Jv/Alkitab/Wilangan/8

^8:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^8:2 "ꦲꦫꦸꦤ꧀ꦏꦤ꧀ꦝꦤ꧀ꦤꦤ꧈​ꦪꦺꦤ꧀ꦩꦱꦁꦭꦩ꧀ꦥꦸꦥꦶꦠꦸꦲꦶꦁꦥꦼꦢꦩꦂꦫꦤ꧀ꦏꦸꦢꦸꦢꦶꦲꦠꦸꦂꦱꦸꦥꦪꦱꦸꦤꦂꦫꦺꦩꦼꦔꦉꦥ꧀꧉"​

^8:3 ꦲꦫꦸꦤ꧀ꦲꦶꦪꦧꦚ꧀ꦗꦸꦂꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦲꦸ꧉​ꦭꦩ꧀ꦥꦸꦭꦩ꧀ꦥꦸꦢꦶꦥꦱꦁꦩꦶꦠꦸꦫꦸꦠ꧀ꦲꦝꦼꦥ꧀ꦥꦺꦥꦼꦢꦩꦂꦫꦤ꧀꧉​

^8:4 ꦥꦼꦢꦩꦂꦫꦤ꧀ꦏꦸꦮꦶꦱꦏꦤ꧀ꦝꦸꦮꦸꦂꦠꦼꦏꦤ꧀ꦔꦶꦱꦺꦴꦂꦢꦶꦒꦮꦺꦱꦏꦲꦼꦩꦱ꧀ꦩꦸꦂꦤꦶ꧈​ꦩꦶꦠꦸꦫꦸꦠ꧀ꦕꦺꦴꦤ꧀ꦠꦺꦴꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦩꦸꦱ꧉​

^8:5 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^8:6 "ꦮꦺꦴꦁꦮꦺꦴꦁ​꧊ꦭꦺꦮꦶꦥꦝꦝꦺꦮꦺꦏ꧀ꦤ꧈​ꦥꦶꦱꦃꦲꦼꦤ꧀ꦏꦫꦺꦴꦲꦸꦩꦠ꧀​꧊ꦆꦱꦿꦲꦺꦭ꧀ꦭꦶꦪꦤꦺ꧈​ꦭꦤ꧀ꦔꦁꦒꦺꦴꦲꦸꦥꦕꦫꦥꦱꦸꦕꦺꦤ꧀

^8:7 ꦕꦫꦤꦺꦩꦼꦁꦏꦺꦤꦺ:ꦮꦺꦴꦁꦮꦺꦴꦁꦩꦲꦸꦏꦼꦥꦾꦸꦂꦫꦤꦔꦁꦒꦺꦴꦧꦚꦸꦱꦸꦕꦶꦱꦶꦁꦩ꧀ꦭꦶꦒꦶꦏꦁꦒꦺꦴꦲꦸꦥꦕꦫ꧈​ꦭꦤ꧀ꦏꦺꦴꦤ꧀ꦤꦼꦤ꧀ꦚꦸꦏꦸꦂꦲꦮꦏ꧀ꦏꦺꦱꦼꦏꦺꦴꦗꦸꦂꦱꦂꦠꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ꧈​ꦱꦸꦥꦪꦥꦝꦢꦢꦶꦱꦸꦕꦶꦩꦶꦠꦸꦫꦸꦠ꧀ꦥꦽꦤꦠꦤꦺꦲꦒꦩ꧉​

^8:8 ꦧꦚ꧀ꦗꦸꦂꦏꦺꦴꦤ꧀ꦤꦼꦤ꧀ꦚ꧀ꦗꦸꦥꦸꦏ꧀ꦱꦥꦶꦭꦤꦁꦲꦼꦤꦺꦴꦩ꧀ꦱꦶꦗꦶꦭꦤ꧀ꦏꦸꦂꦧꦤ꧀ꦒꦤ꧀ꦢꦸꦩ꧀ꦱꦥꦽꦭꦸꦤꦺ꧈​ꦪꦏꦸꦮꦶꦒ꧀ꦭꦼꦥꦸꦁꦱꦶꦁꦢꦶꦲꦸꦊꦠ꧀ꦏꦫꦺꦴꦊꦔꦗ꦳ꦲꦶꦠꦸꦤ꧀꧉​ꦭꦤ꧀ꦏꦺꦴꦮꦺ꧈​​꧊ꦩꦸꦱ꧈​ꦏꦸꦢꦸꦚ꧀ꦗꦸꦥꦸꦏ꧀ꦱꦥꦶꦭꦤꦁꦱꦶꦗꦶꦲꦼꦁꦏꦱ꧀ꦢꦶꦲꦼꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​

^8:9 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦩꦼꦁꦏꦺꦴꦤꦺꦴꦲꦸꦒꦮꦺꦴꦁ​꧊ꦭꦺꦮꦶꦥꦝꦏ꧀ꦭꦸꦩ꧀ꦥꦸꦏ꧀ꦤꦲꦶꦁꦥ꧀ꦭꦠꦂꦫꦤ꧀ꦤꦺꦏꦺꦩꦃꦱꦸꦕꦶ꧉​

^8:10 ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦱꦶꦫꦃꦲꦺꦮꦺꦴꦁꦮꦺꦴꦁ​꧊ꦭꦺꦮꦶ꧉​

^8:11 ꦱꦼꦧꦚ꧀ꦗꦸꦂꦫꦺꦲꦫꦸꦤ꧀ꦏꦸꦢꦸꦚꦲꦺꦴꦱ꧀ꦱꦏꦺꦮꦺꦴꦁꦮꦺꦴꦁ​꧊ꦭꦺꦮꦶꦩꦲꦸꦢꦢꦶꦥꦶꦱꦸꦁꦱꦸꦁꦔꦺꦲꦸꦩꦠ꧀​꧊ꦆꦱꦿꦲꦺꦭ꧀꧉​ꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦲꦏꦸ꧈​ꦱꦸꦥꦪꦧꦶꦱꦤꦶꦤ꧀ꦢꦏ꧀ꦏꦏꦺꦥꦼꦒꦮꦺꦪꦤ꧀ꦤꦺꦏꦒꦼꦩ꧀ꦲꦏꦸ꧉​

^8:12 ꦮꦺꦴꦁ​꧊ꦭꦺꦮꦶꦤꦸꦭꦶꦏꦸꦢꦸꦥꦝꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦱꦥꦶꦭꦤꦁꦭꦺꦴꦫꦺꦴꦩꦲꦸ꧈​ꦱꦶꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦱꦿꦤꦲꦸꦥꦕꦫꦩꦲꦸꦮꦺꦴꦁꦮꦺꦴꦁ​꧊ꦭꦺꦮꦶꦢꦶꦭꦸꦮꦂꦫꦶꦱꦏꦢꦺꦴꦱꦢꦺꦴꦱꦤꦺ꧉​

^8:13 ꦮꦺꦴꦁꦮꦺꦴꦁ​꧊ꦭꦺꦮꦶꦏꦸꦮꦶꦢꦢꦶꦪꦥꦶꦱꦸꦁꦱꦸꦁꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦲꦏꦸ꧉​ꦢꦺꦤꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦝꦮꦸꦃꦲꦤꦢꦢꦶꦥꦼꦁꦒꦼꦝꦺꦤꦺ꧉​

^8:14 ꦱꦿꦤꦕꦫꦩꦼꦁꦏꦺꦴꦤꦺꦴꦏꦺꦴꦮꦺꦏꦸꦢꦸꦩꦶꦭꦶꦃꦥꦫꦮꦺꦴꦁ​꧊ꦭꦺꦮꦶꦱꦏꦲꦶꦁꦲꦤ꧀ꦠꦫꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦭꦶꦪꦤꦺ꧈​ꦩ꧀ꦭꦶꦒꦶꦢꦢꦶꦏꦒꦸꦁꦔꦤ꧀ꦏꦸ꧉​

^8:15 ꦱꦮꦶꦱ꧀ꦱꦺꦲꦸꦥꦕꦫꦚꦲꦺꦴꦱ꧀ꦱꦏꦺꦮꦺꦴꦁꦮꦺꦴꦁ​꧊ꦭꦺꦮꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦮꦺꦴꦁꦏꦸꦮꦶꦢꦶꦥꦉꦁꦔꦏꦺꦚꦩ꧀ꦧꦸꦠ꧀ꦒꦮꦺꦲꦶꦁꦏꦺꦩꦃꦱꦸꦕꦶ꧉​

^8:16 ꦮꦺꦴꦁꦮꦺꦴꦁꦩꦲꦸꦮꦶꦱ꧀ꦢꦏ꧀ꦢꦢꦺꦏ꧀ꦏꦏꦺꦱꦼꦱꦸꦭꦶꦃꦲꦺꦲꦤꦏ꧀ꦭꦤꦁꦥꦼꦩ꧀ꦧꦉꦥ꧀ꦏꦧꦺꦃꦲꦶꦁ​꧊ꦆꦱꦿꦲꦺꦭ꧀;ꦩꦸꦭꦤꦺꦩ꧀ꦭꦶꦒꦶꦢꦢꦶꦏꦒꦸꦁꦔꦤ꧀ꦏꦸꦝꦺꦮꦺ꧉​

^8:17 ꦤꦭꦶꦏꦲꦏꦸꦒꦮꦺꦥꦠꦶꦤꦺꦱꦏꦺꦃꦲꦺꦧꦺꦴꦕꦃꦭꦤꦁꦥꦼꦩ꧀ꦧꦉꦥ꧀ꦲꦶꦁ​꧊ꦩꦺꦱꦶꦂ꧈​ꦱꦧꦼꦤ꧀ꦲꦤꦏ꧀ꦭꦤꦁꦥꦼꦩ꧀ꦧꦉꦥ꧀ꦲꦶꦁꦧꦿꦪꦠ꧀ꦠꦺꦮꦺꦴꦁ​꧊ꦆꦱꦿꦲꦺꦭ꧀ꦭꦤ꧀ꦱꦧꦼꦤ꧀ꦲꦤꦏ꧀ꦏꦺꦏꦺꦮꦤ꧀ꦱꦶꦁꦱꦼꦥꦶꦱꦤ꧀ꦤꦤ꧀ꦮꦶꦱ꧀ꦢꦏ꧀ꦥꦶꦭꦶꦃꦢꦢꦶꦏꦒꦸꦁꦔꦤ꧀ꦏꦸ꧉​

^8:18 ꦢꦢꦶꦤꦺꦏꦁꦒꦺꦴꦲꦶꦗꦺꦴꦭ꧀ꦭꦺꦏꦧꦺꦃꦲꦤꦏ꧀ꦭꦤꦁꦥꦼꦩ꧀ꦧꦉꦥ꧀ꦲꦶꦁ​꧊ꦆꦱꦿꦲꦺꦭ꧀ꦲꦏꦸꦩꦶꦭꦶꦃꦮꦺꦴꦁ​꧊ꦭꦺꦮꦶ꧈​

^8:19 ꦏꦲꦁꦒꦼꦥ꧀ꦥꦶꦱꦸꦁꦱꦸꦁꦔꦺꦲꦸꦩꦠ꧀​꧊ꦆꦱꦿꦲꦺꦭ꧀꧉​ꦮꦺꦴꦁꦮꦺꦴꦁ​꧊ꦭꦺꦮꦶꦏꦸꦮꦶꦢꦏ꧀ꦥꦱꦿꦃꦲꦏꦺꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦱꦸꦥꦪꦥꦝꦢꦢꦶꦲꦶꦩꦩ꧀ꦔ꧀ꦭꦢꦺꦤ꧀ꦤꦶꦮꦺꦴꦁ​꧊ꦆꦱꦿꦲꦺꦭ꧀ꦲꦶꦁꦏꦺꦩꦃꦱꦸꦕꦶ꧉​ꦮꦺꦴꦁ​꧊ꦭꦺꦮꦶꦏꦸꦮꦶꦱꦶꦁꦚꦸꦮꦸꦤ꧀ꦤꦏꦺꦥꦔꦥꦸꦫꦤꦶꦁꦢꦺꦴꦱꦏꦁꦒꦺꦴꦧꦁꦱꦲꦶꦏꦶꦩꦫꦁꦲꦏꦸ꧈​ꦱꦸꦥꦪꦲꦺꦴꦫꦏꦼꦤꦲꦶꦁꦥꦲꦸꦏꦸꦩ꧀ꦩꦤ꧀ꦱꦩꦱꦚꦼꦝꦏ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶꦩꦲꦸ꧉"​

^8:20 ꦩꦸꦭꦤꦺ​꧊ꦩꦸꦱ꧈​ꦲꦫꦸꦤ꧀ꦭꦤ꧀ꦧꦁꦱ​꧊ꦆꦱꦿꦲꦺꦭ꧀ꦏꦧꦺꦃꦧꦚ꧀ꦗꦸꦂꦥꦝꦩꦱꦿꦃꦲꦏꦺꦮꦺꦴꦁ​꧊ꦭꦺꦮꦶꦩꦫꦁꦄꦭ꧀ꦭꦃ꧈​ꦏꦪꦱꦶꦁꦏꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​

^8:21 ꦮꦺꦴꦁꦮꦺꦴꦁ​꧊ꦭꦺꦮꦶꦧꦚ꧀ꦗꦸꦂꦥꦝꦤꦸꦕꦺꦏ꧀ꦏꦏꦺꦲꦮꦏ꧀ꦏꦺꦩꦶꦠꦸꦫꦸꦠ꧀ꦥꦽꦤꦠꦤꦺꦲꦒꦩꦭꦤ꧀ꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ꧉​ꦲꦫꦸꦤ꧀ꦤꦸꦭꦶꦚꦲꦺꦴꦱ꧀ꦱꦏꦺꦮꦺꦴꦁꦮꦺꦴꦁꦩꦲꦸꦢꦢꦶꦥꦶꦱꦸꦁꦱꦸꦁꦩ꧀ꦭꦶꦒꦶꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃ꧉​ꦲꦫꦸꦤ꧀ꦲꦶꦪꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦥꦔꦿꦸꦮꦠ꧀ꦠꦶꦁꦢꦺꦴꦱꦤꦺꦮꦺꦴꦁꦮꦺꦴꦁ​꧊ꦭꦺꦮꦶꦩꦲꦸ꧉​

^8:22 ꦢꦺꦤꦺꦧꦁꦱ​꧊ꦆꦱꦿꦲꦺꦭ꧀ꦤꦶꦤ꧀ꦢꦏ꧀ꦏꦏꦺꦱꦏꦺꦃꦲꦺꦝꦮꦸꦃꦲꦺꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱꦱꦶꦁꦩꦒꦼꦥꦺꦴꦏ꧀ꦏꦤ꧀ꦏꦫꦺꦴꦮꦺꦴꦁ​꧊ꦭꦺꦮꦶ꧉​ꦩꦼꦂꦒꦱꦏꦩꦼꦁꦏꦺꦴꦤꦺꦴꦮꦺꦴꦁꦮꦺꦴꦁ​꧊ꦭꦺꦮꦶꦥꦝꦮꦼꦤꦁꦚꦩ꧀ꦧꦸꦠ꧀ꦒꦮꦺꦲꦶꦁꦏꦺꦩꦃꦱꦸꦕꦶꦢꦶꦥꦶꦩ꧀ꦥꦶꦤ꧀ꦢꦺꦤꦶꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧉​

^8:23 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^8:24 "ꦱꦧꦼꦤ꧀ꦮꦺꦴꦁ​꧊ꦭꦺꦮꦶꦭꦤꦁꦮꦶꦮꦶꦠ꧀ꦲꦸꦩꦸꦂꦱꦼꦭꦮꦺꦠꦲꦸꦤ꧀ꦏꦸꦢꦸꦔ꧀ꦭꦏꦺꦴꦤ꧀ꦤꦶꦏꦸꦮꦗꦶꦧ꧀ꦧꦤ꧀ꦤꦺꦲꦶꦁꦏꦺꦩꦃꦱꦸꦕꦶ꧈​

^8:25 ꦭꦤ꧀ꦢꦶꦧꦺꦧꦱ꧀ꦱꦏꦺꦱꦏꦏꦸꦮꦗꦶꦧ꧀ꦧꦤ꧀ꦩꦲꦸꦪꦺꦤ꧀ꦮꦶꦱ꧀ꦚꦤ꧀ꦝꦏ꧀ꦲꦸꦩꦸꦂꦱꦺꦏꦼꦠ꧀ꦠꦲꦸꦤ꧀꧉​

^8:26 ꦱꦮꦶꦱ꧀ꦱꦺꦏꦸꦮꦶꦮꦺꦴꦁꦩꦲꦸꦏꦼꦤꦔꦿꦺꦮꦁꦔꦶꦮꦺꦴꦁ​꧊ꦭꦺꦮꦶꦭꦶꦪꦤꦺꦱꦶꦁꦔ꧀ꦭꦏꦺꦴꦤ꧀ꦤꦶꦠꦸꦒꦱ꧀ꦲꦶꦁꦏꦺꦩꦃꦱꦸꦕꦶ꧈​ꦤꦁꦔꦶꦁꦏꦸꦮꦗꦶꦧ꧀ꦧꦤ꧀ꦲꦥꦮꦲꦺꦱꦶꦁꦢꦶꦭꦏꦺꦴꦤ꧀ꦤꦶ꧈​ꦲꦺꦴꦫꦏꦼꦤꦢꦶꦠꦶꦤ꧀ꦢꦏ꧀ꦏꦏꦺꦲꦶꦗꦺꦤ꧀꧉​ꦩꦼꦁꦏꦺꦴꦤꦺꦴꦕꦫꦤꦺꦲꦼꦁꦒꦺꦴꦤꦺꦩꦽꦤꦠꦥꦼꦒꦮꦺꦪꦤ꧀ꦤꦺꦮꦺꦴꦁ​꧊ꦭꦺꦮꦶ꧉​