Jv/Alkitab/Pangentasan/36

^36:1 ꧊ꦧꦺꦗ꦳ꦭꦺꦲꦺꦭ꧀꧈​꧊ꦄꦲꦺꦴꦭꦶꦪꦧ꧀ꦱꦂꦠꦱꦏꦺꦃꦲꦶꦁꦠꦸꦏꦁ꧈​ꦱꦶꦁꦮꦶꦱ꧀ꦢꦶꦥꦫꦶꦁꦔꦶꦏꦥꦿꦶꦒꦼꦭ꧀ꦭꦤ꧀ꦭꦤ꧀ꦏꦼꦲꦃꦲ꧀ꦭꦶꦪꦤ꧀ꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦔꦼꦂꦠꦶꦕꦫꦤꦺꦒꦮꦺꦧꦫꦁꦱꦶꦁꦢꦶꦧꦸꦠꦸꦃꦲꦏꦺꦏꦁꦒꦺꦴꦩ꧀ꦧꦔꦸꦤ꧀ꦏꦺꦩꦃ꧉​ꦮꦺꦴꦁꦮꦺꦴꦁꦩꦲꦸꦏꦸꦢꦸꦒꦮꦺꦱꦩꦸꦧꦫꦁꦱꦶꦁꦮꦶꦱ꧀ꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉"​

^36:2 ꧊ꦩꦸꦱꦔ꧀ꦭꦸꦩ꧀ꦥꦸꦏ꧀ꦏꦏꦺ꧊ꦧꦺꦗ꦳ꦭꦺꦲꦺꦭ꧀꧈​꧊ꦄꦲꦺꦴꦭꦶꦪꦧ꧀ꦱꦂꦠꦠꦸꦏꦁꦠꦸꦏꦁꦭꦶꦪꦤꦺꦱꦶꦁꦮꦶꦱ꧀ꦏꦥꦫꦶꦁꦔꦤ꧀ꦏꦼꦲꦃꦲ꧀ꦭꦶꦪꦤ꧀ꦢꦺꦤꦶꦁꦄꦭ꧀ꦭꦃ꧈​ꦭꦤ꧀ꦱꦼꦤꦼꦁꦩ꧀ꦧꦤ꧀ꦠꦸ꧈​ꦧꦚ꧀ꦗꦸꦂꦢꦶꦝꦮꦸꦃꦲꦶꦱꦸꦥꦪꦥꦝꦲꦺꦁꦒꦭ꧀ꦩꦶꦮꦶꦠ꧀ꦠꦶꦚꦩ꧀ꦧꦸꦠ꧀ꦒꦮꦺ꧉​

^36:3 ꦮꦺꦴꦁꦮꦺꦴꦁꦩꦲꦸꦥꦝꦤꦩ꧀ꦥꦤꦶꦧꦫꦁꦧꦫꦁꦱꦶꦁꦮꦶꦱ꧀ꦢꦶꦱꦸꦩ꧀ꦧꦁꦔꦏꦺꦢꦺꦤꦶꦁꦮꦺꦴꦁ꧊ꦆꦱꦿꦲꦺꦭ꧀ꦭꦤ꧀ꦠꦂꦫꦤ꧀꧊ꦩꦸꦱꦏꦁꦒꦺꦴꦩ꧀ꦧꦔꦸꦤ꧀ꦏꦺꦩꦃꦱꦸꦕꦶ꧉​ꦤꦁꦔꦶꦁꦱꦧꦼꦤ꧀ꦲꦺꦱꦸꦏ꧀ꦧꦁꦱ꧊ꦆꦱꦿꦲꦺꦭ꧀ꦲꦶꦱꦶꦃꦠꦼꦫꦸꦱ꧀ꦮꦲꦺꦔ꧀ꦒꦮꦥꦶꦱꦸꦁꦱꦸꦁꦔꦺꦏꦥꦱꦿꦃꦲꦏꦺꦩꦫꦁ꧊ꦩꦸꦱ꧉​

^36:4 ꦠꦸꦏꦁꦠꦸꦏꦁꦱꦶꦁꦭꦒꦶꦥꦝꦚꦩ꧀ꦧꦸꦠ꧀ꦒꦮꦺꦩꦲꦸ꧈​

^36:5 ꦧꦚ꧀ꦗꦸꦂꦥꦝꦭꦥꦸꦂꦩꦫꦁ꧊ꦩꦸꦱ꧈​"ꦧꦫꦁꦧꦫꦁꦲꦶꦁꦏꦁꦏꦥꦶꦱꦸꦁꦱꦸꦁꦔꦏꦼꦤ꧀ꦠꦶꦪꦁꦠꦶꦪꦁꦩꦼꦤꦶꦏꦱꦩ꧀ꦥꦸꦤ꧀ꦔ꧀ꦭꦁꦏꦸꦁꦔꦶꦏꦧꦼꦠꦃꦲꦤ꧀ꦤꦶꦥꦸꦤ꧀ꦲꦶꦁꦏꦁꦏꦝꦮꦸꦃꦲꦏꦼꦤ꧀ꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃ꧉"​

^36:6 ꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴꦮꦺꦴꦁꦮꦺꦴꦁꦏꦧꦺꦃ꧈​ꦪꦺꦤ꧀ꦮꦶꦱ꧀ꦲꦺꦴꦫꦱꦸꦱꦃꦔ꧀ꦒꦮꦥꦶꦱꦸꦁꦱꦸꦁꦩꦼꦤꦺꦃꦏꦁꦒꦺꦴꦏꦺꦩꦃꦱꦸꦕꦶ꧈​ꦢꦢꦶꦮꦺꦴꦁꦮꦺꦴꦁꦧꦚ꧀ꦗꦸꦂꦲꦺꦴꦫꦔ꧀ꦒꦮꦥꦶꦱꦸꦁꦱꦸꦁꦩꦼꦤꦺꦃ꧉​

^36:7 ꦧꦫꦁꦧꦫꦁꦱꦶꦁꦢꦶꦱꦲꦺꦴꦱ꧀ꦱꦏꦺꦏꦁꦒꦺꦴꦔꦿꦩ꧀ꦥꦸꦁꦔꦏꦺꦥꦼꦒꦮꦺꦪꦤ꧀ꦏꦸꦮꦶꦱ꧀ꦠꦸꦫꦃꦠꦸꦫꦃ꧉​

^36:8 ꦲꦶꦁꦲꦤ꧀ꦠꦫꦤꦺꦥꦫꦠꦸꦏꦁꦱꦶꦁꦥꦝꦔ꧀ꦒꦫꦥ꧀ꦥꦼꦒꦮꦺꦪꦤ꧀ꦏꦸ꧈​ꦲꦤꦱꦶꦁꦥꦿꦶꦒꦼꦭ꧀ꦧꦔꦼꦠ꧀ꦒꦮꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦏꦺꦩꦃꦩꦲꦸꦥꦝꦢꦶꦒꦮꦺꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦼꦥꦸꦭꦸꦃꦥꦺꦴꦠꦺꦴꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦧꦚ꧀ꦗꦸꦂꦢꦶꦱꦸꦭꦩ꧀ꦔꦁꦒꦺꦴꦒꦩ꧀ꦧꦂꦏꦼꦫꦸꦧ꧀ꦔꦁꦒꦺꦴꦱ꧀ꦮꦶꦮꦶ꧉​

^36:9 ꦱꦧꦼꦤ꧀ꦥꦺꦴꦠꦺꦴꦁꦔꦤ꧀ꦲꦸꦏꦸꦂꦫꦤ꧀ꦤꦺꦥꦝ;ꦢꦮꦭꦤ꧀ꦲꦩ꧀ꦧꦤꦺꦫꦺꦴꦁꦩꦺꦠꦼꦂ꧉​

^36:10 ꦱꦶꦁꦭꦶꦩꦁꦥꦺꦴꦠꦺꦴꦁꦥꦝꦢꦶꦱꦩ꧀ꦧꦸꦁꦢꦢꦶꦱꦶꦗꦶ꧈​ꦩꦼꦁꦏꦺꦴꦤꦺꦴꦲꦸꦒꦱꦶꦁꦭꦶꦩꦁꦥꦺꦴꦠꦺꦴꦁꦭꦶꦪꦤꦺ꧉​

^36:11 ꦤꦸꦭꦶꦒꦮꦺꦠꦭꦶꦏꦺꦴꦭꦺꦴꦁꦔꦤ꧀ꦱꦏꦏꦲꦶꦤ꧀ꦧꦶꦫꦸꦏꦲꦼꦠꦿꦥ꧀ꦥꦏꦺꦲꦶꦁꦥꦶꦁꦒꦶꦂꦱꦶꦱꦶꦃꦚ꧀ꦗꦧ꧉​

^36:12 ꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦏꦲꦼꦠꦿꦥ꧀ꦥꦏꦺꦲꦶꦁꦏꦲꦶꦤ꧀ꦱꦶꦁꦱꦶꦗꦶ꧈​ꦩꦼꦁꦏꦺꦴꦤꦺꦴꦲꦸꦒꦲꦶꦁꦏꦲꦶꦤ꧀ꦥꦸꦁꦏꦱ꧀ꦱꦤ꧀ꦥꦺꦫꦁꦔꦤ꧀ꦭꦶꦪꦤꦺ꧈​ꦔꦤ꧀ꦠꦶꦥꦝꦲꦝꦼꦥ꧀ꦲꦝꦼꦥ꧀ꦥꦤ꧀꧉​

^36:13 ꦮꦺꦴꦁꦮꦺꦴꦁꦩꦲꦸꦥꦝꦒꦮꦺꦏꦺꦴꦭꦺꦴꦁꦔꦤ꧀ꦲꦼꦩꦱ꧀ꦱꦺꦏꦼꦠ꧀ꦲꦶꦗꦶꦏꦁꦒꦺꦴꦔ꧀ꦒꦤ꧀ꦝꦺꦁꦫꦺꦴꦁꦥꦺꦫꦁꦔꦤ꧀ꦩꦲꦸ꧉​

^36:14 ꦧꦚ꧀ꦗꦸꦂꦥꦝꦒꦮꦺꦥꦪꦺꦴꦤ꧀ꦤꦶꦁꦏꦺꦩꦃꦱꦏꦏꦲꦶꦤ꧀ꦮꦸꦭꦸꦮꦼꦝꦸꦱ꧀ꦧꦺꦫꦺꦴꦏ꧀ꦱꦼꦮꦼꦭꦱ꧀ꦥꦺꦴꦠꦺꦴꦁ꧉​

^36:15 ꦱꦧꦼꦤ꧀ꦥꦺꦴꦠꦺꦴꦁꦲꦸꦏꦸꦂꦫꦤ꧀ꦤꦺꦥꦝ꧈​ꦢꦮꦤꦺꦠꦼꦭꦸꦭꦱ꧀ꦩꦺꦠꦼꦂ꧈​ꦢꦺꦤꦺꦲꦩ꧀ꦧꦤꦺꦫꦺꦴꦁꦩꦺꦠꦼꦂ꧉​

^36:16 ꦱꦶꦁꦭꦶꦩꦁꦥꦺꦴꦠꦺꦴꦁꦢꦶꦗꦲꦶꦠ꧀ꦢꦢꦶꦱꦥꦺꦫꦁꦔꦤ꧀;ꦢꦺꦤꦺꦥꦺꦫꦁꦔꦤ꧀ꦭꦶꦪꦤꦺꦤꦼꦩ꧀ꦥꦺꦴꦠꦺꦴꦁ꧉​

^36:17 ꦮꦺꦴꦁꦮꦺꦴꦁꦩꦲꦸꦩꦱꦁꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦲꦶꦁꦥꦶꦁꦒꦶꦂꦫꦤ꧀ꦤꦶꦁꦏꦲꦶꦤ꧀ꦥꦺꦫꦁꦔꦤ꧀ꦱꦶꦁꦏꦥꦶꦱꦤ꧀ꦱꦂꦠꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦲꦶꦁꦥꦶꦁꦒꦶꦂꦫꦤ꧀ꦤꦶꦁꦥꦺꦫꦁꦔꦤ꧀ꦱꦶꦁꦏꦥꦶꦤ꧀ꦝꦺꦴ꧉​

^36:18 ꦧꦚ꧀ꦗꦸꦂꦢꦶꦒꦮꦺꦏꦺꦴꦭꦺꦴꦁꦔꦤ꧀ꦱꦺꦏꦼꦠ꧀ꦲꦶꦗꦶꦱꦏꦥꦿꦸꦁꦒꦸꦏꦁꦒꦺꦴꦚꦩ꧀ꦧꦸꦁꦥꦺꦫꦁꦔꦤ꧀ꦭꦺꦴꦫꦺꦴꦩꦲꦸ꧈​ꦱꦸꦥꦪꦢꦢꦶꦥꦪꦺꦴꦤ꧀ꦱꦶꦗꦶ꧉​

^36:19 ꦧꦚ꧀ꦗꦸꦂꦥꦝꦒꦮꦺꦥꦪꦺꦴꦤ꧀ꦭꦺꦴꦫꦺꦴꦭꦶꦪꦤꦺ꧈​ꦱꦶꦁꦱꦶꦗꦶꦱꦏꦭꦸꦭꦁꦮꦼꦝꦸꦱ꧀ꦧꦺꦫꦺꦴꦏ꧀ꦭꦤꦁꦱꦶꦁꦢꦶꦥꦸꦭꦱ꧀ꦲꦧꦁ꧈​ꦢꦺꦤꦺꦭꦶꦪꦤꦺꦱꦏꦭꦸꦭꦁꦲꦭꦸꦱ꧀ꦏꦁꦒꦺꦴꦠꦸꦠꦸꦥ꧀ꦲꦶꦁꦚ꧀ꦗꦧ꧉​

^36:20 ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦥꦝꦒꦮꦺꦧꦭꦸꦁꦔꦤ꧀ꦤꦶꦁꦏꦺꦩꦃꦱꦏꦧ꧀ꦭꦧꦒ꧀ꦏꦪꦸꦲꦏꦱꦶꦪꦩꦶꦤꦁꦏꦕꦒꦏ꧀ꦱꦶꦁꦔꦢꦼꦒ꧀ꦗꦼꦗꦼꦒ꧀꧉​

^36:21 ꦱꦧꦼꦤ꧀ꦧ꧀ꦭꦧꦒ꧀ꦝꦸꦮꦸꦂꦫꦺꦥꦠꦁꦩꦺꦠꦼꦂꦱꦂꦠꦲꦩ꧀ꦧꦤꦺꦱꦼꦮꦶꦢꦏ꧀ꦤꦼꦩ꧀ꦱꦺꦤ꧀ꦠꦶꦩꦺꦠꦼꦂ꧈​

^36:22 ꦏꦤ꧀ꦛꦶꦧ꧀ꦭꦤ꧀ꦢꦂꦱꦼꦥꦱꦁꦏꦁꦒꦺꦴꦔ꧀ꦒꦤ꧀ꦝꦺꦁꦧ꧀ꦭꦧꦒ꧀ꦧ꧀ꦭꦧꦒ꧀ꦩꦲꦸ꧉​ꦱꦧꦼꦤ꧀ꦧ꧀ꦭꦧꦒ꧀ꦲꦤꦧ꧀ꦭꦤ꧀ꦢꦂꦫꦺꦱꦶꦁꦥꦝꦫꦸꦥꦤꦺ꧉​

^36:23 ꦮꦺꦴꦁꦮꦺꦴꦁꦩꦲꦸꦥꦝꦒꦮꦺꦧ꧀ꦭꦧꦒ꧀ꦫꦺꦴꦁꦥꦸꦭꦸꦃꦏꦁꦒꦺꦴꦏꦺꦩꦃꦱꦶꦱꦶꦃ꧊ꦏꦶꦢꦸꦭ꧀꧈​

^36:24 ꦱꦂꦠꦲꦸꦩ꧀ꦥꦏ꧀ꦱ꧀ꦭꦏꦥꦠꦁꦥꦸꦭꦸꦃꦢꦶꦱꦺꦭꦺꦃꦲꦏꦺꦲꦶꦁꦱꦔꦶꦱꦺꦴꦂꦫꦺ;ꦱꦧꦼꦤ꧀ꦧ꧀ꦭꦧꦒ꧀ꦲꦸꦩ꧀ꦥꦏ꧀ꦏꦺꦭꦺꦴꦫꦺꦴꦏꦁꦒꦺꦴꦚꦁꦒꦧ꧀ꦭꦤ꧀ꦢꦂꦫꦺꦭꦺꦴꦫꦺꦴ꧉​

^36:25 ꦮꦺꦴꦁꦮꦺꦴꦁꦩꦲꦸꦥꦝꦒꦮꦺꦧ꧀ꦭꦧꦒ꧀ꦫꦺꦴꦁꦥꦸꦭꦸꦃꦏꦁꦒꦺꦴꦏꦺꦩꦃꦲꦶꦁꦱꦶꦱꦶꦃ꧊ꦭꦺꦴꦂ꧈​

^36:26 ꦏꦫꦺꦴꦲꦸꦩ꧀ꦥꦏ꧀ꦱ꧀ꦭꦏꦥꦠꦁꦥꦸꦭꦸꦃ꧈​ꦱꦧꦼꦤ꧀ꦧ꧀ꦭꦧꦒ꧀ꦲꦸꦩ꧀ꦥꦏ꧀ꦏꦺꦭꦺꦴꦫꦺꦴ꧉​

^36:27 ꦏꦁꦒꦺꦴꦏꦺꦩꦃꦱꦶꦱꦶꦃꦩ꧀ꦧꦸꦫꦶ꧈​ꦪꦏꦸꦮꦶꦲꦶꦁꦱꦶꦱꦶꦃ꧊ꦏꦸꦭꦺꦴꦤ꧀꧈​ꦥꦝꦒꦮꦺꦧ꧀ꦭꦧꦒ꧀ꦤꦼꦩ꧀꧈​

^36:28 ꦱꦂꦠꦧ꧀ꦭꦧꦒ꧀ꦭꦺꦴꦫꦺꦴꦲꦶꦁꦱꦧꦼꦤ꧀ꦥꦺꦴꦗꦺꦴꦏ꧀꧉​

^36:29 ꦕꦒꦏ꧀ꦕꦒꦏ꧀ꦲꦶꦁꦥꦺꦴꦗꦺꦴꦏ꧀ꦩꦲꦸꦢꦶꦢꦢꦺꦏ꧀ꦏꦏꦺꦱꦶꦗꦶꦏꦫꦺꦴꦲꦸꦩ꧀ꦥꦏ꧀ꦧꦧ꧀ꦭꦱ꧀ꦠꦼꦏꦤ꧀ꦲꦶꦁꦤ꧀ꦝꦸꦮꦸꦂ꧉​ꦲꦶꦪꦩꦼꦁꦏꦺꦴꦤꦺꦴꦲꦼꦁꦒꦺꦴꦤꦺꦒꦮꦺꦏꦫꦺꦴꦥꦶꦱꦤ꧀ꦩꦲꦸꦲꦤꦲꦶꦁꦥꦺꦴꦗꦺꦴꦏ꧀ꦭꦺꦴꦫꦺꦴ꧉​

^36:30 ꦢꦢꦶꦲꦤꦕꦒꦏ꧀ꦮꦺꦴꦭꦸꦭꦤ꧀ꦲꦸꦩ꧀ꦥꦏ꧀ꦱ꧀ꦭꦏꦤꦼꦩ꧀ꦧꦼꦭꦱ꧀꧈​ꦱꦧꦼꦤ꧀ꦕꦒꦏ꧀ꦲꦸꦩ꧀ꦥꦏ꧀ꦏꦺꦭꦺꦴꦫꦺꦴ꧉​

^36:31 ꦮꦺꦴꦁꦮꦺꦴꦁꦩꦲꦸꦥꦝꦒꦮꦺꦥꦼꦔꦼꦉꦠ꧀ꦱꦏꦏꦪꦸꦲꦏꦱꦶꦪ:ꦕꦕꦃꦲꦺꦭꦶꦩꦭꦱ꧀ꦢꦶꦠꦸꦩ꧀ꦥꦁꦔꦏꦺꦕꦒꦏ꧀ꦕꦒꦏ꧀꧈​ꦱꦧꦼꦤ꧀ꦱꦶꦱꦶꦃꦏꦺꦩꦃꦧ꧀ꦭꦤ꧀ꦢꦂꦫꦺꦭꦶꦩ꧈​

^36:32 ꦏꦁꦒꦺꦴꦱꦶꦱꦶꦃꦭꦶꦪꦭꦶꦪꦤꦺꦲꦸꦒꦭꦶꦩ꧈​ꦭꦤ꧀ꦏꦁꦒꦺꦴꦕꦒꦏ꧀ꦕꦒꦏ꧀ꦲꦶꦁꦱꦶꦱꦶꦃ꧊ꦏꦸꦭꦺꦴꦤ꧀꧈​ꦪꦏꦸꦮꦶꦱꦶꦱꦶꦃꦩ꧀ꦧꦸꦫꦶꦲꦸꦒꦭꦶꦩ꧉​

^36:33 ꦥꦼꦔꦼꦉꦠ꧀ꦲꦶꦁꦠꦼꦔꦃ꧈​ꦢꦶꦥꦱꦁꦲꦶꦁꦱꦤ꧀ꦝꦸꦮꦸꦂꦫꦺꦕꦒꦏ꧀꧉​ꦧꦭꦺꦴꦏ꧀ꦩꦲꦸꦩꦭꦁꦱꦏꦱꦶꦱꦶꦃꦊꦩꦃꦱꦶꦁ꧊ꦭꦺꦴꦂꦠꦼꦏꦤ꧀ꦱꦶꦱꦶꦃ꧊ꦏꦶꦢꦸꦭ꧀꧉​

^36:34 ꦕꦒꦏ꧀ꦕꦒꦏ꧀ꦩꦲꦸꦥꦝꦢꦶꦭꦥꦶꦱ꧀ꦱꦶꦔꦁꦒꦺꦴꦲꦼꦩꦱ꧀꧈​ꦧꦚ꧀ꦗꦸꦂꦥꦝꦢꦶꦥꦱꦁꦔꦶꦒꦼꦭꦁꦔꦤ꧀ꦲꦼꦩꦱ꧀ꦏꦁꦒꦺꦴꦚꦁꦒꦧꦭꦺꦴꦏ꧀ꦧꦭꦺꦴꦏ꧀ꦱꦶꦁꦩꦭꦁꦱꦶꦁꦲꦶꦪꦢꦶꦭꦥꦶꦱ꧀ꦱꦶꦲꦼꦩꦱ꧀꧉​

^36:35 ꦮꦺꦴꦁꦮꦺꦴꦁꦩꦲꦸꦲꦶꦪꦒꦮꦺꦒꦺꦴꦂꦝꦺꦤ꧀ꦱꦏꦏꦲꦶꦤ꧀ꦭꦺꦤꦲꦭꦸꦱ꧀꧈​ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦧꦚ꧀ꦗꦸꦂꦢꦶꦱꦸꦭꦩ꧀ꦔꦁꦒꦺꦴꦒꦩ꧀ꦧꦂꦏꦼꦫꦸꦧ꧀ꦔꦁꦒꦺꦴꦱ꧀ꦮꦶꦮꦶ꧉​

^36:36 ꦏꦁꦒꦺꦴꦚꦤ꧀ꦛꦺꦭ꧀ꦭꦏꦺꦒꦺꦴꦂꦝꦺꦤ꧀ꦩꦲꦸꦥꦝꦢꦶꦒꦮꦺꦏ꧀ꦏꦏꦺꦕꦒꦏ꧀ꦥꦥꦠ꧀ꦱꦏꦏꦪꦸꦲꦏꦱꦶꦪ꧉​ꦕꦒꦏ꧀ꦕꦒꦏ꧀ꦩꦲꦸꦲꦸꦒꦢꦶꦭꦥꦶꦱ꧀ꦱꦶꦲꦼꦩꦱ꧀꧈​ꦧꦚ꧀ꦗꦸꦂꦢꦶꦒꦤ꧀ꦝꦺꦁꦔꦁꦒꦺꦴꦕꦤ꧀ꦛꦺꦭ꧀ꦭꦤ꧀ꦲꦼꦩꦱ꧀꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦧꦚ꧀ꦗꦸꦂꦥꦝꦒꦮꦺꦲꦸꦩ꧀ꦥꦏ꧀ꦱ꧀ꦭꦏꦥꦥꦠ꧀ꦏꦁꦒꦺꦴꦚꦁꦒꦕꦒꦏ꧀ꦕꦒꦏ꧀ꦩꦲꦸ꧉​

^36:37 ꦩꦶꦤꦁꦏꦭꦮꦁꦔꦶꦁꦏꦺꦩꦃꦥꦝꦒꦮꦺꦒꦺꦴꦂꦝꦺꦤ꧀ꦱꦶꦗꦶꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦧꦚ꧀ꦗꦸꦂꦢꦶꦉꦁꦒꦔꦁꦒꦺꦴꦱꦸꦭꦩ꧀ꦩꦤ꧀꧉​

^36:38 ꦒꦺꦴꦂꦝꦺꦤ꧀ꦲꦶꦏꦶꦢꦶꦕꦤ꧀ꦛꦺꦭ꧀ꦭꦏꦺꦲꦶꦁꦕꦒꦏ꧀ꦭꦶꦩꦱꦶꦁꦢꦶꦒꦤ꧀ꦝꦺꦁꦔꦁꦒꦺꦴꦒꦼꦭꦁꦔꦤ꧀꧉​ꦒꦼꦭꦁꦔꦤ꧀ꦒꦼꦭꦁꦔꦤ꧀ꦱꦶꦁꦏꦁꦒꦺꦴꦔ꧀ꦒꦤ꧀ꦝꦺꦁꦩꦲꦸꦥꦝꦢꦶꦭꦥꦶꦱ꧀ꦱꦶꦲꦼꦩꦱ꧀꧈​ꦢꦺꦤꦺꦲꦸꦩ꧀ꦥꦏ꧀ꦏꦺꦭꦶꦩꦥꦝꦢꦶꦒꦮꦺꦱꦏꦥꦿꦸꦁꦒꦸ꧉​