Molaotheo wa Rephaboliki ya Aforika Borwa

Molaotheo wa Rephaboliki ya Aforika Borwa  (1996)

Molaotheo wa Rephaboliki ya Aforika Borwa

Pulamadibogo

Kgaolo 1: Dikaelo tsa Motheo

Kgaolo 2: Molaotlhomo wa Ditshwanelo

Kgaolo 3: Puso ya Tirisano

Kgaolo 4: Palamente

Kgaolo 5: Moporesidente le Khuduthamaga ya Bosetšhaba

Kgaolo 6: Diporofense

Kgaolo 7: Puso Selegae

Kgaolo 8: Dikgotlatshekelo le Tsamaiso ya Bosiamisi

Kgaolo 9: Ditheo tsa Puso tse di Tshegetsang Demokerasi ya Molaotheo

Kgaolo 10: Tsamaiso ya Puso

Kgaolo 11: Ditirelo tsa Pabalesego

Kgaolo 12: Baeteledipele ba Setso/Magosi

Kgaolo 13: Ditšhelete

Kgaolo 14: Dikaelo-Kakaretso

Mametlelelo 1: Folaga ya Bosetšhaba

Mametlelelo 1A: Mafelo a Diporofense

Mametlelelo 2: Maikano le Ditumelo tse di Masisi

Mametlelelo 3: Ditsamaiso Tsa Ditlhopho

Mametlelelo 4: Makala A Kgolagano A Tiragatso A Bokgoni Jwa Peomolao A Bosetšhaba Le A Porofense

Mametlelelo 5: Makala A Tiragatso A Bokgoni Jwa Molao Wa Porofense Fela

Mametlelelo 6: Dithulaganyo tsa Kgabaganyo

Mametlelelo 7: Melao e e Phimotsweng

Pulamadibogo

Rona, batho ba Aforika Borwa,

Re itse ditshiamololo tsa rona tse di fetileng;

Re tlotla ba ba bogileng ka ntlha ya tshiamo le kgololosego mo lefatsheng la rona;

Re tlotla ba ba diretseng go aga le go tlhabolola naga ya rona; mme

Re dumela fa Aforika Borwa e le ya botlhe ba ba tshelang mo go yona, re le ngata e le nngwe ka go farologana.

Rona ka jalo, ka baemedi ba re ba itlhophetseng ka kgololosego, re amogela Molaotheo o jaaka Molao-Mogolo wa Rephaboliki gore re –

• Alafe dikgogakgogano tse di fetileng mme re age Setšhaba se se theilweng ka meetlo ya demokerasi, bosiamisi jwa batho le ditshwanelo tse di botlhokwa tsa botho;
• Tlhome metheo ya demokerasi le setšhaba se se gololesegileng moo puso e theilweng ka thato ya batho e bile moagi mongwe le mongwe a sireleditswe ka go lekana ke molao.
• Tokafatse matshelo a baagi botlhe le go golola neo ya mongwe le mongwe le;
• Aga Aforika Borwa e e kopaneng ya demokerasi e e kgonang go tsaya maemo a yona a a siameng jaaka naga e e ipusang mo tshikeng ya mafatshe.

A Modimo a sireletse Setšhaba sa rona.
Nkosi Sikelel’ iAfrika.
Morena boloka setšhaba sa heso.
God seën Suid-Afrika.
God bless South Africa.
Mudzimu fhatutšhedza Afurika.
Hosi katekisa Afrika.