Page:Евангелие от Матфея, Марка, Луки и Иоанна на мордовском языке (М. Е. Евсевьев, 1910).djvu/108

Еван. отъ Марка гл. 6.

---

⁴³Сон сынст кеместэ кардынзе, штобу кі-як теде илязо содак. Мейле мерьсь: максодо тензэ ярцамс.

 

Глава 6.

¹Лись тосто да сась эсь шачмо масторозонзо. Мельганзо мольсть тонавтницянзо. ²Субутань сазь, кармась Сон синагогасо тонавтомо. Ламо марицятне, дивазь, кортасть: Косто те истя Сонензэ? Кодат покш превть Тензэ максозь да кода истят чудатне тейневить Тензэ? ³Аволь Сон-ли плотник, Маріянь цёра, брат Іаковнэнь, Іосіянень, Іуданень да Симоннэнь? аволь сазоронзо-як-ли тесэть, минек ютксо? Истя манчевсть сынь Сонзэ кувалма. ⁴Іисус кортась тенст: пророк косо-як честтеме а эри, ансяк эсь шачмо масторсонзо, раскесэнзэ^[1] да эсь кудосонзо. ⁵Да ве чуда-як эзь тейть тосо, аньсяк кедензэ лаҥгозост путозь, шумбралгавтсь аламо сэредицят. ⁶Сон дивась сынст акемимаст лаҥгс. Мейле тонавтозь якась перька велетнева.

⁷Тердинзе кемгавтово тонавтницянзо, да кармась эснэст кавтонь-кавтонь кучмо; максь тенст вій амазытьнень лаҥгс. ⁸Ки лаҥгс, палкадо башка, мезень-гак сайме эзь мерьть тенст: а котумань, а кшень, а ярмак каркс алост. ⁹Карцеме мерьсь ансяк сандаліят, кавонст одижат-как эзь мерьть орчамодо. ¹⁰Сон мерьсь тенст: косо-як соватадодеряй кудос, туймезэҥк кадоводо тоск. ¹¹Кить

---

1. роднясонзо.

— 100 —