Gerusalemme liberata
Domenegh Balestree (1714-1780)
work in progress
- Canto 1
- Canto 2
- Canto 3
- Canto 4
- Canto 5
- Canto 6
- Canto 7
- Canto 8
- Canto 9
- Canto 10
- Canto 11
- Canto 12
- Canto 13
- Canto 14
- Canto 15
- Canto 16
- Canto 17
- Canto 18
- Canto 19
- Canto 2o
La Gerusalemme liberata
Musa del Bottonuu, quanci poetta
han faa la scimbia al Tass prima de tì?
Via, demmegh dent, l'è vora che me metta.
A fà l'avanz del Carlin matt anmì.
Tiremm Goffred in scenna, anzi in burletta
vestii a la casarenga e col talì;
l'ha mò faa tanc figur ch'el pò scusamm
s'el farà adess anch quella de Baltramm.
Con sta maschera indoss el farà anmò
quej sort de spicch tra el popol curios,
e coi proverbi milanes el pò
mes'cià fors mej con l'utel el spassos.
Inscì a on fiœu ammalaa ghe fan trà giò
con su el zuccher di pinol desgustos;
inscì anmì de bagaj m'han menaa a bev
e sont chì adess, che fors no ghe sarev.
[...]