Jv/Alkitab/Wilangan/32

From Wikisource
Jump to navigation Jump to search

32:1 ꦠꦊꦂ​꧊ꦫꦸꦧꦺꦤ꧀ꦭꦤ꧀ꦠꦊꦂ​꧊ꦒꦢ꧀ꦫꦗꦏꦪꦤꦺꦲꦏꦺꦃꦧꦔꦼꦠ꧀꧉​ꦧꦉꦁꦮꦼꦫꦸꦃꦪꦺꦤ꧀ꦠꦤꦃ​꧊ꦪꦲꦺꦗ꦳ꦺꦂꦭꦤ꧀ꦠꦤꦃ​꧊ꦒꦶꦭꦺꦪꦢ꧀ꦏꦸꦮꦶꦕꦺꦴꦕꦺꦴꦒ꧀ꦏꦁꦒꦺꦴꦩꦶꦪꦫꦫꦗꦏꦪ꧈​
32:2 ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦥꦝꦤꦼꦩꦺꦴꦤ꧀ꦤꦶ​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂ꧈​ꦱꦂꦠꦥꦫꦥꦼꦁꦒꦼꦝꦺꦤꦺ​꧊ꦆꦱꦿꦲꦺꦭ꧀ꦭꦶꦪꦤꦺ꧉​ꦏꦤ꧀ꦝꦤꦺ꧈​
32:3 (32:3-4)"ꦏꦶꦛꦏꦶꦛ​꧊ꦄꦠꦫꦺꦴꦠ꧀꧈​​꧊ꦢꦶꦧꦺꦴꦤ꧀꧈​​꧊ꦪꦲꦺꦗ꦳ꦺꦂ꧈​​꧊ꦤꦶꦩꦿ꧈​​꧊ꦲꦺꦱ꧀ꦧꦺꦴꦤ꧀꧈​​꧊ꦌꦭꦺꦪꦭꦺ꧈​​꧊ꦱꦶꦧ꧀ꦩ꧈​​꧊ꦤꦺꦧꦺꦴꦭꦤ꧀​꧊ꦧꦺꦪꦺꦴꦤ꧀ꦩꦼꦤꦶꦏꦱꦏꦶꦁꦧꦼꦂꦏꦃꦲꦶꦥꦸꦤ꧀ꦥꦔꦺꦫꦤ꧀ꦱꦩ꧀ꦥꦸꦤ꧀ꦢꦶꦥꦸꦤ꧀ꦉꦧꦠ꧀ꦭꦤ꧀ꦢꦶꦥꦸꦤ꧀ꦲꦼꦁꦒꦺꦤ꧀ꦤꦶꦢꦺꦤꦶꦁꦧꦁꦱ​꧊ꦆꦱꦿꦲꦺꦭ꧀꧉​ꦠꦤꦃꦩꦼꦤꦶꦏꦕꦺꦴꦕꦺꦴꦒ꧀ꦱꦔꦼꦠ꧀ꦏꦁꦒꦺꦔꦶꦔꦃꦫꦗꦏꦪ꧉​ꦒꦤ꧀ꦝꦺꦁꦫꦗꦏꦪꦏꦸꦭꦏꦛꦃꦱꦔꦼꦠ꧀꧈​
32:4 (32:3)
32:5 ꦏꦸꦭꦚꦸꦮꦸꦤ꧀ꦏꦼꦥꦉꦁꦔꦠꦤꦃꦩꦼꦤꦶꦏꦏꦥꦫꦶꦁꦔꦏꦼꦤ꧀ꦢꦢꦺꦴꦱ꧀ꦥꦤ꧀ꦢꦸꦩ꧀ꦩꦤ꧀ꦏꦸꦭ꧉​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦸꦭꦏꦥꦸꦫꦶꦃꦥꦶꦤ꧀ꦝꦃꦱꦏꦶꦁꦔꦿꦶꦏꦶꦝꦠꦼꦁꦱꦧꦿꦁꦔꦶꦁꦭꦺꦥꦺꦤ꧀​꧊ꦪꦂꦢꦺꦤ꧀ꦲꦶꦁꦏꦁꦱꦶꦱꦶꦃ​꧊ꦏꦶꦭꦺꦤ꧀꧉"​
32:6 ꦮꦁꦱꦸꦭ꧀ꦭꦤ꧀ꦤꦺ​꧊ꦩꦸꦱ꧈​"ꦲꦥ?ꦏꦺꦴꦮꦺꦲꦉꦥ꧀ꦏꦺꦫꦶꦲꦶꦁꦏꦺꦤꦺ꧈​ꦩꦁꦏꦱꦼꦢꦸꦭꦸꦂꦱꦼꦢꦸꦭꦸꦂꦩꦸꦲꦶꦱꦶꦃꦏꦸꦢꦸꦥꦼꦫꦁꦠꦼꦫꦸꦱ꧀?
32:7 ꦏꦺꦴꦏ꧀ꦮꦤꦶꦮꦤꦶꦩꦸꦩꦼꦢꦺꦤ꧀ꦩꦼꦢꦺꦤ꧀ꦤꦶꦧꦁꦱ​꧊ꦆꦱꦿꦲꦺꦭ꧀ꦚꦧꦿꦁꦏꦭꦶ​꧊ꦪꦂꦢꦺꦤ꧀꧈​ꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃ꧉​
32:8 ꦧꦥꦏ꧀ꦧꦥꦏ꧀ꦩꦸꦝꦺꦏ꧀ꦧꦶꦪꦺꦤ꧀ꦲꦶꦪꦩꦼꦁꦏꦺꦴꦤꦺꦴ꧈​ꦪꦏꦸꦮꦶꦤꦭꦶꦏꦥꦝꦢꦏ꧀ꦏꦺꦴꦁꦏꦺꦴꦤ꧀ꦤ꧀ꦢ꧀ꦭꦗꦃꦲꦶꦠꦤꦃꦏꦸꦮꦶꦱꦏꦏꦸꦛ​꧊ꦏꦢꦺꦱ꧀​꧊ꦧꦂꦤꦺꦪ꧉​
32:9 ꦲꦺꦴꦭꦺꦃꦲꦺꦤ꧀ꦢ꧀ꦭꦗꦃꦲꦶꦮꦶꦱ꧀ꦔꦤ꧀ꦠꦶꦠꦼꦏꦤ꧀ꦊꦧꦏ꧀​꧊ꦌꦱ꧀ꦏꦺꦴꦭ꧀ꦭꦤ꧀ꦮꦶꦱ꧀ꦤ꧀ꦢꦼꦊꦁꦠꦤꦃꦩꦲꦸ꧉​ꦤꦁꦔꦶꦁꦧꦉꦁꦠꦼꦏꦤ꧀ꦔꦺꦴꦩꦃꦥꦝꦩꦼꦢꦺꦤ꧀ꦩꦼꦢꦺꦤ꧀ꦤꦶꦮꦺꦴꦁ​꧊ꦆꦱꦿꦲꦺꦭ꧀꧈​ꦱꦸꦥꦪꦲꦗꦮꦤꦶꦮꦤꦶꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦶꦥꦫꦶꦁꦔꦏꦺꦢꦺꦤꦶꦁꦥꦔꦺꦫꦤ꧀ꦩꦫꦁꦧꦁꦱ​꧊ꦆꦱꦿꦲꦺꦭ꧀꧉​
32:10 (32:10-11)ꦤꦭꦶꦏꦱꦼꦩꦤꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦢꦸꦏꦧꦔꦼꦠ꧀ꦱꦂꦠꦔꦤ꧀ꦢꦶꦏ꧈​‘ꦮꦺꦴꦁꦮꦺꦴꦁꦲꦶꦏꦶꦥꦝꦲꦺꦴꦫꦱꦼꦠꦾꦩꦫꦁꦲꦏꦸ꧉​ꦩꦸꦭꦤꦺꦲꦏꦸꦱꦸꦩ꧀ꦥꦃ꧈​ꦪꦺꦤ꧀ꦮꦺꦴꦁꦱꦶꦁꦤꦭꦶꦏꦩꦼꦠꦸꦱꦏꦠꦤꦃ​꧊ꦩꦺꦱꦶꦂꦲꦸꦩꦸꦂꦫꦺꦫꦺꦴꦁꦥꦸꦭꦸꦃꦠꦲꦸꦤ꧀ꦩꦸꦁꦒꦃ꧈​ꦲꦺꦴꦫꦧꦏꦭ꧀ꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦏ꧀ꦗꦚ꧀ꦗꦺꦏ꧀ꦏꦏꦺꦩꦫꦁ​꧊ꦄꦧꦿꦲꦩ꧀꧈​​꧊ꦆꦱ꧀ꦏꦏ꧀ꦭꦤ꧀​꧊ꦪꦏꦸꦧ꧀꧉’​
32:11 (32:10)
32:12 ꦮꦺꦴꦁꦏꦧꦺꦃꦧꦚ꧀ꦗꦸꦂꦏꦼꦠꦶꦧꦤ꧀ꦲꦶꦁꦥꦲꦸꦏꦸꦩ꧀ꦩꦤ꧀ꦩꦲꦸ꧈​ꦏꦼꦗꦧꦏꦭꦺꦧ꧀ꦲꦤꦏ꧀ꦏꦺ​꧊ꦪꦺꦥ꦳ꦸꦤꦺ꧈​ꦮꦺꦴꦁ​꧊ꦏꦺꦤꦱ꧀ꦏꦸꦮꦶ꧈​ꦭꦤ꧀​꧊ꦪꦺꦴꦱꦸꦮꦲꦤꦏ꧀ꦏꦺ​꧊ꦤꦸꦤ꧀꧈​ꦩꦼꦂꦒꦭꦺꦴꦫꦺꦴꦭꦺꦴꦫꦺꦴꦤꦺꦥꦝꦱꦼꦠꦾꦩꦫꦁꦄꦭ꧀ꦭꦃ꧉​
32:13 ꦒꦸꦱ꧀ꦠꦶꦄꦭ꧀ꦭꦃꦲꦶꦪꦧꦚ꧀ꦗꦸꦂꦢꦸꦏꦧꦔꦼꦠ꧀ꦩꦫꦁꦧꦁꦱ​꧊ꦆꦱꦿꦲꦺꦭ꧀꧈​ꦩꦸꦭꦤꦺꦢꦶꦠꦺꦒꦏ꧀ꦏꦏꦺꦔꦸꦩ꧀ꦧꦂꦫꦲꦶꦁꦲꦫꦲꦫꦱꦩꦸꦤ꧀ꦥꦠꦁꦥꦸꦭꦸꦃꦠꦲꦸꦤ꧀ꦭꦮꦱ꧀ꦱꦺ꧈​ꦱꦸꦥꦪꦮꦺꦴꦁꦮꦺꦴꦁꦱꦶꦁꦥꦝꦩ꧀ꦧꦿꦺꦴꦤ꧀ꦠꦏ꧀ꦩꦫꦁꦥꦚ꧀ꦗꦼꦤꦼꦁꦔꦤ꧀ꦤꦺꦮꦶꦱ꧀ꦥꦝꦩꦠꦶꦏꦧꦺꦃ꧉​
32:14 ꦭ꧀ꦲꦲꦥꦱꦲꦶꦏꦶꦏꦺꦴꦮꦺꦲꦶꦪꦲꦉꦥ꧀ꦥꦝꦤꦶꦫꦸꦧꦥꦏ꧀ꦧꦥꦏ꧀ꦩꦸ꧉​ꦪꦺꦤ꧀ꦔꦺꦴꦤꦺꦴꦏꦺꦴꦮꦺꦏꦸꦮꦶꦢꦢꦶꦲꦁꦏꦠ꧀ꦠꦤ꧀ꦩꦸꦝꦱꦶꦁꦏꦼꦧ꧀ꦭꦶꦔꦼꦂ꧉​ꦱꦿꦤꦥꦼꦁꦒꦮꦺꦩꦸꦱꦶꦁꦩꦼꦁꦏꦺꦴꦤꦺꦴꦏꦸꦮꦶꦏꦺꦴꦮꦺꦧꦏꦭ꧀ꦒꦮꦺꦩꦸꦭꦢ꧀ꦢꦶꦁꦢꦸꦏꦤꦺꦒꦸꦱ꧀ꦠꦶꦄꦭ꧀ꦭꦃꦩꦫꦁꦧꦁꦱ​꧊ꦆꦱꦿꦲꦺꦭ꧀ꦏꦧꦺꦃ!
32:15 ꦪꦺꦤ꧀ꦏꦺꦴꦮꦺꦮꦺꦴꦁꦮꦺꦴꦁ​꧊ꦫꦸꦧꦺꦤ꧀ꦭꦤ꧀​꧊ꦒꦢ꧀꧈​ꦱꦲꦶꦏꦶꦲꦸꦒꦲꦺꦴꦫꦒꦼꦊꦩ꧀ꦤꦸꦫꦸꦠ꧀ꦩꦫꦁꦝꦮꦸꦃꦲꦺꦄꦭ꧀ꦭꦃ꧈​ꦄꦭ꧀ꦭꦃꦧꦏꦭ꧀ꦤꦺꦒꦏ꧀ꦏꦏꦺꦧꦁꦱ​꧊ꦆꦱꦿꦲꦺꦭ꧀ꦔꦸꦩ꧀ꦧꦂꦫꦩꦼꦤꦺꦃꦲꦶꦁꦲꦫꦲꦫꦱꦩꦸꦤ꧀꧈​ꦭꦤ꧀ꦩꦼꦂꦒꦱꦏꦥꦿꦠꦶꦁꦏꦃꦩꦸꦏꦸꦮꦶꦧꦁꦱ​꧊ꦆꦱꦿꦲꦺꦭ꧀ꦧꦏꦭ꧀ꦏꦠꦸꦩ꧀ꦥꦼꦱ꧀!"
32:16 ꦮꦺꦴꦁꦮꦺꦴꦁ​꧊ꦫꦸꦧꦺꦤ꧀ꦭꦤ꧀​꧊ꦒꦢ꧀ꦤꦸꦭꦶꦥꦝꦚꦼꦝꦏ꧀ꦏꦶ​꧊ꦩꦸꦱꦭꦤ꧀ꦏꦤ꧀ꦝꦩꦼꦁꦏꦺꦤꦺ꧈​"ꦏꦸꦭꦱꦩꦶꦢꦶꦥꦸꦤ꧀ꦥꦉꦁꦤꦔꦼꦢꦼꦒꦏꦼꦤ꧀ꦏꦤ꧀ꦝꦁꦏꦤ꧀ꦝꦁꦱꦏꦶꦁꦱꦺꦭꦏꦁꦒꦺꦩꦺꦤ꧀ꦢꦩꦺꦤ꧀ꦢꦏꦸꦭꦫꦸꦩꦶꦪꦶꦤ꧀꧈​ꦭꦤ꧀ꦧꦺꦠꦺꦁꦧꦺꦠꦺꦁꦲꦶꦁꦏꦶꦛꦏꦶꦛꦏꦸꦭꦏꦁꦒꦺꦥꦼꦔꦪꦺꦴꦩ꧀ꦩꦤ꧀ꦤꦶꦥꦸꦤ꧀ꦲꦤꦏ꧀ꦲꦤꦏ꧀ꦏꦸꦭ꧉​
32:17 ꦱꦼꦱꦩ꧀ꦥꦸꦤꦶꦥꦸꦤ꧀ꦩꦼꦤꦶꦏꦏꦸꦭꦱꦶꦪꦒꦩꦗꦼꦁꦲꦶꦁꦥꦼꦥꦿꦁꦔꦤ꧀꧈​ꦱꦼꦱꦉꦁꦔꦤ꧀ꦏꦭꦶꦪꦤ꧀ꦱꦼꦝꦺꦫꦺꦏ꧀ꦱꦼꦝꦺꦫꦺꦏ꧀ꦏꦸꦭꦱꦧꦁꦱ꧉​ꦱꦩꦱꦩꦗꦼꦁꦥꦼꦫꦁ꧈​ꦏꦸꦭꦱꦼꦢꦪꦲꦶꦁꦏꦁꦧꦝꦺꦢꦢꦺꦴꦱ꧀ꦥꦤꦸꦤ꧀ꦠꦸꦤ꧀ꦤꦶꦥꦸꦤ꧀꧈​ꦔꦤ꧀ꦠꦺꦴꦱ꧀ꦱꦼꦢꦪꦠꦊꦂꦱꦒꦼꦢ꧀ꦔꦼꦁꦒꦺꦤ꧀ꦤꦶꦠꦤꦃꦥꦤ꧀ꦢꦸꦩ꧀ꦩꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧉​ꦱꦼꦭꦩꦶꦤꦶꦥꦸꦤ꧀ꦏꦸꦭꦱꦩꦶꦔ꧀ꦭꦩ꧀ꦥꦃꦲꦶꦥꦼꦫꦁ꧈​ꦏꦗꦼꦁꦔꦶꦥꦸꦤ꧀ꦲꦤꦏ꧀ꦲꦤꦏ꧀ꦏꦸꦭꦱꦩꦶꦩꦁꦒꦺꦤ꧀ꦲꦶꦁꦔꦿꦶꦏꦶ꧈​ꦲꦶꦁꦏꦶꦛꦏꦶꦛꦲꦶꦁꦏꦁꦱꦼꦤ꧀ꦠꦺꦴꦱ꧈​ꦱꦸꦥꦢꦺꦴꦱ꧀ꦩ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦱꦼꦫꦁꦢꦺꦤꦶꦁꦠꦶꦪꦁꦥꦿꦶꦧꦸꦩꦶꦲꦶꦁꦔꦿꦶꦏꦶ꧉​
32:18 ꦏꦸꦭꦩ꧀ꦧꦺꦴꦠꦼꦤ꧀ꦧꦝꦺꦮꦁꦱꦸꦭ꧀ꦝꦠꦼꦁꦒꦿꦶꦪꦏꦸꦭ꧈​ꦔꦤ꧀ꦠꦺꦴꦱ꧀ꦠꦶꦪꦁ​꧊ꦆꦱꦿꦲꦺꦭ꧀ꦱꦼꦢꦪꦔꦼꦁꦒꦺꦤ꧀ꦤꦶꦠꦤꦃꦥꦤ꧀ꦢꦸꦩ꧀ꦩꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧉​
32:19 ꦏꦸꦭꦩ꧀ꦧꦺꦴꦠꦼꦤ꧀ꦧꦝꦺꦚꦸꦮꦸꦤ꧀ꦥꦤ꧀ꦢꦸꦩ꧀ꦩꦤ꧀ꦱꦶꦠꦶꦱꦼꦏꦼꦝꦶꦏ꧀ꦏꦺꦩꦮꦺꦴꦤ꧀ꦲꦶꦁꦱꦏꦶꦭꦺꦤ꧀ꦤꦶꦁꦭꦺꦥꦺꦤ꧀​꧊ꦪꦂꦢꦺꦤ꧀꧈​ꦩꦼꦂꦒꦶꦏꦸꦭꦱꦩ꧀ꦥꦸꦤ꧀ꦤꦩ꧀ꦥꦶꦥꦤ꧀ꦢꦸꦩ꧀ꦩꦤ꧀ꦱꦶꦠꦶꦲꦶꦁꦱꦮꦺꦠꦤ꧀ꦤꦶꦥꦸꦤ꧀ꦭꦺꦥꦺꦤ꧀​꧊ꦪꦂꦢꦺꦤ꧀꧉"​
32:20 ꦮꦁꦱꦸꦭ꧀ꦭꦤ꧀ꦤꦺ​꧊ꦩꦸꦱ꧈​"ꦪꦺꦤ꧀ꦏꦤ꧀ꦝꦩꦸꦏꦸꦮꦶꦚꦠꦩꦼꦠꦸꦱꦏꦫꦶꦭꦤꦺꦲꦠꦶꦩꦸ꧈​ꦱꦲꦶꦏꦶꦲꦸꦒꦲꦤꦲꦶꦁꦏꦺꦩꦃꦱꦸꦕꦶꦏꦺꦤꦺꦏꦺꦴꦮꦺꦥꦝꦠꦠꦠꦠꦲꦩꦁꦏꦠ꧀ꦥꦼꦫꦁ꧉​
32:21 ꦏꦧꦺꦃꦮꦺꦴꦁꦩꦸꦱꦶꦁꦧꦶꦱꦥꦼꦫꦁꦏꦸꦢꦸꦚꦧꦿꦁꦏꦭꦶ​꧊ꦪꦂꦢꦺꦤ꧀꧉​ꦄꦭ꧀ꦭꦃꦥꦶꦪꦩ꧀ꦧꦏ꧀ꦱꦶꦁꦧꦏꦭ꧀ꦔꦶꦫꦶꦢ꧀ꦭꦤ꧀ꦏꦺꦴꦮꦺꦏꦧꦺꦃꦏꦸꦢꦸꦥꦝꦚꦼꦫꦁꦱꦏꦺꦃꦲꦶꦁꦩꦸꦁꦱꦸꦃꦏꦶꦠ꧈​ꦔꦤ꧀ꦠꦶꦄꦭ꧀ꦭꦃꦤꦼꦭꦸꦏ꧀ꦏꦏꦺ꧈​
32:22 ꦭꦤ꧀ꦔꦽꦧꦸꦠ꧀ꦠꦤꦃꦲꦶꦏꦶ꧉​ꦪꦺꦤ꧀ꦮꦶꦱ꧀ꦩꦼꦁꦏꦺꦴꦤꦺꦴꦏꦺꦴꦮꦺꦏꦧꦺꦃꦭꦒꦶꦥꦝꦏꦼꦤꦧꦭꦶꦩꦼꦚꦁꦲꦺꦴꦩꦃꦩꦸ꧈​ꦩꦼꦂꦒꦮꦶꦱ꧀ꦥꦝꦔ꧀ꦭꦏꦺꦴꦤ꧀ꦤꦶꦏꦸꦮꦗꦶꦧ꧀ꦧꦤ꧀ꦩꦸꦠꦸꦩꦿꦥ꧀ꦥꦶꦁꦄꦭ꧀ꦭꦃꦭꦤ꧀ꦠꦸꦩꦿꦥ꧀ꦥꦶꦁꦱꦼꦢꦸꦭꦸꦂꦱꦼꦢꦸꦭꦸꦂꦩꦸꦱꦧꦁꦱ꧉​
32:23 ꦤꦁꦔꦶꦁꦢꦶꦲꦺꦭꦶꦁ!ꦪꦺꦤ꧀ꦏꦺꦴꦮꦺꦲꦺꦴꦫꦤꦼꦠꦼꦥ꧀ꦥꦶꦗꦚ꧀ꦗꦶꦩꦸ꧈​ꦏꦺꦴꦮꦺꦢꦺꦴꦱꦩꦫꦁꦄꦭ꧀ꦭꦃ꧉​ꦢꦢꦶꦠꦸꦩꦶꦤ꧀ꦢꦏ꧀ꦩꦸꦱꦶꦁꦧꦼꦤꦼꦂ꧈​ꦱꦸꦥꦪꦏꦺꦴꦮꦺꦲꦺꦴꦫꦏꦼꦤꦥꦲꦸꦏꦸꦩ꧀ꦩꦤ꧀ꦤꦺꦄꦭ꧀ꦭꦃ꧉​
32:24 ꦮꦶꦱ꧀ꦥꦝꦔꦼꦢꦼꦒ꧀ꦤꦏꦸꦛꦏꦸꦛꦩꦸꦭꦤ꧀ꦏꦤ꧀ꦝꦁꦏꦤ꧀ꦝꦁꦔꦺꦮꦼꦝꦸꦱ꧀ꦩꦸ꧉​ꦩꦸꦁꦠꦤ꧀ꦱꦃꦥꦝꦲꦺꦭꦶꦁꦔꦩꦫꦁꦗꦚ꧀ꦗꦶꦩꦸ!"
32:25 ꦮꦺꦴꦁ​꧊ꦫꦸꦧꦺꦤ꧀ꦭꦤ꧀ꦠꦸꦫꦸꦤ꧀ꦒꦢ꧀ꦩꦲꦸꦤꦸꦭꦶꦥꦝꦏꦤ꧀ꦝ꧈​"ꦥꦏ꧀꧈​ꦏꦸꦭꦱꦩꦶꦧꦝꦺꦤꦶꦤ꧀ꦢꦏ꧀ꦏꦏꦼꦤ꧀ꦩꦼꦤꦥꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦝꦮꦸꦃꦲꦏꦼꦤ꧀꧉​
32:26 ꦲꦤꦏ꧀ꦱꦺꦩꦃꦠꦸꦮꦶꦤ꧀ꦫꦗꦏꦪ꧈​ꦊꦩ꧀ꦧꦸꦭꦤ꧀ꦩꦺꦤ꧀ꦢꦧꦝꦺꦱꦩꦶꦏꦸꦭꦠꦶꦭꦂꦲꦶꦁꦏꦶꦛꦏꦶꦛ​꧊ꦒꦶꦭꦺꦪꦢ꧀ꦔꦿꦶꦏꦶ꧉​
32:27 ꦤꦁꦔꦶꦁꦏꦸꦭꦥꦶꦪꦩ꧀ꦧꦏ꧀ꦱꦩꦶꦱꦶꦪꦒꦠꦸꦩꦸꦠ꧀ꦥꦼꦫꦁ꧈​ꦲꦶꦁꦏꦁꦏꦲꦶꦫꦶꦢ꧀ꦢꦺꦤꦶꦁꦥꦔꦺꦫꦤ꧀ꦥꦶꦪꦩ꧀ꦧꦏ꧀꧉​ꦏꦸꦭꦱꦩꦶꦧꦝꦺꦚꦧꦿꦁꦲꦶꦁꦭꦺꦥꦺꦤ꧀​꧊ꦪꦂꦢꦺꦤ꧀ꦭꦤ꧀ꦧꦝꦺꦱꦩꦶꦠꦸꦩꦸꦠ꧀ꦲꦶꦁꦥꦼꦫꦁ꧈​ꦏꦢꦺꦴꦱ꧀ꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦔꦤ꧀ꦢꦶꦏꦏ꧀ꦏꦏꦼꦤ꧀꧉"​
32:28 ​꧊ꦩꦸꦱꦤꦸꦭꦶꦏꦤ꧀ꦝꦏꦫꦺꦴ​꧊ꦌꦭꦺꦪꦗ꦳ꦂ꧈​​꧊ꦪꦺꦴꦱꦸꦮꦭꦤ꧀ꦥꦫꦥꦼꦁꦒꦼꦝꦺꦤꦺꦧꦁꦱ​꧊ꦆꦱꦿꦲꦺꦭ꧀꧈​ꦩꦼꦁꦏꦺꦤꦺ꧈​
32:29 "ꦪꦺꦤ꧀ꦮꦺꦴꦁꦠꦸꦫꦸꦤ꧀ꦒꦢ꧀ꦭꦤ꧀​꧊ꦫꦸꦧꦺꦤ꧀ꦥꦝꦔꦺꦱ꧀ꦠꦺꦴꦏ꧀ꦏꦏꦺꦝꦮꦸꦃꦲꦺꦄꦭ꧀ꦭꦃꦭꦤ꧀ꦚꦧꦿꦁꦲꦶꦁꦏꦭꦶ​꧊ꦪꦂꦢꦺꦤ꧀ꦩꦺꦭꦸꦥꦼꦫꦁ꧈​ꦭꦤ꧀ꦪꦺꦤ꧀ꦩꦼꦂꦒꦱꦏꦥꦩ꧀ꦧꦶꦪꦤ꧀ꦠꦸꦤꦺꦏꦺꦴꦮꦺꦏꦼꦭꦏꦺꦴꦤ꧀ꦧꦶꦱꦔꦽꦧꦸꦠ꧀ꦠꦤꦃꦲꦶꦏꦶ꧈​ꦥꦺꦴꦩꦲꦗꦭꦭꦶꦩꦺꦤꦺꦃꦲꦏꦺꦠꦤꦃ​꧊ꦒꦶꦭꦺꦪꦢ꧀ꦢꦢꦶꦥꦤ꧀ꦢꦸꦩ꧀ꦩꦤ꧀ꦤꦺꦮꦺꦴꦁꦠꦸꦫꦸꦤ꧀ꦒꦢ꧀ꦭꦤ꧀​꧊ꦫꦸꦧꦺꦤ꧀꧉​
32:30 ꦤꦁꦔꦶꦁꦩꦼꦤꦮꦮꦺꦴꦁꦮꦺꦴꦁꦩꦲꦸꦥꦝꦲꦺꦴꦫꦚꦧꦿꦁꦲꦶꦁꦏꦭꦶ​꧊ꦪꦂꦢꦺꦤ꧀ꦭꦤ꧀ꦩꦺꦭꦸꦥꦼꦫꦁꦏꦫꦺꦴꦏꦺꦴꦮꦺ꧈​ꦏꦸꦢꦸꦲꦺꦴꦭꦺꦃꦥꦤ꧀ꦢꦸꦩ꧀ꦩꦤ꧀ꦲꦶꦁꦠꦤꦃꦥꦸꦱꦏ​꧊ꦏꦺꦤꦲꦤ꧀ꦏꦸꦮꦶꦲꦺꦴꦫꦧꦺꦢꦏꦫꦺꦴꦏꦺꦴꦮꦺꦏꦧꦺꦃ꧉"​
32:31 ꦮꦁꦱꦸꦭ꧀ꦭꦤ꧀ꦤꦺꦮꦺꦴꦁꦠꦸꦫꦸꦤ꧀ꦒꦢ꧀ꦭꦤ꧀​꧊ꦫꦸꦧꦺꦤ꧀꧈​"ꦥꦏ꧀꧈​ꦏꦸꦭꦧꦝꦺꦤꦶꦤ꧀ꦢꦏ꧀ꦏꦏꦼꦤ꧀ꦩꦼꦤꦥꦲꦶꦁꦏꦁꦢꦶꦥꦸꦤ꧀ꦝꦮꦸꦃꦲꦏꦼꦤ꧀ꦢꦺꦤꦶꦁꦥꦔꦺꦫꦤ꧀꧉​
32:32 ꦏꦸꦭꦧꦝꦺꦱꦩꦶꦚꦧꦿꦁꦲꦶꦁꦭꦺꦥꦺꦤ꧀​꧊ꦪꦂꦢꦺꦤ꧀꧈​ꦩ꧀ꦭꦼꦧꦼꦠ꧀ꦲꦶꦁꦤꦼꦒꦫꦶ​꧊ꦏꦺꦤꦲꦤ꧀ꦱꦂꦠꦩꦗꦼꦁꦲꦶꦁꦥꦼꦫꦁꦲꦶꦁꦏꦁꦏꦲꦶꦫꦶꦢ꧀ꦢꦺꦤꦶꦁꦥꦔꦺꦫꦤ꧀꧈​ꦱꦸꦥꦢꦺꦴꦱ꧀ꦏꦸꦭꦱꦩꦶꦱꦒꦼꦢ꧀ꦠꦼꦠꦼꦥ꧀ꦠꦩ꧀ꦥꦶꦥꦤ꧀ꦢꦸꦩ꧀ꦩꦤ꧀ꦏꦸꦭꦲꦶꦁꦱꦶꦱꦶꦃꦮꦺꦠꦤꦶꦁꦭꦺꦥꦺꦤ꧀​꧊ꦪꦂꦢꦺꦤ꧀꧉"​
32:33 ​꧊ꦩꦸꦱꦧꦚ꧀ꦗꦸꦂꦩꦤ꧀ꦢꦸꦩ꧀ꦩꦶꦩꦫꦁꦠꦊꦂ​꧊ꦒꦢ꧀꧈​ꦠꦊꦂ​꧊ꦫꦸꦧꦺꦤ꧀ꦭꦤ꧀ꦱꦼꦥꦫꦺꦴꦤꦺꦠꦊꦂ​꧊ꦩꦤꦱꦾꦺꦏꦧꦺꦃꦠꦤꦃꦠꦶꦭꦱ꧀ꦮꦶꦭꦪꦃꦲꦺꦫꦗ​꧊ꦱꦶꦲꦺꦴꦤ꧀꧈​ꦪꦏꦸꦮꦶꦫꦗꦤꦺꦮꦺꦴꦁ​꧊ꦄꦩꦺꦴꦫꦶ꧈​ꦱꦼꦩꦺꦴꦤꦺꦴꦲꦸꦒꦱꦶꦁꦧꦶꦪꦺꦤ꧀ꦮꦶꦭꦪꦃꦲꦺꦫꦗ​꧊ꦎꦒ꧀꧈​ꦮꦺꦴꦁ​꧊ꦧꦱꦤ꧀꧈​ꦱꦼꦩꦺꦴꦤꦺꦴꦲꦸꦒꦏꦸꦛꦏꦸꦛꦭꦤ꧀ꦠꦤꦃꦲꦶꦁꦱꦏꦶꦮꦠꦼꦔꦼꦤ꧀ꦤꦺ꧉​
32:34 ꦠꦊꦂ​꧊ꦒꦢ꧀ꦧꦚ꧀ꦗꦸꦂꦩ꧀ꦧꦔꦸꦤ꧀ꦏꦸꦛꦏꦸꦛꦱꦶꦁꦮꦶꦱ꧀ꦫꦸꦱꦏ꧀꧈​ꦪꦏꦸꦮꦶꦏꦸꦛ​꧊ꦢꦶꦧꦺꦴꦤ꧀꧈​​꧊ꦄꦠꦫꦺꦴꦠ꧀꧈​​꧊ꦄꦫꦺꦴꦮꦺꦂ꧈​
32:35 ​꧊ꦄꦠꦫꦺꦴꦠ꧀​꧊ꦱꦺꦴꦥ꦳ꦤ꧀꧈​​꧊ꦪꦲꦺꦗ꦳ꦺꦂ꧈​​꧊ꦪꦺꦴꦒ꧀ꦧꦺꦲ꧈​
32:36 ​꧊ꦧꦺꦠ꧀​꧊ꦤꦶꦩꦿ꧈​ꦭꦤ꧀​꧊ꦧꦺꦠ꧀​꧊ꦲꦫꦤ꧀꧉​
32:37 ꦢꦺꦤꦺꦠꦊꦂ​꧊ꦫꦸꦧꦺꦤ꧀ꦩ꧀ꦧꦔꦸꦤ꧀ꦩꦼꦤꦺꦃꦏꦸꦛꦏꦸꦛꦱꦶꦁꦩꦲꦸꦤꦺꦮꦶꦱ꧀ꦫꦸꦱꦏ꧀꧉​ꦪꦏꦸꦮꦶꦏꦸꦛꦏꦸꦛ​꧊ꦲꦺꦱ꧀ꦧꦺꦴꦤ꧀꧈​​꧊ꦌꦭꦺꦪꦭꦺ꧈​​꧊ꦏꦶꦂꦪꦠꦲꦶꦩ꧀꧈​
32:38 ​꧊ꦤꦺꦧꦺꦴ꧈​​꧊ꦧꦲꦭ꧀​꧊ꦩꦺꦪꦺꦴꦤ꧀꧌ꦗꦼꦤꦼꦁꦔꦺꦏꦸꦛꦩꦲꦸꦢꦶꦒꦤ꧀ꦠꦶ꧍​ꦭꦤ꧀​꧊ꦱꦶꦧ꧀ꦩ꧉​ꦏꦸꦛꦏꦸꦛꦱꦶꦁꦢꦶꦧꦔꦸꦤ꧀ꦩꦼꦤꦺꦃꦩꦲꦸꦢꦶꦗꦼꦤꦼꦁꦔꦶꦲꦚꦂ꧉​
32:39 ꦠꦸꦫꦸꦤ꧀​꧊ꦩꦏꦶꦂ꧈​ꦲꦤꦏ꧀ꦏꦺ​꧊ꦩꦤꦱꦾꦺꦚꦼꦫꦁꦮꦺꦴꦁ​꧊ꦒꦶꦭꦺꦪꦢ꧀꧈​ꦠꦤꦃꦲꦺꦢꦶꦲꦼꦁꦒꦺꦴꦤ꧀ꦤꦶꦭꦤ꧀ꦮꦺꦴꦁ​꧊ꦄꦩꦺꦴꦫꦶꦱꦶꦁꦥꦝꦲꦤꦲꦶꦁꦏꦤꦢꦶꦠꦸꦤ꧀ꦝꦸꦁꦔꦶ꧉​
32:40 ꦩꦸꦭꦤꦺ​꧊ꦩꦸꦱꦩꦺꦤꦺꦃꦲꦏꦺꦠꦤꦃ​꧊ꦒꦶꦭꦺꦪꦢ꧀ꦩꦲꦸꦩꦫꦁꦮꦺꦴꦁꦮꦺꦴꦁꦠꦿꦃ​꧊ꦩꦏꦶꦂ;ꦮꦺꦴꦁꦮꦺꦴꦁꦏꦸꦮꦶꦧꦚ꧀ꦗꦸꦂꦥꦝꦠꦼꦠꦼꦥ꧀ꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴ꧉​
32:41 ​꧊ꦪꦲꦶꦂꦱꦏꦠꦊꦂ​꧊ꦩꦤꦱꦾꦺꦚꦼꦫꦁꦭꦤ꧀ꦔꦽꦧꦸꦠ꧀ꦢꦺꦱꦱꦮꦼꦠꦫ꧈​ꦱꦶꦁꦢꦶꦗꦼꦤꦼꦁꦔꦏꦺ"ꦢꦺꦱꦢꦺꦱꦤꦺ​꧊ꦪꦲꦶꦂ"꧉​
32:42 ​꧊ꦤꦺꦴꦧꦃꦲꦸꦒꦚꦼꦫꦁꦭꦤ꧀ꦔꦽꦧꦸꦠ꧀​꧊ꦏꦺꦤꦠ꧀꧈​ꦱꦂꦠꦢꦺꦱꦢꦺꦱꦱꦮꦼꦠꦫ;ꦏꦸꦛꦩꦲꦸꦧꦚ꧀ꦗꦸꦂꦢꦶꦗꦼꦤꦼꦁꦔꦏꦺ​꧊ꦤꦺꦴꦧꦃ꧈​ꦏꦪꦗꦼꦤꦼꦁꦔꦺꦝꦺꦮꦺ꧉​