ელიშორი
Jump to navigation
Jump to search
სამარგალოშ ნაშქასერს
ველუნს თუთაშ ვარჩხილეფ,
დოლო-მარდუშ მასიმერ,
იკარკალნა ვერჩხილეფ.
არიკეფი მიშატყობ
დოფა-დაჩხირ ფანილემს,
ჭყონეფიში ტებენეს
მითონათუნს ფაშქუნჩეფ.
დიასქურიშ ინიგირს
ილასირუ ლაზურეფ,
მიკახორცქუ კოდმე-ტკილს
ეკიმალუ ქვითორეფ.
ორთვალემსუ ჸინიშელს
გილახენა ჭარუეფ,
გასოფუნა ჟინიშის
აგაგა დო ორუეფ.
სერგეგიაშ ნანიშოლს
ისასუნა ისირეფ,
მელანიში ელიშორს
წყემიშ ორქი იხვიებ.
ეუკუნანქი, ტუტა რენ დო,
დუკუნანქი – ტუტა რე.
მურე ოჩქვანს თუთაშფერო
დიხას – შხვაშო ტუტაშფერს.