Jv/Alkitab/Wilangan/10

^10:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^10:2 "ꦒꦮꦺꦪꦱ꧀ꦭꦺꦴꦩ꧀ꦥꦿꦺꦠ꧀ꦱ꧀ꦭꦏꦠꦠꦃꦲꦤ꧀ꦭꦺꦴꦫꦺꦴ꧈​ꦏꦁꦒꦺꦴꦠꦤ꧀ꦝꦔ꧀ꦭꦸꦩ꧀ꦥꦸꦏ꧀ꦏꦏꦺꦫꦏꦾꦠ꧀ꦲꦸꦠꦮꦩ꧀ꦧꦸꦝꦭ꧀ꦭꦏꦺꦮꦢꦾꦧꦭ꧉​

^10:3 ꦪꦺꦤ꧀ꦱ꧀ꦭꦺꦴꦩ꧀ꦥꦿꦺꦠ꧀ꦭꦺꦴꦫꦺꦴꦭꦺꦴꦫꦺꦴꦤꦺꦲꦸꦤꦶꦤꦺꦢꦮꦏꦸꦮꦶꦠꦤ꧀ꦝꦤꦺꦮꦺꦴꦁꦏꦧꦺꦃꦏꦸꦢꦸꦔ꧀ꦭꦸꦩ꧀ꦥꦸꦏ꧀꧈​ꦲꦶꦁꦱꦏꦶꦮꦠꦼꦔꦼꦤ꧀ꦩꦸ꧈​ꦲꦶꦁꦔꦉꦥ꧀ꦥꦺꦏꦺꦩꦃꦱꦸꦕꦶ꧉​

^10:4 ꦤꦁꦔꦶꦁꦪꦺꦤ꧀ꦱꦶꦁꦢꦶꦲꦸꦤꦺꦏ꧀ꦏꦏꦺꦩꦸꦁꦱꦶꦗꦶ꧈​ꦱꦶꦁꦏꦸꦢꦸꦔ꧀ꦭꦸꦩ꧀ꦥꦸꦏ꧀ꦩꦸꦁꦥꦫꦥꦼꦁꦒꦼꦝꦺꦛꦺꦴꦏ꧀꧉​

^10:5 ꦪꦺꦤ꧀ꦲꦸꦤꦶꦤꦺꦕꦼꦏꦏ꧀ꦕꦼꦏꦏ꧀ꦏꦸꦮꦶꦠꦤ꧀ꦝꦤꦺꦥꦫꦠꦊꦂꦱꦶꦁꦩꦁꦒꦺꦴꦤ꧀ꦲꦶꦁꦱꦮꦺꦠꦤ꧀ꦤꦺꦏꦺꦩꦃꦱꦸꦕꦶꦏꦸꦢꦸꦧꦸꦝꦭ꧀꧉​

^10:6 ꦠꦤ꧀ꦝꦕꦼꦏꦏ꧀ꦕꦼꦏꦏ꧀ꦱꦶꦁꦏꦥꦶꦤ꧀ꦝꦺꦴ꧈​ꦠꦤ꧀ꦝꦤꦺꦠꦊꦂꦠꦊꦂꦱꦶꦁꦩꦁꦒꦺꦴꦤ꧀ꦲꦶꦁꦱꦏꦶꦢꦸꦭ꧀ꦭꦺꦏꦺꦩꦃꦱꦸꦕꦶꦏꦸꦢꦸꦧꦸꦝꦭ꧀꧉​ꦢꦢꦶꦠꦤ꧀ꦝꦕꦼꦏꦏ꧀ꦕꦼꦏꦏ꧀ꦏꦸꦮꦶꦥꦽꦠꦤ꧀ꦝꦤꦺꦮꦺꦴꦁꦏꦸꦢꦸꦧꦸꦝꦭ꧀꧉​

^10:7 ꦤꦁꦔꦶꦁꦪꦺꦤ꧀ꦢꦮ꧈​ꦏꦸꦮꦶꦥꦽꦠꦤ꧀ꦝꦪꦺꦤ꧀ꦮꦺꦴꦁꦏꦸꦢꦸꦔ꧀ꦭꦸꦩ꧀ꦥꦸꦏ꧀꧉​

^10:8 ꦱꦶꦁꦔꦸꦤꦺꦏ꧀ꦏꦏꦺꦱ꧀ꦭꦺꦴꦩ꧀ꦥꦿꦺꦠ꧀ꦩꦲꦸꦏꦸꦢꦸꦲꦶꦩꦩ꧀ꦲꦶꦩꦩ꧀꧈​ꦲꦤꦏ꧀ꦲꦤꦏ꧀ꦏꦺꦲꦫꦸꦤ꧀꧉"​ꦥꦽꦤꦠꦤ꧀ꦏꦪꦩꦼꦁꦏꦺꦤꦺꦲꦶꦏꦶꦏꦸꦢꦸꦢꦶꦠꦶꦤ꧀ꦢꦏ꧀ꦏꦏꦺꦲꦶꦁꦱꦼꦭꦮꦱ꧀ꦱꦺ꧈​

^10:9 "ꦪꦺꦤ꧀ꦏꦺꦴꦮꦺꦭꦒꦶꦥꦫꦁꦔ꧀ꦭꦮꦤ꧀ꦩꦸꦁꦱꦸꦃꦱꦶꦁꦚꦼꦫꦁꦤꦼꦒꦫꦩꦸ꧈​ꦏꦺꦴꦮꦺꦔꦸꦤꦺꦏ꧀ꦤꦱ꧀ꦭꦺꦴꦩ꧀ꦥꦿꦺꦠ꧀ꦱ꧀ꦭꦺꦴꦩ꧀ꦥꦿꦺꦠ꧀ꦩꦲꦸ꧉​ꦲꦏꦸꦥꦔꦺꦫꦤ꧀ꦲꦭ꧀ꦭꦃꦩꦸꦧꦏꦭ꧀ꦩꦶꦠꦸꦭꦸꦁꦔꦶꦭꦤ꧀ꦔꦸꦮꦭ꧀ꦭꦏꦺꦏꦺꦴꦮꦺꦱꦏꦩꦸꦁꦱꦸꦃꦩꦸꦁꦱꦸꦃꦩꦸ꧉​

^10:10 ꦱꦼꦩꦺꦴꦤꦺꦴꦲꦸꦒꦪꦺꦤ꧀ꦏꦺꦴꦮꦺꦥꦝꦧꦸꦔꦃꦧꦸꦔꦃꦔꦿꦶꦪꦪꦏ꧀ꦏꦏꦺꦱꦱꦶꦲꦚꦂ꧈​ꦲꦸꦠꦮꦫꦶꦪꦪꦫꦶꦪꦪꦩꦶꦠꦸꦫꦸꦠ꧀ꦥꦽꦤꦠꦤꦺꦲꦒꦩ꧉​ꦱ꧀ꦭꦺꦴꦩ꧀ꦥꦿꦺꦠ꧀ꦏꦸꦮꦶꦲꦶꦪꦲꦸꦤꦺꦏ꧀ꦤꦱꦩꦱꦏꦺꦴꦮꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦭꦤ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦲꦏꦸꦧꦏꦭ꧀ꦩꦶꦠꦸꦭꦸꦁꦔꦶꦏꦺꦴꦮꦺ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​​꧊ꦄꦭ꧀ꦭꦭ꧀ꦩꦸ꧉"​

^10:11 ꦲꦶꦁꦠꦲꦸꦏꦥꦶꦤ꧀ꦝꦺꦴꦱꦮꦶꦱ꧀ꦱꦺꦧꦁꦱ​꧊ꦆꦱꦿꦲꦺꦭ꧀ꦩꦼꦠꦸꦱꦏꦠꦤꦃ​꧊ꦩꦺꦱꦶꦂ꧈​ꦲꦶꦁꦠꦁꦒꦭ꧀ꦭꦺꦴꦫꦺꦴ꧈​ꦱꦱꦶꦏꦥꦶꦤ꧀ꦝꦺꦴ꧈​ꦩꦺꦒꦲꦶꦁꦱꦤ꧀ꦝꦸꦮꦸꦂꦫꦺꦏꦺꦩꦃꦱꦸꦕꦶꦩꦸꦁꦒꦃ꧉​

^10:12 ꦮꦺꦴꦁ​꧊ꦆꦱꦿꦲꦺꦭ꧀ꦲꦶꦪꦧꦚ꧀ꦗꦸꦂꦥꦝꦧꦸꦝꦭ꧀꧈​ꦩꦼꦠꦸꦱꦏꦲꦫꦲꦫꦱꦩꦸꦤꦺꦥꦼꦒꦸꦤꦸꦁꦔꦤ꧀​꧊ꦱꦶꦤꦲꦶ꧉​ꦱꦠꦼꦏꦤꦺꦲꦶꦁꦲꦫꦲꦫꦱꦩꦸꦤ꧀ꦥꦫꦤ꧀꧈​ꦩꦺꦒꦩꦲꦸꦤꦸꦭꦶꦩꦸꦝꦸꦤ꧀ꦩꦤ꧀ꦝꦼꦒ꧀꧉​

^10:13 ꦧꦁꦱ​꧊ꦆꦱꦿꦲꦺꦭ꧀ꦏꦸꦮꦶꦧꦸꦝꦭ꧀ꦭꦺꦲꦠꦱ꧀ꦝꦮꦸꦃꦲꦺꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​

^10:14 ꦭꦏꦸꦤꦺꦲꦗꦼꦒ꧀ꦥꦝꦏꦫꦺꦴꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀ꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺ꧉​ꦱꦶꦁꦭꦏꦸꦤꦺꦔꦶꦫꦶꦁꦔꦏꦺꦒꦼꦤ꧀ꦢꦺꦫꦤꦺ​꧊ꦪꦺꦲꦸꦢꦩꦁꦏꦠ꧀ꦝꦶꦱꦶꦏ꧀꧈​ꦱꦏ꧀ꦭꦺꦴꦩ꧀ꦥꦺꦴꦏ꧀ꦱꦏ꧀ꦭꦺꦴꦩ꧀ꦥꦺꦴꦏ꧀꧈​ꦥꦼꦁꦒꦼꦝꦺꦤꦺ​꧊ꦤꦲꦱꦺꦴꦤ꧀ꦧꦶꦤ꧀​꧊ꦄꦩꦶꦤꦢꦧ꧀꧉​

^10:15 ​꧊ꦤꦺꦠꦤꦺꦪꦺꦭ꧀ꦧꦶꦤ꧀​꧊ꦗ꦳ꦸꦮꦂꦏꦸꦮꦶꦥꦼꦁꦒꦼꦝꦺꦤꦺꦠꦊꦂ​꧊ꦆꦱꦏꦂ꧈​

^10:16 ꦭꦤ꧀​꧊ꦌꦭꦶꦪꦧ꧀ꦧꦶꦤ꧀​꧊ꦲꦺꦭꦺꦴꦤ꧀ꦥꦼꦁꦒꦼꦝꦺꦤꦺꦠꦊꦂ​꧊ꦗ꦳ꦺꦧꦸꦭꦺꦴꦤ꧀꧉​

^10:17 ꦏꦺꦩꦃꦱꦸꦕꦶꦤꦸꦭꦶꦢꦶꦧꦼꦝꦺꦴꦭ꧀꧉​ꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀ꦭꦤ꧀ꦠꦸꦫꦸꦤ꧀ꦤꦺ​꧊ꦩꦺꦫꦫꦶꦱꦶꦁꦩꦶꦏꦸꦭ꧀ꦏꦺꦩꦃꦧꦚ꧀ꦗꦸꦂꦧꦸꦝꦭ꧀꧉​

^10:18 ꦢꦶꦱꦸꦱꦸꦭ꧀ꦒꦺꦴꦭꦺꦴꦁꦔꦤ꧀ꦱꦶꦁꦢꦶꦥꦶꦩ꧀ꦥꦶꦤ꧀ꦠꦊꦂ​꧊ꦫꦸꦧꦺꦤ꧀꧈​ꦱꦏ꧀ꦭꦺꦴꦩ꧀ꦥꦺꦴꦏ꧀ꦱꦏ꧀ꦭꦺꦴꦩ꧀ꦥꦺꦴꦏ꧀ꦢꦶꦥꦼꦁꦒꦼꦝꦺꦤ꧀ꦤꦶ​꧊ꦌꦭꦶꦗ꦳ꦸꦂꦧꦶꦤ꧀​꧊ꦱꦺꦝꦺꦪꦸꦂ꧉​

^10:19 ​꧊ꦱꦺꦭꦸꦩꦶꦪꦺꦭ꧀ꦧꦶꦤ꧀​꧊ꦗ꦳ꦸꦫꦶꦱꦶꦪꦢꦲꦶꦏꦸꦮꦶꦥꦼꦁꦒꦼꦝꦺꦒꦺꦴꦭꦺꦴꦁꦔꦤ꧀ꦤꦺꦠꦊꦂ​꧊ꦱꦶꦩꦺꦪꦺꦴꦤ꧀꧈​

^10:20 ꦭꦤ꧀​꧊ꦌꦭꦶꦪꦱꦥ꦳꧀ꦧꦶꦤ꧀​꧊ꦢꦺꦲꦸꦮꦺꦭ꧀ꦥꦼꦁꦒꦼꦝꦺꦒꦺꦴꦭꦺꦴꦁꦔꦤ꧀ꦤꦺꦠꦊꦂ​꧊ꦒꦢ꧀꧉​

^10:21 ꦢꦶꦱꦸꦱꦸꦭ꧀ꦥꦫꦮꦺꦴꦁ​꧊ꦭꦺꦮꦶꦱꦏꦒꦺꦴꦭꦺꦴꦁꦔꦤ꧀ꦠꦸꦫꦸꦤ꧀ꦤꦺ​꧊ꦏꦺꦲꦠ꧀ꦏꦫꦺꦴꦔ꧀ꦒꦮꦧꦫꦁꦧꦫꦁꦱꦸꦕꦶ꧉​ꦱꦠꦼꦏꦤꦺꦲꦶꦁꦥꦭꦺꦫꦺꦤ꧀ꦤꦤ꧀ꦕꦤ꧀ꦝꦏ꧀ꦏꦺ꧈​ꦏꦺꦩꦃꦱꦸꦕꦶꦮꦶꦱ꧀ꦢꦶꦥꦱꦁꦩꦼꦤꦺꦃ꧉​

^10:22 ꦢꦶꦱꦸꦱꦸꦭ꧀ꦏꦫꦺꦴꦒꦺꦴꦭꦺꦴꦁꦔꦤ꧀ꦱꦶꦁꦢꦶꦥꦶꦩ꧀ꦥꦶꦤ꧀ꦠꦊꦂ​꧊ꦌꦥ꦳ꦿꦲꦶꦩ꧀꧈​ꦱꦏ꧀ꦭꦺꦴꦩ꧀ꦥꦺꦴꦏ꧀ꦱꦏ꧀ꦭꦺꦴꦩ꧀ꦥꦺꦴꦏ꧀꧈​ꦢꦶꦥꦼꦁꦒꦼꦝꦺꦤ꧀ꦤꦶ​꧊ꦌꦭꦶꦱꦩꦧꦶꦤ꧀​꧊ꦄꦩꦶꦲꦸꦢ꧀꧉​

^10:23 ​꧊ꦒꦩꦭꦶꦪꦺꦭ꧀ꦧꦶꦤ꧀​꧊ꦥꦺꦢꦗ꦳ꦸꦂꦩꦶꦩ꧀ꦥꦶꦤ꧀ꦠꦊꦂ​꧊ꦩꦤꦱꦾꦺ꧈​

^10:24 ꦭꦤ꧀​꧊ꦄꦧꦶꦢꦤ꧀ꦧꦶꦤ꧀​꧊ꦒꦺꦢꦺꦪꦺꦴꦤꦶꦩꦁꦒꦼꦝꦺꦤ꧀ꦤꦶꦒꦺꦴꦭꦺꦴꦁꦔꦤ꧀ꦠꦊꦂ​꧊ꦧꦺꦚꦩꦶꦤ꧀꧉​

^10:25 ꦱꦶꦁꦧꦸꦝꦭ꧀ꦏꦺꦫꦶꦝꦺꦮꦺꦒꦺꦴꦭꦺꦴꦁꦔꦤ꧀ꦱꦶꦁꦢꦶꦥꦶꦩ꧀ꦥꦶꦤ꧀ꦠꦊꦂ​꧊ꦝꦤ꧀꧉​ꦏꦸꦮꦶꦱꦶꦁꦔꦶꦫꦶꦢ꧀ꦒꦺꦴꦭꦺꦴꦔꦒꦺꦴꦭꦺꦴꦁꦔꦤ꧀ꦏꦧꦺꦃ꧉​ꦭꦏꦸꦤꦺꦱꦏ꧀ꦭꦺꦴꦩ꧀ꦥꦺꦴꦏ꧀ꦱꦏ꧀ꦭꦺꦴꦩ꧀ꦥꦺꦴꦏ꧀꧈​ꦢꦶꦥꦼꦁꦒꦼꦝꦺꦤ꧀ꦤꦶꦢꦺꦤꦶꦁ​꧊ꦄꦲꦶꦪꦺꦗ꦳ꦺꦂꦧꦶꦤ꧀​꧊ꦄꦩꦶꦱꦶꦪꦢꦲꦶ꧉​

^10:26 ​꧊ꦥꦒꦶꦪꦺꦭ꧀ꦧꦶꦤ꧀​꧊ꦎꦏꦿꦤ꧀ꦩꦶꦩ꧀ꦥꦶꦤ꧀ꦒꦺꦴꦭꦺꦴꦔꦤ꧀ꦒꦺꦴꦭꦺꦴꦔꦤ꧀ꦤꦺꦠꦊꦂ​꧊ꦄꦱꦾꦺꦂ꧉​

^10:27 ꦢꦺꦤꦺ​꧊ꦄꦲꦶꦫꦧꦶꦤ꧀​꧊ꦌꦤꦤ꧀ꦩꦶꦩ꧀ꦥꦶꦤ꧀ꦒꦺꦴꦭꦺꦴꦔꦤ꧀ꦒꦺꦴꦭꦺꦴꦔꦤ꧀ꦠꦊꦂ​꧊ꦤꦥ꦳꧀ꦠꦭꦶ꧉​

^10:28 ꦏꦪꦩꦼꦁꦏꦺꦴꦤꦺꦴꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀ꦤꦺꦏ꧀ꦭꦺꦴꦩ꧀ꦥꦺꦴꦏ꧀꧈​ꦭꦤ꧀ꦒꦺꦴꦭꦺꦴꦁꦔꦤ꧀ꦤꦺꦱꦧꦼꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦩ꧀ꦭꦏꦸꦥꦶꦤ꧀ꦝꦃꦥꦁꦒꦺꦴꦤ꧀ꦤꦤ꧀꧉​

^10:29 ​꧊ꦩꦸꦱꦏꦤ꧀ꦝꦏꦫꦺꦴ​꧊ꦲꦺꦴꦧꦧ꧀ꦧꦶꦤ꧀​꧊ꦢꦺꦲꦸꦮꦺꦭ꧀꧈​ꦮꦺꦴꦁ​꧊ꦩꦶꦢꦶꦪꦤ꧀꧈​ꦲꦶꦥꦺꦤꦺ꧈​"ꦲꦏꦸꦱꦲꦶꦏꦶꦲꦉꦥ꧀ꦥꦝꦩꦁꦏꦠ꧀ꦩꦼꦚꦁꦥꦁꦒꦺꦴꦤ꧀ꦤꦤ꧀ꦱꦶꦁꦩꦶꦠꦸꦫꦸꦠ꧀ꦥꦔꦤ꧀ꦢꦶꦏꦤꦺꦄꦭ꧀ꦭꦃꦲꦉꦥ꧀ꦢꦶꦥꦫꦶꦁꦔꦏꦺꦩꦫꦁꦲꦏꦸꦏꦧꦺꦃ꧉​ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦗꦚ꧀ꦗꦶꦲꦉꦥ꧀ꦤ꧀ꦢꦢꦺꦏ꧀ꦏꦏꦺ​꧊ꦆꦱꦿꦲꦺꦭ꧀ꦢꦢꦶꦧꦁꦱꦱꦶꦁꦩꦏ꧀ꦩꦸꦂ꧉​ꦏꦺꦴꦮꦺꦩꦺꦭꦸꦮꦲꦏꦸꦱꦸꦥꦪꦩ꧀ꦧꦺꦱꦸꦏ꧀ꦩꦺꦭꦸꦔꦿꦱꦏ꧀ꦏꦏꦺꦏꦼꦩꦏ꧀ꦩꦸꦂꦫꦤ꧀ꦩꦲꦸ꧉"​

^10:30 ꦮꦁꦱꦸꦭ꧀ꦭꦤ꧀ꦤꦺ​꧊ꦲꦺꦴꦧꦧ꧀꧈​"ꦩꦠꦸꦂꦤꦸꦮꦸꦤ꧀꧈​ꦤꦁꦔꦶꦁꦲꦏꦸꦏꦼꦥꦺꦔꦶꦤ꧀ꦧꦭꦶꦩꦼꦚꦁꦠꦤꦃꦏꦼꦭꦲꦶꦂꦫꦤ꧀ꦏꦸ꧉"​

^10:31 "ꦭ꧀ꦲꦺꦴ꧈​ꦲꦏꦸꦲꦗꦏꦺꦴꦏ꧀ꦠꦶꦁꦒꦭ꧀꧈"​ꦏꦤ꧀ꦝꦤꦺ​꧊ꦩꦸꦱ꧈​"ꦏꦺꦴꦮꦺꦫꦏ꧀ꦢꦢꦶꦥꦼꦩꦶꦩ꧀ꦥꦶꦤ꧀ꦏꦸ꧈​ꦩꦼꦂꦒꦮꦼꦫꦸꦃꦥꦁꦒꦺꦴꦤ꧀ꦤꦤ꧀ꦲꦶꦁꦲꦫꦲꦫꦱꦩꦸꦤ꧀ꦱꦶꦁꦏꦼꦤꦏꦁꦒꦺꦴꦭꦺꦫꦺꦤ꧀꧉​

^10:32 ꦪꦺꦤ꧀ꦏꦺꦴꦮꦺꦩꦺꦭꦸꦲꦏꦸ꧈​ꦩ꧀ꦧꦺꦱꦸꦏ꧀ꦏꦺꦴꦮꦺꦢꦏ꧀ꦥꦤ꧀ꦢꦸꦩ꧀ꦩꦶꦱꦏꦺꦃꦲꦶꦁꦧꦼꦂꦏꦃꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦩꦫꦁꦲꦏꦸ꧉"​

^10:33 ꦱꦮꦶꦱ꧀ꦱꦺꦧꦁꦱ​꧊ꦆꦱꦿꦲꦺꦭ꧀ꦧꦸꦝꦭ꧀ꦱꦏꦥꦼꦒꦸꦤꦸꦁꦔꦤ꧀​꧊ꦱꦶꦤꦲꦶ꧈​ꦢꦶꦱꦼꦧꦸꦠ꧀ꦒꦸꦤꦸꦁꦱꦸꦕꦶ꧈​ꦩ꧀ꦭꦏꦸꦱꦗꦿꦺꦴꦤꦺꦠꦼꦭꦸꦁꦢꦶꦤ꧉​ꦥꦼꦛꦶꦤꦺꦥꦽꦗꦚ꧀ꦗꦶꦪꦤ꧀ꦩ꧀ꦭꦏꦸꦲꦤꦲꦶꦁꦔꦉꦥ꧀ꦝꦺꦮꦺꦏꦫꦺꦴꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁꦧꦼꦕꦶꦏ꧀ꦏꦁꦒꦺꦴꦭꦺꦫꦺꦤ꧀꧉​

^10:34 ꦱꦗꦿꦺꦴꦤꦺꦔꦺꦴꦭꦃꦔꦭꦶꦃꦱꦏꦥꦭꦺꦫꦺꦤ꧀ꦤꦤ꧀ꦱꦶꦗꦶꦩꦼꦚꦁꦱꦶꦗꦶꦤꦺ꧈​ꦩꦺꦒꦤꦶꦁꦥꦔꦺꦫꦤ꧀ꦪꦺꦤ꧀ꦲꦮꦤ꧀ꦠꦤ꧀ꦱꦃꦲꦤꦲꦶꦁꦤ꧀ꦝꦸꦮꦸꦂꦫꦺꦲꦸꦩꦠ꧀​꧊ꦆꦱꦿꦲꦺꦭ꧀꧉​

^10:35 ꦱꦧꦼꦤ꧀ꦥꦼꦛꦶꦥꦽꦗꦚ꧀ꦗꦶꦪꦤ꧀ꦲꦉꦥ꧀ꦢꦶꦲꦁꦏꦠ꧀꧈​​꧊ꦩꦸꦱꦩꦸꦚ꧀ꦗꦸꦏ꧀ꦩꦼꦁꦏꦺꦤꦺ꧈​"ꦝꦸꦃꦄꦭ꧀ꦭꦃ꧈​ꦩꦸꦒꦶꦏꦼꦂꦱꦗꦸꦩꦼꦤꦼꦁ꧉​ꦩꦼꦁꦱꦃꦩꦼꦁꦱꦃꦱꦩꦶꦧꦸꦪꦂꦫ꧈​ꦭꦤ꧀ꦠꦶꦪꦁꦲꦶꦁꦏꦁꦱꦼꦔꦶꦠ꧀ꦝꦠꦼꦁꦥꦢꦸꦏꦱꦩꦶꦏꦼꦥ꧀ꦭꦗꦼꦁꦔꦱꦏꦶꦁꦔꦂꦱꦥꦢꦸꦏ꧉"​

^10:36 ꦢꦺꦤꦺꦱꦩꦱꦩꦤ꧀ꦝꦼꦒ꧀꧈​​꧊ꦩꦸꦱꦩꦸꦚ꧀ꦗꦸꦏ꧀꧈​"ꦝꦸꦃꦄꦭ꧀ꦭꦃ꧈​ꦩꦸꦒꦶꦏꦼꦂꦱꦩ꧀ꦧꦼꦂꦏꦃꦲꦶꦥꦫꦲꦸꦩꦠ꧀​꧊ꦆꦱꦿꦲꦺꦭ꧀ꦲꦶꦁꦏꦁꦕꦕꦃꦲꦶꦥꦸꦤ꧀ꦩꦲꦺꦮꦸꦲꦺꦮꦸꦩꦼꦤꦶꦏ꧉"​