Page:Евангелие от Матфея, Марка, Луки и Иоанна на мордовском языке (М. Е. Евсевьев, 1910).djvu/200

From Wikisource
Jump to navigation Jump to search
This page has been proofread.

Еван. отъ Луки гл. 15.


Глава 15.

1Сонзэ кулсономо сакшность Тензэ весе мытартьне да пежетевтьне-як; 2а фарисейтьне да книжникне, пеняцазь, кортасть: Сон пежетевтнень примси да ярсы мартост. 3А Сон тенст ёвтызе те притчаньть: 4ки тыҥк ютксто, конань сядо ревензэ да вейкень эстэдест ёмавтцазо, а кадсыньзе вейксэньгемень вейксэтнень чаво паксяс да а туи ёмазенть мельга, да муймезэнзэ а вешни эснэнзэ? 5А кода муйсазо, эрьгедезь, сайсазо сонзэ эсь лавтомонзо лаҥгс 6да, кудов сазь, терьдьсынзе ялганзо да шабранзо да мери тенст: эргеледе монь маро, мон муія ёмазь ревем. 7Мерян теҥк: менельсэ-як вейке пежетень кадыця ломаньсть кис вейксэньгемень вейксэ пежеттеме ломатьнеде-як пек эргедить эзэзэнзэ. 8Или кодамо-як авань улитьдеряй кемень драхманзо, да вейкень ёмавтсазодеряй, ара сон а пуви тол, да а карми кіяксонзо теньсеме, да драхмасть муевмес парьсте вешнеме? 9Муйсазодеряй, терьдсынзе весе ялганзо, шабранзо да мери тенст: эргеледе монь маро: мон муія ёмазь драхмам. 10Кортан теҥк: Пазонь Ангелтнэ истяжо эрьгелить вейке пежетень кадыця ломаньсть кис.

11Таго мерьсь: ве ломанень ульнесть кавто цёранзо; 12вишкинесь мерьсь тетянстэнь: тетяй, туик монень, мезе тень саты ули-паростонть. Тетязо явизе тенст ули-парозо. 13Аламо шкань ютазь, вишкине цёрась пурнызе весе ули-парозо да тусь лія масторов эрямо. Тосо, апарьсте эрязь, весе ули-парозо ёмавтлизе. 14Кода сон весе ули-паронть

192