ქიმშაბლუქუ ისირონს
Jump to navigation
Jump to search
ქიმშაბლუქუ ისირონს,
ტყაფარონიშ წკვარამეფს,
ხაიაში სასინსუ დო
ხაშმიშ ორო- ხვიარემს.
ეძირაფა – მოძირაფას
მიშარკიანს გვერშაპეფ,
შიშ დო ორო მიშმონწყუანს
ლეტა – ჭყეპიშ ლიარეფს.
ვოსხუპუქუ ფორტვა ჯაში
ხომლა ფოსვი – ნოჸელემს,
მუაჩქიმიშ ხესუ ქოგუ
ნაცხვაბარა – მოხვარეს.
მათ გიშებლენქ თორსასუ დო
ინწირია ხაიელს,
იშენშენდა თექ ქიმშებტენქ
ჩქიმი თელსუ კიბირელს.
შურ დიგორუნს მუშ შარას
ქუგაბუნუ თუთაშ ვეს,
მუმაშ კიდირს ქიმკვოპონანქ
ჸვასუ არზიშ დოხართელს.