Jv/Alkitab/Wilangan/9

^9:1 ꦤꦭꦶꦏꦱꦱꦶꦏꦥꦶꦱꦤ꧀꧈​ꦠꦲꦸꦤ꧀ꦏꦥꦶꦤ꧀ꦝꦺꦴ꧈​ꦱꦮꦶꦱ꧀ꦱꦺꦧꦁꦱ​꧊ꦆꦱꦿꦲꦺꦭ꧀ꦩꦼꦠꦸꦱꦏꦲꦶꦁ​꧊ꦩꦺꦱꦶꦂ꧈​ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱꦲꦶꦁꦲꦫꦲꦫꦱꦩꦸꦤꦺꦥꦼꦒꦸꦤꦸꦁꦔꦤ꧀​꧊ꦱꦶꦤꦲꦶꦩꦼꦁꦏꦺꦤꦺ꧈​

^9:2 (9:2-3)"ꦠꦁꦒꦭ꧀ꦥꦠ꧀ꦧꦼꦭꦱ꧀ꦱꦱꦶꦲꦶꦏꦶ꧈​ꦪꦺꦤ꧀ꦱꦽꦔꦺꦔꦺꦤꦺꦱꦸꦫꦸꦥ꧀꧈​ꦧꦁꦱ​꧊ꦆꦱꦿꦲꦺꦭ꧀ꦏꦸꦢꦸꦔꦿꦶꦪꦏ꧀ꦏꦏꦺ​꧊ꦥꦱ꧀ꦏꦃꦩꦶꦠꦸꦫꦸꦠ꧀ꦥꦽꦤꦠꦤ꧀ꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧉"​

^9:3 (9:2)

^9:4 ​꧊ꦩꦸꦱꦲꦶꦪꦧꦚ꧀ꦗꦸꦂꦲꦏꦺꦴꦤ꧀ꦧꦁꦱ​꧊ꦆꦱꦿꦲꦺꦭ꧀ꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃ꧉​

^9:5 ꦲꦶꦁꦮꦪꦃꦱꦸꦫꦸꦥ꧀ꦥꦺꦱꦽꦔꦺꦔꦺꦠꦁꦒꦭ꧀ꦥꦠ꧀ꦧꦼꦭꦱ꧀ꦱꦱꦶꦏꦥꦶꦱꦤ꧀ꦩꦲꦸ꧈​ꦧꦁꦱ​꧊ꦆꦱꦿꦲꦺꦭ꧀ꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃꦲꦶꦁꦲꦫꦲꦫꦱꦩꦸꦤꦺꦥꦼꦒꦸꦤꦸꦁꦔꦤ꧀​꧊ꦱꦶꦤꦲꦶ꧉​ꦏꦧꦺꦃꦥꦝꦢꦶꦠꦶꦤ꧀ꦢꦏ꧀ꦏꦏꦺꦩꦶꦠꦸꦫꦸꦠ꧀ꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​

^9:6 ꦤꦁꦔꦶꦁꦲꦤꦮꦺꦴꦁꦱꦮꦼꦠꦫꦱꦶꦁꦤꦗꦶꦱ꧀ꦩꦶꦠꦸꦫꦸꦠ꧀ꦥꦽꦤꦠꦤꦶꦁꦲꦒꦩꦩꦼꦂꦒꦥꦝꦔ꧀ꦒꦼꦥꦺꦴꦏ꧀ꦮꦺꦴꦁꦩꦠꦶ꧈​ꦢꦢꦶꦲꦺꦴꦫꦏꦼꦤꦩꦺꦭꦸꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃ꧉​ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦥꦝꦔꦝꦼꦥ꧀ꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​

^9:7 ꦲꦠꦸꦂꦫꦺ꧈​"ꦏꦸꦭꦱꦩꦶꦤꦗꦶꦱ꧀꧈​ꦲꦮꦶꦠ꧀ꦱꦩꦶꦔ꧀ꦒꦼꦥꦺꦴꦏ꧀ꦠꦶꦪꦁꦥꦼꦗꦃ꧉​ꦤꦁꦔꦶꦁꦩꦼꦤꦥꦏꦸꦭꦲꦶꦁꦒꦶꦃꦱꦩꦶꦩ꧀ꦧꦺꦴꦠꦼꦤ꧀ꦏꦺꦁꦔꦶꦁꦠꦸꦩꦸꦠ꧀ꦚꦲꦺꦴꦱ꧀ꦱꦏꦼꦤ꧀ꦏꦸꦂꦧꦤ꧀ꦝꦠꦼꦁꦄꦭ꧀ꦭꦃ꧈​ꦱꦼꦱꦉꦁꦔꦤ꧀ꦏꦭꦶꦪꦤ꧀ꦱꦼꦝꦺꦫꦺꦏ꧀ꦱꦼꦝꦺꦫꦺꦏ꧀ꦏꦸꦭꦱꦧꦁꦱ?"

^9:8 ꦮꦁꦱꦸꦭ꧀ꦭꦤ꧀ꦤꦺ​꧊ꦩꦸꦱ꧈​"ꦔꦼꦤ꧀ꦠꦺꦤ꧀ꦤꦤꦝꦶꦱꦶꦏ꧀꧈​ꦔꦤ꧀ꦠꦶꦲꦏꦸꦠꦩ꧀ꦥꦝꦮꦸꦃꦱꦏꦄꦭ꧀ꦭꦃ꧉"​

^9:9 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦝꦮꦸꦃꦩꦫꦁ​꧊ꦩꦸꦱ꧈​

^9:10 "ꦏꦤ꧀ꦝꦲꦩꦫꦁꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​‘ꦪꦺꦤ꧀ꦲꦤꦲꦶꦁꦲꦤ꧀ꦠꦫꦩꦸꦲꦸꦠꦮꦲꦤꦏ꧀ꦠꦸꦫꦸꦤ꧀ꦩꦸꦱꦶꦁꦤꦗꦶꦱ꧀ꦩꦼꦂꦒꦔ꧀ꦒꦼꦥꦺꦴꦏ꧀ꦮꦺꦴꦁꦩꦠꦶ꧈​ꦲꦸꦠꦮꦭꦒꦶꦊꦭꦸꦁꦔꦤ꧀ꦲꦢꦺꦴꦃ꧈​ꦩꦁꦏꦏꦼꦥꦺꦔꦶꦤ꧀ꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃ꧈​

^9:11 ꦏꦸꦮꦶꦏꦼꦥꦉꦁ꧈​ꦤꦁꦔꦶꦁꦲꦼꦁꦒꦺꦴꦤ꧀ꦩꦸꦔꦿꦶꦪꦪꦏ꧀ꦏꦏꦺꦏꦸꦢꦸꦲꦶꦁꦱꦱꦶꦕꦤ꧀ꦝꦏ꧀ꦏꦺꦲꦶꦁꦮꦪꦃꦱꦺꦴꦫꦺꦠꦁꦒꦭ꧀ꦥꦠ꧀ꦧꦼꦭꦱ꧀꧉​ꦢꦶꦤꦏꦸꦮꦶꦫꦶꦪꦪꦏ꧀ꦤꦔꦁꦒꦺꦴꦩꦁꦔꦤ꧀ꦫꦺꦴꦠꦶꦠꦤ꧀ꦥꦫꦒꦶꦭꦤ꧀ꦗꦔꦤ꧀ꦥꦲꦶꦠ꧀꧉​

^9:12 ꦥꦔꦤ꧀ꦩꦲꦸꦲꦺꦴꦫꦏꦼꦤꦢꦶꦠꦸꦫꦃꦲꦏꦺꦔꦤ꧀ꦠꦶꦲꦺꦱꦸꦏ꧀ꦏꦺꦭꦤ꧀ꦏꦺꦮꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦩꦲꦸꦲꦗꦲꦤꦧꦭꦸꦁꦔꦺꦱꦶꦁꦢꦶꦠꦸꦒꦼꦭ꧀꧉​​꧊ꦥꦱ꧀ꦏꦃꦩꦲꦸꦏꦸꦢꦸꦢꦶꦫꦶꦪꦪꦏ꧀ꦏꦏꦺꦩꦶꦠꦸꦫꦸꦠ꧀ꦥꦽꦤꦤ꧀ꦠꦤ꧀ꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧉’​

^9:13 ꦮꦺꦴꦁꦱꦶꦁꦏꦲꦤꦤꦺꦉꦱꦶꦏ꧀ꦩꦶꦠꦸꦫꦸꦠ꧀ꦥꦽꦤꦠꦤꦺꦲꦒꦩ꧈​ꦭꦤ꧀ꦲꦺꦴꦫꦭꦒꦶꦊꦭꦸꦁꦔꦤ꧀ꦲꦢꦺꦴꦃ꧈​ꦩꦁꦏꦲꦺꦴꦫꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃ꧈​ꦏꦸꦮꦶꦏꦸꦢꦸꦢꦶꦱꦶꦁꦏꦶꦂꦫꦏꦺꦱꦏꦲꦸꦩꦠ꧀ꦏꦸ꧈​ꦩꦼꦂꦒꦲꦺꦴꦫꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦫꦁꦲꦏꦸꦲꦶꦁꦮꦼꦏ꧀ꦠꦸꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧉​ꦮꦺꦴꦁꦩꦲꦸꦏꦸꦢꦸꦩꦶꦏꦸꦭ꧀ꦢꦺꦴꦱꦤꦺ꧉​

^9:14 ꦪꦺꦤ꧀ꦲꦶꦁꦲꦤ꧀ꦠꦫꦩꦸꦲꦤꦮꦺꦴꦁꦭꦶꦪꦱꦶꦁꦲꦉꦥ꧀ꦩꦺꦭꦸꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃ꧈​ꦲꦼꦁꦒꦺꦴꦤꦺꦔꦿꦶꦪꦪꦏ꧀ꦏꦏꦺ​꧊ꦥꦱ꧀ꦏꦃꦏꦸꦢꦸꦩꦶꦠꦸꦫꦸꦠ꧀ꦥꦽꦤꦠꦤ꧀ꦭꦤ꧀ꦱꦫꦠ꧀ꦱꦫꦠ꧀ꦠꦺ꧉​ꦥꦽꦤꦠꦤ꧀ꦲꦶꦏꦶꦏꦁꦒꦺꦴꦱꦧꦼꦤ꧀ꦮꦺꦴꦁ꧈​ꦲꦶꦪꦮꦺꦴꦁ​꧊ꦆꦱꦿꦲꦺꦭ꧀ꦲꦸꦠꦮꦮꦺꦴꦁꦭꦶꦪꦤꦺ꧉"​

^9:15 (9:15-16)ꦤꦭꦶꦏꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃꦢꦶꦢꦼꦒꦏꦺ꧈​ꦲꦶꦁꦢꦶꦤꦏꦸꦮꦶꦲꦤꦩꦼꦒꦲꦶꦁꦱꦤ꧀ꦝꦸꦮꦸꦂꦫꦺꦏꦺꦩꦃꦩꦲꦸ꧉​ꦲꦶꦁꦮꦪꦃꦧꦼꦔꦶꦩꦺꦒꦩꦲꦸꦩꦼꦚ꧀ꦕꦺꦴꦫꦺꦴꦁꦏꦪꦒꦼꦤꦶ꧉​

^9:16 (9:15)

^9:17 ꦪꦺꦤ꧀ꦩꦺꦒꦩꦲꦸꦩꦸꦁꦒꦃ꧈​ꦮꦺꦴꦁ​꧊ꦆꦱꦿꦲꦺꦭ꧀ꦏꦸꦢꦸꦧꦸꦝꦭ꧀꧈​ꦪꦺꦤ꧀ꦩꦺꦒꦤꦺꦩꦸꦝꦸꦤ꧀꧈​ꦮꦺꦴꦁ​꧊ꦆꦱꦿꦲꦺꦭ꧀ꦧꦚ꧀ꦗꦸꦂꦏꦸꦢꦸꦩꦱꦁꦏꦺꦩꦃꦲꦺ꧈​ꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦢꦶꦝꦸꦤ꧀ꦤꦶꦩꦺꦒꦩꦲꦸ꧉​

^9:18 ꦮꦺꦴꦁ​꧊ꦆꦱꦿꦲꦺꦭ꧀ꦥꦝꦩ꧀ꦧꦼꦝꦺꦴꦭ꧀ꦭꦤ꧀ꦩꦱꦁꦏꦺꦩꦃꦲꦺꦩꦤꦸꦠ꧀ꦝꦮꦸꦃꦲꦺꦄꦭ꧀ꦭꦃ꧉​ꦱꦼꦭꦮꦱ꧀ꦱꦺꦩꦺꦒꦩꦲꦸꦲꦤꦲꦶꦁꦱꦤ꧀ꦝꦸꦮꦸꦂꦫꦺꦏꦺꦩꦃꦱꦸꦕꦶ꧈​ꦧꦁꦱ​꧊ꦆꦱꦿꦲꦺꦭ꧀ꦠꦼꦠꦼꦥ꧀ꦩꦁꦒꦺꦴꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ꧉​

^9:19 ꦱꦼꦤꦗꦤ꧀ꦩꦺꦒꦩꦲꦸꦱꦸꦮꦺꦲꦤꦲꦶꦁꦱꦤ꧀ꦝꦸꦮꦸꦂꦫꦺꦏꦺꦩꦃꦱꦸꦕꦶ꧈​ꦮꦺꦴꦁ​꧊ꦆꦱꦿꦲꦺꦭ꧀ꦲꦶꦪꦩꦤꦸꦠ꧀ꦩꦫꦁꦄꦭ꧀ꦭꦃ꧈​ꦭꦤ꧀ꦲꦺꦴꦫꦏꦼꦱꦸꦱꦸꦧꦸꦝꦭ꧀꧉​

^9:20 ꦲꦤꦏ꧀ꦏꦭꦤꦺꦩꦺꦒꦩꦲꦸꦩꦸꦁꦩꦤ꧀ꦝꦼꦒ꧀ꦱꦮꦼꦠꦫꦢꦶꦤ꧉​ꦱꦼꦤꦗꦤ꧀ꦏꦼꦥꦿꦶꦪꦺꦮꦲꦺ꧈​ꦝꦮꦸꦃꦲꦺꦄꦭ꧀ꦭꦃꦏꦸꦮꦶꦱꦶꦁꦢꦶꦲꦼꦁꦒꦺꦴꦥꦛꦺꦴꦏ꧀ꦏꦤ꧀ꦮꦪꦃꦲꦺꦭꦺꦫꦺꦤ꧀ꦭꦤ꧀ꦧꦸꦝꦭ꧀꧉​

^9:21 ꦲꦤꦏꦭꦤꦺꦩꦺꦒꦩꦲꦸꦩꦤ꧀ꦝꦼꦒ꧀ꦩꦸꦁꦲꦤ꧀ꦠꦫꦤꦺꦱꦸꦫꦸꦥ꧀ꦠꦼꦏꦤ꧀ꦲꦺꦱꦸꦏ꧀꧉​ꦪꦺꦤ꧀ꦩꦺꦒꦤꦺꦩꦸꦁꦒꦃ꧈​ꦱꦤꦭꦶꦏꦲꦶꦏꦸꦲꦸꦒꦏꦧꦺꦃꦥꦝꦧꦸꦝꦭ꧀꧉​

^9:22 ꦱꦼꦭꦮꦱ꧀ꦱꦺꦩꦺꦒꦩꦲꦸꦩꦤ꧀ꦝꦼꦒ꧀꧈​ꦲꦼꦩ꧀ꦧꦸꦃꦫꦺꦴꦁꦢꦶꦤꦲꦼꦩ꧀ꦧꦸꦃꦱꦼꦱꦱꦶ꧈​ꦲꦼꦩ꧀ꦧꦸꦃꦱꦼꦠꦲꦸꦤ꧀ꦭꦸꦮꦶꦃ꧈​ꦮꦺꦴꦁꦏꦧꦺꦃꦥꦝꦠꦼꦠꦼꦥ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦩꦲꦸ꧉​ꦤꦁꦔꦶꦁꦪꦺꦤ꧀ꦩꦺꦒꦤꦺꦩꦸꦁꦒꦃ꧈​ꦮꦺꦴꦁꦏꦧꦺꦃꦤꦸꦭꦶꦥꦝꦧꦸꦝꦭ꧀꧉​

^9:23 ꦧꦁꦱ​꧊ꦆꦱꦿꦲꦺꦭ꧀ꦭꦺꦫꦺꦤ꧀ꦲꦶꦁꦱꦮꦶꦗꦶꦤꦶꦁꦥꦁꦒꦺꦴꦤ꧀ꦤꦤ꧀ꦭꦤ꧀ꦧꦸꦝꦭ꧀ꦱꦏꦏꦺꦴꦤꦺꦴꦩꦶꦠꦸꦫꦸꦠ꧀ꦱꦲꦮꦸꦃꦲꦺꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​