Page:Евангелие от Матфея, Марка, Луки и Иоанна на мордовском языке (М. Е. Евсевьев, 1910).djvu/145

From Wikisource
Jump to navigation Jump to search
This page has been proofread.


Лукань сёрмадовт Евангелія.

 

 

Глава 1.

1Кода ламо ломать карамасть* сёрмадомо не тевтнеде, конатнень минек ютксто эрьва-ки содасынзе, 2кода сынст ёвтнизь миненек эсь сельмесэст неицятне, да Валстень служицятне, 3сестэ монь-гак превезэнь сась сёрмадомс тенть, шнамо ломанем Ѳеофил, весемень рядс, мезе мондень икеле ульнесь, сень-гак парьсте содазь. 4Сёрмадан тенть секс, штобу тон парьсте содавлек, мезес васня тонавтозь ульнить.

5Іудеянь Ирод инярозонь* пиҥгстэ Авіянь черётсо ульнесь Захарія лемсэ поп, сонзэ низэ ульнесь Аарононь родсто, лемзэ сонзэ Елизаветаль. 6Сынь кавонест ульнесть Паз икеле видеть ломать, эрясть Пазонь закононь кувалт, да Сонзэ заповетьнень кулсонозь. 7Сынст арасельть эйкакшост, Елизавета ульнесь ашачниця, а сыньсь кавонест уш сыретельть. 8Весть, кода Захарія служась эсь рядсонзо Паз икеле, 9попнень койсэ сатотсь тензэ совамс Пазонь церькува потс кадямо. 10Сонзэ кадямо шкастонть ламо ломать озность ушосо. 11Сестэ неявсь

137