Ban/Gaguritan Gunung Agung Meletus 03

From Wikisource
Jump to navigation Jump to search

Deskripsi[edit]

Bahasa Indonesia[edit]

Bahasa Inggris[edit]

Naskah[edit]

[ 1 ]139
[Judul: GAG. GUNUNG AGUNG MELETUS
Pj. 35 cm Lb. 3,5 cm Jl. 25 lb
Asal: Grya Jungutan, Sibetan, Kr
4/74/U]
[Perpustakaan
Ktr Dokbud Bali
Prop Bali]
[᭑ 1A] [ 2 ][ ᭑ 1B]
᭑᭞
᭛᭐᭛ ᬧᬸᬧᬸᬄᬲᬶᬦᭀᬫ᭄‌ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬂ᭞ᬗᬧᬶᬧᬺᬂᬫᬦᬯᬸᬦ᭄ᬕᬸᬃᬢ᭄᭞ᬢᬦ᭄‌ᬳᬸᬦᬶᬂᬭᬶᬂᬭᬕᬢᬫ᭄ᬩᭂᬢ᭄᭞ᬭᬗ᭄ᬓᬸᬂᬳᬚᬸᬫᬾᬢᬦ᭄ᬓᬶᬤᬶᬓ᭄᭞ᬗᬶᬤᬗᬂᬤᬾᬯᬾᬓ᭄ᬓᬯᬶ᭞ᬢ᭄ᬯᬭ
ᬦᬯᬂᬢᬢᬵᬳᬸᬦ᭄ᬤᬸᬓ᭄᭞ᬓᬮᬶᬂᬓᬾᬫᬶᬲᬮᬳᬂ᭞ᬕᬸᬭᬸᬮᬕᬸᬢ᭄ᬯᬭᬳᬸᬦᬶᬂ᭞ᬩᬲ᭄ᬓᬤᬸᬭᬸᬲ᭄᭞ᬫᬕᬫ᭄ᬕᬫ᭄ᬫᬬᬸᬧᭀᬗᬄ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ᭄ᬯ᭞ᬜᬫᬩ᭄ᬭᬬᬮᬦᬂᬳᬶᬲ᭄ᬢ᭄ᬭᬶ᭞ᬳᬮᬶᬢ᭄ᬤᬸ
ᬳᬸᬃᬫᬗ᭄ᬤᬲ᭄ᬯᬾᬘ᭄ᬙ᭞ᬯᬶᬪᬸᬄᬢᬶᬯᬲ᭄ᬳᬕᬸᬂᬳᬮᬶᬢ᭄᭞ᬢᬶᬢ᭄ᬬᬂᬳᬶᬩ᭄ᬮᭀᬕ᭄ᬤᬸᬢᬶ᭞ᬫᭀᬫᭀᬳᬗ᭄ᬓᬭᬤᬾᬭᬗ᭄ᬓᬸᬂ᭞ᬢ᭄ᬯᬶᬢ᭄ᬯᬭᬫᬢᬶᬍᬲᬂ᭞ᬫᭂᬗ᭄ᬓᭀᬓ᭄‌ᬤᭀᬦ᭄ᬤᭀᬦ᭄ᬢᬶᬤᭀᬂᬕᬶᬕᬶᬲ᭄᭞ᬢᬯ
ᬓ᭄ᬮᬘᬹᬃ᭞ᬫᬗᭂᬫ᭄ᬧᬶᬦᭀᬗᭀᬲ᭄ᬤᬶᬚᬮᬦ᭄᭟ᬢ᭄ᬤᬸᬢ᭄ᬭᬶᬂᬲᬶᬂᬦᬵᬃᬫ᭄ᬫᬓᬬᬂ᭞ᬢᬶᬢ᭄ᬬᬂᬳᬶᬓᬢᬸᬦᬦ᭄ᬩᬸᬤ᭄ᬥᬶ᭞ᬧᬮᬶᬂᬚ᭄ᬭᬾᬱ᭄ᬝᬗᬭᬯᭀᬲᬂ᭞ᬲᬸᬧᬢ᭄ᬭᬧᬸᬢ᭄ᬭᬕᬬᬢ᭄ᬭᬶ᭞ᬢᬦ᭄ᬳᬦᬵᬂᬳᬦ᭄ᬢᭂᬦ᭄ᬫᬮᬶᬄ

[ ᭒ 2A]
ᬲᬵᬚ᭄ᬜᬦ᭄ᬕᬸᬭᬸᬦ᭄ᬢᬶᬢ᭄ᬬᬂᬭᬢᬸ᭞ᬲᬂᬢᬶᬫᬧᬲᬸᬃᬯᬦ᭄᭞ᬳᬶᬩᬸᬦᬾᬲᬂᬤᭂᬳᬾᬂᬳᬭᬶ,ᬧᬮᬶᬂᬚᬶᬱ᭄ᬡᬸ᭞ᬯᬶᬱ᭄ᬧᬶᬱᬦᬾᬓᬭᬶᬧ᭄ᬢᬬ᭟ᬉᬘᬧᬂᬭᬶᬂᬫ᭄ᬮᬵᬧᬸᬭᬵ᭞ᬯᬯᭂᬗ᭄ᬓᭀᬦ᭄ᬧᬸᬮᬶᬡᬵᬩ
ᬮᬶ᭞ᬚᬕᬢ᭄‌‌ᬤᭂᬕ᭄ᬤᭂᬕ᭄ᬮᬦ᭄ᬭᬳᬃᬚ᭄ᬚ᭞ᬲᬧᬦ᭄ᬤᬶᬭᬶᬰ᭄ᬭᬷᬪᬸᬧᬢᬶ᭞ᬯ᭄ᬭᬸᬗᬾᬦ᭄ᬢᭂᬭᬂᬦᬵᬕᬭᬶ᭞ᬭᬓ᭄ᬬᬢ᭄ᬋᬲᭂᬧ᭄ᬲᬫᬶᬳᬤᬸᬂ᭞ᬤᬾᬦᬶᬂᬲᬫᬶᬜᬭᬢᬂ᭞ᬳᬲ᭄ᬯᬶᬢᬶᬭᬶᬂᬲᬗ᭄ᬳ᭄ᬬᬂᬯᬶᬥᬶ᭞ᬫᭀᬕᬶᬭᬢᬸ
ᬫᬳᬶᬘᬬᬂᬓᬭᬳᬬ᭄ᬯᬦ᭄᭟ᬲᬵᬫ᭄ᬧᬸᬦ᭄‌ᬬᬦ᭄ᬳᬓᬸᬤᬂᬯᬃᬱ᭞ᬧᬫ᭄ᬭᬶᬦ᭄ᬢᬳᬾᬫᬢᬢᬗᬶᬯᬃᬕ᭄ᬕᬶᬲᬫᬶᬓᬩᭂᬘᬶᬓᬂ᭞ᬲᬓᭀᬮᬄᬮᬦ᭄ᬭᬸᬫᬄᬲᬓᬶᬢ᭄᭞ᬭᬶᬂᬧᭂᬃᬢᬤᬶᬬᬦ᭄ᬫᬮᬶᬄ᭞ᬲᬫ᭄ᬧᬸᬦ᭄ᬓ
ᬯᬾᬦ᭄ᬢᭂᬦᬂᬲᬸᬮᬸᬄ᭞ᬫᬗ᭄ᬤᬲᬫᬶᬗ᭄ᬮᬶᬫ᭄ᬩᬓᬂ᭞ᬧᬫᬸᬧᭀᬦ᭄ᬲᬦᬾᬉᬢ᭄ᬢᬫᬶ᭞ᬗᬃᬤ᭄ᬤᬶᬮᬦ᭄ᬤᬸᬄ᭞ᬫᬗ᭄ᬤᬯᬾᬦ᭄ᬢᭂᬦ᭄ᬓᬲᬗ᭄ᬰᬭᬦ᭄᭟ᬲᬗ᭄ᬓᬦᬶᬂᬧᬳᬶᬤᭂᬃᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬓᭂ [ 3 ][ ᭒ 2B]
᭒᭞
ᬮᬶᬤᬶᬦ᭄᭞ᬫᬸᬮᬫᬃᬕ᭄ᬕᬶᬦ᭄ᬲᬗ᭄ᬳ᭄ᬬᬂᬢᬶᬢᬄ᭞ᬧᬦᭂᬲ᭄ᬚᬕᬢᬾᬢᬦ᭄ᬲᬶᬧᬶ᭞ᬢᬢᬦ᭄ᬤᬸᬭᬦᬾᬫᬢᬶ᭞ᬰᬾᬱᬦ᭄ᬫᬢᬶᬲᬫᬶᬮᬬᬸ᭞ᬘᬶᬳ᭄ᬦᬜ᭄ᬚᬕᬢ᭄ᬧᬘᬂᬭᬸᬲᬓ᭄᭞ᬕᬸᬦᬸᬂᬳᬕᬸᬗᬾᬫᬜ᭄ᬭᬶᬢ᭄
᭞ᬫᬗᬭᬸᬤᬸᬕ᭄᭞ᬚᬕᬢᬾᬓᬤᬹᬃᬫ᭄ᬫᬗᬮᬦ᭄᭟ᬧᬸᬧᬸᬄᬤᬹᬃᬫ᭄ᬫ᭚ᬲᬶᬬᬸᬯᭀᬮᬸᬗᬢᬸᬲ᭄‌ᬯᭀᬮᬸᬂᬤᬰᬧᬢ᭄ᬧᬢ᭄᭞ᬯᬾᬰᬓᬩᬸᬫᬶᬩᬵᬮᬶ᭞ᬢᬢ᭄ᬓᬵᬮᬦᬶᬂᬤᬦᬵ᭞ᬲᭀᬫᬓ᭄ᬮᬶ
ᬯᭀᬦ᭄‌ᬯᬭᬶᬕᬵ᭞ᬧᬗ᭄ᬮᭀᬂᬧᬶᬂᬲᬶᬬᬦᭀᬗᭀᬲᬶᬦ᭄᭞ᬰᬰᬶᬄᬨᬮ᭄ᬕᬸᬡ᭞ᬤᬯᬸᬄᬮᬶᬫᬵᬓᬵᬮᬯᭂᬗᬶ᭟ᬬᬦ᭄ᬭᬶᬂᬳᬶᬦ᭄ᬤᭀᬦᬾᬲ᭄ᬬᬢᬗ᭄ᬕᬮ᭄‌ᬤ᭄ᬮᬧᬦ᭄ᬩᭂᬮᬲ᭄᭞ᬩᬸᬮᬦ᭄ᬜᬧᭂᬩ᭄ᬭᭀ
ᬳᬭᬶ᭞ᬢᬳᬸᬦ᭄ᬜᬳᬸᬘᬧᬂ᭞ᬧ᭄ᬭᬢᬶᬢᬶᬦᬶᬂᬓᬂᬚᬕᬢ᭄᭞ᬲ᭄ᬭᬶᬩᬸᬲ᭄ᬫᬶᬮᬦ᭄ᬭᬢᬸᬲ᭄‌ᬦᬾᬓᬶ᭞ᬦᬫ᭄ᬧᬸᬮᬸᬄᬢᬶᬕ᭞ᬭᬶᬂᬳᬶᬦ᭄ᬤᭀᬦᭂᬰ᭄ᬬᬩᬸᬫᬶ᭟ᬓᬮᬮᬢ᭄ᬭᬶᬂᬩᬯᬸᬫᬭᬤᬯᬸᬄᬮᬶᬫ
[ ᭓ 3A]
᭞ᬚᬫ᭄‌ᬤᬸᬯᬫᬫᬋᬗᬶᬦ᭄‌ᬓᬕᬾᬢ᭄ᬢᬦ᭄ᬧᬦ᭄ᬢᬭ᭞ᬕᬸᬦᬸᬂᬳᬕᬸᬗᬾᬫᭀᬮᬄ᭞ᬫᬗᬺᬄᬕᭂᬄᬯᭂᬢᭀᬃᬢᬦ᭄ᬲᬶᬧᬶ᭞ᬢᬸᬂᬢᬸᬗᬾᬩᭂᬦ᭄ᬢᬃ᭞ᬫᬓᭂᬧ᭄ᬮᬸᬕ᭄‌ᬯᬶᬚᬶᬮ᭄ᬳᬧ᭄ᬯᬶ᭞ᬧᬜ᭄ᬚᬂᬲ᭄ᬫᭂᬂᬲᭂᬫᬸ
ᬩᬵᬂᬳ᭄ᬬᬂᬅᬭᬸᬡ᭞ᬳᬶᬤᬤᬦᬾᬫᬢᬗᬶ᭞ᬢᬗ᭄ᬓᭂᬚᬸᬢ᭄ᬫᬜᬶᬗᬓ᭄᭞ᬲᬫᬶᬓᬧᬾᬗᭂᬦ᭄ᬳᬸᬮᬢ᭄‌᭞ᬓᬸᬓᬸᬲᬾᬧᬸᬘᬓᬂᬳᬤ᭄ᬭᬶ᭞ᬦᬼᬩᬸᬢ᭄ᬫᬮ᭄ᬯᬩ᭄᭞ᬜᬼᬕ᭄‌ᬳᬾᬩᭂᬓ᭄ᬭᬶᬂᬮᬗᬶᬢ᭄᭟ᬲᬫᬶ
ᬳᬾᬯᭂᬄᬳᬶᬤᬤᬦᬾᬫᬯ᭄ᬭᬢᭀᬲᬂ᭞ᬳᬦ᭄ᬢᭀᬲᬂᬫᬦᬢ᭄ᬢᬶ᭞ᬲᬲᬦ᭄ᬫᬗᬕᬸᬗᬂᬓᬸᬓᬸᬲᬾᬢᬦ᭄ᬓᬩᬶᬦᬵ᭞ᬫᬯᬮᬸᬯᬮᬸᬫᬢᬶᬦ᭄ᬤᬶᬄ᭞ᬗᬯᭂᬢ᭄ᬯᬂᬲ᭄ᬯᬭ᭞ᬫᬯ᭄ᬭᬸᬤᬕ᭄ᬫᬗᬺᬲ᭄ᬋᬲᬶᬦ᭄᭟
ᬢᬦᬸᬘᬧᭂᬦ᭄‌ᬳᭂᬜ᭄ᬚᬂᬲ᭄ᬫᭂᬂᬤᬯᬸᬄᬧᬶᬲᬦ᭄᭞ᬭᬳᬶᬦᬦ᭄ᬩᬸᬤᬧᬳᬶᬂ᭞ᬉᬓᬸᬜᬯᬭᬶᬕᬵᬓᬕᬾᬕ᭄ᬲ᭄ᬯᬭᬫᬘ᭄ᬤᬃ᭞ᬫᬗᬺᬤᭂᬕ᭄‌ᬕᬸᬫᬸᬭᬸᬄᬢᬶᬢᬶᬃᬫᭂᬢᬸᬓᬂᬦᬵᬮ᭞ᬗᭂᬢᭀᬃᬢᭂᬓᬾᬂᬧ᭄ᬭ [ 4 ][ ᭓ 3B]
ᬣᬶᬯᬶ᭟ᬫᬩ᭄ᬬᬬᬸᬯᬦ᭄‌ᬳᬾᬯᭂᬭᬾᬦ᭄ᬬᬢᬾᬫᬢᬶᬗ᭄ᬓᬄ᭞ᬫᬲ᭄ᬮᬶᬯᭂᬭᬦ᭄ᬫᬫᬃᬕ᭄ᬕᬶ᭞ᬧᬮᬶᬂᬧᬢᬶᬢ᭄ᬭᬚᬂ᭞ᬳᬶᬚᬸᬗᬯᭀᬦᬶᬦ᭄ᬳᬸᬫᬄ᭞ᬯᬾᬦ᭄ᬢᭂᬦ᭄ᬜᬗ᭄ᬓᬶᬮ᭄ᬘᬸᬘᬸᬘᭂᬦᬶᬓ᭄᭞ᬮᬦ᭄ᬜᬶᬗᬮ᭄ᬧ᭄ᬬᬦᬓ᭄
ᬦᬾᬮᬶᬗ᭄ᬲᬶᬃᬓᬤᬦ᭄ᬤᬦᬶᬦ᭄᭟ᬫᬕ᭄ᬭᬶᬬᬸᬤᬦ᭄ᬧᬫᬃᬕ᭄ᬕᬶᬦᬾᬫᬕᬸᬮ᭄ᬕᬸᬮᬦ᭄᭞ᬦᬾᬩᬚᬂᬕᬗ᭄ᬲᬃᬫ᭄ᬮᬳᬶᬩ᭄᭞ᬍᬓᬶᬂᬘᬶᬂᬘᬶᬗᬦ᭄᭞ᬫᬚᬮᬦ᭄ᬲᬮᬶᬂᬧ᭄ᬮᬶᬢᬕ᭄᭞ᬫᬦᭀᬮᬶᬄᬦᭀᬮᬶᬄᬓᬯᬸᬭᬶ
ᬮᬾᬦ᭄ᬳᬤᬢᭂᬓᬵ᭞ᬫᬕᬫ᭄ᬩᬳᬦ᭄ᬫᬗ᭄ᬮᬶᬂ᭟ᬢᬦ᭄ᬧᬲᬩᬸᬓ᭄ᬓᬮᬸᬗᬾᬳᬸᬮᬸᬂᬤᬶᬚᬮᬦ᭄᭞ᬫᬓᭀᬭᭀᬯᬦ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬦᬫ᭄ᬧᭂᬓ᭄ᬤᬾᬰ᭞ᬯᬲ᭄ᬢ᭄ᬭᬦᬾᬓᬩᭂᬘᬶᬓᬂ᭞ᬧᬸᬲᬸᬗᬾᬮ
ᬦ᭄ᬢᬲ᭄‌‌ᬩᭂᬤᬗᬶᬦ᭄᭞ᬫᬦᬤ᭄ᬢᬤ᭄‌ᬳᭂᬢᬲ᭄᭞ᬲᬫ᭄ᬩᬶᬮ᭄ᬫᬜᬸᬳᬸᬦ᭄ᬧᬤᬶ᭟ᬲᬵᬫ᭄ᬧᬸᬦ᭄ᬩᬸᬤᬮ᭄‌ᬭᬓ᭄ᬬᬢᬾᬭᬶᬂᬧᬕᬸᬦᬸᬗᬦ᭄᭞ᬫᬧᭂᬮ᭄ᬧᭂᬮᬦ᭄ᬤᬶᬫᬵᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬜᬗ᭄ᬓᬶᬮ᭄ᬧ
[ ᭔ 4A]
ᬩ᭄ᬯᬦ᭄᭞ᬜᬫ᭄ᬩᬶᬮᬂᬤᬦ᭄ᬤᬦ᭄ᬧ᭄ᬬᬦᬓ᭄᭞ᬫᬜᬸᬳᬸᬦ᭄‌ᬝᭀᬓᬲᬶᬩᭂᬗᬶᬮ᭄᭞ᬭᬭᬶᬲ᭄ᬫᬦᭂᬕᬓ᭄᭞ᬢᬫ᭄ᬧᬶᬦᬾᬩᬮᬶᬳᬶᬦ᭄᭟ᬳᭂᬫ᭄ᬧᭂᬢ᭄‌ᬚᭂᬚᭂᬮ᭄‌ᬘ᭄ᬭᬶᬓ᭄ᬓᭂᬮᬶᬄᬫᬲ᭄ᬮᬸᬭᬦ᭄
᭞ᬫᬗᬮᬶᬄᬢᭀᬗᭀᬲ᭄ᬩᭂᬘᬶᬓ᭄᭞ᬫᬗᬶᬤᬮ᭄ᬮᬸᬫᬫ᭄ᬧᬄ᭞ᬫ᭄ᬯᬂᬲᬫ᭄ᬧᬶᬫᬕᬭᭀᬫ᭄ᬩ᭄ᬬᭀᬂ᭞ᬓᬸᬘᬶᬢ᭄ᬘᬾᬮᬾᬗᬾᬧᬚ᭄ᬭᬶᬢ᭄᭞ᬮᬾᬦ᭄ᬫᬸᬜᬶᬦ᭄‌ᬲᬶᬬᬧ᭄᭞ᬓ᭄ᬭ᭄ᬬᬵᬓ᭄‌ᬓ᭄ᬭᬶᬬᭀ
ᬓ᭄ᬓᬲᬗ᭄ᬓᬶᬮ᭄᭟ᬲᬵᬫ᭄ᬧᬸᬦ᭄ᬳᬢᭂᬧ᭄ᬭᬓ᭄ᬬᬢᬾᬫᬭᬾᬂᬲᬶᬩᭂᬢᬦ᭄᭞ᬩᬧᬓ᭄ᬧᬺᬩᭂᬓᭂᬮ᭄ᬜᬕ᭄ᬚᬕᬶᬦ᭄᭞ᬫ᭄ᬯᬂᬩᬧᬓ᭄ᬧᬸᬗ᭄ᬕᬯ᭞ᬫᬓᬵᬤᬶᬧᬭᬦ᭄ᬮᬶᬬᬂ᭞ᬧᬕᭂᬃᬩᬬᬫ᭄ᬯᬂᬧᭀᬮᬶᬲᬶ᭞ᬧᬥᬧ᭄ᬭᬬ
ᬢ᭄ᬦ᭞ᬦᬸᬮᬸᬂᬭᬓ᭄ᬬᬢᬾᬲᬫᬶ᭟ᬤᬶᬢᬸᬤᬦᬾᬩᬧᬓ᭄ᬧᬸᬗ᭄ᬕᬯᬫᬰᬩ᭄ᬤ᭞ᬲᬓᬶᬂᬧᬶᬢᬺᬱ᭄ᬡᬳᬰᬶᬄ᭞ᬭᬭᬶᬲ᭄ᬗᬦ᭄ᬤᬶᬓᬬᬂ᭞ᬫᬗ᭄ᬤᬭᬶᬂᬩᬜ᭄ᬚᬃᬩᬜ᭄ᬚᬃ᭞ᬳᬤᬫᬭᬶᬂᬩᬜ᭄ᬚᬂᬫᬦ᭄ᬢ᭄ᬭᬶ᭞ᬯᬾ [ 5 ][ ᭔ 4B]
᭔᭞
ᬦ᭄ᬢᭂᬦ᭄ᬭᬶᬂᬧᬲᬃ᭞ᬮᬾᬦ᭄ᬓᬧᬸᬲᭂᬫᬾᬗ᭄ᬭᬭᬶᬲ᭄᭟ᬲᬶᬬᭀᬲ᭄ᬫᬮᬶᬄᬫᬗᭀᬚᭀᬕ᭄ᬓᬩᬜ᭄ᬚᬃᬢᭂᬗᬄ᭞ᬭᬶᬂᬩᬜ᭄ᬚᬃᬓᬺᬢᭂᬕ᭄ᬫᬓᬵᬤᬶ᭞ᬭᬶᬂᬩᬜ᭄ᬚᬃᬢ᭄ᬭᬶᬯᬗ᭄ᬰ᭞ᬫᬮᬶᬄᬭᬶᬂᬲᬓᭀᬮᬳᬦ᭄᭞
ᬭᬶᬂᬩᬜ᭄ᬚᬃᬢ᭄ᬮᬸᬢᬸᬕ᭄ᬓᬳᬮᬶᬄ᭞ᬭᬯᬸᬄᬓᬢ᭄ᬮᬕ᭞ᬓᬮᬗᬜᬃᬓᬳᬸᬗ᭄ᬲᬶ᭟ᬲᬵᬫ᭄ᬧᬸᬦ᭄ᬩᭂᬘᬶᬓ᭄ᬕᭂᬦᬄᬧᬭᬗᬸᬗ᭄ᬲ᭄ᬬᬦ᭄᭞ᬤᬦᬾᬧᬸᬗ᭄ᬕᬯᬜᬶᬗᬓᬶᬦ᭄᭞ᬫᬶᬯᬄᬧᬓᬧᬺᬩᭂᬓᭂᬮ᭄᭞
ᬳᬸᬚᬸᬫᬗᬮ᭄ᬬᬂᬲᬸᬫ᭄ᬩᬗᬦ᭄᭞ᬢᭂᬭᬲ᭄ᬚᬶᬦᬄᬓᬳ᭄ᬤᬸᬫᬶᬦ᭄᭞ᬭᬓ᭄ᬬᬢᬾᬲᬫ᭄ᬬᬦ᭄᭞ᬮ᭄ᬕᬵᬮᬾᬤᬂᬢᬦ᭄ᬲᬶᬧᬶ᭟ᬓᬭᬯᭀᬲᬂᬲ᭄ᬯᬾᬘᬦᬾᬲᬓᬾᬂᬧᬫ᭄ᬭᬶᬦ᭄ᬢᬄ᭞ᬧ᭄ᬭᬫᬸᬓᬫ᭄ᬯᬂᬧᭀ
ᬮᬶᬲᬶ᭞ᬕᬶᬦ᭄ᬢᬶᬂᬫᬦᬩ᭄ᬤᬩᬂ᭞ᬫᬗᬺᬋᬳᬂᬲᬸᬫ᭄ᬩᬗᬦ᭄᭞ᬲᬳᬂᬫᬮᬶᬄᬓᬘᬘᬭᬶᬦ᭄᭞ᬤᭀᬦᬶᬂᬓᬸᬘᬧᬂ᭞ᬩᬜ᭄ᬚᬦᬦᬶᬂᬢᭀᬦ᭄ᬮᬗ᭄ᬓᬶᬃ᭟ᬘᬾᬱ᭄ᬝᬓᬵᬭᬧᬦᬸᬮᬸᬂᬲᬓᬾᬂᬧᬫ᭄ᬭᬶᬦ᭄ᬢᬄ᭞ᬢ᭄ᬯ
[ ᭕ 5A]
ᬦ᭄ᬤᭀᬓ᭄ᬢᭂᬃᬧᭀᬮᬶᬓ᭄ᬮᬶᬦᬶᬓ᭄᭞ᬜᬸᬫ᭄ᬩᬂᬩᬳᬦ᭄‌ᬳᭀᬩᬢ᭄᭞ᬦᬾᬯᬾᬦ᭄ᬢᭂᬦ᭄ᬓᬲᬗ᭄ᬓᬮ᭞ᬧᬸᬳᬸᬦ᭄ᬓᬳᬗ᭄ᬲᭂᬗᬦ᭄ᬳᬧ᭄ᬯᬶ᭞ᬮᬾᬦ᭄ᬓᬩᬜ᭄ᬘᬡ᭞ᬢ᭄ᬮᬸᬂᬮᬩᬸᬄᬤᬶᬫᬵᬃᬕ᭄ᬕᬶ᭟ᬦᬾᬦᬾᬩ᭄ᬮᬶᬂᬮᬓ᭄ᬤ᭄ᬧ᭄ᬬ
ᬦᬓ᭄ᬜᬤᬶᬚᬮᬦ᭄᭞ᬧᬸᬮᬶᬓ᭄ᬮᬶᬦᬶᬓ᭄ᬦᬸᬮᬸᬗᬶᬦ᭄᭞ᬜᬸᬫ᭄ᬩᬂᬩᬓᬤ᭄ᬯᬢᬦ᭄᭞ᬓᬳᬚᬦ᭄ᬤᬶᬳᬰ᭄ᬭᬫ᭞ᬧᬸᬧᬸᬢᬶᬂᬲᬧᬸᬮᬧᬮᬶ᭞ᬲᬓᬭᬶᬂᬲᬢ᭄ᬯᬵ᭞ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬗᬶᬦ᭄᭟᭐᭟ᬧᬸ
ᬧᬸᬄᬲᬶᬦᭀᬫ᭄᭚ᬲᬶᬦᭀᬫ᭄ᬭᬭᬶᬲ᭄ᬜᬭᬶᬢ᭄ᬣᬬᬂ᭞ᬦᭂᬧ᭄ᬮᬸᬕᬦ᭄‌ᬕᬸᬦᬸᬗᬾᬢᬭᬶᬓ᭄᭞ᬳᬯ᭄ᬯᬶᬦᬾᬫᬶᬚᬶᬮ᭄ᬤᬸᬫᬶᬮᬄ᭞ᬲᬓᬶᬂᬕᭀᬫ᭄ᬩᬗᬶᬂᬢᭀᬓ᭄ᬮᬗ᭄ᬓᬶᬃ᭞ᬗ᭄ᬭᭀᬤᭀᬓ᭄ᬫᬮ᭄ᬯᬩ᭄ᬓᬧᬶᬗ᭄ᬕᬶᬃ᭞ᬫᬲ᭄ᬭᬾ
ᬬᭀᬓ᭄‌ᬜᭂᬧᭀᬮᬶᬦ᭄ᬧᬗ᭄ᬓᬸᬂ᭞ᬫ᭄ᬮᬶᬬᬩ᭄ᬫᬸᬳᬸᬦᬂᬤᬾᬰ᭞ᬭᬱᬩᬸᬩᬸᬃᬓᬂᬧ᭄ᬭᬣᬶᬯᬶ᭞ᬳᬲᬶᬂᬦ᭄ᬤᬸᬮᬸ᭞ᬯᭂᬤᬶᬭᬓ᭄ᬬᬢᬾᬗᬦ᭄ᬢᭂᬦᬂ᭟ᬯᬾᬦ᭄ᬢᭂᬦ᭄ᬦᬾᬫᬳᬶᬥᭂᬧ᭄ᬭᬸᬦ᭄ᬢᬕ᭄᭞ᬓᭂᬢᬸᬕ᭄ᬓᬬᬸᬦᬾᬜ [ 6 ][ ᭕ 5B]
ᬋᬗᬶᬦ᭄᭞ᬢᬓᬸᬢ᭄‌ᬭᬶᬫ᭄ᬭᬶᬫ᭄‌ᬯᭂᬢ᭄ᬯᬗ᭞ᬳᬯᬦᬦᬾᬤᬤᬶᬧᬮᬶᬂ᭞ᬫᬮᬳᬶᬩ᭄ᬓᬦ᭄ᬢᬶᬗᬸᬤᬶᬤᬶᬂ᭞ᬫᬗᬮᬳᬶᬦ᭄ᬧᭀᬦ᭄ᬤᭀᬓ᭄ᬓᬸᬩᬸ᭞ᬳᬸᬫᬄᬓᬮᬯᬦ᭄ᬳᬸᬩ᭄ᬯᬦ᭄᭞ᬧᬦᬓ᭄ᬘᭂᬦᬶᬓ᭄ᬩᬓᬬ᭄ᬲ
ᬗ᭄ᬓᬶᬮ᭄᭞ᬮᬯᬸᬢ᭄ᬧᭂᬲᬸ᭞ᬘᬸᬘᬸᬗ᭄ᬮᬶᬂᬕᬦ᭄ᬤᭀᬂᬤᬦ᭄ᬤᬦ᭄᭟ᬲᬭᬯᬸᬳᬾᬤᬶᬧᬗᬸᬗ᭄ᬲ᭄ᬬᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬗᭂᬮᬄᬧᬶᬧᬶᬲ᭄᭞ᬚᬕᬸᬂᬘᬄᬘᬄᬓ᭄ᬮᬯᬵᬦ᭄‌ᬩ᭄ᬭᬲ᭄᭞ᬲᬵᬫ᭄ᬩᭂᬮ᭄‌ᬚᬸᬓᬸᬢ᭄ᬳᬸᬭ
ᬩ᭄ᬧᬸᬢᬶᬄ᭞ᬢᬶᬫ᭄ᬩᬸᬗᬦ᭄ᬮᬯᬃᬕ᭄ᬢᬶᬄ᭞ᬦᬲᬶᬦᬾᬓᬭᬶᬫᬓᭂᬤᬸᬲ᭄᭞ᬮᬸᬧᬢᬦ᭄ᬓᭂᬦᬶᬩᬦ᭄ᬢ᭞ᬧᭂᬤᬶᬳᬾᬫᬯᬦ᭄ᬢᬶᬯᬦ᭄ᬢᬶ᭞ᬳᭀᬢᭂᬂᬲ᭄ᬤᬸᬓ᭄᭞ᬦᬲᬶᬦᬾᬓᭂᬚᬶᬸᬘᬕᬂᬚᬸᬫᬄ᭟ᬯᬾᬦ᭄ᬢᭂᬦ᭄‌‌ᬦᬾᬕᭂ
ᬢᬧ᭄‌ᬜᬃᬯᬂ᭞ᬯ᭄ᬤᬶᬢᬦ᭄ᬓᬘᬶᬃᬬ᭄ᬬᬦ᭄ᬯᭂᬤᬶ᭞ᬢᬳᬦ᭄ᬓᬸᬳᬸᬓ᭄‌ᬓ᭄ᬤᬾᬓ᭄ᬗᬓᬓ᭄᭞ᬳᬶᬦᬦ᭄ᬚᬳᬶᬮ᭄ᬭᬶᬂᬲᬂᬗᬸᬗ᭄ᬲᬶ᭞ᬚᭂᬚᭂᬄᬳᬶᬤᭂᬧᬾᬳᬶᬲᬶᬲ᭄᭞ᬳᬸᬮᬸᬦ᭄ᬳᬢᬶᬕᬼᬤᬄᬕᬼᬤᬸᬄ᭞ᬩᬋᬂᬩᬢᬶ
[ ᭖ 6A]
ᬲᬾᬫᬗᭂᬢᭀᬃ᭞ᬲᬃᬯᬂᬫᬫ᭄ᬮᬶᬦᬲᬶ᭞ᬢ᭄ᬯᬔᬯᬮᬸᬄ᭞ᬢᬓᬸᬢᬾᬢᬦ᭄ᬓᬘᬶᬃᬭ᭄ᬬᬦ᭄᭟ᬯᬾᬦ᭄ᬢᭂᬦ᭄ᬫᬦᬸᬚᬸᬓᬳ᭄ᬬᬗᬦ᭄᭞ᬳᬸᬫᬵᬢᬸᬃᬭᬓ᭄ᬬᬢᬾᬲᬫᬶ᭞ᬫᬦᬸᬮᬫᬾᬗᬚᬧ᭄ᬢᬯᬂ᭞ᬲᬫᬶ
ᬗ᭄ᬯᭂᬢᬸᬯᬂᬲᬲᬗᬶ᭞ᬫᬸᬜ᭄ᬚᬸᬓ᭄ᬮᬸᬗ᭄ᬲᬸᬃᬳᬕᬸᬂᬳᬮᬶᬢ᭄᭞ᬫᬓᬵᬤᬶᬲᬂᬧᬭᬩᬶᬓ᭄ᬱᬸ᭞ᬲᬢ᭄ᬭ᭄ᬬᬵᬫ᭄ᬯᬂᬧᬭᬳᬵᬃᬬ᭄ᬬ᭞ᬭᬢᬸᬳᬶᬂᬲᭀᬨᬭᬲᬫᬶ᭞ᬫᬗ᭄ᬤᬢᬸᬮᬸᬲ᭄᭞ᬪᬝᬵᬭᬗ᭄ᬭᬳᬬ᭄ᬯᬂᬚᬕᬢ᭄᭟ᬲ
ᬓᬶᬂᬘᬶᬭᬶᬓᬧᬶᬦᭂᬳᬂ᭞ᬫᬲᭂᬧᬸᬓ᭄ᬳᬯᭀᬦ᭄ᬗᬸᬚᬦᬶᬦ᭄᭞ᬳᬶᬤᬤᬦᬾᬲᬦᬾᬯᬶᬓᬦ᭄᭞ᬯ᭄ᬭᬸᬄᬭᬶᬂᬓᬓ᭄ᬘᬧ᭄ᬳᬚᬶ᭞ᬓᬢᬓᭂᬄᬕᬸᬦᬸᬂᬍᬯᬶᬄ᭞ᬫᬯᬲ᭄ᬢᬸᬩᬮᬩᬸᬃᬳᬕᬸᬂ᭞ᬗᬜᬸᬤᬂᬤᬾᬰᬤᬾᬰ᭞
ᬓᭂᬢᬸᬕ᭄ᬮᬶᬡ᭄ᬥᬸᬢᬂᬧ᭄ᬭᬣᬶᬯᬶ᭞ᬧᬘᬂᬫᭂᬢᬸ᭞ᬯᬾᬦ᭄ᬢᭂᬦ᭄ᬮᬳᬃᬓᬳᬸᬘᬧᬂ᭟ᬭᬯᬸᬳᬂᬓᬤᬶᬲ᭄ᬢ᭄ᬭᬶᬓ᭄‌ᬲᭂᬮᬢ᭄᭞ᬮᬶᬬᬸᬭᬓ᭄ᬬᬢ᭄ᬦᬾᬫᬮᬳᬶᬩ᭄᭞ᬳᬶᬤᬤᬦᬾᬳᬓᬾᬄᬩᬸᬤᬮ᭄᭞ᬧᬸᬭᬶᬦᬾᬳᬶᬚᬸᬓ [ 7 ][ ᭖ 6B]
᭖᭞
ᬮᬳᬶᬦ᭄᭞ᬫᭀᬦ᭄ᬢᭀᬃᬫᭀᬦ᭄ᬢᭀᬃᬗᬚᬗᬶᬦ᭄᭞ᬫᬦᬸᬚᬸᬓᬓᭀᬢᬩᬤᬸᬂ᭞ᬯᬾᬦ᭄ᬢᭂᬦ᭄ᬫᬭᬶᬂᬢᬩᬦ᭄᭞ᬭᬯᬸᬄᬓᬦᬵᬕᬭᬩᬗ᭄ᬮᬶ᭞ᬭᬫᬾᬫᬸᬳᬸᬕ᭄᭞ᬧᬗᬸᬗ᭄ᬲᬶᬦᬾᬫᬩ᭄ᬬᬬᬸᬯ
ᬦ᭄᭟ᬓ᭄ᬭᬡᬮᬶᬬᬸᬧᬥᬩᬸᬤᬮ᭄᭞ᬳᬚ᭄ᬭᬶᬄᬓᬳᭂᬫ᭄ᬩᬳᬶᬦ᭄ᬳᬧ᭄ᬯᬶ᭞ᬗᭂᬤᭀᬳᬂᬫᬗᬺᬋᬄᬕᭂᬦᬄ᭞ᬯᬾᬦ᭄ᬢᭂᬦ᭄ᬫᬗᬮᬶᬄᬓᬫᬗ᭄ᬕᬶᬲ᭄᭞ᬭᬶᬂᬳᬸᬮᬓᬦ᭄ᬫᬓᬵᬤᬶ᭞ᬧᬗᬸᬗᬸᬧᬶᬦᬾᬧᬮᬶᬂᬮᬶᬬᬸ
ᬭᬯᬸᬄᬓᬤᬾᬰᬧᬥᬂ᭞ᬕᬕ᭄ᬮᬂᬩ᭄ᬮᬸᬂᬩᬂᬢᬦ᭄ᬫᬭᬶ᭞ᬭᬶᬂᬗ᭄ᬕᬦ᭄ᬢᭂᬮᬸ᭞ᬧᭂᬦᬸᬳᬶᬂᬧᬭᬧᬗᬸᬗ᭄ᬲ᭄ᬬᬦ᭄᭟ᬳᬤᬗᬮᬶᬄᬩᬸᬓᬶᬢ᭄ᬓᬸᬮᬓ᭄᭞ᬭᬶᬂᬤᬾᬰᬲ᭄ᬮᬸᬫ᭄ᬩᬸᬂᬓ᭄ᬭᬯᬸᬳᬶᬦ᭄᭞ᬭᬶᬂᬳᬧᬶᬢ᭄ᬢᭀᬬᬮ
ᬦ᭄‌ᬩ᭄ᬯᬶᬢᬦ᭄᭞ᬳᬓ᭄ᬯᬾᬄᬧᬗᬸᬗ᭄ᬲᬶᬦᬾᬢᬶᬢᬶᬩ᭄᭞ᬫᬗ᭄ᬭᬸᬤᬸᬕ᭄ᬲᬮᬶᬂᬮᬶᬫ᭄ᬧᬤᬶᬦ᭄‌ᬫᬋᬩᬸᬢ᭄‌ᬢᭀᬗᭀᬲ᭄ᬫᬳᭂᬗ᭄ᬲᬸᬩ᭄᭞ᬯᬾᬦ᭄ᬢᭂᬦ᭄ᬦᬾᬢᬦ᭄ᬧᭀᬮᬶᬄᬕ᭄ᬦᬄ᭞ᬗᬫᬸᬭᬂᬫ
[ ᭗ 7A]
ᬫᬃᬕ᭄ᬕᬶᬫᬮᬶᬄ᭞ᬓᬦ᭄ᬢᬾᬲ᭄ᬭᬯᬸᬄ᭞ᬓᬢᭀᬬᬧᭀᬄᬓᬳᬸᬗ᭄ᬰ᭄ᬬᬦ᭄᭟ᬯᬾᬦ᭄ᬢᭂᬦ᭄ᬦᬸᬚᬸᬓ᭄ᬮᬧᬢ᭄ᬩᭂᬮ᭄᭞ᬢᬗᬦᬦ᭄‌ᬓᬮᬯᬦ᭄ᬳᭂᬗᬶᬲ᭄᭞ᬧᬓᬭᬗᬦ᭄ᬧᬲ᭄ᬤᬳᬦ᭄᭞ᬩᬸᬕ᭄ᬩᬸᬕ᭄ᬳᬲᬓ᭄ᬮᬯ
ᬦ᭄ᬧ᭄ᬭᬲᬶ᭞ᬢᬶᬫ᭄ᬩ᭄ᬭᬄᬢᬍᬃᬓᬭᬯᬸᬳᬶᬦ᭄᭞ᬤᬾᬰᬲᬫᬸᬄᬫ᭄ᬯᬂᬲᭂᬗ᭄ᬓᬶᬤᬸ᭞ᬭᬯᬸᬄᬓᬘᬦ᭄ᬤᬶᬤᬰ᭞ᬳᬾᬩᭂᬓ᭄ᬭᬫᬾᬦᬶᬂᬧᬗᬸᬗ᭄ᬲᬶ᭞ᬤᬤᬶᬕᬸᬦ᭄ᬢᬸᬃ᭞ᬭᬓ᭄ᬬᬢᬾᬦ᭄ᬤᭂᬄᬫᬕ᭄ᬭᬸᬤᬸᬕᬦ᭄᭟ᬭᬶᬂᬫᬗ᭄ᬕᬶᬲ᭄‌ᬲ᭄ᬤᭂᬂᬳᬸ
ᬘᬧᬂ᭞ᬮᬶᬦ᭄ᬢᬂᬭᬫᬾᬦᬶᬂᬦᬵᬕᬭᬶ᭞ᬫᭀᬦ᭄ᬢᭀᬃᬤᭀᬓᬃᬫᬳᬸᬍᬗᬦ᭄᭞ᬧᬲᬭᬾᬲᬬᬦ᭄ᬓᬧᬸᬚᬶ᭞ᬩᬭᬂᬩᬭᬗᬾᬕᬳᬶ᭞ᬧᬗᬸᬗ᭄ᬰᬶᬦᬾᬧᬘᬵᬦᬸᬓᬸ᭞ᬫᬳᭂᬮ᭄ᬫᬳᭂᬮ᭄‌ᬩᭂᬮᬶᬜ᭞ᬫᬗ᭄ᬤᬲᬶᬤ᭄ᬥ
ᬢᬸᬮᬸᬰᬸᬭᬶᬧ᭄᭞ᬳᬧᬂᬲᬵᬫ᭄ᬧᬸᬦ᭄᭞ᬳᬾᬗ᭄ᬕᬮ᭄ᬓᬧᭂᬕᬢᬦ᭄ᬚᬶᬯ᭄ᬯ᭟ᬭᬓ᭄ᬬᬢ᭄ᬫᬗ᭄ᬕᬶᬲᬾᬳᬸᬘᬧᬂ᭞ᬲᬦᬾᬓᬢᭂᬓᬦ᭄ᬧᬗᬸᬗ᭄ᬰᬶ᭞ᬲᬵᬃᬚ᭄ᬚᬯᬜᬧᬜᬫ᭄ᬩ᭄ᬭᬫ᭞ᬦᬫ᭄ᬧᬶᬧᬗᬸᬗ᭄ᬰᬶᬦᬾᬲᬫᬶ [ 8 ][ ᭗ 7B]
ᬳᬶᬩᬸᬓ᭄ᬓᬗᭂᬦ᭄ᬫᬋᬗᬶᬦ᭄᭞ᬳᭀᬃᬢ᭄ᬣᬦᬾᬫᬲᬸᬮᬸᬂᬲᬸᬮᬸᬂ᭞ᬩᬜ᭄ᬘᬡᬦᬶᬂᬳᬘᬵᬮ᭞ᬢᬦ᭄ᬧᬲᬗ᭄ᬓᬦ᭄ᬲᬗ᭄ᬓᬦ᭄ᬤᬤᬶ᭞ᬪᬬᬦᬾᬯᬸᬄ᭞ᬚᬕᬢᬾᬓᬤᬹᬃᬫ᭄ᬫᬗ᭄ᬕᬮᬦ᭄᭟᭐᭟ᬧᬸᬧᬸᬄ
ᬤᬹᬃᬫ᭄ᬫ᭚ᬘᬭᬶᬢ᭄ᬣᬬᬂᬭᬶᬂᬳᬫ᭄ᬮᬧᬹᬭᬦᬵᬕᬭ᭞ᬲᭂᬤᭂᬂᬭᬫᬾᬦᬶᬂᬦᬵᬕᬭᬶ᭞ᬫᭀᬦ᭄ᬢᭀᬃᬫᬲ᭄ᬮᬶᬯᭂᬭᬦ᭄᭞ᬤᬶᬦᬦᬾᬓᬳᬸᬗ᭄ᬕᬳᬂ᭞ᬯ᭄ᬭᬲ᭄ᬨᬢᬶᬯᬕᬾᬦᬶᬩᬦᬶᬦ᭄᭞ᬭᬶᬂᬉᬓᬸᬲᬸᬂᬲᬂ᭞ᬧ
ᬢ᭄ᬫᬾᬦᭀᬗᭀᬲᬶᬦ᭄᭞ᬯᬢᬭᬯᬾᬦ᭄ᬢᭂᬦ᭄᭞ᬚᬫ᭄‌ᬤᬸᬯᬵᬫᬫᬹᬃᬯ᭄ᬯᬦᬶᬦ᭄᭟ᬫᬮᬶᬗ᭄ᬓᬸᬩᬦ᭄ᬓᬸᬓᬸᬲᬾᬜᬼᬕ᭄ᬭᬶᬂᬧᬸᬘᬓ᭄᭞ᬧ᭄ᬢᭂᬂᬤᭂᬤᭂᬢ᭄ᬭᬶᬂᬮᬗᬶᬢ᭄᭞ᬓᭂᬭᬸᬕ᭄ᬫᬕᬺᬤᭂᬕᬦ᭄᭞ᬕᬸᬫᬸᬭᬸᬳᬶᬂᬳ
[ ᭘ 8A]
ᬓᬰ᭞ᬫᬮᬶᬄᬫᬍᬤᬓ᭄ᬭᬶᬂᬳᬤ᭄ᬭᬶ᭞ᬳᬗᬺᬲ᭄ᬋᬲᬳᬂᬚᬕᬢ᭄᭞ᬭᬶᬫ᭄ᬭᬶᬫ᭄‌ᬭᬓ᭄ᬬᬢᬾᬲᬫᬶ᭟ᬢᬦ᭄ᬤ᭄ᬯᬕᬸᬭᬸᬄᬫᬸᬫ᭄ᬩᬸᬮ᭄ᬫᬜ᭄ᬘ᭄ᬭᬢ᭄ᬫᬕᬾᬜ᭄ᬚᭀᬗᬦ᭄᭞ᬇᬋᬂᬮᬳᬭᬾᬮ᭄ᬯᬶᬃᬢᬲᬶᬓ᭄᭞ᬫᬮᬶᬄᬫᬤᭂ
ᬤᭂᬢᬦ᭄᭞ᬢᬝᬶᬢᬾᬧᬮᬶᬤᬾᬢ᭄ᬤᬢ᭄᭞ᬫᬤᬸᬮᬸᬭᬦ᭄ᬳᬸᬚᬦ᭄ᬚᬭᬶᬓ᭄᭞ᬩ᭄ᬬᬲ᭄ᬫᬗᬸᬭᬾᬩ᭄ᬭᬓ᭄᭞ᬓᭂᬭᬸᬕ᭄ᬮᬶᬦ᭄ᬤᬸᬜᬋᬗᬶᬦ᭄᭟ᬢᬦ᭄ᬤᬸᬫᬤᬾᬗᬮᬾᬂᬩᭀᬗᬾᬫᬕᭂᬚᭂᬭᬦ᭄᭞ᬢᬦ᭄ᬧᬾᬦ᭄ᬤᬄ
ᬮ᭄ᬯᬶᬃᬚᬮᬥᬶ᭞ᬫᬕᬸᬮᬸᬂᬕᬸᬮᬸᬗᬦ᭄᭞ᬫᬗᬸᬳᬸᬕᬂᬦᬵᬕᬭ᭞ᬕᭂᬤᭀᬂᬓᬦ᭄ᬢᭀᬃᬓᬢᬫ᭄ᬧ᭄ᬬᬲᬶᬦ᭄᭞ᬮᬸᬳᬸᬭᬶᬂᬳᬯᬦ᭄᭞ᬚᬫ᭄ᬩᬢᬦᬾᬢᬦ᭄ᬓᬭᬶ᭟ᬫᬩ᭄ᬬᬬᬸᬯᬦ᭄ᬲᬤᬕᬶᬂᬓᭀᬢᬦᬾᬕᬾᬯᬂ᭞
ᬳᭂᬜ᭄ᬚᭀᬂᬲᬫᬶᬫᬮᬳᬶᬩ᭄᭞ᬫᬗᬺᬋᬂᬧᬗᬸᬗ᭄ᬰ᭄ᬬᬦ᭄᭞ᬫᭀᬢᭀᬭᬾᬫᬕᬺᬤᭂᬕᬦ᭄᭞ᬤᭀᬓᬃᬚᬭᬦ᭄ᬧᬥᬧᬮᬶᬂ᭞ᬯᬦᬾᬄᬓᬲᬸᬕ᭄ᬬᬦ᭄᭞ᬫᭀᬢᭀᬃᬧ᭄ᬭᬳᬸᬗᬚᬗᬶᬦ᭄᭟ᬲᬵ [ 9 ][ ᭘ 8B]
᭘᭞
ᬫ᭄ᬧᬸᬦ᭄‌ᬳᬾᬩᭂᬓ᭄ᬭᬶᬂᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲ᭄ᬓᬳᬸᬗ᭄ᬰ᭄ᬬᬂ᭞ᬭᬓ᭄ᬬᬢ᭄ᬓᭀᬢᬦᬾᬢᬶᬢᬶᬩ᭄᭞ᬳᬓ᭄ᬯᬾᬄᬦᬾᬧᬩᬼᬲᬢ᭄᭞ᬫᬗᬮᬶᬄᬰᬾᬮᬧᬭᬂ᭞ᬯᬾᬦ᭄ᬢᭂᬦ᭄ᬗᬸᬗ᭄ᬰᬶᬓᬫᬗ᭄ᬯᬶ᭞ᬓᬲᬶᬗ᭄ᬳᬭᬵᬚ᭞ᬉᬩᬸᬤ᭄ᬢᬍᬃ
ᬓᬳᬸᬗ᭄ᬲᬶ᭟ᬳᬓ᭄ᬯᬾᬄᬭᬓ᭄ᬬᬢ᭄‌ᬲᬦᬾᬗᬮᬶᬦ᭄ᬢᬂᬲᬵᬕᬭ᭞ᬚᬯᬢᬶᬫᬸᬃᬓᬳᬸᬗ᭄ᬰᬶ᭞ᬫᬸᬯᬂᬚᬯᬢᭂᬗᬄ᭞ᬭᬯᬸᬄᬓᬚᬯᬩᬭᬢ᭄᭞ᬲᬮ᭄ᬯᬶᬭᬶᬂᬧ᭄ᬭᬓᬵᬃᬬ᭄ᬬᬲᬫᬶ᭞ᬲᬵᬫ᭄ᬧᬸᬦ᭄ᬚᭂᬮᬲᬦ᭄᭞ᬗᬸᬗ᭄ᬰᬶ
ᬓᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲ᭄᭟ᬤᬤᭀᬲ᭄‌ᬓᭀᬢᬤᬶᬲ᭄ᬢ᭄ᬭᬶᬓ᭄ᬫᬗ᭄ᬕᬶᬲᬾᬓᬳᬸᬘᬧ᭄᭞ᬩᬧᬓ᭄ᬩᬸᬧᬢᬶᬫᬓᬵᬤᬶ᭞ᬧᬓᬵᬃᬬ᭄ᬬᬦᬾᬲᬫ᭄ᬬᬦ᭄᭞ᬩᬶᬜ᭄ᬘᬸᬄᬢᬸᬃᬓᬧᬺᬧᭂᬓᬦ᭄᭞ᬭᬶᬂᬲᭂᬮᬢ᭄ᬫᬮᬶᬄᬢᬮᬶᬦᬶᬦ᭄᭞ᬳ
ᬤᬧᬥᬸᬓ᭄ᬯᬦ᭄᭞ᬲᬶᬦᭀᬫᬦᬾᬢᬦ᭄ᬕᬶᬗ᭄ᬰᬶᬃ᭟᭐᭟ᬧᬸᬧᬸᬄᬲᬶᬦᭀᬫ᭄᭚ᬭᬯᬸᬳᬶᬂᬉᬓᬸᬤᬸᬗ᭄ᬕᬸᬮᬦ᭄᭞ᬤᬶᬦᬵᬦᬾᬭᬤᬶᬢᬾᬧᬳᬶᬂ᭞ᬧᬗ᭄ᬮᭀᬂᬧᬶᬂᬲᬵᬧ᭄ᬢᬧᬸᬦᬶᬓ᭞ᬰᬰᬶᬄᬓᬲ
[ ᭙ 9A]
ᬗᬦᭀᬗᭀᬲᬶᬦ᭄᭞ᬳᬶᬦ᭄ᬤᭀᬦᬾᬰ᭄ᬬᬜᬋᬗᬶᬦ᭄᭞ᬢᬗ᭄ᬕᬮ᭄ᬢᬸᬚᬸᬄᬩ᭄ᬮᬲ᭄ᬓᬯᬸᬯᬸᬲ᭄᭞ᬩᬸᬮᬦ᭄ᬫᬋᬢ᭄ᬓᬳᬸᬘᬧᬂ᭞ᬤᬯᬸᬄᬧᬶᬲᬦ᭄ᬫᬫᬹᬃᬯ᭄ᬯᬦᬶᬦ᭄᭞ᬧᬸᬓᬸᬮ᭄ᬢᬸᬚᬸᬄ᭞ᬗᭂᬲ᭄ᬗᭂᬃᬘᬬᬦᬶᬓᬂᬚᬕ
ᬢ᭄᭟ᬋᬫ᭄ᬋᬫ᭄ᬥᬬᬦᬶᬗᬤᬶᬢ᭄ᬬ᭞ᬓᭂᬢᬸᬕ᭄ᬮᬶᬦ᭄ᬤᬸᬲᬬᬦ᭄ᬢᬶᬢᬶᬃ᭞ᬲ᭄ᬯᬭᬦ᭄ᬓ᭄ᬭᬸᬕᬾᬢᬦ᭄ᬧᭂᬕᬢ᭄᭞ᬢᬶᬮᬧ᭄ᬢᬢᬶᬢᬾᬜᬦ᭄ᬤᭂᬭᬶᬦ᭄᭞ᬩᬮᬾᬂᬩᭀᬂᬤᬤᬶᬢᬲᬶᬓ᭄᭞ᬲ᭄ᬯᬭᬦᬾᬗᬺᬤᭂᬕ᭄ᬗᬭᬸᬤᬸᬕ᭄᭞
ᬫᬗᭂᬢᭀᬃᬳᬶᬓᬤᬂᬭᭀᬢ᭄᭞ᬕᬸᬦᬸᬂᬳᬕᬸᬗᬾᬫᬜ᭄ᬭᬶᬢ᭄᭞ᬫᬗᬭᬸᬤᬸᬕ᭄᭞ᬫᬘᭂᬤᬸᬃᬮᬦ᭄ᬢᬲ᭄ᬫᬍᬤᬓ᭄᭟ᬫᬓᭀᬳᭀᬲ᭄ᬮᬳᬸᬢ᭄ᬫᬮ᭄ᬯᬩ᭄᭞ᬯᭂᬢᬸᬮᬳᬭᬾᬗᬗᭀᬩᬶᬦ᭄᭞ᬫᬳᭀᬫ᭄ᬩ
ᬓᬦ᭄ᬫᬕᬸᬮᬸᬗᬦ᭄᭞ᬳᬕᬸᬂᬓᬸᬓᬸᬲᬾᬗ᭄ᬮᬶᬫᬸᬢᬶᬦ᭄᭞ᬯᭂᬢᬸᬩ᭄ᬬᬲ᭄ᬗᬸᬚᬦᬶᬦ᭄᭞ᬳᬯᭀᬦᬾᬲᬫ᭄ᬩᭂᬄᬲᭂᬧᬸᬓ᭄᭞ᬧᭂᬢᭂᬂᬤᭂᬤᭂᬓ᭄ᬢᬦ᭄ᬳᬦᭀᬦ᭄‌ᬭᬵᬢ᭄᭞ᬕᬸᬍᬫᬾᬗᬯᭂᬢ᭄ᬯᬂᬭᬶᬭᬶᬲ᭄᭞ᬓ [ 10 ][ ᭙ 9B]
ᬤᬶᬕᬸᬦᬸᬂ᭞ᬮᬳᬭᬾᬫᬦᬸᬳᬸᬢ᭄ᬲᬾᬮ᭄ᬯᬦ᭄᭟ᬫᬩᭂᬭᭀᬲ᭄‌ᬢᬹᬃᬫᬕᬼᬤᬸᬕᬦ᭄᭞ᬓᬤᬶᬳᬮᬶᬸᬮᬸᬦᬶᬂᬚᬮᬥᬶ᭞ᬓᬢᭂᬕᬮ᭄‌ᬮᬸᬯᬄᬓᬳᭂᬫ᭄ᬩᬳᬦ᭄᭞ᬢᭂᬕᭂᬳᬾᬮ᭄ᬯᬶᬃᬓᬤᬶᬉᬓᬶᬃ᭞ᬯ
ᬦᬵᬢᬦᬵᬓᬸᬗ᭄ᬓᬸᬮᬶᬦ᭄᭞ᬤᬾᬰᬩᬤᬾᬕᬾᬓᬯᬸᬯᬸᬲ᭄᭞ᬲᬩᬸᬤᬶᬮᬯᬦ᭄‌ᬲᭀᬃᬕ᭄ᬕ᭞ᬳᬸᬘᬧᬂᬲᬦᬾᬗ᭄ᬮᬶᬗ᭄ᬰᬶᬭᬦ᭄᭞ᬚᭂᬭᭀᬤᬸᬓᬸᬄ᭞ᬤᬩ᭄ᬤᬩᬂᬧᬘᬂᬧᬫᭂᬦ᭄ᬤᬓ᭄᭟ᬧ᭄ᬭᬡᬫ᭄ᬬᬧᬸ
ᬧᬸᬢ᭄ᬫᬢᬶᬗ᭄ᬓᬄ᭞ᬳᬢᬸᬭᬦᬾᬘᬦᬂᬲᬭᬷ᭞ᬭᬶᬂᬳᬶᬤᬪᬝᬵᬭᬮᬳᬃ᭞ᬳᭂᬕᭀᬂᬦᬾᬭᬶᬫᬗᬺᬫ᭄ᬧᭂᬕᬶᬦ᭄᭞ᬢᬩᬸᬄᬲ᭄ᬯᬭᬦᬾᬚᬗᬶᬄ᭞ᬚ᭄ᬭᭀᬤᬸᬓᬸᬄᬮᬶᬗ᭄ᬲᬶᬃᬕᬸᬧᬸᬄ᭞ᬫᭂ
ᬦᬾᬓ᭄ᬤᬦᬾᬫᬬᭀᬕ᭄ᬕ᭞ᬤᭂᬍᬕ᭄‌ᬖᭂᬡ᭄ᬝᬦᬾᬫᬗ᭄ᬭᬶᬦᬶᬂ᭞ᬫᬗᬭᬾᬬᭀᬂ᭞ᬮᬶᬬᬸᬧᬹᬚᬦᬾᬓᬯᭂᬥᬃ᭟ᬧᬗᬶᬭᬶᬗᬾᬘᬭᬶᬣᬬᬂ᭞ᬦᬾᬲᭂᬮᬾᬄᬚᭂᬕᬾᬕ᭄‌ᬗᬾᬤᬦᬶᬦ᭄᭞
[ ᭑᭐ 10A]
ᬳᬦᬹᬢ᭄ᬧᬥᬲᬾᬲᬫ᭄ᬩ᭄ᬭᬫ᭞ᬫᬲᭂᬓᬃᬫᬍᬗᬶᬲ᭄ᬫᬶᬳᬶᬓ᭄᭞ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬧᬬᬲᬾᬧᬥᬫᬗᬦᬹᬢ᭄᭞ᬧᬥᬦᭂᬲᭂᬓ᭄ᬫᬦᭂᬕᬓ᭄᭞ᬭᬫᬾᬦᬸᬢᬸᬃᬦᬸᬢᬸᬃᬳᬲᬶᬄ᭞ᬧᬥᬕᬸᬬᬸ᭞ᬭᬯᭀ
ᬲᬾᬧᬲᬮᬾᬂᬢᬶᬫ᭄ᬩᬮ᭄᭟ᬭᬭᬶᬲ᭄ᬧ᭄ᬭᬡᬫ᭄ᬬᬫᬦᭂᬕᬓ᭄᭞ᬩᬹᬫᬭᬳᬬᬢ᭄ᬗᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬲᬫᬶᬗᬕᭂᬫ᭄ᬲᭂᬓᬃ᭞ᬮᬸᬄᬫᬸᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬭᬫᬾᬲ᭄ᬯᬭᬦᬶᬂᬪᬾᬭᬶ᭞ᬓᬕᬾᬢᬦ᭄ᬕᭂᬮᬸᬫ
ᬦ᭄ᬤᬸᬮᬸ᭞ᬮᬳᬭᬾᬫᬳᬾᬮᭀᬕᬦ᭄᭞ᬧᭂᬢᭂᬂᬓᬸᬓᬸᬲᬾᬗ᭄ᬮᬶᬫᬸᬢᬶᬦ᭄᭞ᬲᬾᬧᬦ᭄ᬩᬗᬸᬦ᭄᭞ᬫᬭᬶᬂᬫ᭄ᬮᬄᬫᬕᬸᬮᬶᬗᬦ᭄᭟ᬚᭂᬭᭀᬤᬸᬓᬸᬄᬲᬾᬧᬦ᭄ᬫᭂᬚᬂ᭞ᬖᭂᬡ᭄ᬝᬦᬾᬓᬦ᭄ᬢᬸᬦ᭄ᬫᬗ᭄ᬭᬶᬦᬶᬂ᭞ᬓ
ᬕᬾᬢ᭄ᬢᭂᬩᬄᬫᬜᬸᬮᬾᬫ᭄ᬧᬂ᭞ᬓᭂᬩᬸᬲ᭄ᬓᬳᬗ᭄ᬰᭂᬗᬦ᭄ᬳᬧ᭄ᬯᬶ᭞ᬮᬶᬬᬸᬧᬤᬫᬮᬳᬶᬩ᭄᭞ᬭᬫᬾᬳᬾᬮᬶᬗᬾᬕᬸᬫᬸᬭᬸᬄ᭞ᬲ᭄ᬯᬭᬦᬶᬂᬢᬢᬩᬸᬳᬦ᭄᭞ᬓᬤᬶᬩᬮᬗᬾᬓᭂᬢᭂᬩᬶᬦ᭄᭞ᬲᭂᬧᬶ [ 11 ][ ᭑᭐ 10B]
᭑᭐᭞
ᬗᬸᬦ᭄ᬗᬸᬦ᭄᭞ᬳᬤᬵᬦᬾᬗᭂᬮᬶᬂᬫᬫᭂᬕᬢ᭄᭟ᬯᬾᬦ᭄ᬢᭂᬦ᭄ᬗᭂᬢᬶᬃᬫᬓᬲᬳᬦ᭄᭞ᬤᬶᬦᬢᬳᬾᬧᬕᬸᬮᬶᬦ᭄ᬢᬶᬓ᭄᭞ᬧᬚᭂᬭᬶᬢ᭄ᬦᬕᬶᬄᬢᬸᬮᬸᬗᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬫᬗ᭄ᬫᬲᬶᬦ᭄᭞ᬦᬾᬓ᭄ᬦᬵᬳᬯᬵ
ᬕᬶᬕᬶᬲ᭄᭞ᬤᬶᬦᬢᬳᬾᬤᬳᬄᬤᬸᬳᬸᬄ᭞ᬲᭂᬓᬵᬕᭀᬗᬾᬫᬸᬮᬶᬲᬄ᭞ᬲᬦᬾᬫᬦᭀᬗᭀᬲ᭄ᬤᬶᬘᬸᬭᬶᬂ᭞ᬗᬶᬲᬶᬧᬗ᭄ᬕᬸᬮ᭄᭞ᬓᬕᬾᬢ᭄ᬓᬓᬸᬫᬲᬶᬬᭂᬧᬦ᭄᭟ᬳᬓᬾᬄᬓᬸᬦᬧᬫᬕ᭄ᬮᬃ
ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬫᬧᬶᬮ᭄ᬧᬶᬮ᭄᭞ᬯᬾᬦ᭄ᬢᭂᬦ᭄ᬓᬭᬶᬲᬦᬾᬜᬶᬗᬮ᭄᭞ᬕ᭄ᬮᬸᬢ᭄ᬧ᭄ᬬᬦᬓᬾᬓᬓᭂᬩᬶᬦ᭄᭞ᬯᬾᬦ᭄ᬢᭂᬦ᭄ᬫᬢᬶᬫᬜᬸᬫ᭄ᬧ᭄ᬭᬶᬢ᭄᭞ᬗᬚᬓ᭄ᬢᬶᬫ᭄ᬧᬮᬾᬫᬧ᭄ᬮᬸᬢ᭄᭞ᬯᬾᬦ᭄ᬢᭂᬦ᭄ᬫᬳᬥᬸ
ᬫᬸᬓᬵ᭞ᬳᭂᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬲᬮᬾᬂᬲᬸᬲᬸᬦ᭄᭞ᬩᬗ᭄ᬓᬾᬦᬾᬓᬲ᭄ᬫᬭᬦ᭄ᬤᬦ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦᬵ᭚ᬲᬾᬱᬦᬶᬂᬧᬕᬶᬫᬗᬶᬭᬶᬂ᭞ᬲᬫᬶᬲ᭄ᬤᬶᬄᬫᬲᬫ᭄ᬩᬢᬦ᭄᭞ᬲᬲᬫ᭄ᬩᬢᬾᬳᬫ᭄ᬮ
[ ᭑᭑ 11A]
ᬲᬃᬱ᭞ᬦ᭄ᬤᬸᬮᬫᬾᬭᬶᬂᬲᬂᬧᬭᬵᬢ᭄ᬭ᭞ᬮᬘᬸᬃᬘᭂᬦᬶᬂᬫᬜ᭄ᬚᬤ᭄ᬫᬵ᭞ᬤᬸᬄᬓᬸᬤ᭄ᬬᬂᬚᬦᬶᬫᬦᬸᬮᬸᬂ᭞ᬩᬬᬲᬸᬩᬢᬶᬢᬳᬶᬂᬳ᭄ᬬᬂ᭟ᬘ᭄ᬦᬶᬂᬫᬗᬮᬳᬶᬦ᭄ᬫᬢᬶ᭞ᬳᬧᬂᬫ᭄ᬮᬄᬤᬶᬓᭂᬤᬶᬢ᭄ᬯᬦ᭄᭞ᬩᬧᬓᬾᬦᬾᬲ
ᬗ᭄ᬰᬭᬦᬾ᭞ᬓᬸᬤᬸᬳᬶᬤᬸᬧ᭄ᬓᬲᬓᬶᬢᬦ᭄᭞ᬧ᭄ᬬᬦᬓ᭄ᬘᬸᬘᬸᬦᬾᬫᬺᬕᬄ᭞ᬩᬧᬤᬶᬦᬶᬦᬦ᭄ᬤᬂᬲᬸᬂᬲᬸᬢ᭄᭞ᬢ᭄ᬯᬭᬓᬭ᭄ᬯᬦ᭄ᬧᬕᭂᬦᬳᬦ᭄᭟ᬩᬧᬚᬦᬶᬫᬗᬮᬳᬶᬦ᭄᭞ᬫᬮᬶᬄᬢᭀᬗᭀᬲ᭄ᬫ
ᬧᬬᬸᬩᬦ᭄᭞ᬗᬚᬓ᭄ᬩᬶᬩᬶᬜᬫᬋᬓᭀ᭞ᬢᬦ᭄ᬤᬸᬫᬗᬶᬤᬸᬮ᭄ᬮᬸᬫᬫ᭄ᬧᬄ᭞ᬦᬾᬕᬶᬕᬶᬲ᭄‌ᬓ᭄ᬦᬶᬬᬂᬳᬯᬵᬯᬶᬫᬃᬕ᭄ᬕᬶᬦᬾᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬲᬫ᭄ᬩᬶᬮᬂᬗᭂᬮᬶᬂᬫᬕᬶᬸᬬᬸᬂᬚᬮᬦ᭄᭟ᬧᬫ᭄ᬭᬶᬦ᭄ᬢᬄᬭᬯᬸᬄ
ᬦᬸᬮᬸᬗᬶᬦ᭄᭞ᬩᬧᬓ᭄ᬧᬸᬗ᭄ᬕᬯᬫᬜᬶᬗᬓ᭄᭞ᬧᭀᬮᬶᬲᬶᬫ᭄ᬯᬂᬧᬕᭂᬃᬪᬬ᭞ᬢᬸᬦᬸᬮᬸᬂᬫᬚᬓ᭄ᬓᬵᬰ᭄ᬭᬫ᭞ᬮ᭄ᬯᬶᬃᬲᬦᬾᬓᬩᬜ᭄ᬚᬡ᭞ᬤᭀᬓ᭄ᬢᭂᬃᬫᬶᬯᬄᬚᬸᬭᬸᬚᬸᬭᬸ᭞ᬢᬍᬃᬧᬶᬲᬭᬵᬢ᭄ᬫᬜᬸᬫ᭄ᬩᬂ [ 12 ][ ᭑᭑ 11B]
᭑᭑᭞
᭟ᬯᬾᬦ᭄ᬢᭂᬦᬓᬲᬶᬤ᭄ᬫᭂᬦ᭄‌ᬗ᭄ᬭᬭᬶᬲ᭄᭞ᬚ᭄ᬜᭂᬓ᭄ᬤᬶᬢᬸᬓᬳᬸᬩᬤᬂ᭞ᬦᬾᬤᬳᬢ᭄ᬲᬗ᭄ᬓᬵᬮᬋᬓᭀ᭞ᬯᬾᬦ᭄ᬢᭂᬦ᭄ᬓᬦᬶᬦ᭄‌ᬩᭀᬗ᭄ᬮᭀᬃᬓᭀᬧ᭄ᬮᬃ᭞ᬫᬗ᭄ᬭᬭᬶᬲ᭄ᬓᬤᬾᬦ᭄ᬧᬲᬃ᭞ᬲᬚᬯᬶᬦ᭄ᬩᬜ᭄ᬘᬦ
ᬇᬓᬸ᭞ᬲᬫᬶᬗᬺᬋᬧᬾᬗᬸᬗ᭄ᬰ᭄ᬬᬦ᭄᭟ᬓᬮᬸᬦ᭄ᬢᬮᬸᬦ᭄ᬢᬮᬸᬫᬭᬶᬲ᭄᭞ᬳᬮᬶᬢ᭄ᬘᭂᬭᬶᬓ᭄ᬫᬗ᭄ᬭᬾᬦ᭄ᬢᬾᬗᬦ᭄᭞ᬜᬫ᭄ᬩᬶᬮᬂᬤᬦ᭄ᬤᬦ᭄ᬫᬗᬦ᭄ᬤᭀᬂ᭞ᬯᬾᬦ᭄ᬢᭂᬦ᭄‌ᬫ᭄ᬭᬾᬧᬾᬂᬮᬾᬦ᭄ᬫᬜᬶᬗᬮ᭄᭞ᬳᬤᬘ᭄ᬭᬶᬓ᭄ᬓᬲ
ᬗ᭄ᬰᬭ᭞ᬲᭂᬤᬶᬄᬳᬾᬮᬶᬂᬤᬾᬯᬾᬓ᭄ᬳᬸᬩᬸᬄ᭞ᬩᬧᬾᬩᬸᬗᬮᬳᬶᬦ᭄ᬧᭂᬚᬄ᭟ᬩᭂᬗᭀᬂᬧᬘᬂᬳᬢᬶᬓᬶᬗ᭄ᬓᬶᬂ᭞ᬲᬫ᭄ᬩᬶᬮ᭄ᬫᬗᬸᬲᬧ᭄ᬬᬾᬄᬢᬶᬗ᭄ᬳᬮ᭄᭞ᬧᬢᬶᬲᬫ᭄ᬩᬸᬭᬢ᭄ᬮᬫ᭄ᬧᬳᬾ᭞ᬗᬸᬢᬸᬗᬶᬦ᭄ᬢᭀ
ᬢᭀᬲ᭄ᬧᬗᬸᬗ᭄ᬱ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᬮᬶᬄᬩᬮᬸᬂᬩᬂ᭞ᬳᬤᬫᬜᬸᬚᬃᬓᬓ᭄ᬮᬸᬂᬓᬸᬂ᭞ᬯᬦᬾᬄᬫᬗᬮᬶᬄᬢᬩᬦᬦ᭄᭟ᬢ᭄ᬮᬲᬶᬩᬬᬾᬕ᭄ᬫᬗᬸᬗ᭄ᬲᬶ᭞ᬮ᭄ᬯᬄᬢᬸᬓᬤ᭄ᬘᬭᬶᬢ᭄ᬣᬬᬂ᭞ᬚᬫ᭄ᬩᬢ᭄ᬚᬫ᭄ᬩᬢᬦᬾ
[ ᭑᭒ 12A]
ᬋᬓᭀ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄ᬓᬳᬜᬸᬤᬂ᭞ᬘᬭᬶᬓ᭄ᬘᬭᬶᬓ᭄‌ᬫ᭄ᬯᬂᬢᭂᬕᬮ᭄᭞ᬳᬲᬶᬂᬢᬫ᭄ᬧᭂᬓ᭄ᬫᬭᬶᬂᬧᬮᬸᬄ᭞ᬳᬸᬯᬸᬕ᭄ᬕᬸᬩᬃᬓᬳᬸᬭᬸᬕᬦ᭄᭟ᬩᭂᬦ᭄ᬤᬸᬂᬩᭂᬦ᭄ᬤᬸᬗᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬓᬢᬩᬸᬕᬦ᭄ᬮᬳᬃ
ᬢᬦ᭄ᬧᬭ᭄ᬯᬤ᭄ᬢᬶᬓᬦᬂᬯᬺᬓ᭄ᬱ᭞ᬯᬶᬯᬶᬂᬓ᭄ᬮᬧᬢᬦ᭄ᬧᬳᭂᬯ᭄ᬯᬄ᭞ᬯᭀᬄᬯᭀᬳᬦ᭄ᬓᬧᬤᬲᬦ᭄᭞ᬢ᭄ᬯᬭᬳᬤᬗᭂᬦᬄᬓᬢᬸᬢ᭄᭞ᬓᬧᬸᬘᬶᬮᬦ᭄ᬜᬦᬾᬳᬳᬲ᭄᭟ᬓᬮᬶᬲᬗ᭄ᬳᬭᬦᭂᬓᬳᬶ
ᬦ᭄᭞ᬦᬵᬕᬭᬭᬹᬕ᭄ᬫᬕ᭄ᬮᬶᬬᬸᬭᬦ᭄᭞ᬫᬸᬦᬶᬕᬂᬦᬶᬮᬵᬗ᭄ᬕᬮᭀᬦ᭄᭞ᬢᬶᬓᬸᬲᬾᬬᬸᬢᬬᬸᬢᬬᬦ᭄᭞ᬭᬾᬭᬤ᭄‌ᬭᬾᬭᭀᬤ᭄‌ᬭᬶᬂᬳᬯᬦ᭄᭞ᬳᬸᬫ᭄ᬬᬂᬲᬺᬕᬮᬫᬗᬮᬸᬧ᭄᭞ᬘᬶᬗ᭄ᬕ᭄ᬭᬕ
ᬢᬾᬫᬗᬸᬫ᭄ᬩᬂ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭚ᬫᬵᬲ᭄ᬓᬸᬫᬫ᭄ᬩᬂᬲᭂᬤᬶᬄᬓᬗᭂᬦ᭄ᬲᬂᬗᬦ᭄ᬢᭂᬦᬶᬦ᭄᭞ᬧᬗ᭄ᬓᬄᬜᬭᬶᬢ᭄ᬣᬬᬂ᭞ᬳᬗ᭄ᬕᬾᬦ᭄ᬢᬸᬢᬸᬭᬦ᭄ᬓᬳᬸᬭᬶ᭞ᬭᬸᬲᬓᬾᬭᬶᬂᬧᬦᬵᬕᬭᬦ᭄᭟ᬓᬵᬮᬦᬸᬚᬸ [ 13 ][ ᭑᭒ 12B]
᭑᭒᭞
ᬤᬶᬦᬦᬾᬯ᭄ᬭᬲ᭄ᬧᬢᬶᬫᬦᬶᬲ᭄᭞ᬉᬓᬸᬦᬶᬂᬤᬸᬗ᭄ᬕᬸᬮᬦ᭄᭞ᬧᬗ᭄ᬮᭀᬂᬧᬶᬂᬲᭀᬮᬲ᭄ᬦᭂᬫᭀᬦᬶᬦ᭄᭞ᬲᬚ᭄ᬭᭀᬦᬶᬂᬰᬰᬶᬄᬓᬲᬗ᭄ᬳ᭞ᬇᬦ᭄ᬤᭀᬦᬾᬲ᭄ᬬᬓᬳᬸᬗ᭄ᬕ᭄ᬯᬂᬫᬓᬧᬗᬾᬮᬶᬂ᭞ᬬᬦᬶᬂᬢᬢ
ᬗ᭄ᬕᬮᬦ᭄᭞ᬤ᭄ᬯᬧᬸᬮᬸᬄᬲᬢᬸᬗᭂᬦᬳᬶᬦ᭄᭞ᬩᬸᬮᬦ᭄ᬫᬋᬢ᭄ᬩᬸᬚᬫ᭄ᬢᬶᬕ᭟ᬤᬯᬸᬄᬳ᭄ᬦᭂᬫ᭄ᬓᬤᬶᬭᬶᬂᬧᬸᬮᬶᬦᬵᬩᬮᬶ᭞ᬢᬢ᭄ᬓᬵᬮᬭᬢᬶᬦᬵ᭞ᬕᬸᬦ᭄ᬢᬸᬭᬾᬫᬮᬶᬄᬯ᭄ᬭᬯᬸᬳᬶᬦ᭄᭞ᬮᬩᬸᬄᬭᬶᬂᬤᬾᬰᬲᬸᬩ
ᬕᬦ᭄᭟ᬓᬭᬂᬲᭀᬓᭀᬂᬧᬸᬦᬶᬓᬵᬕᬫᬫᬸᬲ᭄ᬮᬶᬫᬶᬦ᭄᭞ᬲ᭄ᬤᭂᬓ᭄ᬫᬭᬶᬂᬮᬗ᭄ᬢᬃ᭞ᬳ᭄ᬮᬸᬄᬫ᭄ᬯᬦᬶᬘ᭄ᬭᬶᬓ᭄ᬓᭂᬮᬶᬄ᭞ᬳᬾᬩᭂᬓ᭄ᬲᭂᬲᭂᬓ᭄ᬫᬤᬸᬕ᭄ᬤᬸᬕᬦ᭄᭟ᬯᬾᬦ᭄ᬢᭂᬦ᭄ᬫᭂᬦᬾᬓ᭄ᬓᬮᭀᬢᬾᬂᬮᬗ᭄ᬕᬭᬾᬗᬶᬗ᭄ᬕᬶᬮ᭄
᭞ᬢ᭄ᬯᬦ᭄ᬳᬚᬶᬧᬫᭂᬓᬲ᭄᭞ᬩᬳᬸᬫᬭᬫᬗᬲ᭄ᬢᬶᬢᬶ᭞ᬮᬳᬭᬾᬭᬯᬸᬄᬗᬸᬩᬸᬭᬂ᭟ᬫᬳᬸᬭᬳᬦ᭄ᬢᬗᬶᬲ᭄ᬳᭂᬮᬶᬗᬾᬧᬚ᭄ᬭᬶᬢ᭄᭞ᬦᬸᬤᬶᬚ᭄ᬭᭀᬦᬶᬂᬮᬗ᭄ᬕᬃ᭞ᬧᬤᬫᬢᬶᬫᬗ᭄ᬫᬲᬶᬦ᭄᭞ᬫᬗᬶᬭᬶᬂᬩ

[ ᭑᭓ 13A]
ᬮᬩᬸᬃᬮᬳᬃ᭟ᬓᬭᬂᬲᭀᬓᭀᬂᬳᬸᬫᬄᬳᬸᬫᬄᬤᬳᬸᬭᬸᬕᬶᬦ᭄᭞ᬮᬶᬬᬸᬓᬳᬜᬸᬤᬂ᭞ᬩᬭᬂᬩᬭᬂᬲᬦᬾᬩ᭄ᬘᬶᬓ᭄᭞ᬲᬫ᭄ᬩᭂᬄᬩᬸᬬᬃᬫᬦᬾᬘᬾᬕᬦ᭄᭟ᬭᬶᬂᬲᬸᬩᬕᬦ᭄ᬕᭂᬤᭀᬂᬕᭂᬤᭀᬂᬓ
ᬳᭂᬫ᭄ᬩᬳᬶᬦ᭄᭞ᬲᬓᬜ᭄ᬘᬦᬶᬂᬳᬸᬩ᭄ᬯᬦ᭄᭞ᬮᬶᬬᬸᬫᬢᬶᬧᬳᬶᬸᬕᬸᬮᬶᬮᬶᬂ᭞ᬢᬓᬾᬄᬰᬯᬦᬾᬓᬵᬜᬸᬤᬂ᭟ᬳᬗ᭄ᬳᬶᬂᬮᬸᬧᬸᬢ᭄ᬕᬫᬢᬶᬃᬢ᭄ᬣᬦᬾᬢᬦ᭄ᬓᭂᬦᬶ᭞ᬫᬫᬦᬾᬦᬶᬦ᭄ᬩᬸᬤᬮ᭄᭞ᬗᬮᬶᬄᬢᭀ
ᬗᭀᬲ᭄ᬧᬢᬸᬢ᭄ᬳᬸᬗ᭄ᬰᬶ᭞ᬤᬾᬦᬶᬂᬳᬚ᭄ᬭᬶᬄᬓᬳᬦ᭄ᬢᬵᬓ᭟ᬋᬤ᭄ᬤᬂᬓᬾᬮᭀᬃᬧᬰ᭄ᬭᬫᬦᬾᬢ᭄ᬯᬭᬓᬭᬶ᭞ᬢᭀᬓᭀᬫᬩ᭄ᬮᬕᬸᬭᬦ᭄᭞ᬫᬶᬸᬩᬢᬸᬮᬳᬃᬫᬜᬶᬮᬸᬭᬶᬦ᭄᭞ᬓᬤᬶᬫᬗᬺᬋᬱᬂᬘᬶᬢ᭄ᬣ᭟ᬳᬶ
ᬩᬸᬓ᭄‌ᬲᭂᬤᬶᬄ᭞ᬧᬫ᭄ᬭᬶᬦ᭄ᬢᬳᬾᬫᬗ᭄ᬭᬯᭀᬲᬶᬦ᭄᭞ᬧᭀᬮᬶᬲᬶᬫ᭄ᬯᬂᬢᭂᬦ᭄ᬢ᭄ᬭ᭞ᬗᬸᬩᬸᬭᬂᬫᬬᬶᬢᬾᬲᬫᬶ᭞ᬲᬦᬾᬓᬓ᭄ᬦᬶᬬᬂᬚᬯᭂ᭟ᬢᬍᬃᬳᬓᬾᬄᬫᬬᬶᬢᬾᬲᬦᬾᬫᬗ᭄ᬭᬭᬶᬲ᭄᭞ᬳ [ 14 ][ ᭑᭓ 13B]
᭑᭓᭞
ᬜᬸᬤ᭄ᬓᬲᬫᬸᬤ᭄ᬭ᭞ᬧᬕᬸᬮᬶᬦ᭄ᬢᬶᬓ᭄ᬤᬶᬧᬲᬶᬲᬶ᭞ᬳᬗ᭄ᬕᬾᬦ᭄ᬲᬢ᭄ᬯᬓᬳᬸᬗ᭄ᬓᬸᬭᬦ᭄᭟ᬧᬗ᭄ᬓᬸᬃᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬜᬮᬶᬫᬸᬭᬂᬳᬶᬥᭂᬧᬾᬳᬶᬗᬸᬄᬲᬳᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬵᬯᬓ᭄ᬮᬘᬸᬃ᭞ᬫ
ᬦᭀᬗᭀᬲ᭄ᬤᬶᬧᬗ᭄ᬰ᭄ᬬᬤ᭄᭞ᬫᬗᭂᬦᭂᬳᬶᬦ᭄ᬧᬘᬂᬓᬧᭂᬕᬢᬦ᭄ᬲᬗᬹ᭞ᬢᭀᬓ᭄ᬭᬡᬫᬗᬸᬋᬤ᭄ᬚᬶᬯ᭄ᬯ᭞ᬲᬗ᭄ᬰᬭᬓᬢ᭄ᬓᬦ᭄ᬓᬮᬶ᭟ᬢᬦ᭄ᬧᬾᬦ᭄ᬤᬄᬳᬶᬓᬬᬸᬭᬕᬲ᭄᭞ᬗᬕᭂᬫ᭄ᬧᬸᬗ᭄ᬓᬢ᭄‌ᬦᭂ
ᬥᭂᬂᬫᬲᭂᬓᬃᬫᬶᬬᬶᬓ᭄᭞ᬳᬶᬩᬸᬦ᭄ᬢᬺᬡᬲᬫᬶᬮᬬᬸ᭞ᬲᭂᬤᬶᬄᬬᬓᬧᬤᬲᬦ᭄᭞ᬗᬢᬶᬳᬳᬯᬸᬄᬭᬶᬂᬫᬰᬾᬂᬓᬘᬢᬸᬃ᭞ᬲᬫᬗ᭄ᬤᬢᬸᬦ᭄ᬢᬸᬮᬲ᭄ᬳᬳᬲ᭄᭞ᬫᬫᬗ᭄ᬕᬸᬄᬚᬕᬢᬾᬩᭂᬘᬶᬓ᭄᭟
ᬘᭂᬢ᭄ᬢᬾᬂᬦᬶᬢᬶᬦᬶᬂᬧᬫ᭄ᬭᬶᬦ᭄ᬢᬄ᭞ᬧᬓ᭄ᬧ᭄ᬭᬲᬶᬤᬾᬦ᭄‌ᬯᬶᬤᬕ᭄ᬤᬵᬫᬗ᭄ᬮᬸᬲ᭄‌ᬩᬸᬫᬶ᭞ᬮ᭄ᬯᬶᬃᬫᬾᬖᬫᬗᭂᬫᬚᬯᬸᬄ᭞ᬗᬯᭂᬢ᭄ᬯ᭄ᬗ᭄ᬳᬸᬤᬦ᭄ᬭᬳᬢ᭄‌᭞ᬫᬦᬶᬩᬾᬦᬶᬦ᭄ᬧᬦᭂᬥᭂᬂᬫᬰᬾᬂᬓᬘᬢᬸᬃ᭞
[ ᭑᭔ 14A]
ᬢᬦ᭄ᬤᬸᬫᬤᬾᬓᬩ᭄ᬮᬩᬸᬭᬦ᭄᭞ᬚᬕᬸᬂᬩ᭄ᬭᬲ᭄ᬓᬳᭂᬫ᭄ᬩᬳᬶᬦ᭄᭟ᬬᬦ᭄ᬳᬓᬸᬤᬂᬓᬸᬤᬂᬓᬨᬮ᭞ᬩ᭄ᬭᬲ᭄ᬚᬕᬸᬂᬓᬮᬯᬵᬦ᭄ᬓᬳᬶᬦ᭄ᬓᬳᬶᬦ᭄᭞ᬲᬸᬫ᭄ᬩᬗᬦ᭄ᬮᬶᬦ᭄ᬢᬂᬦᬵᬕᬦ᭄ᬢᬸᬦ᭄᭞ᬓᬯᬱ᭄ᬝᬦᬶᬦ᭄ᬚᬫᬶᬦᬦ᭄᭞ᬕ᭄ᬭᬂ
ᬢᬲᬶᬓ᭄‌ᬩᬲᬩᬲᬫᬶᬯᬄᬲᬩᬸᬦ᭄᭞ᬫ᭄ᬯᬂᬲᬸᬲᬸᬩ᭄ᬮᬾᬓ᭄‌ᬩ᭄ᬮᬾᬓᬦ᭄᭞ᬍᬗᬶᬲ᭄‌ᬜᬸᬄᬓᬮᬯᬦ᭄ᬧᬶᬧᬶᬲ᭄᭟ᬗᬢᬶᬓ᭄‌‌ᬯᬢᬭᬳᬓᬨᬮ᭄᭞ᬓᬢᬶᬯᬓᬂᬭᬶᬂᬲᬂᬧᬭᬧᬗᬸᬗ᭄ᬰᬶ᭞ᬳ
ᬗᬶᬂᬧᬗᬸᬗ᭄ᬲᬶᬦᬾᬤᬸᬫᬸᬦ᭄᭞ᬳᭀᬮᬶᬄᬲᬫᬶᬳᬍᬫ᭄ᬩᬃ᭞ᬯᬶᬦᬾᬄᬫᬮᬶᬄᬩᭂᬭᬲ᭄ᬚᬕᬸᬂᬫᬶᬯᬄᬲᬸᬲᬸ᭞ᬲᬭᬯᬸᬳᬶᬂᬩᬲᬩᬲᬵ᭞ᬜᬗ᭄ᬭᬦ᭄ᬤᬶᬦᬵᬓᬳᭂᬤᬸᬫᬶᬦ᭄᭟ᬓᬕᬾᬢ᭄ᬓᬘᬘᬭᬶᬦ᭄ᬕ᭄ᬭᬂ᭞
ᬍᬗᬶᬲ᭄‌ᬳᭂᬩᬸᬄᬲᬩᬸᬦ᭄ᬓᬮᬯᬦ᭄ᬧᬶᬧᬶᬲ᭄᭞ᬮ᭄ᬕᬵᬮᬾᬤᬂᬇᬥᭂᬧ᭄ᬓᬬᬸᬦ᭄᭞ᬭᬓ᭄ᬬᬢᬾᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬓᬳᬸᬤᬦᬶᬦ᭄ᬳᬦ᭄ᬢᬸᬓ᭄‌ᬢᬶᬃᬢ᭄ᬣᬓᬫᬦ᭄ᬤᬮᬸ᭞ᬧᬳᬶᬘᬦᬾᬮ᭄ᬯᬶᬄᬉᬢ᭄ᬢ [ 15 ][ ᭑᭔ 14B]
᭑᭔᭞
ᬫ᭞ᬧᬦᬸᬦ᭄ᬢᬸᬦᬦ᭄ᬲᬗ᭄ᬳ᭄ᬬᬂᬉᬭᬶᬧ᭄᭟ᬲᬵᬫ᭄ᬧᬸᬦ᭄ᬲᬫᬶᬓᬘᬘᬩᬦ᭄᭞ᬳᬶᬤᬤᬦᬾᬯᬢᭂᬓ᭄ᬲᬭᬧᬗᬸᬗ᭄ᬰᬶ᭞ᬳᬲᬶᬂᬤᬶᬚᬭᬓ᭄ᬬᬢ᭄ᬜᬸᬚᬸᬃ᭞ᬓᬢᬸᬢᬸᬕ᭄‌ᬩᬜ᭄ᬚᬫᬶᬦᬦ᭄᭞ᬫ
ᬗ᭄ᬤᬾᬳᭀᬮᬶᬄᬭᬓ᭄ᬬᬢᬾᬲᬫᬶᬫᬜᭂᬓᬸᬮ᭄᭞ᬲ᭄ᬯᬾᬘ᭄ᬙᬦ᭄ᬲᬂᬳᬫᬯᬂᬲᬭᬵᬢ᭄᭞ᬭᬶᬂᬭᬓ᭄ᬬᬢᬾᬫᬗ᭄ᬕᬸᬄᬓᬶᬂᬓᬶᬂ᭟ᬤᬶᬲ᭄ᬢ᭄ᬭᬶᬓ᭄‌ᬤᬶᬲ᭄ᬢ᭄ᬭᬶᬓ᭄ᬫᬶᬯᬄᬓᭀᬣ᭞ᬤᬾᬰᬤᬾᬰᬩᬶᬮᬂᬕᭂ
ᬦᬄᬫᬗᬸᬗ᭄ᬰᬶ᭞ᬢᬍᬃᬧᬸᬦᬶᬓᬵᬓᬚᬸᬂᬚᬸᬂ᭞ᬓᬳᬶᬘᬾᬦᬶᬦ᭄ᬚᬫᬶᬦᬦ᭄᭞ᬓᬯᬲ᭄ᬢᬦᬶᬦ᭄‌ᬩᬸᬲᬸᬂᬮᬧᬃᬦᬾᬓᬯᬸᬯᬸᬲ᭄᭞ᬯᬦ᭄ᬢᬄᬓᬲᬸᬓ᭄ᬱ᭄ᬫᬬᬂᬧᬶᬲᬦ᭄᭞ᬳᬦ᭄ᬢᬸᬓ᭄ᬭᬓ᭄ᬬᬢᬾᬭᬶᬂᬩᬮᬶ᭟
ᬤᬾᬦᬶᬂᬧᬫ᭄ᬭᬶᬦ᭄ᬢᬳᬾᬲ᭄ᬯᬾᬘ᭄ᬙ᭞ᬲᬓᬶᬂᬚᬢᬶᬦᬸᬮᬸᬲ᭄ᬭᬓ᭄ᬬᬢᬾᬲᬫᬶ᭞ᬓᬫᬗ᭄ᬕᬮᬧᬓ᭄ᬕᬸᬩᭂᬃᬦᬸᬃ᭞ᬧᬸᬲᬢᬶᬂᬳᬱ᭄ᬝᬦᬵᬕᬭ᭞ᬫᬓᬵᬤᬶᬮ᭄ᬯᬶᬄᬩᬧᬓ᭄ᬧ᭄ᬭᬲᬶᬤᬾᬦ᭄ᬓᬯᬸᬯᬸᬲ᭄᭞

[ ᭑᭕ 15A]
ᬳᬲᬶᬂᬓᬬᬸᬦ᭄‌ᬲᬶᬤ᭄ᬥ᭄ᬬᬚ᭄ᬜᬡ᭞ᬫᬢᭂᬓ᭄ᬚᬫᬶᬦᬦᬾᬲᬫᬶ᭟ᬢᬸᬭᬶᬂᬓᬚᬦᬵᬦᬸᬭᬕᬦ᭄᭞ᬓ᭄ᬭᬡᬳᬰᬶᬄᬭᬓ᭄ᬬᬢ᭄ᬭᬓ᭄ᬬᬢᬾᬲᬫᬶ᭞ᬫᬶᬯᬄᬭᬵᬚᬲ᭄ᬬᭀᬲ᭄ᬦᬵᬕᬦ᭄ᬢᬸᬦ᭄᭞ᬲᬫᬶᬢᬳᬸ
ᬩ᭄ᬓᬢᬺᬱ᭄ᬡᬦ᭄᭞ᬬᬦ᭄ᬳᬸᬧᬫᬶᬲᬂᬲᬸᬢᬲᭀᬫᬫᬦᬸᬭᬸᬦ᭄᭞ᬫᬗᬯᬾᬲᬸᬓᬦᬶᬂᬧᬭᬵᬚᬢᬶ᭞ᬲᭂᬥᭂᬂᬧᬸᬚᬶᬧᬸᬚᬶ᭟ᬯᬶᬓᬲ᭄ᬳᬦ᭄ᬢᬸᬓ᭄‌ᬜᬸᬓ᭄ᬱ᭄ᬫᬬᬂ᭞ᬓᬥᬃᬫ᭄ᬫᬦᬾᬫ᭄ᬭᬕᬢᬸᬢᬹᬃᬍᬯᬶᬄ᭞ᬜᬦ᭄ᬤᬂᬧ
ᬢᬸᬢ᭄‌ᬕ᭄ᬦᬄᬗᬬᬸᬩ᭄᭞ᬭᬵᬢ᭄ᬯᬶᬂᬳᬱ᭄ᬝᬦᬵᬕᬭ᭞ᬧᬓ᭄ᬩᬸᬧᬢᬶᬓᬭᬗᬲᭂᬫ᭄ᬧᬮᬶᬂᬓᬾᬬᬸᬄ᭞ᬲᬧ᭄ᬢᬤᬶᬲ᭄ᬢ᭄ᬭᬶᬓ᭄ᬦᬾᬩᬜ᭄ᬘᬡ᭞ᬓᬕᬶᬦᬤᬗᬯᬾᬕᭂᬦ᭄ᬤᬶᬂ᭟᭐᭟ᬧᬸᬧᬸᬄᬕᬶᬦᬥ᭚
ᬤᬶᬲ᭄ᬢ᭄ᬭᬶᬓ᭄ᬓᬸᬩᬸᬦᬾᬳᬸᬘᬧᬂ᭞ᬮᬶᬬᬸᬭᬓ᭄ᬬᬢᬾᬫᬮᬳᬶᬩ᭄᭞ᬯᬾᬦ᭄ᬢᭂᬦ᭄ᬗᬸᬗ᭄ᬲᬶᬲᬶᬗ᭄ᬳᬤ᭄ᬯᬮᬵ᭞ᬳᬦᬵᬜᬸᬚᬸᬃᬓᬵᬗᬦ᭄ᬢᭂᬮᬸ᭞ᬯᬦᬾᬄᬗᬮᬶᬄᬢᬾᬚᬵᬓᬸᬮᬵ᭞ᬧᬤᬵᬗᬸᬗ᭄ᬰᬶᬭᬓ᭄ᬬᬢᬾᬗᭂ [ 16 ][ ᭑᭕ 15B]
᭑᭕᭞
ᬮᬶᬤᬂᬚᬶᬯ᭟ᬯᬾᬦ᭄ᬢᭂᬦ᭄ᬗᬯᭀᬦᬶᬦ᭄ᬓᬲᬸᬕ᭄ᬬᬦ᭄᭞ᬳᬸᬫᬳᬾᬤᬢᬧ᭄ᬭᬶᬸᬧ᭄ᬮᬳᬶᬩᬶᬦ᭄᭞ᬲᬫ᭄ᬩᭂᬦ᭄ᬧᬮᬶᬂᬫᬕ᭄ᬮᬶᬬᬸᬭᬦ᭄᭞ᬲᬮᬶᬂᬧᬮᬶᬯᬢ᭄ᬮᬸᬫᬓᬸ᭞ᬤᭀᬦᬶᬂᬚ᭄ᬭᬶᬄᬓᬳᬦ᭄ᬢᬓᬦ᭄᭞ᬫᬦᬸ
ᬫᬸᬦᬶᬦ᭄᭞ᬫᬗᬺᬋᬄᬕ᭄ᬦᬄᬧᬗᬸᬗ᭄ᬰ᭄ᬬᬦ᭄᭟ᬯᬾᬦ᭄ᬢᭂᬦ᭄ᬲᬦᬾᬫᬫᬚᭂᬕᬂ᭞ᬳᬸᬫᬳᬾᬓᬦ᭄ᬢᬸᬦ᭄ᬕᭂᬦᬳᬶᬦ᭄᭞ᬤᭀᬦᬶᬂᬳᬾᬮᬶᬂᬭᬶᬂᬓᬲᬸᬕ᭄ᬬᬦ᭄᭞ᬢᬹᬃᬓᬫ᭄ᬧᭂᬓᬶᬦ᭄ᬕᬸᬦᬸᬂᬳᬕᬸᬂ᭞ᬳᬓ᭄ᬯᬾ
ᬳ᭄ᬗᬶᬭᬶᬂᬓᬳᬦ᭄ᬢᬓᬦ᭄᭞ᬳᬯᬵᬖ᭄ᬦᬶᬧᬸᬦᬶᬓᬵᬲᬦᬾᬫᬸᬳᬸᬦᬂ᭟ᬳᬓ᭄ᬯᬾᬄᬓᬦᬶᬦ᭄‌ᬧᬸᬳᬸᬦ᭄‌ᬩᭀᬗ᭄ᬮᬃ᭞ᬳᬕ᭄ᬮᬶᬲ᭄ᬲᬵᬫ᭄ᬧᬸᬦ᭄ᬓᬢᬸᬮᬸᬗᬶᬦ᭄᭞ᬲᬸᬫ᭄ᬩᬗᬦ᭄ᬲᬓᬶᬂᬧᬫ᭄ᬭᬶᬦ᭄ᬢᬄ᭞ᬦᬾ
ᬓᬦᬶᬦ᭄‌ᬲᬵᬫ᭄ᬧᬸᬦ᭄ᬓᬳᬗ᭄ᬓᬸᬢ᭄᭞ᬓᬳᬸᬩᬤᬂᬓᬤᬾᬦ᭄ᬧᬲᬃ᭞ᬗᬸᬗ᭄ᬰᬶᬳᬸᬭᬶᬧ᭄᭞ᬫᬗᬺᬋᬄᬓᬤᬶᬃᬕ᭄ᬖᬬᬸᬱᬦ᭄᭟ᬅᬗ᭄ᬳᬶᬂᬭᬓ᭄ᬬᬢᬾᬭᬶᬂᬢ᭄ᬬᬵᬜᬃ᭞ᬳᬭᬂᬳᬭᬂᬦᬾᬫᬗᬸᬗ᭄ᬰᬶ᭞ᬳᬗ᭄ᬳᬶᬂ
[ ᭑᭖ 16A]
ᬯᬾᬦ᭄ᬢᭂᬦ᭄ᬓᬩᭀᬦ᭄ᬤᬍᬫ᭄᭞ᬳᬚ᭄ᬭᬶᬄᬓᬳᬸᬮᬸᬗᬶᬦ᭄ᬩᬢᬸ᭞ᬳᬓ᭄ᬯᬾᬄᬳᬸᬫᬄᬓᬭᬸᬲᬓᬦ᭄᭞ᬓᬳᬸᬚᬦᬶᬦ᭄᭞ᬩᬢᬸᬳᬧᬶᬫᬗᬸᬳᬸᬕᬂ᭟ᬳᬸᬘᬧᬂᬭᬶᬂᬤᬶᬲ᭄ᬢ᭄ᬭᬶᬓ᭄ᬳᬩᬂ᭞ᬭᬓ᭄ᬬᬢᬾᬦᭀᬭᬫᬗᬸᬗ᭄ᬰᬶ
᭞ᬤᭀᬦᬶᬂᬳᬩᬂᬓᬭᬯᭀᬲᬂ᭞ᬢᬦ᭄ᬳᬦᬧᬫᬃᬕ᭄ᬕᬶᬦ᭄ᬕᬸᬦ᭄ᬢᬸᬃ᭞ᬳᬓ᭄ᬯᬾᬄᬩᬸᬓᬶᬢᬾᬫᬚᬚᬃ᭞ᬫᬦᬶᬂᬤᬶᬗᬶᬦ᭄᭞ᬦᭀᬭᬵᬓᬩᬜ᭄ᬘᬡᬮᬳᬃ᭟ᬦᬗᬶᬂᬳᬓ᭄ᬯᬾᬄᬭᬓ᭄ᬬᬢ᭄ᬳᬩᬂ᭞ᬤᬩᬯᭀᬲᬂᬧ
ᬢᬸᬢ᭄ᬗᬸᬗ᭄ᬰᬶ᭞ᬲᬦᬾᬲᬓᬶᬂᬧᬕᬸᬦᬸᬗᬦ᭄᭞ᬭᬾᬄᬢᬫ᭄ᬧᭂᬓ᭄ᬭᬶᬂᬕᬸᬦᬸᬂᬳᬕᬸᬂ᭞ᬫᬗ᭄ᬤᬗᬺᬋᬄᬧᬦᬵᬕᬭᬦ᭄᭞ᬗᬸᬗ᭄ᬰᬶᬤᬶᬲ᭄ᬢ᭄ᬭᬶᬓ᭄᭞ᬓᬥᬂᬥᬂᬫᬗᬶᬓᬸᬢ᭄ᬢᭂᬫ᭄ᬩᬂ᭟᭐᭟ᬧᬸᬧᬸᬄᬥᬂᬥᬂ᭚ᬥᬂᬥᬂ
ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬜᬭᬶᬢᬬᬂ᭞ᬢᬶᬗ᭄ᬓᬄᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬳᬶᬩᬸᬓ᭄ᬓᬗᭂᬦ᭄ᬧᬮᬶᬂᬇᬥᭂᬧᬾ᭞ᬬᬦ᭄ᬳᬓᬸᬤᬂᬩᬸᬮᬦ᭄ᬭᬢᬸ᭞ᬲᬗ᭄ᬰᬭᬩᬓᬢ᭄ᬢᭂᬧᬸᬓᬶᬦ᭄᭞ᬫᬦᭀᬗᭀᬲ᭄ᬲᬶᬂᬲᬶᬂᬚ [ 17 ][ ᭑᭖ 16B]
᭑᭖᭞
ᬮᬦ᭄᭞ᬩᬲ᭄ᬓᬓᬾᬦᬾᬭᬢᬸ᭞ᬗᬸᬤᬵᬪᬝᬵᬭᬢᬶᬗ᭄ᬳᬘ᭄ᬙᬵ᭞ᬫᬜᬫ᭄ᬧᬸᬭᬵ᭞ᬜᬫ᭄ᬧᭀᬮᬶᬄᬳᬦᬓᬾᬲ᭄ᬤᬶᬄ᭞ᬩᬸᬮᬦᬦ᭄ᬦᬶᬗ᭄ᬕᬮᬶᬦ᭄ᬳᬸᬫᬄ᭟ᬦᬸᬚᬸᬤᬶᬦᬵᬯ᭄ᬭᬲ᭄ᬨᬢᬶᬧᬳᬶᬂᬢᬫ᭄ᬩᬶᬃᬯᬭ᭞ᬧ
ᬗ᭄ᬮᭀᬂᬜᬧᬶᬂᬲᬧ᭄ᬢ᭞ᬓᬳᬸᬘᬧ᭄‌ᬚ᭄ᬬᬾᬱ᭄ᬝᬰᬰᬶᬳᬾ᭞ᬇᬰᬓᬲ᭄ᬬᬸᬯᭀᬮᬸᬗᬢᬸᬲ᭄᭞ᬳᬸᬮᬸᬂᬤᬰᬮᬶᬫᬦᬗ᭄ᬕ᭄ᬯᬶᬦ᭄᭞ᬓᬤᬶᬭᬶᬂᬳᬶᬦ᭄ᬤᭀᬦᬾᬰ᭄ᬬ᭞ᬢᬗ᭄ᬕᬮ᭄ᬜᬓᬯᬸᬯᬸᬲ᭄᭞ᬳᭂᬦᬫ᭄ᬩᭂᬮ
ᬲ᭄‌ᬩᬸᬮᬦ᭄ᬮᬶᬫ᭞ᬧᬸᬓᬸᬮ᭄ᬢᬶᬕ᭞ᬦᬵᬮᬭᬳᬶᬦᬫᬹᬃᬯ᭄ᬯᬦᬶᬦ᭄᭞ᬕᬸᬦᬸᬗᬾᬫᬮᬶᬄᬫᬍᬤᬓ᭄᭟ᬫᬗᬋᬄᬢᭂᬄᬗᬺᬤᭂᬕ᭄‌ᬫᬲ᭄ᬯᬂᬧᬶᬸᬳᬧᬶ᭞ᬫᬳᬯᭀᬭᬦ᭄᭞ᬓᬸᬓᬸᬲᬾᬫᬯᭂᬮ᭄ᬯᬦ᭄᭞ᬫᬗᭂ
ᬗᭂᬓ᭄ᬭᬶᬂᬳᬓᬰᬦᬾ᭞ᬢᬹᬃᬗᬯᭂᬢ᭄ᬯᬂᬳᬸᬚᬦ᭄ᬭᬢᬸ᭞ᬓᭂᬩᬸᬲ᭄ᬩᬳᬂᬫᬤᬸᬓᬦ᭄ᬳᬧᬶ᭞ᬜᭂᬧᭀᬮᬶᬦ᭄ᬳᬸᬫᬄᬳᬸᬫᬄ᭞ᬧᬲᬕᬶᬦᬾᬧᬸᬳᬸᬦ᭄᭞ᬭᬓ᭄ᬬᬢᬾᬓ᭄ᬯᬾᬄᬲᬦᬾᬫᬺᬢᬄ᭞ᬓᬳᬸᬤᬦᬦ᭄
[ ᭑᭗ 17A]
ᬩᬢᬸᬳᬧᬶᬫᬜᬩᭂᬳᬶᬦ᭄᭞ᬤᬾᬰᬕᬮᬶᬄᬮᬯᬦ᭄ᬚᬩᬄ᭟ᬫᬮᬶᬄᬦᬸᬚᬸᬳᬶᬤᬪᬝᬵᬭᬫᬶᬚᬶᬮ᭄᭞ᬭᬶᬂᬓᬳ᭄ᬬᬗᬦ᭄᭞ᬭᬶᬂᬧᬸᬲᭂᬄᬲᬶᬩᭂᬢᬦ᭄᭞ᬓᬸᬬᬸᬳᬸᬬᬸᬩᬦ᭄ᬤᬾᬰᬦᬾ᭞ᬭᬓ᭄ᬬ
ᬢᬾᬫᬲᬸᬮᬸᬂᬲᬸᬮᬸᬂ᭞ᬫᬵᬢᬸᬭᬦ᭄ᬲᬫᬶᬗᬪᬓ᭄ᬢᬶ᭞ᬫᬦᬸᬦᬲ᭄ᬓ᭄ᬭᬳᬚᭂᬗᬦ᭄᭞ᬭᬫᬾᬕᭀᬂᬫᬥᭂᬕᬸᬃ᭞ᬳᬸᬚᬦ᭄ᬩᬢᬸᬫᬗᬸᬭᬾᬩ᭄ᬬᬓ᭄᭞ᬦᭂᬧᬾᬦ᭄ᬲᬶᬭᬄ᭞ᬯᬾᬦ᭄ᬢᭂᬦ᭄ᬤᬸᬳᬸᬃᬓᬳᬸᬮᬸᬗᬶᬦ᭄᭞ᬬᬸᬢ
ᬬᬦ᭄ᬩᬢᬸᬫᬗᬶᬫ᭄ᬩᬂ᭟᭐᭟ᬧᬸᬧᬸᬄᬓᬸᬫᬦ᭄ᬩᬂ᭚ᬦᬸᬚᬸᬤᬶᬦᬵᬲᬦᬶᬰ᭄ᬘᬭᬯᬕᬾᬢᬫ᭄ᬩᬶᬃ᭞ᬧᬗ᭄ᬮᭀᬂᬜᬧᬶᬂᬥᬰ᭞ᬰᬰᬶᬄᬚ᭄ᬬᬾᬱ᭄ᬝᬫᬦᭀᬗᭀᬲᬶᬦ᭄᭞ᬓᬵᬮᬮᬢ᭄ᬭᬶᬤᬯᬸᬄᬢᬶᬕ᭟ᬇ
ᬗ᭄ᬤᬦᬾᬲ᭄ᬬᬢᬍᬃᬓᬳᬸᬗ᭄ᬕ᭄ᬯᬂᬭᬶᬂᬕᬸᬭᬶᬢ᭄᭞ᬢᬗ᭄ᬕᬮ᭄‌‌ᬤ᭄ᬮᬧᬦ᭄ᬩᭂᬮᬲ᭄᭞ᬢᬸᬮᬦ᭄ᬫᬾᬳᬶᬫᬜᬋᬗᬶᬦ᭄᭞ᬯᭂᬗᬶᬯᬳᬸᬚᬫ᭄‌ᬲᭂᬫ᭄ᬩᬶᬮᬦ᭄᭟ᬢᬦ᭄ᬧᬲᬗ᭄ᬓᬦ᭄‌ᬓ᭄ᬢᬸᬕ᭄‌ᬮᬶᬖ᭄ᬤᬸᬳᬸᬚᬦ᭄ᬗ᭄ᬭᬶᬩᬶᬲ᭄᭞ᬭ [ 18 ][ ᭑᭗ 17B]
᭑᭗᭞
ᬱᬫᬳᬸᬬᭂᬗᬦ᭄᭞ᬳᭂᬩᬄᬩᬗᬸᬦ᭄ᬧᬚᬸᬗ᭄ᬓᬶᬮᬶᬂ᭞ᬕᭂᬤᭀᬂᬕᭂᬤᭀᬂᬩ᭄ᬮᬄᬢᬶᬬᬕ᭄᭟ᬫᬮᬶᬄᬭᬯᬸᬄᬯ᭄ᬭᬲ᭄ᬨᬢᬶᬯᬕᬾᬦᬾᬩᭂᬘᬶᬓ᭄᭞ᬉᬓᬸᬫ᭄ᬤᬂᬦᬸᬗᬦ᭄᭞ᬢᬶᬍᬫ᭄‌ᬚ᭄ᬭᭀᬱ᭄ᬝᬫᬗ᭄ᬭᬯᬸ
ᬳᬶᬦ᭄᭞ᬩᬳᬸᬫᬭᬳᬩᬂᬯᬾᬕᬦ᭄᭟ᬇᬦ᭄ᬤᭀᬦᬾᬰ᭄ᬬᬓᬳᬶᬓᭂᬢᬂᬭᬶᬂᬧᬗᬯᬶ᭞ᬓᬳᬸᬘᬧᬂᬢᬗ᭄ᬕᬮ᭄᭞ᬤ᭄ᬯᬧᬸᬮᬸᬄᬢᬶᬕᬦᬶᬩᬾᬦᬶᬦ᭄᭞ᬜᬸᬮᬦ᭄ᬫᬾᬳᬶᬧᬸᬓᬸᬮ᭄ᬳᭂᬦᬫ᭄᭟ᬓᭂᬢᬸᬕ᭄ᬮᬖ᭄ᬤᬸᬕᭂᬚᭀᬃ
ᬳᬕᬸᬂᬫᬫ᭄ᬭᬶᬬᬸᬓᬶᬦ᭄᭞ᬳᬸᬫ᭄ᬯᬂᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬬᬧᬚ᭄ᬭᬶᬢ᭄᭞ᬯᬾᬦ᭄ᬢᭂᬦ᭄ᬫᬓ᭄ᬤᭂᬂᬓ᭄ᬤᭂᬗᬦ᭄᭟ᬓᬮᬶᬄᬯᬾᬦ᭄ᬢᭂᬦ᭄‌‌‌ᬓᬭᬶᬜᬗ᭄ᬓᬶᬮ᭄ᬳᬦᬓ᭄ᬳᬮᬶᬢ᭄᭞ᬭᬫᬾᬫᬓᭀᬭᭀᬯᬦ᭄᭞ᬳᬶᬩᬸᬳᬚᬶ
ᬦᬾᬗᬺᬩᬸᬢᬶᬦ᭄᭞ᬯᬾᬦ᭄ᬢᭂᬦ᭄ᬩᬸᬤᬶᬤᬶᬂᬗᬸᬤᬾᬫ᭄ᬧ᭄ᬮᬂ᭟ᬫᬩ᭄ᬭᬸᬤᬸᬕᬦ᭄‌ᬕᬾᬤᭀᬂᬕᭂᬤᭀᬗᬾᬧᬚᬸᬫ᭄ᬧ᭄ᬭᬶᬢ᭄᭞ᬜᭂᬫ᭄ᬧᬮ᭄ᬫᬓᬬᬕᬦ᭄᭞ᬤᭂᬓ᭄ᬤᭂᬓ᭄ᬭᬸᬲᬓ᭄ᬧᬍᬗ᭄ᬓᭂᬢᬶᬓ᭄᭞ᬳᭂᬩᬄᬳᭂᬩᬸᬓ᭄ᬫᬮᬶᬫᬸ
[ ᭑᭘ 18A]
ᬦᬤᬶᬸᬦ᭄᭟ᬤᬾᬰᬯᬦ᭄ᬯᬯᬾᬦ᭄ᬢᭂᬦ᭄ᬮᬸᬧᬸᬢ᭄᭞ᬢ᭄ᬯᬭᬓᭂᬦᬶ᭞ᬫᬍᬩᬄᬍᬩᬳᬦ᭄᭞ᬳᬲᬶᬂᬋᬩᬄᬭᬸᬕ᭄ᬫᬗ᭄ᬭᬭᬶᬲ᭄᭞ᬢ᭄ᬯᬭᬲᬶᬤ᭄ᬥᬩᬓᬢ᭄ᬧᬮᬃ᭟ᬱᬤ᭄ᬓᬬᬗᬦ᭄ᬳᬓ᭄ᬯᬾᬄᬲᬦᬾᬧᬕᬸᬮᬶᬮᬶᬂ᭞ᬩᬸᬓᬶᬢ᭄ᬕᬸ
ᬦᬸᬂᬩ᭄ᬮᬄ᭞ᬳᭀᬘᬓ᭄ᬳᬕᬸᬂᬯᬾᬦᬶᬂᬢᬲᬶᬓ᭄᭞ᬢᭀᬬᬦ᭄ᬲᬸᬫ᭄ᬩᬸᬃᬧᬥᬫᬸᬜ᭄ᬘᬃ᭟ᬫᬳᭀᬬᬕᬦ᭄ᬲᬓ᭄ᬱᬢ᭄ᬓᬓᭀᬘᭀᬓ᭄ᬓᬧᬦ᭄ᬢᬶᬂ᭞ᬭᬓ᭄ᬳ᭄ᬬᬢ᭄ᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᭂᬫᬲᬶᬦ᭄ᬫᬢᬶ᭞ᬓᬦᬶᬦ᭄ᬓᬦᬶᬦ᭄
ᬳ᭄ᬮᬸᬂᬭᬳᬢ᭄᭟ᬤᬸᬄᬓᬢᬸᬯᭀᬦ᭄‌ᬧᬫᬶᬥᬡ᭄ᬤᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬦᬾᬳᬧᬳᬧᬦᬵ᭞ᬲᬓᬶᬢᬦ᭄‌ᬢ᭄ᬓᬾᬦᬶᬂᬫᬢᬶ᭞ᬓᭂᬩᬸᬲᬦ᭄‌ᬢ᭄ᬓᬾᬦ᭄ᬫᬮᬩ᭄ᬮᬩ᭄᭟ᬢᭀᬂᬫᭂᬤᬬᬭᬢᬸᬢᬶᬢ᭄ᬬᬂᬩ᭄ᬬᬳᬚ
ᬦᬶ᭞ᬤᬾᬦᬾᬧᬦᬤ᭄ᬬᬜ᭞ᬓᬢᬸᬗ᭄ᬓᬸᬮ᭄ᬩᬜᬫᬗᬸᬗ᭄ᬲᬶ᭞ᬉᬫᬄᬭᬸᬩᬸᬄᬫᬕ᭄ᬮᬢᬸᬭᬦ᭄᭟ᬲᬬᬦ᭄ᬧᭂᬢᭂᬂᬫᭂᬢᭂᬗᬂᬓ᭄ᬦᭂᬳᬾᬧᬮᬶᬂ᭞ᬲ᭄ᬤᬶᬄᬫᬲᬫ᭄ᬩᬢᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄ᬫᬶᬲ᭄ᬓᬶᬦ᭄᭞ᬧᭂ [ 19 ][᭑᭘ 18B]
᭑᭘᭞
ᬢᭂᬂᬮ᭄ᬫᬄᬫᬓ᭄ᬦᭂᬳᬦ᭄᭟ᬩᭂᬗᭀᬂᬩᭂᬗᭀᬂᬧᬮ᭄ᬬᬢᬾᬫᬋᬧ᭄ᬓᬗᬶᬦ᭄᭞ᬳᬶᬗᭂᬢ᭄ᬫᬧᭂᬗᭂᬦᬦ᭄᭞ᬲᬭᬸᬯᬂᬫᬗᬯᬾᬕᭂᬦ᭄ᬤᬶᬂ᭞ᬢᬶᬢ᭄ᬬᬂᬳᬶᬓᬢᬸᬦᬦ᭄ᬫᬦᬄ᭟ᬤᬸᬄᬳᬫ᭄ᬧᬸᬭᬳᬶᬤᬮᬶᬤ᭄ᬭᬫᬵ
ᬫ᭄ᬩᭂᬓ᭄ᬲᬸᬕᬶᬄ᭞ᬩᬲ᭄ᬓᬮᬶᬯᬢ᭄ᬧᭀᬗᬄ᭞ᬳᬶᬢᬫ᭄ᬩᭂᬢ᭄ᬫᬳᬩᭂᬢ᭄ᬭᬶᬭᬶᬄ᭞ᬢ᭄ᬯᬭᬓᬦᬯᬂᬧᬚᬕᬢᬦ᭄᭟ᬲᬓᬶᬂᬚᬢᬶᬢᬦ᭄ᬳᬸᬦᬶᬂᬭᬶᬂᬧᬸᬧᬸᬄᬕᭂᬦ᭄ᬤᬶᬂ᭞ᬰᬲ᭄ᬢ᭄ᬭᬢᬸᬦᬧᬘᬂ᭞ᬲᬲᬃᬲᬾᬲᬾᬃᬲᬸᬲᬸᬂᬲᬶᬲᬶᬂ᭞ᬢᬦ᭄ᬲᬗ᭄ᬓ
ᬦᬶᬂᬓᬯᬶᬧ᭄ᬭᬚ᭄ᬜᬦ᭄᭟ᬳᬗ᭄ᬳᬶᬂᬕᬢᬸᬳᬗ᭄ᬕᬾᬧᬜᬮᬶᬫᬸᬃᬲ᭄ᬤᬶᬄ᭞ᬳᬗ᭄ᬕᬾᬦ᭄ᬫᬦᬸᬗ᭄ᬓᬸᬮᬂᬫᬜᬗ᭄ᬓ᭄ᬭᬶᬫᬂᬳᬦᬓ᭄‌ᬳᬮᬶᬢ᭄᭞ᬲᬫ᭄ᬩᬶᬮ᭄ᬗᬗ᭄ᬕᬸᬃᬓᬧᬸᬘᬸᬗᬦ᭄᭟᭐᭟ᬧᬸᬧᬸᬄᬧᬸᬘᬸᬂ᭚ᬳᬤᬢᬸᬢᬸᬃᬲᬤᬸᬓ᭄ᬕᬸ
ᬤᬸᬗᬾᬫᬍᬢᬸᬲ᭄᭞ᬮᬶᬬᬸᬓᬮᬶᬗ᭄ᬰᭂᬦᬦ᭄᭞ᬭᬓ᭄ᬬᬢᬾᬤᬶᬚᬕᬢ᭄ᬩᬮᬶ᭞ᬪᬣᬵᬭᬳ᭄ᬬᬸᬦ᭄‌‌ᬢᬸᬫᬸᬭᬸᬦ᭄ᬳᬶᬤᬫᬗ᭄ᬮᬂᬮᬂ᭟ᬓᬵᬮᬦᬸᬚᬸᬭᬓ᭄ᬬᬢ᭄ᬫᬚᬮᬦ᭄ᬭᬶᬂᬳ᭄ᬦᬸ᭞ᬫᬫᬗ᭄ᬕᬶᬄᬪᬝᬵᬭ᭞ᬓᬶᬦᬸᬘᬧ᭄
[ ᭑᭙ 19A]
ᬳ᭄ᬬᬗᬶᬂᬢᭀᬓ᭄ᬮᬗ᭄ᬓᬶᬃ᭞ᬮ᭄ᬯᬶᬃᬓᬯᬶᬦᬸᬦ᭄᭞ᬯᬃᬡ᭄ᬦᬦ᭄ᬳᬶᬤᬦᬾᬗᬍᬫᬄ᭟ᬓᭀᬘᬧ᭄ᬳᬲᬸᬂᬪᬝᬵᬳᬭᬗᬦ᭄ᬤᬶᬓᬳᬭᬸᬫ᭄᭞ᬫᬃᬫ᭄ᬫᬭᬳᬗᬸᬘᬧ᭄᭞ᬳᭂᬩᭀᬦ᭄ᬤᬶᬦᬶᬫᬗᬤᬾᬦᬶᬦ᭄᭞ᬭᬭᬶᬲ᭄ᬫᬢᬹᬃ᭞ᬳᬶᬭ
ᬓ᭄ᬬᬢ᭄‌ᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭟ᬳᬫ᭄ᬧᬸᬭᬵᬕᬸᬂᬢᬶᬢ᭄ᬬᬂᬫᬵᬢᬸᬃᬭᬶᬂᬳᬶᬭᬢᬸ᭞ᬯᬦ᭄ᬢᬄᬩᬧᬦ᭄ᬢᬶᬢ᭄ᬬᬂ᭞ᬲᬦᬾᬫᬘᭂᬓᬶᬦ᭄ᬳᬶᬭᬶᬓᬶ᭞ᬭᬭᬶᬲᬰ᭄ᬭᬸᬄ᭞ᬪᬝᬵᬭᬫᬶᬘᬬᬂᬲᬸᬭᬵᬢ᭄᭟ᬫᬗ᭄ᬤᬵ
ᬓᬵᬢᬸᬃᬓᬶᬦᬸᬘᬧᬶᬂᬲᬸᬭᬵᬢᬶᬓᬸ᭞ᬲᬚᬶᬲᬵᬃᬯ᭄ᬯᬲᭀᬮᬲ᭄᭞ᬫᬫᭂᬦ᭄ᬤᬦ᭄ᬳ᭄ᬬᬗᬶᬂᬢᭀᬓ᭄ᬮᬗ᭄ᬓᬶᬃ᭞ᬧᬘᬂᬓᬵᬢᬸᬃ᭞ᬧᭂᬓᭂᬍᬫ᭄ᬢᭂᬗᬳᬶᬂᬮᬸᬯᬄ᭟ᬓᬧᬶᬢᬸᬤᬸᬄᬭᬶᬂᬭᬓ᭄ᬬᬢ᭄ᬫᬢᬸᬮᬓᬦ᭄ᬫᬦ᭄ᬢᬸᬓ᭄᭞ᬫ
ᬗ᭄ᬤᬫᬢᬫ᭄ᬧ᭄ᬬᬂ᭞ᬲᬸᬭᬵᬢᬾᬭᬶᬂᬓ᭄ᬮᬶᬬᬦ᭄ᬜᬭᬶᬓ᭄᭞ᬲᬵᬫᬵᬧᬸᬦ᭄ᬭᬯᬸᬄ᭞ᬳᬶᬭᬓ᭄ᬬᬢ᭄ᬭᬶᬂᬚᬸᬫᬦ᭄ᬳᬸᬫᬄ᭟ᬢᬸᬃᬓᬕᬦ᭄ᬢᬸᬂᬲᬸᬭᬢᬾᬭᬶᬂᬲᭀᬭᬶᬂᬢᬭᬸᬩ᭄᭞ᬢᬦ᭄ᬤᬸᬫᬥᬾᬳᬶᬘ᭄ᬮ᭄᭞ᬳᬶᬭᬓ᭄ᬬᬢ᭄ᬳ [ 20 ][ ᭑᭙ 19B]
ᬓᬸᬢᬸᬲ᭄ᬯᭂᬗᬶ᭞ᬫᬗᬶᬭᬶᬂᬳ᭄ᬬᬸᬦ᭄᭞ᬧᬮᬸᬗ᭄ᬕᬸᬄᬳ᭄ᬬᬗᬶᬂᬳᬘ᭄ᬙᬮ᭟ᬲᬵᬫ᭄ᬧᬸᬦ᭄ᬢᬸᬢᬸᬕ᭄‌ᬮᬸᬗᬦᬾᬳᬓᬸᬢᬸᬲ᭄ᬤᬮᬸ᭞ᬢᬦ᭄ᬤᬸᬫᬤᬾᬧ᭄ᬭᬧ᭄ᬢ᭞ᬳᬶᬭᬓ᭄ᬬᬢ᭄ᬫᬗᭀᬚᭀᬕ᭄ᬫᬸᬮᬶᬄ᭞ᬧᬥᬳᬶᬚᬸ᭞ᬲᬓᬸᬮᬯᬃᬕ᭄ᬕ
ᬫᬜᬕ᭄ᬚᬕ᭄᭟ᬫᬩᬭᬶᬬᬸᬓ᭄ᬢᬸᬫᬓᭀᬦᬶᬂᬲᬂᬩᬸᬭᬯᬸᬄ᭞ᬤᭀᬦᬶᬂᬧᭀᬮᬶᬄᬮᬸᬗ᭄ᬳᬵ᭞ᬓᬕᬸᬦᬸᬂᬳᬕᬸᬂᬫᬗᬶᬭᬶᬂ᭞ᬢᬸᬃᬫᬫᬸᬦ᭄ᬤᬸᬢ᭄᭞ᬪᬝᬵᬭᬭᬗᬃᬱᬬᬂᬧᭂᬦ᭄ᬡ᭄ᬤᬓ᭄᭟ᬭᬭᬶᬲ᭄ᬜᬸᬚᬸᬃᬓᬧᬸᬲᭂᬄᬳᬶᬤ
ᬓᬲᬸᬂᬲᬸᬂ᭞ᬗᬢᬸᬭᬂᬧᬫᭂᬡ᭄ᬥᬓ᭄᭞ᬲᬚᬶᬲᬚᬶᬲᬦᬾᬍᬯᬶᬄ᭞ᬲᬃᬯ᭄ᬯᬧᬶᬢᬸ᭞ᬧᬶᬓᬼᬫ᭄ᬭᬶᬂᬤᬦᬸᬳᬜᬃ᭟ᬚ᭄ᬭᭀᬫᬗ᭄ᬓᬸᬧᬗᭂᬫ᭄ᬧᬸᬦ᭄ᬳ᭄ᬬᬂᬕᬸᬦᬸᬂᬳᬕᬸᬂ᭞ᬓᬵᬗ᭄ᬕᬾᬓᬲ᭄ᬦᭂᬗᬦ᭄᭞ᬫᬸᬗ᭄ᬕᬄᬢᭂᬤᬸᬦ᭄ᬭᬶᬂᬢᭀᬓ᭄ᬮᬗ᭄ᬓᬶᬃ
ᬭᬫᬾᬫᬸᬳᬸᬕ᭄‌ᬭᬓ᭄ᬳ᭄ᬬᬢᬾᬗᬢᬸᬭᬂᬲᬶᬦ᭄ᬯᬫ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭚ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬂ᭞ᬓᬧᬶᬲᬺᬂᬫᬦᬗᬸᬦ᭄ᬕᬸᬭᬶᬢ᭄᭞ᬢᬦ᭄ᬳᬸᬦᬶᬂᬭᬶᬂᬭᬕᬢᬫ᭄ᬩᭂᬢ᭄᭞ᬭᬗ᭄ᬓᬸᬂᬳᬚᬸᬫᬾ
[ ᭒᭐ 20A]
ᬢᬦ᭄ᬓᬶᬤᬶᬓ᭄᭞ᬗᬶᬦᬩᬂᬤᬾᬯᬾᬓ᭄ᬓᬯᬶ᭞ᬢ᭄ᬯᬭᬦᬯᬂᬢᬢᬵᬳᬸᬦ᭄ᬤᬸᬓ᭄᭞ᬓᬮᬶᬗ᭄ᬓᬾᬫᬶᬂᬓᬮᬶᬳᬂᬕᬸᬭᬸᬮᬕᬸᬢ᭄ᬯᬭᬳᬸᬦᬶᬂ᭞ᬩᬲ᭄ᬓᬤᬸᬭᬸᬲ᭄᭞ᬫᬕᬫ᭄ᬕᬫ᭄ᬫᬗᬤᬸᬧᭀᬗᬄ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ
᭞ᬜᬫᬩ᭄ᬭᬬᬮᬦᬂᬳᬶᬲ᭄ᬢ᭄ᬭᬶ᭞ᬳᬶᬮᬢ᭄ᬤᬸᬳᬸᬃᬫᬗ᭄ᬤᬲ᭄ᬯᬾᬘ᭄ᬙ᭞ᬯᬶᬪᬸᬄᬢᬶᬯᬲ᭄ᬳᬕᬸᬂᬳᬮᬶᬢ᭄᭞ᬢᬶᬢ᭄ᬬᬳᬶᬩᭂᬮᭀᬕ᭄ᬚᬢᬶ᭞ᬫᭀᬫᭀᬳᬗ᭄ᬓᬭᬦᬾᬭᬗ᭄ᬓᬸᬂ᭞ᬢ᭄ᬯᬶᬢ᭄ᬯᬭᬫᬢᬶᬍᬲᬂ᭞ᬫᭂᬗ᭄ᬓᭀᬓ᭄‌ᬤᭀ
ᬦ᭄ᬤᭀᬦ᭄ᬢᬶᬤᭀᬂᬕᬶᬕᬶᬲ᭄᭞ᬳᬯᬓ᭄ᬮᬘᬸᬃ᭞ᬫᬗᭂᬫ᭄ᬧᬶᬦᭀᬗᭀᬲ᭄ᬤᬶᬚᬮᬦ᭄᭟ᬢᬸᬫᬸᬢ᭄ᬭᬶᬂᬲᬂᬦᭀᬃᬫ᭄ᬫᬓᬬᬂ᭞ᬢᬶᬢ᭄ᬬᬂᬳᬶᬓᬢᬸᬦᬦ᭄ᬩᬸᬤ᭄ᬤᬶ᭞ᬧᬮᬶᬂᬚ᭄ᬬᬾᬱ᭄ᬝᬓᬭᬯᭀᬲᬂ᭞ᬲᬸᬧᬢ᭄ᬭᬧᬸᬢ᭄ᬭᬕᬬᬢ᭄ᬭᬶ᭞ᬢᬦ᭄ᬳ
ᬦᬂᬳᬦ᭄ᬢᭂᬦ᭄ᬫᬮᬶᬄ᭞ᬲᬵᬚ᭄ᬜᬦ᭄ᬕᬸᬭᬸᬦ᭄ᬢᬶᬢ᭄ᬬᬂᬢᬸᬳᬸ᭞ᬲᬂᬩᬶᬲᬧᬲᬸᬃᬯᬦ᭄᭞ᬳᬶᬩᬸᬦᬾᬲᬂᬤᭂᬳᬾᬂᬳᬭᬶ᭞ᬧᬮᬶᬂᬚᬶᬱ᭄ᬡᬸ᭞ᬧᬸᬱ᭄ᬧᬶᬢᬦᬾᬓᬭᬶᬧ᭄ᬢᬬᬂ᭟ᬫᬦ᭄ᬢᬸᬓ᭄ᬲᬓᬶᬂᬧᬗᬸᬗ᭄ᬲ᭄ᬬᬦ᭄᭞ᬗᬾᬃᬰᬡ᭄ᬬᬳ [ 21 ][ ᭒᭐ 20B]
ᬮᭀᬦ᭄ᬫᬫᬃᬕ᭄ᬕᬶ᭞ᬘᬸᬫᬸᬡ᭄ᬥᬸᬓ᭄ᬭᬶᬂᬓᬯᬶᬧ᭄ᬭᬵᬧ᭄ᬢ᭞ᬳᬗᬹᬃᬤ᭄ᬤᬫᬦᬸᬗ᭄ᬕᬂᬉᬓᬶᬃ᭞ᬳᬦᬧᭀᬡ᭄ᬤᭀᬓ᭄ᬲᬯᬶᬚᬶ᭞ᬧᬰ᭄ᬭᬫᬦ᭄ᬢᭂᬕᭂᬄᬫᬗᬸᬗ᭄ᬕᬸᬮ᭄᭞ᬗᬶᬭᬶᬂᬲᬂᬭᬫᬭᬾᬡ᭞ᬮᬶᬬᬸᬧᬋᬓᬦ᭄ᬮᬸᬄᬫ᭄ᬯ
ᬦᬶ᭞ᬲᬫᬶᬳᬦᬹᬢ᭄‌ᬗᬃᬬ᭄ᬬᬦᬶᬦ᭄ᬧᬗᬸᬧᬚᬶᬯ᭄ᬯ᭟ᬳᬶᬭᬢᬸᬲᬂᬓᬬ᭄ᬬᬢ᭄ᬫᬶᬓᬦ᭄᭞ᬧᬲᬸᬓ᭄ᬯᭂᬢᬸᬤᬳᬢᬼᬯᬶᬄ᭞ᬲᬓᬶᬂᬧ᭄ᬭᬣᬶᬯᬶᬳᬓᬰ᭞ᬧᬭᬕᬬᬦ᭄ᬲᬗ᭄ᬳ᭄ᬬᬂᬮᬶᬘᬶᬦ᭄᭞ᬗᬫᭂᬮᬂᬧᬢᬶᬉᬭᬶ
ᬧ᭄᭞ᬢᬸᬢᬶᬧᬕᭂᬄᬧᬸᬕᬸᬄᬫᬗᭂᬫ᭄ᬧᬸ᭞ᬭᬢᬹᬳᬂᬓᬦᬶᬱ᭄ᬓᬮᬦ᭄᭞ᬢᬦ᭄ᬢᬄᬫᬢᬸᬗ᭄ᬕᬮᬦ᭄ᬫᬮᬶᬄ᭞ᬯᬵᬳ᭄ᬬᬭᬢᬸ᭞ᬲᬓᬵᬤᬸᬓᬵᬢ᭄ᬯᬭᬩ᭄ᬮᬲ᭄᭟ᬭᬢᬸᬲᬂᬯᬶᬫ᭄ᬩᬦᬶᬂᬯᬸᬮᬦ᭄᭞ᬓᬤᬶᬤ᭄ᬬᬸᬦ᭄ᬫᬾ
ᬲᬶᬢᭀᬬᬦᬶᬂ᭞ᬚᬢᬶᬓᬢᭀᬦ᭄ᬫᬾᬲᬶᬯᬸᬮᬦ᭄᭞ᬳᬶᬭᬢᬸᬓᬜ᭄ᬘᬦᬾᬲᬫᬶ᭞ᬭᬶᬂᬲᬃᬯ᭄ᬯᬦᬶᬂᬫᬳᬸᬃᬧ᭄᭞ᬓᬮᬶᬄᬭᬶᬂᬲᬂᬗᬫᭀᬂᬢᬸᬢᬸᬃ᭞ᬳᬶᬭᬢᬸᬓᬮᬶᬗ᭄ᬕᬬᬂ᭞ᬜᬩ᭄ᬭᬦ᭄ᬤᬶᬦᬵᬭᬳᬶᬦᬵᬯᭂᬗᬶ᭞
[ ᭒᭑ 21A]
ᬢ᭄ᬯᬄᬳᬶᬭᬢᬸ᭞ᬲᬓᬶᬂᬳ᭄ᬬᬸᬦ᭄ᬫ᭄ᬭᬕᬜᬓᬮ᭟ᬧᬶᬦᬗ᭄ᬕᬸᬄᬲᬓᬤᬶᬮᬯᬢ᭄᭞ᬢᭀᬂᬲᬶᬤ᭄ᬤᬩᬳᬦ᭄ᬢ᭄ᬭᬯᭀᬲᬶᬦ᭄᭞ᬓᬳᬶᬤᭂᬧ᭄ᬳᬶᬓᬦᬂᬮᬯᬢ᭄᭞ᬢᬦ᭄ᬳᬦᬫᬸᬗ᭄ᬕᬸᬄᬭᬶᬂᬩᬸᬥ᭄ᬳᬶ᭞ᬓᬯᬶᬯᭂᬦᬂᬮᬯ
ᬢᬾᬫᬮᬶᬄ᭞ᬢ᭄ᬯᬶᬢᬦ᭄ᬓᬕᬫ᭄ᬮᬦ᭄ᬭᬢᬸ᭞ᬲᬂᬮ᭄ᬯᬶᬳᬶᬂᬧᬭᬫᬵᬃᬣ᭞ᬢᬦ᭄ᬢᬄᬚᬢᬶᬦᬶᬂᬓᬶᬦ᭄ᬮᬶᬃ᭞ᬫ᭄ᬭᬕᬢᬸᬤᬸᬄ᭞ᬰᬶᬯᬵᬓᬰᬶᬯᬶᬭᬶᬂᬲᬭᬵᬢ᭄᭟ᬳᬤᬸᬄᬭᬢᬸᬭᬢᬸᬦ᭄ᬢᬶᬢ᭄ᬬᬂ᭞ᬳᬶᬭᬢᬸᬮᬮᬶᬢᬦ᭄ᬮᬮᬶ᭞ᬲ᭄ᬯᬾ
ᬘ᭄ᬙᬢᬦ᭄ᬲ᭄ᬯᬾᬘ᭄ᬙᬵᬳᬶᬤᬾᬯ᭄ᬯ᭞ᬭᬶᬂᬚᬕᬢᬾᬓᬤᬶᬫᬗ᭄ᬓᬶᬦ᭄᭞ᬢᬶᬗ᭄ᬕᬢ᭄‌ᬤ᭄ᬯᬳᬫ᭄ᬮᬦᬵᬕᬭᬶᬭᬯᬸᬄᬓᬢᬶᬗ᭄ᬓᬢ᭄‌ᬤ᭄ᬯᬓᬮᬸᬗ᭄ᬓᬸᬂ᭞ᬓᭀᬢᬦᬾᬓᬮᬳᬭᬦ᭄᭞ᬓᬢᬶᬩᬾᬦᬦ᭄ᬕᬸᬦ᭄ᬢᬸᬃᬲᬢᬶ᭞ᬕᬾᬦᬄᬲᬗᬸ
ᬢᭂᬕᬮ᭄ᬘᬭᬶᬓ᭄ᬓᬳᬸᬭᬸᬕᬦ᭄᭟ᬓᬶᬦᬸᬘᬧ᭄‌ᬕ᭄ᬭᬶᬬᬧᬰ᭄ᬭᬫᬦ᭄᭞ᬭᬶᬂᬚᬸᬗᬸᬢᬦ᭄ᬕᬸᬦᬸᬂᬳᬰ᭄ᬭᬶ᭞ᬚᬢᬶᬕᬸᬦᬸᬂᬓᬭᬯᭀᬲᬂ᭞ᬳᬮᬲ᭄ᬚᬸᬭᬂᬫᬗᬶᬍᬳᬶᬦ᭄᭞ᬲᬃᬯ᭄ᬯᬧᬸᬣ᭄ᬧᬗᬺᬦ᭄ᬢᭂᬩᬶᬦ᭄᭞ᬓᬳᬸᬗ᭄ᬓᬸᬮᬦ᭄ᬚ [ 22 ][ ᭒᭑ 21B]
ᬭᬸᬳᬕᬸᬂ᭞ᬯᬾᬢ᭄ᬦᬶᬂᬧᬰᬸᬘ᭄ᬬᬦ᭄᭞ᬧ᭄ᬭᬦᬸᬫ᭄ᬧᬮᬦ᭄ᬲᬂᬢᬧᬮ᭄ᬯᬶᬄ᭞ᬦᭂᬥᭂᬂᬓᬸᬮᬸ᭞ᬧᬰ᭄ᬭᬫᬦᬾᬓᬂᬮᬳᬭᬦ᭄᭟ᬦᬸᬚᬸᬢᬗ᭄ᬕᬮ᭄ᬧᬶᬂᬮᬶᬫᭀᬮᬲ᭄᭞ᬪᬝᬵᬭᬪᬝᬵᬭᬶᬫᬶᬚᬶᬮ᭄᭞ᬢᭂᬤᬸᬦ᭄ᬭᬶᬂᬯ
ᬮ᭄ᬬᬵᬕᬸᬂᬧᬲᬃ᭞ᬭᬶᬂᬧᬗ᭄ᬕᬸᬂᬳᬶᬤᬫᬮᬶᬗ᭄ᬕᬶᬄ᭞ᬗᬯᬶᬢ᭄ᬮᬳᬭᬾᬫᬮᬶᬄ᭞ᬢᬦ᭄ᬲᬫᬦᬶᬂᬓᬤᬶᬤᬗᬹ᭞ᬯᬶᬩᬸᬄᬓᬤᬶᬲᬵᬕᬭ᭞ᬫᬓᬸᬓᬸᬲ᭄‌ᬮ᭄ᬯᬶᬃᬫᬦᬧᬸᬢᬶᬦ᭄᭞ᬓ᭄ᬭᬸᬕ᭄ᬕᬭᬸᬤᬸᬄ᭞ᬲᬳᬵᬫᬤᬸᬮᬸ
ᬭᬶᬦ᭄ᬓᬶᬮᬧ᭄᭟ᬳᬸᬤᬦ᭄ᬩᬍᬲ᭄ᬫᬲᬋᬗᬦ᭄᭞ᬓᬶᬮᬧ᭄ᬢᬝᬶᬢᬾᬜᬦ᭄ᬤᭂᬭᬶᬦ᭄᭞ᬳᬦ᭄ᬢᬶᬓ᭄ᬢᭂᬫ᭄ᬩᬫᬗᬦ᭄ᬢᭂᬦᬂ᭞ᬮᬳᬭᬾᬢᬶᬩᬸᬄᬢᬦ᭄ᬲᬶᬧᬶ᭞ᬯᬢᭂᬓ᭄ᬢᬧᬦᬾᬳᬚ᭄ᬭᬶᬄ᭞ᬧᬸᬢ᭄ᬭᬧᬸᬢ᭄ᬭᬶᬧᬥᬢᬸ
ᬫᬸᬢ᭄᭞ᬧᬭᬓᬶᬮ᭄ᬬᬭᬦ᭄ᬢᬩᬦ᭄᭞ᬫᬜᬸᬲᬸᬧ᭄ᬓᬯᬦᬕᬶᬭᬶ᭞ᬲᬫᬶᬜᬸᬚᬸᬃ᭞ᬗᬸᬗ᭄ᬰᬶᬧᬸᬘᬓᬶᬂᬳᬦᬵᬮ᭟ᬯᬾᬦ᭄ᬢᭂᬦ᭄ᬩᬸᬓᬶᬢ᭄ᬓᬳᬶᬦᬸᬘᬧ᭄᭞ᬕᬸᬦᬸᬂᬧᬰ᭄ᬘᬶᬫᬰᬧᬶᬸᬚᬶᬸᬯᬶᬤᬶᬥᬶ᭞ᬫᬯᬵᬱ᭄ᬝᬭᬶᬂ
[ ᭒᭒ 22A]
ᬢᭂᬕᬮ᭄ᬚᬶᬫ᭄ᬩᬃ᭞ᬓᬳᬸᬗ᭄ᬰᬶᬳᬦ᭄ᬢᬸᬓ᭄ᬲᬂᬋᬱᬶ᭞ᬧᬸᬢ᭄ᬭᬧᬸᬢ᭄ᬭᬶᬫᬗᬶᬭᬶᬂ᭞ᬫᬶᬯᬄᬧᬋᬓᬦ᭄ᬫᬤᬸᬮᬸᬃ᭞ᬓᬸᬫ᭄ᬧᬸᬮ᭄ᬭᬶᬂᬧᬲᬦᬓᬦ᭄᭞ᬩᬩᬯᭀᬲᬦᬾᬢᬦ᭄ᬫᬭᬶ᭞ᬳᬗᭂᬦ᭄ᬓᬬᬸᬦ᭄᭞ᬭᬶᬂᬚᬕᬢᬾᬓᬲᬗ᭄ᬰᬭ
ᬦ᭄᭟ᬦᬗᬶᬂᬯᬾᬦ᭄ᬢᭂᬦ᭄ᬜᬮᬶᬫᬸᬭᬂ᭞ᬢᬶᬗ᭄ᬓᬳᬾᬭᬶᬂᬯᬦᬕᬶᬭᬶ᭞ᬓᬢᭀᬦ᭄ᬕᬸᬦᬸᬗᬾᬫᬚᬚᬃ᭞ᬢᭂᬕᭂᬄᬗᬸᬗᬂᬫᬗ᭄ᬭᬸᬦ᭄ᬭᬸᬦᬶᬦ᭄᭞ᬯᬢᭂᬓ᭄ᬢᬧᬗᭂᬦᬳᬶᬦ᭄᭞ᬫᬲ᭄ᬯᬂᬲᬕᬸᬩᬸᬕ᭄‌ᬕᬸᬩᬸᬕ᭄᭞ᬮᬾᬃᬲᬓᬶᬂᬢᭂ
ᬕᬮ᭄ᬚᬶᬫ᭄ᬩᬃ᭞ᬲ᭄ᬮᬢ᭄ᬧᬕᭂᬭᬦ᭄ᬲᬲᬶᬓᬶ᭞ᬢᬫᬦ᭄ᬳᬕᬸᬂ᭞ᬧᬲᬾᬗᬦᬾᬓᬳᬸᬘᬧᬂ᭟ᬢᬢᬫᬦᬦ᭄ᬲᬓᬶᬂᬮᬯᬲ᭄᭞ᬭᬶᬂᬚ᭄ᬭᭀᬦᬶᬂᬳᬮᬲᬾᬲᬶᬗᬶᬢ᭄᭞ᬋᬫ᭄ᬋᬫ᭄ᬢᬦ᭄ᬓᬢᭀᬦ᭄ᬧᬰ᭄ᬭᬫᬦ᭄᭞ᬢᬭᬸᬳᬕᬸᬂᬫ
ᬗᬺᬦ᭄ᬢᭂᬩᬶᬦ᭄᭞ᬯᬾᬦ᭄ᬢᭂᬦ᭄ᬢᬶᬗ᭄ᬕᬃᬓᬳᬓ᭄ᬱᬶ᭞ᬭᬶᬂᬕᬸᬦᬸᬂᬳᬬᬸᬤᬯᬸᬯᬸᬲ᭄᭞ᬗᬸᬗ᭄ᬓᬸᬮᬶᬦ᭄ᬧᬲᬯᬳᬦ᭄᭞ᬮᬶᬗ᭄ᬕᬶᬄᬳᬶᬤᬲᬂᬢᬧᬾᬦᬶ᭞ᬲᬫᬶᬗ᭄ᬯᬗᬸᬦ᭄᭞ᬧᬧᭀᬦ᭄ᬤᭀᬓᬦ᭄ᬭᬶᬂᬳᬘᬮ᭟ᬯᬾᬦ᭄ᬢᭂ [ 23 ][ ᭒᭒ 22B]
ᬦ᭄‌ᬧᬢᬧᬦ᭄ᬫᬗᭂᬦᬄ᭞ᬭᬶᬂᬢᭂᬧᬶᬦ᭄ᬤᬦᬸᬦᬾᬗᬶᬗ᭄ᬕᬶᬮ᭄᭞ᬓᬶᬦᬸᬘᬧᬶᬂᬩᬸᬓᬶᬢ᭄ᬳᬲᬄ᭞ᬧᬰ᭄ᬭᬫᬦᬾᬲᬸᬳᬸᬂᬲ᭄ᬧᬶ᭞ᬧᬮᬶᬗ᭄ᬕᬶᬄᬲᬂᬤᬶᬓᬶᬮᬶ᭞ᬢᬫ᭄ᬧᭂᬓᬶᬂᬯᬾᬲᬸᬘᬶᬳᬭᬹᬫ᭄᭞ᬕᭂᬦᬄᬧᬢᬶᬃᬣᬬᬢ᭄ᬭ
ᬦ᭄᭞ᬯᬢᭂᬓ᭄ᬧᬡ᭄ᬥᬶᬢ᭄ᬣᬦᬾᬲᬫᬶ᭞ᬓᬵᬮᬦᬸᬚᬸᬭᬳᬷᬦᬵᬦ᭄ᬢᬶᬍᬫ᭄ᬧᬹᬃᬡ᭄ᬦᬫ᭟ᬳᬦᬸᬢ᭄‌ᬓ᭄ᬭᬰ᭄ᬫ᭄ᬬᬦᬶᬂᬗᬘᬵᬮ᭞ᬳᬶᬫᬦᬸᬓ᭄‌ᬕ᭄ᬭᬕᬢ᭄ᬳᬗᬸᬘᬶ᭞ᬳᬶᬓᬸᬮᬂᬓᬮᬶᬂᬳᬕ᭄ᬮᬃ᭞ᬳᬶᬢᬬᬳᬲᬶᬄᬫ
ᬢᬂ᭞ᬫᬲᭂᬧᬸᬓ᭄ᬕᬡ᭄ᬥᬫ᭄ᬭᬶᬓ᭄ᬫᬶᬗᬶᬂ᭞ᬲᬂᬓᬾᬢᬓᬶᬦ᭄ᬤᭂᬓᭂᬫ᭄ᬩᬂ᭞ᬲᬯᬂᬓᬤᬶᬫᬶᬢᬸᬚᬸᬯᬶᬦ᭄᭞ᬳᬦᬕᬸᬦᬸᬂᬓᬳᬓ᭄ᬱᬶ᭞ᬭᬶᬓᬶᬤᬸᬮ᭄ᬧᬕᭂᬃᬓᬯᬸᬯᬸᬲ᭄ᬫ᭄ᬚᭀᬄᬲᬯᬢ᭄ᬫᬘᬶᬗᬓᬦ᭄᭞ᬭᬶᬭᬶᬕᬦ᭄ᬩᬸᬓᬶᬢ᭄ᬧ
[ ᭒᭓ 23A]
ᬥᬮᬶᬢ᭄᭞ᬫᬸᬮᬓᬦ᭄ᬢᬸᬦ᭄‌ᬯᬯᭂᬗ᭄ᬓᭀᬦ᭄ᬤᬾᬰᬲᬶᬩᭂᬢᬦ᭄᭟ᬓᭀᬘᬧ᭄‌ᬯᬾᬦ᭄ᬢᭂᬦ᭄ᬲᬂᬧᬢᬧᬦ᭄᭞ᬳᬶᬤᬲᬂᬧᬡ᭄ᬥᬶᬢᬍᬯᬶᬄ᭞ᬩᬳᬸᬫᬭᬬᬸᬱᬦ᭄ᬳᬶᬤ᭞ᬚᬚᬓᬳᬓ᭄ᬯᬫᬧᭂᬓᬶᬓ᭄᭞ᬯᬃᬡ᭄ᬦ
ᬭᬭᬯᬾᬗ᭄ᬭᬯᬶᬢ᭄᭞ᬫᬶᬯᬄᬕᬭᬦᬾᬫᬤᬸᬮᬸᬃ᭞ᬯᬂᬲᬸᬢᬵᬧᬜ᭄ᬘᬳᬾᬓᬵ᭞ᬳᬮᬶᬢ᭄ᬤᬸᬮᬸᬃᬮᬦᬂᬳᬶᬲ᭄ᬢ᭄ᬭᬶ᭞ᬫᬗᬭᬶᬬᬸᬓ᭄᭞ᬧᬫᬃᬕ᭄ᬕᬶᬦᬾᬫᬲᬸᬲᬸᬧᬦ᭄᭟ᬫᬗᬶᬤᬸᬮ᭄ᬲᬓᬶᬂᬚᬸᬗᬸᬢᬦ᭄᭞ᬳᬗᬸᬗ᭄ᬰᬶᬩᬸ
ᬓᬶᬢ᭄ᬧᬦᭂᬧᬶ᭞ᬭᬶᬂᬓᬶᬤᬸᬮ᭄‌‌ᬧᬕᭂᬃᬓᬶᬦᬸᬘᬧ᭄᭞ᬳᬶᬭᬶᬓᬳᬶᬤᬗᬰ᭄ᬭᬫᬶ᭞ᬧᬢᬧᬦ᭄‌‌ᬰᬹᬦ᭄ᬬᬚᬢᬶ᭞ᬢᬦᬹᬢ᭄ᬭᬶᬂᬳᬕ᭄ᬭᬦᬶᬂᬕᬸᬦᬸᬂ᭞ᬳᬦᬩᬮᬾᬲᬦᬸᬗ᭄ᬕᬮ᭄᭞ᬓᬧᬲᬾᬗᬶᬦ᭄ᬩᬳᬾᬘᭂᬦᬶᬓ᭄᭞ᬕᭂᬦᬄ
ᬮᬸᬗ᭄ᬕᬸᬄ᭞ᬓᬵᬮᬳᬶᬤᬵᬗᬶᬤᭂᬂᬬ᭄ᬬᬦ᭟ᬲᬶᬦᬦ᭄ᬤᬶᬂᬯᬾᬫᬧᬜ᭄ᬘᭀᬭᬦ᭄᭞ᬧᬩᬺᬲᬶᬳᬦ᭄ᬰᬸᬘᬶᬳ᭄ᬦᬶᬂ᭞ᬭᬶᬦᬸᬩᬸᬗᬦ᭄‌ᬤᬾᬦᬶᬂᬲᬶᬦ᭄ᬯᬫ᭄᭞ᬓᬳᬶᬍᬳᬶᬦ᭄ᬲᬃᬯ᭄ᬯᬲᬭᬷ᭞ᬬᬮᬯᬶᬚᬫᬜᬦ᭄ᬤᬶᬂ᭞ᬓᬮᬯ [ 24 ][ ᭒᭓ 23B]
ᬦ᭄ᬲᬂᬤᬾᬯᬵᬦ᭄ᬤᬭᬸ᭞ᬮᬾᬤᬂᬲᬂᬬᬚᬫᬦ᭞ᬗᬸᬢ᭄ᬧᬢᬶᬫᬺᬮᬶᬡᬲᬳᬶ᭞ᬤᬸᬧᬵᬳᬭᬹᬫ᭄᭞ᬲᬸᬮᬸᬄᬳᬶᬤᬵᬤᬾᬂᬧᬢᬧᬦ᭄᭟ᬧᬕᭂᬄᬕᬸᬧᬸᬄᬫᬲᬫᬬ᭄ᬬ᭞ᬗᬃᬘ᭄ᬙᬡᬳᬶᬤᬳ᭄ᬬᬂᬯᬶᬥᬶ᭞
ᬲᬓᬶᬂᬳᬚ᭄ᬜᬡᬦᬶᬂᬫ᭄ᬫᬮᬵ᭞ᬫᬦᭂᬫ᭄ᬯᬂᬓᬬᬸᬦᬾᬍᬯᬶᬄ᭞ᬗᬲ᭄ᬢᬶᬣᬶᬳᬶᬤᬳ᭄ᬬᬂᬯᬶᬥᬶ᭞ᬢᬶᬦ᭄ᬮ᭄ᬬᬦ᭄ᬳᬶᬤᬳ᭄ᬬᬂᬫᬳᬸᬮᬸᬦ᭄᭞ᬲᬤᬶᬦᬵᬓᬵᬲ᭄ᬢᬸᬗ᭄ᬓᬭ᭞ᬢᬸᬦᬲᬶᬦ᭄ᬭᬳᬶᬦᬯ᭄ᬗᬶ᭞ᬚᬢᬶᬢᬸᬢᬸᬃ᭞ᬭᬶᬂᬲᬂᬧᬸᬢᬸ
ᬲᬶᬂᬳᬚ᭄ᬜᬡ᭟᭐᭟ᬧᬸᬧᬸᬄᬤᬹᬃᬫ᭄ᬫ᭚ᬳᬬ᭄ᬯᬫᬭᬸᬫᬶᬳᬾᬂᬩᬸᬓ᭄ᬢᬶᬳᬬ᭄ᬯᬕᬶᬮᬵ᭞ᬧᬫ᭄ᬬᬓ᭄ᬢᬾᬂᬘᬫ᭄ᬧᬹᬃᬰᬸᬘᬶ᭞ᬲᬫ᭄ᬧ᭄ᬬᬵᬚ᭄ᬜᬡᬲᬹᬓ᭄ᬱ᭄ᬫ᭞ᬦᬶᬂᬲᬢ᭄ᬯᬓᬪ᭄ᬬᬸᬤᬬᬦ᭄᭞ᬭᬶᬂᬰᬶᬯᬵᬲᬸᬤ᭄ᬤᬵ
ᬰ᭄ᬭᬷᬤᬦ᭄ᬢᬷ᭞ᬧᬥᬦᬶᬧᬸᬦᬵ᭞ᬫᬭᬶᬂᬧᬗᬶᬥᭂᬧᬾᬍᬯᬶᬄ᭟ᬳᬧᬦ᭄ᬢᬦ᭄‌ᬭ᭄ᬯᬳᬶᬲᬗ᭄ᬳ᭄ᬬᬂᬲᬤ᭄ᬬᬵᬢ᭄ᬓᬺᬢ᭄ᬢ᭄ᬬ᭞ᬲᬦᬾᬕᬶᬦᬸᬄᬬᬂᬳᬺᬤ᭄ᬤᬶ᭞ᬬᬳᬶᬢ᭄ᬭ᭄ᬬᬵᬓ᭄ᬱᬭ᭞ᬫᬢ᭄ᬫᬳᬦ᭄ᬑᬗ᭄ᬓᬭ᭞ᬢ᭄ᬭᬶ
[ ᭒᭔ 24A]
ᬓᭀᬦᬵᬫᬢᭂᬫᬄᬳ᭄ᬭᬶᬄ᭞ᬧᬫ᭄ᬭᬕᬦ᭄ᬢᬶᬢᬄ᭞ᬧᬗ᭄ᬕᬸᬄᬭᬶᬂᬓᭂᬘᬧ᭄ᬳᬚᬶ᭟᭐᭟ᬧᬸᬧᬸᬄᬲ᭄ᬓᬃ᭚ᬦᬶᬳᬦ᭄ᬯᬾᬓᬵᬤ᭄ᬯᬶᬳᬓ᭄ᬱᬭ᭞ᬳᬤ᭄ᬯᬬᬳᬶᬓᬂᬲᬯᬶᬚᬶ᭞ᬓᬮᬯᬦ᭄ᬳᬤ᭄ᬯᬚ᭄ᬜᬡ᭞ᬯᬶᬲᬵᬃᬕ᭄ᬕᬮ
ᬯᬦ᭄‌‌ᬦᬸᬗ᭄ᬰ᭄ᬯᬭᬷ᭞ᬧᬲᬸᬓ᭄ᬦ᭄ᬬᬳᬦᬾᬂᬳᬺᬤ᭄ᬤᬶ᭞ᬫᬢ᭄ᬫᬄᬲᬹᬃᬬ᭄ᬬᬲᬶᬢᬗ᭄ᬰᬸ᭞ᬓᭀᬫ᭄ᬩᬓᬮᬦ᭄‌‌ᬭᬾᬘᬓᬶ᭞ᬗᬼᬩᬹᬃᬖ᭄ᬦᬶᬫᬮᬵᬢ᭄ᬭᬬᬶ᭞ᬤᬤᬶᬕᭂᬫ᭄ᬧᬸᬂᬢ᭄ᬮᬲᬶᬂᬲᬸᬩᬤᬶᬦᬕ᭄ᬤ᭄ᬬ᭟ᬭ᭄ᬯᬪᬶᬦᬾᬥᬢᬦ᭄ᬧ
ᬰᬲ᭄ᬢ᭄ᬭ᭞ᬭᬶᬂᬢᬸᬜ᭄ᬚᬸᬂᬫᬲᬵᬭᬷᬫᬡᬶᬓ᭄᭞ᬭᬶᬂᬘᬓ᭄ᬭᬰᬹᬦ᭄ᬬᬫᬕᭂᬦᬄ᭞ᬭᬶᬂᬧᬢᬶᬫᬄᬳᬶᬤᬫᬮᬶᬗ᭄ᬕᬶᬄ᭞ᬫᬕᬦ᭄ᬢᬸᬂᬢᬦ᭄ᬧᬢᬮᬶ᭞ᬗᬯᬂᬳᬯᬂᬲᬚ᭄ᬭᭀᬦᬶᬂᬲᬸᬯᬸᬂ᭞ᬢᬫ᭄ᬧᬓᬶᬂᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭞
ᬫ᭄ᬯᬂᬲᬕᬵᬭᬭᬢᬦ᭄ᬧᬢ᭄ᬧᬶ᭞ᬳᬮᬶᬢ᭄ᬳᬕᬸᬂ᭞ᬫᬶᬯᬄᬓᬗ᭄ᬓᬸᬂᬳᬸᬮᬸᬄᬩᬸᬂᬩᬂ᭟ᬫ᭄ᬯᬄᬭᬶᬂᬤᬾᬢ᭄ᬭᬤ᭄ᬯᬶᬫᬮᬯᬢ᭄᭞ᬓᬢᭀᬦ᭄ᬭᭀᬭᭀᬭᬭᬾᬘᬶᬮᬶ᭞ᬲᬶᬗ᭄ᬕᬸᬄᬭᬯᬢ᭄ᬤᬸᬤᬸᬮᬯᬢ᭄᭞ᬲᭂᬗ᭄ᬕᬸᬄᬚᬢᬶᬤᬸ [ 25 ][ ᭒᭔ 24B]
᭒᭔᭞
ᬤᬸᬚᬢᬶ᭞ᬮᬯᬢ᭄ᬢᬾᬚᬳ᭄ᬦᬶᬂᬚᬢᬶ᭞ᬧᬓᬸᬭᬦᬂᬢᭂᬦᬂᬫᬸᬭᬸᬩ᭄᭞ᬢᬶᬲ᭄ᬦᬶᬂᬚᬯᬢ᭄ᬯᬶᬲᬦᬸᬗ᭄ᬕᬮ᭄᭞ᬭᬵᬫᬭᬾᬡᬦᬾᬢ᭄ᬭᬓᬮᬶᬄ᭞ᬮᬦᬂᬯᬬᬸᬭᬭᬾᬕᬸᬡᬫ᭄ᬧᬸᬰᬶᬯ᭄ᬯᬕᬸᬡ᭞ᬭᬶᬂᬲ᭄ᬮᬦᬶᬂᬮᬮ
ᬝᬵᬫᬦᬸᬗ᭄ᬕᬮ᭄᭞ᬭᬶᬂᬚᬩᬚ᭄ᬭᭀᬓᭂᬤ᭄ᬓᬳᬢᬶ᭞ᬭᬶᬂᬧᬧᬸᬲᬸᬯᬦ᭄ᬢ᭄ᬯᬶᬫᬕᭂᬦᬄ᭞ᬭᬶᬢᬵᬢ᭄ᬓᬵᬮᬲᬶᬋᬧ᭄‌ᬚᬢᬶ᭞ᬗᬯᬶᬦ᭄ᬤᬸᬤᬤᬶᬲᬯᬶᬚᬶ᭞ᬳᬶᬩᬧᬲᬚ᭄ᬭᭀᬦᬶᬂᬳᬶᬩᬸᬭᬓᭂᬢ᭄ᬫᬓᭀᬍᬫ᭄‌ᬳᬶᬭᬶ
ᬓᬵ᭞ᬫᬗ᭄ᬓᬶᬦ᭄ᬢᭂᬤᬸᬦ᭄ᬲᬗ᭄ᬳ᭄ᬬᬂᬮᬶᬘᬶᬦ᭄᭞ᬜᬤ᭄ᬬᬵᬗᭂᬫ᭄ᬧᬸ᭞ᬧᬸᬓᬸᬳᬶᬂᬚᬶᬳ᭄ᬯᬫᬕᭂᬦᬄ᭟ᬇᬭᬶᬓᬵᬳᬶᬤᬫᬗ᭄ᬮᬂᬮᬂ᭞ᬫᬦᬶᬓ᭄ᬳᬶᬤᬲᬓᬶᬂᬚᬢᬶ᭞ᬲᬮᬫᬶᬦᬾᬓᬦ᭄ᬢᬸᬦ᭄ᬲᬶᬋᬧ᭄᭞ᬫᬓᭂᬫᬶᬢ᭄ᬚᬦ᭄ᬢᭀᬲ᭄ᬫᬢᬶᬗ᭄ᬳᬶ᭞
ᬭᬭᬶᬲ᭄ᬫᬸᬗ᭄ᬕᬳᬦ᭄ᬓᬮᬸᬳᬸᬃ᭞ᬭᬶᬂᬳᬸᬦ᭄ᬢᭂᬓ᭄ᬳᬶᬤᬫᬕ᭄ᬦᬄ᭞ᬫ᭄ᬭᬕᬵᬫᬺᬢ᭄ᬢᬲᬜ᭄ᬚᬶᬯᬦᬶ᭞ᬫ᭄ᬭᬕᬳᬚᬸᬃ᭞ᬗᬫᬺᬢ᭄ᬢᬦᬶᬦ᭄ᬭᬵᬕᬰᬭᬷᬭ᭟ᬧᬤ᭄ᬫᬳᬺᬤ᭄ᬤᬬᬦᬾᬫ᭄ᬓᬃ᭞ᬩ᭄ᬮᬄᬯᬶᬡ᭄ᬤᬸᬦᬾᬤᬤᭀᬲ᭄ᬓᬮᬶᬄ᭞ᬫᬗᬸ
[ ᭒᭕ 25A]
ᬗ᭄ᬰᬶᬮᬶᬗ᭄ᬕᬶᬳᬾᬲ᭄ᬯᬄ᭞ᬭᬵᬫᬭᬾᬡᬭᬶᬂᬤᬾᬢ᭄ᬭᬓᬮᬶᬄ᭞ᬳᬶᬭᬶᬓᬵᬳᬶᬤᬫᬗᬓ᭄ᬱᬶ᭞ᬫᬗ᭄ᬭᬱᬬᬂᬳᬮᬳᬬᬸ᭞ᬫᬯᬱ᭄ᬝᬩ᭄ᬮᬯᬵᬦ᭄‌ᬚ᭄ᬭᭀ᭞ᬬᬓᬶᬦᭂᬫᬶᬢ᭄‌ᬦᬶᬢ᭄ᬬᬵᬗᭂᬫᬶᬢ᭄᭞ᬢᬧᬶᬩᬜᬸ
ᬭᬓᭂᬢ᭄ᬮᬯᬵᬦ᭄ᬧ᭄ᬭᬡᬫᬦᬸᬗ᭄ᬳᬮ᭄᭟ᬓᬤᬶᬓ᭄ᬭᬶᬲ᭄ᬫᬜ᭄ᬚᬶᬂᬳᬭᬸᬗ᭄ᬓ᭞ᬧᬲᬸᬓ᭄ᬯᭂᬢᬸᬤᬳᬢ᭄ᬮᭂᬯᬶᬄ᭞ᬲᬓᬶᬂᬬᭀᬕᬧ᭄ᬭᬡᬬᬫ᭞ᬦ᭄ᬤᬢᬸᬢ᭄ᬧ᭄ᬭᬡᬲᬭᬷᬦ᭄ᬳᬸᬭᬶᬧ᭄᭞ᬳᬗᬾᬩᭂᬓ᭄ᬭᬶᬂᬚᬕᬢ᭄ᬲᬫᬶ᭞ᬲᬭᬷᬦ᭄ᬳᬳᬄ
ᬢᬾᬚᬩᬵᬬᬸ᭞ᬲᬭᬶᬦ᭄ᬧ᭄ᬭᬣᬶᬯᬶᬳᬓᬰ᭞ᬓᬶᬦᬸᬘᬧ᭄ᬳᬦᬾᬂᬪᬸᬄᬳᬶᬓᬶ᭞ᬓ᭄ᬭᬱᬳᬶᬤᬸᬧ᭄᭞ᬤᬤᬶᬭᬭᬾᬚ᭄ᬭᭀᬦᬶᬂᬯᭂᬢᭂᬂ᭟᭐᭟ᬢᬫ᭄ᬧᬸᬭᬵᬭᬶᬂᬳᬶᬤᬤᬦᬾ᭞ᬲᬂᬳᭂᬃᬱᬾᬂᬫᬫᬯᭀ
ᬲᬶᬦ᭄᭞ᬕᬸᬦᬸᬂᬫᬼᬢᬸᬲ᭄᭞ᬯᭂᬢᬸᬮᬭᬦᬶᬂᬳᬶᬥᭂᬧ᭄᭞ᬧᬦᬸᬗ᭄ᬓᬸᬮᬦ᭄ᬫᬦᬄᬓᬲᬗ᭄ᬰᬭᬦ᭄᭟ᬲᬓᬶᬂᬓᬭᬂᬓᬯᬶᬧ᭄ᬭᬧ᭄ᬢ᭟ᬕᬸᬦᬸᬂᬢᭀᬓ᭄ᬮᬗ᭄ᬓᬶᬃᬫᬍᬢᬸᬲ᭄᭟ᬧᬸᬦᬶᬓᬶᬕᬕᬸᬭᬶᬢᬦ᭄‌‌ᬕᬸᬦᬸᬂᬳᬕᬸᬂᬫᬼᬢᬸ [ 26 ][ ᭒᭕ 25B]
᭒᭕᭞
ᬲ᭄᭞ᬧᬯᬗᬸᬦ᭄ᬧᬤᬡ᭄ᬤᬳᬶᬲ᭄ᬢ᭄ᬭᬶᬳᭀᬓᬵ᭞ᬭᬶᬂᬕ᭄ᬭᬶᬬᬚᬸᬗᬸᬢᬦ᭄᭞ᬲᬶᬩᭂᬢᬦ᭄᭟ᬫᬮᬶᬄᬓᬧ᭄ᬬᬦᬓᬶᬦ᭄‌ᬳᭀᬮᬶᬄᬳᬶᬤᬩᬕᬸᬲ᭄ᬓᭂᬢᬸᬢ᭄ᬭᬳᬶ᭞ᬕ᭄ᬭᬶᬬᬚᬸᬗᬸᬢᬦ᭄‌ᬤᬾᬰᬩᬸᬗ᭄ᬳᬬ᭞
ᬓᬘᬫᬢᬦ᭄‌‌ᬩᬩᬦ᭄ᬤᭂᬫ᭄᭞ᬳᬫ᭄ᬮᬧᬹᬭ᭞ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬭᬳᬶᬦᬵ᭞ᬘᭀ᭞ᬉ᭞ᬯᬭ᭞ᬯᬢᬸᬕᬸᬦᬸᬂ᭞ᬧᬂ᭞ᬧᬶᬂ᭞ᬑ᭞ᬰᬰᬶᬄ᭞ᬓ᭞᭙᭞ᬇᬰᬓᬵ᭞᭑᭙᭑᭒᭞ᬓ᭄ᬱᬫᬵᬗ᭄ᬯᬂᬳ
ᬮ᭄ᬨᬗᬵᬓ᭄ᬱᬭ᭚᭜᭚