Кода рузт пряст лемдсть/В
| Кода рузтъ прястъ лемдсть (1888) |
| Крещеніе Руси при святомъ князѣ Владимирѣ. На эрзянскомъ нарѣчіи мордовскаго языка. Въ память девятисотлѣтія крещенія Руси. Изданіе Православнаго Миссіонерскаго Общества. — Казань, Типографія В. М. Ключникова, 1888. |
КРЕЩЕНІЕРУСИ
ПРИ СВЯТОМЪ КНЯЗѢ
ВЛАДИМІРѢ.
НА ЭРЗЯНСКОМЪ НАРѢЧІИ МОРДОВСКАГО ЯЗЫКА.
ВЪ ПАМЯТЬ ДЕВЯТИСОТЛѢТІЯ КРЕЩЕНІЯ РУСИ.
Изданіе Православнаго Миссіонерскаго Общества.
Казань.
Типографія В. М. КЛЮЧНИКОВА
1888.
[ — ]
| Отъ Совѣта Братства Св. Гурія печатать разрѣшается. 2-го Іюля 1888 года. | |
|
[ 2 ]
_%D1%8D%D1%80%D0%B7_%D1%81%D1%82%D1%80_10.jpg) | |
| Казань Лит. В. Ключникова. | Цензурою ... ... Іюня 1888 г. Сергій Епископъ Чебоксарской |
_%D1%8D%D1%80%D0%B7_%D1%81%D1%82%D1%80_11.jpg)
КОДА РУЗТЪ ПРЯСТЪ ЛЕМДСТЬ.
Тедиде кизна (15 Іюля 1888 г.) вейксэ сядтъ іе топоди, кода св. Владиміръ инязоро весе рузтнэнь Кеёвсо лемдевтинзе. Те вейксэ сядтъ іень топодьма чистэнть весе минекъ масторсо эритсятъ рузтнэ праздникъ теить: эрьва тсерькувасо обѣднятъ теить, св. Владимірнэнь молебенъ служить, пазъ аватъ ведь лангсъ ливтить. Кеёвсо те праздниксть колмо чить кармить празднувамонзо: тозо промить ламо архирейть, поптъ, покштъ бояртъ. Истя жо обѣднядо мейле молебенъ служить, мейле весе тсерькуватнестэ пазъ аватъ ливтить ведь лангсъ, рузтнэнь васень лемдима таркастень.
Те чистэнть эрзянень-гакъ пекъ эряви Пазнэнь озномсъ, эрьзятъ эрить рузъ маро ве масторсо, — рузтъ лемдезь авольть ульть-какъ, эрьзятъ-какъ апакъ лемдть улевельть, кезэрь ладсо амазынень [ 4 ]озновольть. Ней эрьзятъ-какъ весе рузонь війсэ лемдезь.
Содасынкъ, эрьзятъ, ёвтлимань кувалтъ, кода апакъ лемдть покштянкъ бабанкъ эрсесть, рузтъ лемдемадостъ икеле седеякъ берянстэ эрсесть: сынь паздо а пелильть, ломаньде а виздильть. Карадо карчо ансякъ турильть-сёвныльть, вейкестъ-вейкестъ чавильтъ-маштыльть; ламонь-ламонь нить кирдильть. Ве виде Пазонь таркасъ озныльть: чинень, ковнэнь, тештенень... Тейнильть эстестъ чувтонь пазтъ да сюкунякшыльтъ тенстъ. Озномсто не чувтонь пазтнэнень лишметь, скалтъ печксильть. Меельтсь пелевъ кармакшность натой ломанень печксеме тенстъ. Куломодо мейле истя ознытсятъ ломатьнень ойместъ амазынень туить. Пасиба Пазнэнь, жалинзе сонъ рузтнэнь: максь тенстъ паро инязоро. Се инязорось васня эсь прянзо лемдевтизе, мейле весе рузтнэнь-гакъ лемдевтинзе. Се инязорость лемзэ Владимиръ ульнесь.
Владиміръ ульнесь Святославъ инязоронь тсёра. Святославонь весеместъ колмольть тсёранзо. Сонъ эрямо пингстэнзэ оштё масторзо явшизе тсёранзо ланга. Покшъ тсёранзо, Ярополконь, озавтызе эсь тарказонзо Кеёвсъ; кунчкасо тсёранзо, Олегэнь, озавтызе Овручъ лемсэ ошосъ; вишка тсёранстэнь, Владимірнэнь, максь весемеде вишкине, берянь [ 5 ]ошъ-Новгородъ. Тетястъ куломодо мейле Ярополкъ маро Олегъ сёвнозевсть да кармасть карадо-карчо турьме. Турьместэ Олегъ прась сэдь аловъ да кулось, ошозо Ярополкъ саизе эстензэ. Марясь теде Владимиръ, кармась сонъ-гакъ Ярополкто пельме. Новгородсо Владиміръ эрясь Добрыня лелянзо маро. Добрыня кортызе сонзэ оргодьмексъ Новгородсто лія масторовъ. Владиміръ оргодьсь варягонь масторсъ да эрясь тосо колмо іеть; пурнась эстензэ покшъ „дружина“ (сиведезь салдатъ) да сась таго эсь ошозонзо-Новгородсъ. Тесэ кармась сонъ арсеме, кода Ярополкнэнь пандомсъ кеженть Олегень маштомонь кисъ.
Се шкане Новгородъ маро Кеёвъ ютксо, Полоцкъ ошнэ, эрясь Рогвольдъ лемсэ инязоро. Рогвольдонь ульнесь вельть мазы тейтерзэ — Рогнѣда. Владимиръ марясь, Рогнѣдань эснэ Ярополкъ ладси эстензэ никсъ. Кучтсь сонъ-гакъ Ярополконь троксъ Рогнѣдань ладямо. Рогвольднэнь а кода теймексъ: кавто віевть инязоротъ тейтерсэнзэ ладсить — конанень а максазо, омботсесь кежіявты лангозонзо да карми маронзо турьме. Сонъ тердинзе инязоротнень икельтсь якитсятнень да мери тенстъ: монень кавтонестъ инязоронкъ вейкеть, монъ конанень-гакъ Рогнѣдань кирдеме а карманъ; вана ансякъ тынтсинкъ икельде кевстьса совсинзэ — кинень сонсь [ 6 ]моли. Тердизь Рогнѣдань. Тетязо кевстизе, кинень сонъ моли никсъ — Ярополкнэнь, эли Владимірнэнь. Ярополкъ седе мазы да сэтьме ульнесь; Сонзэ тетянзо, аванзо-якъ кавонестъ инязоронь буень ульнесть. Владиміръ сестэ оште вишкинель да амазыль. Сонзэ тетязо ансякъ Инязоро ульнесь — Ярополконь тетязо, авазо стяконь ава ульнесь, инязоронь кудосо эриль, инязоронь ули паронь пекстамо панжуматъ кедсэнзэ кирдиль. Рогнѣда ладитсятненень мерсь: „Монъ а молянъ Владимірнэнь никсъ, а карманъ панжумань кандтлитсянь тсёрань пильгень укснеме. Монъ молянъ Ярополкнэнь никсъ.“
Ладитсятне ёвтасть Владимірнэнь. Владиміръ керявсь не валтнэсэ, пурнынзе весе ломанензэ да ливтязь-ливтясь Полоцкъ лангсъ. Ве вестэ весе мода маро вейкетизе-пултызе ломанензэ весе машлинзе, конатъ кадовсть — полонсъ саинзе. Рогнѣдань силой саизе эстензэ никсъ; тетянзо-аванзо пингстэ кармавтызе пильгензэ укснеме. Мейле Рогнѣдань тетянзо, аванзо-якъ маштынзе.
Полоцксто Владиміръ тусь Кеёвсь Ярополкъ маро турьме. Ярополкъ васня эсь ломанензэ маро Кеёвсъ прянзо пекстась. Тосо Аламосъ эрязь, оргодсь лія а покшке ошосъ. Владиміръ дружиназо се ошость перька аравтызе да эзь кармакъ кинь-гакъ нолдамо а ушосто ошонть потсъ, а потсто ушовъ. Аштесть, [ 7 ]аштесть пекставозь ломатне вачомсть да кармасть Ярополкнэнь инялдомо Владимирнэнь мирямо мольме. Ярополкъ кулсонинзе сынстъ, мольтсь. Владимірнэнь кенкшка совамсто кундызь сонзэ да маштызь. Владиміръ саинзе эстензэ весе Ярополконь ошонзо, низэ да кармась Кеёвсо ськамонзо инязороксъ эрямо.
Кеёвсь озамодо мейле Владиміръ васнятъ-какъ кармась ультся юткова чувтонь пазонь стявтлеме, да ломатнень озномо тенстъ кармавтомо. Весемеде покшъ пазъ сонъ стявтовтсь пандо прясъ эсь кудонзо икелевъ. Се пазось ломанень кондямоль, сэрь-рунгозо чувтонь теезель, прязо сіянель, судо ало сакалонзо (усанзо) сырненельть. Лемзэ ульнесь Перунъ. Перуннэнь Владиміръ озныль яла турьместэ мурдамодо мейле: пурныльтсе весе народозо, печкиль лемезэнзэ лишметь, скалтъ, теиль пуре да кармиль симме-ярсамо. Меельтсь пелевъ сонъ кармакшнось натой ломанень печксеме тензэ.
Лемдемадо икеле Владиміръ не озноматьнеде башка-якъ вельть а парсте эриль. Кирдиль ламо нить, сонзэ Кеёвсъ самодо икеле ветельть нинзэ, Кеёвсо пурнась оштё колмо сядтъ ни. Лія ошка-якъ ламо нить кирдиль. Симме-якъ Владиміръ пекъ вечкиль. Пурныльтсе эстензэ дружиназо да кармиль маростъ симме. Симиль-симиль, туиль маростъ [ 8 ]кодамоякъ инязоро маро турьме, улинь паронь нельгсеме.
Весть истя якась Владиміръ Ятвягъ[1] маро турьме. Ятвягъ эрильть вирьсэ, сюро а видильть, прястъ трильть звѣрень-нармунень чавнозь да ломанень улинь паронь салтсезь. Владиміръ ламо ятвягтъ полонсъ сайсь, ламо ули паро кедстэстъ нельгсесь, а сонсинзэ ве ломань-гакъ эзь ёмавтъ. Кудовъ самодо мейле тердиньзе сонъ весе ломанензэ Перуннэнь озксонь кандомо. Ломатне промсть Перунъ ваксъ, вачкасть толъ, анокстасть пеельть, човизь пштинестэ да кармасть арсеме, мезе печкемсъ. Владиміръ мери: „ней минекъ эрьва мень ули паронокъ ламо нельгсезь, Перуннэнь алтамсъ мезе-якъ жаль а маряви. Тукадо алтатанокъ тензэ мезе минстенекъ пекъ вечкеви да жаль маряви, се сонензэ-якъ вечкеви“. Мейле сонъ пурнавозь атятнень кевстиньзе: „мезе ломаннень весемеде пекъ жаль маряви?“ Атятне мерсть: „ломаннень весемеде жаль маряви эсь эйкакшозо“. Арсесть сынь Перуннэнь эйкакшонь печкеме. Каясть жеребей кинь эйкакшъ саты печкемсъ.
Кеёвсо се шкане эрясь вейке варягъ тсёранзо маро, сынь кавонестъ лемдезельть. Се варягсть [ 9 ]тсёранзо печкемсъ эрь сатотсь жеребей. Атятне кучть кочксезь ломать се тсёранть сайме. Кучозетьне мерить варягнэнь: „тонть тсёрать минекъ Пазнокъ эстестъ кочксизь, туикъ минь сонзэ печксынекъ тенстъ.“ Варягъ мери каршостъ: „тынкъ пазонкъ ара пазтъ — чувтотъ, чечо сынь аштить, ванды наксадыть. Сонъ теизе менелень, масторонь, чинь, ковонь, звѣртнень-нармутнень, ломанень-гакъ. Сонъ теизе, да максь тензэ эрямсъ ойме. Тынкъ пазонкъ мезе тейсть? сынсисть-какъ ломань теинзе. А максса монъ тсёрамъ амазынень!“ Кучозетне тусть мекевъ да ёвтлесть промозь атятненень. Атятне кежіявсть, сайсть кедезэстъ тсётмартъ да весе промкснэкъ тусть варягонь тсёрань сайме. Сынь мерсть варягъ тандады эстэдестъ да макссазо тсёранзо. Совасть кардайсъ, кудыкельксъ кенкшесь удалдо неждязь, — ваныть варява — варягъ тетятъ тсёратъ пульзядо кудыкеле озныть; кавтонесть лангсо оршазь ашо панартъ. Атятне кармасть сеереме варягстень: „туикъ тсёратъ, сонзэ минекъ пазнокъ кочксизь!“ Варягъ каршостъ мери: „улиньдеряйть тынкъ пазонкъ алкуксонь пазтъ, кадыкъ сынсь сыть монь тсёрань сайме истякъ монъ а максса сонзэ“. Атятне седеякъ пекъ кежіявсть: керизь кустимало палматнень да тулкадизь кудыкельксэнть; кудыкельксэсь каладсь да [ 10 ]лепштинзе варягтнэнь тетятъ тсёратъ. Рузтнэ кудыкельксэсть каладмосто сынсь-какъ тандатсть да орголесть эсь кудовастъ. Кадовсь Перуннэнь озксостъ апакъ кандъ.
Пеле ве шкане састь варягонь чаво кардайсъ лемдезь ломать: таргизь кулозтьнень киськестъ, служизь да салава калмизь. Се шкане Кеёвсо талай ужь ульнесть лемдезь ломать. Кеёвъ ашти покшъ ведь чиресэ; се ведьсть лемзэ Днѣпра (Днѣпръ), сонъ чуди „Черной морясъ“. Черной морянь томбале се шкане эрильть гректь (ней грекень масторостъ туркатъ саизь). Моря чиресэнть грекень ульнесь покшъ ошостъ-Константинополь (сонъ-гакъ ней туркань кедсэ) Кеёвсто Константинопольсъ Днѣпрань кувалтъ, Черной морянь троксъ якильть ламо рузтъ торгувамо. Конанень-конанень тосо куватьсъ эрямсъ савиль. Тосо эрямсто сынстъ сельместъ неильть кода гректь Пазнэнь озныть (гректь весе лемдезельть) Конань мелезэнзэ туиль грекень вѣрась, се тоско прянзо лемдиль. Кудовъ самодо мейле весе семіянзо-якъ лемдильтсе. Владимірэнь бабазо Ольга мирдензэ куломодо мейле сонсь якась Константинопольсъ прянзо лемдевтеме. Лемдемеде мейле сонъ тукшнось маронзо поптъ, пазъ аватъ, тсерьковной посудатъ, да строякшнось тсерькуватъ Кеёвсъ. Сонъ Святославъ тсёранстэнзэ-якъ [ 11 ](Владимірэнь тетянстэнь) пекъ мерьнесь прянзо лемдемеде; Святославъ ансякъ эссе култсоне аванзо. Владиміръ, кода сась Кеёвсъ эрямо кардынзе лемдезь ломатьнень виде пазнонь озномодо, тсерькувастъ пекстынзе. Лемдезь ломатьне озныльть ансякъ салава да венперть. Сексъ сынь варягонь калмамо-якъ венперть сакшность. Куломодо мейле варягсь тетятъ тсёратъ святойксъ листь. Тетясть лемзэ ульнесь Ѳеодоръ, тсёранть Іоаннъ.
Варягтнэнь маштомодо мейле Кеёвсо кіякъ ужь Перуннэнь озномо эзь якакъ. Сы ліясто кіякъ истякъ, вачты лангозонзо, ледить мелезэнзэ варягонь ётавтъ валтнэ да арсезь туи мекевъ кудовъ.
Кеместэ прасть варягонь ёвтавтъ валтнэ Владимірэнь седсъ-какъ. Сеедстэ кармась сонъ-гакъ эсь вѣрадонзо арсеме.
Марясть теде рузъ масторонь перька эритсятъ ломатне. Кармасть Владимірнэнь эрьва ёндо вѣрастъ шнамо сакшномо.
Састь васнятъ тензэ болгартъ да мерить: „тонъ инязоро превеятъ, пароятъ, а эрятъ законтомо; педякъ минекъ вѣрась, ознокъ минекъ пазостень“. Владиміръ кевстинзе, кодамо сынстъ вѣрастъ. Болгартъ ёвтлесть: минь ознутанокъ ве виде пазнэнь; сонъ теизе менелень, масторонь. Сонзэ менельсэ ламо пророконзо; весемеде покшъ пророксо [ 12 ]Магометъ, минь Магометнэнь ознутанокъ. Кона те чисэ парсте эри, сенень тона чисэ Магометъ максы никсъ сиськеменъ сисемь мазыть тейтерть. Минекъ законнокъ а мери тувонь сывельде ярсамо; піядо, винадо симме. Владиміръ арсесь, арсесь да мерсь: аздо кудовъ, монъ арсянъ аламосъ, кода теймексъ.
Болгардо мейле састь нѣмецть, да кармасть эсь вѣрадостъ ёвтлеме. Владиміръ кулсонесь, кулсонесь эснэстъ да мери: азьдо тынь-гакъ кудовъ, — тынь кезэрь-гакъ ламо разтъ сакшныде минекъ масторсъ вѣранкъ педявтомо, да кіякъ эзь педякшно эзэзэнзэ.
Марясть еврейть-какъ (жидтъ) Владимірэнь вѣрань кочксемеде. Састь сынь-гакъ эсь вѣрадостъ ёвтлеме. „Минекъ, мерить, вѣранокъ весемеде виде. Минь ознутанокъ Виде пазнэнь, конанень ознокшнось Авраамъ, Исаакъ, Іаковъ. Ліятъ ламо ломать озныть Христознэнь, конатань минь маштынекъ“. Владиміръ кевстинзе: „косо тынкъ масторонкъ? Косо эрятадо?“ Еврейть мерить: „Іерусалимсэ ульнесь минекъ масторонокъ. Ансякъ Пазъ кежіявсь минекъ покштянокъ лангсъ да масторонь келесъ сравтлинзе“. Владиміръ кежіявтозь сергедсь жидтнэ лангсъ: „Тынсинкъ Пазъ масторонь келесъ сравтлидизь да ломать оштё тонавтадо те вѣрастень. Пазнэнь вечкезь улевель-гакъ [ 13 ]ознуманкъ, сонъ авольдезь ёмавтле истя! Азьдо тестэ, а эряви тынкъ вѣранкъ!“
Весемеде мейле сась Владимірнэнь вейке грекень манахъ. Маронзо тусь кинигатъ, крёстъ, пазъ аватъ. Владимиръ озавтызе ваксозонзо да кармась кулсонемензэ. Манахсь мери: „Минь маринекъ, тонъ Виде Пазонть эйсэ вешнятъ. Сакшность тенть ламо ёндо вѣрань шнамо, — тонть мельсъ ансякъ кодамо-якъ вѣра эзь тукъ“. Мейле ёвтлинзе сонъ, мезде берять весе не вѣратне. Кода ёвтлезь прядовсть, стясь таркастонзо, чекась покась, палызе крёстонть да мери: „Минь, ознутанокъ Іисусъ Христознэнь, Вере Пазонь Тсёранень, Конань жидтъ те крёстость лангсъ эсксэ чавокшнызь. Мелеть улинь деряй, инязоро, кулсономсъ, монъ ёвтлиса тенть парсте, кодамо минекъ вѣранокъ“. Владиміръ мерсь: „ёвтлекъ, монъ вечканъ кулсономо“. Сестэ манахсь ёвтлизе Владимирнэнь, кода Пазось ве валсонзо масторсть теизе, кода васень ломатьнень Адамъ маро Евань теинзе да райсъ эрямо ветинзе, кода сынь райсэ пежетсъ совасть да Пазъ паниньзе сынстъ. Ёвтлесь, кода Адамъ маро Евасто масторъ лангсъ ламо ломать раштасть, срадсть масторонь келесъ да эрязь-эрязь истувтызь Пазость. Пазъ ломатнень тонавтомо кучлесь масторъ лангсъ ламо пророктъ. Ломать сынстъ эсть кулсонокъ — конань кевсэ маштылизь, конань [ 14 ]лакавтозь дёготсэ пидилизь, конань чувтонь пиласо шачкъ пилилизь. Меельтсь пелевъ кучизе Пазъ масторъ лангсъ ломанень тонавтомо эсь тсёранзо Іисусъ Христозонь. Христосъ св. Маріянь пельде масторъ лангсъ ломаньксъ шачсь. Колонь-кемень іень топодьмесъ эрясь Іосифень кудосо Назаретъ лемсэ ошнэ. Мейле пурнась кемькавтово апостолтъ да колмо іеть пель маро якась масторъ ланга ломанень тонавтозь. Ламо чудатъ тейнесь: кулозть вельмевтьлесь, сокорнэнь сельть панчлесь, пильгевтеменень пильгъ макслесь, Эрьва мень ормань колавтъ пичкавтлесь. Жидтъ кундызь Сонзэ да крёстъ лангсъ эсксэ чавизь. Сонъ кулось крёстонть лангсъ, калмизь. Колмо чинь троксъ Сонъ мекевъ вельмезь стясь. Вельмемеде мейле Христосъ ниленькемень чи масторъ лангсо эрясь; тонавтынзе апостолтнэнь, кода Сондензэ мейле ломать тонавтомсъ, кода тсерькуватъ теймексъ, кода служамсъ эснэстъ. Ниленькемень чинь ютазь, Сонъ менельсъ куйсь (Вознесеніянь чи). Те пиньгенть маштомсто Христосъ таго сы масторъ лангсъ — кулозтнень, эритнень судямо. Сестэ праведнойтьнень аравтсыньзе Сонъ видть кедь ёнонзо, пежетевтьнень керчь кедь ёнонзо. Праведнойтьнень сайсынзе райсъ, пежетевтьнень паньсынзе адсъ, амазынень. Нень ёвтлезь прядмодо мейле монахсь невтсь Владимірнэнь страшной судонь картина. Се картинасть лангсо теезь [ 15 ]ульнесь, кода святойтьне, пазонь содыть ломатьне видть пеле райсъ молить, а керчь пеле пежетевтьне нусманясто адсъ, палы толсъ молить. Владиміръ куватьсъ ванось се картинасть лангсъ, — ледсть сестэ сонзэ мелезэнзэ весе апартъ тевензэ, весе пежетензэ, — эрь нусмангадсь сонъ-гакъ. Мейле укстась кувакасто да мери грекень манахстень: „паро сетненень, конатъ видть пеле, ай апаро керчь пелетненень“. Манахсь мерсь тензэ: „лемдть прятъ — тонъ-гакъ видть пелевъ аратъ“. Владиміръ мерсь: „кадыкъ арсянъ оштё аламосъ“. Мейле грексть симдизе-андызе, каванизе парынестэ да кучизе кудовъ.
Грексть ильтемеде мейле Владиміръ тердинзе весе ломанензэ эстензэ арсеме, кодамо вѣрась туймексъ. Сонсь озась сэрей скамика лангсъ да мери ломатьненень: „тынсь содасынкъ, атятъ, аволь кеме минекъ вѣранокъ: ліята вѣра эряви тенекъ вешнемсъ. Сакшность монень ламо ломать эсь вѣрастъ шнамо. Весемеде пекъ монень вечкевсь грекень вѣрастъ. Монъ весемеде куватьсь кулсонынь грекень вѣрань ёвтлитсясть. Сонъ вельть мазыстэ да превейстэ кортась. Сонъ ёвтлесь монень кода куломодо мейле ломать тона чисэ эрить; тосо, мери, арасть а покштъ а вишкинеть, а сюпавтъ, а бѣднойть, кона те чисэ Паздо пелезь эри, се тона чисэ Пазъ [ 16 ]икеле карми эрямо; ки кулы апакъ лемдть, Паздо апакъ содакъ, се тона чисэ толсо палмо карми. Мезть теймемсъ ней, атятъ? Тынь кода арситядо?“ Атятне мерсть: „тонсь содатъ, инязоро, эсь вѣранзо кіякъ а сялды, ломаненьзенть кіякъ а шны. Мелеть улинь деряй парсте содамсъ вѣратьнень, пурнакъ седе парынеть атятъ, да кучить эрьва масторсъ вѣрань ванномо. Кадыкъ сынь парынестэ вансызь кода озныть ліятъ ломать кодатъ ознума кудостъ. Мезе неить, кудовъ самодо мейле тонеть ёвтлесызь“. Вечкевсть Владимірнэнь не валтнэ; сеске кочксесь сонъ кемень атятъ да кучинзе вѣрань ванномо.
Атятне мольсть васнятъ болгаронь масторсъ. Тосо невтлизь тенстъ весе мизгитестъ, невтизь тенстъ кода озныть мизгитсэ. Болгаронь вѣрастъ эзь тук мелезэстъ. Якасть истяжо нѣмецень масторсъ, ванызь сынстъ-какъ тсерькувастъ, ознумастъ. Нѣмецень вѣра-якъ мелезэстъ эзь тукъ. Весемеде мейле састь сынь грекень масторсъ Константинополь ошосъ. (Константинопольде-ліяксъ оштё Царь-Градъ мерить).
Рузонь атятне Константонопольсъ пачкодсть Успеніянь чинь карчо (14 Августа). Марясть сынстъ самодостъ грекень Инязоростъ — Василій да Константинъ-братиники. Сынь Константинополень [ 17 ]Патріархстень ёвтамо: састь, мерить, рузонь масторсто вѣрань ванмо, тонъ ванды службанть седе мазыстэ тенкъ: Монъ рузтнэнь тердевтсынь Софійской Соборсъ.
Софійской Соборъ ульнесь вельть покшъ да мазы тсерькувась. (Сонзэ ней туркатъ мизгитексъ теизь) Ліята Софійской Соборонь кондямо паро тсерькува масторъ лангсо-якъ косо-якъ арасель, да ней-гакъ арась. Сонъ вачказь весе питневъ кевень. Кувалмозо колонькемень кавксо сэльть (сажеть), келезэ — колонькемень ниле сэльть. Потмозо весе мазы Пазъ авасо сёрмалезель, питневъ кевсэ да сырнесэ наряжазель. Козо а вачтатъ ансякь Пазъ аватъ, да питневъ кевть чи ладсо налксить-кувтолдыть.
Успеніянь чистэ тсерькувась пешкедсь ломаньде. Курвастлизь весе паникадилатнень, люстратнень. Пазъ аватнень икельга курвастлезть покшъ свѣчатъ. Тердизь рузтнэнь тсерькувасъ, аравтызь кунчка таркасъ, косто моравтумась-какъ тенстъ парсте марявиль, служамось-какъ неявиль. Дивасть майшть рузтъ грекень службанть лангсъ: ваныть — тсерькувась пешксе ломаньде — весе озныть, Пазъ аватъ весе мазыть, икельгастъ свѣчатъ палыть. Менельстэ ровна маряви тенстъ мазы моравтума. Икелестъ служи сонсь Патріархсь — ловонь кондямо ашо: сѣдой, ашо ризасо; перьканзо весе [ 18 ]архирейтьне, попнэ ашо ризасо жо. Ваныть рузтъ — эсь сельмезэстъ а кемить — та онснэстъ неить тень, та алкуксъ чисэ. Вельть ужь паро марявсь тенстъ грекень ознумась.
Кото недлядо мейле сынь мекевъ Кеёвсъ пачкодсть. Владиміръ таго пурнынзе весе ломанензэ эсь кудозонзо да кармась кевстлеме якитсятъ атятнень. „Тынь, мери, весе мастортнэнь якинкъ, весемень ознумастъ неинкъ, ёвтледе ней видстэ, апакъ сёптъ мезе неиде“.
Вейке якитсятнень ютксто арась кунчка таркасъ да кармась ёвтлеме. Весе народсь оймевтеме ровна кармась кулсонеме.
„Минь якинекъ, мери, васнятъ болгаронь масторсъ, магометэнь вѣрань ванмо. Невтлизь тенекъ весе мечетестъ да ознумастъ. Мечетень потмостъ сынстъ чавотъ — кадонь кудотъ ровна. Озномо якить каркстомо, кепе; сови ломансь мизгитьстень, сюкони масторовъ да озы кіяксосъ пильгензэ алонзо пурназь; озадо таго сюкони масторовъ, таго озы ды карми кавто ёновъ прянь пуртлезь вантлеме — азаргадозь ровна. Аволь паро сынстъ вѣрастъ.
Якинекъ Нѣмецень вѣрань ванмо-якъ, невтлесть тенекъ Нѣмецть-какъ ламо тсерькуватъ, ламо ознуматъ, ансякъ мень-гакъ мазы эзьнекъ нейть жо. Мейле сынекъ минь грекень масторсъ, [ 19 ]Константинополь ошосъ. Совавтымизь гректь эсь ознума кудозостъ — тсерькувасъ да кода кармить озномо — минь эзьнекъ сода косо озномо шкастонть аштинекъ — менельсэ эли масторъ лангсо. Минь снярдо-якъ истямо мазы ознума эзьнекъ некшне. Тосо алкуксъ ломатьне маро Пазъ эри. Тынь а примасынкъ деряй грекень вѣрасть, сестэ минекъ илимизь кирдть тесэ, минь туйдянокъ грекень масторсъ эрямо. Ломань тантей ярсамодо мейле, а карми а тантейде ярсамо. Истя жо минь-гакъ весть грекень ознуманть неезь, а карматанокъ ужь ліяксъ, лія Пазнэнь озномо; а карматанокъ тесэ Пазтомо, чопуда масторсо эрямо“.
Сестэ пурнавозь ломатьне кармасть кортамо: „видстэ кортыть кучозь ломатьне: грекень вѣрастъ берянь улевель-гакъ Ольга аволь педякъ бу эзэзэнзэ, аволь лемдть бу прянзо, а сонъ ульнесь ломаньсь масторъ лангонь превей“. Мейле Владиміръ кевстинзе атятнень: „я, кинь вѣра ней тынь кочкситядо?“ пурнавозь ломатьне кармасть весе сеереме: „грекень вѣранть эряви саймексъ, грекень вѣра миненекъ эряви! грекень вѣра миненекъ эряви!“ Владиміръ мерсь: „моли ино грекень вѣрасъ туйдянокъ, косо ансякъ минь прянокъ лемдтянокъ?“ Народсь мерсь тензэ: „косо тонстеть вечкеви, сесэ минь-гакъ лемдтянокъ.“ Мейле срадсть кудова.
[ 20 ]Марясть теде Кеёвсо икелень лемдевть ломатьне-якъ, сынь-гакъ пекъ радувасть: Кеёвсо сынстъ ульнесь вейке Ольгань теевть тсерькувастъ; Владиміръ кардакшныньзе сынстъ се тсерькувасость озномодо. Ней сынь-гакъ промсть весе тсерькувасть икелевъ, панжизь сонзэ, ванськавтызь ды апакъ пельть ужь кармасть Владимірэнь кисъ озномо.
Ломатнень кудовъ срадмодо мейле Владиміръ кармась арсеме: кодамо тувталъ маро мольмексъ грекень масторсъ лемдеме. Истякъ мольмексъ да инялдомсъ тенстъ, гректь натсясъ кармить покшъ прянь таргсеме. Арсесь сонъ грекень каршо войнань сыргавтомо.
Черной морянь те пеле, Севастопольде аволь васоло, ульнесь грекень Корсунь лемсэ ошостъ. Владиміръ мольсь саизе се ошонть, ды кучсь грекень инязоротненень ёвтамо: „монъ саія тынкъ Корсунь ошонкъ. Монъ маринь ули тынкъ паро сазоронкъ — тейтерь, туинкъ сонзэ монень никсъ: а максынкъ деряй, монъ Константинополь ошонкъ-какъ истяжо сайса“.
Грекень инязоротненень ве пе сась: максмоксъ — сазоростъ жаль тенстъ маряви, а максмоксъ — Владиміръ кежіявты лангозостъ ды карми маростъ турьме. Арсезь-арсезь сынь мерсть Владимірэнь кучовтнэнень: „ёвтадо Инязоронкъ туртовъ: минекъ [ 21 ]законсо а маштови лемдезь ломаннень апакъ лемдтьнень никсъ мольмексъ. Лемдинь деряй Инязоронкъ прянзо, сестэ минь а кирдсынекъ сазорнокъ“. Владиміръ таго кучсь ёвтамо: „лемдянъ прянъ, монень умокъ вечкевсь тынкъ вѣранкъ“. Грекень инязоротне радувасть да кармасть сазоростъ эснэ кортамо Владимірнэнь никсъ мольме.
Сазоростъ лемзэ Анна ульнесь. Сонъ икеле оштё ламо мярсесь, кода рузтъ а парсте эрить. Кода сонъ марясь, лелянзо рузъ Инязоронень мирденень максмонзо арсить, люйсэ кармась авардеме. „Охъ лелинень, мери, эли тенкъ монъ жаль а маряванъ, мейсъ безардиде эстэдень — апакъ лемдть инязоронень ёмавтомонъ арситядо. Монь арась а тетямъ, а авамъ, пшкадьмексъ кисэнь а кинень, монъ тынкъ лангсъ ансякъ кеманъ: илимизь макстъ Владимірнэнь никсъ, монъ лучи манастырсъ туянъ эрямо“.
Лелянзо мерить тензэ: „минь миньсь-какъ содатанокъ — апаро тонеть шачи масторстотъ явмоксъ, да а кода теймексъ. Жалимизь тонъ минекъ — идикъ минекъ масторонокъ. Рузтъ икеле-якъ тенекъ ламо апаро тейнесть, ней, тонъ а молятъ деряй Инязоростъ туртовъ никсъ, сынь седе-якъ пекъ кежіявтыть, лангозонокъ эрямо-якъ тенекъ максмо а кармить: молинь дерятъ тонъ Владимірнэнь никсъ, [ 22 ]сонъ лемди прянзо; лемдьсазо весе народсо-якъ; сестэ сонъ минекъ ладсо карми эрямо; минекъ масторонокъ токшеме а карми“.
Кулсониньзе Анна лелянзо. Пурнызь-сэрнизь сонзэ да караблясо ильтизь Корсуньсъ Владимірнэнь. Владимірэнь се шкане сельмензэ пекъ сэредьме кармасть. Анна мерсь тензэ: „седе курокь лемдть прятъ — пичкить сельметь; курокъ а лемдятъ деряй, седе-якъ сокоргадатъ.“ Владиміръ кулсонизе Аннань, мерсь седе курокъ лемдемеде. Анна маро сазь архирейсь лемдизе Владимірэнь. Кодакъ Владиміръ лемдевсь, сескъ пичкасть сельмензэ. Те чуданть неезь Владиміръ серьгедсь: „Ней ансякъ монъ содыя Виде Пазонть“. Лемъ Владимірнэнь лемдемстэ путсть Василій.
Владиміръ лангсъ ванозь весе бояртнэ-якъ лемдсть. Омботсе чистэ Владиміръ вѣнчась Анна маро да Кеёвсъ мурдась. Корсунь ошонть мекевъ грекень инязоротненень максызе.
Корсуньсто Владиміръ сайсь маронзо вейке архирей, поптъ, пазъ аватъ, тсерьковной посудатъ.
Кеёвсъ самодо мейле Владиміръ васнятъ-какъ лемдевтинзе сонсинзэ кемкавтово тсёранзо, мейле весе апакъ лемдть кадовозь бояртнэнь-гакъ. Чувтонь пазтнэнь кармавсь яжамо да толсо пултамо. Весемеде покшъ пазость, Перунонь, лишмесэ Днѣпрасъ [ 23 ]усковтызе, да ведь мельга нолдавтызе, мельганзо кучсь ломать ванстомо, козо лотки, мекевъ тылкадемсъ. Перунонь ведьсъ ускомсто конатъ ломатьне кеместэ арсесть лемдеме сельгенить лангозонзо, конатъ пекъ эсть арсекшнэ лемдеме, сетненень жаль марявсь, сынь ютыть мельганзо да авардить кисэнзэ. Ведьга уйместэ берёгъ ланга чіить мельганзо да авардезь сеерить тензэ: „Пазонокъ, иля вая, листь берёгъ лангсъ, илимизь кадъ минекъ“.
Омботсе чистэ Владиміръ мерсь Кеёвсо эритсятненень эйкакшонь песъ проммодо Почайна лей чиресъ (Почайна аволь покшке лейне Кеёвга чуди). Кода весе промсть, ливдьсть пазъ аватъ. Ломатне совасть весе ведсъ: кона кирьгава, кона кумажава, вишкатъ эйкакшнэнь кедсэстъ ведьсэ жо кирдсть. Попнэ кармасть молитвань ловномо, кодатъ лемдемстэ эрявить. Лемдемеде мейле явшесть весеменень крёстъ, пазъ аватъ. Попнэ тонавтызь кода эряви озномсъ, кодатъ молитватъ ловномсъ.
Кода ломатьне весе лемдезь прядовсть, Владиміръ пульзядо кармась озномо: „Менелень, масторонь теится Пазонокъ, вачтакъ ней одсъ лемдезь ломанеть лангсъ; мердть тенстъ, Виде Пазъ, Тонсить содамодо. Монь-гакъ инязороксъ чимъ ваныкъ, лангозонзо душманъ иля нолда, душманонь каршо мольмексъ макстъ монень вій“.
[ 24 ]Истя лемдсть прястъ весе Кеёвсо эритсятъ рузтнэ. Мейле аламонь-аламонь Владиміръ лія ошка, велева эритсятъ рузтнэнь-гакъ весе лемдевтинзе.
Лемдемеде мейле весе рузтнэ ліяксъ кармасть эрямо: кармасть тсерькувасъ якамо, постонь кирдеме, пежетте пельме. Владиміръ сонсь-какъ лемдемеде мейле ліяксъ велявсь. Икелень нинзэ весе пансиньзе, кадызе ансякъ ве вѣнчазь Анна нинзэ. Симмезэ кадызе; кармась милостинань явшеме; бѣднойть ломатненень мериль эстензэ ярсамо сакшномо; кона а савиль тензэ — сокоръ, эли пильгевтеме, эли ормань колавтъ, сенень мериль кудосъ кандомо. Кармась тсерькувань строямо. Перунонь таркасъ пандо прясъ Владиміръ строясь Софійской Соборонь кондямо покшъ тсерькува. Грекень инязоротне кучсть тензэ партъ мастерть. Тсерькуванть потмозо теизь Софійской Соборонь ладсо, сёрмализь весе пазъ авасо да сырнесэ, наряжись питневъ кевсэ. Владиміръ лія ошка-якъ ламо тсерькуватъ строясь.
Владиміръ лемдезь комсь сисемьге іе эрясь. Сонъ кулось ветькемень колмо іесэ. Куломодо мейле Владиміръ святойксъ лись. Тсерькувасо Сонзэ эснэ ловныть Христозонь апостолтнэ маро вейкедстэ.
Эрьзятъ рузонь лемдемадо мейле куватсь оштё [ 25 ]апакъ лемдть эрясть. Истяжо ве Пазонь таркасъ озность та зняро Пазнэнь: ульнесь сынстъ менельсэ чи Пазостъ, масторъ лангсо — масторъ пазостъ, ульнесь пургине Пазостъ, варма пазостъ; кардазонь кирди Пазостъ — кардо сяркостъ. Эрьва мень Пазостъ ульнесть. Весе не пазтнэнень озныльть: пурнавильть веленекъ ве таркасъ — вирсъ чувто аловъ, эли паксясъ — лей чиресъ. Печкильть реветь, галатъ, атякштъ; велень кувалтъ пурныльть алтъ, ямкстъ, медь; пидильть ямъ, каша, панильть алъ пачалгсеть, теильть пуре. Кода весе анокставильть, кармильть озномо: арыльть весе рядсъ чинь стямо ёновъ, вейке пурназь ознытся атя, эли баба карми озномо — сюкунякшномо да минень тсюнонь моткодьме; эрьва ярсамосто печки энгъ паро таркасто печтень печть, каясынзе чувтонть юрсъ — пазтнэнень ярсамсъ. Мейле сынсь-какъ кармильть ярсамо симме.
Эсь кудосостъ-какъ истяжо озныльть: пидильть-панильть эрьва мень ярсамотъ, аравтлилизь кенкшъ поровтъ лангсъ, кенкшъ прясъ курвастильть шта толъ (свѣча) да кармильть кенкшъ кочкарясъ озномо. Тердилизь се кенкшъ кочкарястень весе пазтнэнь, кулозтьнень, каильть тенстъ пеньчень-пеньчь эрьва ярсамосто, валыльть пія, пуре симмексъ тенстъ.
Кулозь ломанень поминамсто истя жо пидильть пія, теильть пуре, рамильть вина, печкильть скалъ, [ 26 ]< Cтр. 26, которая отсутствует в скане книги. — примечание редактора Викибиблиотеки. >
[ 27 ]< Cтр. 27, которая отсутствует в скане книги. — примечание редактора Викибиблиотеки. >
- ↑ Ятвягъ лемсэ кезэрь ульнесть ломать.