ქუაოჭნახუ
Jump to navigation
Jump to search
ღვინსუ ინორტუაფილი
ქობალიში ნოტეხემქ
ქირსეშ ჯვარსუ გუნაფალა
ჭითა ვარდემს ქაგურეს.
ოჭნახუსუ ქიმვებარი,
ქუვაწყორი შურიშ ვეს,
მითინს გურსუ ქოწყუნაფდა,
არძაშ ჭუეფქ გობძვალეს.
ქუაშ ღარშე ოჯალეშიშ
ნასქილედი გითმოწენს,
ყურზენიში ჩილამურემქ
ჭიორეფი გოფერეს.
რზიას მიშასქილადირი
წკალემქ ყვასუ გემირთეს,
ბენეყილი კანთიერი
გარგუნჯელათ ქუგომრთეს.
ჯვეშეფ ალმოფურცქინანსო,
ვარ იფაჩალ ფაში შვე:
წყარი ოკო ხოჯიშორო,
ღვინ მაფურო წირდას შვე.
ოჭნახუსუ ქინიბჯირი,
ქუვაწყორი შურიშ ვეს,
მისუთ გური ქუწყუნენი,
იშ ჭუეფქუ გამათეს.