Лукать Святой Евангелияц/ВО/00

From Wikisource
Jump to navigation Jump to search
Лукать Святой Евангеліяцъ  (1891) , translated by Афъ содафъ (анонимъ)
Васенце орфографіясь (ru: Исходная орфографія; en: Original orthography)
[ 3 ]

Лукать Святой Евангеліяцъ.

 
 

Глава 1-я.

Васеньце пакшъ. 1 Кода ни лама ломать кармасьть сёрмадма ня тефнень ланга, конатнень минь ёткстэнэкъ сембя ломатьня содцэзь, 2 кода синь лангастъ азэндэзь васенда-кигя эсь сельмесэстъ неихня, Шкайти служайхня. 3 Эста монь-гя ёнезэнь сась сёрмадомсъ тоньдеть, ёню Феофилъ, сембень ряцъ, сяньгя цеберьста содазь, мезь ульсь васенда. 4 Тонъ содалить ба парста ся тонафтэмать, конаньди васенда тонафтфэлеть.

Омбэце пакшъ. 5 Іудеянь Иродъ лемса оцьазэрэнь пинькста Авіянь ряца ульсь [ 4 ]Захарія лемса попъ. Сонь эрьвацъ ульсь Ааронэнь плямаста. Лемэцъ сонь Елизаветаль. 6 Синь кафцькя видетэльть Шкайть ингэля, эрясть Шкайть законэнцъ корясъ, сембя мярьгеманзэнъ пяшкедезь. 7 Синь ашэльть ицна, Елизавета афэль шачфня, синь кафцькя пякъ ни сиретэльть. 8 Весьть Захарія эсь ряцэнза служась Шкайть ингэля. 9 Попнень обуцяснэнь корясъ сатць теенза шерьба церькавть потмэсъ сувамсъ кадиндама. 10 Сонь кадиндастэнза сембя ломатьня озэнцть ушэса. 11 Эста кадиндама жертвенникть види ширети тихтець[1] Шкайень ангелъ. 12 Захарія кодакъ сонь няезя явець, да пелема сась сонь лангэзэнза. 13 Ангелсь пшкяць теенза: тятъ пель, Захарія! маряфъ тонь озэндомаця, эрьвяця тонь Елизавета шачфты тетъ цёра, лемъ теенза путатъ Іоаннъ. 14 Ули теть оцьу кенярьдема да веселгадэма, лама илятьне-вэкъ сонь шачеманцты кенярьдихть. 15 Оцьу ули Сонъ Шкайть ингэля, афъ кармай симмя винада, да иля ирефтидень-гя. Тядянцъ[2] потмэста-кигя пяшкеди Святой Духта. 16 Сонъ лама Израилень цёрада шарафты эсь Шкайезэстъ. 17 Сай Сонъ [ 5 ]Соньдедэнза (Христозда) ингэля Иліянь кодяма війса, ваймеса, Шкайти цебярь ломамень аныклама. Сонъ аляснэнъ седиснэнъ шарафцыня ицнэнди; афъ цебярь ломатьненьди максы цебярь ломанень ёнь. 18 Захарія мярьгсь ангэлти: мезень квалма монъ сянь содаса? Монъ монцькя сирянъ, авазе-вэкъ сире. 19 Ангелсь пшкяць теенза: Монъ Шкайть ингэля ащи Гавріиланъ, кучфанъ мартэтъ кортама, тоньдеть тя пара кулять азэма. 20 Вага тонъ, монь валнэнь афъ вярэндамаснэнъ инкса, конатьня эсь пинькстэстъ пяшкедихьть, кортама лоткать, ся пинькти афъ кортаватъ, мзярда синь пяшкедихть. 21 Ся ёткова нароць учсесь Захаріянь эса, да дивандась, месъ сонъ кваць ащи церькавса. 22 Захарія церькавста лисемда меля ашезь кортавъ теестъ. Сонъ няфнесь теестъ сурса-кяца. Сонсь иляцъ станякъ немойста. Ломатьня шарькецьть, шта сонъ няйсь церькавса видѣнія. 23 Служама шинзэнъ адэламда меля Захарія мольсь меки эсь кудэзэнза.

Колмэце пакшъ. 24 Ня шида меля пекіясь сонь авацъ Елизавета да ветя ковтъ сёпэнцъ пря, да кортась: 25 Тяфта тись Шкайсь [ 6 ]моньдине, ня шитьнень пинкста, Сонъ варжаксь монь лангэзэнъ, сявызя монь ланкстэнъ ломанень пеедьмать. 26 Котоце ковста Ангелъ Гавріилъ кучфэль Шкайть эзда Галилеень ошсъ, Назарету, 27 стиреньди, конацъ ладяфэль Іосифъ лемса мирьденьди. Іосифъ ульсь Давидэнь плямаста. Ся стирьть лемэцъ Марія. 28 Ангелсь сувась теенза да мярьгсь: кенярьть Благодатнай! Тонь мартэтъ Шкайсь. Тонъ баславиндафатъ сембя аватьнень ёткста. 29 Марія ангелть няезя да явець валонзэнъ эзда да думандай: мезь ули тяфтама шумбракшнемась. 30 Ангелсь мярьгсь теенза: тятъ пель, Марія! тонъ муть Шкайть эзда благодать. 31 Вага тонъ токатъ пексъ, да шачфтатъ цёра, лемъ теенза путатъ Іисусъ. 32 Сонъ оцьу ули. Сонь лемэцъ ули Вярьде Шкайень цёра. Шкайсь макссы теенза Давидъ алянцъ престолэнцъ. 33 Сонъ озай оцьазэрксъ Іаковэнь кудозэнза пиньгень-пинксъ. Сонь оцьазэрксъ шинцъ афъ ули пецъ. 34 Марія мярьгсь Ангелти: кода тя ули моньдине мирьдень апакъ содакъ? 35 Ангелсь мярьгсь теенза: Тоньдеть валги Святой Духъ; сембеде Вярьдеть віецъ вельтятанза. Сясъ тонь эздэтъ шачьфськя святой. Сонь лемэцъ [ 7 ]ули Вярьде Шкайень Цёра. 36 Вага тонь Елизавета радняця, васенда афэль шачфня, тяни котоце ковсь, кода сиредень пельть пекіясь. 37 Шкайть кодама-вэкъ валэцъ афъ иляды вифтемя. 38 Эста Марія мярьгсь: Монъ Шкайень урянъ[3], каткъ улеза моньдине тонь валцень корясъ. Ангелсь тусь вакстэнза.

Нилеце пакшъ. 39 Ня шитьнень Марія яряскадэзь сыркась да тусь панда прянь шири, Іудань ошсъ. 40 Сувась Захаріянь кудэзэнза да кармась шумбракшнемя Елизавета марта. 41 Кодакъ Елизавета марязя Маріянь шумбракшнеманцъ, налказевсь сонь потмосэнза идецъ. Соньсь Елизавета пяшкець Святой Духта; 42 да оцьу вайгельхьть серьгедезь мярьгсь: тонъ сембя аватнень ёткста баславиндафатъ: баславиндафъ тонь пексэтъ кандомаце-вэкъ. 43 Коста тяфта сась моньдине моньцень Шкайезень тядяцъ? 44 Кодакъ пачкэць монь пилезэнь тонь шумбракшнема вайгельця, пексэнь кенярьдезь налкузевсь идезя. 45 Павазувать тонъ кемить[4]: Шкайень пяльде азэвсь пяшкеди. 46 Марія мярьгсь: монь ваймезя шнасы Шкайть. [ 8 ] 47 Кенярьгаць монь ваймезя Идиця Шкайть инкса. 48 Сонъ варжакьць эсь ломаненцъ сятявъ шинцъ ланксъ. Вага тя пинкть эзда сембя ломатьня кармайхть монь шнамонъ. 49 Віи Шкайсь монь тиемань оцьуксъ. Сонь лемэцъ Святой. 50 Сонь милозецъ родта родсъ ули Эстэденза пелихненьди. 51 Сонъ няфтизя соньцень віенцъ, — эсь прянь кельгихнень срафтызень. 52 Віихнень тутмадезень цебярь вастцтэстъ; сятяфнень кепедезень цебярь вастцъ. 53 Вачэдэтнень пяшкедезень цебярьдя, козятьнень нолдазень ашъ мезесэнга. 54 Эсьтіенза сявызень Эсь идензэнъ Израильхьнень, кода мялявтэзя милозенцъ, 55 Конань азэнкшнизя минь алянькеньди Аврааменьди, идензэнды-гя пиньгень пинксъ. 56 Марія эрясь Елизаветань марта колма ковшка, да мрдась эсь кудэзэнза. 57 Елизаветань сась шачфтэма пиньгэцъ, да шачфсь цёра. 58 Марязь сембя шабранза[5] да раднянза, кода Шкайсь оцьулгавтэзя теенза эсь милозенцъ; да сембя кенярькшнесьть мартэнза. 59 Кафксэце шиня сасьть идьти лемень путэма. Синь мяльснэль путэмсъ теенза алянцъ леменцъ — Захарія. 60 Сянь каршэсъ тядяцъ [ 9 ]мярьгсь: афъ станя, путэма теенза лемъ Іоаннъ. 61 Мярьгсьть теенза: ки-вэкъ ашъ тонь раднясэтъ-ка тя лемса ломань. 62 Кизефтезь сурса-кяца алянцъ, сонъ кодама лемъ теенза максэль. 63 Анась сонъ седяфкя да сёрмаць: Сонь лемэцъ Іоаннъ. Сембя дивандасьть. 64 Эста кигя панчсь сонь келецъ, да Шкайть шназь кармась кортама: 65 Ульсь яведема сембя перьфкастъ эряйхненьди, сембень нянь азэньцьть сембя панда пря мастэрть ланкса эряйхненьди. 66 Сембя маряйхня тень путэзь седіезэстъ, да кортасьть: мезь ули тя иць. Шкайть віецъ ульсь сонь мартэнза. 67 Захарія аляцъ пяшкець Святой Духта да ингэли содазь кортась (пророчась): 68 Шнавсь Израилень Шкайсь, Сонъ варжазень эсь ломанензэнъ, тись теенза идима. 69 Стявць миньдеенекъ идемань рога Давидъ иденцъ кудсъ. 70 Кода азэндызя кнара ульфъ Святой пророкнэнь пяльде. 71 Шта сонъ минь идесамазь тушманэнкень кяцта, да сембя афъ кельгиникень кяцта. 72 Тіи милость минь аляникеньди, лятьфтасыня сонцень Святой кортамэнзэнъ, 73 варамэнзэнъ[6], конаса варась[7] минь алянькеньди Аврааменьди максомсъ [ 10 ]миньдеенекъ, 74 тушманнекэнъ кяцта идемде меля, афъ пелезь 75 служама Теть сембя эряманекень перьфъ видеста, парста. 76 Тонъ-га идь улятъ сембеде Вярьдень пророкъ, тонъ саятъ Шкайть ингэли Теенза кинь аныклама, 77 Ломатьненьди шарькэдьмань максэма, шта теестъ сась идема, грѣхсна простиндавсьть. 78 Минь Шкайнекень пара потмэнцъ, да милосливай седіенцъ квалма сась миньдеекекъ вярьде шинь лисема, (Христозьць). 79 Сонъ Валдэптциня шобда вастца, да кулэмань цельфса ащихнень; минь пильгенекень арафцыня сетьме ки ланксъ. 80 Иць кассь да цебярь прявійсъ сувась. Израильхьнень ётксъ лисема шизэнза Сонъ эрясь шава паксяса.

  1. ↑ Шкатоць.
  2. ↑ Терянцъ.
  3. ↑ ломань.
  4. ↑ вярэндать.
  5. ↑ суседэнза.
  6. ↑ пежедеманзэнъ.
  7. ↑ пежець.
 

Глава 2-я.

Ветеце пакшъ. 1 Ня шиста лись кесарь Августэнь эзда укасъ сембя мастэрть ланкса ломатьнень сёрмадэмсъ. 2 Тя сёрмадмась ульсь васеньце (сёрмадма), кода Квиринія кармась Сиріять кирьдемя. 3 Эста сембя тусьть эсь ошэзэстъ пряснэнъ сёрматфтэма. 4 Станякъ тусь Іосифъ-кя прянцъ сёрматфтэма Галилеень [ 11 ]Назаретъ ошста Іудеявъ, Давидэнь Вифлеемъ ошу, — Іосифень шачемацъ ульсь Давидэнь плямаста. 5 Мартэнза сёрматфтэма мольсь теенза эрьваксъ ладяфъ Марія-вэкъ. Марія ся пинкть ульсь пеку. 6 Синь Виѳлеемса улемстэстъ Маріянь сась шачфтэма пингэтцъ. 7 Шачфсь фкяня цёранянцъ; ашкодэзя да путызя ясляти, — кудса синь ашэль вастцна. 8 Сяка паксяса ульсть постуфтъ, синь веньперьфъ ванцьть эсь стадаснэнъ. 9 Друкъ тихтець[1] синь ёткэзэстъ Шкайень ангелъ, Шкайть валдэцъ синь валдэптэзень, синь оцьу яведемаса явецьть. 10 Ангелсь мярьгсь теестъ: тяда пель, монъ азэнданъ тееньть оцьу кенярьдема, конацъ ули сембя ломатьненьди-гя. 11 Тячи Давидэнь ошса шачсь тееньть Шкайсь Іисусъ Христозсь. 12 Вага кода тинь содасасьть сонь: мутада нуласа ашкотфъ, ясляса матфъ идь (ся сонъ). 13 Тяда меля друкъ тихтецьть лама ангелда, менелень воинстватъ, синь Шкайть шназь морафцьть: 14 Шнама Вярьде Шкайти, мастэрьть ланкса сетьме, Шкайсь ломатьненьди нявтизя эсь пара волянцъ. 15 Ангелтнэнь менельти тумдэстъ меля постуфня [ 12 ]пшкяцьть фкя-фкяньди: аряда мольтяма Виѳлееми, варжасаськъ мезь тоса тіювсь, мезень квалма миньдеенекъ азызя Шкайсь. 16 Ярязта мольсьть, да музь Маріянь Іосифень-гя, ясляса матфъ идьть-кя. 17 Сембень сянь няемда меля азэзь мезь теестъ азэфъ ульсь идьть ланга. 18 Постуфнень маряйсна сембя дивандасьть. 19 Марія сембя ня валтнэнь седіезэнза путэзень да меляфтэзень.

Котоце пакшъ. 20 Постуфня меки мрдамста сембень инкса Шкайть шнасть, мезь няйсьть, мезь кульсьть, кода теестъ азэнтфэль. 21 Кафкса шида меля, мзярда эряволь идьти лемъ путэмсъ, пуцьть теенза лемъ Іисусъ, конань путэзя теенза Ангелсь нянгя пеке потмэсъ арамда ингэля.

Сисемце пакшъ. 22 Мзярда топоцьть Моисеень, законса арэптэма[2] шитьня, кандэзь сонь Ерусамиму Шкайть ингэли. 23 Станя Шкайть законса сёрматфэль: ярь васень шачфъ цёра идь Шкайти апрякафъ улеза. 24 идьть инкса кандфтъ улельть кафта вирень нарметть [ 13 ]али кафта нарменень лефкстъ, кода сёрматфэль Шкайть законса.

Кафксоце пакшъ. 25 Ся пинкть Ерусалимса ульсь ломань, лемэцъ Семеонъ. Сонъ ломаньсь праведноель да пякъ цебярель. Сонъ учсьсь Израильхьнень парэндэмаснэнъ. Святой Духсь сонь эсэнзэль. 26 Соньдіенза Святъ Духть вельде ингэль кигя азфэль, шта сонъ Шкайть Христозэнцъ апакъ няйхть куломда афъ няи. 27 Мзярда алянза-тядянза каньдэзь идьть церькау, законса путфъ тіимать инкса, эста сонъ-га Святой духть азэндэманцъ корясъ сась церькау. 28 Сонъ сявызя сонь (Іисусэнь) кядезэнза, шназе Шкайть да мярьгсь: 29 Оцьазэръ Шкайезя! Тонъ тяни эсь валцень корясъ сятявста нолдасамакъ монь. 30 Монь сельменя няизь Тонь ломанень ванэмацень. 31 Конань Тонъ аныклать сембя ломатьнень сельмеснэнъ ингэли. 32 (Няиня монъ) ломанень валдэпты валдть, Израиль народть славанцъ. 33 Іосифъ марта тядяцъ дивандасьть ицнэнъ ланга азэндэмати. 34 Семеонъ баславиндазень синь да мярьгсь Маріяньди, идьть тядянцты: Вага тя мадэзь ащить ланга лама Израильтнень эзда прайхть, лама [ 14 ]стяйденъ-гя ули. Сонъ инксэнза лама ули споряма. 35 А Тоньстеть стама афъ пара ули, кода седицень пачкъ пеель ётай. Лама ломанень седіень мяльть тондеть содавихть. 36 Тоса ульсь Анна пророчица, Асирень плямань Фануилэнъ стирь. Сонъ стирьксъ шиденза меля мирьде марта эрясь сисемъ кизэтъ. 37 Сонъ кафксагемень ниліе кизэса вдаваль; церькавста апакъ лисенть шинекъ, венекъ Шкайти озэнкшнель да постъ кирдель. 38 Сонъ-га ся пингть нежець да Шкайть шназь кортась сонь ланганза сембеньди Іерусалимса идемать учихненьди. 39 Сембень Шкайть законэнцъ корясъ пяшкедезь синь мрдасьть Галилею, эсь Назаретъ ошэзэстъ. 40 Иць кассь, да цебярь прявійсъ сувась. Шкайень благодаць уленцъ эсэнза. 41 Ярь кизня алянза-тядянза якальхть очижинь празниксъ Ерусалиму. 42 Мзярда ульсь Іисусъ кемгафтува кизэса, синь эсь обуцяснэнъ корясъ мольсьть Ерусалими празниксъ. 43 Празникть ётамда меля тусьть меки куду, Іисусъ цёракшсь иляць Ерусалиму. Іосифъ марта тядяцъ афи няезь Сонь. 44 Синь арсесьть иля марта Сонъ моли. Кода синь ётасьть фкя ши пе васта, кармасьть Сонь вешендэмэнза радняснэнъ, да [ 15 ]содафъ ломаньцнэнъ ёткова. 45 Сонь апакъ мукъ вешендэзь мрдасьть синь Ерусалиму. 46 Тоса колма шида меля музь Сонь церькавста; Сонъ ащи тонафтыхнень ёткса, кулцонцыня синь да кизфнесыня. 47 Сонь кулцондыенза сембя дивандасьть ёнезэнза да отвѣчамэзэнза. 48 Сонь няезь алянза-тядянза да дивандасьть. Тядяцъ мярьгсь теенза: Идей, тонъ мезе тіеть тяфта мартэнэкъ? Вага, тонь аляця да монъ-га пякъ каньдзедезь вешендемя тонь-эсэтъ. 49 Сонъ мярьгсь теестъ: мезенкса монь вешеньцамасьть? али тинь ашэсьть сода — моньдине эряви улемсъ тоса, мезесь монь алязень. 50 Синь ашэзь шарькедя сонь азэнтфъ валонзэнъ. 51 Тусь Сонъ мартэстъ Назарету, да синь кулцэндэзь эрясь мартэстъ. Тядяцъ ня сембя сонь валэнзэнъ кирдезень седисэнза. 52 Іисусъ цебярьста кассь серьса да цебярь ёньса, Сонь эсэнза кельгсь Шкайськя, сембя ломатьне-вэкъ.

  1. ↑ шкатоць.
  2. ↑ молитвань сявма шитьня.
 

Глава 3-я

Вехксэце пакшъ. 1 Тиверій кесарень оцьазэрксъ эрямста, кеветіеце кизня, мзярда [ 16 ]Іудеяса прявксэксъ ульсь Понтіень Пилатъ, Галилеяса нилеце прявксэксъ ульсь Иродъ, а брадоцъ Филипъ нилеце прявксэксъ ульсь Итуреяса да Трахонитэнь мастэрса, Авилиніяса нилеце прявксэксъ ульсь Лисаній. 2 Мзярда оцьу попэксъ ульсьть Анна марта Каіафа, — ся пинькть шава паксяса Захаріянь цёрансты Іоанэньди Шкайсть эзда кортафъ ульсь. 3 Тяда меля Іоаннъ якась сембя Іорданэнь перьфь мастэртнэнь ланга, сембень грѣхэнь кадмань инкса каиндама да кстиндама тонафць. 4 Кода сёрматфъ пророкъ Исаіянь валонь книгаса; конацъ кортай: шава васца сееріень вайгель (маряви): аныклада Шкайти ки, видеста тіенть сонь янэнзэнъ. 5 Ярь лотксь пяшкедеза, ярь панць, ярь куборнесь — алнялгадэстъ, кичкэрсна — видемэстъ; афъ такэръ китьня такэргадэстъ. 6 Эста ярь ломаньць няйсы Шкайть идеманцъ. 7 Іоаннъ теенза кстиндафтэма сай ломатьненьди кортась: куйста шачфтъ! кіе тинь шарькедьфтедезь ингэльдень кяжть эзда ворьгедемда? 8 Тіеда каиндамань цебярь тефть; тяда думанда эсь потмованэнтъ, минь алянекя ульсь Авраамъ; мярьгань тееньть: Шкайть віецъ саты ня кефнень эзда Аврааменьди идень тіемсъ. 9 Вага [ 17 ]узерсь-кя шуфть юрса ащи, ярь шуфть, кона цебярь марьть афъ канды, кярсазь, да ёрдасазь толсъ. 10 Кизефнезь сонь ломатьня: мезть меля тіендема миньдеенекъ? 11 Сонъ кортась теестъ: кинь улихть кафта адёжанза, ся максэза ашеньди. Кинь ули ярцама-пялецъ станя же тіеза. 12 Сасьть теенза тацькянь прдайхня кстиндама, да мярьгсьть теенза: тонафты, миньдеенекъ мезть тіеньдема? 13 Сонъ мярьгсь теестъ: мезевэкъ тяда вешеньде сяда лама, мзяра тееньть путфъ. 14 Кизефтнезь станякъ салдатне-вэкъ миньдеенекъ мезть тіеньдема? Сонъ мярьгсь теестъ: киньгя тяда обжа, тяда васькафня ломань ланксъ, уледе топотьфть тееньть путфъ питьнеса. 15 Ся пинкть сембя ломатьня ученць Христозть эса, сясъ сембя седиснэнъ пачкъ арсесьть Іоаннъ ланга: афъ Христозсь ли сонъ? 16 Іоаннъ сембень каршэсъ кортась: монъ кстиндатядезь тинь веца; сай моньдедэнъ віи, Соньдіенза монъ афъ яраштанъ карьсефъ карьксэнзэнъ юксэндэмсъ. Сонъ кармай кстиндамэнэнтъ тинь Святой Духса да толса. 17 Сонь каймецъ кяценза, Сонъ арэпцы соньцень тингэнцъ, да кочкасы тозерэнцъ эсь утомэзэнза, а шужярьхьнень пултасыня афъ мадэнды толса. 18 Сонъ [ 18 ]лама илятъ-ка ломантнень тонафтэмксъ кортась.

Кеменьце пакшъ. 19 Нилеце прявксъ Иродъ, конань Іоаннъ сюцезя эсь брадэнцъ Филипень аванцъ Иродіада марта эряманкса, да сембя иля афъ пара тевэнзэнъ инкса, 20 пякстазя Іоаннэнь мурьявъ[1], станя лездызя сонъ теньгя сембя ингэльдэнь кальдявъ тевэнзэнды. 21 Сембя ломатьнень кстиндамста кстиндась Іисусъ-ка да озэнцъ. (Озэндэмстэнза) панжувсь менельсь. 22 Святой Духсь валгсь лангэзэнза кулюксъ[2], тѣлань сявэзь. Менельста марявсь вайгель конацъ кортась: Тонъ Монь кельгемя цёразять. Тоньцетъ Монь цебярь волязя!

Кефкіеце пакшъ. 23 Іисусъ коста ушэць эсь тевэнзэнъ тіемя эста Сонъ колмэгемень кизэсэль. Арсимань кувалмэва Сонъ ульсь Іосифень цёрацъ, Иліянь, 24 Матѳатэнь, Левіянь, Мелхіянь, Іоаннаень, Іосифень. 25 Маттафіянь, Амосонь, Наумонь, Елимань, Наггеень. 26 Мааѳень, Маттафеень, Семейень, Іосифень, Іудань, 27 Іоаннаень, Риссаень, [ 19 ]Зоровавелень, Салаѳіилень, Ниріень, 28 Мелхіень, Аддіень, Косамэнь, Елмодамэнь, Ирэнь, 29 Іосіень, Еліезерэнь, Іоримэнь, Матѳатэнь, Левіень. 30 Симеонэнь, Іудань; Іосифэнь, Іонанэнь, Еліакимэнь, 31 Мелеаень, Манаинэнь, Маттаѳаень, Наѳанэнь, Давидэнь, 32 Іессеень, Овидэнь, Воозэнь, Салмонэнь, Наассонэнь. 33 Аминадавэнь, Арамэнь, Есромэнь, Фаресэнь. 34 Іаковэнь, Исаакэнь, Авраамэнь, Ѳарэнь, Нахорэнь. 35 Серухэнь, Рагавэнь, Фалекэнь, Еверэнь, Салэнь. 36 Каинанэнь, Арфаксадэнь, Симэнь, Ноень, Ламехэнь. 37 Маѳусаилэнь, Енохэнь, Іаредэнь, Малелеилэнь, Каинанэнь, 38 Еносэнь, Сифэнь, Адамэнь, Шкайень.

  1. ↑ тюрьмавъ.
  2. ↑ прьмечексъ.
 

Глава 4-я.

Кемгафтувэце пакшъ. 1 Іисусъ Святой Духта пяшкетфста мрдась Іорданста. Сяда меля Духсь, вятезя Сонь шава вастцъ. 2 Тоса Сонъ нилегемень ши васькафнефъ ульсь шайтанть эзда. Ся шитьнень Сонъ мездень-гя ашэзь ярца. Ня шитьнень ётамда меля, мекъ пяли, Сонь пекэцъ вачсь. 3 Шайтанць мярьгсь Теенза: [ 20 ]кода Тонъ Шкайень цёратъ, мярькъ тя кевти кшиксъ арамда. 4 Іисусъ мярьгсь каршезэнза сёрматфъ ули: афъ кшиса аньцякъ эряй ломаньсь а ярь Шкайень валса. 5 Куцьфтезя меля Сонь сери панда прясъ, да пякъ курэкъ няфтезень Теенза сембя свѣтъ ланкса царстватнень. 6 Да мярьгсь Теенза шайтанць: сембя ня царстватнень ланксъ максанъ Теть воля, (максса Теть) синь славаснэнъ-га: синь сембя моньдине максэфтъ, киньди ёранъ, сяньди макссайнень синь. 7 Вага Тонъ сюкэняньдерятъ моньдине, сембя синь улихть Тонь. 8 Іисусъ мярьгсь каршэзэнза: ворьть Монь вакстэнъ сатана; сёрматфъ: эсь Шкайсьти аньцякъ сюкэнякшнекъ; Теенза ськамэнза служакъ. 9 Сявэзя меля Сонь Іерусалиму, арафтызя церькавть прясъ да мярьгсь Теенза: улиньдерятъ Тонъ Шкайень цёра, ёрдакъ пря алу. 10 Сёрматфъ ули: Шкайсь эсь Ангелэнзэнъ кошарцынень Тонь ванэмэтъ. 11 Синь Тонь кяцнэнъ ланкса канттядезь, кода-бэ Тонь пилькце-вэкъ кевсъ тяза тока. 12 Іисусъ мярьгсь сонь каршэзэнза: азэфъ: тятъ васькафня тоньцень Шкайцень эса. 13 Кода аделавсьть сембя васькафнеманза, шайтянсь тусь снярсъ [ 21 ]вакстэнза. 14 Іисусъ мрдась Галилею таза ваймя марта. Сраць куля Сонь ланганза сембя перьфъ мастэртнень ланга. 15 Сонъ тонафць ломатть синь тонафтэма куцэстъ. Сембень эзда Сонъ шнафэль.

Кемголмувэце пакшъ. 16 Весьть сась Сонъ касома вастэзэнза Назарету; эсь обэцянсъ корясъ сувась Сонъ ёткшиста тонафтэма кудэзэстъ да стясь лувэма[1]. 17 Теенза максьть Исайя пророкэнь книганцъ. Сонъ паньжезя книгать да музя ся вастть, коса сёрматфэль: 18 Шкайть Духэцъ Монь эсэнъ, Сонъ кочкамань Монь нищяйхьненьди цебярь кулянь азэндэма; кучемань Монь седіень калатфнэнь пчкафтэма, полонцъ сявэфненьди идемань азэма, сокорхнэньди няемань максэма; ламэсъ муцяфнень волясъ нолдама. 19 (Кучемань Монь) Шкайть пара пиньгэнцъ саманцъ азэндэма. 20 Пякстазя книгать да максэзя сторожьти. Соньсь озась. Сембень сельмэсна синагогаса ащихнень вансьть Сонь лангэзэнза. 21 Сонъ кармась кортама теестъ: пяшкець тяни тя сёрматфсь, конань тинь тяни кулиде.

[ 22 ]Кемниліеце пакшъ. 22 Сембя ломатьня верэндазь Сонь да дивандасьть Сонь куркстэнза лиси цебярь валхнэньди, да кортасьть: афъ Іосифэнь ли тя цёрась? 23 Сонь мярьгсь теестъ: Содаса Монъ, тинь сембеде ингэля азсасьть Теень: пчкафты[2], пчкафткъ эсь пряцень, тихть эсь шачема мастэрсэтъ сянь, конань минь марямя, Тонъ тіеньдеть Капернаумса. 24 Сонъ мярьгсь: видеста да видеста кортанъ тееньть, — кодама-вэкъ пророкъ эсь шачема мастэрсэнза прьняндазь афъ эряй. 25 Видеста кортанъ тееньть: Иліянь пингста, кода колма кизэтъ да кота кофтъ ашэль менельста пиземь, кода мастэръ лангса сембя ломатьня вачемкшнесьть, ся пиньгть Израильса ламэль вдовада, 26 конанцты-гя аньцякъ Илія апакъ кучтэль, сонъ кучфэль аньцякъ Сидонской Сарепта ошэнь вдованьди. 27 Станякъ Елисей пророкэнь пингста ламэль Израильса проказаса сярядидя, да фкя-вэкъ аньцякъ Сиріянь Нееманда пашка ашэзь пчкя. 28 Кода сянь кулезь сембя тонафтэма куцтэтьня пякь кяжіясть. 29 Стясьть синь да панезь Сонь ошта ушу, (тоса) вятезь Сонь панда прясъ, кона лангса тифэль ошсна, [ 23 ]да тоста ёрдалексэлезь. 30 А Сонъ ётась (афъ няефста) синь кучкавастъ, да тусь вакстэстъ.

Кеветіеце пакшъ. 31 Тоста сась Сонъ Капернауму, Галилеень ошсъ, да тонафтэзень синь ёткшинь шиня. 32 Дивандасьть Сонь тонафтэманцты: Сонь валэнза пякь віихтельть. 33 Тонафтэма куца ульсь ломань, конань потмэсэнза шайтанэль. Сонъ серьгець оцьу вальгельхьть: 34 кадэмасьть минь, Назаретэнь Іисусъ, кодама Тонь тевця минь эсэнэкъ? Тонъ сать минь имафтэмэнэкъ; монь содатя кіятъ Тонъ, Шкайень Святой. 35 Іисусъ кардазя сонь, мярьгезь: лоткакъ, да лисьть сонь эздэнза. Шайтансь прафтэзя ломаньть (тонафтэма кудть) кучкасъ, да лись эздэнза, мезень-гя кальдявъ апакъ тихть. 36 Сась сембень ланксъ яведема да кортасьть эсь ётковастъ: тя мезе ули, Сонъ эсь війсэнза да велясэнза шайтатненьди мярьгенди, синь лисеньдихть. 37 Сраць куля Сонь ланганза сембя перьфъ мастэртнэнь ланга.

Кемготувоце пакшъ. 38 Тонафтэма куцта лисемда меля Сонъ сувась Симонэнь куцъ. Симонэнь авэзецъ сяряць вишкя пси урмаса. Сонь [ 24 ]инксэнза сембя эняльцьть Іисусти. 39 Сонъ шашць ваксэзэнза да лоткафтэзя пси урмать. (Пси урмась) кадэзя; сонъ эста кигя стясь, да кармась синь симдемэстъ, андэмэстъ. 40 Шить валгэмъ ёткова, сембя, кинь ульсть сярядисна, вятьнезь Теенза. Сонъ ярь сярядить ланксъ путнезень кядензэнъ да пчкафнезень. 41 Станякъ пешкэдэзь лисенцьть ламэнь потмэста шайтатъ-ка, да кортасьть: Тонъ Христозатъ! Шкайть Цёрацать. Сонъ кардазень азэндэмда шта синь содасазь Сонь Христозксъ улеманцъ. 42 Мзярда варьхьмець, Сонъ лись куцта да тусь шава вастцъ. Нароць вешеньць эсэнза. Мумда меля кирьнесьть эсэнза, кода бэ Сонъ 43 тага афэль ту. Сонъ мярьгсь теестъ: Моньдине иля ошканъ-га эряви азэндэмсъ Шкайть царстванцъ ланга, Монъ сясъ кучфанъ. 44 Сонъ тонафць Галилеянь тонафтэма кудга-вэкъ.

  1. ↑ читандама.
  2. ↑ лекарь.
 

Глава 5-я.

Кемьсисемце пакшъ. 1 Весьть Іисусъ Христозти Шкай валэнь кулцэндэма яцесьть лама ломать. Сонъ ся пиньгть ащесь Генисаредэнь [ 25 ]ярьке ширеса. 2 Няйсь Сонъ, ярьке ширеса ащихть кафта венешть, калэнь кундайхня эздэстъ лисезь штасьть афтэмаснэнъ.[1] 3 Сонъ сувась фкя венешти, кона Симонэнель, да мярьгсь теенза афъ ламда перякста уемьда. Сонъ венешса озада тонафць ломатьнень. 4 Тонафтэмда лоткамда меля мярьгсь Симонэньди: уйхть кырка вастцъ да ёрдакъ афтэмацень (калэнь) кундама. 5 Симонъ мярьгсь Теенза: Тонафты, минь кунцемя вень перьфь, да мезевэкъ ашемя кунда. Тонь валцень квалмува ёрдаса афтэмать. 6 Станя тіезь, синь кундасьть вельфъ лама калхтъ, афтэмасна нэлнатай кармась сезювмя. 7 Пачфсьть куля ялгаснэньди, конатъ омбэце венешсэльть, сальть-бэ теестъ пособляма. Синь сасьть да кафцкя венешнень станя пяшкедезь, нэлнатай кармасьть ваяма. 8 Кода няезя сянь Симонъ Петръ, прась Іисусть пильгэзэнза, да мярьгсь: ворьть монь эздэнъ, Шкабавасъ, монъ ломаньсь крефуванъ. 9 Сонъ пелезевсь тя лама калэнь повомать эзда; (пелезевсть) сонь мартэнза улихня-вэкъ. 10 Станя-же (пелезевсть) Симонэнь ялганза Іаковъ марта Іоанна-вэкъ Заведеень цёранза. [ 26 ]Іисусъ мярьгсь Симонэньди: тятъ пель: тя пиньгть эзда карматъ тонъ ломанень кунцемя. 11 Таргазь кафцкя венешнень перякть лангсъ да кадэзь сембень, а синьць тусьть Іисусть мельгя.

Кемгафксувэце пакшъ. 12 Іисусэнь фкя ошса улемста сась Теенза проказаса сяряди ломань. Сонъ кода няезя Іисусть прась комада да эняльдезь кортай Теенза: Шкабавасъ, Тонъ ёраньдерятъ монъ Теть пчкафтуванъ. 13 Іисусъ венептезя кяденцъ, путэзя сярядить ланксъ да мярьгсь: ёранъ — пчкакъ. Сярядись эста-кигя пчкась. 14 Іисуссь ашэзь мярьгя теенза киньди-гя азэндэмда, Сонъ мярьгсь аньцякъ попэньди прянцъ няфтемда, да пчкаманцъ инкса озэндэмда кода мярьгсь Моисей, кода-бэ попня няелезь сонь пчкаманцъ. 15 А Іисусть ланга нень-гя сяда пякь тусьть кулятъ да пурэмкшнесьть Теенза лама ломать Сонь кулцэндэмэнза да Сонь эздэнза урмастэстъ пчкама. 16 Сонъ проксъ тушэндэль шава вастцъ да озэнкшнель.

Кевехксыеце пакшъ. 17 Фкя шиня Іисусъ тонафць ломать. Эса ащесьть озада фарисейхть да [ 27 ]да законсъ тонафтыхть, конатъ сасьть Іерусалимста, да Галилеянь да Іудеянь ярь вастцта. Сонь сярядихнень пчкафтэмста Шкайть віецъ няевэньць. 18 Вага финцъ ломатть канцьть ацамъ ланкса сяряди ломань, синь пякь ёрасьть кудти сувафтэмсъ сонь да Іисусть ингэли путэмсъ. 19 Нароць пякь ламэль, синь куванянъ-га ашэсть му сувама васта. Куцьть синь кудть прясъ, сявсьть (кудть) вельксэнцъ да нолдазь сонь ацамнекъ кудть кучкасъ, Іисусть ингэли. 20 Іисусъ няезя синь вѣраснэнъ да мярьгсь сярядити: ломань, простиндавихть тонь крефня. 21 Книжникня да фарисейхня кармасть арсемя да кортама: кіе тя, Шкайть ланкса изьгельди? Шкайда пашка киньди крефть простиндавихть? 22 Іисусъ содазень синь арсемаснэнъ, да мярьгсь теестъ: мезть тинь арсетяда седисэнэнтъ? 23 Кода сяда пара мярьгемсъ: простиндавихть тонь крефня, али мярьгемсъ: стякъ да якакъ. 24 (Монъ станя мярьгень) аньцякъ тинь содаманьтень инкса, шта Ломанень Цёрать віецъ ули мастэръ ланкса крефень простиндамсъ. (Меля) сярядити мярьгсь: стякъ, сявэкъ ацамцень да артъ эсь кудэзтъ. 25 Сярядись эста-кигя стясь, сявэзя ацамэнцъ, кона ланкс матфэль, [ 28 ]да Шкайть шназь тусь куду. 26 Сембень пелема сявэзень, да сембя Шкайть шнасьть да кортасьть: чуднай тевть тячи минь няемя.

Комэзьце пакшъ. 27 Сяда меля Іисуссь лись да няйсь тацькань каяфтэмъ вастца ащи озада тацькянь прдай, лемэцъ сонь Левій. Іисусъ мярьгсь теенза: мольть монь мельганъ. 28 Сонъ кадызень сембень да тусь мельганза. 29 Левій тись эсь куцэнза Іисусэнь инкса оцьу симма-ярцама, Іисусъ марта ярцасьть тоса лама тацькянь прдайхть да илятъ-ка лама ломатть. 30 Книжникня да фарисейхня пеняндазь кортасьть Сонь тонафнефэнзэнды: месъ тинь ярцатада, сиптяда тацькянь прдай марта, да крефу марта? 31 Іисусъ мярьгсь теестъ: афъ шумбрати эряви пчкафты, а сярядити. 32 Монъ сань афъ праведникнень крефэнь кадэма тонафтэма, а крефуфнень.

Комсь фкіеце пакшъ. 33 Синь мярьгсьть теенза: Месъ-мэле Іоаннэнь тонафнефэнза сидеста кирдихть постъ, да озэнкшнихть; фарисейхнень-гя станякъ, а Тонь аньцякъ ярцайхть да симихть. 34 Сонъ мярьгсь теестъ: [ 29 ]кошардэвихть-ли теенть постэнь кирьдемя свадьбань кудэнь ломатьня, мзярда синь мартэстъ эрьвяяйсь. 35 Сайхть лама шитъ, мзярда нельгфъ ули синь кяцтэстъ эрьвяяйсь, эста синьгя кармайхть постэнь кирьдемя. 36 Эста азсь теестъ ёфксъ[2]: ки-вэкъ афъ панды ташта адёжати одъ адёжаста сязьфъ панксъ, станя тіеньдеряй — одъ адёжать-кя сязьсы, ташта адёжати-вэкъ одъ панкссь афъ педи. 37 Ки-вэкъ афъ кайси одъ вина ташта кедень кескавсъ[3]: станя тіеньдеряй — одъ винась сязьсы ташта кескавть, сонцькя пяери, кескавсь-кя имай. 38 Одъ винась эряви каямсъ одъ кедень кескавсъ. Эста синь кафцькя вановихть. 39 Ки-вэкъ симэньдеряй ташта винада, афъ ули мялецъ эста-кигя одта симэмсъ. Сонъ мярьги: ташта винась сяда цебярь.

  1. ↑ сѣти.
  2. ↑ ёфксъ = притча.
  3. ↑ Сяда-ингэля винать кирьделезь кедень кескавса.
 

Глава 6-я.

Комсь кафтувэце пакшъ. 1 Очижинь омбэце шида меля васеньце ёткшить Іисусэньди савсь [ 30 ]молемсъ видефъ паксява. Тонафнефэнза Сонь сязеньцьть сёра прятъ, шовсесьть кяцэстъ да ярцасьть. 2 Финцъ фарисейхня мярьгсьть теестъ: месъ тинь тіеньтьтяда станя, кода афъ эряви тіемсъ ёткшиня? 3 Іисусъ мярьгсь каршезэстъ: али тинь ашэсьть лувэнда, кода тись Давидъ, мзярда вачсь сонь соньцень пекэцъ, да мартэнза улихнень-гя? 4 Кода сонъ сувась Шкайень куцъ (церькавсъ) да сявэзень тоса путфъ кшитнень, соньць ярцась эздэстъ да мартэнза улихнень-гя андэзень, а ня кшида попта пашка киньди-гя афэль пчкя ярцамсъ. 5 Меля мярьгсь теестъ: Ломанень Цёрась ёткшить-кя азэрэцъ. 6 Савсь Соньдіенза омбэце ёткшистэнъ-га сувамсъ тонафтэма куцъ да тонафтэмсъ. Тоса ульсь ломань, конань види кядецъ коськфэль. 7 Книжникня да фарисейхня ванэнцьть Сонь мельганза, афъ пчкафцы-ли сонь ёткшиста, коданъга-бэ мумсъ Сонь лангэзэнза мувэрксъ. 8 Сонь содазень синь арсимаснэнъ, да мярьгсь коськя кядь ломаньти: стякъ, да аракъ кучкати, сонъ стясь да арась кучкати. 9 Эста мярьгсь теестъ Іисусъ: Кизефтядезь Монъ тинь: мезьть тіеньдема ёткшиня, — цебярь али кальдявъ? ваймэсь ванэма али [ 31 ]имафтэма? синь ашэсьть корта мезть-кя. 10 Сонъ варжаксьць сембень ланксъ да пшкяць ся ломаньти: венептикъ кядьцень; ломаньць станя тись; да сонь кядецъ пчкясь кода омбэцесь. 11 Фарисейхня пялязксъ арасьть, да кортасьть эсь ёткэвастъ, мезьть бэ тіема Іисусьть марта.

Комсь колмувэце пакшъ. 12 Ся шитьнень Іисусъ куцьсь панда прясъ озэндэма, да сембя веть ётафтэзя Шкайти озэндэзь. 13 Кода варьхьмець, терьдезснь Соньцень тонафнефэнзэнъ, кочкась ёткстэстъ кемгафтува, да максь теестъ Апостолъ лепть. 14 (Кочказя Сонъ) Симонэнь, конаньди пуць лемъ Петръ, да сонь брадэнцъ Андреень, Іаковэнь да Іоаннань, Филиппэнь да Варѳоломеень. 15 Матѳеень да Ѳомань, Алфеень (цёранцъ) Іаковэнь да Симонэнь, конаньди мярьгильть Зилотъ. 16 Іаковэнь (цёранцъ) Іудань, да Іскаріотэнь Іудань, конацъ сальдя арась Сонь міиксъ.

Комсьниліеце пакшъ. 17 Валгсь синь мартэстъ (пандть пряста) да арась арься вастцъ. Сонь ваксэзэнза арасьть лама тонафнефэнза да илятъ-ка лама ломатть, конатъ сасьть Іудеяста, [ 32 ]Іерусалимста да моря ширень васцта Тирста да Сидонста. 18 Синь сасьть Сонь кулцондэманза, да эсь урмастэстъ пчкама, эса-же ульсьть шайтаньть эзда сярядихть-кя. Синь сембя пчксесьть. 19 Іисусэнь эзда лисеньдель пчкафты вій. Сясъ сембя ломатьня пякъ ёрасть Соньдіенза токамсъ. 20 Сонъ варжаксць тонафнефэнзэнъ ланксъ да мярьгсь: Павазуфтада вайменьтень эса нищайхня: тинь ули Шкайть царствацъ. 21 Павазуфтада, тяни вачэда ащихня, тинь топотьтяда. Павазуфтада тяни аварьдихня, тинь пеедемя карматада. 22 Павазуфтъ тинь ультяда, мзярда Ломань Цёрать инкса ломатьня кармайхть афъ кельгэмэнтъ, паньтедезь (эсь ёткстэстъ), кармайхть тинь сюцемэнтъ, да кармайхть нолнемя тинь кувалмэванэнтъ кальдявъ кулятъ. 23 Пякь кенярьдедя ся шиня да весёлгадэда: веть пякь оцьу казьнесь ули теенть менельса; станя-же тіеньцьть пророкнэнь марта синь алясна.

Комсь ветіеце пакшъ. 24 Афъ пара тееньть козятня, тинь ни сявэеньть эсь кенярьдеманьтень. 25 Афъ пара теенть, тяни пякь пяшксетьня — тинь вачтада. Афъ пара теенть [ 33 ]тяни пеедихня — тинь карматада аварьдемя да летьняма. 26 Афъ пара тееньть — мзярда сембя ломатьня кармайхть тинь кувалмэванэнтъ цебярьста кортама: станя тіеньцьть синь алясна афъ виде пророкнэнь марта. 27 Теенть, кулцэндыхня, кортанъ: кельгедя лангэзэнэнтъ кяжихнень, цебярь тіедя афъ кельгіеньтеньди. 29 Кіе ярьттянза щока ланга, шарфтэкъ теенза омбэцеть-кя; кіе нельги сэманьцень — тятъ шоря теенза панарцень-гя сявэмсъ. 30 Ярь анайти кяцтэтъ — макстъ; а кіе сяви кяцтэтъ, тякъ ана меки.

Комсь котувэце пакшъ. 31 Кода ёратада, штобэ ломатьня тинь мартанэнтъ тіельть; станя тиньгя ломатьненьди тіеда. 32 Кельгэньдерятада аньцякъ тиньцень кельгіеньтень; кодама тееньть сянь инкса шнама? Веть крефуфне-вэкъ эсь кельгиснэнъ — кельгсазь. 33 Тіеньдерятада цебярь аньцякъ сятненьди, конатъ эстіеньть тіеньдихть пара, кодама тееньть сянь инкса шнама? Веть крефувне-вэкъ стана-же тіеньдихть. 34 Максэньдерятада учемсъ сятьненьди аньцякъ, конатнень кяцта надіятада меки сявэмсъ; кодама тееньть сянь инкса шнама? [ 34 ]Веть крефуфне-вэкъ станя-же максихть учемсъ крефуфненьди, штобэ меки сявэмсъ сняра-же. 35 А тинь кельгэда лангэзэнэнтъ кяжень кирдихнень, да пара тіеда теестъ. Учемсъ максседа меки афъ сявмань инкса, эста ули тееньть оцьу казьня, тинь ультяда сембэда Вярьдеть цёранза. Веть Сонъ цебярь афъ цебярьхьненьди-гя, да кяжихненьди-гя. 36 Станя тиньгя уледа цебярьть, кода цебярь тинь менелень аляньтя.

Комсь сисемьгэце пакшъ. 37 (Ломатть) тяда суденда, тиньцькя афъ ультяда судендафтъ; (ломатть) тяда сялда, тиньць-кя афъ ультяда сялтфтъ; ломатьнень простиндада, тиньць-кя простиндафтъ ультяда. 38 Максседа, тееньтень-гя максфъ ули цебярь мѣраса, лэпштафъ, матрафъ пряда каясазь тинь ялезэнэнтъ. Кодама мѣраса макстада, стама мѣраса эстіеньтьтень-гя максыхть. 39 Азсь станя же теестъ ёфксъ: вятеви-ли сокэрти сокэрсь? афъ кафцькя ли прайхть лотксъ. 40 Тонафнись тонафтыда оцьу афъ уленьди, а ярь тонафнись, цебярьста тонадэньдеряй, тонафтыенцъ кодяма ули. 41 Месъ тонъ ванатъ эсь братцень сельмста таратть ланксъ; а шочкть эсь сельмэсэтъ афъ марясакъ. [ 35 ] 42 Али кода мярьгатъ братцьти: брадэзя, эрь-ка[1] монъ таргаса таратть тонь сельмэстэтъ, кода тоньць афъ няйсакъ эсь сельмэстэтъ шочкть? Васькафни! таргакъ ингэли шочкть эсь сельмэстэтъ, эста няйсакъ, кода таргама таратть братцень сельмэста. 43 Ашъ цебярь шуфта, конацъ кандэль кальдявъ марьть; станякъ ашъ кальдявъ шуфта, конацъ кандэль цебярь марьть. 44 Ярь шуфць сотцеви эсь марензэнъ корясъ: веть кумбаравста цебярь марьть афъ кочксихть; а каль-илиста афъ кочксихть винограттъ. 45 Цебярь ломаньць цебярь седистэнза лихти цебярь. Кальдявъ ломаньць кальдявъ седистэнза лихти кальдявъ: ломаньть мезь ули седисэнза, сянь кортай кургэцъ.

Комсь кафксувэце пакшъ. 46 Месъ Монь терьнесамасьть: Шкайнекя, Шкайнекя, а тиньць афъ тіентьтяда мезе Монъ мярьганъ. 47 Ярь (ломаньць), кона сай Моньдине, кулцэнцыня Монь валнэнь да тіи синь корязэстъ, азса тееньть кинь пяли шары сонъ. 48 Сонъ шары кудэнь тіи ломаньти, кона шувсь кырка лотка, да путэзя кутть ушедэманцъ кевъ ланксъ. Сясъ, [ 36 ]мзярда ульсь шада ведь, да шудесь ся кутть лангсъ, сонъ ашэзь шерефтювъ: сонъ веть путфэль кевъ лангсъ. 49 А кулцэндысь, да афъ тіись синь корязэстъ шары стама ламанень пяли, кона пуць кудъ модать лангсъ алфтэма; конань лангсъ аньцякъ шудесь вець, эста-кигя калаць, да сонь каладмацъ пякъ оцьувэль.

  1. ↑ дай.
 

Глава 7-я.

Комсь вейхксыеце пакшъ. 1 Мзярда Сонъ оделазень сембя валэнзэнъ кулцэнды ломатьненьди, сувась Сонъ Капернауму. 2 Фкя сотникень пякъ кельгемя урецъ[1] кулэма ланкса сяряць. 3 Сонъ кода марясь Іисустть эзда, кучсь Іудеень атятъ Сонь терьдемэнза уренцъ пчкафтэма. 4 Синь састь Іисусти да пякъ эняльдезь терьдсьть Эсэнза; синь мярьгсьть: сонъ тисы Тонь станя тіеманцень. 5 Сонъ кельгсы минь народнэкень, сонъ тись миньдеенекъ тонафнемя кудъ. 6 Іисусъ тусь синь мартэстъ. Коста сонъ (сотникть) кудэнцъ эзда афъ ичкезель-ни, сотниксь кучизень кельгемя ялганзэнъ Іисусти азэма: Шкайезя, тятъ [ 37 ]трудэнда, монъ афъ тиса Тонь монь кудэзэнь молемацень. 7 Сясъ моньцькя ашень са Теть, Монъ афъ тиса сянь. Тонъ мярьккъ аньцякъ фкя валъ — и пчкяй монь урезя. 8 Монъ моньцькя ломань кядь аланъ, моньцень кядь алэнъ-га улихть салдаттъ; мярьгеньдерянъ фкяти: мольть, сонъ моли; омбэцети мярьгеньдерянъ: сакъ, сонъ сай; урезти-гя мярьганъ: тикъ сянь, сонъ тисы. 9 Коста кулезя Іисусъ, дивандась теенза, шарфць мельганза моли ломатьненьди да мярьгсь теестъ: мярьганъ тееньть: Монъ израильстэнга ашэнь мушенда стама вера. 10 Кучфня куду мрдамда меля сярядить музь пчкафста.

Колмэгеменьце пакшъ. 11 Тяда меля Іисусъ мольсь Наинъ лемса ошу; мартэнза мольсьть лама тонафнефэнза да лама иля ломатть-кя. 12 Мзярда Сонъ шашць ошъ ортатьнень маласъ, эста лихцьть кулэфъ ломань; ся ломаньць вдова авань фкяня цёраль. Вдовать марта мольсьть лама ломатть. 13 Іисусъ няезя (вдовать) да ужяльдезя, Сонъ мярьгсь теенза: тятъ аварьдя. 14 Сальдя шашць кулэфть маласъ, да токась кулэмъ котфэзэнза, кандыхня лоткасьть. Сонъ мярьгсь: [ 38 ]цёраня, мярьганъ теть, стякъ! 15 Кулэфсь стясь, озась да кармась кортама. Іисусъ максэзя сонь тядянцти. 16 Сембень сявэзень пелема, да кортазь Шкайть шназь: оцьу пророкъ шивэлгець минь ёткэзнэкъ. Шкайсь варжазя эсь народэнцъ.

Колмэгемень фкіеце пакшъ. 17 Стама кулятъ тусьть Сонь кувалмэванза сембя Іудеять келесъ, да сембя перьфканза мастэрхнэнь келесъ. 18 Сянь кувалмэва азэзь Іоаннэньди-гя соньцень тонафнефэнза. 19 Іоаннъ терьць тонафнефэнзэнъ ёткста кафта тонафнихть да кучезень Іисусьть кизефтемя: Тонъ-ли ся, конаньди эряви самсъ, али иля учема теенекъ? 20 Синь сасьть Іисусэньди да мярьгсьть: Іоаннъ Креститель минь кучемазь Тонь кизефтемэтъ: Тонъ ли ся, конаньди эряви самсъ, али миньдеенекъ иля учема? 21 Ся пиньгть Іисусъ пчкафць лама сярядихть да урмафтъ да шайтанэнь колафтъ да лама сокэрэньди максь няема. 22 Іисуссь мярьгсь синь каршэзэстъ: арда азэда Іоаннэньди мезе тинь няедя, мезе куледя: Сокэрхнень сельмэсна панжевихть; пильгфтепня якайхть, [ 39 ]проказаса сярядихня арэмихть[2]; клфойхня кулихть, нищайхня цебярь кулятъ кулихть, кулэфня шивэлгэдыхть. 23 Павазувъ, кіе афъ мутендави Монь кувалмэванъ. 24 Іоаннэнь кучфэнзэнъ тумда меля, Сонъ кармась Іоаннъ ланга народти кортама: Мезень ванэма якадя тинь шава васцъ? вармаса люкай иліень ванэма? 25 Мезень ванэма ина якадя тинь? Ляпя адёжаса щафъ ломанень ванэма? Цебярьста щафня да парста эряйхня уленьдихть оцьазэрэнь куца. 26 Мезень ина ванэма тинь якадя? Пророкэнъ? да, мярьганъ тееньть, сонъ пророкта-вэкъ оцьу. 27 Сонъ ся, конань кувалмэва сёрматфъ: Вага кучса монъ эсь Ангелэзень Тоньдедэтъ ингэли, кона анэкласы Тонь кицень Тонь ингэлеть. 28 Мярьганъ тееньть: аваста шачфнень эзда фкя-вэкъ пророкъ Іоаннда оцьу ашъ, а ёлмась Шкайть царствасэнза соньдедэнза оцьу. 29 Сембя ломатьня, конатъ кулцэндэзь Сонь да тацькянь прдайхня-вэкъ кстиндасть Іоннэнь кстиндамаса да шнасть Шкайть эса. 30 А фарисейхня да законэнь содайхня ашэзть ванэ Шкайть мяленцъ лангсъ, ашэзть кстинда Іоаннэнь эзда.

[ 40 ]Колмэгемень кафтувэце пакшъ. 31 Эста мярьгсь Шкайсь: кинь марта фтипцайнень тя пиньгень ломатьнень? Кинь пяли синь шарыхть? 32 Синь шарыхть шабатьнень пяли, конатьня ащихть озада ульцяса, фкя-фкяньди серихть да кортайхть: минь морамя тееньть вешкэмаса, тинь ашедя кшти; минь морамя тееньть аварьдемя мортъ, тинь ашедя аварьдя. 33 Сась Іоаннъ Креститель, афъ кшида ярцай, афъ винада сими, тинь кортатада: сонь эсэнза шайтанъ. 34 Сась Ломанень Цёрась, ярцай, да сими; тинь кортатада: вага ломаньць, кона кельгсы ярцамать да винада симмать, тацькянь прдайхнень да крефуфнень ялгасна. 35 Шкайть мялямэнза видеста шарькэдювсть аньцякъ цеберь ломатьненьди.

Колмэгемень колмувэце пакшъ. 36 Фкя фарисей терьдезя Іисусэнь эсь мартэнза ярцама. Сонъ сувась фарисейть кутцъ да озась ярцама. 37 Вага ся ошэнь крефу ава содазя, што Сонъ фарисеень куца ярцай да канць питни сёвунень кядьгеняса шуфта вай; 38 арась Іисусэнь фталда пильгензэнъ ваксъ да аварьдезь кармась сельмя ведензэнъ марта Сонь [ 41 ]пильгензэнъ валэндэма, да пряста шяерензэнъ марта нарнемя; палсезень Сонь пильгензэнъ, да вайть марта ваденьдезень. 39 Тянь няезя Сонь тердіецъ фарисейсь да арсесь эсь пачканза: уленьдеряль Сонъ пророкъ, содальця-бэ, кіе да кодама авась нежетькшни Теенза; веть тя авась крефу. 40 Іисусъ шарфць соньдіенза да мярьгсь. Симонъ, Монь ули кортамазя теть. Сонъ мярьгсь: кортакъ, тонафты. 41 Іисусъ мярьгсь: фкя пандэмда максить ульсьть кафта шумувэнза; фкясь шумувэль вете сяттъ динарія, омбэцесь ведьгемень. 42 Кода теестъ ашъ мезесэль пандэмсъ, сонъ кафцькень простиндазень. Азкъ Моньдине, конацъ синь эздэстъ сяда пякъ сонь кельгсы? 43 Симонъ мярьгсь: думанданъ: ся, конаньди сяда лама простиндась. Сонъ мярьгсь теенза: видеста тонъ думандатъ. 44 Меля шарафць авать шири да мярьгсь Симонэньди: няйсакъ тя авать? Монъ сань тонь кудэзтъ, тонъ ведь-гя ашэть макса Монь пильгэнень ланксъ; а сонъ сельмеведензэнъ марта начфтэзень Монь пильгэнень, да прястэнза шяерензэнъ марта нардазень. 45 Тонъ Монь афи паламайть, сонъ, кодакъ Монъ сань, афи лоткси Монь пильгэнень палсемда. 46 Тонъ [ 42 ]Монь прязень-гя вайса ашэть вадь, сонъ шуфта вайса вадезень Монь пильгэнень. 47 Сясъ, кортанъ теть, пякь Монь кельгемазень инкса, простиндавихть сонь лама крефэнза. Кіе кыржа кельгсамань, сяньди кыржа простиндавихть. 48 Авати мярьгсь: простиндавихть тонь крефня. 49 Мартэнза шэрать вакса озадэтьня арсесьть эсь пачкастъ: кіе тя, крефть-кя простиндай? 50 Сонъ мярьгсь авати: тонь вераця ваныньзя, артъ шумбраста.

  1. ↑ работьникэцъ.
  2. ↑ пчкайхть
 

Глава 8-я.

Колмэгемень ниліеце пакшъ. 1 Сяда меля ётнесь Сонъ ошка да велева менелень царствать ланга тонафтэзь да пара кулянь азэндэзь; Сонь мартэнза ульсьть кемгатува (апостолэнза), 2 да кона-кона аватьня, конатьнень эзда Сонъ паньць шайтатъ, да пчкафць урмаста; (тяса ульсь) Марія Магдалина, конань эзда лисьть сисемъ шайтатъ, да 3 Іоанна, Иродэнь кудэнь кирдить Хузань авацъ, да Сусанна, да лама илятъ-ка, конатъ посаблясьть Теенза эсь паршисэстъ. 4 Мзярда пурэмсьтъ Теенза лама [ 43 ]ломатть, да сембя ошнень эзда кармасть сашендэма Теенза, Сонъ кармась ёфксса кортама.

Колмэгемень ветіеце пакшъ. 5 Лиссь види эсь видьмэнзэнъ видемя. Сонь видемстэнза кона-кона видьмесь прась ки ланксъ, ся ульсь шятяфъ да ліи нармэтьня сонь кочказь. 6 Кона-кона прась кевъ ланксъ, ся лисемда меля коськсь: соньдіенза начксь ашэзь сата. 7 Кона-кона прась кумбаравъ ётксъ, кассь кумбаравсь да имафтэзя сонь. 8 Кона-кона прась цебярь модасъ, ся лись да канць сядэнь кырда сёрэтъ. Сянь мярьгемдя меля серьгець: кинь улихть кулцэндэмсъ пиленза, ся кулеза. 9 Тонафнефэнза кизефтезь Сонь, мезь ули тя ёфкссь? 10 Сонъ мярьгсь: Тееньть максфтъ содамсъ Шкайень царствать афъ содама тевенза, а илятьненьди синь лангастъ ёфксня аньцакъ эряви ёфнемсъ, — синь веть ванэзь афъ няихть, кулезь афъ шарькедихть. 11 Вага мезяма ули тя ёфкссь: Видьмесь — Шкайень валъ. 12 Ки ланксъ прафсь — ня снятъ кулцэндыхня, конатненьди сальдя сай шайтансь да саласы Шкайень валть синь седистэстъ, штобэ синь афэльть верава да афэльть вануфтъ. 13 Кевъ ланксъ прафсь — [ 44 ]ня снятъ ломатьня, конатъ марясазь Шкайень валть, кенярьдезь прьняндасазь сонь, синь ашъ аньцякъ унксна, синь фкя пиньгть верэндайхть, а мутендама пиньгста, кацазь Шкайть валэнцъ. 14 Кона прась кумбаравъ ётксъ, ня снятъ ломатьня, конатъ кулцэнцазь Шкайть валэнцъ, а нужаса, козя шиса, пара эрямаса, синь юкстасазь сонь да афъ тіихть пара. 15 Кона прась цебярь модасъ, ня снятъ, конатъ марясазь валть да кирьцазь сонь цебярь седисэстъ, да кирьдезь тіихть пара тевтъ. Сянь мярьгемда меля Сонъ серьгець: кинь улихть кулемсъ пиленза — кулеза.

Колмэгемень котувэце пакшъ. 16 Ки-вэкъ кэрьвясьтезь штатолть афъ вельтьнесы кядьгеняса, али афъ путсы сонь удэма васта алу, а путсы сонь шанталсъ, штобэ (кудти) сувайхня няельхть валда. 17 Ашъ мезень-гя стама салава, кона афэль тію содавиксъ, станякъ ашъ мезе-вэкъ кяшфъ, конацъ афэль лися ушу, да афэль мувъ. 18 Ина тинь мяляфтыеньть, мезе культяда, веть кинь ули, сяньди неньгя максфъ ули, кинь ашъ, сянь кяцта сявэви сявэкъ, мезе сонъ арси улемсъ сонь. 19 Сасьть [ 45 ]Теенза тядяцъ да брадэнза Сонь; да ломатьнень ёткова ашэсть яцю Сонь малазэнза. 20 Пачфцьть синь куля Теенза: Тонь тядяця да братня ащихть ушэса, Тонь няемсъ ёрайхть. 21 Сонъ мярьгсь синь каршэзэстъ: Монь тядязя, да брадня нятъ, конатъ кулцэндыхть Шкайть валэнцъ да пяшкетцазь сонь.

Колмэгемень сисемгэце пакшъ. 22 Фкя шиня Сонъ озась эсь тонафнэфэнзэнъ марта венешсъ да мярьгсь теестъ: аряда печктяма ярькть тона ширесъ; да кармасть печкемя. 23 Печкэмстэстъ Сонъ матэдувсь. Ярькть ланкса кепетьсь вишкя варма; ведьсь кармась синь валэндэмэстъ, — синьдеестъ уемсъ пякъ пельксъ ульсь. 24 Синь шашцьть Іисусти, стяфтэзь Сонь да мярьгсьть: Тонафты, Тонафты, минь иматама. Сонъ стясь, да кардазень вармать, да ветть кепсеманцъ; синь лоткасьть, да тіювсь сетьмя. 25 Эста Сонъ мярьгсь теестъ: коса тинь вераньтя, а синь яведемъ пачкъ дивандасьть да кортасьть фкя-фкяньди: Кіе тя? вармать, да ведьть кошарцинень, а синь кулцэнцазь Сонь.

[ 46 ]Колмэгемень кафксувэце пакшъ. 26 Уйсьть синь Галилеень ярькть омбэця шири, Гадаринской мастэрти. 27 Коста Сонъ лись ярть ланксъ, васфьтезя Сонь фкя ошэнь ломань, конань эса кнара-кигя эрясьть шайтатъ; сонъ адёжатъ ашэзь щакшня, эрясь афъ куца, а калмэтьнень лоткса. 28 Кодакъ сонъ няезя Іисусть пешкэць, прась Сонь ингэленза да оцьу вайгельхть серьгець: Іисусъ, сембедя Вярьде Шкайть Цёра! Кодама Тонь тевця ули монь эсэнъ? Эняльдянъ Теть, тямакъ муця монь. 29 Іисусъ кошардызя шайтанть лисемда ся ломаньть эзда, сонъ кнара-кигя муцезя ся ломаньть, сонь кирьдиманцъ инкса сотнэкшнезь кшнинь синьзерса да пиксса, а сонъ сязеньделезень сотневкснэнь, да ульсь шайтанть эзда паньцефъ шава васцъ. 30 Іисуссь кизефтезя сонь: кода тонь лемця? Сонъ мярьгсь: легіонъ:[1] сонъ сясъ станя мярьгсь, сонь потмэсэнза пякъ лама шайтатъ сувафтэльть. 31 Синь эняльцть Іисусти: Сонъ афэлезень куча синь мастэрть алу. 32 Тоса-кигя панда пряса вантфъ ульсь оцьу тувэнь стада. Шайтатня эняльцьть Теенза, штобэ мярьгель теестъ сувамда ня тувэтьнень потмэсъ. [ 47 ]Сонъ мярьгсь теестъ. 33 Шайтатня лисьть ся ломаньть потмэста да сувасть тувэтьнень потмэсъ, тувэтьня ёрясьть пря пандть пряста ярькти, да ваясьть. 34 Постуфня кодакъ тянь няезь, ласькезь тусьть да азэнцьть тянь ланга ошса да велева. 35 Лисьть ванэма, мезь тоса тіювсь. Коста сасьть синь Іисусэнь ваксъ, музь ся ломаньть, конань эзда лисьть шайтатня; сонъ ащи озада Іисусть пильгензэнъ ваксса щафста да цебярь прявійса да синь явецьть. 36 Няихня азэндэзь теестъ, кода пчкясь пеляскатфъ ломансь. 37 Сембя Гадаринскай мастэрэнь ломатьня эняльцьть Теенза, туль-бэ Сонъ синь эздэдэстъ. Синь пякь яведьфтэльть. Іисуссь озась венешти да мрдась меки. 38 Ломаньсь, конань потмэста листь шайтатня, эняльць Теенза Сонь мартэнза улемсъ. А Іисуссь кучезя сонь вакстэнза станя теенза мярьгезь: 39 мрдакъ эсь кудэзтъ, да азэкъ, мезе теть тись Шкайсь. Сонъ тусь да сембя ошка азэнць, мезе теенза тись Іисусъ.

Колмэгемень вейхксыеце пакшъ. 40 Кодакъ Іисуссь мрдась меки, васьфтезь Сонь ломатть, синь сембя учсть Сонь эсэнза. 41 Вага сась Теенза [ 48 ]Іаиръ лемса ломань, кона ульсь тонафтэма кудэнь пряфксъ. Прась сонъ Іисусть пильгэзэнза да эняльдезь терць Эсэнза, эсь кудэзэнза сувама. 42 Сонь ульсь кемгафтува кизэса фкяня стирецъ, ся-вэкъ кулэмъ ланксэль. Іисусть тоза молемстэнза нароць пякь яцесь ваксэзэнза. 43 Эса ульсь фкя верса шудезь сяряди ава, сонъ кемгафтува киза сяряць, сембя паршіенцъ явэндэзя пчкафтыхненьди да фкяньди-гя ашэзь пчкафту. 44 Сонъ шашць (Іисусти) фталда, токась Сонь адёжанцъ пезэнза, да эста-кигя сонь верэнь шудемацъ лоткась. 45 Іисусъ пшкяць: кіе токсесь Моньдине? Коста сембя сёпэнцьть Петръ да мартэнза улихня мярьгсьть: Тонафты! перьфкатъ кода нароць яци, а Тонъ мярьгатъ — кіе токась Монь-эзэнъ? 46 Іисусъ мярьгсь: токась Теень кати кіе: Монъ марянь Монь эздэнъ лиси вій. 47 Авась няйсы — афъ кяшеви; тырнатэзь мольсь да прась Сонь ингэленза, да азэндэзя сембя народть ингэльдя, мезень кувалмэва сонъ токась Теенза, да кода сонъ эста-кигя пчкясь. 48 Іисуссъ мярьгсь теенза: тятъ пель, стирь, тонь верэндэмаця ваныньзя Тонь. Артъ шумбраста. 49 Сонь ня валэнзэнъ кортамста, сась кати кіе тонафтэмъ кудэнь [ 49 ]пряфксьть куцта да мярьгсь теенза: тякъ трявожа Тонафтыть — стирьця тонь кулэсь. 50 Сянь кулезь, Іисусъ мярьгсь: тятъ пель, аньцякъ верэндакъ — вантфъ ули тонь стирьця. 51 Тоза пачкэдемда меля Сонъ ашэзь мярьгя киньди-гя кудти сувамда; аньцякъ сявэзень Сонъ Петрань, Іоаннань, да Іаковэнь да стирьть алянзэнъ, тядянзэнъ. 52 Сембя аварьцьть да летьнесть стирть инкса. Сонъ мярьгсь теестъ: тяда аварьдя, — сонъ ашэзь кула, а уды. 53 Синь содазь стирьть кулэманцъ да пеецьть Сонь лангэзэнза. 54 Сонъ панезень сембень ушу, сявэзя стирьть кядьта да серьгець: стирь, стякъ! 55 Мрдась стирьть ваймэцъ да эста-кигя сонъ стясь. Іисусъ мярьгсь максэмда теенза ярцама. 56 Дивандасьть стирьть алянза-тядянза. Іисусъ ашэзь мярьгя теестъ киньди-гя азэнкшнемда тя тевть ланга.

  1. ↑ тёжянень тёжятть.
 

Глава 9-я.

Нилегеменьце пакшъ. 1 Іисусъ терьдезень кемгафтува (апостолэнзэнъ), да максь теестъ вій, да воля сембя шайтатнэнь ланксъ, да [ 50 ]урмань пчкафнемсъ-ка. 2 Да кучезень синь Шкайень царствать ланга азэндэма да сярядіень пчкафнемя. 3 Сонъ мярьгсь теестъ: мезевэкъ тяда сявэ ки ланксъ, афъ пайдекъ, афъ кантфъ, афъ кши, афъ сере ярмактъ, афъ кафэнцъ адёжатъ. 4 Кодама куцъ суватада, тозкъ ащеда, тоста ни кисъ лиседа. 5 Коса афъ прьняндатядезь, ся ошста лисемста шукадіеньть пильгезэнэнтъ петьфъ пульхнень, меля синь лангэзэстъ няфтимань инкса. 6 Синь тусьть да якасьть велетьнень ланга, сембя вастэва азэньцьть цебярь кулятъ да пчкафнесьть сярядихть.

Нилегемень фкіеце пакшъ. 7 Марясь Нилеце пряфксъ Иродъ, мезьть тіеньць Іисусъ, да ашэзь сода мезе арсемсъ Сонь ланганза: финцня кортальть — кулэмъ васцта Іоаннъ эриклась; 8 обмэнцня мярьгельть — Илія тихтець; конатъ мярьгельть — ётмелянь пророкъ эриклась. 9 Иродъ мярьгсь: Іоаннэнь монъ прянцъ кярыня, кіе мэля ся, конань кувалмэва монъ кулянъ тяфтама? Тяда меля ёразя сонъ Іисусть няемсъ. 10 Апостолхня мрдамэда меля азэндэзь Теенза, мезе синь тисьть. Іисусъ [ 51 ]сявэзень синь эсь мартэнза да тусь шава вастцъ, Виѳсаида лемса ошъ маласъ. 11 Ломатьня, коста содазь сянь, мольсьть мельганза. Сонъ прьняндазень синь да кортась теестъ Шкайень царьствать кувалмэва, а конатьненьди эрявэль пчкамсъ, снянь пчкафтэзень.

Нилегемень кафтувэце пакшъ. 12 Кода шись шарфць иляденьди, шашцьть Теенза кемгафтува (апостолэнза) да мярьгсьть Теенза: минь тяса шава вастцэтама, нолдайть ломатьнень перьфька велетьненьди удэма, да эстіестъ кшинь варжама. 13 Сонъ мярьгсь теестъ: тинь максэда теестъ ярцамсъ. Синь мярьгсьть: минь ветя кшида лама, да кафта калда пашка иля мезе-вэкъ ашъ; теряй теенекъ молема сембя ня ломатьненьди кормань рамама. 14 Сембя ломаньда тоса ветя тёжаньшкаль. Сонъ мярьгсь Соньцень тонафнефэнзэнды: озафніеньть синь ряцъ ведьгеменень-ведьгеменень. 15 Синь станя тисьть, сембень озафнезь. 16 Сонъ сявэзень ветя кшитьнень, да кафта калхнэнь, варжаксьць менельти, баславиндазень синь, синезень да максэзень тонафнефэнзэнды ломатьненьди явэндэмсъ. 17 Ярцасьть, да сембя топэцьть, да [ 52 ]ингэльдестъ иляцьть кемгафтува кептерь сускэптъ.

Нилегемень колмувэце пакшъ. 18 Весьть, коста Сонъ озэнць ськамонза, а тонафнефэнза ащесьть мартэнза, Сонъ кизефтезень синь: кіексъ Монь ломатьня путнесамазь? 19 Синь мярьгсьть каршэзэнза: (конатъ) Іоаннъ Крестительксъ, конатъ Иліяксъ, илятъ мярьгихть — ётмелянь пророкнэнь эзда фкя эриклась. 20 Сонъ кизефтезень синь: а тинь кіексъ Монь лувсамасьть? Петръ мярьгсь: Шкайть Христозксъ. 21 Сонъ кемэста кардазень синь, штобэ киньди-гя сянь кувалмэва тястъ азэнкшня. 22 Сонъ мярьгсь: Ломанень Цёрати лама эряви страндамсъ, сире атятьня, архирейхня, да книжникня шафсазь Сонь; колмэце шиня Сонъ меки эриклай.

Нилегемень ниліце пакшъ. 23 Сонъ мярьгсь сембеньди: кіе ёрай молемсъ Монь мельганъ, ся тяза ужяльдя эсь прянцъ, сявэзазя эсь крёзэнцъ да молеза Монь мельганъ. 24 Кіе ёрай ваймэнцъ ванэмсъ, ся имафцы сонь. А кіе имафцы ваймэнцъ Монь инксэнъ — ся ванцы [ 53 ]сонь. 25 Мезень пара ули ломаньти, сембя мірть сонъ эстіенза сявэньдерясы, а эсь прянцъ имафцы, али коласы. 26 Кіе визьделгэды Монь эздэнъ, да Монь валнэнь эзда, сянь эзда Ломанень Цёрась-кя визьделгэды, мзярда сай Сонъ Соньцень оцьу шинцъ марта, да Алянцъ оцьу шинцъ марта, да святой ангэлхнень оцьу шиснэнъ марта. 27 Видеста кортанъ тееньть: улихть ломатть тяса ащихнень ёткса, конатъ афъ кулыхть Шкайть царстванцъ няемдэнза ингэля.

Нилегемень ветіеце пакшъ. 28 Ня валхнень азэмда меля кафксэшка шинь ётазь, сявэзень Сонъ Петрань, Іоаннэнь да Іаковэнь, да куцьсь мартэстъ панда прясъ озэндэма. 29 Сонь озэндэмстэнза шамацъ иляксъ арась, адёжанза пиндэлдыксъ акшэлгэцть. 30 Кафта ломатть Сонь мартэнза кортасьть: конатъ ульсьть Моисей да Илія. 31 Синь тихтецьть эсь оцьу шиснэнъ марта да кортасьть мартэнза, мезь Теенза тіема Іерусалимса. 32 Петръ да мартэнза улихня сталгатфтэльть удэмаса; коста синь сыргэзсьть, няезь Іисусэнь оцьу шинцъ, да мартэнза ащи кафта ломатьнень. 33 Ня [ 54 ]ломатьнень Іисусэнь вакста тумстэстъ Петръ мярьгсь Теенза: Тонафты! цебярь тяса теенекъ улемсъ, тихтяма колма коштъ; фкять Тоньдеть, фкять Моисееньди, да фкять Иліяньди. Сонъ (соньць-кя) ашэзя сода, мезе кортась. 34 Сонь нянь кортамста тихтець пиземь пеель[1] да вельтязень синь. Синь явецьть, кода савсьть пиземъ пеельть потмэсъ. 35 Пиземъ пеельть потмэста кулювсь вайгель: Тя Монь кельгемя Цёразя, Сонь кулцэндэсьть. 36 Тя вайгельть мярямъ пиньгть Іисусъ иляць ськамэнза. Синь киньди-гя ашэсьть азэнкшня ня шитьнень, мезе няйсьть.

Нилегемень котувэце пакшъ. 37 Панда пряста валгэмда меля обмэце шиня Іисусэнь васьфтезь лама ломатть. 38 Фтрукъ ломатьнень ёткста кати кіе пешкэць: Тонафты! эняльдянъ Теть, варжакстъ монь цёразень ланксъ, — сонъ монь фкяня. 39 Сонь фатьнесы шайтансь да муцяй эсэнза, сонъ утьксни, куркстэнза нэлнатай шофтъ шудихть. Аньцякъ пякь муцямда меля аерды эздэнза. 40 Монъ энялькшнень Тонь тонафнихненьди сонь панемэнза, да [ 55 ]синьдеестъ ашэзь паню. 41 Іисусъ каршэзэнза мярьгсь: о! афъ виде да кольфъ пляма! Мзярсъ улянъ Монъ тинь мартэнэнтъ да карманъ кирьдеме тинь эздэнэнтъ. Вятькъ цёрацень тяза, Теень. 42 Цёрать Іисусти неньгя молемстэнза шайтансь прафтэзя сонь да кармась калкфтэмэнза; Іисусъ кардазя шайтанть да пчкафтэзя цёрать, да максэзя сонь алянцты. 43 Сембя дивандасьть Шкайть оцьу шинцъ ланксъ.

Нилегемень сисемгэце пакшъ. 43 Коста сембя дивандасьть Іисусэнь тифь тевэнзэнъ ланксъ, Сонъ мярьгсь эсь тонафнефэнзэнды: 44 Путыеньть тинь сембя ня валхнэнь эсь пилезэнэнтъ: Ломанень Цёрась ули максэфъ ломатьнень кяцъ. 45 Синь ашэзь шарькедя ся валть, сонь шарькедемацъ кешфэль синь эздэдэстъ, сясъ синь ашэзь шарькедя сонь, а Іисусть кизефтемсъ ся валть кувалмэва пельсьть. 46 Сась синь мялезэстъ: кіе синь эздэстъ сембедя оцьусь? 47 Іисусъ содазень синь седисэстъ арсимаснэнъ, да сявсь идь, ладязя ингэленза, 48 да мярьгсь теестъ: кіе прьняндасы тя идть Монь лемезень инкса, ся Монь прьняндасамань; а кіе прьняндасамань Монь, ся [ 56 ]прьняндасы Монь кучіезень. Кіе тинь эздэнэнтъ сембедя ёлмась — ся оцьу ули.

Нилегемень кафксувэце пакшъ. 49 Сонь каршэзэнза Іоаннъ мярьгсь: Тонафты! Минь няемя ломань, кона Тонь лемцень марта шайтатъ паньць, да кардаськъ соньдіенза, сясъ, месъ сонъ афъ якай минь мартэнэкъ. 50 Іисусъ мярьгсь теенза: тяда карне, — веть кіе афъ каршэзэнэнтъ — ся тинь инксэнэнтъ. 51 Коста сашеньцьть малавъ Сонь тя шиста сявэма шинза, Сонъ ёрась молемсъ Іерусалиму. 52 Да кучсь эсьтедэнза ингэли азэндыхть; синь тусьть да сувасьть фкя Самарянэнь велесъ Соньдіенза аныклама. 53 Тоса содазь Сонь Іерусалиму молеманцъ да ашэзь прьнянда. 54 Тянь няезь Сонь тонафнефэнза Іоаннъ марта Іаковъ мярьгсьть: Шкабавасъ, ёратъ-ли, минь мярьгтяма, штобэ менельста валгэза толъ да имафтэлезень синь, кода тись Илія? 55 Сонъ шарфць теестъ да кардазень синь, да мярьгсь теестъ: тинь афъ содасасьть кодама тинь вайменьтя, 56 веть Ломанень Цёрась сась афъ ломанень ваймэнь имафтэма, а ванэма. Сяда меля тусьть иля велесъ.

[ 57 ]Нилегемень вейхксыеце пакшъ. 57 Синь кигя молемстэстъ, фкя ломань пшкяць Теенза: Шкабавасъ, монъ молянъ мельгатъ коза-бэ Тонъ афэлеть моль. 58 Іисусъ мярьгсь теенза: келасьнень улихть (эрямсъ) варясна; ліи нармэтьнень-гя улихть пизэсна, а Ломанень Цёрать ашъ коза пряцъ нежедемсъ. 59 Омбэцети мярьгсь: мольхть Монь мельганъ. Ся мярьгсь Теенза: Шкабавасъ, мярьгь теень аньцакъ ингэли алязень калмама молемда. 60 Іисусъ мярьгсь Теенза: кадыть кулэфненьди эсь кулэфснэнъ калмэсемъ; а тонъ мольхть Шкайень царствать ланга азэндэма. 61 Неньгя иля мярьгсь Теенза: молянъ Тонь мельгатъ, Шкабавасъ, мярьгь аньцякъ теень ингэли простиндамда куцтэтнень марта. 62 А Іисусъ мярьгсь Теенза: кіе кярьмэтьфцынень кядензэнъ сокасъ да кармай фталу ванэма, ся Шкайень Царствать инкса афъ кеме ломань.

  1. ↑ туця.
 

Глава 10-я.

Ведьгеменьце пакшъ. 1 Тяда меля Іисусъ кочкась илятъ сизьгемень (апостэлть) да [ 58 ]кафтэнь-кафтэнь кучезень синь эсьтедэнза ингэли ярь ошсъ, да ярь вастцъ, коза Соньць ёрась молемсъ. 2 Сонъ мярьгсь теестъ: нумада лама, а нуидя кыржа. Эняльдеда ина нумать азэрэнцты, кучель-бэ сонъ нуйхть эсь нуманцъ ланксъ. 3 Арда, Монъ тинь кучтядезь, кода учатьнень вэрьгазъ ётксъ. 4 Тяда сявэньдя мартэнэнтъ афъ кескавъ, афъ кантфъ, афъ карьть-пракстатъ, ки ланкса ки мартэнъ-га тяда шумбракшня. 5 Кодама куцъ суватада, ингэль-кигя мярьгэда: сятявъ эряма улеза тя кудти. 6 Уленьдеряй азэрсь сятявъ ломань, тинь сятявъ валэньтя иляды теенза, а улефтеряй — меки мрдай эстіеньть. 7 Ся (цебярь) кудти илядэда, ярцада да симэда, мезсна синь ули, веть трудиндайсь — тисы сонь андэманцъ. Тяда яка кудта куцъ. 8 Саньдерятада кодама-вэкъ ошсъ, да прьняндатядезь тинь, ярцада, мезе тееньть путыхть, 9 да пчкафнеда эсэнза ули сярядихнень, да кортада теестъ: шашць тинь малазэнэнтъ Шкайть царствацъ. 10 Саньдерятада кодама-вэкъ ошсъ да афъ прьняндатядезь, эста лиседа ульцявъ да мярьгэда: 11 Вага пульть-кя, кона пець миньдеенекъ тинь ошстэнэнтъ, шукацаськь эстіеньть. Аньцякъ [ 59 ]содада, шашць тинь малазэнэнтъ Шкайть царствацъ. 12 Азэнца тееньть: Ся шиста Содомэнь эряйхненьди сяда тёждяня ули ся ошть эряензэнъ корясъ. 13 Афъ пара теть Хоразинъ, афъ пара теть Виѳсаида: кода тееньть няфтьфъ чудатьня, улельть няфтьфть Тирса да Сидонса, синь кнара-кигя щальть-бэ кальдявъ адёжатъ, прязэстъ почодэльть кулуфтъ да каендальть бэ. 14 Тянинъ-гя Тиръ марта Сидонэньди судъ ингэля тиньдедэнэнтъ тёждяня ули. 15 Тонъ-га, менельти пачкэдемсъ кепетьфъ, Капернаумъ, адти пачкэдемсъ валтфъ улятъ.

Ведьгемень фкіеце пакшъ. 16 Тинь кулцэндыеньтя — Монь кулцэнцамань; кіе тинь эздэнэнтъ аерды — ся Монь эздэнь аерды, кіе аерды Монь эздэнъ — ся аерды Монь кучіезень эзда. 17 Сизьгемень (тонафнефэнза) кенярьдезь меки мрдасьть да кортасьть: Шкабавасъ, Тонь лемцень кувалмэва шайтатне-вэкъ кулцэнцамазь минь. 18 Сонъ мярьгсь теестъ: Монъ няень шайтанть, сонъ ёндолксъ прась менельста. 19 Вага максанъ тееньть вій куй ланксъ шятямсъ, скорпіонъ ланксъ шятямсъ, да сембя шайтатнень війснэнъ ланксъ, да мезень-гя [ 60 ]кальдявъ афъ тіеви тееньть. 20 Аньцякъ тяда кенярькшня шайтатнэнь эсэнэнтъ кулцэндэмаснэнъ инкса, а кенярьдеда сяньди, месъ тинь леменьтя менельть ланкса сёрматфтъ. 21 Ся пиньгть Іисусъ кенярьгяць седисэнза да мярьгсь: Шнатя Тонь, Аляй, мастэрэнь да менелень Шкабавасъ! Тонъ кяшить тень ёнюфнень да прявійхнень эзда, да содафтыть идтьненьди, Веть стамаль, Аляй, Тонь воляця.

Ведьгемень кафтувэце пакшъ. 22 Сальдя шарфць тонафнефэнзэнди да мярьгсь: Алязя Монь сембень максэзя Теень; кіе Цёрацъ, Алядэнза пашка ки-вэкъ афъ содасы, кіе Аляцъ — сянь сотцы аньцякъ Цёрацъ да ся, киньди Цёрась ёрай азэмсъ. 23 Меля шарфць тонафнефэнзэнди да мярьгсь теестъ пашка: павазуфтъ ся сельмэтьня, конатъ няйхть сянь, конань тинь няйхтяда. 24 Кортанъ тееньть: лама пророктъ да оцьазэртъ ёрасьть няемсъ сянь, конань тинь няйхтяда, да ашэзь няй; (ёрасьть) кулемсъ сянь, конань тинь кульхтяда, да ашэзь куль.

Ведьгемень колмувэце пакшъ. 25 Вага фкя законникъ стясь да Іисусть пытандаманцъ [ 61 ]инкса мярьгсь: Тонафты, мезе тень тіема, штобэ мзярдэнга теень афъ кулэмсъ? 26 Іисусъ мярьгсь теенза: законса мезе сёрматфъ? кода тонъ лувэндатъ? 27 Сонъ мярьгсь теенза: кельгъ Шкайть эса сембя седисэтъ, сембя ваймесэтъ, сембя війсэтъ, сембя мяльсэтъ, мала ломаньцень кельгъ — кода эсь пряцень кельгатъ. 28 Іисусъ мярьгсь теенза: видеста азэть. Стяня тихть, карматъ эряма. 29 А сонъ прянцъ видептеманцъ инкса мярьгсь Іисусти: кіе монь мала ломанезя? 30 Тянь каршэсъ Іисусъ мярьгсь: фкя ломань мольсь Іерусалимста Іерихону, да повсь разбойникеньди; синь нельгсезь сонь адёжанзэнъ, да пякь тапазь кадэзь, кулэмъ ланкса. 31 Ся кигя савсь ётамсъ фкя попэньди, сонъ няезя сонь да ётась вакска. 32 Станякъ лявитсь-кя[1], пачкэць ся вастти, ванэзя сонь да ётась вакска. 33 Фкя Самарянинъ молемста токаць сонь лангэзэнза, да ужяльдезя сонь; 34 Сонъ мольсь ваксэзэнза, ваденьдезень тапафъ вастэнзэнъ шуфта вайса да винаса да сотнезень синь, меля озафтэзя осёлэнцъ ланксъ, да ускэзя гостинницявъ, да тосэнъ-га якась мельганза. 35 Омбэце шиня, тумэстэнза, таргась [ 62 ]кафта серень ярмактъ[2], максэзень синь азэрти, да мярьгсь теенза: ванэкъ сонь эсэнза, ётафтэньдерятъ няда лама, монъ меки мрдамста панцайнень теть. 36 Кіе ня колмэтьнень ёткста тонь арсемацень корясъ ули малацесь разбойникеньди повэфти? 37 Сонъ мярьгсь: кона теенза цебярь тись. Іисусъ мярьгсь теенза: ардъ, тонъ-га станя тихть.

Ведьгемень ниліеце пакшъ. 38 Синь ётамстэстъ сувась Сонъ фкя велесъ. Тяса Марфа лемса ава сувафтэзя Сонь эсь кудэзэнза. 39 Сонь ульсь Марія лемса сазэрэцъ. Марія озась Іисусэнь пильгензэнъ ваксъ, да кулцэнць Сонь валэнзэнъ. 40 А Марфа старандась Іисусэнь каванямань[3] инкса; сонъ шашць Іисусэньди да мярьгсь: Шкабавасъ! али Тонь мяльсэтъ-ка ашъ, монь сазэрэзя кадэмань ськамэнь Тонь каванямацень инкса аныклама. Мярьгь теенза моньдине посаблямда. 41 Іисусъ мярьгсь теенза: Марфа, Марфа, тонъ ламэнь инкса старандатъ. 42 Фкя аньцякъ эряви. Марія кочказя цебярь пакшть, кона сонь кяцтэнза афъ нельгеви.

  1. ↑ діаконъ.
  2. ↑ динаріятъ.
  3. ↑ угощандамань
 
[ 63 ]

Глава 11-я.

Ведьгемень ветіеце пакшъ. 1 Савсь Теенза фкя вастца озэндэмсъ. Сонь озэндэмадэнза меля фкя тонафнефэцъ мярьгсь Теенза: Шкабавасъ, тонафтэмасьть минь озэндэма, кода Іоаннъ тонафтэзень эсь тонафнефэнзэнъ. 2 Сонъ мярьгсь теестъ: озэндэмста тинь мярьгэда: Менельть ланкса Алянекя! Тонь лемця валдэмза. Тонть царстваця саза. Тонь воляця мастэрть лангсэнъ-га, менельть лаца улеза. 3 Ярь шиньди эрявиксъ кши макстъ меньдеенекъ. 4 Простиндайть минь крефенекень, кода миньць простиндакшнесайнекъ миньдеенекъ кальдявэнь тіихнень. Тямасьть максъ минь пытандамсъ. Ванэмасьть минь тушманнекень эздэнъ-га. 5 Сальдя мярьгсь теестъ: уленьдеряй кинь-гя тинь ёткстэнэнтъ цебярь ялгацъ, да саль-бэ теенза пяле веть да мярьгель: ялгай! макстъ моньдине пандэмда колма кшитъ. 6 Монь ялгазя ётамъ-пачкъ сувась пялэнъ, да ашъ мезе путэмсъ теенза. 7 Тона потмэста мярьги каршэзэнза: тямакъ трявожа, — кенкшеня пякстафтъ-ни, да идьня-вэкъ монь удэмъ васцэть монь мартэнъ: афъ стяванъ да афъ максуванъ теть. [ 64 ] 8 Мярьганъ тееньть: стяфтеряй сонъ ялганцъ инкса — сямельде стяй сонъ пякъ анаманцъ инкса, да максы теенза, мзяра анай.

Ведьгемень котувэце пакшъ. 9 Монъ-га мярьганъ тееньть: анада — максфъ ули тееньть; вешеда — мутада; чакада — панжихть тееньть. 10 Веть ярь анайти — максэфъ уленьди; вешеньдись муй; чакати — панженцазь. 11 Кіе тинь эздэнэнтъ стама аля, конань кяцта цёрацъ ананьдеряй кши, сонъ максы теенза кевъ. Али мзярда анай калъ — сонъ максы теенза калть васцъ куй. 12 Али ананьдеряй алъ — максы теенза скорпіонъ[1]. 13 Станя тинь кальдявксъ улезьгя машттада эсь иденьтеньди цебярь максэма. Сядынга пякъ тинь менелень Аляньтя максы кяцтэнза анайхненьди Святой Духъ.

Ведьгемень сисемгэце пакшъ. 14 Весьть Сонъ паньць шайтанъ нѣмой ломаньста, кодакъ шайтаньсь лись, нѣмойсь кармась кортама, сембя ломатьня дивандасьть. 15 Конатъ-конатъ синь ёткстэстъ кортасьть: Сонъ паньци [ 65 ]шайтатнэнь эса шайтатнэнь оцьазэрснэнъ, вельзевулэнь війса. 16 Илятьня Сонь пытандаманцъ инкса анасьть Сонь эздэнза менельста чуда. 17 Сонъ содазень синь арсимаснэнъ, да мярьгсь теестъ: севакай царьствась, кона яви эсь ёткэванза — ся имай-арай, кудсь-кя, явэньдеряй — машты. 18 Шайтанць-кя явэньдеряй эсь ёткэванза, кода кармай ащема сонь царствацъ? А тинь мярьгтяда Монъ вельзевулэнь війса панцянъ шайтатъ. 19 Монъ паньценьдерянъ шайтатъ вельзевулэнь війса, мэля тинцень цёрантя кинь війса панцесазь синь? Сясъ синь улихть тееньть судіяксъ. 20 Паньценьдерянъ Монъ шайтатъ Шкайть війса, эста афъ ёру пачкэць тееньть Шкайть царствацъ. 21 Мзярда віи ломань ружія марта ванцы эсь кудэнцъ, эста сонь паршіецъ анакъ пельть ащи. 22 Саньдеряй лангэзэнза соньдедэнза віи, да сяськсы сонь, эста сявсы сембя сонь орудіянцъ, конань ланксъ сонъ надейкшнесь да срафнесыня сембень сонь кяцтэнза нелькфнень.

Ведьгемень кафксувэце пакшъ. 23 Кіе афъ Монь мартэнъ, ся Монь каршэзэнъ. Кіе Монь мартэнъ афъ кочкай, ся имафты-арафты. 24 [ 66 ]Мзярда шайтанць лиси ломаньть потмэста, сонъ якай ведьфтемя вастэва эстіенза ваймама вастэнь вешендезь, муфтеряй, сонъ мярьги: мрданъ меки эсь кудэзэнъ, конаста лисень. 25 Коста сай, мусы сонь урядавста да тяйвста. 26 Эста моли сонъ да сяви мартэнза сисемъ иля шайтатъ эстедэнза кяжійхть, сувайхть эзэнза, да эряйхть тоса. Ся ломаньти тя мекпяльцесь уленьди ингэльденъ-га афъ цебярь. 27 Сонь тянь кортамста, фкя ава народть ётктса оцьу вайгельса серьгець: Павазувъ ся потмэсь, кона тонь канненьзя да ся потятьня, конатъ тонь потяфнедезь. 28 Іисусъ мярьгсь: Павазуфтъ, конатъ марясазь Шкайть валэнцъ, да сонь пяшкецазь.

Ведьгемень вейхксыеце пакшъ. 29 Коста ломатьня кармасьть ламэнь-ламэнь пурэмма, Сонъ кармась кортама: тя родсь ёжу[2], сонъ чуда вешеньди, аньцакъ чуда афъ ули теенза Пророкъ Іонань чудада пашка. 30 Кода Іона Неневіянь эряйхненьди ульсь чудаксъ, станя Ломанень Цёрась-кя ули тя родти. 31 Обедъ пялень оцьазэръ авась стяй судсъ тя родэнь [ 67 ]ломатьня марта, да мувэргэфцыня синь: веть сонъ мастэрть песта сашенць Соломонэнь ёненцъ кулцэндэма; а тяса вага Соломонда оцьу. 32 Неневіянь эряйхня стяйхть судсъ тя родэнь ломатьня марта, да мувэргэвцазь синь, — веть синь каиндасьть Іонань тонафтэманцъ эзда, а вага тяса Іонада оцьу. 33 Ки-вэкъ кэрьвястезь шта-толъ, афъ путы кяшфъ вастцъ, али кядьгеня алу, а (пуцы) шанталсъ, штобэ сембя сувайхня няельть валда.

Кодгеменьце пакшъ. 34 Ронгэнь[3] валдэптысь — сельме, — уленьдеряй тонь сельмеця таза, эста сембя тонь ронгця ули валда; уленьдеряй сонъ кальдявъ, эста ронгце-вэкъ ули шобда. 35 Ина вантъ, тонь эсэть валтсь афэли шобда. 36 Уленьдеряй сембя тонь ронгця валда, афъ уленьдеряй фкя-вэкъ шобда вастэцъ, эста сембя улятъ станя валда, кода тонь валдэпттанза кэрьвясьтьфь толэнь валць. 37 Сянь кортамста фкя фарисей терьдезя Сонь эсь пялэнза ярцама. Сонъ мольсь теенза да озась шэранцъ ваксъ. 38 Фарисейсь дивандась, кода няезя Сонь кядень апакъ штакъ ярцама озама. 39 Іисусъ [ 68 ]мярьгсь теенза: тяни тинь, фарисейхть, урядасаеньть шаванятьнень ланга ширеснэнъ, — а тиньцень потмэньтя пяшкетьфть саламада да кальдявда. 40 Ёньфтептъ! афъ Ся-ка-ли тіезя потмэтькя, Кона тіезя лангть? 41 Максседа лучи милостинятъ снятнень эзда, мезеньтя тинь ули, эста сембя тинь ули таза.

Кодгемень фкіеце пакшъ. 42 Афъ пара тееньть, фарисейхть, месъ тинь макссетяда кеменьце пакшъ мятаста да рутаста[4] да севакай перень сёрэста, а вакска мяннесасьть Шкайень кельгемать да судендамать: сятьне-вэкъ эрявихть тіемсъ да нятъ-ка афъ эрявихть кадэндэмсъ. 43 Афъ пара тееньть, фарисейхть, месъ тинь кельгтяда тонафтэма куца ингэля озада ащемать; да ломанень пурэмэма вастца тееньть сюкэнякшнемать. 44 Афъ пара тееньть, книжникьть да фарисейхть, эсь пряньтень цебярьксъ няфтихть. Тинь вельтяфъ калмэнь кодяптада, конатьнень ланга ломатьня якайхть апакъ содакъ. 45 Тянь каршэсъ фкя законникнень эзда мярьгсь Теенза: Тонафты, сянь кортазь Тонъ [ 69 ]минь-гя обжасамасьть. 46 А Сонъ мярьгсь: тееньть-кя, законниктъ, афъ пара: месъ тинь ломатнень ланксъ путнетяда афъ кандэмшка канфтъ, а тиньць фкя сурсэнъ-га афъ токсетяда эсэстъ.

Кодгемень кафтувэце пакшъ. 47 Афъ пара тееньть, месъ тинь тіеньттяда лазкстъ ся пророкнэньди, конатьнень шавэндэзь тинь аляньтя. 48 Станя тинь няфнитяда аляньтень тевснэнъ ланга да тиньць-кя мартэстъ фкаксъ аратада: синь шавэндэзь пророкнэнь, а тинь тіеньттяда теестъ лазкстъ. 49 Сясъ Шкайень ёньць-кя мярьгсь: кучанъ теестъ пророктъ, да апостэлтъ, синь финцнэнь эздэстъ шавсазь, а омбэнцнэнь паньцазь. 50 Вешфъ ули тя родть кяцта сембя пророкнэнь вярсна, кона пяярьтьфь мастэрть шачемстэ-кигя, 51 видеста мярьганъ тееньть: вешфъ ули тя родть кяцта, Авелень вярста Захаріянь вярти пачкедэмсъ, конань шавэзь жертвенникть марта церькавть ётксъ. 52 Афъ пара тееньть, законникть, месъ тинь сявэсьть содамань панжуматьнень, тиньцкя ашэдя сува, да сувайхнень-гя кирьдіеньть. 53 Сонь нянь кортамста книжникня да [ 70 ]фарисейхня пякь кяжиста мольсьть каршэзэнза да вешсьть эздэнза ламэнь ланга азэматъ[5]. 54 Синь вешенцьть, кода-бэ Сонь кундамсъ валэнзэнъ ланкса да мувэргэфтэмсъ.

  1. ↑ Скорпіонъ лемса ули куй, конацъ ашкэдэндеряви арай алксъ.
  2. ↑ шарчавъ.
  3. ↑ телань.
  4. ↑ Рута лемса ули перень сёра, конань эзда путнихть афъ ламнянь лямсъ.
  5. ↑ отвѣтъ.
 

Глава 12-я.

Кодгемень колмувэце пакшъ. 1 Коста пурэмсьть лама тёжянь ломатть, нэлнатай лэпштасьть фкя-фкянь, Сонъ ушэць кортама ингэли эсь тонафнефэнзэнды: ванэда пря фарисеень шапафтэмада: сонъ аньцякъ ломатьненьди цебярьксъ прянцъ няфцы. 2 Мезе-вэкъ ашъ станя кяшьфъ, конацъ-бэ афэль мувъ; станя же ашъ кодама-вэкъ салава (тевь), конацъ-бэ афэль содавъ. 3 Сянь корясъ, мезе тинь мярьгедя шобда вастца, ся кульфь ули валда вастца, мезе кортадя пилесъ, кудъ потмэса, сянь ланга кармайхть кортама кудъ пряса. 4 Кортанъ тееньть, ялганя Монь: тяда пель стама телань шавэндыда, конатненьди сяда лама мезе-вэкъ афъ тіеви тееньть. 5 Монъ азса тееньть кинь эзда пелема: пеледа сянь эзда, конаньди [ 71 ]шавэмдэнэнтъ меля ёрдафтада аду. Видеста мярьганъ тееньть: сянь эзда пеледа. 6 Афъ вете-ли киркстъ мишеньдевихть кафта ярмаккеняда[1] а фкя-вэкъ веть синь эздэдэстъ апакъ юкстакъ Шкайть ингэля. 7 А тинь прясэнэнтъ шяереньте-вэкъ сембя лувфтъ. Сясъ тяда пель: тинь лама кирькста питьнихтяда.

Кодгемень ниліеце пакшъ. 8 Азэнданъ тееньть: кіе Монь кувалмэванъ азэнкшни ломатьнень ингэльдя, сянь кувалмэва Ломанень Цёрась-кя кармай азэнкшнемя Шкайть ангелэнзэнъ ингэльдя. 9 Кіе аерды Монь эздэнъ ломань ингэльдя, ся аертфъ ули Шкайень ангелхнень ингэльдя. 10 Ки-вэкъ мярьгеньдеряй (кальдявъ) валь Ломанень Цёрать ланга — простиндафъ ули, а кіе кортаньдеряй (кальдявъ) валъ Святой Духть ланга, ся простиндафъ афъ ули. 11 Мзярда тинь вятьтедезь ломанень пурэмэма васцъ, начальникненьди, оцьу пряфксненьди, тинь тяда мялявта, мезьть тееньть кортама, али мезьть азэндэма: 12 Святой Духсь ся пинкть тонафттедезь тинь мезе кортама тееньть.

[ 72 ]Кодгемень ветіеце пакшъ. 13 Народть ёткста фкя ломань пшкяць: Тонафты, мярьгь монь брадэзьти явэмда монь мартэнъ паршіенекень. 14 Сонъ мярьгсь теенза: ломань, кіе Монь путэмань судіяксъ тинь лангэзэнэнтъ, али тинь явэфтыксъ? 15 Эста мярьгсь Сонъ теестъ: варжада ванэда пряньтень козя шинь кельгемда; веть ломаньть эряфэцъ афъ ваны козя ши ланксъ.

Кодгемень котувэце пакшъ. 16 Азсь теестъ ёфксъ: фкя козя ломанень цебярьста шачсь паксяса сёрэцъ. 17 Сонъ арси эсь пачканза, — мезьть теень тіеньдема? ашъ коза прдамсъ монь сёрэзя. 18 Сальдя мярьгсь: вага мезе тіянъ: калафцайня утэмнень монь, да путанъ сяда оцьуфтъ; прдаса тоза сембя сёрэзень монь да сембя паршіезень. 19 Эста мярьганъ эсь ваймезьти: ваймезя, тонь лама паршидэтъ, лама кизэтъ сатыхть, — ваймесекъ, сипть, ярцакъ, да кенярькшнекъ. 20 А Шкайсь мярьгсь теенза: ёньтьфтемя! тя веть-кигя тонь ваймецень сявсазь эздэтъ, — киньди мэля иляды тонь аныклафця? 21 Станя уленьди ся марта, кона эсь инксэнза прдай парши, а афъ Шкайть [ 73 ]инкса козякады. 22 Мярьгсь эсь тонафнефэнзэнды: сясъ мярьганъ тееньть: тяда мяляфта вайменьтень инкса, мезьдя тееньть ярцама, афъ теланьтень инкса, мезса сонъ щама. 23 Ваймесь кормада оцьу, а тѣлась адёжада. 24 Ванэда варсихнень ланксъ: синь афъ видихть, афъ нуйхть, ашъ синь паршисна, ашъ синь утэмсна. Шкайсь трясыня синь. Мзярксьть тинь нармэньда цебярьттяда. 25 Киньди тинь эздэнэнтъ пякь старандазь лездэви[2] серезэнза фкя кенерь куна? 26 Тянь корясъ, афламнясь тееньть тіефтеряви, эста мезьть мельшатада[3] лама ланга? 27 Ванэда тише панчфнень ланксъ, кода синь касыхть, офъ трудяйхть, афъ кштирьдихть, — мярьганъ тееньть, Соломонъ-га, сембя козя шинцъ марта, станя ашэзь щакшня, кода ярь панчфсь. 28 Шкайсь станя щаньдеряй паксянь тишетьнень, конатьня тячи касыхть, а ванды ёрдафтъ улихть пянакуцъ, эста кона шкава сяда парста щатядезь Сонъ тинь, кыржа веравайхть? 29 Сянь корясъ тяда вешеньдя — мезьда тееньть ярцама, мезьда симэма; да тяда пичедя. 30 Веть сембень нянь вешеньцазь тя шинь ломатьня, — [ 74 ]веть тинь Аляньтя содасы, мезе тееньть эряви. 31 Сембедя пякь вешеньдеда тинь Шкайень царствать, а сембя ся максфъ ули тееньть.

Кодгемень сисемгэце пакшъ. 32 Тятъ пель ёлма стадазя: веть тинь Аляньтя цебярь мяль сявсь тиньдееньть царствать максэмсъ. 33 Міеньть паршіеньтень да максседа милостинатъ; аныклада эстееньть менельть ланксъ афъ наксады путэма васттъ да афъ машты паршихть; коза салайсь[4] афъ молеви, коса кись афъ кяры. 34 Веть коса ули тинь паршіеньтя, эса ули тинь седіеньте-вэкъ. 35 Тинь карксъ эземеньтя улестъ карксафтъ; фонареньтя улестъ кырьвясьтьфть. 36 Уледа тинь стама ломанень кодяптъ, конатъ учихть эсь азэрснэнъ свадьбаста мрдаманцъ, штобэ кодакъ сонъ сай да чакади, эста-кигя панжемсъ теенза. 37 Павазуфтъ сня уретьня[5], конатьнень азэрсна сазь мусыня афъ удэзь; видеста кортанъ тееньть: сонъ озавцыня синь, а соньсь карксай перьфканза (карксъ); моли ингэлестъ да кармай эсэстъ каваняма[6]. 38 Саньдеряй сонъ пере-ве-шкада, варьхмедем-шкада, да мусыня синь станякъ, [ 75 ]эста пякь павазуфтъ сня уретьня. 39 Тинь содасасьть, веть соданьдерялезя кудъ-азэрсь, кона шкада сай салайсь, эста сонъ афэль уда, да афэльця макса кудъ алксэнцъ шувэмсъ. 40 Тинь-гя уледа анэктъ, веть кона шкада афъ учьтада, ся пинкть сай Ломанень Цёрась. 41 Эста мярьгсь Петръ: Шкабавасъ, миньдеенекъ азэть тя ёфксьть, али сембеньди?

Кодгемень кафксувэце пакшъ. 42 Іисусъ мярьгсь: кона виде да ёньу кудэнь кирьдись, конань азэрсь путэзя эсь урензэнъ ланксъ оцьуксъ, ярцама пинкть ункстазь кормань явэндэма теестъ? 43 Павазувъ ся уресь конань азэрсь мрдамда меля мусы станя тіемста. 44 Видеста мярьганъ тееньть: сянь пуцы сонъ оцьуксъ сембя паршіенцъ ланксъ. 45 А ся уресь мярьгеньдеряй эсь седисэнза: афъ курэкъ сай монь азэрэзя; да кармай уретьнень да ава уретьнень пиксэма, симме-ярцама, да иредькшнемя. 46 Сай ся уреть азэрэцъ ся шиня, кона шиня сонъ аф учсы сонь, ся часцта, конаста сонъ афъ думандай сонь ланганза, (сазь) сонъ кярсы сонь пачкъ, да ёрдасы сонь кальдявъ ломатьнень марта фкя вастцъ. 47 Кона уресь содальця [ 76 ]азэрэнцъ мяленцъ да ашэзь уль анэкъ, ашэзь тіе сонь мяленцъ корясъ, ся пякь пиксфъ ули. 48 А кона ашезя сода, да тись пиксэмкшка тевь, пиксэфъ ули сяда афъ пякь.

Кодгемень вейхксыеце пакшъ. 49 Киньди лама максфъ, сянь кяцта лама кизефтьфь ули. Кіе пякь верэндафъ, сянь кяцта лама вешфъ ули. 50 Монъ сань мастэръ ланксъ толэнь валтэма. Монъ ёранъ, кода сонъ сяда курэкъ кэрьвязель-бэ. 51 Моньдине кстиндамаса кстиндамсъ[7] эряви. Кода Монъ пичедянъ сянь тіювэмэзэнза? 52 Арсетяда ли тинь, штэ Монъ сань мастэрть ланксъ сетьмэнь тіемя? Мярьганъ тееньть: афъ; Монъ сань явэфтэма. 53 Вага тя пинкста ветенестъ фкя куца кармайхть явэма, — колмэтьня кафтнень каршэсъ; кафтня — колмэтьнень каршэсъ. 54 Алясь кармай цёранцъ каршэсъ молемя; а цёрась — алянцъ каршэсъ; тядясь — стиренцъ каршэсъ; стирсь — тядянцъ каршэсъ; авэзьсь — эсь эрьвянянцъ каршэсъ; эрьвянясь — эсь авэзенцъ каршэсъ. 55 Народти мярьгсь: мзярда тинь няйхтяда ши мадэма пяльдя сай пиземъ туця, эста-кигя мярьгтяда: [ 77 ]пиземъ ули; да станя уленьди. 56 Мзярда вармась уфай обѣдъ пяльдя, тинь мярьгтяда: мани ули; станя уленьди. 57 Васькафнихть! мастэрть да менельть тевэнзэнъ содама машттада; кода мэля ся пинькть афъ содасасьть? 58 Месъ мэля тинь эсь кувалмэванэнтъ афъ арьсетяда видеста? 59 Мзярда тонъ молятъ лангэзэтъ кяжень кирди ломаньтя марта начальникеньди, тонъ ки ланкса коданъ-га мирендакъ мартэнза, кода-бэ сонъ афэленьзя вятя тонь судіяти; а судіясь афэленьзя макса уренцты: уресь пекстатанза тонь тюрьмасъ. 60 Мярьганъ теть: тонъ афъ лисеватъ тоста снярсъ, мзярда афъ макссакъ остатка ярмакцень.

  1. ↑ пенязьда.
  2. ↑ прибавави.
  3. ↑ мяляфттада.
  4. ↑ ворсь.
  5. ↑ работникня.
  6. ↑ угощандама.
  7. ↑ Моньдіень эряви страдандамсъ.
 

Глава 13-я.

Сизьгеменьце пакшъ. 1 Ся пингть сасьть Теенза кати-кить да азэнцьть Теенза Галилей-эряйхнень ланга, конатьнень вярснэнъ Пилатъ шовэрдазя синь озэлмаснэнъ[1] марта, 2 Іисусъ кортась теестъ сянь ланга: тинь арсетяда ня Галилей эряйхня ульсьть сембя иля Галилеень [ 78 ]эряйда крефуфтъ, сясъ станя кулэсьть? 3 Афъ, мярьганъ тееньть: каендафтерятада сембя станя иматада. 4 Али тинь арсетяда, штэ ся кемьгафксува ломатьня, конатьнень ланксъ велясь Силоамэнь башнясь да шавэзень синь, сембя Іерусалимса эряйда мувэртэльть? 5 Афъ, мярьганъ тееньть, — каендафтерятада, сембя станя иматада. 6 Эста азызя тя ёфксть: фкя ломанень ульсь сацэнза пезфтафъ марь шуфта. Сонъ сась сонь эздэнза марень вешемя, да ашэзь му. 7 Сонъ мярьгсь садэнь ваныти: вага монъ колмэце кизэсь сашенданъ тя марь шуфтть эзда марень вешемя, да афъ мушенданъ; кярэкъ сонь, мезь-инкса сонъ санясы вастть. 8 А сонъ мярьгсь каршэзэнза: азэрэзя, каткъ сонь тя кизэть-кя, монъ шувса сонь перьфэнцъ да наземса ацаса. 9 Афъ канды-ли марь, кандэфтеряй, сай кизэть кярсакъ сонь.

Сизьгемень фкіеце пакшъ. 10 Іисусъ ёткшиня тонафць фкя тонафтэма куца. 11 Тоса ульсь фкя ава, кона кемгафксува киза сяряць, — сонъ кичкэргатфэль, да ёфси афэль видему. 12 Іисусъ няезя сонь, тердезя малазэнза да мярьгсь теенза: ава, тонъ пчкатъ эсь [ 79 ]сярядемастэтъ. 13 Сальдя путэзень сонь лангэзэнза кядензэнъ, да авась эста-кигя видемсь, да кармась Шкайть шнама. 14 Тонафтэмъ кудэнь пряфксь кяжіясь Іисусэнь ёткшиня пчкафтэманцъ ланксъ да мярьгсь ломатьненьди: улихть кота шитъ тевень тіемсъ, эста сашэндэда эсь пряньтень пчкафтэма, а афъ ёткшинь шиня. 15 Іисусъ мярьгсь каршэзэнза: цебярьксъ прянь тіи ломань, афъ юксессы ли ярь ломаньсь тинь эздэнэнтъ ёткшиня эсь пэканцъ, али осёлэнцъ андэма вастцта, да афъ вяцынень ли симмя. 16 Тя Авраамэнь стирьть, конань вага кемгафксува киза ётъ, кода сотнэзя шайтансь, афэль эрявъ ли сонъ нолдамсъ ёткшиня ня сотневкснэнь эзда? 17 Нянь кортамста сембя каршэзэнза молихня виздэлгэткшнесть, а сембя пароць кенярькшнесь сембя Сонь цебярь тевэнзэнды.

Сизьгемень кафтувэце пакшъ. 18 Сонъ мярьгсь: мезень пяли шары Шкайень царствась, да мезень пяли шарфца сонь? 19 Сонъ шары горчицань видьмень пяли, конань сявизя ломаньць да путэзя эсь перезэнза. Сонъ кассь да арась оцьу шуфтэксъ. Ліи нармэтьня [ 80 ]кяшендювсть сонь тарадэнзэнъ потмэсъ. 20 Тага мярьгсь: мезень пяли шарфца Шкайень царствать? 21 Сонъ шары шапафтэмати, конань авась сявизя, да каязя колма малянка почфъ ётксъ, почфня сембя шапамсьть. 22 Іисусъ тонафтэзь ётнесь ошка да велева Іерусалимъ пяли кинь кирьдезь. 23 Фкя ломань мярьгсь Теенза: Шкабавасъ, али кыржа прянь ваныда? Сонъ мярьгсь теестъ. 24 Ёракшнеда тесна ортава сувама, мярьганъ тееньть: ламэтьня вешеньдихть сонь эзганза сувамать, да афъ сувавихть. 25 Коста кудъ-азэрсь стяй да сёлксынень кенькшензэнъ, эста тинь ушэса ащезь карматада чакама кенкшти да кортама: азэрнекя, азэрнекя! панчтъ теенекъ. А Сонъ мярьги тинь каршэзэнэнтъ: Монъ афъ содатедезь, костэннетяда тинь. 26 Эста тинь карматада кортама: минь ярцамя, симемя Тонь ингэлетъ, Тонъ минь ульцясэнэкэнъ-га тонафтэть минь. 27 А Сонъ мярьги: кортанъ тееньть: афъ содатедезь костоньнетяда, ворьдя Монь вакстэнъ сембя кальдявэнь тіихня. 28 Тоса тееньть ули аварьдема, да пеень чевэрфтэма, коста няйсаеньть Авраамэнь, Исаакэнь да Іаковэнь, да сембя пророкнень Шкайть царствасэнза, а тиньцень ушу [ 81 ]паньфста. 29 Сайхть шинь стяма пяльдя, да шинь мадэма пяльдя, да пялеве пяльдя, да обедъ пяльдя да сувайхть Шкайть царствазэнза. 30 Конатъ тяни мекьпяльксня, снятъ улихть ингэльксня, а конатъ тяни ингэльксня снятъ улихть мекьпяльксня.

Сизьгемень колмувэце пакшъ. 31 Ся шиня сасьть кона-кона фарисейхня да мярьгсьть Теенза: лисьть да тукъ тяста: Иродъ шавэмсъ ёратанза. 32 Сонъ мярьгсь теестъ: арда мярьгэда ся келазьти: вага тячи, да ванды аньцякь Монъ паньцянъ шайтатъ, да пчкафнянъ ломатть, а колмэце шиня лотканъ. 33 Сё таки, Моньдеень эряви якамсъ тячи, да ванды, да сай шить-кя, — веть афъ уленьди, штобэ пророкъ ималь Іерусалимда ушэса. 34 Пророкэнь шавэнды, да кевса пиксси тетъ кучфнень, Іерусалимъ, Іерусалимъ! Мзярксьть Монъ ёрсень прдамсъ тонь идьтнень, кода прцесыня нармэньсь эсь лефксэнзэнъ пацянзэнъ алу, а тинь ашэдя ёра! 35 Вага иляды тинь кудэньтя шавэста; азэнца тееньть, — тинь афъ няйсамасьть Монь ся пинькть самсъ, мзярда мярьгтяда: баславиндафъ сайсь Шкайть лемэнцъ марта!

  1. ↑ жертваснэнъ.
 
[ 82 ]

Глава 14-я.

Сизьгемень ниліеце пакшъ. 1 Савсь Іисусэньди сувамсъ ёткшіень шиня фарисеень прявксэнь кутцъ кшида ярцама, а фарисейхня ванцьть Сонь мельганза. 2 Вага арась Сонь ингэленза ведь урмаса сяряди ломань. 3 Іисусъ кизефтезень фарисейхнень да законникнень: пчкяй-ли ёткшиня пчкафтэмсъ? 4 Синь ашэсьть каштэрда. Іисусъ токась эзэнза, да пчкафтэзя сярядить, да кучезя вакстэнза. 5 Эста Сонъ мярьгсь теестъ: кинь-гя тинь ёткстэнэнтъ праньдеряй яшисъ осёлэцъ, али пэкацъ, афъ эста кигя-ли таргасы сонь ёткшистэнъ-га? 6 Тянь каршэсъ мезе-вэкъ ашэсьть кортафтъ. 7 Коста Сонъ няезя, кода иньжиксъ терьдьфня кочксесьть цебярь вастнэнь, азсь теестъ ёфксъ: 8 Коста тонъ улятъ кинь мартэнъ-га терьдьфъ свадьбасъ, тятъ оза цебярь вастти, кода сонь терьдьфэнзэнъ ёткса афэль уль тоньдедэтъ цебярь ломанецъ. 9 Эста кода афэль моле тинь терьдіеньтя тонь ингэлетъ, да афэль мярьгя теть: макскъ (тя) вастть теенза. Эста визьдезь сави теть озамсъ кальдявъ вастти. 10 А мзярда тонъ улятъ терьдьфъ, сакъ да озакъ [ 83 ]кальдявъ вастти, кадкъ терьдиця молеза ингэлетъ дя мярьгеза теть: ялгай, озакъ сяда ингэли! Эста ули теть цебярь тонь мартэтъ терьдьфнень ингэля. 11 Ярь ломаньсь, кіе оцьуксъ прянцъ няйсы, ёлмалгэтфъ ули, а кіе ёлмаксъ прянцъ няйсы — оцьулгэтфъ ули.

Сизьгемень ветіеце пакшъ. 12 Мярьгсь эсь тердіенцты-гя: коста тіятъ тонъ симматъ-ярцамэтъ, тятъ терьдя эсь ялгатнень, афъ тоньцень братнень, афъ тоньцетъ раднятьнень, афъ козя шабратьнень. Кадкъ синь-гя тонь тядезь терьдя да афэлезь панда теть. 13 А мзярда тіятъ тонъ симматъ-ярцамэтъ, терьдь нищайхнень, сярядихнень, шамэрхнень, сокэрхнень. 14 Павазу улятъ синь афъ пандэмаснэнъ инкса тетъ; ся пандови тетъ праведникнень эрикламста. 15 Тянь марямэда меля фкя мартэнза озада ащихнень ёткса мярьгсь Теенза: Павазу, кіе суски кшида Шкайть царствасэнза.

Сизьгемень котувэце пакшъ. 16 А Сонъ мярьгсь теенза: фкя ломань тись илядень оцьу симмя-ярцама; да терьць лама (инжихть). 17 Кода сась ярцама пиньксь, сонъ кучезя эсь [ 84 ]уренцъ тердьфненьди азэма: аряда, сембя анэклафъ. 18 Синь сембя пэта марса кортафсна кармасьть туфталэнь тіеньдемя: фкясь мярьгсь: монъ рамань мода, — моньдеень эряви молемсъ сонь ванэмэнза: эняльдянъ теть, кадэмакъ монь. 19 Омбэцесь мярьгсь: монъ рамань вете партъ пэкатъ, молянъ синь снардэмэстъ[1], эняльдянъ теть, кадэмакъ монь. 20 Колмэцесь мярьгсь: монъ эрьвяянь, сясъ афъ молеванъ. 21 Уресь мрдась куду да азызя тянь азэрэнцты. Эста азэрсь кяжіясь да мярьгсь уренцты: ардъ сяда курэкъ ошть ульцянзэнъ да правулканзэнъ эзга да вятть тяза нищайхть, сярядихть, шамэрхтъ, да сокэрхтъ. 22 Уресь сальдя мярьгсь: азэрэзя, тіефь станя, кода тонъ мярьгеть, да нень-гя ули васта. 23 Азэрсь мярьгсь урети: ардъ якакъ китьнень квалмэва, да перяфъ квалмэва, да эняльдезь тердьть, штобэ пяшкэдеза монь кудэзя. 24 Мярьганъ тееньть: кивэкъ васенда терьдьфнень эзда афъ суски монь ярцамадэнъ: лама терьдьфтя, да афъ лама кочкафтта.

Сизьгемень сисемгэце пакшъ. 25 Іисусъ [ 85 ]марта мольсьть лама ломатть, Сонъ шарфць теестъ да мярьгсь: 26 Кода ки-вэкъ сай Теень, а соньць кельгсыня соньцень алянцъ, тядянцъ, эрьванцъ, идензэнъ, брадэнзэнъ да сестранзэнъ, да сонцень эряфэнцъ-ка, ся афъ тіеви моньдеень тонафнефэксъ. 27 Ся-вэкъ афъ тіеви моньдеень тонафнефэксъ, кіе афъ канды эсь крёзонцъ, а соньць моли Монь мельганъ. 28 Кіе тинь эздэнэнтъ ёраньдеряй тіемсъ пашня, афъ озай ингэли да афъ лувсы, мзяра эряви сонь тіемсъ, да саты-ли сонь віецъ аделамксэнза? 29 Кода-бэ, коста сонъ ушэтцы да афъ адэлави теенза, ломатьня афэльть карма пеедемя сонь ланксэнза, 30 станя кортазь: вага тя ломаньсь ушэдсь тіемя, да ашэзь аделавъ теенза. 31 Али кодама оцьазэрсь иля оцьазэрэнь каршэсъ тюремя молемста, афъ озай ингэли, да афъ арси, — саты-ли сонь кемень тёжянь віецъ иля оцьазэрэнь комсь тёжянь віенцъ сяськэмсъ? 32 Уленьдеряй сонь віецъ афъ сатышка, сонъ, ся оцьазэрть ичкезя улемста, кучи теенза ломать мирэндамань анама. 33 Станя сембя тинь эздэнэнтъ-ка, кіе афъ аерды сембень эзда, ся афъ тіеви Моньдеень тонафнефэксъ. 34 Салсь — цебярь; а имафтэньдерясы салсь віенцъ, мезьса [ 86 ]сонъ петема? 35 Сонъ афъ пчькяй афъ модаксъ, афъ наземксъ, эста сонь ёрясазь ушу. Кинь улихть кулемсъ пиленза, ся кулеза.

  1. ↑ пэтандамэстъ.
 

Глава 15-я.

Сизьгемень кафксувэце пакшъ. 1 Іисусэньди сашенцьть сембя тацькянь прдайхня да крефуфня кулцэндэмэнза Сонь. 2 Фарисейхня да книжникня пеняндасьть кортазь: Сонъ прьняндай крефуфнень да ярцай синь мартэстъ. 3 А Сонъ азызя теестъ вага тя ёфксьть: 4 кинь тинь эздэнэнтъ уленьдеряйхть сяда учанза, да фкять синь эздэстъ имафтэньдерясы, афъ кацынень ли сонъ вейхксагемень вейхксэтьнень шава вастцъ, да афъ моли-ли имафть мельгя, сонь мумэзэнза. 5 Мумда меля сявсы сонь кенярьдезь эсь лафту прязэнза. 6 Куду самда меля прдасыня сонъ кельгемя ялганзэнъ, да шабранзэнъ да мярьги теестъ: кенярьдеда монь мартэнъ, монъ муйня имафъ учазень. 7 Мярьганъ тееньть: менель-лангсэнъ-га фкя крефувэнь каиндамань инкса вейхксэгемень вейхксые праведникта сяда лама кенярьдемась [ 87 ]ули. 8 Али кодама ава, уленьдеряйхть сонь кемень драхманза да фкять синь эздэстъ имафтэньдерясы, афъ кэрьвясьти шта-толъ, да афъ кармай кудэнцъ теемя, да драхмать мувэмсъ цебярьста вешеньдемя. 9 Мумда меля тердьсыня сонъ ялганзэнъ да шамбранзэнъ да мярьги теестъ: кенярьдеда монь мартэнъ, монъ муйня имафъ драхмазень. 10 Мярьганъ тееньть: стама кенярьдема уленьди Шкайень ангелхнэньди фкя крефувэнь каендамань инкса.

Сизьгемень вейхксыеце пакшъ. 11 Тага мярьгсь: фкя ломанень ульсьть кафта цёранза. 12 Ёлмась мярьгсь алянцты: аляй, макскъ моньдине, мзяра теень сави паршить эзда. Аляцъ явэзя теестъ паршіенцъ. 13 Афъ лама шинь ётамда меля, ёлма цёрась кочказя сембя паршіенцъ, да тусь ичкези мастэрсъ; тоса кальдявста эрязь ётафтэзя сембя паршіенцъ. 14 Коста сонъ сембя паршіенцъ ётафтэзя, ся мастэрса ульсь вача киза; сонъ кармась пичедемя. 15 Эста мольсь да пець ся мастэрэнь фкя ломаненьди; ся кучезя сонь эсь паксязэнза тувэ ванэма. 16 Сонъ радэль пекэнцъ топафтемсъ тувэнь ярцама церяда, да нядэнъ-га ки-вэкъ ашэзь [ 88 ]максся теенза. 17 Эста сонъ сась эсь мелямэзэнза да мярьгсь: мзяра монь алязень сивэтьфэнза топодемсъ ярцайхть кшида, а монъ тяса вачэда куланъ. 18 Сэрканъ да молянъ эсь алязьти да мярьганъ теенза: аляй, монъ крефъ тіень менельть каршэсъ да тонь каршэзтъ-ка. 19 Тяни монъ эсь сиветьфнень ётксъ. 20 Сэркась да тусь сонъ эсь алянцти. Мзярда сонъ нень-гя ичкезель, няезя сонь аляцъ да ужяльксъ теенза арась, ласьксь (каршезэнза), ашкэтць кэргазэнза да палсезя сонь. 21 Цёрась мярьгсь теенза: аляй, монъ крефъ тіень менельть каршэсъ да тонь каршэзтъ, — монъ тяни афъ пчканъ теть цёраксъ арамсъ. 22 Аляцъ мярьгсь эсь урензэнди: кандэда энь цебярь адёжатъ, да щасьть сонь, кядезэнза максэда сурксъ, а пильгезэнза кемэтъ. 23 Вятеда аннефъ вазъ да печкесьть; карматама ярцама да кенярькшнемя. 24 Веть тя монь цёразя кулэфэль да эриклась: имсесь да мувсь; да кармасть кенярькшнемя. 25 Оцьу цёрацъ ся пинькть паксясэль, куду самста, кода сонъ пачкэць куцнэнъ маласъ да кулезя морамать да кенярькшнемать, 26 терьць фкя уре да кизефтезя: мезе тя тяфтамсь? [ 89 ] 27 Сонъ мярьгсь теенза: тонь братця сась, да аляця тонь, сонь шумбраста саманцъ инкса, печксь аннефъ вазъ. 28 Сонъ кяжіясь да афэлексэль сува куду-га. Аляцъ сонь лись да терьць эсэнза. 29 Сонъ мярьгсь алянцъ каршэсъ: вага монъ мзяра киза работань теть, да мзярдэнъ-га ашэнь лисеньдя тонь валстэтъ; а тонъ мзярдэнъ-га ашэть максся теень сява[1] вярэске-вэкъ, штобэ теень симэмсъ-ярцамсъ ялганень марта. 30 А мзярда сась тя, усксефъ ава марта тонь паршіень имафты цёраця, тонъ печкеть теенза аннефъ вазъ. 31 Аляцъ мярьгсь теенза: цёразя монь! тонъ проксъ монь мартэннатъ, сембя, мезезя ули монь — ся тонь. 32 А сянь кувалмэва эрявэль веселгаткшнемсъ да кенярькшнемсъ: штэ тонь тя братця кулэфэль — тяни эриклась; имсесь — тяни мувсь.

  1. ↑ каза.
 

Глава 16-я.

Кафксэгеменьце пакшъ. 1 Іисусъ мярьгсь эсь тонафнефэнзэнды: ульсь фкя козя ломань да ульсь сонь юртэнь кирьди ломанецъ, конань [ 90 ]лангсъ азфэль теенза, штэ сонъ имафты-арафты сонь паршіенцъ. 2 Сонъ терьдезя сонь, да мярьгсь теенза: мезе монъ кулянъ тонь лангатъ? Макстъ моньдеень лувэма[1] кудэнь кирьдимацень инкса, тонъ афъ пчкатъ сяда ламэсъ монь кудэзень кирьдемя. 3 Эста кудэнь кирьдись арьсесь эсь пачканза: мезь моньдеень тіема? Азэрезя сявсы монь кяцтэнъ кудэнь кирьдеманцъ, модань шувэма афъ пчканъ, анцемя визьдянъ. 4 Шарькедень мезе тіема, што-бэ панемьдэнъ меля прьняндалемазь монь эсь кудэзэстъ. 5 Терьдезень тифтень тифтень азэрэнцъ сембя шумувэнзэнъ, да мярьгсь фкяти: мзяра тонъ шумуватъ монь азэрезьти? 6 Ся мярьгсь: сяда малянка вай. Сонъ мярьгсь теенза: сявэкъ сяда курэкъ эсь сёрмацень, озакъ да сёрматъ — ведьгемень. 7 Сальдя омбэцети мярьгсь: тонь мзяра шумэця? ся мярьгсь: сяда малянка тозёръ. Сонъ мярьгсь сяньди: сявэкъ тоньцень сёрмацень да сёрматъ кафксагемень. 8 Азэрсь шназя ся афъ виде кудэнь кирьдить ёньуста тіеманцъ инкса: веть тя пиньгень ломатьня эсь эрямасэстъ тона валда пиньгень ломаньда ёжуфтъ. 9 Монъ-га мярьганъ тееньть: [ 91 ]тобэвада эстееньть ялгатъ афъ виде козя шиса, штобэ синь, мзярда тинь бѣднайгаттада, прьняндаледезь синьцень пефтемя эряма вастэзэстъ.

Кафксагемень фкіеце пакшъ. 10 Афъ ламэса видесь, ламэсэнъ-га ули виде. Кыржаса афъ видесь — ламэсэнга виде афъ ули. 11 Кода тинь афъ виде козя шиса уледя афъ видетъ, кіе мэле тинь вѣрэндатедезь виде козя шиса? 12 Кода ломанень паршиса уледя афъ видетъ, кіе мэле макссы тееньть тиньценнеть? 13 Кодама-вэкъ уре афъ служиндави кафта азэрэньди: сонъ али фкять кармай кельгемэнза, а омбэцеть афъ кельгемэнза, али фкять мельгя кармай пякь якама, омбэцеть мельгя кальдяфста. Тинь-гя станя афъ служиндафтада фкя пиньгста Шкайти да козя шити-гя. 14 Кулезь сембень тянь ярмакэнь кельги фарисейхня-вэкъ да пеецьть Сонь лангэзэнза.

Кафксагемень кафтувэце пакшъ. 15 Сонъ мярьгсь (фарисейхненьди): тинь ломань ингэля праведникэксъ няфнетяда пря, а Шкайсь содасыня тинь седіеньтень: веть мезе цебярь ломань ингэля, ся кальдявъ Шкайть ингэля. 16 Законъ да пророктъ ульсть Іоаннэнь самсъ; [ 92 ]а тя пинкста Шкайень царствась азэнкшневи да ярь ломаньсь війхса сувай эзэнза. 17 Менельть марта мастэрсь сяда курэкъ сэркайхть васцтэстъ, а законста фкя китькске-вэкъ афъ имай. 18 Ярь ломаньсь, кіе яви аванцъ марта, да иля сяви, ся усксеви; станякъ усксеви ся ломаньць-кя, кона эрьвяяй мирьденцъ марта явэфъ ава ланксъ.

Кафксагемень колмувэце пакшъ. 19 Ульсь фкя козя ломань; сонъ якась порфираса, да виссонса[2], ярь шиня цебярьста симсь, ярцась. 20 Ульсь станякъ фкя нищяй, лемэцъ сонь Лазэрь; сонъ козять орта лангса сый потмэса мадэзь эрясь. 21 Сонъ ёрась пекэнцъ топафтэмсъ козять шэра ланкста пяерьфь кши памэрькста; пинетьня сашэнцьть да сыензень нолсекшнезь. 22 Кулэсь нищяйсь, ангэлхня сонь кандэзь Авраамэнь кядь лангэзэнза. Кулэсь козясь-кя, сонь калмазь. 23 Сонъ адса муцямстэнза кепедезень сельмензэнъ да ичкезьдя няезя Авраамэнь, да Лазэрень-гя сонь кядь лангстэнза. 24 Сонъ пякь серьгедезь мярьгсь: Авраамъ аляй! ужяльдемакъ монь, кучкъ теень Лазэрень, сонъ [ 93 ]начфтэльця-бэ веца суръ прянцъ, да кельмефтельця монь кялезень; веть монъ пичедянъ тя толть эса. 25 Авраамъ мярьгсь: идяй, мяляфтка, веть тонъ эряма пиньгстэтъ сявить эсь цебярьцень, а Лазэрь кальдявэнцъ; тяни сонъ тяса кенярькшни, а тонъ пичедятъ. 26 Да тяда пашка неньгя, тинь мартэнэнтъ минь ётксэнэкъ ащи потмаксфтэма лотка, сясъ, ёрайхня молемсъ тяста тинь ваксэзэнэнтъ афъ молевихть; станякъ тинь вакстэнэнтъ-ка миньдеенекъ аф ётнихть. 27 Эста сонъ мярьгсь: ина эняльдянъ теть, аляй, — кучкъ сонь монь алязень кудэзэнза. 28 Монь вете брадня, кадкъ сонъ азсы теестъ, кода синь-гя афэльть са тя пичедемя вастти. 29 Авраамъ мярьгсь теенза: синь ули Моисейсна да пророксна, кадкъ синь кулцэнцазь[3]. 30 А сонъ мярьгсь: афъ, Авраамъ, аляй, а кулэфнень ёткста ки-вэкъ эриклазь саньдеряй теестъ, эста синь каендайхть. 31 Эста Авраамъ мярьгсь теенза: Моисей марта пророкнэнь кулцэндэфтерясазь, эста кулэфъ-ка эрикланьдеряй — сянь-гя афъ кулцэнцазь.

  1. ↑ очотъ.
  2. ↑ пекъ питни адёжаса.
  3. ↑ Синь улихть Моисеень сёрматфъ книгасна да пророкнэнь сёрматфъ книгасна, кадкъ ся книгатьнень кулцэндэзь эряйхть.
 
[ 94 ]

Глава 17-я.

 1 Іисусъ мярьгсь станякъ эсь тонафнефэнзэнди-гя: апакъ васькафтфста афъ эряватъ; аньцякъ афъ цебярь сяньди, конань вельдя синь сашэндыхть. 2 Фкя ня ёлматнень ёткста васькафтэмда сяда пара улель-бэ теенза, кода сотэльть сонь сялдазэзэнза яжама кевъ да ёрдалезь сонь морясъ.

Кафксагемень ниліеце пакшъ. 3 Ванэда эсь мельганэнтъ: тонь братця теть кальдявэнь тіезь суваньдеряй крефсъ, азыкъ теенза. Эняльденьдеряй теть — простиндакъ сонь. 4 Шити сисемькскть тіеньдеряй теть кальдявъ, да сисемьксьть эняльдезь мярьгеньдеряй теть: каиндань; тонъ простиндакъ сонь. 5 Апостолхня мярьгсьть Іисусти: касэфткъ минь эсэнэкъ вѣрать. 6 Іисусъ мярьгсь: уленьдеряль тинь вераньтя горчицань видьмешка, да мярьгеньдеряледя тя марь шуфтти: таргафтъ, да озакъ моря ланксъ, — сонъ кулцэндэледезь тинь. 7 Кіе тинь ёткстэнэнтъ, конань ули сокай, али стадань ваны урецъ, сонь паксяста самдэнза меля, мярьги теенза: сакъ сяда курэкъ озакъ [ 95 ]шэрать ваксъ. 8 Афъ мярьги ли сонъ теенза: аныклакъ теень ярцама да перьфкатъ нардамань карксазь монь ярцамэзэнъ, симемэзэнъ ащекъ монь ингэленъ. Тоса тоньць-кя ярцакъ, сипть. 9 Сальдя азэрсь, сонь кошардэманцъ кулцэндэмань инкса, азы-ли урети пасиба? Афъ думанданъ. 10 Станякъ тинь-гя, мзярда тисасьть сембя тееньть кошардэматнень, эста мярьгедя: минь уретьня мезе-вэкъ афъ тихтяма: минь тіемя аньцякъ сянь, мезе теенекъ эрявэль тіемсъ. 11 Іерусалиму молемста Сонъ ётась Самаріять марта Галилеять ёткэва.

Кафксагемень ветіеце пакшъ. 12 Фкя велесъ сувамста васьфьтезь Сонь кемень проказаса сяряди ломать, конатъ лоткасьть ичкези, 13 да оцьу вайгельть сересьть: Тонафты Іисусъ! ужяльдемасьть минь! 14 Сонъ синь няезь, пшкяць теестъ: арда няфтеда пря попнэньди. Синь молемстэстъ-кигя сембя пчкясьть. 15 Фкясь синь ёткстэстъ, кодакъ пчкаманцъ няезя, оцьу вайгельса Шкайть шназь мрдась меки, 16 да прась Сонь пильгезэнза да мярьгеньць Теенза пасибатъ; ся ломаньць Самаріянь эряель. 17 Эста Іисусъ мярьгсь: афъ кемень-ли пчкясьть, [ 96 ]вейхксатьня косэтъ? 18 Кода синь тя иля плямань ломаньдя пашка ашэсьть мрда Шкайть шнамэнза? 19 Сальдя мярьгсь теенза: стякъ да артъ, тонь вераця ваныньзя тонь.

Кафксагемень котувэце пакшъ. 20 Фарисейхня кизефтезь Сонь: мзярда сай Шкайень царствась? Сонъ мярьгсь теестъ: Шкайень царствась афъ сай содавста. 21 Сонь эздэнза афъ мярьгихть: вага сонь тяса, али вона тоса: Шкайень царствась тиньцень потмэсэнэнтъ. 22 Мярьгсь станякъ тонафнефэнзэнды: сайхть шитъ, мзярда ёраледя тинь фкя шишка Ломанень Цёрать няемсъ, да афъ няйсасьть. 23 Мярьгихть тееньть: вага Сонъ тяса, али тоса, тяда яка, да тяда ласькеньдя. 24 Кода ёндолсь кэфчяди менельть фкя песа, а валдэцъ няяви менельть омбэця песэнза, станя ули Ломанень Цёраськя эсь шистэнза. 25 Аньцякъ ингэли эряви Теенза лама страдандамсъ, да аертфъ улемсъ сембя тя пиньгень ломатьнень вельдя.

Кафксагемень сисемгэце пакшъ. 26 Кода уленьць Ноень пинкста, станя ули Ломанень Цёрать шистэнъ-га. 27 Кода Ноень пинкста [ 97 ]ярцасьть симьсьть, эрьвяякшнэсьть да эрьваксъ лисеньцьть ся шить самсъ, мзярда Ной сувась ковчегу да тусьть пизепть: сембя мастэръ ланксь пяшкэць ведьтя да сембя ваясьть. 28 Станякъ, кода уленьць Лотэнь пинкста, ярцасьть, симсьть, рамсесьть, мишеньцьть, озафнесьть, стройсесьть 29 ся шить самсъ, конаста Лотъ лись Содомста, да тусь менельста палыкандырэнь да толэнь пиземъ, да сембень машфтэзень. 30 Станя ули ся шистэнъ-га, конаста тихтеди Ломанень Цёрась. 31 Ся шиня, кіе токади кудъ пряса, а паршіецъ куца, тяза моль синь сявамэстъ, кіе токади паксяса, станякъ тяза мрда меки. 32 Мяляфтэсьть Лотэнь аванцъ. 33 Кіе кармай ваймэнцъ ванфтэма, ся сонь имафцы, а кіе имафцы сонь, ся сонь шивэлгэфцы. 34 Азэнца тееньть: ся веня уленьдеряйхть кафта ломать фкя васта ланкса, фкясь сявэви, а омбыцесь иляды. 35 Яжаньдеряйхть кафта аватъ марса, фкясь сявэфъ ули, а омбыцесь катфъ. 36 Уленьдеряйхть кафта ломать паксяса, фкясь сявэфъ ули, а омбыцесь катфъ. 37 Тянь каршэсъ мярьгсьть Теенза: Шкабавасъ! коса станя ули. Сонъ теестъ [ 98 ]мярьгсь: коса ули каяфъ кулэфъ ломань, эза пурэмихть куцькатня.

 

Глава 18-я.

Кафксагемень кафксувэце пакшъ. 1 Станякъ азсь теестъ ёфксъ, кода эряви проксъ, апакъ каньдзетъ озэндэмсъ: 2 Фкя ошса уленьць судія; сонъ Шкайдя ашэзь пеленьдя, ломаньдя ашэзь визьня. 3 Сяка ошса уленьць фкя вдавой ава: сонъ сашэнкшнесь ся судіяти да энялькшнесь теенза мярьгезь: идимакъ монь моньдеень кальдявэнь тіить эзда. 4 Судіясь васенда ламэсъ ашэзь ёра сонь кулцэндэмсъ, мекь-пяли мярьгсь эсь пачканза: Монъ хоть Шкайденъ-га афъ пелянъ, ломаденъ-га афъ визьдянъ, 5 а кода тя вдавой авась афъ максы теень ваймама ётка, идиса сонь, кадкъ лоткай монь машнефтеманъ. 6 Іисусъ мярьгсь: марясасьть мезьть кортай афъ видя судіясь? 7 Шкайсь афъ идесыненъ-ли эсь кочкафэнзэнъ, конатъ шинекь венекь эняльдихть Теенза? Сонъ аньцякъ афъ яряскады. 8 Азэнца тееньть: Сонъ курэкъ синь идесынень. Аньцякъ Ломанень Цёрась [ 99 ]сазь муи-ли мастэръ ланкса вѣра? 9 Азсь станякъ ёфксъ ся ломатьненьди-гя, конатъ эсь пряснэнъ лувэлезь праведнайкс, а илятьнень сялдэлезь.

Кафксагемень вейхксыеце пакшъ. 10 Кафта ломать сувасьть церькаву озэндэма. Фкясь фарисеель, омбыцесь тацькянь прдаель. 11 Фарисейсь арась да ва кода озэнць эсь пачканза: пасиба Теть, Шкабавасъ, монъ афъ стаманъ, кодаптъ иля ломатьня: салайхть, обжайхть, усксевихть, ала вага кодама тя тацькянь прдайсь. 12 Недѣляти кафксьть постъ кирьдянъ, мезе тобуванъ, кеменьце пакшть явэнца иляньди. 13 Тацькянь прдайсь ащесь (ширеса), да визьдьць сельмэнзэнъ кепедемсъ-ка менельти, сонъ ярьхнесь мяштенцъ да кортась: Шкабавасъ! улеза милозьця моньдеень, крефувти. 14 Азэнца теенть: веть тя (тацькянь прдайсь) мрдась куду тонада пякь простиндавста: веть кіе эсь прянцъ оцьуксъ ванцы, ся ёлмалгафтфъ ули, а кіе эсь прянцъ ёлмалгафцы, ся оцьулгафтфъ ули.

Вейхксагеменьце пакшъ. 15 Каннесьть [ 100 ]Теенза баславиндамсъ идьнятъ-ка. Тонафнефэнза сянь няезь кардасьть синь эсэстъ. 16 Іисусъ терьдезень синь да мярьгсь теестъ: нолдаеньть идьнятнень моньдеень сашендэма да тяеньть кирьня синь. Веть тяфтапнень ули Шкайень царствась. 17 Видеста мярьганъ тееньть: кіе ня идьтьнянь лаца афъ прьняндасы Шкайень царьствать, ся афъ сувай эзэнза.

Вейхксагемень фкіеце пакшъ. 18 Кизефтезя Сонь фкя пряфксъ ломань: Цебярь тонафты! мезть теень тійма пиньгень пиньгсъ эрямати сувамань инкса? 19 Іисусъ мярьгсь теенза: мясъ тонъ путьнесамакъ Монь цебярьксъ? Шкайда пашка ки-вэкъ ашъ цебярь. 20 Заповѣдьтнень содасайть: тятъ усксювъ, тятъ шавэнда, тятъ сала, иля лангсъ кельгетьнезь тятъ корта, ваныть аляцень, тядяцень мяльснэнъ. 22 Сонъ мярьгсь: сембень нянь монъ одъ пингстэнъ-кигя тіеньдинень. 22 Тянь марязь Іисусъ мярьгсь теенза: неньгя фкя афъ сатни теть: міить сембень, мезьця тонь ули да явэндыть нищаеньди, эста тонь паршиця кармай улемя менельть ланкса, а тоньць сакъ да мольхть Монь мельганъ. 23 Сонъ тянь марязь [ 101 ]пякь каньдзедезювсь, — сонъ пякъ ни козяль. 24 Іисусъ няезя сонь каньдзедеманцъ да мярьгсь: вага кода стака козя ломаненьди Шкайень царствати сувамсъ! 25 Верьблюдти сяда тёждяня салмэксъ пилева ётамсъ, кода козяньди Шкайень царствати сувамсъ. 26 Тянь маряйхня сембя мярьгсьть: тяда меля кіе ина ванови? 27 Іисусъ мярьгсь: мезьсь афъ тіеви ломатьненьди, сянь тисы Шкайсь. 28 Петръ мярьгсь: вага минь сембень кадынекъ, да молимя Тонь мельгатъ. 29 Сонъ мярьгсь теестъ: видеста кортанъ тееньть, ашъ стама ки-вэкъ, конацъ кадэльця Шкайень царствать инкса эсь кудэнцъ, али алянцъ-тядянцъ, али брадэнзэнъ сестранзэнъ, али аванцъ, идензэнъ, 30 да афэль сяфть сянь инкса сяда лама тя эрямаса да тона шистэнъ-га пиньгень пингсъ афэль карма эряма.

Вейхксагемень кафтувэце пакшъ. 31 Терьдезень шири кемгафтува тонафнефэнзэнъ да мярьгсь теестъ: вага минь куцьтяма Іерусалиму, да пяшкедихть сембя пророкнэнь Ломанень Цёрать ланга сёрмадэмасна. 32 Макссазь Сонь язычникьнень кяцъ, да пеецазь Сонь, [ 102 ]скорьбиндасазь да сельгенсазь. 33 Кармайхть пиксэмэнза да шавсазь Сонь, а колмэце шиня Сонъ эриклай. 34 Синь мезе-вэкъ тянь эзда ашэсьть шарькэдь, ня валхня синь эздэстъ кяшефтэльть, сясъ синь ашэзь шарькэдь теестъ азэфть.

Вейхксагемень колмувэце пакшъ. 35 Іисусэнь Ерихонъ маласъ пачкодемста кить ширеса ащесь озада фкя сокэръ ломань, да анась милостина. 36 Кода сонъ марязя ваксканза народть ётамста кизефць: мезе тя тяфтама? 37 Сондіенза азсьть: Назареень Іисусъ ётай. 38 Эста сонъ ювадезь мярьгсь: Давидэнь Цёра Іисусъ, ванэмакъ монь! 39 Ингэли молихня карнезь сонь серемьда, а сонъ сяданъ-га пякь сересь: Давидэнь Цёра, ванэмакъ монь! 40 Іисусъ лоткась, да мярьгсь сонь эстіенза вятемда. Мзярда ся мольсь ваксэзэнза, кизефтезя сонь: 41 Мезе ёратъ монь эздэнъ? Сонъ мярьгсь: Шкабавасъ, монъ ёранъ няемсъ. 42 Іисусъ мярьгсь теенза: няйхть, — вѣраця тонь ваныньзя. 43 Сонъ эста-кигя кармась няемя да Шкайть шназь тусь Сонь мельганза. Сембя народьсь тянь няезь шнась Шкайть эса.

 
[ 103 ]

Глава 19-я.

Вейхксагемень ниліеце пакшъ. 1 Сальдя Іисусъ сувась Іерихону да ётась пачканза. 2 Тяса ульсь фкя Закхей лемса тацькянь прдаень пряфксъ козя ломань. 3 Сонъ вешеньць Іисусэнь няемсъ, кодама Сонъ, аньцякъ народть ёткста соньдіенза ашэзь няю: сонь (Зекхеень) серецъ ёлмаль. 4 Ласьксь сонъ ингэли, да куцьсь шуфта прясъ, конань вакска Іисусэньди ётамсъ савэль. 5 Іисусъ кодакъ пачкэць ся вастти варжаксць, да няезя сонь, да мярьгсь теенза: Закхей, валкъ сяда курэкъ: тячи Моньдеень эряви улемсъ тонь куцэтъ. 6 Сонъ яряскадэзь валксь, да кенярьдезь прьняндазя Сонь. 7 Тянь няезь, сембя пеняндазь кортасьть: месъ Сонъ сувась крефу ломанень пяли. 8 Закхей арась Іисусэнь ингэли да мярьгсь: Шкабавасъ, паршизень пяленцъ явэнца нищаеньди, кинь-гя, мезьсэнъ-га обжаньдерянь, сяньди панца нилень-кырда. 9 Іисусъ мярьгсь теенза: тячи сась тя кудть идимацъ, веть сонъ-га Авраамэнь цёра. 10 Веть Ломанень Цёрась сась имафнень вешеньдемэстъ да ванэмэстъ. 11 Сонь Іерусалимть эзда афъ ичкизя улемстэнза [ 104 ]кулцэндыхня арсесьть, — курэкъ тяни сай Шкайень Царствась. Сонъ тя ланга азсь теестъ ёфксъ.

Вейхксагемень ветіеце пакшъ. 12 Мярьгсь: фкя цебярь родэнь ломань тусь ичкизя шири царствань сявэмя, да мэле меки мрдама. 13 Терьдезень сонъ кемень урензэнъ, максь теестъ кемень минатъ[1] да мярьгсь теестъ: монь самэзэнъ нолдаеньть синь тевсъ. 14 Сонь ошсэнза эряйхня афэлезь кэльгя сонь; синь кучьсть сонь мельганза кучелкстъ теенза азэма: минь афъ ёратама, што-бэ тонъ минь ланксэнэкъ оцьазэрксъ улелеть. 15 Мзярда сонъ царствань сявэмда меле мрдась куду, мярьгсь: терьдіеньть моньдеень ся уретьнень, конатненьди монъ максэнь минатъ, теень эряви содамсъ, мезе синь тисьть синь эсэстъ. 16 Сась васеньцесь да мярьгсь теенза: азэрэзя, тонь минаця тись тага кемень минатъ. 17 Сонъ мярьгсь теенза: цебярь, пара уре, афъ лама ланкса улеть видя, — сявть кирьдемсъ кемень оштъ. 18 Сась омбэцесь да мярьгсь: азэрэзя, тонь минаця тись тага вете минатъ. 19 Мярьгсь сяньди-гя: тонъ-га ульть вете ошъ ланкса оцьуксъ. [ 105 ] 20 Сась колмэцесь да мярьгсь: азэрэзя, вага тонь минаця, монъ сонь руця потмэса ашкэдэзь ванфтыня. 21 Монъ пелень тонь эздэтъ: тонъ веть ломаньсь кяжіятъ, сявэньдятъ, мезе ашэть путня, нуятъ, мезе ашэть видя. 22 Азэрсь мярьгсь теенза: кальдявъ уре, тоньцень валхнэнь кувалмэва карманъ судиндамэтъ: (коли) тонъ содайть, монъ ломаньсь кяжіянъ, сявэньдянъ, мезе ашэнь путня, нуянъ, мезе ашэнь виденьдя, 23 месъ ина тонъ ашэть макса монь сіязень торгаваеньди, самда меля монъ сявэлиня сонь касэзь? 24 Сяда меля мярьгсь ингэленза ащихненьди: сявэсьть сонь кяцтэнза минать, да максэсть сяньди, конань кемень минанза. 25 Мярьгсьть теенза: азэрнекя, сонь стадэнъ-га кемень минанза. 26 Сонъ мярьгсь: азэнца тееньть, ярь ломаньти, конань ули, сяньди тага максови, кинь ашъ, сянь кяцта, мезецъ ули, ся-вэкъ кяцтэнза нельгеви. 27 Налдаци туеньть теень сня моньдеень кальдявэнь арсихнень, конатъ ашэсть ёра синь лангсэстъ монь оцьазэрксъ улемазень да монь ингэльдэнъ шавіенть синь. 28 Тянь азэзь, Іисусъ тусь ингэли, Іерусалимть пяли куцезь.

[ 106 ]Вейхксагемень котувэце пакшъ. 29 Мзярда Іисусъ шашць Виѳагія марта Вифанія маласъ, Елеонскей пандть ваксъ, кучезень кафта тонафнефэнзэнъ 30 да мярьгсь теестъ: арда каршэзнэкъ велети, эзэнза сувазь мутада сотфъ одъ осёлъ, конань ланксъ тя пинкти ки-вэкъ ашэзь озся, юксэсьть сонь да вятесьть Моньдеень. 31 Ки-вэкъ кизефтеньдерятядезь тинь: мезеньди юкссасьть, тинь тяфта мярьгеда теенза: Сонъ эряви Тонафтынекеньди. 32 Кучфня тусьть да музь, кода азэзя теестъ Іисусъ. 33 Осёлэнь парнэть юксэмста азэрхня мярьгсьть теестъ: мезеньди юкссасьть парнэть? 34 Синь мярьгсьть: сонъ эряви Тонафтынекеньди. 35 Вятезь сонь Іисусэньди, вельтязь парнэть эсь адёжаснэнъ марта, да озавтэзь лангэзэнза Іисусьть. 36 Сонь ласьтя ётамстэнза, ломатьня атцэзь кинцъ ланга эсь адёжаснэнъ.

Вейхксагемень сисемгэце пакшъ. 37 Мзярда Сонъ пачкэць Елеонскей пандть пряста валгэма вастти, сембя тонафнефэнза кармасьть кенярьдезь, оцьу вайгельхть сембя няйфъ чудатьнень инкса Шкайть шнама, станя мярьгезь: 38 Баславиндафъ Шкайть лемса сай Оцьазэрсь! [ 107 ]Менельть ланкса кенярьдема, сембедя вяре шнама. 39 Кона-кона фарисейхня народть ёткста мярьгсьть Теенза: Тонафты, кардайхть эсь тонафнефнень. 40 Сонъ мярьгсь теестъ: азэнца тееньть: синь лотканьдеряйхть, кефня серьгедихть. 41 Ошть малавъ пачкэдемста, (Іисусъ) сонь лангэзэнза ванэзь, аварьгаць сонь инксэнза, 42 да мярьгсь: эхъ, соданьдерялить тонъ куть тя шиня, мезе теть эрявэль тіемсъ сетьместа эрямацень инкса; анцякъ ся тяни кяшефъ тонь сельметьнень эзда. 43 Вага сайхть тонь лангэзэтъ шить: душматьня арайхть тонь перьфкать, шувихть перьфкатъ лотктъ; да ярь ширеста кармайхть эсэть лэпштама. 44 Срафнетядезь, да шавэнцазь сембя тонь идьтнень; афъ кадыхть тонь эздэдэтъ фкя-вэкъ кевь ланксъ кевь, сянкса, месъ тонъ ашэть сода тонь эзэтъ сама шить.

Вейхксагемень кафксувэце пакшъ. 45 Сувась Сонъ церькаву да кармась тоста панемя міихнень, рамайхнень ва кода теестъ мярьгезь: 46 Веть сёрматфъ: Монь кудэзя — озэндэма кудъ, а тинь тіесьть сонь разбойникень пурэмма вастэксъ. 47 Сяда меля Сонъ ярь шиня тонавць [ 108 ]церькавса. Первосвященникня, книжникня да ломанень прявксня вешеньцьть, кода Сонъ шавэма, 48 да ашэсть мушенда мезе Теенза тіема: сембя ломатьня Сонь вакста апакъ аерда проксъ кулцэнцьть Сонь эсенза.

  1. ↑ мина лемса ярмактъ ульсьть.
 

Глава 20-я.

Вейхксагемень вейхксыеце пакшъ. 1 Іисусэнь церькавса ломатьнень тонафтэмста да пара кулянь азэндэмста шашьцьть Теенза фкя шиня первосвященникня да книжникня сире атятьнень марта да мярьгсьть Теенза: 2 Азкъ миньдеенекъ, кодама воляса Тонъ тяфта тіеньдятъ, кіе максэзя тя волять Теть? 3 Сонъ мярьгсь теестъ: Монъ-га фкя ланга кизефттядезь тинь, азэсьть Моньдеень: 4 Іоаннань кстиндамацъ менельста ульсь, али ломанень эзда? 5 Синь эсь ёткэвастъ арсезь, кортасьть: азэньдерясаськъ менельста — эста мярьги Сонъ: месъ ина тинь ашэдя верэнда теенза? 6 Азэньдерясаськъ — ломанень эзда, эста сембя ломатьня кевса шавсамазь минь, — веть синь верэндайхть, штэ Іоаннъ пророкъ. 7 Меля мярьгсть: афъ [ 109 ]содцаськъ коста. 8 Іисусъ мярьгсь теестъ: Монъ-га афъ азса тееньть, кодама воляса тяфта тіеньдянъ.

Сядэце пакшъ. 9 Сальдя Іисусъ кармась азэндэма ломатьненьди тя ёфксть: Фкя ломань озафць виноградэнь садъ, да максызя сонь садъ ваныеньди, а соньць тусь лама кизэсъ шири. 10 Марень кенерезь, сонъ кучезя уренцъ садъ ваныхненьди виноградъ инкса, садъ ваныхня пиксезь уреть да шава кучезь меки. 11 Тага кучсь омбыце уренцъ, синь сянь-гя сюцезь да пиксезь шава меки кучезь. 12 Тага кучсь колмэцеть, синь сянь-гя версъ тапазь панезь. 13 Эста мярьгсь виноградъ садэнь азэрсь: тяни мезьть моньдеень тіеньдема? кучса монъ моньцень кельгемъ цёразень, сонь няеньдерясазь афъ визьделгадыхть-ли эздэнза? 14 Садъ ваныхня сонь няезь, эсь ёткэвастъ кортасьть: вага тя сонь цёрацъ, арьда шавсаськъ сонь, сальдя сембя паршіецъ минь ули. 15 Синь лихтезь сонь ушу виноградэнь перяфста да шавэзь. Мезь тіи сянкса синь мартэстъ виноградэнь садъ азэрсь? 16 Сонъ сай да шавэнцыня садъ ваныхнень, а садть макссы илянди. Тянь [ 110 ]маряйхня мярьгсьть тя ланга: станя тяза уль. 17 Іисусъ варжаксьть лангэзэстъ да мярьгсь: мезе ули тя сёрматфсь: кона кевть ёрдазь тіихня, ся тіювсь ужэнь пряксъ? 18 Ярь прайсь сонь лангэзэнза тапави, а кинь ланксъ соньць прай — сяй лэпштасы.

Сяда фкіеце пакшъ. 19 Первосвященникня да книжникня шарькедезь, штэ синь кувалмэвастъ азэзя тя ёфксть, да вешеньцьть ся пинкть Сонь лангэзэнза кядень кепэдема, аньцякъ синь пельсьть народть эзда. 20 Синь Сонь мельганза ванэндэма кучсьть Теенза ёжу ломатть, конатьня эсь пряснэнь цебярьксъ няфнезь, коданъ-га кундалезь бэ Сонь валса да максэлезь начальникненьди да оцьу прафкснэньди. 21 Синь кизефтезь Сонь: Тонафты, минь содасаськь, Тонъ видеста кортатъ, да тонафтатъ, ломань ланксъ афъ ванатъ, а видеста тонафтатъ Шкайть кизэнза. 22 Эряви ли миньдеенекъ пандэмсъ тацькя Кесареньди, али афъ? 23 Сонъ шарькедезень синь васькафнемаснэнъ да мярьгсь теестъ: месьть тинь Монь снарясамасьть? 24 Няфтеда Теень ярмакъ, кинь шамась лангэзэнза тифь, кинь сёрматьня [ 111 ]лангсэнза? Синь мярьгсьть: Кесарень. 25 Сонъ мярьгсь теестъ: Станя максэсьть Кесареньнеть — Кесареньди, Шкайеньнеть — Шкайти. 26 Станя ашэзь кундавъ теестъ ломань ингэльдя валса, — синь дивандасьть каршэзэстъ кортамазэнза да лоткасьть (кортамда).

Сяда кафтувэце пакшъ. 27 Эста сасьть финцтъ садукейхнень эзда, конатъ афэлезь верэнда тона шинь эрикламать да кизефтезь Сонь: 28 Тонафты, Моисей сёрмаць миньдеенекъ: кинь-гя кулэньдеряй эрьвяяфтфъ брадэцъ идьфтемя, сонь эрьванцъ брадэнцты эряви сявэмсъ; (кулэфъ) брадэнцты плямань нолдамань-инкса. 29 Ульсьть сисемь браттъ; эрьвяясь васеньцесь, да идьфтемя кулэсь. 30 Эрьванцъ сявэзя омбэцесь, да се-вэкъ кулэсь идьфтемя. 31 Сявэзя сонь колмэцесь. Станякъ сисемцькя сявэньдезь сонь да кулэсть идень апакъ кадтъ. 32 Семьбеда меля кулэсь авась-кя. 33 Кулэфнень эрикламда меля, конанцты синь эздэдэстъ сонъ ули эрьваксъ? веть сисемцькя сявэньдезь сонь эрьваксъ? 34 Іисусъ мярьгсь синь каршэзэстъ: тя шиса эряй ломатьня эрьвяякшнихть, да эрьваксъ тушендыхть, 35 а [ 112 ]конатъ кулэмда меля эриклайхть, да тона шити сувавихть, сятьня афъ эрьвяякшнихть, эрьваксъ-га афъ тушэндыхть. 36 Синь кулэмда меля эриклазь, ангэлхнень марта фкаксъ арайхть, Шкайень идьксъ тіевихть, да мзярдэнъ-га афъ кулыхть. 37 А штэ кулэфня эриклайхть, сянь Моисей-гя купинать ваксса азэзя, кода сонъ мярьгсь Шкайти: Тонъ Авраамэнь Шкайецатъ, Исаакэнь-гя Шкайецать, да Іаковэнь-гя Шкайецать; 38 Шкайсь веть афъ кулэфнэнь Шкайсна, а шифнень. Веть Шкайть ингэля сембя шифть. 39 Тянь каршэсъ финцъ книжникьня мярьгсьть: Тонафты, тонъ лацъ кортать. 40 Тяда меля мезень кувалмэванъ-га ашэсьть смеинда Сонь кизефтемсъ. Сонъ мярьгсь теестъ: 41 Кода Христозьть эзда мярьгихть, штэ Сонъ Давидэнь Цёрацъ? 42 А соньць Давидьсь кортай псаломэнь книгасэнза: азсь Шкайсь монь Шкаезьти: озакъ Монь види ширезэнъ, 43 да ащекъ ся пиньгти, мзярда Монъ пуцайня Тонь душматнэнь Тонь пилькцень алу. 44 Станя Давидъ-ка Сонь Шкайксъ пуцы, коданя мэле Сонъ теенза цёра?

Сяда колмувэце пакшъ. 45 Народть [ 113 ]кулцэндэмста Сонъ мярьгсь эсь тонафнефэнзэнды: 46 Ванэда пря книжникьнень эзда, конатъ кельксазь кувака адёжаса якамать, кельксазь народъ ингэльдя теестъ сюкэнякшнемать, тонафтэма куца сембедя ингэля озада ащемать, а инжи ёткса сембедя цебярь вастца ащемать. 47 Конатъ сявэньдихть вдова авань кудтъ, ломаненьди прянь няфтеманкса ламэсъ озэндыхть. Синь прьняндайхть сянь инкса оцьу мувэргафтэма.

 

Глава 21-я.

 1 Іисусъ варжакстэзь няйсь, кода козя ломатьня каясьть церкавэнь крушкати. 2 Станякъ няйсь, кода фкя бѣднай вдова ава пуць кафта лептатъ[1]. 3 Іисусъ мярьгсь: видеста кортанъ тееньть, тя бѣднай вдова авась сембэда лама пуць. 4 Веть сембя нятъ козя шистэстъ пуцьть Шкайти казьнетъ, а сонъ эсь ашъ шидэнза путэзя сембень, мезецъ сонь ульсь эрямсъ.

Сяда ниліеце пакшъ. 5 Весьть кона-кона ломатьня кортасьть церькавьть ланга, кода сонъ мазэлгатфъ питни кевса да цебярь артэмаса. [ 114 ]Іисусъ мярьгсь сятьненьди: 6 Вага сайхть шитъ, эста, мезе тинь тяста няйхтяда, афъ иляды кевь ланксъ кевь — сембя ули срафнефъ. 7 Кизефтезь Сонь: Тонафты! мзярда ся станя ули? Кода содави сянь улемацъ?

Сяда ветіеце пакшъ. 8 Сонъ мярьгсь: ванэда пря, коданъ-га афэледезь васькафта, — эста лама сайхть Монь лемсэнь да мярьгихть, кортазь: тя Монанъ. Ся пинкьсь ни маласа. Тинь тяда яка синь мельгастъ. 9 Маряньдерятада война ланга, пэзэргадэма ланга, тяда пель неньгя: ингэли няньди улема, а афъ эста-кигя неньгя пинькть пецъ. 10 Эста мярьгсь Сонъ: кепеди народъ народэнь каршэсъ; мастэръ — мастэрэнь каршэсъ. 11 Вастэкъ-вастэкъ улихть мастэрэнь віи шерькематъ, сайхть вача кизэтъ, віи кулэматъ[2], улихть афъ цебярь тихтедематъ да оцьу няевматъ менельста.

Сяда котувэце пакшъ. 12 Сембень нянь улемда ингэля кепецазь лангэзэнэнтъ синьцень кяцнэнъ: кармайхть Монь лемезень инкса тинь паньцемэнэнтъ, макстедезь тюрьмасъ, [ 115 ]тонафтэмъ куцъ вятьтедезь оцьазэрэнь да пряфксэнь ингэли. 13 Ся ули тееньть Монь ланганъ кортаманкса. 14 Тинь путэсьть эсь седизэнэнтъ афъ арсемсъ ингэли, мезе тееньть кортамсъ. 15 Монъ максанъ тееньть кяль да оцьу ёнь, конатьнень каршэсъ мезе-вэкъ афъ мярьгевихть, да афи ащевихть сембя тинь каршэзэнэнтъ молихня. 16 Тинь максфтъ ульхтяда тиньцень аляньтень, тядяньтень, да брадэнтень, да радняньтень, да ялганьтень вельдя; конатьнень-конатьнень тинь ёткстэнэнтъ кулэфцазь. 17 Сембеньди ультяда афъ кельгематъ Монь лемезень инкса. 18 Аньцякь фкя шяерь-гя тинь прястэнэнтъ афъ имай. 19 Кирьдиманьтень марта ванэда эсь вайменьтень. 20 Няеньдерясасьть Іерусалимть салдаца перяфста, эста содада, сонь маштэмацъ малавъ шашць. 21 Эста Іудеяса улихня ласькэстъ панда прявъ, кіе ули ошса, лисеза эздэнза, кіе ули ошта ушэса, тяза сува эзэнза. 22 Ня шитня улихть Монь инксэнъ пандэмаксъ, кадкъ пяшкеди сембя сёрматфсь. 23 Афъ цебярь ули ня шитнень пяшксса аватьненьди, да потяса потяфтыхненьди, веть мастэръ ланкса оцьу пичедема ули, да кяжъ тя народть ланксъ. 24 ( [ 116 ]Лама) прайхть оржа палажень эзда, сявэфть улихть палонцъ сембя народъ ёткэва. Іерусалимть эса кармайхть язычникьня тѣсняндама ся пинькти, мзярда сай синь маштэма песна. 25 Улихть няевматъ шить эса, ковть эса да тяштьнень эсэнъ-га; мастэрть ланкса ули каньдзедема да пичедема; морясь тустэлгады да кармай шольняма. 26 Ломатьня, яведезь да мастэрть ланксъ кальдявэнь самать учезь, кулыксъ арайхть, эста веть менелень війхня-вэкъ тырназевихть. 27 Эста няйсазь Ломанень Цёрать туця ланкса саманцъ оцьу шнаманцъ да віенцъ марта.

Сяда сисемгэце пакшъ. 28 Мзярда сембя нятъ кармайхть пяшкедемя, эста тинь видемэда да пряньтень кепедіенть, — эста веть малавъ шашты тинь идеманьтя. 29 Азсь теестъ ёфксъ: варжакстэда смоковница ланксъ, да сембя шуфтнэнь ланксъ. 30 Мзярда синь кармайхть лопань нолдама, эста тинь, сянь няезь, тиньцкя содасасть, штэ маласа кизэсь. 31 Станякъ, мзярда тинь няйсасть нянь топодемаснэнъ — содасьть, штэ маласа ни Шкайень царствась. 32 Видеста мярьганъ тееньть: афъ ётай [ 117 ]тя пиньксь-кя, кода сембя нятъ пяшкедихть. 33 Менельсь-кя, мастэрсь-кя маштыхть, а Монь валня апакъ пяшкедть афъ илядыхть. 34 Ванэда эсь мельганэнтъ, седіеньтя тинь афэльть сталгада ярцамаса, иредемаса[3], да эряфэнь каньдзедемаса, кода афэледезь сата ся шись апакъ учтъ. 35 Веть сонъ сембя мастэръ ланкса эряйхнень афтэмаксъ фатясыня. 36 Станя, проксъ эсь мельганэнтъ ванэндэда да озэндэда, коданъ-га-бэ тееньть мянемсъ сембя ня сай кальдяфнень эзда да арамсъ Ломанень Цёрать ингэли.

Сяда кафксувэце пакшъ. 37 Шить Сонъ тонафць церькавса, а ветьнень тоста лисезь ётафнезень Елеонскей панда пряса. 38 Сембя ломатьня шобдава-кигя сашэнцьть церькавсъ Сонь кулцэндэмэнза.

  1. ↑ полушкатъ.
  2. ↑ мортъ.
  3. ↑ винада симмаса.
 

Глава 22-я.

 1 Малавъ шашнесь ламбама кшинь[1] празниксь, конаньди мярьгельть очежи. 2 Первосвященникня да книжникня вешеньцьть, [ 118 ]кода-бэ Сонь имафтэмсъ, аньцякъ синь пельсьть ломатьнень эзда. 3 Сувась шайтанъ фкяньди кемгафтува апостолхнэнь ёткста, Іудань потмэсъ, конаньди мярьгельтъ Искаріотъ. 4 Сонъ мольсь первосвященникненьди да начальникненьди да кортась, кода Сонъ максэма теестъ. 5 Синь кенярьцьть да согласиндасьть теенза ярмакъ максэмсъ. 6 Сонъ надіяфць да вешеньць цебярь ётка, кода Сонь максэмсъ теестъ ломаньфтемя. 7 Сась ламбама кшинь праздниксь, коста эрявэль печкэмсъ очежинь вярэсъ. 8 Іисусъ кучэзень Петръ марта Іоаннэнь теестъ мярьгезь: арда, аныклада очежи миньдеенекъ ярцамсъ. 9 Синь мярьгсьть Теенза: коса мярьгатъ теенекъ аныкламда? 10 Сонъ мярьгсь теестъ: ошти сувамстэнэнтъ, тинь васьфтядезь кукшэньса ведень канды ломань, моледа мельганза ся кудти, конаньди сонъ сувай, 11 да мярьгэда кудъ-азэрти: минь тонафтынекя мярьгсь: коса ся куць, конаса Моньдеень эсь тонафнефень марта тіема очежи? 12 Сонъ тееньть няфти арэптфъ оцьу горьниця; тоса аныклада. 13 Синь мольсьть да мусьть, кода теестъ мярьгсь, да аныкласть очежи. 14 Ярцама пиньгть сазь, сась Іисусъ да [ 119 ]озась шэрать ваксъ, кемгафтува тонафнефэнза (озасьть) мартэнза. 15 Сонъ мярьгсь теестъ: Монъ пякь ёрань ярцамсъ тинь мартэнэнтъ тя очежиста Монь страдандамэдэнъ ингэля. 16 Кортанъ тееньть: афъ карманъ Монъ сонь эздэнза ярцама ся пинкти, мзярда сонъ тіеви Шкайень царствать эса. 17 Самельдя сявсь шава, да Шкайть шназь мярьгсь: сявэсьть сонь да явэсьть эсь ёткэванэнтъ. 18 Мярьганъ тееньть: афъ карманъ симемя виноградэнь марьдя[2] Шкайень царствать самэзэнза. 19 Сявсь кши, да Шкайть шназь синьдезя, да максэзя теестъ, мярьгезь: тя Монь телазя, конацъ тинь инксэнэнтъ ули максфъ. Монь лятьфнемазень инкса проксъ тянь тіеньдесьть. 20 Ярцамда меля максэзя теестъ станякъ шавать-кя мярьгезь: тя шавась одъ койге ули Монь вярэзень марта, кона пяери тинь инксэнэнтъ. 21 Вага Монь максыезень кядецъ Монь мартэнъ шэрать ваксса. 22 Налдаци Ломанень Цёрась моли ингэльдень сёрматфть корясъ, афъ цебярь аньцякъ ся ломаньти, кона марта Сонъ максэфъ ули. 23 Тонафнефэнза кармасьть фкя-фкянь кизефнемя, кіе синь ёткстэстъ станя [ 120 ]тіемсъ ёрай. 24 Кармасьть эсь ёткэвастъ споряма, кіе синь эздэдэстъ оцьуксъ лувэндэма? 25 Сонъ мярьгсь теестъ: оцьазэрхня кирьдихть ломатьнень эса; ня ломанень кирьдихненьди мярьгихть парэнь тіихть. 26 А тинь афъ станя: кіе тинь ёткстэнэнтъ оцьу, ся улеза ёлмаксъ; пряфксь улеза урень кодяма. 27 Кіе сяда оцьу? — шэра ваксса озадэсь али мельганза якайсь? Афъ озадэсь-ли? Вага Монъ тинь ётксэнэнтъ урень кодяманъ. 28 Тинь уленьдиде Монь мартэнъ Монь афъ пара пингстэнъ. 29 Кода Моньдине мярьгсь Алязя, Монъ-га станя надіяфтанъ тееньть (менелень) царства. 30 Кадкъ тинь-гя Монь царствасэнъ шэра ваксса ярцатада да сиптяда, да озатада престолъ ланксъ Израилень кемгафтува коленань судиндама. 31 Іисусъ мярьгсь: Симонъ, Симонъ, вага шайтансь анцедязь тинь тозеръ лаца видемсъ. 32 Монъ озэндынь тонь инксэтъ, кода афэль кыржакста тонь вераця; мзярда тонъ шарфтатъ, кемэкстафтыть эсь братнэнь. 33 Сонъ мярьгсь Теенза: Шкабавасъ, Тонь мартэтъ монъ анэканъ молемсъ, куть мурьявъ, куть кулэма. 34 Сонъ мярьгсь теенза: кортанъ теть, Петръ, атёкшсь тячи морама афъ кенери, кода тонъ колмэксьть [ 121 ]сёпатъ, штэ афъ содасамакъ Монь. 35 Іисусъ мярьгсь теестъ: мзярда Монъ кучседезь тинь кантфтэма, кескавфтэма, карьфтемя-пракстафтэма, эста няидя-ли тинь мезень-гя афъ сатэма? Синь мярьгсьть: мезе-вэкъ (ашемя няй). 36 Эста Сонъ мярьгсь теестъ: а тяни кинь ули кескавэцъ — сявэзазе сонь; станякъ тіеза, кинь ули кантфэцъ; улефтеряй кинь-гя, ся кадкъ мисы адёжанцъ да рамай палажъ. 37 Мярьганъ теенть: Монь ланганъ эряви пешкедемсъ тя сёрматфти-гя: Сонъ душманксъ лувфъ ули. Веть мезе Монь кувалмэванъ сёрматфъ, тяни сембеньди сашенды пяшкедьма песна. 38 Синь мярьгсьть: Шкабавасъ, вага тяса кафта палажтъ. Сонъ мярьгсь теестъ: сатыхть.

Сяда вейхксыеце пакшъ. 39 Тоста лисемда меля, Сонъ тусь, кода проксъ яксекшнель, Елеонскей панда прявъ. Мельганза мольсьть тонафнефэнзэ-вэкъ. 40 Вастэзэстъ пачкэдемда меля, Сонъ мярьгсь теестъ: озэндэда, коданъ-га тяда повъ снардэмасъ. 41 Соньць аерць эстэдэстъ кевь ёрдамшка пе вастцъ да пулманжа ланксъ аразь озэнць. 42 Станя мярьгезь: Аляй, кода ёралеть тя шавянять ётафтэмсъ Монь [ 122 ]ваксканъ! аньцякъ афъ кода Монь мялезя, кода Тоньсь ёратъ, станя улеза. 43 Тихтець Теенза менельста Ангелъ, да кемекстаптэзя Сонь. 44 Теенза пякь стака улемста, Сонъ сядэнга пякь озэнць. Ливезенза пэтьнясьть эсдэнза мастэру вяръ путерьксэксъ. 45 Озэндэмда лоткамда меля, мольсь Сонъ тонафнефэнзэнъ ваксъ, да музень синь удэзь, — синь каньдзедемаснэнъ пачкъ матэдувсьть. 46 Сонъ мярьгсь теестъ: месъ тинь удэтада? стяда, озэндэда, коданъ-га афэледя повъ снардэмасъ. 47 Сонь станя кортамстанза-кигя сасьть ломать, синь ингэлестъ мольсь фкя Сонь кемгафтувэ тонафнефэнзэнъ ёткста, Іуда. Сонъ мольсь Іисусть ингэли Сонь паламэнза, — сонъ ломатьненьди стама валъ мярьгсь: конань монъ паласа ся — Сонъ. 48 Іисусъ мярьгсь теенза: Іуда, али паламацень марта макссакъ Ломанень Цёрать? 49 Іисусъ марта улихня ваныхть коза моли тевсь да мярьгсть Теенза: Шкабавасъ, афъ ярьтема ли теенекъ палажса? 50 Фкясь синь ёткстэстъ ярьтезя первосвященникть фкя уренцъ, да кяразя сонь видя пиленцъ. 51 Эста Іисусъ мярьгсь: кадыеньть — саты; Токась пилети да пчкафтызя сонь. 52 Первосвященникненьди, да [ 123 ]церькавэнь начальникненьди да сире атятьненьди, конатъ пурэмсть Сонь каршэзэнза, Іисусъ мярьгсь: тинь лиседя Монь сявэмэнъ кода разбойникень каршэсъ палажъ марта да пеель марта, 53 Монъ ярь шиня уленьдень церькавса тинь мартэнэнтъ, тинь ашіеньть кепся кяденьтень Монь лангэзэнъ. Тяни сась тинь пиньгэньтя да шобдань воляньтя. 54 Кундазь Сонь да вятезь первосвященникть пяли. Петръ сельмя песа (ичкези илядэзь) мольсь мельганза. 55 Мзярда синь пирьфь кучкавъ пуцьть толъ, да озсесьть марсъ, озась Петръ-га синь ёткэзэстъ. 56 Фкя уре-ава няезя сонь толть ваксса озада ащемста, ванць лангэзэнза да мярьгсь: тя-вэкъ ульсь Сонь мартэнза. 57 Петръ сёпэзь мярьгсь: ава, монъ афъ содаса Сонь. 58 Самельде эста-кигя няезя сонь иля ломань да мярьгсь: тонъ-га синь эздэдэстъ. Петръ мярьгсь ся ломаньти: афъ. 59 Частчкада меля тага фкя ломань верьгетевэзь кортась: афъ ёру тя-вэкъ сонь мартэнзэль; веть сонъ Галилей-эряй. 60 Петръ мярьгсь ся ломаньти: афъ содаса мезьть тонъ кортатъ. Сонь станя кортамстэнза-кигя морась атёкшъ. 61 Эста Іисусъ шарфтэзь варжаксьць Петрань [ 124 ]лангсъ; Петръ мяляфтэзень Шкайть валэнзэнъ, кода Сонъ мярьгсь теенза: атёкшэнь весьть морамсъ, тонъ колмэксьть сёпатъ монь эздэнъ. 62 Эста сонъ лиси ушу да кармась пякь аварьдемя. 63 Іисусэнь ваныенза изгэрцьть Сонь лангсэнза, да пикссесьть эсэнза. 64 Сонь сельмэнзэнъ вельтязь, ярьтьнесьть эсэнза шама ланга да кизефнезь: содакъ, кіе Тонь ярьтензя? 65 Лама иля пеедьматъ-ка тіеньцьть Сонь лангсэнза. 66 Кодакъ варьхьмець, пурэмсьть народонь атятьня, первосвященникня, книжникня, да вятезь Сонь эсь судендама вастэзэстъ. 67 Да кизефтезь: Тонатъ-ли Христозсь, азкъ теенекъ? Сонъ мярьгсь теестъ: куть азса, тинь афъ верэндасамасьть; 68 куть кизефтядезь тинь Монь каршэзэнъ афъ карматада кортама, да афи нолдасамасьть Монь. 69 Тя шить эзда Ломанень Цёрась озай Шкайть види ширезэнза. 70 Эста сембя мярьгсьть: ина тонъ Шкайень Цёратъ? Сонъ мярьгсь: тинь мярьгтяда, штэ Монанъ. 71 Синь меля мярьгсьть: кодама тага сельмя няи миньдеенекъ эряви? Веть миньсь кулеськь эсь кургстэнза.

  1. ↑ опрѣснокэнь.
  2. ↑ винада.
 
[ 125 ]

Глава 23-я.

Сяда кеменьце пакшъ. 1 Сяда мэля стясьть сембя, мзярэнестъ синь ульсьть да вятезь Сонь Пиладэньди. 2 Тоса кармасьть Сонь мувэргэфтэмэнза, мярьгезь: Минь муськъ, Сонъ мутендай минь народнекень, — афъ мярьги Кесареньди тацькянь пандэмда, Эсь прянцъ лувэнцы Христозксъ оцьазэрксъ. 3 Пилатъ кизефтезя Сонь: Тонъ Іудеянь оцьазэрсьатъ? Сонъ мярьгсь каршэзэнза: Тонъ станя кортатъ. 4 Пилатъ мярьгсь первосвященникненьди да народти: монъ афъ мушенданъ тя ломаньть ланксъ кодамэ-вэкъ мувэрксъ. 5 Синь сядэн-га пякь кемекстэмэзь кортасьть: штэ Сонъ мутендай ломать, тонафтэзь сембя Іудеять эзга, Галилеяста ушэдэзь тя вастти пачкэдемсъ. 6 Кода Пилатъ кулезя Галилеять кувалмэва, кизефць: тэряй Сонъ Галилеянь эряй? 7 Коста содазя, штэ Сонъ Иродэнь мастэрста, кучэзя Сонь Иродэньди, кона ся шитьнень станякъ ульсь Іерусалимса. 8 Иродъ Іисусэнь няезь пякь кенярьгаць, — сонъ кэнара-кигя ёразя Сонь няемсъ; Сонъ лама Сонь ланганза куленьць, да учьсь няемсъ Сонь эздэнза кодама-вэкъ чуда. 9 Сонъ лама ланга [ 126 ]кизефнесь Эсэнза, а Іисусъ мезе-вэкъ ашэзь корта сонь каршэзэнза. 10 Первосвященникня да книжникня эзкъ ащесьть да пякь мувэргафнезь Сонь. 11 А Иродъ лувэзя Сонь кальдявъ ломаньксъ, пеедькшнесь эсь салдадэнза марта Сонь ланксэнза, щафць лангэзэнза валда адёжатъ да кучэзя меки Пиладэньди. 12 Ся шиня Пилатъ марта Иродъ тіювсьть ялгаксъ эсь ёткэвастъ, а ингэли синь фкя-фкянь ланксъ кяжихтэльть. 13 Пилатъ терьдезень первосвященникнень, начальникнень да народть, 14 да мярьгсь теестъ: тинь вятесьть моньдине тя ломаньть, ломань мутендайксъ путэзь; вага монъ тиньцень ингэльдэнтъ кизефниня Сонь, да ашэнь му Сонь ланксэнза кодама-вэкъ стама мувэрксъ, кодамэса тинь мувэргафнесасьть Сонь. 15 Монъ кучсиня Сонь Иродэньди, сонъ-га станякъ мезе-вэкъ ашэзь му, мезьэнкса-бэ Сонъ эрявэль шавэмсъ. 16 Ина наказазь Сонь нолдаса. 17 А Пиладэньди празникть инкса эрявэль нолдамсъ фкя пякстафъ (ломань). 18 Сембя нароць кармась серемя: кулэма Теенза, а миньдеенекъ нолдакъ Вараввань. 19 Варавва путфэль мурьясъ ошса ломанень шавэманкса, да ломанень мутендаманкса. 20 [ 127 ]Пилатъ тага пшкяць Іисусэнь нолдаманцъ инкса, 21 Асинь сересьть: яськептькь, якькептькь Сонь. 22 Пилатъ колмэцеда мярьгсь теестъ: кодама кальдявъ тись Сонъ? Монъ мезе-вэкъ ашэнь му Сонь эздэнза шавмашка. Наказаса ина Сонь да нолдаса. 23 А синь оцьу вайгельса анасьть Сонь яськептемсъ. Синь да первосвященникнень серемасна вишкя сявсь. 24 Пилатъ путэзя тіемсъ синь анамаснэнъ корясъ: 25 нолдазя теестъ ломанень шавмань да ломанень мутендаманкса мурьявъ путфть, конань синь анасьть, а Іисусэнь максэзя синь кядезэстъ. 26 Сонь вятемстэнза сявезь паксяста ётай Симэнъ лемса Кириней ошэнь эряйть, да путэзь сонь лангэзэнза крёзть, да кошардэзь сонь кандэмсъ Іисусьть мельгя. 27 Іисусть мельгя мольсть лама народъ да аватъ-ка, конатъ летьнязь аварьцть Сонь инксэнза. 28 Іисусъ теестъ шарфтэзь мярьгсь: Іерусалимень стирьть! тяда аварьдя Монь инксэнъ, аварьдеда эсь инксэнэнтъ да иденьтень инкса. 29 Веть сайхть стама шитъ, конаста мярьгихть: Павазуфтъ идень афъ шачфтыхня, да идень афъ потяфнихня. 30 Эста кармайхть кортама пантнэньди: прада минь лангэзнэкъ, да куборхненьди: [ 128 ]вельтямасьть минь. 31 Пижя шуфть марта станя тіеньдеряйхть, эста коськти мезе ули?

Сяда кефкіеце пакшъ. 32 Сонь мартэнза вяцьть шавэмсъ кафта разбойниктъ. 33 Коста сасьть ся вастти, конаньди мярьгельть лобной, тоса яськедезь Сонь, разбойникнень-гя: фкять — види ширезэнза, омбэцеть — кяржи ширезэнза. 34 Іисусъ пшкяць: Аляй, простиндайть синь, — синь синьцкя афъ содасазь, мезьть тіеньдихть. Сонь адёжанзэнъ явэзь шерьбань ёрдазь. 35 Ломатьня ащесьть Сонь лангэзэнза ванэзь, да пеецьть; синь мартэстъ пеецьть начальникне-вэкъ, кортазь: Илятьнень идьцезень, уленьдеряй Шкайень кочкафъ Христосъ, кадкъ тяни эсь прянцъ идесы. 36 Станякъ салдатне-вэкъ Сонь ингэленза молезь, да теенза уксусэнь максэзь, изгэрцьть Сонь лангсэнза, 37 кортазь: уленьдерятъ Тонъ Іудеянь оцьазэръ, идекъ эсь пряцень. 38 Сонь велькссэнза сёрматфэль грекень кяльса, римень, да евреень: тя Іудеянь оцьазэръ. 39 Фкясь крёзть ланксъ повэфтафъ разбойниксь пеець Сонь ланксэнза да кортась: уленьдерятъ Тонъ Христосъ, идекъ эсь пряцень да минь-гя. 40 Омбэцесь [ 129 ]кардась сонь эсэнза да кортась: али тонъ афъ пелятъ Шкайда, кэда тоньць-кя кулэма путфатъ? 41 Минь ина судиндафтама видеста, минь тихтяма сянь эсь тевнекень инкса, а Сонъ кодама-вэкъ кальдявъ ашэзь тіе. 42 Сальдя мярьгсь Іисусти: Шкабавасъ, лятфтамакъ монь-гя, мзярда молятъ Тонъ эсь царствазэтъ. 43 Іисусъ мярьгсь теенза: видеста кортанъ теть: тонъ тячи-ёкъ улятъ Монь мартэнъ райса. 44 Эста ульсь кота частчка, тіюсь шобда сембя мастэрть ланкса да станякъ ульсь вейхксыеце частти молемсъ. 45 Шись шобдалгацъ да церькавэнь занавезсь сязювсь пачкъ. 46 Іисусъ оцьу вайгельть серьгедезь мярьгсь: Аляй! Тонь кядезтъ максса Монь ваймезень. Сянь мярьгезь, лись Сонь ваймэцъ. 47 Сотниксь, сембень нянь няезь, шназя Шкайть да мярьгсь: афъ ёру тя ломаньсь праведникель. 48 Сембя нароць, кона пурэмкшнесь тянь ванэма, сембень нянь няезь, сраць меки куду эсь мяшцнэнъ ярьтнезь. 49 Сембя Іисусэнь содаенза, да Галилейста мельганза сазь аватьне-вэкъ ащесть ширеса да ванэнцьть сянь ланксъ. 50 Эста ульсь фкя судэнь членъ, цебярь да виде ломань Іосифъ, 51 кона ашэзь судинда тя [ 130 ]тевьть эса; сонъ Іудеянь Аримафей лемса ошэнь эряель; сонъ станякъ учьсь Шкайень царствать эса. 52 Сонъ мольсь Пиладэньди, да аназя Іисусэнь тѣланцъ. 53 Сонъ валтэзя Сонь (крёзть ланкса), ашкэдэзя акша котфъ потмэсъ, да путэзя одъ калмэсъ, кона шувыфэль кевь пандти, да конань эса нень-гя ки-вэкъ ашэль путфъ. 54 Ся шись петьницяль, шашнесь ёткшись. 55 Іосифъ мель-гя мольсть Іисусъ марта Галилейста сафъ аватьне-вэкъ, да вансьть Сонь калмэнцъ ланксъ да Сонь калму путэманцъ. 56 Куду мрдамэда меле синь аныкласьть таньцьти шинень ваденьдематъ, да цебярь шуфта вай. Ёткшить синь ётавтэзь тевфтемя, кода сёртматфэль законса.

 

Глава 24-я.

Сяда кемгафтувэце пакшъ. 1 Недѣлять васеньце шистэнза пякь рана сасьть Сонь калмэнцъ ланксъ (таньцти шинень ваденьдемань анэклай) аватьня да кандэзь таньцти шинень ваденьдематьнень; синь мартэстъ мольсьть илятка. 2 Синь музь (калмэть ланкста) кевть [ 131 ]веляфста, 3 калмэти сувазь ашэзь му Іисусэнь тѣланцъ. 4 Коста синь ашэзть сода мезяма арьсема тянь кувалмэва, тихтецьть синь ингэлестъ кафта пинделды адэжаса ломать. 5 Аватьня явецьть да сельмэснэнъ мастэру комафтэзь; (тихтетьфня) мярьгсть теестъ: мезть тинь вешеньцасьть яректь кулэфнень ёткста? 6 Сонъ ашъ тяса, Сонъ яреклась; мялявтэсьть, кода Сонъ кортась тееньть Галилейса улемстэнза, 7 мярьгезь: Ломанень Цёрати максэфъ улемсъ эряви крефу ломатьнень кяцъ, яськетьфь улема Теенза, да колмэце шиня яриклама. 8 Эста мяляфтэзь синь Сонь валэнзэнъ. 9 Калмэть вакста мрдазь, синь азэндэзь сембень нянь кефкіе тонафнефэнзэнды да илятьненьди-гя. 10 Снятъ (аватьня) ульсть: Марія Магдалина, Іоанна, да Марія Іаковэнь тядяцъ, да илятка синь мартэстъ, конатъ азэньцьть сянь кувалмэва тонафнефэнзэнды. 11 Синь валсна тонафнефэнзэнди няювсьть афъ видексъ да ашэзь верэнда синь.

Сяда кемголмувэце пакшъ. 12 Петръ стясь да ласькезь тусь калмэть ваксъ; тоса комазь, сонъ няезень аньцякъ Сонь ашкэдэма [ 132 ]котфэнзэнъ; да дивандазь эсь потмэсэнза сембя тіефти, тусь меки. 13 Сяка шиня кафта синь эздэстъ мольсьть Эммаусъ лемса велесъ, кона Іерусалимста кемгафтува вайгельпе васцэль, 14 да кортасьть эсь ёткэвастъ сембя ня тевтьнень ланга. 15 Синь эсь ёткэвастъ кортамстэстъ да арсемстэстъ, Соньсь Іисуссь шашць малазэстъ да тусь мартэстъ. 16 Аньцяк синь сельмэсна кирьдьфтельть: синь ашэзь сода Сонь. 17 Сонъ мярьгсь теестъ: мезе ланга тинь молемста кортатада, месъ тинь каньксуфтада? 18 Фкясь синь эздэстъ, конань лемэцъ Клеопаль, мярьгсь Сонь каршэзэнза: али тонъ ськамэтъ Іерусалиму сайхнень эзда афъ содасакъ, мезе тіювсь тоса ня шитьнень? 19 Сонъ кизефтезень синь: мезень кувалмэва? Синь азэндэзь Теенза, мезе ульсь Назареянь Іисусть марта, кона пророкэль, віювэль тевса, валса Шкайть ингэля да сембя народть ингэленъ-га. 20 Кода максэзь Сонь минь первосвященникенекя да начальникенекя кулэма судендамсъ, да яськептезь Сонь. 21 Минь надіякшнемя, штэ тя Сонъ, конаньди эряви Израилень идемсъ; вага ни колмэце шись, кода сембя тя ульсь. 22 Аньцякъ кона-кона минь аванекень эзда явэфтемазь минь: синь [ 133 ]ульсьть рана кялмэть ваксса, 23 да ашэзь му Сонь тѣланцъ, меки сазь азэндэзь, кода синь няйсьть тихтетьфь Ангелхтъ, конатьня мярьгсть теестъ, штэ Сонъ яриклась. 24 Якасьть кона-кона минь ёткстэнэкэнь-га калмэть ваксъ да музь станякъ, кода аватьня кортасьть; а Соньцень ашэзь няй. 25 Эста Сонъ мярьгсь теестъ: вай ёньфтепть да калгэда седихть! што-бэ верэндамсъ тееньть сембеньди, мезе азэнцьть пророкня. 26 Афъ тяфта-ли эрявэль Христозти пичедемсъ да сувамсъ Эсь оцьу славазэнза? 27 Сальдя Сонъ азэндэзя теестъ Моисейста ушэдэзь сембя пророкнэнь Сонь ланганза сёрматфнень. 28 Пачкэцьть синь ся велеть маласъ, конаньди мольсьть. Іисусъ тись пря сяда ичкези моликсъ. 29 Синь кирьнезь Сонь, кортазь: иляттъ минь мартэнэкъ, шись ни шарфць иляденьди. Сонъ сувась да илятць мартэстъ. 30 Коста Сонъ озадэль синь мартэстъ шэра ваксса, сявсь кши, баславиндазя сонь, синьдезя да максэзя теестъ. 31 Эста паньжувсьть синь сельмэсна да содазь Сонь, а Сонъ арась теестъ афъ няевиксъ. 32 Синь мярьгсьть фкя-фкяньди: ашэсть палъ-ли минь потмэсэнэкъ сединекя, коста Сонъ кортась теенекъ ки ланкса, [ 134 ]да коста ёфнезень теенекъ сёрматфнень. 33 Эста-кигя стясьть синь да мрдасьть Іерусалиму. Тоса синь музь кефкіе тонафнефэнзэнъ да сембя иля улихнень-гя марса. 34 Сембя синь кортасьть, штэ Шкайсь видеста яриклась, да няфнесь пря Симонэньди. 35 Синьгя азэндэзь, мезе ульсь мартэстъ ки ланкса, да кода синь содазь Сонь кшинь синьдеманцъ кувалмэва.

Сяда кемниліеце пакшъ. 36 Синь нянь кортамстэстъ Соньсь Іисусъ арась синь кучказэстъ да мярьгсь теестъ: „миръ вамъ!“ 37 Синь таяскадэмань да яведемань пачкъ арсесьть, штэ духъ няихть. 38 Сонъ мярьгсь теестъ: месъ пельхтяда да мезенкса сашэндыхть тинь седизэнэнтъ тяфтама арьсиматъ? 39 Ванэда Монь кядьнень да пильгэнень ланксъ: тя Монъ Моньсянъ. Капштамасьть Монь да ванэмасьть; веть духть сивеленза пакаренза ашъ, кода тинь няйхтяда Монь эсэнъ. 40 Тянь мярьгезь, Сонъ няфтезень теестъ кядензэнъ да пильгензэнъ. 41 Мзярда синь кенерьдемань да дивандамань пачкъ нень-гя ашэсть верэнда, Сонъ мярьгсь теестъ: Ули-ли тинь тяса кодама-вэкъ корманьтя? 42 Синь максьть Теенза пидефъ [ 135 ]калэнь пакшъ да медь керясъ. 43 Сонъ сявэзень синь да ярцась синь ингэльдестъ, 44 да мярьгсь: вага тяни сембя топоцьть, мезе ланга Монъ кортань тееньть неньгя тинь мартэнэнтъ улемста, штэ эряви топодемсъ сембеньди, мезе Монь ланганъ сёрматфъ Моисеень законса, пророкнэнь эса, да псалопнень эса. 45 Эста паньжизень синь прявійснэнъ сёрматфть шарькедемсъ. 46 да мярьгсь теестъ: тяфта сёрматфъ — тяфта эрявсь Христозти пичедемсъ, да колмэце шиня кулэма васцта эрикламсъ. 47 Сонь лемсэнза эряви азэндэмсъ сембя ломатьненьди Іерусалимста ушэдэзь каиндама да крефень простиндама. 48 Тинь сембя нятьненьди свидѣтельхтяда. 49 Монъ кучанъ тееньть Алязень эзда надіяфтфэзень. Тинь эряда Іерусалимъ ошса вярьдень війда пяшкедемазэнэнтъ. 50 Меле лихтезень синь ошта ушу Вифаніяти пачкэдемсъ, кепедезень эсь кядензэнъ да баславиндазень синь. 51 Синь Баславиндамстэстъ кармась аердэма синь эздэстъ да менельти кепедемя. 52 Синь сюкэнясьть Теенза да пякь кенярьдезь мрдасьть Іерусалиму. 53 Тоса проксъ эрясьть куца Шкайть шназь да баславазь. Аминь.

Retrieved from "https://wikisource.org/w/index.php?title=Лукать_Святой_Евангелияц/ВО/00&oldid=506328"