Jv/Alkitab/Pangentasan/28

^28:1 "ꦲꦫꦸꦤ꧀ꦏꦏꦁꦩꦸꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦪꦏꦸꦮꦶ꧊ꦤꦢꦧ꧀꧈​꧊ꦄꦧꦶꦲꦸ꧈​꧊ꦌꦭꦺꦪꦗ꦳ꦂꦭꦤ꧀꧊ꦆꦠꦩꦂ꧈​ꦥꦝꦲꦸꦤ꧀ꦢꦁꦔꦼꦤ꧀꧉​ꦮꦺꦴꦁꦮꦺꦴꦁꦩꦲꦸꦏꦥꦶꦱꦃꦤꦱꦏꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀꧈​ꦱꦸꦥꦪꦥꦝꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀꧉​

^28:2 ꦒꦮꦺꦪꦱꦤ꧀ꦝꦁꦔꦤ꧀ꦲꦶꦩꦩ꧀ꦏꦁꦒꦺꦴꦲꦫꦸꦤ꧀꧈​ꦱꦤ꧀ꦝꦁꦔꦤ꧀ꦏꦭꦸꦲꦸꦂꦫꦤ꧀ꦱꦶꦁꦲꦺꦤ꧀ꦢꦃ꧉​

^28:3 ꦱꦏꦺꦃꦲꦶꦁꦠꦸꦏꦁꦗꦲꦶꦠ꧀ꦱꦶꦁꦥꦿꦶꦒꦼꦭ꧀꧈​ꦱꦶꦁꦮꦶꦱ꧀ꦢꦏ꧀ꦥꦫꦶꦁꦔꦶꦏꦥꦶꦤ꧀ꦠꦼꦂꦫꦤ꧀ꦥꦝꦏ꧀ꦭꦸꦩ꧀ꦥꦸꦏ꧀ꦤ꧉​ꦥꦝꦥꦿꦺꦤ꧀ꦠꦃꦲꦤꦔ꧀ꦒꦮꦺꦱꦤ꧀ꦝꦁꦔꦤ꧀ꦤꦺꦲꦫꦸꦤ꧀꧈​ꦱꦶꦁꦢꦏ꧀ꦥꦶꦗꦶꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀꧉​

^28:4 ꦮꦺꦴꦁꦮꦺꦴꦁꦩꦲꦸꦏꦸꦢꦸꦒꦮꦺꦱꦤ꧀ꦝꦁꦔꦤ꧀ꦠꦸꦠꦸꦥ꧀ꦝꦝ꧈​ꦲꦺꦥ꦳ꦺꦴꦢ꧀꧈​ꦗꦸꦧꦃ꧈​ꦏ꧀ꦭꦩ꧀ꦧꦶꦱꦸꦭꦩ꧀ꦩꦤ꧀꧈​ꦱꦼꦂꦧꦤ꧀ꦭꦤ꧀ꦱꦧꦸꦏ꧀꧉​ꦲꦶꦏꦶꦏꦧꦺꦃꦏꦁꦒꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦏꦼꦤꦲꦏꦁꦒꦺꦴꦔ꧀ꦭꦢꦺꦤ꧀ꦤꦶꦲꦏꦸꦩꦼꦂꦒꦲꦼꦁꦒꦺꦴꦤꦺꦢꦢꦶꦲꦶꦩꦩ꧀꧉​

^28:5 (28:5-6)ꦱꦤ꧀ꦝꦁꦔꦤ꧀ꦲꦶꦩꦩ꧀ꦩꦲꦸꦏꦸꦢꦸꦥꦝꦢꦶꦒꦮꦺꦱꦏꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦧꦼꦤꦁꦲꦼꦩꦱ꧀ꦭꦤ꧀ꦭꦺꦤꦲꦭꦸꦱ꧀꧉​ꦏꦼꦗꦧꦏꦸꦮꦶꦩꦲꦸꦲꦺꦥ꦳ꦺꦴꦢ꧀ꦏꦸꦢꦸꦢꦶꦉꦁꦒꦔꦁꦒꦺꦴꦱꦸꦭꦩ꧀ꦩꦤ꧀꧉​

^28:6 (28:5)

^28:7 ꦌꦥ꦳ꦺꦴꦢ꧀ꦩꦲꦸꦲꦤꦥꦸꦤ꧀ꦝꦏ꧀ꦏꦤ꧀ꦤꦺꦠꦁꦏꦼꦧ꧀ꦧꦤ꧀ꦭꦺꦴꦫꦺꦴ꧈​ꦱꦶꦁꦏꦁꦒꦺꦴꦤꦁꦏꦼꦧ꧀ꦧꦏꦺꦲꦶꦁꦏꦶꦮꦭꦤ꧀ꦲꦶꦁꦠꦼꦔꦼꦤ꧀꧉​

^28:8 ꦱꦧꦸꦏ꧀ꦏꦺꦠꦼꦤꦸꦤ꧀ꦤꦤ꧀ꦲꦭꦸꦱ꧀ꦢꦶꦒꦮꦺꦱꦏꦧꦏꦭ꧀ꦱꦶꦁꦥꦝꦢꦶꦱꦩ꧀ꦧꦸꦁꦢꦢꦶꦱꦶꦗꦶꦏꦫꦺꦴꦲꦺꦥ꦳ꦺꦴꦢ꧀꧉​

^28:9 (28:9-12)ꦚ꧀ꦗꦸꦥꦸꦏ꧀ꦏꦮꦠꦸꦢ꧀ꦭꦶꦩꦭꦺꦴꦫꦺꦴ꧉​ꦒꦺꦴꦭꦺꦏ꧀ꦏꦏꦼꦩꦱ꧀ꦱꦤ꧀ꦱꦶꦁꦥꦶꦤ꧀ꦠꦼꦂꦔꦸꦏꦶꦂꦗꦼꦤꦼꦁꦔꦺꦲꦤꦏ꧀ꦏꦺ꧊ꦪꦏꦸꦧ꧀ꦫꦺꦴꦭꦱ꧀ꦲꦸꦫꦸꦠ꧀ꦩꦤꦸꦠ꧀ꦲꦸꦩꦸꦂꦫꦺꦲꦶꦁꦮꦠꦸꦩꦲꦸ꧈​ꦗꦼꦤꦼꦁꦤꦼꦩ꧀ꦲꦶꦁꦱꦧꦼꦤ꧀ꦮꦠꦸꦱꦶꦗꦶ꧉​ꦮꦠꦸꦲꦗꦶꦭꦺꦴꦫꦺꦴꦩꦲꦸꦧꦚ꧀ꦗꦸꦂꦢꦶꦲꦼꦠꦿꦥ꧀ꦤꦲꦶꦁꦲꦼꦩ꧀ꦧꦤ꧀ꦤꦤ꧀ꦩꦱ꧀ꦭꦤ꧀ꦢꦶꦥꦱꦁꦲꦶꦁꦥꦸꦤ꧀ꦝꦏ꧀ꦏꦤ꧀ꦤꦺꦲꦺꦥ꦳ꦺꦴꦢ꧀ꦏꦁꦒꦺꦴꦥꦼꦔꦺꦭꦶꦁꦲꦺꦭꦶꦁꦩꦫꦁꦠꦊꦂꦫꦺ꧊ꦆꦱꦿꦲꦺꦭ꧀ꦫꦺꦴꦭꦱ꧀꧉​ꦱꦿꦤꦩꦼꦁꦏꦺꦴꦤꦺꦴ꧈​ꦲꦫꦸꦤ꧀ꦧꦏꦭ꧀ꦔ꧀ꦒꦮꦗꦼꦤꦼꦁꦔꦺꦠꦊꦂꦫꦺꦴꦭꦱ꧀ꦩꦲꦸꦲꦶꦁꦥꦸꦤ꧀ꦝꦏ꧀ꦏꦺꦲꦶꦁꦔꦂꦱꦤꦺꦄꦭ꧀ꦭꦃ꧈​ꦱꦸꦥꦪꦲꦏꦸꦠꦤ꧀ꦱꦃꦲꦺꦔꦼꦠ꧀ꦩꦫꦁꦲꦸꦩꦠ꧀ꦩꦲꦸ꧉​

^28:10 (28:9)

^28:11 (28:9)

^28:12 (28:9)

^28:13 ꦏꦺꦴꦮꦺꦒꦮꦺꦪꦲꦼꦩ꧀ꦧꦤ꧀ꦤꦤ꧀ꦩꦱ꧀ꦭꦺꦴꦫꦺꦴ꧈​

^28:14 ꦭꦤ꧀ꦫꦤ꧀ꦠꦺꦩꦱ꧀ꦩꦸꦂꦤꦶꦭꦺꦴꦫꦺꦴꦱꦶꦁꦢꦶꦠꦩ꧀ꦥꦂꦏꦪꦠꦭꦶ꧈​ꦫꦤ꧀ꦠꦺꦩꦲꦸꦒꦤ꧀ꦝꦺꦁꦤꦏꦫꦺꦴꦲꦼꦩ꧀ꦧꦤ꧀ꦤꦤ꧀ꦤꦺꦩꦱ꧀꧉"​

^28:15 "ꦒꦮꦺꦪꦠꦸꦠꦸꦥ꧀ꦝꦝꦏꦁꦒꦺꦴꦲꦶꦩꦩ꧀ꦲꦒꦸꦁꦱꦶꦁꦏꦸꦢꦸꦢꦶꦲꦼꦁꦒꦺꦴꦱꦩꦱꦲꦉꦥ꧀ꦤꦼꦒꦼꦱ꧀ꦏꦼꦂꦱꦤꦺꦄꦭ꧀ꦭꦃ꧉​ꦧꦏꦭ꧀ꦭꦤ꧀ꦱꦸꦭꦩ꧀ꦩꦤ꧀ꦤꦺꦏꦸꦢꦸꦥꦝꦏꦫꦺꦴꦧꦏꦭ꧀ꦭꦤ꧀ꦱꦸꦭꦩ꧀ꦩꦤ꧀ꦤꦺꦲꦺꦥ꦳ꦺꦴꦢ꧀꧉​

^28:16 ꦮꦸꦗꦸꦢ꧀ꦢꦺꦥꦼꦱꦒꦶꦭꦤ꧀ꦢꦶꦠꦼꦏꦸꦏ꧀ꦢꦢꦶꦭꦺꦴꦫꦺꦴ꧈​ꦲꦩ꧀ꦧꦭꦤ꧀ꦢꦮꦤꦺꦥꦝ꧈​22ꦱꦺꦤ꧀ꦠꦶꦩꦺꦠꦼꦂ꧉​

^28:17 ꦲꦏꦶꦏ꧀ꦥꦠꦁꦭꦫꦶꦏ꧀ꦩꦲꦸꦥꦱꦁꦔꦼꦤ꧀ꦲꦤꦲꦶꦁꦠꦸꦠꦸꦥ꧀ꦝꦝꦩꦲꦸ꧉​ꦲꦶꦁꦭꦫꦶꦏ꧀ꦏꦤ꧀ꦏꦥꦶꦱꦤ꧀:ꦮꦠꦸꦢ꧀ꦭꦶꦩ꧈​ꦠꦺꦴꦥꦱ꧀ꦭꦤ꧀ꦮꦶꦢꦸꦫꦶꦱꦼꦥꦃ꧉​

^28:18 ꦲꦶꦁꦭꦫꦶꦏ꧀ꦏꦤ꧀ꦏꦥꦶꦤ꧀ꦝꦺꦴ:ꦗ꦳ꦩꦿꦸꦢ꧀꧈​ꦮꦠꦸꦤꦶꦭꦩ꧀ꦭꦤ꧀ꦲꦶꦤ꧀ꦠꦼꦤ꧀꧉​

^28:19 ꦲꦶꦁꦭꦫꦶꦏ꧀ꦏꦤ꧀ꦏꦠꦼꦭꦸ:ꦮꦠꦸꦭꦗ꦳ꦸꦮꦂꦢꦶ꧈​ꦲꦏꦶꦏ꧀ꦭꦤ꧀ꦮꦠꦸꦏꦼꦕꦸꦧꦸꦁ꧉​

^28:20 ꦲꦶꦁꦭꦫꦶꦏ꧀ꦏꦤ꧀ꦏꦥꦠ꧀:ꦮꦠꦸꦥꦶꦫꦸꦱ꧀꧈​ꦪꦏꦸꦠ꧀ꦭꦤ꧀ꦕꦼꦩ꧀ꦥꦏꦉꦠ꧀ꦤ꧉​ꦲꦏꦶꦏ꧀ꦫꦺꦴꦭꦱ꧀ꦩꦲꦸꦏꦸꦢꦸꦢꦶꦥꦱꦁꦲꦶꦁꦲꦼꦩ꧀ꦧꦤ꧀ꦤꦤ꧀ꦩꦱ꧀꧉​

^28:21 ꦮꦠꦸꦮꦠꦸꦲꦢꦶꦩꦲꦸꦲꦸꦏꦶꦂꦫꦼꦤ꧀ꦗꦼꦤꦼꦁꦗꦼꦤꦼꦁꦔꦺꦲꦤꦏ꧀ꦏꦺ꧊ꦪꦏꦸꦧ꧀ꦫꦺꦴꦭꦱ꧀꧈​ꦩꦶꦤꦁꦏꦮꦏꦶꦭ꧀ꦭꦶꦁꦠꦊꦂꦠꦊꦂꦫꦺ꧊ꦆꦱꦿꦲꦺꦭ꧀꧉​

^28:22 ꦠꦸꦠꦸꦥ꧀ꦝꦝꦏꦸꦮꦶꦮꦺꦤꦺꦃꦲꦤꦫꦤ꧀ꦠꦺꦩꦱ꧀ꦩꦸꦂꦤꦶ꧈​ꦱꦶꦁꦢꦶꦠꦩ꧀ꦥꦂꦏꦪꦠꦭꦶ꧉​

^28:23 ꦒꦮꦺꦪꦲꦭꦶꦲꦭꦶꦩꦱ꧀ꦭꦺꦴꦫꦺꦴꦭꦤ꧀ꦥꦱꦁꦔꦼꦤ꧀ꦲꦶꦁꦥꦺꦴꦗꦺꦴꦏ꧀ꦥꦺꦴꦗꦺꦴꦏ꧀ꦱꦶꦱꦶꦃꦤ꧀ꦝꦸꦮꦸꦂꦠꦸꦠꦸꦥ꧀ꦝꦝꦩꦲꦸ꧈​

^28:24 ꦭꦤ꧀ꦫꦤ꧀ꦠꦺꦩꦱ꧀ꦭꦺꦴꦫꦺꦴꦲꦶꦏꦸꦊꦧꦺꦴꦏ꧀ꦤꦲꦶꦁꦲꦭꦶꦲꦭꦶꦭꦺꦴꦫꦺꦴꦩꦲꦸ꧉​

^28:25 ꦥꦸꦕꦸꦏ꧀ꦏꦶꦁꦫꦤ꧀ꦠꦺꦭꦺꦴꦫꦺꦴꦩꦲꦸꦏꦸꦢꦸꦢꦶꦠꦭꦺꦏ꧀ꦏꦏꦺꦲꦶꦁꦲꦼꦩ꧀ꦧꦤ꧀ꦤꦤ꧀ꦭꦺꦴꦫꦺꦴ꧉​ꦱꦿꦤꦩꦼꦁꦏꦺꦴꦤꦺꦴꦠꦸꦠꦸꦥ꧀ꦝꦝꦱꦶꦱꦶꦃꦔꦉꦥ꧀ꦩꦲꦸꦢꦶꦒꦤ꧀ꦝꦺꦁꦏꦫꦺꦴꦥꦸꦤ꧀ꦝꦏ꧀ꦏꦤ꧀ꦤꦺꦲꦺꦥ꦳ꦺꦴꦢ꧀꧉​

^28:26 ꦒꦮꦺꦪꦲꦭꦶꦲꦭꦶꦩꦱ꧀ꦭꦺꦴꦫꦺꦴ꧈​ꦧꦚ꧀ꦗꦸꦂꦥꦱꦁꦔꦼꦤ꧀ꦲꦶꦁꦠꦸꦠꦸꦥ꧀ꦝꦝꦥꦺꦴꦗꦺꦴꦏ꧀ꦔꦶꦱꦺꦴꦂꦱꦶꦱꦶꦃꦚ꧀ꦗꦼꦫꦺꦴꦱꦶꦁꦠꦼꦩꦸꦩ꧀ꦥꦁꦲꦶꦁꦲꦺꦥ꦳ꦺꦴꦢ꧀꧉​

^28:27 ꦒꦮꦺꦪꦲꦭꦶꦲꦭꦶꦩꦱ꧀ꦩꦼꦤꦺꦃꦭꦺꦴꦫꦺꦴꦱꦂꦠꦥꦱꦁꦔꦼꦤ꧀ꦲꦶꦁꦥꦸꦤ꧀ꦝꦏ꧀ꦏꦤ꧀ꦤꦺꦲꦺꦥ꦳ꦺꦴꦢ꧀꧈​ꦱꦼꦏꦫꦺꦴꦤꦺꦲꦶꦁꦱꦶꦱꦶꦃꦔꦉꦥ꧀ꦫꦢꦔꦶꦱꦺꦴꦂꦕꦼꦝꦏ꧀ꦠꦼꦏꦸꦏ꧀ꦏꦤ꧀ꦗꦲꦶꦠ꧀ꦠꦤ꧀꧈​ꦱꦤ꧀ꦝꦸꦮꦸꦂꦫꦶꦁꦱꦧꦸꦏ꧀ꦠꦼꦤꦸꦤ꧀ꦤꦤ꧀ꦲꦭꦸꦱ꧀꧉​

^28:28 ꦲꦭꦶꦲꦭꦶꦠꦸꦠꦸꦥ꧀ꦝꦝꦏꦸꦮꦶꦏꦸꦢꦸꦢꦶꦲꦺꦴꦭꦺꦃꦲꦏꦺꦲꦭꦶꦲꦭꦶꦤꦺꦲꦺꦥ꦳ꦺꦴꦢ꧀ꦔꦁꦒꦺꦴꦠꦭꦶꦧꦶꦫꦸ꧉​ꦩꦸꦭꦤꦺꦠꦸꦠꦸꦥ꧀ꦝꦝꦩꦲꦸꦧꦏꦭ꧀ꦠꦼꦠꦼꦥ꧀ꦲꦤꦲꦶꦁꦱꦤ꧀ꦝꦸꦮꦸꦂꦫꦶꦁꦱꦧꦸꦏ꧀ꦭꦤ꧀ꦲꦺꦴꦫꦧꦶꦱꦏꦥꦶꦱꦃꦏꦫꦺꦴꦲꦺꦥ꦳ꦺꦴꦢ꧀ꦢꦺ꧉​

^28:29 ꦪꦺꦤ꧀ꦲꦫꦸꦤ꧀ꦩ꧀ꦭꦼꦧꦸꦲꦶꦁꦥꦥꦤ꧀ꦱꦸꦕꦶ꧈​ꦏꦸꦢꦸꦔꦁꦒꦺꦴꦠꦸꦠꦸꦥ꧀ꦝꦝꦱꦶꦁꦮꦶꦱ꧀ꦢꦶꦉꦁꦒꦲꦸꦏꦶꦂꦫꦤ꧀ꦗꦼꦤꦼꦁꦔꦺꦏ꧀ꦭꦺꦴꦩ꧀ꦥꦺꦴꦏ꧀ꦏ꧀ꦭꦺꦴꦩ꧀ꦥꦺꦴꦏ꧀ꦏꦺ꧊ꦆꦱꦿꦲꦺꦭ꧀꧈​ꦱꦸꦥꦪꦲꦏꦸ꧈​ꦄꦭ꧀ꦭꦃ꧈​ꦠꦤ꧀ꦱꦃꦲꦺꦔꦼꦠ꧀ꦩꦫꦁꦲꦸꦩꦠ꧀ꦏꦸ꧉​

^28:30 ꦲꦶꦁꦠꦸꦠꦸꦥ꧀ꦝꦝꦥꦱꦁꦔꦤ꧊ꦈꦫꦶꦩ꧀ꦭꦤ꧀꧊ꦠꦸꦩꦶꦩ꧀ꦱꦸꦥꦪꦢꦶꦲꦼꦁꦒꦺꦴꦲꦫꦸꦤ꧀ꦱꦩꦱꦱꦺꦴꦮꦤ꧀ꦩꦫꦁꦲꦏꦸ꧉​ꦲꦼꦁꦒꦺꦴꦤꦺꦏꦸꦢꦸꦠꦤ꧀ꦱꦃꦔꦁꦒꦺꦴꦠꦸꦠꦸꦥ꧀ꦝꦝꦏꦸꦮꦶꦱꦸꦥꦪꦧꦶꦱꦚꦸꦩꦸꦫꦸꦥ꧀ꦥꦶꦥꦸꦠꦸꦱ꧀ꦱꦤ꧀ꦏꦸꦠꦸꦩꦿꦥ꧀ꦮꦺꦴꦁ꧊ꦆꦱꦿꦲꦺꦭ꧀꧉"​

^28:31 "ꦏꦫꦺꦴꦩꦼꦤꦺꦃꦒꦮꦺꦪꦗꦸꦧꦃꦱꦶꦁꦤꦸꦠꦸꦥ꧀ꦥꦶꦲꦺꦥ꦳ꦺꦴꦢ꧀꧈​ꦏꦒꦮꦺꦪꦱꦏꦠꦼꦤꦸꦤ꧀ꦤꦤ꧀ꦧꦼꦤꦁꦧꦶꦫꦸ꧉​

^28:32 ꧊ꦧꦺꦝꦲꦤ꧀ꦒꦸꦭꦸꦤꦺꦢꦶꦮꦺꦤꦺꦃꦲꦤꦥꦶꦁꦒꦶꦂꦫꦤ꧀ꦱꦶꦁꦢꦶꦠꦼꦤꦸꦤ꧀꧈​ꦱꦸꦥꦪꦏꦸꦮꦠ꧀ꦭꦤ꧀ꦲꦺꦴꦫꦒꦩ꧀ꦥꦁꦱꦸꦮꦺꦏ꧀꧉​

^28:33 (28:33-34)ꦥ꧀ꦭꦶꦥꦶꦠ꧀ꦠꦤ꧀ꦲꦶꦁꦔꦶꦱꦺꦴꦂꦏꦸꦢꦸꦢꦶꦮꦺꦤꦺꦃꦲꦶꦉꦉꦁꦒꦤ꧀ꦫꦸꦥꦮꦺꦴꦃꦢ꧀ꦭꦶꦩꦱꦏꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦢꦶꦱꦼꦭꦁꦱꦼꦭꦶꦁꦔꦁꦒꦺꦴꦏ꧀ꦭꦶꦤ꧀ꦛꦶꦁꦔꦤ꧀ꦩꦱ꧀꧉​

^28:34 (28:33)

^28:35 ꦗꦸꦧꦃꦩꦲꦸꦏꦸꦢꦸꦢꦶꦲꦼꦁꦒꦺꦴꦲꦫꦸꦤ꧀ꦱꦩꦱꦠꦸꦒꦱ꧀꧉​ꦥꦽꦭꦸꦤꦺꦱꦩꦱꦱꦺꦴꦮꦤ꧀ꦲꦏꦸꦲꦶꦁꦥꦱꦸꦕꦺꦤ꧀ꦲꦸꦠꦮꦭꦸꦔꦱꦏꦥꦥꦤ꧀ꦱꦸꦕꦶꦏꦺꦴꦤꦺꦴ꧈​ꦏ꧀ꦭꦶꦤ꧀ꦛꦶꦁꦔꦤ꧀ꦩꦲꦸꦧꦏꦭ꧀ꦏꦼꦥꦿꦸꦔꦸ꧈​ꦱꦸꦥꦪꦲꦫꦸꦤ꧀ꦲꦺꦴꦫꦤꦼꦩꦃꦲꦶꦩꦠꦶ꧉​

^28:36 ꦒꦮꦺꦪꦉꦉꦁꦒꦤ꧀ꦩꦱ꧀ꦩꦸꦂꦤꦶꦱꦶꦁꦢꦶꦲꦸꦏꦶꦂꦔꦁꦒꦺꦴꦠꦼꦩ꧀ꦧꦸꦁꦠꦼꦩ꧀ꦧꦸꦁ‘ꦱꦼꦁꦏꦼꦂꦫꦤ꧀ꦤꦺꦄꦭ꧀ꦭꦃ’꧉​

^28:37 ꦏꦸꦮꦶꦠꦭꦺꦏ꧀ꦤꦲꦶꦁꦱꦼꦂꦧꦤ꧀ꦔꦁꦒꦺꦴꦠꦭꦶꦧꦶꦫꦸ꧉​

^28:38 ꦲꦫꦸꦤ꧀ꦏꦸꦢꦸꦩꦱꦁꦉꦉꦁꦒꦤ꧀ꦩꦱ꧀ꦩꦲꦸꦲꦶꦁꦧꦛꦸꦏ꧀ꦏꦺ꧈​ꦱꦸꦥꦪꦲꦏꦸ꧈​ꦄꦭ꧀ꦭꦃ꧈​ꦏꦼꦂꦱꦤꦩ꧀ꦥꦱꦏꦺꦃꦲꦶꦁꦥꦶꦱꦸꦁꦱꦸꦁꦱꦶꦁꦢꦶꦒꦮꦢꦺꦤꦶꦁꦮꦺꦴꦁ꧊ꦆꦱꦿꦲꦺꦭ꧀ꦩꦫꦁꦲꦏꦸ꧈​ꦱꦼꦤꦗꦤ꧀ꦥꦠꦿꦥ꧀ꦥꦺꦔꦠꦸꦂꦫꦏꦺꦥꦶꦱꦸꦁꦱꦸꦁꦩꦲꦸꦲꦤꦏꦼꦏꦸꦫꦁꦔꦤ꧀ꦤꦺ꧉​

^28:39 ꦏ꧀ꦭꦩ꧀ꦧꦶꦤꦺꦲꦫꦸꦤ꧀ꦏꦸꦢꦸꦢꦶꦠꦼꦤꦸꦤ꧀ꦱꦏꦏꦲꦶꦤ꧀ꦭꦺꦤꦲꦭꦸꦱ꧀꧉​ꦲꦶꦪꦒꦮꦺꦪꦱꦼꦂꦧꦤ꧀ꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦂꦠꦱꦧꦸꦏ꧀ꦱꦶꦁꦢꦶꦱꦸꦭꦩ꧀꧉​

^28:40 ꦒꦮꦺꦏ꧀ꦭꦩ꧀ꦧꦶ꧈​ꦱꦧꦸꦏ꧀ꦭꦤ꧀ꦏꦺꦴꦥꦾꦃꦏꦁꦒꦺꦴꦲꦤꦏ꧀ꦲꦤꦏ꧀ꦏꦺꦲꦫꦸꦤ꧀ꦱꦸꦥꦪꦥꦝꦏꦠꦺꦴꦤ꧀ꦭꦸꦲꦸꦂꦭꦤ꧀ꦲꦺꦤ꧀ꦢꦃ꧉​

^28:41 ꦱꦤ꧀ꦝꦁꦔꦤ꧀ꦩꦲꦸꦲꦼꦁꦒꦺꦴꦏ꧀ꦤꦲꦫꦸꦤ꧀ꦏꦏꦁꦩꦸꦱꦂꦠꦲꦤꦏ꧀ꦲꦤꦏ꧀ꦏꦺ꧉​ꦥꦝꦗꦼꦧꦢ꧀ꦢꦤ꧈​ꦮꦶꦱꦸꦝꦤꦼꦤ꧀ꦭꦤ꧀ꦱꦸꦕꦺꦏ꧀ꦤ;ꦱꦿꦤꦩꦼꦁꦏꦺꦴꦤꦺꦴꦮꦺꦴꦁꦮꦺꦴꦁꦩꦲꦸꦢꦶꦉꦱ꧀ꦩꦺꦏ꧀ꦏꦏꦺꦱꦂꦠꦢꦶꦱꦸꦕꦺꦏ꧀ꦏꦏꦺꦏꦁꦒꦺꦴꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀꧉​

^28:42 ꦒꦮꦺꦪꦕ꧀ꦭꦤꦕꦼꦤ꧀ꦝꦏ꧀ꦱꦏꦏꦲꦶꦤ꧀ꦭꦺꦤꦏꦁꦒꦺꦴꦮꦺꦴꦁꦮꦺꦴꦁꦩꦲꦸ꧈​ꦢꦺꦤꦺꦢꦮꦤꦺꦱꦏꦧꦁꦏꦺꦏ꧀ꦏꦤ꧀ꦠꦼꦏꦤ꧀ꦥꦸꦥꦸꦏꦁꦒꦺꦴꦤꦸꦠꦸꦥ꧀ꦥꦶꦏꦮꦶꦫꦁꦔꦤ꧀ꦤꦺ꧉​

^28:43 ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦩꦱꦩ꧀ꦭꦼꦧꦸꦲꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸꦲꦸꦠꦮꦚꦼꦝꦏ꧀ꦏꦶꦩꦼꦱ꧀ꦧꦺꦃꦔꦶꦩꦩ꧀ꦩꦶꦲꦶꦁꦥꦱꦸꦕꦺꦤ꧀ꦏꦸꦢꦸꦔꦁꦒꦺꦴꦱꦤ꧀ꦝꦁꦔꦤ꧀ꦏꦸꦮꦶ꧉​ꦪꦺꦤ꧀ꦩꦼꦁꦏꦺꦴꦤꦺꦴꦲꦺꦴꦫꦧꦏꦭ꧀ꦥꦝꦩꦠꦶꦏꦿꦤꦱꦏꦏꦠꦺꦴꦤ꧀ꦏꦮꦶꦫꦁꦔꦤ꧀ꦤꦺ꧉​ꦥꦽꦤꦠꦤ꧀ꦲꦶꦏꦶꦠꦼꦠꦼꦥ꧀ꦏꦁꦒꦺꦴꦲꦫꦸꦤ꧀ꦭꦤ꧀ꦥꦫꦠꦸꦫꦸꦤ꧀ꦤꦺ꧉"​