Jv/Alkitab/Pangentasan/7

^7:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦲꦏꦸꦧꦏꦭ꧀ꦤ꧀ꦢꦢꦺꦏ꧀ꦏꦏꦺꦏꦺꦴꦮꦺꦏꦪꦢꦺꦤꦺꦄꦭ꧀ꦭꦃꦲꦶꦁꦔꦉꦥ꧀ꦥꦶꦁꦱꦁꦥꦿꦶꦔꦺꦴꦤ꧀꧈​ꦭꦤ꧀ꦱꦼꦢꦸꦭꦸꦂꦩꦸꦲꦫꦸꦤ꧀ꦧꦏꦭ꧀ꦒꦸꦤꦼꦩ꧀ꦩꦤ꧀ꦩꦶꦤꦁꦏꦤꦧꦶꦩꦸ꧉​

^7:2 ꦱꦫꦸꦥꦤꦶꦁꦝꦮꦸꦃꦏꦸꦏꦤ꧀ꦝꦏ꧀ꦤꦩꦫꦁꦲꦫꦸꦤ꧀꧉​ꦲꦫꦸꦤ꧀ꦥꦿꦺꦤ꧀ꦠꦃꦲꦼꦤ꧀ꦱꦸꦥꦪꦩꦠꦸꦂꦩꦫꦁꦱꦁꦥꦿꦶꦔꦺꦴꦤ꧀꧈​ꦏꦉꦧꦺꦤ꧀ꦔ꧀ꦭꦶꦭꦤꦶꦮꦺꦴꦁ꧊ꦆꦱꦿꦲꦺꦭ꧀ꦭꦸꦔꦱꦏꦠꦤꦃ꧊ꦩꦺꦱꦶꦂ꧉​

^7:3 ꦤꦁꦔꦶꦁꦲꦏꦸꦧꦏꦭ꧀ꦩꦁꦏꦺꦴꦠ꧀ꦠꦏꦺꦲꦠꦶꦤꦺꦱꦁꦥꦿꦶꦔꦺꦴꦤ꧀꧈​ꦠꦼꦩꦃꦝꦺꦮꦺꦏ꧀ꦤꦺꦧꦏꦭ꧀ꦲꦺꦴꦫꦔꦿꦸꦔꦺꦴꦏ꧀ꦏꦏꦺꦲꦠꦸꦂꦩꦸ꧈​ꦱꦼꦤꦗꦤ꧀ꦲꦏꦸꦔꦤ꧀ꦠꦶꦤꦼꦏꦏ꧀ꦏꦏꦺꦏꦱꦁꦱꦫꦤ꧀ꦒꦼꦝꦺ꧉​

^7:4 ꦩꦸꦭꦤꦺ꧊ꦩꦺꦱꦶꦂꦧꦏꦭ꧀ꦢꦏ꧀ꦲꦸꦏꦸꦩ꧀ꦔꦁꦒꦺꦴꦮꦼꦮꦼꦭꦏ꧀ꦮꦼꦮꦼꦭꦏ꧀ꦱꦶꦁꦲꦧꦺꦴꦠ꧀꧈​ꦧꦚ꧀ꦗꦸꦂ꧊ꦆꦱꦿꦲꦺꦭ꧀ꦏꦧꦺꦃ꧈​ꦲꦸꦩꦠ꧀ꦏꦸ꧈​ꦧꦏꦭ꧀ꦢꦏ꧀ꦲꦶꦫꦶꦢ꧀ꦩꦼꦠꦸꦱꦏꦲꦶꦁꦤꦼꦒꦫꦏꦺꦴꦤꦺꦴ꧉​

^7:5 ꦮꦺꦴꦁ꧊ꦩꦺꦱꦶꦂꦧꦏꦭ꧀ꦮꦼꦫꦸꦃ꧈​ꦪꦺꦤ꧀ꦲꦏꦸꦲꦶꦏꦶꦄꦭ꧀ꦭꦃ꧈​ꦱꦩꦱꦲꦏꦸꦔꦸꦏꦸꦩ꧀ꦝꦺꦮꦺꦏ꧀ꦤꦺꦱꦂꦠꦔꦶꦫꦶꦢ꧀ꦧꦁꦱ꧊ꦆꦱꦿꦲꦺꦭ꧀ꦩꦼꦠꦸꦱꦏꦲꦶꦁꦤꦼꦒꦫꦤꦺ꧉"​

^7:6 ꧊ꦩꦸꦱꦭꦤ꧀ꦲꦫꦸꦤ꧀ꦤꦶꦤ꧀ꦢꦏ꧀ꦏꦏꦺꦱꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃ꧉​

^7:7 ꦤꦭꦶꦏꦥꦝꦱꦺꦴꦮꦤ꧀ꦱꦁꦥꦿꦶꦔꦺꦴꦤ꧀ꦩꦲꦸ꧈​ꦲꦸꦩꦸꦂꦫꦺ꧊ꦩꦸꦱ80ꦠꦲꦸꦤ꧀ꦭꦤ꧀ꦲꦫꦸꦤ꧀83ꦠꦲꦸꦤ꧀꧉​

^7:8 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀꧈​

^7:9 "ꦩꦼꦤꦮꦱꦁꦥꦿꦶꦔꦺꦴꦤ꧀ꦚ꧀ꦗꦭꦸꦏ꧀ꦱꦸꦥꦪꦏꦺꦴꦮꦺꦒꦮꦺꦏꦲꦺꦭꦺꦴꦏ꧀ꦏꦤ꧀ꦩꦶꦤꦁꦏꦧꦸꦏ꧀ꦠꦶ꧈​ꦲꦫꦸꦤ꧀ꦏꦺꦴꦤ꧀ꦤꦼꦤ꧀ꦚ꧀ꦗꦸꦥꦸꦏ꧀ꦠꦼꦏꦼꦤꦺꦱꦂꦠꦔꦸꦚ꧀ꦕꦭ꧀ꦤꦲꦶꦁꦔꦉꦥ꧀ꦥꦶꦁꦱꦁꦥꦿꦶꦔꦺꦴꦤ꧀꧉​ꦠꦼꦏꦼꦤ꧀ꦩꦲꦸꦧꦏꦭ꧀ꦩꦭꦶꦃꦢꦢꦶꦲꦸꦭ꧉"​

^7:10 ꧊ꦩꦸꦱꦭꦤ꧀ꦲꦫꦸꦤ꧀ꦧꦚ꧀ꦗꦸꦂꦱꦺꦴꦮꦤ꧀ꦱꦁꦥꦿꦶꦔꦺꦴꦤ꧀ꦱꦂꦠꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦒꦸꦱ꧀ꦠꦶꦄꦭ꧀ꦭꦃ꧉​ꦲꦫꦸꦤ꧀ꦔꦸꦚ꧀ꦕꦭ꧀ꦭꦏꦺꦠꦼꦏꦼꦤꦺꦲꦤꦲꦶꦁꦔꦂꦱꦤꦺꦱꦁꦥꦿꦶꦔꦺꦴꦤ꧀ꦭꦤ꧀ꦥꦫꦥꦼꦁꦒꦼꦝꦺ꧈​ꦠꦼꦏꦼꦤ꧀ꦩꦲꦸꦤꦸꦭꦶꦩꦭꦶꦃꦢꦢꦶꦲꦸꦭ꧉​

^7:11 ꦱꦁꦥꦿꦶꦔꦺꦴꦤ꧀ꦧꦚ꧀ꦗꦸꦂꦤꦶꦩ꧀ꦧꦭ꧀ꦭꦶꦮꦺꦴꦁꦮꦺꦴꦁꦱꦶꦁꦥꦶꦤ꧀ꦠꦼꦂꦭꦤ꧀ꦥꦫꦲꦃꦲ꧀ꦭꦶꦱꦶꦲꦶꦂ;ꦮꦺꦴꦁꦮꦺꦴꦁꦩꦲꦸꦧꦚ꧀ꦗꦸꦂꦤꦶꦤ꧀ꦢꦏ꧀ꦏꦏꦺꦩꦼꦁꦏꦺꦴꦤꦺꦴꦲꦸꦒꦱꦿꦤꦗꦥꦩꦤ꧀ꦠꦿꦤꦺ꧉​

^7:12 ꦮꦺꦴꦁꦮꦺꦴꦁꦏꦸꦮꦶꦥꦝꦔꦸꦚ꧀ꦕꦭ꧀ꦭꦏꦺꦠꦼꦏꦼꦤꦺꦲꦶꦁꦊꦩꦃꦭꦤ꧀ꦠꦼꦏꦼꦤ꧀ꦠꦼꦏꦼꦤ꧀ꦩꦲꦸꦲꦶꦪꦩꦭꦶꦃꦢꦢꦶꦲꦸꦭ꧈​ꦤꦁꦔꦶꦁꦠꦼꦏꦼꦤ꧀ꦠꦼꦏꦼꦤ꧀ꦩꦲꦸꦧꦚ꧀ꦗꦸꦂꦢꦶꦲꦸꦤ꧀ꦠꦭ꧀ꦢꦺꦤꦶꦁꦠꦼꦏꦼꦤꦺꦲꦫꦸꦤ꧀꧉​

^7:13 ꦱꦼꦤꦗꦤ꧀ꦩꦼꦁꦏꦺꦴꦤꦺꦴꦱꦁꦥꦿꦶꦔꦺꦴꦤ꧀ꦠꦼꦠꦼꦥ꧀ꦩꦁꦏꦺꦴꦠ꧀ꦠꦏꦺꦒꦭꦶꦃꦲꦺꦭꦤ꧀ꦲꦺꦴꦫꦏꦼꦂꦱꦩꦶꦉꦁꦔꦏꦺꦲꦠꦸꦂꦫꦺ꧊ꦩꦸꦱꦭꦤ꧀ꦲꦫꦸꦤ꧀꧈​ꦕꦺꦴꦕꦺꦴꦒ꧀ꦏꦫꦺꦴꦱꦶꦁꦢꦶꦔꦤ꧀ꦢꦶꦏꦏ꧀ꦏꦏꦺꦄꦭ꧀ꦭꦃ꧉​

^7:14 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦱꦁꦥꦿꦶꦔꦺꦴꦤ꧀ꦏꦸꦮꦶꦮꦁꦏꦺꦴꦠ꧀ꦲꦠꦶꦤꦺ;ꦲꦺꦴꦫꦒꦼꦊꦩ꧀ꦔ꧀ꦭꦶꦭꦤꦶꦭꦸꦔꦧꦁꦱ꧊ꦆꦱꦿꦲꦺꦭ꧀꧉​

^7:15 ꦩꦸꦭꦤꦺꦱꦺꦴꦮꦤ꧀ꦤꦲꦶꦁꦮꦪꦃꦲꦺꦱꦸꦏ꧀꧈​ꦱꦩꦱꦫꦗꦩꦲꦸꦲꦤꦲꦶꦁꦧꦼꦔꦮꦤ꧀꧊ꦤꦶꦭ꧀꧉​ꦠꦼꦏꦼꦤ꧀ꦱꦶꦁꦩꦭꦶꦃꦢꦢꦶꦲꦸꦭꦩꦲꦸꦒꦮꦤꦼꦤ꧀ꦱꦂꦠꦤꦸꦁꦒꦺꦴꦤ꧀ꦤꦤꦲꦶꦁꦥꦶꦁꦒꦶꦂꦏꦭꦶ꧉​

^7:16 ꦩꦠꦸꦂꦫꦩꦫꦁꦫꦗꦩꦲꦸ꧈​‘ꦥꦔꦺꦫꦤ꧀ꦲꦭ꧀ꦭꦃꦲꦶꦥꦸꦤ꧀ꦠꦶꦪꦁ꧊ꦆꦧꦿꦤꦶ꧈​ꦔꦸꦠꦸꦱ꧀ꦏꦸꦭꦱꦸꦥꦢꦺꦴꦱ꧀ꦩꦠꦸꦂꦝꦠꦼꦁꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦲꦔ꧀ꦭꦶꦭꦤꦶꦲꦸꦩꦠ꧀꧊ꦆꦱꦿꦲꦺꦭ꧀ꦏꦺꦱꦃꦔꦧꦼꦏ꧀ꦠꦶꦝꦠꦼꦁꦥꦔꦺꦫꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦲꦫꦲꦫꦱꦩꦸꦤ꧀꧉​ꦔꦤ꧀ꦠꦺꦴꦱ꧀ꦢꦸꦩꦸꦒꦶꦱꦩꦁꦏꦺꦥꦚ꧀ꦗꦼꦤꦼꦁꦔꦤ꧀ꦩ꧀ꦧꦺꦴꦠꦼꦤ꧀ꦏꦼꦂꦱꦩꦶꦪꦂꦱꦏ꧀ꦏꦏꦼꦤ꧀꧉​

^7:17 ꦱꦩꦁꦏꦺꦥꦔꦺꦫꦤ꧀ꦄꦭ꧀ꦭꦃꦲꦶꦁꦏꦁꦩꦲꦩꦸꦭꦾꦔꦤ꧀ꦢꦶꦏ꧈​ꦧꦶꦭꦶꦃꦥꦚ꧀ꦗꦼꦤꦼꦁꦔꦤ꧀ꦧꦝꦺꦥꦶꦂꦱꦱꦶꦤ꧀ꦠꦼꦤ꧀ꦒꦸꦱ꧀ꦠꦶꦄꦭ꧀ꦭꦃꦩꦼꦤꦶꦏ꧈​ꦱꦿꦤꦊꦭꦩ꧀ꦥꦃꦲꦤ꧀ꦲꦶꦁꦏꦁꦧꦝꦺꦏꦠꦶꦤ꧀ꦢꦏ꧀ꦏꦏꦼꦤ꧀꧉​ꦥꦚ꧀ꦗꦼꦤꦼꦁꦔꦤ꧀ꦥꦶꦂꦱꦤꦶ꧈​ꦠꦼꦏꦼꦤ꧀ꦩꦼꦤꦶꦏꦧꦝꦺꦏꦸꦭꦱꦧꦼꦠ꧀ꦠꦏꦼꦤ꧀ꦲꦶꦁꦠꦺꦴꦪꦤꦶꦁꦧꦼꦔꦮꦤ꧀꧊ꦤꦶꦭ꧀꧈​ꦱꦏꦭ꧀ꦭꦠꦺꦴꦪꦤꦶꦥꦸꦤ꧀ꦧꦝꦺꦩꦭꦶꦃꦢꦢꦺꦴꦱ꧀ꦫꦃ꧉​

^7:18 ꦲꦸꦭꦩ꧀ꦲꦸꦭꦩ꧀ꦧꦝꦺꦥꦼꦗꦃ꧈​ꦱꦲꦏꦭꦶꦩꦼꦤꦶꦏꦲꦩ꧀ꦧꦼꦠ꧀ꦠꦶꦥꦸꦤ꧀ꦧꦝꦺꦧꦕꦶꦤ꧀꧈​ꦔꦤ꧀ꦠꦺꦴꦱ꧀ꦧꦁꦱ꧊ꦩꦺꦱꦶꦂꦩ꧀ꦧꦺꦴꦠꦼꦤ꧀ꦧꦝꦺꦱꦒꦼꦢ꧀ꦔꦺꦴꦩ꧀ꦧꦺꦠꦺꦴꦪꦤꦶꦁꦏꦭꦶ꧉’"​

^7:19 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦲꦫꦸꦤ꧀ꦏꦺꦴꦤ꧀ꦤꦼꦤ꧀ꦚ꧀ꦗꦸꦥꦸꦏ꧀ꦠꦼꦏꦼꦤꦺꦱꦂꦠꦏꦺꦴꦤ꧀ꦤꦼꦤ꧀ꦔꦕꦸꦁꦔꦏꦺꦲꦶꦁꦧꦚꦸꦤꦶꦁꦏꦭꦶ꧈​ꦲꦶꦁꦏꦭꦺꦤ꧀ꦏꦭꦺꦤ꧀ꦭꦤ꧀ꦲꦶꦁꦧ꧀ꦭꦸꦩ꧀ꦧꦁꦧ꧀ꦭꦸꦩ꧀ꦧꦁꦲꦶꦁ꧊ꦩꦺꦱꦶꦂ꧉​ꦧꦚꦸꦤꦺꦧꦏꦭ꧀ꦩꦭꦶꦃꦢꦢꦶꦒꦼꦠꦶꦃ꧈​ꦭꦤ꧀ꦲꦶꦁꦱꦤꦼꦒꦫ꧊ꦩꦺꦱꦶꦂꦏꦧꦺꦃꦲꦶꦁꦠꦺꦴꦁꦠꦺꦴꦁꦏꦪꦸꦭꦤ꧀ꦲꦶꦁꦥꦼꦔꦫꦺꦴꦤ꧀ꦮꦠꦸꦱꦏꦺꦃꦲꦺꦧꦚꦸꦧꦏꦭ꧀ꦩꦭꦶꦃꦢꦢꦶꦒꦼꦠꦶꦃ꧉"​

^7:20 ꧊ꦩꦸꦱꦭꦤ꧀ꦲꦫꦸꦤ꧀ꦔꦺꦱ꧀ꦠꦺꦴꦏ꧀ꦏꦏꦺꦱꦝꦮꦸꦃꦲꦺꦄꦭ꧀ꦭꦃ꧉​ꦲꦶꦁꦔꦉꦥ꧀ꦥꦺꦱꦁꦥꦿꦶꦔꦺꦴꦤ꧀ꦭꦤ꧀ꦥꦫꦥꦼꦁꦒꦼꦝꦺ꧈​ꦲꦫꦸꦤ꧀ꦔꦕꦸꦁꦔꦏꦺꦠꦼꦏꦼꦤꦺꦤꦸꦭꦶꦢꦶꦱꦧꦼꦠ꧀ꦠꦏꦺꦲꦶꦁꦧꦚꦸꦤꦺꦧꦼꦔꦮꦤ꧀꧊ꦤꦶꦭ꧀꧉​ꦧꦚꦸꦱꦶꦁꦲꦤꦏꦭꦶꦏꦧꦺꦃꦧꦚ꧀ꦗꦸꦂꦩꦭꦶꦃꦢꦢꦶꦒꦼꦠꦶꦃ꧉​

^7:21 ꦲꦶꦮꦏ꧀ꦲꦶꦮꦏ꧀ꦲꦶꦁꦚ꧀ꦗꦼꦫꦺꦴꦏꦭꦶꦏꦺꦴꦤꦺꦴꦥꦝꦩꦠꦶ꧈​ꦭꦤ꧀ꦲꦩ꧀ꦧꦸꦤꦺꦏꦭꦶꦢꦢꦶꦧꦕꦶꦤ꧀ꦧꦔꦼꦠ꧀;ꦱꦿꦤꦩꦼꦁꦏꦺꦴꦤꦺꦴꦮꦺꦴꦁ꧊ꦩꦺꦱꦶꦂꦲꦺꦴꦫꦧꦶꦱꦔꦺꦴꦩ꧀ꦧꦺꦧꦚꦸꦤꦺꦏꦭꦶꦩꦲꦸ꧉​ꦱꦠꦤꦃ꧊ꦩꦺꦱꦶꦂꦏꦧꦺꦃꦏꦼꦧꦏ꧀ꦒꦼꦠꦶꦃ꧉​

^7:22 ꦤꦁꦔꦶꦁꦥꦫꦲꦃꦲ꧀ꦭꦶꦱꦶꦲꦶꦂꦤꦶꦤ꧀ꦢꦏ꧀ꦏꦏꦺꦩꦼꦁꦏꦺꦴꦤꦺꦴꦲꦸꦒꦱꦿꦤꦗꦥꦩꦤ꧀ꦠꦿꦤꦺ꧈​ꦠꦼꦩꦃꦲꦤ꧀ꦱꦁꦥꦿꦶꦔꦺꦴꦤ꧀ꦠꦼꦠꦼꦥ꧀ꦩꦁꦏꦺꦴꦠ꧀ꦠꦏꦺꦒꦭꦶꦃꦲꦺ꧉​ꦥꦚ꧀ꦗꦼꦤꦼꦁꦔꦤ꧀ꦤꦺꦲꦺꦴꦫꦩꦶꦪꦂꦱꦏ꧀ꦏꦏꦺꦲꦠꦸꦂꦫꦺ꧊ꦩꦸꦱꦭꦤ꧀ꦲꦫꦸꦤ꧀꧈​ꦏꦪꦱꦶꦁꦮꦶꦱ꧀ꦢꦶꦔꦤ꧀ꦢꦶꦏꦏ꧀ꦏꦏꦺꦢꦺꦤꦶꦁꦄꦭ꧀ꦭꦃ꧉​

^7:23 ꦱꦁꦥꦿꦶꦔꦺꦴꦤ꧀ꦧꦚ꧀ꦗꦸꦂꦩꦶꦔꦼꦂꦏꦺꦴꦤ꧀ꦢꦸꦂꦩꦼꦚꦁꦏꦼꦝꦠꦺꦴꦤ꧀ꦭꦤ꧀ꦲꦺꦴꦫꦩꦲꦺꦭꦸꦩꦫꦁꦥꦽꦏꦫꦩꦲꦸ꧉​

^7:24 ꦱꦫꦺꦃꦤꦺꦧꦚꦸꦏꦭꦶꦲꦺꦴꦫꦏꦼꦤꦢꦶꦲꦺꦴꦩ꧀ꦧꦺ꧈​ꦩꦸꦭꦤꦺꦮꦺꦴꦁ꧊ꦩꦺꦱꦶꦂꦏꦧꦺꦃꦥꦝꦤ꧀ꦝꦸꦝꦸꦏ꧀ꦊꦩꦃꦱꦏꦶꦮꦠꦼꦔꦼꦤ꧀ꦤꦺꦏꦭꦶꦒꦺꦴꦭꦺꦏ꧀ꦧꦚꦸꦏꦁꦒꦺꦴꦔꦺꦴꦩ꧀ꦧꦺ꧉​

^7:25 ꦏꦁꦩꦼꦁꦏꦺꦴꦤꦺꦴꦩꦲꦸꦔꦤ꧀ꦠꦶꦥꦶꦠꦸꦁꦢꦶꦤꦱꦸꦮꦺꦤꦺ꧈​ꦱꦮꦶꦱ꧀ꦱꦺꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦃꦲꦶꦮꦼꦮꦼꦭꦏ꧀ꦩꦫꦁꦧꦼꦔꦮꦤ꧀꧊ꦤꦶꦭ꧀꧉​