Святой Евангель Матфейть эзда/ВО/00

From Wikisource
Jump to navigation Jump to search
Святой Евангель Матфейть езда  (1879) , translated by Тюменев, Александр Иванович
Васенцекс орфографиясь (ru: Исходная орфография; en: Original orthography)
[ 3 ]

СВЯТОЙ ЕВАНГЕЛЬ МАТФЕЙТЬ ЕЗДА.




Васенце глава.

1. Родацъ Іисусъ Христостъ, Давидннь цю̄ранцъ, Авраамннь цю̄ранцъ.

2. Авраамсь шачфтазе Исаакть; Исааксь шачфтазе Іаковть; Іаковсь шачфтазе Іудать и браданзанъ;

3. Іудась шачфтазе Фаресть и Зарать Фамарть езда; Фарессь шачфтазе Есромть; Есромсь шачфтазе Арамть;

4. Арамсь шачфтазе Аминадавть; Аминадавсь шачфтазе Наасонть; Наасонсь шачфтазе Салмонть;

5. Салмонсь шачфтазе Воозть Рахавть езда; Воозсь шачфтазе Овидть Руфть езда; Овидсь шачфтазе Іессейть;

6. Іессейсь шачфтазе Давидть Оцю-азырть; Давидъ Оцю-азырсь шачфтазе Соломонть Уріять ирвянцъ езда;

7. Соломонсь шачфтазе Ровоамть; Ровоамсь шачфтазе Авіять; Авіясь шачфтазе Асать;

8. Асась шачфтазе Іосафатть; Іосафатсь шачфтазе Іорамть; Іорамсь шачфтазе Озіять;

[ 4 ]9. Озіясь шачфтазе Іофамть; Іофамсь шачфтазе Ахазть; Ахазсь шачфтазе Езекіять;

10. Езекіясь шачфтазе Манассіять; Манассіясь шачфтазе Амонть; Амонсь шачфтазе Іосіять;

11. Іосіясь шачфтазе Іоакимть; Іоакимсь шачфтазе Іехоніять и браданзанъ Вавилонти вятямада ингале;

12. Вавилонти вятямада меля Іехоніясь шачфтазе Салафіильть; Салафіильсь шачфтазе Зоровавельть;

13. Зоровавельсь шачфтазе Авіудть; Авіудсь шачфтазе Еліакимть; Еліакимсь шачфтазе Азорть;

14. Азорсь шачфтазе Садокть; Садоксь шачфтазе Ахимть; Ахимсь шачфтазе Еліудть;

15. Еліудсь шачфтазе Елеазарть; Елеазарсь шачфтазе Матфанть; Матфансь шачфтазе Іаковть;

16. Іаковсь шачфтазе Іосифть Маріять мырдянцъ, конанцъ езда шачсь Іисуссь, лемдявійсь Христосъ.

17. И стане сембе шачаматне Авраамть езда Давидть тейсъ кемниліе шачаматъ; Давидтьге езда Вавилонти вятямась кемниліе шачаматъ; Вавилонтиге вятямать езда Христость тейсъ кемниліе шачаматъ.

18. Іисусъ Христость шачамасъ ульсь тяфтане: кода неньге Іосифсь афъ сявазе маманцъ Маріять есь пелянза и кармасть еряма фке кудса, сяда ингале ульсь соннь пексанза ушаптфъ Святой Духть езда.

19. Іосифсь мырдяцъ соннь улязь пара ломань и афъ вешась визделгафтамсъ соннь, путсь нолдамсъ соннь сю̄пфста.

20. А мызярда сонъ стане мялясь, вовъ няявсь [ 5 ]онстанза Шкабазннь Ангельсь и мяргсь: Іосифъ Давидннь цю̄рай! дятъ пель сявамсъ Маріять иряцень; вадь шачфсь пексанза, ули Святой Духть езда.

21. Шачфтый же цю̄ра и максатъ тейнза лемъ Іисусъ: вадь сонъ вансыйнь ломанзанъ синнь грехтнень езда.

22. Сембе тите ульсь, улеза тійфъ азфсь Шкабазть езда ингальценнь содайть кувалга, кона кортай:

23. Вовъ стирь пекьяй и шачфтый цю̄ра и путыйхть тейнза лемъ Еммануилъ, мезе ули минь мартанакъ Шкай. (Исиіи 7, 14).

24. Сыргадязь онтъ езда Іосифсь, тійсь, кода мярьгсь тейнза Шкабазннь Ангельсь, и сявазе ирьвянцъ.

25. И изь сода соннь, кода мекипяли сонъ шачфтазе цю̄ранцъ, васенце идьть, и сонъ макссь Тейнза лемъ: Іисусъ.




Омбаце глава.

1. Мызярда шачсь Іисуссь Вифлеемса Іудеяннь, оцю-азырть Иродть пинкста, састь Іерусалимсъ содай-ломатне шистяма ширеть езда и кортайхть:

2. Коса одъ шачфсь Іудеяннь оцю-азырсь? Вадь минь няяскь тештенцъ ши стямать ширеса, еды саме сюкуняма тейнза.

3. Кулязь титяннь оцю-азыръ Иродсь сюмбарявсь и сембе Іерусалимсь мартынза.

[ 6 ]4. И пураптазь сембеннь васенце-поптнень и сю̄рмаса-содайхьтнень ломатнень езда, кизяфнязнь синнь: коса еряви шачамсъ Христости?

5. Синь азстъ тейнза: Вифлеемть-еса Іудеяннь, вадь инганьценнь содайть кядьста стане ули сю̄рмадфъ:

6. Тонга Вифлеемъ, Іуданнь модацъ коданга афъ ю̄мблать Іуданнь оцю оштеннь горязъ; месъ тоннь ездадатъ лисій вятнійсь, конацъ вансыйнь ломатнень Моннь Израильть. (Мих. 5, 2).

7. Еста Иродсъ салава тердязь содай-ломатнень кизяфнясь ездадастъ няйфъ тештеть пингть колга.

8. И кучазь синнь Вифлеемсъ азсь: моляда еды цеберняста кизяфняда идть колга, и кыда мусасть Сойнь, пачфтасть куля тейнь, месъ бы монга моляльнь сюкуняма Тейнза.

9. Синь кулязь оцю-азырть тусть; и вовъ тештсь, конанцъ синь няязь шистяма ширеса, мольсь ингальстъ, мызярсъ сась и лоткась сице вастать вяре, коса ульсь идьсь.

10. Няязь же тештть лоткафъ, кеняньдьсть пякь оцю кеняньдямаса.

11. И сувазь кудсъ, няязь идть Маріять маманцъ марта, еды празь сюкунясть Тейнза и панжазь синьценнь парашиснанъ кандсть Тейнза казьснетъ: золота, ладанъ, и смирна.

12. И онста примазь мярьгама афъ мырдамсъ Иродти, омбаце киса мольсть синньценнь мастырсъ.

13. Синнь ина тумада меля, вовъ Шкабазннь Ангельсь няявсь онста Іосифти, и кортай: стякъ, сявкъ [ 7 ]идьть и маманцъ, еды орьгядьть Египетсъ, и ульть тоса, мызярдсъ афъ азанъ тейть; вадь Иродсъ кармай вещандяма юмафтамсъ идьть.

14. Сонъ же стязь сявазе идьть маманцъ ге соннь веть, еды тусь Египетсъ.

15. И ульсь тоса Иродть кулымать тейсъ, улеза тійфъ азфсь Шкабазть езда ингальце-азындыйть кувалга, конацъ кортай: Египеттъ езда серьгядіе Моннь цю̄разнь. (Ос. 11, 1).

16. Еста Иродсь няязь, месъ сонъ пеядьфъ содай-ломатнень езда, пякь кяжійсь, еды кучсь кулафтама Вифлеемстьеса сембенньге пенцеса сембе цю̄ратнень кафта кизатнень езда и сяда ю̄мблатнень, пингть езга, конанцъ содазе содай-ломатнень езда.

17. Еста ульсь тійфъ азфсь Іереміять ингальце-азындыйть кувалга, конацъ кортай:

18. Вайгель Рамаса кулявсь, авардяма, пишкадьма и оцю ольксяма: Рахильсь авардій соньценнь идьнзанъ колга, и афъ кельгій басявамсъ, вадь синь ашъ (Іерем. 31, 15).

19. Иродть ина куламада меля, вовъ Ангельсь Шкабазннь няювсь онста Іосифти Египетса,

20. И кортай: стякъ, сявкъ идьть и маманцъ ге, еды мольть мастырсъ Израильннь, вадь вещандійхьтне идьть вайманцъ, куласть.

21. Сонъ стясь, сявазе идьть и маманцъ, еды сась мастырсъ Израильннь.

22. Кулязь же, месъ Архелайсь Іудеяса ащій оцю-азырксъ, Иродть вастсъ соньценнь алянцъ, пельсь товъ [ 8 ]мольма, и сявазь онста мярьгамать тусь Галлилеяннь мастырсъ.

23. И сазь товъ, кармась еряма ошса, конацти лемецъ Назаретъ; улеза тійфъ азфсь ингальце-азындыйхьтнень кувалга, месъ Сонъ Назорей лемьдявій. (Суд. 13, 5).




Колмаце глава.

1. Тятъ шитненьезда сась кстиндай Іоаннсь и тонафтсь Іудейской шава-ширеса

2. И кортась: каяндада; вадь маласъ сась менельннь царствась.

3. Вадь сонъ гайсе, коданцъ колга азсь ингальце-содай Исаіясь кортазь: вайгель пишкадійть шава-ширеса: анаклада ки Шкабазть, видептада антнень Тейнза. (Ис. 40, 3).

4. Іоаннсь же каннясь вельтяма верблюдннъ шаярть езда и каркснякшнесь кедьннь карксса, а ярцамяпяль соннь ульсь акридатъ[1] и вирьннь медь.

5. Еста Іерусалимсь, сембе Іудеясь и сембе перьфьсь Іорданть лисяньдьсть тейнза,

6. И кстиндавсть соннь езданза Іорданса, исповендазь есь грехтнень.

7. Кода няйсь Іоаннсь лама фарисейда и саддукейда, конатъ састь тейнза кстиндама, азсь тейстъ: куйннь левкстъ! кіе тиннь тонафтадезь орьгадьма маласъ шаштый кяжфть езда?

[ 9 ]8. Кандада же кенерьфь, кона тій каяндамать.

9. И дяда корта есантъ: миннь ули алянескь Авраамсь; вадь кортанъ тейнть, месъ Шкайсь маштый нятъ кевтнень езда тіймасъ идьть Авраамти.

10. Вадь и узерь ащій шуфтаннь ваксса: сембе шуфтась, конацъ афъ канній пара кенерьфь, керсявій и ю̄рявій толсъ.

11. Монъ кстиндатедезь тиннь ведьса каяндаматькса; а Молійсь мельганъ моннь горязъ ули кеме, конанцти монъ афъ кондястянъ кяметъ кандамсъ, сонъ кармай кстиндама тиннь Святой Духса и толса.

12. Кайме кядьнцеса и сонъ араптсый тинганцъ и кочкасый тозяранцъ утамсъ, и шужарть пылтасый афматавма толса.

13. Еста сай Іисуссь Галилеять езда Іордантъ лангсъ Іоаннти кстиндама езданза.

14. Іоаннсь же кырдазе соннь и кортась: тейнь еряви кстиндама ездадатъ и Тонъ ли саятъ тейнь?

15. Іисуссь же азсь тейнза, кортазь: дямакъ кырдь; вадь стане еряви тейнекъ тіймасъ сембе видеть. Еста Іоаннсь нолдай Соннь.

16. И кыда Іисуссь кстиндавазь лиссь ведьста, вовъ панжавсть Тейнза менельтне, и Іоаннсь няязе Шкайннь Духть, конац ліякшнесь, кода гуле, и валгакшнесь лангазнза.

17. И вовъ вайгель менельста кортайсь: Тите ули Цю̄раце кельгафъ, конанцеса сембе моннь пара-кельгамазе.


  1. Пародацъ паксяннь силидейтнень езда.




[ 10 ]

Нилице глава.

1. Еста Іисуссь вятьфъ ульсь Духса ломаньфтыма вастсъ тяряфтавма шайтанть езда.

2. И гавендазь нилень кемень шитъ и нилень кемень ветъ, мэки-пяли вачсь.

3. Еста сась Тейнза тяряфтыйсь и азсь: кыда Тонъ Шкайннь цю̄ра мярьгькь, штабы нятъ кевтне аральхть кшетъ.

4. А Сон азсь кортаманцъ лангсъ: сю̄рмаса азфъ-ули: афъ кшеса анцякъ еряй ломансь, а аръ валса, конацъ лисяндій Шкайннь кургста. (5 Моис. 8, 3).

5. Тяда меля сявазе Соннь шайтансь святой ошти и путазе Соннь церкваннь вельтямать лангса.

6. И кортай Тейнза: кыда Тонъ Шкайннь цю̄ра, пракъ алу, вадь сю̄рмаса азфъ ули: сонценнь Ангельтненти мярьгій Тоньксатъ ванмасъ Тоннь и кядьтнень лангса Тоннь кандтедезь, месъ бы афъ токалеть пильгяцень кевти. (Псал. 90, 11, 12).

7. Іисуссь азсь тейнза: сю̄рмаса танга азфъ ули: дяк тяряфня Азырть Шкайть тоннь. (Моис. 6, 16).

8. Танга сявандій Соннь шайтансь пякь сери панда лангсъ, и няяфній Тейнза сембе мастырть царстватнень и синнь славаснанъ.

9. И кортай Тейнза: сембе титень максса Тейть, кыда празь сюкунять тейнь.

10. Еста кортай тейнза Іисуссь: орьгадть моннь ездадынъ шайтанъ; вадь сю̄рмаса азфъ: тоннь Азырти [ 11 ]Шкайти сюкунякшнякъ и Тейнза скамнзанти служиндакъ. (5 Моис. 6, 13).

11. Еста кадындсый Соннь шайтансь и вовъ Ангельтне састь и служандасть Тейнза.

12. Кулязь же Іисуссь, месъ Іоаннсь максфъ ванныйхьтнень кядсъ, тусь Галилеяти.

13. И кадазь Назаретть, сась и кармась еряма Капернаумтьеса, ошса, конацъ оцю ляйть ваксса, Завулоннь и Неффалимннь петненьеса.

14. Улеза тійфъ, мезе азсь ингальце-содай Исаіясь, конацъ кортай:

15. Мода Завулоннь и мода Неффалимннь килангса оцю ляйти Іорданть тона пяли, Галилеясь язычнектнень,[1]

16. Шобдаса озада ащій ломатне няйсть оцю валда, и озада ащійхьтненти куламать ширеса и жульфьса няювсь валда. (Ис. 9, 1.2).

17. Тите пингть езда кармась Іисуссь азындама и кортама: каяндада; вадь маласъ сась менельннь царствась.

18. Ю̄тамста же Галилеяннь оцю-ляйть вакска, Сонъ няйсь кафта брадатъ: Симонть, конацъ лемдявій Петръ, и Андрейть браданцъ, конатъ ю̄рясть калннь кундцяматъ оцю ляйти, вадь синь ульсть калъ-кундайхьтне;

19. И кортай тейстъ: моляда мельганъ, и Монъ тійхтядезь ломаннь кундайксъ.

[ 12 ]20. И синь ездкіе кадазь калкундцяматнень, тусть мельганза.

21. Тушандазь толда няйсь омбацетъ кафта брадатъ Іаковть Зеведейннь и Іоаннть соннь браданцъ венчса, аляснанъ Зеведейть марта, петійхьтнень синьцень калнькундцяматнень и тердязнь синнь.

22. И синь ездкіе кадазь венчснанъ и аляснанъ, тусть мельгнза.

23. Іисуссь якась сембе Галилеять ланга, тонафнязь синагогаснанъеса,[2] азындазь Евангель царствать пычкафнязь аръ серядьксъ и аръ урма ломаньса.

24. И ю̄тась соннь колга куля сембе Сиріять ланга; и вятнекшнезь Тейнза сембе серядійхьтнень, кирдяфтнень лама серядьксса и урмаса и ломатнень, конатнень потмаса ульсть шайтантъ, и серядійхьтнень ковть езда и лавчаптфтнень и Сонъ пычкафнязнь синнь.

25. И мольсь мельганза пякь лама ломаньда Галилеяста и кемень ошста и Іерусалимста и Іудеяста и Іорданть фталдаста.


  1. Ліе вераннь.
  2. Тонафтама-васта.




Ветеце глава.

1. Кыда няязнь лотантьнень Сонъ куцьсь панда прясъ; и кода озась, еста шаштсть Тейнза тонадыйхьтне Соннь.

[ 13 ]2. И панжазь курганцъ ушаптсь тонафтыма синнь кортазь:

3. Шумбратъ сюдафтне духса; вадь синнь ули менельннь царствась.

4. Шумбратъ аварьдійхьтне; вадь синнь басявійхьть.

5. Шумбратъ сятявтне; вадь синь сатсазь модать.

6. Шумбратъ вачадійхьтне и ю̄райхьтне симма видеда; вадь синь топадійхьть.

7. Шумбратъ ижальдійхьтне; вадь синь улійхьть ижальдяфтъ.

8. Шумбратъ арутне седиса; вадь синь Шкайть няйсазь.

9. Шумбратъ тійхьтне ладть; вадь синь лемьдявійхьть Шкайннь цю̄ратъ.

10. Шумбратъ, конатъ панявійхьть видеть инкса; вадь синнь ули менельннь царствась.

11. Шумбратъ тинь, мызярда кармайхьть сютцяма тиннь, панямсъ и азымсъ аръ афъ пара валъ тиннь лангсъ аф видеста Моннь ксанъ.

12. Кеняньдяда и весялгадада; вадь оцю тейнтъ питне менельтнень лангса. Тяфтаксъ панязь и ингальце-содайхьтнень, конатъ ульсть тиннь ингале.

13. Тинь ультядъ модать салъ; кыда салсь юмафтсый війнцъ, еста мезьса тійсакъ соннь салуса? Сонъ ковынга афъ кармай кондястямсъ, анцякъ ю̄рдамсъ соннь венели пильгеннь алу ломатненти.

[ 14 ]14. Тинь ультядъ валда мастыртъ; ошсь, конанцъ ащій пандать пря лангса, коданга афъ кяшавій.

15. И кыда кирьвястсазь свецять, афъ путнясазь соннь кядьге алу, а пешь лангса и пиндалдый сембенти ащійхтненти кудъпотмаса.

16. Тяфта валдамаза тиньценнь валдась ломатнень ингале, месъбы синь няялезь тиннь пара тевтнень и шнаялезь менельннь Алянтестень.

17. Дяда мяля, месъ Мон сань коламсъ законтъ, али ингальце-содайхтнень: Монъ афъ коламсъ сань, а пяшкыдямсъ.

18. Вадь аминь[1] кортанъ тейнтъ: сяда куракъ ю̄тай менельсь и модась, кыда ю̄тай фке ю̄та, али фке китьксь законть езда, тяфта, месъбы афаль уль тійфъ сембе.

19. И тяфта кіе колай фке нятъ пякь ю̄мбла мяргаматнень езда, и тонафтый стане ломатть, сице пякь ю̄мбласа лемдявій менельннь царстваса; а кыда кіе тій и тонафтый, сице оцюса лемьдявій менельннь царстваса.

20. Вадь азынданъ тейнтъ: кыда видентесть тиннь афъ ули сяда оцю видеда сю̄рмаса-содайхьтнень и фарисейтнень, еста афъ суватадъ менельннь царствасъ.

21. Тинь кулясть, мезе азфъ таштатненти: дятъ кулафта; а кыда кіе кулафтый, сице максфъ ули судти. (Исх. 20, 13).

22. А Монъ кортанъ тейнтъ: аръ кяжіякшнійсь соньценнь браданцъ лангсъ абунъ, максфъ ули судти, а [ 15 ]кіе азый соньценнь браданцти рака[2], максфъ ули вярьце судти; а кіе азый: виздгефтыма! ю̄рдафъ ули толннь гееннати.

23. И тяфта кыда кандсакъ казьсьнецень алтарти и тяса лятфтатъ, месть брадаце кырдій мезенябуть лангазтъ;

24. Кадкъ тоса казьснецень алтарть ингале и мольть, васенда мирандакъ брадацень марта, и еста сакъ и кандкъ казьсьнецень.

25. Мирандакъ куракне душманцень марта, мызярсъ улятъ мартанза ки лангса, месъбы душманце афальнзе максъ тоннь судьяти, а судьясь афальнзе максъ тоннь шоба кудынь ваныйти и афыльдязь озафта тоннь шобда кудсъ.

26. Видеста кортанъ тейть: афъ лисятъ тоста мызярдсъ афъ макссакъ мельце полушкать.

27. Тинь кулясть, мезе азфь таштатненти: дятъ кола ирьвяяма. (Исх. 20, 14).

28. Монъ же кортанъ тейнтъ: аръ, кіе варжай ава лангсъ, месъбы кельгама соннь, колась ни ирьвяяма мартанза сейдійнцъ потмаса.

29. А кыда виде сельмеце прафній тоннь мяльса, таргакъ соннь и ю̄рдакъ ездадатъ, вадь тейть уляль сяда цебярь, кыда юмаль фке полдацень езда, а афъ сембе телаце уляда ю̄рьдафъ толннь гееннати.

30. И кыда виде кядьце прафній тоннь мяльса, керкъ соннь и ю̄рдакъ ездадатъ: вадь сяда цебярь ули [ 16 ]тейть, кыда юмаль фке полдацень езда, а афъ сембе телаце ю̄рдафъ уляль гееннати.

31. Азфъ ульсь неньге: кие явій ирьвянцъ марта, сице кадкъ максый тейнза нолдама-сю̄рма.

32. А монъ кортанъ тейнтъ: кіе явій ирьвянцъ марта афъ ирьвяяма коламатькса, тона кошардый соннь ирьвяяма коламсъ; и кіе ирьвяяй явфъ авать лангса, тона ирьвяяма колай.

33. Кулясть неньге тинь, мезе ульсь азфъ таштатненти: дятъ кола варама, а тійкъ, мезьса варать Шкайть ингале. (Исх. 20, 7. Лев. 19, 12).

34. А Монъ кортанъ тейнтъ: коданга дятъ вара, афъ менельса; вадъ сонъ ули Шкайннь озама вастась.

35. Афъ модаса; вадь сонъ ули пильгалсь пильгетнень Соннь; афъ Іерусалимса; вадь сонъ ули вярденнь Оцю-Азырть ошсь.

36. Афъ прясатъ тонценнь дятъ вара; вадь тонъ афъ маштатъ тіймасъ фкава шаярь акшаса, аль равжаса.

37. Улеза же валнтесть: ста, ста, афъ, афъ, а мезе ули тяда вельфь, тите шайтанть езда.

38. Тинь кулясть, мезе азфъ ульсь: сельме сельметькса и пей пейтькса. (Исх. 21, 24).

39. А Монъ тейнтъ азынданъ: дятъ пялькста обижайцьти, но кыда кіе тоннь вачкадятанза виде щю̄кацень ланга, шарфткъ тейнза омбацеть;

40. И кыда кіе кельгій судиндавамсъ мартытъ, и сявамсъ шамацень, макскъ тейнза и суманцень.

[ 17 ]41. И кіе кошардатанза тоннь ю̄тамсъ мартынза фке вайгельце, мольть мартанза кафта.

42. Кіе анай кядьстатъ, тонанти макстъ, а кіе вешій сявамсъ пандамада, тонаннь езда дятъ оргядькшне.

43. Тинь кулясть, мезе ульсь азфъ: келькъ маластаньть тоннь, и дядъ келгъ душманцень. (Лук. 17, 19. Исх. 34, 12).

44. А Монъ тиньтейнтъ мярьганъ: кельгада душмантнень тиннь, благословиндада сюдсяйхтнень тиннь, пара тіяда афъ кельгійхьтненти тиннь и озандада токайхьтненькса тиннь и панцяйхтненькса тиннь.

45. Уледа цю̄рать менельннь Алянстеснень; вадь Сонъ мярьгій Сонценнь манити валдамсъ паратнень и афъ-паратнень и кучій пизимъ видетнень лангсъ и афъ-видетнень лангсъ.

46. Вадь кыда тинь карматадъ кельгама, конатъ тиннь кельхтядезь, кодама тейнтъ учамсъ пандама? И даценнь-кочкайхьтне афъ сявакъ ли тійндійхьть.

47. И кыда цебярста приматадъ анцякъ тинценнь друганнтень, мезе сяда цебярь тійндятадъ? и язычнектне[3] афъ сявакъ ли тійндійхьть?

48. Уледа тяфтане пархтъ, кода и тиннь менельннь Алянтесть пара.


  1. Видеста.
  2. Конанга афъ кондястій ломань.
  3. Лама шкайхтненти озандыйхтне.




Котаце глава.

1. Ванавада макссяма миластенантестнень ломаннь ингальде сянкса, месъ бы синь няяльдезь тиннь: [ 18 ]ліеста афъ ули тейнть пандама менельннь Алянтестень езда.

2. И тяфта, мызярда макссятъ миластина, дятъ тура есь ингальть, кода тійндійхьть шамаса-васькафнійхьтне синагогаса, ульцясанга, штобъ шнайлезь синнь ломатне. Видеста кортанъ тейнтъ: синь сявсть ни есьтейстъ пандама.

3. Тонъ макссякъ миластинать стане, штабъ кершь кядьце афъ аль сода, мезе тій виде кядьце.

4. Улеза миластинаце тоннь сю̄пфъ, и Аляце няяйсь сю̄пфть, максый тейть няяфста.

5. И мызярда озандатъ, дятъ уль, кода шамаса-васькафнійхьтне, конатъ кельгійхьть синагогаса ульцясанге арама озандаматькса, штабы, няялезь синнь ломатне. Видеста кортанъ тейнтъ: синь сявсть ни естейстъ пандама.

6. Тонъ мызярда озандатъ, сувакъ тоннь пакойсъ и сю̄лгазь мельгатъ кенкштнень озандтъ Аляценти, конацъ сю̄пфста ащій, и Аляце няяйсь сю̄пфста, максый тейть няяфста.

7. Озандамать пингста дяда корта пякь лама, кода язычнектне; вадь синь мялійхьть, месъ лама тораматькса кулявійхьть.

8. Дяда уль тяфтаптъ, кодаптъ синь; вадь Алянтесть содай, мезе тейнтъ еряви анамада ингале Соннь кядьста.

9. Озандада ина тинь стане: Алянескь, миннь конацъ улятъ менельннь лангса! святиндаваза лемьце Тоннь;

[ 19 ]10. Саяза царстваце Тоннь; улеза воляце Тоннь, кода менель лангса, модать лангсанга;

11. Кшенескень миннь, кона еряви макскъ тейнекъ тячи;

12. И кадкъ миньтейнекь долхнекень, кода миньць кадатамъ долгунекенти;

13. И дяместь сувафтъ миннь тяряфтамати; а ванместь миннь шайтанть езда. Вадь Тоннь ули царстваце, війце и славаце векьтненьксъ. Аминь.

14. Вадь кыда тинь карматадъ кадандама ломатненти грехьснанъ, кадсыйнь тейнтъ ге Алянтесть менельннь.

15. А кыда афъ карматадъ кадандама ломатненти грехьснанъ, Алянтесть ге афъ кадсыйнь тейнтъ грехьтнень тиннь.

16. Мзярда же гавендатадъ; дяда уль канзидійхьть, кода шамаса-васькафнійхьтне; вадь синь сявандійхьть есь лангазастъ ризнай шаматъ, местьбы няяфтямсъ пря ломатненти, шта синь гавендайхьть. Видеста кортанъ тейнтъ, синь сявасть ни есьтейстъ питне.

17. Тонъ ина мызярда гавендатъ, вадькъ пряцень и штайкъ шамацень.

18. Штабы афъ няяфтямсъ пряцень ломатненти, шта тонъ гавендатъ, а Аляценти, Конацъ сю̄пфста ащій, и Аляць тоннь няяйсь сю̄пфста, максый тейть няяфста.

19. Дяда кочка парашитнень мода лангса, коса суксъ и шамень маштфній , и коса салайхьтне алдашувійхьть и салайхьть.

[ 20 ]20. А кочкада есьтейнтъ параши менель лангса, коса афъ суксъ, афъ шамень маштфній, и коса салайхьтне афъ алдашувійхьть и афъ салайхьть.

21. Вадь коса парашинтесть, тоса ули и седійнтесть.

22. Валдась телати ули сельме. Еса кыда сельмеце тоннь ули виде, а сембе телаце тоннь ули валда.

23. А кыда сельмеце тоннь осалъ; еста сембе телаце ули шибда. Еста кыда валдась, кона есать шобда, а шобдась сяда пякь.

24. Кійгавакъ афъ маштый улямсъ урь кафта азыртненти; вадь али фкеть кармай афъ кельгама, а омбацеть кельгама, али кармай цебярста кулцандама фкеть, а омбацеть нулгадьма. Аф маштада служиндама Шкайти и маммонати[1].

25. Сянкса кортанъ тейнтъ: дяда пичадь вайменьтестеньеса, мезе тейнтъ ярцамсъ и мезе симмасъ, афъ телантестеньеса, мезьса вельтямсъ. Ваймесь афъ сяда ли оцю ярцамапяльть горязъ, и телась вельтямать горязъ?

26. Варжада менельннь варматнень лангсъ: синь афъ видійхьть, афъ нуйхьть, афъ кочкайхьть утамсъ и Алянтесть менельннь андсыйнь синнь. Тинь афъ сяда ли цебертядъ синнь горязъ?

27. И кіе тиннь ездаднтъ пичадязь маштый лездамсъ естейнза касфть кадкъ фке кенерть лангсъ.

28. И вельтямать колга месъ пичадьтадъ? [ 21 ]Варжада паксяннь мази панчсфтнень лангсъ, кода синь касындыйхьть? афъ тевь тійхьть, афъ кштирдійхьть.

29. А монъ кортанъ тейнтъ: месъ и Соломоньсь сембе славанцеса изь уль вельтяфъ стане, кода аръ синнь ездадстъ.

30. Кыда паксяннь тишеть, конацъ тячи касындый, а ванды ули ю̄рдафъ пянакудсъ, Шкайсь стане вельтясый: еста сяда пякь тиннь кыржаверайхьтне?

31. Дяда же пичадь кортазь: мезе тейнекь ярцамсъ, али мезе симмасъ, али мезьса вельтямсъ.

32. Вадь сембе синнь вещандийхть язычнектне, и вадь содай Алянтесть менельннь , шта тите сембе тинтейнть еряви.

33. Вадь сембень сяннь вещандійхьть язычнектне, и вадь содай Алянтесть менельннь, шта тите сембе тиньтейнтъ еряви.

33. Вещандада васенда царствать Шкайть и видеть Соннь, и сембе тите лездфъ ули тейнтъ.

34. И стане дяда пичадь вандыннь шить колга. Вадь вандыннь шись соньць кармай пичадьма есь-колганза. Саты аръ шити есь пичафксыцъ.


  1. Козялгадма.




Сисемьце глава.

1. Дяда судинда, месъбы афъ ильде уль тиньць судиндафтъ.

2. Вадь кодама судса судиндатадъ, стамаса тиньцьге ультядъ судиндафтъ, и кодама медирксса тинь мерандатадъ, стамса и есьтейнтъ кармайхьть мерандама.

3. И месъ ванатъ сярдать лангсъ брадцень сельмеса, а есь сельмеценьеса афъ марятъ шочка?

[ 22 ]4. Иле, кода карматъ кортама брадценти: тукъ, таргаса сярдть сельмецень езда, кыда есь сельмеценьеса шочка?

5. Шамаса-васькафній! таргакъ васенда шочкать есь сельмецень езда; и еста няйсакъ, кода таргамсъ сярдть брадцень сельместа.

6. Дясть максса святынять пинетненти и дясть ю̄ря жемчугть туватнень ингале, дялезь тапа соннь пильгеснанеса, и шаркстазь дяльдезь сязь тиннь.

7. Анасяда, и максавій тейнтъ, вещандада и мутадъ, токада и панжійхьть тейнтъ.

8. Вадь аръ анасійсь сявандій, вещандійсь ге мушандый и токайти панжійхьть.

9. Ули ли тинь ю̄тксантъ стама ломань, конацъ, кыда цю̄рац анай кше, максаль тейнза кевь?

10. И кыда кармай анама калда, максаль куй?

11. И тяфта кыда тинь, улязь афъ паратъ, машттадъ макссяма пара макссяматнень есь идьтненти; тяда пякь менельннь Алянтесть максыйнь паратнень анайхьтненти кядьстанза.

12. И стане сембеньеса, кода кельгтядъ, штабы ломатне тійньдяльхьть мартынтъ, стада и тинь тійньдяда мартыстъ. Вадь тянньеса ащійхьть законсь и ингальце-азандайхьтне.

13. Сувсяда тяйне кенькштнень пачкъ; вадь кели кенькштне и оцю кись юмафксти вятійхьть; и ламатъ молійхьть синнь пачкъ.

14. Кода тяйне кенькштне и ю̄мбла кись вятійхьтне ерявти, и кода афъ ламатъ мушиндсазь синнь!

[ 23 ]15. Ванавада афъ виде ингальце-азандыйхьтнень езда, конатъ сашандыйхьть тейнтъ учаннь вельтямаса, а потмасастъ улійхьть норгій выргазтъ.

16. Кенерьфьснанъ езга содасайньть синнь. Кочкайхьть ли козамаринаста винаградъ, али кармаравксста марьтъ.

17. Тяфта аръ цебярь шуфтась канній и цебярь кенерьфтъ, а осалъ шуфтась канній осалъ кенерьфтъ.

18. Афъ канній цебярь шуфтась осалъ кенерьфтъ, и осалъ шуфтась цебярь кенерьфтъ.

19. Аръ шуфтать, конацъ афъ канній цебярь кенерьфь, керьсясазь и ю̄рясазь толти.

20. И стане кенерьфьснанъ езга содасайньть синнь.

21. Афъ аръ, кортайсь Тейнь: Азыръ! (Шкабазъ!), Азыръ! (Шкабазъ!), сувай менельннь царствати, а тіяньдійсь волянцъ Алязнь, Конацъ менельтнень лангса.

22. Тона шиста ламатъ азыйхьть Тейнь: Азыръ! (Шкабазъ!), Азыръ! (Шкабазъ!), афъ Тоннь ли лемьсатъ минь ингальценнь азандаме? и афъ Тоннь ли лемьсатъ шайтантнень паньцяме? и афъ Тоннь ли лемьсатъ лама оцю-війтнень тійньдяме?

23. И еста Монъ азанъ тейстъ: Монъ мзярдынга изядезь сода; тушандада Моннь езда законьфтыма тійхьтне.

24. И стане арть, кіе кулцандсій нятъ Моннь валтнень и тійндій синнь, кондяфтаса ю̄ну аляти, конацъ путазе куднцъ кевь лангса:

25. И тусь пизимьсь и кепыдявсть ляйтне и [ 24 ]кармасть уфама варматне и вирьгядьсть тона кудть лангсъ, и сонъ изь пра; месъ кемекстафъ ульсь кевь лангса.

26. А аръ, конацъ кулцандсій нятъ Моннь валтнень и афъ тійндій синнь, кондяфтавій ю̄нуфтыма аляти, конацъ путазе куднцъ пясокъ лангса.

27. И тусь пизимьсь и кепыдявсть ляйтне, и кармасть уфама варматне и вирьгядьсть тона кудть лангсъ и сонъ прась, и прамацъ соннь ульсь оцю.

28. И кыда Іисуссь шумырдазнь нятъ валтнень; ломатне дивандасть томанафтаманцти.

29. Месъ Сонъ тонафнязнь, кода віій, а афъ кода сю̄рмаса-содайхьтне и Фарисейтне.




Кафксаце глава.

1. Мзярда Сонъ валгсь панда пряста, тусь Соннь мельга лама народда.

2. Еста шаштсь маласнза сярядій проказса и сюкунякшнязь Тейнза азсь: Азыръ! кыда кельгатъ, маштатъ моннь аруптама.

3. Іисуссь веняптязь кяднцъ, токась тейнза и азсь: кельганъ, аруптавакъ. И сонъ ездкіе аруптавсь проказать езда.

4. И азсь тейнза Іисуссь: вантъ, кинньтинге дятъ азында; но мольть няйфтькь тоньцень попти, и кандтъ казьсне, кодама мяргсь законьтьеса Мойсейсь свядетельствасъ тейстъ.

5. Мызярда же Іисуссь сувась Капернаумти; сась Тейнза сотнекьсь и енельдязе Соннь,

[ 25 ]6. Кортазь: Азыръ! урязе мойнь мадый кудса лавчаптфъ и пякь сяряди.

7. Іисуссь кортай тейнза: Монъ саянъ; и пычкавтса соннь.

8. Сотнекь же кортазь Тейза азсь: Азыръ! монъ афъ тіянъ, месъ бы Тонъ сувалеть мойннь кудти, а анцякъ азкъ валъ и пычкай урязе мойнь.

9. Вадь хоша монъ ащанъ війть ала, но кода и мойнь війть ала улійхьть салдатне, еста мярьгянъ фкяти: мольть и молій; и омбацети: сакъ и сай; и урязнти: тійкъ сяннь и тійсый.

10. Кулязь тянь Іисуссь дивандась, и молійхьтненти мельганза азсь: видеста кортанъ тейнтъ: Израильть есанга Монъ изнь мушанда тяфтама вера.

11. И азанъ тейнтъ, месъ ламатъ сайхьть шистямать и шивалгамать ширеста и озайхьть Авраамть, Исаакть, и Іаковть марта менельннь царстватьеса.

12. А цю̄ратне царствать ю̄рдавійхьть шобдаксти ушестаннь; тоса ули авардяма и цятырдама пейтнень.

13. И азсь Іисуссь сотнекти, мольть, и кода тонъ верандатъ, тяфта и улеза тейть. И урецъ соннь пычкась ездкіе.

14. Сазь Іисуссь Петраннь кудти, няязе соннь авазянцъ, конацъ мадый псій урмаса.

15. И сявызе соннь кядьда, и псій урмась кадызе соннь: и стясь и служиндась Тейнза.

16. Илятти же вятясть Тейнза лама ломанньда, конатъ ульсть кырьдяфтъ шайтантнень езда, и Сонъ [ 26 ]панязнь духтнень валса и сембеннь сярядійхьтнень пычкафтызнь.

17. Улеза тійфъ азфсь ингальце-азандый Исаіяйтьеса, конацъ кортай: Сонъ сявызнь есь лангазнза миннь урманекень и кандазнь сярядманекень.

18. Няязь же Іисуссь есь перьфька лама ломанньда мяргсь Сонньценнь тонадыйхьтненти уймасъ тона ширети.

19. И шаштазь Тейнза фке сю̄рмаса-содай азсь Тейнза: Тонафтый! молянъ мельгатъ, ковъ Тонъ дялеть моль.

20. Іисуссь кортай тейнза: келазтненти улійхьть варетъ и менельннь нармантненти улійхьть пизатъ, а ломаннь Цю̄рати ашъ, коса комафтама прянцъ.

21. Омбаце тонадыйнзанъ езда азсь Тейнза: Азыръ! мярькь тейнь васенда мольмасъ и калмамсъ алязнь.

22. А Іисуссь азсь тейнза: мольть мельганъ и кадкъ кулатненти калмамсъ есь кулатнень.

23. И мызярда сувась Сонъ веньчсъ, тонадыйнза мольсть мельганза.

24. Ездкіе оцю ляйть лангса тіювсь вишке варма, ста месъ веньчсь каявсь волнатненьеса, а Сонъ удысь.

25. Тонадыйнза Соннь, шаштазь Тейнза, кармасть стяфнямсъ Соннь кортазь: Азыръ! ванместь миннь, юматамъ.

26. И азсь тейстъ: мезьда тинь евидяде кыржа-верайхьть? еста стязь изь мярьгя варматненти и оцюляйти, и тіювсь оцю сятявксъ.

[ 27 ]27. Ломатне же диваста кортасть: кіе титя, шта и варматне и оцюляйсь кулцындайхьть Соннь.

28. И мызярда Сонъ ю̄тась омбаце берягть лангсъ Гергесинаннь ширети; васедьсть мартынза кафта кирьдяфтъ шайтантнень езда, конатъ лисьсть лазтнень езда, ста кяжійхьть, месъ кигакъ изясь откырьгадъ ю̄тамсъ тонакить езга.

29. И ездкіе ювадьсть синь и кортасть: мезе Тейть тейганакъ Іисуссъ Шкайннь Цю̄рай? сать сей пингеда ингале тарвадамсъ миннь!

30. Ичкизе же ездадыстъ ванавсь оцю урта туваннь.

31. И шайтантне енельдьсть Соннь кортазь: кыда паньсаместь миннь, еста мярькь тейнекъ мольмасъ туваннь уртати.

32. И азсь тейстъ: моляда. Синь же лисязь сувасть туваннь уртати. И вовъ вирьгядязь ласкась сембе уртась туватненнь берягть езга оцюляйти, и ваясь ведьса.

33. Ваныйхьтне же ласксть; и саязь ошти азазь сембеннь колга, и шайтантнень езда кирьдяфтнень колга.

34. И вовъ сембе ошсь лиссь Іисуссь каршазъ; и няязь Соннь енельдьсть, месъ бы Сонь туль синнь ширеснанъ езда.




Вейхсаце глава.

1. Еста Сонъ сувазь веньчсъ печкась меки, и сась Соньценнь ошьсъ.

[ 28 ]2. И вовъ кандсть Тейнза лавчаптфъ, мадый атцама лангса. И няязь Іисуссь вераснанъ азсь лавчаптфти: ульть откыре цю̄рай! кадывійхьть тейтъ грехьтне тоннь.

3. И вовъ кодаматъ-бади сю̄рмаса-содайхьтнень езда азсть есь потмасастъ, Сонъ Шкайть наругасый.

4. Іисуссь няймаста мяльснанъ азсь: мезенти мялятадъ афъ пара тинньценнь седитнень потмаса?

5. Вадь, мезе сяда тю̄жде, азмысъ ли: кадавійхьть тейть грехтне; али азмысъ: стякъ и якакъ?

6. Но месъ бы тинь содалесть, месъ ломаннь Цю̄рать ули війцъ модать лангса кадандамсъ грехьтнень; (еста кортай лавчаптфти): стякъ, сявкъ атцамацень и ардтъ тоньцень кудти.

7. И сонъ стязь (сявазе атцамать соньценнь), и тусь есь куднцти.

8. Ломатне же няязь няннь дивандасть и шназь Шкайть, Конацъ макссь тяфтама вій ломатненти.

9. Ю̄тазь тоста Іисуссь няязе озада ащійть даценнь-кочксямать ваксса ломань, конаннь лемецъ Матфей и азсь тейнза: мольть мельганъ. И сонъ стязь тусь мельганза.

10. И мзярда Іисуссь озада ащась моркшть фтала кулсанза, еста сась лама даценнь-кочкайда и грешнекьда и озасть Іисуссть и тонадыйнзанъ марта.

11. И няязь тяннь Фарисейтне азсть тонадыйхьтненти Соннь: мезенти Тонафтыйнтесть ярцай и симмій даценнь-кочкайхьтнень и грешнекьтнень марта?

12. Іисуссь же кулязь тяннь азсь тейстъ: афъ тазатне анайхьть пычкафтыйть, но сярядійхьтне.

[ 29 ]13. Моляда, тонадыда, мезе ули кортамась: милостида вешанъ, а афъ кандамада (Осіи 6, 6.). Вадь Монъ сань афъ виде ломатнень, а грешнекьтнень терьдямсъ каяндамати.

14. Еста сашиндыйхьть Тейнза Іоаннть тонадыйхьтне и кортайхьть: мезенти минь и Фарисейтне гавендатамъ лама, а Тоннь тонадыйхьтне афъ гавендайхьть?

15. Іисуссь азсь тейстъ: кармайхьть ли ирьвяяманнь инжійхьтне канзидьма, мызярсъ мартыстъ ирвяяй цю̄рась, а сайхьть шить, мызярда норгавій синнь езда ирьвяяй цю̄рась и еста кармайхьть гавендама?

16. Кійге афъ стакшній пандксъ одть езда сире вельтямати: Вадь одъ пандксъ сязявій вельтямать езда и варесь ули сяда оцю васенцеть горязъ.

17. Афъ кайсійхьть одъ винада сире уфамти, а ліексъ сязявійхьть уфамтне, и винась пяярьдявій и уфамтне юмайхьть. Но одъ винать кайсясазь одъ уфамти и кафицке ванавійхьть.

18. Мызярда Сонъ кортась тяннь тейстъ, фке оцютнень езда сась и сюкунязь Тейнза кортась: стирьзе тяни кулась, но сакъ, путкъ соннь лангсъ кядьцень, и сонъ кармай еряма.

19. И стязь Іисуссь тусь мельганза и тонадыйхьтне Соннь.

20. И вовЪ ава, кона сярядсь вершудимаса кемькафтува кизатъ, шаштазь фталда, токась тырвати вельтямать Соннь.

[ 30 ]21. Месъ кортась сонъ потмасанза: кодакъ токанъ вельтямати Соннь, пычканъ.

22. Іисуссь же шаркштазь и няязь соннь азсь: дятъ пель стирь вераце вананзе тоннь, и авась пычкафтфъ ульсь ездкіе.

23. И мызярда сувась Іисуссь кудти сицяннь оцюннь и няйсь нудиморайхьть и ломантъ сюмбарямаса;

24. Еста азсь тейстъ: лисяда ушу; месъ стирьсь афъ кулась, но удый, и пеядьсть Соннь лангса.

25. Мызярда же ломатне ульсть паньфтъ; Сонъ сувазь сявазе соннь кядьда и стирь вельмась.

26. И тусь кульма тяннь колла сембе ся мастырть ланга.

27. Мызярда Іисуссь мольсь тоста, кафа сокартъ молязь мельганза пишкадьсть и кортасть: ижальдяместь миннь Іисуссь Цю̄рай Давидннь!

28. Мызярда же Сонъ сась кудти; еста шаштсть Тейнза сятъ сокартне и кортай тейстъ Іисуссь: вератадъ ли, месъ Монъ тяннь тійса? Синь кортайхьть Тейнза: вератамъ, Азыръ!

29. Еста Сонъ, токазь сельметненти синнь, азсь: тиннь вератькса улеза тейнтъ.

30. И панжавсть сельмасна. И кемекста шукшазь тейстъ Іисуссь кортась: ванада, месъ бы кигакъ изязе сода.

31. А синь лисязь кандазь кульмать Соннь колга сембе ся мастырть ланга.

[ 31 ]32. Синнь лисимать же пинкста вятьсть Тейнза ломань кяльфтыма, кона кирьдьфъ ульсь шайтанть езда.

33. И паньмада меля шайтанть кяльфтымась кармась кортама. И ломатне дивандазь кортасть: мызярдынга тя афъ няйфъ ульсь Израильтьеса!

34. Фарисейтне же кортасть: Сонъ шайтантнень панцій шайтаннь оцютъ кувалга.

35. И якась Іисуссь сембе оштнень и велетнень езга тонафнязь синагогаснанъ еса, азандазь евангельть царствать и пычкафнязь аръ сярядьксть и аръ урмать ломаньса.

36. Няязь ина ломатнень ижальдьсь синнь колга, месъ синь тарвадфтъ и страфтафтъ, када учатъ ваныфтыта.

37. Еста кортай Соньценнь тонандыйхьтненьти: нумада лама, а нуйда кыржа.

38. И стане озандада Азырти нумать, местьбы Сонъ кучаль нуйхьть нуманцъ лангсъ.




Кеменце глава.

1. И тердязь кемькафтува Соньценнь Тонадыйхьтнень макссь тейстъ вій шайтантнень лангсъ, штабы панцямсъ синнь, и пычкафнямсъ аръ сярядьмять и аръ урмать.

2. Кемькафтува же Апостолтнень лемьтне стаматъ: васенце Симонсъ, лемдявій Петръ, Андрейсь брадацъ соннь; Іаковсь Зеведейннь и Іоаннсь брадацъ соннь,

[ 32 ]3. Филиппсь и Варфоломейсь, Фомась и Матфей мытарсь; Іаковсь Алфейннь и Леввей лемдяфъ Фаддейсь;

4. Симонъ Кананитсь, и Іуда Искаріотсь, конацъ мійзе Соннь.

5. Нятъ кемькафтуватнень кучазнь Іисуссь и мярьгсь тейстъ кортазь: язычнектненти дяда яка и ошти Самарянаннь дяда сува.

6. А моляда юмафъ учатненти кудть Израильннь.

7. И ковъ сатадъ, азандада кортазь: маласъ сась менельннь царствась.

8. Сярядійхьтнень пычкафняда, мадыйхьтнень проказса арупняда, кулатнень ерякафняда, шайтантнень панцяда; стакъ сявыде, стакъ и максада.

9. Дяда сявында мартынтъ афъ золатада, афъ сіяда, афъ серяда тиннь каркстнень перьфъ,

10. Афъ кескавъ кить лангсъ, афъ кафта вельтяматъ, афъ кяметь, афъ байдекь. Вадь тійсь тевть, тій тряямать.

11. Кодама бы ошти, али велети дяльде сува, содакшняда; кіе тоса тій, и сяннь пяле еряда, мызярсъ афъ листядъ тоста.

12. А сувазь кудти шумбрафтада соннь кортазь: ладъ тя кудти.

13. Кыда кудсь ули тій, еста ладнтесть саяза лангазнза, а кыда ули афъ тій, еста ладнтесть тейнтъ мырдаза.

14. А кыда кіе афъ приматедезь и афъ [ 33 ]кулцындсыйнь тиннь валтнень, еста лисязь тя кудть, али тя ошть езда, шукасть пульть тиннь пильгетнень езда.

15. Видеста кортанъ тейнтъ: Содомннь и Гоморннь мастырти сяда тю̄жде ули судннь шиста, кода тя ошти.

16. Вовъ Монъ кучатедезь тиннь, кода учатнень выргазтнень кучкасъ; и стане уляда ю̄нувтъ, кода куйтне, и арутъ, кода гулятне.

17. Ванавада ломатнень езда: месъ синь кармайхьть максымсъ тиннь судтненти и Синагогаснанъеса кармайхьть шавма тиннь.

18. И вяттедезь тиннь оцютненти и оцю-азыртненти Монньксанъ свядетельствасъ синнь ингале и язычнектнень ингале.

19. Мызярда же кармайхьть макссямсъ тиннь, дяда пичадь, кода, али мезе кортамсъ: месъ тона часста максавій тейнтъ, мезе азамсъ.

20. Вадь афъ тинь карматадъ кортама, но Алянтестень Духсь кармай кортама есантъ.

21. Макссый же кулымати брадсь браданцъ, алясь иденцъ, и стяйхьть идьтне аляснанъ лангсъ, и кармайхьть кулафтамсъ синнь.

22. И ультядъ пякь афъ кельгафтъ сембетнень езда лемьзенькса; кирьдійсь же мякь пети ванавій.

23. Мызярда же кармайхьть паньма тиннь фке ошса, орьгядяда омбацети. Вадь видеста кортанъ тейнтъ: афъ кенырдтатъ ю̄тамсъ Израильннь оштнень, кода сай ломаннь Цю̄рась.

[ 34 ]24. Тонадыйсь афъ сяда оцю тонафтыйть горязъ и урясь афъ сяда оцю соньценнь азырть горязъ.

25. Саты тонадыйти, штабы сонъ уляль, кода тонафтыйсь соннь, и уряти, штабы сонъ уляль кода азырсь соннь. Кыда кудъ азырть лемьдязь Веельзевулса, тяда лама кудсанза еряйхьтнень.

26. И стане дяда пель синнь езда: месъ ашъ мезева кяшфда, мезебы афъ панжаваль, и ашъ мезева сю̄пфаннь, мезе бы афъ аль уль содафъ.

27. Тя, мезе Монъ кортанъ тейнтъ шобдаксста, кортада валдаста, и тя, мезе кулятадъ пиле лангсъ, азандада кудннь вярьде.

28. И дяда пель телать шавійхьтнень езда, вайметь же афъ маштыйхьтнень шавмасъ; а пеляда сяда лама тонаннь езда, конацъ маштый и вайметь и телать юмафтама гееннаса.

29. Афъ кафта ли нармытть мійндявійхьть фке ассаріетькса[1] и фкавакъ синнь ездадыстъ афъ прай модать лангсъ Алянтестень воляфтыма.

30. А тиннь и шаярьтне прять лангса сембе лувфтъ.

31. Дяда пель же: тинь сяда питнятядъ лама нармантнень горязъ.

32. И стане арть колга, кіе азый ломатнень ингале, месъ сонъ Моннь содасаманъ, азанъ и Монъ Алязнь ингале, конацъ ули менельтнень лангса, месъ Монъ содаса соннь.

33. А кіе азый ломатнень ингале, месъ сонъ афъ [ 35 ]содасаманъ Моннь, тонаннь колга и Монъ азанъ Алязнь ингале, конацъ ули менельтнень лангса, месъ Монъ афъ содаса соннь.

34. Дяда мялякшня, месъ Монъ сань кандама ладъ модать лангсъ, Монъ сань афъ ладъ кандама, а тюрьма-пеель.

35. Месъ Монъ сань явфтамсъ ломанть алянцъ марта и стирьть маманцъ марта и ирьвянеть авазнцъ марта.

36. И душмантне ломанти улійхьть соннь марта фке кудса еряйхьтне.

37. Кіе кельгій алянцъ, али маманцъ сяда лама Моннь горязъ, афъ тій Моннь; и кіе кельгій цю̄ранцъ или стиринцъ Монньданъ пякь, афъ тій Моннь.

38. И кіе афъ сявсый хрю̄станцъ, и афъ туй мельганъ, тона афъ тій Моннь.

39. Ваныйсь вайменцъ юмафтсый соннь; а юмафтыйсь вайменцъ Монньксанъ мусый соннь.

40. Примандайсь тиннь, Моннь примандасаманъ, а примандайсь Моннь примандсый кучійть Моннь.

41. Примандайсь ингальце-азандыйть лемьсъ ингальце-азандыйть, сявсый питнеть ингальце-азандыйть; и примандайсь виделоманть лемьсъ виделоманть, сявсый питнеть виделоманть.

42. И кіе симфтсый фкеннь ся ю̄мблатнень езда анцякъ цяраса кельме ведьда лемьсъ тонадыйть, видеста кортанъ тейнтъ, афъ юмафтсый соньценнь питнеть.


  1. Ю̄мбла монета.




[ 36 ]

Кемьфкице глава.

1. И мзярда Іисуссь шумырдазе тонафтаманцъ кемькафтува Сонньценнь тонадыйхьтненти: ю̄тась тоста тонафтама и азандама ошсасть.

2. Іоаннъ же кулязь шобда кудса Христость тевьтнень колга: кучсь кафта есь тонадыйхьтнень езда.

3. Азамсъ Тейнза: Тонъ ли сице, конанцти еряви саямсъ, али учамсъ тейнекъ омбацеть?

4. Іисуссь тейстъ сяннь лангсъ азсь: моляда, азасть Іоаннти, мезе кулятадъ и няятадъ.

5. Сокыртне няйхьть, шамырдыйхьтне якайхьть, урмавтне арупнявійхьть, афъ кулійхьтне кулійхьть, кулатне вельмакшнійхьть и анайхьтненти паракуля азандавій.

6. И шумбра ули тона, кона афъ прай мяльса колганъ.

7. Синнь тумада меля кармась Іисуссь ломатненти кортама Іоаннть колга: мезнь варжама тинь якаде шаваширесъ? нюдиксъ ли вармать езда тярій.

8. Мезнь ина якаде няйма? ломань ли вельтяфъ питній вельтямаса? Каннійхьтне питній вельтяматъ еряйхьтъ оцю-азырннь кудса.

9. Мезнь ина якаде няйма? ингальце-азандыйть? Ста, кортанъ Монъ тейнтъ, и сяда оцю ингальце-азандыйть.

10. Вадь сице ули тонацъ, конаннь колга сю̄рмаса азфъ ули: вовъ Монъ кучанъ Монь куляпачфтыйть [ 37 ]Тоннь шамать ингале, конацъ анакласый кицень Тоннь ингале.

11. Видеста кортанъ тейнтъ: шачфтнень езда ирьвяса изь уль сяда оцю кстиндай Іоаннть горязъ; а сембеде ю̄мбла менельннь царстваса ули сяда оцю соньдянза.

12. А кстиндай Іоаннть шитнень езда тячисъ менельннь війса сявандавій, и війса вещандійхьтне сатнясазь соннь.

13. Вадь сембе ингальце-азандыйхьтне и законсь Іоаннда ингале азасть.

14. И кыда кельгтядъ содамсъ; сонъ ули Иліясь, конанцти еряви саямсъ.

15. Конанцъ улійхьть пиленза кулямсъ, куляза.

16. Но киньти коньдяфтаса Монъ ся шачамать? Сонъ ули коньдяма идьтненти, конатъ озада ащійхьть ульцяса и серьгядійхьть есь ялгаснанъ.

17. И кортайхьть: минь мораме тейнтъ нюдиса, и тинь изде киште; минь мораме тейнтъ авардяма-моратъ, и тинь изде аварьдь.

18. Вадь сась Іоаннсь, афъ ярцай, афъ симмій, и кортайхьть: потмасанза шайтансь.

19. Сась ломаннь Цю̄ра, ярцай и симмій; и кортайхьть: вовъ ломань, конацъ кельгій ярцама и винать симма, ялга даценнь-кочкайхьтненьти и грешнектненти. Но цю̄ратне оцю-содамать макссть тейнза виде.

20. Еста Сонъ кармась сютцяма оштнень, конатнень потмаса няйфтфъ ульсь сяда лама війнзанъ, сясъ, месъ синь изсть каянда.

[ 38 ]21. Пичафксъ тейть Хоразинъ! пичафксъ тейть Вифсаида! Вадь кыда бы Тирса и Сидонса няяфтфтъ уляльхьть війтне няяфтфтне есантъ, еста синь кунаракіе каяндальхть аварьдяма-вельтямаса и гулуса.

22. Нальне азанъ тейнтъ: Тирти и Сидонти сяда тю̄жде ули судть шиста, кода тейнтъ.

23. И тонъ Капернаумъ, кепыдявійсь менельть тейсъ, адть тейсъ праятъ: вадь кыдабы Содомса няяфтфтъ уляльхьть війтне, няяфтфтне потмасатъ; сонъ лядаль мянь тячисъ.

24. Нальне азанъ тейнтъ: Содомннь мастырти сяда тю̄жде ули судть шиста, кода тейть.

25. Тона пингста кувалгаптазь валнцъ Іисуссь азсь: максанъ шнама Тейть Аляй, Азыръ менельть и модать, месъ тонъ сю̄пійть сяннь лама содайхьтнень и ю̄нутнень езда, и панжійть тяннь ю̄мбла идьтненти!

26. Ста Аляй! вадь стама ульсь Тоннь паракельгамаце.

27. Сембе максфъ Тейнь війзнь алу Моннь Алязнь езда: и кійге афъ содасый Цю̄рать Аляда башка, и Алять афъ содасый кигавакъ Цю̄рада башка, и киньти Цю̄рась кельгій панжамсъ.

28. Саяда Тейнь сембе, тійхьтне тевьтнень и сталгадафтне и Монъ ваймафтатедезь тиннь.

29. Сявада кандамазнь Моннь лангазнтъ и тонадада Моннь ездаднъ вадь Монъ афъ кяжіянъ и сятяванъ седиса: и мусасть ваймамать тиньценнь вайметненти.

[ 39 ]30. Вадь кандамазе Моннь ули пара и сталмазе Моннь ули тю̄жде.




Кемькафтаце глава.

1. Тона пингста ю̄тнясь Іисуссь видьфъ пакся лангса субботаннь шиста, тонадыйнза же Соннь вачсть и кармасть сязяньдяма сю̄раннь прятъ и ярцама.

2. Фарисейтне няязь сяннь азсть Тейнза: варжакъ, Тоннь тонадыйхьтне тійхьть тя, мезе афъ еряви тіймасъ субботаста.

3. Сонъ же азсь тейстъ: аль тинь изде морафтъ, мезе тійсь Давидсь, мызярда вачсь соньць и улійхьтне мартанза?

4. Кода сонъ сувась Шкайннь кудсъ и ярцась туямать кшида, конатнень афъ иль ушардъ ярцамсъ афъ тейнза, афъ улійхьтненти мартанза, а лишь скамстъ поптненти?

5. Иле, изде морафтъ тиннь законтьеса, шта поптне церкваса субботаста коласазь субботать, а синь афъ муварть?

6. Но азанданъ тейнтъ, месъ тяса тите, конацъ ули сяда оцю церквать горязъ.

7. А кыда тинь содалесть, мезе ули азфсь: милостида вешанъ, а афъ туямада: афъ ильде карма кортафтама афъ-мувартнень.

8. Вадь ломаннь Цю̄рась ули азыръ субботатинге.

9. И тушандазь тоста сувась синнь синагогасъ.

[ 40 ]10. Тяса ульсь ломань коськекядь, и кизифтязь Іисусть: нолдавій ли пычкафтамсъ Субботаста? месъ бы муваргафтама Соннь.

11. Сонъ азсь тейстъ: кіе тиннь ездадынтъ ули стама, конаннь ули фке учацъ, и, кыда сонъ субботаннь шиста прай лодксъ, афъ сявсый и афъ таргасый соннь?

12. Мызярксть же цебярь ломаньсь учада? И стане нолдавій субботастанга тіймасъ пара.

13. Еста мярьгій тона ломаннти: веняптькъ кядьцень, и сонъ веняптязе и тіявсь кеме, кода омбацесь.

14. Фарисейтне же лисязь тійсть утаразнза мяль, кода бы шавмасъ Соннь.

15. Но Іисуссь содазь тусь толда; и мольсь мельганза лама ломанньда и Сонъ пычкафтазнь синнь сембеннь.

16. И шукшась тейстъ тіяньдямсъ Соннь содафса:

17. Улеза тійфъ азфсь ингальце-азындый Исаіять еса, конацъ кортай:

18. Вовъ идязе Моннь, конаннь Монъ кочкае; кельгафъ Моннь, конанньеса сембе паракельгама Моннь ваймезнь; путса духазнь Моннь лангазанза и азасый видеть ломатненти.

19. Афъ кармай сялндама, афъ пишкадьма, и кійга афъ кульсый Соннь вайгельть кійю̄ткса.

20. Пялесъ синьдфъ байдекь афъ синьдій и ляназъ качамай афъ матый, мызярсъ видецъ Соннь афъ кирдій пря.

[ 41 ]21. И Соннь леменцъ лангсъ кармайхьть надіяма ломантне.

22. Еста вятьсть Тейнза ломань, конацъ кирьдфъ ульсь шайтанть езда, сокыръ и кяльфтыма, и пычкафтазе соннь ста, шта сокарсь и кяльфтымась кармась и кортама и няйма.

23. И дивандасть сембе ломатне и кортасть: афъ тите ли Христоссь Давидннь Цю̄рась?

24. Фарисейтне кулязь сяннь азсть: Сонъ панцій шайтантнень шайтаннь же оцють Веельзевульть війса.

25. Іисуссь же содамста мяльтнень синнь азсь тейстъ: сембе царствась явфтфъ соньценнь лангазанза лядый шава и сембе ошсь, али кудсь явфтфъ соньценнь лангазанза афъ ащавій.

26. Кыда шайтанъ панцій шайтанъ, еста сонъ явсь есь мартанза, кода же ащавій соннь царствась?

27. И кыда Монъ Веельзевульть війса паньцянъ шайтантъ, еста цю̄раннте киннь війса панційхьть? Сясъ синь улійхьть тейнтъ судьяса.

28. А кыда Монъ Шкайннь Духса панцянъ шайтантъ; еста содафста пачкадьсь тиннь тейсъ Шкайннь царствась.

29. Или кода маштый кіе сувамсъ кудсъ віійть и саламсъ соннь парашинцъ, кыда васьце афъ сотсый віійть? еста разде саласый соннь куданцъ.

30. Кіе афъ мартанъ, тите Моннь утаразнъ; и кіе афъ кочкасій мартанъ, тите юмафній.

31. Сясъ кортанъ тейнтъ: сембе грехсь и [ 42 ]наругамась кадавійхьть ломатненти; а наругамась Духть лангсъ афъ кадавій ломатненти.

32. И кыда кіе азый валъ ломаннь Цю̄рать лангсъ; кадавій тейнза; а кыда кіе азый Святой Духть лангсъ; афъ кадавій тонанти, афъ ся векьса, афъ тонаньеса, кона сай.

33. Али путада шуфта цебярь, и кенерьфанъ цебярь, али путада шуфта осалъ, и кенерьфацъ осалъ: вадь шуфтась содавій кенерьфанцъ езга.

34. Ехиднаннь левкстне, кода тинь машттадъ кортама пара улязь афъ паратъ? месъ седійть пяшкадьмать езда кургатне кортайхьть.

35. Пара ломансь (седійть) пара парашить езда лифній пара: афъ пара же ломансь афъ пара парашить езда лифній афъ пара.

36. Азанданъ же тейнтъ, шта ломатне аръ тевьфтыма валтькса, конанцъ синь азсазь, максзазь ответть судннь шиста.

37. Вадь тоньцень валтнень езда видематъ, и тоньценнь валтнень езда кортафтаватъ.

38. Еста кармасть кортама кодаматъ бади сю̄рмаса-содайхьтнень и Фарисейтнень езда и азсть: Тонафтый! минь кель гальме няймасъ Тоннь ездадатъ цюда.

39. Но Сонъ тейстъ синнь валснанъ лангсъ азсь: шачама афъ пара и ирьвяяма-колайсь вещандій цюда, и цюда афъ максавій тейнза, разде цюда Іонать ингальце-азандыйть.

40. Вадь кода Іонась ульсь китаннь пекьса колма [ 43 ]шитъ и колма ветъ; стане и ломаннь Цю̄рась кармай ащама модать потмаса колма шитъ и колма ветъ.

41. Ниневіяннь еряйхьтне стяйхьть судти ся шачамать марта и муваргафтсазь соннь; вадь синь каяндасть Іонань тонафтамать езда; а тяса ули сяда оцю Іонать горязъ.

42. Оцю-азыравась пялеширеннь стяй судти ся шачамать марта, и муваргафтсый соннь; вадь сонъ ичкизденнь ширетнень езда сась кулямсъ Соломоннь оцю содамать: а тяса ули сяда оцю Соломонть горязъ.

43. Мызярда шайтанъ лисяндій ломанть езда, еста якай ведьфтыма вастнень ланга вещандязь ваймамать и афъ мушандый.

44. Еста кортай: мырданъ кудазнъ, конаннь езда лисянь и сазь мушандсый соннь шаваса, тяйфса и урядафса.

45. Еста сай и сявандій есь мартанза сисемь омбацеть шайтантъ, сяда кяжійхьть соннь горязъ и сувазь еряйхьть тоса: и ули тя ломанти мельцесь сяда осалъ васенцеть горязъ. Стане ули и ся афъ пара шачамать марта.

46. Мызярда же Сонъ неньге кортась народти: мамацъ и браданза ащасть кудть ушеста, вешазь кортама мартанза.

47. И кати-кіе азсь Тейнза: вовъ мамаце и брадатне Тоннь ащійхьть калдазса и вешійхьть кортамсъ мартатъ.

48. Сонъ же валснанъ лангсъ азсь: кіе мамазе Моннь? и кіе брадане Моннь?

[ 44 ]49. И няйфтазь кядса тонадыйнзанъ лангсъ азсь: вовъ мамазе Моннь и брадане Моннь. Вадь кіе кармай тійма волянцъ Алязнь менельннь, тите Тейнь браднзе, и сестразе и мамазе.




Кемьколмаце глава.

1. Лисязь же тона шиста кудста Іисуссь озась оцю ляйть ваксса.

2. И пурамась перьфканза лама народда ста, месъ Сонъ сувазь веньчсъ озась; а сембе народсь ащась берягть лангса.

3. И тонафтазнь синнь лама ю̄вксса кортазь: вовъ лиссь видійсь видьма.

4. И кыда видьсь сонъ, фке прась ки ваксса и ліясть нармантне и севазь соннь.

5. Омбаце прась кевннь вастатнень лангсъ, коса ульсь афъ лама модада, и ездкіе лиссь, сясъ, месъ афъ кыркаста ащась модатьеса:

6. Маниннь же псить езда палась, и кыда изь уль корянецъ, коськсь.

7. Омбаце прась пупай тишій вастсь, и кассь пупай тишесь и матразе соннь.

8. Омбаце прась цебярь мода лангсъ и кандсь кенерьфь, фке сядангырда, омбаце коткеменьнгырга, омбаце колмакеменьнгырда.

9. Конаннь улійхьть ниленза кульмасъ, кулеза.

[ 45 ]10. И шаштазь тонадыйхьтне азсть Тейнза: мезнти ю̄вксса кортатъ тейстъ?

11. Сонъ сяннь лангсъ тейстъ азсь: сясъ, месъ тейнтъ максфъ содамсъ сю̄пфтъ менельннь царствать, а тейстъ афъ максфъ.

12. Вадь киннь ули, сянти максавій и ламалгадый, а киннь ашъ, тонаннь кядста норгавій и тя, мезе ули.

13. Сянкса Монъ кортанъ тейстъ ю̄вксса, месъ синь няязь афъ няйхьть, и кулязь афъ кулійхьть и афъ шарькыдійхьть.

14. И тіявій лангсастъ ингале азандамась Исаіять, конацъ кортай: кульмаса культядъ, и афъ шарькыдьтядъ, и сельмеса варжатадъ а афъ няйтядъ.

15. Вадь калгадсь седійсь нятъ ломатнень и пилеснанеса стакаста кулійхьть и сельмеснанъ пякстазь, месъ бы афъ няялезь сельмеса, и афъ кулялезь пилеса и афъ шарькыдялезь седиса и афъ шарксталезь, месъ бы Монъ пычкафталійнь синнь.

16. Тиннь же шумбратъ сельменнте, месъ няйхьть, и пилентте, месъ кулійхьть.

17. Вадь видеста кортанъ тейнтъ, лама ингале-азандыйда и виделоманьда вешасть няймасъ, мезе тинь няйтадъ, и изясь няй; и кулямсъ, мезе тинь кулятадъ и изязь куль.

18. Тинь же кулясасть ю̄вксть видійть колга.

19. Аръ кулійти валъ царствать колга и афъ шарькыдійти сашандый шайтансь, и норгій видьфъ [ 46 ]седійтьеса соннь. Вовъ тона, конаннь потмаса видьфъ киваксса.

20. А кевннь вастатнень лангса видьфъ ули тона, конацъ кулій валъ и ездкіе сявандсый соннь кеняньдяма марта.

21. Но конанцъ потмаса ашъ корянь, и конацъ афъ кеме; кыда же сай канзидьмась, и паньмась валтькса, ездкіе пракшній мяльса.

22. А видьфъ пупай-тишій вастса ули тона, конацъ кулій валъ, но конанцъ потмаса пичадьма ся векьть и мазицъ козялгадьмать матрасазь валть, и сонъ уляндій кенерьфьфтыма.

23. А видьфъ цебярь мода лангса ули тона, конацъ кулій валъ и шарькыдій, конацъ неньге уляндій кенерьфтнень марта ста, месъ фке канній кенерьфь сядангырда, омбаце коткеменьнгырда, омбаце колмакеменьнгырда.

24. Омбаце ю̄вксь азсъ тейстъ, кортазь: менельннь царствась ули коньдяма ломанти, кона видясь цебярь видьма паксянцъ лангса.

25. Мызярда же ломатне удасть, сась душмансь соннь и видясь пакартъ тозярать ю̄ткса и тусь.

26. Мзярда сю̄рась лиссь и кармась тіявма колазксъ, еста няювсть и пакартъ.

27. Урятне же саязь азсть азырти: азыръ! афъ цебярь ли видьма тонъ видять паксяцень лангса? Костана сявавсть пакарьтне?

28. Сонъ азсь тейстъ: душманъ ломансь тіязе [ 47 ]сяннь. Урянза же азсть тейнза: вешатъ ли, минь мольтямъ кочкасайнекъ?

29. Но cонъ азсь тейстъ: афъ, месъ бы таргазь пакарьтнень афъ таргамсъ фасца синнь мартастъ и тозярать.

30. Кадыйнть касамсъ фасца тяннь и омбацеть нуймать тейсъ; и нуймать пингста монъ мярьганъ нуйхьтненти: кочкайнть васенда пакарьтнень и сотыйнть синнь пулфсъ, месъ бы палфтамсъ синнь, а тозяратнень пырдайнть моннь утамсъ.

31. Омбаце ю̄вксъ азсь тейстъ кортазь: менельннь царствась ули коньдяма горчиценнь видьмати, конаннь сявазь ломансь видязе есь паксянцъ лангса.

32. Конацъ хоть сембе видьмада ю̄мбла, но мызярда касый, уляндій сембе касамада оцю, и тіявій шуфтаса ста, месъ нармантне менельннь ліяндійхьть и кяшандійхьть тараднзанъ потмаса.

33. Омбаце ю̄вксъ азсь тейстъ: менельннь царствась ули коньдяма шапавксти, конаннь ава сявазь путазе почфть колма медиркссъ и кадазе, мызярсъ шапамій сембе.

34. Сембеннь тяннь кортась Іисуссь ломатненти ю̄вксса, и ю̄вксфтыма мезева изь корта тейстъ.

35. Улеза тійфъ азфсь ингальце-азандыйса, конацъ кортай: паньжса ю̄вкстненьеса кургазнь, и азса кяшфть мастырть тіймать езда. (Псал. 77 ст. 2.).

36. Еста Іисуссь нолдазь ломатнень сувась кудти; и шаштазь Тейнза тонадыйхьтне Соннь азсть: азкъ тейнекь ю̄вксть пакарьтнень колга паксять лангса.

[ 48 ]37. Сонъ азсь тейстъ сяннь лангсъ: видійсь цебярь видьма ули ломаннь Цю̄рась,

38. А паксясь ули мастырсь, а цебярь видьмась улійхьть цю̄ратне менельннь царствать; а пакарьтне улійхьть шайтанть цю̄ранза.

39. А душмансь видійсь сятнень ули шайтансь; а нуймась ули векьть песь; а нуйхьтне улійхьть Ангельтне.

40. Кода кочксявійхьть пакарьтне, и толса палфнявійхьть: стане ули ся векьть песта.

41. Кучсыйнь ломаннь Цю̄рась Соньценнь Ангельтнень и кочкасазь Соннь царствать езда сембе колафкстнень и тійхьтнень законьфтыма.

42. И ю̄рдасазь синнь толннь пянакудти; тоса ули аварьдяма и пейтнень цятырдама.

43. Еста виде ломатне валдаптавійхьть, кода манись, Аляснанъ царстватьеса. Конаннь улійхьть пиленза кулямсъ, кулеза.

44. Неньге менельннь царствась ули коньдяма парашити, конацъ кяшфъ паксять лангса, и конаннь муязь ломансь, сю̄пазе, и кеняньдямать езда соннь колга, молій и сембе, мезе ули, мишандій, и рамасый тя паксять.

45. Неньге менельннь царствась ули коньдяма мишандійти, конацъ вещандій цебярь жемчугъ.

46. И конацъ муязь фке питній жемчугть мольсь, и мизнь сембеннь, мезе ульсь, и рамазе соннь.

47. Неньге менельннь царствась ули коньдяма [ 49 ]оцю калннькундцямати, конацъ ю̄рдафъ оцюляйти кундась калда сембеннь пародатнень;

48. И конанцъ, мызярда пяшкадявсь, усказь берягть лангсъ, озасть и цебяртнень кочказь кядьгетнень потмасъ, а осалтнень ю̄рдазь ушу.

49. Стане ули и векьть песта: лисійхьть Ангельтне и явфтсазь афъ видетнень видетнень езда.

50. И ю̄рдасазь синнь толннь пянакудти: тоса ули аварьдяма и цятырдама пейтнень.

51. Мекипяли кизифтязнь синнь Іисуссь: шарькыдясть ли тинь сембеннь тяннь? Кортайхьть Тейнза: шарькыдяскь, Азыръ!

52. Cонъ же азсь тейстъ: сясъ аръ сю̄рмаса-содайсь, конацъ тонадсь тонафтамати менельннь царствать колга, ули коньдяма кудазырти, конацъ соньценнь парашить езда лифній одъ и ташта.

53. И мзярда шумырдазнь Іисуссь ю̄вксынзанъ, тусь тоста.

54. И саязь шачаманцъ ширети тонафнязнь синагогаснанъеса ста, месъ синь дивандасть и кортасть: коста Соннь кядьса стама пякь оцю-содамась и війтне?

55. Афъ плотнекеннь ли Сонъ цю̄рась? Афъ Соннь ли мамацъ лемьдявій Маріясь, и браданза Іаковсь и Іосійсь и Симонсь и Іудась?

56. И сестранза афъ сембетъ ли миннь ю̄тксанакъ? костана Соннь кядьса сембе тя?

57. И пракшнясть мяльса Соннь колга. Іисуссь [ 50 ]же азсь тейстъ: косынга ашъ ингальцеазандыйти сяда кыржа шнамада, кода шачаманцъ ширеса и кудсанза.

58. И изь тій тоса лама війда синнь афъ верандаматькса.




Кемьнилійце глава

1. Ся пингста кульсь Иродсь фке ниле-азырандайхьтнень езда куля Іисусть колга.

2. И азсь соньценнь тю̄тьмаканзанти: тите кстиндай Іоаннсь: сонъ велемась кулыйхьтнень езда и сясъ війтне тіявійхьть соннь езда.

3. Вадь Иродсь сявазь Іоаннть сотызе соннь и озафтазе шобда кудти Иродіадть инкса ирьвянцъ Филиппть браданцъ.

4. Вадь Іоаннсь кортась тейнза: афъ еряви тейть, месъ бы сонъ уляль тоннь.

5. И вешазь шавмасъ соннь, пельсь народть езда, сясъ, месъ путнясть соннь ингальцеазандыйксъ.

6. Иродть же шачамать шиста кштійсь Иродіаданнь стирецъ инжійтнень кучкаса и тусь мяльсъ Иродти.

7. Сясъ сонъ варамать марта путсь тейнза максамсъ, мезе сонъ анай.

8. Сонъ же тонафтфъ маманцъ езда азсь: макскъ тейнь тясаже лапшава лангса прянцъ кстиндай Іоаннть.

9. Оцюазырсь пичадсь; но вараматькса и мартанза ярцайхьтнень и симмійхьтненькса мяргсь тейнза максамсъ.

[ 51 ]10. И кучсь шобдакудти керьмасъ Іоаннти прянцъ.

11. И кандазь прянцъ лапшава лангса, и максазь стирти, а сонъ кандазе маманцти.

12. Тонадыйнза же соннь саязь сявазь теланцъ, и калмазь соннь; и тусть, азсть Іисусти.

13. И кулязь Іисуссь тусь тоста венчть лангса ломаньфтыма вастати скамнза, ломатне же кулязь тяннь колга, тусть мельганза оштнень езда ялга.

14. Іисуссь лисязь няйсь лама ломаньда; и токавсь седиса синнь лангсастъ и пычкафтазнь синнь сярядійхьтнень.

15. Илятти же тонадыйхьтне Соннь шаштазь Тейнза азсть: вастась тяса шава, а шись ни комай илятти; нолдакъ народть; месъ бы синь молельхьть велетненти, и рамальхьть есь тейстъ ярцамапяль.

16. Но Іисуссь азсь тейстъ: афъ еряви тейстъ мольмасъ; тинь максада тейстъ ярцама.

17. Синь же кортайхьть Тейнза: миннь тяса ашъ сяда лама вете кшида и кафта калда.

18. Сонъ азсъ: кандыйнть синнь Тейнь тяза.

19. И мяргсь народти озамсъ нарть лангсъ; и сявазь вете кшетнень и кафта калтнень, варжась менельть лангсъ, благословиндазнь и синдязь, максазнь кшетнень тонадыйхьтненти, а тонадыйхьтне народти.

20. И ярцасть сембеть и топадсть; и кочкасть лядый сускамда кемькафтува пяшксе кепьтерьда.

[ 52 ]21. Ярцайда же ульсь пыцтай вете тю̄жеть ломаньда, авада и идьда башка.

22. И ездкіе кошардазнь Іисуссь тонадыйнзанъ сувамсъ веньчти и тумасъ Соннь ингале тона ширети, сяннь ю̄ткува, кода Сонъ нолдасый народть.

23. Нолдазь народть Сонъ куцьсь панда прясъ озандама скамнза. И илятть Сонъ лядась тоса скамнза.

24. Тя ю̄ткува веньчсь ульсь ни оцюляйть кучкаса, и соннь шавасть волнатъ; вадь вармась ульсь утаразнза.

25. Нилице же ванмаста веть мольсь тейстъ Іисуссь оцю-ляйть ланга.

26. Тонадыйнза няязь Соннь молійть оцю-ляйть ланга арасть сюмбаряфтъ и кортасть: тите евыдьксъ, и пельмать езда ювадьсть.

27. Но Іисуссь ездкіе макссь тейстъ вайгель и азсь: ваймафтада тиньценнь; тите Монъ; дяда пель.

28. Петрась же сяннь лангсъ азсь Тейнза: Азыръ! кыда тите Тонъ; мярьгкь тейнь саямсъ Тейть ведьть ланга.

29. Сонъ азсь: мольть. Петрась лиссь веньчста, и мольсь ведть ланга, месъ бы шаштамсъ Іисусти.

30. Но няязь вишке вармать евыдсь, кармась ваяма и ювадсь: Азыръ, ванмакъ моннь!

31. Іисуссь ездкіе венептязе кядьнцъ, кырдязе соннь, и кортай тейнза: кыржа-верандай? мезенти тонъ шерькать верасатъ.

[ 53 ]32. И мзярда сувасть синь веньчти; еста вармась лоткась.

33. Улійхьтне же веньчтьеса шаштазь сюкунясть Тейнза и азсть: видеста Тонъ Шкайннь Цю̄ра.

34. И уязь састь Геннисаретннь ширети.

35. Еряйхьтне тона вастаса, содазь Соннь кучсть азандамсъ сембе ся перьфти и вятязь Тейнза сембеннь сярядійхьтнень.

36. И енельдясть Соннь, месъбы анцякъ нолдаль токама тырвати вельтяманцъ; и тонатъ, конатъ токасть, пычкасть.




Кемьветійце глава.

1. Еста Іерусалимннь сю̄рмаса содайхьтне и Фарисейтне саязь Іисусти кортайхьть:

2. Мезенти Тоннь тонадыйхьтне колайхьть азматъ атятнень? Вадь афъ штасазь кядснанъ, мызярда ярцайхьть кшида.

3. Сонъ азсь сяннь лангсъ тейстъ: мезенти и тинь колатадъ Шкайннь мярьгама тиннь азматькса?

4. Вадь Шкайсь мяргсь кортазь: ловнакъ аляцень и мамацень; и наругайсь алянцъ или маманцъ кулымаса кулаза.

5. А тинь кортатадъ: кыда кіе азый алянцти, или маманцти: тяннь, мезебы тонъ сявалеть ездаднъ есьтейть, монъ максса казьснесъ Шкайти;

[ 54 ]6. Тяфтамасъ війса и афъ-ловнамсъ алянцъ, али маманцъ. Стане тинь коласть Шкайннь мяргамать амзантестенькса.

7. Шамаса-васькафнійхьтне! видеста ингалеазсь колгантъ Исаіясь кортазь:

8. Шаштнійхьть Тейнь нятъ ломатне кургснанеса, и кяльса ловнасамезь, седійсна же ичкизе ащійхьть Моннь езда.

9. Но абунъ ловнасамезь Моннь тонафтазь ломаннь тонафтаматненти и мярьгаматненьти. (Ис. 29, 13).

10. И терьдязь ломатнень азсь тейстъ: куляда и шарькыдяда.

11. Афъ тя, мезе сувсій кургти, гастясый ломанть, но ся, мезе кургть езда лисяндій, гастясый ломанть.

12. Еста шаштазь тонадыйхьтне Соннь, азсть Тейнза: содатъ ли, месъ Фарисейтне кулязь тя валть, пракшнясть мяльса?

13. Сонъ же азсь сяннь лангъ: аръ касамась, конанцъ афъ Алязе Моннь менельннь озафтазе, таргавій.

14. Кадыйньть синнь; синь сокыръ вятійхьть сокыртнень; а кыда сокырсь вятій сокыръ, еста кафицке прайхьть лоткати.

15. Петрась же кортазь сяннь лангсъ азсь Тейнза: азкъ тейнекь тяннь ю̄вксть.

16. Іисуссь азсь: али и тинь неньге афъ шарькыдьтадъ?

17. Аль неньге афъ содатадъ, месъ сембе сувайсь кургти ю̄тай пекьти, и ю̄рявій ушу?

[ 55 ]18. А лисяндійсь кургть езда, седійть езда лисяндій и сице гастясый ломанть.

19. Вадь седійть езда лисяндійхьть натю̄ка мяльтъ, кулафтаматъ, ирьвяяматнень коламатъ, кельгаманнь тевьтнень тіяньдяматъ, саламатъ, афъ виде свидетельстватъ, сютцяматъ.

20. Тите гастясый ломанть; а ярцамсъ апакъ штафъ кядьса афъ гастясый ломанть.

21. И тушандазь тоста Іисуссь тусь Тирннь и Сидоннь ширетненти.

22. Тяса Хананеяннь ава лисямада меля сятъ вастнень езда пишкадьсь Тейнза: ванмакъ Азыръ, Давидннь Цю̄рай! стирнзе моннь шайтанть езда пякь кеместа кырьдявій.

23. Но Сонъ изь азъ тейнза сяннь лангсъ валывакъ. И шаштазь Тейнза тонадыйнза анасть кортазь: нолдакъ соннь сясъ, месъ пишкадій мельганакъ.

24. Но Сонъ азсь сяннь лангсъ: Монъ кучфанъ анцякъ юмафтфтъ учатненти Израильннь кудть.

25. Сонъ же шаштазь сюкунякшнясь Тейнза кортазь: Азыръ, лездкъ моньтейнь.

26. Но Сонъ азсь утаразнза: афъ виде тевь норгамсъ кшеть идьтнень кядста и ю̄рдамсъ пинетненти.

27. Сонъ же азсь: ста Азыръ! Но и пинетне ярцайхьть памаркстнень езда, конатъ прайхьть азырснанъ моркшть лангста.

28. Еста Іисуссь азсь сяннь лангсъ тейнза: о авай! оцю тоннь вераце; улеза тейть кельгамацень езга. И пычкась стирецъ сявакъ часста.

[ 56 ]29. Тумада меля тоста, Іисуссь сась Галилеяннь оцю ляйть маласъ и куцязь пандть лангсъ, озась тяса.

30. И шаштсь Тейнза лама ломаньда, конатнень марта ульсть шамыртъ, сокыртъ, кяльфтыматъ, нижафтьфтъ и ламатъ омбацетъ и путазь синнь Іисуссь пильгензанъ ваксса и Сонъ пычкафтазнь.

31. Ста, шта ломатне дивандасть, няязь кяльфтыматнень кортайса, нижафтьфтнень шумбраса, шамыртнень якайса, и сокартнень няяйса и шназь Израильнь Шкайть.

32. Іисуссь же терьдязь тонадыйхьтнень Соньценнь азсь: ижаль Тейнь ся ломатнень, месъ ни колма шитъ ащійхьть Моннь пингста, и ашъ синнь, мезе ярцамсъ; а нолдамсъ синнь вачада афъ кельганъ, месъбы дяльхьть лавчама кить лангса?

33. Тонадыйхьтне Соннь азсть Тейнза: коста тейнекь сявамсъ шава ширеса синяра кшида, месъбы андамсъ синяра ломаньда!

34. И кортай тейстъ Іисуссь: мызяра тиннь ули кшида? Синь азсть: сисемь, и мызярабади калнеда.

35. И мяргсь ломатненти озамсъ модать лангсъ.

36. И сявазь сисемь кшетнень и калтнень и шнама максазь синьдязнь и максазнь тонадыйхьтненти Соньцень, а тонадыйхьтне ломатненти.

37. И ярцасть сембетъ и топадьсть; и кочкасть сускамнда, конатъ лядсть, сисемь пяшксе кептерьда.

38. Ярцайда же ульсь ниле тю̄жятъ ломаньда, авада и идьда башка.

[ 57 ]39. И нолдазь ломатнень Іисуссь сувась венчти, и сась Магдальннь ширети.




Кемькотаце глава.

1. И шаштазь Фарисейтне и Саддукейтне тяряфтазь, анасть Соннь няяфтямсъ тейстъ цюда менельть езда.

2. Сонъ же азсь тейстъ сяннь лангсъ: илять езда тинь кортатадъ, ули шись валда, вадь менельсь якстере.

3. Шобдаванга: тячи пиземьсь; вадь менельсь туста якстере. Шамаса-васькафнійхьть! тинь машттадъ содамсъ менельннь шамать; а пингеннь цюдатнень шарькыдямсъ афъ маштатадъ?

4. Шачама афъ пара и ирьвяяма колайсь цюда вещій, и цюда афъ максавій тейнза, разде цюда Іонать ингальцеазандыйть. И кадазь синнь тусь тоста.

5. И ю̄тазь тона ширесъ тонадыйнза юкстасть сявамсъ кшетъ.

6. Іисуссь азсь тейстъ: варжада ванавада Фарисейннь и Саддукейнь шапафксть езда.

7. Синь же мяльньдясть синньесастъ, кортазь: тите ули, шта минь кшетъ изьме сявь.

8. Шарькыдязь тяннь Іисуссь, азсь тейстъ: мезе мяльтадъ есантъ тинь кыржавераннь, месъ кшетъ изьде сявь?

[ 58 ]9. Али тинь неньге афъ шарькыдьтадъ, и афъ лятфтатадъ вете кшетнень колга вете тю̄женнь ломатнень лангсъ и мызяра кептерьда тинь кочкаде?

10. Афъ сисемъ кшетнень колга ниле тю̄жетнень лангсъ и мызяра кептерьда тинь кочкаде?

11. Кода афъ шарькыдьтадъ, месъ Монъ афъ кшеть колга азань тейнтъ, месъ бы ванавма Фарисейннь и Саддукейнь шапафксть езда?

12. Еста шарькыдьсть, месъ Сонъ кортась тейстъ, месъбы ванавма афъ кшеннь шапафксть езда, но Фарисейннь и Саддукейннь тонафтамать езда.

13. Саязь же Іисуссь Кесарійть Филлипынь ширети кизифнязнь тонадыйнзанъ кортазь: киннь инкса ломатне путнясамезь Моннь, ломаннь Цю̄рать?

14. Синь азсть: фкетне кстиндай Іоаннть инкса, омбацетне Иліять инкса, и омбацетне Іереміять инкса, али фкеть кса ингальце-азандыйхьтнень езда.

15. Іисуссь кортай тейстъ: а тинь киннь инкса Моннь путнясаместь?

16. Симонъ же Петрась кортазь сяннь лангсъ азсь: Тонъ Христоссь Цю̄рась ярекъ Шкайть.

17. Еста Іисуссь азсь сяннь лангсъ тейнза: шумбратъ тонъ Симонъ Іонаннь цю̄рай! вадь афъ телась и версь панжазь тейть тяннь, но Алязе Моннь, улійсь менельтнень лангса.

18. Азанъ Монъ га тейть: тонъ Петрась[1] и ся кевть лангса Монъ тійса церквазнь и кенкштне адть афъ сясксазь соннь.

[ 59 ]19. И максанъ тейть панжаматъ менельннь царствать езда: и мезе сотатъ модать лангса, тя ули сотфъ менельтнень лангса; а мезе юксатъ модать лангса, тя ули юксфъ менельтнень лангса.

20. Еста Іисуссь мяргсь есь тонадыйхьтненти, месъ бы кинтинге изяльхьть азанда, месъ Сонъ (Іисуссь) Христоссь.

21. Ся пингть езда кармась Іисуссь панжсяма есь тонадыйхьтненти, месъ Тейнза еряви мольмасъ Іерусалимти, и лама сярядьксда кырьдямсъ каштантнень и васенце-поптнень и сю̄рмаса содайхьтнень езда, и кулымасъ шавфъ улямсъ, и колмаце шиста ерекамсъ.

22. И шаштазь Тейнза Петрась ушиптась кортама утаразнза кортазь: арилякъ Шкай! тите афъ ули мартатъ Азыръ!

23. Сонъ же шаркстазь азсь Петрати: оргядьть ездаднъ шайтанъ; тонъ Тейнь кевьпракшняма; месъ тонъ мялятъ афъ тяннь колга, мезе ули Шкайннь, но мезе ули ломаннь.

24. Еста Іисуссь азсь есь тонадыйхьтненти: кыда кіе кельгій мольмасъ мельганъ; кадаза соньценнь, и сяваза хрю̄станцъ, и моляза мельганъ.

25. Вадь кіе кельгій соньценнь вайметь ванмасъ, тона юмафтсый соннь, а кіе юмафтсый вайменцъ Инксанъ, тона мусый соннь.

26. Вадь кодама прибуль ломанти, кыда сонъ и сембе мастырть мусый, есь вайменцъ же колафтсый? Иле кодама идяма максый ломаньсь вайменцъ кса.

27. Вадь сай ломаннь Цю̄рась есь Алянцъ [ 60 ]славанцеса Сонньценнь Ангельтнень марта; и еста максый пандама арти тевьнзанъ инкса.

28. Видеста кортанъ тейнтъ, конатъ-бади ащійхьтнень езда тяса афъ пензасась куламать, кода ни няйсазь ломаннь Цю̄рать молійть царстванцеса.


  1. Кевь.




Кемьсисемьце глава.

1. Кота шитнень ю̄тамада меля сявазе Іисуссь Петрать и Іаковть и Іоаннть браданцъ соннь и куцяфтазнь сери пандть лангсъ скамнстъ.

2. И полафтавсь омбаце няймасъ синнь ингале; и валдаптавсь шамацъ Соннь, кода манись; вельтяманза же Соннь тійвсть акшатъ, кода валдксъ.

3. И вовъ няявсть тейстъ Моисейсь и Иліясь Соннь марта торайхьть.

4. Сяннь пингста Петрась азсь Іисусти: Азыръ! цебярь тейнекь тяса; кыда кельгатъ, путтамъ тяса колма котфаннь куднетъ, Тейть фке, и Моисейти фке, и фке Иліяти.

5. Мызярда неньге кортась сонъ сяннь, ездкіе валда облакъ жульфтязнь синнь; и вовъ вайгельсь облакть езда кортайсь: тите ули Цю̄разе Моннь кельгафъ, конанньеса сембе Моннь паракельгама; Соннь кулцандасть.

6. И кулязь тонадыйнза прасть шамаснанъ лангсъ и пякь евыдьсть.

7. Но Іисуссь шаштазь токась тейстъ и азсь: стяда и дяда пель.

[ 61 ]8. Кепыдязь же сельмеснанъ, синь кинньге изязь няй, скамнза Іисуссь башка.

9. И мызярда валгандстъ синь пандтъ лангста, мяргсь тейстъ Іисуссь кортазь: дяда азндъ кинньтинге мезе тинь няйде, мызярсъ ломаннь Цю̄рась афъ ерякій кулатнень езда.

10. И кизифтязь Соннь тонадыйнза: кодана сю̄рмаса-содайхьтне кортайхьть, месъ Иліяти еряви самасъ васенда?

11. Іисуссь азсь тейстъ сяннь лангс: авкуксъ Иліяти эряви самасъ васенда и видептамсъ сембеннь.

12. Но Монъ тейнтъ азанданъ, месъ Иліясь сась ни, и изязь сода соннь; а тійсть мартанза; кода келгсть: стане и ломаннь Цю̄рась кырьдій ездадыстъ сярьдьксъ.

13. Еста тонадыйнза шарькыдьсть, месъ Сонъ кортась тейстъ кстиндай Іоаннть колга.

14. Мызярда синь састь народти; еста шаштсь Тейнза ломань и празь Соннь ингале калена лангсъ,

15. Азсь: Азыръ! ижальдякъ моннь цю̄разнь; сонъ одъ ковста шайтанть езда кырьдявій, и стакаста сярядій; вадь сидеста ю̄рявій толсъ и сидеста ведьсъ.

16. Монъ вятніе соннь Тоннь тонадыйхьтненти; но синь афъ війса ульсть соннь пычкафтамсъ.

17. Іисуссь кортазь сяннь лангсъ азсь: о шачама афъ верандай и колафъ! мызярсъ улянъ мартантъ? мызярсъ карманъ кырьдяма тиннь? вятясть Тейнь соннь сей.

18. И шукшсь тейнза Іисуссь, и шайтансъ лиссь соннь езда и цю̄рась пычкась сявакъ часста.

[ 62 ]19. Еста тонадыйхьтне шаштазь Іисусти скамнза азсть: месъ минь изяме маштъ паньма соннь.

20. Іисуссь азсь тейстъ: верандамантестень инкса: Вадь видеста кортанъ тейнтъ: кыда тиннь верантесть ули горчиценнь видьмашка, и мярьгтядъ ся пандти: ю̄такъ тяста товъ, еста сонъ ю̄тай, и мезева афъ ули тейнтъ афъ війса.

21. Сице ина шачамась паньцявій анцякъ озандамаса и гавендамаса.

22. Синнь ащама пингста Галилеяса азсь тейстъ Іисуссь: ломаннь Цю̄рась максфъ ули ломаннь кядсъ.

23. И шавсазь Соннь; и колмаце шиста ерякій. И канзидьсть пякь.

24. Мызярда же сась синь Кипернаумсъ, еста кочкайхьтне максаматнень церквать лангсъ шаштсть Петрати и азсть: Тонафтыйсь тиннь афъ максый ли дидрахма[1].

25. Петрась кортай: максый. И мызярда сонъ сувась кудти: ингальдазе соннь Іисуссь, кортазь: кода тейть няявій Симонъ? Моданнь оцюазыртне киннь лангста сявандайхьть дацетъ, али оброктх? Цю̄раснанъ ли лангста, али ліетнень лангста?

26. Петрась кортай Тейнза: ліетнень лангста. Іисуссь азсь тейнза: и стане цю̄ратне улійхьть вирьгядьфтяфтъ.

27. Но месъбы тейнекь афъ прафнямсъ синнь мяльса, мольть оцюляйть лангсъ, ю̄рдакъ улемьть и [ 63 ]васенце калть, конацъ повій, сявкь; и панжазь курганцъ, муятъ статиръ;[2] сявазь соннь, макскъ тейстъ Моньксанъ и тонньксатъ.


  1. Кафта драхматъ.
  2. Ниле драхматъ.




Кемькафксаце глава.

1. Ся пингста састь Іисуссь маласъ тонадыйхьтне, и азсть: кіе сяда оцю менельннь царстваса?

2. И тярьдязь Іисуссь идь, путазе соннь синнь кучкасстъ.

3. И азсь: видеста кортанъ тейнть, кыда афъ шаркстатадъ и афъ ультядъ, кода идьтне, афъ суватадъ менельннь царствасъ.

4. Сянкса кіе сятяфтавій, кода тите идьсь, тона и сяда оцю ули менельннь царстваса.

5. И кіе примасый фке тяфтама идьть Моннь лемьсъ, сице Моннь примасаманъ.

6. А кіе прафтсый мяльса фкеннь нятъ ю̄мблатнень езда, конатъ верандайхьть Тейнь; сянньти сяда цебярь уляль, кыда бы яжамакевь нюргафтамсъ тейнза сялдазнцъ лангсъ и ю̄рдамсъ соннь оцюляйнь томбасъ.

7. Пичадьфксъ мастырти мяльннь пракшняматнень езда: вадь еряви саямсъ и мяльннь пракшняматненти: но пичадьфксъ сице ломанти, конанцъ кувалга мяльннь пракшняма сашандый.

8. А кыдя кядьце, али пильгьце прафнятанза мяльса; керькь соннь и ю̄рдакъ тейстатъ; сяда цебярь [ 64 ]тейть сувамсъ ерявти пильгефтыма, али кядьфтыма, кода кафта пильгтнень, и кафта кядьтнень марта улямсъ ю̄рдафъ векьннь толсъ.

9. И кыда сельмеце прафнятанза мяльса; таргакъ соннь и ю̄рдакъ тейстатъ, сяда цебярь тейть фке сельме марта сувамсъ ерявти, кода кафта сельменнь марта улямсъ ю̄рдафъ толннь гееннасъ.

10. Ванавада нулгадьма киннь либо нятъ ю̄мблатнень езда: вадь азанданъ тейнтъ, шта Ангельсна менельтнень лангса арпингста няйсазь шаманцъ Моннь менельннь Алязнь.

11. Вадь ломаннь Цю̄рась сась вещамсъ и ванмасъ юмафть.

12. Кода тейнтъ няявій? кыда киннь уляль сяда учатъ, и фкесь ездадыстъ ерьгадяль: афъ кадсыйнь ли сонъ вейхсаннькемень вейхсатнень пандса, и афъ туй ли вещаньдяма ерьгадьфть?

13. И кыда токадій мумасъ соннь; еста видеста кортанъ тейнть, кармай кеняньдяма соннь колга сяда лама, кода вейхсаннь-кемень вейхсатнень афъ ерьгядьфтнень колга.

14. Стане ашъ воляцъ менельннь Алянтестень штабъ юмаль и фке нятъ ю̄мблатнень езда.

15. А кыда ельвядій тоннь утаратъ брадце, ардть тыргафткъ соннь ю̄тксатъ и соннь ю̄ткса скамнза: кыда кулцандтанза тоннь, еста тонъ муйть брадцень.

16. А кыда афъ кулцандтанза, сявть мартатъ [ 65 ]неньге фке, али кафта, месъбы кургса кафтаннь, али колманнь свядетельтнень тіяваль кеме аръ валъ.

17. Кыда же афъ кулцандсыйнь синнь, азтъ церквати; а кыда церквать ке афъ кулцандсый; еста улеза сонъ тейть, кода язычнексь и даненнь-кочкайсь.

18. Видеста кортанъ тейнтъ: мезе тинь соттадъ мода лангса, ули сотфъ и менель лангса, и мезе юксатадъ мода лангса, юксфъ ули и менель лангса.

19. Танга видеста кортанъ тейнтъ: кыда кафта ездаднтъ модать лангса ладяйхьть анама мезньлибо; сембе тите ули максфъ тейстъ менельннь Алязнь езда.

20. Вадь коса пуралійхть кафта, или колма Моннь лемьсъ, тоса Монъга синнь кучкасыстъ.

21. Еста шаштазь Тейнза Петрась азсь: Азыръ! мызярксть тейнь еряви кадындамсъ брадазнти, кыда сонъ ельвядій моннь утару? кадындамсъ ли сисемьшкаксть?

22. Іисуссь кортай тейнза: афъ кортанъ тейть сисемьшкаксть, а сисемьшкаксть сиськеменьксть.

23. Сянкса менельннь царствась ули коньдяма ломанти оцю-азырти, конацъ ю̄рась тіймасъ лувма есь урянзанъ марта.

24. Мызярда же кармась сонъ тіймасъ лувма; вятьфъ ульсь тейнза фке, конацъ соннь кядьста кепсясь кемень тю̄жетъ таланттъ.

25. А кода соннь изь уль, мезьса пандамсъ; еста оцюазырацъ мяргсь міймасъ соннь, ирьвянцъка [ 66 ]идьнзанъга и сембеннь, мезе соннь ульсь и мырдафтамсъ долгть.

26. Но урясь сице прась и сюкунязь тейнза кортась: оцюазыръ! кырдть лангсанъ и сембеннь тейть пандсайнь.

27. Оцюазырсь токавсь седиса ся урять лангса, нолдазе соннь и долгть кадазе тейнза.

28. Но сице урясь лисязь мусь фке ялганзанъ езда, конацъ ульсь долгу тейнза сяда денарійса, и сявазь соннь повась, кортазь: макскъ тейнь долгть.

29. Ялгацъ соннь празь пильгензанти енельдясь соннь и кортась: кырдть лангсанъ и сембеннь пандсайнь тейть.

30. А сонъ изсь кельгъ, а тусь и озафтазе соннь шобда кудсъ, мызярсъ афъ макссый долгть.

31. Ялганза няязь токадьфть ю̄тксасть пякь канзидьсть и сазь азазь оцюазырснанти сембеннь, мезе ульсь.

32. Еста оцюазырсь терьдій соннь и кортай тейнза: афъ пара уряй! сембе тона долгть монъ кадые тейть сясъ, месъ тонъ енельдійть моннь.

33. Афъ аль ерява ли тейть ке ижальдямсъ ялгацень, кода и монъ тоннь ижальдяйхьтень?

34. И кяжіязь оцюазырацъ максазе соннь шавійхьтненти, мызярсъ афъ макссыйнь сембеннь, мезьса ульсь долгу тейнза.

35. Ста тій менельннь Алязева мартантъ, кыда [ 67 ]аръ афъ кадсыйнь седить езда есь браданцти соннь ельвядьманзанъ.




Кемьвейхсаце глава.

1. Мызярда Іисуссь шумырдазнь сятъ валтнень, еста тусь Галилеяста и сась Іудеяннь мастырсъ Іорданть фтала.

2. Мельганза мольсь лама ломаньда, и Сонъ пычкафтазнь тяса.

3. И састь маласнза Фарисейтне, штабы тяряфтямсъ Соннь, и торасть Тейнза: аръ ли тевьть инкса нолдавій ломанти явма ирвянцъ марта?

4. Сонъ азсь тейстъ сяннь лангсъ: али тинь изде морафтъ, шта кіе тіязе ломанть ушиптамаста, аляннь пяле и ирьвяннь тіязнь. (1 Моис. 1, 27.).

5. И азсь: сянкса кадсый ломаньсь алянцъ и маманцъ, и педій ирьвянцти и улійхьть кафта фке тела. (1 Моис. 2, 24.).

6. А сясъ синь ни афъ кафта, а фке тела и стане, мезе Шкайсь фкептась, сяннь ломаньсь дяза явта.

7. Кортайхьть Тейнза: кодана Моисейсь мяргсь максама явманнь сю̄рма и явма мартанза?

8. Кортай тейстъ: Моисейсь мярьгсь тейнтъ явма ирьвяннтень марта калгада сединнтень езга: но ушиптамать езда ашиль стане.

9. А Монъ тейнтъ кортанъ: кіе явій ирьвянцъ марта афъ ирьвяяма коламатькса, и ирьвяяй омбацеть [ 68 ]лангса, тяцъ ирьвяяма колай; и ирьвяяйсь явфть лангса, ирьвяяма колай.

10. Тонадыйнза азсть Тейнза: коли стама тевьсь мырдть ирьвяти, еста сяда цеберь афъ ирьвяяма.

11. Сонъ же азсь тейстъ: афъ сембетъ маштыйхьть кырдямсъ сяннь, а нятъ, конатненти максфъ.

12. Вадь улійхьть архтфтъ, конатъ шачсть мамаснанъ пекть езда ста; и улійхьть архтфтъ, конатъ архтавсть ломатнень езда; и улійхьть, архтфтъ, конатъ колазь есь синьценнь менельннь царствать инкса. Кіе маштый кырдямсъ, сяцъ кырьдяза.

13. Еста вятьфтъ ульсть Тейнза идьтъ, месъбы Сонъ путалезнь лангазсть кядьнзанъ и озандаль: а тонадыйнза изязь ноля синнь.

14. Но Іисуссь азсь: нолдайнть идьтнень и дяйнть кырьдь синнь сашандама Тейнъ; вадь тяфтамтнень ули менельннь царствась.

15. И путазь лангазсть кядьнзанъ тусь толда.

16. И вовъ кати кіе шаштазь азсь Тейнза: пара тонафтый! мезе пара еряви тейнь тіямсъ, месъбы сатамсъ векьннь ерямать?

17. Сонъ азсь тейнза: месъ тонъ лемьдясамакъ параса? Кійгавакъ афъ пара, анцякъ скамнза Шкайсь. А кыда вешать сувамсъ векьннь ерямати; кырьдійть мярьгаматнень.

18. Кортай Тейнза: кодаптъ? Іисуссь азсь: дятъ шава; дятъ кола ирьвяяма; дятъ сала; дятъ яка афъ-виде свядетельксъ.

[ 69 ]19. Ловнакъ аляцень и мамацень и кельгкь маластацень, кода тоньценнь.

20. Од цю̄рась азсь Тейнза: сембень тяннь ваные монъ ю̄мбласта, мезе неньге афъ сатній тейнь?

21. Іисуссь азсь тейнза: кыда кельгатъ улямсъ шумырдафста цеберь, мольть, мійкь парашицень тоннь и макскъ анайхьтненти; и сататъ параши менельть лангса; и сакъ, и мольть мельганъ.

22. Кулязь ся валть одъ цю̄рась тусь пичадьфксъ марта; сясъ месъ соннь ульсь лама парашида.

23. Іисуссь же азсь тонадыйнзанти: видеста кортанъ тейнтъ: стака козяти сувамсъ менельннь царствати.

24. И неньге азанъ тейнтъ: сяда тю̄жде верблюдти салмыксть пилензанъ пачкъ ю̄тамсъ, козяти сувамать горязъ Шкайннь царствати.

25. Кулязь тяннь тонадыйнза пякь дивандасть и кортасть: кіе же війса ванавамсъ?

26. Іисуссь варжазь лангасстъ азсь: ломатне тяннь тіймасъ афъ маштыйхьть, Шкайсь же сембеннь маштый.

27. Еста Петрась кортазь сяннь лангсъ азсь Тейнза: вовъ минь кадайнекь сембеннь и туме мельгатъ; мезе же тейнекь ули?

28. Іисуссь азсь тейстъ: видеста кортанъ тейнтъ: тинь мельганъ молійхьтне одъ ерявсъ, мызярда озай ломаннь Цю̄рась Соннь славать озамавастса, озатадъ и тинь кемкафтува озамавастса судиндама кемькафтува Израильннь шачаматнень.

[ 70 ]29. И аръ, кіе кадсыйнь али куднцъ, али браданзанъ, али сестранзанъ, али алянцъ, али маманцъ, али ирьвянцъ, али идьнзанъ, али паксянзанъ, Моннь лемьзень инкса, сявій сядангырда и векьннь ерямать сатсый.

30. Ламатъ же васенцетне улійхьть мекипяльцетъ, и мякипяльцетне васенцетъ.




Комсице глава.

1. Вадь менельннь царствась коньдяма кудъ-азырти, конацъ рана шобдава лиссь сивадямсъ тіяндійхьтнень соньценнь винограднекти.

2. Ладязь же тіяндійхьтнень марта пандамсъ тейстъ тифтень денарій шить инкса кучазнь есь винограднекьти.

3. И лисязь колмаце часть ваксса, няясь омбцеть тевьфтыма ащійхьть мишандяма-вастть лангса.

4. Азсь и тейстъ: моляда и тинь моннь винограднекти, и мезе ушардый, монъ панданъ тейнтъ. Синь мольсть.

5. Танга лисязь котаце и вейхсаце часть ваксса, тіясь тяфтаже.

6. Мекипяли лисязь кефкице часть ваксса, мусь омбацетъ тевьфтыма ащійхьть и кортай тейстъ: месть тинь тяса ащатадъ тевьфтыма сембе шить?

7. Азсть тейнза: кигакъ изьмезь сивадь. Кортай [ 71 ]тейстъ: моляда тиньга моннь винаграднекьти и мезе ушардый сявтядъ.

8. Мызярда же сась илядьсь, кортай азырсь винаграднекьть есь ваныйти: терьдійть тіяндійхьтнень, и макстъ тейстъ питне ушаптазь мекипяльцетнень езда васенцетнень тейсъ.

9. И саязь сивадьфтне кефкице часть ваксса сявсть тифтень денарій.

10. Саязь же васенцетне мялясть, месъ синь сявійхьть сяда лама; а сявсть и синь тифтень денарій.

11. И сявазь кармасть кяжіякшняма азырть лангсъ,

12. Кортазь: сятъ мекипяльцетне работасть фке часъ и тонъ путайть синнь фкексъ миннь марта, конатъ тійме тевь сембе шить и кырьдяме пси.

13. Сонъ же кортазь сяннь лангсъ азсь фкети синнь езда: другзе! монъ тоннь афъ обижатанъ; афъ денарійкса ли тонъ ладійть мартанъ?

14. Сявкъ тоньценнь и мольть, монъ же кельганъ ся мекипяльцети максамсъ сявакъ, мезе и тейть.

15. Али афъ віянъ монъ моньценнь лангса тіймасъ, мезе кельганъ? Сясъ ли сельмеце осалъ, месъ монъ паранъ?

16. Стане улійхьть мекипяльцетне васенцетъ, и васенцетне мекипяльцетъ; вадь лама терьдяфтда, а кыржа кочкафтда.

17. И тузь Іисуссь Іерусалимти, киса терьдязнь кемь-кафтува тонадыйхьтнень скамнстъ, и азсь тейстъ:

18. Вовъ суватамъ Іярусалимсъ и ломаннь [ 72 ]Цю̄рась максфъ ули васенце-поптненти и сю̄рмаса содайхьтненти и муваргафтсазь Соннь куламати.

19. И макссазь Соннь язычнектненти наругама лангсъ, и шавма лангсъ и ескептама лангсъ крю̄стати и колмаце шиста ерякадый.

20. Еста шаштсь Тейнза мамацъ Зеведейннь цю̄ратнень, есь цю̄ратнень марта, сюкунязь и кати мезе аназь Соннь кядьста.

21. Сонъ азсь тейнза: мезе тонъ кельгатъ? Сонъ кортай Тейнза: мярьгькь, месъ бы нятъ кафта цю̄ране озальхьть Тоннь пяле, фкесь виде кяфть ширесъ, а омбацесь керши кядьть ширесъ, Тоннь царстватьеса.

22. Іисуссь сяннь утарсъ азсь: афъ содатадъ, мезе анатадъ, маштатадъ ли симмасъ шавать, конаннь Монъ карманъ симма и кстиндавма кстиндамаса, конанньеса Монъ кстиндаванъ? Синь кортайхьть Тейнза: маштатамъ.

23. И кортай тейстъ: шавать Моннь карматадъ симма, и кстиндамаса, конанньеса Монъ кстиндаванъ, карматадъ кстиндавма, а месъ бы озамсъ Моннь пяле виде и керши кядьть ширесъ, афъ Моннь ули максамсъ тяннь тейнтъ, а конанти анаклафъ Алязнь езда.

24. Кулязь сяннь омбацетне кемень тонадыйнза кяжіясть кафта брадатнень лангсъ.

25. Іисуссь же терьдязь синнь азсь: тинь содатадъ, мезе оцютне народтнень азырандайхьть синнь лангса и каштантне кырьдійхьть вій синнь лангса.

26. А ю̄тксантъ афъ арай улямсъ стане: а кіе [ 73 ]тиннь езда кельгій улямсъ сяда оцюса, сице улеза тейнтъ слугаксъ.

27. И кіе кельгій тиннь пяле улямсъ васенцеса, ся улеза тейнтъ уряксъ.

28. Тяфтаксъ ломаннь Цю̄рась афъ сяннь кса сась, месъ бы Тейнза служиндальхьть, а месъ бы Соньць служиндаль и максаль есь вайменцъ ломатнень идямать кса.

29. И мызярда синь лисясть Іерихонть езда, мольсь мельганза лама народда.

30. Тяса кафта сокартъ озада ащійхьть ки лангса кулязь, шта Іисуссь молій вакска, кармасть пишкадьма: ижальдяместь миннь Азыръ, Давидннь Цю̄рай!

31. Народсь же изь мяргя тейстъ, месъ бы синь пишкадяльхьть; а синь неньге сяда кайгійста кармасть пишкадьма: ижальдяместь миннь Азыръ, Давидннь Цю̄рай!

32. Іисуссь лотказь, тердязнь и азсь: мезе тинь кельгатядъ Моннь езда?

33. Кортайхьть Тейнза: Азыръ! месъ бы панжавальхьть сельменеке.

34. Ижальдязь же Іисуссь токась сельмеснанти и ездкіе кармасть варжама сельмесна и синь мольсть мельганза.




Комсь васенце глава.

1. Мызярда шаштасть Іерусалимть маласъ, и састь Виффагіясъ вай пандать маласъ: еста Іисуссь кучсь кафта тонадыйхьть,

[ 74 ]2. Азазь тейстъ: моляда велети, кона видеста ингальнтъ, и ездкіе мутадъ аслиця сотфъ и мартанза ваша; юксасть и вятясть Тейнь.

3. И кыда кіе азый тейнтъ мезе нябудь, азада, шта синь ерявійхьть Азырти; и ездкіе нолдасый синнь.

4. Сице сембе ульсь, улеза тійфъ азфсь ингальце азандыйть кувалга, кона кортай:

5. Азада Сіоннь стирти: вовъ оцюазырце сай тейть сятявъ, озада ащазь аслиця лангса и ваша лангса, кона шачфъ кильдьчнявійть езда. (Ис. 62, 11. Захар. 9, 9).

6. Тонадыйхьтне мольсть, и тіязь ста, кода мяргсь тейстъ Іисуссь,

7. Вятязь аслицать вашатька, вельтязь синнь есь вельтямаса, и Сонъ озась лангазстъ.

8. Лама же народда атцсясть есь вельтямаснанъ кить езга; а омбацетъ керсясть тарадтъ шуфтаста и ю̄рясть кить езга.

9. Народсь же; кона мольсь Соннь ингале и Соннь фтала, пишкадчнясь кортазь: Осанна[1] Давидннь цю̄рати! благословиндафъ молійсь Шкабазннь лемьсъ! Осанна пякь сери васттнень лангса!

10. И мызярда Сонъ сувась Іерусалимти, сембе ошсь шерькась кортазь: кіе тите?

11. Народсь же кортась: тя Іисуссь, ингальце-азандыйсь, Галилеяннь Назаретть езда.

[ 75 ]12. И сувась Іисуссь Шкайннь церквати и панязнь сембеннь мишандчнійхьтнень и рамасяйхьтнень церкваса; и веляфтазнь моркштнень ярмактъ-полафтыйхьтнень и озамтнень гулятъ мишандчнійхьтнень.

13. И кортась тейстъ: Сю̄рмаса азфъ: куднзе кудъ озандамать лемьдявій, а тинь тіясть соннь мода-кудса ломаннь-шавійхьтнень. (Исаіять 56, 7. Іер. 7, 11).

14. И шаштсть Тейнза церкваса сокыртъ и шамыртъ и Сонъ пычкафтазнь.

15. Няязь же васенцепоптне и сю̄рмасасодайхьтне оцю-тевьтнень, конатнень Сонъ тійзнь и цю̄ранетнень пишкадійхьтнень церкваса и кортайхьтнень: Осанна Давидннь цю̄рати! кяжіясть.

16. И азсть Тейнза: кулятъ ли, мезе синь кортайхьть? Іисуссь же кортай тейстъ: ста! али тинь изде морафтъ мызярдынга Сю̄рмаса: кургаста одтнень и потяй-идьтнень Тонъ тіятъ шнама. (Псал. 8, 3).

17. И кадазь синнь лиссь ошть езда Вифаніяти, и ю̄тафтазе тоса веть.

18. Шобдаста же мырдазь ошти вачсь.

19. И няязь кить маласа фке смоковниця, шаштсь тейнза и мезявакъ изь муязь соннь лангсанза, анцякъ ифке лопатъ, кортай тейнза: дяза уль ина ингали тоннь ездада кенерьфть векьсъ. И смоковницясь ездкіе коськсь.

20. Няязь сяннь тонадыйхьтне дивандасть и кортасть: кода смоковницясь ненекь косксь?

21. Іисуссь же азсь тейстъ сяннь лангсъ: видеста кортанъ тейнтъ: кыда тиннь ули верась и афъ [ 76 ]карматадъ шерькама есанза; еста афъ анцякъ тійхьтядъ тяннь, мезе тійфъ смоковницять марта, но кыда и ся пандти мярьгтядъ: шашттъ и ю̄рдавакъ оцюляйсъ, тіявій.

22. И сембе, мезе афъ карматадъ анама озандамаса вера марта, сявтядъ.

23. И мызярда сась Сонъ церквати и тонафтсь, еста шаштсть Тейнза васенце-поптне и народть каштантне и кортасть: кодама війса Тонъ тяннь тіятъ? и кіе Тейть макссь тяфтама вій?

24. Іисуссь азсь сяннь утарсъ: кизифтятедезь Монга тиннь фкеннь колга: кыда тяннь колга азтадъ Тейнь, еста Монга азанъ тейнтъ, кодама війса Монъ тяннь тіянъ.

25. Іоаннть кстиндамацъ коста ульсь? менельть езда, али ломатнень езда? Синь же мяляндясть есастъ кортазь: кыда азтамъ: менельть езда, еста Сонъ азый тейнекь: месъ ина тинь изде вера тейнза?

26. Азмасъ же: ломатнень езда; пельтямъ народда; вадь сембетъ путандыйхьть Іоаннть ингальцеазандыйксъ.

27. И азсть сяннь лангсъ Іисусти: афъ содатамъ. Азсь синьтейстъ Сонга: Монга тейнтъ афъ азанъ, кодама війса Монъ тяннь тіянъ.

28. А кода тейнтъ няявій? фке ломанть пяле ульсть кафта цю̄ратъ. Сонъ сась васенцети и мяргсь: цю̄рай, мольть, работакъ тячи винограднеказньеса.

29. Но сонъ азсь сяннь лангсъ: афъ ю̄ранъ; а мельде ю̄нсъ сашандазь мольсь.

[ 77 ]30. И сась омбацети мяргсь сявакъ. Сице кортасъ сяннь лангсъ: молянъ азыръ; и изь моль.

31. Кона кафтатнень езда тіязе волять алянцъ? кортайхьть Тейнза: васенцесь. Іисуссь кортай тейстъ: видеста кортанъ тейнтъ, даценнь кочкайхьтне и кельгаманнь тевьтнень тійхьтне тинь ингале сувайхьть Шкайннь царствати.

32. Вадь сась тинь-тейнтъ Іоаннсь видеть киса и тинь изде вера тейнза; а даценнь кочкайхьтне и кельгаманнь тевьтнень тійхьтне верасть тейнза; тинь же и няязь сяннь изде сашанда ю̄нсъ мельде, месъбы верамсъ тейнза.

33. Куляда омбаце ю̄вксъ: ульсь фке кудъ-азыръ, кона озафтсь винаграднекь, перьфь пирязе соннь, тіясь сонньеса люпштама, путсь горнице и максазе соннь тіяндійхьтненти и тусь.

34. Мызярда же сась пингесь кенерьфтнень кочкама, кучазнь урянзанъ тійндійхьтненти сявмасъ есь кенерьфтнень.

35. Тіяндійхьтне фатязь урянзанъ фкеть шавазь, омбацеть кулафтазь; а омбацеть шавазь кевьса.

36. Танга кучсь омбаце урятъ сяда лама васенценнь горязъ и тіясть синнь марта тяфта же.

37. Мекипяли кучазе тейстъ есь цю̄ранцъ кортазь: визделгадыйхьть моннь цю̄разнь езда.

38. Тійндійхьтне же няязь цю̄рать азсть синьценнь ю̄ткса: ся наследнекь, айда кулафтсаскь соннь и кырьдьсаскь соннь парашинзанъ.

[ 78 ]39. И фатязь соннь лифтязь венели винаграднекьть езда и шавазь.

40. И стане, мызярда сай азырсь винаграднекьть, мезе тій сятъ тіяндійхьтнень марта?

41. Кортайхьть Тейнза: сятъ кяжій тіяндійхьтнень макссыйнь кяжій куламати и винаграднекьть макссый омбаце тіяндійхьтненти, конатне кармайхьть максама тейнза кенерьфтъ есь пингста.

42. Іисуссь кортай тейстъ: али тинь мызярданга изде морафтъ Сю̄рмаса: кевьсь, конаннь сяряфтазь кудъ-путайхьтне, тона соньць тіявсь пряса ужеть; Шкабазть езда ся тіявсь и сице дивна сельменнтеньеса? (Псал. 117, 22, 23.).

43. Сянкса азанданъ тейнтъ: шта сявавій тиннь кядьста Шкайннь царствась и максавій народти, каннійти кенерьфтъ соннь.

44. И тона, кіе прай ся кевьть лангсъ, шававій; а киннь лангсъ сонъ прай, тонаннь люпштасый.

45. Оцю-поптне и Фарисейтне кулязь Соннь ю̄вкстнень шарькыдьсть, шта Сонъ синнь колга кортай.

46. И вещсть фатямсъ Соннь, но пельсть ломаньда; вадь путнясть Соннь ингальцеазандыйксъ.


  1. Ванма.




Комсь кафтаце глава.

1. Іисуссь кувалгаптазь кортама ю̄вкстненьеса азсь тейстъ:

2. Менельннь царствась коньдяма оцюазырти, конацъ тійсь ирьвяяманнь пиръ цю̄ранцъ кса.

[ 79 ]3. И кучазнь есь урьтнень терьдямсъ тердьфтнень ирьвяяма лангсъ и исть кельгъ самасъ.

4. Танга кучсь омбаце урятъ кортазь: азада тердьфтненти: абедть монъ анаклае, вазне, и мезе монъ андань, печкфъ, и сембе анаклафъ; сада ирьвяямать лангсъ.

5. А синь нулгадязь сяннь; и тусть, фке есь паксянцъ лангсъ, а омбаце есь мишандямавастанцти.

6. А сембе омбацетне фатязь урянзанъ соннь, наругась лангсастъ и кулафтазь синнь.

7. Ся оцюазырсь кулясь тяннь кяжіясь; и кучазь соньценнь війтнень юмафтазнь нятъ кулафтайхьтнень, и синнь ошть пылтазе.

8. Еста кортай есь урянзанти: ирьвяяманнь пирсь анаклафъ, а тердьфтне исть уль тійтъ.

9. И стане моляда кій-ю̄ткатнень лангсъ и сембеннь, киннь мусасть тердяйньть ирьвяяма лангсъ.

10. Нятъ урятне лиссть китнень лангсъ, пураптазь сембеннь, киннь анцякъ муязь, афъ паратнень и паратнень, и пирсь пяшкыдявсь озанда-ащійса.

11. Оцюазырсь сувазь варжамсъ озада ащійхьтнень, няйсь тоса ломань афъ ирьвяяманнь вельтямаса вельтяфъ.

12. И азсь тейнза: другъ! кода тонъ сувать тяза афъ ирьвяяманнь вельтямаса? Сонъ сютямась.

13. Еста азсь оцюазырсь урятненти: сотазь тейнза кядтнень и пильгетнень сявасть соннь, ю̄рдасть ушестаннь шобдаксти, тоса ули аварьдяма и цятырдама пейтнень.

[ 80 ]14. Вадь лама терьдьфтда, а кыржа кочкафтда.

15. Еста тусть Фарисейтне и торасть есь ю̄тксастъ, кодабы кундамсъ Соннь валтнень езда.

16. И кучсазь Тейнза есь тонадыйхьтнень Иродіанатнень марта, и кортайхьть: Тонафтый! содатамъ, месъ Тонъ видетъ, и видеста Шкайннь кити тонафтатъ и кинньга колга афъ пичадятъ явфста; вадь Тонъ афъ варжакшнятъ ломатнень шама лангсъ.

17. И стане азкъ тейнекь, кода Тейть няявій? ушардый ли пандакшнямсъ дацеть Кесарти, али афъ?

18. Шарькыдязь же Іисуссь афъ пара мяляснанъ азсь: месъ тяряфтсаместь Моннь шамаса-васькафнійхьтне!

19. Няяфтясть Тейнь монетать, конанцеса пандакшнійхьть даце. Синь туясть Тейнза денарій.

20. И кортай тейсть: киннь тите туфсь и сю̄рмалангакссь?

21. Кортайхьть Тейнза: Кесарннь. Еста кортай тейстъ: и стане максасть Кесарннь Кесарти и Шкайннь Шкайти.

22. Кулязь тяннь дивандасть, и кадазь Соннь тусть.

23. Тя шиста шаштсть Тейнза Саддукейтъ, конатъ кортайхьть, месъ аяшъ ерекама кулатнень и кизифтязь Соннь,

24. Азазь: Тонафтый! Моисейсь азсь: кыда кіе кулый идьфтыма, еста браданцти еряви сявмасъ ирьвянцъ есьсязынза, и стяфтамсъ видьма соньценнь брадати.

[ 81 ]25. Ульсь миннь пельнакъ сисемь брадатъ; васенцесь ирьвяязь кулась, и идьфтыма кадазе есь ирьвянцъ есь браданцти.

26. Стане же и омбацесь, и колмацесь мянь сисемцети.

27. Сембеда меля кулась и ирьвясь.

28. Конаннь же сисемь езда сонъ ули ирьвя ерякамста кулатнень? Вадь сонъ ульсь сембеннь кядьса.

29. Іисуссь азсь тейстъ сяннь лангсъ: ергадчнятадъ афъ содазь Сю̄рматнень, афъ Шкайннь війть.

30. Вадь ерякамста кулатнень афъ ирьвяякшнійхьть, афъ ирьвяяксъ лисяндійхьть, а еряйхьть, кода Шкайннь Ангельтне менель лангса.

31. Кулатнень ина ерякамать колга изде морафтъ ли тинь, мезе азфъ тейнтъ Шкайть езда, конацъ кортай:

32. Монъ улянъ Шкай Авраамннь, и Шкай Исаакннь, и Шкай Іаковннь? Шкайсь афъ ули Шкай кулатнень, а еряйхьтнень. (2 Моис. 3, 6.).

33. И кулязь народсь дивандась тонафтамати Соннь.

34. Фарисейтне же кулязь, месъ Сонъ вятязнь сютяммати Саддукейтнень, пурамсть фасца.

35. И кизифтязе фке синнь езда законса содайсь тяряфтазь Соннь и кортазь:

36. Тонафтый! кодама сембеда оцю мярьгамсъ законтьеса?

37. Іисуссь азсь тейнза: кельгкъ Азырть Шкайть [ 82 ]тоннь сембе седійценьеса, и сембе ваймеценьеса и сембе мяльценьеса. (5 Моис. 6, 5.).

38. Сице ули васенце и сембеда оцю мярьгамась.

39. Омбаце же коньдяма тейнза: кельгкь маластаньцень, кода тоньценнь. (3 Моис. 19, 18.).

40. Сятъ кафта мярьгаматненьеса ащійхьть сембе законсь и ингальцеазандыйхьтне.

41. Мызярда же пурамасть Фарисейтне, еста кизифтязнь Іисуссь.

42. Кортазь: мезе тинь мялятадъ Христость колга? Киннь Сонъ цю̄рась? кортайхьть Тейнза: Давидннь.

43. Кортай тейстъ: кода же Давидсь Духть езда тонафтфъ (Азырса) Шкабазса Соннь лемьдій, мызярда кортай:

44. Азсь (Азырсь) Шкабазсь (Азырти) Шкабазти моннь: озада ащакъ Моннь виде кядьть ширеса, мызярсъ путсайнь Тоннь душмантнень Тоннь пильгетнень пильгалть вастсъ. (Псал. 199, 1.).

45. И стане кыда Давидсь лемьдій Соннь (Азырса) Шкабазса еста кода же Сонъ цю̄рацъ соннь?

46. И кійга изясь уль війса азамсъ сяннь лангсъ валга, и тя шить езда ни изясь откырьгадъ кійга кизифтямсъ Соннь.




Комсь колмаце глава.

1. Еста Іисуссь шарфтазе валнцъ народти и Соньценнь тонадыйхьтненти.

[ 83 ]2. И азсь: Моисейть озамавастса озасть сю̄рмаса содайхьтне и Фарисейтне.

3. Сембеннь, мезе синь мярьгійхьть тейнтъ ванмасъ, ванада и тіяда; а тевьснанъ езга дяда моль; вадь кортайхьть и афъ тійхьть.

4. Сотандыйхьть стака и афъ тю̄ждеста каннявій кандаматъ и путнійхьть ломаннь лафтуснанъ лангсъ; а синьць сурсанга афъ кельгійхьть синнь сюрцяфтамсъ.

5. Сембе ина есь тевьснанъ тіяндсазь сясъ, месъ бы уляльхьть няйфтъ ломатненти, келепнясазь есь законть лятфтаксснанъ,[1] и оцюлгафнясазь мази стафкстнень вельтямаснанъ песа.

6. Танга кельгійхьть ингальце васттъ моркштнень ваксса Синагогасанга.

7. И месъ бы тейстъ сюкунякшнельхьть лама ломаннь кучкаса, и месъ бы ломатне лемьняльхьть синнь: тонафтый! тонафтый!

8. А тинь дяда лемьня тиньценнь тонафтыйса; вадь тиннь фке тонафтыйнтесть Христоссь, атинь сембе брадатъ.

9. И Аляса есьтейнтъ дяда лемьня кинньга модать лангса; вадь тиннь фке Алянтесть, улійсь менель лангса.

10. И дяда лемьнь тиньценнь тонафнійса; вадь тиннь фке Тонафнійнтесть Христоссь.

11. Оцюсь ездаднтъ улеза тейнтъ слуга.

[ 84 ]12. Вадь серюкснявійсь алукстафъ ули, а алукшнявійсь серюкстафъ ули.

13. Пичадьфксъ тейнтъ сю̄рмаса содайхьть и Фарисейтъ шамаса-васькафнійхьть; месъ сю̄лгандсасть менельннь царствать ломатненти; вадь тиньцьке афъ суватадъ, кельгійхьтненьке сувамсъ афъ нолясайньть.

14. Пичадьфксъ тейнтъ сю̄рмасасодайхьть и Фарисейтъ шамаса-васькафнійхьть, месъ севандсайньть кудтнень мырьдьфтыма аватнень и шамасаваськафтыйксъ озандатадъ кувать; сяннь кса приматадъ сяда стака муваргафтама.

15. Пичадьфксъ тейнтъ сю̄рмаса-содайхьть и Фарисейтъ шамаса-васькафнійхьть, месъ перьфь ю̄татадъ оцюляйть и модать ваксса, месъбы шарфтамсъ хоть фкеннь, и мызярда шарфтатадъ, тіяндсасть соннь гееннать цю̄раксъ, кафтаксть натю̄каксъ тиннь горязъ.

16. Пичадьфксъ тейнтъ сокаръ вятійхьть, конатъ кортатадъ: кыда кіе варай церкваса, еста ашъ мезева; а кыда кіе варай церкваннь золатаса, еста ули муваръ.

17. Афъ ю̄нутъ и сокартъ! мезе сяда оцю, золотась, али церквась, святиндайсь золотать?

18. Танга: кыда кіе варай жертвеннекса, еста ашъ мезева, а кыда кіе варай казфьса, кона лангсанза, еста ули муваръ.

19. Афъ ю̄нутъ и сокартъ! мезе сяда оцю, казфсь, али жертвеннексь, святиндайсь казьфть?

20. И стане кіе варай жертвеннекса, варай есанза и сембеньеса, мезе лангсанза.

[ 85 ]21. И кіе варай церкваса, варай есанза и еряйтьеса есанза.

22. И кіе варай менельса варай Шкайннь озама-вастса, и лангсанза озада ащійтьеса.

23. Пичадьфксъ тейнтъ сю̄рмаса содайхьть и Фарисейтъ шамаса-васькафнійхьть, месъ макссятадъ кеменьце пай путлекьть, анисть и тминть и кадасть, мезе сембеда оцю законьтьеса, видесудямать, миластть и верать; тяннь ушардсь тіймасъ, сянньге афъ кадындамсъ.

24. Сокаръ вятійхьть, педяндійхьть сяскетъ, а нильсякшнійхьть верблюдть!

25. Пичадьфксъ тейнтъ сю̄рмаса-содайхьть и Фарисейтъ шамаса-васькафнійхьть, месъ арупнясасть ушенцъ шавать и лапшавать, сяннь ю̄ткува, кода потмаса синь пяшксетъ норгамада и афъ видеда.

26. Сокаръ Фарсей! арупткъ васенда потманцъ шавать и лапшавать, штабы ару уляль и ушесна.

27. Пичадьфксъ тейнтъ сю̄рмаса-содайхьть и Фарисейтъ шамаса-васькафнійхьть, месъ тинь коньдяматадъ артафтъ лазтненти, конатъ ушеста няявійхьть мазійтъ, а потмаса пяшксетъ кулатнень пакарьда и аръ афъ арумада.

28. Стане тиньге ушеста няяфтадъ ломатненти видетъ, а потмаста пяшксетъ шамаса-васькафнямада и законьфтымада.

29. Пичадьфксъ тейнтъ сю̄рмаса-содайхьть и Фарисейтъ шамасаваськафнійхьть, месъ тійньдьтядъ лазтъ [ 86 ]ингальцеазандыйхьтненти и мазиптнятадъ лятфтакстъ видетнень.

30. И кортатадъ: кыда бы минь уляльме алянекень шиста: еста минь афыльме уль синнь ялгасна верннь пеердямаса ингальцеазандыйхьтнень.

31. Стане тинь есь лангазнтъ азындатадъ, месъ тинь цю̄рать нятнень, конатъ кулафтазь ингальцеазандыйхьтнень.

32. Пяшкыднясть ина медирксть аляннтень.

33. Куйтъ, левкстъ ехиднаннь! кода оргадьтядъ тинь муваргафтамать езда гееннати?

34. Вадь вовъ Монъ кучанъ тейнтъ ингальцеазандыйхьть, пякъ ю̄нутъ и сю̄рмаса-содайхьть; и тинь фкетнень кулафтсайньть и крю̄стати ескептсайньть, а омбацетнень карматадъ шавма синагогасанть и паньма ошть езда ошсь.

35. Саза лангазнтъ сембе виде версь, пеердьфсь модать лангса виде Авельть верть езда, Захаріять, Варахіяннь Цю̄ранцъ верть тейсъ, конаннь тинь кулафтасть Церквать и жертвеннекть ю̄ткса.

36. Видеста кортанъ тейнтъ, сембе сице сай ся шачамать лангсъ.

37. Іерусалимъ, Іерусалимъ кулафтыйсь ингальцеазандыйхьтнень, и кевса шавійсь кучфтнень тейть! мызярксть Монъ вешанъ кочкамсъ тоннь идьтнень, кода нарвайсь кочкасыйнь левксанзанъ пацятнень алу, и тинь изде вешь!

38. Вовъ кадандавій тейнтъ куднтесть шава.

[ 87 ]39. Вадь азанданъ тейнтъ: афъ няйсаместь Моннь тепингть езда, мызярсъ афъ пишкадьтадъ: благословендафъ молійсь Шкабазннь лемьсъ.


  1. Соткстъ конеть и кядьтнень лангса законть валтнень марта.




Комсь нилице глава.

1. И лисязь Іисуссь мольсь церквать езда; и шаштсть Тейнза тонадыйнза Соннь месъ бы няяфтямсъ Тейнза церкваннь кудъпутаматнень.

2. Іисуссь азсь тейстъ: няйсасть ли сембе тяннь? Видеста кортанъ тейнтъ, сембе сице ули страфтфъ сташта афъ лядый тяса кевь кевьть лангса:

3. Мызярда ина озада ащась Сонъ Вайннь пандть лангса; еста шаштсть Тейнза тонадыйнза скамнстъ и кизифтьсть: азкъ тейнекь, мызярда тите ули, и кодама ули цюда Тоннь самать и векьть петь?

4. Іисуссь азсь тейстъ сяннь лангсъ: ванавада, месъ бы кіе тиннь афъ ильдезь васькафтъ.

5. Вадь ламатъ сайхьть Моннь лемьса, кортазь: монъ Христоссь, и ламатнень васькафтсазь.

6. Стане же культядъ тюрьматнень колга и тюрманнь кулятнень колга. Ванада, дяда евыдь; вадь ушардый сембенти тянньти ульмасъ. Но тите неньге афъ песь.

7. Вадь стяй народсь народтъ лангсъ, и мастырсь мастырть лангсъ, и улійхьть вача кизатъ, мортъ и моданнь шерькамать вастува.

8. Сембе ина сице ушаптамась сярядькстнень.

[ 88 ]9. Еста кармайхьть максама тиннь тарвадматнень лангсъ и шавмасъ тиннь; и ультядъ пякь афъ кельгафтъ сембе народтненьеса Моннь лемьть кса.

10. И еста кармайхьть пракшняма мяльса ламатъ; и фке фкеннь кармайхьть максама (душмантнень кядьсъ); и пякь афъ кельгсазь фке фкеннь.

11. И стяй лама афъ виде ингальцеазандыйда и васькафтсазь ламатнень.

12. И законьфтыма тевьтнень ламакстаммать инкса якшамій кельгамась ламаннь?

13. Кырьдявійсь ина пети, ванавій.

14. И азфъ ули ся Евангельсь царствать сембе мастырть езга свядетельствасъ сембе народтненти, и еста сай песь.

15. И стане мызярда няйтядъ нулгадьксъ шамндамать, ингалеазфъ ингальце-содай Даніилса, путфъ святой васттьеса (морафтыйсь шарькыдяза):

16. Еста ащійхтне Іудеятьеса ласкыстъ пандтненти.

17. И кіе кудннь вельтямать лангса, дяза валга сявмасъ мезе-мезе куднцъ езда;

19. Пичадьфксъ же пекійхьтненти и тряйхьтненти потяснанъ еста тона шиста.

20. Озандада, штабы дяль токадь тиннь ласкамась тяланда, али Субботаннь шиста.

[ 89 ]21. Вадь еста ули оцю каньзидьфксъ, кодама изь уль мастырть ушаптамста тячисъ, и афъ ули.

22. И кыда бы афъ нурхкялгадальхьть тона шитне, еста дяль ванава фкева тела, но кочкафтнень кса нюрьхкялгадыйхьть тона шитне.

23. Еста кыда кіе тейнтъ азый: вовъ тяса Христоссь, али еса, дяда веранда.

24. Вадь стяйхьть афъ-виде Христостъ и афъ-видеингальце-содайхьть и няяфтійхьть оцю цюдатъ и оцютевьтъ ста, штабы васькафтамсъ, кыда сай нальне, и кочкафтнень.

25. Вовъ Монъ ингали тейнтъ азанданъ:

26. И стане кыда азыйхьть тейнтъ: вовъ Сонъ ломаньфтыма ширеса; дяда лисяньдя: вовъ Сонъ потманнь пакойтненьеса; дяда веранда.

27. Вадь кода ю̄ндалсь лисяньдій шистямать езда и пиндалдый шивалгамать тейсъ; стане ули и самась ломаннь Цю̄рать.

28. Вадь коса ули куласивельсь, тоса пурамійхьть и куцькантне.

29. И ездкіе нятъ шитнень каньзидьфксъ меля манись шопадій, и ковсь афъ макссый валдксанцъ, и тештне прайхьть менельть езда, и менельннь війтне шерькайхьть.

30. Еста няявтявій ломаннь Цю̄рать цюда менельть лангса; и еста аварьдійхьть сембе моданнь шачаматне и няйсазь ломаннь Цю̄рать, молійть менельннь облактнень лангса вій марта и оцю славать марта.

[ 90 ]31. И кучсыйнь Ангельнзанъ кайгій тураманнь вайгель марта; и пураптсазь Соннь кочкафтнень ниле варматнень езда; тырвать езда мянь менельннь тырвати.

32. Сявасть лангаваржаксть смоковницять езда; мызярда соннь тараднза арайхьть ляптъ, и нолдайхьть лопатъ; еста содатадъ шта маласа кизась.

33. Стане тиньге, мызярда няйсасть сембе сяннь, содада, шта маласа, кенкштнень ваксса.

34. Видеста кортанъ тейнтъ, афъ ю̄тай шачамась сице, кода сембе сице тіявій.

35. Менельсь и модась ю̄тайхьть, но Моннь валтне афъ ю̄тайхьть.

36. Тона же шить колга и часть колга кійгавакъ афъ содай, афъ менельннь Ангельтне, а анцякъ Алязе Моннь скамнза.

37. Но кода ульсь Нойннь шиста: стане ули и самста ломаннь Цю̄рать.

38. Вадь кода шиста ваямать ингале, ярцасть симсть, ирьвяясть и максасть ирьвяксъ шисъ, конань еса сувась Нойсь ковчегть потмасъ;

39. И исть мяля, мызярдсъ изсь са ваямась и изязнь ю̄мафта сембеннь: стане ули и самась ломаннь Цю̄рать.

40. Еста улійхьть кафта пакся лангса, фкесь сявавій, а омбацесь кадндавій.

41. Кафта яжавтыйхьть яжай кевьса: фкесь сявавій, а омбацесь кадндавій.

[ 91 ]42. И стане ащада, месъ афъ содатадъ, кона часста сай (Азырнтесть) Шкабазнтесть.

43. Но тинь содатадъ, шта кыда содаль кудннь-азырсь, кона часста сай салайсь, еста афъ аль уда, и афъ аль максъ алда шувмасъ есь куднцъ.

44. Сянкса тиньге уляда анактъ, вадь кона часста афъ мялятадъ, сай ломаннь Цю̄рась.

45. Кіе же виде и ю̄ну уря, конаннь азырацъ путазе слуганзанъ лангса, штабы максамсъ тейстъ ярцама пяльть пингува?

46. Шумбра тона урясь, кыда азырацъ сазь мусый соннь тіяйса стане.

47. Видеста кортанъ тейнтъ, сембе соньценнь парашить лангса путсый соннь.

48. А кыда тона урясь улязь осалъ азый седійнцъ потмаса; афъ куракъ сай азыранзе;

49. И кармай шавма ялганзанъ и ярцама и симма ирядійхьтнень марта:

50. Еста сай азырсь тона урять шиста, конанньеса сонъ афъ учій, и часста, конанньеса афъ мяляй.

51. И керсый соннь пялева, и макссый соннь фке полати шамаса васькафнійхьтнень марта; еса ули аварьдяма и пейннь цятырдама.




Комсь ветеце глава.

1. Еста менельннь царствась коньдяма ули кемень стирьтненти, конатъ сявазь синьценнь святильнектнень мольсть каршазь ирьвяяй цю̄рати.

[ 92 ]2. Вете синнь езда ульсть ю̄нутъ, и вете афъ ю̄нутъ.

3. Сятъ афъ-ю̄нутне сявазь святильнекснанъ изсть сява мартастъ вай.

4. Ю̄нутне же сявасть вай кядгеса святельнекснанъ марта.

5. И кода ирьвяяй цю̄рась кувать изсь сашандъ; еста синь нувасть сембетъ и матудувсть.

6. Но пяле-веста кулявсь пишкадьма: вовъ ирвяяй-цю̄рась сай, лисяда каршазынза.

7. Еста стязь сембе стирьтне сятъ, и анаклазь синьценнь святильнекснанъ.

8. Афъ ю̄нутне же ю̄нутненти азсть: туда миньтейнекь вайнтестень: вадь миньценнь святильнектне матадыйхьть.

9. Ю̄нутне сяннь утарсъ азсть кортазь: месъ бы дяль уль кыржа вайда тиннь и миннь кядьса; моляда сяда цебярь мишаньдійхьтненти и рамада есьтейнтъ.

10. Мызярда же синь тусть рамамсъ; сась ирвяяй-цю̄рась и анактне сувасть соннь марта ирьвяямать лангсъ и кенькштне сю̄лгавсть.

11. Тяда меля сайхьть и омбаце стирьтне, и кортайхьть: азыръ! азыръ! панжкъ минь-тейнекь.

12. Сонъ ина сяннь лангсъ азсь: видеста кортанъ тейнтъ, афъ содатедезь тиннь.

13. И стане ащада: вадь тинь афъ содасасть, афъ шить, афъ часть, мызярда сай ломаннь Цю̄рась.

14. Вадь Сонъ кармай тійма тона ломанть [ 93 ]коньдяксъ, конацъ тушандазь ичкизи кисъ терьдязнь урянзанъ, и максазе парашинцъ тейстъ кядьтнень лангсъ.

15. И макссь фкети вете таланттъ, омбацети кафта, колмацети фке, арти війнцъ езга и ненекь тусь.

16. Кона сявазнь вете талантнень мольсь, кармась мишаньдяма синнь лангсъ и мусь омбаце вете таланттъ.

17. Тяфта же и кона сявазнь кафта талантнень, мусь омбаце кафта таланттъ.

18. Кона же сявазе фке таланттъ, мольсь и кяшазе соннь модать потмасъ и пырдазе сіять азыранцъ.

19. Лама пингеда меля мырдай азырсь тятъ урятнень и анай кядьстастъ лувма.

20. И шаштазь кона сявазнь вете талантнень кандсь омбаце вете таланттъ, и кортай: азыръ! тонъ максать моньтейнь вете таланттъ; вовъ монъ муйнь синнь лангсъ омбаце вете таланттъ.

21. Азырсь соннь азсь тейнза: цеберьста пара и виде уряй! кыржа тевьтненьеса тонъ улять виде, ламатнень лангса путте; сувакъ кеняньдямати тоннь азырть.

22. Шаштсь тяфта же и кона сявазнь кафта талантнень и азсь: азыръ! тонъ максать моньтейнь кафта таланттъ; вовъ монъ муйнь синнь лангсъ омбаце кафта таланттъ.

23. Азырсь соннь азсь тейнза: цеберьста пара и виде уряй! кыржа тевьтненьеса тонъ улять виде: ламатнень лангса путте; сувакъ кеняньдямати тоннь азырть.

[ 94 ]24. Шаштсь же и кона сявазе фке талантть и азсь: азыръ! монъ содайхьтень, месъ тонъ ломань калгада: нуятъ, коса тонъ изять видя, и кочкатъ, коса изять пеярьдь;

25. И пелязь тунь, и кяшае тоннь талантть модати; вовъ тейть тоннь.

26. Азырцъ же азсь тейнза сяннь утарсъ: уряй афъ пара и нолгадый! (кыда) тонъ содать, месъ монъ нуянъ, коса изнь видя, кочканъ, коса изнь пеярьдь;

27. Еста ушардсь тейть максамсъ сіять моннь мишандійхьтненти; и монъ сазь сявальнь моннь лездамать марта:

28. И стане сявасть соннь кядьста талантть и максасть киннь кядьса ули кемень таланттъ.

29. Вадь арти, киннь ули, максфъ ули, и касый, а киннь аяшъ, тонаннь кядьста сявавій и тя, мезе ули.

30. Афъ коньдястій же урьть ю̄рдасть ушестаннь шобдаксти; тоса ули аварьдяма и пейннь цятырдама. (Торазь сяннь азсь: киннь улійхьть пиленза кулямсъ, кулеза).

31. Мызярда же сай ломаннь Цю̄рась славанцеса, сембенге святой Ангельтне Соннь марта, еста озай славанцъ озамавастть лангса.

32. И пурамійхьть Соннь ингале сембе народтне и явфтсыйнь синнь фкеннь омбацеть езда, кода ваныйсь явфтый учатнень казатнень езда.

33. И путсыйнь учатнень виде кядьнцъ ширесъ, а казатнень керши.

[ 95 ]34. Еста азый Оцюазырсь ащійхьтненти виде кядьнцъ ширеса: сада благословендафтъ Моннь Алязнь! сатада царствать, анаклафть тейнтъ мастырть тіймать езда.

35. Вадь вачань Монъ, и тинь максаде Тейнь ярцама; кельгань симма, и тинь симфтаде Моннь; якань ліе мастырть ланга, и тинь примаде Моннь.

36. Штада ащань и тинь вельтяде Моннь; сярядянь и тинь содафтаде Моннь; шобда кудса ульнь и тинь саде Тейнь.

37. Еста видетне кортазь сяннь лангсъ Тейнза азыйхьть: Азыръ! мызярда минь няяме Тоннь вачада ащійса и андаме, али симма кельгійса симфтаме.

38. Мызярда стане же минь няяме Тоннь ки лангса и примаме, али штада ащійса и вельтяме?

39. Мызярда стане же минь няяме Тоннь сярядійса, али шобда кудса и содафтаме?

40. Оцюазырсь азый тейстъ сяннь лангсъ: видеста кортанъ тейнть: несакъ тинь тійде сяннь фкети ся Моннь ю̄мбла браднень езда, еста Тейнь тійде.

41. Еста азый и ащійхьтненти кершь кядьть ширеса: моляда Моннь езда сюдафтне векьннь толти, кона анаклафъ шайтанти и соннь ангельтненти.

42. Вадь вачань Монъ, и тинь изде максъ Тейнь ярцама; кельгань симма, и тинь изде симфта Моннь.

43. Ульнь ки лангса, и тинь изясть прима Моннь: ащань штада и изясть вельтя Моннь; сярядянь и шобда кудса ащань и изясть содафта Моннь.

[ 96 ]44. Еста и синь азыйхьть Тейнза сяннь лангсъ: Азыръ! мызярда Минь няяме Тоннь вачада ащійса, али симма кельгійса, али ки лангса, али штада ащійса, али сярядійса, али шобда кудса, и изьме служинда Тейть?

45. Еста азый Сонъ тейстъ сяннь лангсъ: видеста кортанъ тейнтъ: несакъ тинь изясть тія сяннь фкети ся ю̄мблатнень езда, еста изясть тія Тейнь.

46. И молійхьть нятъ векьннь тарвадмати, а видетне векьннь ерявти.




Комсь котаце глава.

1. Мызярда шумырдазнь Іисуссь сембеннь сятъ валтнень; еста азсь Соньценнь тонадыйхьтненти:

2. Тиннь содатадъ, месъ кафта шитнень ю̄тамада меля ули оцюшись[1] и ломаннь Цюрась максфъ ули ескептама лангсъ крю̄стати.

3. Еста пурамсть оцю-поптне и сю̄рмаса содайхьтне и народть каштантне калдазсъ оцю-попть лемьса Каіафать.

4. И торасть ю̄ткастъ, кода бы сявамсъ Іисусть откырьмаса и кулафтамсъ.

5. Но кортасть: анцякъ афъ празнекьста, месъ бы дяль уль тійфъ сюмбаряфтама народтьеса.

6. Мызярда же Іисуссь ульсь Вифаніятьеса Симонть кудса, кона кырьдфъ ульсь проказаса:

[ 97 ]7. Еста шаштсь Тейнза ава алебастраннь кядьге марта, конаннь потмаса ульсь питній миро[2] и каязе Тейнза озада ащійти прянцъ лангсъ.

8. Няязь титяннь тонадыйнза кяжіясть кортазь: мезнньти стама юмафтамась?

9. Вадь сице вайсь міеваль оцю питнекса и явфтаваль анайхьтненти.

10. Но Іисуссь шарькыдязь сяннь азсь тейстъ: мезенти тинь сюмбаряфнясасть авать? Сонъ пара тевь тіясь лангсанъ.

11. Вадь анайхьтне арпингста улійхьть тиннь мартантъ, а Монъ афъ арпингста.

12. Каязь тите вайть телазнь лангсъ сонъ анакламень калмамати.

13. Видеста кортанъ тейнтъ, коса афъ ули азфъ Евангельсь ся сембе мастыртьеса, азфъ ули лятфтаманцъ кса и сяннь колга, мезе сонъ тіясь.

14. Еста фке кемькафтува тонадыйхьтнень езда, лемьдявійсь Іуда Искаріотъ мольсь оцю-поптненти,

15. И азсь: мезе тинь максатадъ тейнь: монъ тейнтъ максса Соннь? Синь путсть тейнза колманнь кемень сіяннь монеттъ.

16. И тя пингть езда вещаньдьсь тю̄жде ю̄тка максамсъ Соннь.

17. Шапаксфтыма же кшетнень васенце шиста шаштсь тонадыйхьтне Іисусти кортазь Тейнза: коса [ 98 ]кельгатъ, месъ бы минь анаклальме Тейть ярцама оцюшиннь веразъ.

18. Сонъ азсь: моляда ошсъ тяфтамати-вовъ и азада тейнза: Тонафтыйсь кортай: пингазе Моннь маласа; тоннь пельть тійса оцюшить Моннь тонадыйхьтнень марта.

19. Тонадыйхьтне тіясть стане, кода мярьгсь тейстъ Іисуссь; и анаклазь оцюшиннь веразть.

20. Кода же сась илядьсь; Сонъ озась моркшть, фталу кемькафтува тонадыйхьтнень марта.

21. И мызярда синь ярцасть, Сонъ азсь: видеста кортанъ тейнтъ: фке тиннь ездантъ макссаманъ Моннь.

22. Синь ездантъ канзидьсть и кармасть кортама Тейнза фке фке мельга: афъ монъ ли, Азыръ!

23. Сонъ азсь сяннь лангсъ: кона навазе Моннь мартанъ лапшавати кядьть, тите Моннь макссаманъ.

24. Авкуксъ, ломаннь Цю̄рась тушандый, кода сю̄рмадфъ Соннь колга; но пичафксъ тя ломанти, конаннь кядьса ломаннь Цю̄рась максавій, сяда цеберь уляль афъ шачамсъ тя ломаньти.

25. Сяннь пингста Іудась, максыйсь Соннь стане же азсь: Равви![3] афъ монъ ли? Іисуссь кортай тейнза: тонъ азать.

26. И мызярда синь ярцасть; Іисуссь сявазь кшеть и благословиндазь синьдязе и максазь тонадыйхьтненти, азсь: примада, ярцада; ся ули телазе моннь.

[ 99 ]27. И сявазь шавать, и максазь шнамать, макссь тейстъ, кортазь: симада соннь езда сембетъ.

28. Вадь ся ули вернзе моннь одъ заветть, ламаннь инкса пеярьдьфъ грехьтнень кадамать кса.

29. Азанъ же тейнтъ, шта тячиста афъ карманъ симма ся виноградннь кенерьфть езда тона шисъ, кода карманъ симма мартантъ одъ вина Алязнь царстваса.

30. И моразь мольсть вайннь пандть лангсъ.

31. Еста кортай тейстъ Іисуссь: сембе тинь пратадъ мяльса колганъ ся веса; вадь сю̄рмаса азфъ: шавса ваныйть и страдайхьть уртть учатне. (Зах. 13, 7).

32. Моннь же ерекамада меля Монъ васефтатедезь тиннь Галилеятьеса.

33. Петрась азсь Тейнза сяннь лангсъ: кыда и сембетъ прайхьть мяльса колгатъ, монъ коданга аф праянъ.

34. Іисуссь азсь тейнза: видеста кортанъ тейть, ся веса, сяда ингале, кода кармай морама атякшсь, тонъ колмаксть отказаватъ Моннь ездаднъ.

35. Петрась кортай Тейнза: хыть тейнь куламсъ Тоннь мартатъ, афъ отказаванъ Тоннь ездадтъ. Стане же и сембе тонадыйхьтне азсть.

36. Тяда меля сашандый синнь марта Іисуссь велети, кона лемьдявій Гефсиманія и кортай тонадыйхьтненти: озада тяса, мызярдсъ Монъ молянъ и озанданъ тоса.

37. И сявазь мартанза Петрать и кафта Зеведейннь цю̄ратнень кармась канзидьма и лажадма.

[ 100 ]38. Еста кортай тейстъ Іисуссь: ваймезе канзидій куламсъ; уляда тяса и ащада Моннь мартанъ.

39. И тушандазь афъ лама, прась шаманцъ лангсъ озандазь и кортазь: Алязе! кыда війса ся улямсъ, ю̄таза ваксканъ ся шавась; аднака афъ кода Монъ кельганъ, но кода Тонъ.

40. И сашандый тонадыйхьтненти и мушандсыйнь синнь удыйса, и кортай Петрати: стане ли тинь изьде маштъ ащамсъ Моннь мартанъ фке часъ?

41. Ащада и озандада, месъ бы афальде пра тяряфтамати. Духсь еряза, но телась лавча.

42. Танга мольсь омбацексъ, и озандась кортазь: Алязе! кыда афъ війса ся шавась ю̄тамсъ ваксканъ, месъ бы Тейнь афъ симмасъ соннь; улеза Тонь воляце.

43. И сазь мушандсыйнь синнь танга удыйса: вадь синнь сельмесна сталгадсть.

44. И кадазь синнь мольсь танга, и озандась колмацексъ, азазь сявакъ валтнень.

45. Еста сашандый тонадыйнзанти и кортай тейстъ: тинь сембе неньге удытадъ и вайматадъ; вовъ шаштсь чассь, и ломаннь Цю̄рась максавій грешнектнень кядьсъ.

46. Стяда, мольтямъ; вовъ шаштсь максыйсь Моннь.

47. Неньге кода кортась сяннь, сашандый Іудась фке кемькафтатнень езда и соннь марта лама ломаньда пеельтнень и олгатнень марта оцю-поптнень езда и народть каштантень езда.

[ 101 ]48. Максыйсь же Соннь макссь тейстъ содафксъ кортазь: конаннь монъ паласа, тона и ули, сявасть Соннь.

49. И ездкіе шаштазь Іисусти азсь: Равви! кеняньдьть[4]; и палазе Соннь.

50. Іисуссь же азсь тейнза: другзе! мезннькса тонъ тясатъ? Еста шаштсть и путазь кядьснанъ Іисусть лангсъ и сявазь Соннь.

51. И вовъ фке сяттнень езда, конатъ ульсть Іисусть марта, венептязь кядьть, таргазе пеельнцъ вачкадязе есанза урьть оцюпопыннь и керязе соннь пилеть.

52. Еста Іисуссь азсь тейнза: путкъ пеельцень вастанцти, вадь сембе кепыдійхьтне пеельть, пеельть езда юмайхьть.

53. Али мялятъ, шта Монъ афъ війса тяни енельдямсъ Алязнь ста, шта Сонъ кучій Тейнь сяда лама, кода кемькафтува легіонтъ Ангельтнень?

54. Кодана ули тійфъ азфсь Сю̄рмаса, шта стане улямсъ еряви?

55. Тона часста Іисуссь азсь народти: кода бата ломаннь-шавійть лангсъ саде тинь пеельтнень и олгатнень марта, месъ бы сявамсъ Моннь; аръ шиста Монъ мартантъ озада ащанъ тонафнязь церкватьеса и тинь изьместь сяваньда Моннь.

56. Сембе ся токадьсь, месъ бы уляльхьть тійфтъ сю̄рматъ ингальце-азандыйхьтнень. Еста сембе тонадыйхьтне кадазь Соннь, орьгядьсть.

[ 102 ]57. Сявійхьтне Іисусть вятязь Соннь оцю-попти Каіафати, коса пурамсть сю̄рмаса-содайхьтне и каштантне.

58. Петрась мольсь Соннь мельга ичкидзе мякь оцюпопыннь калдазти, и сувазь калдазу озась слугатнень марта; месъ бы няямсъ, кодама ули сянньти пецъ.

59. Оцю-поптне и каштантне и сембе синедріонсь[5] вешаньдьсть афъ виде няяфтяма Іисусть лангсъ, месъ бы максамсъ Соннь куламати.

60. Но исть мушандъ; и хоть ульсть лама афъ виде няяфнійда, изязь му. Мекипяли састь кафта афъ виде няяфтійхьть.

61. И азсть: Сонъ кортась: Монъ війса страфтамсъ Шкайннь церквать и колма шиста тіямсъ соннь.

62. Оцюпопсь стязь азсь Тейнза: месъ Тонъ мезнньга сяннь лангсъ афъ кортатъ? Кулятъ ли, мезе синь Тоннь утаратъ няяфтійхьть?

63. Іисуссь сютямась Оцюпопсь азсь Тейнза: варафтанъ Тоннь ярекъ Шкайса, азкъ тейнекь, Тонъ ли Христосатъ Шкайннь Цю̄рась?

64. Іисуссь кортай тейнза: тонъ азать: нальне азанъ тейнтъ: тячиста няйсасть ломаннь Цю̄рать озада ащійть Шкайннь війть виде кядьть ширеса и молійть менельннь облактнень лангса.

65. Еста оцюпопсь сязязнь соньценнь вельтяматнень, кортазь: Сонъ Шкайть сютцяй, мезенти неньге тейнекь няяфтійхьтнень! Вовъ тяни тинь кулясть Соннь сютцямать Шкайть утара.

[ 103 ]66. Кода тейнтъ няявій? Синь азсть сяннь лангсъ: Сонъ тій куламать.

67. Еста сельгандсть Тейнза шаманцъ лангсъ, и макссясть Тейнза пилеюрхтъ, омбацетне же вачкадязь щю̄канцъ ланга.

68. Кортасть: азкъ тейнекь, Христосъ, кіе вачкадянзе?

69. Петрась же озада ащась калдазса, и шаштсь тейнза фке урьава и азсь: и тонъ улять Галилеяннь Іисусть марта.

70. Но сонъ отказавсь сембеннь ингале кортазь: афъ соданъ, мезе тонъ кортатъ.

71. Мызярда же сонъ лиссь кенькштнень фталу, няязе соннь омбаце и азсь тонатненти, конатъ ульсть тоса: соньга ульсь Іисусть Назарейть марта.

72. Сонъ танга отказавсь варамать марта, шта сонъ афъ содасый ся ломанть.

73. Афъ лама меля шаштсть ащійхьтне тоса, и азсть Петрати: авкуксъ тонъ га ездастъ; вадь торамаце тыргафтый тоннь.

74. Еста сонъ кармась варама и пежидяма, месъ сонъ афъ содасый ся ломаньть. И ездкіе кармась морама атякшсь.

75. И лятфтазе Петрась валть азфть тейнза Іисусть езда: сяда ингале, кода кармай морама атякшсь, колмаксть отказаватъ Моннь ездаднъ. И лисязь ушу, аварьдьсь пичадьфкста.


  1. Пасха.
  2. Параста шиніяй вай.
  3. Тонафтый.
  4. Шумбратъ ерятъ.
  5. Вярьце судннь васта.




[ 104 ]

Комсь сисемьце глава.

1. Мызярда же сась шобдаваннь пингесь, сембе оцюпоптне и народьть каштантне кирьдсть ладъ, месъ бы максамсъ Іисусть куламати.

2. И сотась Соннь, вятязь и максазь Понтійти Пилатти, игемонти[1].

3. Еста Іудась, кона максазе Соннь, няязь, шта Сонъ муваргафтфъ, и каяндазь меки максазнь колманнь кемень сіяннь монетнень оцюпоптненти и каштантенти.

4. Кортазь: тіянь грехь монъ, максазь мувармафтыма верть. Но синь азсть: тейнекь мезе титяннь инкса? ватть тоньць.

5. И ю̄рдазь сіеннь монетнень церкватьеса, лиссь; и мольсь, повавсь.

6. Оцюпоптне, сявазь сіеннь монетнень азсть: афъ ладно ули путамсъ синнь церкваннь парашиванмасъ, вадь тя верть питнесь.

7. Тіязь же ладть, рамасть синнь лангсъ сяканньтійть мода, мемастырннь ломатнень калмамать кса.

8. Сясъ и лемьдявій ся вастсь верть модаса мякь тя шисъ.

9. Еста тіявсь азфсь ингальцеазандый Іереміяса, кона кортай: и монъ сявань колманнькемень сіеннь монеттъ, питне питнесъ путфть, конаннь питнесь путазь Израильннь цю̄ратне.

10. А синь максазь сятнень сяканньтійть [ 105 ]модатькса, кода няяфтязе сяннь тейнь Шкабазсь. (Зах. 11, 12, 13.).

11. Іисуссь же стясь игемонть ингале; и кизифтязе Соннь игемонсь: Тонъ ли Оцюазырсь Іудеяннь? Іисуссь азсь тейнза: тонъ кортатъ.

12. И мызярда муваргафасть Соннь оцюпоптне и каштантне, Сонъ мезевакъ изсь азъ сяннь лангсъ.

13. Еста кортай Тейнза Пилатсь: афъ кулятъ, мызяра Тоннь утаратъ няяфтямада?

14. И изсь азъ тейнза фкевакъ валъ лангсъ ста, шта имемонсь пякь дивандась.

15. Празднекьста[2] же игемонсь обыцяйть езга нолякшнясь фке жарямса ащій, конаннь кельгсый народсь.

16. Еста ульсь содафъ жарямса ащій, лемьдявій Варавва.

17. И стане мызярда синь пурамсть; еста кизифтязнь синнь Пилатсь: киннь кельгтядъ, месъ бы монъ нолдаліе тейнтъ, Вараввать, аль Іисусть, лемьдявійть Христость.

18. Вадь содазь, шта максазь Соннь кунельфксть езда.

19. Ся юткува, мызярда сонъ озада ащась судьяннь вастса; ирьвяцъ кучсь тейнза азамсъ: дятъ тій мезевакъ сянти видети; вадь монъ тячи онста лама сярядьксда кырьдянь инксанза.

[ 106 ]20. Но оцюпоптне и каштантне тонафтазь народть кизифтямсъ Вараввать, а Іисусть юмафтамсъ.

21. Еста игемонсь кизифтязнь синнь: конаннь кафтатнень езда кельгтядъ, месъ бы монъ нолдаліе тейнтъ? синь азсть Вараввать.

22. Пилатсь кортай тейстъ: мезе ина тейнь тіяньдямсъ Іисусть марта, кона лемьдявій Христосъ? Кортайхьть тейнза сембетъ: крю̄стати ескепткъ Соннь.

23. Игемонсь азсь: кодама же осалъ тевь тіясь Сонъ? Но синь сяда лама рангсть: крю̄стти ескепткъ Соннь.

24. Пилатсь няязь, шта афъ лездый мезева, но сюмбарямась касый, сявазь ведь штазнь кядьтнень народть ингале, и азсь: афъ муваранъ монъ сяннь видеть вертьеса: ванада тинь.

25. И кортазь сяннь лангсъ сембе народсь азсь: Соннь версь миннь лангсанакъ и идьнекень лангса.

26. Еста нолдазе тейстъ Вараввать, а Іисусть шавазь максазе ескептама лангсъ крю̄стти.

27. Еста игемоннь салдатне сявазь Іисусть Преторіяти[3] пураптазь Соннь лангсъ сембе спирать[4].

28. И каязь вельтяманзанъ вельтясть Соннь лангсъ якстере хламида.

29. И кодазь венецъ пупай кальналннь тарадста, путазь тейнза прять лангсъ; и максть Тейнза виде кядьсъ байдекь и комазь ингаленза калена лангсъ, [ 107 ]рахасть лангсанза кортазь: кеняньдьть, оцюазырсь Іудеяннь!

30. И сельгсть лангазанза и сявазь байдекь шавсть Соннь прять ланга.

31. И кода рахасть Тейнза; каязь лангстанза якстерь хламидать, и вельтязь Соннь вельтяманзанти и вятязь Соннь ескептама лангсъ крю̄стти.

32. Ки лангса васефтсть Киринейннь ломань, лемецъ Симонъ, тонаннь кошардсть кандамсъ крю̄станцъ.

33. И сазь вастсъ, кона лемьдявій Голгофа, мезе ули коненнь васта,

34. Максть Тейнза симмасъ уксусда, шоряфъ сяпе марта; и марязь изсь кельгъ симма.

35. Ескептайхьтне же Соннь, явфтазь вельтяманзанъ, ю̄рдазь тящтя.

36. И озазь вансть Соннь тоса.

37. И путсть прянцъ вяре сю̄рмалангаксъ, кона кырьдій Соннь муварманцъ: Сице ули Іисуссь Оцюазырсь Іудеяннь.

38. Еста ульсть ескептфтъ Соннь марта кафта ломаннь шавійхьть, фкесь виде кядьть ширеса, а омбацесь кершть ширеса.

39. Вакска же ю̄тайхьтне сютцязь Соннь шуказь есь пряснанъ.

40. И кортазь: страфтыйсь церквать и колма шиста тіяйсь! ванкъ Тоньценнь; кыда Тонъ Шкайннь цю̄ра, валгтъ крю̄стть лангста.

[ 108 ]41. Коньдяксъ и оцюпоптне сю̄рмасасодайхьтнень и каштантнень марта рахазь кортасть.

42. Омбацетнень ваназнь; а Соньценнь афъ маштай ванмасъ. Кыда Сонъ Израильннь оцюазырсь, кадкъ тяни валгій крю̄стть лангста и вератамъ Тейнза.

43. Сонъ надіясь Шкайть лангсъ, кадкъ тяни вырьгядьфтсый Соннь, кыда кельгсый Соннь. Вадь Сонъ кортась: Монъ Шкайннь Цю̄ра.

44. Стане же и ломанньшавійхьтне, ескептфтне Соннь марта сютцясть Соннь.

45. Котаце часть езга шобдаксъ ульсь сембе модать езга мяннь вейхсаце части.

46. Вейхсаце часть ваксса пишкадьсь Іисуссь кайгій вайгельса, кортазь: Или! Или! лама савахфани? сице ули, Шкайнзе! Шкайнзе! месъ Тонъ Моннь кадамейть?

47. Кодаматъ же бади ащійхьтнень езда тоса, кулязь сяннь кортасть: Иліять тердьсый Сонъ.

48. И ездкіе ласьксь фке синнь езда, сявзь пухана, пяшкыдязе уксусда, и путазь байдекь лангсъ, симфтазе Соннь.

49. А омбацеть кортасть: норавакъ, ваттамъ, сай ли Иліясь ванмасъ Соннь.

50. Іисуссь же танга пишкыдязь кайгій вайгельса кулась.

51. И вовъ Церкваннь завесась сязявсь кафтува вярьста мякь алсъ, и модась шерькась, и кевьтне лазавсть;

[ 109 ]52. И лазтне панжавсть; и лама телада кула святойтнень ерекасть.

53. И лисязь лазтнень езда Соннь ерекамада меля сувасть святой ошти, и няяфтявсть ламатненти.

54. Сотнекьсь же и соннь марта ваныйхьтне Іисусть няязь моданнь шерькамать, и сембе, мезе ульсь, евыдьсть пякь, и кортасть: видеста Шкайннь Цю̄ра ульсь Сонъ.

55. Тоса ульсть тяфтаже и вансть ичкизде лама авада, конатъ мольсть Іисусть мельга Галилеять езда, служиндазь Тейнза.

56. Синнь ю̄тксастъ ульсь Марія Магдалинась, и Маріясь, мамацъ Іаковть и Іосіять, и мамацъ Зеведейннь цю̄ратнень.

57. Илядти же сась фке козя ломань Аримафеять езда, лемецъ Іосифъ, кона тяфтаксъ тонадсь Іисусть пяльнза.

58. Сонъ сазь Пилатти, кизифтязе Іисусннь телать: еста Пилатсь мярьгсь максамсъ телать.

59. Іосифсь сявазь телать, ашкыдазе соннь ару котфса.

60. И путазе соннь есть одъ лазса, конаннь керярязе сонъ кевьса; и путазь оцюкевь лазть кеньчксти, тусь.

61. Тоса ульсть стане же Марія Магдалинась, и омбаце Маріясь, и озада ащасть лазть утара.

62. Омба шиста пятницада меля пурамсть оцюпоптне и Фарисейтне Пилатти.

[ 110 ]63. И кортасть: азыръ! минь лятфтаме, шта сице васькафнійсь, неньге улязь шиса, азсь: колма шитнень меля ерекланъ.

64. И стане мярьгкъ ванма лазть колмаце шисъ, штабы Соннь тонадыйхьтне саязь веть афылезь сала Соннь и афальхьть азъ народти: ереклась кулатнень езда; и ули мелеце васькафтамась сяда осалъ васенцеть горязъ.

65. Пилатсь азсь тейстъ: сявада ванмать; моляда, ванада, кода содатадъ.

66. Синь мольсть, и путсть кевти пецять, и лазти ванма.


  1. Ингале вятій.
  2. Пасхать празднекьста.
  3. Кудъ ингале вятійть.
  4. Урьзя.




Комсь кафксаце глава.

1. Субботать же ю̄тамада меля варьфьмадьмаста васенце неделяннь шить, сась Марія Магдалинась и омбаце Маріясь варжамсъ лазть,

2. И ульсь оцю моданнь шерькама; вадь Шкабазннь Ангельсь валгазь менель лангста, шаштсь, ширептазе кевьть лазть кенькшть езда и озада ащась лангсанза.

3. Няймацъ ульсь кода ю̄ндалъ, и вельтямацъ акша, кода ловъ.

4. Евыдязь соннь езда зырнатсть ваныйхьтне и арасть, кода кудатъ.

5. Ангельсь кармась кортама, и азсь аватненти: дяда пель; вадь монъ соданъ, месъ тинь вещаньдятадъ Іисусть, крю̄стти ескептфть.

[ 111 ]6. Сонъ аяшъ тяса; Сонъ ереклась кода азсь; саяда варжада вастанцъ, коса мадсь Азырсь;

7. И моляда сяда куракъ, азада Соннь тонадыйхьтненти, месъ сонъ ереклась кулатнень езда и васефтатедезь тиннь Галилеятьеса; тоса Соннь няйсасть; монъ тейнтъ азанъ.

8. Синь лисязь ерязаста лазть езда, евыдьма марта и оцю кеняньдяма марта тусть ласказь азамсъ Соннь тонадыйхьтненти. Мызярда же мольсть азамсъ Соннь тонадыйхьтненти:

9. Вовъ Іисусть васефтазнь, и азсь: кеняньдяда! Синь шаштсть, кундасть Соннь пильгезынза, и сюкунясть Тейнза.

10. Еста кортай тейстъ Іисуссь: дяда пель; моляда азада брадненти, месъ бы синь моляльхьть Галилеяти, тоса синь няйсамезь Моннь.

11. Мызярда же синь мольсть; еста конатъ-бади ваныйхьтнень езда, саязь ошти, азсть оцю-поптненти сембеннь колга, мезе токадьсь.

12. И сятъ пурамазь каштантнень марта и тіязь ладъ, сатышка ярмактда максть салдатненти.

13. Кортазь: азада, месъ Соннь тонадыйнза веть састь и салазь Соннь, мызярда минь удаме.

14. И кыда тяннь кульсый игемонсь; минь кортафтсаскь Соннь и тиннь бедать езда таргатедезь.

15. Синь сявазь ярмактнень, тійсть стане, кода тонафтфтъ ульсть; и кандавсь тя кулясь Іудейтнень кучкаса мякь тя шисъ.

[ 112 ]16. Кефкіе же тонадыйхьть мольсть Галилеяти, панда лангсъ, коза мярьгсь тейстъ Іисуссь.

17. И няязь Соннь сюкунясть Тейнза, а омбацетъ шерькасть.

18. И шаштазь Іисуссь азсь тейстъ: максфъ Тейнь аръ війсь менель лангса и мода лангса.

19. И стане моляда тонафтада сембе народть, кстиндазь синнь лемьсъ Алять и Цю̄рать и Святой Духть,

20. Тонафтазь синнь кырьдямсъ сембеннь, мезе Монъ мяргань тейнтъ; и вовъ Монъ мартантъ сембе шиста векть шумырдамасъ. Аминь.