Святое Евангелие (эрзянь)/В/Иоаннонь/19

[ 283 ]

Глава 19.

¹Сестэ Пилат саизе Іисусонь да мерьсь Сонзэ чавмонзо. ²Салдатнэ кодасть пупиця тарадонь венець да путызь Сонзэ пряс. Лаҥгозонзо оршавтьсть якстере одижат. ³Да кортасть: эргелек Іудейтьнень Инязорост! да чавсть Эснэнзэ чама пелькска. ⁴Пилат таго лись ушов да мерьсь тенст: вана мон таго ливтса Сонзэ теҥк, содавледе-бу тынь, што мон мень-гак чумо лаҥгстонзо а мукшнан. ⁵Сестэ Іисус лись ушов пупиця тарадонь венецьне да якстере одижасо. Пилат мерьсь тенст: вана, Ломаньсь!

⁶Кода неизь Сонзэ архіерейтьне да уретьне, — пижакадсть, мерезь: эсксэ чавик Сонзэ! эсксэ чавик! Пилат мери тенст: саиҥк Сонзэ тынь да чавиҥк; ведь мон чумо Эйстэнзэ а мукшнан. ⁷Іудейтьне мерьсть каршонзо: минек ули законнок, минек законсть кувалт Сонензэ куломс эряви: Сон ведь Эсь прянзо Пазонь Цёракс теизе. ⁸Пилат, те валсть марязь, седе-як пелезевсь. ⁹Совась таго преторіястень да мерьсь Іисуснэнь: костонят Тон? Іисус тень каршо эзь макст тензэ ответ. ¹⁰Пилат мери Тензэ: Монень ли а отвечат? а содат ара — монь олясь эсксэ чавомс Тонть, монь олясь нолдамс-как Тонть? ¹¹Тень каршо Іисус мерьсь: аволь [ 284 ]уль-бу кодамо-як олят Монь лаҥгсон, аволь уль-гак тенть верьде максозь; тень кувалма покш пежетьсь ули сень лаҥгсо, ки Монь максымем тонеть. ¹²Теде мейле Пилат вешнесь, кода-бу Сонзэ нолдамс, а Іудейтьне пижнесть, мерезь: нолдасакдеряй Сонзэ, тон а улят Кесарень ялга. Эрьвейке, кона теи прянзо инязорокс, Кесарень каршо моли. ¹³Те валсть марязь, Пилат ливтизе Іисусонь ушов, да озась судямо таркастень, конатадо мерить Лиѳостротон, а еврейкс Гаввафа. ¹⁴(Чись) Ине-чиде икеле пецяль, (шкась) котоце часоль. (Пилат) мерьсь Іудейтьненень: вана, тыҥк Инязороҥк! ¹⁵А сынь пижакадьсть: саик, саик, эсксэ чавик Сонзэ! Пилат мери тенст: Тыҥк Инязороҥк ли эсксэ чавса? Архіерейтьне отвечасть: минек арась кесарьде башка инязоронок. ¹⁶Теде мейле сон максызе уж тенст Сонзэ эсксэ чавомс. Сынь саизь да ветизь. ¹⁷Сон Эсь крёстонзо кандозь лись Лобной мерьма таркастень, а еврейкс Голгоѳа. ¹⁸Тесэ чавизь Сонзэ крёст лаҥгс, маронзо (чавсть) ліят-как кавто, ве пельксэстень да омбоце пельксэстень-гак, а кунчкасьтень Іисусонь. ¹⁹Сёрмадьсь Пилат сёрма-як да путызе крёстонть лаҥгс. Сёрмадозь ульнесь: Іисус Назорей, Іудеень Инязоро. ²⁰Те сёрмадовксонть эснэ ловность ламо Іудейть: ведь таркась, косо крёст лаҥгс чавозель Іисус, оштонть аволь васололь, сёрмадозь ульнесь: еврейкс, грекекс да римлянкс. ²¹Іудеень архіерейтьне мерьсть Пилатнэнь: иля сёрмадт: Іудеень Инязоро, а Сон Сонсь аньсяк мериль: Мон Іудеень Инязороян. ²²Пилат каршост мерьсь: мезе сёрмадынь уж сёрмадынь. ²³ [ 285 ]Салдатнэ, кода Іисусонь чавизь крёст лаҥгс, саизь Сонзэ одижанзо да явизь нилев, эрьва салдатсьтень часть, хитонсьть-как; хитонсь ульнесь аволь сустазь, а весе кодазель. ²⁴Сынь мерьсть вейкест-вейкест туртов: а сезнесынек сонзэ, а кисэнзэ каятанок жеребей, кинень саты. Истя топодезэ Писаніясо сёрмадозесь: явизь эсь ютковаст Монь одижан, а оршамон лаҥгсо каясть жеребей. Истя тейсть салдатнэ. ²⁵Ащесть Іисусонь крёстонть вакснэ Сонзэ авазо, да аванзо сазорозо, Клеопань Марія да Магдалинань Марія. ²⁶Іисус, аванзо да сесэ ащиця вечкима тонавтницянзо неезь, мери аванстэнь: Ава! вана тонть цёрат. ²⁷Мейле мери тонавтницясьтень: вана тоньть Ават. Теде мейле тонавтницясь саизе сонзэ эстензэ. ²⁸Теде мейле Іисус, содазь, што Писаніянть топодьмань кис весе уж тевсть, мерьсь: потмом чейсь. ²⁹Ульнесь сесэ уксуздо пешксе кедьге. Салдатнэ потявцьть уксуздо губка да, палка пес пезнавтозь, кепедизь Сонзэ кургонзо витьс. ³⁰Кода Іисус уксузонть вачизе, мерьсь: теевсть. Мейле прянзо комавтозь, максызе оймензэ. ³¹Чись пецяль; іудейтьне, штобу киськетне субутастонть авольть кадовт крётс лаҥгс (се субутась покшоль чись), инялсть Пилатнэнь, порксамс сынст кумажаст да крёстнэнь лаҥгсто саемс. ³²Састь салдатт да порксызь кумажаст вейкень да омбоцень-гак Мартонзо крёст лаҥгс чавозетьнень. ³³А кода мольсть Іисус вакс да неизь, што Сон уж кулось, эзизь поркса Сонзэ кумажанзо; ³⁴аньсяк вейкесь салдатнэнь эйстэ пелиньзе сонзэ ирдизэнзэ копіясо да сеск верь [ 286 ]маро ведь чудезь лись. ³⁵Тень неицясь (сонсь) ёвтли да виде сонзэ ёвтлимазо; сон соды, што видьстэ корты, штобу тынь-гак кемевледе. ³⁶Ведь те теевсь, штобу топодезэ сёрмадозесь: Сонзэ ловажазо порксазь илязо ульть. ³⁷Истя жо ліясо-як сёрмадовксось корты: вачтыть Сень лаҥгс, Конатань пелизь.

³⁸Теде мейле Аримафеень Іосиф, сон Іисусонь тонавтницязоль, аньсяк Іудейтьнеде пелезь прянзо эзь невтлек, инялтсь Пилатнэнь, штобу Іисусонь киськензэ валтомс; Пилатсь мерьсь тензэ. Сон мольсь да валтызе Іисусонь киськензэ. ³⁹Сась истяжо Никодим-гак, кона икеле сакшнось Іисуснэнь веть, да кандсь сядошка литра смирна марто алоэнь човорязь вадьнима пель. ⁴⁰Сынь саизь Іисусонь киськензэ да, кода калмсильть Іудейтьне, тапаризь Сонзэ тантей чине маро котснэ. ⁴¹Се таркасонть, косо Сон крёст лаҥгс чавозель, ульнесь сад, а садсонть од калмо, конайсэ кі-як ощо калмазь арасель. ⁴²Сезэ путызь Іисусонь Іудейтьнень пеця чинь ульмань кувалт, се калмось ведь маласоль.