Jv/Alkitab/Pangentasan/9

From Wikisource
Jump to navigation Jump to search

9:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦱꦺꦴꦮꦤ꧀ꦤꦩꦫꦁꦱꦁꦥꦿꦧꦸ꧈​ꦩꦠꦸꦂꦫꦪꦺꦤ꧀ꦲꦭ꧀ꦭꦃꦲꦺꦮꦺꦴꦁ꧊ꦆꦧꦿꦤꦶꦔꦤ꧀ꦢꦶꦏꦩꦼꦁꦏꦺꦤꦺ꧈​‘ꦲꦸꦩꦠ꧀ꦏꦸ ꦭꦸꦮꦂꦫꦤ꧈​ꦱꦸꦥꦪꦧꦶꦱꦔꦧꦼꦏ꧀ꦠꦶꦩꦫꦁꦲꦏꦸ꧉​
9:2 ꦪꦺꦤ꧀ꦏꦺꦴꦮꦺꦩꦼꦏ꧀ꦱꦲꦺꦴꦫꦔ꧀ꦭꦶꦭꦤꦶ꧈​ꦭꦤ꧀ꦲꦉꦥ꧀ꦠꦼꦫꦸꦱ꧀ꦏꦺꦴꦏ꧀ꦏꦸꦏꦸꦃꦲꦶ꧈​
9:3 ꦏꦺꦴꦮꦺꦧꦏꦭ꧀ꦢꦏ꧀ꦲꦸꦏꦸꦩ꧀ꦔꦁꦒꦺꦴꦥꦒꦼꦧ꧀ꦭꦸꦒ꧀ꦲꦶꦁꦲꦤ꧀ꦠꦫꦤꦺꦏꦺꦮꦤ꧀ꦏꦺꦮꦤ꧀ꦩꦸꦏꦧꦺꦃ—ꦗꦫꦤ꧀꧈​ꦏꦸꦭ꧀ꦢꦶ꧈​ꦲꦸꦤ꧀ꦠ꧈​ꦱꦥꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦱꦂꦠꦮꦼꦝꦸꦱ꧀ꦩꦸꦭꦶꦪꦤꦺꦏꦧꦺꦃ꧉​
9:4 ꦲꦏꦸꦧꦏꦭ꧀ꦩ꧀ꦧꦺꦢꦏ꧀ꦏꦏꦺꦲꦤ꧀ꦠꦫꦤꦺꦏꦺꦮꦤꦺꦮꦺꦴꦁ꧊ꦆꦱꦿꦲꦺꦭ꧀ꦭꦤ꧀ꦏꦺꦮꦤꦺꦮꦺꦴꦁ꧊ꦩꦺꦱꦶꦂ꧉​ꦏꦺꦮꦤꦺꦮꦺꦴꦁ꧊ꦆꦱꦿꦲꦺꦭ꧀ꦲꦺꦴꦫꦲꦤꦱꦶꦗꦶꦮꦲꦺꦱꦶꦁꦧꦏꦭ꧀ꦩꦠꦶ꧉​
9:5 ꦲꦏꦸ꧈​ꦄꦭ꧀ꦭꦃ꧈​ꦤꦼꦠꦼꦥ꧀ꦥꦏꦺ꧈​ꦲꦶꦁꦢꦶꦤꦱꦺꦱꦸꦏ꧀ꦲꦺꦴꦭꦺꦃꦏꦸꦲꦉꦥ꧀ꦤꦶꦤ꧀ꦢꦏ꧀ꦏꦏꦺꦥꦽꦏꦫꦲꦶꦏꦶ!’"
9:6 ꦲꦺꦱꦸꦏ꧀ꦏꦺꦒꦸꦱ꧀ꦠꦶꦄꦭ꧀ꦭꦃꦤꦶꦤ꧀ꦢꦏ꧀ꦏꦏꦺꦥꦽꦏꦫꦩꦲꦸ꧉​ꦏꦺꦮꦤꦺꦧꦁꦱ꧊ꦩꦺꦱꦶꦂꦥꦝꦩꦠꦶꦏꦧꦺꦃ꧈​ꦤꦁꦔꦶꦁꦏꦺꦮꦤꦺꦧꦁꦱ꧊ꦆꦱꦿꦲꦺꦭ꧀ꦲꦺꦴꦫꦲꦤꦱꦶꦁꦩꦠꦶꦱꦶꦗꦶꦱꦶꦗꦶꦪ꧉​
9:7 ꦤꦭꦶꦏꦫꦗꦤ꧀ꦢꦔꦸ꧈​ꦮꦺꦴꦁꦮꦺꦴꦁꦧꦚ꧀ꦗꦸꦂꦩꦠꦸꦂ꧈​ꦪꦺꦤ꧀ꦏꦺꦮꦤꦺꦮꦺꦴꦁ꧊ꦆꦱꦿꦲꦺꦭ꧀ꦲꦺꦴꦫꦲꦤꦱꦶꦗꦶꦱꦶꦗꦶꦪꦱꦶꦁꦩꦠꦶ꧉​ꦲꦺꦮꦱꦼꦩꦺꦴꦤꦺꦴꦫꦗ꧊ꦩꦺꦱꦶꦂꦠꦼꦠꦼꦥ꧀ꦩꦁꦏꦺꦴꦠ꧀ꦠꦏꦺꦒꦭꦶꦃꦲꦺꦭꦤ꧀ꦲꦺꦴꦫꦔ꧀ꦭꦶꦭꦤꦶꦧꦁꦱ꧊ꦆꦱꦿꦲꦺꦭ꧀ꦭꦸꦔ꧉​
9:8 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀꧈​"ꦚ꧀ꦗꦸꦥꦸꦏ꧀ꦏꦲꦮꦸꦤꦺꦥꦮꦺꦴꦤ꧀ꦱꦮꦼꦠꦫꦒꦼꦒꦼꦩ꧀꧉​ꦲꦶꦁꦔꦉꦥ꧀ꦥꦺꦫꦗ꧈​ꦲꦮꦸꦩꦲꦸꦱꦮꦸꦂꦤ꧉​
9:9 ꦲꦮꦸꦩꦲꦸꦢꦢꦶꦊꦩ꧀ꦧꦸꦠ꧀ꦭꦤ꧀ꦧꦏꦭ꧀ꦱꦸꦩꦼꦧꦂꦫꦠꦱꦠꦤꦃ꧊ꦩꦺꦱꦶꦂ꧉​ꦲꦶꦁꦲꦼꦤ꧀ꦢꦶꦲꦼꦤ꧀ꦢꦶꦧꦚ꧀ꦗꦸꦂꦧꦏꦭ꧀ꦲꦤꦩꦼꦩꦭꦮꦸꦢꦸꦤ꧀ꦲꦶꦁꦲꦮꦏ꧀ꦏꦺꦩꦤꦸꦁꦱꦭꦤ꧀ꦏꦺꦮꦤ꧀꧈​ꦮꦸꦱꦤꦤꦺꦩꦼꦕꦃꦢꦢꦶꦏꦺꦴꦫꦺꦁ꧉"​
9:10 ꧊ꦩꦸꦱꦭꦤ꧀ꦲꦫꦸꦤ꧀ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦲꦮꦸꦱꦼꦛꦶꦛꦶꦏ꧀ꦤꦸꦭꦶꦱꦺꦴꦮꦤ꧀ꦱꦁꦥꦿꦧꦸ꧉​꧊ꦩꦸꦱꦚꦮꦸꦂꦫꦏꦺꦲꦮꦸꦤꦺꦩꦼꦤ꧀ꦝꦸꦮꦸꦂ꧉​ꦧꦚ꧀ꦗꦸꦂꦲꦤꦩꦼꦩꦭꦮꦸꦢꦸꦤ꧀ꦲꦶꦁꦲꦮꦏ꧀ꦏꦺꦩꦤꦸꦁꦱꦭꦤ꧀ꦏꦺꦮꦤ꧀ꦱꦶꦁꦱꦧꦚ꧀ꦗꦸꦂꦫꦺꦢꦢꦶꦏꦺꦴꦫꦺꦁ꧉​
9:11 ꦥꦫꦲꦃꦲ꧀ꦭꦶꦱꦶꦲꦶꦂꦲꦺꦴꦫꦧꦶꦱꦤꦼꦩꦺꦴꦤ꧀ꦤꦶ꧊ꦩꦸꦱ꧈​ꦩꦼꦂꦒꦲꦮꦏ꧀ꦏꦺꦱꦼꦏꦺꦴꦗꦸꦂꦮꦸꦢꦸꦤꦼꦤ꧀ꦏꦪꦮꦺꦴꦁ꧊ꦩꦺꦱꦶꦂꦭꦶꦪꦤꦺ꧉​
9:12 ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦩꦁꦏꦺꦴꦠ꧀ꦠꦏꦺꦲꦠꦶꦤꦺꦫꦗ꧊ꦩꦺꦱꦶꦂ꧈​ꦏꦪꦱꦶꦁꦮꦶꦱ꧀ꦢꦶꦔꦤ꧀ꦢꦶꦏꦏ꧀ꦏꦏꦺ꧈​ꦩꦼꦂꦒꦲꦺꦴꦫꦩꦶꦉꦁꦔꦏꦺꦲꦠꦸꦂꦫꦺ꧊ꦩꦸꦱꦭꦤ꧀ꦲꦫꦸꦤ꧀꧉​
9:13 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦱꦺꦱꦸꦏ꧀ꦲꦺꦱꦸꦏ꧀ꦭꦸꦔꦲꦱꦺꦴꦮꦤ꧀ꦩꦫꦁꦱꦁꦥꦿꦧꦸꦭꦤ꧀ꦩꦠꦸꦂꦫꦪꦺꦤ꧀ꦥꦔꦺꦫꦤ꧀ꦲꦭ꧀ꦭꦃꦲꦺꦮꦺꦴꦁ꧊ꦆꦧꦿꦤꦶꦔꦤ꧀ꦢꦶꦏꦩꦼꦁꦏꦺꦤꦺ꧈​‘ꦏꦺꦴꦮꦺꦔ꧀ꦭꦶꦭꦤꦤꦲꦸꦩꦠ꧀ꦏꦸꦱꦸꦥꦪꦧꦶꦱꦔꦶꦧꦢꦃꦩꦫꦁꦲꦏꦸ꧉​
9:14 ꦱꦼꦥꦶꦱ꧀ꦱꦤ꧀ꦲꦶꦏꦶꦲꦺꦴꦫꦩꦸꦁꦥꦫꦥꦼꦁꦒꦼꦝꦺꦭꦤ꧀ꦫꦏꦾꦠ꧀ꦩꦸꦱꦶꦁꦢꦏ꧀ꦲꦸꦏꦸꦩ꧀꧈​ꦤꦁꦔꦶꦁꦲꦸꦒꦏꦺꦴꦮꦺꦝꦺꦮꦺ꧈​ꦱꦸꦥꦪꦏꦺꦴꦮꦺꦥꦝꦔꦼꦂꦠꦶꦪꦺꦤ꧀ꦲꦏꦸꦲꦶꦏꦶꦲꦶꦁꦱꦭꦸꦩꦃꦲꦶꦁꦧꦸꦩꦶꦲꦺꦴꦫꦲꦤꦱꦶꦁꦩꦝꦤꦶ꧉​
9:15 ꦩꦼꦤꦮꦲꦏꦸꦏꦼꦂꦱꦔꦒꦼꦩ꧀ꦥꦔ꧀ꦮꦱꦏꦸꦏꦁꦒꦺꦴꦔꦸꦏꦸꦩ꧀ꦏꦺꦴꦮꦺꦭꦤ꧀ꦫꦏꦾꦠ꧀ꦩꦸꦩꦼꦱ꧀ꦛꦶꦏꦺꦴꦮꦺꦮꦶꦱ꧀ꦢꦏ꧀ꦒꦼꦧꦒ꧀ꦏ꧀ꦭꦮꦤ꧀ꦥꦒꦼꦧ꧀ꦭꦸꦒ꧀ꦭꦤ꧀ꦏꦺꦴꦮꦺꦏꦧꦺꦃꦩꦼꦱ꧀ꦛꦶꦧꦏꦭ꧀ꦥꦝꦠꦸꦩ꧀ꦥꦼꦱ꧀꧉​
9:16 ꦤꦁꦔꦶꦁꦲꦏꦸꦲꦶꦱꦶꦃꦔꦺꦩꦤ꧀ꦩꦫꦁꦲꦸꦫꦶꦥ꧀ꦩꦸ꧈​ꦱꦸꦥꦪꦏꦺꦴꦮꦺꦮꦼꦫꦸꦃꦥꦔ꧀ꦮꦱꦏꦸꦭꦤ꧀ꦱꦸꦥꦪꦲꦱ꧀ꦩꦏꦸꦏꦭꦸꦲꦸꦂꦫꦏꦺꦲꦤꦲꦶꦁꦱꦭꦸꦩꦃꦲꦶꦁꦧꦸꦩꦶ꧉​
9:17 ꦤꦁꦔꦶꦁꦏꦺꦴꦮꦺꦲꦶꦱꦶꦃꦠꦼꦠꦼꦥ꧀ꦔꦭꦁꦲꦭꦁꦔꦶꦭꦤ꧀ꦲꦺꦴꦫꦒꦼꦊꦩ꧀ꦔ꧀ꦭꦶꦭꦤꦶꦲꦸꦩꦠ꧀ꦏꦸꦭꦸꦔ꧉​
9:18 ꦱꦺꦱꦸꦏ꧀ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦲꦸꦢꦤ꧀ꦲꦺꦱ꧀ꦱꦶꦁꦢꦼꦉꦱ꧀ꦧꦔꦼꦠ꧀꧈​ꦱꦶꦁꦢꦸꦫꦸꦁꦠꦲꦸꦏꦼꦭꦏꦺꦴꦤ꧀ꦲꦶꦁꦠꦤꦃ꧊ꦩꦺꦱꦶꦂ꧉​
9:19 ꦱꦲꦶꦏꦶꦥꦿꦺꦤ꧀ꦠꦃꦤꦱꦸꦥꦪꦫꦗꦏꦪꦭꦤ꧀ꦱꦏꦧꦺꦃꦲꦶꦁꦧꦫꦁꦢꦂꦧꦺꦏ꧀ꦩꦸꦢꦶꦥꦽꦤꦃꦲꦏꦺꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦧꦼꦕꦶꦏ꧀꧉​ꦥꦫꦩꦤꦸꦁꦱꦭꦤ꧀ꦏꦺꦮꦤ꧀ꦱꦶꦁꦲꦤꦲꦶꦁꦚ꧀ꦗꦧꦠꦤ꧀ꦥꦲꦺꦪꦸꦧ꧀ꦲꦺꦪꦸꦧ꧀꧈​ꦱꦩꦱꦏꦼꦠꦶꦧꦤ꧀ꦲꦺꦱ꧀ꦧꦏꦭ꧀ꦥꦝꦩꦠꦶ!’"
9:20 ꦱꦮꦼꦠꦫꦥꦼꦁꦒꦼꦝꦺꦥꦝꦮꦼꦢꦶꦩꦫꦁꦥꦔꦤ꧀ꦢꦶꦏꦤꦺꦄꦭ꧀ꦭꦃ꧉​ꦥꦫꦧꦠꦸꦂꦭꦤ꧀ꦫꦗꦏꦪꦤꦺꦧꦚ꧀ꦗꦸꦂꦥꦝꦢꦶꦒꦮꦩ꧀ꦭꦼꦧꦸꦔꦺꦴꦩꦃꦱꦸꦥꦪꦱ꧀ꦭꦩꦼꦠ꧀꧉​
9:21 ꦤꦁꦔꦶꦁꦥꦫꦥꦼꦁꦒꦼꦝꦺꦭꦶꦪꦤꦺꦲꦺꦴꦫꦩꦲꦺꦭꦸꦩꦫꦁꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦲꦸ;ꦧꦠꦸꦂꦧꦠꦸꦂꦱꦂꦠꦫꦗꦏꦪꦤꦺꦢꦶꦠꦶꦁꦒꦭ꧀ꦲꦶꦁꦚ꧀ꦗꦧꦠꦤ꧀ꦥꦲꦺꦪꦸꦧ꧀ꦲꦺꦪꦸꦧ꧀꧉​
9:22 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦠꦔꦤ꧀ꦩꦸꦲꦕꦸꦁꦤꦲꦶꦁꦭꦔꦶꦠ꧀꧈​ꦧꦚ꧀ꦗꦸꦂꦧꦏꦭ꧀ꦲꦤꦲꦸꦢꦤ꧀ꦲꦺꦱ꧀ꦲꦶꦁꦱꦠꦤꦃ꧊ꦩꦺꦱꦶꦂꦏꦧꦺꦃ꧉​ꦩꦤꦸꦁꦱ꧈​ꦏꦺꦮꦤ꧀ꦭꦤ꧀ꦠꦤ꧀ꦢꦸꦂꦫꦤ꧀ꦲꦶꦁꦠꦼꦒꦭ꧀ꦧꦏꦭ꧀ꦥꦝꦏꦺꦴꦢꦤ꧀ꦤꦤ꧀꧉"​
9:23 ꧊ꦩꦸꦱꦧꦚ꧀ꦗꦸꦂꦔꦕꦸꦁꦔꦏꦺꦠꦼꦏꦼꦤꦺꦲꦶꦁꦭꦔꦶꦠ꧀꧉​ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦤ꧀ꦝꦠꦼꦁꦔꦏꦺꦒ꧀ꦭꦸꦝꦸꦒ꧀꧈​ꦲꦸꦢꦤ꧀ꦲꦺꦱ꧀ꦱꦂꦠꦧ꧀ꦭꦼꦝꦺꦒ꧀ꦚꦩ꧀ꦧꦼꦂꦚꦩ꧀ꦧꦼꦂ꧉​
9:24 ꦲꦸꦢꦤ꧀ꦤꦺꦲꦺꦱ꧀꧈​ꦢꦶꦧꦉꦁꦔꦶꦧ꧀ꦭꦼꦝꦺꦒ꧀ꦲꦥꦢꦺꦤꦺꦭꦺꦱꦸꦱ꧀ꦱꦶꦁꦔ꧀ꦒꦼꦒꦶꦫꦶꦱꦶꦧꦔꦼꦠ꧀;ꦏꦲꦤꦤ꧀ꦱꦶꦁꦩꦼꦁꦏꦺꦴꦤꦺꦴꦩꦲꦸꦢꦸꦫꦸꦁꦠꦲꦸꦏꦼꦭꦏꦺꦴꦤ꧀ꦲꦶꦁꦠꦤꦃ꧊ꦩꦺꦱꦶꦂ꧉​
9:25 ꦲꦸꦢꦤ꧀ꦲꦺꦱ꧀ꦩꦲꦸꦮꦿꦠꦱꦤꦼꦒꦫꦏꦧꦺꦃꦭꦤ꧀ꦚꦶꦂꦤꦏ꧀ꦏꦏꦺꦲꦥꦮꦲꦺꦱꦶꦁꦲꦤꦲꦶꦁꦚ꧀ꦗꦧ꧈​ꦲꦶꦪꦩꦤꦸꦁꦱꦲꦶꦪꦏꦺꦮꦤ꧀꧉​ꦭꦺꦱꦸꦱ꧀ꦱꦺꦔꦿꦸꦱꦏ꧀ꦱꦏꦺꦃꦲꦶꦁꦠꦤ꧀ꦢꦸꦂꦫꦤ꧀ꦲꦶꦁꦠꦼꦒꦭ꧀ꦭꦤ꧀ꦱꦂꦠꦔꦿꦸꦧꦸꦃꦲꦏꦺꦱꦏꦺꦃꦲꦶꦁꦮꦶꦠ꧀ꦮꦶꦠ꧀ꦠꦤ꧀꧉​
9:26 ꦩꦸꦁꦠꦤꦃ꧊ꦒꦺꦴꦱꦺꦤ꧀꧈​ꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁ꧊ꦆꦱꦿꦲꦺꦭ꧀꧈​ꦲꦺꦴꦫꦲꦤꦲꦸꦢꦤ꧀ꦲꦺꦱ꧀꧉​
9:27 ꦫꦗ꧊ꦩꦺꦱꦶꦂꦧꦚ꧀ꦗꦸꦂꦤꦶꦩ꧀ꦧꦭ꧀ꦭꦶ꧊ꦩꦸꦱꦭꦤ꧀ꦲꦫꦸꦤ꧀꧈​ꦝꦮꦸꦃꦲꦺ꧈​"ꦱꦼꦥꦶꦱ꧀ꦱꦤ꧀ꦲꦶꦏꦶꦲꦏꦸꦔꦏꦸꦏꦼꦢꦺꦴꦱ꧀ꦱꦤ꧀ꦩꦫꦁꦄꦭ꧀ꦭꦃ꧉​ꦄꦭ꧀ꦭꦃꦱꦶꦁꦧꦼꦤꦼꦂ꧈​ꦢꦺꦤꦺꦲꦏꦸꦭꦤ꧀ꦫꦏꦾꦠ꧀ꦏꦸꦱꦶꦁꦱꦭꦃ꧉​
9:28 ꦤ꧀ꦢꦼꦢꦺꦴꦔꦲꦩꦫꦁꦄꦭ꧀ꦭꦃ꧈​ꦩꦼꦂꦒꦲꦏꦸꦏꦧꦺꦃꦮꦶꦱ꧀ꦥꦝꦱꦁꦱꦫꦩꦼꦂꦒꦲꦸꦢꦤ꧀ꦲꦺꦱ꧀ꦲꦶꦏꦶ꧉​ꦲꦏꦸꦗꦚ꧀ꦗꦶꦔ꧀ꦭꦶꦭꦤꦶꦏꦺꦴꦮꦺꦥꦝꦭꦸꦔ꧈​ꦲꦗꦥꦝꦩꦁꦒꦺꦴꦤ꧀ꦲꦶꦁꦏꦺꦤꦺꦩꦼꦤꦺꦃ꧉"​
9:29 ꦲꦠꦸꦂꦫꦺ꧊ꦩꦸꦱꦩꦫꦁꦱꦁꦥꦿꦧꦸ꧈​"ꦩꦼꦤꦮꦶꦏꦸꦭꦱꦩ꧀ꦥꦸꦤ꧀ꦢꦸꦩꦸꦒꦶꦲꦶꦁꦚ꧀ꦗꦮꦶꦏꦶꦛ꧈​ꦏꦸꦭꦧꦝꦺꦤ꧀ꦢꦼꦢꦺꦴꦔꦝꦠꦼꦁꦒꦸꦱ꧀ꦠꦶꦄꦭ꧀ꦭꦃ꧉​ꦒ꧀ꦭꦸꦝꦸꦒ꧀ꦒꦶꦥꦸꦤ꧀ꦤꦸꦤ꧀ꦠꦼꦤ꧀ꦧꦝꦺꦏꦺꦤ꧀ꦢꦼꦭ꧀꧈​ꦢꦺꦤꦺꦗꦮꦃꦲꦶꦥꦸꦤ꧀ꦧꦝꦺꦠꦼꦫꦁꦭꦤ꧀ꦥꦚ꧀ꦗꦼꦤꦼꦁꦔꦤ꧀ꦧꦝꦺꦱꦩꦶꦩꦶꦂꦱ꧈​ꦧꦶꦭꦶꦃꦧꦸꦩꦶꦩꦼꦤꦶꦏꦏꦒꦸꦁꦔꦤ꧀ꦤꦶꦥꦸꦤ꧀ꦒꦸꦱ꧀ꦠꦶꦄꦭ꧀ꦭꦃ꧉​
9:30 ꦤꦁꦔꦶꦁꦏꦸꦭꦱꦸꦩꦼꦉꦥ꧀ꦧꦶꦭꦶꦃꦱꦁꦥꦿꦧꦸꦱꦲꦥꦫꦥꦼꦔꦒꦼꦁꦢꦺꦫꦺꦁꦱꦩꦶꦲꦗꦿꦶꦃꦝꦠꦼꦁꦒꦸꦱ꧀ꦠꦶꦄꦭ꧀ꦭꦃ꧉"​
9:31 ꦠꦤ꧀ꦢꦸꦂꦫꦤ꧀ꦫꦩꦶꦭꦤ꧀ꦗꦼꦮꦮꦸꦠ꧀ꦥꦝꦫꦸꦱꦏ꧀꧈​ꦩꦁꦏꦗꦼꦮꦮꦸꦠ꧀ꦠꦺꦮꦶꦱ꧀ꦮꦪꦃꦲꦺꦔꦸꦤ꧀ꦝꦸꦃ;ꦢꦺꦤꦺꦫꦩꦶꦤꦺꦭꦒꦶꦱꦼꦩꦶ꧉​
9:32 ꦩꦸꦁꦠꦤ꧀ꦢꦸꦂꦫꦤ꧀ꦒꦤ꧀ꦢꦸꦩ꧀ꦱꦶꦁꦲꦺꦴꦫꦫꦸꦱꦏ꧀꧈​ꦩꦼꦂꦒꦢꦸꦫꦸꦁꦩꦁꦱꦤꦺ꧉​
9:33 ꧊ꦩꦸꦱꦧꦚ꧀ꦗꦸꦂꦩꦸꦤ꧀ꦢꦸꦂꦭꦤ꧀ꦠꦶꦤ꧀ꦢꦏ꧀ꦩꦼꦚꦁꦚ꧀ꦗꦧꦤ꧀ꦏꦸꦛ꧈​ꦱꦂꦠꦔꦁꦏꦠ꧀ꦲꦱ꧀ꦠꦤꦺꦤ꧀ꦢꦼꦢꦺꦴꦔꦩꦫꦁꦒꦸꦱ꧀ꦠꦶꦄꦭ꧀ꦭꦃ꧉​ꦱꦤꦭꦶꦏꦒ꧀ꦭꦸꦝꦸꦒꦭꦤ꧀ꦲꦸꦢꦤ꧀ꦤꦺꦲꦺꦱ꧀ꦱꦶꦉꦥ꧀꧈​ꦱꦂꦠꦲꦸꦢꦤ꧀ꦤꦺꦧꦚ꧀ꦗꦸꦂꦠꦼꦫꦁ꧉​
9:34 ꦧꦉꦁꦱꦁꦥꦿꦶꦔꦺꦴꦤ꧀ꦥꦶꦂꦱꦏꦲꦤꦤ꧀ꦩꦲꦸꦧꦚ꧀ꦗꦸꦂꦩ꧀ꦧꦕꦸꦠ꧀ꦠꦏꦺꦲꦼꦁꦒꦺꦴꦤꦺꦒꦮꦺꦢꦺꦴꦱ꧉​ꦫꦗꦭꦤ꧀ꦥꦫꦥꦼꦁꦒꦼꦝꦺꦠꦼꦠꦼꦥ꧀ꦩꦁꦏꦺꦴꦠ꧀ꦠꦏꦺꦥꦼꦁꦒꦭꦶꦃꦲꦺꦏꦪꦲꦢꦠ꧀ꦠꦺ꧉​
9:35 ꦱꦁꦥꦿꦶꦔꦺꦴꦤ꧀ꦲꦺꦴꦫꦔ꧀ꦭꦶꦭꦤꦶꦮꦺꦴꦁ꧊ꦆꦱꦿꦲꦺꦭ꧀ꦧꦸꦝꦭ꧀꧈​ꦏꦪꦱꦶꦁꦢꦶꦔꦤ꧀ꦢꦶꦏꦏ꧀ꦏꦏꦺꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦩꦫꦁ꧊ꦩꦸꦱ꧉​