень пряст невтнесть. 54Сотниксь да конат мартонзо вансть Іисусонь, масторонть сорноманзо да весемень, мезе тосо ульнесь, неезь, пек тандадсть да кортасть: алкукс те Пазонь Цёра ульнесь. 55Тосо ульнесть истяжо ламо васолдо ваныцят ават-как, конат Іисус мельга, Тензэ пособлязь, састь Галилеясто. 56Сынст ютксо ульнесть: Марія Магдалина, да Марія Іаков маро Іосіянь аваст, да Зеведеень цёратнень аваст. 57Кода чизэ чопотьсь, сась Аримаѳеясто Іосиф лемсэ сюпав ломань, кона сонсь-как Іисусонь тонавтниця ульнесь. 58Сон, Пилатнэнь молезь, вейш Іисусонь теласонзо. Сестэ Пилат мерьсь теланть максомодо. 59Теланть саезь, Іосиф тапаризе сонзэ ванькс коцнэ 60да путызе эсь од калмозонзо, конань чувокшнызе кев пандос. Калмостень совамо таркастень сявордась покш кев да тусь. 61Сесэ ульнесть: Марія Магдалина да лія Маріясь-как, конат калмонть каршо аштесть озадо.

62Пецядо мейле омбоце чистэнть промсть архіерейтьне да фарисейтьне Пилатнэнь, 63да мерить тензэ: Прявт, минек мелезэнек ледьсь: те манчицясь, жив пиҥгстэнзэ оштё, мерьсь: колмо чиде мейле Мон вельман. 64Тень кувалма тон кармавт колмо чинь ютамс калмонть ванстомо: ата тонавтницянзо, веть сазь, аволезь салак-бу Сонзэ, да авольть мерь-бу ломатьненень: кулозьде вельмесь, сестэ меельсь манямось васеньцеденть-как берянь ули. 65Пилат мерьсь тенст: тыҥк улить ванстыцяҥк, азьдо ванстодо, кода машттадо. 66Сынь, молезь, [ 84 ]калмонть лаҥгсо кевсть печатызь, да путсть ванстыцят.

 

Глава 28.

1Субутань ютазь, недля ютконь васеньце чистэнть, ашолгадмо шкане, састь калмонть ванмо Марія Магдалина да омбоце Маріясь-как. 2Вана, теевсь масторонть покш сорнума: Пазонь ангелсь, менельстэ валгозь, сась, сявордызе калмонть кеҥкш лаҥгсто кевсть, да, озазь, аштесь лаҥгсонзо. 3Шачозо сонзэ ёндолонь коньдямоль, одижанзо ловонь коньдят ашотольть. 4Сондедензэ тандадозь, ванстыцятне соракадьсть да кулозекс теевсть. 5Ангелсь аватьненень мерьсь: илядо пельть: мон содаса, — тынь крёст лаҥгс чавозь Іисусонть вешнитядо. 6Сон арась тесэ: Сон вельмесь, кода кортась. Садо ваныҥк таркасть, косо Пазось мадезель 7да азьдо седе курок Сонзэ вельмимадонзо ёвтадо тонавтницянстэнь; Сон тыҥк васстадызь Галилеясо, тосо Сонзэ нейсыҥк. Вана мон ёвтынь теҥк. 8Сынь капшазь листь калмостонть, да пелезь да пек эрьгедезь тусть чіезь тонавтницянстэнь ёвтамо. 9Вана сынст тонавтницянстэнь ёвтамо мольместэ, вастыньзе Іисусось да мерьсь: эрьгедеде. Сынь, малазонзо молезь, кундасть пильгезэнзэ да сюкунясть Тензэ. 10Сестэ Іисус мерьсь тенст: илядо пельть; азёдо ёвтадо Монь братнэнень, молест Галилеяс, тосо сынь Монь нейсамизь. 11Сынст мольма шкане конат-конат (калмонть) ванстыцятнень эйстэ, ошосьтень совазь, ёвтлесть архіерейтьненень весемеде, мезе ульнесь. 12Сетьне, атятьне марто [ 85 ]пурнавозь да вейсэ арсезь, максть ванстыцятьненень ламо ярмакт, 13да мерьсть: ёвтадо, што веть минек удомсто, тонавтницянзо, сазь, салызь Сонзэ. 14Мариньдеряй теде прявтось, минь сонзэ кортасынек, да тыҥк мелявксос а нолдатадызь. 15Сынь, ярмакнэнь саезь, тейсть, кода тонавтозельть. Те валсь Іудейтьнень ютксо те шкас срадозь ашти.

16Кевійкее тонавтницятне тусть Галилеяс, пандо лаҥгс, козо тенст мерьсь мольмеде Іисус. 17Сонзэ неезь, сынь сюкунясть Тензэ, а конат-конат арсезевсть. 18Малазост молезь, Іисус мерьсь тенст: Монень максозь эрьва кодамо покш чи менельсть лаҥгсо, да масторсть лаҥгсо-як: 19азёдо тонавтыҥк весе ломатьнень, эснэст лемдезь: Тетянть, Цёранть, да Святой Духонть лемс. 20Эснэст тонавтодо весемень кирьдеме, мезе Мон теҥк кармавтынь. Мон тыҥк марто улян весе читьнестэ, пиҥгенть маштомс. Аминь.

Retrieved from "https://wikisource.org/w/index.php?title=Святое_Евангелие_(эрзянь)/В/Матфеень/00&oldid=522861"