Libro de Mormon - Alma - Capitulo 4
Alma baptisa milles de conversos – Le iniquitate entra in le ecclesia e le progresso del ecclesia es impedite - Nephiah es nominate judice supreme - Alma, como summe sacerdote, se dedica al ministerio. Circa 86 - 83 a.C.
Alma 4:1 E adveniva que in le sexte anno del regno del judices sur populo de Nephi non habeva ni contentiones ni guerras in le pais de Zarahemla.
Alma 4:2 Ma le populo esseva affligite, si, grandemente affligite per le perdita de lor fratres e anque per le perdita de lor greges e anque per le perdita de lor campos de cereal, que habeva essite calcate e destruite per le Lamanitas.
Alma 4:3 E assi grande esseva lor afflictiones que omne anima habeva ration de lamentar se; e illes credeva que esseva le judicios de Deo mandate supra illes a causa de lor perversitate e abominationes; ergo se eveliava in illes le senso del deber.
Alma 4:4 E illes comenciava a restabilir le ecclesia plus completemente; si, e multes esseva baptisate in le aquas de Sidon e illes esseva reunite al ecclesia de Deo; si, illes esseva baptisate per mano de Alma, que habeva essite consecrate summe sacerdote del populo del ecclesia per mano de su patre Alma.
Alma 4:5 E adveniva que in le septime anno del regno del judices circa tres mille cinque centos animas se univa al ecclesia de Deo e illes esseva baptisate. E assi finiva le septime anno del regno del judices sur populo de Nephi; e habeva pace continua per tote celle tempore.
Alma 4:6 E adveniva, in le octave anno del regno del judices, que le populo del ecclesia comenciava a inorgoliar se a causa de lor immense ricchessas, de lor belle setas, de lor fin texitos, e a causa de lor multe greges, e de lor auro, argento e omne sorta de cosas preciose que illes habeva obtenite per medio de lor laboriositate; e in tote istas cosas illes se elevava in le orgolio de lor oculos, perque illes comenciava a usar vestes multo costose.
Alma 4:7 Nunc, isto esseva causa de grande affliction pro Alma, si, e pro multe del personas que Alma habeva consecrate como maestros, sacerdotes e ancianos in le ecclesia; si, multe de illes esseva dolorosemente affligite per le perversitate que, illes videva, habeva comenciate a haber inter lor populo.
Alma 4:8 perque illes videva e observava con grande dolor que le populo del ecclesia comenciava a elevar se in le orgolio de lor oculos e a mitter lor corde in ricchessas e in cosas van del mundo; illes comenciava a minuspreciar se le unes al alteres e illes comenciava a persequer qui non credeva secundo lor voluntate e lor placer.
Alma 4:9 E assi, in iste octave anno del regno del judices, comenciava a haber grande contentiones inter le populo del ecclesia; si, habeva invidias, luctas, malignitates, persecutiones e orgolio, usque a ultrapassar le orgolio del qui non pertineva al ecclesia de Deo.
Alma 4:10 E assi finiva le octave anno del regno del judices; e le perversitate del ecclesia esseva un grande petra de impinge pro qui non pertineva al ecclesia; e assi comenciava a diminuer le progresso del ecclesia.
Alma 4:11 E adveniva, al initio del none anno, que Alma videva le perversitate del ecclesia, e ille videva tamben que le exemplo del ecclesia comenciava a pulsar le incredules de un iniquitate a altere, causante assi le destruction del populo.
Alma 4:12 Si, ille videva un grande inequalitate inter le populo; alcunos que se elevava in orgolio minuspreciante le alteres, ignorante le necessitose, le denudate, le affamate, le assetate, e le malade e affligite.
Alma 4:13 Nunc, isto esseva grande causa de lamentos inter le populo, dum alteres se humiliava, succurrente qui habeva besonio de adjuta, per exemplo impartiente de lor substantias al povres e al necessitoses, nutriente le affamates e suffrente omne sorta de afflictiones per amor de Christo, que debeva venir secundo le spirito de prophetia;
Alma 4:14 E illes attendeva con anxietate celle jorno, conservante in celle modo le remission de lor peccatos, essente plenate de gaudio a motivo del resurrection del mortos, secundo le voluntate, le poter e le liberation de Jesus Christo del ligamines del morte.
Alma 4:15 e adveniva que Alma, habente vidite le afflictiones del humiles discipulos de Deo e le persecutiones que les faceva le resto del populo, e al vider tote celle inequalitate, ille comenciava a attristar se multo; nonobstante le spirito del Senior non le abandonava.
Alma 4:16 e ille seligeva un homine sage inter le ancianos del ecclesia, e ille le confereva poter, secundo le voce del populo, a fin que ille poterea haber autoritate de emanar leges conforme al leges que habeva essite date, e de mitter los in acto secundo le perversitate e le crimines del populo.
Alma 4:17 Nunc le nomine de isto homine esseva Nephiah, e ille esseva nominate judice supreme; e ille sedeva sur le sede del judicio pro judicar e governar le populo.
Alma 4:18 Nunc, Alma non le confereva le officio de summe sacerdote del ecclesia, ma ille manteneva le officio de summe sacerdote pro se ipse e ille cedeva le sede del judicio a Nephiah.
Alma 4:19 E Alma faceva isto pro poter vader inter su populo, o in altere parolas inter le populo de Nephi, a predicar le parola de Deo, pro incitar les a rememorar lor deberes e pro poter abatter, per medio del parola de Deo, omne orgolio e astutia e omne contention que existeva inter su populo, non vidente ille altere modo pro poter les recuperar, salvo con le fortia de un pur testimonio contra illes.
Alma 4:20 E assi, al initio del none anno del regno del judices sur populo de Nephi, Alma cedeva le sede del judicio a Nephiah e ille se dedicava integralmente al summe sacerdotio del sancte ordine de Deo, a testimoniar le parola, secundo le spirito de revelation e de prophetia.
Capitulos:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
Libros:
Intro 1Nephi 2Nephi Jacob Enos Jarom Omni Parolas Mosiah Alma Helaman 3Nephi 4Nephi Mormon Ether Moroni