←

→

sister projects: Wikipedia article.

ალიო ქობალია (დ.1927 წ. ღ. 2006 წ.) — დებად ჩხოროწყუშ რაიონიშ ოფუტე ნაფიჩხოვოს, ლექობალეშ განობას. ათუ სოხუმიშ პედაგოგიურ ინსტიტუტიშ ფილოლოგიაშ ფაკულტეტი. 1952–1992 წწ. ოხორანდ დო მოღალენდ სააფხაზოს, რდუ ოჩამჩირეშ რაიონული გაზეთიშ რედაქტორიშ გამაკოჩი, ჭარუნდ ლერსეფს, ჩიარეფს, რომანეფს. რე ავტორ სოხუმს გიშაშქუმალირ 13 პოეტურ კათელიშ: "თეთრი ბილიკი", "ნისლი ჭალაში", "ველის ყვავილი", წყნარი თოვლი", "ნაღვლიანი დღე", "ცისფერი კვამლი" დო შხვა. გოწოს გერმანიას გიშართ ალიო ქობალიაშ 1600 ფურცელამ ლექსიკოგრაფიულ ნახანდიქ "მეგრულ–ქართული ლექსიკონი" ჟირ ტომო, გიშმაშქუმალარი რე შტუტგარტიშ უნივერსიტეტიშ პროფესორი, ქართველოლოგი, ლაზური დო მარგალური ნინეფიშ სპეციალისტი ვოლფგანგ ფოიერშტაინი. ლერსიკონშა მიშართ 97000 ლექსიკურ ართურქ დო ზიტყვა–სტატიაქ. გიშაშქუმალარო გახაზირებული რე დო სპონსორს ელ მუშ ტოპონიმური, ონომასტიკური, ეტიმოლოგიური, ფრაზეოლოგიური ლერსიკონეფი, ეთნოგრაფიული ნახანდეფი. გურგაჩამალი რე მუშ ისტორიოგრაფიული, მითოლოგიური, კოსმოგონიური კილაგორუეფი, პუბლიცისტური და კრიტიკული ჭარილეფი. მუსხირენ ევროპულ ნინა წკუმა ართო ალიოს ტომბას უჩქუდ ქორთული, მარგალური, ლაზური ნინეფი. თაშნე, გურგაჩამალ კილაგორუეფი უღუ ქართველური ნინეფიშ ალაზიმაფაშ ლექსიკოლოგიაშ დარგისუთ. ალიო ქობალიაშ ქორთული დო, გიშაკერძაფილო მარგალური ლერსეფი დიდი პოპულარობათ რგებაფულენდ აფხაზეთის დო სამარგალოშ ლიტერატურულ წირეფს. რინა გასურ ზუგდიდის, თხოზინალას, დასაფულებურ რე მანცხვარკარს.

ლერსეფი