Epistola de Jacobo Capitulo 2
1 Fratres mie, vostre fide in nostre Senior Jesus Christo, le Senior del gloria, sia sin acception de personas. 2 Perque, si in vostre assemblea entra un homine con un anello de auro, vestite splendidemente, e entra etiam un povre miseremente vestite, 3 e vos ha respecto per ille qui veste splendidemente e vos le dice: Vos sede hic in un placia honorabile; e al povre vos dice: Tu, sta ibi in pede, o sede apud mi pedes, 4 esque non face vos un differentia in vostre mente, e non deveni vos forsan judices de pensamentos inique? 5 Ascolta, mi amate fratres: Deo non ha forsan eligite le povres secundo le mundo pro esser ric in fide e heredes del Regno que Ille ha promittite a qui le ama? 6 Mais vos ha minuspreciate le povres! Non es forsan le riccos illes qui vos opprime e qui vos trahe al tribunales? 7 Non es illes qui blasphema le bon nomine que esseva invocate super vos? 8 Si vos observa le lege regal, como dice le Scriptura: Ama tu proxime como te mesme, vos face ben; 9 mais si vos face acception de personas, vos committe un peccato e vos es per le lege condemnate como transgressores. 10 Pois que quicunque habera observate tote le lege, e habera fallite in un sol puncto, es culpabile de tote le punctos. 11 Pois que Ille qui diceva: Non committer adulterio, diceva etiam: Non occider. E si tu non committe adulterio mais tu occide, tu es transgressor del lege. 12 Parla e opera como si vos debe esser judicate per un lege de libertate. 13 Perque le judicio es sin misericordia pro illes qui non ha usate misericordia: e le misericordia triumpha del judicio. 14 Fratres mie, como pote uno dicer de haber fide sin haber operas? Pote forsan le fide salvar le? 15 Si un fratre o un soror es nude e mancante del nutrimento quotidian, 16 e si un de vos les dice: Vade vos in pace, caleface vos e satia vos; mais vos non les da le cosas necessari al corpore. Que profito ha illes? 17 Assi es le fide que si non ha operas, illo es morte. 18 Sed alicuno dicera: Tu ha le fide, e io ha le operas; alora monstra me tu fide sin tu operas, e io con mi operas te monstrara mi fide. 19 Tu crede que il ha un sol Deo, e tu face ben; mais recorda que etiam le demonios lo crede e illes treme. 20 Mais vole tu comprender, oh homine van, que le fide sin le operas non ha valor? 21 Abraham, nostre patre, non esseva forsan ille justificate per le operas quando stava pro offerer su filio Isaac supra le altar? 22 Tu vide que le fide cooperava con su operas, e que mediante le operas su fide esseva consummate; 23 e assi esseva complite le Scriptura que dice: E Abraham credeva in Deo, e isto le esseva imputate como justitia; e ille esseva appellate amico de Deo. 24 Vos vide dunque que le homine es justificate per su operas, e non solmente per su fide. 25 Similemente Raab, le meretrice, non esseva illa etiam justificate per le operas quando accolligeva le messageros e les faceva partir per un altere cammino? 26 Perque como le corpore sin le spirito es morte, assi anque le fide sin operas es morte.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev