Jv/Alkitab/Pangentasan/14

From Wikisource
Jump to navigation Jump to search

14:1 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ꧊ꦩꦸꦱ꧈​
14:2 "ꦮꦺꦴꦁ꧊ꦆꦱꦿꦲꦺꦭ꧀ꦥꦿꦺꦤ꧀ꦠꦃꦲꦤꦧꦭꦶꦩꦼꦤꦺꦃꦔꦤ꧀ꦠꦶꦠꦼꦏꦤ꧀ꦲꦶꦁꦔꦉꦥ꧀ꦥꦺꦏꦸꦛ꧊ꦥꦶ꧊ꦲꦲꦶꦫꦺꦴꦠ꧀꧈​ꦲꦤ꧀ꦠꦫꦤꦺꦏꦸꦛ꧊ꦩꦶꦒ꧀ꦢꦺꦴꦭ꧀ꦭꦤ꧀ꦱꦼꦒꦫ꧊ꦠꦺꦧꦺꦫꦲꦸ꧈​ꦕꦼꦝꦏ꧀ꦏꦺꦏꦸꦛ꧊ꦧꦲꦭ꧀꧊ꦗ꦳ꦺꦥ꦳ꦺꦴꦤ꧀꧈​ꦭꦺꦫꦺꦤ꧀ꦤꦲꦤꦲꦶꦁꦏꦺꦴꦤꦺꦴ꧉​
14:3 ꦱꦁꦥꦿꦶꦔꦺꦴꦤ꧀ꦧꦏꦭ꧀ꦔꦶꦫꦪꦺꦤ꧀ꦮꦺꦴꦁ꧊ꦆꦱꦿꦲꦺꦭ꧀ꦏꦼꦱꦱꦂꦭꦏꦸꦤꦺꦭꦤ꧀ꦥꦝꦏꦼꦥꦼꦥꦼꦠ꧀ꦠꦤ꧀ꦢꦺꦤꦶꦁꦲꦫꦲꦫꦱꦩꦸꦤ꧀꧉​
14:4 ꦲꦏꦸꦧꦏꦭ꧀ꦩꦁꦏꦺꦴꦠ꧀ꦠꦏꦺꦲꦠꦶꦤꦺ꧈​ꦠꦼꦩꦃꦧꦏꦭ꧀ꦤꦸꦠꦸꦠ꧀ꦠꦶꦏꦺꦴꦮꦺ꧉​ꦲꦶꦁꦏꦺꦴꦤꦺꦴꦲꦏꦸꦧꦏꦭ꧀ꦤꦸꦩ꧀ꦥꦼꦱ꧀ꦱꦁꦥꦿꦶꦔꦺꦴꦤ꧀ꦱꦧꦭ꧀ꦭꦤ꧀ꦤꦺ꧉​ꦱꦿꦤꦊꦭꦏꦺꦴꦤ꧀ꦩꦲꦸꦮꦺꦴꦁꦮꦺꦴꦁꦧꦏꦭ꧀ꦔ꧀ꦭꦸꦲꦸꦂꦫꦏꦺꦲꦏꦸ꧈​ꦭꦤ꧀ꦮꦺꦴꦁ꧊ꦩꦺꦱꦶꦂꦧꦏꦭ꧀ꦮꦼꦫꦸꦃꦪꦺꦤ꧀ꦲꦏꦸꦲꦶꦏꦶꦄꦭ꧀ꦭꦃ꧉"​ꦮꦺꦴꦁ꧊ꦆꦱꦿꦲꦺꦭ꧀ꦥꦝꦤꦶꦤ꧀ꦢꦏ꧀ꦏꦏꦺꦝꦮꦸꦃꦲꦺꦄꦭ꧀ꦭꦃꦩꦲꦸ꧉​
14:5 ꦧꦉꦁꦱꦁꦥꦿꦶꦔꦺꦴꦤ꧀ꦥꦶꦂꦱꦪꦺꦤ꧀ꦧꦁꦱ꧊ꦆꦱꦿꦲꦺꦭ꧀ꦮꦶꦱ꧀ꦧꦸꦝꦭ꧀꧈​ꦱꦁꦥꦿꦧꦸꦭꦤ꧀ꦥꦫꦥꦼꦁꦒꦼꦝꦺꦤꦺꦥꦝꦒꦼꦭ꧈​ꦧꦚ꧀ꦗꦸꦂꦔꦸꦕꦥ꧀꧈​"ꦲꦥꦱꦶꦁꦏꦸꦢꦸꦏꦶꦠꦠꦶꦤ꧀ꦢꦏ꧀ꦏꦏꦺ?ꦪꦒꦺꦤꦺꦏꦶꦠꦔꦺꦴꦭꦺꦃꦲꦏꦺꦮꦺꦴꦁ꧊ꦆꦱꦿꦲꦺꦭ꧀ꦭꦸꦔ;ꦏꦶꦠꦫꦏ꧀ꦧꦚ꧀ꦗꦸꦂꦏꦺꦭꦁꦔꦤ꧀ꦧꦠꦸꦂ꧉"​
14:6 ꦱꦁꦥꦿꦶꦔꦺꦴꦤ꧀ꦧꦚ꧀ꦗꦸꦂꦚꦶꦪꦥ꧀ꦥꦏꦺꦏꦿꦺꦠꦥꦼꦫꦁꦭꦤ꧀ꦠꦼꦤ꧀ꦠꦫꦤꦺ꧈​ꦱꦂꦠ
14:7 ꦩꦁꦏꦠ꧀ꦏꦫꦺꦴꦔ꧀ꦒꦮꦏꦿꦺꦠꦤꦺꦏꦧꦺꦃ꧈​ꦏ꧀ꦭꦼꦧꦸꦏꦿꦺꦠꦤꦺꦱꦶꦁꦧꦼꦕꦶꦏ꧀ꦧꦼꦕꦶꦏ꧀꧈​ꦕꦕꦃꦲꦺꦤꦼꦩ꧀ꦲꦠꦸꦱ꧀꧈​ꦢꦶꦠꦸꦁꦒꦁꦔꦶꦥꦫꦥꦼꦩꦶꦩ꧀ꦥꦶꦤꦺꦥꦼꦫꦁ꧉​
14:8 ꦄꦭ꧀ꦭꦃꦤ꧀ꦢꦢꦺꦏ꧀ꦏꦏꦺꦱꦁꦥꦿꦶꦔꦺꦴꦤ꧀ꦮꦁꦏꦺꦴꦠ꧀ꦲꦠꦶꦤꦺ꧈​ꦩꦸꦭꦧꦚ꧀ꦗꦸꦂꦧꦸꦝꦭ꧀ꦱꦏꦤꦼꦒꦫꦤꦺꦔꦺꦴꦪꦏ꧀ꦮꦺꦴꦁ꧊ꦆꦱꦿꦲꦺꦭ꧀ꦱꦶꦁꦢꦶꦏꦤ꧀ꦛꦶꦢꦺꦤꦶꦁꦄꦭ꧀ꦭꦃ꧉​
14:9 ꦮꦢꦾꦧꦭ꧊ꦩꦺꦱꦶꦂꦏꦫꦺꦴꦗꦫꦤ꧀ꦭꦤ꧀ꦏꦿꦺꦠꦤꦺꦏꦧꦺꦃꦔꦺꦴꦪꦏ꧀ꦮꦺꦴꦁ꧊ꦆꦱꦿꦲꦺꦭ꧀꧈​ꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁ꧊ꦆꦱꦿꦲꦺꦭ꧀ꦱꦶꦁꦭꦒꦶꦥꦝꦔꦱꦺꦴꦲꦶꦁꦏꦺꦩꦃꦲꦶꦁꦱꦔꦉꦥ꧀ꦥꦶꦁꦏꦸꦛ꧊ꦥꦶ꧊ꦲꦲꦶꦫꦺꦴꦠ꧀꧈​ꦱꦕꦼꦝꦏ꧀ꦏꦺ꧊ꦧꦲꦭ꧀꧊ꦗ꦳ꦺꦥ꦳ꦺꦴꦤ꧀꧉​
14:10 ꦮꦺꦴꦁ꧊ꦆꦱꦿꦲꦺꦭ꧀ꦧꦉꦁꦮꦼꦫꦸꦃꦱꦁꦥꦿꦶꦔꦺꦴꦤ꧀ꦭꦤ꧀ꦮꦢꦾꦧꦭꦤꦺꦮꦶꦱ꧀ꦕꦼꦝꦏ꧀꧈​ꦥꦝꦮꦼꦢꦶ꧈​ꦧꦚ꧀ꦗꦸꦂꦱꦼꦱꦩ꧀ꦧꦠ꧀ꦩꦫꦁꦲꦭ꧀ꦭꦃꦲꦺ꧉​
14:11 ꦠꦼꦩ꧀ꦧꦸꦁꦔꦺꦩꦫꦁ꧊ꦩꦸꦱ꧈​"ꦩꦼꦤꦥꦲꦶꦁ꧊ꦩꦺꦱꦶꦂꦩ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦏꦸꦧꦸꦂꦫꦤ꧀꧈​ꦢꦺꦤꦺꦏꦶꦠꦔꦤ꧀ꦠꦺꦴꦱ꧀ꦢꦶꦥꦸꦤ꧀ꦧꦼꦏ꧀ꦠꦩꦿꦶꦏꦶꦤꦩꦸꦁꦥꦽꦭꦸꦔ꧀ꦭꦸꦫꦸꦒ꧀ꦥꦼꦗꦃ?ꦕꦺꦴꦧꦶꦏꦸꦭꦲꦠꦸꦂꦫꦶꦩꦶꦂꦱꦤꦶꦩꦼꦤꦥꦏꦼꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀꧈​ꦲꦼꦁꦒꦺꦤ꧀ꦏꦸꦭꦱꦩꦶꦢꦶꦥꦸꦤ꧀ꦧꦼꦏ꧀ꦠꦩꦼꦢꦭ꧀ꦱꦏꦶꦁꦠꦤꦃ꧊ꦩꦺꦱꦶꦂ!
14:12 ꦏꦸꦭꦫꦏ꧀ꦱꦩ꧀ꦥꦸꦤ꧀ꦩꦠꦸꦂꦝꦠꦼꦁꦥꦚ꧀ꦗꦼꦤꦼꦁꦔꦤ꧀ꦮꦺꦴꦤ꧀ꦠꦼꦤ꧀ꦠꦤꦃ꧊ꦩꦺꦱꦶꦂ꧉​ꦥꦚ꧀ꦗꦼꦤꦼꦁꦔꦤ꧀ꦏꦸꦭꦲꦠꦸꦂꦫꦶꦔꦺꦤ꧀ꦢꦼꦭ꧀ꦭꦏꦼꦤ꧀ꦏꦸꦭꦏꦺꦩꦮꦺꦴꦤ꧀꧈​ꦏꦗꦼꦁꦔꦶꦥꦸꦤ꧀ꦏꦸꦭꦠꦼꦠꦼꦥ꧀ꦢꦢꦺꦴꦱ꧀ꦧꦠꦸꦂꦲꦶꦁ꧊ꦩꦺꦱꦶꦂ꧉​ꦭꦁꦏꦸꦁꦱꦲꦺꦢꦢꦺꦴꦱ꧀ꦧꦠꦸꦂꦠꦶꦤꦶꦩ꧀ꦧꦁꦥꦼꦗꦃꦲꦶꦁꦲꦫꦲꦫꦱꦩꦸꦤ꧀ꦩꦼꦤꦶꦏ꧉"​
14:13 ꧊ꦩꦸꦱꦩꦁꦱꦸꦭ꧀ꦭꦶ꧈​"ꦲꦗꦮꦼꦢꦶ!ꦲꦠꦶꦩꦸꦱꦶꦁꦠꦼꦠꦼꦒ꧀꧈​ꦭꦤ꧀ꦏꦺꦴꦮꦺꦧꦏꦭ꧀ꦥꦝꦮꦼꦫꦸꦃꦲꦥꦱꦶꦁꦢꦶꦠꦶꦤ꧀ꦢꦏ꧀ꦏꦏꦺꦄꦭ꧀ꦭꦃꦏꦁꦒꦺꦴꦚ꧀ꦭꦩꦼꦠ꧀ꦠꦏꦺꦏꦺꦴꦮꦺꦲꦶꦁꦢꦶꦤꦲꦶꦏꦶ꧉​ꦩꦼꦂꦒꦮꦺꦴꦁ꧊ꦩꦺꦱꦶꦂꦱꦶꦁꦥꦝꦏꦺꦴꦏ꧀ꦢꦼꦊꦁꦲꦶꦁꦢꦶꦤꦲꦶꦏꦶ꧈​ꦲꦶꦏꦸꦧꦏꦭ꧀ꦲꦺꦴꦫꦏꦺꦴꦏ꧀ꦢꦼꦊꦁꦩꦼꦤꦺꦃꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​
14:14 ꦒꦸꦱ꧀ꦠꦶꦄꦭ꧀ꦭꦃꦥꦶꦪꦩ꧀ꦧꦏ꧀ꦏꦁꦧꦏꦭ꧀ꦩꦗꦸꦥꦼꦫꦁꦏꦁꦒꦺꦴꦏꦺꦴꦮꦺ;ꦏꦺꦴꦮꦺꦥꦝꦩꦼꦤꦼꦁꦔꦮꦲꦺ꧉"​
14:15 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ꧊ꦩꦸꦱ꧈​"ꦪꦒꦺꦤꦺꦏꦺꦴꦮꦺꦥꦝꦱꦼꦱꦩ꧀ꦧꦠ꧀ꦚꦸꦮꦸꦤ꧀ꦠꦸꦭꦸꦁ?ꦮꦺꦴꦁ꧊ꦆꦱꦿꦲꦺꦭ꧀ꦥꦝꦏꦺꦴꦤ꧀ꦤꦼꦤ꧀ꦤꦼꦫꦸꦱ꧀ꦱꦏꦺꦭꦏꦸꦤꦺ꧉​
14:16 ꦠꦼꦏꦼꦤ꧀ꦩꦸꦲꦁꦏꦠ꧀ꦠꦼꦤ꧀ꦱꦂꦠꦲꦕꦸꦁꦤꦲꦶꦁꦱꦼꦒꦫ꧉​ꦧꦚꦸꦤꦶꦁꦱꦼꦒꦫꦧꦏꦭ꧀ꦩꦶꦪꦏ꧀ꦢꦢꦶꦭꦺꦴꦫꦺꦴ꧈​ꦱꦂꦠꦮꦺꦴꦁ꧊ꦆꦱꦿꦲꦺꦭ꧀ꦲꦺꦴꦭꦺꦃꦲꦺꦚꦧꦿꦁꦱꦼꦒꦫꦧꦏꦭ꧀ꦔꦩ꧀ꦧꦃꦊꦩꦃꦱꦶꦁꦒꦱꦶꦏ꧀꧉​
14:17 ꦮꦺꦴꦁ꧊ꦩꦺꦱꦶꦂꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦮꦁꦏꦺꦴꦠ꧀ꦲꦠꦶꦤꦺꦔꦤ꧀ꦠꦶꦥꦝꦔꦺꦴꦪꦏ꧀ꦮꦺꦴꦁ꧊ꦆꦱꦿꦲꦺꦭ꧀꧈​ꦭꦤ꧀ꦲꦏꦸꦧꦏꦭ꧀ꦤꦸꦩ꧀ꦥꦼꦱ꧀ꦱꦁꦥꦿꦶꦔꦺꦴꦤ꧀ꦱꦮꦢꦾꦧꦭꦤꦺꦭꦤ꧀ꦏꦿꦺꦠꦏꦿꦺꦠꦤꦺꦥꦶꦱꦤ꧀꧉​
14:18 ꦱꦿꦤꦩꦼꦁꦏꦺꦴꦤꦺꦴꦮꦺꦴꦁ꧊ꦩꦺꦱꦶꦂꦧꦏꦭ꧀ꦥꦝꦔꦼꦂꦠꦶꦪꦺꦤ꧀ꦲꦏꦸꦲꦶꦏꦶꦄꦭ꧀ꦭꦃ꧈​ꦪꦲꦶꦏꦸꦱꦩꦱꦲꦏꦸꦮꦶꦱ꧀ꦤꦼꦢꦃꦲꦏꦺꦏꦭꦸꦲꦸꦂꦫꦤ꧀ꦏꦸꦩꦫꦁꦱꦁꦥꦿꦶꦔꦺꦴꦤ꧀꧉"​
14:19 ꦩꦭꦲꦺꦏꦠ꧀ꦠꦺꦄꦭ꧀ꦭꦃꦱꦶꦁꦲꦤꦲꦶꦁꦔꦉꦥ꧀ꦥꦶꦁꦧꦫꦶꦱ꧀ꦱꦤ꧀ꦤꦺꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦶꦤ꧀ꦝꦃꦠꦶꦤ꧀ꦢꦏ꧀ꦲꦤꦲꦶꦁꦩ꧀ꦧꦸꦫꦶꦤꦺ꧉​
14:20 ꦠꦸꦒꦸꦩꦺꦒꦲꦸꦒꦧꦚ꧀ꦗꦸꦂꦩꦥꦤ꧀ꦲꦤꦲꦶꦁꦲꦤ꧀ꦠꦫꦤꦺꦮꦺꦴꦁ꧊ꦩꦺꦱꦶꦂꦭꦤ꧀ꦮꦺꦴꦁ꧊ꦆꦱꦿꦲꦺꦭ꧀꧉​ꦠꦸꦩꦿꦥ꧀ꦥꦶꦁꦮꦺꦴꦁ꧊ꦩꦺꦱꦶꦂꦩꦺꦒꦩꦲꦸꦚ꧀ꦗꦭꦂꦫꦶꦥꦼꦠꦼꦁꦤ꧀ꦝꦼꦝꦼꦠ꧀꧈​ꦤꦁꦔꦶꦁꦠꦸꦩꦿꦥ꧀ꦥꦶꦁꦮꦺꦴꦁ꧊ꦆꦱꦿꦲꦺꦭ꧀ꦩꦝꦁꦔꦶ꧈​ꦠꦼꦩꦃꦲꦶꦁꦱꦗꦿꦺꦴꦤꦶꦁꦱꦼꦮꦼꦔꦶꦲꦶꦏꦸꦒꦺꦴꦭꦺꦴꦁꦔꦤ꧀ꦱꦶꦁꦱꦶꦗꦶꦲꦺꦴꦫꦧꦶꦱꦚꦼꦝꦏ꧀ꦏꦶꦱꦶꦗꦶꦤꦺ꧉​
14:21 ꧊ꦩꦸꦱꦧꦚ꧀ꦗꦸꦂꦔꦛꦸꦁꦔꦏꦺꦲꦱ꧀ꦠꦤꦺꦲꦶꦁꦲꦫꦃꦲꦺꦱꦼꦒꦫ꧉​ꦄꦭ꧀ꦭꦃꦤꦸꦭꦶꦤꦼꦏꦏ꧀ꦏꦏꦺꦲꦔꦶꦤ꧀ꦱꦏꦮꦺꦠꦤ꧀ꦧꦤ꧀ꦠꦼꦂꦧꦔꦼꦠ꧀꧈​ꦱꦼꦮꦼꦔꦶꦩꦸꦥꦸꦠ꧀꧉​ꦱꦏꦶꦁꦧꦤ꧀ꦠꦼꦂꦫꦶꦁꦲꦔꦶꦤ꧀ꦩꦲꦸꦤ꧀ꦢꦢꦺꦏ꧀ꦏꦏꦺꦱꦼꦒꦫꦤꦺꦲꦱꦠ꧀ꦭꦤ꧀ꦧꦚꦸꦤꦺꦏꦥꦶꦪꦏ꧀꧉​
14:22 ꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦩ꧀ꦭꦏꦸꦩꦼꦠꦸꦲꦶꦁꦠꦼꦔꦃꦲꦶꦁꦱꦼꦒꦫꦱꦶꦁꦒꦱꦶꦏ꧀꧈​ꦢꦺꦤꦺꦧꦚꦸꦲꦶꦁꦱꦏꦶꦮꦠꦼꦔꦼꦤ꧀ꦤꦺꦥꦽꦱꦱꦠ꧀ꦠꦺꦩ꧀ꦧꦺꦴꦏ꧀ꦏꦁꦔꦩ꧀ꦥꦶꦁꦲꦩ꧀ꦥꦶꦁꦔꦶ꧉​
14:23 ꦮꦺꦴꦁ꧊ꦩꦺꦱꦶꦂꦭꦤ꧀ꦗꦫꦤ꧀ꦤꦺꦏꦧꦺꦃ꧈​ꦏꦿꦺꦠꦭꦤ꧀ꦠꦼꦤ꧀ꦠꦫꦤꦺꦥꦝꦔꦺꦴꦪꦏ꧀ꦤꦸꦠꦸꦠ꧀ꦠꦶꦮꦺꦴꦁ꧊ꦆꦱꦿꦲꦺꦭ꧀ꦲꦶꦁꦠꦼꦔꦃꦲꦶꦁꦱꦼꦒꦫ꧉​
14:24 ꦧꦉꦁꦔꦝꦼꦥ꧀ꦥꦏꦺꦥꦗꦂꦒꦸꦱ꧀ꦠꦶꦄꦭ꧀ꦭꦃꦩꦶꦂꦱꦤꦶꦮꦢꦾꦧꦭ꧊ꦩꦺꦱꦶꦂꦱꦏꦲꦶꦁꦠꦸꦒꦸꦒꦼꦤꦶꦭꦤ꧀ꦩꦺꦒ꧈​ꦧꦚ꧀ꦗꦸꦂꦒꦮꦺꦧꦶꦔꦸꦁꦔꦺꦠꦼꦤ꧀ꦠꦫ꧊ꦩꦺꦱꦶꦂ꧉​
14:25 ꦫꦺꦴꦝꦤꦶꦁꦏꦿꦺꦠꦥꦝꦩꦕꦼꦠ꧀꧈​ꦔꦤ꧀ꦠꦶꦭꦏꦸꦤꦺꦢꦢꦶꦉꦤ꧀ꦝꦼꦠ꧀꧉​ꦥꦔꦸꦕꦥ꧀ꦥꦺꦮꦺꦴꦁ꧊ꦩꦺꦱꦶꦂ꧈​"ꦄꦭ꧀ꦭꦃꦩ꧀ꦧꦤ꧀ꦠꦸꦮꦺꦴꦁ꧊ꦆꦱꦿꦲꦺꦭ꧀꧈​ꦔ꧀ꦭꦮꦤ꧀ꦩꦫꦁꦏꦶꦠ꧉​ꦲꦪꦺꦴꦥꦝꦭꦸꦔꦮꦲꦺꦱꦏꦏꦺꦤꦺ!"
14:26 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ꧊ꦩꦸꦱ꧈​"ꦠꦔꦤ꧀ꦩꦸꦲꦛꦸꦁꦤꦩꦼꦚꦁꦱꦼꦒꦫ꧈​ꦧꦚꦸꦤꦺꦧꦏꦭ꧀ꦤꦁꦏꦼꦧ꧀ꦥꦸꦭꦶꦃꦔꦼꦊꦧ꧀ꦧꦶꦮꦺꦴꦁ꧊ꦩꦺꦱꦶꦂ꧈​ꦢꦭꦱ꧀ꦱꦤ꧀ꦏꦿꦺꦠꦏꦿꦺꦠꦭꦤ꧀ꦧꦭꦤꦺꦗꦫꦤ꧀ꦤꦤ꧀꧉"​
14:27 ꧊ꦩꦸꦱꦧꦚ꧀ꦗꦸꦂꦔꦛꦸꦁꦔꦏꦺꦲꦱ꧀ꦠꦤꦺꦩꦼꦚꦁꦱꦼꦒꦫ;ꦧꦉꦁꦲꦺꦱꦸꦏ꧀ꦧꦚꦸꦤꦺꦤꦁꦏꦼꦧ꧀ꦥꦸꦭꦶꦃꦏꦪꦩꦲꦸꦤꦺ꧉​ꦮꦺꦴꦁ꧊ꦩꦺꦱꦶꦂꦥꦝꦩ꧀ꦭꦪꦸꦲꦉꦥ꧀ꦩꦼꦤ꧀ꦠꦱ꧀꧈​ꦤꦁꦔꦶꦁꦢꦶꦏ꧀ꦭꦼꦊꦧ꧀ꦧꦏꦺꦢꦺꦤꦶꦁꦄꦭ꧀ꦭꦃꦲꦶꦁꦱꦼꦒꦫ꧉​
14:28 ꦧꦚꦸꦤꦺꦤꦁꦏꦼꦧ꧀ꦱꦂꦠꦔꦼꦊꦧ꧀ꦧꦶꦏꦿꦺꦠꦏꦿꦺꦠ꧈​ꦱꦶꦁꦤꦸꦁꦒꦁꦱꦂꦠꦮꦢꦾꦧꦭꦱꦶꦁꦥꦝꦤꦸꦠꦸꦠ꧀ꦠꦶꦮꦺꦴꦁ꧊ꦆꦱꦿꦲꦺꦭ꧀꧈​ꦔꦤ꧀ꦠꦶꦮꦺꦴꦁ꧊ꦩꦺꦱꦶꦂꦩꦲꦸꦥꦝꦩꦠꦶꦏꦧꦺꦃ꧉​
14:29 ꦤꦁꦔꦶꦁꦮꦺꦴꦁ꧊ꦆꦱꦿꦲꦺꦭ꧀ꦥꦝꦩ꧀ꦭꦏꦸꦔꦩ꧀ꦧꦃꦝꦱꦂꦫꦶꦁꦱꦼꦒꦫꦱꦶꦁꦒꦱꦶꦏ꧀꧈​ꦧꦚꦸꦤꦺꦢꦢꦶꦏꦪꦠꦺꦩ꧀ꦧꦺꦴꦏ꧀ꦲꦶꦁꦏꦶꦮꦠꦼꦔꦼꦤ꧀ꦤꦺ꧉​
14:30 ꦲꦶꦁꦢꦶꦤꦏꦸꦮꦶꦄꦭ꧀ꦭꦃꦔ꧀ꦭꦸꦮꦂꦫꦶꦧꦁꦱ꧊ꦆꦱꦿꦲꦺꦭ꧀ꦱꦏꦠꦔꦤ꧀ꦤꦶꦁꦧꦁꦱ꧊ꦩꦺꦱꦶꦂ꧉​ꦢꦺꦤꦺꦮꦺꦴꦁ꧊ꦆꦱꦿꦲꦺꦭ꧀ꦥꦝꦮꦼꦫꦸꦃꦗꦶꦱꦶꦩ꧀ꦩꦺꦮꦺꦴꦁ꧊ꦩꦺꦱꦶꦂꦱꦶꦁꦥꦝꦩꦠꦶꦥꦠꦶꦁꦔ꧀ꦒꦱꦃꦲꦤꦲꦶꦁꦥꦶꦁꦒꦶꦂꦱꦼꦒꦫ꧉​
14:31 ꦧꦉꦁꦮꦼꦫꦸꦃꦝꦺꦮꦺꦒꦼꦝꦺꦤꦶꦁꦥꦔ꧀ꦮꦱꦤꦺꦄꦭ꧀ꦭꦃꦲꦼꦁꦒꦺꦴꦤꦺꦔꦭꦃꦲꦏꦺꦮꦺꦴꦁ꧊ꦩꦺꦱꦶꦂ꧈​ꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦮꦼꦢꦶꦧꦔꦼꦠ꧀ꦱꦂꦠꦥꦽꦕꦪꦩꦫꦁꦥꦚ꧀ꦗꦼꦤꦼꦁꦔꦤ꧀ꦤꦺ꧈​ꦱꦼꦩꦺꦴꦤꦺꦴꦲꦸꦒꦩꦫꦁ꧊ꦩꦸꦱ꧈​ꦲꦧ꧀ꦢꦶꦤꦺ꧉​