Johannes Capitulo 18

1  Post haber dicite iste cosas, Jesus vadeva con su discipulos e passava al
   altere ripa le torrente Cedron, ubi habeva un jardin, in lo qual ille 
   entrava con su discipulos.

2  E Juda, qui le traiva, cognosceva anque ille celle loco, perque Jesus plure
   vices lo habeva frequentate con su discipulos.

3  Juda dunque, prendeva le cohorte e le guardas mandate per le principales
   sacerdotes e per le Phariseos, e illes veniva ibi con lanternas e torchas 
   e armas.

4  E Jesus, qui sapeva ben toto lo que stava pro venir super ille, avantiava 
   e les demandava: qui cerca vos?

5  illes le respondeva: Jesus le Nazareno! Jesus les diceva: Io es. E Juda, 
   que le traiva, esseva etiam con illes.

6  ergo, como [Jesus] les diceva: 'Io es', illes arretrava e cadeva a terra.

7  [Jesus] dunque les demandava de nove: qui cerca vos? E illes diceva: 
   Jesus le Nazareno.

8  Jesus respondeva: Io vos ha jam dicite que es io; si dunque vos cerca me,
   lassa libere istes.

9  E isto a fin que se compliva le parola que ille habeva dicite: de illes que
   tu me dava, io non perdeva alicuno.

10 Alora Simon Petro, que habeva un spada, lo extraheva, e colpava le servo del
   summe sacerdote, e le taliava le aure dextere. Le servo habeva nomine Malcho.

11 E Jesus diceva a Petro: mitte le spada in le vaina; esque io non bibera le 
   calice que le Patre me ha date?

12 le cohorte dunque e le tribuno e le guardas del Judeos, prendeva Jesus e le
   ligava,

13 e illes le portava primo a Annas, perque illes esseva patre affin de Caiphas,
   qui esseva le summe sacerdote in celle anno.

14 E Caiphas esseva ille qui habeva consiliate al Judeos que esseva opportun 
   que un homine moriva pro le populo.

15 E Simon Petro e un altere discipulo sequeva Jesus; e celle discipulo esseva 
   note al summe sacerdote, ergo ille entrava con Jesus in le atrio del summe
   sacerdote;

16 sed Petro restava foras, al porta. Alora le altere discipulo que esseva note
   al summe sacerdote, exiva, parlava con le portera qui faceva entrar Petro.

17 e le serva portera diceva a Petro: Non es etiam tu un del discipulos de iste 
   homine? Petro diceva: No, io non lo es.

18 E le servos e le guardas habeva accendite un foco, perque faceva frigido, e
   illes stava ibi a calefacer se; e etiam Petro stava con illes e se calefaceva.

19 le summe sacerdote dunque interrogava Jesus concernente su discipulos e su
   doctrina.

20 Jesus le respondeva: Io ha parlate apertemente al mundo; io ha sempre 
   inseniate in le synagogas e in le templo, ubi tote le Judeos se reuni; 
   e io non ha dicite nil in secrete. Perque dunque tu me interroga?

21 Demanda a qui me ha audite, lo que io les ha ha parlate; ecce, illes sape 
   lo  que io ha dicite.

22 E post haber dicite isto, un del officiales qui le stava vicin, dava un 
   palmata in le genas a Jesus, dicente: Assi responde tu al summe sacerdote?

23 Jesus le diceva: Si io ha parlate mal, demonstra le mal que io ha dicite; 
   sed si io ha parlate ben, perque me percute tu?

24 Ergo Annas le mandava ligate a Caiphas, le summe sacerdote.

25 E Simon Petro stava ibi a calefacer se; e illes le diceva: Non es etiam 
   tu un su discipulo? Ille lo negava e diceva: No, io non lo es.

26 Un del servos del summe sacerdote, parente de ille qui Petro habeva taliate
   le aure, diceva: Non te ha forsan io vidite in le jardin con ille?

27 E Petro de nove lo negava, e subito le gallo cantava.

28 Postea illes conduceva Jesus a Caiphas in pretorio. Il esseva matino, e illes 
   non entrava in le pretorio pro non contaminar se e assi poter mangiar le pascha.

29 Pilato dunque exiva foras e les demandava: Qual accusa porta vos contra iste
   homine?

30 Illes respondeva e le diceva: Si iste non esseva un malfactor, nos non te 
   lo portava.

31 Pilato ergo les diceva: Prende le vos, e judica le secundo vostre lege. Le 
   Judeos le diceva: A nos non es licite mitter a morte alicuno.

32 E isto a fin que se compliva le parola que Jesus habeva dicite, pro indicar 
   de qual morte ille debeva morir.

33 Pilato dunque reentrava in pretorio; vocava Jesus e le diceva: es tu 
   le Rege del Judeos?

34 Jesus le respondeva: Tu ipse dice isto, o alteres te lo diceva de me?

35 Pilato le respondeva: es forsan io Judeo? tu gente e le principales 
   sacerdotes te ha consignate a me; que ha facite tu?

36 Jesus respondeva: mio regno non es de iste mundo; si mi regno esseva de iste
   mundo, mi servos combatterea a fin que io non esseva consignate al Judeos;
   sed mi regno non es de hic.

37 Alora Pilato le diceva: Es tu rege, dunque? Jesus respondeva: Tu lo dice; io 
   es rege; pro isto io nasceva, e pro isto io veniva in le mundo: pro
   testimoniar del veritate. Quicunque es del veritate ascolta mi voce.

38 Pilato le diceva: que es le veritate? E post haber dicite isto, exiva de 
   nove verso le Judeos, e les diceva: Io non trova alicun culpa in ille.

39 sed vos ha le consuetude, que io vos libera qualcuno in Pascha; esque vos
   vole que io vos libera le Rege del Judeos?

40 Alora illes critava: Non iste, sed Barabbas! E Barabbas esseva un brigante.

---

1 2 3 4 5 6 7 8 9 10 11 12 13 14 15 16 17 18 19 20 21

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev