Jv/Alkitab/Wilangan/12

^12:1 ​꧊ꦩꦸꦱꦧꦼꦧꦺꦴꦗꦺꦴꦮꦤ꧀ꦏꦫꦺꦴꦮꦺꦴꦁ​꧊ꦏꦸꦱ꧀ꦪꦲꦶꦏꦸꦧꦁꦱ​꧊ꦌꦠꦶꦪꦺꦴꦥꦶꦪ꧈​ꦲꦫꦸꦤ꧀ꦭꦤ꧀​꧊ꦩꦶꦂꦪꦩ꧀ꦲꦺꦴꦫꦔꦿꦸꦗꦸꦏ꧀ꦏꦶ꧉​

^12:2 ꦠꦼꦩ꧀ꦧꦸꦁꦔꦺ꧈​"ꦲꦥꦒꦸꦱ꧀ꦠꦶꦄꦭ꧀ꦭꦃꦩꦸꦁꦔꦤ꧀ꦢꦶꦏꦭꦤ꧀ꦠꦂꦫꦤ꧀​꧊ꦩꦸꦱꦮꦲꦺ?ꦲꦥꦲꦶꦪꦲꦺꦴꦫꦭꦤ꧀ꦠꦂꦫꦤ꧀ꦏꦶꦠꦲꦸꦒ?"ꦒꦸꦱ꧀ꦠꦶꦲꦭ꧀ꦭꦃꦩꦶꦝꦔꦼꦠ꧀ꦲꦥꦱꦶꦁꦥꦝꦢꦶꦲꦸꦕꦥ꧀ꦥꦏꦺꦮꦺꦴꦁꦭꦺꦴꦫꦺꦴꦩꦲꦸ꧉​

^12:3 ꧌​꧊ꦩꦸꦱꦏꦸꦮꦶꦮꦺꦴꦁꦱꦶꦁꦊꦩ꧀ꦧꦃꦲꦶꦁꦲꦠꦶ꧈​ꦔꦸꦁꦏꦸꦭ꧀ꦭꦶꦮꦺꦴꦁꦱꦗꦒꦢ꧀ꦏꦧꦺꦃ꧉꧍​

^12:4 ꦱꦤꦭꦶꦏꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​ꦲꦫꦸꦤ꧀ꦭꦤ꧀​꧊ꦩꦶꦂꦪꦩ꧀꧈​"ꦥꦝꦭꦸꦔꦲꦔꦝꦼꦥ꧀ꦲꦏꦸꦲꦤꦲꦶꦁꦏꦺꦩꦃꦱꦸꦕꦶ꧉"​ꦮꦺꦴꦁꦠꦼꦭꦸꦩꦲꦸꦧꦚ꧀ꦗꦸꦂꦱꦺꦴꦮꦤ꧀꧉​

^12:5 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦠꦼꦝꦏ꧀ꦲꦤꦲꦶꦁꦠꦸꦒꦸꦩꦺꦒ꧈​ꦲꦶꦁꦱꦔꦉꦥ꧀ꦥꦺꦏꦺꦩꦃꦱꦸꦕꦶ꧈​ꦱꦂꦠꦔꦤ꧀ꦢꦶꦏ꧈​"ꦲꦫꦸꦤ꧀ꦭꦤ꧀​꧊ꦩꦶꦂꦪꦩ꧀!"ꦮꦺꦴꦁꦭꦺꦴꦫꦺꦴꦩꦲꦸꦧꦚ꧀ꦗꦸꦂꦱꦺꦴꦮꦤ꧀꧉​

^12:6 ꦥꦔꦤ꧀ꦢꦶꦏꦤꦺꦄꦭ꧀ꦭꦃ꧈​"ꦫꦸꦔꦺꦴꦏ꧀ꦤꦠꦼꦩ꧀ꦧꦸꦁꦏꦸ!ꦲꦏꦸꦔꦤ꧀ꦢꦶꦏꦩꦫꦁꦥꦫꦤꦧꦶꦱꦶꦁꦲꦤꦲꦶꦁꦲꦤ꧀ꦠꦫꦩꦸꦔꦁꦒꦺꦴꦱꦱ꧀ꦩꦶꦠꦫꦸꦥꦒꦩ꧀ꦧꦂꦮꦼꦮꦪꦁꦔꦤ꧀ꦭꦤ꧀ꦲꦏꦸꦔꦤ꧀ꦢꦶꦏꦱꦗꦿꦺꦴꦤꦶꦁꦲꦶꦩ꧀ꦥꦺꦤ꧀꧉​

^12:7 ꦤꦁꦔꦶꦁꦲꦺꦴꦫꦏꦪꦩꦼꦁꦏꦺꦴꦤꦺꦴꦕꦫꦏꦸꦔꦤ꧀ꦢꦶꦏꦩꦫꦁ​꧊ꦩꦸꦱ꧈​ꦱꦶꦁꦢꦏ꧀ꦥꦫꦶꦁꦔꦶꦲꦪꦃꦲꦤ꧀ꦤꦸꦤ꧀ꦠꦸꦤ꧀ꦲꦸꦩꦠ꧀ꦏꦸ​꧊ꦆꦱꦿꦲꦺꦭ꧀꧉​

^12:8 ꦲꦏꦸꦔꦤ꧀ꦢꦶꦏꦲꦢꦸꦲꦉꦥ꧀ꦏꦫꦺꦴ​꧊ꦩꦸꦱ꧈​ꦕꦼꦛꦭꦤ꧀ꦲꦺꦴꦫꦮꦸꦗꦸꦢ꧀ꦧꦼꦝꦺꦏ꧀ꦏꦤ꧀꧉​ꦩꦭꦃ​꧊ꦩꦸꦱꦮꦶꦱ꧀ꦤ꧀ꦢꦼꦊꦁꦫꦸꦥꦏꦸ꧉​ꦪꦒꦺꦤꦺꦏꦺꦴꦮꦺꦮꦤꦶꦮꦤꦶꦩꦲꦶꦢꦺꦴ?"

^12:9 ꦒꦸꦱ꧀ꦠꦶꦄꦭ꧀ꦭꦃꦢꦸꦏꦩꦫꦁꦮꦺꦴꦁꦭꦺꦴꦫꦺꦴꦩꦲꦸ꧉​ꦤꦭꦶꦏꦥꦚ꧀ꦗꦼꦤꦼꦁꦔꦤ꧀ꦤꦺꦩꦼꦁꦏꦼꦂ꧈​

^12:10 ꦭꦤ꧀ꦠꦸꦒꦸꦩꦺꦒꦩꦲꦸꦩꦸꦁꦒꦃꦱꦏꦏꦺꦩꦃꦱꦸꦕꦶꦏꦺꦴꦤꦺꦴ꧈​​꧊ꦩꦶꦂꦪꦩ꧀ꦢꦸꦩꦢꦏ꧀ꦏꦤ꧀ꦏꦼꦕꦤ꧀ꦝꦏ꧀ꦭꦫꦏꦸꦱ꧀ꦠ꧉​ꦏꦸꦭꦶꦠ꧀ꦠꦺꦢꦢꦶꦥꦸꦠꦶꦃꦏꦪꦏꦥꦸꦏ꧀꧉​ꦤꦭꦶꦏꦲꦫꦸꦤ꧀ꦩꦺꦔꦺꦴꦤ꧀ꦢꦼꦊꦁꦔꦏꦺ​꧊ꦩꦶꦂꦪꦩ꧀ꦭꦤ꧀ꦮꦼꦫꦸꦃꦪꦺꦤ꧀​꧊ꦩꦶꦂꦪꦩ꧀ꦤꦤ꧀ꦝꦁꦭꦫꦏꦸꦱ꧀ꦠ꧈​

^12:11 ꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦩꦸꦱ꧈​"ꦝꦸꦃꦧꦼꦤ꧀ꦢꦫ꧈​ꦩꦸꦒꦶꦱꦩ꧀ꦥꦸꦤ꧀ꦤꦺꦒꦏ꧀ꦏꦏꦼꦤ꧀ꦏꦸꦭꦏꦼꦏꦭꦶꦃꦱꦩꦶꦏꦲꦸꦏꦸꦩ꧀ꦩꦂꦒꦶꦢꦺꦴꦱꦲꦶꦁꦏꦁꦱꦩ꧀ꦥꦸꦤ꧀ꦱꦩꦶꦏꦸꦭꦭꦩ꧀ꦥꦃꦲꦶꦲꦮꦶꦠ꧀ꦱꦏꦶꦁꦧꦺꦴꦝꦺꦴꦏꦸꦭ꧉​

^12:12 ꦱꦩ꧀ꦥꦸꦤ꧀ꦤꦺꦒꦏ꧀ꦏꦏꦼꦤ꧀​꧊ꦩꦶꦂꦪꦩ꧀ꦏꦢꦺꦴꦱ꧀ꦧꦪꦶꦏ꧀ꦭꦸꦫꦺꦴꦤ꧀꧈​ꦲꦶꦁꦏꦁꦭꦲꦶꦂꦩꦮꦶꦧꦢꦤ꧀ꦲꦶꦁꦏꦁꦱꦼꦠꦼꦔꦃꦧꦺꦴꦱꦺꦴꦏ꧀꧉"​

^12:13 ​꧊ꦩꦸꦱꦧꦚ꧀ꦗꦸꦂꦤ꧀ꦢꦼꦢꦺꦴꦔ꧈​"ꦝꦸꦃꦄꦭ꧀ꦭꦃ꧈​ꦩꦸꦒꦶꦏꦼꦂꦱꦚꦫꦱ꧀ꦱꦏꦼꦤ꧀ꦠꦶꦪꦁꦩꦼꦤꦶꦏ꧉"​

^12:14 ꦝꦮꦸꦃꦲꦺꦄꦭ꧀ꦭꦃ꧈​"ꦱꦲꦸꦥꦩꦫꦲꦶꦤꦺꦢꦶꦲꦶꦢꦺꦴꦤ꧀ꦤꦶꦧꦥꦏ꧀ꦤꦺ꧈​ꦲꦥꦝꦺꦮꦺꦏ꧀ꦏꦺꦲꦺꦴꦫꦏꦸꦢꦸꦏꦿꦱꦮꦶꦫꦁꦭꦮꦱ꧀ꦱꦺꦥꦶꦠꦸꦁꦢꦶꦤ?ꦩꦸꦭꦤꦺꦮꦼꦠꦺꦴꦏ꧀ꦤꦱꦏꦥꦭꦺꦫꦺꦤ꧀ꦤꦤ꧀ꦥꦶꦠꦸꦁꦢꦶꦤ;ꦱꦮꦶꦱ꧀ꦱꦺꦏꦸꦮꦶꦏꦼꦤꦧꦭꦶꦩꦼꦤꦺꦃ꧉"​

^12:15 ​꧊ꦩꦶꦂꦪꦩ꧀ꦧꦚ꧀ꦗꦸꦂꦢꦶꦮꦼꦠꦺꦴꦏ꧀ꦏꦏꦺꦱꦏꦥꦭꦺꦫꦺꦤ꧀ꦤꦤ꧀ꦥꦶꦠꦸꦁꦢꦶꦤꦭꦤ꧀ꦱꦗꦿꦺꦴꦤꦺ​꧊ꦩꦶꦂꦪꦩ꧀ꦢꦸꦫꦸꦁꦧꦭꦶ꧈​ꦧꦁꦱ​꧊ꦆꦱꦿꦲꦺꦭ꧀ꦲꦺꦴꦫꦭꦸꦔꦱꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ꧉​

^12:16 ꦱꦮꦶꦱ꧀ꦱꦺꦧꦸꦝꦭ꧀ꦱꦏ​꧊ꦲꦱꦺꦫꦺꦴꦠ꧀ꦧꦚ꧀ꦗꦸꦂꦥꦝꦩꦱꦁꦏꦺꦩꦃꦲꦤꦲꦶꦁꦲꦫꦲꦫꦱꦩꦸꦤ꧀ꦥꦫꦤ꧀꧉​