Святое Евангелие (эрзянь)/В/Иоаннонь/20

[ 286 ]

Глава 20.

¹Недля ютконь васеньце чистэнть валське рана-як, кода ощо чопудаль, сась калмонть лаҥгс Марія Магдалина да неи — кевсь калмостень совамо таркастонть сявордазь. ²Чіезь сась сон Симоннэнь, конадо мерильть Петр да лія тонавтницясьтень-гак, конань вечкилизе Іисус, да мери тенст: саизь калмостонть Тонавтыцянть да [ 287 ]аздатанок ков путызь Сонзэ. ³Сеск лисьть Петр да лія тонавтницясь-как да тусть калмонть вакс. ⁴Сынь чійсть кавонест вейсэ; а омбоце тонавтницясь чійсь Петрадо эрекстэ да сась калмонть вакс седь икеле. ⁵Сон, комазь, неинзе аньсяк одратьнень, а калмостень эзь совак. ⁶Мельганзо сась Симон Петр-гак, совась калмостень да неи — аньсяк одратьне ащить. ⁷Пацясь-как, кона прязонзо сюлмазель, ащи аволь одратьне маро, а башка тапарязь, лія таркасо. ⁸Сестэ совась омбоце тонавтницясь-как, кона васнят сась калмонть вакс, сон неиньзе да кемсь. ⁹Ведь сынь эзть содакшно ощо Писаніядонть, што Сонензэ эряви куломсто вельмемс. ¹⁰Мурдасть таго тонавтницятьне эсьтест.

¹¹Марія ащесь аварьдезь калмонть вакснэ. Аварьдемстэнть сон комась калмостень ¹²да неи ащить озадо ашо одижасо кавто ангелт, вейкесь пря песэ, омбоцесь пильге песэ, косо путозель Іисусонь киськезэ. ¹³Сынь мерить тензэ: ава! мейс аварьдят? Сон мери тенст: саизь монь Тонавтыцям да аздан козо путызь Сонзэ. ¹⁴Тень мерезь, сон велявць удалов, да неизе Іисусонь ащемстэ да эзизе содак, што те Іисус. ¹⁵Іисус мери тензэ: ава! мейсь аварьдят? кинь вешнят? сон арсесь, што те садонть мельга якицясь, да мери Тензэ: паро ломань! тон саикдеряй Сонзэ, ёвтак тень, козо путык, мон сайса Сонзэ. ¹⁶Іисус мери тензэ: Марія! сон, велявтозь, мери Тензэ: раввуни! ліякс, меремс: Тонавтыця! ¹⁷Іисус мери тензэ: Иля токшевть Монь эйс: Мон ощо эзинь кузть Моньсинь Тетясьтень, азё тон Монь братнэнень да ёвтак тенст: [ 288 ]Мон кузян Монсинь Тетясьтень да тыҥк Тетясьтень, Моньсинь Пазосьтень да тыҥк Пазосьтень. ¹⁸Марія Магдалина моли да ёвтли тонавтницятнэнень, што сон неизе Тонавтыцянть да тень тензэ, ёвтызе.

¹⁹Чокшнэ позда секе недлянь васеньце чистэнть, кода кеҥкшне, козо пурнавкшныльть тонавтницянзо, Іудейтьнеде пелезь, пекстазель уж, сась Іисус, арась куншказост да мери тенст: сэтьме чи теҥк! ²⁰Тень мерезь, Сон невтинзе тенст кедензэ, пильгензэ да ирьдизэнзэ. Тонавтницянзо, Сонзэ неезь, эрьгедсть. ²¹Іисус мерьсь тенст: таго сэтьме чи теҥк! кода Монь кучимим Тетям, Мон-гак (истя) тыҥк эснэ кучан. ²²Тень мерезь, пувась, да мери тенст: примиҥк Святой Духонть. ²³Кинень простятадо пежетть, сенень простявить, кинь лаҥгсо кирьдсыҥк, сень лаҥгсо кирьдезь улить. ²⁴Кемгавтотьнень ютксто вейке, Ѳома, конанень мерильть двойнякш, арасель сесэ мартост, кода сакшнось тенст Іисус. ²⁵Ліят тонавтницятьне мерьсть тензэ: минь неинекь Тонавтыцянть. А сон мерьсь тенст: а нейсыньдеряй Сонзэ кедьстэнзэ эсксэ теезь ратьнень, а путсыньдеряй сурон эскень ратьненень, да а путсадеряй кедем ирдизэзэнзэ, — а кеман. ²⁶Кавксо чиде мейле тонавтницянзо таго ве кудосольть, Ѳома-як маростоль. Сась Іисус пекстазь кеҥкшка, арась куншказост да мерьсь: сэтьме чи теҥк! ²⁷Мейле мери Ѳоманень: туик сурот тезэ да ваныть Монь кедень; туик кедеть да путыкь Монь ирьдизэзэнь да иля ульть акемиця, а ульть кемиця. ²⁸Ѳома мерьсь каршонзо: Тон монь [ 289 ]тонавтыцямат да Пазомат! ²⁹Іисус мери тензэ: тон неимик Монь, секс кемить: талановт апак нейть кемицятьне. ³⁰Ламо ліят-как чудат тейсь Іисус Эсь тонавтницянзо икеле, конат апак сёрмадт не книгатьнесэ. ³¹Те сёрмадозь секс, штобу тынь кемевледе, што Іисусось Пазонь Цёра Христос, да кемезь, Сонзэ лемс пиҥгень-пиҥгс эрямоҥк улевель-бу.