Jv/Alkitab/Wilangan/25

From Wikisource
Jump to navigation Jump to search

25:1 ꦤꦭꦶꦏꦧꦁꦱ​꧊ꦆꦱꦿꦲꦺꦭ꧀ꦭꦒꦶꦩꦱꦁꦏꦺꦩꦃꦲꦶꦁꦊꦧꦏ꧀​꧊ꦱꦶꦠꦶꦩ꧀꧈​ꦮꦺꦴꦁꦮꦺꦴꦁꦭꦤꦁꦥꦝꦭꦏꦸꦗꦶꦤꦏꦫꦺꦴꦮꦺꦴꦁꦮꦢꦺꦴꦤ꧀​꧊ꦩꦺꦴꦮꦧ꧀꧈​ꦱꦶꦁꦲꦤꦲꦶꦁꦏꦺꦴꦤꦺꦴ꧉​
25:2 ꦮꦺꦴꦁꦮꦺꦴꦁꦮꦢꦺꦴꦤ꧀ꦩꦲꦸꦥꦝꦔꦗꦏ꧀ꦮꦺꦴꦁ​꧊ꦆꦱꦿꦲꦺꦭ꧀ꦩꦺꦭꦸꦲꦶꦁꦏꦿꦩꦺꦪꦤ꧀ꦒꦮꦺꦏꦸꦂꦧꦤ꧀ꦔꦸꦂꦩꦠ꧀ꦠꦶꦥꦫꦢꦺꦮꦤꦺꦮꦺꦴꦁ​꧊ꦩꦺꦴꦮꦧ꧀꧉​ꦲꦶꦁꦏꦺꦴꦤꦺꦴꦮꦺꦴꦁ​꧊ꦆꦱꦿꦲꦺꦭ꧀ꦲꦸꦒꦩꦺꦭꦸꦩꦁꦔꦤ꧀ꦭꦤ꧀ꦩꦺꦭꦸꦚꦼꦩ꧀ꦧꦃꦢꦺꦮ​꧊ꦧꦲꦭ꧀꧈​
25:3 ꦲꦶꦁꦒꦸꦤꦸꦁ​꧊ꦥꦺꦪꦺꦴꦂ꧉​ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦢꦸꦏꦧꦔꦼꦠ꧀꧈​
25:4 ꦥꦔꦤ꧀ꦢꦶꦏꦤꦺꦩꦫꦁ​꧊ꦩꦸꦱ꧈​"ꦥꦫꦥꦼꦁꦒꦼꦝꦺꦤꦺ​꧊ꦆꦱꦿꦲꦺꦭ꧀ꦕꦼꦏꦼꦊꦤ꧀ꦏꦧꦺꦃꦭꦤ꧀ꦒꦤ꧀ꦠꦸꦁꦔꦼꦤ꧀ꦲꦤꦲꦶꦁꦔꦂꦱꦤꦺꦄꦭ꧀ꦭꦃꦭꦤ꧀ꦲꦶꦁꦔꦉꦥ꧀ꦥꦺꦮꦺꦴꦁꦲꦏꦺꦃ꧈​ꦱꦸꦥꦪꦢꦼꦢꦸꦏꦤꦺꦄꦭ꧀ꦭꦃꦱꦶꦁꦔꦭꦢ꧀ꦲꦭꦢ꧀ꦩꦫꦁꦧꦁꦱꦲꦶꦏꦶꦱꦶꦉꦥ꧀꧉"​
25:5 ​꧊ꦩꦸꦱꦧꦚ꧀ꦗꦸꦂꦥꦿꦺꦤ꧀ꦠꦃꦩꦫꦁꦥꦫꦲꦏꦶꦩ꧀ꦲꦶꦁ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​"ꦱꦧꦼꦤ꧀ꦮꦺꦴꦁꦲꦶꦁꦠꦊꦂꦩꦸꦱꦶꦁꦚꦼꦩ꧀ꦧꦃꦩꦫꦁ​꧊ꦧꦲꦭ꧀ꦏꦸꦢꦸꦏꦺꦴꦏ꧀ꦥꦠꦺꦤ꧀ꦤꦶ꧉"​
25:6 ꦤꦭꦶꦏ​꧊ꦩꦸꦱꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃꦭꦒꦶꦥꦝꦔ꧀ꦭꦸꦩ꧀ꦥꦸꦏ꧀ꦤꦔꦶꦱ꧀ꦲꦶꦁꦔꦉꦥ꧀ꦥꦺꦭꦮꦁꦏꦺꦩꦃꦱꦸꦕꦶ꧈​ꦢꦸꦩꦢꦏ꧀ꦏꦤ꧀ꦲꦤꦮꦺꦴꦁꦭꦤꦁꦔ꧀ꦒꦮꦮꦺꦴꦁꦮꦢꦺꦴꦤ꧀​꧊ꦩꦶꦢꦶꦪꦤ꧀ꦩ꧀ꦭꦼꦧꦸꦲꦶꦁꦏꦺꦩꦃꦲꦺ꧉​
25:7 ꦧꦉꦁ​꧊ꦥꦶꦤꦺꦲꦱ꧀꧈​ꦲꦤꦏ꧀ꦏꦺ​꧊ꦌꦭꦺꦪꦗ꦳ꦂ꧈​ꦥꦸꦠꦸꦤꦺꦲꦶꦩꦩ꧀ꦲꦫꦸꦤ꧀꧈​ꦮꦼꦫꦸꦃꦱꦶꦁꦩꦼꦁꦏꦺꦴꦤꦺꦴꦩꦲꦸ꧈​ꦤꦸꦭꦶꦤꦶꦁꦒꦭ꧀ꦮꦺꦴꦁꦮꦺꦴꦁꦱꦶꦁꦔ꧀ꦭꦸꦩ꧀ꦥꦸꦏ꧀ꦩꦲꦸ꧈​ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦠꦸꦩ꧀ꦧꦏ꧀꧈​
25:8 ꦭꦤ꧀ꦔꦺꦴꦪꦏ꧀ꦮꦺꦴꦁꦭꦤꦁꦮꦢꦺꦴꦤ꧀ꦱꦶꦁꦩ꧀ꦭꦼꦧꦸꦲꦶꦁꦏꦺꦩꦃꦩꦲꦸ꧉​ꦮꦺꦴꦁꦭꦺꦴꦫꦺꦴꦩꦲꦸꦢꦶꦠꦸꦩ꧀ꦧꦏ꧀ꦮꦼꦠꦼꦁꦔꦺꦔꦤ꧀ꦠꦶꦠꦼꦩ꧀ꦧꦸꦱ꧀꧉​ꦱꦿꦤꦲꦤꦤꦺꦊꦭꦏꦺꦴꦤ꧀ꦩꦲꦸꦥꦲꦸꦏꦸꦩ꧀ꦩꦤ꧀ꦱꦶꦁꦮꦶꦮꦶꦠ꧀ꦩꦿꦺꦩꦺꦤ꧀ꦱꦶꦉꦥ꧀꧉​
25:9 ꦤꦁꦔꦶꦁꦩꦼꦂꦒꦥꦲꦸꦏꦸꦩ꧀ꦩꦤ꧀ꦩꦲꦸꦮꦺꦴꦁ24.000ꦥꦝꦩꦠꦶ꧉​
25:10 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ​꧊ꦩꦸꦱ꧈​
25:11 "​꧊ꦥꦶꦤꦺꦲꦱ꧀ꦲꦤꦏ꧀ꦏꦺ​꧊ꦌꦭꦺꦪꦗ꦳ꦂ꧈​ꦥꦸꦠꦸꦤꦺꦲꦶꦩꦩ꧀ꦲꦫꦸꦤ꧀꧈​ꦲꦺꦴꦫꦱꦼꦤꦼꦁꦤ꧀ꦢꦼꦊꦁꦮꦺꦴꦁꦚꦼꦩ꧀ꦧꦃꦩꦫꦁꦲꦭ꧀ꦭꦃꦭꦶꦪꦤꦺꦲꦏꦸ꧉​ꦩꦸꦭꦤꦺꦲꦏꦸꦧꦏꦭ꧀ꦲꦺꦴꦫꦢꦸꦏꦩꦫꦁꦧꦁꦱꦲꦶꦏꦶꦩꦼꦤꦺꦃ꧈​ꦭꦤ꧀ꦲꦺꦴꦫꦲꦉꦥ꧀ꦢꦏ꧀ꦠꦸꦩ꧀ꦥꦼꦱ꧀꧉​
25:12 ꦏꦤ꧀ꦝꦲꦩꦫꦁ​꧊ꦥꦶꦤꦺꦲꦱ꧀꧈​ꦪꦺꦤ꧀ꦲꦏꦸꦧꦏꦭ꧀ꦒꦮꦺꦥꦽꦗꦚ꧀ꦗꦶꦪꦤ꧀ꦏꦫꦺꦴꦝꦺꦮꦺꦏ꧀ꦏꦺꦏꦁꦒꦺꦴꦲꦶꦁꦱꦼꦭꦮꦱ꧀ꦱꦺ꧉​
25:13 ​꧊ꦥꦶꦤꦺꦲꦱ꧀ꦭꦤ꧀ꦲꦤꦏ꧀ꦠꦸꦫꦸꦤꦺꦢꦶꦠꦼꦠꦼꦥ꧀ꦤꦢꦢꦶꦲꦶꦩꦩ꧀ꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧈​ꦩꦼꦂꦒꦲꦼꦁꦒꦺꦴꦤꦺꦲꦺꦴꦫꦱꦼꦤꦼꦁꦩꦫꦁꦮꦺꦴꦁꦱꦶꦁꦚꦼꦩ꧀ꦧꦃꦩꦫꦁꦲꦭ꧀ꦭꦃꦭꦶꦪꦤꦺꦲꦏꦸ꧉​ꦩꦸꦭꦤꦺꦢꦺꦴꦱꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦢꦏ꧀ꦲꦥꦸꦫ꧉"​
25:14 ꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦢꦶꦥꦠꦺꦤ꧀ꦤꦶꦧꦉꦁꦏꦫꦺꦴꦮꦺꦴꦁꦮꦢꦺꦴꦤ꧀​꧊ꦩꦶꦢꦶꦪꦤ꧀ꦩꦲꦸꦗꦼꦤꦼꦁꦔꦺ​꧊ꦗ꦳ꦶꦩꦿꦶ꧈​ꦲꦤꦏ꧀ꦏꦺ​꧊ꦱꦭꦸ꧈​ꦮꦶꦱ꧀ꦢꦸꦮꦺꦧꦿꦪꦠ꧀;ꦮꦺꦴꦁꦩꦲꦸꦱꦏꦠꦊꦂ​꧊ꦱꦶꦩꦺꦪꦺꦴꦤ꧀꧉​
25:15 ꦢꦺꦤꦺꦮꦺꦴꦁꦔꦺꦮꦢꦺꦴꦤ꧀ꦗꦼꦤꦼꦁꦔꦺ​꧊ꦏꦺꦴꦗ꦳꧀ꦧꦶ꧈​ꦲꦤꦏ꧀ꦏꦺ​꧊ꦗ꦳ꦸꦂ꧈​ꦏꦼꦥꦭꦤꦺꦱꦭꦃꦱꦮꦶꦗꦶꦤꦶꦁꦒꦺꦴꦭꦺꦴꦁꦔꦤ꧀ꦠꦸꦫꦸꦤ꧀ꦩꦶꦢꦶꦪꦤ꧀꧉​
25:16 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ꧈​
25:17 "ꦮꦺꦴꦁ​꧊ꦩꦶꦢꦶꦪꦤ꧀ꦏꦸꦮꦶꦒꦼꦩ꧀ꦥꦸꦂꦫꦼꦤ꧀ꦭꦤ꧀ꦠꦸꦩ꧀ꦥꦼꦱ꧀ꦱꦼꦤ꧀꧈​
25:18 ꦩꦼꦂꦒꦲꦭꦲꦠꦶꦤꦺꦭꦤ꧀ꦮꦶꦱ꧀ꦔꦥꦸꦱ꧀ꦱꦶꦏꦺꦴꦮꦺꦲꦶꦁ​꧊ꦥꦺꦪꦺꦴꦂꦏꦲꦺ꧉"​