Jv/Alkitab/Pangentasan/20

From Wikisource
Jump to navigation Jump to search

20:1 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦼꦁꦏꦺꦤꦺ꧈​
20:2 "ꦲꦏꦸꦲꦶꦏꦶꦲꦭ꧀ꦭꦃꦩꦸꦱꦶꦁꦮꦶꦱ꧀ꦔꦼꦤ꧀ꦠꦱ꧀ꦱꦏꦺꦏꦺꦴꦮꦺꦱꦏꦲꦶꦁꦠꦤꦃ꧊ꦩꦺꦱꦶꦂ꧈​ꦥꦁꦒꦺꦴꦤ꧀ꦤꦤ꧀ꦩꦸꦢꦢꦶꦧꦠꦸꦂꦠꦸꦏꦺꦴꦤ꧀꧉​
20:3 ꦲꦗꦥꦝꦤ꧀ꦢꦸꦮꦺꦤ꧀ꦤꦶꦲꦭ꧀ꦭꦃꦭꦶꦪꦤꦺꦏꦼꦗꦧꦲꦏꦸ꧉​
20:4 ꦲꦗꦥꦝꦒꦮꦺꦉꦕꦲꦸꦠꦮꦠꦼꦠꦶꦫꦺꦴꦤꦺꦲꦥꦮꦲꦺꦱꦶꦁꦲꦤꦲꦶꦁꦭꦔꦶꦠ꧀꧈​ꦲꦶꦁꦧꦸꦩꦶ꧈​ꦲꦸꦠꦮꦲꦶꦁꦧꦚꦸꦱꦔꦶꦱꦺꦴꦂꦫꦶꦁꦧꦸꦩꦶꦏꦁꦒꦺꦴꦢꦶꦱꦼꦩ꧀ꦧꦃꦱꦼꦩ꧀ꦧꦃ꧉​
20:5 ꦲꦗꦥꦝꦱꦸꦗꦸꦢ꧀ꦲꦸꦠꦮꦔꦧꦼꦏ꧀ꦠꦶꦩꦫꦁꦉꦕꦩꦲꦸ꧈​ꦲꦮꦶꦠ꧀ꦲꦏꦸꦲꦶꦏꦶꦲꦭ꧀ꦭꦃꦩꦸ꧈​ꦄꦭ꧀ꦭꦃꦱꦶꦁꦱꦸꦗꦤꦤ꧀꧉​ꦲꦏꦸꦧꦏꦭ꧀ꦔꦸꦏꦸꦩ꧀ꦮꦺꦴꦁꦱꦶꦁꦱꦼꦔꦶꦠ꧀ꦩꦫꦁꦲꦏꦸ꧈​ꦔꦤ꧀ꦠꦶꦠꦸꦫꦸꦤ꧀ꦥꦶꦁꦠꦼꦭꦸꦭꦤ꧀ꦥꦶꦁꦥꦠ꧀꧉​
20:6 ꦤꦁꦔꦶꦁꦲꦏꦸꦤꦽꦱ꧀ꦤꦤꦶꦱꦏꦺꦃꦲꦶꦁꦠꦸꦫꦸꦤ꧀ꦤꦺꦮꦺꦴꦁꦱꦶꦁꦥꦝꦠꦽꦱ꧀ꦤꦩꦫꦁꦲꦏꦸꦭꦤ꧀ꦤꦶꦤ꧀ꦢꦏ꧀ꦏꦏꦺꦝꦮꦸꦃꦏꦸ꧉​
20:7 ꦲꦗꦥꦝꦔꦿꦺꦩꦺꦃꦲꦏꦺꦩꦫꦁꦲꦱ꧀ꦩꦏꦸ꧈​ꦱꦼꦧꦧ꧀ꦲꦏꦸ꧈​ꦲꦭ꧀ꦭꦃꦩꦸ꧈​ꦧꦏꦭ꧀ꦔꦸꦏꦸꦩ꧀ꦱꦥꦮꦲꦺꦱꦶꦁꦔꦿꦺꦩꦺꦃꦲꦏꦺꦲꦱ꧀ꦩꦏꦸ꧉​
20:8 ꦲꦺꦭꦶꦁꦔꦭꦤ꧀ꦱꦸꦕꦺꦏ꧀ꦤꦢꦶꦤ꧊ꦱꦧ꧀ꦧꦠ꧀꧉​
20:9 ꦤꦼꦩ꧀ꦢꦶꦤꦏꦺꦴꦮꦺꦥꦝꦚꦩ꧀ꦧꦸꦠꦒꦮꦺ꧉​
20:10 ꦤꦁꦔꦶꦁꦢꦶꦤꦏꦥꦶꦠꦸꦏꦸꦮꦶꦢꦶꦤꦏꦁꦏꦠꦼꦠꦼꦥ꧀ꦥꦏꦺꦢꦺꦤꦶꦁꦥꦔꦺꦫꦤ꧀ꦏꦁꦒꦺꦴꦔꦱꦺꦴ꧉​ꦲꦶꦁꦢꦶꦤꦏꦸꦮꦶꦏꦺꦴꦮꦺꦲꦗꦥꦝꦚꦩ꧀ꦧꦸꦠ꧀ꦒꦮꦺ꧈​ꦩꦼꦁꦏꦺꦴꦤꦺꦴꦲꦸꦒꦲꦤꦏ꧀ꦲꦤꦏ꧀ꦩꦸ꧈​ꦫꦺꦮꦁꦩꦸ꧈​ꦏꦺꦮꦤ꧀ꦩꦸꦲꦸꦠꦮꦮꦺꦴꦁꦭꦶꦪꦱꦶꦁꦲꦤꦲꦶꦁꦮꦼꦮꦼꦁꦏꦺꦴꦤ꧀ꦩꦸ꧉​
20:11 ꦱꦗꦿꦺꦴꦤꦺꦤꦼꦩ꧀ꦢꦶꦤꦲꦏꦸꦤꦶꦠꦃꦲꦏꦺꦧꦸꦩꦶ꧈​ꦭꦔꦶꦠ꧀꧈​ꦱꦼꦒꦫ꧈​ꦭꦤ꧀ꦱꦲꦶꦱꦶꦤꦺꦏꦧꦺꦃ;ꦤꦁꦔꦶꦁꦲꦶꦁꦢꦶꦤꦏꦥꦶꦠꦸꦲꦏꦸꦭꦺꦫꦺꦤ꧀꧉​ꦩꦸꦭꦤꦺꦲꦏꦸꦩ꧀ꦧꦼꦂꦏꦃꦲꦶꦢꦶꦤ꧊ꦱꦧ꧀ꦧꦠ꧀ꦩꦲꦸꦱꦂꦠꦢꦏ꧀ꦱꦸꦕꦺꦏ꧀ꦏꦏꦺ꧉​
20:12 ꦥꦝꦔꦗꦺꦤ꧀ꦤꦤꦧꦥꦭꦤ꧀ꦧꦶꦪꦸꦁꦩꦸ꧈​ꦱꦸꦥꦪꦢꦮꦲꦸꦩꦸꦂꦩꦸꦲꦤꦲꦶꦁꦠꦤꦃꦱꦶꦁꦢꦏ꧀ꦥꦫꦶꦁꦔꦏꦺꦩꦫꦁꦏꦺꦴꦮꦺ꧉​
20:13 ꦲꦗꦥꦝꦩꦼꦩꦠꦺꦤ꧀ꦤꦶ꧉​
20:14 ꦲꦗꦥꦝꦭꦏꦸꦧꦺꦝꦁ꧉​
20:15 ꦲꦗꦥꦝꦚꦼꦚꦺꦴꦭꦺꦴꦁ꧉​
20:16 ꦲꦗꦥꦝꦔꦸꦕꦥ꧀ꦥꦏꦺꦥꦱꦼꦏ꧀ꦱꦶꦒꦺꦴꦫꦺꦴꦃꦠꦸꦩꦿꦥ꧀ꦥꦼꦥꦝꦩꦸ꧉​
20:17 ꦲꦗꦥꦝꦩꦺꦭꦶꦏ꧀ꦩꦫꦁꦲꦺꦴꦩꦃꦲꦺꦥꦼꦥꦝꦩꦸ꧈​ꦲꦥꦢꦺꦤꦺꦧꦺꦴꦗꦺꦴꦤꦺ꧈​ꦧꦠꦸꦂꦫꦺꦭꦤꦁꦲꦸꦠꦮꦮꦢꦺꦴꦤ꧀꧈​ꦱꦥꦶꦲꦸꦠꦮꦏꦸꦭ꧀ꦢꦶꦤꦺꦭꦤ꧀ꦲꦥꦮꦲꦺꦱꦶꦁꦢꦢꦶꦢꦸꦮꦺꦏ꧀ꦏꦺꦥꦼꦥꦝꦩꦸ꧉"​
20:18 ꦧꦉꦁꦮꦺꦴꦁꦮꦺꦴꦁꦥꦝꦏꦿꦸꦔꦸꦒꦸꦩ꧀ꦭꦼꦒꦼꦂꦫꦶꦁꦒ꧀ꦭꦸꦝꦸꦒ꧀ꦭꦤ꧀ꦧ꧀ꦭꦼꦝꦺꦒ꧀ꦱꦂꦠꦲꦸꦤꦶꦤꦺꦱ꧀ꦭꦺꦴꦩ꧀ꦥꦿꦺꦠ꧀꧈​ꦲꦥꦩꦼꦤꦺꦃꦮꦼꦫꦸꦃꦏꦸꦩꦼꦭꦸꦤꦶꦁꦩꦼꦤ꧀ꦝꦸꦁꦲꦶꦁꦒꦸꦤꦸꦁ꧈​ꦧꦚ꧀ꦗꦸꦂꦥꦝꦮꦼꦢꦶꦧꦔꦼꦠ꧀꧈​ꦤꦸꦭꦶꦥꦝꦩꦸꦤ꧀ꦢꦸꦂ꧈​ꦔꦢꦺꦴꦃꦲꦶ꧉​
20:19 ꦲꦠꦸꦂꦫꦺꦩꦫꦁ꧊ꦩꦸꦱ꧈​"ꦩꦸꦒꦶꦥꦚ꧀ꦗꦼꦤꦼꦁꦔꦤ꧀ꦏꦺꦩꦮꦺꦴꦤ꧀ꦲꦶꦁꦏꦁꦤ꧀ꦝꦮꦸꦃꦲꦶꦏꦸꦭ꧈​ꦱꦩ꧀ꦥꦸꦤ꧀ꦒꦸꦱ꧀ꦠꦶꦄꦭ꧀ꦭꦃ꧈​ꦩꦶꦤ꧀ꦝꦏ꧀ꦏꦸꦭꦱꦩꦶꦥꦼꦗꦃ꧉"​
20:20 ꦥꦔꦸꦕꦥ꧀ꦥꦺ꧊ꦩꦸꦱ꧈​"ꦲꦗꦥꦝꦏꦸꦮꦠꦶꦂ꧈​ꦒꦸꦱ꧀ꦠꦶꦄꦭ꧀ꦭꦃꦏꦼꦂꦱꦔꦸꦗꦶꦏꦺꦴꦮꦺ꧈​ꦱꦸꦥꦪꦏꦺꦴꦮꦺꦥꦝꦮꦼꦢꦶꦲꦱꦶꦃꦩꦫꦁꦄꦭ꧀ꦭꦃ꧈​ꦱꦂꦠꦲꦺꦴꦫꦥꦝꦒꦮꦺꦢꦺꦴꦱ꧉"​
20:21 ꦤꦁꦔꦶꦁꦮꦺꦴꦁꦮꦺꦴꦁꦥꦝꦔꦢꦼꦒ꧀ꦲꦶꦁꦏꦢꦺꦴꦃꦲꦤ꧀꧈​ꦩꦸꦁ꧊ꦩꦸꦱꦥꦶꦪꦩ꧀ꦧꦏ꧀ꦚꦼꦭꦏ꧀ꦲꦶꦁꦩꦼꦤ꧀ꦝꦸꦁꦏꦁꦥꦼꦠꦼꦁ꧈​ꦥꦁꦒꦺꦴꦤ꧀ꦤꦤ꧀ꦤꦺꦊꦁꦒꦃꦒꦸꦱ꧀ꦠꦶꦄꦭ꧀ꦭꦃ꧉​
20:22 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀ꦥꦝꦝꦮꦸꦃꦲꦤꦩꦼꦁꦏꦺꦤꦺ꧈​‘ꦏꦺꦴꦮꦺꦮꦶꦱ꧀ꦥꦝꦏꦿꦸꦔꦸꦥꦔꦤ꧀ꦢꦶꦏꦏꦸꦱꦏꦲꦶꦁꦭꦔꦶꦠ꧀꧉​
20:23 ꦏꦺꦴꦮꦺꦲꦗꦥꦝꦒꦮꦺꦧꦿꦲꦭꦱꦏꦱ꧀ꦭꦏꦲꦸꦠꦮꦲꦼꦩꦱ꧀ꦲꦶꦁꦱꦤ꧀ꦝꦶꦁꦏꦸ꧉​
20:24 ꦲꦏꦸꦒꦮꦺꦏ꧀ꦤꦩꦼꦱ꧀ꦧꦺꦃꦱꦏꦊꦩꦃ;ꦏꦸꦮꦶꦲꦼꦁꦒꦺꦴꦤ꧀ꦤꦼꦤ꧀ꦱꦲꦺꦴꦱ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦭꦤ꧀ꦏꦸꦂꦧꦤ꧀ꦱ꧀ꦭꦩꦼꦠ꧀ꦠꦤ꧀꧈​ꦫꦸꦥꦮꦼꦝꦸꦱ꧀ꦭꦤ꧀ꦱꦥꦶꦩꦸ꧉​ꦥꦁꦒꦺꦴꦤ꧀ꦤꦤ꧀ꦔꦼꦤ꧀ꦢꦶꦮꦲꦺꦱꦶꦁꦧꦏꦭ꧀ꦢꦏ꧀ꦥꦶꦭꦶꦃ꧈​ꦏꦁꦒꦺꦴꦔꦶꦧꦢꦃꦩꦫꦁꦲꦏꦸ꧈​ꦲꦶꦪꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦲꦏꦸꦧꦏꦭ꧀ꦤꦸꦮꦺꦤ꧀ꦤꦶꦭꦤ꧀ꦩ꧀ꦧꦼꦂꦏꦃꦲꦶꦏꦺꦴꦮꦺ꧉​
20:25 ꦪꦺꦤ꧀ꦏꦺꦴꦮꦺꦒꦮꦺꦩꦼꦱ꧀ꦧꦺꦃꦱꦏꦮꦠꦸ꧈​ꦲꦗꦔꦁꦒꦺꦴꦮꦠꦸꦠꦠꦃꦲꦤ꧀꧈​ꦱꦼꦧꦧ꧀ꦮꦠꦸꦠꦠꦃꦲꦤ꧀ꦮꦶꦱ꧀ꦏꦒꦼꦥꦺꦴꦏ꧀ꦲꦶꦁꦠꦠꦃꦩꦸ꧈​ꦢꦢꦶꦮꦶꦱ꧀ꦲꦺꦴꦫꦥꦠꦸꦠ꧀ꦏꦁꦒꦺꦴꦲꦏꦸ꧉​
20:26 ꦩꦼꦁꦏꦺꦴꦤꦺꦴꦲꦸꦒꦲꦼꦁꦒꦺꦴꦤ꧀ꦩꦸꦩꦸꦁꦒꦃꦲꦶꦁꦩꦼꦱ꧀ꦧꦺꦃꦲꦗꦔꦁꦒꦺꦴꦲꦸꦤ꧀ꦝꦏ꧀ꦲꦸꦤ꧀ꦝꦏ꧀ꦏꦤ꧀꧈​ꦱꦸꦥꦪꦲꦗꦔꦤ꧀ꦠꦶꦏꦠꦺꦴꦤ꧀ꦏꦮꦶꦫꦁꦔꦤ꧀ꦩꦸ꧉’"​