Святое Евангелие (эрзянь)/В/Лукань/22
| ←Глава 21. | Святое Евангеліе (1910) Лукань сёрмадовт Евангелія, глава 22. |
Глава 23.→ |
Глава 22.
1Кармась малав само ламбамо кшень прадзниксь, конадо мерить Инечи. 2Архіерейтьне да книжникне вешнесьть, кода-бу Сонзэ ёмавтомс, истяк (маштомс) — пельсть ломатнеде. 3Совась амазы кемгавтовотьнень ютксто вейкес, конадо мерить Іуда Іскаріотской. 4Сон молезь, кортась архіерейтнень да прявтнэнь маро, кода Сонзэ максомс тенст. 5Сетьне радувасть да алтасть тензэ ярмак максомс. 6Сон тенст вал максь да кармась паро шкань вешнеме, кода Сонзэ максомс тенст ломаньтеме таркасо. 7Сась ламбамо кшень чи, конайстэ эрявиль печкемс инечинь ревелевкс. 8Іисус кучинзе Петра марто Іоаннань, мерезь: азёдо анокстадо миненек ярсамс инечинь ревелевкс. 9Сынь мерьсть Тензэ: козо мерят тенек анокстамодо? 10Сон мерьсь тенст: вана, ошостень совамстоҥк, карчозоҥк поҥги кувшинсэ ведень кандыця ломань, моледе мельганзо се кудостень, козо сон сови, 11да мереде кудазоростень: Тонавтыцясь мери тенть: косо се кудось, конайсэ бу ярсамс Тень тонавницян маро инечинь ревелевкстэ? 12Сон невти теҥк покш, ацазь горниця; тозо анокстадо. 13Сынь тусть да муйсть, кода тенст мерьсь; да анокстасть инечинь ревелевкс. 14Кода пачкодсь шкась, Сон озась стольэкшес, кемгавтово тонавтницятьне-як маронзо. 15Сон мерьсь тенст: Монь пек мелемель пиштевтимадон икеле ярсамс мартоҥк те инечинь ревелевкстэнть. 16Мерян теҥк: теде мейле а карман эстэдензэ ярсамо се шкастень, знярдо сон тееви Пазонь [ 213 ]Инязорокс чисэнть. 17Мейле сайсь вакан да, (Пазоньть) шназь, мерьсь: саиҥк тень да явшиҥк эсь ютковаҥк. 18Мерян теҥк, а карман симме виноград умарень винадо Пазонь Инязорокс чинть самозонзо. 19Мейле сайсь кше да, (Пазоньть) шназь, синдизе да максызе тенст, мерезь: те Монь киськем, коната тыҥк кис максозь ули. Монь мелезэҥк ледстнимань кис тейнеде тень эйсэ. 20Истяжо ярсамодонть мейле вакансть-как (саезь), мерьсь: те вакансь Монь тыҥк кис валозь верьсть маро од закон ули. 21Вана, Монь максыцянть кедьсэ Монь марто стольэкшнэ. 22Коть Ломанень Цёрась моли икелев ёвтазенть кувалт, сё таки апаро се ломаньстень, конань пельде Сон максозь ули. 23Сынь кармасть эсь ютковаст вейкень-вейкень кевстлеме, кинь сынст ютксто истя теймекс мельзэ. 24Ульнесь истяжо ютковаст пелькстамо-як: кинень эстэдест весемеде покшокс улемс. 25Сон мерьсь тенст: Инязоротьне ломатьнень эснэ кирьдить; не кирдицятнэде паронь теицят мерить. 26А тынь аволь истя: ки юткстоҥк покш, улезэ вишкинень коньдямо, а прявтось — важонь кондямо улезэ. 27Конатась седе покш: стольэкшнэ аштицясь, или мельганзо якицясь? аволь стольэкшнэ аштицясь-ли? Мон тыҥк ютксо важонь кондямоян. 28Аньсяк тынь Монь стака шкастонть ульниде вейсэ Монь маро. 29Мон теҥк алтан, кода Монень Тетям алтась, инязорокс чи: 30тынь-гак Монь Инязорокс чисэнть стольэкшнэ ярсавледе да симевледе да озавледе престол лаҥгс Израилень кемгавтово колинатнень судямо. 31Мейле Пазось мерьсь: Симон! Симон! Вана сатанась вейшь [ 214 ]эснэҥк тов-зюро ладсо сувтлемс. 32Мон ознынь кисэть, аволь лавчомт-бу кемимат; тон-гак, знярды-як мекев велявтозь, кемекставтыть эсь братот. 33Сон мерьсь Тензэ: Господи, Тонть маро мон анокан молемс коть тюрьмас, коть куломо. 34А Сон мерьсь: мерян тенть Петр: атякш-как шечо а моразеви, кода тон колмо разт Мондень, а содаса мерезь, сёпат. 35Мейле мерьсь тенст: кода тыҥк кучлидизь кандстомо, да котумавтомо, да кемтеме, ара неиде меньдяк а сатмо? Сынь мерьсть: мень-гак. 36Сестэ мерьсь тенст: а ней, кинь ули кандстозо, саессэ, истяжо котуманть-как; а кинь арась, се одижанзо міессэ да рамазо сабля. 37Мерян теҥк: Монь лаҥгсо эряви топодмекс те сёрмадовксонтень-гак: берянь ломань маро вейс ловозь ули. Ведь мезе Моньдедень сёрмадозь, ней прядовмо кармась. 38Сынь мерьсть: Пазонок, вана тесэ кавто пеельть. Сон мерьсь тенст: сатыть.
39Тосто лисезь, эсь койсэнзэ тусь Елеонской пандо пряс. Мельганзо мольсть тонавтницянзо-як. 40Кода таркастень пачкодсть, мерьсь тенст: ознодо, авольде поҥг-бу манявмос. 41А Сонсь тусь вакстост кевень ёртовма таркашка да, кумажа лаҥгс пульзязь, ознось, 42мерезь: Тетяй! улевель-гак мелеть те чашанть Монь вакска ютавтомс, аньсяк аволь кода Монь мелем, а кода Тонть, истя улезэ. 43Сась Тензэ менельстэ Ангел, да кемекставтлесь эйсэнзэ. 44Пиштевтима шкастонзо, Сон седе-як пек ознось: Сонзэ ливезезэ верь петьнявкс ладсо масторов петьнясь. 45Озномсто стязь, сась Сон тонавтницянзо вакс да муиньзе сынст, ри____ пачк, [ 215 ]матедевезь. 46Сон мерьсь тенст: мейсь удутадо? стядо да ознодо, авольде поҥг-бу манявмос. 47Сонзэ тень кортамсто-як сась народ: икелензэ мольсь кемгавтотьнень эйстэ вейкесь, конань лемзэ Іуда. Сон мольсь Іисус икелев Сонзэ паламо: ведь сон сынст маро истя валдо путсь: конань мон паласа, се Сон. 48Іисус мерьсь тензэ: Іуда, паламосот нать максат Ломанень Цёрасонть? 49Мартонзо улезьтьне, кода неизь, ков моли тевсь, мерьсть Тензэ: Тонавтыця! а вачкодемс ли тенек саблясо? 50Да вейкесь эстэдест вачкодизе архіереень уренть[1] да керизе сонзэ вить пилезэ. 51Іисус мерьсь тенст: кадыҥк, саты, да пилезэнзэ токадевезь, пичкавтызе сонзэ. 52Каршозонзо пурнавозь архіерейтьненень, церькувань начальникненень да атятненень мерьсь Іисус: Монь саймень лисиде тынь разбойник лаҥгс прок сабля маро да колія маро. 53Эрьва чистэ Мон мароҥк ульнинь церькувасо, лаҥгозон кедеҥк эзиҥк кепеле, а ней тыҥк шкаҥк да чопуданть олясь. 54Сонзэ саизь да ветязь туизь архіерейсть кардайс. Петр мольсь мельгаст ве ёно. 55Кода сынь кардаз кунчкастень вачкасть тол да ойсесть ве таркас, Петр-гак озась юткозост. 56Ве уре-ава,[2] сонзэ тол вакснэ аштемстэ неезь, да лаҥгозонзо парьсте ванозь, мерьсь: те-як маронзо ульнесь. 57Сон, Эстэдензэ сёпозь, мерьсь авастень: мон а содаса Сонзэ. 58Аламо шкань ютазь, омбоце неизе сонзэ да мерьсь: тон-гак сынст эстэдест. Петр мерьсь се ломанстень: арась. 59Ве часошкань [ 216 ]ютазь, таго ве ломань, кеместэ педязь, мерьсь: алкукс, те-як Сонзэ маро ульнесь: ведь сон Галилеень ломаньсь. 60Петр мерьсь се ломанстень: мон аздан, мезть тон кортат. Сеск, сонзэ кортамо шкасто-як, морась атякш. 61Сестэ Іисус, Петра ёнов велявтозь, вачтась лаҥгозонзо. Эрь ледсь Петрань мелезэнзэ Іисусонь ёвтазь валзо: атякш-как а моразеви, кода тон колмо раст сёпат Эстэдень. 62Лись сон ушов да кармась раҥгазь аварьдеме. 63Іисусонь ванстыцят ломатьне пеелесть лаҥгсонзо да чавсть Эснэнзэ. 64Сельмензэ вельтязь, вачколесть Эснэнзэ чама лаҥга да кевстлесть Эснэнзэ: содык, ки вачкодинзеть? 65Ламо ліят-как пеелимат тейнесть лангсонзо. 66Кода чизэ ашолгатсь, народонь атятьне, архіерейтьне да книжниктне ветизь Сонзэ судямо тарказост. 67Тосо кевстизь: Тон-ли Христозось? ёвтак тенек. Сон мерьсь тенст: ёвтандеряй-гак теҥк, тынь акемдядо, 68кевстядызьдеряй-гак, а карматадо Монень отвечамо да а нолдасамизь-гак. 69Те шкадонть мейле Ломанень Цёрась озы Пазость віензэ вить пелев. 70Сестэ весе мерьсть: ино Тон Пазоньть Цёразоят? Сон мерьсь тенст: тынь кортатадо, што Мон. 71Сынь мерьсть: кодамо оштё тенек эряви лаҥгозонзо невтима? ведь минь миньсь маринек (ней) Эсь кургстонзо.