ჸინიშ ვარდი

by ალიო ქობალია

please do not remove empty parameters (see the template documentation).

დღამაბრუო by ალიო ქობალია

ჸინიშ ვარდის გეუფალუ
ლორეშ ოლაჭვათირეს,
ჩქიმდა ფერი გეგნურაჸუ,
აბრალენა ძვაბრალეს.

ფურცელ აშო გემთუღალუ,
ყამას ქოგუ ვარჩხილერს,
კიდა პიტათ გაკუღალუ,
გურს მემოგუ ქარჩხილერს

გვალო ტყურათ ათუჩოქუ
დიაჩქიმი ბარბალეს –
ჸინიშ ვარდი ურთუანსუ
ჩქიმი ჭარა – ბარბალემს

აგოთანაშ ღიუ ღაუ
ვარუ იში რაწკალემს,
ვეში ჩინთი მუს ოხვარუ
იშ ნაჸვილა ლაწკარემს.