Святое Евангелие (эрзянь)/В/Лукань/02
| ←Глава 1. | Святое Евангеліе (1910) Лукань сёрмадовт Евангелія, глава 2. |
Глава 3.→ |
Глава 2.
1Сеть читьнестэ кесарь Август мерьсь весе мастор лаҥгсо эрицятнэнь сёрмадстомодо. 2Те сёрмадстумась ульнесь первой, кода Квиринія кармась Сиріянь кирьдеме. 3Сестэ весе мольсть сёрмадстомо, эрьва ки эсь ошозонзо. 4Мольсь истяжо сёрмадстомо Іосиф-как Галилеясто, Назарет ошсто, Іудеяс, Виѳлеем лемсэ Давидэнь ошос, — сон шачмодо ульнесь Давидэнь кудонь, родонь; 5(сон мольсь) тензэ чіязь Марія нинзэ марто, кона се шкане ульнесь пешксесэ. 6Сынст тосо ульме шкане топодсьть сонзэ шачтамо чинзэ, 7да шачтызе васень Эйкакшонзо; тапаризе сонзэ тетькеме потс да лувс путызе: сынст ведь кудос совамо таркаст арасель. 8Секе ёно паксясо ульнесть пастухт, конат стадаст вакснэ веньберк апак удок ванцть. 9Друк появась икелест Пазонь Ангел да Пазонть славазо валдомтынзе сынст. Сынь пек тандадсьть. 10Ангелсь мерьсь тенст: илядо пель: мон ёвтан теҥк покш [ 143 ]эрьгедьма,[1] коната ули весе ломатьненень: 11шечо Давидэнь ошнэ шачьсь теҥк Идиця, кона ули Христос Пазось. 12Вана кода содасыҥк Сонзэ: тынь муйдядо тетькеме потсо лувсо мадезь аштиця Эйкакш. 13Друк се Ангелсть маро неявсть ламо менелень воинстват, конатне шнасть Пазонть эйсэ да моравсть: 14шнамо вере Пазостень, мастор лаҥгсонть сэтьме чи, ломатьнень эйсэ паро мельзэ! 15Кода Ангелтнэ тусьть вакстост менельс, пастух ломатьне мерьсть вейкест-вейкест туртов: мольдянок Виѳлеемс — вансынекь, мезе тосо теевсь, мезьде тенекь ёвтась Пазось. 16Сынь капшазь мольсть тозо да муизь Маріянь, Іосифень да лувсо мадезь аштиця Эйкакшонть. 17Неезь, сынь ёвтлизь тенст, мезе тенст ёвтазь ульнесь те Эйкакшодонть. 18Весе марицятьне дивасть пастухнэнь ёвтлиматьненень. 19А Марія весе не валтнэнь, седеезэнзэ саезь, мельсэнзэ кирьдсь.
20Пастухнэ мекев мурдасьть, весемень кис Пазонть шназь, мезе нейсть да мезе марясть, кода тенст ёвтазь ульнесь. 21Кавксо чинь ютазь, кода сась Сонзэ керявтума шказо, путьсть Тензэ лем Іисус, конань максызе Тензэ Ангел пеке потсо ульмадонзо икеле оштё.
22Кода топодьсть Моисеень законсо путозь ванськадмань читьне, кандызь Сонзэ Іерусалимс Пазонть икелев путомс, 23кода Пазонь законсонть сёрмадозель: эрьва васень шачицясь, улиньдеряй сон цёра эйкакш, Пазонь лемс алтазь улезэ. [ 144 ] 24Эйкакшонть кис кандомс эрявиль озксокс кавто вирь гулькат[2] или кавто гулька левкст, кода сёрмадозель Пазонь законсонть.
25Се шкане Іерусалимсэ ульнесь Симеон лемсэ ломань. Сон ульнесь ломансь виде да паро. Сон учось Израилень эрьгедьманть. Сонзэ эснэ Святой Дух-как ульнесь. 26Сонензэ Святой Духонь пельде ульнесь ёвтазь, што сон а неи куломодо се шкас, знярдо нейсазо Пазонь Христозонть. 27Кода Эйкакшонть тетязо, авазо, закононь кувалт теймань кис, кандызь церькувас, сон-гак Святой Духонь ёвтамонь кувалт сась тозо. 28Саизе Сонзэ кедензэ лаҥгс да, Пазоньть шназь, мерьсь: 29Пазом! Тон ней эсь валот кувалт сэтьстэ монь нолдасамак. 30Ведь монь сельмень неизь Тонть (ломатьнень) идиманть, 31конань Тон анокстык весе ломатьнень сельмест икеле. 32(Неія) язычникень валдомтыця валдонть, да Израиль народоньть славазо. 33Іосиф да Сонзэ авазо дивасть Эстэдензэ ёвтазенть лаҥгс. 34Баславинзе сынст Симеон да Эйкакшонть аванстэнь, Маріянень, мерьсь: Вана Те ашти мадезь ламотненень Израильсэ стямо да прамо таркакс, да пелькстамо таркакс. 35Тонсить-как ойметь пачк юты сабля, штобу ламо ломанень седейсэ арсимаст содавольть тенть. 36Сесэ ульнесь истяжо Анна пророчица, Асирэнь буень[3] Фануилэнь тейтерь, кона вельть сырель уж, сон тейтерькс чидензэ мейле мирьде марто сисем іеть эрясь, 37мейле довакс кавксоньгемень [ 145 ]ниле іеть, эрясь церькувасто апак лисьнек, чинек-венек постонь кирдезь да Пазнэнь ознозь. 38Се шкане сон-гак мольсь ваксозост да, Пазоньть шназь, весе Іерусалимсэ Идицянть учицятнэнень Сондензэ кортась. 39Кода прядовсть весе Пазонь закононь кувалт тейматьне, сынь мурдасть Галилеяс, эсь Назарет ошозост. 40Эйкакшось кайсь да, паро превс совазь, кемекстась оймсэнзэ. Пазоньть благодатьсэ-як ульнесь лаҥгсонзо. 41Тетязо-авазо эрьва іестэ якасть Іерусалимев инечинь праздникс. 42Кода Сонзэ ульнесть кемьгавтово іензэ, эсь койсэст састь сынь Іерусалимев праздникс. 43Кода сынь праздниксть ютамодо мейле сыргасть кудов, Іисус эйкакшось кадовсь Іерусалимс. Іосиф маро авазо тень эзизь редяк. 44Сынь арсесть — сон моли лія маро. Кода сынь ютасть ве чинь ки, кармасть Эснэнзэ вешнеме эсь раськест да содавиксэст юткова. 45Сонзэ апак муйть, вешнезь, мурдасть Іерусалимев. 46(Тосо) колмо чинь трокс муизь Сонзэ церькувасто, тонавтыцятьнень ютксо озадо аштемстэ, конатьнесэ Сон кулсонесь да (Соньсь как) кевстнесь. 47Весе Сонзэ кулсоницятнэ дивасть превезэнзэ да каршозост кортамозонзо. 48Сонзэ неезь, сынь дивасть да Авазо мерьсь Тензэ: Эйдем! мезе Тон теить минек марто? Вана, Тонть тетят, да мон, пек мелявтозь, вешнинек Эйсэть. 49Сон мерьсь Тенст: мейсь-бу теҥк вешнемс Эснэнь? или эзиде сода: Монень сесэ улемс эряви, мезесь Монь Тетянь. 50Сынь эзизь чаркотть тенст ёвтазь валтнэнь. 51Сон тусь марост, сась Назаретс да, эснэст кулсонезь, эрясь. Авазо весе не валтнэнь эсь седейсэнзэ кирьдсь. 52Іисус парьсте [ 146 ]кайсь сэрьсэ да паро превсэ. Пазнэнь-гак Сон да ломаннень-гак вечкима ульнесь.