სირჩინუე

From Wikisource
Jump to navigation Jump to search
please do not remove empty parameters (see the template documentation).
სირჩინუე
by ალიო ქობალია


თიშო დუსუ ვაზოგენდი,
ტაროზ, ჭვიმა, ნათუას...
სერ დო დღაში გიხანდებუ,
ცოდა მითინქ ვათქუას.

ვადარკებუქ სქან სოფელიშ
ჯგირ დო ფურიშ კვათუას...
მეზობელიშ დიარასჷ,
ხვამასჷ დო ნათუას.

მინშა ღორონს ოხვეწუდი,
ნიტე, შურო ვაპუას...
ირკოს ართო უხვამუქუ,
ჯგირობუა ქატუას.

მარა ორთა მუშ კისერიშ
უღუს ოთოლაფუანს...
მოხოლებე სირჩინუე,
დღალემს გოთვალაფუანს.

კოჩი მინშა შიშის ღურუ,-
მუთუნ ქიდილანდუანს...
გოჯოგაფუ სქუალემს,
ტორონს ოდიარუანს.