Epistola III de Johannes

From Wikisource
Jump to: navigation, search
1  Le anciano al amate Gaio, qui io ama in le veritate. 

2  Carissimo, io desidera que tu prospera in omne cosa e que tu sta ben, 
   assi como prospera le anima tue.
 
3  Io me ha multo allegrate quando le fratres ha venite e me ha testimoniate 
   de tu veritate, del modo in le qual tu cammina in le veritate. 

4  Io non ha major allegressa de iste, de audir que mi filios cammina in 
   le veritate. 

5  Carissimo, tu opera fidelmente in lo que tu face a favor del fratres, 
   e etiam a favor del extranieros. 

6  Le quales testimoniava de tu caritate, ante le ecclesia; e tu facera 
   ben a provider a lor viage in modo digne a Deo;
 
7  perque illes partiva per amor del nomine de Christo, sin prender nil 
   del Gentiles. 

8  Nos dunque debe reciper tal homines, pro esser cooperatores del veritate. 

9  Io ha scribite alco al ecclesia; ma Diotrephe que cerca de haber le 
   preeminentia inter illes, non nos recipe. 

10 Ergo, si io veni, io le recordara le operas que ille face, dicente calumnias
   contra nos; e non satisfacte con isto, non sol non recipe ille ipse le
   fratres, sed impedi de facer lo a illes qui lo volerea facer, e les expelle
   foras del ecclesia. 

11 Carissimo, non imitar le mal, ma le ben. Qui practica le ben es de Deo; 
   qui face le mal non ha vidite Deo. 

12 Sed de Demetrio totos da bon testimonio e etiam lo da le veritate ipse; 
   e anque nos testimonia; e tu sape que nostre testimonio es ver. 

13 Io habeva multe cosas a dicer te, sed io non te los vole scriber con tinta 
   e penna. 

14 Sed io spera de vider te tosto, e parlar te a voce. Que le pace sia con te.
   Le amicos te saluta. Saluta le amicos nominalmente. 

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev