დადი სინთუანიში
დადი, სინთე ქუმოძირი,
ვენმოქოსა გარამემს,
აფხაშ რხვილქუ ქიგმაწკურუ,
გილვოგაგა წკვარამემს.
კურუმემსუ ვემიოხე
მენცარეფიშ ნაჭარეფი,
ჸურუმულო გეგნოსქველე
მითაჟამიშ ნაჭარეფი.
ქარ-ბორიას ქოთხოზაფუ
ნაშილუა ნოსეფეფი,
იშო დიხას ქიმთოფულე
ოხვამე დო ნოგეფეფი.
არძა ართო გამკოცუმე
ჭკარჭკუნტია მურიცხეფი,
მებდინაფუ თუთაშ გურ დო
მუში ჩელა ოროეფი.
სო ვორექ დო სოლე იბდა,
დინაფასუ მევორექ,
ვესინთორუ უსქანეთუ
სოფელიში მუორექ.