Jv/Alkitab/Wilangan/5

^5:1 ꦒꦸꦱ꧀ꦠꦶꦲꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ꧀꧈​

^5:2 "ꦮꦺꦴꦁ​꧊ꦆꦱꦿꦲꦺꦭ꧀ꦝꦮꦸꦃꦲꦤꦩꦼꦁꦏꦺꦤꦺ:ꦮꦺꦴꦁꦱꦶꦁꦭꦫꦏꦸꦱ꧀ꦠ꧈​ꦮꦺꦴꦁꦱꦶꦁꦔꦼꦠꦺꦴꦏ꧀ꦏꦏꦺꦲꦸꦩ꧀ꦧꦼꦭ꧀ꦩꦤꦶ꧈​ꦭꦤ꧀ꦮꦺꦴꦁꦱꦶꦁꦔ꧀ꦒꦼꦥꦺꦴꦏ꧀ꦭꦪꦺꦴꦤ꧀꧈​ꦏꦸꦢꦸꦢ꧀ꦭꦔꦏ꧀ꦏꦏꦺꦱꦏꦏꦺꦩꦃꦲꦺꦮꦺꦴꦁ​꧊ꦆꦱꦿꦲꦺꦭ꧀꧉​

^5:3 ꦮꦺꦴꦁꦩꦲꦸꦏꦸꦢꦸꦢꦶꦏꦺꦴꦤ꧀ꦭꦸꦔ꧈​ꦱꦸꦥꦪꦲꦗꦒꦮꦺꦤꦗꦶꦱ꧀ꦱꦺꦥꦥꦤ꧀ꦱꦶꦁꦢꦏ꧀ꦲꦼꦁꦒꦺꦴꦤ꧀ꦤꦶꦧꦼꦧꦉꦁꦔꦤ꧀ꦏꦫꦺꦴꦲꦸꦩꦠ꧀ꦏꦸ꧉"​

^5:4 ꦮꦺꦴꦁ​꧊ꦆꦱꦿꦲꦺꦭ꧀ꦲꦶꦪꦧꦚ꧀ꦗꦸꦂꦤꦶꦤ꧀ꦢꦏ꧀ꦏꦏꦺꦝꦮꦸꦃꦩꦲꦸ꧉​ꦏꦧꦺꦃꦮꦺꦴꦁꦱꦶꦁꦤꦤ꧀ꦝꦁꦊꦭꦫꦏꦪꦏꦱꦼꦧꦸꦠ꧀ꦲꦶꦁꦤ꧀ꦝꦸꦮꦸꦂꦩꦲꦸꦥꦝꦢꦶꦭꦸꦔꦏ꧀ꦏꦏꦺꦱꦏꦏꦺꦩꦃ꧉​

^5:5 (5:5-6)ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁ​꧊ꦩꦸꦱ꧈​ꦏꦁꦒꦼꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ:ꦪꦺꦤ꧀ꦲꦤꦮꦺꦴꦁꦱꦶꦁꦲꦺꦴꦫꦱꦼꦠꦾꦩꦫꦁꦄꦭ꧀ꦭꦃꦭꦤ꧀ꦒꦮꦺꦫꦸꦒꦶꦤꦺꦥꦼꦥꦝꦤꦺ꧈​

^5:6 (5:5)

^5:7 ꦮꦺꦴꦁꦩꦲꦸꦏꦸꦢꦸꦔꦏꦺꦴꦤ꧀ꦤꦶꦱꦭꦃꦲꦺꦭꦤ꧀ꦔꦶꦗꦺꦴꦭ꧀ꦭꦶꦩꦫꦁꦮꦺꦴꦁꦱꦶꦁꦢꦶꦒꦮꦺꦠꦸꦤ꧈​ꦢꦶꦥꦸꦚ꧀ꦗꦸꦭ꧀ꦭꦶꦫꦺꦴꦁꦥꦸꦭꦸꦃꦥꦼꦂꦱꦺꦤ꧀꧉​

^5:8 ꦤꦁꦔꦶꦁꦪꦺꦤ꧀ꦮꦺꦴꦁꦱꦶꦁꦢꦶꦒꦮꦺꦠꦸꦤꦩꦲꦸꦮꦶꦱ꧀ꦩꦠꦶ꧈​ꦩꦁꦏꦲꦺꦴꦫꦢꦸꦮꦺꦱꦤꦏ꧀ꦱꦼꦢꦸꦭꦸꦂꦱꦶꦁꦕꦼꦝꦏ꧀꧈​ꦲꦶꦗꦺꦴꦭ꧀ꦭꦺꦏꦸꦢꦸꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧈​ꦭꦤ꧀ꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​ꦏꦼꦗꦧꦏꦸꦮꦶꦲꦶꦱꦶꦃꦢꦶꦠꦩ꧀ꦧꦃꦲꦶꦮꦼꦝꦸꦱ꧀ꦗꦮꦭꦤꦁꦱꦶꦁꦢꦶꦲꦼꦁꦒꦺꦴꦱꦲꦺꦴꦱ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦤꦺ꧉​

^5:9 ꦩꦼꦁꦏꦺꦴꦤꦺꦴꦲꦸꦒꦱꦧꦼꦤ꧀ꦱꦲꦺꦴꦱ꧀ꦱꦤ꧀ꦤꦺꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦩ꧀ꦭꦶꦒꦶꦏꦲꦠꦸꦂꦫꦏꦺꦩꦫꦁꦄꦭ꧀ꦭꦃ꧈​ꦏꦸꦮꦶꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧉​

^5:10 ꦢꦢꦶꦱꦼꦱꦲꦺꦴꦱ꧀ꦱꦤ꧀ꦱꦶꦁꦢꦶꦠꦩ꧀ꦥꦏ꧀ꦏꦏꦺꦩꦫꦁꦱꦭꦃꦱꦮꦶꦗꦶꦤꦶꦁꦲꦶꦩꦩ꧀ꦏꦸꦮꦶꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀ꦩꦲꦸ꧉​

^5:11 ꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦶ​꧊ꦩꦸꦱ꧈​

^5:12 (5:12-14)ꦱꦸꦥꦪꦩꦫꦶꦁꦔꦏꦺꦥꦽꦤꦠꦤ꧀ꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ:ꦪꦺꦤ꧀ꦲꦤꦮꦺꦴꦁꦭꦤꦁꦱꦸꦗꦺꦴꦤꦺꦴꦏꦫꦺꦴꦱꦺꦴꦩꦃꦲꦺꦏꦤ꧀ꦛꦶꦥꦤ꧀ꦢꦏ꧀ꦮꦪꦺꦤ꧀ꦱꦶꦁꦮꦢꦺꦴꦤ꧀ꦢꦶꦮꦺꦴꦂꦫꦶꦠꦸꦫꦸꦮꦺꦴꦁꦭꦤꦁꦭꦶꦪ꧈​ꦤꦁꦔꦶꦁꦲꦺꦴꦫꦲꦤꦧꦸꦏ꧀ꦠꦶꦤꦺ꧈​ꦩꦂꦒꦲꦼꦁꦒꦺꦴꦤꦺꦭꦏꦸꦗꦶꦤꦩꦲꦸꦲꦤꦲꦶꦁꦥꦥꦤ꧀ꦱꦶꦁꦱꦼꦥꦶꦮꦺꦴꦁ꧈​ꦢꦢꦶꦲꦺꦴꦫꦲꦤꦱꦶꦁꦤꦼꦏ꧀ꦱꦺꦤ꧀ꦤꦶ꧈​ꦩꦁꦏꦲꦶꦪꦲꦺꦴꦫꦏꦺꦴꦤꦁꦔꦤ꧀;ꦲꦸꦠꦮꦪꦺꦤ꧀ꦲꦤꦮꦺꦴꦁꦭꦤꦁꦱꦸꦗꦺꦴꦤꦺꦴꦏꦫꦺꦴꦱꦺꦴꦩꦃꦲꦺ꧈​ꦩꦁꦏꦱꦶꦁꦮꦢꦺꦴꦤ꧀ꦩꦲꦸꦱꦚꦠꦤꦺꦲꦺꦴꦫꦠꦸꦩꦶꦤ꧀ꦢꦏ꧀ꦱꦺꦝꦺꦁ꧈​

^5:13 (5:12)

^5:14 (5:12)

^5:15 ꦮꦺꦴꦁꦭꦤꦁꦩꦲꦸꦏꦸꦢꦸꦔꦗꦏ꧀ꦱꦺꦴꦩꦃꦲꦺꦱꦺꦴꦮꦤ꧀ꦲꦶꦩꦩ꧀꧉​ꦮꦺꦴꦁꦩꦲꦸꦏꦸꦢꦸꦔ꧀ꦒꦮꦥꦶꦱꦸꦁꦱꦸꦁꦏꦪꦩꦼꦱ꧀ꦛꦶꦤꦺ꧈​ꦪꦏꦸꦮꦶꦒ꧀ꦭꦼꦥꦸꦁꦗꦼꦮꦮꦸꦠ꧀ꦱꦏꦶꦭꦺꦴꦒꦿꦩ꧀꧉​ꦒ꧀ꦭꦼꦥꦸꦁꦩꦲꦸꦲꦺꦴꦫꦏꦼꦤꦢꦶꦱꦺꦴꦏ꧀ꦏꦶꦊꦔꦗ꦳ꦲꦶꦠꦸꦤ꧀ꦲꦸꦠꦮꦢꦶꦠꦸꦩ꧀ꦥꦁꦔꦶꦩꦼꦚꦤ꧀꧈​ꦩꦼꦂꦒꦢꦶꦱꦲꦺꦴꦱ꧀ꦱꦏꦺꦢꦺꦤꦶꦁꦮꦺꦴꦁꦭꦤꦁꦱꦶꦁꦚꦸꦗꦤꦤꦶꦱꦺꦴꦩꦃꦲꦺ꧈​ꦭꦤ꧀ꦩꦏ꧀ꦱꦸꦢ꧀ꦢꦺꦲꦉꦥ꧀ꦚꦸꦩꦸꦫꦸꦥ꧀ꦥꦶꦥꦔꦶꦫꦤꦺꦩꦲꦸꦧꦼꦤꦼꦂꦲꦥꦲꦺꦴꦫ꧉​

^5:16 ꦲꦶꦩꦩ꧀ꦏꦸꦢꦸꦲꦏꦺꦴꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦩꦗꦸ꧈​ꦔꦢꦼꦒ꧀ꦲꦶꦁꦔꦉꦥ꧀ꦥꦺꦩꦼꦱ꧀ꦧꦺꦃ꧉​

^5:17 ꦲꦶꦩꦩ꧀ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦩꦁꦏꦺꦴꦏ꧀ꦱꦶꦁꦢꦶꦒꦮꦺꦱꦏꦊꦩꦃ꧈​ꦢꦶꦲꦶꦱꦺꦤ꧀ꦤꦶꦧꦚꦸꦱꦸꦕꦶꦱꦼꦛꦶꦛꦶꦏ꧀꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦧꦚ꧀ꦗꦸꦂꦚ꧀ꦗꦸꦩ꧀ꦥꦸꦠ꧀ꦊꦩꦃꦱꦼꦛꦶꦛꦶꦏ꧀ꦱꦏꦲꦶꦁꦗꦿꦩ꧀ꦧꦃꦲꦺꦏꦺꦩꦃꦱꦸꦕꦶ꧈​ꦢꦶꦲꦸꦮꦸꦂꦫꦏꦺꦲꦶꦁꦧꦚꦸꦱꦸꦕꦶꦩꦲꦸ꧈​ꦱꦸꦥꦪꦢꦢꦶꦧꦚꦸꦱꦶꦁꦤꦼꦏꦏ꧀ꦏꦏꦺꦥꦲꦸꦏꦸꦩ꧀ꦩꦤ꧀꧉​

^5:18 ꦮꦺꦴꦁꦩꦲꦸꦫꦩ꧀ꦧꦸꦠ꧀ꦠꦺꦧꦚ꧀ꦗꦸꦂꦢꦶꦲꦾꦺꦴꦫꦺ꧈​ꦭꦤ꧀ꦲꦶꦁꦠꦔꦤ꧀ꦤꦺꦢꦶꦱꦺꦭꦺꦃꦲꦶꦒ꧀ꦭꦼꦥꦸꦁꦱꦶꦁꦲꦉꦥ꧀ꦢꦶꦱꦲꦺꦴꦱ꧀ꦱꦏꦺꦩꦲꦸ꧉​ꦩꦁꦏꦺꦴꦏ꧀ꦱꦶꦁꦲꦶꦱꦶꦧꦚꦸꦢꦶꦕꦼꦏꦼꦭ꧀ꦭꦶꦝꦺꦮꦺꦢꦺꦤꦶꦁꦲꦶꦩꦩ꧀꧉​

^5:19 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦲꦶꦩꦩ꧀ꦏꦸꦢꦸꦔꦸꦕꦥ꧀ꦥꦏꦺꦱꦸꦩ꧀ꦥꦃꦭꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦢꦶꦗꦭꦸꦏ꧀ꦔꦶꦪꦤ꧀ꦤꦶꦱꦸꦩ꧀ꦥꦃꦲꦺ꧉​ꦲꦶꦩꦩ꧀ꦏꦸꦢꦸꦩꦸꦤꦶ꧈​"ꦪꦺꦤ꧀ꦏꦺꦴꦮꦺꦲꦺꦴꦫꦭꦏꦸꦗꦶꦤ꧈​ꦏꦺꦴꦮꦺꦲꦺꦴꦫꦏꦼꦤꦥꦲꦸꦏꦸꦩ꧀ꦩꦤ꧀ꦤꦺꦧꦚꦸꦲꦶꦏꦶ꧉​

^5:20 ꦤꦁꦔꦶꦁꦪꦺꦤ꧀ꦏꦺꦴꦮꦺꦭꦏꦸꦗꦶꦤ꧈​

^5:21 ꦩꦸꦒꦩꦸꦒꦏꦺꦴꦮꦺꦏꦼꦤꦥꦲꦸꦏꦸꦩ꧀ꦩꦤ꧀ꦤꦺꦥꦔꦺꦫꦤ꧀꧉​ꦏꦤ꧀ꦝꦸꦁꦔꦤ꧀ꦩꦸꦩꦼꦁꦏꦼꦉꦠ꧀ꦭꦤ꧀ꦮꦠꦼꦁꦩꦸꦧꦸꦱꦸꦁ꧉​

^5:22 ꦧꦚꦸꦲꦶꦏꦶꦧꦏꦭ꧀ꦩ꧀ꦭꦼꦧꦸꦲꦶꦁꦮꦼꦠꦼꦁꦩꦸꦭꦤ꧀ꦚ꧀ꦗꦭꦂꦫꦶꦮꦼꦠꦼꦁꦩꦸꦧꦸꦱꦸꦁꦭꦤ꧀ꦏꦤ꧀ꦝꦸꦁꦔꦤ꧀ꦩꦸꦩꦼꦁꦏꦼꦉꦠ꧀꧉"​ꦮꦺꦴꦁꦮꦢꦺꦴꦤ꧀ꦩꦲꦸꦏꦸꦢꦸꦩꦁꦱꦸꦭ꧀ꦭꦶ꧈​"ꦲꦶꦁꦒꦶꦃ꧈​ꦏꦸꦭꦥꦸꦫꦸꦤ꧀;ꦩꦸꦒꦶꦒꦸꦱ꧀ꦠꦶꦄꦭ꧀ꦭꦃꦤꦶꦤ꧀ꦢꦏ꧀ꦤꦏꦢꦺꦴꦱ꧀ꦩꦼꦏꦠ꧀ꦠꦼꦤ꧀꧉"​

^5:23 ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦤꦸꦭꦶꦱ꧀ꦲꦶꦱꦶꦤꦺꦥꦲꦸꦏꦸꦩ꧀ꦩꦤ꧀ꦏꦸꦮꦶ꧈​ꦭꦤ꧀ꦩ꧀ꦧꦸꦱꦏ꧀ꦔꦁꦒꦺꦴꦧꦚꦸꦱꦶꦁꦲꦤꦲꦶꦁꦩꦁꦏꦺꦴꦏ꧀ꦩꦲꦸ꧉​

^5:24 ꦧꦚꦸꦩꦲꦸꦧꦶꦱꦩꦫꦏ꧀ꦏꦏꦺꦮꦺꦴꦁꦮꦢꦺꦴꦤ꧀ꦏꦸꦮꦶꦏꦿꦱꦭꦫꦧꦔꦼꦠ꧀꧉​ꦤꦁꦔꦶꦁꦱꦢꦸꦫꦸꦁꦔꦺꦢꦶꦏꦺꦴꦤ꧀ꦔꦺꦴꦩ꧀ꦧꦺꦧꦚꦸꦤꦺ꧈​

^5:25 ꦲꦶꦩꦩ꧀ꦏꦸꦢꦸꦚ꧀ꦗꦸꦥꦸꦏ꧀ꦒ꧀ꦭꦼꦥꦸꦁꦱꦶꦁꦲꦉꦥ꧀ꦢꦶꦱꦲꦺꦴꦱ꧀ꦱꦏꦺꦭꦤ꧀ꦠꦔꦤ꧀ꦤꦺꦔꦛꦸꦁꦚꦲꦺꦴꦱ꧀ꦱꦏꦺꦒ꧀ꦭꦼꦥꦸꦁꦩꦲꦸꦏꦲꦠꦸꦂꦫꦏꦺꦩꦫꦁꦄꦭ꧀ꦭꦃ꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦏꦸꦢꦸꦚꦺꦭꦺꦃꦲꦏꦺꦒ꧀ꦭꦼꦥꦸꦁꦩꦲꦸꦲꦤꦲꦶꦁꦩꦼꦱ꧀ꦧꦺꦃ꧉​

^5:26 ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦚ꧀ꦗꦸꦥꦸꦏ꧀ꦒ꧀ꦭꦼꦥꦸꦁꦔꦺꦱꦼꦒꦼꦒꦼꦩ꧀ꦏꦁꦒꦺꦴꦠꦤ꧀ꦝꦲꦼꦁꦒꦺꦴꦤꦺꦚꦲꦺꦴꦱ꧀ꦱꦏꦺꦱꦲꦺꦴꦱ꧀ꦱꦤ꧀ꦩꦲꦸ꧈​ꦭꦤ꧀ꦔꦺꦴꦧꦺꦴꦁꦒ꧀ꦭꦼꦥꦸꦁꦩꦲꦸꦲꦤꦲꦶꦁꦩꦼꦱ꧀ꦧꦺꦃ꧉​ꦧꦚꦸꦤꦺꦧꦚ꧀ꦗꦸꦂꦢꦶꦲꦺꦴꦩ꧀ꦧꦺꦏ꧀ꦏꦏꦺꦩꦫꦁꦮꦺꦴꦁꦮꦢꦺꦴꦤ꧀ꦩꦲꦸ꧉​

^5:27 ꦪꦺꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦥꦚ꧀ꦕꦺꦤ꧀ꦔ꧀ꦭꦏꦺꦴꦤ꧀ꦤꦶꦗꦶꦤ꧈​ꦧꦚꦸꦏꦸꦮꦶꦧꦏꦭ꧀ꦩꦫꦏ꧀ꦏꦏꦺꦮꦺꦴꦁꦮꦢꦺꦴꦤ꧀ꦩꦲꦸꦏꦿꦱꦭꦫꦧꦔꦼꦠ꧀꧉​ꦮꦼꦠꦼꦁꦔꦺꦢꦢꦶꦧꦸꦱꦸꦁꦭꦤ꧀ꦏꦤ꧀ꦝꦸꦁꦔꦤ꧀ꦤꦺꦩꦼꦁꦏꦼꦉꦠ꧀꧉​ꦮꦺꦴꦁꦮꦢꦺꦴꦤ꧀ꦩꦲꦸꦧꦏꦭ꧀ꦢꦶꦱꦼꦧꦸꦠ꧀ꦮꦺꦴꦁꦱꦶꦁꦠꦩ꧀ꦥꦥꦲꦸꦏꦸꦩ꧀ꦩꦤ꧀ꦲꦤꦲꦶꦁꦠꦼꦔꦃꦲꦺꦧꦁꦱꦤꦺ꧉​

^5:28 ꦤꦁꦔꦶꦁꦪꦺꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦲꦺꦴꦫꦭꦸꦥꦸꦠ꧀꧈​ꦲꦺꦴꦫꦧꦏꦭ꧀ꦠꦩ꧀ꦥꦥꦲꦸꦏꦸꦩ꧀ꦩꦤ꧀ꦭꦤ꧀ꦧꦶꦱꦢꦸꦮꦺꦲꦤꦏ꧀꧉​

^5:29 (5:29-30)ꦏꦪꦩꦼꦁꦏꦺꦴꦤꦺꦴꦥꦽꦤꦠꦤꦺꦪꦺꦤ꧀ꦮꦺꦴꦁꦭꦤꦁꦚꦸꦗꦤꦤꦶꦏꦫꦺꦴꦱꦺꦴꦩꦃꦲꦺ꧈​ꦩꦼꦂꦒꦱꦶꦁꦮꦢꦺꦴꦤ꧀ꦩꦲꦸꦢꦶꦏꦶꦫꦭꦏꦸꦗꦶꦤ꧉​ꦮꦺꦴꦁꦮꦢꦺꦴꦤ꧀ꦩꦲꦸꦏꦸꦢꦸꦢꦶꦏꦺꦴꦤ꧀ꦔꦢꦼꦒ꧀ꦲꦶꦁꦔꦉꦥ꧀ꦥꦺꦩꦼꦱ꧀ꦧꦺꦃꦭꦤ꧀ꦲꦶꦩꦩ꧀ꦏꦸꦢꦸꦤꦶꦤ꧀ꦢꦏ꧀ꦏꦏꦺꦲꦸꦥꦕꦫ꧉​

^5:30 (5:29)

^5:31 ꦮꦺꦴꦁꦔꦺꦭꦤꦁꦝꦺꦮꦺꦲꦺꦴꦫꦏꦼꦭꦸꦥꦸꦠ꧀ꦠꦤ꧀꧈​ꦤꦁꦔꦶꦁꦧꦺꦴꦗꦺꦴꦤꦺ꧈​ꦪꦺꦤ꧀ꦥꦚ꧀ꦕꦺꦤ꧀ꦱꦭꦃ꧈​ꦏꦸꦢꦸꦚꦁꦒꦱꦭꦃꦲꦺ꧉​