Epistola de Jacobo Capitulo 4

From Wikisource
Jump to navigation Jump to search
1  De ubi veni le guerras e le contentiones inter vos? Non es forsan de vostre concupiscentias que 
   combatte in vostre membros? 

2  Vos concupisce lo que non ha; vos occide e invidia lo que non pote obtener; vos contende e 
   guerrea; e vos non ha, perque vos non pete;

3  E vos pete mais vos non recipe, perque vos pete mal, pro satisfacer vostre placeres.

4  Oh gente adultera, non sape vos que le amicitate del mundo es inimicitate con Deo? Qui dunque 
   vole esser amico del mundo deveni inimico de Deo.

5  O pensa vos que le Scriptura dice in van que le Spirito que habita in nos, non concupisce ni 
   invidia? 

6  Al contrario ille da major gratia; ergo dice Scriptura: 

7  Deo resiste al superbes e da gratia al humiles. Submitte vos dunque a Deo; mais resiste al 
   diabolo, e ille fugira de vos.

8  Approxima vos a Deo, e Ille se approximara a vos. Netta vostre manos, oh peccatores; e purifica 
   vostre cordes, vos de duplice animo! 

9  Sia vos affligite e luge e plora! Sia vostre riso convertite in lucto, e vostre gaudio in 
   tristessa!

10 Humilia vos ante le Senior, e Ille vos exaltara. 

11 Non parlar le unes contra le alteres, fratres. Qui parla contra un fratre, o judica su fratre, 
   parla contra le lege e judica le lege. E si tu judica le lege, tu non es obediente al lege, mais 
   un judice. 

12 Sol un es le legislator e judice, Ille qui pote salvar e destruer; mais tu qui es, tu que judica 
   tu proximo? 

13 E vos qui dice: Hodie o deman nos vadera in tal citate e ibi nos restara un anno, e nos 
   trafficara, e ganiara; 

14 dum vos non sape lo que advenira deman! Que es vostre vita? Pois que vos es simile a un vapor 
   que appare per un poc de tempore e postea evanesce.

15 In vice de dicer: Si place al Senior, nos essera in vita e nos facera isto o illo. 

16 Mais vos exulta in vostre superbia. Tal exaltation es maligne. 

17 Qui dunque sape facer le ben, e non lo face, committe peccato. 

1 2 3 4 5


Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev