Codex Hammurabi

←

The Code of Ḫammurabi (1904)
Akkadian transliteration by Robert Francis Harper

→

See also the Index

9244The Code of Ḫammurabi1904Akkadian transliteration by Robert Francis Harper

[ 2 ]PROLOGUE.

TRANSLITERATION. COLUMN I.

COLUMN II.

1 šuluḫ Ê.ZU.AB | ti-i-ib | ki-ib-ra-at | ir-bi-tim 5 mu-šar-be zi-ik-ru | KA.DINGIR.RA.KI | mu-ti-ib | li-ib-bi ^iluMarduk | [ 4 ]be-li-šu 10 ša ûmi-šu | iz-za-zu | a-na Esagila | zêr šar-ru-tim | ša ^iluEN.ZU 15 ib-ni-u-šu | mu-na-aḫ-ḫi-iš | ^aluŠIŠ.AB.KI | wa-aš-ru-um | mu-uš-te-mi-ḳum 20 ba-bil ḫegallim | a-na Ê.NER.NU.GAL | šar ta-ši-im-tim | še-mu ^iluŠamaš ^bdannim | mu-ki-in 25 išid UD.KIB.NUN.KI | mu-ša-al-bi-iš | wa-ar-ki-im | gi-gu-ne-e ^{b ilu}A.A | mu-ṣi-ir 30 bît Ebabbarra | ša ki šu-ba-at ^bša-ma-i | ḳarradum ga-mi-il | UD.UNU.KI | mu-ud-di-iš Ebabbarra 35 a-na ^iluŠamaš | ri-ṣi-šu | be-lum mu-ba-li-iṭ | UNU.KI | ša-ki-in me-e 40 nu-uḫ-ši-im | a-na ni-ši-šu | mu-ul-li | ri-eš Eanna | mu-gam-me-ir 45 ḫi-iz-bi-im | a-na ^iluAnu | u ^iluNanâ | ṣalûl ma-tim | mu-pa-aḫ-ḫi-ir 50 ni-ši ^bsa-ap-ḫa-tim | ša NI.SI.IN.KI | mu-da-aḫ-ḫi-id | nu-uḫ-ši-im | bît Ê.GAL.MAḪ 55 ušumgallum šar+alim | ta-li-im | ^iluZA.MA(L).MA(L) | mu-šar-ši-id | šu-ba-at ^{alu b}NER.KI 60 mu-uš-ta-aš-ḫi-ir | me-li-im-mi | Ê.ME.TE.UR.SAG | mu-uš-te-iṣ-bi | pa-ar-zi ^bra-bu-u-tim 65 ša ^iluNanâ | pa-ki-id bi-tim | ḪAR.SAG. kalâma | bît kisal na-ki-ri | ša nit-ra-ru-šu 70 u-ša-ak-^bši-du

COLUMN III.

COLUMN IV.

1 šu i-ḳi-šu | na-ab-ša-tam | a-na ^{alu b}MAŠ.KAN.PA.AL.KI | mu-še-eš-ki 5 nu-uḫ-ši-im | a-na ŠID.LAM | im-ḳum | mu-tab-bi-lum | šu ik-šu-du 10 na-ga-ab ur-ši-im | mu-uš-pa-az-zi-ir | ni-ši MAL.AL.^bKA.A.KI | in ka-ra-ši-im | mu-šar-ši-du 15 šu-ba-ti-ši-in | in nu-uḫ-ši-in(=im) | a-na ^iluEN.KI | u ^iluDAM.GAL.NUN.NA | mu-šar-bu-u 20 šar-ru-ti-šu | dârî-iš i-ši-mu | zi-bi el-lu-tim | a-ša-ri-id ^bšar+alim | mu-ka-an-ni-iš 25 da-ad-mi | ^nâruUD.KIB.NUN.NA | ṣal-tum ^iluDa-gan | ba-ni-šu | šu ig-mi-lu 30 ni-ši ME.RA.KI | u TU.TU.UL.KI | ru-bu-um | na-’-du-um | mu-na-wi-ir 35 pa-ni ^iluNanâ | ša-ki-in ma-ka-li ^bel-lu-tim | a-na ^iluNIN.A.ZU | ša-ti-ib ni-ši-šu | in pu-uš-ki-im 40 mu-ki-in-nu | iš-ki-ši-im | kir-bu-um | KA.DINGIR.RA.KI | šu-ul-ma-ni-iš 45 rê’i ni-ši(g) | ša ip-še-tu-šu | e-li GIŠ.DAR ṭa-ba | mu-ki-in-ni GIŠ.DAR | i-na Ê.UL.MAŠ 50 kir-bu-um | A.GA.NE.KI | ri-bi-tim | mu-še-bi ki-na-tim | mu-šu-še-ir ^bam-mi 55 mu-te-ir | lamassi-šu | da-mi-iḳ-tim | a-na ^aluA.USAR.KI | mu-še-ib-bi ^bna-bi-ḫi 60 šarrum ša i-na ^bNi-nu-a.KI | i-na [ 8 ]E.MIŠ.MIŠ | u-šu-bi-u | me-e ^iluNanâ | na-’-du-um 65 mu-uš-te-mi-ḳum | a-na ilâni rabûti | li-ib-li-ib-bi | ša Su-mu-la-ilu mâr+dannim 70 ša ^iluSin-^bmu-ba-li-iṭ

COLUMN V.

THE CODE OF ḪAMMURABI.

TRANSLITERATION. § 1.—V, 26–32.

26 šum-ma a-wi-lum ^ba-wi-lam 27 u-ub-bi-ir-ma 28 ne-ir-tam e-li-šu 29 id-di-ma 30 la uk-ti-in-šu 31 mu-ub-bi-ir-šu 32 id-da-ak

§ 2.—V, 33–56.

33 šum-ma a-wi-lum 34 ki-iš-bi 35 e-li a-wi-lim ^bid-di-ma 36 la uk-ti-in-šu 37 ša e-li-šu 38 ki-iš-bu na-du-u 39 a-na ^iluNârim 40 i-il-la-ak 41 ^iluNâram i-ša-al-^bli-a-am-ma 42 šum-ma ^iluNârum 43 ik-ta-ša-zu 44 mu-ub-bi-ir-šu 45 bî-zu i-tab-ba-al 46 šum-ma a-wi-lam ^bšu-a-ti 47 ^iluNârum 48 u-te-ib-bi-^bba-aš-šu-ma 49 iš-ta-al-ma-am 50 ša e-li-šu 51 ki-iš-bi id-du-u 52 id-da-ak 53 ša ^iluNâram 54 iš-li-a-am 55 bît mu-ub-bi-ri-šu 56 i-tab-ba-al

§ 3.—V, 57–67.

57 šum-ma a-wi-lum 58 i-na di-nim 59 a-na ši-bu-ut 60 ṣa-ar-ra-tim 61 u-zi-a-am-ma 62 a-wa-at iḳ-bu-u 63 la uk-ti-in 64 šum-ma di-nu-um ^bšu-u 65 di-in na-bi-iš-tim 66 a-wi-lum šu-u 67 id-da-ak

§ 4.—V, 68-VI, 5.

68 šum-ma a-na ši-bu-ut VI, 1 še’im u kaspim 2 u-zi-a-am 3 a-ra-an 4 di-nim šu-a-ti 5 it-ta-na-aš-ši

§ 5.—VI, 6–30.

6 šum-ma da-a-a-nu-um 7 di-nam i-di-in 8 pu-ru-za-am 9 ip-ru-uš 10 ku-nu-uk-kam 11 [ 12 ]u-še-zi-ib 12 wa-ar-ka-^bnu-um-ma 13 di-in-šu i-te-ni 14 da-a-a-nam šu-a-ti 15 i-na di-in ^bi-di-nu 16 e-ne-im 17 u-ka-an-nu-šu-ma 18 ru-gu-um-ma-am 19 ša i-na di-nim ^bšu-a-ti 20 ib-ba-aš-šu-u 21 a-du XII-šu 22 i-na-ad-di-in 23 u i-na pu-uḫ-^bri-im 24 i-na ^iṣukussê 25 da-a-a-nu-ti-šu 26 u-še-it-bu-u-šu-ma 27 u-ul i-ta-ar-ma 28 it-ti da-a-a-ni 29 i-na di-nim 30 u-ul uš-ta(=ša)-ab

§ 6.—VI, 31–40.

31 šum-ma a-wi-lum 32 ŠA.GA ilim 33 u êkal-lim 34 iš-ri-iḳ 35 a-wi-lum šu-u 36 id-da-ak 37 u ša šu-ur-ga-am 38 i-na ga-ti-šu 39 im-ḫu-ru 40 id-da-ak

§ 7.—VI, 41–56.

41 šum-ma a-wi-lum 42 lu kaspam 43 lu ḫurâṣam 44 lu wardam lu amtam 45 lu alpam lu immeram 46 lu imêram 47 u lu mi-im-ma ^bšum-šu 48 i-na ga-at ^bmâr a-wi-lum 49 u lu warad a-wi-lim 50 ba-lum ši-bi 51 u ri-ik-sa-tim 52 iš-ta-am 53 u lu a-na ma-ṣa-ru-tim 54 im-ḫu-ur 55 a-wi-lum šu-u 56 šar-ra-aḳ id-da-ak

§ 8.—VI, 57–69.

57 šum-ma a-wi-lum 58 lu alpam lu immeram ^blu imêram lu šaḫâm 59 u lu elippam 60 iš-ri-iḳ 61 šum-ma ša i-lim 62 šum-ma ša êkallim 63 a-du XXX-šu 64 i-na-ad-di-in 65 šum-ma ša MAŠ.EN.KAK 66 a-du X-šu i-ri-a-ab 67 šum-ma šar-ra-^bga-nu-um 68 ša na-da-nim ^bla i-šu 69 id-da-ak

§ 9.—VI, 70-VII, 47.

70 šum-ma a-wi-lum VII, 1 ša mi-im-mu-šu ^bhal-ḳu 2 mi-im-ma-šu 3 ḫal-ga-am 4 i-na ga-ti ^ba-wi-lim 5 iṣ-ṣa-ba-at 6 a-wi-lum ša ḫu-^bul-ḳum 7 i-na ga-ti-šu 8 ṣa-ab-tu 9 na-di-na-nu-um-mi ^bid-di-nam 10 ma-ḫar ši-bi-mi 11 a-ša-am 12 iḳ-ta-bi 13 u be-el ḫu-ul-^bḳi-im 14 ši-bi mu-di 15 [ 14 ]ḫu-ul-ḳi-ia-mi 16 lu ub-lam 17 iḳ-ta-bi 18 ša-a-a-ma-nu-um 19 na-di-in 20 id-di-nu-šum 21 u ši-bi 22 ša i-na maḫ-ri-^bšu-nu 23 i-ša-mu it-ba-lam 24 u be-el ḫu-ul-^bḳi-im 25 ši-bi mu-di ^bḫu-ul-ḳi-šu 26 it-ba-lam 27 da-a-a-nu 28 a-wa-a-ti-šu-nu 29 i-im-ma-ru-ma 30 ši-bu ša maḫ-ri-^bšu-nu 31 ši-mu-um 32 iš-ša-mu 33 u ši-bu mu-di 34 ḫu-ul-ḳi-im 35 mu-du-zu-nu 36 ma-ḫar i-lim 37 i-ga-ab-bu-ma 38 na-di-na-nu-um 39 šar-ra-aḳ id-da-ak 40 be-el ḫu-ul-ḳi-im 41 ḫu-lu-uḳ-šu 42 i-li-ḳi 43 ša-a-a-ma-nu-um 44 i-na bi-it 45 na-di-na-nim 46 kaspam iš-ḳu-lu 47 i-li-ḳi

§ 10.—VII, 48–61.

48 šum-ma ša-a-a-^bma-nu-um 49 na-di-in 50 id-di-nu-šum 51 u ši-bi ša i-na ^bmaḫ-ri-šu-nu 52 i-ša-mu 53 la it-ba-lam 54 be-el ḫu-ul-^bḳi-im-ma 55 ši-bi mu-di 56 ḫu-ul-ḳi-šu ^bit-ba-lam 57 ša-a-a-ma-nu-um 58 šar-ra-aḳ id-da-ak 59 be-el ḫu-ul-ḳi-im 60 ḫu-lu-uḳ-šu 61 i-li-ḳi

§ 11.—VII, 62-VIII, 3.

62 šum-ma be-el ^bḫu-ul-ḳi-im 63 ši-bi mu-di 64 ḫu-ul-ḳi-šu 65 la it-ba-lam VIII, 1 ṣa-ar 2 tu-uš-ša-am-ma ^bid-ki 3 id-da-ak

§ 12.—VIII, 4–13.

4 šum-ma na-di-^bna-nu-um 5 a-na ši-im-tim 6 it-ta-la-ak 7 ša-a-a-ma-nu-um 8 i-na bi-it 9 na-di-na-nim 10 ru-gu-um-me-e 11 di-nim šu-a-ti 12 a-du V-šu 13 i-li-ḳi

§ 13.—VIII, 14–24.

14 šum-ma a-wi-lum ^bšu-u 15 ši-bu-šu ^bla kir-bu 16 da-a-a-nu a-da-nam 17 a-na arḫim VI^kam 18 i-ša-ak-ka-^bnu-šum-ma 19 šum-ma i-na arḫim VI^kam 20 ši-bi-šu ^bla ir-di-a-am 21 a-wi-lum šu-u 22 ṣa-ar 23 a-ra-an di-nim ^bšu-a-ti 24 it-ta-na-aš-ši [ 16 ]

§ 14.—VIII, 25–29.

25 šum-ma a-wi-lum 26 mâr a-wi-lim 27 ṣi-iḫ-ra-am 28 iš-ta-ri-iḳ 29 id-da-ak

§ 15.—VIII, 30–36.

30 šum-ma a-wi-lum 31 lu warad êkallim 32 lu amat êkallim 33 lu warad MAŠ.EN.KAK 34 lu amat MAŠ.EN.KAK 35 abullam uš-te-zi 36 id-da-ak

§ 16.—VIII, 37–48.

37 šum-ma a-wi-lum 38 lu wardam lu amtam 39 ḫal-ga-am 40 ša êkallim 41 u lu MAŠ.EN.KAK 42 i-na bi-ti-šu 43 ir-ta-ki-ma 44 a-na ši-si-it 45 na-gi-ri-im 46 la uš-te-zi-a-am 47 be-el bîtim šu-u 48 id-da-ak

§ 17.—VIII, 49–58.

49 šum-ma a-wi-lum 50 lu wardam lu amtam 51 ḫal-ga-am 52 i-na ṣi-ri-im 53 iṣ-ba-at-ma 54 a-na be-li-šu 55 ir-te-di-a-aš-šu 56 II šiḳil kaspim 57 be-el wardim 58 i-na-ad-di-iš-šum

§ 18.—VIII, 59–67.

59 šum-ma wardum šu-u 60 be-el-šu 61 la iz-za-kar 62 a-na êkallim 63 i-ri-id-di-šu 64 wa-ar-ka-zu 65 ip-pa-ar-ra-aš-ma 66 a-na be-li-šu 67 u-ta-ar-ru-šu

§ 19.—VIII, 68–IX, 4.

68 šum-ma wardam 69 šu-a-ti 70 i-na bi-ti-šu 71 ik-ta-la-šu 72 wa-ar-ka wardum IX, 1 i-na ga-ti-šu 2 it-ta-aṣ-ba-at 3 a-wi-lum šu-u 4 id-da-ak

§ 20.—IX, 5–13.

5 šum-ma wardum 6 i-na ga-at 7 ṣa-bi-ta-ni-šu 8 iḫ-ta-li-iḳ 9 a-wi-lum šu-u 10 a-na be-el wardim 11 ni-iš i-lim 12 i-za-kar-ma 13 u-ta-aš-šar

§ 21.—IX, 14–21.

14 šum-ma a-wi-lum 15 bi-tam 16 ip-lu-uš 17 i-na pa-ni 18 bi-il-ši-im 19 šu-a-ti 20 i-du-uk-ku-^bšu-ma 21 i-ḫa-al-^bla-lu-šu [ 18 ]

§ 22.—IX, 22–27.

22 šum-ma a-wi-lum 23 ḫu-ub-tam 24 iḫ-bu-ut-ma 25 it-ta-aṣ-ba-at 26 a-wi-lum šu-u 27 id-da-ak

§ 23.—IX, 28–45.

28 šum-ma ḫa-ab-^bba-tum 29 la it-ta-aṣ-ba-at 30 a-wi-lum 31 ḫa-ab-tum 32 mi-im-ma-šu 33 ḫal-ga-am 34 ma-ḫa-ar 35 i-lim 36 u-ba-ar-ma 37 alum 38 u ra-bi-a-nu-um 39 ša i-na ir-ṣi-^bti-šu-nu 40 u pa-di-šu-nu 41 ḫu-ub-tum 42 iḫ-ḫa-ab-tu 43 mi-im-ma-šu 44 ḫal-ga-am 45 i-ri-a-ab-^bbu-šum

§ 24.—IX, 46–50.

46 šum-ma na-bi-iš-tum 47 alum u ra-bi-^ba-nu-um 48 I ma-na kaspim 49 a-na ni-ši-šu 50 i-ša-ga-lu

§ 25.—IX, 51–65.

51 šum-ma i-na bît ^ba-wi-lim 52 i-ša-tum 53 in-na-bi-iḫ-ma 54 a-wi-lum 55 ša a-na bu-ul-^bli-im 56 il-li-ku 57 a-na nu-ma-at 58 be-el bîtim 59 i-in-šu iš-ši-ma 60 nu-ma-at 61 be-el bîtim 62 il-te-di(=ḳi) 63 a-wi-lum šu-u 64 a-na i-ša-tim ^bšu-a-ti 65 in-na-ad-di

§ 26.—IX, 66–X, 12.

66 šum-ma lu rid ṣâbê 67 u lu bâ’irum 68 ša a-na ḫar-ra-an ^bšar-ri-im 69 a-la-ak-šu X, 1 ga-bu-u 2 la il-li-ik 3 u lu ^amêluagram 4 i-gar-ma 5 pu-uḫ-šu 6 id-da-ra-ad 7 lu rid ṣâbê 8 u lu bâ’irum šu-u 9 id-da-ak 10 mu-na-ag-gi-^bir-šu 11 bî-zu 12 i-tab-ba-al

§ 27.—X, 13–29.

13 šum-ma lu rid ṣâbê 14 u lu-u bâ’irum 15 ša i-na dan-na-at 16 šar-ri-im 17 tu-ur-ru 18 wa-ar-[ki]-šu 19 eḳil-šu u kirâ-šu 20 a-na ša-ni-im 21 id-di-nu-ma 22 i-li-ik-šu 23 it-ta-la-ak 24 [ 20 ] šum-ma it-tu-^bra-am-ma 25 ali-šu ^bik-ta-aš-dam 26 eḳil-šu u kirâ-šu 27 u-ta-ar-^bru-šum-ma 28 šu-ma i-li-ik-šu 29 i-il-la-ak

§ 28.—X, 30–40.

30 šum-ma lu rid ṣâbê 31 u lu-u bâ’irum 32 ša i-na dan-na-at 33 šar-ri-im 34 tu-ur-ru 35 mâr-šu il-kam 36 a-la-kam i-li-i 37 eḳlum u kirûm 38 in-na-ad-di-^biš-šum-ma 39 i-li-[ik] a-bi-šu 40 i-il-la-ak

§ 29.—X, 41–50.

41 šum-ma mâr-šu 42 ṣi-ḫi-ir-ma 43 i-li-ik a-bi-šu 44 a-la-kam 45 la i-li-i 46 ša-lu-uš-ti ^beḳlim u kirêm 47 a-na um-mi-šu 48 in-na-ad-di-^bin-ma 49 um-ma-šu 50 u-ra-ab-ba-šu

§ 30.—X, 51–XI, 4.

51 šum-ma lu rid ṣâbê 52 u lu bâ’irum 53 eḳil-šu kirâ-šu ^bu bî-zu 54 i-na pa-ni ^bil-ki-im 55 id-di-ma 56 ud-da-ab-bi-ir 57 ša-nu-um 58 wa-ar-ki-šu 59 eḳil-šu ^bkirâ-šu 60 u bî-zu 61 iṣ-ba-at-ma 62 šattam III^kam 63 i-li-ik-šu 64 it-ta-la-ak 65 šum-ma it-tu-^bra-am-ma 66 eḳil-šu kirâ-šu u bî-zu 67 i-ir-ri-iš 68 u-ul in-na-ad-^bdi-iš-šum XI, 1 ša iṣ-ṣa-ab-^btu-ma 2 i-li-ik-šu 3 it-ta-al-ku 4 šu-ma ^bi-il-la-ak

§ 31.—XI, 5–12.

5 šum-ma ša-at-tam 6 iš-ti-a-at-ma 7 ud-da-ab-^bbi-ir-ma 8 it-tu-ra-am 9 eḳil-šu kirû-šu ^bu bî-zu 10 in-na-ad-di-^biš-šum-ma 11 šu-ma i-li-ik-šu 12 i-il-la-ak

§ 32.—XI, 13–38.

13 šum-ma lu rid ṣâbê 14 u lu bâ’iram 15 ša i-na ḫar-ra-an 16 šar-ri-im 17 tu-ur-ru 18 tam-karum ip-tu-^bra-aš-šu-ma 19 ali-šu uš-ta-ak-^bši-da-aš-šu 20 šum-ma i-na bi-ti-šu 21 ša pa-da-ri-im 22 i-ba-aš-ši 23 šu-ma ra-ma-an-šu 24 [ 22 ]i-pa-ad-da-ar 25 šum-ma i-na bi-ti-šu 26 ša pa-da-ri-šu 72 la i-ba-aš-ši 28 i-na bît ili ali-šu 29 ip-pa-ad-dar 30 šum-ma i-na bît 31 ili ali-šu 32 ša pa-da-ri-šu 33 la i-ba-aš-ši 34 êkallum i-pa-^bad-da-ri(=ar)-šu 35 eḳil-šu kirû-šu 36 u bî-zu 37 a-na ip-te-ri-šu 38 u-ul in-na-^bad-di-in

§ 33.—XI, 39–50.

39 šum-ma lu PA.PA 40 u lu-u NU.TUR 41 ṣâb ni-is-ḫa-tim 42 ir-ta-ši 43 u lu a-na ḫarrân 44 šar-ri-im 45 ^amêluagram pu-ḫa-am 46 im-hu-ur-ma 47 ir-te-di 48 lu PA.PA 49 u lu NU.TUR šu-u 50 id-da-ak

§ 34.—XI, 51–64.

51 šum-ma lu PA.PA 52 u lu NU.TUR 53 nu-ma-at rid ṣâbê ^bil-te-ḳi 54 rid ṣâbê iḫ-ta-^bba-al 55 rid ṣâbê a-na ig-ri-im 56 it-ta-di-in 57 rid ṣâbê i-na di-nim 58 a-na dan-nim iš-ta-ra-aḳ 59 ḳi-iš-ti šar-ru-um 60 [a]-na rid ṣâbê id-di-nu 61 il-te-di(=ḳi) 62 lu PA.PA 63 u lu NU.TUR šu-u 64 id-da-ak

§ 35.—XI, 65–XII, 4.

65 šum-ma a-wi-lum 66 LID.GUD.ZUN 67 u ṣênê 68 ša šar-ru-um 69 a-na rid ṣâbê 70 id-di-nu XII, 1 i-na ga-ti rid ṣâbê 2 iš-ta-am 3 i-na kaspi-šu 4 i-te-el-li

§ 36.—XII, 5–9.

5 eḳlu-um kirûm ^bu bîtum 6 ša rid ṣâbê bâ’irim 7 u na-ši ^bbi-il-tim 8 a-na kaspim 9 u-ul i-na-ad-^bdi-in

§ 37.—XII, 10–21.

10 šum-ma a-wi-lum 11 eḳlam kirâm u bîtam 12 ša rid ṣâbê bâ’irim 13 u na-ši biltim 14 iš-ta-am 15 dup-pa-šu 16 iḫ-ḫi-ib-bi 17 u i-na kaspi-šu 18 i-te-el-li 19 eḳlum kirûm u bîtum 20 a-na be-li-šu 21 i-ta-ar [ 24 ]

§ 38.—XII, 22–30.

22 rid ṣâbê bâ’irum 23 u na-ši biltim 24 i-na eḳlim kirêm ^bu bîtim 25 ša il-ki-šu 26 a-na aš-ša-ti-šu 27 u mârti-šu 28 u-ul i-ša-^bad-da-ar 29 u a-na i-il-^bti-šu 30 u-ul i-na-^bad-di-in

§ 39.—XII, 31–38.

31 i-na eḳlim kirêm ^bu bîtim 32 ša i-ša-am-mu-ma 33 i-ra-aš-šu-u 34 a-na aš-ša-ti-šu 35 u mârti-šu 36 i-ša-ad-dar 37 u a-na e-ḫi-^bil-ti-šu 38 i-na-ad-di-in

§ 40.—XII, 39–48.

39 aššatum tamkarum 40 u il-kum a-ḫu-u-um 41 eḳil-šu kirâ-šu 42 u bî-zu a-na kaspim 43 i-na-ad-di-in 44 ša-a-a-ma-nu-um 45 i-li-ik eḳlim 46 kirêm u bîtim 47 ša i-ša-am-mu 48 i-il-la-ak

§ 41.—XII, 49–62.

49 šum-ma a-wi-lum 50 eḳlam kirâm u bîtam 51 ša rid ṣâbê bâ’irim 52 u na-ši bi-il-tim 53 u-bi-iḫ 54 u ni-ip-la-tim 55 id-di-in 56 rid ṣâbê bâ’irum 57 u na-ši bi-il-tim 58 a-na eḳli-šu kirê-šu ^bu bîti-šu 59 i-ta-ar 60 u ni-ip-la-tim 61 ša in-na-ad-^bnu-šum 62 i-tab-ba-al

§ 42.—XII, 63–XIII, 5.

63 šum-ma a-wi-lum 64 eḳlam a-na ir-ri-^bšu-tim 65 u-še-ṣi-ma 66 i-na eḳlim še’am ^bla uš-tab-ši 67 i-na eḳlim ši-ip-^bri-im XIII, 1 la e-bi-ši-im 2 u-ka-an-nu-šu-ma 3 še’am ki-ma i-te-šu 4 a-na be-el eḳlim 5 i-na-ad-di-in

§ 43.—XIII, 6–16.

6 šum-ma eḳla-am ^bla i-ri-iš-ma 7 it-ta-di 8 še’am ki-ma i-te-šu 9 a-na be-el eḳlim 10 i-na-ad-di-in 11 u eḳlam ša id-^bdu-u 12 ma-a-a-ri 13 i-ma-aḫ-ḫa-aṣ 14 i-ša-ak-ka-^bak-ma 15 a-na be-el eḳlim 16 u-ta-ar [ 26 ]

§ 44.—XIII, 17–34.

17 šum-ma a-wi-lum 18 eḳlam KI.KAL. 19 a-na šattim III^kam 20 a-na te-ip-ti-tim 21 u-še-ṣi-ma 22 a-aḫ-šu id-di-ma 23 eḳlam la ip-te-te 24 i-na ri-bu-tim 25 ša-at-tim 26 eḳlam ma-a-a-ri 27 i-ma-aḫ-ḫa-aṣ 28 i-mar-ra-ar 29 u i-ša-ak-^bka-ak-ma 30 a-na be-el eḳlim 31 u-ta-ar 32 u X GAN.E 33 X ŠE.GUR 34 i-ma-ad-da-ad

§ 45.—XIII, 35–46.

35 šum-ma a-wi-lum 36 eḳil-šu a-na biltim 37 a-na ir-ri-ši-im 38 id-di-in-ma 39 u bilat eḳli-šu 40 im-ta-ḫa-ar 41 wa-ar-ka eḳlam 42 ^iluAdad ir-ta-ḫi-iṣ 43 u lu bi-ib-bu-lum 44 it-ba-al 45 bi-ti-iḳ-tum 46 ša ir-ri-ši-im-ma

§ 46.—XIII, 47–57.

47 šum-ma bilat eḳli-šu 48 la im-ta-ḫar 49 u lu a-na mi-iš-^bla-ni 50 u lu a-na ša-lu-uš 51 eḳlam id-di-in 52 še’am ša i-na eḳlim 53 ib-ba-aš-šu-u 54 ir-ri-šum 55 u be-el eḳlim 56 a-na ap-ši-te-im 57 i-zu-uz-zu

§ 47.—XIII, 58–70.

58 šum-ma ir-ri-šum 59 aš-šum i-na ša-^bat-tim 60 maḫ-ri-tim 61 ma-na-ḫa-ti-šu 62 la il-lu(=ḳu)-u 63 eḳlam e-ri-ša-am ^biḳ-ta-bi 64 be-el eḳlim 65 u-ul u-up-pa-as 66 ir-ri-su-ma 67 eḳil-šu i-ni-ri-^biš-ma 68 i-na ebûrim 69 ki-ma ri-ik-^bsa-ti-šu 70 še’am i-li-ḳi

§ 48.—XIII, 71–XIV, 17.

71 šum-ma a-wi-lum 72 ḫu-bu-ul-lum 73 e-li-šu XIV, 1 i-ba-aš-ši-ma 2 eḳil-šu 3 ^iluAdad 4 ir-ta-ḫi-iṣ 5 u lu-u ^bbi-ib-bu-lum 6 it-ba-al 7 u lu-u ^bi-na la me-e 8 še’um i-na eḳlim 9 la it-tab-ši 10 i-na ša-at-tim šu-a-ti 11 še’am a-na be-el ^bḫu-bu-ul-[li] 12 u-ul u-ta-ar 13 dup-pa-šu 14 u-ra-ad-da-ab 15 u ṣi-ib-tam 16 ša ša-at-tim ^bšu-a-ti 17 u-ul i-na-^bad-di-in [ 28 ]

§ 49.—XIV, 18–44.

18 šum-ma a-wi-lum 19 kaspam it-ti ^btamkarim 20 il-ḳi-ma 21 eḳil ip-še-tim 22 ša še’im u lu ^bšamaššammim 23 a-na tamkarim id-di-in 24 eḳlam e-ri-iš-ma 25 še’am u lu-u ^bšamaššammam 26 ša ib-ba-aš-šu-u 27 e-si-ip ta-ba-al 28 iḳ-bi-šum 29 šum-ma ir-ri-šum 30 i-na eḳlim še’am 31 u lu šamaššammam 32 uš-tab-ši 33 i-na ebûrim še’am ^bu šamaššammam 34 ša i-na eḳlim ^bib-ba-aš-šu-u 35 be-el eḳli-ma 36 i-li-ḳi-ma 37 še’am ša kaspi-šu 38 u ṣi-ba-zu 39 ša it-ti tamkarim 40 il-ḳu-u 41 u ma-na-ḫa-at 42 e-ri-ši-im 43 a-na tamkarim 44 i-na-ad-di-in

§ 50.—XIV, 45–55.

45 šum-ma eḳlam ir-ša-am 46 u lu-u 47 eḳil šamaššammim 48 ir-ša-am id-di-in 49 še’am u šamaššammam 50 ša i-na eḳlim 51 ib-ba-aš-šu-u 52 be-el eḳli-ma 53 i-li-ḳi-ma 54 kaspam u ṣi-ba-zu 55 a-na tamkarim ^bu-ta-ar

§ 51.—XIV, 56–66.

56 šum-ma kaspam 57 a-na tu-ur-ri-im 58 la i-šu 59 šamaššammam 60 a-na ma-ḫi-ra-^bti-šu-nu 61 ša kaspi-šu 62 u ṣi-ib-ti-šu 63 ša it-ti tamkarim ^bil-ku-u 64 a-na pî ṣi-im-^bda-at 65 šar-ri-im 66 a-na tamkarim ^bi-na-ad-di-in

§ 52.—XV, 1–6.

XV, 1 šum-ma ir-ri-šum 2 i-na eḳlim še-am 3 u lu šamaššammam 4 la uš-tab-ši 5 ri-ik-sa-ti-šu 6 u-ul in-ni

§ 53.—XV, 7–20.

7 šum-ma a-wi-lum 8 a-na [kâri]-šu 9 du-[un-nu]-nim 10 a-aḫ-šu [id-di-ma] 11 kâri-[šu] 12 la u-dan-[ni-in-ma] 13 i-na kâri-[šu] 14 bi-tum it-te-[ip-ti] 15 u ugaram ^bme-e uš-ta-bil 16 a-wi-lum 17 ša i-na kâri-šu 18 bi-tum ib-bi-tu-u 19 še’am ša u-ḫal-li-ḳu 20 i-ri-a-ab [ 30 ]

§ 54.—XV, 21–30.

21 šum-ma še’am ri-a-ba-am 22 la i-li-i 23 šu-a-ti 24 u bi-ša-šu 25 a-na kaspim 26 i-na-ad-di-nu-ma 27 mâr+ugarê 28 ša še’i-šu-nu 29 mu-u ub-lu 30 i-zu-uz-zu

§ 55.—XV, 31–38.

31 šum-ma a-wi-lum 32 a-tap-pa-šu 33 a-na ši-ki-tim ip-te 34 a-aḫ-šu id-di-ma 35 eḳil i-te-šu 36 me-e uš-ta-bil 37 še’am ki-ma i-te-šu 38 i-ma-ad-da-ad

§ 56.—XV, 39–45.

39 šum-ma a-wi-lum 40 me-e ip-te-ma 41 ip-še-tim ^bša eḳil i-te-šu 42 me-e uš-ta-bil 43 X GAN.E 44 X ŠE.GUR 45 i-ma-ad-da-ad

§ 57.—XV, 46–64.

46 šum-ma rê’um 47 a-na ša-am-mi 48 ṣênê šu-ku-lim 49 it-ti be-el eḳlim 50 la im-ta-gar-ma 51 ba-lum be-el eḳlim 52 eḳlam ṣênê 53 uš-ta-ki-il 54 be-el eḳlim eḳil-šu 55 i-iṣ-ṣi-id 56 rê’um ša i-na ba-lum 57 be-el eḳlim 58 eḳlam ṣênê 59 u-ša-ki-lu 60 e-li-nu-um-ma 61 X GAN.E 62 XX ŠE.GUR 63 a-na be-el eḳlim 64 i-na-ad-di-in

§ 58.—XV, 65–XVI, 3.

65 šum-ma iš-tu ^bṣênê 66 i-na ugarim 67 i-te-li-a-nim 68 ka-an-nu ^bga ma-ar tim 69 i-na abullim 70 it-ta-aḫ-la-lu 71 rê’um ṣênê 72 a-na eḳlim id-di-ma 73 eḳlam ṣênê 74 uš-ta-ki-il 75 rê’um eḳlum u-ša-ki-lu 76 i-na-ṣa-ar-ma 77 i-na ebûrim 78 X GAN.E XVI, 1 LX ŠE.GUR 2 a-na be-el eḳlim 3 i-ma-ad-da-ad

§ 59.—XVI, 4–9.

4 šum-ma a-wi-lum 5 ba-lum be-el kirêm 6 i-na kirê a-wi-lim 7 i-ṣa-am ik-ki-is 8 1/2 ma-na kaspim 9 i-ša-ḳal [ 32 ]

§ 60.—XVI, 10–26.

10 šum-ma a-wi-lum 11 eḳlam a-na kirêm ^bza-ga-bi-im 12 a-na NU.kirêm ^bid-di-in 13 NU.kirûm 14 kirâm iz-ḳu-up 15 šattam IV^kam 16 kirâm u-ra-ab-ba 17 i-na ḫa-mu-uš-tim 18 ša-at-tim 19 be-el kirêm 20 u NU.kirûm 21 mi-it-ḫa-ri-iš 22 i-zu-zu 23 be-el kirêm 24 zitti-šu 25 i-na-za-ak-ma 26 i-li-ḳi

§ 61.—XVI, 27–33.

27 šum-ma NU.kirûm 28 eḳlam i-na za-ga-bi-im 29 la ig-mur-ma 30 ni-di-tam i-zi-ib 31 ni-di-tam 32 a-na li-ib-bi ^bzitti-šu 33 i-ša-ka-nu-šum

§ 62.—XVI, 34–47.

34 šum-ma eḳlam 35 ša in-na-ad-nu-šum 36 a-na kirêm ^bla iz-ḳu-up 37 šum-ma abšênum 38 bilat eḳlim 39 ša ša-na-tim 40 ša in-na-du-u 41 NU.kirûm 42 a-na be-el eḳlim 43 ki-ma i-te-šu 44 i-ma-ad-da-ad 45 u eḳlam ši-ip-ra-am 46 i-ib-bi-eš-ma 47 a-na be-el eḳlim ^bu-ta-a-ar

§ 63.—XVI, 48–57.

48 šum-ma eḳlam KI.KAL 49 eḳlam ši-ip-ra-am 50 i-ib-bi-eš-ma 51 eḳlu(=a-na) be-el eḳlim 52 u-ta-a-ar 53 u X GAN.E 54 X ŠE.GUR 55 ša ša-at-tim 56 iš-ti-a-at 57 i-ma-ad-da-ad

§ 64.—XVI, 58–70.

58 šum-ma a-wi-lum 59 kirâ-šu 60 a-na NU.kirêm 61 a-na ru-ku-bi-im 62 id-di-in 63 NU.kirûm 64 a-di kirûm ṣa-ab-tu 65 i-na bi-la-at kirêm 66 ši-it-ti-in 67 a-na be-el kirêm 68 i-na-ad-di-in 69 ša-lu-uš-tam 70 šu-u i-li-ḳi

§ 65.—XVI, 71–77.

71 šum-ma NU.kirûm 72 kirâm la u-ra-^bak-ki-ib-ma 73 bi-il-tam um-ta-di 74 NU.kirûm 75 bi-la-at kirêm 76 a-na i-te-šu 77 [i-ma-ad-da-ad]

[Five columns, §§ 66–99, have been cut off the stone.]

[ 34 ]

§ 100.—XVII, 1–7.

. . . . . . . XVII, 1 ṣi-ba-a-at kaspim 2 ma-la il-ḳu-u 3 i-sa-ad-dar-ma 4 ûmi-šu 5 i-ma-an-nu-^bu-ma 6 tamkari-šu 7 i-ip-pa-al

§ 101.—XVII, 8–14.

8 šum-ma a-šar ^bil-li-ku 9 ne-me-lam 10 la i-ta-mar 11 kaspam il-ḳu-u 12 uš-ta-ša-na-ma 13 šamallûm a-na tamkarim 14 i-na-ad-di-in

§ 102.—XVII, 15–23.

15 šum-ma tamkarum 16 a-na šamallîm 17 kaspam a-na ta-ad-^bmi-iḳ-tim 18 it-ta-di-^bin-ma 19 a-šar il-li-ku 20 bi-ti-iḳ-tam 21 i-ta-mar 22 ga-ga-ad kaspim 23 a-na tamkarim ^bu-ta-ar

§ 103.—XVII, 24–31.

24 šum-ma ḫar-ra-nam 25 i-na a-la-ki-šu 26 na-ak-ru-um 27 mi-im-ma ^bša na-šu-u 28 uš-ta-ad-di-šu 29 šamallûm ^bni-iš i-lim 30 i-za-kar-ma 31 u-ta-aš-šar

§ 104.—XVII, 32–45.

32 šum-ma tamkarum 33 a-na šamallîm 34 še’am šipâtam šamnam 35 u mi-im-ma ^bbi-ša-am 36 a-na pa-ša-ri-im 37 id-di-in 38 šamallûm kaspam 39 i-sa-ad-dar-ma 40 a-na tamkarim 41 u-ta-ar 42 šamallûm ^bka-ni-ik kaspim 43 ša a-na tamkarim 44 i-na-ad-di-nu 45 i-li-ḳi

§ 105.—XVII, 46–54.

46 šum-ma šamallûm 47 i-te-gi-ma 48 ka-ni-ik kaspim 49 ša a-na tamkarim 50 id-di-nu 51 la il-te-ḳi 52 kaspi la ka-ni-^bki-im 53 a-na ni-ik-ka-^baz-zi-im 54 u-ul iš-ša-ak-ka-an

§ 106.—XVII, 55–67.

55 šum-ma šamallûm 56 kaspam it-ti ^btamkarim 57 il-ḳi-ma 58 tamkari-šu 59 it-ta-ki-ir 60 [ 36 ]tamkarum šu-u 61 i-na ma-ḫar i-lim ^bu ši-bi 62 i-na kaspim li-ḳi-im 63 šamallâm u-ka-an-ma 64 šamallûm kaspam 65 ma-la il-ḳu-u 66 a-du III-šu a-na tamkarim 67 i-na-ad-di-in

§ 107.—XVII, 68–XVIII, 14.

68 šum-ma tamkarum 69 šamallâm i-ḳi-ip-ma 70 šamallûm mi-im-ma 71 ša tamkarum id-di-nu-šum 72 a-na tamkari-šu XVIII, 1 ut-te-ir 2 tamkarum mi-im-ma 3 ša šamallûm 4 id-di-nu-šum 5 it-ta-ki-ir-šu 6 šamallûm šu-u 7 i-na ma-ḫar i-lim ^bu ši-bi 8 tamkaram u-ka-an-ma 9 tamkarum ^baš-šum šamallî-šu 10 ik-ki-ru 11 mi-im-ma ^bša il-ḳu-u 12 a-du VI-šu 13 a-na šamallîm 14 i-na-ad-di-in

§ 108.—XVIII, 15–25.

15 šum-ma ŠAL.GEŠ.TIN.NA 16 a-na šîm šikarim 17 še’am la im-ta-ḫar 18 i-na abnim ^bra-bi-tim 19 kaspam im-ta-ḫar 20 u KI.LAM šikarim 21 a-na KI.LAM še’im ^bum-ta-di 22 ŠAL.GEŠ.TIN.NA ^bšu-a-ti 23 u-ka-an-nu-ši-ma 24 a-na me-e 25 i-na-[ad]-du-u-ši

§ 109.—XVIII, 26–35.

26 šum-ma ŠAL.GEŠ.TIN.NA 27 ṣa-ar-ru-tum 28 i-na bîti-ša 29 it-tar-ka-zu-ma 30 ṣa-ar-ru-tim ^bšu-nu-ti 31 la iṣ-ṣa-ab-^btam-ma 32 a-na êkallim 33 la ir-di-a-am 34 ŠAL.GEŠ.TIN.NA ^bši-i 35 id-da-ak

§ 110.—XVIII, 36–44.

36 šum-ma aššatum NIN.AN 37 ša i-na MAL.GE.A 38 la wa-aš-ba-at 39 bît GEŠ.TIN.NA ^bip-te-te 40 u lu a-na šikarim 41 a-na bît GEŠ.TIN.NA 42 i-te-ru-ub 43 a-wi-il-tam ^bšu-a-ti 44 i-ḳal-lu-u-ši

§ 111.—XVIII, 45–49.

45 šum-ma ŠAL.GEŠ.TIN.NA 46 LX ḲA šikarim U.SA.KA.NI 47 a-na di-ib-tim id-di-in 48 i-na ebûrim 49 L ḲA še’im i-li-ḳi [ 38 ]

§ 112.—XVIII, 50–74.

50 šum-ma a-wi-lum 51 i-na ḫar-ra-nim 52 wa-ši-ib-ma 53 kaspam ḫurâṣam abnam 54 u bi-iš ga-ti-šu 55 a-na a-wi-lim 56 id-di-in-ma 57 a-na ši-bu-ul-tim 58 u-ša-bil-šu 59 a-wi-lum šu-u 60 mi-im-ma ša šu-bu-lu 61 a-šar šu-bu-lu 62 la id-[di-]in-ma 63 it-ba-al 64 be-el ši-bu-ul-tim 65 a-wi-lam šu-a-ti 66 i-na mi-im-ma 67 ša šu-bu-lu-ma 68 la id-di-nu 69 u-ka-an-nu-šu-ma 70 a-wi-lum šu-u 71 a-du V-šu mi-im-ma 72 ša in-na-ad-nu-šum 73 a-na be-el ^bši-bu-ul-tim 74 i-na-ad-di-in

§ 113.—XVIII, 75–XIX, 16.

75 šum-ma a-wi-lum 76 e-li a-wi-lim XIX, 1 še’am u kaspam ^bi-šu-ma 2 i-na ba-lum ^bbe-el še’im 3 i-na na-aš-pa-^bki-im 4 u lu i-na ma-^baš-ka-nim 5 še’am il-te-ḳi 6 a-wi-lam šu-a-ti 7 i-na ba-lum ^bbe-el šê’im 8 i-na na-aš-pa-ki-im 9 u lu i-na maškanim 10 i-na še’im li-ḳi-im 11 u-ka-an-nu-šu-ma 12 še’am ma-la il-ḳu-u 13 u-ta-ar 14 u i-na mi-im-^bma šum-šu 15 ma-la id-di-nu 16 i-te-el-li

§ 114.—XIX, 17–25.

17 šum-ma a-wi-lum 18 e-li a-wi-lim 19 še’am u kaspam 20 la i-šu-ma 21 ni-bu-zu ^bit-te-bi 22 a-na ni-bu-tim 23 iš-ti-a-at 24 1/3 ma-na kaspim 25 i-ša-ḳal

§ 115.—XIX, 26–37.

26 šum-ma a-wi-lum 27 e-li a-wi-lim 28 še’am u kaspam 29 i-šu-ma 30 ni-bu-zu ib-bi-ma 31 ni-bu-tum 32 i-na bît ne-bi-ša 33 i-na ši-ma-ti-ša 34 im-tu-ut 35 di-nu-um šu-u 36 ru-gu-um-ma-am 37 u-ul i-šu

§ 116.—XIX, 38–53.

38 šum-ma ni-bu-tum 39 i-na bît ne-bi-ša 40 i-na ma-ḫa-zi-im 41 u lu i-na uš-^bšu-ši-im 42 im-tu-ut 43 be-el ni-bu-tim 44 tamkari-šu 45 u-ka-an-ma 46 šum-ma mâr a-wi-lim 47 mâr-šu [ 40 ]i-du-uk-ku 48 šum-ma warad a-wi-lim 49 1/3 ma-na kaspim 50 i-ša-ḳal 51 u i-na mi-im-ma ^bšum-šu 52 ma-la id-di-nu 53 i-te-el-li

§ 117.—XIX, 54–67.

54 šum-ma a-wi-lam 55 e-ḫi-il-tum 56 iṣ-ba-zu-ma 57 ašša-zu mâr-šu ^bu mâra-zu 58 a-na kaspim ^bid-di-in 59 u lu a-na ki-iš-^bša-a-tim 60 it-ta-an-di-in 61 šattam III^kam 62 bît ša-a-a-ma-^bni-šu-nu 63 u ka-ši-ši-šu-nu 64 i-ib-bi-šu i-na ri-^bbu-tim 65 ša-at-tim 66 an-du-ra-ar-šu-nu 67 iš-ša-ak-ka-an

§ 118.—XIX, 68–73.

68 šum-ma wardam u lu amtam 69 a-na ki-iš-ša-tim 70 it-ta-an-di-in 71 tamkarum u-še-ti-iḳ 72 a-na kaspim i-na-ad-din 73 u-ul ib-ba-gar

§ 119.—XIX, 74–XX, 3.

74 šum-ma a-wi-lam 75 e-ḫi-il-tum 76 iṣ-ba-zu-ma 77 ama-zu ša mârê ul-du-šum 78 a-na kaspim it-ta-din XX, 1 kaspam tamkarum ^biš-ḳu-lu 2 be-el amtim ^bi-ša-ḳal-ma 3 ama-zu ^bi-pa-dar

§ 120.—XX, 4–23.

4 šum-ma a-wi-lum 5 še’i-šu a-na na-aš-^bpa-ku-tim 6 i-na bît a-wi-lum 7 iš-pu-uk-ma 8 i-na ga-ri-tim 9 i-ib-bu-u-um ^bit-tab-ši 10 u lu be-el bîtim 11 na-aš-pa-kam ^bip-te-ma 12 še’am il-ḳi 13 u lu še’am ^bša i-na bîti-šu 14 iš-ša-ap-ku 15 a-na ga-am-ri-im 16 it-ta-ki-ir 17 be-el še’im ^bma-ḫar i-lim 18 še’i-šu u-ba-ar-ma 19 be-el bîtim 20 še’am ša il-ḳu-u 21 uš-ta-ša-na-ma 22 a-na be-el še’im 23 i-na-ad-di-in

§ 121.—XX, 24–30.

24 šum-ma a-wi-lum 25 i-na bît a-wi-lim 26 še’am iš-pu-uk 27 i-na ša-na-at 28 a-na I ŠE.GUR.E ^bV ḲA še’im 29 ID na-aš-pa-ki-im 30 i-na-ad-di-in [ 42 ]

§ 122.—XX, 31–43.

31 šum-ma a-wi-lum 32 a-na a-wi-lim 33 kaspam ḫurâṣam 34 u mi-im-ma šum-šu 35 a-na ma-ṣa-ru-tim 36 i-na-ad-di-in 37 mi-im-ma ma-la 38 i-na-ad-di-nu 39 ši-bi u-kal-lam 40 ri-ik-sa-tim 41 i-ša-ak-ka-an-ma 42 a-na ma-ṣa-ru-tim 43 i-na-ad-di-in

§ 123.—XX, 44–52.

44 šum-ma ba-lum ši-bi 45 u ri-ik-sa-tim 46 a-na ma-ṣa-ru-tim 47 id-di-in-ma 48 a-šar id-di-nu 49 it-ta-ak-ru-šu 50 di-nu-um šu-u 51 ru-gu-um-ma-am 52 u-ul i-šu

§ 124.—XX, 53–65.

53 šum-ma a-wi-lum 54 a-na a-wi-lim 55 kaspam ḫurâṣam 56 u mi-im-ma šum-šu 57 ma-ḫar ši-bi 58 a-na ma-ṣa-ru-tim 59 id-di-in-ma 60 it-ta-ki-ir-šu 61 a-wi-lam šu-a-ti 62 u-ka-an-nu-šu-ma 63 mi-im-ma ^bša ik-ki-ru 64 uš-ta-ša-na-ma 65 i-na-ad-di-in

§ 125.—XX, 66–XXI, 7.

66 šum-ma a-wi-lum 67 mi-im-ma-šu 68 a-na ma-ṣa-ru-tim id-^bdi-in-ma 69 a-šar id-di-nu 70 u lu i-na bi-^bil-ši-im 71 u lu i-na na-ba- 72 al-ka-at-tim 73 mi-im-mu-šu 74 it-ti mi-im-me-e 75 be-el bîtim iḫ-ta-li-iḳ ^bbe-el bîtim ša i-gu-ma 76 mi-im-ma ša a-na 77 ma-ṣa-ru-tim ^bid-di-nu-šum-ma 78 u-ḫal-li-ḳu 79 u-ša-lam-ma XXI, 1 a-na be-el ŠA-GA 2 i-ri-a-ab 3 be-el bîtim 4 mi-im-ma-šu ^bḫal-ga-am 5 iš-te-ne-i-ma 6 it-ti šar-ra-^bga-ni-šu 7 i-li-ḳi

§ 126.—XXI, 8–24.

8 šum-ma a-wi-lum 9 mi-im-mu-šu 10 la ḫa-li-iḳ-ma 11 mi-im-[me]-šu 12 ḫa-li-[iḳ] ^biḳ-ta-bi 13 ba-ab-ta-šu 14 u-te-ib-bi-ir 15 ki-ma mi-im-mu-šu 16 la ḫal-ḳu 17 ba-ab-ta-šu 18 i-na ma-ḫar i-lim [ 44 ] 19 u-ba-ar-šu-ma 20 mi-im-ma 21 ša ir-gu-mu 22 uš-ta-ša-na-ma 23 a-na ba-ab-ti-šu 24 i-na-ad-di-in

§ 127.—XXI, 25–34.

25 šum-ma a-wi-lum 26 e-li NIN.AN 27 u aš-ša-at a-wi-lim 28 u-ba-nam ^bu-ša-at-ri-iṣ-ma 29 la uk-ti-in 30 a-wi-lam šu-a-ti 31 ma-ḫar da-a-a-ni 32 i-na-ad-du-u-šu 33 u mu-ut-ta-zu 34 u-gal-la-bu

§ 128.—XXI, 35–41.

35 šum-ma a-wi-lum 36 aš-ša-tam 37 i-ḫu-uz-ma 38 ri-ik-sa-ti-ša 39 la iš-ku-un 40 zinništum ši-i 41 u-ul aš-ša-at

§ 129.—XXI, 42–53.

42 šum-ma aš-ša-at ^ba-wi-lim 43 it-ti zi-ka-ri-im 44 ša-ni-im 45 i-na i-tu-lim 46 it-ta-aṣ-bat 47 i-ka-zu-šu-nu-ti-ma 48 a-na me-e 49 i-na-ad-du-u-^bšu-nu-ti 50 šum-ma be-el ^baš-ša-tim 51 aš-ša-zu u-ba-la-aṭ 52 u šar-ru-um 53 wara-zu u-ba-la-aṭ

§ 130.—XXI, 54–67.

54 šum-ma a-wi-lum 55 aš-ša-at a-wi-lim 56 ša zi-ka-ra-am 57 la i-du-u-ma 58 i-na bît a-bi-ša 59 wa-aš-ba-at 60 u-kab-bil-ši-ma 61 i-na zu-ni-ša 62 it-ta-ti-^bil-ma 63 iṣ-ṣa-ab-tu-šu 64 a-wi-lum šu-u 65 id-da-ak 66 zinništum ši-i 67 u-ta-aš-šar

§ 131.—XXI, 68–76.

68 šum-ma aš-sa-at 69 a-wi-lim 70 mu-za u-ub-bi-^bir-ši-ma 71 it-ti zi-ka-ri-im ^bša-ni-im 72 i-na u-tu-lim 73 la iṣ-ṣa-bi-it 74 ni-iš i-lim 75 i-za-kar-ma 76 a-na bîti-ša i-ta-ar

§ 132.—XXI, 77–XXII, 6

77 šum-ma aš-ša-at 78 a-wi-lim 79 aš-šum zi-ka-^bri-im ša-ni-im 80 u-ba-nu-um 81 e-li-ša 82 it-ta-ri-iṣ-ma 83 it-ti zi-ka-^bri-im XXII, 1 ša-ni-im [ 46 ] 2 i-na u-tu-lim 3 la it-ta-aṣ-^bba-at 4 a-na mu-ti-ša 5 ^iluNâram 6 i-ša-al-li

§ 133.—XXII, 7–17.

7 šum-ma a-wi-lum 8 iš-ša-li-^bil-ma 9 i-na bîti-šu 10 ša a-ka-lim 11 i-ba-aš-ši 12 [aš-ša]-zu 13 [i-na bî]-za ^b[wa-az-za-a]t 14 [pa-gar-š]a 15 [i-na-ṣa-a]r 16 [a-na bîtim ša-ni]-im 17 [u-ul i-ir]-ru-ub

§ 133A.—XXII, 18–26.

18 š[um-ma] zinništum ši-i 19 [pa]-gar-ša 20 la iṣ-ṣur-ma 21 a-na bîtim ša-ni-im 22 i-te-ru-ub 23 zinništam šu-a-ti 24 u-ka-an-nu-ši-ma 25 a-na me-e 26 i-na-ad-du-u-ši

§ 134.—XXII, 27–36.

27 šum-ma a-wi-lum 28 iš-ša-^bli-il-ma 29 i-na bîti-šu 30 ša a-ka-li-im 31 la i-ba-aš-ši 32 aš-ša-zu 33 a-na bîtim ša-ni-im 34 i-ir-ru-ub 35 zinništum ši-i 36 ar-nam ^bu-ul i-šu

§ 135.—XXII, 37–56.

37 šum-ma a-wi-lum 38 iš-ša-^bli-il-ma 39 i-na bîti-šu 40 ša a-ka-li-im 41 la i-ba-aš-ši 42 a-na pa-ni-šu 43 aš-ša-zu 44 a-na bîtim ša-ni-im 45 i-te-ru-ub-ma 46 mârê ^bit-ta-la-ad 47 i-na wa-ar-ka 48 mu-za it-tu-ra-^bam-ma 49 ali-šu 50 ik-ta-aš-dam 51 zinništum ši-i 52 a-na ḫa-wi-ri-ša 53 i-ta-ar 54 mârê wa-ar-ki 55 a-bi-šu-nu 56 i-il-la-ku

§ 136.—XXII, 57–72.

57 šum-ma a-wi-lum 58 ali-šu ^bid-di-ma 59 it-ta-bi-it 60 wa-ar-ki-šu 61 aš-ša-zu 62 a-na bîtim ša-ni-im 63 i-te-ru-ub 64 šum-ma a-wi-lum ^bšu-u 65 it-tu-ra-am-ma 66 aš-ša-zu 67 iṣ-ṣa-ba-at 68 aš-šum ali-šu 69 i-zi-ru-ma 70 in-na-bi-tu ^baš-ša-at mu-na-ab-tim 71 a-na mu-ti-ša 72 u-ul i-ta-ar [ 48 ]

§ 137.—XXII, 73–XXIII, 13.

73 šum-ma a-wi-lum 74 a-na ^šalšu-ge-tim 75 ša mârê ul-du-šum ^bu lu aššatim ša mârê 76 u-šar-šu-šu 77 e-ṣi-bi-im 78 pa-ni-šu 79 iš-ta-ka-an 80 a-na zinništim šu-a-ti 81 še-ri-iḳ-ta-ša 82 u-ta-ar-ru-ši-im 83 u mu-ut-ta-at 84 eḳlim kirêm u bi-ši-im XXIII, 1 i-na-ad-di-nu-^bši-im-ma 2 mârê-ša 3 u-ra-ab-ba 4 iš-tu mârê-ša 5 ur-ta-ab-bu-u 6 i-na mi-im-ma 7 ša a-na mârê-ša 8 in-na-ad-nu 9 ṣi-it-tam 10 ki-ma ab-lim ^biš-te-en 11 i-na-ad-di-nu-^bši-im-ma 12 mu-tu ^bli-ib-bi-ša 13 i-iḫ-ḫa-az-zi

§ 138.—XXIII, 14–24.

14 šum-ma a-wi-lum 15 ḫi-ir-ta-šu 16 ša mârê ^bla ul-du-šum 17 i-iz-zi-ib 18 kaspam ma-la 19 tir-ḫa-ti-ša 20 i-na-ad-di-iš-^bši-im 21 u še-ri-iḳ-tam 22 ša iš-tu ^bbît a-bi-ša ub-lam 23 u-ša-lam-^bši-im-ma 24 i-iz-zi-ib-ši

§ 139.—XXIII, 25–29.

25 šum-ma tir-ḫa-tum 26 la i-ba-aš-ši 27 I ma-na kaspim 28 a-na u-zu-ub-^bbi-im 29 i-na-ad-di-iš-^bši-im

§ 140.—XXIII, 30–32.

30 šum-ma MAŠ.EN.KAK 31 1/3 ma-na kaspim 32 i-na-ad-di-iš-^bši-im

§ 141.—XXIII, 33–59.

33 šum-ma aš-ša-at ^ba-wi-lim 34 ša i-na bît ^ba-wi-lim 35 wa-aš-ba-at 36 a-na wa-ṣi-im 37 pa-ni-ša 38 iš-ta-ka-an-ma 39 zi-ki-il-tam 40 i-za-ak-ki-il 41 bî-za ^bu-za-ap-pa-aḫ 42 mu-za u-ša-^bam-da 43 u-ka-an-nu-^bši-ma 44 šum-ma mu-za 45 e-ṣi-ib-ša 46 iḳ-ta-bi 47 i-iz-zi-ib-ši 48 ḫa-ra-an-ša 49 u-zu-ub-bu-ša 50 mi-im-ma 51 u-ul in-na-ad-^bdi-iš-ši-im 52 šum-ma mu-za 53 la e-ṣi-ib-ša ^biḳ-ta-bi 54 mu-za zinništam ša-ni-tam 55 i-iḫ-ḫa-az 56 zinništum ši-i 57 ki-ma amtim 58 i-na bît mu-ti-ša 59 uš-ša-ab [ 50 ]

§ 142.—XXIII, 60–XXIV, 5.

60 šum-ma zinništum ^bmu-za i-zi-ir-ma 61 u-ul ta-aḫ-ḫa-^bza-an-ni 62 iḳ-ta-bi 63 wa-ar-ka-za 64 i-na ba-ab-ti-ša 65 ip-pa-ar-ra-^baš-ma 66 šum-ma na-aṣ-^bra-at-ma 67 ḫi-di-tam 68 la i-šu 69 u mu-za(g) 70 wa-zi-ma 71 ma-ga-al 72 u-ša-am-^bda-ši 73 zinništum ši-i XXIV, 1 ar-nam ^bu-ul i-šu 2 še-ri-iḳ-ta-ša 3 i-li-ḳi-ma 4 a-na bît a-bi-ša 5 it-ta-al-la-ak

§ 143.—XXIV, 6–12.

6 šum-ma la na-^baṣ-ra-at-ma 7 wa-zi-a-at 8 bi-za ^bu-za-ap-pa-aḫ 9 mu-za u-ša-am-da 10 zinništam šu-a-ti 11 a-na me-e 12 i-na-ad-du-u-ši

§ 144.—XXIV, 13–27.

13 šum-ma a-wi-lum 14 aššatam i-ḫu-^buz-ma 15 aššatum ši-i 16 amtam a-na mu-ti-ša 17 id-di-in-ma 18 mârê uš-tab-ši 19 a-wi-lum šu-u 20 a-na ^šalšu-ge-tim 21 a-ḫa-zi-im 22 pa-ni-šu 23 iš-ta-ka-an 24 a-wi-lam ^bšu-a-ti 25 u-ul i-ma-ag-^bga-ru-šu 26 ^šalšu-ge-tam 27 u-ul i-iḫ-ḫa-az

§ 145.—XXIV, 28–42.

28 šum-ma a-wi-lum 29 aššatam i-ḫu-uz-ma 30 mârê la u-šar-^bši-šu-ma 31 a-na ^šalšu-ge-tim 32 a-ḫa-zi-im 33 pa-ni-šu 34 iš-ta-ka-an 35 a-wi-lum šu-u 36 ^šalšu-ge-tam 37 i-iḫ-ḫa-az 38 a-na bîti-šu 39 u-še-ir-ri-^bib-ši 40 ^šalšu-ge-tum ^bši-i 41 it-ti aššatim 42 u-ul uš-ta-^bma-aḫ-ḫa-ar

§ 146.—XXIV, 43–59.

43 šum-ma a-wi-lum 44 aššatam i-ḫu-uz-ma 45 amtam a-na mu-ti-ša 46 id-di-in-ma 47 mârê it-ta-^bla-ad 48 wa-ar-ka-nu-um 49 amtum ši-i 50 it-ti ^bbe-el-ti-ša 51 uš-ta-tam-ḫi-ir 52 aš-šum mârê ^bul-du 53 be-li-za 54 a-na kaspim 55 u-ul i-na-ad-^bdi-iš-ši 56 ab-bu-ut-tam 57 i-ša-ak-ka-^ban-ši-ma 58 it-ti amâti 59 i-ma-an-nu-ši [ 52 ]

§ 147.—XXIV, 60–64.

60 šum-ma mârê 61 la u-li-id 62 be-li-za 63 a-na kaspim 64 i-na-ad-di-^biš-ši

§ 148.—XXIV, 65–81.

65 šuma a-wi-lum 66 aš-ša-tam 67 i-ḫu-uz-ma 68 la-’a-bu-um 69 iṣ-ṣa-ba-az-zi 70 a-na ša-ni-tim 71 a-ḫa-zi-im 72 pa-ni-šu 73 iš-ta-ka-an 74 i-iḫ-ḫa-az 75 aš-ša-zu 76 ša la-’a-bu-um 77 iṣ-ba-tu 78 u-ul i-iz-^bzi-ib-ši 79 i-na bîtim i-pu-šu 80 uš-ša-am-ma 81 a-di ba-al-ṭa-at ^bit-ta-na-aš-ši-ši

§ 149.—XXV, 1–9.

1 šum-ma zinništum ši-i 2 i-na bît mu-ti-ša 3 wa-ša-ba-am 4 la im-ta-gar 5 še-ri-iḳ-ta-ša 6 ša iš-tu ^bbît a-bi-ša 7 ub-lam 8 u-ša-lam-šim-ma 9 it-ta-al-la-ak

§ 150.—XXV, 10–25.

10 šum-ma a-wi-lum 11 a-na aš-ša-ti-šu 12 eḳlam kirâm bîtam 13 u bi-ša-am 14 iš-ru-uḳ-šim 15 ku-nu-uk-kam 16 i-zi-ib-ši-im 17 wa-ar-ki ^bmu-ti-ša 18 mârê-ša u-ul ^bi-ba-ga-ru-ši 19 um-mu-um 20 wa-ar-ka-za 21 a-na mâri-ša 22 ša i-ra-am-mu 23 i-na-ad-di-in 24 a-na a-ḫi-im 25 u-ul i-na-ad-di-in

§ 151.—XXV, 26–51.

26 šum-ma zinništum 27 ša i-na bît a-wi-lim 28 wa-aš-ba-at 29 aš-šum be-el ^bḫu-bu-ul-lim 30 ša mu-ti-ša 31 la ṣa-ba-ti-ša 32 mu-za ^bur-ta-ak-ki-is 33 dup-pa-am 34 uš-te-zi-ib 35 šum-ma ^ba-wi-lum šu-u 36 la-ma zinništam šu-a-ti 37 i-iḫ-ḫa-zu 38 ḫu-bu-ul-lum 39 e-li-šu 40 i-ba-aš-ši 41 be-el ḫu-bu-ul-^bli-šu 42 aš-ša-zu 43 u-ul i-ṣa-^bba-tu 44 u šum-ma ^bzinništum ši-i 45 la-ma a-na bît ^ba-wi-lim 46 i-ir-ru-bu 47 ḫu-bu-ul-lum 48 e-li-ša 49 i-ba-aš-ši 50 be-el ḫu-bu-ul-^bli-ša 51 mu-za u-ul ^bi-ṣa-ba-tu [ 54 ]

§ 152.—XXV, 52–60.

52 šum-ma iš-tu 53 zinništum ši-i 54 a-na bît a-wi-lim 55 i-ru-bu 56 e-li-šu-nu 57 ḫu-bu-ul-lum 58 it-tab-ši 59 ki-la-la-šu-nu 60 tamkaram i-ip-pa-lu

§ 153.—XXV, 61–66.

61 šum-ma aš-ša-at ^ba-wi-lim 62 aš-šum zi-ka-^bri-im 63 ša-ni-im 64 mu-za uš-di-ik 65 zinništam šu-a-ti ^bi-na ga-ši-ši-im 66 i-ša-ak-ka-nu-ši

§ 154.—XXV, 67–71.

67 šum-ma a-wi-lum 68 mâra-zu 69 il-ta-ma-ad 70 a-wi-lam šu-a-ti 71 alam u-še-iz-^bzu-u-šu

§ 155.—XXV, 72–XXVI, 1.

72 šum-ma a-wi-lum 73 a-na mâri-šu 74 kallâtam ^bi-ḫi-ir-ma 75 mâr-šu il-ma-zi 76 šu-u wa-ar-^bka-nu-um-ma 77 i-na zu-ni-ša 78 it-ta-ti-il-ma 79 iṣ-ṣa-ab-tu-šu 80 a-wi-lam šu-a-ti 81 i-ka-zu-šu-ma 82 a-na me-e XXVI, 1 i-na-ad-du-u-ši

§ 156.—XXVI, 2–17.

2 šum-ma a-wi-lum 3 a-na mâri-šu 4 kallâtam 5 i-ḫi-ir-ma 6 mâr-šu la il-^bma-zi-ma 7 šu-u i-na zu-ni-ša 8 it-ta-ti-il 9 1/2 ma-na kaspim 10 i-ša-ḳal-^bši-im-ma 11 u mi-im-ma 12 ša iš-tu 13 bît a-bi-ša 14 ub-lam 15 u-ša-lam-^bši-im-ma 16 mu-tu ^bli-ib-bi-ša 17 i-iḫ-ḫa-az-zi

§ 157.—XXVI, 18–23.

18 šum-ma a-wi-lum 19 wa-ar-ki ^ba-bi-šu 20 i-na zu-un ^bum-mi-šu 21 it-ta-ti-il 22 ki-la-li-šu-nu 23 i-ḳal-lu-u-^bšu-nu-ti

§ 158.—XXVI, 24–32.

24 šum-ma a-wi-lum 25 wa-ar-ki ^ba-bi-šu 26 i-na zu-un 27 ra-bi-ti-šu 28 ša mârê ^bwa-al-da-at 29 it-ta-aṣ-ba-at 30 a-wi-lum šu-u 31 i-na bît a-ba 32 in-na-az-za-aḫ [ 56 ]

§ 159.—XXVI, 33–46.

33 šum-ma a-wi-lum 34 ša a-na bît ^be-mi-šu 35 bi-ib-lam 36 u-ša-bi-lu 37 tir-ḫa-tam id-di-nu 38 a-na zinništim ša-ni-tim 39 up-ta-al-li-^bis-ma 40 a-na e-mi-šu 41 mârat-ka 42 u-ul a-ḫa-az ^biḳ-ta-bi 43 a-bi mârtim 44 mi-im-ma 45 ša ib-ba-ab-^blu-šum 46 i-tab-ba-al

§ 160.—XXVI, 47–59.

47 šum-ma a-wi-lum 48 a-na bît e-mi-im 49 bi-ib-lam 50 u-ša-bi-il 51 tir-ḫa-tam 52 id-di-in-ma 53 a-bi mârtim 54 mârti-i u-ul a-na-^bad-di-ik-kum 55 iḳ-ta-bi 56 mi-im-ma ma-la 57 ib-ba-ab-lu-šum 58 uš-ta-ša-an-na-ma 59 u-ta-ar

§ 161.—XXVI, 60–77.

60 šum-ma a-wi-lum 61 a-na bît e-mi-šu 62 bi-ib-lam u-ša-bil 63 tir-ḫa-tam 64 id-di-in-ma 65 i-bi-ir-šu 66 ug-dar-ri-zu 67 e-mu-šu 68 a-na be-el aš-ša-tim 69 mârti-i u-ul ^bta-aḫ-ḫa-az 70 iḳ-ta-bi 71 mi-im-ma ma-la 72 ib-ba-ab-lu-šum 73 uš-ta-ša-an-na-ma 74 u-ta-ar 75 u aš-ša-zu 76 i-bi-ir-šu 77 u-ul i-iḫ-ḫa-az

§ 162.—XXVI, 78–XXVII, 6.

78 šum-ma a-wi-lum 79 aš-ša-tam 80 i-ḫu-uz 81 mârê u-li-zum-ma 82 zinništum ši-i 83 a-na ši-im-tim XXVII, 1 it-ta-la-ak 2 a-na še-ri-iḳ-^bti-ša 3 a-bu-ša 4 u-ul i-ra-^bag-gu-um 5 še-ri-iḳ-ta-ša 6 ša mârê-ša-ma

§ 163.—XXVII, 7–23.

7 šum-ma a-wi-lum 8 aš-ša-tam 9 i-ḫu-uz-ma 10 mârê la u-^bšar-ši-šu 11 zinništum ši-i 12 a-na ši-im-tim 13 it-ta-la-ak 14 šum-ma tir-ḫa-tam 15 ša a-wi-lum šu-u 16 a-na bît e-mi-šu ^bub-lu 17 e-mu-šu 18 ut-te-ir-šum 19 a-na še-ri-iḳ-ti 20 zinništim šu-a-ti 21 mu-za u-ul ^bi-ra-ag-gu-um 22 še-ri-iḳ-ta-ša 23 ša bît a-bi-ša-ma [ 58 ]

§ 164.—XXVII, 24–32.

24 šum-ma e-mu-šu 25 tir-ḫa-tam 26 la ut-te-ir-šum 27 i-na še-ri-iḳ-^bti-ša 28 ma-la ^btir-ḫa-ti-ša 29 i-ḫar-ra-aṣ-ma 30 še-ri-iḳ-ta-ša 31 a-na bît a-ta(=bi)-ša 32 u-ta-ar

§ 165.—XXVII, 33–50.

33 šum-ma a-wi-lum 34 a-na mâri-šu 35 ša i-in-šu ^bmaḫ-ru 36 eḳlam kirâm u bîtam 37 iš-ru-uḳ 38 ku-nu-kam iš-tur-šum 39 wa-ar-ka a-bu-um 40 a-na ši-im-tim 41 it-ta-al-ku 42 i-nu-ma aḫ-ḫu 43 i-zu-uz-zu 44 ḳi-iš-ti a-bu-um 45 id-di-nu-šum 46 i-li-ḳi-ma 47 e-li-nu-um-ma 48 i-na ŠA-GA bît a-ba 49 mi-it-ḫa-ri-iš 50 i-zu-uz-zu

§ 166.—XXVII, 51–73.

51 šum-ma a-wi-lum 52 a-na mârê ša ir-šu-u 53 aš-ša-tim i-ḫu-uz 54 a-na mâri-šu 55 ṣi-iḫ-ri-im 56 aš-ša-tam 57 la i-ḫu-uz 58 wa-ar-ka a-bu-um 59 a-na ši-im-tim 60 it-ta-al-ku 61 i-nu-ma aḫ-ḫu 62 i-zu-uz-zu 63 i-na ŠA.GA bît a-ba 64 a-na a-ḫi-šu-nu 65 ṣi-iḫ-ri-im 66 ša aš-ša-tam 67 la iḫ-zu 68 e-li-a-at 69 zi-it-ti-šu 70 kaspi tir-ḫa-tim 71 i-ša-ak-ka-^bnu-šum-ma 72 aš-ša-tam 73 u-ša-aḫ-^bḫa-zu-šu

§ 167.—XXVII, 74–XXVIII, 8.

74 šum-ma a-wi-lum 75 aš-ša-tam 76 i-ḫu-uz-ma 77 mârê u-li-zum 78 zinništum ši-i 79 a-na ši-im-tim 80 it-ta-la-ak 81 wa-ar-ki-ša 82 zinništam ša-ni-tam 83 i-ta-ḫa-^baz-ma 84 mârê it-ta-^bla-ad 85 wa-ar-ka-nu-um 86 a-bu-um ^ba-na ši-im-tim 87 it-ta-al-ku XXVIII, 1 mârê a-na um-^bma-tim 2 u-ul i-zu-^buz-zu 3 še-ri-iḳ-ti 4 um-ma-ti-šu-nu 5 i-li-ḳu-ma 6 ŠA.GA bît a-ba 7 mi-it-ḫa-ri-iš 8 i-zu-uz-zu

§ 168.—XXVIII, 9–24.

9 šum-ma a-wi-lum 10 a-na mâri-šu 11 na-sa-ḫi-im 12 pa-nam iš-ta-ka-an 13 a-na da-a-a-ni 14 [ 60 ] mâri-i a-na-za-aḫ ^biḳ-ta-bi 15 da-a-a-nu 16 wa-ar-ka-zu 17 i-par-ra-su-ma 18 šum-ma mârum ^bar-nam kab-tam 19 ša i-na ab-lu-tim 20 na-sa-ḫi-im 21 la ub-lam 22 a-bu-um mâri-šu 23 i-na ab-lu-tim 24 u-ul i-na-za-aḫ

§ 169.—XXVIII, 25–37.

25 šum-ma ar-nam kab-tam 26 ša i-na ab-lu-tim 27 na-sa-ḫi-im 28 a-na a-bi-šu 29 it-ba-lam 30 a-na iš-ti-iš-šu 31 pa-ni-šu ub-ba-lu 32 šum-ma ar-nam ^bkab-tam 33 a-di ši-ni-šu 34 it-ba-lam 35 a-bu-um mâri-šu 36 i-na ab-lu-tim 37 i-na-za-aḫ

§ 170.—XXVIII, 38–60.

38 šum-ma a-wi-lum 39 ḫi-ir-ta-šu 40 mârê u-li-zum 41 u ama-zu 42 mârê u-li-zum 43 a-bu-um 44 i-na bu-ul-ti-šu 45 a-na mârê ša amtum 46 ul-du-šum 47 mârû-u-a ^biḳ-ta-bi 48 it-ti mârê ^bḫi-ir-tim 49 im-ta-nu-šu-nu-ti 50 wa-ar-ka ^ba-bu-um 51 a-na ši-im-tim 52 it-ta-al-ku 53 i-na ŠA.GA ^bbît a-ba 54 mârê ḫi-ir-tim 55 u mârê amtim 56 mi-it-ḫa-ri-iš 57 i-zu-uz-zu 58 TUR.UŠ TUR ḫi-ir-tim 59 i-na zi-it-tim 60 i-na-za-ak-ma 61 i-li-ḳi

§ 171.—XXVIII, 61–XXIX, 5.

62 u šum-ma a-bu-um 63 i-na bu-ul-ti-šu 64 a-na mârê ša amtum ^bul-du-šum 65 mârû-u-a ^bla iḳ-ta-bi 66 wa-ar-ka ^ba-bu-um 67 a-na ši-im-tim 68 it-ta-al-ku 69 i-na ŠA.GA bît a-ba 70 mârê amtim 71 it-ti mârê ^bḫi-ir-tim 72 u-ul i-zu-uz-zu 73 an-du-ra-ar 74 amtim u mârê-ša 75 iš-ta-ak-ka-an 76 mârê ḫi-ir-tim 77 a-na mârê amtim 78 a-na wa-ar-du-tim 79 u-ul i-ra-ag-gu-mu 80 ḫi-ir-tum 81 še-ri-iḳ-ta-ša 82 u nu-du-na-am 83 ša mu-za 84 id-di-nu-ši-im 85 i-na dub-bi-im 86 iš-tu-ru-ši-im 87 i-li-ḳi-ma 88 i-na šu-ba-at 89 mu-ti-ša uš-ša-ab XXIX, 1 a-di ba-al-ṭa-at ^bi-ik-ka-al 2 a-na kaspim 3 u-ul i-na-ad-^bdi-in 4 wa-ar-ka-za 5 ša mârê-ša-ma [ 62 ]

§ 172.—XXIX, 6–26.

6 šum-ma mu-za 7 nu-du-un-na-am 8 la id-di-iš-ši-im 9 še-ri-iḳ-ta-ša 10 u-ša-la-mu-^bši-im-ma 11 i-na ŠA.GA 12 bît mu-ti-ša 13 ṣi-it-tam 14 ki-ma ablim ^biš-te-en 15 i-li-ḳi 16 šum-ma mârê-ša 17 aš-šum i-na bîtim ^bšu-zi-im 18 u-za-aḫ-ḫa-mu-ši 19 da-a-a-nu 20 wa-ar-ka-za 21 i-par-ra-su-ma 22 mârê ar-nam 23 i-im-mi-du 24 zinništum ši-i 25 i-na bît mu-ti-ša 26 u-ul uz-zi

§ 172A.—XXIX, 27–40.

27 šum-ma zinništum ši-i 28 a-na wa-ṣi-im 29 pa-ni-ša 30 iš-ta-ka-an 31 nu-du-un-na-am 32 ša mu-za 33 id-di-nu-ši-im 34 a-na mârê-ša 35 i-iz-zi-ib 36 še-ri-iḳ-tam 37 ša bît a-bi-ša 38 i-li-ḳi-ma 39 mu-ut li-ib-^bbi-ša 40 i-iḫ-ḫa-az-zi

§ 173.—XXIX, 41–50.

41 šum-ma zinništum ši-i 42 a-šar i-ru-bu 43 a-na mu-ti-ša 44 wa-ar-ki-im 45 mârê it-ta-la-ad 46 wa-ar-ka zinništum ši-i ^bim-tu-ut 47 še-ri-iḳ-ta-ša 48 mârê maḫ-ru-tum 49 u wa-ar-ku-tum 50 i-zu-uz-zu

§ 174.—XXIX, 51–56.

51 šum-ma a-na mu-ti-ša 52 wa-ar-ki-im 53 mârê la it-^bta-la-ad 54 še-ri-iḳ-ta-ša 55 mârê ḫa-wi-ri-^bša-ma 56 i-li-ḳu-u

§ 175.—XXIX, 57–68.

57 šum-ma lu warad ^bêkallim 58 u lu warad 59 MAŠ.EN.KAK 60 mârat a-wi-lim 61 i-ḫu-uz-ma 62 mârê 63 it-ta-la-ad 64 be-el wardim 65 a-na mârê 66 mârat a-wi-lim 67 a-na wa-ar-^bdu-tim 68 u-ul i-ra-ag-gu-um

§ 176.—XXIX, 69–XXX, 9.

69 u šum-ma ^bwarad êkallim 70 u lu warad MAŠ.EN.KAK 71 mârat a-wi-lim 72 i-ḫu-uz-ma 73 [ 64 ]i-nu-ma i-ḫu-zu-ši 74 ga-du-um 75 še-ri-iḳ-tim 76 ša bît a-bi-ša 77 a-na bît warad êkallim 78 u lu warad MAŠ.EN.KAK 79 i-ru-ub-ma 80 iš-tu in-ne-im-du 81 bîtam i-pu-šu 82 bi-ša-am ir-šu-u 83 wa-ar-ka-nu-um-ma 84 lu warad êkallim 85 u lu warad MAŠ.EN.KAK 86 a-na ši-im-tim 87 it-ta-la-ak 88 mârat a-wi-lim 89 še-ri-iḳ-ta-ša 90 i-li-ḳi 91 u mi-im-ma 92 ša mu-za u ši-i XXX, 1 iš-tu ^bin-ne-im-du 2 ir-šu-u 3 a-na ši-ni-šu 4 i-zu-uz-zu-ma 5 mi-iš-lam ^bbe-el wardim 6 i-li-ḳi 7 mi-iš-lam 8 mârat a-wi-lim 9 a-na mârê-ša ^bi-li-ḳi

§ 176A.—XXX, 10–21.

10 šum-ma ^bmârat a-wi-lim 11 še-ri-iḳ-tam ^bla i-šu 12 mi-im-ma ^bša mu-za u ši-i 13 iš-tu ^bin-ne-im-du 14 ir-šu-u 15 a-na ši-ni-šu 16 i-zu-uz-zu-ma 17 mi-iš-lam ^bbe-el wardim 18 i-li-ḳi 19 mi-iš-lam 20 mârat a-wi-lim 21 a-na mârê-ša ^bi-li-ḳi

§ 177.—XXX, 22–60.

22 šum-ma NU.MU.SU 23 ša mârê-ša 24 ṣi-iḫ-ḫi-ru 25 a-na bîtim ša-ni-im 26 e-ri-bi-im 27 pa-ni-ša 28 iš-ta-ka-an 29 ba-lum da-a-a-ni 30 u-ul i-ir-ru-ub 31 i-nu-ma 32 a-na bîtim ša-ni-im 33 i-ir-ru-bu 34 da-a-a-nu 35 wa-ar-ka-at 36 bît mu-ti-ša 37 pa-ni-im 38 i-par-ra-su-ma 39 bîtam ša mu-ti-ša 40 pa-ni-im 41 a-na mu-ti-ša 42 wa-ar-ki-im 43 u zinništim šu-a-ti 44 i-pa-ak-ki-du-ma 45 dup-pa-am 46 u-še-iz-zi-bu-^bšu-nu-ti 47 bîtam i-na-ṣa-ru 48 u ṣi-iḫ-ḫi-ru-tim 49 u-ra-ab-bu-u 50 u-ni-a-tim 51 a-na kaspim 52 u-ul i-na-ad-di-nu 53 ša-a-a-ma-nu-um 54 ša u-nu-ut 55 mârê NU.MU.SU 56 i-ša-am-mu 57 i-na kaspi-šu 58 i-te-el-li 59 ŠA.GA. a-na be-li-šu 60 i-ta-ar

§ 178.—XXX, 61–XXXI, 19.

61 šum-ma NIN.AN ^bŠAL(?) 62 u lu zinništum zi-ik-^bru-um 63 ša a-bu-ša 64 še-ri-iḳ-tam 65 [ 66 ]iš-ru-ḳu-ši-im 66 dup-pa-am 67 iš-tu-ru-ši-im 68 i-na dup-pi-im 69 ša iš-tu-ru-ši-im 70 wa-ar-ka-za 71 e-ma e-li-ša 72 ṭa-bu na-da-nam 73 la iš-tur-ši-im-ma 74 ma-la li-ib-bi-ša 75 la u-ša-am-zi-ši 76 wa-ar-ka a-bu-um 77 a-na ši-im-tim 78 it-ta-al-ku 79 eḳil-ša u kirâ-ša 80 aḫ-ḫu-ša 81 i-li-ḳu-ma 82 ki-ma e-mu-uḳ 83 zi-it-ti-ša 84 ŠE.BA NI.BA ^bu ŠIG.BA 85 i-na-ad-di-nu-šim-ma 86 li-ib-ba-ša 87 u-ṭa-ab-bu 88 šum-ma aḫ-ḫu-ša 89 ki-ma e-mu-uḳ 90 zi-it-ti-ša 91 ŠE.BA NI.BA u ŠIG.BA 92 la it-ta-ad-^bnu-ši-im-ma XXXI, 1 li-ib-ba-ša 2 la uṭ-ṭi-ib-bu 3 eḳil-ša u kirâ-ša 4 a-na ir-ri-ši-im 5 ša e-li-ša ^bṭa-bu 6 i-na-ad-di-in-ma 7 ir-ri-za 8 it-ta-na-aš-ši-ši 9 eḳlam kirâm 10 u mi-im-ma 11 ša a-bu-ša 12 id-di-nu-ši-im 13 a-di ba-al-ṭa-at ^bi-kal 14 a-na kaspim 15 u-ul i-na-ad-di-in 16 ša-ni-a-am 17 u-ul u-up-pa-al 18 ab-lu-za 19 ša aḫ-ḫi-^bša-ma

§ 179.—XXXI, 20–42.

20 šum-ma NIN.AN ŠAL(?) 21 u lu zinništi zi-^bik-ru-um 22 ša a-bu-ša 23 še-ri-iḳ-tam 24 iš-ru-ḳu-ši-im 25 ku-nu-kam 26 iš-tu-ru-ši-im 27 i-na dup-pi-im 28 ša iš-tu-ru-ši-im 29 wa-ar-ka-za 30 e-ma e-li-ša ^bṭa-bu 31 na-da-nam 32 iš-tur-ši-im-ma 33 ma-la li-ib-bi-ša 34 uš-tam-zi-ši 35 wa-ar-ka a-bu-um 36 a-na ši-im-tim 37 it-ta-al-ku 38 wa-ar-ka-za 39 e-ma e-li-ša ṭa-bu 40 i-na-ad-di-in 41 aḫ-hu-ša 42 u-ul i-ba-^bag-ga-ru-ši

§ 180.—XXXI, 43–59.

43 šum-ma a-bu-um 44 a-na mârti-šu 45 ^šalkallâtim 46 u lu zinništi zi-^bik-ru-um 47 še-ri-iḳ-tam 48 la iš-[ru]-uḳ-ši-im 49 wa-ar-ka a-bu-um 50 a-na ši-im-tim 51 it-ta-al-ku 52 i-na ŠA.GA bît a-ba 53 ṣi-it-tam ki-ma 54 ab-lim iš-te-en 55 i-za-az-ma 56 a-di ba-al-ṭa-at 57 i-ik-ka-al 58 wa-ar-ka-za 59 ša aḫ-ḫi-ša-ma [ 68 ]

§ 181.—XXXI, 60–75.

60 šum-ma a-bu-um 61 ^šal(?)ḳadištam 62 u lu NU.PAR 63 a-na ilim iš-ši-ma 64 še-ri-iḳ-tam 65 la iš-ru-uḳ-ši-im 66 wa-ar-ka a-bu-um 67 a-na ši-im-tim 68 it-ta-al-ku 69 i-na ŠA.GA bît a-ba 70 IGI.III.GAL ablûti-ša 71 i-za-az-ma 72 a-di ba-al-ṭa-at 73 i-ik-ka-al 74 wa-ar-ka-za 75 ša aḫ-ḫi-ša-ma

§ 182.—XXXI, 76–XXXII, 1.

76 šum-ma a-bu-um 77 a-na mârti-šu 78 aššat ^iluMarduk 79 ša Bâbili.KI 80 še-ri-iḳ-tam 81 la iš-ru-uḳ-ši-im 82 ku-nu-kam 83 la iš-tur-ši-im 84 wa-ar-ka ^ba-bu-um 85 a-na ši-im-tim 86 it-ta-al-ku 87 i-na ŠA.GA ^bbît a-ba 88 IGI.III.GAL ablûti-ša 89 it-ti aḫ-ḫi-ša 90 i-za-az-ma 91 il-kam 92 u-ul i-il-la-ak 93 aššat ^iluMarduk 94 wa-ar-ka-za 95 e-ma e-li-ša 96 ṭa-bu XXXII, 1 i-na-ad-di-in

§ 183.—XXXII, 2–14.

2 šum-ma a-bu-um 3 a-na mârti-šu ^bšu-ge-tim 4 še-ri-iḳ-tam 5 iš-ru-uḳ-ši-im 6 a-na mu-tim 7 id-di-iš-ši 8 ku-nu-uk-kam 9 iš-tur-ši-im 10 wa-ar-ka ^ba-bu-um 11 a-na ši-im-tim 12 it-ta-al-ku 13 i-na ŠA.GA ^bbît a-ba 14 u-ul i-za-az

§ 184.—XXXII, 15–30.

15 šum-ma a-wi-lum 16 a-na mârti-šu 17 šu-ge-tim 18 še-ri-iḳ-tam 19 la iš-ru-uḳ-šim 20 a-na mu-tim 21 la id-di-iš-ši 22 wa-ar-ka ^ba-bu-um 23 a-na ši-im-tim 24 it-ta-al-ku 25 aḫ-ḫu-ša 26 ki-ma e-mu-uḳ ^bbît a-ba 27 še-ri-iḳ-tam 28 i-šar-ra-ḳu-^bši-ma 29 a-na mu-tim 30 i-na-ad-di-nu-ši

§ 185.—XXXII, 31–38.

31 šum-ma a-wi-lum 32 ṣi-iḫ-ra-am 33 i-na me-e-šu 34 a-na ma-ru-tim 35 il-ḳi-ma 36 ur-ta-ab-bi-šu 37 tar-bi-tum ši-i 38 u-ul ib-ba-ag-gar [ 70 ]

§ 186.—XXXII, 39–49.

39 šum-ma a-wi-lum 40 ṣi-iḫ-ra-am 41 a-na ma-ru-tim ^bil-ḳi 42 i-nu-ma 43 il-ḳu-u-šu 44 a-ba-šu 45 u um-ma-šu 46 i-ḫi-a-aṭ 47 tar-bi-tum ši-i 48 a-na bît a-bi-šu 49 i-ta-ar

§ 187.—XXXII, 50–53.

50 mâr NER.SE.GA 51 mu-za-az êkallim 52 u mâr zinništi zi-ik-^bru-um 53 u-ul ib-ba-ag-gar

§ 188.—XXXII, 54–59.

54 šum-ma mâr ummânim 55 mâram a-na tar-bi-tim 56 il-ḳi-ma 57 ši-bi-ir ga-ti-šu 58 uš-ta-ḫi-zu 59 u-ul ib-ba-gar

§ 189.—XXXII, 60–64.

60 šum-ma ši-bi-ir ^bga-ti-šu 61 la uš-ta-ḫi-zu 62 tar-bi-tum ši-i 63 a-na bît a-bi-šu 64 i-ta-ar

§ 190.—XXXII, 65–74.

65 šum-ma a-wi-lum 66 ṣi-iḫ-ra-am 67 ša a-na ma-ru-ti-šu 68 il-ḳu-šu-ma 69 u-ra-ab-bu-šu 70 it-ti mârê-šu 71 la im-ta-nu-šu 72 tar-bi-tum ši-i 73 a-na bît a-bi-šu 74 i-ta-ar

§ 191.—XXXII, 75–95.

75 šum-ma a-wi-lum 76 ṣi-iḫ-ra-am 77 ša a-na ma-ru-ti-šu 78 il-ḳu-šu-ma 79 u-ra-ab-bu-u-šu 80 bi-zu i-bu-uš 81 wa-ar-ka mârê 82 ir-ta-ši-ma 83 a-na tar-bi-tim na-sa-ḫi-im 84 pa-nam iš-ta-ka-an 85 mârum šu-u tal-ku-zu 86 u-ul it-ta-al-la-ak 87 a-bu-um mu-ra-bi-šu 88 i-na ŠA.GA-šu 89 IGI.III.GAL ablûti-šu 90 i-na-ad-di-iš-šum-ma 91 it-ta-la-ak 92 i-na eḳlim kirêm 93 u bîtim 94 u-ul i-na-ad-di- 95 iš-šum

§ 192.—XXXII, 96–XXXIII, 9.

96 šum-ma mâr NER.SE.GA XXXIII, 1 u lu mâr zinništi zi-^bik-ru-um 2 a-na a-bi-im 3 mu-ra-bi-šu [ 72 ] 4 u um-mi-im 5 mu-ra-bi-ti-šu 6 u-ul a-bi ^bat-ta 7 u-ul um-mi ^bat-ti iḳ-ta-bi 8 lišâni-šu 9 i-na-ak-ki-su

§ 193.—XXXIII, 10–22.

10 šum-ma mâr NER.SE.GA 11 u lu mâr zinništi zi-^bik-ru-um 12 bît a-bi-šu 13 u-wi-id-di-ma 14 a-ba-am 15 mu-ra-bi-šu 16 u um-ma-am 17 mu-ra-bi-zu 18 i-ṣi-ir-ma 19 a-na bît a-bi-šu 20 it-ta-la-ak 21 i-in-šu 22 i-na-za-ḫu

§ 194.—XXXIII, 23–40.

23 šum-ma a-wi-lum 24 mâra-šu a-na mu-še-^bni-iḳ-tim 25 id-di-in-ma 26 mârum šu-u 27 i-na ga-at ^bmu-še-ni-iḳ-tim 28 im-tu-ut 29 mu-še-ni-iḳ-tum 30 ba-lum a-bi-šu 31 u um-mi-šu 32 mâram ša-ni-a-am-ma 33 ir-ta-ka-aš 34 u-ka-an-nu-ši-ma 35 aš-šum ba-lum a-bi-šu 36 u um-mi-šu 37 mâram ša-ni-a-am 38 ir-ku-šu 39 tulê-ša 40 i-na-ak-ki-su

§ 195.—XXXIII, 41–44.

41 šum-ma mârum a-ba-šu 42 im-ta-ḫa-aṣ 43 rittê-šu 44 i-na-ak-ki-su

§ 196.—XXXIII, 45–49.

45 šum-ma a-wi-lum 46 i-in mâr a-wi-lim 47 uḫ-tab-bi-it 48 i-in-šu 49 u-ḫa-ap-pa-du

§ 197.—XXXIII, 50–53.

50 šum-ma NER.PAD.DU ^ba-wi-lim 51 iš-te-bi-ir 52 NER.PAD.DU-šu 53 i-še-ib-bi-ru

§ 198.—XXXIII, 54–59.

54 šum-ma i-in ^bMAŠ.EN.KAK 55 uḫ-tab-bi-it 56 u lu NER.PAD.DU ^bMAŠ.EN.KAK 57 iš-te-bi-ir 58 I ma-na kaspim 59 i-ša-ḳal

§ 199.—XXXIII, 60–65.

60 šum-ma i-in ^bwarad a-wi-lim 61 uḫ-tab-bi-it 62 u lu NER.PAD.DU ^bwarad a-wi-lim 63 iš-te-bi-ir 64 mi-ši-il ^bšîmi-šu 65 i-ša-ḳal [ 74 ]

§ 200.—XXXIII, 66–70.

66 šum-ma a-wi-lum 67 ši-in-ni ^ba-wi-lim 68 me-iḫ-ri-šu 69 it-ta-di 70 ši-in-na-šu ^bi-na-ad-du-u

§ 201.—XXXIII, 71–74.

71 šum-ma ši-in-ni 72 MAŠ.EN.KAK it-ta-di 73 1/3 ma-na kaspim 74 i-ša-ḳal

§ 202.—XXXIII, 75–81.

75 šum-ma a-wi-lum 76 li-e-it a-wi-lim 77 ša e-li-šu ra-bu-u 78 im-ta-ḫa-aṣ 79 i-na pu-uḫ-ri-im 80 i-na ^mašakḳinazi alpim 81 I ŠU.ŠI im-maḫ-ḫa-aṣ

§ 203.—XXXIII, 82–87.

82 šum-ma mâr a-wi-lim 83 li-e-it mâr a-wi-lim 84 ša ki-ma šu-a-ti 85 im-ta-ḫa-aṣ 86 I ma-na kaspim 87 i-ša-ḳal

§ 204.—XXXIII, 88–91.

88 šum-ma MAŠ.EN.KAK 89 li-e-it MAŠ.EN.KAK 90 im-ta-ḫa-aṣ 91 X šiḳil kaspim i-ša-ḳal

§ 205.—XXXIII, 92–XXXIV, 3.

92 šum-ma warad a-wi-lim 93 li-e-it mâr a-wi-lim XXXIV, 1 im-ta-ḫa-aṣ 2 u-zu-un-šu 3 i-na-ak-ki-su

§ 206.—XXXIV, 4–12.

4 šum-ma a-wi-lum ^ba-wi-lam 5 i-na ri-is-^bba-tim 6 im-ta-ḫa-aṣ-ma 7 zi-im-ma-am 8 iš-ta-ka-an-šu 9 a-wi-lum šu-u 10 i-na i-du-u 11 la am-ḫa-zu 12 i-tam-ma 13 u A.ZU ^bi-ip-pa-al

§ 207.—XXXIV, 13–18.

14 šum-ma i-na ma-^bḫa-zi-šu 15 im-tu-ut 16 i-tam-ma-ma 17 šum-ma mâr a-wi-lim 18 1/2 ma-na kaspim 19 i-ša-ḳal

§ 208.—XXXIV, 19–21.

20 šum-ma mâr MAŠ.EN.KAK 21 1/3 ma-na kaspim 22 i-ša-ḳal [ 76 ]

§ 209.—XXXIV, 22–29.

23 šum-ma a-wi-lum 24 mârat a-wi-lim 25 im-ḫa-aṣ-ma 26 ša li-ib-bi-ša 27 uš-ta-di-ši 28 X šiḳil kaspim 29 a-na ša li-ib-^bbi-ša 30 i-ša-ḳal

§ 210.—XXXIV, 30–33.

31 šum-ma zinništum ši-i 32 im-tu-ut 33 mâra-zu 34 i-du-uk-ku

§ 211.—XXXIV, 34–39.

35 šum-ma mârat ^bMAŠ.EN.KAK 36 i-na ma-ḫa-zi-im 37 ša li-ib-bi-ša 38 uš-ta-ad-di-ši 39 V šiḳil kaspim 40 i-ša-ḳal

§ 212.—XXXIV, 40–43.

41 šum-ma zinništum ši 42 im-tu-ut 43 1/2 ma-na kaspim 44 i-ša-ḳal

§ 213.—XXXIV, 44–49.

45 šum-ma amat a-wi-lim 46 im-ḫa-aṣ-ma 47 ša li-ib-bi-ša 48 uš-ta-ad-di-ši 49 II šiḳil kaspim 50 i-ša-ḳal

§ 214.—XXXIV, 50–53.

51 šum-ma amtum ši-i 52 im-tu-ut 53 1/3 ma-na kaspim 54 i-ša-ḳal

§ 215—XXXIV, 54–65.

55 šum-ma A.ZU 56 a-wi-lam ^bzi-im-ma-am kab-tam 57 i-na GIR.NI siparrim 58 i-bu-uš-ma 59 a-wi-lam ^bub-ta-al-li-iṭ 60 u lu na-gab-ti ^ba-wi-lim 61 i-na GIR.NI siparrim 62 ip-te-ma 63 i-in a-wi-lim 64 ub-ta-al-li-iṭ 65 X šiḳil kaspim 66 i-li-ḳi

§ 216.—XXXIV, 66–68.

67 šum-ma mâr MAŠ.EN.KAK 68 V šiḳil kaspim 69 i-li-ḳi

§ 217.—XXXIV, 69–72.

70 šum-ma warad a-wi-lim 71 be-el wardim ^ba-na A.ZU 72 II šiḳil kaspim 73 i-na-ad-di-in [ 78 ]

§ 218.—XXXIV, 73–82.

74 šum-ma A.ZU a-wi-lam 75 zi-im-ma-am kab-tam 76 i-na GIR.NI siparrim 77 i-bu-uš-ma 78 a-wi-lam uš-ta-mi-it 79 u lu na-gab-ti a-wi-lim 80 i-na GIR.NI siparrim 81 ip-te-ma i-in a-wi-lim 82 uḫ-tab-bi-it 83 rittê-šu i-na-ki-su

§ 219.—XXXIV, 83–87.

84 šum-ma A.ZU zi-ma-am kab-tam 85 warad MAŠ.EN.KAK 86 i-na GIR.NI siparrim 87 i-bu-uš-ma uš-ta-mi-it 88 wardam ki-ma wardim i-ri-ab

§ 220.—XXXIV, 88–93.

89 šum-ma na-gab-ta-šu 90 i-na GIR.NI siparrim 91 ip-te-ma 92 i-in-šu uḫ-tab-da (=it) 93 kaspam mi-ši-il 94 šîmi-šu i-ša-ḳal

§ 221.—XXXIV, 94–XXXV, 9.

95 šum-ma A.ZU 96 NER.PAD.DU a-wi-lim XXXV, 1 še-bi-ir-tam 2 uš-ta-li-im 3 u lu še-ir ḫa-nam 4 mar-ṣa-am 5 ub-ta-al-li-iṭ 6 be-el ṣi-im-mi-im 7 a-na A.ZU 8 V šiḳil kaspim 9 i-na-ad-di-in

§ 222.—XXXV, 10–12.

10 šum-ma ^bmâr MAŠ.EN.KAK 11 III šiḳil kaspim 12 i-na-ad-di-in

§ 223.—XXXV, 13–17.

13 šum-ma ^bwarad a-wi-lim 14 be-el wardim 15 a-na A.ZU 16 II šiḳil kaspim 17 i-na-ad-di-in

§ 224.—XXXV, 18–28.

18 šum-ma A.ZU alpim 19 u lu imêrim 20 lu alpam u lu imêram 21 ṣi-im-ma-am kab-tam 22 i-bu-uš-ma 23 ub-ta-al-li-iṭ 24 be-el alpim ^bu lu imêrim 25 IGI.VI.GAL kaspim 26 a-na A.ZU 27 ID-šu 28 i-na-ad-di-in [ 80 ]

§ 225.—XXXV, 29–35.

29 šum-ma alpam u lu imêram 30 zi-im-ma-am ^bkab-tam 31 i-bu-uš-ma 32 uš-ta-mi-it 33 IGI.IV.GAL šîmi-šu 34 a-na be-el alpim ^bu lu imêrim 35 i-na-ad-di-in

§ 226.—XXXV, 36–42.

36 šum-ma gallabum 37 ba-lum be-el wardim 38 ab-bu-ti 39 wardi la še-e-im 40 u-gal-li-ib 41 rittê ^bgallabim šu-a-ti 42 i-na-ak-ki-su

§ 227.—XXXV, 43–55.

43 šum-ma a-wi-lum 44 gallabam i-da-aṣ-ma 45 ab-bu-ti 46 wardi la še-e-im 47 ug-da-al-li-ib 48 a-wi-lam šu-a-ti 49 i-du-uk-ku-šu-ma 50 i-na bâbi-šu 51 i-ḫa-al-la-^blu-šu 52 gallabum i-na i-du-u 53 la u-gal-li-bu 54 i-tam-ma-ma 55 u-ta-aš-šar

§ 228.—XXXV, 56–63.

56 šum-ma bânûm 57 bîtam a-na a-wi-lim 58 i-bu-uš-ma 59 u-ša-ak-li-^bil-šum 60 a-na I SAR bîtim 61 II šiḳil kaspim 62 a-na ḳi-iš-ti-šu 63 i-na-ad-di-iš-šum

§ 229.—XXXV, 64–72.

64 šum-ma bânûm 65 a-na a-wi-lim 66 bîtam i-bu-uš-ma 67 ši-bi-ir-šu 68 la u-dan-ni-in-ma 69 bîtum i-bu-šu 70 im-ku-ut-ma 71 be-el bîtim ^buš-ta-mi-it 72 bânûm šu-u id-da-ak

§ 230.—XXXV, 73–76.

73 šum-ma mâr be-el bîtim 74 uš-ta-mi-it 75 mâr bânîm šu-a-ti 76 i-du-uk-ku

§ 231.—XXXV, 77–81.

77 šum-ma warad be-el bîtim 78 uš-ta-mi-it 79 wardam ki-ma wardim 80 a-na be-el bîtim 81 i-na-ad-di-in [ 82 ]

§ 232.—XXXV, 82–92.

82 šum-ma ŠA.GA 83 uḫ-ta-al-li-iḳ 84 mi-im-ma 85 ša u-ḫal-li-ḳu 86 i-ri-ab 87 u aš-šum bîtam i-bu-šu 98 la u-dan-ni-nu-ma 89 im-ku-tu 90 i-na ŠA.GA 91 ra-ma-ni-šu 92 bîtam im-ku-tu i-ib-bi-eš

§ 233.—XXXV, 93–XXXVI, 3

93 šum-ma bânûm bîtam 94 a-na a-wi-lim i-bu-uš-ma 95 ši-bi-ir-šu 96 la uš-te-iṣ-bi-ma 97 igarum iḳ-tu-up 98 bânûm šu-u XXXVI, 1 i-na kaspim ^bra-ma-ni-šu 2 igaram šu-a-ti 3 u-dan-na-an

§ 234.—XXXVI, 4–9.

4 šum-ma malaḫum 5 elippi LX GUR 6 a-na a-wi-lim ip-ḫi 7 II šiḳil kaspim 8 a-na ḳi-iš-ti-šu 9 i-na-ad-di-^biš-šum

§ 235.—XXXVI, 10–26.

10 šum-ma malaḫum 11 elippam ^ba-na a-wi-lim 12 ip-ḫi-ma 13 ši-bi-ir-šu 14 la u-tak-^bki-il-ma 15 i-na ša-at-tim-ma ^bšu-a-ti 16 elippum ši-i 17 iz-za-par 18 ḫi-di-tam ir-ta-ši 19 malaḫum 20 elippam šu-a-ti 21 i-na-ḳar-ma 22 i-na ŠA.GA ^bra-ma-ni-šu 23 u-dan-na-an-ma 24 elippam dan-na-tam 25 a-na be-el elippim 26 i-na-ad-di-in

§ 236.—XXXVI, 27–37.

27 šum-ma a-wi-lum 28 elippi-šu 29 a-na malaḫim 30 a-na ig-ri-im 31 id-di-in-ma 32 malaḫum ^bi-gi-ma 33 elippam ut-te-bi 34 u lu uḫ-ta-^bal-li-iḳ 35 malaḫum elippam 36 a-na be-el elippim 37 i-ri-a-ab

§ 237.—XXXVI, 38–55.

38 šum-ma a-wi-lum 39 malaḫam ^bu elippam 40 i-gur-ma 41 še’am šipâtam šamnam suluppam 42 u mi-im-ma ^bšum-šu 43 ša ṣi-nim 44 i-ṣi-en-ši 45 malaḫum šu-u 46 i-gi-ma 47 elippam ut-te-ib-bi 48 u ša li-ib-^bbi-ša 49 uḫ-ta-al-li-iḳ 50 malaḫum 51 [ 84 ] elippam ša u-te-^bib-bu-u 52 u mi-im-ma 53 ša i-na li-ib-bi-ša 54 u-ḫal-li-ḳu 55 i-ri-a-ab

§ 238.—XXXVI, 56–61.

56 šum-ma malaḫum 57 elippi a-wi-lim 58 u-te-ib-bi-ma 59 uš-te-li-a-aš-ši 60 kaspi mi-ši-il ^bšî-mi-ša 61 i-na-ad-di-[in]

§ 239.—XXXVI, 62–66.

62 šum-ma a-wi-[lum] 63 malaḫam [i-gur] 64 VI [ŠE.GUR] 65 i-na ša-na[-at] 66 i-na-ad-[di]-^biš-[šum]

§ 240.—XXXVI, 67–80.

67 šum-ma [elippum] 68 ša ma-ḫi-ir-[tim] 69 elippam ša mu-[uk]-^bki-el-bi-[tim] 70 im-ḫa-aṣ-ma 71 ut-te-ib-bi 72 be-el elippim ša elippu-šu ^bte-bi-a-at 73 mi-im-ma ša i-na ^belippi-šu ḫal-ḳu 74 i-na ma-ḫar i-lim 75 u-ba-ar-ma 76 ša ma-ḫi-ir-tim 77 ša elippam ša mu-uk-^bki-el-bi-tim 78 u-te-ib-bu-u 79 elippi-šu u mi-im-^bma-šu ḫal-ga-am 80 i-ri-a-ab-šum

§ 241.—XXXVI, 81–84.

81 šum-ma a-wi-lum 82 alpam a-na ni-bu-tim 83 it-te-bi 84 1/3 ma-na kaspim i-ša-ḳal

§ 242.—XXXVI, 85–88.

85 šum-ma a-wi-lum 86 a-na šattim I i-gur 87 ID GUD.DA.UR.RA 88 IV ŠE.GUR

§ 243.—XXXVI, 89–91.

89 ID GUD.UD.LID.SAG 90 III ŠE.GUR a-na be-li-šu 91 i-na-ad-di-in

§ 244.—XXXVII, 1–5.

XXXVII, 1 šum-ma a-wi-lum 2 alpam imêram i-gur-ma 3 i-na ṣi-ri-im 4 UR.MAH id-du-uk-šu 5 a-na be-li-šu-ma [ 86 ]

§ 245.—XXXVII, 6–13.

6 šum-ma a-wi-lum 7 alpam i-gur-ma 8 i-na me-gu-tim 9 u lu i-na ma-ḫa-^bzi-im 10 uš-ta-mi-it 11 alpam ki-ma alpim 12 a-na be-el alpim 13 i-ri-a-ab

§ 246.—XXXVII, 14–21.

14 šum-ma a-wi-lum 15 alpam i-gur-ma 16 šêpi-šu iš-te-bi-ir 17 u lu la-bi-a-an-šu 18 it-ta-ki-is 19 alpam ki-ma alpim 20 a-na be-el alpim 21 i-ri-a-ab

§ 247.—XXXVII, 22–27.

22 šum-ma a-wi-lum 23 alpam i-gur-ma 24 în-šu uḫ-tab-da(=it) 25 kaspi mi-ši-il šîmi-šu 26 a-na be-el alpim 27 i-na-ad-di-in

§ 248.—XXXVII, 28–35.

28 šum-ma a-wi-lum 29 alpam i-gur-ma 30 ḳar-ni-šu iš-bi-ir 31 zibba-zu it-ta-ki-is 32 u lu šêr pasutti-šu 33 it-ta-sa-ak 34 kaspi IGI.IV.GAL šîmi-šu 35 i-na-ad-di-in

§ 249.—XXXVII, 36–43.

36 šum-ma a-wi-lum 37 alpam i-gur-ma 38 i-lum im-ḫa-zu-ma 39 im-tu-ut 40 a-wi-lum ša alpam ^bi-gu-ru 41 ni-iš i-lim 42 i-za-kar-ma 43 u-ta-aš-šar

§ 250.—XXXVII, 44–51.

44 šum-ma alpum zu-ga-am 45 i-na a-la-ki-šu 46 a-wi-lam 47 ik-ki-ib-ma 48 uš-ta-mi-it 49 di-nu-um šu-u 50 ru-gu-um-ma-am 51 u-ul i-šu

§ 251.—XXXVII, 52–65.

52 šum-ma alap a-wi-lim 53 na-ak-ka-a[m-ma] 54 ki-ma na-ak-ka-^bpu-u 55 ba-ab-ta-šu 56 u-še-di-šum-ma 57 ḳar-ni-šu 58 la u-šar-ri-im 59 alpi-šu la u-sa-^ban-ni-iḳ-ma 60 alpum šu-u 61 mâr a-wi-lim 62 ik-ki-ib-ma 63 uš-ta-mi-it 64 1/2 [ma]-na kaspim 65 i-[na]-ad-di-in [ 88 ]

§ 252.—XXXVII, 66–68.

66 [šum-ma] warad a-wi-lim 67 1/3 ma-na kaspim 68 i-na-ad-di-in

§ 253.—XXXVII, 69–82.

69 šum-ma a-wi-lum ^ba-wi-lam 70 a-na pa-ni eḳli-šu 71 u-zu-uz-zi-im 72 i-gur-ma 73 al-dá-a-am 74 [i]-ḳi-ip-šu 75 [LID].GUD.ZUN ^bip-ki-zum 76 [a-na] eḳlim e-ri-ši-im ^bu-ra-ak-ki-su 77 šum-ma a-wi-lum šu-u 78 ŠE.ZIR u lu ŠÀ.GAL 79 iš-ri-iḳ-ma 80 i-na ga-ti-šu 81 it-ta-aṣ-ba-at 82 rittê-šu i-na-ak-ki-su

§ 254.—XXXVII, 83–87.

83 šum-ma al-dá-a-am 84 il-ḳi-ma LID.GUD.ZUN 85 u-te-en-ni-iš 86 ta-a-na še’im ša im-ri-ru 87 i-ri-ab

§ 255.—XXXVII, 88–96.

88 šum-ma LID.GUD.ZUN 89 a-wi-lim a-na ig-ri-im 90 it-ta-di-in 91 u lu ŠE.ZIR iš-ri-iḳ-ma 92 i-na eḳlim la uš-tab-ši 93 a-wi-lam šu-a-ti 94 u-ka-an-nu-šu-ma 95 i-na ebûrim X GAN.E 96 LX ŠE.GUR i-ma-ad-da-ad

§ 256.—XXXVII, 97–100.

97 šum-ma bi-ḫa-zu 98 a-pa-lam la i-li-i 99 i-na eḳlim šu-a-ti ^bi-na GUD.LID.ZUN 100 im-ta-na-aš-ša-ru-šu

§ 257.—XXXVII, 101–XXXVIII, 4.

101 šum-ma a-wi-lum XXXVIII, 1 AK.ŠU i-gur 2 VIII ŠE.GUR 3 i-na šattim I^kam 4 i-na-ad-di-iš-šum

§ 258.—XXXVIII, 5–9.

5 šum-ma a-wi-lum 6 ŠÀ.GUD i-gur 7 VI ŠE.GUR 8 i-na šattim I^kam 9 i-na-ad-di-iš-šum

§ 259.—XXXVIII, 10–15.

10 šum-ma a-wi-lum 11 GIŠ.APIN i-na ugarim 12 iš-ri-iḳ 13 V šiḳil kaspim 14 a-na be-el GIŠ.APIN 15 i-na-ad-di-in [ 90 ]

§ 260.—XXXVIII, 16–20.

16 šum-ma GIŠ.APIN.TUK.KIN 17 u lu GIŠ.GAN.UR 18 iš-ta-ri-iḳ 19 III šiḳil kaspim 20 i-na-ad-di-in

§ 261.—XXXVIII, 21–27.

21 šum-ma a-wi-lum 22 nâḳidam ^ba-na LID.GUD.ZUN 23 u ṣênê 24 ri-im i-gur 25 VIII ŠE.GUR 26 i-na šattim I^kam 27 i-na-ad-di-iš-šum

§ 262.—XXXVIII, 28–30.

28 šum-ma a-wi-lum 29 alpam u lu immeram 30 a-na . . . . . . . . . . . . . . . .

§ 263.—XXXVIII, 37–43.

37 šum-ma [alpam] ^bu lu immeram 38 ša in-na-ad-nu-šum 39 uḫ-ta-al-li-iḳ 40 alpam ki-ma [alpim] 41 immeram ki-ma [immerim] 42 a-na be-li-[šu-nu] 43 i-ri-a-[ab]

§ 264.—XXXVIII, 44–60.

44 šum-ma [rê’um] 45 ša LID.GUD.[ZUN] 46 u lu ṣênê 47 a-na ri-im 48 in-na-ad-nu-šum 49 ID-šu mimma(?) ḫar(?)-ra-tim 50 ma-ḫi-ir 51 li-ib-ba-šu ṭa-ab 52 LID.GUN.ZUN 53 [uz]-za-aḫ-ḫi-ir 54 ṣênê 55 uz-za-aḫ-ḫi-ir 56 ta-li-id-tam ^bum-ta-di 57 a-na pî ri-ik-^bsa-ti-šu 58 ta-li-id-tam 59 u bi-il-tam 60 i-na-ad-di-in

§ 265.—XXXVIII, 61–75.

61 šum-ma rê’um 62 ša LID.GUD.ZUN 63 u ṣênê 64 a-na ri-im 65 in-na-ad-nu-šum 66 u-sa-ar-^bri-ir-ma 67 ši-im-tam ^but-ta-ak-ki-ir 68 u a-na kaspim 69 it-ta-di-in 70 u-ka-an-nu-šu-ma 71 a-du X-šu ^bša iš-ri-ḳu 72 LID.GUD.ZUN 73 u ṣênê 74 a-na be-li-šu-nu 75 i-ri-a-ab

§ 266.—XXXVIII, 76–81.

76 šum-ma i-na tarbaṣim 77 li-bi-it i-lim ^bit-tab-ši 78 u lu UR.MAH id-du-uk ^brê’um ma-ḫar ilim 79 u-ub-ba-am-ma 80 mi-ki-it-ti tarbaṣim 81 be-el tarbaṣim i-maḫ-ḫar-šu [ 92 ]

§ 267.—XXXVIII, 82–89.

82 šum-ma rê’um i-gu-ma 83 i-na tarbaṣim kaz-za-tam uš-tab-ši 84 rê’um ḫi-di-it kaz-za-tim 85 ša i-na tarbaṣim u-ša-ab-šu-u 86 LID.GUN.ZUN u ṣênê 87 u-ša-lam-ma 88 a-na be-li-šu-nu 89 i-na-ad-di-in

§ 268.—XXXVIII, 90–92.

90 šum-ma a-wi-lum alpam 91 a-na di-a-ši-im i-gur 92 20 ḲA še’im ID-šu

§ 269.—XXXVIII, 93–95.

93 šum-ma imêram 94 a-na di-a-ši-im i-gur 95 10 ḲA še’im ID-šu

§ 270.—XXXVIII, 96–98.

96 šum-ma lalâm 97 a-na di-a-ši-im i-gur 98 I ḲA še’im ID-šu

§ 271.—XXXVIII, 99–XXXIX, 2.

99 šum-ma a-wi-lum 100 LID.GUD.ZUN ṣumbam 101 u mu-ur-te-^bdi-ša i-gur XXXIX, 1 i-na ûmi I^kam CLXXX ḲA še’im 2 i-na-ad-di-in

§ 272.—XXXIX, 3–7.

3 šum-ma a-wi-lum 4 ṣumba-ma 5 a-na ra-ma-ni-ša ^bi-gur 6 i-na ûmi I^kam XL ḲA še’im 7 i-na-ad-di-in

§ 273.—XXXIX, 8–19.

8 šum-ma a-wi-lum 9 ^amêluagram i-gur 10 iš-tu ri-eš ^bša-at-tim 11 a-di ḫa-am-ši-im ^barḫi-im 12 VI ŠE kaspim 13 i-na ûmi I^kam 14 i-na-ad-di-in 15 iš-tu ši-^bši-im arḫi-im 16 a-di ta-ak-ti-da ^bša-at-tim 17 V ŠE kaspim 18 i-na ûmi I^kam 19 i-na-ad-di-in

§ 274.—XXXIX, 20–44.

20 šum-ma a-wi-lum 21 mâr ummânim 22 i-ig-ga-ar 23 ID^amêlu . . . . . 24 V ŠE kaspim 25 ID^amêlu GAB.A 26 V ŠE kaspim 27 [ID] ^amêluKAD [ 94 ] 28 [VŠE] kaspim 29 [ID] ^amêluGUL 30 . . . . [ŠE] kaspim 31 [ID] ^amêluGA^(?) 32 . . . [ŠE] kaspim 33 ID . . . . tu^(?) 34 . . . [ŠE] kaspim 35 [ID] . . . nangarim 36 IV ŠE kaspim 37 ID SA 38 IV ŠE kaspim 39 ID AT.KIT 40 . . . ŠE kaspim 41 ID ^amêlubânîm 42 . . . [ŠE] kaspim 43 i-na [ûmi] I^kam 44 [i-na-ad-di]-in

§ 275.—XXXIX, 45–48.

45 [šum-ma a]-wi-lum 46 . . . . da^(?) i-gur 47 i-na ûmi I^kam 48 III ŠE kaspim ID-ša

§ 276.—XXXIX, 49–52.

49 šum-ma ma-ḫi-ir-tam i-gur 50 II1/2 ŠE kaspim ^bID-ša 51 i-na ûmi I^kam 52 i-na-ad-di-in

§ 277.—XXXIX, 53–57.

53 šum-ma a-wi-lum 54 elippi LX GUR i-gur 55 i-na ûmi I^kam 56 IGI.VI.GAL kaspim ^bID-ša 57 i-na-ad-di-in

§ 278.—XXXIX, 58–66.

58 šum-ma a-wi-lum 59 wardam amtam i-ša-am-ma 60 arḫi-šu la im-la-ma 61 bi-en-ni e-li-šu 62 im-ta-ku-ut a-na na-di-na- 63 -ni-šu u-ta-ar-ma 64 ša-a-a-ma-nu-um 65 kaspam iš-ḳu-lu 66 i-li-ḳi

§ 279.—XXXIX, 67–71.

67 šum-ma a-wi-lum 68 wardam amtam i-ša-am-ma 69 ba-ag-ri ^bir-ta-ši 70 na-di-na-an-šu 71 ba-ag-ri i-ip-pa-al

§ 280.—XXXIX, 72–87.

72 šum-ma a-wi-lum 73 i-na ma-at 74 nu-ku-ur-tim 75 wardam amtam ša ^ba-wi-lim 76 iš-ta-am 77 i-nu-ma 78 i-na li-ib-bu mâtim 79 it-ta-al-kam-ma 80 be-el wardim u lu amtim 81 lu wara-zu u lu ama-zu 82 u-te-id-di 83 šum-ma wardum u amtum šu-nu 84 mârê ma-tim 85 ba-lum kaspima 86 an-du-ra-ar-šu-nu 87 iš-ša-ak-ka-an [ 96 ]

§ 281.—XXXIX, 88–96.

88 šum-ma mârê ma-tim ^bša-ni-tim 89 ša-a-a-ma-nu-ma 90 i-na ma-ḫar i-lim 91 kaspam iš-ḳu-lu 92 i-ga-ab-bi-ma 93 be-el wardim u lu amtim 94 kaspam iš-ḳu-lu a-na tamkarim 95 i-na-ad-di-in-ma 96 lu wara-zu lu ama-zu i-pa-aḳ

§ 282.—XXXIX, 97–102.

97 šum-ma wardum a-na be-li-šu 98 u-ul be-li at-ta 99 iḳ-ta-bi 100 ki-ma wara-zu 101 u-ka-an-šu-ma 102 be-el-šu u-zu-un-šu ^bi-na-ak-ki-is [ 98 ]

EPILOGUE.

TRANSLITERATION.

COLUMN XL.

COLUMN XLI.

COLUMN XLII.

COLUMN XLIII.

COLUMN XLIV.

References

↑ Better to read with Winckler, [nu-r]a-am.
↑ Peiser, e-la a-na la-ḫa-zi-im ri-ḳa.

This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse

[1] Better to read with Winckler, [nu-r]a-am.

[2] Peiser, e-la a-na la-ḫa-zi-im ri-ḳa.

[1]

[2]

Codex Hammurabi

References

Navigation menu

Search