Jv/Alkitab/Pangentasan/11

From Wikisource
Jump to navigation Jump to search

11:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦥꦲꦸꦏꦸꦩ꧀ꦩꦤ꧀ꦱꦼꦥꦶꦱ꧀ꦱꦤ꧀ꦲꦼꦁꦏꦱ꧀ꦩꦫꦁꦫꦗ꧊ꦩꦺꦱꦶꦂꦱꦂꦠꦩꦫꦁꦫꦏꦾꦠ꧀ꦠꦺ꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ꧈​ꦩꦼꦱ꧀ꦛꦶꦫꦗꦩꦲꦸꦧꦏꦭ꧀ꦔ꧀ꦭꦶꦭꦤꦶꦏꦺꦴꦮꦺꦏꦧꦺꦃꦥꦝꦭꦸꦔ;ꦩꦭꦃꦲꦉꦥ꧀ꦥꦝꦤꦸꦤ꧀ꦝꦸꦁꦏꦺꦴꦮꦺꦏꦧꦺꦃꦱꦏꦏꦺꦤꦺ꧉​
11:2 ꦩꦼꦂꦒꦱꦏꦏꦸꦮꦶꦏꦤ꧀ꦝꦲꦏꦫꦺꦴꦧꦁꦱ꧊ꦆꦱꦿꦲꦺꦭ꧀;ꦥꦿꦺꦤ꧀ꦠꦃꦤꦚ꧀ꦗꦭꦸꦏ꧀ꦲꦼꦩꦱ꧀ꦲꦼꦩꦱ꧀ꦱꦤ꧀ꦭꦤ꧀ꦱ꧀ꦭꦏꦩꦫꦁꦠꦁꦒꦤꦺ꧉"​
11:3 ꦒꦸꦱ꧀ꦠꦶꦄꦭ꧀ꦭꦃꦤ꧀ꦢꦢꦺꦏ꧀ꦏꦏꦺꦮꦺꦴꦁ꧊ꦩꦺꦱꦶꦂꦔꦗꦺꦤ꧀ꦤꦶꦩꦫꦁꦧꦁꦱ꧊ꦆꦱꦿꦲꦺꦭ꧀꧉​ꦩꦭꦃ꧊ꦩꦸꦱꦢꦢꦶꦮꦺꦴꦁꦒꦼꦝꦺꦲꦤꦲꦶꦁꦔꦉꦥ꧀ꦥꦺꦥꦫꦥꦼꦁꦒꦼꦝꦺꦱꦂꦠꦫꦏꦾꦠ꧀ꦲꦶꦁ꧊ꦩꦺꦱꦶꦂꦏꦧꦺꦃ꧉​
11:4 ꧊ꦩꦸꦱꦩꦠꦸꦂꦩꦫꦁꦫꦗꦲꦶꦁ꧊ꦩꦺꦱꦶꦂ꧈​"ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦼꦏꦠ꧀ꦠꦼꦤ꧀꧈​‘ꦏꦶꦫꦏꦶꦫꦠꦼꦔꦃꦮꦼꦔꦶꦲꦏꦸꦧꦏꦭ꧀ꦤ꧀ꦢ꧀ꦭꦗꦃꦠꦤꦃ꧊ꦩꦺꦱꦶꦂ꧈​
11:5 ꦭꦤ꧀ꦱꦧꦼꦤ꧀ꦲꦤꦏ꧀ꦩ꧀ꦧꦉꦥ꧀ꦲꦶꦁ꧊ꦩꦺꦱꦶꦂꦧꦏꦭ꧀ꦩꦠꦶ꧈​ꦮꦶꦮꦶꦠ꧀ꦥꦼꦩ꧀ꦧꦉꦥ꧀ꦥꦺꦫꦗ꧊ꦩꦺꦱꦶꦂꦔꦤ꧀ꦠꦶꦲꦤꦏ꧀ꦭꦤꦁꦥꦼꦩ꧀ꦧꦉꦥ꧀ꦥꦺꦧꦠꦸꦂꦮꦢꦺꦴꦤ꧀ꦱꦶꦁꦔ꧀ꦒꦶꦭꦶꦁꦒꦤ꧀ꦢꦸꦩ꧀꧉​ꦩꦼꦁꦏꦺꦴꦤꦺꦴꦲꦸꦒꦱꦶꦁꦭꦲꦶꦂꦏꦮꦶꦠ꧀ꦠꦤ꧀ꦱꦏꦫꦗꦏꦪꦤꦺꦲꦶꦪꦧꦏꦭ꧀ꦩꦠꦶ꧉​
11:6 ꦲꦶꦁꦱꦠꦤꦃ꧊ꦩꦺꦱꦶꦂꦏꦧꦺꦃꦧꦏꦭ꧀ꦲꦤꦠꦔꦶꦱ꧀ꦱꦤ꧀ꦱꦶꦁꦤꦽꦚꦸꦃꦲꦏꦺ꧈​ꦱꦶꦁꦢꦸꦫꦸꦁꦠꦲꦸꦏꦼꦭꦏꦺꦴꦤ꧀ꦱꦂꦠꦲꦺꦴꦫꦧꦏꦭ꧀ꦏꦼꦭꦏꦺꦴꦤ꧀ꦩꦼꦤꦺꦃ꧉​
11:7 ꦢꦺꦤꦺꦮꦺꦴꦁ꧊ꦆꦱꦿꦲꦺꦭ꧀ꦭꦤ꧀ꦫꦗꦏꦪꦤꦺꦲꦺꦴꦫꦧꦏꦭ꧀ꦢꦶꦒꦁꦒꦸ꧉​ꦱꦼꦧꦚ꧀ꦗꦸꦂꦫꦺꦏꦺꦴꦮꦺꦧꦏꦭ꧀ꦔꦼꦂꦠꦶ꧈​ꦪꦺꦤ꧀ꦲꦏꦸ꧈​ꦄꦭ꧀ꦭꦃ꧈​ꦩ꧀ꦧꦺꦢꦏ꧀ꦏꦏꦺꦮꦺꦴꦁ꧊ꦩꦺꦱꦶꦂꦭꦤ꧀ꦮꦺꦴꦁ꧊ꦆꦱꦿꦲꦺꦭ꧀!’"
11:8 ꦮꦸꦱꦤꦤꦺ꧊ꦩꦸꦱꦩꦠꦸꦂ꧈​"ꦥꦫꦥꦼꦔꦒꦼꦁꦔꦶꦥꦸꦤ꧀ꦱꦁꦥꦿꦧꦸꦧꦝꦺꦱꦩꦶꦝꦠꦼꦁꦱꦲꦱꦸꦗꦸꦢ꧀ꦲꦶꦁꦔꦗꦼꦁꦏꦸꦭꦱꦂꦠꦏꦸꦭꦧꦝꦺꦏꦥꦸꦫꦶꦃꦏꦺꦱꦃꦩ꧀ꦧꦼꦏ꧀ꦠꦧꦁꦱꦏꦸꦭꦱꦼꦢꦪ꧉​ꦱꦼꦱꦩ꧀ꦥꦸꦤꦶꦥꦸꦤ꧀ꦩꦼꦤꦶꦏꦏꦸꦭꦧꦝꦺꦧꦶꦝꦭ꧀꧉"​꧊ꦩꦸꦱꦧꦚ꧀ꦗꦸꦂꦩꦸꦤ꧀ꦢꦸꦂꦱꦏꦔꦂꦱꦤꦺꦱꦁꦥꦿꦧꦸꦏꦫꦺꦴꦢꦸꦏꦧꦔꦼꦠ꧀꧉​
11:9 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦫꦗ꧊ꦩꦺꦱꦶꦂꦲꦺꦴꦫꦧꦏꦭ꧀ꦔꦿꦸꦔꦺꦴꦏ꧀ꦏꦏꦺꦲꦠꦸꦂꦩꦸ꧈​ꦥꦽꦭꦸꦤꦺꦱꦸꦥꦪꦲꦏꦸꦧꦶꦱꦢꦩꦼꦭ꧀ꦏꦲꦺꦭꦺꦴꦏ꧀ꦏꦤ꧀ꦭꦸꦮꦶꦃꦲꦏꦺꦃꦩꦼꦤꦺꦃꦲꦶꦁꦠꦤꦃ꧊ꦩꦺꦱꦶꦂ꧉"​
11:10 ꦮꦶꦱ꧀ꦲꦏꦺꦃ꧊ꦩꦸꦱꦱꦂꦠꦲꦫꦸꦤ꧀ꦲꦼꦁꦒꦺꦴꦤꦺꦤꦶꦤ꧀ꦢꦏ꧀ꦏꦏꦺꦏꦲꦺꦭꦺꦴꦏ꧀ꦏꦤ꧀ꦲꦤꦲꦶꦁꦔꦂꦱꦤꦺꦫꦗ꧊ꦩꦺꦱꦶꦂ꧈​ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦩꦁꦏꦺꦴꦠ꧀ꦠꦏꦺꦥꦼꦁꦒꦭꦶꦃꦲꦺꦫꦗꦩꦲꦸ꧈​ꦠꦼꦩꦃꦲꦺꦴꦫꦔ꧀ꦭꦶꦭꦤꦶꦮꦺꦴꦁ꧊ꦆꦱꦿꦲꦺꦭ꧀ꦭꦸꦔꦱꦏꦤꦼꦒꦫꦤꦺ꧉​