Jv/Alkitab/Wilangan/4

^4:1 ꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦶ​꧊ꦩꦸꦱ

^4:2 ꦔꦺꦠꦸꦁꦮꦺꦴꦁ​꧊ꦭꦺꦮꦶꦠꦸꦫꦸꦤ꧀ꦏꦺꦲꦠ꧀ꦩꦶꦠꦸꦫꦸꦠ꧀ꦏꦸꦭꦮꦂꦒꦤꦺꦝꦺꦮꦺꦝꦺꦮꦺ꧈​

^4:3 ꦱꦂꦠꦚꦛꦼꦠ꧀ꦗꦼꦤꦼꦁꦔꦺꦮꦺꦴꦁꦭꦤꦁꦏꦧꦺꦃꦱꦶꦁꦲꦸꦩꦸꦂꦲꦤ꧀ꦠꦫꦤꦺꦠꦼꦭꦸꦁꦥꦸꦭꦸꦃꦠꦼꦏꦤ꧀ꦱꦺꦏꦼꦠ꧀ꦠꦲꦸꦤ꧀꧈​ꦱꦶꦁꦧꦶꦱꦚꦩ꧀ꦧꦸꦠ꧀ꦒꦮꦺꦲꦶꦁꦏꦺꦩꦃꦱꦸꦕꦶ꧉​

^4:4 ꦏꦸꦮꦗꦶꦧ꧀ꦧꦤ꧀ꦤꦺꦮꦺꦴꦁꦮꦺꦴꦁꦩꦲꦸꦔꦿꦸꦩꦠ꧀ꦠꦶꦧꦫꦁꦧꦫꦁꦱꦶꦁꦱꦸꦕꦶꦧꦔꦼꦠ꧀꧉​

^4:5 ꦢꦺꦤꦺꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦩꦸꦱꦩꦲꦸꦩꦼꦁꦏꦺꦤꦺ꧈​"ꦲꦶꦁꦮꦼꦏ꧀ꦠꦸꦤꦺꦩ꧀ꦧꦼꦝꦺꦴꦭ꧀ꦏꦺꦩꦃꦱꦸꦕꦶ꧈​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦏꦸꦢꦸꦩ꧀ꦭꦼꦧꦸꦲꦶꦁꦏꦺꦩꦃ꧈​ꦔꦼꦝꦸꦤ꧀ꦤꦏꦺꦒꦼꦧꦼꦂꦱꦶꦁꦲꦤꦲꦶꦁꦔꦉꦥ꧀ꦥꦺꦥꦼꦛꦶꦥꦽꦗꦚ꧀ꦗꦶꦪꦤ꧀꧈​ꦤꦸꦭꦶꦤꦸꦠꦸꦥ꧀ꦥꦶꦥꦼꦛꦶꦤꦺꦔꦁꦒꦺꦴꦒꦼꦧꦼꦂꦩꦲꦸ꧉​

^4:6 ꦱꦮꦶꦱ꧀ꦱꦺꦏꦸꦮꦶꦒꦼꦧꦼꦂꦫꦺꦧꦚ꧀ꦗꦸꦂꦢꦶꦠꦸꦠꦸꦥ꧀ꦔꦁꦒꦺꦴꦊꦩ꧀ꦧꦂꦫꦤ꧀ꦏꦸꦭꦶꦠ꧀ꦱꦶꦁꦲꦭꦸꦱ꧀꧈​ꦭꦤ꧀ꦏꦸꦭꦶꦠ꧀ꦲꦭꦸꦱ꧀ꦩꦲꦸꦢꦶꦭꦥꦶꦱ꧀ꦱꦶꦩꦺꦴꦫꦶꦧꦶꦫꦸ꧉​ꦱꦮꦶꦱ꧀ꦱꦺꦏꦸꦮꦶꦭꦒꦶꦏꦪꦸꦤꦺꦱꦶꦁꦏꦁꦒꦺꦴꦔꦸꦱꦸꦁꦢꦶꦥꦱꦁ꧉"​

^4:7 ꦩꦺꦗꦱꦶꦁꦢꦶꦲꦼꦁꦒꦺꦴꦚꦲꦺꦴꦱ꧀ꦱꦏꦺꦫꦺꦴꦠꦶꦱꦼꦱꦗꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃꦏꦸꦢꦸꦢꦶꦠꦥ꧀ꦭꦏ꧀ꦏꦶꦔꦁꦒꦺꦴꦩꦺꦴꦫꦶꦧꦶꦫꦸ꧉​ꦲꦶꦁꦩꦺꦗꦩꦲꦸꦏꦸꦢꦸꦢꦶꦱꦺꦭꦺꦃꦲꦶꦥꦶꦫꦶꦁ꧈​ꦧꦏꦶꦮꦝꦃꦢꦸꦥ꧈​ꦧꦏꦶꦱꦼꦱꦲꦺꦴꦱ꧀ꦱꦤ꧀꧈​ꦭꦤ꧀ꦏꦼꦤ꧀ꦝꦶꦲꦶꦱꦶꦲꦁꦒꦸꦂꦱꦲꦺꦴꦱ꧀ꦱꦤ꧀꧉​ꦱꦼꦭꦮꦱ꧀ꦱꦺꦏꦸꦢꦸꦲꦤꦫꦺꦴꦠꦶꦕꦸꦩꦮꦶꦱ꧀ꦲꦶꦁꦩꦺꦗꦏꦺꦴꦤꦺꦴ꧉​

^4:8 ꦏꦧꦺꦃꦩꦲꦸꦏꦸꦢꦸꦢꦶꦠꦸꦠꦸꦥ꧀ꦥꦶꦔꦁꦒꦺꦴꦩꦺꦴꦫꦶꦲꦧꦁ꧈​ꦲꦶꦱꦶꦃꦢꦶꦠꦸꦩ꧀ꦥꦁꦔꦶꦩꦼꦤꦺꦃꦠꦸꦠꦸꦥ꧀ꦱꦏꦏꦸꦭꦶꦠ꧀ꦲꦭꦸꦱ꧀ꦱꦊꦩ꧀ꦧꦂ꧉​ꦏꦪꦸꦤꦺꦱꦶꦁꦏꦁꦒꦺꦴꦔꦸꦱꦸꦁꦤꦸꦭꦶꦢꦶꦥꦱꦁ꧉​

^4:9 ꦥꦥꦤ꧀ꦏꦁꦒꦺꦴꦚꦺꦭꦺꦃꦲꦏꦺꦭꦤ꧀ꦭꦩ꧀ꦥꦸꦭꦩ꧀ꦥꦸꦤꦺꦱꦼꦩꦺꦴꦤꦺꦴꦲꦸꦒꦱꦥꦶꦠ꧀ꦭꦤ꧀ꦠꦝꦃꦲꦺꦭꦔꦼꦱ꧀ꦱꦂꦠꦮꦝꦃꦲꦺꦊꦔꦗ꦳ꦲꦶꦠꦸꦤ꧀ꦏꦸꦢꦸꦢꦶꦠꦸꦠꦸꦥ꧀ꦥꦶꦔꦁꦒꦺꦴꦩꦺꦴꦫꦶꦧꦶꦫꦸ꧉​

^4:10 ꦥꦼꦢꦩꦂꦫꦤ꧀ꦩꦲꦸꦱꦲꦸꦧꦫꦩ꧀ꦥꦺꦤꦺꦏꦸꦢꦸꦢꦶꦧꦸꦤ꧀ꦠꦼꦭ꧀ꦔꦁꦒꦺꦴꦏꦸꦭꦶꦠ꧀ꦲꦭꦸꦱ꧀ꦱꦼꦊꦩ꧀ꦧꦂꦭꦤ꧀ꦢꦶꦠꦸꦩ꧀ꦥꦁꦔꦏꦺꦲꦶꦁꦥꦼꦔꦸꦱꦸꦁꦔꦤ꧀꧉​

^4:11 ꦩꦺꦗꦲꦼꦩꦱ꧀ꦲꦸꦒꦏꦸꦢꦸꦢꦶꦠꦥ꧀ꦭꦏ꧀ꦏꦶꦩꦺꦴꦫꦶꦧꦶꦫꦸ꧈​ꦧꦚ꧀ꦗꦸꦂꦢꦶꦠꦸꦠꦸꦥ꧀ꦥꦶꦔꦁꦒꦺꦴꦏꦸꦭꦶꦠ꧀ꦲꦭꦸꦱ꧀ꦱꦼꦊꦩ꧀ꦧꦂ꧉​ꦱꦮꦶꦱ꧀ꦱꦺꦏꦸꦮꦶꦏꦪꦸꦤꦺꦱꦶꦁꦏꦁꦒꦺꦴꦔꦸꦱꦸꦁꦩꦼꦱ꧀ꦧꦺꦃꦩꦲꦸꦢꦶꦥꦱꦁ꧉​

^4:12 ꦏꦧꦺꦃꦥꦿꦧꦺꦴꦠ꧀ꦱꦶꦁꦢꦶꦲꦼꦁꦒꦺꦴꦲꦶꦁꦥꦥꦤ꧀ꦱꦸꦕꦶꦏꦸꦢꦸꦢꦶꦗꦸꦥꦸꦏ꧀ꦭꦤ꧀ꦢꦶꦧꦸꦤ꧀ꦠꦼꦭ꧀ꦔꦁꦒꦺꦴꦩꦺꦴꦫꦶꦧꦶꦫꦸ꧉​ꦧꦚ꧀ꦗꦸꦂꦏꦸꦢꦸꦢꦶꦠꦸꦠꦸꦥ꧀ꦥꦶꦔꦁꦒꦺꦴꦏꦸꦭꦶꦠ꧀ꦲꦭꦸꦱ꧀ꦱꦼꦊꦩ꧀ꦧꦂ꧈​ꦱꦮꦶꦱ꧀ꦱꦺꦏꦸꦮꦶꦧꦚ꧀ꦗꦸꦂꦢꦶꦠꦸꦩ꧀ꦥꦁꦔꦏꦺꦲꦶꦁꦥꦼꦔꦸꦱꦸꦁꦔꦤ꧀꧉​

^4:13 ꦲꦮꦸꦭꦤ꧀ꦒꦗꦶꦃꦱꦶꦁꦠꦼꦩꦺꦩ꧀ꦥ꧀ꦭꦺꦏ꧀ꦲꦶꦁꦩꦼꦱ꧀ꦧꦺꦃꦏꦸꦢꦸꦢꦶꦉꦱꦶꦏ꧀ꦏꦶ꧈​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦩꦼꦱ꧀ꦧꦺꦃꦲꦺꦏꦸꦢꦸꦢꦶꦠꦸꦠꦸꦥ꧀ꦥꦶꦔꦁꦒꦺꦴꦩꦺꦴꦫꦶꦮꦸꦔꦸꦱꦼꦊꦩ꧀ꦧꦂ꧉​

^4:14 ꦱꦏꦺꦃꦲꦺꦥꦶꦫꦤ꧀ꦠꦶꦱꦶꦁꦢꦶꦲꦼꦁꦒꦺꦴꦲꦶꦁꦲꦸꦥꦕꦫꦱꦲꦺꦴꦱ꧀ꦏꦸꦂꦧꦤ꧀ꦲꦶꦁꦩꦼꦱ꧀ꦧꦺꦃꦏꦸꦢꦸꦢꦶꦠꦸꦩ꧀ꦥꦁꦔꦏꦺꦲꦶꦁꦏꦺꦴꦤꦺꦴ꧈​ꦪꦏꦸꦮꦶ:ꦥꦼꦢꦸꦥ꧀ꦥꦤ꧀꧈​ꦒꦂꦥꦸ꧈​ꦕꦸꦛꦶꦏ꧀ꦭꦤ꧀ꦗꦼꦩ꧀ꦧꦁꦔꦤ꧀꧉​ꦏꦧꦺꦃꦩꦲꦸꦏꦸꦢꦸꦢꦶꦠꦸꦠꦸꦥ꧀ꦥꦶꦔꦁꦒꦺꦴꦏꦸꦭꦶꦠ꧀ꦲꦭꦸꦱ꧀ꦱꦊꦩ꧀ꦧꦂ꧈​ꦏꦪꦸꦱꦶꦁꦏꦁꦒꦺꦴꦔꦸꦱꦸꦁꦧꦚ꧀ꦗꦸꦂꦢꦶꦥꦱꦁ꧉​

^4:15 ꦪꦺꦤ꧀ꦮꦶꦱ꧀ꦮꦼꦏ꧀ꦠꦸꦤꦺꦮꦺꦴꦁꦏꦧꦺꦃꦩ꧀ꦧꦼꦝꦺꦴꦭ꧀ꦏꦺꦩꦃꦲꦺ꧈​ꦠꦸꦫꦸꦤ꧀ꦤꦺ​꧊ꦏꦺꦲꦠ꧀ꦏꦸꦢꦸꦥꦝꦔꦁꦏꦠ꧀ꦭꦤ꧀ꦩꦶꦏꦸꦭ꧀ꦭꦶꦧꦫꦁꦧꦫꦁꦱꦸꦕꦶꦩꦲꦸ꧈​ꦪꦏꦸꦮꦶꦱꦮꦶꦱ꧀ꦱꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦫꦩ꧀ꦥꦸꦁꦲꦼꦁꦒꦺꦴꦤꦺꦤꦸꦠꦸꦥ꧀ꦥꦶꦧꦫꦁꦩꦲꦸꦱꦥꦿꦧꦺꦴꦠ꧀ꦠꦺꦏꦧꦺꦃ꧉​ꦮꦺꦴꦁꦮꦺꦴꦁꦠꦸꦫꦸꦤ꧀ꦏꦺꦲꦠ꧀ꦏꦸꦮꦶꦲꦺꦴꦫꦏꦼꦤꦔ꧀ꦒꦼꦥꦺꦴꦏ꧀ꦧꦫꦁꦧꦫꦁꦱꦸꦕꦶꦩꦲꦸ;ꦪꦺꦤ꧀ꦔ꧀ꦒꦼꦥꦺꦴꦏ꧀ꦩꦼꦱ꧀ꦛꦶꦧꦏꦭ꧀ꦩꦠꦶ꧉​ꦏꦪꦩꦼꦁꦏꦺꦴꦤꦺꦴꦏꦸꦮꦗꦶꦧ꧀ꦧꦤ꧀ꦤꦺꦏꦲꦸꦩ꧀​꧊ꦏꦺꦲꦠ꧀ꦱꦩꦱꦏꦺꦩꦃꦱꦸꦕꦶꦢꦶꦲꦼꦭꦶꦃꦩꦼꦚꦁꦭꦶꦪꦥꦁꦒꦺꦴꦤ꧀ꦤꦤ꧀꧉​

^4:16 ​꧊ꦌꦭꦺꦪꦗ꦳ꦂ꧈​ꦲꦤꦏ꧀ꦏꦺꦲꦫꦸꦤ꧀꧈​ꦢꦶꦥꦱꦿꦃꦲꦶꦔꦸꦫꦸꦱ꧀ꦱꦶꦏꦺꦩꦃꦱꦸꦕꦶꦩꦲꦸꦏꦧꦺꦃ꧈​ꦲꦸꦒꦊꦔꦤꦺꦭꦩ꧀ꦥꦸꦭꦩ꧀ꦥꦸ꧈​ꦢꦸꦥ꧈​ꦏꦸꦂꦧꦤ꧀ꦝꦲꦂꦫꦤ꧀꧈​ꦊꦔꦗꦼꦧꦠ꧀꧈​ꦭꦤ꧀ꦱꦫꦸꦥꦤꦺꦧꦫꦁꦱꦶꦁꦲꦤꦲꦶꦁꦏꦺꦩꦃꦱꦸꦕꦶꦏꦺꦴꦤꦺꦴ꧈​ꦱꦶꦁꦢꦶꦥꦶꦭꦶꦃꦏꦒꦼꦩ꧀ꦄꦭ꧀ꦭꦃ꧉​

^4:17 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​

^4:18 (4:18-19)"ꦧꦫꦁꦧꦫꦁꦏꦸꦮꦶꦏꦧꦺꦃꦢꦏ꧀ꦥꦶꦭꦶꦃ꧈​ꦩꦸꦭꦤꦺꦏꦸꦢꦸꦢꦶꦕꦼꦒꦃꦲꦗꦔꦤ꧀ꦠꦶꦏꦲꦸꦩ꧀​꧊ꦏꦺꦲꦠ꧀ꦕꦼꦝꦏ꧀ꦕꦼꦝꦏ꧀ꦩꦿꦺꦴꦤꦺꦴ꧈​ꦱꦸꦥꦪꦲꦗꦤꦼꦩꦃꦲꦶꦩꦠꦶ꧉​ꦱꦸꦥꦪꦲꦗꦏꦼꦢꦢꦺꦪꦤ꧀ꦱꦶꦁꦩꦼꦁꦏꦺꦴꦤꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦏꦸꦢꦸꦔꦤ꧀ꦝꦤ꧀ꦤꦶꦱꦧꦼꦤ꧀ꦮꦺꦴꦁ​꧊ꦏꦺꦲꦠ꧀ꦱꦶꦁꦔ꧀ꦭꦢꦺꦤ꧀ꦤꦶꦲꦶꦁꦏꦺꦩꦃꦱꦸꦕꦶꦧꦧ꧀ꦏꦸꦮꦗꦶꦧ꧀ꦧꦤ꧀ꦤꦺꦝꦺꦮꦺꦝꦺꦮꦺꦭꦤ꧀ꦧꦫꦁꦲꦥꦱꦶꦁꦏꦸꦢꦸꦢꦶꦒꦮꦱꦩꦱꦏꦺꦩꦃꦩꦲꦸꦢꦶꦥꦶꦤ꧀ꦝꦃ꧉​

^4:19 (4:18)

^4:20 ꦲꦺꦮꦱꦼꦩꦺꦴꦤꦺꦴꦪꦺꦤ꧀ꦩꦼꦏ꧀ꦱꦲꦤꦮꦺꦴꦁ​꧊ꦏꦺꦲꦠ꧀ꦱꦶꦁꦩ꧀ꦭꦼꦧꦸꦲꦶꦁꦏꦺꦩꦃꦭꦤ꧀ꦤ꧀ꦢꦼꦊꦁꦲꦶꦩꦩ꧀ꦲꦶꦩꦩ꧀ꦲꦼꦁꦒꦺꦴꦤꦺꦔꦿꦶꦁꦏꦼꦱ꧀ꦱꦶꦧꦫꦁꦧꦫꦁꦱꦸꦕꦶꦱꦶꦁꦲꦉꦥ꧀ꦢꦶꦒꦮꦔꦭꦶꦃꦲꦶꦁꦥꦁꦒꦺꦴꦤ꧀ꦤꦤ꧀ꦭꦶꦪ꧈​ꦮꦺꦴꦁꦩꦲꦸꦧꦏꦭ꧀ꦩꦠꦶ꧉"​

^4:21 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ

^4:22 ꦔꦺꦠꦸꦁꦮꦺꦴꦁ​꧊ꦭꦺꦮꦶꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀꧈​ꦩꦶꦠꦸꦫꦸꦠ꧀ꦏꦸꦭꦮꦂꦒꦤꦺꦝꦺꦮꦺꦝꦺꦮꦺ꧉​

^4:23 ​꧊ꦩꦸꦱꦏꦸꦢꦸꦚꦛꦼꦠ꧀ꦱꦧꦼꦤ꧀ꦮꦺꦴꦁꦭꦤꦁꦱꦶꦁꦲꦸꦩꦸꦂꦫꦺꦲꦤ꧀ꦠꦫꦤꦺꦠꦼꦭꦸꦁꦥꦸꦭꦸꦃꦠꦼꦏꦤ꧀ꦱꦺꦏꦼꦠ꧀ꦠꦲꦸꦤ꧀꧈​ꦱꦶꦁꦧꦶꦱꦚꦩ꧀ꦧꦸꦠ꧀ꦒꦮꦺꦲꦤꦲꦶꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​

^4:24 (4:24-25)ꦠꦸꦫꦸꦤ꧀​꧊ꦒꦺꦂꦱꦺꦴꦤ꧀ꦢꦶꦥꦱꦿꦃꦲꦶꦩꦶꦏꦸꦭ꧀ꦭꦶꦥꦪꦺꦴꦤ꧀ꦤꦺꦏꦺꦩꦃꦚ꧀ꦗꦧꦚ꧀ꦗꦼꦫꦺꦴ;ꦊꦩ꧀ꦧꦂꦫꦤ꧀ꦏꦸꦭꦶꦠ꧀ꦲꦭꦸꦱ꧀ꦱꦶꦁꦢꦶꦲꦼꦁꦒꦺꦴꦤꦸꦠꦸꦥ꧀ꦥꦶ꧈​ꦒꦼꦧꦼꦂꦫꦺꦭꦮꦁꦏꦺꦩꦃ꧈​

^4:25 (4:24)

^4:26 ꦒꦼꦧꦼꦂꦒꦼꦧꦼꦂꦱꦶꦁꦲꦤꦲꦶꦁꦥ꧀ꦭꦠꦂꦫꦤ꧀ꦱꦲꦸꦧꦼꦁꦔꦺꦏꦺꦩꦃꦭꦤ꧀ꦩꦼꦱ꧀ꦧꦺꦃ;ꦒꦼꦧꦼꦂꦱꦶꦁꦲꦤꦲꦶꦁꦒꦥꦸꦫꦤꦺꦥ꧀ꦭꦠꦂꦫꦤ꧀꧈​ꦭꦤ꧀ꦱꦏꦺꦃꦲꦺꦥꦿꦧꦺꦴꦠ꧀ꦱꦶꦁꦢꦶꦲꦼꦁꦒꦺꦴꦩꦱꦁꦧꦫꦁꦧꦫꦁꦩꦲꦸ꧉​ꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀ꦢꦶꦥꦱꦿꦃꦲꦶꦤꦶꦤ꧀ꦢꦏ꧀ꦏꦏꦺꦱꦏꦺꦃꦲꦺꦥꦼꦒꦮꦺꦪꦤ꧀ꦏꦸꦱꦶꦁꦩꦒꦼꦥꦺꦴꦏ꧀ꦏꦤ꧀ꦏꦫꦺꦴꦧꦫꦁꦧꦫꦁꦩꦲꦸ꧉​

^4:27 ​꧊ꦩꦸꦱꦭꦤ꧀ꦲꦫꦸꦤ꧀ꦏꦸꦢꦸꦔ꧀ꦒꦠꦺꦏ꧀ꦏꦏꦺꦱꦸꦥꦪꦥꦼꦒꦮꦺꦪꦤ꧀ꦏꦸꦱꦶꦁꦢꦶꦥꦱꦿꦃꦲꦏꦺꦢꦺꦤꦶꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦩꦫꦁꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀ꦥꦝꦢꦶꦠꦶꦤ꧀ꦢꦏ꧀ꦏꦏꦺꦲꦶꦁꦱꦩꦼꦱ꧀ꦛꦶꦤꦺ;ꦭꦤ꧀ꦏꦧꦺꦃꦧꦫꦁꦱꦶꦁꦏꦸꦢꦸꦢꦶꦒꦮ꧈​ꦱꦸꦥꦪꦢꦶꦒꦮ꧉​

^4:28 ꦏꦪꦩꦼꦁꦏꦺꦴꦤꦺꦴꦏꦸꦮꦗꦶꦧ꧀ꦧꦤ꧀ꦤꦺꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀ꦲꦶꦁꦏꦺꦩꦃꦱꦸꦕꦶ꧉​ꦠꦸꦩꦶꦤ꧀ꦢꦏ꧀ꦏꦺꦥꦼꦒꦮꦺꦪꦤ꧀ꦏꦸꦩꦲꦸꦢꦶꦲꦠꦸꦂꦢꦺꦤꦶꦁ​꧊ꦆꦠꦩꦂ꧈​ꦲꦤꦏ꧀ꦏꦺꦲꦫꦸꦤ꧀꧉​

^4:29 ꦒꦸꦱ꧀ꦠꦶꦄꦭ꧀ꦭꦃꦥꦫꦶꦁꦝꦮꦸꦃꦩꦫꦁ​꧊ꦩꦸꦱꦔꦺꦠꦸꦁꦮꦺꦴꦁ​꧊ꦭꦺꦮꦶꦠꦸꦫꦸꦤ꧀ꦤꦺ​꧊ꦩꦺꦫꦫꦶ꧈​ꦩꦶꦠꦸꦫꦸꦠ꧀ꦏꦸꦭꦮꦂꦒꦤꦺꦝꦺꦮꦺꦝꦺꦮꦺ꧉​

^4:30 ​꧊ꦩꦸꦱꦏꦸꦢꦸꦚꦛꦼꦠ꧀ꦗꦼꦤꦼꦁꦔꦺꦮꦺꦴꦁꦭꦤꦁꦱꦶꦁꦲꦸꦩꦸꦂꦫꦺꦲꦤ꧀ꦠꦫꦤꦺꦠꦼꦭꦸꦁꦥꦸꦭꦸꦃꦠꦼꦏꦤ꧀ꦱꦺꦏꦼꦠ꧀ꦠꦲꦸꦤ꧀꧈​ꦱꦶꦁꦧꦶꦱꦚꦩ꧀ꦧꦸꦠ꧀ꦒꦮꦺꦲꦤꦲꦶꦁꦏꦺꦩꦃꦱꦸꦕꦶ꧉​

^4:31 (4:31-32)ꦠꦸꦫꦸꦤ꧀​꧊ꦩꦺꦫꦫꦶꦏꦸꦮꦶꦏꦸꦮꦗꦶꦧ꧀ꦧꦤ꧀ꦤꦺꦔ꧀ꦒꦮꦫꦒꦁꦔꦤ꧀ꦤꦺꦏꦺꦩꦃ꧈​ꦪꦏꦸꦮꦶꦧ꧀ꦭꦤ꧀ꦢꦂꦧ꧀ꦭꦤ꧀ꦢꦂ꧈​ꦕꦒꦏ꧀ꦕꦒꦏ꧀ꦱꦶꦁꦲꦤꦲꦶꦁꦥ꧀ꦭꦠꦂꦫꦤ꧀ꦱꦲꦸꦧꦼꦁꦔꦺꦏꦺꦩꦃꦱꦂꦠꦲꦸꦩ꧀ꦥꦏ꧀ꦲꦸꦩ꧀ꦥꦏ꧀ꦏꦺ꧈​ꦥꦛꦺꦴꦏ꧀ꦥꦛꦺꦴꦏ꧀ꦭꦤ꧀ꦠꦭꦶꦠꦭꦶ꧈​ꦏꦫꦺꦴꦱꦏꦺꦃꦲꦺꦧꦼꦏꦏꦱ꧀ꦏꦁꦒꦺꦴꦔꦼꦢꦼꦒꦏꦺ꧉​ꦱꦧꦼꦤ꧀ꦮꦺꦴꦁꦢꦶꦮꦺꦤꦺꦃꦲꦶꦏꦸꦮꦗꦶꦧ꧀ꦧꦤ꧀ꦔ꧀ꦒꦮꦧꦫꦁꦱꦶꦁꦮꦶꦱ꧀ꦢꦶꦠꦼꦩ꧀ꦠꦺꦴꦏ꧀ꦏꦏꦺ꧉​

^4:32 (4:31)

^4:33 ꦏꦪꦩꦼꦁꦏꦺꦴꦤꦺꦴꦏꦸꦮꦗꦶꦧ꧀ꦧꦤ꧀ꦤꦺꦠꦸꦫꦸꦤ꧀ꦩꦺꦫꦫꦶꦏꦁꦒꦺꦴꦔꦸꦫꦸꦱ꧀ꦱꦶꦏꦺꦩꦃꦱꦸꦕꦶ꧉​ꦠꦸꦩꦶꦤ꧀ꦢꦏ꧀ꦏꦺꦥꦼꦒꦮꦺꦪꦤ꧀ꦏꦸꦩꦲꦸꦢꦶꦲꦠꦸꦂꦢꦺꦤꦶꦁ​꧊ꦆꦠꦩꦂꦲꦤꦏ꧀ꦏꦺꦲꦫꦸꦤ꧀꧉​

^4:34 (4:34-48)ꦩꦶꦠꦸꦫꦸꦠ꧀ꦝꦮꦸꦃꦲꦺꦄꦭ꧀ꦭꦃ꧈​​꧊ꦩꦸꦱꦲꦫꦸꦤ꧀ꦭꦤ꧀ꦥꦫꦥꦼꦁꦒꦼꦝꦺꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦥꦝꦔꦤꦏ꧀ꦏꦏꦺꦕꦕꦃꦗꦶꦮꦱꦶꦁꦏꦥꦶꦁꦠꦼꦭꦸꦤꦺꦏꦁꦒꦺꦴꦠꦊꦂ​꧊ꦭꦺꦮꦶ꧈​ꦪꦏꦸꦮꦶꦠꦸꦫꦸꦤ꧀ꦤꦺ​꧊ꦏꦺꦲꦠ꧀꧈​ꦠꦸꦫꦸꦤ꧀ꦤꦺ​꧊ꦒꦺꦂꦱꦺꦴꦤ꧀ꦭꦤ꧀ꦠꦸꦫꦸꦤ꧀ꦤꦺ​꧊ꦩꦺꦫꦫꦶ꧉​ꦕꦕꦃꦗꦶꦮꦩꦲꦸꦢꦶꦲꦤꦏ꧀ꦏꦏꦺꦩꦶꦠꦸꦫꦸꦠ꧀ꦏꦼꦠꦸꦫꦸꦤ꧀ꦤꦤ꧀꧈​ꦏꦸꦭꦮꦂꦒ꧈​ꦱꦂꦠꦧꦿꦪꦠ꧀ꦠꦺꦝꦺꦮꦺꦝꦺꦮꦺ꧉​ꦗꦼꦤꦼꦁꦔꦺꦮꦺꦴꦁꦭꦤꦁꦏꦧꦺꦃꦱꦶꦁꦲꦸꦩꦸꦂꦠꦼꦭꦸꦁꦥꦸꦭꦸꦃꦠꦲꦸꦤ꧀ꦠꦼꦏꦤ꧀ꦱꦺꦏꦼꦠ꧀ꦠꦲꦸꦤ꧀꧈​ꦱꦶꦁꦧꦶꦱꦚꦩ꧀ꦧꦸꦠ꧀ꦒꦮꦺꦲꦶꦁꦏꦺꦩꦃꦱꦸꦕꦶꦢꦶꦕꦛꦼꦠ꧀꧈​ꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺꦩꦼꦁꦏꦺꦤꦺ:꧌ꦠꦸꦫꦸꦤ꧀ꦤꦺ꧈ꦕꦕꦃꦲꦺ꧍;​​꧊ꦏꦺꦲꦠ꧀-2.750;​꧊ꦒꦺꦂꦱꦺꦴꦤ꧀-2.630;​꧊ꦩꦺꦫꦫꦶ-3.200;ꦒꦸꦁꦒꦸꦁꦔꦺꦏꦧꦺꦃ:8.580;

^4:35 (4:34)

^4:36 (4:34)

^4:37 (4:34)

^4:38 (4:34)

^4:39 (4:34)

^4:40 (4:34)

^4:41 (4:34)

^4:42 (4:34)

^4:43 (4:34)

^4:44 (4:34)

^4:45 (4:34)

^4:46 (4:34)

^4:47 (4:34)

^4:48 (4:34)

^4:49 ꦩꦶꦠꦸꦫꦸꦠ꧀ꦝꦮꦸꦃꦲꦺꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱꦱꦧꦼꦤ꧀ꦮꦺꦴꦁꦗꦼꦤꦼꦁꦔꦺꦢꦶꦕꦛꦼꦠ꧀ꦭꦤ꧀ꦢꦶꦠꦼꦠꦼꦥ꧀ꦥꦏꦺꦏꦸꦮꦗꦶꦧ꧀ꦧꦤ꧀ꦤꦺꦝꦺꦮꦺꦝꦺꦮꦺꦱꦶꦁꦏꦸꦢꦸꦢꦶꦠꦶꦤ꧀ꦢꦏ꧀ꦏꦏꦺꦭꦤ꧀ꦱꦶꦁꦏꦸꦢꦸꦢꦶꦒꦮꦱꦩꦱꦏꦺꦩꦃꦱꦸꦕꦶꦢꦶꦲꦼꦭꦶꦃꦲꦶꦁꦥꦁꦒꦺꦴꦤ꧀ꦤꦤ꧀ꦭꦶꦪ꧉​