Rig Veda, Book 1C (ASCII)

Book 1[edit]

1.141.1a ba/L itthaa/ ta/d va/puSe dhaayi darshata/M deva/sya bha/rgaH sa/haso ya/to ja/ni
1.141.1c ya/d iim u/pa hva/rate saa/dhate mati/r Rta/sya dhe/naa anayanta sasru/taH
1.141.2a pRkSo/ va/puH pitumaa/n ni/tya aa/ shaye dvitii/yam aa/ sapta/shivaasu maatR/Su
1.141.2c tRtii/yam asya vRSabha/sya doha/se da/shapramatiM janayanta yo/SaNaH
1.141.3a ni/r ya/d iim budhnaa/n mahiSa/sya va/rpasa iishaanaa/saH sha/vasaa kra/nta suura/yaH
1.141.3c ya/d iim a/nu pradi/vo ma/dhva aadhave/ gu/haa sa/ntam maatari/shvaa mathaaya/ti
1.141.4a pra/ ya/t pitu/H paramaa/n niiya/te pa/ry aa/ pRkSu/dho viiru/dho da/Msu rohati
1.141.4c ubhaa/ ya/d asya janu/SaM ya/d i/nvata aa/d i/d ya/viSTho abhavad ghRNaa/ shu/ciH
1.141.5a aa/d i/n maatRR/r aa/vishad yaa/sv aa/ shu/cir a/hiMsyamaana urviyaa/ vi/ vaavRdhe
1.141.5c a/nu ya/t puu/rvaa a/ruhat sanaaju/vo ni/ na/vyasiiSv a/varaasu dhaavate
1.141.6a aa/d i/d dho/taaraM vRNate di/viSTiSu bha/gam iva papRcaanaa/sa R~njate
1.141.6c devaa/n ya/t kra/tvaa majma/naa puruSTuto/ ma/rtaM sha/MsaM vishva/dhaa ve/ti dhaa/yase
1.141.7a vi/ ya/d a/sthaad yajato/ vaa/tacodito hvaaro/ na/ va/kvaa jara/Naa a/naakRtaH
1.141.7c ta/sya pa/tman dakSu/SaH kRSNa/jaMhasaH shu/cijanmano ra/ja aa/ vya\dhvanaH
1.141.8a ra/tho na/ yaata/H shi/kvabhiH kRto/ dyaa/m a/~Ngebhir aruSe/bhir iiyate
1.141.8c aa/d asya te/ kRSNaa/so dakSi suura/yaH shuu/rasyeva tveSa/thaad iiSate va/yaH
1.141.9a tva/yaa hy a\gne va/ruNo dhRta/vrato mitra/H shaashadre/ aryamaa/ sudaa/navaH
1.141.9c ya/t siim a/nu kra/tunaa vishva/thaa vibhu/r araa/n na/ nemi/H paribhuu/r a/jaayathaaH
1.141.10a tva/m agne shashamaanaa/ya sunvate/ ra/tnaM yaviSTha deva/taatim invasi
1.141.10c ta/M tvaa nu/ na/vyaM sahaso yuvan vaya/m bha/gaM na/ kaare/ mahiratna dhiimahi
1.141.11a asme/ rayi/M na/ sva/rthaM da/muunasam bha/gaM da/kSaM na/ papRcaasi dharNasi/m
1.141.11c rashmii/M+r iva yo/ ya/mati ja/nmanii ubhe/ devaa/naaM sha/Msam Rta/ aa/ ca sukra/tuH
1.141.12a uta/ naH sudyo/tmaa jiiraa/shvo ho/taa mandra/H shRNavac candra/rathaH
1.141.12c sa/ no neSan ne/Satamair a/muuro .agni/r vaama/M suvita/M va/syo a/cha
1.141.13a a/staavy agni/H shi/miivadbhir arkai/H saa/mraajyaaya pratara/M da/dhaanaH
1.141.13c amii/ ca ye/ magha/vaano vaya/M ca mi/haM na/ suu/ro a/ti ni/S TatanyuH
1.142.1a sa/middho agna aa/ vaha devaa/M+ adya/ yata/sruce
1.142.1c ta/ntuM tanuSva puurvya/M suta/somaaya daashu/Se
1.142.2a ghRta/vantam u/pa maasi ma/dhumantaM tanuunapaat
1.142.2c yaj~na/M vi/prasya maa/vataH shashamaana/sya daashu/SaH
1.142.3a shu/ciH paavako/ a/dbhuto ma/dhvaa yaj~na/m mimikSati
1.142.3c na/raasha/MsaH tri/r aa/ divo/ devo/ deve/Su yaj~ni/yaH
1.142.4a iiLito/ agna aa/ vahe/ndraM citra/m iha/ priya/m
1.142.4c iya/M hi/ tvaa mati/r ma/maa/chaa sujihva vacya/te
1.142.5a stRNaanaa/so yata/sruco barhi/r yaj~ne/ svadhvare/
1.142.5c vR~nje/ deva/vyacastamam i/ndraaya sha/rma sapra/thaH
1.142.6a vi/ shrayantaam RtaavR/dhaH prayai/ deve/bhyo mahii/H
1.142.6c paavakaa/saH puruspR/ho dvaa/ro devii/r asashca/taH
1.142.7a aa/ bha/ndamaane u/paake na/ktoSaa/saa supe/shasaa
1.142.7c yahvii/ Rta/sya maata/raa sii/dataam barhi/r aa/ suma/t
1.142.8a mandra/jihvaa jugurva/Nii ho/taaraa dai/vyaa kavii/
1.142.8c yaj~na/M no yakSataam ima/M sidhra/m adya/ divispR/sham
1.142.9a shu/cir deve/Sv a/rpitaa ho/traa maru/tsu bhaa/ratii
1.142.9c i/Laa sa/rasvatii mahii/ barhi/H siidantu yaj~ni/yaaH
1.142.10a ta/n nas turii/pam a/dbhutam puru/ vaa/ram puru/ tma/naa
1.142.10c tva/STaa po/Saaya vi/ Syatu raaye/ naa/bhaa no asmayu/H
1.142.11a avasRja/nn u/pa tma/naa devaa/n yakSi vanaspate
1.142.11c agni/r havyaa/ suSuudati devo/ deve/Su me/dhiraH
1.142.12a puuSaNva/te maru/tvate vishva/devaaya vaaya/ve
1.142.12c svaa/haa gaayatra/vepase havya/m i/ndraaya kartana
1.142.13a svaa/haakRtaany aa/ gahy u/pa havyaa/ni viita/ye
1.142.13c i/ndraa/ gahi shrudhii/ ha/vaM tvaa/M havante adhvare/
1.143.1a pra/ ta/vyasiiM na/vyasiiM dhiiti/m agna/ye vaaco/ mati/M sa/hasaH suuna/ve bhare
1.143.1c apaa/M na/paad yo/ va/subhiH saha/ priyo/ ho/taa pRthivyaa/M ny a/siidad Rtvi/yaH
1.143.2a sa/ jaa/yamaanaH parame/ vyo\many aavi/r agni/r abhavan maatari/shvane
1.143.2c asya/ kra/tvaa samidhaana/sya majma/naa pra/ dyaa/vaa shoci/H pRthivii/ arocayat
1.143.3a asya/ tveSaa/ aja/raa asya/ bhaana/vaH susaMdR/shaH supra/tiikasya sudyu/taH
1.143.3c bhaa/tvakSaso a/ty aktu/r na/ si/ndhavo .agne/ rejante a/sasanto aja/raaH
1.143.4a ya/m erire/ bhR/gavo vishva/vedasaM naa/bhaa pRthivyaa/ bhu/vanasya majma/naa
1.143.4c agni/M ta/M giirbhi/r hinuhi sva/ aa/ da/me ya/ e/ko va/svo va/ruNo na/ raa/jati
1.143.5a na/ yo/ va/raaya maru/taam iva svana/H se/neva sRSTaa/ divyaa/ ya/thaasha/niH
1.143.5c agni/r ja/mbhais tigitai/r atti bha/rvati yodho/ na/ sha/truun sa/ va/naa ny R\~njate
1.143.6a kuvi/n no agni/r uca/thasya vii/r a/sad va/suS kuvi/d va/subhiH kaa/mam aava/rat
1.143.6c coda/H kuvi/t tutujyaa/t saata/ye dhi/yaH shu/cipratiikaM ta/m ayaa/ dhiyaa/ gRNe
1.143.7a ghRta/pratiikaM va Rta/sya dhuurSa/dam agni/m mitra/M na/ samidhaana/ R~njate
1.143.7c i/ndhaano akro/ vida/theSu dii/dyac chukra/varNaam u/d u no yaMsate dhi/yam
1.143.8a a/prayuchann a/prayuchadbhir agne shive/bhir naH paayu/bhiH paahi shagmai/H
1.143.8c a/dabdhebhir a/dRpitebhir iSTe/ .animiSadbhiH pa/ri paahi no jaa/H
1.144.1a e/ti pra/ ho/taa vrata/m asya maaya/yordhvaa/M da/dhaanaH shu/cipeshasaM dhi/yam
1.144.1c abhi/ sru/caH kramate dakSiNaavR/to yaa/ asya dhaa/ma prathama/M ha ni/Msate
1.144.2a abhii/m Rta/sya doha/naa anuuSata yo/nau deva/sya sa/dane pa/riivRtaaH
1.144.2c apaa/m upa/sthe vi/bhRto ya/d aa/vasad a/dha svadhaa/ adhayad yaa/bhir ii/yate
1.144.3a yu/yuuSataH sa/vayasaa ta/d i/d va/puH samaana/m a/rthaM vita/ritrataa mitha/H
1.144.3c aa/d iim bha/go na/ ha/vyaH sa/m asma/d aa/ vo/Lhur na/ rashmii/n sa/m ayaMsta saa/rathiH
1.144.4a ya/m iiM dvaa/ sa/vayasaa saparya/taH samaane/ yo/naa mithunaa/ sa/mokasaa
1.144.4c di/vaa na/ na/ktam palito/ yu/vaajani puruu/ ca/rann aja/ro maa/nuSaa yugaa/
1.144.5a ta/m iiM hinvanti dhiita/yo da/sha vri/sho deva/m ma/rtaasa uuta/ye havaamahe
1.144.5c dha/nor a/dhi prava/ta aa/ sa/ RNvaty abhivra/jadbhir vayu/naa na/vaadhita
1.144.6a tva/M hy a\gne divya/sya raa/jasi tva/m paa/rthivasya pashupaa/ iva tma/naa
1.144.6c e/nii ta ete/ bRhatii/ abhishri/yaa hiraNya/yii va/kvarii barhi/r aashaate
1.144.7a a/gne juSa/sva pra/ti harya ta/d va/co ma/ndra sva/dhaava R/tajaata su/krato
1.144.7c yo/ vishva/taH pratya/~N~N a/si darshato/ raNva/H sa/MdRSTau pitumaa/M+ iva kSa/yaH
1.145.1a ta/m pRchataa sa/ jagaamaa sa/ veda sa/ cikitvaa/M+ iiyate saa/ nv iiaa\yate
1.145.1c ta/smin santi prashi/Sas ta/sminn iSTa/yaH sa/ vaa/jasya sha/vasaH shuSmi/Nas pa/tiH
1.145.2a ta/m i/t pRchanti na/ simo/ vi/ pRchati sve/neva dhii/ro ma/nasaa ya/d a/grabhiit
1.145.2c na/ mRSyate prathama/M naa/paraM va/co .asya/ kra/tvaa sacate a/pradRpitaH
1.145.3a ta/m i/d gachanti juhva\s ta/m a/rvatiir vi/shvaany e/kaH shRNavad va/caaMsi me
1.145.3c purupraiSa/s ta/turir yaj~nasaa/dhano/ .achidrotiH shi/shur aa/datta sa/M ra/bhaH
1.145.4a upasthaa/yaM carati ya/t samaa/rata sadyo/ jaata/s tatsaara yu/jyebhiH
1.145.4c abhi/ shvaanta/m mRshate naandye\ mude/ ya/d iiM ga/chanty ushatii/r apiSThita/m
1.145.5a sa/ iim mRgo/ a/pyo vanargu/r u/pa tvacy u\pama/syaaM ni/ dhaayi
1.145.5c vy a\braviid vayu/naa ma/rtyebhyo .agni/r vidvaa/M+ Rtaci/d dhi/ satya/H
1.146.1a trimuurdhaa/naM sapta/rashmiM gRNiiSe/ .anuunam agni/m pitro/r upa/sthe
1.146.1c niSatta/m asya ca/rato dhruva/sya vi/shvaa divo/ rocanaa/paprivaa/Msam
1.146.2a ukSaa/ mahaa/M+ abhi/ vavakSa ene aja/ras tasthaav ita/uutir RSva/H
1.146.2c urvyaa/H pado/ ni/ dadhaati saa/nau riha/nty uu/dho aruSaa/so asya
1.146.3a samaana/M vatsa/m abhi/ saMca/rantii vi/Svag dhenuu/ vi/ carataH sume/ke
1.146.3c anapavRjyaa/M+ a/dhvano mi/maane vi/shvaan ke/taaM+ a/dhi maho/ da/dhaane
1.146.4a dhii/raasaH pada/M kava/yo nayanti naa/naa hRdaa/ ra/kSamaaNaa ajurya/m
1.146.4c si/SaasantaH pa/ry apashyanta si/ndhum aavi/r ebhyo abhavat suu/ryo nRR/n
1.146.5a didRkSe/NyaH pa/ri kaa/SThaasu je/nya iiLe/nyo maho/ a/rbhaaya jiiva/se
1.146.5c purutraa/ ya/d a/bhavat suu/r a/haibhyo ga/rbhebhyo magha/vaa vishva/darshataH
1.147.1a kathaa/ te agne shuca/yanta aayo/r dadaashu/r vaa/jebhir aashuSaaNaa/H
1.147.1c ubhe/ ya/t toke/ ta/naye da/dhaanaa Rta/sya saa/man raNa/yanta devaa/H
1.147.2a bo/dhaa me asya/ va/caso yaviSTha ma/MhiSThasya pra/bhRtasya svadhaavaH
1.147.2c pii/yati tvo a/nu tvo gRNaati vandaa/rus te tanva\M vande agne
1.147.3a ye/ paaya/vo maamateya/M te agne pa/shyanto andha/M duritaa/d a/rakSan
1.147.3c rara/kSa taa/n sukR/to vishva/vedaa di/psanta i/d ripa/vo naa/ha debhuH
1.147.4a yo/ no agne a/rarivaaM+ aghaayu/r araatiivaa/ marca/yati dvaye/na
1.147.4c ma/ntro guru/H pu/nar astu so/ asmaa a/nu mRkSiiSTa tanva\M duruktai/H
1.147.5a uta/ vaa ya/H sahasya pravidvaa/n ma/rto ma/rtam marca/yati dvaye/na
1.147.5c a/taH paahi stavamaana stuva/ntam a/gne maa/kir no duritaa/ya dhaayiiH
1.148.1a ma/thiid ya/d iiM viSTo/ maatari/shvaa ho/taaraM vishvaa/psuM vishva/devyam
1.148.1c ni/ ya/M dadhu/r manuSyaaaa\su vikSu/ sva\r Na/ citra/M va/puSe vibhaa/vam
1.148.2a dadaana/m i/n na/ dadabhanta ma/nmaagni/r va/ruutham ma/ma ta/sya caakan
1.148.2c juSa/nta vi/shvaany asya ka/rmo/pastutim bha/ramaaNasya kaaro/H
1.148.3a ni/tye cin nu/ ya/M sa/dane jagRbhre/ pra/shastibhir dadhire/ yaj~ni/yaasaH
1.148.3c pra/ suu/ nayanta gRbha/yanta iSTaa/v a/shvaaso na/ rathyo\ raarahaaNaa/H
1.148.4a puruu/Ni dasmo/ ni/ riNaati ja/mbhair aa/d rocate va/na aa/ vibhaa/vaa
1.148.4c aa/d asya vaa/to a/nu vaati shoci/r a/stur na/ sha/ryaam asanaa/m a/nu dyuu/n
1.148.5a na/ ya/M ripa/vo na/ riSaNya/vo ga/rbhe sa/ntaM reSaNaa/ reSa/yanti
1.148.5c andhaa/ apashyaa/ na/ dabhann abhikhyaa/ ni/tyaasa iim pretaa/ro arakSan
1.149.1a maha/H sa/ raaya/ e/Sate pa/tir da/nn ina/ ina/sya va/sunaH pada/ aa/
1.149.1c u/pa dhra/jantam a/drayo vidha/nn i/t
1.149.2a sa/ yo/ vR/Saa naraa/M na/ ro/dasyoH shra/vobhir a/sti jiiva/piitasargaH
1.149.2c pra/ ya/H sasraaNa/H shishriita/ yo/nau
1.149.3a aa/ ya/H pu/raM naa/rmiNiim a/diided a/tyaH kavi/r nabhanyo\ naa/rvaa
1.149.3c suu/ro na/ rurukvaa/~n chataa/tmaa
1.149.4a abhi/ dvija/nmaa trii/ rocanaa/ni vi/shvaa ra/jaaMsi shushucaano/ asthaat
1.149.4c ho/taa ya/jiSTho apaa/M sadha/sthe
1.149.5a aya/M sa/ ho/taa yo/ dvija/nmaa vi/shvaa dadhe/ vaa/ryaaNi shravasyaa/
1.149.5c ma/rto yo/ asmai sutu/ko dadaa/sha
1.150.1a puru/ tvaa daashvaa/n voce .ari/r agne ta/va svid aa/
1.150.1c toda/syeva sharaNa/ aa/ maha/sya
1.150.2a vy a\nina/sya dhani/naH prahoSe/ cid a/raruSaH
1.150.2c kadaa/ cana/ praji/gato a/devayoH
1.150.3a sa/ candro/ vipra ma/rtyo maho/ vraa/dhantamo divi/
1.150.3c pra/-pre/t te agne vanu/SaH syaama
1.151.1a mitra/M na/ ya/M shi/myaa go/Su gavya/vaH svaadhyo\ vida/the apsu/ jii/janan
1.151.1c a/rejetaaM ro/dasii paa/jasaa giraa/ pra/ti priya/M yajata/M janu/Saam a/vaH
1.151.2a ya/d dha tya/d vaam purumiiLha/sya somi/naH pra/ mitraa/so na/ dadhire/ svaabhu/vaH
1.151.2c a/dha kra/tuM vidataM gaatu/m a/rcata uta/ shrutaM vRSaNaa pastyaaaa\vataH
1.151.3a aa/ vaam bhuuSan kSita/yo ja/nma ro/dasyoH pravaa/cyaM vRSaNaa da/kSase mahe/
1.151.3c ya/d iim Rtaa/ya bha/ratho ya/d a/rvate pra/ ho/trayaa shi/myaa viitho adhvara/m
1.151.4a pra/ saa/ kSiti/r asura yaa/ ma/hi priya/ R/taavaanaav Rta/m aa/ ghoSatho bRha/t
1.151.4c yuva/M divo/ bRhato/ da/kSam aabhu/vaM gaa/M na/ dhury u/pa yu~njaathe apa/H
1.151.5a mahii/ a/tra mahinaa/ vaa/ram RNvatho .areNa/vas tu/ja aa/ sa/dman dhena/vaH
1.151.5c sva/ranti taa/ upara/taati suu/ryam aa/ nimru/ca uSa/sas takvavii/r iva
1.151.6a aa/ vaam Rtaa/ya keshi/niir anuuSata mi/tra ya/tra va/ruNa gaatu/m a/rcathaH
1.151.6c a/va tma/naa sRja/tam pi/nvataM dhi/yo yuva/M vi/prasya ma/nmanaam irajyathaH
1.151.7a yo/ vaaM yaj~nai/H shashamaano/ ha daa/shati kavi/r ho/taa ya/jati manmasaa/dhanaH
1.151.7c u/paa/ha ta/M ga/chatho viitho/ adhvara/m a/chaa gi/raH sumati/M gantam asmayuu/
1.151.8a yuvaa/M yaj~nai/H prathamaa/ go/bhir a~njata R/taavaanaa ma/naso na/ pra/yuktiSu
1.151.8c bha/ranti vaam ma/nmanaa saMya/taa gi/ro/ .adRpyataa ma/nasaa reva/d aashaathe
1.151.9a reva/d va/yo dadhaathe reva/d aashaathe na/raa maayaa/bhir ita/uuti maa/hinam
1.151.9c na/ vaaM dyaa/vo/ .ahabhir no/ta/ si/ndhavo na/ devatva/m paNa/yo naa/nashur magha/m
1.152.1a yuva/M va/straaNi piivasaa/ vasaathe yuvo/r a/chidraa ma/ntavo ha sa/rgaaH
1.152.1c a/vaatiratam a/nRtaani vi/shva Rte/na mitraavaruNaa sacethe
1.152.2a eta/c cana/ tvo vi/ ciketad eSaaM satyo/ ma/ntraH kavishasta/ R/ghaavaan
1.152.2c trira/shriM hanti ca/turashrir ugro/ devani/do ha prathamaa/ ajuuryan
1.152.3a apaa/d eti prathamaa/ padva/tiinaaM ka/s ta/d vaam mitraavaruNaa/ ciketa
1.152.3c ga/rbho bhaara/m bharaty aa/ cid asya Rta/m pi/party a/nRtaM ni/ taariit
1.152.4a praya/ntam i/t pa/ri jaara/M kanii/naam pa/shyaamasi no/panipa/dyamaanam
1.152.4c a/navapRgNaa vi/tataa va/saanam priya/m mitra/sya va/ruNasya dhaa/ma
1.152.5a anashvo/ jaato/ anabhiishu/r a/rvaa ka/nikradat patayad uurdhva/saanuH
1.152.5c aci/ttam bra/hma jujuSur yu/vaanaH pra/ mitre/ dhaa/ma va/ruNe gRNa/ntaH
1.152.6a aa/ dhena/vo maamateya/m a/vantiir brahmapri/yam piipayan sa/sminn uu/dhan
1.152.6c pitvo/ bhikSeta vayu/naani vidvaa/n aasaa/vi/vaasann a/ditim uruSyet
1.152.7a aa/ vaam mitraavaruNaa havya/juSTiM na/masaa devaav a/vasaa vavRtyaam
1.152.7c asmaa/kam bra/hma pR/tanaasu sahyaa asmaa/kaM vRSTi/r divyaa/ supaaraa/
1.153.1a ya/jaamahe vaam maha/H sajo/Saa havye/bhir mitraavaruNaa na/mobhiH
1.153.1c ghRtai/r ghRtasnuu a/dha ya/d vaam asme/ adhvarya/vo na/ dhiiti/bhir bha/ranti
1.153.2a pra/stutir vaaM dhaa/ma na/ pra/yuktir a/yaami mitraavaruNaa suvRkti/H
1.153.2c ana/kti ya/d vaaM vida/theSu ho/taa sumna/M vaaM suuri/r vRSaNaav i/yakSan
1.153.3a piipaa/ya dhenu/r a/ditir Rtaa/ya ja/naaya mitraavaruNaa havirde/
1.153.3c hino/ti ya/d vaaM vida/the saparya/n sa/ raata/havyo maa/nuSo na/ ho/taa
1.153.4a uta/ vaaM vikSu/ ma/dyaasv a/ndho gaa/va aa/pash ca piipayanta devii/H
1.153.4c uto/ no asya/ puurvya/H pa/tir da/n viita/m paata/m pa/yasa usri/yaayaaH
1.154.1a vi/SNor nu/ kaM viiryaaaa\Ni pra/ vocaM ya/H paa/rthivaani vimame/ ra/jaaMsi
1.154.1c yo/ a/skabhaayad u/ttaraM sadha/sthaM vicakramaaNa/s tredho/rugaaya/H
1.154.2a pra/ ta/d vi/SNu stavate viirye\Na mRgo/ na/ bhiima/H kucaro/ giriSThaa/H
1.154.2c ya/syoru/Su triSu/ vikra/maNeSv adhikSiya/nti bhu/vanaani vi/shvaa
1.154.3a pra/ vi/SNave shuuSa/m etu ma/nma girikSi/ta urugaayaa/ya vR/SNe
1.154.3c ya/ ida/M diirgha/m pra/yataM sadha/stham e/ko vimame/ tribhi/r i/t pade/bhiH
1.154.4a ya/sya trii/ puurNaa/ ma/dhunaa padaa/ny a/kSiiyamaaNaa svadha/yaa ma/danti
1.154.4c ya/ u tridhaa/tu pRthivii/m uta/ dyaa/m e/ko daadhaa/ra bhu/vanaani vi/shvaa
1.154.5a ta/d asya priya/m abhi/ paa/tho ashyaaM na/ro ya/tra devaya/vo ma/danti
1.154.5c urukrama/sya sa/ hi/ ba/ndhur itthaa/ vi/SNoH pade/ parame/ ma/dhva u/tsaH
1.154.6a taa/ vaaM vaa/stuuny ushmasi ga/madhyai ya/tra gaa/vo bhuu/rishR~Ngaa ayaa/saH
1.154.6c a/traa/ha ta/d urugaaya/sya vR/SNaH parama/m pada/m a/va bhaati bhuu/ri
1.155.1a pra/ vaH paa/ntam a/ndhaso dhiyaayate/ mahe/ shuu/raaya vi/SNave caarcata
1.155.1c yaa/ saa/nuni pa/rvataanaam a/daabhyaa maha/s tastha/tur a/rvateva saadhu/naa
1.155.2a tveSa/m itthaa/ sama/raNaM shi/miivator i/ndraaviSNuu sutapaa/ vaam uruSyati
1.155.2c yaa/ ma/rtyaaya pratidhiiya/maanam i/t kRshaa/nor a/stur asanaa/m uruSya/thaH
1.155.3a taa/ iiM vardhanti ma/hy asya pau/MsyaM ni/ maata/raa nayati re/tase bhuje/
1.155.3c da/dhaati putro/ .avaram pa/ram pitu/r naa/ma tRtii/yam a/dhi rocane/ diva/H
1.155.4a ta/t-tad i/d asya pau/MsyaM gRNiimasiina/sya traatu/r avRka/sya miiLhu/SaH
1.155.4c ya/H paa/rthivaani tribhi/r i/d vi/gaamabhir uru/ kra/miSTorugaayaa/ya jiiva/se
1.155.5a dve/ i/d asya kra/maNe svardR/sho .abhikhyaa/ya ma/rtyo bhuraNyati
1.155.5c tRtii/yam asya na/kir aa/ dadharSati va/yash cana/ pata/yantaH patatri/NaH
1.155.6a catu/rbhiH saaka/M navati/M ca naa/mabhish cakra/M na/ vRtta/M vya/tiiM+r aviivipat
1.155.6c bRha/cchariiro vimi/maana R/kvabhir yu/vaa/kumaaraH pra/ty ety aahava/m
1.156.1a bha/vaa mitro/ na/ she/vyo ghRtaa/sutir vi/bhuutadyumna evayaa/ u sapra/thaaH
1.156.1c a/dhaa te viSNo vidu/Saa cid a/rdhya sto/mo yaj~na/sh ca raa/dhyo havi/Smataa
1.156.2a ya/H puurvyaa/ya vedha/se na/viiyase suma/jjaanaye vi/SNave da/daashati
1.156.2c yo/ jaata/m asya mahato/ ma/hi bra/vat se/d u shra/vobhir yu/jyaM cid abhy a\sat
1.156.3a ta/m u stotaaraH puurvya/M ya/thaa vida/ Rta/sya ga/rbhaM janu/Saa pipartana
1.156.3c aa/sya jaana/nto naa/ma cid vivaktana maha/s te viSNo sumati/m bhajaamahe
1.156.4a ta/m asya raa/jaa va/ruNas ta/m ashvi/naa kra/tuM sacanta maa/rutasya vedha/saH
1.156.4c daadhaa/ra da/kSam uttama/m aharvi/daM vraja/M ca vi/SNuH sa/khivaaM+ aporNute/
1.156.5a aa/ yo/ vivaa/ya saca/thaaya dai/vya i/ndraaya vi/SNuH sukR/te sukR/ttaraH
1.156.5c vedhaa/ ajinvat triSadhastha/ aa/ryam Rta/sya bhaage/ ya/jamaanam aa/bhajat
1.157.1a a/bodhy agni/r jma/ u/d eti suu/ryo vy u\Saa/sh candraa/ mahy aaaa\vo arci/Saa
1.157.1c aa/yukSaataam ashvi/naa yaa/tave ra/tham praa/saaviid deva/H savitaa/ ja/gat pR/thak
1.157.2a ya/d yu~njaa/the vR/SaNam ashvinaa ra/thaM ghRte/na no ma/dhunaa kSatra/m ukSatam
1.157.2c asmaa/kam bra/hma pR/tanaasu jinvataM vaya/M dha/naa shuu/rasaataa bhajemahi
1.157.3a arvaa/~N tricakro/ madhuvaa/hano ra/tho jiiraa/shvo ashvi/nor yaatu su/STutaH
1.157.3c trivandhuro/ magha/vaa vishva/saubhagaH sha/M na aa/ vakSad dvipa/de ca/tuSpade
1.157.4a aa/ na uu/rjaM vahatam ashvinaa yuva/m ma/dhumatyaa naH ka/shayaa mimikSatam
1.157.4c praa/yus taa/riSTaM nii/ ra/paaMsi mRkSataM se/dhataM dve/So bha/vataM sacaabhu/vaa
1.157.5a yuva/M ha ga/rbhaM ja/gatiiSu dhattho yuva/M vi/shveSu bhu/vaneSv anta/H
1.157.5c yuva/m agni/M ca vRSaNaav apa/sh ca va/naspa/tiiM+r ashvinaav ai/rayethaam
1.157.6a yuva/M ha stho bhiSa/jaa bheSaje/bhir a/tho ha stho rathyaaaa\ raa/thyebhiH
1.157.6c a/tho ha kSatra/m a/dhi dhattha ugraa yo/ vaaM havi/Smaan ma/nasaa dadaa/sha
1.158.1a va/suu rudraa/ puruma/ntuu vRdha/ntaa dashasya/taM no vRSaNaav abhi/STau
1.158.1c da/sraa ha ya/d re/kNa aucathyo/ vaam pra/ ya/t sasraa/the a/kavaabhir uutii/
1.158.2a ko/ vaaM daashat sumata/ye cid asyai/ va/suu ya/d dhe/the na/masaa pade/ go/H
1.158.2c jigRta/m asme/ reva/tiiH pu/raMdhiiH kaamapre/Neva ma/nasaa ca/rantaa
1.158.3a yukto/ ha ya/d vaaM taugryaa/ya peru/r vi/ ma/dhye a/rNaso dhaa/yi pajra/H
1.158.3c u/pa vaam a/vaH sharaNa/M gameyaM shuu/ro naa/jma pata/yadbhir e/vaiH
1.158.4a u/pastutir aucathya/m uruSyen maa/ maa/m ime/ patatri/Nii vi/ dugdhaam
1.158.4c maa/ maa/m e/dho da/shatayash cito/ dhaak pra/ ya/d vaam baddha/s tma/ni khaa/dati kSaa/m
1.158.5a na/ maa garan nadyo\ maatR/tamaa daasaa/ ya/d iiM su/samubdham avaa/dhuH
1.158.5c shi/ro ya/d asya traitano/ vita/kSat svaya/M daasa/ u/ro a/Msaav a/pi gdha
1.158.6a diirgha/tamaa maamateyo/ jujurvaa/n dashame/ yuge/
1.158.6c apaa/m a/rthaM yatii/naam brahmaa/ bhavati saa/rathiH
1.159.1a pra/ dyaa/vaa yaj~nai/H pRthivii/ RtaavR/dhaa mahii/ stuSe vida/theSu pra/cetasaa
1.159.1c deve/bhir ye/ deva/putre suda/Msasetthaa/ dhiyaa/ vaa/ryaaNi prabhuu/SataH
1.159.2a uta/ manye pitu/r adru/ho ma/no maatu/r ma/hi sva/tavas ta/d dha/viimabhiH
1.159.2c sure/tasaa pita/raa bhuu/ma cakratur uru/ prajaa/yaa amR/taM va/riimabhiH
1.159.3a te/ suuna/vaH sva/pasaH suda/Msaso mahii/ jaj~nur maata/raa puurva/cittaye
1.159.3c sthaatu/sh ca satya/M ja/gatash ca dha/rmaNi putra/sya paathaH pada/m a/dvayaavinaH
1.159.4a te/ maayi/no mamire supra/cetaso jaamii/ sa/yonii mithunaa/ sa/mokasaa
1.159.4c na/vyaM-navyaM ta/ntum aa/ tanvate divi/ samudre/ anta/H kava/yaH sudiita/yaH
1.159.5a ta/d raa/dho adya/ savitu/r va/reNyaM vaya/M deva/sya prasave/ manaamahe
1.159.5c asma/bhyaM dyaavaapRthivii sucetu/naa rayi/M dhattaM va/sumantaM shatagvi/nam
1.160.1a te/ hi/ dyaa/vaapRthivii/ vishva/shambhuva Rtaa/varii ra/jaso dhaaraya/tkavii
1.160.1c suja/nmanii dhiSa/Ne anta/r iiyate devo/ devii/ dha/rmaNaa suu/ryaH shu/ciH
1.160.2a uruvya/casaa mahi/nii asashca/taa pitaa/ maataa/ ca bhu/vanaani rakSataH
1.160.2c sudhR/STame vapuSye\ na/ ro/dasii pitaa/ ya/t siim abhi/ ruupai/r a/vaasayat
1.160.3a sa/ va/hniH putra/H pitro/H pavi/travaan punaa/ti dhii/ro bhu/vanaani maaya/yaa
1.160.3c dhenu/M ca pR/shniM vRSabha/M sure/tasaM vishvaa/haa shukra/m pa/yo asya dukSata
1.160.4a aya/M devaa/naam apa/saam apa/stamo yo/ jajaa/na ro/dasii vishva/shambhuvaa
1.160.4c vi/ yo/ mame/ ra/jasii sukratuuya/yaaja/rebhi ska/mbhanebhiH sa/m aanRce
1.160.5a te/ no gRNaane/ mahinii ma/hi shra/vaH kSatra/M dyaavaapRthivii dhaasatho bRha/t
1.160.5c ye/naabhi/ kRSTii/s tata/naama vishva/haa panaa/yyam o/jo asme/ sa/m invatam
1.161.1a ki/m u shre/SThaH ki/M ya/viSTho na aa/jagan ki/m iiyate duutya\M ka/d ya/d uucima/
1.161.1c na/ nindima camasa/M yo/ mahaakulo/ .agne bhraatar dru/Na i/d bhuuti/m uudima
1.161.2a e/kaM camasa/M catu/raH kRNotana ta/d vo devaa/ abruvan ta/d va aa/gamam
1.161.2c sau/dhanvanaa ya/dy evaa/ kariSya/tha saaka/M devai/r yaj~ni/yaaso bhaviSyatha
1.161.3a agni/M duuta/m pra/ti ya/d a/braviitanaa/shvaH ka/rtvo ra/tha ute/ha/ ka/rtvaH
1.161.3c dhenu/H ka/rtvaa yuvashaa/ ka/rtvaa dvaa/ taa/ni bhraatar a/nu vaH kRtvy e/masi
1.161.4a cakRvaa/Msa Rbhavas ta/d apRchata kve/d abhuud ya/H sya/ duuto/ na aa/jagan
1.161.4c yadaa/vaa/khyac camasaa/~n catu/raH kRtaa/n aa/d i/t tva/STaa gnaa/sv anta/r ny aaaa\naje
1.161.5a ha/naamainaaM+ i/ti tva/STaa ya/d a/braviic camasa/M ye/ devapaa/nam a/nindiSuH
1.161.5c anyaa/ naa/maani kRNvate sute/ sa/caaM+ anyai/r enaan kanyaaaa\ naa/mabhi sparat
1.161.6a i/ndro ha/rii yuyuje/ ashvi/naa ra/tham bR/haspa/tir vishva/ruupaam u/paajata
1.161.6c Rbhu/r vi/bhvaa vaa/jo devaa/M+ agachata sva/paso yaj~ni/yam bhaaga/m aitana
1.161.7a ni/sh ca/rmaNo gaa/m ariNiita dhiiti/bhir yaa/ ja/rantaa yuvashaa/ taa/kRNotana
1.161.7c sau/dhanvanaa a/shvaad a/shvam atakSata yuktvaa/ ra/tham u/pa devaa/M+ ayaatana
1.161.8a ida/m udaka/m pibate/ty abraviitaneda/M vaa ghaa pibataa mu~njane/janam
1.161.8c sau/dhanvanaa ya/di ta/n ne/va ha/ryatha tRtii/ye ghaa sa/vane maadayaadhvai
1.161.9a aa/po bhuu/yiSThaa i/ty e/ko abraviid agni/r bhuu/yiSTha i/ty anyo/ abraviit
1.161.9c vadharya/ntiim bahu/bhyaH prai/ko abraviid Rtaa/ va/dantash camasaa/M+ apiMshata
1.161.10a shroNaa/m e/ka udaka/M gaa/m a/vaajati maaM+sa/m e/kaH piMshati suuna/yaa/bhRtam
1.161.10c aa/ nimru/caH sha/kRd e/ko a/paabharat ki/M svit putre/bhyaH pita/raa u/paavatuH
1.161.11a udva/tsv asmaa akRNotanaa tR/NaM niva/tsv apa/H svapasya/yaa naraH
1.161.11c a/gohyasya ya/d a/sastanaa gRhe/ ta/d adye/da/m Rbhavo naa/nu gachatha
1.161.12a sammii/lya ya/d bhu/vanaa parya/sarpata kva\ svit taatyaa/ pita/raa va aasatuH
1.161.12c a/shapata ya/H kara/snaM va aadade/ ya/H praa/braviit pro/ ta/smaa abraviitana
1.161.13a suSupvaa/Msa Rbhavas ta/d apRchataa/gohya ka/ ida/M no abuubudhat
1.161.13c shvaa/nam basto/ bodhayitaa/ram abraviit saMvatsara/ ida/m adyaa/ vy a\khyata
1.161.14a divaa/ yaanti maru/to bhuu/myaagni/r aya/M vaa/to anta/rikSeNa yaati
1.161.14c adbhi/r yaati va/ruNaH samudrai/r yuSmaa/M+ icha/ntaH shavaso napaataH
1.162.1a maa/ no mitro/ va/ruNo aryamaa/yu/r i/ndra RbhukSaa/ maru/taH pa/ri khyan
1.162.1c ya/d vaaji/no deva/jaatasya sa/pteH pravakSyaa/mo vida/the viiryaaaa\Ni
1.162.2a ya/n nirNi/jaa re/kNasaa praa/vRtasya raati/M gRbhiitaa/m mukhato/ na/yanti
1.162.2c su/praa~N ajo/ me/myad vishva/ruupa indraapuuSNo/H priya/m a/py eti paa/thaH
1.162.3a eSa/ chaa/gaH puro/ a/shvena vaaji/naa puuSNo/ bhaago/ niiyate vishva/devyaH
1.162.3c abhipri/yaM ya/t puroLaa/sham a/rvataa tva/STe/d enaM saushravasaa/ya jinvati
1.162.4a ya/d dhaviSya\m Rtusho/ devayaa/naM tri/r maa/nuSaaH pa/ry a/shvaM na/yanti
1.162.4c a/traa puuSNa/H prathamo/ bhaaga/ eti yaj~na/M deve/bhyaH prativeda/yann aja/H
1.162.5a ho/taadhvaryu/r aa/vayaa agnimindho/ graavagraabha/ uta/ sha/Mstaa su/vipraH
1.162.5c te/na yaj~ne/na sva\raMkRtena svai\STena vakSa/Naa aa/ pRNadhvam
1.162.6a yuupavraskaa/ uta/ ye/ yuupavaahaa/sh caSaa/laM ye/ ashvayuupaa/ya ta/kSati
1.162.6c ye/ caa/rvate pa/canaM sambha/ranty uto/ te/Saam abhi/guurtir na invatu
1.162.7a u/pa praa/gaat suma/n me .adhaayi ma/nma devaa/naam aa/shaa u/pa viita/pRSThaH
1.162.7c a/nv enaM vi/praa R/Sayo madanti devaa/naam puSTe/ cakRmaa suba/ndhum
1.162.8a ya/d vaaji/no daa/ma saMdaa/nam a/rvato yaa/ shiirSaNyaaaa\ rashanaa/ ra/jjur asya
1.162.8c ya/d vaa ghaasya pra/bhRtam aasye\ tR/NaM sa/rvaa taa/ te a/pi deve/Sv astu
1.162.9a ya/d a/shvasya kravi/So ma/kSikaa/sha ya/d vaa sva/rau sva/dhitau ripta/m a/sti
1.162.9c ya/d dha/stayoH shamitu/r ya/n nakhe/Su sa/rvaa taa/ te a/pi deve/Sv astu
1.162.10a ya/d uu/vadhyam uda/rasyaapavaa/ti ya/ aama/sya kravi/So gandho/ a/sti
1.162.10c sukRtaa/ ta/c chamitaa/raH kRNvantuuta/ me/dhaM shRtapaa/kam pacantu
1.162.11a ya/t te gaa/traad agni/naa pacya/maanaad abhi/ shuu/laM ni/hatasyaavadhaa/vati
1.162.11c maa/ ta/d bhuu/myaam aa/ shriSan maa/ tR/NeSu deve/bhyas ta/d usha/dbhyo raata/m astu
1.162.12a ye/ vaaji/nam paripa/shyanti pakva/M ya/ iim aahu/H surabhi/r ni/r hare/ti
1.162.12c ye/ caa/rvato maaMsabhikSaa/m upaa/sata uto/ te/Saam abhi/guurtir na invatu
1.162.13a ya/n nii/kSaNam maaMspa/canyaa ukhaa/yaa yaa/ paa/traaNi yuuSNa/ aase/canaani
1.162.13c uuSmaNyaaaa\pidhaa/naa caruuNaa/m a~Nkaa/H suunaa/H pa/ri bhuuSanty a/shvam
1.162.14a nikra/maNaM niSa/danaM viva/rtanaM ya/c ca pa/Dbiisham a/rvataH
1.162.14c ya/c ca papau/ ya/c ca ghaasi/M jaghaa/sa sa/rvaa taa/ te a/pi deve/Sv astu
1.162.15a maa/ tvaagni/r dhvanayiid dhuuma/gandhir mo/khaa/ bhraa/janty abhi/ vikta ja/ghriH
1.162.15c iSTa/M viita/m abhi/guurtaM va/SaTkRtaM ta/M devaa/saH pra/ti gRbhNanty a/shvam
1.162.16a ya/d a/shvaaya vaa/sa upastRNa/nty adhiivaasa/M yaa/ hi/raNyaany asmai
1.162.16c saMdaa/nam a/rvantam pa/Dbiisham priyaa/ deve/Sv aa/ yaamayanti
1.162.17a ya/t te saade/ ma/hasaa shuu/kRtasya paa/rSNyaa vaa ka/shayaa vaa tuto/da
1.162.17c sruce/va taa/ havi/So adhvare/Su sa/rvaa taa/ te bra/hmaNaa suudayaami
1.162.18a ca/tustriMshad vaaji/no deva/bandhor va/~Nkriir a/shvasya sva/dhitiH sa/m eti
1.162.18c a/chidraa gaa/traa vayu/naa kRNota pa/ruS-parur anughu/Syaa vi/ shasta
1.162.19a e/kas tva/STur a/shvasyaa vishastaa/ dvaa/ yantaa/raa bhavatas ta/tha Rtu/H
1.162.19c yaa/ te gaa/traaNaam Rtuthaa/ kRNo/mi taa/-taa pi/NDaanaam pra/ juhomy agnau/
1.162.20a maa/ tvaa tapat priya/ aatmaa/piya/ntam maa/ sva/dhitis tanva\ aa/ tiSThipat te
1.162.20c maa/ te gRdhnu/r avishastaa/tihaa/ya chidraa/ gaa/traaNy asi/naa mi/thuu kaH
1.162.21a na/ vaa/ u eta/n mriyase na/ riSyasi devaa/M+ i/d eSi pathi/bhiH suge/bhiH
1.162.21c ha/rii te yu/~njaa pR/Satii abhuutaam u/paasthaad vaajii/ dhuri/ raa/sabhasya
1.162.22a suga/vyaM no vaajii/ sva/shvyam puMsa/H putraa/M+ uta/ vishvaapu/SaM rayi/m
1.162.22c anaagaastva/M no a/ditiH kRNotu kSatra/M no a/shvo vanataaM havi/Smaan
1.163.1a ya/d a/krandaH prathama/M jaa/yamaana udya/n samudraa/d uta/ vaa pu/riiSaat
1.163.1c shyena/sya pakSaa/ hariNa/sya baahuu/ upastu/tyam ma/hi jaata/M te arvan
1.163.2a yame/na datta/M trita/ enam aayunag i/ndra eNam prathamo/ a/dhy atiSThat
1.163.2c gandharvo/ asya rashanaa/m agRbhNaat suu/raad a/shvaM vasavo ni/r ataSTa
1.163.3a a/si yamo/ a/sy aadityo/ arvann a/si trito/ gu/hyena vrate/na
1.163.3c a/si so/mena sama/yaa vi/pRkta aahu/s te trii/Ni divi/ ba/ndhanaani
1.163.4a trii/Ni ta aahur divi/ ba/ndhanaani trii/Ny apsu/ trii/Ny anta/H samudre/
1.163.4c ute/va me va/ruNash chantsy arvan ya/traa ta aahu/H parama/M jani/tram
1.163.5a imaa/ te vaajinn avamaa/rjanaaniimaa/ shaphaa/naaM sanitu/r nidhaa/naa
1.163.5c a/traa te bhadraa/ rashanaa/ apashyam Rta/sya yaa/ abhira/kSanti gopaa/H
1.163.6a aatmaa/naM te ma/nasaaraa/d ajaanaam avo/ divaa/ pata/yantam pataMga/m
1.163.6c shi/ro apashyam pathi/bhiH suge/bhir areNu/bhir je/hamaanam patatri/
1.163.7a a/traa te ruupa/m uttama/m apashyaM ji/giiSamaaNam iSa/ aa/ pade/ go/H
1.163.7c yadaa/ te ma/rto a/nu bho/gam aa/naL aa/d i/d gra/siSTha o/Sadhiir ajiigaH
1.163.8a a/nu tvaa ra/tho a/nu ma/ryo arvann a/nu gaa/vo/ .anu bha/gaH kanii/naam
1.163.8c a/nu vraa/taasas ta/va sakhya/m iiyur a/nu devaa/ mamire viirya\M te
1.163.9a hi/raNyashR~Ngo/ .ayo asya paa/daa ma/nojavaa a/vara i/ndra aasiit
1.163.9c devaa/ i/d asya havira/dyam aayan yo/ a/rvantam prathamo/ adhya/tiSThat
1.163.10a iirmaa/ntaasaH si/likamadhyamaasaH sa/M shuu/raNaaso divyaa/so a/tyaaH
1.163.10c haMsaa/ iva shreNisho/ yatante ya/d aa/kSiSur divya/m a/jmam a/shvaaH
1.163.11a ta/va sha/riiram patayiSNv a\rvan ta/va citta/M vaa/ta iva dhra/jiimaan
1.163.11c ta/va shR/~NgaaNi vi/SThitaa purutraa/raNyeSu ja/rbhuraaNaa caranti
1.163.12a u/pa praa/gaac cha/sanaM vaajy a/rvaa devadrii/caa ma/nasaa dii/dhyaanaH
1.163.12c aja/H puro/ niiyate naa/bhir asyaa/nu pashcaa/t kava/yo yanti rebhaa/H
1.163.13a u/pa praa/gaat parama/M ya/t sadha/stham a/rvaaM+ a/chaa pita/ram maata/raM ca
1.163.13c adyaa/ devaa/~n ju/STatamo hi/ gamyaa/ a/thaa/ shaaste daashu/Se vaa/ryaaNi
1.164.1a asya/ vaama/sya palita/sya ho/tus ta/sya bhraa/taa madhyamo/ asty a/shnaH
1.164.1c tRtii/yo bhraa/taa ghRta/pRSTho asyaa/traapashyaM vishpa/tiM sapta/putram
1.164.2a sapta/ yu~njanti ra/tham e/kacakram e/ko a/shvo vahati sapta/naamaa
1.164.2c trinaa/bhi cakra/m aja/ram anarva/M ya/tremaa/ vi/shvaa bhu/vanaa/dhi tasthu/H
1.164.3a ima/M ra/tham a/dhi ye/ sapta/ tasthu/H sapta/cakraM sapta/ vahanty a/shvaaH
1.164.3c sapta/ sva/saaro abhi/ sa/M navante ya/tra ga/vaaM ni/hitaa sapta/ naa/ma
1.164.4a ko/ dadarsha prathama/M jaa/yamaanam asthanva/ntaM ya/d anasthaa/ bi/bharti
1.164.4c bhuu/myaa a/sur a/sRg aatmaa/ kva\ svit ko/ vidvaa/Msam u/pa gaat pra/STum eta/t
1.164.5a paa/kaH pRchaami ma/nasaa/vijaanan devaa/naam enaa/ ni/hitaa padaa/ni
1.164.5c vatse/ baSka/ye/ .adhi sapta/ ta/ntuun vi/ tatnire kava/ya o/tavaa/ u
1.164.6a a/cikitvaa~n cikitu/Sash cid a/tra kavii/n pRchaami vidma/ne na/ vidvaa/n
1.164.6c vi/ ya/s tasta/mbha Sa/L imaa/ ra/jaaMsy aja/sya ruupe/ ki/m a/pi svid e/kam
1.164.7a iha/ braviitu ya/ iim a~Nga/ ve/daasya/ vaama/sya ni/hitam pada/M ve/H
1.164.7c shiirSNa/H kSiira/M duhrate gaa/vo asya vavri/M va/saanaa udaka/m padaa/puH
1.164.8a maataa/ pita/ram Rta/ aa/ babhaaja dhiity a/gre ma/nasaa sa/M hi/ jagme/
1.164.8c saa/ biibhatsu/r ga/rbharasaa ni/viddhaa na/masvanta i/d upavaaka/m iiyuH
1.164.9a yuktaa/ maataa/siid dhuri/ da/kSiNaayaa a/tiSThad ga/rbho vRjanii/Sv anta/H
1.164.9c a/miimed vatso/ a/nu gaa/m apashyad vishvaruupya\M triSu/ yo/janeSu
1.164.10a tisro/ maatRR/s trii/n pitRR/n bi/bhrad e/ka uurdhva/s tasthau ne/m a/va glaapayanti
1.164.10c mantra/yante divo/ amu/Sya pRSThe/ vishvavi/daM vaa/cam a/vishvaminvaam
1.164.11a dvaa/dashaaraM nahi/ ta/j ja/raaya va/rvarti cakra/m pa/ri dyaa/m Rta/sya
1.164.11c aa/ putraa/ agne mithunaa/so a/tra sapta/ shataa/ni viMshati/sh ca tasthuH
1.164.12a pa/~ncapaadam pita/raM dvaa/dashaakRtiM diva/ aahuH pa/re a/rdhe puriiSi/Nam
1.164.12c a/theme/ anya/ u/pare vicakSaNa/M sapta/cakre Sa/Lara aahur a/rpitam
1.164.13a pa/~ncaare cakre/ pariva/rtamaane ta/sminn aa/ tasthur bhu/vanaani vi/shvaa
1.164.13c ta/sya naa/kSas tapyate bhuu/ribhaaraH sanaa/d eva/ na/ shiiryate sa/naabhiH
1.164.14a sa/nemi cakra/m aja/raM vi/ vaavRta uttaanaa/yaaM da/sha yuktaa/ vahanti
1.164.14c suu/ryasya ca/kSuu ra/jasaity aa/vRtaM ta/sminn aa/rpitaa bhu/vanaani vi/shvaa
1.164.15a saakaMjaa/naaM sapta/tham aahur ekaja/M Sa/L i/d yamaa/ R/Sayo devajaa/ i/ti
1.164.15c te/Saam iSTaa/ni vi/hitaani dhaamasha/ sthaatre/ rejante vi/kRtaani ruupasha/H
1.164.16a stri/yaH satii/s taa/M+ u me puMsa/ aahuH pa/shyad akSaNvaa/n na/ vi/ cetad andha/H
1.164.16c kavi/r ya/H putra/H sa/ iim aa/ ciketa ya/s taa/ vijaanaa/t sa/ pitu/S pitaa/sat
1.164.17a ava/H pa/reNa para/ enaa/vareNa padaa/ vatsa/m bi/bhratii gau/r u/d asthaat
1.164.17c saa/ kadrii/cii ka/M svid a/rdham pa/raagaat kva\ svit suute nahi/ yuuthe/ anta/H
1.164.18a ava/H pa/reNa pita/raM yo/ asyaanuve/da para/ enaa/vareNa
1.164.18c kaviiya/maanaH ka/ iha/ pra/ vocad deva/m ma/naH ku/to a/dhi pra/jaatam
1.164.19a ye/ arvaa/~ncas taa/M+ u pa/raaca aahur ye/ pa/raa~ncas taa/M+ u arvaa/ca aahuH
1.164.19c i/ndrash ca yaa/ cakra/thuH soma taa/ni dhuraa/ na/ yuktaa/ ra/jaso vahanti
1.164.20a dvaa/ suparNaa/ sayu/jaa sa/khaayaa samaana/M vRkSa/m pa/ri Sasvajaate
1.164.20c ta/yor anya/H pi/ppalaM svaadv a/tty a/nashnann anyo/ abhi/ caakashiiti
1.164.21a ya/traa suparNaa/ amR/tasya bhaaga/m a/nimeSaM vida/thaabhisva/ranti
1.164.21c ino/ vi/shvasya bhu/vanasya gopaa/H sa/ maa dhii/raH paa/kam a/traa/ vivesha
1.164.22a ya/smin vRkSe/ madhva/daH suparNaa/ nivisha/nte su/vate caa/dhi vi/shve
1.164.22c ta/sye/d aahuH pi/ppalaM svaadv a/gre ta/n no/n nashad ya/H pita/raM na/ ve/da
1.164.23a ya/d gaayatre/ a/dhi gaayatra/m aa/hitaM trai/STubhaad vaa trai/STubhaM nira/takSata
1.164.23c ya/d vaa ja/gaj ja/gaty aa/hitam pada/M ya/ i/t ta/d vidu/s te/ amRtatva/m aanashuH
1.164.24a gaayatre/Na pra/ti mimiite arka/m arke/Na saa/ma trai/STubhena vaaka/m
1.164.24c vaake/na vaaka/M dvipa/daa ca/tuSpadaakSa/reNa mimate sapta/ vaa/NiiH
1.164.25a ja/gataa si/ndhuM divy a\stabhaayad rathaMtare/ suu/ryam pa/ry apashyat
1.164.25c gaayatra/sya sami/dhas tisra/ aahus ta/to mahnaa/ pra/ ririce mahitvaa/
1.164.26a u/pa hvaye sudu/ghaaM dhenu/m etaa/M suha/sto godhu/g uta/ dohad enaam
1.164.26c shre/SThaM sava/M savitaa/ saaviSan no .abhiiaa\ddho gharma/s ta/d u Su/ pra/ vocam
1.164.27a hi~NkRNvatii/ vasupa/tnii va/suunaaM vatsa/m icha/ntii ma/nasaabhy aa/gaat
1.164.27c duhaa/m ashvi/bhyaam pa/yo aghnye/ya/M saa/ vardhataam mahate/ sau/bhagaaya
1.164.28a gau/r amiimed a/nu vatsa/m miSa/ntam muurdhaa/naM hi/~N~N akRNon maa/tavaa/ u
1.164.28c sR/kvaaNaM gharma/m abhi/ vaavashaanaa/ mi/maati maayu/m pa/yate pa/yobhiH
1.164.29a aya/M sa/ shi~Nkte ye/na gau/r abhii/vRtaa mi/maati maayu/M dhvasa/naav a/dhi shritaa/
1.164.29c saa/ citti/bhir ni/ hi/ cakaa/ra ma/rtyaM vidyu/d bha/vantii pra/ti vavri/m auhata
1.164.30a ana/c chaye tura/gaatu jiiva/m e/jad dhruva/m ma/dhya aa/ pastyaaaa\naam
1.164.30c jiivo/ mRta/sya carati svadhaa/bhir a/martyo ma/rtyenaa sa/yoniH
1.164.31a a/pashyaM gopaa/m a/nipadyamaanam aa/ ca pa/raa ca pathi/bhish ca/rantam
1.164.31c sa/ sadhrii/ciiH sa/ vi/Suuciir va/saana aa/ variivarti bhu/vaneSv anta/H
1.164.32a ya/ iiM cakaa/ra na/ so/ asya/ veda ya/ iiM dada/rsha hi/rug i/n nu/ ta/smaat
1.164.32c sa/ maatu/r yo/naa pa/riviito anta/r bahuprajaa/ ni/rRtim aa/ vivesha
1.164.33a dyau/r me pitaa/ janitaa/ naa/bhir a/tra ba/ndhur me maataa/ pRthivii/ mahii/ya/m
1.164.33c uttaana/yosh camvo\r yo/nir anta/r a/traa pitaa/ duhitu/r ga/rbham aa/dhaat
1.164.34a pRchaa/mi tvaa pa/ram a/ntam pRthivyaa/H pRchaa/mi ya/tra bhu/vanasya naa/bhiH
1.164.34c pRchaa/mi tvaa vR/SNo a/shvasya re/taH pRchaa/mi vaaca/H parama/M vyo\ma
1.164.35a iya/M ve/diH pa/ro a/ntaH pRthivyaa/ aya/M yaj~no/ bhu/vanasya naa/bhiH
1.164.35c aya/M so/mo vR/SNo a/shvasya re/to brahmaa/ya/M vaaca/H parama/M vyo\ma
1.164.36a saptaa/rdhagarbhaa/ bhu/vanasya re/to vi/SNos tiSThanti pradi/shaa vi/dharmaNi
1.164.36c te/ dhiiti/bhir ma/nasaa te/ vipashci/taH paribhu/vaH pa/ri bhavanti vishva/taH
1.164.37a na/ vi/ jaanaami ya/d iveda/m a/smi niNya/H sa/Mnaddho ma/nasaa caraami
1.164.37c yadaa/ maa/gan prathamajaa/ Rta/syaa/d i/d vaaco/ ashnuve bhaaga/m asyaa/H
1.164.38a a/paa~N praa/~N eti svadha/yaa gRbhiito/ .amartyo ma/rtyenaa sa/yoniH
1.164.38c taa/ sha/shvantaa viSuucii/naa viya/ntaa ny a\nya/M cikyu/r na/ ni/ cikyur anya/m
1.164.39a Rco/ akSa/re parame/ vyo\man ya/smin devaa/ a/dhi vi/shve niSedu/H
1.164.39c ya/s ta/n na/ ve/da ki/m Rcaa/ kariSyati ya/ i/t ta/d vidu/s ta/ ime/ sa/m aasate
1.164.40a suuyavasaa/d bha/gavatii hi/ bhuuyaa/ a/tho vaya/m bha/gavantaH syaama
1.164.40c addhi/ tR/Nam aghnye vishvadaa/niim pi/ba shuddha/m udaka/m aaca/rantii
1.164.41a gaurii/r mimaaya salilaa/ni ta/kSaty e/kapadii dvipa/dii saa/ ca/tuSpadii
1.164.41c aSTaa/padii na/vapadii babhuuvu/Sii saha/sraakSaraa parame/ vyo\man
1.164.42a ta/syaaH samudraa/ a/dhi vi/ kSaranti te/na jiivanti pradi/shash ca/tasraH
1.164.42c ta/taH kSaraty akSa/raM ta/d vi/shvam u/pa jiivati
1.164.43a shakama/yaM dhuuma/m aaraa/d apashyaM viSuuva/taa para/ enaa/vareNa
1.164.43c ukSaa/Nam pR/shnim apacanta viiraa/s taa/ni dha/rmaaNi prathamaa/ny aasan
1.164.44a tra/yaH keshi/na Rtuthaa/ vi/ cakSate saMvatsare/ vapata e/ka eSaam
1.164.44c vi/shvam e/ko abhi/ caSTe sha/ciibhir dhraa/jir e/kasya dadRshe na/ ruupa/m
1.164.45a catvaa/ri vaa/k pa/rimitaa padaa/ni taa/ni vidur braahmaNaa/ ye/ maniiSi/NaH
1.164.45c gu/haa trii/Ni ni/hitaa ne/~Ngayanti turii/yaM vaaco/ manuSyaaaa\ vadanti
1.164.46a i/ndram mitra/M va/ruNam agni/m aahur a/tho divya/H sa/ suparNo/ garu/tmaan
1.164.46c e/kaM sa/d vi/praa bahudhaa/ vadanty agni/M yama/m maatari/shvaanam aahuH
1.164.47a kRSNa/M niyaa/naM ha/rayaH suparNaa/ apo/ va/saanaa di/vam u/t patanti
1.164.47c ta/ aa/vavRtran sa/danaad Rta/syaa/d i/d ghRte/na pRthivii/ vy u\dyate
1.164.48a dvaa/dasha pradha/yash cakra/m e/kaM trii/Ni na/bhyaani ka/ u ta/c ciketa
1.164.48c ta/smin saaka/M trishataa/ na/ sha~Nka/vo .arpitaa/H SaSTi/r na/ calaacalaa/saH
1.164.49a ya/s te sta/naH shashayo/ yo/ mayobhuu/r ye/na vi/shvaa pu/Syasi vaa/ryaaNi
1.164.49c yo/ ratnadhaa/ vasuvi/d ya/H suda/traH sa/rasvati ta/m iha/ dhaa/tave kaH
1.164.50a yaj~ne/na yaj~na/m ayajanta devaa/s taa/ni dha/rmaaNi prathamaa/ny aasan
1.164.50c te/ ha naa/kam mahimaa/naH sacanta ya/tra puu/rve saadhyaa/H sa/nti devaa/H
1.164.51a samaana/m eta/d udaka/m u/c cai/ty a/va caa/habhiH
1.164.51c bhuu/mim parja/nyaa ji/nvanti di/vaM jinvanty agna/yaH
1.164.52a divya/M suparNa/M vaayasa/m bRha/ntam apaa/M ga/rbhaM darshata/m o/Sadhiinaam
1.164.52c abhiipato/ vRSTi/bhis tarpa/yantaM sa/rasvantam a/vase johaviimi
1.165.1a ka/yaa shubhaa/ sa/vayasaH sa/niiLaaH samaanyaa/ maru/taH sa/m mimikSuH
1.165.1c ka/yaa matii/ ku/ta e/taasa ete/ .arcanti shu/SmaM vR/SaNo vasuuyaa/
1.165.2a ka/sya bra/hmaaNi jujuSur yu/vaanaH ko/ adhvare/ maru/ta aa/ vavarta
1.165.2c shyenaa/M+ iva dhra/jato anta/rikSe ke/na mahaa/ ma/nasaa riiramaama
1.165.3a ku/tas tva/m indra maa/hinaH sa/nn e/ko yaasi satpate ki/M ta itthaa/
1.165.3c sa/m pRchase samaraaNa/H shubhaanai/r voce/s ta/n no harivo ya/t te asme/
1.165.4a bra/hmaaNi me mata/yaH sha/M sutaa/saH shu/Sma iyarti pra/bhRto me a/driH
1.165.4c aa/ shaasate pra/ti haryanty ukthe/maa/ ha/rii vahatas taa/ no a/cha
1.165.5a a/to vaya/m antame/bhir yujaanaa/H sva/kSatrebhis tanva\H shu/mbhamaanaaH
1.165.5c ma/hobhir e/taaM+ u/pa yujmahe nv i/ndra svadhaa/m a/nu hi/ no babhuu/tha
1.165.6a kva\ syaa/ vo marutaH svadhaa/siid ya/n maa/m e/kaM sama/dhattaahiha/tye
1.165.6c aha/M hy uuaa\gra/s taviSa/s tu/viSmaan vi/shvasya sha/tror a/namaM vadhasnai/H
1.165.7a bhuu/ri cakartha yu/jyebhir asme/ samaane/bhir vRSabha pau/MsyebhiH
1.165.7c bhuu/riiNi hi/ kRNa/vaamaa shaviSThe/ndra kra/tvaa maruto ya/d va/shaama
1.165.8a va/dhiiM vRtra/m maruta indriye/Na sve/na bhaa/mena taviSo/ babhuuvaa/n
1.165.8c aha/m etaa/ ma/nave vishva/shcandraaH sugaa/ apa/sh cakara va/jrabaahuH
1.165.9a a/nuttam aa/ te maghavan na/kir nu/ na/ tvaa/vaaM+ asti deva/taa vi/daanaH
1.165.9c na/ jaa/yamaano na/shate na/ jaato/ yaa/ni kariSyaa/ kRNuhi/ pravRddha
1.165.10a e/kasya cin me vibhv a\stv o/jo yaa/ nu/ dadhRSvaa/n kRNa/vai maniiSaa/
1.165.10c aha/M hy uuaa\gro/ maruto vi/daano yaa/ni cya/vam i/ndra i/d iisha eSaam
1.165.11a a/mandan maa maruta sto/mo a/tra ya/n me naraH shru/tyam bra/hma cakra/
1.165.11c i/ndraaya vR/SNe su/makhaaya ma/hyaM sa/khye sa/khaayas tanve\ tanuu/bhiH
1.165.12a eve/d ete/ pra/ti maa ro/camaanaa a/nedyaH shra/va e/So da/dhaanaaH
1.165.12c saMca/kSyaa marutash candra/varNaa a/chaanta me chada/yaathaa ca nuuna/m
1.165.13a ko/ nv a/tra maruto maamahe vaH pra/ yaatana sa/khiiM+r a/chaa sakhaayaH
1.165.13c ma/nmaani citraa apivaata/yanta eSaa/m bhuuta na/vedaa ma Rtaa/naam
1.165.14a aa/ ya/d duvasyaa/d duva/se na/ kaaru/r asmaa/~n cakre/ maanya/sya medhaa/
1.165.14c o/ Su/ vartta maruto vi/pram a/chemaa/ bra/hmaaNi jaritaa/ vo arcat
1.165.15a eSa/ va sto/mo maruta iya/M gii/r maandaarya/sya maanya/sya kaaro/H
1.165.15c e/Saa/ yaasiiSTa tanve\ vayaa/M vidyaa/meSa/M vRja/naM jiira/daanum
1.166.1a ta/n nu/ vocaama rabhasaa/ya ja/nmane puu/rvam mahitva/M vRSabha/sya keta/ve
1.166.1c aidhe/va yaa/man marutas tuviSvaNo yudhe/va shakraas taviSaa/Ni kartana
1.166.2a ni/tyaM na/ suunu/m ma/dhu bi/bhrata u/pa krii/Lanti kriiLaa/ vida/theSu ghR/SvayaH
1.166.2c na/kSanti rudraa/ a/vasaa namasvi/naM na/ mardhanti sva/tavaso haviSkR/tam
1.166.3a ya/smaa uu/maaso amR/taa a/raasata raaya/s po/SaM ca havi/Saa dadaashu/Se
1.166.3c ukSa/nty asmai maru/to hitaa/ iva puruu/ ra/jaaMsi pa/yasaa mayobhu/vaH
1.166.4a aa/ ye/ ra/jaaMsi ta/viSiibhir a/vyata pra/ va e/vaasaH sva/yataaso adhrajan
1.166.4c bha/yante vi/shvaa bhu/vanaani harmyaa/ citro/ vo yaa/maH pra/yataasv RSTi/Su
1.166.5a ya/t tveSa/yaamaa nada/yanta pa/rvataan divo/ vaa pRSTha/M na/ryaa a/cucyavuH
1.166.5c vi/shvo vo a/jman bhayate va/naspa/tii rathiiya/ntiiva pra/ jihiita o/SadhiH
1.166.6a yuuya/M na ugraa marutaH sucetu/naa/riSTagraamaaH sumati/m pipartana
1.166.6c ya/traa vo didyu/d ra/dati kri/virdatii riNaa/ti pashva/H su/dhiteva barha/Naa
1.166.7a pra/ skambha/deSNaa anavabhra/raadhaso .alaatRNaa/so vida/theSu su/STutaaH
1.166.7c a/rcanty arka/m madira/sya piita/ye vidu/r viira/sya prathamaa/ni pau/Msyaa
1.166.8a shata/bhujibhis ta/m abhi/hruter aghaa/t puurbhii/ rakSataa maruto ya/m aa/vata
1.166.8c ja/naM ya/m ugraas tavaso virapshinaH paatha/naa sha/Msaat ta/nayasya puSTi/Su
1.166.9a vi/shvaani bhadraa/ maruto ra/theSu vo mithaspR/dhyeva taviSaa/Ny aa/hitaa
1.166.9c a/MseSv aa/ vaH pra/patheSu khaada/yo/ .akSo vash cakraa/ sama/yaa vi/ vaavRte
1.166.10a bhuu/riiNi bhadraa/ na/ryeSu baahu/Su va/kSassu rukmaa/ rabhasaa/so a~nja/yaH
1.166.10c a/MseSv e/taaH pavi/Su kSuraa/ a/dhi va/yo na/ pakSaa/n vy a/nu shri/yo dhire
1.166.11a mahaa/nto mahnaa/ vibhvo\ vi/bhuutayo duuredR/sho ye/ divyaa/ iva stR/bhiH
1.166.11c mandraa/H sujihvaa/H sva/ritaara aasa/bhiH sa/mmishlaa i/ndre maru/taH pariSTu/bhaH
1.166.12a ta/d vaH sujaataa maruto mahitvana/M diirgha/M vo daatra/m a/diter iva vrata/m
1.166.12c i/ndrash cana/ tya/jasaa vi/ hruNaati ta/j ja/naaya ya/smai sukR/te a/raadhvam
1.166.13a ta/d vo jaamitva/m marutaH pa/re yuge/ puruu/ ya/c cha/Msam amRtaasa \!\ aa/vata
1.166.13c ayaa/ dhiyaa/ ma/nave shruSTi/m aa/vyaa saaka/M na/ro daMsa/nair aa/ cikitrire
1.166.14a ye/na diirgha/m marutaH shuusha/vaama yuSmaa/kena pa/riiNasaa turaasaH
1.166.14c aa/ ya/t tata/nan vRja/ne ja/naasa ebhi/r yaj~ne/bhis ta/d abhii/STim ashyaam
1.166.15a eSa/ va sto/mo maruta iya/M gii/r maandaarya/sya maanya/sya kaaro/H
1.166.15c e/Saa/ yaasiiSTa tanve\ vayaa/M vidyaa/meSa/M vRja/naM jiira/daanum
1.167.1a saha/sraM ta indrota/yo naH saha/sram i/So harivo guurta/tamaaH
1.167.1c saha/sraM raa/yo maadaya/dhyai sahasri/Na u/pa no yantu vaa/jaaH
1.167.2a aa/ no/ .avobhir maru/to yaantv a/chaa jye/SThebhir vaa bRha/ddivaiH sumaayaa/H
1.167.2c a/dha ya/d eSaaM niyu/taH paramaa/H samudra/sya cid dhana/yanta paare/
1.167.3a mimya/kSa ye/Su su/dhitaa ghRtaa/cii hi/raNyanirNig u/paraa na/ RSTi/H
1.167.3c gu/haa ca/rantii ma/nuSo na/ yo/Saa sabhaa/vatii vidathye\va sa/M vaa/k
1.167.4a pa/raa shubhraa/ ayaa/so yavyaa/ saadhaaraNye/va maru/to mimikSuH
1.167.4c na/ rodasii/ a/pa nudanta ghoraa/ juSa/nta vR/dhaM sakhyaa/ya devaa/H
1.167.5a jo/Sad ya/d iim asuryaaaa\ saca/dhyai vi/Sitastukaa rodasii/ nRma/NaaH
1.167.5c aa/ suurye/va vidhato/ ra/thaM gaat tveSa/pratiikaa na/bhaso ne/tyaa/
1.167.6a aa/sthaapayanta yuvati/M yu/vaanaH shubhe/ ni/mishlaaM vida/theSu pajraa/m
1.167.6c arko/ ya/d vo maruto havi/Smaan gaa/yad gaatha/M suta/somo duvasya/n
1.167.7a pra/ ta/M vivakmi va/kmyo ya/ eSaam maru/taam mahimaa/ satyo/ a/sti
1.167.7c sa/caa ya/d iiM vR/SamaNaa ahaMyu/ sthiraa/ cij ja/niir va/hate subhaagaa/H
1.167.8a paa/nti mitraa/va/ruNaav avadyaa/c ca/yata iim aryamo/ a/prashastaan
1.167.8c uta/ cyavante a/cyutaa dhruvaa/Ni vaavRdha/ iim maruto daa/tivaaraH
1.167.9a nahii/ nu/ vo maruto a/nty asme/ aaraa/ttaac cic cha/vaso a/ntam aapu/H
1.167.9c te/ dhRSNu/naa sha/vasaa shuushuvaa/Mso/ .arNo na/ dve/So dhRSataa/ pa/ri SThuH
1.167.10a vaya/m adye/ndrasya pre/SThaa vaya/M shvo/ vocemahi samarye/
1.167.10c vaya/m puraa/ ma/hi ca no a/nu dyuu/n ta/n na RbhukSaa/ naraa/m a/nu Syaat
1.167.11a eSa/ va sto/mo maruta iya/M gii/r maandaarya/sya maanya/sya kaaro/H
1.167.11c e/Saa/ yaasiiSTa tanve\ vayaa/M vidyaa/meSa/M vRja/naM jiira/daanum
1.168.1a yaj~naa/-yaj~naa vaH samanaa/ tuturva/Nir dhi/yaM-dhiyaM vo devayaa/ u dadhidhve
1.168.1c aa/ vo .arvaa/caH suvitaa/ya ro/dasyor mahe/ vavRtyaam a/vase suvRkti/bhiH
1.168.2a vavraa/so na/ ye/ svajaa/H sva/tavasa i/SaM sva\r abhijaa/yanta dhuu/tayaH
1.168.2c sahasri/yaaso apaa/M no/rma/ya aasaa/ gaa/vo va/ndyaaso no/kSa/NaH
1.168.3a so/maaso na/ ye/ sutaa/s tRptaa/Mshavo hRtsu/ piitaa/so duva/so naa/sate
1.168.3c ai/Saam a/MseSu rambhi/Niiva raarabhe ha/steSu khaadi/sh ca kRti/sh ca sa/M dadhe
1.168.4a a/va sva/yuktaa diva/ aa/ vR/thaa yayur a/martyaaH ka/shayaa codata tma/naa
1.168.4c areNa/vas tuvijaataa/ acucyavur dRLhaa/ni cin maru/to bhraa/jadRSTayaH
1.168.5a ko/ vo .anta/r maruta RSTividyuto re/jati tma/naa ha/nveva jihva/yaa
1.168.5c dhanvacyu/ta iSaa/M na/ yaa/mani puruprai/Saa ahanyo\ nai/tashaH
1.168.6a kva\ svid asya/ ra/jaso maha/s pa/raM kvaa/varam maruto ya/sminn aayaya/
1.168.6c ya/c cyaava/yatha vithure/va sa/MhitaM vy a/driNaa patatha tveSa/m arNava/m
1.168.7a saati/r na/ vo/ .amavatii sva\rvatii tveSaa/ vi/paakaa marutaH pi/piSvatii
1.168.7c bhadraa/ vo raati/H pRNato/ na/ da/kSiNaa pRthujra/yii asurye\va ja/~njatii
1.168.8a pra/ti STobhanti si/ndhavaH pavi/bhyo ya/d abhri/yaaM vaa/cam udiira/yanti
1.168.8c a/va smayanta vidyu/taH pRthivyaa/M ya/dii ghRta/m maru/taH pruSNuva/nti
1.168.9a a/suuta pR/shnir mahate/ ra/Naaya tveSa/m ayaa/saam maru/taam a/niikam
1.168.9c te/ sapsaraa/so .ajanayantaa/bhvam aa/d i/t svadhaa/m iSiraa/m pa/ry apashyan
1.168.10a eSa/ va sto/mo maruta iya/M gii/r maandaarya/sya maanya/sya kaaro/H
1.168.10c e/Saa/ yaasiiSTa tanve\ vayaa/M vidyaa/meSa/M vRja/naM jiira/daanum
1.169.1a maha/sh cit tva/m indra yata/ etaa/n maha/sh cid asi tya/jaso varuutaa/
1.169.1c sa/ no vedho maru/taaM cikitvaa/n sumnaa/ vanuSva ta/va hi/ pre/SThaa
1.169.2a a/yujran ta indra vishva/kRSTiir vidaanaa/so niSSi/dho martyatraa/
1.169.2c maru/taam pRtsuti/r haa/samaanaa sva\rmiiLhasya pradha/nasya saatau/
1.169.3a a/myak saa/ ta indra RSTi/r asme/ sa/nemy a/bhvam maru/to junanti
1.169.3c agni/sh cid dhi/ Smaatase/ shushukvaa/n aa/po na/ dviipa/M da/dhati pra/yaaMsi
1.169.4a tva/M tuu/ na indra ta/M rayi/M daa o/jiSThayaa da/kSiNayeva raati/m
1.169.4c stu/tash ca yaa/s te caka/nanta vaayo/ sta/naM na/ ma/dhvaH piipayanta vaa/jaiH
1.169.5a tve/ raa/ya indra tosha/tamaaH praNetaa/raH ka/sya cid Rtaayo/H
1.169.5c te/ Su/ No maru/to mRLayantu ye/ smaa puraa/ gaatuuya/ntiiva devaa/H
1.169.6a pra/ti pra/ yaahiindra miiLhu/So nRR/n maha/H paa/rthive sa/dane yatasva
1.169.6c a/dha ya/d eSaam pRthubudhnaa/sa e/taas tiirthe/ naa/rya/H pau/Msyaani tasthu/H
1.169.7a pra/ti ghoraa/Naam e/taanaam ayaa/saam maru/taaM shRNva aayataa/m upabdi/H
1.169.7c ye/ ma/rtyam pRtanaaya/ntam uu/mair RNaavaa/naM na/ pata/yanta sa/rgaiH
1.169.8a tva/m maa/nebhya indra vishva/janyaa ra/daa maru/dbhiH shuru/dho go/agraaH
1.169.8c sta/vaanebhi stavase deva devai/r vidyaa/meSa/M vRja/naM jiira/daanum
1.170.1a na/ nuuna/m a/sti no/ shva/H ka/s ta/d veda ya/d a/dbhutam
1.170.1c anya/sya citta/m abhi/ saMcare/Nyam utaa/dhiitaM vi/ nashyati
1.170.2a ki/M na indra jighaaMsasi bhraa/taro maru/tas ta/va
1.170.2c te/bhiH kalpasva saadhuyaa/ maa/ naH sama/raNe vadhiiH
1.170.3a ki/M no bhraatar agastya sa/khaa sa/nn a/ti manyase
1.170.3c vidmaa/ hi/ te ya/thaa ma/no .asma/bhyam i/n na/ ditsasi
1.170.4a a/raM kRNvantu ve/diM sa/m agni/m indhataam pura/H
1.170.4c ta/traamR/tasya ce/tanaM yaj~na/M te tanavaavahai
1.170.5a tva/m iishiSe vasupate va/suunaaM tva/m mitraa/Naam mitrapate dhe/SThaH
1.170.5c i/ndra tva/m maru/dbhiH sa/M vadasvaa/dha praa/shaana Rtuthaa/ havii/MSi
1.171.1a pra/ti va enaa/ na/masaaha/m emi suukte/na bhikSe sumati/M turaa/Naam
1.171.1c raraaNa/taa maruto vedyaa/bhir ni/ he/Lo dhatta/ vi/ mucadhvam a/shvaan
1.171.2a eSa/ va sto/mo maruto na/masvaan hRdaa/ taSTo/ ma/nasaa dhaayi devaaH
1.171.2c u/pem aa/ yaata ma/nasaa juSaaNaa/ yuuya/M hi/ SThaa/ na/masa i/d vRdhaa/saH
1.171.3a stutaa/so no maru/to mRLayantuuta/ stuto/ magha/vaa sha/mbhaviSThaH
1.171.3c uurdhvaa/ naH santu komyaa/ va/naany a/haani vi/shvaa maruto jigiiSaa/
1.171.4a asmaa/d aha/M taviSaa/d ii/SamaaNa i/ndraad bhiyaa/ maruto re/jamaanaH
1.171.4c yuSma/bhyaM havyaa/ ni/shitaany aasan taa/ny aare/ cakRmaa mRLa/taa naH
1.171.5a ye/na maa/naasash cita/yanta usraa/ vyu\STiSu sha/vasaa sha/shvatiinaam
1.171.5c sa/ no maru/dbhir vRSabha shra/vo dhaa ugra/ ugre/bhi stha/viraH sahodaa/H
1.171.6a tva/m paahiindra sa/hiiyaso nRR/n bha/vaa maru/dbhir a/vayaataheLaaH
1.171.6c suprakete/bhiH saasahi/r da/dhaano vidyaa/meSa/M vRja/naM jiira/daanum
1.172.1a citro/ vo .astu yaa/mash citra/ uutii/ sudaanavaH
1.172.1c ma/ruto a/hibhaanavaH
1.172.2a aare/ saa/ vaH sudaanavo ma/ruta R~njatii/ sha/ruH
1.172.2c aare/ a/shmaa ya/m a/syatha
1.172.3a tRNaskanda/sya nu/ vi/shaH pa/ri vR~Nkta sudaanavaH
1.172.3c uurdhvaa/n naH karta jiiva/se
1.173.1a gaa/yat saa/ma nabhanya\M ya/thaa ve/r a/rcaama ta/d vaavRdhaana/M sva\rvat
1.173.1c gaa/vo dhena/vo barhi/Sy a/dabdhaa aa/ ya/t sadmaa/naM divya/M vi/vaasaan
1.173.2a a/rcad vR/Saa vR/SabhiH sve/duhavyair mRgo/ naa/shno a/ti ya/j juguryaa/t
1.173.2c pra/ mandayu/r manaa/M guurta ho/taa bha/rate ma/ryo mithunaa/ ya/jatraH
1.173.3a na/kSad dho/taa pa/ri sa/dma mitaa/ ya/n bha/rad ga/rbham aa/ shara/daH pRthivyaa/H
1.173.3c kra/ndad a/shvo na/yamaano ruva/d gau/r anta/r duuto/ na/ ro/dasii carad vaa/k
1.173.4a taa/ karmaa/Sataraasmai pra/ cyautnaa/ni devaya/nto bharante
1.173.4c ju/joSad i/ndro dasma/varcaa naa/satyeva su/gmyo ratheSThaa/H
1.173.5a ta/m u STuhii/ndraM yo/ ha sa/tvaa ya/H shuu/ro magha/vaa yo/ ratheSThaa/H
1.173.5c pratiica/sh cid yo/dhiiyaan vR/SaNvaan vavavru/Sash cit ta/maso vihantaa/
1.173.6a pra/ ya/d itthaa/ mahinaa/ nR/bhyo a/sty a/raM ro/dasii kakSye\ naa/smai
1.173.6c sa/M vivya i/ndro vRja/naM na/ bhuu/maa bha/rti svadhaa/vaaM+ opasha/m iva dyaa/m
1.173.7a sama/tsu tvaa shuura sataa/m uraaNa/m prapathi/ntamam paritaMsaya/dhyai
1.173.7c sajo/Sasa i/ndram ma/de kSoNii/H suuri/M cid ye/ anuma/danti vaa/jaiH
1.173.8a evaa/ hi/ te sha/M sa/vanaa samudra/ aa/po ya/t ta aasu/ ma/danti devii/H
1.173.8c vi/shvaa te a/nu jo/Syaa bhuud gau/H suurii/Msh cid ya/di dhiSaa/ ve/Si ja/naan
1.173.9a a/saama ya/thaa suSakhaa/ya ena svabhiSTa/yo naraa/M na/ sha/MsaiH
1.173.9c a/sad ya/thaa na i/ndro vandaneSThaa/s turo/ na/ ka/rma na/yamaana ukthaa/
1.173.10a vi/Spardhaso naraa/M na/ sha/Msair asmaa/kaasad i/ndro va/jrahastaH
1.173.10c mitraayu/vo na/ puu/rpatiM su/shiSTau madhyaayu/va u/pa shikSanti yaj~nai/H
1.173.11a yaj~no/ hi/ Sme/ndraM ka/sh cid Rndha/~n juhuraaNa/sh cin ma/nasaa pariya/n
1.173.11c tiirthe/ naa/chaa taatRSaaNa/m o/ko diirgho/ na/ sidhra/m aa/ kRNoty a/dhvaa
1.173.12a mo/ Suu/ Na indraa/tra pRtsu/ devai/r a/sti hi/ Smaa te shuSminn avayaa/H
1.173.12c maha/sh cid ya/sya miiLhu/So yavyaa/ havi/Smato maru/to va/ndate gii/H
1.173.13a eSa/ sto/ma indra tu/bhyam asme/ ete/na gaatu/M harivo vido naH
1.173.13c aa/ no vavRtyaaH suvitaa/ya deva vidyaa/meSa/M vRja/naM jiira/daanum
1.174.1a tva/M raa/jendra ye/ ca devaa/ ra/kSaa nRR/n paahy a\sura tva/m asmaa/n
1.174.1c tva/M sa/tpatir magha/vaa nas ta/rutras tva/M satyo/ va/savaanaH sahodaa/H
1.174.2a da/no vi/sha indra mRdhra/vaacaH sapta/ ya/t pu/raH sha/rma shaa/radiir da/rt
1.174.2c RNo/r apo/ anavadyaa/rNaa yuu/ne vRtra/m puruku/tsaaya randhiiH
1.174.3a a/jaa vR/ta indra shuu/rapatniir dyaa/M ca ye/bhiH puruhuuta nuuna/m
1.174.3c ra/kSo agni/m ashu/SaM tuu/rvayaaNaM siMho/ na/ da/me a/paaMsi va/stoH
1.174.4a she/San nu/ ta/ indra sa/smin yo/nau pra/shastaye pa/viiravasya mahnaa/
1.174.4c sRja/d a/rNaaMsy a/va ya/d yudhaa/ gaa/s ti/SThad dha/rii dhRSataa/ mRSTa vaa/jaan
1.174.5a va/ha ku/tsam indra ya/smi~n caaka/n syuumanyuu/ Rjraa/ vaa/tasyaa/shvaa
1.174.5c pra/ suu/rash cakra/M vRhataad abhii/ke .abhi/ spR/dho yaasiSad va/jrabaahuH
1.174.6a jaghanvaa/M+ indra mitre/ruu~n coda/pravRddho harivo a/daashuun
1.174.6c pra/ ye/ pa/shyann aryama/NaM sa/caayo/s tva/yaa shuurtaa/ va/hamaanaa a/patyam
1.174.7a ra/pat kavi/r indraarka/saatau kSaa/M daasaa/yopaba/rhaNiiM kaH
1.174.7c ka/rat tisro/ magha/vaa daa/nucitraa ni/ duryoNe/ ku/yavaacam mRdhi/ shret
1.174.8a sa/naa taa/ ta indra na/vyaa aa/guH sa/ho na/bho/ .aviraNaaya puurvii/H
1.174.8c bhina/t pu/ro na/ bhi/do a/deviir nana/mo va/dhar a/devasya piiyo/H
1.174.9a tva/M dhu/nir indra dhu/nimatiir RNo/r apa/H siiraa/ na/ sra/vantiiH
1.174.9c pra/ ya/t samudra/m a/ti shuura pa/rSi paara/yaa turva/shaM ya/duM svasti/
1.174.10a tva/m asmaa/kam indra vishva/dha syaa avRka/tamo naraa/M nRpaataa/
1.174.10c sa/ no vi/shvaasaaM spRdhaa/M sahodaa/ vidyaa/meSa/M vRja/naM jiira/daanum
1.175.1a ma/tsy a/paayi te ma/haH paa/trasyeva harivo matsaro/ ma/daH
1.175.1c vR/Saa te vR/SNa i/ndur vaajii/ sahasrasaa/tamaH
1.175.2a aa/ nas te gantu matsaro/ vR/Saa ma/do va/reNyaH
1.175.2c sahaa/vaaM+ indra saanasi/H pRtanaaSaa/L a/martyaH
1.175.3a tva/M hi/ shuu/raH sa/nitaa coda/yo ma/nuSo ra/tham
1.175.3c sahaa/vaan da/syum avrata/m o/SaH paa/traM na/ shoci/Saa
1.175.4a muSaaya/ suu/ryaM kave cakra/m ii/shaana o/jasaa
1.175.4c va/ha shu/SNaaya vadha/M ku/tsaM vaa/tasyaa/shvaiH
1.175.5a shuSmi/ntamo hi/ te ma/do dyumni/ntama uta/ kra/tuH
1.175.5c vRtraghnaa/ varivovi/daa maMsiiSThaa/ ashvasaa/tamaH
1.175.6a ya/thaa puu/rvebhyo jaritR/bhya indra ma/ya ivaa/po na/ tR/Syate babhuu/tha
1.175.6c taa/m a/nu tvaa nivi/daM johaviimi vidyaa/meSa/M vRja/naM jiira/daanum
1.176.1a ma/tsi no va/sya.aiSTaya i/ndram indo vR/Saa/ visha
1.176.1c Rghaaya/maaNa invasi sha/trum a/nti na/ vindasi
1.176.2a ta/sminn aa/ veshayaa gi/ro ya/ e/kash carSaNiinaa/m
1.176.2c a/nu svadhaa/ ya/m upya/te ya/vaM na/ ca/rkRSad vR/Saa
1.176.3a ya/sya vi/shvaani ha/stayoH pa/~nca kSitiinaa/M va/su
1.176.3c spaasha/yasva yo/ asmadhru/g divye/vaasha/nir jahi
1.176.4a a/sunvantaM samaM jahi duuNaa/shaM yo/ na/ te ma/yaH
1.176.4c asma/bhyam asya ve/danaM daddhi/ suuri/sh cid ohate
1.176.5a aa/vo ya/sya dviba/rhaso .arke/Su saanuSa/g a/sat
1.176.5c aajaa/v i/ndrasyendo praa/vo vaa/jeSu vaaji/nam
1.176.6a ya/thaa puu/rvebhyo jaritR/bhya indra ma/ya ivaa/po na/ tR/Syate babhuu/tha
1.176.6c taa/m a/nu tvaa nivi/daM johaviimi vidyaa/meSa/M vRja/naM jiira/daanum
1.177.1a aa/ carSaNipraa/ vRSabho/ ja/naanaaM raa/jaa kRSTiinaa/m puruhuuta/ i/ndraH
1.177.1c stuta/H shravasya/nn a/vaso/pa madri/g yuktvaa/ ha/rii vR/SaNaa/ yaahy arvaa/~N
1.177.2a ye/ te vR/SaNo vRSabhaa/sa indra brahmayu/jo vR/Sarathaaso a/tyaaH
1.177.2c taa/M+ aa/ tiSTha te/bhir aa/ yaahy arvaa/~N ha/vaamahe tvaa suta/ indra so/me
1.177.3a aa/ tiSTha ra/thaM vR/SaNaM vR/Saa te suta/H so/maH pa/riSiktaa ma/dhuuni
1.177.3c yuktvaa/ vR/SabhyaaM vRSabha kSitiinaa/M ha/ribhyaaM yaahi prava/to/pa madri/k
1.177.4a aya/M yaj~no/ devayaa/ aya/m miye/dha imaa/ bra/hmaaNy aya/m indra so/maH
1.177.4c stiirNa/m barhi/r aa/ tu/ shakra pra/ yaahi pi/baa niSa/dya vi/ mucaa ha/rii iha/
1.177.5a o/ su/STuta indra yaahy arvaa/~N u/pa bra/hmaaNi maanya/sya kaaro/H
1.177.5c vidyaa/ma va/stor a/vasaa gRNa/nto vidyaa/meSa/M vRja/naM jiira/daanum
1.178.1a ya/d dha syaa/ ta indra shruSTi/r a/sti ya/yaa babhuu/tha jaritR/bhya uutii/
1.178.1c maa/ naH kaa/mam maha/yantam aa/ dhag vi/shvaa te ashyaam pa/ry aa/pa aayo/H
1.178.2a na/ ghaa raa/je/ndra aa/ dabhan no yaa/ nu/ sva/saaraa kRNa/vanta yo/nau
1.178.2c aa/pash cid asmai sutu/kaa aveSan ga/man na i/ndraH sakhyaa/ va/yash ca
1.178.3a je/taa nR/bhir i/ndraH pRtsu/ shuu/raH shro/taa ha/vaM naa/dhamaanasya kaaro/H
1.178.3c pra/bhartaa ra/thaM daashu/Sa upaaka/ u/dyantaa gi/ro ya/di ca tma/naa bhuu/t
1.178.4a evaa/ nR/bhir i/ndraH sushravasyaa/ prakhaada/H pRkSo/ abhi/ mitri/No bhuut
1.178.4c samarya/ iSa/ stavate vi/vaaci satraakaro/ ya/jamaanasya sha/MsaH
1.178.5a tva/yaa vaya/m maghavann indra sha/truun abhi/ Syaama mahato/ ma/nyamaanaan
1.178.5c tva/M traataa/ tva/m u no vRdhe/ bhuur vidyaa/meSa/M vRja/naM jiira/daanum
1.179.1a puurvii/r aha/M shara/daH shashramaaNaa/ doSaa/ va/stor uSa/so jara/yantiiH
1.179.1c minaa/ti shri/yaM jarimaa/ tanuu/naam a/py uu nu/ pa/tniir vR/SaNo jagamyuH
1.179.2a ye/ cid dhi/ puu/rva Rtasaa/pa aa/san saaka/M deve/bhir a/vadann Rtaa/ni
1.179.2c te/ cid a/vaasur nahy a/ntam aapu/H sa/m uu nu/ pa/tniir vR/Sabhir jagamyuH
1.179.3a na/ mR/Saa shraanta/M ya/d a/vanti devaa/ vi/shvaa i/t spR/dho abhy a\shnavaava
1.179.3c ja/yaave/d a/tra shata/niitham aaji/M ya/t samya/~ncaa mithunaa/v abhy a/jaava
1.179.4a nada/sya maa rudhata/H kaa/ma aa/gann ita/ aa/jaato amu/taH ku/tash cit
1.179.4c lo/paamudraa vR/SaNaM nii/ riNaati dhii/ram a/dhiiraa dhayati shvasa/ntam
1.179.5a ima/M nu/ so/mam a/ntito hRtsu/ piita/m u/pa bruve
1.179.5c ya/t siim aa/gash cakRmaa/ ta/t su/ mRLatu pulukaa/mo hi/ ma/rtyaH
1.179.6a aga/styaH kha/namaanaH khani/traiH prajaa/m a/patyam ba/lam icha/maanaH
1.179.6c ubhau/ va/rNaav R/Sir ugra/H pupoSa satyaa/ deve/Sv aashi/So jagaama
1.180.1a yuvo/ ra/jaaMsi suya/maaso a/shvaa ra/tho ya/d vaam pa/ry a/rNaaMsi dii/yat
1.180.1c hiraNya/yaa vaam pava/yaH pruSaayan ma/dhvaH pi/bantaa uSa/saH sacethe
1.180.2a yuva/m a/tyasyaa/va nakSatho ya/d vi/patmano na/ryasya pra/yajyoH
1.180.2c sva/saa ya/d vaaM vishvaguurtii bha/raati vaa/jaaye/TTe madhupaav iSe/ ca
1.180.3a yuva/m pa/ya usri/yaayaam adhattam pakva/m aamaa/yaam a/va puu/rvyaM go/H
1.180.3c anta/r ya/d vani/no vaam Rtapsuu hvaaro/ na/ shu/cir ya/jate havi/Smaan
1.180.4a yuva/M ha gharma/m ma/dhumantam a/traye .apo/ na/ kSo/do .avRNiitam eSe/
1.180.4c ta/d vaaM naraav ashvinaa pa/shva.aiSTii ra/thyeva cakraa/ pra/ti yanti ma/dhvaH
1.180.5a aa/ vaaM daanaa/ya vavRtiiya dasraa go/r o/heNa taugryo/ na/ ji/vriH
1.180.5c apa/H kSoNii/ sacate maa/hinaa vaaM juurNo/ vaam a/kSur a/Mhaso yajatraa
1.180.6a ni/ ya/d yuve/the niyu/taH sudaanuu u/pa svadhaa/bhiH sRjathaH pu/raMdhim
1.180.6c pre/Sad ve/Sad vaa/to na/ suuri/r aa/ mahe/ dade suvrato/ na/ vaa/jam
1.180.7a vaya/M cid dhi/ vaaM jaritaa/raH satyaa/ vipanyaa/mahe vi/ paNi/r hitaa/vaan
1.180.7c a/dhaa cid dhi/ Smaashvinaav anindyaa paatho/ hi/ Smaa vRSaNaav a/ntidevam
1.180.8a yuvaa/M cid dhi/ Smaashvinaav a/nu dyuu/n vi/rudrasya prasra/vaNasya saatau/
1.180.8c aga/styo naraa/M nR/Su pra/shastaH kaa/raadhuniiva citayat saha/sraiH
1.180.9a pra/ ya/d va/hethe mahinaa/ ra/thasya pra/ syandraa yaatho ma/nuSo na/ ho/taa
1.180.9c dhatta/M suuri/bhya uta/ vaa sva/shvyaM naa/satyaa rayiSaa/caH syaama
1.180.10a ta/M vaaM ra/thaM vaya/m adyaa/ huvema sto/mair ashvinaa suvitaa/ya na/vyam
1.180.10c a/riSTanemim pa/ri dyaa/m iyaana/M vidyaa/meSa/M vRja/naM jiira/daanum
1.181.1a ka/d u pre/SThaav iSaa/M rayiiNaa/m adhvarya/ntaa ya/d unniniitho/ apaa/m
1.181.1c aya/M vaaM yaj~no/ akRta pra/shastiM va/sudhitii a/vitaaraa janaanaam
1.181.2a aa/ vaam a/shvaasaH shu/cayaH payaspaa/ vaa/taraMhaso divyaa/so a/tyaaH
1.181.2c manoju/vo vR/SaNo viita/pRSThaa e/ha/ svaraa/jo ashvi/naa vahantu
1.181.3a aa/ vaaM ra/tho .ava/nir na/ prava/tvaan sRpra/vandhuraH suvitaa/ya gamyaaH
1.181.3c vR/SNa sthaataaraa ma/naso ja/viiyaan ahampuurvo/ yajato/ dhiSNyaa ya/H
1.181.4a ihe/ha jaataa/ sa/m avaavashiitaam arepa/saa tanvaaaa\ naa/mabhiH svai/H
1.181.4c jiSNu/r vaam anya/H su/makhasya suuri/r divo/ anya/H subha/gaH putra/ uuhe
1.181.5a pra/ vaaM niceru/H kakuho/ va/shaaM+ a/nu pisha/~NgaruupaH sa/danaani gamyaaH
1.181.5c ha/rii anya/sya piipa/yanta vaa/jair mathraa/ ra/jaaMsy ashvinaa vi/ gho/SaiH
1.181.6a pra/ vaaM shara/dvaan vRSabho/ na/ niSSaa/T puurvii/r i/Sash carati ma/dhva iSNa/n
1.181.6c e/vair anya/sya piipa/yanta vaa/jair ve/Santiir uurdhvaa/ nadyo\ na aa/guH
1.181.7a a/sarji vaaM stha/viraa vedhasaa gii/r baaLhe/ ashvinaa tredhaa/ kSa/rantii
1.181.7c u/pastutaav avataM naa/dhamaanaM yaa/mann a/yaama~n chRNutaM ha/vam me
1.181.8a uta/ syaa/ vaaM ru/shato va/psaso gii/s tribarhi/Si sa/dasi pinvate nRR/n
1.181.8c vR/Saa vaam megho/ vRSaNaa piipaaya go/r na/ se/ke ma/nuSo dashasya/n
1.181.9a yuvaa/m puuSe/vaashvinaa pu/raMdhir agni/m uSaa/M na/ jarate havi/Smaan
1.181.9c huve/ ya/d vaaM varivasyaa/ gRNaano/ vidyaa/meSa/M vRja/naM jiira/daanum
1.182.1a a/bhuud ida/M vayu/nam o/ Su/ bhuuSataa ra/tho vR/SaNvaan ma/dataa maniiSiNaH
1.182.1c dhiyaMjinvaa/ dhi/SNyaa vishpa/laavasuu divo/ na/paataa sukR/te shu/civrataa
1.182.2a i/ndratamaa hi/ dhi/SNyaa maru/ttamaa dasraa/ da/MsiSThaa rathyaaaa\ rathii/tamaa
1.182.2c puurNa/M ra/thaM vahethe ma/dhva aa/citaM te/na daashvaa/Msam u/pa yaatho ashvinaa
1.182.3a ki/m a/tra dasraa kRNuthaH ki/m aasaathe ja/no ya/H ka/sh cid a/havir mahiiya/te
1.182.3c a/ti kramiSTaM jura/tam paNe/r a/suM jyo/tir vi/praaya kRNutaM vacasya/ve
1.182.4a jambha/yatam abhi/to raa/yataH shu/no hata/m mR/dho vida/thus taa/ny ashvinaa
1.182.4c vaa/caM-vaacaM jarituu/ ratni/niiM kRtam ubhaa/ sha/MsaM naasatyaavatam ma/ma
1.182.5a yuva/m eta/M cakrathuH si/ndhuSu plava/m aatmanva/ntam pakSi/NaM taugryaa/ya ka/m
1.182.5c ye/na devatraa/ ma/nasaa niruuha/thuH supaptanii/ petathuH kSo/daso maha/H
1.182.6a a/vaviddhaM taugrya/m apsv a\nta/r anaarambhaNe/ ta/masi pra/viddham
1.182.6c ca/tasro naa/vo ja/Thalasya ju/STaa u/d ashvi/bhyaam iSitaa/H paarayanti
1.182.7a ka/H svid vRkSo/ ni/SThito ma/dhye a/rNaso ya/M taugryo/ naadhita/H parya/Sasvajat
1.182.7c parNaa/ mRga/sya pata/ror ivaara/bha u/d ashvinaa uuhathuH shro/mataaya ka/m
1.182.8a ta/d vaaM naraa naasatyaav a/nu Syaad ya/d vaam maa/naasa uca/tham a/vocan
1.182.8c asmaa/d adya/ sa/dasaH somyaa/d aa/ vidyaa/meSa/M vRja/naM jiira/daanum
1.183.1a ta/M yu~njaathaam ma/naso yo/ ja/viiyaan trivandhuro/ vRSaNaa ya/s tricakra/H
1.183.1c ye/nopayaatha/H sukR/to duroNa/M tridhaa/tunaa patatho vi/r na/ parNai/H
1.183.2a suvR/d ra/tho vartate ya/nn abhi/ kSaa/M ya/t ti/SThathaH kra/tumantaa/nu pRkSe/
1.183.2c va/pur vapuSyaa/ sacataam iya/M gii/r divo/ duhitro/Sa/saa sacethe
1.183.3a aa/ tiSThataM suvR/taM yo/ ra/tho vaam a/nu vrataa/ni va/rtate havi/Smaan
1.183.3c ye/na naraa naasatyeSaya/dhyai varti/r yaatha/s ta/nayaaya tma/ne ca
1.183.4a maa/ vaaM vR/ko maa/ vRkii/r aa/ dadharSiin maa/ pa/ri varktam uta/ maa/ti dhaktam
1.183.4c aya/M vaam bhaago/ ni/hita iya/M gii/r da/sraav ime/ vaaM nidha/yo ma/dhuunaam
1.183.5a yuvaa/M go/tamaH purumiiLho/ a/trir da/sraa ha/vate/ .avase havi/Smaan
1.183.5c di/shaM na/ diSTaa/m Rjuuye/va ya/ntaa/ me ha/vaM naasatyo/pa yaatam
1.183.6a a/taariSma ta/masas paara/m asya/ pra/ti vaaM sto/mo ashvinaav adhaayi
1.183.6c e/ha/ yaatam pathi/bhir devayaa/nair vidyaa/meSa/M vRja/naM jiira/daanum
1.184.1a taa/ vaam adya/ taa/v apara/M huvemocha/ntyaam uSa/si va/hnir ukthai/H
1.184.1c naa/satyaa ku/ha cit sa/ntaav aryo/ divo/ na/paataa sudaa/staraaya
1.184.2a asme/ uu Su/ vRSaNaa maadayethaam u/t paNii/M+r hatam uurmyaa/ ma/dantaa
1.184.2c shruta/m me a/choktibhir matiinaa/m e/STaa naraa ni/cetaaraa ca ka/rNaiH
1.184.3a shriye/ puuSann iSukR/teva devaa/ naa/satyaa vahatu/M suuryaa/yaaH
1.184.3c vacya/nte vaaM kakuhaa/ apsu/ jaataa/ yugaa/ juurNe/va va/ruNasya bhuu/reH
1.184.4a asme/ saa/ vaam maadhvii raati/r astu sto/maM hinotam maanya/sya kaaro/H
1.184.4c a/nu ya/d vaaM shravasyaaaa\ sudaanuu suvii/ryaaya carSaNa/yo ma/danti
1.184.5a eSa/ vaaM sto/mo ashvinaav akaari maa/nebhir maghavaanaa suvRkti/
1.184.5c yaata/M varti/s ta/nayaaya tma/ne caaga/stye naasatyaa ma/dantaa
1.184.6a a/taariSma ta/masas paara/m asya/ pra/ti vaaM sto/mo ashvinaav adhaayi
1.184.6c e/ha/ yaatam pathi/bhir devayaa/nair vidyaa/meSa/M vRja/naM jiira/daanum
1.185.1a kataraa/ puu/rvaa kataraa/paraayo/H kathaa/ jaate/ kavayaH ko/ vi/ veda
1.185.1c vi/shvaM tma/naa bibhRto ya/d dha naa/ma vi/ vartete a/hanii cakri/yeva
1.185.2a bhuu/riM dve/ a/carantii ca/rantam padva/ntaM ga/rbham apa/dii dadhaate
1.185.2c ni/tyaM na/ suunu/m pitro/r upa/sthe dyaa/vaa ra/kSatam pRthivii no a/bhvaat
1.185.3a aneho/ daatra/m a/diter anarva/M huve/ sva\rvad avadha/M na/masvat
1.185.3c ta/d rodasii janayataM jaritre/ dyaa/vaa ra/kSatam pRthivii no a/bhvaat
1.185.4a a/tapyamaane a/vasaa/vantii a/nu Syaama ro/dasii deva/putre
1.185.4c ubhe/ devaa/naam ubha/yebhir a/hnaaM dyaa/vaa ra/kSatam pRthivii no a/bhvaat
1.185.5a saMga/chamaane yuvatii/ sa/mante sva/saaraa jaamii/ pitro/r upa/sthe
1.185.5c abhiji/ghrantii bhu/vanasya naa/bhiM dyaa/vaa ra/kSatam pRthivii no a/bhvaat
1.185.6a urvii/ sa/dmanii bRhatii/ Rte/na huve/ devaa/naam a/vasaa ja/nitrii
1.185.6c dadhaa/te ye/ amR/taM supra/tiike dyaa/vaa ra/kSatam pRthivii no a/bhvaat
1.185.7a urvii/ pRthvii/ bahule/ duure/ante u/pa bruve na/masaa yaj~ne/ asmi/n
1.185.7c dadhaa/te ye/ subha/ge supra/tuurtii dyaa/vaa ra/kSatam pRthivii no a/bhvaat
1.185.8a devaa/n vaa ya/c cakRmaa/ ka/c cid aa/gaH sa/khaayaM vaa sa/dam i/j jaa/spatiM vaa
1.185.8c iya/M dhii/r bhuuyaa avayaa/nam eSaaM dyaa/vaa ra/kSatam pRthivii no a/bhvaat
1.185.9a ubhaa/ sha/Msaa na/ryaa maa/m aviSTaam ubhe/ maa/m uutii/ a/vasaa sacetaam
1.185.9c bhuu/ri cid arya/H sudaa/staraayeSaa/ ma/danta iSayema devaaH
1.185.10a Rta/M dive/ ta/d avocam pRthivyaa/ abhishraavaa/ya prathama/M sumedhaa/H
1.185.10c paataa/m avadyaa/d duritaa/d abhii/ke pitaa/ maataa/ ca rakSataam a/vobhiH
1.185.11a ida/M dyaavaapRthivii satya/m astu pi/tar maa/tar ya/d iho/pabruve/ vaam
1.185.11c bhuuta/M devaa/naam avame/ a/vobhir vidyaa/meSa/M vRja/naM jiira/daanum
1.186.1a aa/ na i/Laabhir vida/the sushasti/ vishvaa/naraH savitaa/ deva/ etu
1.186.1c a/pi ya/thaa yuvaano ma/tsathaa no vi/shvaM ja/gad abhipitve/ maniiSaa/
1.186.2a aa/ no vi/shva aa/skraa gamantu devaa/ mitro/ aryamaa/ va/ruNaH sajo/SaaH
1.186.2c bhu/van ya/thaa no vi/shve vRdhaa/saH ka/ran suSaa/haa vithura/M na/ sha/vaH
1.186.3a pre/SThaM vo a/tithiM gRNiiSe .agni/M shasti/bhis turva/NiH sajo/SaaH
1.186.3c a/sad ya/thaa no va/ruNaH sukiirti/r i/Sash ca parSad ariguurta/H suuri/H
1.186.4a u/pa va e/Se \!\ na/masaa jigiiSo/Saa/saana/ktaa sudu/gheva dhenu/H
1.186.4c samaane/ a/han vimi/maano arka/M vi/Suruupe pa/yasi sa/sminn uu/dhan
1.186.5a uta/ no/ .ahir budhnyo\ ma/yas kaH shi/shuM na/ pipyu/Siiva veti si/ndhuH
1.186.5c ye/na na/paatam apaa/M junaa/ma manoju/vo vR/SaNo ya/M va/hanti
1.186.6a uta/ na iiM tva/STaa/ gantv a/chaa sma/t suuri/bhir abhipitve/ sajo/SaaH
1.186.6c aa/ vRtrahe/ndrash carSaNipraa/s tuvi/STamo naraa/M na iha/ gamyaaH
1.186.7a uta/ na iim mata/yo/ .ashvayogaaH shi/shuM na/ gaa/vas ta/ruNaM rihanti
1.186.7c ta/m iiM gi/ro ja/nayo na/ pa/tniiH surabhi/STamaM naraa/M nasanta
1.186.8a uta/ na iim maru/to vRddha/senaaH sma/d ro/dasii sa/manasaH sadantu
1.186.8c pR/Sadashvaaso .ava/nayo na/ ra/thaa rishaa/daso mitrayu/jo na/ devaa/H
1.186.9a pra/ nu/ ya/d eSaam mahinaa/ cikitre/ pra/ yu~njate prayu/jas te/ suvRkti/
1.186.9c a/dha ya/d eSaaM sudi/ne na/ sha/rur vi/shvam e/riNam pruSaaya/nta se/naaH
1.186.10a pro/ ashvi/naav a/vase kRNudhvam pra/ puuSa/NaM sva/tavaso hi/ sa/nti
1.186.10c adveSo/ vi/SNur vaa/ta RbhukSaa/ a/chaa sumnaa/ya vavRtiiya devaa/n
1.186.11a iya/M saa/ vo asme/ dii/dhitir yajatraa apipraa/Nii ca sa/danii ca bhuuyaaH
1.186.11c ni/ yaa/ deve/Su ya/tate vasuuyu/r vidyaa/meSa/M vRja/naM jiira/daanum
1.187.1a pitu/M nu/ stoSam maho/ dharmaa/NaM ta/viSiim
1.187.1c ya/sya trito/ vy o/jasaa vRtra/M vi/parvam arda/yat
1.187.2a svaa/do pito ma/dho pito vaya/M tvaa vavRmahe
1.187.2c asmaa/kam avitaa/ bhava
1.187.3a u/pa naH pitav aa/ cara shiva/H shivaa/bhir uuti/bhiH
1.187.3c mayobhu/r adviSeNya/H sa/khaa sushe/vo a/dvayaaH
1.187.4a ta/va tye/ pito ra/saa ra/jaaMsy a/nu vi/SThitaaH
1.187.4c divi/ vaa/taa iva shritaa/H
1.187.5a ta/va tye/ pito da/datas ta/va svaadiSTha te/ pito
1.187.5c pra/ svaadmaa/no ra/saanaaM tuvigrii/vaa iverate
1.187.6a tve/ pito mahaa/naaM devaa/naam ma/no hita/m
1.187.6c a/kaari caa/ru ketu/naa ta/vaa/him a/vasaavadhiit
1.187.7a ya/d ado/ pito a/jagan viva/sva pa/rvataanaam
1.187.7c a/traa cin no madho pito/ .aram bhakSaa/ya gamyaaH
1.187.8a ya/d apaa/m o/Sadhiinaam pariMsha/m aarishaa/mahe
1.187.8c vaa/taape pii/va i/d bhava
1.187.9a ya/t te soma ga/vaashiro ya/vaashiro bha/jaamahe
1.187.9c vaa/taape pii/va i/d bhava
1.187.10a karambha/ oSadhe bhava pii/vo vRkka/ udaarathi/H
1.187.10c vaa/taape pii/va i/d bhava
1.187.11a ta/M tvaa vaya/m pito va/cobhir gaa/vo na/ havyaa/ suSuudima
1.187.11c deve/bhyas tvaa sadhamaa/dam asma/bhyaM tvaa sadhamaa/dam
1.188.1a sa/middho adya/ raajasi devo/ devai/H sahasrajit
1.188.1c duuto/ havyaa/ kavi/r vaha
1.188.2a ta/nuunapaad Rta/M yate/ ma/dhvaa yaj~na/H sa/m ajyate
1.188.2c da/dhat sahasri/Niir i/SaH
1.188.3a aaju/hvaano na ii/Dyo devaa/M+ aa/ vakSi yaj~ni/yaan
1.188.3c a/gne sahasrasaa/ asi
1.188.4a praacii/nam barhi/r o/jasaa saha/sraviiram astRNan
1.188.4c ya/traadityaa viraa/jatha
1.188.5a viraa/T samraa/D vibhvii/H prabhvii/r bahvii/sh ca bhuu/yasiish ca yaa/H
1.188.5c du/ro ghRtaa/ny akSaran
1.188.6a surukme/ hi/ supe/shasaa/dhi shriyaa/ viraa/jataH
1.188.6c uSaa/saav e/ha/ siidataam
1.188.7a prathamaa/ hi/ suvaa/casaa ho/taaraa dai/vyaa kavii/
1.188.7c yaj~na/M no yakSataam ima/m
1.188.8a bhaa/ratii/Le sa/rasvati yaa/ vaH sa/rvaa upabruve/
1.188.8c taa/ nash codayata shriye/
1.188.9a tva/STaa ruupaa/Ni hi/ prabhu/H pashuu/n vi/shvaan samaanaje/
1.188.9c te/SaaM naH \!\ sphaati/m aa/ yaja
1.188.10a u/pa tma/nyaa vanaspate paa/tho deve/bhyaH sRja
1.188.10c agni/r havyaa/ni siSvadat
1.188.11a purogaa/ agni/r devaa/naaM gaayatre/Na sa/m ajyate
1.188.11c svaa/haakRtiiSu rocate
1.189.1a a/gne na/ya supa/thaa raaye/ asmaa/n vi/shvaani deva vayu/naani vidvaa/n
1.189.1c yuyodhy a\sma/j juhuraaNa/m e/no bhuu/yiSThaaM te na/ma.auktiM vidhema
1.189.2a a/gne tva/m paarayaa na/vyo asmaa/n svasti/bhir a/ti durgaa/Ni vi/shvaa
1.189.2c puu/sh ca pRthvii/ bahulaa/ na urvii/ bha/vaa tokaa/ya ta/nayaaya sha/M yo/H
1.189.3a a/gne tva/m asma/d yuyodhy a/miivaa a/nagnitraa abhy a/manta kRSTii/H
1.189.3c pu/nar asma/bhyaM suvitaa/ya deva kSaa/M vi/shvebhir amR/tebhir yajatra
1.189.4a paahi/ no agne paayu/bhir a/jasrair uta/ priye/ sa/dana aa/ shushukvaa/n
1.189.4c maa/ te bhaya/M jaritaa/raM yaviSTha nuuna/M vidan maa/para/M sahasvaH
1.189.5a maa/ no agne/ .ava sRjo aghaa/yaaviSya/ve ripa/ve duchu/naayai
1.189.5c maa/ datva/te da/shate maa/da/te no maa/ rii/Sate sahasaavan pa/raa daaH
1.189.6a vi/ gha tvaa/vaaM+ Rtajaata yaMsad gRNaano/ agne tanve\ va/ruutham
1.189.6c vi/shvaad ririkSo/r uta/ vaa ninitso/r abhihru/taam a/si hi/ deva viSpa/T
1.189.7a tva/M taa/M+ agna ubha/yaan vi/ vidvaa/n ve/Si prapitve/ ma/nuSo yajatra
1.189.7c abhipitve/ ma/nave shaa/syo bhuur marmRje/nya ushi/gbhir naa/kra/H
1.189.8a a/vocaama niva/canaany asmin maa/nasya suunu/H sahasaane/ agnau/
1.189.8c vaya/M saha/sram R/SibhiH sanema vidyaa/meSa/M vRja/naM jiira/daanum
1.190.1a anarvaa/NaM vRSabha/m mandra/jihvam bR/haspa/tiM vardhayaa na/vyam arkai/H
1.190.1c gaathaanya\H suru/co ya/sya devaa/ aashRNva/nti na/vamaanasya ma/rtaaH
1.190.2a ta/m Rtvi/yaa u/pa vaa/caH sacante sa/rgo na/ yo/ devayataa/m a/sarji
1.190.2c bR/haspa/tiH sa/ hy a/~njo va/raaMsi vi/bhvaa/bhavat sa/m Rte/ maatari/shvaa
1.190.3a u/pastutiM na/masa u/dyatiM ca shlo/kaM yaMsat savite/va pra/ baahuu/
1.190.3c asya/ kra/tvaahanyo\ yo/ a/sti mRgo/ na/ bhiimo/ arakSa/sas tu/viSmaan
1.190.4a asya/ shlo/ko divii/yate pRthivyaa/m a/tyo na/ yaMsad yakSabhR/d vi/cetaaH
1.190.4c mRgaa/NaaM na/ heta/yo ya/nti cemaa/ bR/haspa/ter a/himaayaaM+ abhi/ dyuu/n
1.190.5a ye/ tvaa devosrika/m ma/nyamaanaaH paapaa/ bhadra/m upajii/vanti pajraa/H
1.190.5c na/ duuDhye\ a/nu dadaasi vaama/m bR/haspate ca/yasa i/t pi/yaarum
1.190.6a suprai/tuH suuya/vaso na/ pa/nthaa durniya/ntuH pa/ripriito na/ mitra/H
1.190.6c anarvaa/No abhi/ ye/ ca/kSate no/ .apiivRtaa aporNuva/nto asthuH
1.190.7a sa/M ya/M stu/bho .ava/nayo na/ ya/nti samudra/M na/ srava/to ro/dhacakraaH
1.190.7c sa/ vidvaa/M+ ubha/yaM caSTe anta/r bR/haspa/tis ta/ra aa/pash ca gR/dhraH
1.190.8a evaa/ maha/s tuvijaata/s tu/viSmaan bR/haspa/tir vRSabho/ dhaayi deva/H
1.190.8c sa/ na stuto/ viira/vad dhaatu go/mad vidyaa/meSa/M vRja/naM jiira/daanum
1.191.1a ka/~Nkato na/ ka/~Nkato/ .atho satiina/ka~NkataH
1.191.1c dvaa/v i/ti plu/Sii i/ti ny a\dR/STaa alipsata
1.191.2a adR/STaan hanty aayaty a/tho hanti paraayatii/
1.191.2c a/tho avaghnatii/ hanty a/tho pinaSTi piMSatii/
1.191.3a sharaa/saH ku/sharaaso darbhaa/saH sairyaa/ uta/
1.191.3c mau~njaa/ adR/STaa vairiNaa/H sa/rve saaka/M ny a\lipsata
1.191.4a ni/ gaa/vo goSThe/ asadan ni/ mRgaa/so avikSata
1.191.4c ni/ keta/vo ja/naanaaM ny a\dR/STaa alipsata
1.191.5a eta/ u tye/ pra/ty adRshran pradoSa/M ta/skaraa iva
1.191.5c a/dRSTaa vi/shvadRSTaaH pra/tibuddhaa abhuutana
1.191.6a dyau/r vaH pitaa/ pRthivii/ maataa/ so/mo bhraa/taa/ditiH sva/saa
1.191.6c a/dRSTaa vi/shvadRSTaas ti/SThatela/yataa su/ kam
1.191.7a ye/ a/Msyaa ye/ a/~NgyaaH suucii/kaa ye/ praka~Nkataa/H
1.191.7c a/dRSTaaH ki/M cane/ha/ vaH sa/rve saaka/M ni/ jasyata
1.191.8a u/t pura/staat suu/rya eti vishva/dRSTo adRSTahaa/
1.191.8c adR/STaan sa/rvaa~n jambha/yan sa/rvaash ca yaatudhaanya\H
1.191.9a u/d apaptad asau/ suu/ryaH puru/ vi/shvaani juu/rvan
1.191.9c aaditya/H pa/rvatebhyo vishva/dRSTo adRSTahaa/
1.191.10a suu/rye viSa/m aa/ sajaami dR/tiM su/raavato gRhe/
1.191.10c so/ cin nu/ na/ maraati no/ vaya/m maraamaare/ asya yo/janaM
1.191.10f hariSThaa/ ma/dhu tvaa madhulaa/ cakaara
1.191.11a iyattikaa/ shakuntikaa/ sakaa/ jaghaasa te viSa/m
1.191.11c so/ cin nu/ na/ maraati no/ vaya/m maraamaare/ asya yo/janaM
1.191.11f hariSThaa/ ma/dhu tvaa madhulaa/ cakaara
1.191.12a tri/H sapta/ viSpuli~Ngakaa/ viSa/sya pu/Syam akSan
1.191.12c taa/sh cin nu/ na/ maranti no/ vaya/m maraamaare/ asya yo/janaM
1.191.12f hariSThaa/ ma/dhu tvaa madhulaa/ cakaara
1.191.13a navaanaa/M navatiinaa/M viSa/sya ro/puSiiNaam
1.191.13c sa/rvaasaam agrabhaM naa/maare/ asya yo/janaM
1.191.13e hariSThaa/ ma/dhu tvaa madhulaa/ cakaara
1.191.14a tri/H sapta/ mayuurya\H sapta/ sva/saaro agru/vaH
1.191.14c taa/s te viSa/M vi/ jabhrira udaka/M kumbhi/niir iva
1.191.15a iyattaka/H kuSumbhaka/s taka/m bhinadmy a/shmanaa
1.191.15c ta/to viSa/m pra/ vaavRte pa/raaciir a/nu saMva/taH
1.191.16a kuSumbhaka/s ta/d abraviid gire/H pravartamaanaka/H
1.191.16c vR/shcikasyaarasa/M viSa/m arasa/M vRshcika te viSa/m

External Links[edit]

Rig Veda, Book 1C (ASCII)

Book 1[edit]

Related Links[edit]

External Links[edit]

Navigation menu

Rig Veda, Book 1C (ASCII)

Book 1[edit]

Related Links[edit]

External Links[edit]

Navigation menu

Search