Еван. отъ Марка гл. 7.
пачкасть. 52Сынь ведь кшетнень маро мезе ульнесь, сень неезь-гак эзть чаркодть: сынст седеест кеведнязь ульнесьть. 53Печкезь, састь сынь Геннисаретэнь масторс да тозо лоткасть.
54Кодак сынь венчестэнть листь, (тосонь ломатьне) сеск содызь Сонзэ 55да чийнизь весе перька таркатнень да косо Сон, марямонь кувалт, ульнесь, сезэ кармасть ацамост лаҥгсо сэредицяньтнень кантлеме. 56Козо Сон а сыль: велес-ли, ошос-ли, вишка велинес-ли, ливтлилизь сэредицяст ушов да инялдыльть Тензэ, коть одижа чирезэнзэ токадевмекс. Конатне токадевильть Эзэзэнзэ — пичкильть.
Глава 7.
1Промсть Тензэ фарисейтне, да конат-конат Іерусалимстэ сазь книжникнень эйстэ. 2Сынь неизь, кода конат-конат Сонзэ тонавтницятнень ютксто аванькс кедьсэ, ліякс меремс, апак шляк кедьсэ, кшеде ярцасьть да сялгавтнесть эснэст. 3Фарисейтне ведь да весе іудейтьне, атятнень коень кирдезь, кедест парынестэ апак шляк а ярцлить. 4Торгувамсто-як сазь, апак шляк а ярцлить. Ліят-как ламо койть сынь кирьдтлесть: ваканонь шлямот, стопкань, котёлонь да скамейкань.
5Мейле фарисейтне да книжникне кевстизь Сонзэ: мейсь Тонть тонавтницатьне атятнень койтнесэ а кирдить, кедень апак шляк кшеде ярцыть? 6Сон мерьсь каршост: Парьсте тыҥк лаҥга, лицемерт, пророк Исаія ёвтнесь, кода сёрмадозь: Неть ломатне курксост шныть Эснэнь, а седеест васоло аштить Монь эйстэ. 7Сынь стяко Монь эснэ шныть,
— 104 —
