Libro de Mormon - Alma - Capitulo 10
Lehi es un descendente de Manasseh - Amulek narra su conversion - le orationes del justes face in modo que le populo sia sparniate - Advocatos e judices inique pone le base del destruction del populo. Circa 82 a.C.
Alma 10:1 Nunc iste es le parolas que Amulek predicava al populo del pais de Amonihah, dicente:
Alma 10:2 Io es Amulek filio de Giddonah, filio de Ismael, descendente de Aminadi; e esseva le mesme Aminadi que interpretava le scriptura trovate sur muro del templo, que habeva essite scribite per le digito de Deo.
Alma 10:3 E Aminadi esseva descendente de Nephi, filio de Lehi, que sortiva del pais de Jerusalem, e Lehi esseva un descendente de Manasseh, filio de Joseph que esseva vendite in Egypto per su fratres.
Alma 10:4 e io es anque un homine de non exigue reputation inter tote illes qui me cognosce; si, io ha multe parentes e amicos, e io ha anque acquirite multe ricchessas gratias a mi laboriositate.
Alma 10:5 Nonobstante toto, io non ha jammais cognoscite multo del vias del Senior, de su mysterios e de su poter meraviliose. Io diceva que io non ha jammais cognoscite multo de iste cosas; ma io errava, perque in effecto io ha vidite multe de su mysterios e de su poter meraviliose pro preservar le vita de iste populo.
Alma 10:6 Nonobstante io indurava mi corde, perque io esseva appellate multe vices, ma io non voleva audir; ergo io cognosceva iste cosas e totevia io non voleva saper los; ergo io continuava a rebellar me contra Deo, in le perversitate de mi corde, si, usque al quarte jorno de iste septime mense, del decime anno del regno del judices.
Alma 10:7 E dum io viagiava pro visitar un parente multo stricte, un angelo del Senior me appareva e me diceva: Amulek, torna a tu casa, perque tu debe nutrir un propheta del Senior; si, un sancte homine seligite per Deo; perque ille ha jejunate multe jornos per le peccatos de iste populo, e ille es affamate; tu le recipera in tu casa e tu le nutrira, e ille benedicera te e tu casa; e le benediction del Senior restara supra te e tu casa.
Alma 10:8 E adveniva que io obediva al voce del angelo, e io tornava verso mi casa. E dum io camminava, io trovava le homine del qual le angelo me habeva dicite: tu le recipera in tu casa - e ille es le mesme homine que vos ha parlate circa le cosas de Deo.
Alma 10:9 E le angelo me diceva que ille es un sancte homine; ergo io sape que ille es un sancte homine, perque assi me esseva declarate per un angelo de Deo.
Alma 10:10 E de nove, io sape que le cosas que ille vos ha testimoniate es ver; perque io vos dice que, como le Senior vive, assi ille ha mandate su angelo pro manifestar me iste cosas; e ille lo ha facite dum iste homine, Alma, habitava in mi casa.
Alma 10:11 perque Deo ha benedicite mi casa; ille ha benedicite me, mi feminas, mi filios, mi patre e mi parentes; si, ille ha benedicite tote mi familiares, e le benediction del Senior ha restate supra nos, secundo su parolas.
Alma 10:12 e nunc, post que Amulek habeva declarate iste parolas, le populo comenciava a meraviliar se, al vider que il habeva plus de un teste que attestava le cosas del qual illes esseva accusate, e anque le cosas que debeva advenir, secundo le spirito de prophetia que esseva in illes.
Alma 10:13 Nonobstante il habeva alcunos inter illes que pensava de interrogar les, pro poter les attrappar in lor parolas per medio de astute insidias, pro poter trovar un testimonio contra illes, pro poter les consignar al judices pro esser judicate secundo le lege, e esser condemnate a morte o imprisionate, secundo le crimine que illes haberea potite simular o testimoniar contra illes.
Alma 10:14 Nunc, iste homines que cercava de destruer les esseva advocatos, qui esseva ingagiate o nominate per le populo pro administrar le lege in occasion de lor processos o in le processos del delictos del populo, ante le judices.
Alma 10:15 Nunc, iste advocatos esseva erudite in tote le artes e le astutias del mundo; illes esseva multo habile in lor profession.
Alma 10:16 E adveniva que illes comenciava a interrogar Amulek, pro poter in tal modo facer le impinger in su parolas, o in altere parolas, contradicer le parolas que ille haberea declarate.
Alma 10:17 Nunc illes non sapeva que Amulek poteva cognoscer lor designos. Nunc adveniva que quando illes comenciava a interrogar le, ille percipeva lor pensamentos e les diceva: Oh vos, generation perverse e inique, vos advocatos e hypocritas, perque vos pone le fundamento del diabolo; perque vos usa trappas e insidias pro prender le sanctos de Deo.
Alma 10:18 vos face planos pro perverter le vias del justes, e pro facer descender le ira de Deo supra vostre capite si, usque al complete destruction de iste populo.
Alma 10:19 Si, ben diceva Mosiah, nostre ultime rege, quando stava pro ceder le regno e non habeva nemo a qui conferer lo; e ille faceva in modo que iste populo se governava per su proprie voce - si, ben diceva ille que si venirea le tempore quando le voce de iste populo seligerea le iniquitate, o in altere parolas, si venirea le tempore quando iste populo caderea in transgression, alora illes esserea matur pro le destruction.
Alma 10:20 e nunc io vos dice que justemente le Senior judica vostre iniquitates; justemente ille clama a iste populo per voce de su angelos: repenti vos! repenti vos! perque le regno del celos es proxime.
Alma 10:21 Si, justemente ille clama per medio del voce de su angelos: Io descendera inter mi populo, con le equitate e le justitia in mi manos.
Alma 10:22 Si, e io vos dice que si non esseva per le orationes del justes que habita nunc in le pais, vos esserea punite desde nunc con un destruction complete; totevia isto non esserea per medio del diluvio, como adveniva al populo del tempore de Noe, ma per medio del fame, le pestilentia e le spada.
Alma 10:23 Ma es per le orationes del justes, que vos es sparniate; ergo si vos expellera le justes de inter vos, alora le Senior non detenera su mano; ma in su ardente cholera venira contra vos; e alora vos essera colpate de fame, de pestilentia e de spada; e le tempore es proxime, a minus que vos vos repenti.
Alma 10:24 e nunc adveniva que post isto, le populo esseva ancora plus incholerisate con Amulek e illes critava: iste homine ultragia nostre leges que son juste, e nostre sages doctores que nos ha seligite.
Alma 10:25 Ma Amulek extendeva su mano e critava ancora plus forte, dicente: Oh vos, generation perverse e inique, perque ha Satana tanto poter super vostre corde? perque vole vos submitter vos a ille a fin que ille pote haber poter super vos, pro cecar vostre oculos in modo de non comprender le parolas que vos son communicate, secundo le veritate?
Alma 10:26 Esque ha io testificate forsan contra vostre lege? vos non comprende; vos dice que io io ha parlate contra vostre lege; ma io non lo ha facite; io ha parlate plus tosto in favor de vostre lege, pro vostre condemnation.
Alma 10:27 e nunc io vos dice que vos comencia a poner le base del destruction de iste populo a motivo del dishonestate de vostre doctores e de vostre judices.
Alma 10:28 e nunc adveniva que quando Amulek diceva iste parolas, le populo critava contra ille, dicente: Nunc nos sape que iste homine es un filio del diabolo, perque ille nos ha mentite; perque ille ha parlate contra nostre lege e nunc dice que non lo ha facite.
Alma 10:29 E de nove ha ille insultate nostre advocatos e nostre judices.
Alma 10:30 E adveniva que le doctores pensava de rememorar iste cosas contra ille.
Alma 10:31 E habeva uno inter illes de nomine Zezrom que esseva le prime a accusar Amulek e Alma, essente ille un del plus expertos inter illes, habente ille multo prestigio inter le populo.
Alma 10:32 Nunc le objectivo de iste advocatos esseva lo de obtener lucro; pois que illes ganiava in proportion a lor ingagiamento.
Capitulos:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63
Libros:
Intro 1Nephi 2Nephi Jacob Enos Jarom Omni Parolas Mosiah Alma Helaman 3Nephi 4Nephi Mormon Ether Moroni