Jv/Alkitab/Wilangan/14

^14:1 ꦲꦤꦮꦺꦴꦁꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦱꦼꦮꦼꦔꦶꦝꦼꦒ꧀ꦥꦝꦤꦔꦶꦱ꧀ꦥꦠꦶꦁꦗ꧀ꦭꦼꦫꦶꦠ꧀꧉​

^14:2 ꦥꦝꦔ꧀ꦒꦸꦤ꧀ꦢꦼꦭ꧀ꦭꦶ​꧊ꦩꦸꦱꦭꦤ꧀ꦲꦫꦸꦤ꧀꧈​ꦠꦼꦩ꧀ꦧꦸꦁꦔꦺ꧈​"ꦫꦏ꧀ꦭꦸꦮꦶꦃꦧꦼꦕꦶꦏ꧀ꦏꦶꦠꦥꦝꦩꦠꦶꦲꦶꦁꦠꦤꦃ​꧊ꦩꦺꦱꦶꦂꦲꦸꦠꦮꦲꦶꦁꦱꦼꦒꦫꦮꦼꦝꦶꦏꦺꦤꦺ!

^14:3 ꦲꦥꦥꦽꦭꦸꦤꦺꦒꦸꦱ꧀ꦠꦶꦄꦭ꧀ꦭꦃꦔꦶꦫꦶꦢ꧀ꦏꦶꦠꦩꦼꦚꦁꦠꦤꦃ​꧊ꦏꦺꦤꦲꦤ꧀ꦏꦸꦮꦶ?ꦏꦶꦠꦫꦏ꧀ꦩꦸꦁꦧꦏꦭ꧀ꦩꦠꦶꦲꦶꦁꦥꦼꦥꦿꦁꦔꦤ꧀ꦭꦤ꧀ꦲꦤꦏ꧀ꦧꦺꦴꦗꦺꦴꦏꦶꦠꦢꦢꦶꦠꦮꦤ꧀ꦤꦤ꧀꧉​ꦲꦪꦺꦴ꧈​ꦏꦶꦠꦥꦝꦧꦭꦶꦮꦲꦺꦩꦼꦚꦁꦠꦤꦃ​꧊ꦩꦺꦱꦶꦂ!"

^14:4 ꦱꦶꦁꦱꦶꦗꦶꦧꦚ꧀ꦗꦸꦂꦏꦤ꧀ꦝꦏꦫꦺꦴꦱꦶꦗꦶꦤꦺ꧈​"ꦲꦪꦺꦴꦥꦝꦩꦶꦭꦶꦃꦥꦼꦩꦶꦩ꧀ꦥꦶꦤ꧀ꦭꦤ꧀ꦧꦭꦶꦩꦼꦚꦁ​꧊ꦩꦺꦱꦶꦂꦩꦼꦤꦺꦃ!"

^14:5 ​꧊ꦩꦸꦱꦭꦤ꧀ꦲꦫꦸꦤ꧀ꦧꦚ꧀ꦗꦸꦂꦥꦝꦗꦺꦁꦏꦺꦁꦲꦤꦲꦶꦁꦔꦉꦥ꧀ꦥꦺꦧꦁꦱ​꧊ꦆꦱꦿꦲꦺꦭ꧀꧉​

^14:6 ​꧊ꦪꦺꦴꦱꦸꦮꦧꦶꦤ꧀​꧊ꦤꦸꦤ꧀ꦭꦤ꧀ꦏꦭꦺꦧ꧀꧈​ꦱꦶꦁꦲꦸꦒꦥꦝꦢꦢꦶꦠꦼꦭꦶꦏ꧀ꦩꦲꦸ꧈​ꦥꦝꦚꦸꦮꦺꦏ꧀ꦚꦸꦮꦺꦏ꧀ꦱꦝꦁꦔꦤ꧀ꦤꦺ꧈​ꦩꦽꦠꦤ꧀ꦝꦤꦶꦱꦼꦝꦶꦃꦲꦶꦁꦲꦠꦶꦤꦺ꧉​

^14:7 ꦧꦚ꧀ꦗꦸꦂꦏꦤ꧀ꦝꦏꦫꦺꦴꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃ"ꦠꦤꦃꦱꦶꦁꦏꦶꦠꦢ꧀ꦭꦗꦃꦲꦶꦏꦲꦺꦲꦺꦴꦫꦲꦤꦱꦶꦁꦩꦝꦤꦶꦲꦥꦶꦏ꧀ꦏꦺ꧉​

^14:8 ꦪꦺꦤ꧀ꦲꦤꦏꦼꦥꦉꦁꦔꦺꦄꦭ꧀ꦭꦃ꧈​ꦥꦚ꧀ꦗꦼꦤꦼꦁꦔꦤ꧀ꦤꦺꦧꦏꦭ꧀ꦔꦶꦫꦶꦢ꧀ꦏꦶꦠꦩꦿꦤꦭꦤ꧀ꦩꦫꦶꦁꦔꦏꦺꦠꦤꦃꦱꦶꦁꦭꦺꦴꦃꦭꦤ꧀ꦱꦸꦧꦸꦂꦏꦸꦮꦶꦩꦫꦁꦏꦶꦠ꧉​

^14:9 ꦲꦗꦥꦝꦔ꧀ꦭꦮꦤ꧀ꦩꦫꦁꦏꦼꦂꦱꦤꦺꦄꦭ꧀ꦭꦃ꧉​ꦧꦁꦱꦧꦁꦱꦏꦸꦮꦶꦧꦏꦭ꧀ꦏꦶꦠꦠꦼꦭꦸꦏ꧀ꦏꦏꦺꦏ꧀ꦭꦮꦤ꧀ꦒꦩ꧀ꦥꦁ꧉​ꦲꦥꦄꦭ꧀ꦭꦃꦲꦺꦴꦫꦩꦶꦩ꧀ꦥꦶꦤ꧀ꦏꦶꦠ?ꦭꦤ꧀ꦥꦚ꧀ꦗꦼꦤꦼꦁꦔꦤ꧀ꦤꦺꦮꦶꦱ꧀ꦤꦼꦭꦸꦏ꧀ꦏꦏꦺꦥꦫꦢꦺꦮꦱꦶꦁꦔꦪꦺꦴꦩ꧀ꦩꦶꦧꦁꦱꦧꦁꦱꦩꦲꦸ꧉​ꦩꦸꦭꦤꦺꦲꦗꦮꦼꦢꦶ꧉"​

^14:10 ꦮꦺꦴꦁꦱꦶꦁꦔ꧀ꦭꦸꦩ꧀ꦥꦸꦏ꧀ꦲꦶꦁꦏꦺꦴꦤꦺꦴꦔꦚ꧀ꦕꦩ꧀ꦲꦉꦥ꧀ꦩ꧀ꦧꦼꦤ꧀ꦠꦸꦂꦫꦶꦮꦠꦸꦮꦺꦴꦁꦥꦥꦠ꧀ꦩꦲꦸꦔꦤ꧀ꦠꦶꦩꦠꦶ꧉​ꦢꦸꦩꦢꦏ꧀ꦏꦤ꧀ꦕꦲꦾꦏꦩꦸꦭꦾꦤꦺꦄꦭ꧀ꦭꦃꦔꦼꦠꦶꦔꦭ꧀ꦲꦶꦁꦱꦤ꧀ꦝꦸꦮꦸꦂꦫꦺꦏꦺꦩꦃꦱꦸꦕꦶ꧉​

^14:11 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱ꧈​"ꦥꦶꦫꦭꦮꦱ꧀ꦱꦺꦧꦁꦱꦲꦶꦏꦶꦲꦼꦁꦒꦺꦴꦤꦺꦔ꧀ꦭꦮꦤ꧀ꦩꦫꦁꦲꦏꦸ?ꦥꦶꦫꦱꦸꦮꦺꦤꦺꦲꦼꦁꦒꦺꦴꦤꦺꦠꦼꦠꦼꦥ꧀ꦲꦺꦴꦫꦔꦤ꧀ꦢꦼꦭ꧀ꦩꦫꦁꦲꦏꦸ꧈​ꦱꦼꦤꦗꦤ꧀ꦮꦶꦱ꧀ꦥꦝꦮꦼꦫꦸꦃꦏꦲꦺꦭꦺꦴꦏ꧀ꦏꦤ꧀ꦥꦶꦫꦁꦥꦶꦫꦁꦱꦶꦁꦢꦏ꧀ꦠꦶꦤ꧀ꦢꦏ꧀ꦏꦏꦺ?

^14:12 ꦩꦸꦭꦤꦺꦧꦁꦱꦲꦶꦏꦶꦧꦏꦭ꧀ꦢꦏꦺꦭꦶꦁꦔꦏꦺꦔꦁꦒꦺꦴꦥꦲꦸꦏꦸꦩ꧀ꦩꦤ꧀꧉​ꦭꦤ꧀ꦏꦺꦴꦮꦺ꧈​​꧊ꦩꦸꦱ꧈​ꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦊꦭꦸꦲꦸꦂꦫꦺꦧꦁꦱꦱꦶꦁꦭꦸꦮꦶꦃꦒꦼꦝꦺꦭꦤ꧀ꦭꦸꦮꦶꦃꦥꦿꦏꦺꦴꦱꦏꦼꦠꦶꦩ꧀ꦧꦁꦧꦁꦱꦲꦶꦏꦶ!"

^14:13 ꦤꦁꦔꦶꦁꦲꦠꦸꦂꦫꦺ​꧊ꦩꦸꦱ꧈​"ꦝꦸꦃꦄꦭ꧀ꦭꦃ꧈​ꦠꦶꦪꦁ​꧊ꦩꦺꦱꦶꦂꦱꦩ꧀ꦥꦸꦤ꧀ꦱꦩꦶꦩꦔꦼꦂꦠꦺꦴꦱ꧀꧈​ꦧꦶꦭꦶꦃꦥꦢꦸꦏꦥꦶꦪꦩ꧀ꦧꦏ꧀ꦲꦶꦁꦏꦁꦔꦶꦫꦶꦢ꧀ꦧꦁꦱꦩꦼꦤꦶꦏꦩꦼꦢꦭ꧀ꦱꦏꦶꦁꦠꦤꦃ​꧊ꦩꦺꦱꦶꦂ꧉​

^14:14 ꦭꦤ꧀ꦕꦿꦶꦪꦺꦴꦱ꧀ꦩꦼꦤꦶꦏꦱꦩ꧀ꦥꦸꦤ꧀ꦏꦺꦴꦝꦁꦲꦶꦁꦔꦠꦱ꧀ꦱꦶꦥꦸꦤ꧀ꦧꦁꦱꦧꦁꦱꦲꦶꦁꦔꦿꦶꦏꦶ꧉​ꦢꦢꦺꦴꦱ꧀ꦱꦩ꧀ꦥꦸꦤ꧀ꦱꦩꦶꦩꦔꦼꦂꦠꦺꦴꦱ꧀ꦧꦶꦭꦶꦃꦥꦢꦸꦏꦤꦸꦤ꧀ꦠꦸꦤ꧀ꦧꦁꦱꦩꦼꦤꦶꦏ꧉​ꦲꦸꦒꦶꦱꦩ꧀ꦥꦸꦤ꧀ꦱꦩꦶꦩꦶꦉꦁ꧈​ꦧꦶꦭꦶꦃꦥꦢꦸꦏꦔꦼꦠꦶꦔꦭ꧀ꦏꦭꦪꦤ꧀ꦕꦼꦛꦩꦼꦤꦮꦶꦩꦺꦒꦥꦢꦸꦏꦏꦺꦤ꧀ꦢꦼꦭ꧀ꦲꦶꦁꦱꦔꦶꦁꦒꦶꦭ꧀ꦏꦸꦭꦱꦼꦢꦪ꧉​ꦲꦶꦁꦮꦚ꧀ꦕꦶꦱꦶꦪꦁꦥꦢꦸꦏꦔꦿꦸꦩꦶꦪꦤꦶꦭꦩ꧀ꦥꦃꦏꦮꦸꦭꦱꦼꦢꦪꦲꦶꦁꦱꦊꦧꦼꦠ꧀ꦠꦶꦁꦩꦺꦒ꧈​ꦱꦂꦠꦩꦼꦤꦮꦶꦢꦭꦸꦲꦶꦁꦱꦊꦧꦠ꧀ꦠꦶꦁꦠꦸꦒꦸꦭꦠꦸ꧉​

^14:15 ꦩꦼꦤꦮꦶꦥꦢꦸꦏꦚꦶꦂꦤꦏ꧀ꦏꦏꦼꦤ꧀ꦲꦸꦩꦠ꧀ꦩꦼꦤꦶꦏ꧈​ꦧꦁꦱꦧꦁꦱꦲꦶꦁꦏꦁꦱꦩ꧀ꦥꦸꦤ꧀ꦱꦩꦶꦩꦶꦉꦁꦧꦧ꧀ꦥꦔ꧀ꦮꦲꦺꦴꦱ꧀ꦥꦢꦸꦏ꧈​ꦱꦩꦶꦧꦝꦺꦕꦿꦶꦪꦺꦴꦱ꧀꧈​

^14:16 ꦧꦶꦭꦶꦃꦥꦢꦸꦏꦱꦩ꧀ꦥꦸꦤ꧀ꦩꦼꦗꦃꦲꦶꦲꦸꦩꦠ꧀ꦩꦼꦤꦶꦏꦲꦶꦁꦲꦫꦲꦫꦱꦩꦸꦤ꧀꧈​ꦩꦼꦂꦒꦶꦩ꧀ꦧꦺꦴꦠꦼꦤ꧀ꦱꦒꦼꦢ꧀ꦔꦶꦫꦶꦢ꧀ꦲꦸꦩꦠ꧀ꦩꦼꦤꦶꦏꦩ꧀ꦭꦼꦧꦼꦠ꧀ꦲꦶꦁꦤꦼꦒꦫꦶ꧈​ꦲꦶꦁꦏꦁꦱꦩ꧀ꦥꦸꦤ꧀ꦥꦢꦸꦏꦗꦚ꧀ꦗꦺꦏ꧀ꦏꦏꦼꦤ꧀꧉​

^14:17 ꦥꦿꦩꦶꦭ꧈​ꦝꦸꦃꦥꦔꦺꦫꦤ꧀꧈​ꦥꦢꦸꦏꦏꦼꦂꦱꦲꦔꦼꦠꦶꦔꦭ꧀ꦭꦏꦼꦤ꧀ꦥꦔ꧀ꦮꦲꦺꦴꦱ꧀ꦥꦢꦸꦏꦝꦠꦼꦁꦥꦫꦲꦧ꧀ꦢꦶꦥꦢꦸꦏ꧈​ꦭꦤ꧀ꦏꦼꦂꦱꦲꦤꦶꦤ꧀ꦢꦏ꧀ꦏꦏꦼꦤ꧀ꦩꦼꦤꦥꦲꦶꦁꦏꦁꦱꦩ꧀ꦥꦸꦤ꧀ꦥꦢꦸꦏꦗꦚ꧀ꦗꦺꦏ꧀ꦏꦏꦼꦤ꧀꧉​ꦥꦢꦸꦏꦱꦩ꧀ꦥꦸꦤ꧀ꦔꦤ꧀ꦢꦶꦏ꧈​

^14:18 ‘ꦲꦏꦸ꧈​ꦄꦭ꧀ꦭꦃꦲꦺꦴꦫꦒꦩ꧀ꦥꦁꦢꦸꦏ꧉​ꦱꦶꦃꦭꦤ꧀ꦏꦱꦼꦠꦾꦤ꧀ꦏꦸꦢꦏ꧀ꦥꦫꦶꦁꦔꦏꦺꦏ꧀ꦭꦮꦤ꧀ꦭꦸꦧꦺꦂ꧉​ꦲꦏꦸꦔꦥꦸꦫꦩꦫꦁꦮꦺꦴꦁꦱꦶꦁꦤꦼꦫꦏ꧀ꦮꦼꦮꦊꦂꦏꦸꦭꦤ꧀ꦔ꧀ꦭꦮꦤ꧀ꦩꦫꦁꦲꦏꦸ꧉​ꦱꦼꦤꦗꦤ꧀ꦩꦼꦁꦏꦺꦴꦤꦺꦴꦥꦲꦸꦏꦸꦩ꧀ꦩꦤ꧀ꦠꦸꦩꦿꦥ꧀ꦏꦭꦸꦥꦸꦠ꧀ꦠꦤ꧀ꦤꦺꦥꦫꦧꦥꦏ꧀ꦧꦏꦭ꧀ꦢꦏ꧀ꦠꦶꦧꦏ꧀ꦏꦏꦺꦩꦫꦁꦲꦤꦥꦸꦠꦸꦤꦺ꧈​ꦠꦸꦫꦸꦤ꧀ꦥꦶꦁꦠꦼꦭꦸꦭꦤ꧀ꦥꦶꦁꦥꦠ꧀꧉’​

^14:19 ꦱꦩꦼꦤꦶꦏ꧈​ꦝꦸꦃꦄꦭ꧀ꦭꦃ꧈​ꦩꦼꦂꦒꦶꦥꦢꦸꦏꦔꦱꦶꦃꦲꦶꦲꦸꦩꦠ꧀ꦩꦼꦤꦶꦏꦭꦤ꧀ꦱꦼꦠꦾꦝꦠꦼꦁꦗꦚ꧀ꦗꦶꦥꦢꦸꦏ꧈​ꦏꦮꦸꦭꦚꦸꦮꦸꦤ꧀ꦏꦼꦂꦱꦲꦔꦥꦸꦤ꧀ꦠꦼꦤ꧀ꦢꦺꦴꦱꦤꦶꦥꦸꦤ꧀ꦲꦸꦩꦠ꧀ꦩꦼꦤꦶꦏ꧈​ꦏꦢꦺꦴꦱ꧀ꦢꦺꦤꦺꦲꦼꦁꦒꦺꦤ꧀ꦥꦢꦸꦏꦔꦥꦸꦤ꧀ꦠꦼꦤ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦮꦶꦮꦶꦠ꧀ꦱꦩꦶꦩꦼꦢꦭ꧀ꦱꦏꦶꦁꦠꦤꦃ​꧊ꦩꦺꦱꦶꦂ꧉"​

^14:20 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏ꧈​"ꦪꦮꦶꦱ꧀꧈​ꦲꦏꦸꦧꦏꦭ꧀ꦔꦥꦸꦫꦢꦺꦴꦱꦤꦺꦲꦸꦩꦠ꧀ꦲꦶꦏꦶ꧈​ꦏꦪꦥꦚꦸꦮꦸꦤ꧀ꦩꦸ꧉​

^14:21 ꦤꦁꦔꦶꦁꦲꦏꦸꦗꦚ꧀ꦗꦶꦔꦁꦒꦺꦴꦝꦱꦂꦒꦼꦱꦁꦏꦸꦥꦶꦪꦩ꧀ꦧꦏ꧀ꦭꦤ꧀ꦏꦭꦸꦲꦸꦂꦫꦤ꧀ꦏꦸꦱꦶꦁꦔꦺꦧꦼꦏ꧀ꦏꦶꦧꦸꦩꦶ꧈​

^14:22 ꦮꦺꦴꦁꦲꦶꦏꦶꦏꦧꦺꦃꦱꦶꦗꦶꦮꦲꦺꦲꦺꦴꦫꦲꦤꦱꦶꦁꦊꦱ꧀ꦠꦫꦶꦭꦤ꧀ꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦏ꧀ꦗꦚ꧀ꦗꦺꦏ꧀ꦏꦏꦺꦩꦫꦁꦥꦫꦊꦭꦸꦲꦸꦂꦫꦺ꧈​ꦩꦼꦂꦒꦲꦺꦴꦫꦥꦝꦩ꧀ꦧꦔꦸꦤ꧀ꦠꦸꦫꦸꦠ꧀ꦩꦫꦁꦲꦏꦸꦭꦤ꧀ꦲꦺꦴꦫꦲꦸꦮꦶꦱ꧀ꦲꦸꦮꦶꦱ꧀ꦚꦺꦴꦧꦩꦫꦁꦲꦏꦸ꧉​ꦩꦁꦏꦮꦶꦱ꧀ꦥꦝꦮꦼꦫꦸꦃꦏꦩꦸꦭꦾꦤ꧀ꦏꦸ꧉​ꦩꦁꦏꦮꦶꦱ꧀ꦥꦝꦮꦼꦫꦸꦃꦏꦩꦸꦭꦾꦤ꧀ꦏꦸꦱꦶꦁꦩ꧀ꦧ꧀ꦭꦼꦉꦁꦔꦶ꧈​ꦭꦤ꧀ꦏꦲꦺꦭꦺꦴꦏꦤ꧀ꦏꦲꦺꦭꦺꦴꦏꦤ꧀ꦱꦶꦁꦢꦏ꧀ꦠꦶꦤ꧀ꦢꦏ꧀ꦏꦏꦺꦲꦶꦁꦠꦤꦃ​꧊ꦩꦺꦱꦶꦂꦭꦤ꧀ꦲꦶꦁꦲꦫꦲꦫꦱꦩꦸꦤ꧀꧉​

^14:23 ꦮꦺꦴꦁꦮꦺꦴꦁꦏꦸꦮꦶꦩꦼꦱ꧀ꦛꦶꦲꦺꦴꦫꦧꦏꦭ꧀ꦩ꧀ꦭꦼꦧꦸꦲꦶꦁꦠꦤꦃꦥꦽꦗꦚ꧀ꦗꦶꦪꦤ꧀꧉​ꦲꦶꦁꦲꦤ꧀ꦠꦫꦤꦺꦮꦺꦴꦁꦮꦺꦴꦁꦩꦲꦸꦲꦺꦴꦫꦧꦏꦭ꧀ꦲꦤꦱꦶꦁꦤꦥꦏ꧀ꦏꦏꦺꦱꦶꦏꦶꦭ꧀ꦭꦺꦲꦶꦁꦠꦤꦃꦏꦺꦴꦤꦺꦴ꧉​

^14:24 (14:24-25)ꦏꦼꦗꦧꦲꦧ꧀ꦢꦶꦏꦸꦏꦭꦺꦧ꧀꧉​ꦝꦺꦮꦺꦏ꧀ꦏꦺꦱꦼꦠꦾꦩꦫꦁꦲꦏꦸ꧉​ꦩꦸꦭꦤꦺꦧꦏꦭ꧀ꦢꦏ꧀ꦒꦮꦩꦼꦚꦁꦠꦤꦃꦱꦶꦁꦮꦶꦱ꧀ꦢꦶꦢ꧀ꦭꦗꦃꦲꦶ꧉​ꦠꦤꦃꦔꦫꦺꦱꦶꦁꦢꦶꦲꦼꦁꦒꦺꦴꦤ꧀ꦤꦶꦮꦺꦴꦁ​꧊ꦄꦩꦭꦺꦏ꧀ꦭꦤ꧀ꦮꦺꦴꦁ​꧊ꦏꦺꦤꦲꦤ꧀ꦱꦲꦶꦏꦶꦧꦏꦭ꧀ꦢꦢꦶꦢꦸꦮꦺꦏ꧀ꦏꦺꦲꦤꦏ꧀ꦠꦸꦫꦸꦤꦺꦏꦭꦺꦧ꧀꧈​ꦲꦧ꧀ꦢꦶꦏꦸ꧉​ꦢꦢꦶꦱꦺꦱꦸꦏ꧀ꦏꦺꦴꦮꦺ꧈​​꧊ꦩꦸꦱ꧈​ꦧꦭꦶꦪꦩꦼꦚꦁꦲꦫꦲꦫꦱꦩꦸꦤ꧀꧈​ꦱꦶꦁꦠꦼꦏꦤ꧀ꦠꦼꦭꦸꦏ꧀​꧊ꦄꦏꦧ꧉"​

^14:25 (14:24)

^14:26 ꦥꦔꦤ꧀ꦢꦶꦏꦤꦺꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​

^14:27 "ꦲꦶꦱꦶꦃꦥꦶꦫꦭꦮꦱ꧀ꦱꦺꦮꦺꦴꦁꦮꦺꦴꦁꦲꦭꦲꦶꦏꦶꦲꦼꦁꦒꦺꦴꦤꦺꦔꦼꦢꦸꦩꦼꦭ꧀ꦔ꧀ꦭꦮꦤ꧀ꦩꦫꦁꦲꦏꦸ?ꦲꦏꦸꦮꦶꦱ꧀ꦧꦺꦴꦱꦼꦤ꧀ꦔꦿꦸꦔꦺꦴꦏ꧀ꦏꦏꦺꦥꦁꦒꦸꦤ꧀ꦢꦼꦭ꧀ꦭꦺ!

^14:28 ꦥꦝꦮꦁꦱꦸꦭ꧀ꦭꦤ꧀ꦤꦩꦼꦁꦏꦺꦤꦺ;ꦄꦭ꧀ꦭꦃꦔꦤ꧀ꦢꦶꦏ꧈​‘ꦲꦏꦸꦱꦸꦩ꧀ꦥꦃꦔꦁꦒꦺꦴꦝꦱꦂꦲꦱ꧀ꦩꦏꦸꦝꦺꦮꦺ꧈​ꦏꦺꦴꦮꦺꦧꦏꦭ꧀ꦏꦼꦠꦼꦏ꧀ꦏꦤ꧀ꦏꦪꦱꦶꦁꦏꦺꦴꦏ꧀ꦗꦭꦸꦏ꧀ꦝꦺꦮꦺ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦏꦪꦩꦼꦁꦏꦺꦴꦤꦺꦴꦥꦔꦤ꧀ꦢꦶꦏꦏꦸ꧉​

^14:29 (14:29-30)ꦏꦺꦴꦮꦺꦧꦏꦭ꧀ꦥꦝꦩꦠꦶꦭꦤ꧀ꦭꦪꦺꦴꦤ꧀ꦩꦸꦧꦏꦭ꧀ꦥꦠꦶꦁꦒ꧀ꦭꦺꦛꦏ꧀ꦲꦤꦲꦶꦁꦱꦼꦒꦫꦮꦼꦝꦶꦏꦺꦤꦺ꧉​ꦏꦼꦗꦧꦏꦭꦺꦧ꧀ꦭꦤ꧀​꧊ꦪꦺꦴꦱꦸꦮꦲꦺꦴꦫꦲꦤꦥꦤꦸꦁꦒꦭ꧀ꦭꦤ꧀ꦩꦸꦱꦶꦁꦲꦸꦩꦸꦂꦫꦺꦫꦺꦴꦁꦥꦸꦭꦸꦃꦠꦲꦸꦤ꧀ꦩꦸꦁꦒꦃꦧꦏꦭ꧀ꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦏ꧀ꦗꦚ꧀ꦗꦺꦏ꧀ꦏꦏꦺꦩꦫꦁꦏꦺꦴꦮꦺ꧉​

^14:30 (14:29)

^14:31 ꦏꦺꦴꦮꦺꦥꦝꦔꦸꦕꦥ꧀ꦪꦺꦤ꧀ꦲꦤꦏ꧀ꦲꦤꦏ꧀ꦩꦸꦧꦏꦭ꧀ꦢꦢꦶꦠꦮꦤ꧀ꦤꦤ꧀!ꦤꦁꦔꦶꦁꦧꦺꦴꦕꦃꦧꦺꦴꦕꦃꦏꦸꦮꦶꦱꦶꦁꦧꦏꦭ꧀ꦢꦏ꧀ꦒꦮꦩ꧀ꦭꦼꦧꦸꦲꦶꦁꦠꦤꦃ꧈​ꦱꦶꦁꦏꦺꦴꦏ꧀ꦠꦩ꧀ꦥꦶꦏ꧀ꦩꦲꦸ;ꦭꦤ꧀ꦠꦤꦃꦏꦺꦴꦤꦺꦴꦧꦏꦭ꧀ꦢꦢꦶꦢꦸꦮꦺꦏ꧀ꦏꦺ꧉​

^14:32 ꦢꦺꦤꦺꦏꦺꦴꦮꦺꦧꦏꦭ꧀ꦥꦝꦩꦠꦶꦲꦶꦁꦱꦼꦒꦫꦮꦼꦝꦶꦏꦺꦤꦺ꧉​

^14:33 ꦲꦤꦏ꧀ꦲꦤꦏ꧀ꦩꦸꦧꦏꦭ꧀ꦔ꧀ꦭꦼꦩ꧀ꦧꦂꦫꦲꦶꦁꦲꦫꦲꦫꦱꦩꦸꦤ꧀ꦏꦺꦤꦺꦔꦤ꧀ꦠꦶꦥꦠꦁꦥꦸꦭꦸꦃꦠꦲꦸꦤ꧀ꦭꦮꦱ꧀ꦱꦺ꧉​ꦩꦼꦂꦒꦲꦼꦁꦒꦺꦴꦤ꧀ꦩꦸꦲꦺꦴꦫꦱꦼꦠꦾ꧈​ꦲꦤꦏ꧀ꦲꦤꦏ꧀ꦩꦸꦧꦏꦭ꧀ꦥꦝꦤꦤ꧀ꦝꦁꦱꦁꦱꦫ꧈​ꦔꦤ꧀ꦠꦶꦮꦺꦴꦁꦥꦤꦸꦁꦒꦭ꧀ꦭꦤ꧀ꦩꦸꦱꦶꦁꦥꦸꦁꦏꦱ꧀ꦱꦤ꧀ꦩꦠꦶ꧉​

^14:34 ꦏꦺꦴꦮꦺꦧꦏꦭ꧀ꦥꦝꦚꦁꦒꦢꦺꦴꦱꦩꦸꦔꦤ꧀ꦠꦶꦥꦠꦁꦥꦸꦭꦸꦃꦠꦲꦸꦤ꧀ꦭꦮꦱ꧀ꦱꦺ꧈​ꦩꦶꦠꦸꦫꦸꦠ꧀ꦕꦕꦃꦲꦺꦢꦶꦤꦲꦼꦁꦒꦺꦴꦤ꧀ꦩꦸꦥꦝꦤꦼꦭꦶꦏ꧀ꦤ꧀ꦢ꧀ꦭꦗꦃꦲꦶꦠꦤꦃꦩꦲꦸ꧈​ꦪꦏꦸꦮꦶꦥꦠꦁꦥꦸꦭꦸꦃꦢꦶꦤ;ꦱꦼꦢꦶꦤꦏꦲꦺꦠꦸꦁꦱꦼꦠꦲꦸꦤ꧀꧉​ꦏꦺꦴꦮꦺꦧꦏꦭ꧀ꦔꦿꦱꦏ꧀ꦏꦏꦺꦏꦼꦥꦿꦶꦪꦺꦫꦱꦤꦺꦪꦺꦤ꧀ꦢꦏ꧀ꦱꦶꦁꦏꦸꦂ!

^14:35 ꦲꦏꦸꦱꦸꦩ꧀ꦥꦃꦪꦺꦤ꧀ꦲꦏꦸꦧꦏꦭ꧀ꦤꦶꦤ꧀ꦢꦏ꧀ꦏꦏꦺꦱꦶꦁꦩꦼꦁꦏꦺꦴꦤꦺꦴꦩꦲꦸꦩꦫꦁꦏꦺꦴꦮꦺ;ꦭꦤ꧀ꦮꦺꦴꦁꦲꦭꦱꦶꦁꦥꦝꦱꦲꦶꦪꦼꦒ꧀ꦔ꧀ꦭꦮꦤ꧀ꦩꦫꦁꦲꦏꦸ꧉​ꦲꦶꦁꦱꦼꦒꦫꦮꦼꦝꦶꦏꦺꦤꦺꦏꦺꦴꦮꦺꦏꦧꦺꦃꦧꦏꦭ꧀ꦔꦭꦩ꧀ꦩꦶꦩꦠꦶ꧉​ꦲꦏꦸ꧈​ꦥꦔꦺꦫꦤ꧀ꦱꦶꦁꦔꦤ꧀ꦢꦶꦏ!’"

^14:36 (14:36-37)ꦮꦺꦴꦁꦮꦺꦴꦁꦱꦶꦁꦥꦝꦢꦶꦏꦺꦴꦁꦏꦺꦴꦤ꧀​꧊ꦩꦸꦱꦤꦼꦭꦶꦏ꧀ꦲꦶꦁꦠꦤꦃ​꧊ꦏꦺꦤꦲꦤ꧀ꦱꦧꦭꦶꦤꦺꦥꦝꦒꦮꦺꦭꦥꦺꦴꦂꦫꦤ꧀ꦱꦶꦁꦲꦺꦴꦫꦚꦠ꧈​ꦔꦤ꧀ꦠꦶꦤ꧀ꦢꦢꦺꦏ꧀ꦏꦏꦺꦮꦺꦴꦁ​꧊ꦆꦱꦿꦲꦺꦭ꧀ꦥꦝꦔꦼꦢꦸꦩꦼꦭ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃ꧉​ꦩꦸꦭꦤꦺꦥꦝꦢꦶꦲꦸꦏꦸꦩ꧀ꦱꦿꦤꦥꦒꦼꦧ꧀ꦭꦸꦒ꧀꧈​ꦏꦁꦚ꧀ꦗꦭꦂꦫꦶꦥꦠꦶꦤꦺ꧉​

^14:37 (14:36)

^14:38 ꦥꦤꦸꦁꦒꦭ꧀ꦭꦤ꧀ꦤꦺꦮꦺꦴꦁꦫꦺꦴꦭꦱ꧀ꦱꦶꦁꦤꦼꦭꦶꦏ꧀ꦠꦤꦃ​꧊ꦏꦺꦤꦲꦤ꧀꧈​ꦩꦸꦁ​꧊ꦪꦺꦴꦱꦸꦮꦭꦤ꧀ꦏꦭꦺꦧ꧀ꦝꦺꦮꦺꦱꦶꦁꦥꦝꦊꦱ꧀ꦠꦫꦶꦲꦸꦫꦶꦥ꧀꧉​

^14:39 ꦤꦭꦶꦏ​꧊ꦩꦸꦱꦔ꧀ꦭꦤ꧀ꦠꦂꦫꦏꦺꦝꦮꦸꦃꦲꦺꦥꦔꦺꦫꦤ꧀ꦩꦲꦸꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦏꦧꦺꦃꦥꦝꦱꦼꦝꦶꦃꦧꦔꦼꦠ꧀꧉​

^14:40 ꦲꦺꦱꦸꦏ꧀ꦏꦺꦲꦶꦱꦶꦃꦲꦸꦩꦸꦤ꧀ꦲꦸꦩꦸꦤ꧀ꦮꦺꦴꦁꦮꦺꦴꦁꦩꦲꦸꦥꦝꦠꦠꦠꦠꦲꦉꦥ꧀ꦔ꧀ꦭꦸꦫꦸꦒ꧀ꦩꦼꦚꦁꦢꦲꦺꦫꦃꦥꦼꦒꦸꦤꦸꦁꦔꦤ꧀꧉​ꦠꦼꦩ꧀ꦧꦸꦁꦔꦺ꧈​"ꦥꦚ꧀ꦕꦺꦤ꧀ꦲꦏꦸꦮꦶꦱ꧀ꦥꦝꦔ꧀ꦭꦏꦺꦴꦤ꧀ꦤꦶꦢꦺꦴꦱ꧉​ꦤꦁꦔꦶꦁꦱꦲꦶꦏꦶꦲꦏꦸꦲꦉꦥ꧀ꦥꦝꦩꦼꦚꦁꦠꦤꦃꦱꦶꦁꦢꦶꦔꦤ꧀ꦢꦶꦏꦏ꧀ꦏꦏꦺꦩꦫꦁꦏꦶꦠ꧉"​

^14:41 ꦤꦁꦔꦶꦁ​꧊ꦩꦸꦱꦏꦤ꧀ꦝ꧈​"ꦪꦒꦺꦤꦺꦱꦲꦶꦏꦶꦏꦺꦴꦮꦺꦲꦉꦥ꧀ꦔ꧀ꦭꦁꦒꦂꦝꦮꦸꦃꦲꦺꦄꦭ꧀ꦭꦃ?ꦏꦺꦴꦮꦺꦲꦺꦴꦫꦧꦏꦭ꧀ꦲꦺꦴꦭꦺꦃꦒꦮꦺ!

^14:42 ꦲꦗꦥꦝꦭꦸꦔ꧉​ꦏꦺꦴꦮꦺꦧꦏꦭ꧀ꦏꦭꦃꦥꦼꦫꦁꦩꦸꦩꦼꦂꦒꦄꦭ꧀ꦭꦃꦲꦺꦴꦫꦤꦸꦁꦒꦶꦭ꧀ꦏꦫꦺꦴꦏꦺꦴꦮꦺ꧉​

^14:43 ꦪꦺꦤ꧀ꦏꦺꦴꦮꦺꦥꦼꦫꦁꦏꦫꦺꦴꦮꦺꦴꦁ​꧊ꦄꦩꦭꦺꦏ꧀ꦭꦤ꧀ꦮꦺꦴꦁ​꧊ꦏꦺꦤꦲꦤ꧀꧈​ꦏꦺꦴꦮꦺꦏꦧꦺꦃꦧꦏꦭ꧀ꦩꦠꦶꦲꦶꦁꦥꦼꦥꦿꦁꦔꦤ꧀꧉​ꦄꦭ꧀ꦭꦃꦲꦺꦴꦫꦧꦏꦭ꧀ꦩꦶꦠꦸꦭꦸꦁꦔꦶꦏꦺꦴꦮꦺ꧈​ꦩꦼꦂꦒꦏꦺꦴꦮꦺꦥꦝꦩ꧀ꦧꦭꦺꦭꦩꦫꦁꦥꦚ꧀ꦗꦼꦤꦼꦁꦔꦤ꧀ꦤꦺ꧉"​

^14:44 ꦲꦺꦮꦱꦼꦩꦺꦴꦤꦺꦴꦮꦺꦴꦁꦮꦺꦴꦁ​꧊ꦆꦱꦿꦲꦺꦭ꧀ꦩꦲꦸꦥꦝꦲꦺꦴꦫꦔꦿꦺꦮꦺꦱ꧀꧈​ꦩꦭꦃꦠꦤ꧀ꦥꦢꦶꦥꦶꦏꦶꦂꦢꦮꦥꦝꦩꦼꦚꦁꦢꦲꦺꦫꦃꦥꦼꦒꦸꦤꦸꦁꦔꦤ꧀꧈​ꦱꦼꦤꦗꦤ꧀​꧊ꦩꦸꦱꦭꦤ꧀ꦥꦼꦛꦶꦤꦺꦥꦽꦗꦚ꧀ꦗꦶꦪꦤ꧀ꦲꦺꦴꦫꦩꦺꦭꦸꦩꦁꦏꦠ꧀꧉​

^14:45 ꦮꦺꦴꦁ​꧊ꦄꦩꦭꦺꦏ꧀ꦭꦤ꧀ꦮꦺꦴꦁ​꧊ꦏꦺꦤꦲꦤ꧀ꦱꦶꦁꦥꦝꦩꦁꦒꦺꦴꦤ꧀ꦲꦶꦁꦏꦤꦥꦝꦔ꧀ꦭꦮꦤ꧀ꦮꦺꦴꦁ​꧊ꦆꦱꦿꦲꦺꦭ꧀꧈​ꦠꦼꦩꦃꦮꦺꦴꦁ​꧊ꦆꦱꦿꦲꦺꦭ꧀ꦥꦝꦏꦭꦃ꧈​ꦱꦂꦠꦢꦶꦲꦺꦴꦪꦏ꧀ꦔꦤ꧀ꦠꦶꦠꦼꦏꦤ꧀ꦏꦸꦛ​꧊ꦲꦺꦴꦂꦩ꧉​