Mattheo Capitulo 25
1 Tunc, le regno del celo essera simile a dece virgines que prendeva lor lampas e sortiva
al incontro con le sponso.
2 Ma cinque de illas esseva insensate e cinque, prudente.
3 Quia le insensatas quando prendeva le lampas non prendeva con illas del oleo.
4 Ma le prudentes prendeva oleo in le flascos con lor lampas.
5 Ma le sponso tardava e tote illas se addormiva.
6 Al medie nocte se audiva un grande clamor: Jam le sponso veni, sorti a su incontro.
7 Tunc tote le virgines se levava e arrangiava lor lampas.
8 Ma le insensatas diceva al prudentes: Da nos ex vostre oleo quia nostre lampas se extingue.
9 Ma le prudentes respondeva dicente: Forsan illo es insufficiente pro nos e pro vos, vade al
venditores e compra lo pro vos mesme.
10 E dum illas iva, le sponso veniva e illas qui era preparate ingressava con ille in le banchetto
de nuptias e le porta esseva serrate.
11 E finalmente le restante virgines arriva tamben dicente: Senior, senior, aperi nos.
12 Ma ille diceva respondente: Amen, io dice vos: io non vos cognosce.
13 Vela, alora, quia vos non sape le die ni le hora.
14 Quia es como un homine que vadeva de viage, appellava su proprie servos, e livrava su possessiones,
15 e ille dava a un servo cinque talentos, a altero, duo, a altero, un talento, a cata uno secundo
su proprie capacitate e vadeva de viage.
16 Subito ille qui recipeva cinque talentos vadeva e negotiava con illos e lucrava altere cinque;
17 Assi mesmo le del duo lucrava altere duo.
18 Ma ille qui recipeva un talento vadeva e excavava in terra e abscondeva le moneta de su senior.
19 Post multe tempore, le senior de ille servos veni e adjusta contos con illes.
20 E ille qui recipeva cinque talentos se approchava e presentava altere cinque talentos dicente:
Senior, tu me dava cinque talentos; reguarda, io ganiava altere cinque talentos.
21 Su senior le diceva: Ben, servo bon e fidel, tu ha essite fidel super pauc cosas, io te
constituera super multe, entra in le gaudio de tu senior.
22 Ille del duo talentos se approchava tamben e diceva: Senior, tu me dava duo talentos; reguarda,
io ganiava altere duo talentos.
23 Su senior le diceva: Ben, servo bon e fidel, tu ha essite fidel super pauc cosas, io te constituera
super multe, entra in le gaudio de tu senior.
24 Ille de un talento se approchava tamben e diceva: Senior, io sapeva que tu es homine dur, que
tu recolta ubi tu non seminava e tu collige ubi tu non spargeva,
25 e io habeva espavento e vadeva e abscondeva tu talento sub le terra, reguarda, tu habe le tue.
26 E su senior le diceva respondente: Servo maligne e pigre, sapeva tu que io recolta ubi io non
seminava e io collige ubi io non spargeva?
27 Tu deberea portar mi moneta al bancheros e quando io veniva, haberea recipite le mie con su interesse.
28 Remove, alora, le talento ex ille e da lo a ille qui tene dece,
29 pois que a quicunque ha essera date, e ille habera abundantemente; ma qui non ha essera removite
anque le pauc que ha.
30 E expelle le servo inutile in le tenebras externe, illic habera lamentos e strider de dentes.
31 Ma quando le Filio del Homine veni in su gloria e tote le angelos con ille, tunc ille se sedera
in le throno de su gloria,
32 e tote le nationes essera reunite coram ille e ille separara le unos ab le alteros, como le pastor
separa le oves ab le capras,
33 e ille situara le oves in su dextera ma le capras in su sinistra.
34 Tunc le Rege dicera a illes de su dextera: Veni, benedictos de mi Patre, heredita le regno que
habeva essite preparate pro vos ab le fundation del mundo.
35 Quia io habeva fame e vos me dava de mangiar, io habeva sete e vos me dava de biber, io esseva
peregrino e vos me colligeva,
36 io esseva nude e vos me vestiva, io esseva infirme e vos me visitava, io esseva in carcere
e vos veniva a visitar me.
37 Tunc le respondera le justos dicente: Senior, quando nos videva te que tu habeva fame e nos
te alimentava, o que tu habeva sete e vos dava de biber?
38 E quando nos te videva peregrino e te colligeva, o nude e te vestiva?
39 E quando nos videva que tu esseva infirme o in carcere e nos veniva a visitar te?
40 E le Rege les dicera respondente: Amen, io dice vos, in le mensura que vos lo faceva a un de iste
mi fratres, a me lo faceva.
41 Tunc ille dicera tamben a illes del sinistra: Retira vos ab me, maledictos, al foco eterne
que ha essite preparate pro le diabolo e su angelos.
42 Quia io habeva fame e vos non me dava de mangiar, io habeva sete e vos non me dava de biber,
43 io esseva peregrino e vos non me colligeva, io esseva nude e vos non me vestiva, infirme e
in carcere e vos non me visitava.
44 Tunc illes respondera tamben dicente: Senior, quando nos videva te que tu habeva fame o que
tu habeva sete o peregrino o infirme o in carcere e nos non te serviva?
45 Tunc ille les respondera dicente: Amen, io dice vos, in le mensura que vos non lo faceva a un
de iste minimos, ni a me lo faceva.
46 E istes ira al castigamento eterne, ma le justos, al vita eternal.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev