Jv/Alkitab/Pangentasan/26

^26:1 "ꦏꦺꦩꦃꦱꦸꦕꦶꦏꦸꦮꦶꦥꦊꦁꦒꦃꦲꦤ꧀ꦏꦸ꧈​ꦚ꧀ꦗꦼꦫꦺꦴꦤꦺꦏꦸꦢꦸꦏꦺꦴꦏ꧀ꦒꦮꦺꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦼꦥꦸꦭꦸꦃꦥꦺꦴꦠꦺꦴꦁ꧈​ꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧉​ꦏꦲꦶꦤ꧀ꦩꦲꦸꦱꦸꦭꦩ꧀ꦩꦤꦒꦩ꧀ꦧꦂꦏꦼꦫꦸꦧ꧀ꦔꦁꦒꦺꦴꦱ꧀ꦮꦶꦮꦶ꧉​

^26:2 ꦱꦧꦼꦤ꧀ꦥꦺꦴꦠꦺꦴꦁꦲꦸꦏꦸꦂꦫꦤ꧀ꦤꦺꦏꦸꦢꦸꦥꦝ꧈​ꦢꦮꦤꦺꦫꦺꦴꦭꦱ꧀ꦩꦺꦠꦼꦂꦭꦤ꧀ꦲꦩ꧀ꦧꦤꦺꦫꦺꦴꦁꦩꦺꦠꦼꦂ꧉​

^26:3 ꦏꦲꦶꦤ꧀ꦱꦶꦁꦭꦶꦩꦁꦥꦺꦴꦠꦺꦴꦁꦏꦸꦢꦸꦢꦶꦱꦩ꧀ꦧꦸꦁꦢꦢꦶꦱꦶꦗꦶ꧈​ꦩꦼꦁꦏꦺꦴꦤꦺꦴꦲꦸꦒꦱꦶꦁꦭꦶꦩꦁꦥꦺꦴꦠꦺꦴꦁꦭꦶꦪꦤꦺ꧉​

^26:4 ꦒꦮꦺꦪꦏꦺꦴꦭꦺꦴꦁꦔꦤ꧀ꦱꦏꦏꦲꦶꦤ꧀ꦧꦶꦫꦸꦲꦶꦁꦥꦸꦕꦸꦏ꧀ꦏꦶꦁꦧꦒꦺꦪꦤ꧀ꦭꦺꦴꦫꦺꦴꦩꦲꦸꦲꦶꦁꦱꦶꦱꦶꦃꦚ꧀ꦗꦧ꧈​

^26:5 ꦱꦺꦏꦼꦠ꧀ꦏꦺꦴꦭꦺꦴꦁꦔꦤ꧀ꦲꦶꦁꦧꦒꦺꦪꦤ꧀ꦱꦶꦁꦱꦶꦗꦶꦭꦤ꧀ꦱꦺꦏꦼꦠ꧀ꦏꦺꦴꦭꦺꦴꦁꦔꦤ꧀ꦲꦶꦁꦧꦒꦺꦪꦤ꧀ꦱꦶꦗꦶꦤꦺ꧈​ꦲꦝꦼꦥ꧀ꦲꦝꦼꦥ꧀ꦥꦤ꧀꧉​

^26:6 ꦒꦮꦺꦪꦕꦤ꧀ꦛꦺꦭ꧀ꦭꦤ꧀ꦩꦱ꧀ꦱꦺꦏꦼꦠ꧀ꦲꦶꦗꦶꦏꦁꦒꦺꦴꦚꦩ꧀ꦧꦸꦁꦧꦒꦺꦪꦤ꧀ꦭꦺꦴꦫꦺꦴꦩꦲꦸꦱꦸꦥꦪꦧꦶꦱꦢꦢꦶꦱꦶꦗꦶ꧉​

^26:7 ꦒꦮꦺꦪꦠꦸꦠꦸꦥ꧀ꦏꦺꦩꦃꦔꦁꦒꦺꦴꦏꦲꦶꦤ꧀ꦱꦼꦮꦼꦭꦱ꧀ꦥꦺꦴꦠꦺꦴꦁꦱꦏꦮꦸꦭꦸꦮꦼꦝꦸꦱ꧀꧉​

^26:8 ꦏꦲꦶꦤ꧀ꦏꦲꦶꦤ꧀ꦩꦲꦸꦲꦸꦏꦸꦂꦫꦤ꧀ꦤꦺꦏꦸꦢꦸꦥꦝ꧈​ꦢꦮꦤꦺꦠꦼꦭꦸꦭꦱ꧀ꦩꦺꦠꦼꦂ꧈​ꦲꦩ꧀ꦧꦤꦺꦫꦺꦴꦁꦩꦺꦠꦼꦂ꧉​

^26:9 ꦏꦲꦶꦤ꧀ꦱꦶꦁꦭꦶꦩꦁꦥꦺꦴꦠꦺꦴꦁꦏꦸꦢꦸꦢꦶꦱꦩ꧀ꦧꦸꦁꦢꦢꦶꦱꦶꦗꦶ꧉​ꦱꦶꦁꦤꦼꦩ꧀ꦥꦺꦴꦠꦺꦴꦁꦭꦶꦪꦤꦺꦲꦶꦪꦢꦶꦱꦩ꧀ꦧꦸꦁꦢꦢꦶꦱꦶꦗꦶ꧈​ꦱꦼꦩꦺꦴꦤꦺꦴꦲꦸꦒꦤꦼꦩ꧀ꦥꦺꦴꦠꦺꦴꦁꦭꦶꦪꦤꦺꦩꦼꦤꦺꦃꦏꦸꦢꦸꦲꦶꦪꦢꦶꦱꦩ꧀ꦧꦸꦁꦢꦢꦶꦱꦶꦗꦶ꧉​ꦱꦩ꧀ꦧꦸꦁꦔꦤ꧀ꦱꦶꦁꦥꦶꦁꦤꦼꦩ꧀ꦏꦸꦢꦸꦢꦶꦠꦼꦏꦸꦏ꧀ꦭꦤ꧀ꦢꦶꦲꦼꦁꦒꦺꦴꦤꦸꦠꦸꦥ꧀ꦥꦶꦏꦺꦩꦃꦱꦶꦱꦶꦃꦔꦉꦥ꧀꧉​

^26:10 ꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦥꦱꦁꦔꦼꦤ꧀ꦲꦶꦁꦥꦶꦁꦒꦶꦂꦫꦶꦁꦏꦲꦶꦤ꧀ꦱꦶꦁꦱꦶꦗꦶꦭꦤ꧀ꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦲꦶꦁꦏꦲꦶꦤ꧀ꦭꦶꦪꦤꦺ꧉​

^26:11 ꦒꦮꦺꦪꦕꦤ꧀ꦛꦺꦭ꧀ꦭꦤ꧀ꦱꦏꦥꦿꦸꦁꦒꦸꦱꦺꦏꦼꦠ꧀ꦲꦶꦗꦶꦭꦤ꧀ꦲꦺꦴꦭꦺꦃꦤꦏꦺꦴꦭꦺꦴꦁꦔꦤ꧀ꦩꦲꦸꦱꦸꦥꦪꦫꦺꦴꦁꦧꦒꦺꦪꦤ꧀ꦩꦲꦸꦏꦼꦤꦢꦶꦢꦢꦺꦏ꧀ꦏꦏꦺꦱꦶꦗꦶꦏꦁꦒꦺꦴꦠꦸꦠꦸꦥ꧀ꦥꦺꦏꦺꦩꦃ꧉​

^26:12 ꦢꦺꦤꦺꦠꦸꦫꦃꦲꦤ꧀ꦏꦲꦶꦤ꧀ꦱꦶꦁꦱꦼꦠꦼꦔꦃꦥꦺꦴꦠꦺꦴꦁꦏꦁꦒꦺꦴꦤꦸꦠꦸꦥ꧀ꦥꦶꦏꦺꦩꦃꦱꦶꦱꦶꦃꦩ꧀ꦧꦸꦫꦶ꧉​

^26:13 ꦠꦸꦫꦃꦲꦤ꧀ꦤꦺꦏꦲꦶꦤ꧀ꦱꦶꦁꦢꦮꦤꦺꦱꦺꦏꦼꦠ꧀ꦱꦺꦤ꧀ꦠꦶꦩꦺꦠꦼꦂꦲꦶꦁꦧꦒꦺꦪꦤ꧀ꦱꦶꦁꦩꦸꦗꦸꦂꦲꦶꦁꦏꦶꦮꦠꦼꦔꦼꦤ꧀ꦲꦶꦏꦸꦏꦉꦧꦺꦤ꧀ꦤꦸꦠꦸꦥ꧀ꦥꦶꦱꦶꦱꦶꦃꦲꦶꦁꦏꦺꦩꦃꦩꦲꦸ꧉​

^26:14 ꦒꦮꦺꦪꦠꦸꦠꦸꦥ꧀ꦏꦺꦩꦃꦫꦺꦴꦁꦲꦶꦗꦶ꧈​ꦱꦶꦁꦱꦶꦗꦶꦱꦏꦏꦸꦭꦶꦠ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦁꦢꦶꦥꦸꦭꦱ꧀ꦲꦧꦁꦭꦤ꧀ꦱꦶꦗꦶꦤꦺꦔꦁꦒꦺꦴꦏꦸꦭꦶꦠ꧀ꦲꦭꦸꦱ꧀ꦏꦁꦒꦺꦴꦠꦸꦠꦸꦥ꧀ꦥꦺꦚ꧀ꦗꦧ꧉​

^26:15 ꦒꦮꦺꦪꦫꦒꦁꦔꦤ꧀ꦏꦺꦩꦃꦱꦶꦁꦔꦢꦼꦒ꧀ꦗꦼꦗꦼꦒ꧀ꦱꦏꦏꦪꦸꦲꦏꦱꦶꦪ꧉​

^26:16 ꦫꦒꦁꦔꦤ꧀ꦩꦲꦸꦢꦮꦤꦺꦥꦠꦁꦩꦺꦠꦼꦂꦱꦂꦠꦲꦩ꧀ꦧꦤꦺ66ꦱꦺꦤ꧀ꦠꦶꦩꦺꦠꦼꦂ꧉​

^26:17 ꦱꦧꦼꦤ꧀ꦫꦒꦁꦔꦤ꧀ꦲꦤꦥꦸꦫꦸꦱ꧀ꦱꦺꦏꦁꦒꦺꦴꦔ꧀ꦒꦤ꧀ꦝꦺꦁꦫꦒꦁꦔꦤ꧀ꦱꦶꦗꦶꦏꦫꦺꦴꦱꦶꦗꦶꦤꦺ꧉​

^26:18 ꦒꦮꦺꦪꦫꦒꦁꦔꦤ꧀ꦫꦺꦴꦁꦥꦸꦭꦸꦃꦏꦁꦒꦺꦴꦲꦶꦁꦱꦶꦱꦶꦃ꧊ꦏꦶꦢꦸꦭ꧀꧈​

^26:19 ꦕꦒꦏ꧀ꦏꦺꦫꦒꦁꦔꦤ꧀ꦔꦶꦱꦺꦴꦂꦫꦺꦔꦁꦒꦺꦴꦲꦸꦩ꧀ꦥꦏ꧀ꦱ꧀ꦭꦏꦭꦺꦴꦫꦺꦴ;ꦢꦢꦶꦏꦧꦺꦃꦲꦤꦲꦸꦩ꧀ꦥꦏ꧀ꦥꦠꦁꦥꦸꦭꦸꦃ꧉​

^26:20 ꦒꦮꦺꦪꦫꦒꦁꦔꦤ꧀ꦫꦺꦴꦁꦥꦸꦭꦸꦃꦏꦁꦒꦺꦴꦲꦶꦁꦱꦶꦱꦶꦃ꧊ꦭꦺꦴꦂ꧈​

^26:21 ꦭꦤ꧀ꦲꦸꦩ꧀ꦥꦏ꧀ꦱ꧀ꦭꦏꦥꦠꦁꦥꦸꦭꦸꦃ꧈​ꦱꦧꦼꦤ꧀ꦫꦒꦁꦔꦤ꧀ꦲꦸꦩ꧀ꦥꦏ꧀ꦏꦺꦭꦺꦴꦫꦺꦴ꧉​

^26:22 ꦲꦶꦁꦏꦺꦩꦃꦩ꧀ꦧꦸꦫꦶꦱꦶꦱꦶꦃ꧊ꦏꦸꦭꦺꦴꦤ꧀꧈​ꦩ꧀ꦧꦸꦠꦸꦃꦲꦏꦺꦫꦒꦁꦔꦤ꧀ꦤꦼꦩ꧀꧈​

^26:23 ꦱꦂꦠꦫꦒꦁꦔꦤ꧀ꦭꦺꦴꦫꦺꦴꦏꦁꦒꦺꦴꦲꦶꦁꦥꦺꦴꦗꦺꦴꦏ꧀꧉​

^26:24 ꦫꦒꦁꦔꦤ꧀ꦫꦒꦁꦔꦤ꧀ꦥꦺꦴꦗꦺꦴꦏ꧀ꦏꦤ꧀ꦩꦲꦸꦱꦏꦔꦶꦱꦺꦴꦂꦠꦼꦏꦤ꧀ꦤ꧀ꦝꦸꦮꦸꦂꦏꦸꦢꦸꦢꦶꦒꦤ꧀ꦝꦺꦁꦢꦢꦶꦱꦶꦗꦶ꧉​

^26:25 ꦢꦢꦶꦤꦺꦲꦤꦫꦒꦁꦔꦤ꧀ꦮꦺꦴꦭꦸꦱꦂꦠꦲꦸꦩ꧀ꦥꦏ꧀ꦱ꧀ꦭꦏꦤꦼꦩ꧀ꦧꦼꦭꦱ꧀꧈​ꦱꦧꦼꦤ꧀ꦫꦒꦁꦔꦤ꧀ꦲꦸꦩ꧀ꦥꦏ꧀ꦏꦺꦭꦺꦴꦫꦺꦴ꧉​

^26:26 ꦒꦮꦺꦪꦧꦭꦺꦴꦏ꧀ꦩꦭꦁꦱꦏꦏꦪꦸꦲꦏꦱꦶꦪꦕꦕꦃꦲꦺꦭꦶꦩꦭꦱ꧀꧈​ꦭꦶꦩꦏꦁꦒꦺꦴꦫꦒꦁꦔꦤ꧀ꦲꦶꦁꦱꦶꦱꦶꦃꦱꦶꦗꦶ꧈​

^26:27 ꦭꦶꦩꦏꦁꦒꦺꦴꦲꦶꦁꦱꦶꦱꦶꦃꦱꦶꦗꦶꦤꦺ꧈​ꦱꦂꦠꦭꦶꦩꦏꦁꦒꦺꦴꦧꦒꦺꦪꦤ꧀ꦩ꧀ꦧꦸꦫꦶ꧉​

^26:28 ꦧꦭꦺꦴꦏ꧀ꦩꦭꦁꦲꦶꦁꦠꦼꦔꦃ꧈​ꦏꦸꦢꦸꦢꦶꦥꦱꦁꦲꦶꦁꦠꦼꦔꦃꦠꦼꦔꦃꦲꦺꦫꦒꦁꦔꦤ꧀꧈​ꦭꦗꦸꦂꦫꦤ꧀ꦱꦏꦲꦶꦁꦥꦸꦕꦸꦏ꧀ꦱꦶꦗꦶꦠꦼꦏꦤ꧀ꦲꦶꦁꦥꦸꦕꦸꦏ꧀ꦱꦶꦗꦶꦤꦺ꧉​

^26:29 ꦫꦒꦁꦔꦤ꧀ꦏꦺꦩꦃꦱꦂꦠꦧꦭꦺꦴꦏ꧀ꦩꦭꦁꦩꦲꦸꦏꦸꦢꦸꦢꦶꦭꦥꦶꦱ꧀ꦱꦶꦩꦱ꧀꧉​ꦒꦼꦭꦁꦔꦤ꧀ꦱꦶꦁꦏꦁꦒꦺꦴꦚꦁꦒꦧꦭꦺꦴꦏ꧀ꦏꦸꦢꦸꦢꦶꦒꦮꦺꦱꦏꦩꦱ꧀꧉​

^26:30 ꦏꦺꦩꦃꦩꦲꦸꦲꦢꦼꦒ꧀ꦤꦲꦶꦁꦤ꧀ꦝꦸꦮꦸꦂꦒꦸꦤꦸꦁꦩꦤꦸꦠ꧀ꦫꦚ꧀ꦕꦁꦔꦤ꧀ꦱꦶꦁꦮꦶꦱ꧀ꦢꦏ꧀ꦠꦼꦢꦃꦲꦏꦺꦩꦫꦁꦏꦺꦴꦮꦺ꧉​

^26:31 ꦒꦮꦺꦪꦒꦺꦴꦂꦝꦺꦤ꧀ꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧉​ꦏꦲꦶꦤ꧀ꦩꦲꦸꦱꦸꦭꦩ꧀ꦩꦤꦒꦩ꧀ꦧꦂꦏꦼꦫꦸꦧ꧀ꦔꦁꦒꦺꦴꦱ꧀ꦮꦶꦮꦶ꧉​

^26:32 ꦏꦲꦶꦤ꧀ꦩꦲꦸꦒꦤ꧀ꦠꦸꦁꦔꦼꦤ꧀ꦔꦁꦒꦺꦴꦕꦤ꧀ꦛꦺꦭ꧀ꦭꦤ꧀ꦩꦱ꧀ꦲꦶꦁꦕꦒꦏ꧀ꦲꦏꦱꦶꦪꦥꦥꦠ꧀ꦱꦶꦁꦢꦶꦭꦥꦶꦱ꧀ꦱꦶꦩꦱ꧀ꦱꦂꦠꦢꦶꦥꦱꦁꦲꦶꦁꦱꦤ꧀ꦝꦸꦮꦸꦂꦫꦶꦁꦲꦸꦩ꧀ꦥꦏ꧀ꦱ꧀ꦭꦏ꧉​

^26:33 ꦒꦺꦴꦂꦝꦺꦤ꧀ꦩꦲꦸꦥꦱꦁꦔꦼꦤ꧀ꦲꦶꦁꦱꦔꦶꦱꦺꦴꦂꦫꦶꦁꦕꦤ꧀ꦛꦺꦭꦤ꧀ꦕꦤ꧀ꦛꦺꦭꦤ꧀ꦲꦶꦁꦥꦪꦺꦴꦤ꧀ꦤꦶꦁꦏꦺꦩꦃ꧉​ꦥꦼꦛꦶꦥꦽꦗꦚ꧀ꦗꦶꦪꦤ꧀ꦱꦶꦁꦲꦶꦱꦶꦥꦥꦤ꧀ꦮꦠꦸꦭꦺꦴꦫꦺꦴꦥꦽꦤꦃꦤꦲꦶꦁꦱꦩ꧀ꦧꦸꦫꦶꦤꦺꦒꦺꦴꦂꦝꦺꦤ꧀꧉​ꦒꦺꦴꦂꦝꦺꦤ꧀ꦩꦲꦸꦩꦶꦤꦁꦏꦱꦶꦁꦒꦼꦠ꧀ꦠꦤ꧀ꦤꦺꦱꦱꦤꦱꦸꦕꦶꦭꦤ꧀ꦱꦱꦤꦩꦲꦱꦸꦕꦶ꧉​

^26:34 ꦠꦸꦠꦸꦥ꧀ꦥꦺꦱꦺꦭꦺꦃꦤꦲꦶꦁꦱꦤ꧀ꦝꦸꦮꦸꦂꦫꦶꦁꦥꦼꦛꦶꦥꦽꦗꦚ꧀ꦗꦶꦪꦤ꧀꧉​

^26:35 ꦩꦺꦗꦱꦼꦱꦗꦶꦏꦸꦢꦸꦢꦶꦱꦺꦭꦺꦃꦲꦏꦺꦲꦶꦁꦱꦚ꧀ꦗꦧꦤꦶꦁꦱꦱꦤꦩꦲꦱꦸꦕꦶꦲꦶꦁꦱꦶꦱꦶꦃ꧊ꦭꦺꦴꦂ꧈​ꦥꦼꦢꦩꦂꦫꦤ꧀ꦏꦸꦢꦸꦢꦶꦱꦺꦭꦺꦃꦲꦏꦺꦲꦶꦁꦱꦶꦱꦶꦃ꧊ꦏꦶꦢꦸꦭ꧀ꦱꦗꦿꦺꦴꦤꦶꦁꦏꦺꦩꦃꦱꦸꦕꦶ꧉​

^26:36 ꦏꦁꦒꦺꦴꦭꦮꦁꦔꦶꦁꦏꦺꦩꦃꦏꦸꦢꦸꦢꦶꦒꦮꦺꦏ꧀ꦏꦏꦺꦒꦺꦴꦂꦝꦺꦤ꧀ꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦢꦶꦉꦁꦒꦔꦁꦒꦺꦴꦱꦸꦭꦩ꧀ꦩꦤ꧀꧉​

^26:37 ꦏꦁꦒꦺꦴꦒꦺꦴꦂꦝꦺꦤ꧀ꦩꦲꦸꦏꦸꦢꦸꦢꦶꦒꦮꦺꦏ꧀ꦏꦏꦺꦕꦒꦏ꧀ꦭꦶꦩꦱꦏꦏꦪꦸꦲꦏꦱꦶꦪꦢꦶꦭꦥꦶꦱ꧀ꦱꦶꦩꦱ꧀꧈​ꦭꦤ꧀ꦢꦶꦮꦺꦤꦺꦃꦲꦶꦕꦤ꧀ꦛꦺꦭ꧀ꦭꦤ꧀ꦩꦱ꧀꧉​ꦒꦮꦺꦪꦲꦸꦩ꧀ꦥꦏ꧀ꦥꦿꦸꦁꦒꦸꦭꦶꦩꦏꦁꦒꦺꦴꦕꦒꦏ꧀ꦕꦒꦏ꧀ꦏꦺ꧉"​